PUMAQ CHURIN (El Hijo del Puma)

¡Pumaq churinmi kani, pachamamaq wachasqan, Willkamayuq ñujñunmi kallpanwan jant'awaran, apukunaq sonqonpin Illapa yachachiwaran… llaqtaypa tupa kayninta teqsemuyunan qaparinaypaq.

Lliuylla pichinkukunan takiqta jorqowaranku, kunkankuta yachaspataq runata kusichirani, waqakuykuna kaqtinmi waqakuni sonqoy junt'a wajchawan kushkanchakuspa, llakiqwan llakipaykuspay.

Aqhamamawan thasnusqan jump'iyta llallipaq kani, kokawan kallpanchasqataq yarqayta atiparani; ranraranranta purispay, kiskakunata p'akispay, auqaq qallunta saruspaytaq llaqtaytaqa unanchani.

¡Pumaq churinmi kani! ¡Ni pipas jark'akuwanmanchu!

Watakunaq yupinkunan mat'iypiqa qelqasqaña; ¿Chaychus wakin ñoqatari yachachiwayta munankuman imayna kausakunayta, jayk'ayna wañukunayta?

Kurkuy wañurapuqtinqa kusin nunay juñuykunqa Inkanchiskunaq nunanwan willkayunkaypa sonqompi; antikunaq samayninwan, q'aqyakunaq raqhaqanwan, kunturkunaq rafranpitaq janan pachaman pfalasaq.

Ichaqa chay qhepatapis kallpayqa wach'irimunqan Peru suyo ayllunchispa t'ikariynin tanqanaypaq, Lliuy auqasonqokunatataq qaqakunawan p'anpasaq Manaña jayk'aqtawanpas muchuriykuna kananpaq.

¡Pumaq chuninki kani! ¡Amapuni pfiñachiwaychischu!

Silluykuna sayarispanku rachiyllapi wishñiq kanku, yawarniytaq t'impun chayqa qalluytaraq sansarichin, juk ch'ulla llaqwayninwantaq wañuytaraq mast'arichin.

¡Pumaq churinmi kani! ¡Pachamamaq wachakusqan! ¡Chaymi ñoqaq sapfiykuna, chaytaq ñoqaq kallpaykuna!

¡Pumaq churinmi kani! ¡Samp'alla munaykukuway! Nispaqa kusisqan chupay, q'ochokuspa waylluysunki.

Khallka, 11, jatun poqoy, 2003. CUSCO- PERÚ.

LUCIO AURELIO ORMACHEA MÉNDEZ (LUÍS YACO ORMACHEA MÉNDEZ)

Natural del Valle Sagrado de los Inkas Poeta, Escritor, documentalista, músico y pintor. Es miembro activo de varias Asociaciones, Sociedades, Academias y grupos literarios. Ha obtenido diversos premios y distinciones

OBRAS EDITADAS:

- CRISTALES DE SUEÑO Y TIERRA – 1996

- EL PENANTE FESTIVO – 2002

- CUENTOS DE KUKUCHIS Vol. I – 2004

- CUENTOS DE KUKUCHIS Vol. II – 2009

- CUENTOS DE KUKUCHIS Vol. III – 2012

-

-

Documental: LARES: INELUDIBLE DESTINO TURÍSTICO DEL PERÚ – 2014

Documental: EL CRISTO DE LOS ANDES –20bros de poesía, narrativa y crónica