FAMILIA-HARREMANAK ETA HAURTZAROA

Haurrek eskubidea dute beren garapen fisiko, mental, moral, espiritual eta sozialerako aukerak eta babesa jasotzeko, betiere, modu osasungarrian, askatasunez eta duintasunez.

Pobrezia egoeran haztea, prestakuntza-prozesuak garatzeko zailtasunak izatea, ziurgabetasunaren ondoriozko estresa bizitzea, enplegua galtzea, familian gatazka larriak izatea, etxebizitza galtzea… horren guztiaren ondorioz, haur eta gazteek etorkizunean pobrezia, babesgabetasuna eta bazterkeria jasateko aukera asko dituzte. Pobrezia gurasoetatik seme-alabetara pasatzen da.

1.018 pertsonak jaso dute bide-laguntza (%63 ♀)

281 familiak seme-alaben hezkuntzarekin lotutako gaiei buruzko taldeko 75 prestakuntza-saioetako batzuetan parte hartzen dute. (%83 ♀)

488 haurrek jaso dute heziketa eta gizarte arloko laguntza (%52 ♀)

86 pertsonek etengabe parte hartzen dute 9 hilabete dirauen familia-hezkuntzako programan, gurasotasun onaren garapenarekin lotutako jakintzak, trebetasunak eta jokabideak eskuratzeko edota sendotzeko. (%100 ♀)

135 adingabek parte hartzen dute hiri-udalekuetan. (%55 ♀)

71 adingabek jaso dute arreta zaintza zerbitzuetan (Txikilekuak), beren gurasoek jardueretan parte hartu ahal izateko. (%62 ♀)

Familia-harremanak eta Haurtzaroa Arloak babesa eta laguntza eskaintzen die haurrak zaindu behar dituzten eta gizarte-zaurgarritasuneko egoeran dauden familiei gaitasun pertsonalak, sozialak, hezkuntzakoak eta afektiboak garatu ahal izan ditzaten.

Esku-hartze ildoak:

• Haurrak. Haurren eta haien familien gaitasun pertsonalak, hezkuntzakoak, sozialak eta familiarrak sustatu nahi ditu, bazterketaren prebentzioaren ikuspegitik

• Gurasoak. Gurasoentzako kontraste- eta prestakuntza-guneak, gurasotrebetasunak, familia barruko komunikazioa eta familia-kudeaketa orokorra hobetzera bideratuak

• Familia-laguntzarako zerbitzuak. Familia-egoera orokorra hobetzen laguntzen dute