Dydd Mawrth 12 Mai 2026
Criced Morgannwg Gerddi Sophia
Gwasanaethau Ymchwil, Arloesi a Menter
Symposiwm Goruchwyliwr Ymchwilwyr Doethurol
Cyrraedd y lleoliad
Criced Morgannwg
Gerddi Sophia
Caerdydd
CF11 9XR
029 2040 9380
info@glamorgancricket.co.uk
Parcio Ceir
Mae’n rhaid cofrestru ymlaen llaw ar sail y cyntaf i’r felin ac ychydig iawn o leoedd sydd ar gael.
Sut i gyrraedd Criced Morgannwg Gerddi Sophia
Cerdded
Y ffordd fwyaf poblogaidd a dymunol o gyrraedd Gerddi
Sophia o Orsaf Caerdydd Canolog yw ar droed. Mae hi’n
daith gerdded hamddenol 15 munud o hyd ac mae rhan
olaf y daith yn mynd â chi ar hyd glannau Afon Taf trwy
Barc Bute a thiroedd Castell Caerdydd.
Seiclo
Ffordd boblogaidd o deithio i’r Stadiwm yw ar feic ac rydym
yn y lleoliad delfrydol i wneud hynny h.y. ar hyd Llwybr Taf sy’n
rhedeg o Fae Caerdydd i Aberhonddu. Mae gan y Stadiwm
fwy na 30 o leoedd parcio beiciau o dan stondin Altodigital. Defnyddiwch www.cymraeg.traveline.cymru i gael cymorth gyda chynllunio eich taith.
Trên
Yr orsaf drenau agosaf yw Gorsaf Caerdydd Canolog. Mae tua 15-20 munud ar droed i’r stadiwm o’r orsaf. Y llwybr mwyaf poblogaidd yw taith gerdded hardd ar hyd glannau
Afon Taf trwy Barc Bute. Gweler Ymholiadau National Rail am amseroedd trenau.
Cyrraedd y lleoliad
Bws
Mae gwasanaethau bysiau Caerdydd yn rhedeg yn rheolaidd rhwng Gorsaf Caerdydd Canolog a Heol y Gadeirlan (ger Gerddi Sophia, Caerdydd).
Mae’r llwybrau sy’n mynd trwy Heol y Gadeirlan yn cynnwys:
Gwasanaeth Cylchol Rhif 25 i Heol y Gogledd ac Ystum Taf.
Gwasanaeth Rhif 62 i Landaf, Danescourt, Pentrebane, Y Tyllgoed a Threganna.
Gwasanaeth Rhif 63 Ffordd Berllan, Gorsaf Caerdydd Canolog, Radur i Landaf.
Os ydych chi’n bwriadu teithio ar fws, defnyddiwch www.cardiffbus.com i gael rhagor o wybodaeth.
O’r Campws (Cyncoed a Llandaf) O Landaf
Mae trafnidiaeth gyhoeddus yn darparu cysylltiad uniongyrchol ac aml rhwng y brifysgol a’r maes criced.
• Gwasanaethau Bysiau: Mae’r llwybr mwyaf cyffredin yn golygu cymryd bws (fel rhif 24, 25, neu 63) o arosfannau Rhodfa’r Gorllewin neu Met Caerdydd, sydd fel arfer yn cymryd tua 15–20 munud.
• Cerdded i ddal Trafnidiaeth: Yn dibynnu ar y gwasanaeth bws penodol, efallai y bydd gennych daith gerdded fer o’r campws i’r ffordd fawr a thaith gerdded arall o 5 munud o ardal Heol y Gadeirlan i fynedfa’r stadiwm.
Os ydych chi’n gyrru neu’n mynd mewn tacsi, mae’r llwybr yn syml iawn.
• Llwybr Uniongyrchol: Mae gyrru fel arfer yn cymryd tua 10 munud ar hyd yr A4119 (Heol y Gadeirlan) neu drwy
Bontcanna, pellter o oddeutu 1.8 milltir.
O Gyncoed
Mae’r daith ar drafnidiaeth gyhoeddus fel arfer yn cymryd tua 45–50 munud ac fel arfer mae angen newid neu gerdded trwy ganol y ddinas.
• Llwybrau Bysiau: Mae’r rhan fwyaf o deithiau’n golygu mynd ar fws fel y gwasanaeth rhif 52 o Gyncoed i ganol y ddinas (Heol y Tollty neu Heol y Porth).
• Y Cymal Olaf: O ganol y ddinas, gallwch naill ai gerdded am 15 munud trwy Barc Bute i gyrraedd y stadiwm neu ddal bws cyswllt (fel rhif 25, 62, neu 63) tuag at Heol y Gadeirlan.
Mae gyrru neu fynd mewn tacsi yn llawer cyflymach, gan gymryd tua 20 munud fel arfer, yn dibynnu ar draffig.
• Prif Lwybr: Y llwybr mwyaf uniongyrchol fel arfer yw ar hyd yr A48 (Rhodfa’r Gorllewin) neu drwy fynd i’r de trwy’r Rhath a chanol y ddinas. Mae’r daith tua 6 milltir.
Amserlen y Symposiwm Goruchwylwyr
4ydd Symposiwm Goruchwylwyr Ymchwilwyr Doethurol Prifysgol Metropolitan Caerdydd
Stadiwm SWALEC, Dydd Mawrth 12 Mai
09:30 - 10:00 Cofrestru/Croeso a Choffi
10:00 - 10:10
10:10 - 11:00
Anerchiad Croeso
Yr Athro Rhodri Lloyd
Prif Siaradwr
Yr Athro Brendan Cropley-Datblygu a chynnal lles goruchwylwyr
11:00 - 11:30 Pontio ac Egwyl Coffi
Goruchwylio Staff sy’n gwneud Doethuriaethau
11:30 - 12:15
Ymgorffori Cydraddoldeb, Amrywiaeth a Chynhwysiant o fewn Ymchwil Doethurol
(Dr Marianne Gittoes a Dr Lowri Mainwaring)
12:15 - 13:15
13:15 - 14:00
(Cyfarfod bord gron gyda goruchwylwyr a graddedigion diweddar)
Prof Rich Neil, Dr Lucy Kember, Dr Stuart Scott, Dr Anna Bryant a Prof Claire Haven-Tang
Egwyl am Ginio
Defnydd cyfrifol o AI mewn
Ymchwil Doethurol
(Dr Ana Calderon & Dr Simon Thorne)
Aelod o bob adran Gwasanaethau Ymchwil, Arloesi a Menter (RIES) - bwrdd wedi’i osod ar gyfer cwestiynau
Goruchwylio Ymchwilwyr Doethurol niwroamrywiol
(Dr Catherine Tryfona a Dr Kate Attfield)
14:00 - 14:15
14:15 - 14:45
14:45 – 15:00
Sut i wneud Grwpiau Ymchwil yn ystyrlon i Ymchwilwyr Doethurol
(Yr Athro Diane Crone a Dr Kate North)
Pontio ac Egwyl Coffi
Gwobrau Goruchwylwyr
Denu Cyllid Ymchwil ac Arloesi fel Goruchwyliwr Doethuriaeth: Adeiladu Prosiectau, Timau a Chyfleoedd (Chloe Hexter and Zoe King)
Yr Athro Sheldon Hanton, Dirprwy Is-Ganghellor Ymchwil, Arloesi a Menter
Sylwadau i Gloi
Yr Athro Sheldon Hanton, Dirprwy Is-Ganghellor Ymchwil, Arloesi a Menter
Croeso
YR ATHRO SHELDON HANTON
DIRPRWY IS-GANGHELLOR
YMCHWIL AC ARLOESI
Mae hyrwyddo diwylliant ymchwil ôl-raddedig bywiog, cynhwysol ac o effaith uchel yn dibynnu’n sylfaenol ar ansawdd goruchwyliaeth doethuriaeth. Felly mae’n fraint cyflwyno Symposiwm Goruchwylwyr Ymchwilwyr
Doethurol eleni, sy’n dwyn ynghyd ein cymuned o oruchwylwyr profiadol a rhai sy’n dod i’r amlwg i fyfyrio, rhannu arfer, a llunio dyfodol goruchwylio doethuriaeth ym Mhrifysgol Metropolitan Caerdydd.
Ar adeg pan mae’r dirwedd ymchwil yn esblygu’n gyflym, wedi’i yrru gan ryngddisgyblaetholdeb, her gymdeithasol, a’r angen i arloesi, rhaid i’n dull o oruchwylio doethuriaeth barhau i addasu. Mae’r symposiwm hwn yn darparu fforwm pwysig i archwilio sut y gallwn gefnogi ein Hymchwilwyr Doethurol orau i ffynnu: yn ddeallusol, yn broffesiynol ac yn bersonol. Mae hefyd yn gyfle i gadarnhau ein hymrwymiad ar y cyd i ddatblygu goruchwylwyr, sy’n cael ei adlewyrchu yn ein canlyniadau rhagorol yn ein Harolwg Profiad Ymchwil Ôl-raddedig (PRES) ers 2020.
Mae rhaglen eleni wedi’i chynllunio’n fwriadol i annog deialog ar draws disgyblaethau, tynnu sylw at fodelau effeithiol o oruchwyliaeth, ac ymgysylltu â themâu allweddol sy’n ymwneud â goruchwyliaeth doethuriaeth. Bydd y pynciau a drafodir eleni yn cynnwys y defnydd cyfrifol o ddeallusrwydd artiffisial, goruchwylio ymgeiswyr niwroamrywiol, ymgorffori cydraddoldeb,
amrywiaeth a chynhwysiant, rôl grwpiau ymchwil, goruchwylio staff sy’n gwneud doethuriaethau, a denu cyllid Ymchwil ac Arloesi fel goruchwyliwr Doethuriaeth. Rwyf hefyd wrth fy modd yn croesawu ein cyn-gydweithiwr, yr Athro Brendan Cropley, i draddodi’r araith agoriadol ar bwnc datblygu a chynnal lles goruchwylwyr. Drwy dynnu ar arbenigedd mewnol a safbwyntiau sector ehangach, ein nod yw meithrin diwylliant o welliant parhaus mewn arferion goruchwylio.
Rwy’n annog pob cyfranogwr i ymgysylltu’n agored, rhannu mewnwelediadau’n hael, ac ystyried sut y gall y trafodaethau a’r cysylltiadau a ffurfiwyd yma lywio eich teithiau goruchwylio eich hun. Nid yn ein hallbynnau yn unig y mae cryfder ein hamgylchedd ymchwil, ond yn y bobl a’r perthnasoedd sy’n ei gynnal. Bydd gwobrau blynyddol y goruchwylwyr hefyd yn gyfle i ddathlu rhai o’n cydweithwyr rhagorol ac rwy’n edrych ymlaen at gyhoeddi enillwyr eleni.
Hoffwn ddiolch i’r tîm Astudiaethau Graddedig am drefnu digwyddiad heddiw ac i’r holl gyfranwyr am roi o’u hamser yn hael a rhannu eu harbenigedd. Edrychaf ymlaen at y sgyrsiau a’r canlyniadau gwerthfawr caiff eu cynhyrchu.
Croeso
YR ATHRO RHODRI LLOYD
ARWEINYDD ASTUDIAETHAU GRADDEDIG
Y BRIFYSGOL
Ar ôl seibiant y llynedd, mae’n wych eich croesawu chi i gyd i bedwerydd Symposiwm
Goruchwylwyr Ymchwilwyr Doethurol Met
Caerdydd. Rydym mewn lleoliad newydd eleni a gobeithiwn eich bod wedi eich plesio gan leoliad Stadiwm SWALEC.
Fel bob amser, mae’r digwyddiad hwn yn ceisio dod â staff o bob rhan o’r Brifysgol ynghyd i rannu arfer da, ehangu ein rhwydweithiau a dathlu rhagoriaeth yn y maes goruchwylio. Edrychwn ymlaen at gydnabod unigolion gyda’r Gwobrau Goruchwylio Ymchwil Doethurol blynyddol yn ddiweddarach yn y dydd, a hoffwn estyn fy llongyfarchiadau i’n henillwyr.
Yn ysbryd y drefn o “dywedoch chi, gwrandawon ni”, rydym wedi cyflwyno rhai newidiadau eleni yn seiliedig ar eich adborth o’r symposiwm blaenorol, gan gynnwys: symud yn ôl i leoliad oddi ar y safle, byrhau’r diwrnod, symud y digwyddiad i adeg gynharach yn yr wythnos, yn ogystal â sicrhau bod cynrychiolwyr RIES wrth law i ateb eich cwestiynau.
Mae digwyddiadau fel heddiw yn dibynnu ar ansawdd y siaradwyr, ac rydym unwaith eto wedi llwyddo i sicrhau rhestr ragorol o gyflwynwyr gyda chynrychiolaeth o bob ysgol ar draws Met Caerdydd a RIES. Mae’n bleser gennyf hefyd groesawu’r Athro Brendan Cropley yn ôl i’r Brifysgol i draddodi ein prif anerchiad agoriadol. Rwy’n diolch o galon i’n holl siaradwyr am roi o’u
hamser a bod yn barod i rannu eu dealltwriaeth werthfawr gyda’r cynrychiolwyr. Gwnewch bob ymdrech i gyfrannu a rhyngweithio cymaint â phosibl yn ystod eu sesiynau.
Mae’n anochel y byddwn yn gofyn am adborth ar ôl heddiw, fodd bynnag, os oes gan unrhyw un unrhyw syniadau ar gyfer pynciau sesiwn a siaradwyr ar gyfer y flwyddyn nesaf, rydym wedi agor ffurflen ar gyfer cyflwyno cynigion a gallwch ddod o hyd iddi trwy’r cod QR isod.
Hoffwn ddiolch o galon i’r Tîm Astudiaethau Graddedig sydd wedi mynd y tu hwnt i’r disgwyl i helpu i drefnu’r digwyddiad heddiw. Fel tîm, ein nod yw sicrhau bod goruchwylwyr ac Ymchwilwyr Doethurol yn cael y profiad gorau posibl ym Met Caerdydd, a gobeithiwn y bydd heddiw yn werthfawr ac yn werth chweil iddynt.
Yn olaf, diolch i chi i gyd am roi o’ch amser i fod yn bresennol ac am eich ymdrechion diflino wrth oruchwylio ein Hymchwilwyr Doethurol. Er bod Addysg Uwch yn parhau i wynebu rhai heriau, mae ansawdd goruchwyliaeth ymchwil doethurol ar draws Met Caerdydd yn parhau i fod yn ardderchog. Rwy’n gobeithio y byddwch chi’n mwynhau’r diwrnod ac y bydd yn eich ysbrydoli, ac yn rhoi cyfleoedd i chi gysylltu â chydweithwyr newydd a chyfarwydd.
Siaradwyr y Symposiwm
YR ATHRO BRENDAN CROPLEY
(10:10-11:00)
Trosolwg o’r Sesiwn:
Mae goruchwyliaeth ddoethurol yn aml yn cael ei ddathlu fel un o’r agweddau mwyaf gwerth chweil ar rôl academydd, ond mae hefyd yn un o’r rhai mwyaf cymhleth a heriol yn seicolegol. Gall canfod eich ffordd drwy ddeinameg gymhleth y berthynas oruchwyliol, rheoli pwysau sefydliadol, ac arwain ymgeiswyr trwy heriau’r daith PhD effeithio’n sylweddol ar les meddyliol a pherfformiad proffesiynol y goruchwyliwr ei hun. Wedi’i seilio ar ymchwil gymhwysol helaeth mewn hyfforddi perfformiad uchel, lles ymarferwyr, ac effeithiolrwydd ymgynghorwyr, mae’r prif anerchiad hwn yn archwilio gofynion goruchwyliaeth PhD sy’n aml yn cael eu hesgeuluso. Bydd yn archwilio’r croestoriad rhwng ymarfer goruchwylio effeithiol a lles meddyliol, gan ddangos pam y dylai ffyniant goruchwylwyr fod o’r pwys mwyaf i academyddion a Sefydliadau Addysg Uwch. Yn unol â hynny, cyflwynir cyfres o strategaethau sy’n seiliedig ar dystiolaeth ac wedi’u cynllunio i helpu unigolion, timau a sefydliadau i reoli lles meddyliol goruchwylwyr gan wneud y mwyaf o’r effaith personol a phroffesiynol buddiol cysylltiedig. Wrth wneud hynny, bydd y prif anerchiad hwn yn dadlau y dylai rheoli lles meddyliol goruchwyliwr fod yn flaenoriaeth strategol a rennir rhwng yr unigolyn a’r sefydliad gan ei fod y sylfaen hanfodol ar gyfer darparu goruchwyliaeth ddoethurol o ansawdd uchel, gyrfaoedd cynaliadwy, a diwylliant ymchwil llewyrchus.
Mae YR ATHRO BRENDAN CROPLEY
yn Athro Hyfforddi Chwaraeon ym Mhrifysgol De Cymru, lle mae hefyd yn arwain y Grŵp Ymchwil ac Arloesi Chwaraeon ac Ymarfer Corff, a Chanolfan Ymchwil Pêl-droed Cymdeithas Bêl-droed Cymru (CBDC). Mae hefyd yn Arweinydd Hyfforddi Gwyddoniaeth ar gyfer Grŵp Llywio Ymchwil Sefydliad Gwyddor Perfformio Cymru. Mae ei brif ddiddordebau ymchwil yn canolbwyntio ar dwf a pherfformiad ymarferwyr gyda ffocws ar ymarfer myfyriol, lles meddyliol, a ffyniant dynol. Drwy ymrwymo i ymchwil
gymhwysol, effeithiol, mae gwaith Brendan wedi cyfrannu at gymwysterau a safonau, ymarfer cymhwysol, a rhaglenni datblygiad proffesiynol mewn seicoleg chwaraeon a hyfforddi. Mae’r pwyslais cymhwysol hwn yn ymestyn i’w athroniaeth ar gyfer goruchwylio ymchwil ôl-raddedig, sy’n pwysleisio’r datblygiad cyfannol sy’n ofynnol i helpu myfyrwyr i bontio’r bwlch rhwng theori ac ymarfer yn llwyddiannus. Mae Brendan wedi goruchwylio myfyrwyr ymchwil ôl-raddedig ar draws sawl llwybr doethurol, ac mewn meysydd pwnc sy’n cynnwys gwyddorau chwaraeon a disgyblaethau cysylltiedig, er 2011.
Ymgorffori
Cydraddoldeb, Amrywiaeth a Chynhwysiant o fewn Ymchwil
Doethurol
DR MARIANNE
GITTOES
(11:30– 12:15)
Trosolwg o’r Sesiwn:
Bydd ffocws y sesiwn ar wella ymwybyddiaeth o bwysigrwydd cydraddoldeb, amrywiaeth a chynhwysiant o fewn cylch bywyd rhaglen Ymchwilydd Doethurol a’r dulliau o’u hymgorffori.
Mae gan y sesiwn ddau brif amcan: 1. Diweddaru goruchwylwyr ar strategaethau a blaenoriaethau cydraddoldeb, amrywiaeth a chynhwysiant cyfredol ar gyfer ein cymuned ymchwil doethurol (e.e. gan gynnwys y myfyrdodau ynghylch cydraddoldeb, amrywiaeth a chynhwysiant newydd neu Adolygiadau Cynnydd, a gwelliannau ymarfer recriwtio Ymchwilwyr Doethurol; 2. Rhoi cyfle i archwilio a rhannu sut y gall goruchwylwyr fod yn weithgar wrth gyfrannu at adeiladu cymuned ymchwil doethurol deg, amrywiol a chynhwysol trwy eu hymarferion goruchwylio eu hunain.
Mae DR MARIANNE GITTOES yn
Ddarllenydd mewn Marianne Gittoes yn Ddarllenydd mewn Biomecaneg
Chwaraeon ac Ymarfer Corff yn Ysgol
Gwyddorau Chwaraeon ac Iechyd
Caerdydd. Yn ystod ei 20 mlynedd a mwy ym Met Caerdydd, mae hi wedi datblygu hanes blaenorol cryf o oruchwylio Ymchwilwyr Doethurol yn llwyddiannus ac wedi cael profiad eang fel Cadeirydd ac arholwr ar gyfer arholiadau Ymchwilwyr Doethurol, ac fel IPA. Mae hi hefyd wedi bod yn rhan weithredol o’r gwaith o gynllunio a chyflwyno sesiynau sefydlu a hyfforddi ar gyfer Ymchwilwyr Doethurol a Goruchwylwyr y Brifysgol.
Ym mis Ionawr, 2024, cymerodd Marianne rôl Arweinydd Astudiaethau Graddedig ar gyfer Chwaraeon, ac yna yn 2025 daeth yn Arweinydd Astudiaethau Graddedigion ar gyfer Chwaraeon ac Iechyd. Mae hi wedi bod yn aelod gweithgar o Grŵp Graddau Ymchwil y Brifysgol ers dros 10 mlynedd. Cyn ymgymryd â rôl Arweinydd Astudiaethau Graddedig, bu Marianne yn cadeirio grŵp Chwaraeon Athena SWAN. Mae ei phrofiad yn y rôl hon a’i hymrwymiad hirdymor i gefnogi ein cymuned o Ymchwilwyr Doethurol yn sail i’r agwedd sydd ganddi at fonitro a gwella cynrychiolaeth sydd wedi’i ysgogi gan werthoedd ar draws ein cymuned o Ymchwilwyr Doethurol.
Mae DR LOWRI MAINWARING yn Ddirprwy Ddeon Dros Dro yn Ysgol Chwaraeon a Gwyddorau Iechyd Caerdydd ym Mhrifysgol Metropolitan Caerdydd ac mae’n wyddonydd biofeddygol wedi’i chofrestru gyda Chyngor y Proffesiynau Iechyd a Gofal. Gyda thros ddegawd o brofiad mewn addysg uwch, mae ei gwaith yn rhychwantu arweinyddiaeth mewn dysgu, addysgu a phrofiad myfyrwyr, gyda ffocws cryf ar gwricwla cynhwysol sy’n canolbwyntio ar y myfyriwr.
Er ei bod wedi ennill ei phlwyf o ran arweinyddiaeth academaidd, mae Lowri ar gam cynnar yn ei thaith oruchwylio doethurol, ar ôl dechrau goruchwylio myfyriwr doethurol yn ddiweddar. Mae’n cyfrannu persbectif gwerthfawr ar ddatblygu ymarfer goruchwylio, ynghyd â’i hymgysylltiad gweithredol mewn mentrau Cydraddoldeb, Amrywiaeth a Chynhwysiant ar lefel Ysgol a Phrifysgol, gan gynnwys aelodaeth o Bwyllgor Cydraddoldeb, Amrywiaeth a Chynhwysiant y Brifysgol, Timau Hunanasesu Athena Swan, a Gweithgor y Siarter Cydraddoldeb Hiliol.
Mae ei diddordebau’n canolbwyntio ar ymgorffori Cydraddoldeb, Amrywiaeth a Chynhwysiant o fewn cwricwla, diwylliannau ymchwil, a chefnogi myfyrwyr. Mae hyn yn cynnwys hyrwyddo darpariaeth Gymraeg i wella mynediad cyfartal at addysg gofal iechyd a gwyddoniaeth.
Staff sy’n gwneud
Doethuriaethau (Cyfarfod bord gron gyda goruchwylwyr a graddedigion diweddar)
YR ATHRO RICHARD NEIL, DR STUART SCOTT, DR ANNA BRYANT, DR STEPH MORRIS A’R ATHRO CLAIRE HAVEN-TANG
(11:30 – 12:15)
Trosolwg o’r Sesiwn:
Mae ymgymryd â doethuriaeth wrth fod yn gyflogedig gan y brifysgol yn cynnig cyfleoedd unigryw, ond mae hefyd yn cyflwyno heriau cymhleth, gan gynnwys llywio hunaniaethau deuol, rheoli pwysau llwyth gwaith cystadleuol, a thrafod perthnasoedd goruchwylio â chydweithwyr. Mae’r cyfarfod bord gron yma’n dod â goruchwylwyr profiadol a staff graddedig diweddar at ei gilydd i drafod arferion gorau ar gyfer cefnogi a rheoli’r daith benodol, ddwys hon.
Ymunwch â ni am drafodaeth agored, gydweithredol ar:
• Her y “Rôl Ddeuol”: Cydbwyso cyfrifoldebau proffesiynol ag ymchwil academaidd.
• Dynameg Goruchwylio: Llywio’r newid o gydweithwyr i fentor a’r sawl sy’n cael ei fentora.
• Cymorth Sefydliadol: Sut y gall y brifysgol gefnogi myfyrwyr-staff yn well i gydbwyso llwyth gwaith a lles.
• Mae’r sesiwn hon yn hanfodol ar gyfer myfyrwyr doethurol cyfredol sy’n aelodau o staff, eu goruchwylwyr, ac ymchwilwyr sydd â diddordeb mewn addysgeg ddoethurol a datblygiad proffesiynol.
Themâu Allweddol Dan Sylw:
• Datblygiad proffesiynol ac ymarfer myfyriol.
• Rheoli disgwyliadau, amserlenni, a chydbwysedd rhwng gwaith a bywyd.
• Pontio’r bwlch rhwng cyfrifoldebau staff a gofynion doethurol.
Mae’r ATHRO RICH NEIL yn Bennaeth
Ymchwil ac yn Athro Seicoleg
Perfformiad ym Met Caerdydd. Mae ei ddiddordebau ymchwil ym meysydd gwydnwch, arweinyddiaeth, straen, lles a datblygu perfformiad a sgiliau bywyd.
Mae Rich yn seicolegydd siartredig
Cymdeithas Seicolegol Prydain ac yn seicolegydd chwaraeon cofrestredig
gyda’r Cyngor Proffesiynau Iechyd, gan ddefnyddio gwybodaeth a gasglwyd o’i ymchwil i gefnogi nifer o dimau, hyfforddwyr ac athletwyr perfformiad uchel.
Mae DR STUART SCOTT ym mis Ionawr 2024 cwblhaodd Stuart PhD rhan-amser gan ddatblygu fframwaith strategol ar gyfer lleihau straen sy’n gysylltiedig â gwaith ymhlith penaethiaid yng Nghymru. Ar hyn o bryd mae ymchwil Stuart yn canolbwyntio ar ddatblygu, gweithredu a hyrwyddo strategaethau ac ymyriadau iechyd a lles galwedigaethol cynaliadwy yn y gweithle. Mae gan Stuart ddiddordeb hefyd mewn ymchwilio i lygredd dŵr a’r effeithiau ar ddefnyddwyr dŵr ac mae’n edrych i archwilio’r llwybr ymchwil hwn ymhellach yn y blynyddoedd i ddod.
Mae DR ANNA BRYANT yn Gyfarwyddwr
Addysg Athrawon a Dysgu Proffesiynol (Ymchwil) ac yn Ddarllenydd mewn
Addysg Iechyd Corfforol yn Ysgol
Addysg a Pholisi Cymdeithasol
Caerdydd. Ar ôl cyfnod fel athrawes addysg gorfforol uwchradd, mae Anna wedi gwneud cyfraniad sylweddol ym maes Addysg Gychwynnol i Athrawon ac Addysg Iechyd Corfforol. Mae hi’n cyd-arwain y Grŵp
Ymchwil Addysg Athrawon a Grŵp Ymchwil ac Arloesi
Addysg Iechyd Corfforol ar gyfer Dysgu Gydol Oes, ac mae’n cadeirio Bwrdd Cynghori ar Ymchwil Addysg Gychwynnol i Athrawon Partneriaeth Caerdydd, sy’n cynnwys aelodau o Brifysgol Metropolitan Caerdydd, Prifysgol Caerdydd, a Phrifysgol Rhydychen.
Mae Anna wedi bod yn ymwneud â darparu ymgynghoriaeth academaidd i Lywodraeth Cymru ar Faes Dysgu a Phrofiad Iechyd a Llesiant (MDPh) newydd Cwricwlwm i Gymru ac mae wedi arwain Cwricwlwm i Gymru o ran Archwiliad Dwfn ffurfiannol o Werthuso ar gyfer MDPh Iechyd a Lles. Mae hi wedi goruchwylio saith doethuriaeth sydd wedi’u cwblhau ac ar hyn o bryd mae’n goruchwylio wyth myfyriwr sy’n dilyn rhaglenni PhD neu Ddoethuriaeth Broffesiynol.
Mae DR STEPH MORRIS yn Uwch
Ddarlithydd mewn Cryfder a Chyflyru yn Ysgol Chwaraeon a Gwyddorau Iechyd Caerdydd. Cwblhaodd Steph ei doethuriaeth ym mis Mai 2025, a oedd yn archwilio dylanwad twf a chryfder biolegol a chineteg pŵer ar berfformiad codi pwysau mewn poblogaethau pediatrig. Gwnaeth ei doethuriaeth yn rhan-amser ochr yn ochr â’i rôl ddarlithio, gyda’i gwaith ymchwil wedi’i integreiddio’n agos i’w hymarfer hyfforddi cymhwysol gyda British Weightlifting. Mae Steph wedi’i hachredu gan y Gymdeithas Cryfder a Chyflyru Cenedlaethol (NSCA) (Arbenigwr Cryfder a Chyflyru Ardystiedig) a Chymdeithas Cryfder a Chyflyru y DU ac mae wedi gweithio i droi ei hymchwil yn ymarfer cymhwysol, yn enwedig trwy addysg hyfforddwyr ym maes codi pwysau ieuenctid.
Mae’r ATHRO CLAIRE HAVEN-TANG yn Ddeon Cyswllt (Ymchwil) yn Ysgol Reoli Caerdydd ac yn Athro Datblygu Cyrchfan. Mae Claire wedi goruchwylio 27 gradd ymchwil sydd wedi’u cwblhau, mae wedi arholi 36 o fyfyrwyr gradd ymchwil ac mae wedi cadeirio 63 arholiad llafar. Ar hyn o bryd mae hi’n goruchwylio 8 myfyriwr gradd ymchwil mewn YRC, YGDC a YCHGIC. Mae’r prosiectau ymchwil yn cynnwys: modelau twristiaeth adfywiol ar gyfer datblygu cyrchfannau, cadwyni cyflenwi bwyd mewn busnesau twristiaeth a lletygarwch, gwerthuso digwyddiadau Cynghrair y Pencampwyr UEFA a Ras Fôr Volvo, arfer gorau mewn twristiaeth busnes a digwyddiadau, heriau adnoddau dynol twristiaeth a lletygarwch ac AI mewn busnesau gwasanaeth bwyd.
Doethurol
DR ANA CALDERON A DR SIMON THORNE (11:30
– 12:15)
Trosolwg o’r Sesiwn:
Gall modelau iaith mawr dalfyrru papurau, drafftio testun, a chynnig dadleuon mewn eiliadau—ond gallant hefyd ffugio mynegai cyfeiriol, camddehongli ymchwil, a chyflwyno rhesymu diffygiol gydag awdurdod argyhoeddiadol. O ran ymchwilwyr doethurol sy’n dal i ddatblygu barn ysgolheigaidd, nid mater dibwys yw gwahaniaethu rhwng cymorth defnyddiol a risg epistemig. Mae’r sgwrs hon yn cyflwyno fframwaith strwythuredig ar gyfer defnyddio AI yn gyfrifol mewn ymchwil, gan gategoreiddio rhyngweithiadau ag
AI ar draws pedair lefel o risg. Bydd y ffocws ar sut i hyfforddi ymchwilwyr doethurol i nodi lle mae AI yn ddefnyddiol, lle mae angen bod yn ofalus, a lle mae ei ddefnydd yn dod yn anniogel yn academaidd. Bydd hon hefyd yn sesiwn ryngweithiol gyda chyfleoedd i gydweithwyr gymryd rhan yn categoreiddio gwaith gyda’r tabl a ddarperir, ac i roi barn am dueddiadau cyfredol.
DR
ANA CALDERON yw’r cydlynydd
astudiaethau graddedig ac uwch ddarlithydd mewn Cyfrifiadureg yn Ysgol Dechnolegau Caerdydd. Mae ganddi gefndir mewn gwyddoniaeth gyfrifiadurol fathemategol, ac arbenigedd yn benodol mewn semanteg gemau ar gyfer ieithoedd rhaglennu ac mewn datblygu fframweithiau newydd i fodelu paradeimau rhaglennu. Mae ganddi ddiddordeb mewn creu offer mathemategol ar gyfer modelu cysyniadau cyfrifiadurol, ond hefyd o ran eu defnyddio ar gyfer problemau yn y byd go iawn. Mae’r enghreifftiau’n cynnwys datblygu a dadansoddi fframweithiau ar gyfer cyfathrebu rhwng pobl a systemau awtonomaidd yn ystod ymdrechion i leddfu effeithiau trychineb a datblygu sylfeini mathemategol algorithmau AI ar gyfer defnydd meddygol.
Ddarlithydd mewn Cyfrifiadureg ym
Mhrifysgol Metropolitan Caerdydd ac mae ei ymchwil yn canolbwyntio ar ddibynadwyedd a risgiau systemau deallusrwydd artiffisial, yn enwedig modelau iaith mawr a ddefnyddir ar gyfer cynhyrchu codau a thaenlenni. Mae ei waith yn archwilio sut mae offer a gynorthwyir gan AI yn cyflwyno gwallau i brosesau gwneud penderfyniadau a sut y gellir lliniaru’r risgiau hyn trwy wella modelu, gwerthuso, a dylunio sy’n canolbwyntio ar bobl. Mae wedi cyhoeddi’n eang ar ansawdd meddalwedd a dibynadwyedd cyfrifiadurol, ac wedi arwain gwaith gwerth mwy na £900K o gyllid ymchwil yr UE a’r DU sy’n defnyddio AI ar gyfer problemau yn y byd go iawn, ac mae’n gyd-sylfaenydd The Knowledge Observation Group, cydweithrediad ymchwil rhyngwladol sy’n canolbwyntio ar AI, gwybyddiaeth ac epistemoleg. Mae hefyd yn gwasanaethu fel adolygydd pwnc arbenigol mewn Deallusrwydd Artiffisial, Dysgu Peiriannau, ac Ansawdd Meddalwedd ar gyfer Cyngor Ymchwil Peirianneg a Gwyddorau Ffisegol y DU.
Mae DR SIMON THORNE yn Uwch
Goruchwylio Ymchwilwyr
Doethurol niwroamrywiol
Trosolwg o’r Sesiwn:
(13:15 – 14:00)
Trosolwg o’r Sesiwn: Mae’r drafodaeth a’r cyflwyniad hwn yn eiriol dros gefnogaeth academaidd niwrogynhwysol ar gyfer myfyrwyr doethurol, gan ganolbwyntio ar “ystyriaeth deg”. Mae Kate a Catherine yn archwilio strategaethau goruchwylio doethurol sy’n cefnogi myfyrwyr niwroamrywiol yn well trwy addasu dulliau a meithrin “mannau glanio meddal” lle mae pob myfyriwr yn teimlo’n ddiogel i ddilyn eu diddordebau a’u cryfderau.
Mae’r sesiwn yn tynnu sylw at strategaethau ymarferol y gellir eu hehangu yn ôl yr angen gan gynnwys defnyddio offer digidol, gosod nodau strwythuredig, a chymryd cyfleoedd i fyfyrio, i roi cefnogaeth hyblyg, ymatebol. Mae hefyd yn mynd i’r afael â sut i gynnal ffiniau proffesiynol clir wrth feithrin ymddiriedaeth, ymreolaeth ac ymgysylltiad parhaus y myfyrwyr.
Mae DR CATHERINE TRYFONA yn
Ddeon Cyswllt (Partneriaethau) yn Ysgol
Dechnolegau Prifysgol Metropolitan Caerdydd ac mae’n parhau i oruchwylio myfyrwyr doethurol ochr yn ochr
â’i rôl fel arweinydd. Cwblhaodd ei doethuriaeth yn ystod y blynyddoedd diwethaf, gan archwilio sut mae unigolion awtistig yn defnyddio technolegau symudol mewn lleoliadau crefyddol a derbyniad y dechnoleg honno. Mae Catherine yn dod â phrofiad academaidd a phrofiad bywyd i’w gwaith, ar ôl bod yn fyfyrwraig niwrowahanol a gafodd ddiagnosis hwyrach mewn bywyd ei hun.
Mae DR KATE ATTFIELD yn Uwch
Ddarlithydd yn Ysgol Addysg a Pholisi Cymdeithasol Caerdydd. Diddordeb ymchwil cymdeithasegol Kate yw dinasyddiaeth gynhwysol, sydd wedi ei harwain i gyhoeddi ymchwil ar brofiadau bywyd cymunedau lleiafrifol lle mae gwaith ymchwil yn brin. Yn ddiweddar, mae Kate wedi cwblhau ymchwil ar nodweddion awtistig sy’n gysylltiedig â lles mewn chwaraeon elît. Y prif ganfyddiad yw y gall athletwyr awtistig brofi bregusrwydd ochr yn ochr â manteision cryf o gymryd rhan mewn amgylcheddau chwaraeon sydd wedi’u cynllunio’n dda; gellir defnyddio hyn mewn Addysg Uwch ac amgylcheddau ymchwil doethurol wedi’u cynllunio’n dda. Mae Kate yn goruchwylio rhai ymchwilwyr doethurol niwroamrywiol ar draws Ysgolion, sydd wedi cyfrannu at y cyflwyniad hwn.
Sut i
PROF DIANE CRONE A DR KATE NORTH
(13:15 – 14:00)
Doethurol
Trosolwg o’r Sesiwn:
Trosolwg o’r Sesiwn: Sesiwn ryngweithiol i archwilio’r hyn y mae Cymuned Gyrfa Gynnar yn ei olygu yn eich cyd-destun chi a sut i wneud iddo ddigwydd.
Mae ATHRO DIANE CRONE mewn
Ymarfer Corff ac Iechyd ym Mhrifysgol Metropolitan Caerdydd, ac yn Gyfarwyddwr y Ganolfan Ymchwil Iechyd, Gweithgaredd a Llesiant (CAWR). Mae ei harbenigedd yn ymwneud â chynllunio, cyflwyno a gwerthuso ymyriadau gweithgarwch corfforol sy’n gwella iechyd mewn gofal iechyd sylfaenol ac eilaidd, ac yn y gymuned. Mae ei diddordebau ymchwil cymhwysol yn cynnwys rôl gweithgarwch corfforol mewn iechyd meddwl, gwerthuso ymyrraeth gweithgarwch corfforol, a dulliau sy’n seiliedig ar systemau o hybu gweithgarwch corfforol.
Mae hi wedi cyhoeddi’n rhyngwladol ar weithgarwch corfforol ac iechyd meddwl, ymyriadau ymarfer corff, rhagnodi cymdeithasol, a rhaglenni lles sy’n seiliedig ar natur. Mae hi wedi gweithio ac arwain yn helaeth ar nifer o brosiectau ledled yr UE a’r DU ac yn aml yn cyflwyno dramor fel siaradwr gwadd.
Mae hi’n cynrychioli ei Phrifysgol fel arweinydd sefydliadol Rhwydwaith UE Gwella Gweithgarwch Corfforol Sefydliad Iechyd y Byd, Sefydliad Gweithgarwch Corfforol, Iechyd a Chwaraeon Cymru ac fel cyd-arweinydd EuroHealthNet (rhwydwaith Iechyd Cyhoeddus Ewrop).
Mae’n aelod o Grŵp Llywio Ysgol Ymchwil Rhagnodi
Cymdeithasol Cymru ac yn aelod gwadd o Fwrdd Cynghori Gwerthuso Partneriaeth Systemau (#UnitingtheMovement) Sport England. Yn 2025 fe’i penodwyd yn Gadeirydd Gweithgor Pwysau Iach Cymru Iach Bywydau Egnïol Llywodraeth Cymru. Mae’n aelod o Gymdeithas Gwyddorau Chwaraeon ac Ymarfer Corff Prydain ac yn Gymrawd o’r Gymdeithas Frenhinol ar gyfer Iechyd y Cyhoedd. Mae hi hefyd wedi bod yn Gyfarwyddwr Anweithredol (Prifysgol) ar gyfer Iechyd Cyhoeddus Cymru (2020-2025).
Mae DR KATE NORTH yn Ddarllenydd mewn Ysgrifennu Creadigol ac yn
Gydlynydd Astudiaethau Graddedig yn Ysgol Addysg a Pholisi Cymdeithasol Caerdydd. Mae hi’n ysgrifennu barddoniaeth a ffuglen ac mae ganddi brofiad o weithio mewn lleoliadau cymunedol ar brosiectau celfyddydol, iechyd a lles. Mae hi wedi gweithio gydag awdurdodau lleol, Byrddau Iechyd y GIG, Carchardai EF, elusennau a sefydliadau eraill i ddarparu ymyriadau ysgrifennu, dulliau ymchwil creadigol a modelau cydgynhyrchu. Ar hyn o bryd mae’n gweithio ar brosiect Stories on the Edge of Memory, sydd wedi’i leoli yn Nhre-biwt, Caerdydd, yn gweithio gydag aelodau hŷn y gymuned, gan ddatblygu technoleg i gadw ar gof y naratifau sydd mewn perygl o fynd yn angof. Mae hi hefyd yn datblygu Cerddi Cydymaith ar gyfer pobl sy’n byw gyda dementia ac mae’n rhan o Rwydwaith SPIN Dementia + sy’n gweithio i ddatblygu strategaethau ac arferion atal dementia. Kate yw Prif Olygydd Writing in Practice, y cyfnodolyn ymchwil ysgrifennu creadigol, ac mae’n arwain grŵp ymchwil Ysgrifennu Creadigol ar gyfer Lles Cymunedol. Bu’n Gyfarwyddwr Bwrdd a Chadeirydd Llenyddiaeth Cymru (2015-2021) ac mae’n Ymddiriedolwr y Raymond Williams Foundation. Mae Kate yn aelod o Is-banel Iaith a Llenyddiaeth Saesneg 27 ar gyfer cylch Fframwaith Rhagoriaeth Ymchwil 2029.
Denu Cyllid
Arloesi fel Goruchwyliwr
Doethuriaeth: Adeiladu Prosiectau, Timau a Chyfleoedd
KING & CHLOE HEXTER (13:15 – 14:00)
Trosolwg o’r Sesiwn:
Sesiwn ymarferol ar ddenu cyllid ymchwil fel goruchwyliwr Doethuriaeth, gan gwmpasu tirwedd ariannu’r Deyrnas Unedig, strategaethau ar gyfer sicrhau grantiau a chontractau, a ffyrdd o gynnwys myfyrwyr Doethuriaeth mewn prosiectau ymchwil a ariennir.
Mae ZOE KING yn Swyddog Cymorth
Cynigion Ymchwil ac Arloesi, gan ymuno â Phrifysgol Metropolitan Caerdydd ym mis Mawrth 2025, ac yn cefnogi academyddion drwy’r broses ariannu ymchwil gystadleuol i ddatblygu a chyflwyno cynigion ymchwil effaith uchel.
Mae gan Zoe dros 25 mlynedd o brofiad yn y sectorau gwirfoddol a thrydydd sector, yn fwyaf diweddar fel uwch reolwr yn Diverse Cymru, elusen cydraddoldeb a gweithredu cymdeithasol ledled Cymru. Yn y rôl hon, llwyddodd i sicrhau cyllid o ystod eang o ffynonellau cenedlaethol a rhanbarthol, gan gynnwys contractau sector cyhoeddus a gomisiynwyd, incwm ymgynghori, grantiau prosiect a chyllid rhaglenni cydweithredol.
Yn gynharach yn ei gyrfa, roedd gan Zoe rolau cyfathrebu ac ymgysylltu ar brosiect a gefnogir gan Gronfa Gymdeithasol Ewrop yn Ysgol Bensaernïaeth Cymru ac o fewn cwmni theatr flaenllaw. Hefyd wedi gweithio ym maes rheoli prosiectau, cyllido a datblygu busnes ar draws mentrau celfyddydau, diwylliant ac adfywio, gan gyflwyno rhaglenni a phartneriaethau ledled y Deyrnas Unedig.
CHLOE HEXTER yw ein Swyddog Ymchwil ac Arloesi - ar gyfer Polisi. Hi fydd yn cyflwyno ochr yn ochr â Zoe ar gyfer Denu Cyllid Ymchwil ac Arloesi fel Goruchwyliwr Doethuriaeth: Sesiwn Adeiladu Prosiectau, Timau a Chyfleoedd.
Y Gwobrau
YR ATHRO SHELDON HANTON, DIRPRWY IS-GANGHELLOR YMCHWIL, ARLOESI A MENTER
(14:15 - 14:45)
Gwobr Goruchwyliwr Rhagorol
y Flwyddyn
Dyfernir i Oruchwyliwr Ymchwil
Doethurol sydd wedi dangos
goruchwyliaeth ragorol drwy gydol y flwyddyn academaidd.
ENILLYDD 2024: DR ESYIN CHEW
Gwobr Goruchwyliwr Gyrfa Gynnar
y Flwyddyn
Dyfernir i oruchwyliwr ôl-raddedig ar ddechrau eu gyrfa sydd wedi bod yn goruchwylio ers llai na phedair blynedd ac sydd wedi dangos goruchwyliaeth ragorol drwy gydol y flwyddyn academaidd.
ENILLYDD 2024: DR SALLY BETHELL
Gwobr Tîm Goruchwylio Rhagorol
y Flwyddyn
Dyfernir i dîm goruchwylio ymchwil ôlraddedig sydd, gyda’i gilydd, wedi dangos goruchwyliaeth ragorol drwy gydol y flwyddyn academaidd.
ENILLWYR 2024: DR SOFIA SANTOS, DR GETHIN THOMAS A DR KERRY HARRIS
Gwobr Effaith Gymunedol Ymchwil
Doethurol y Flwyddyn
Dyfernir i gydnabod unigolyn, neu grŵp o unigolion, sydd wedi cael effaith sylweddol ar y gymuned ôl-raddedig yn ystod y flwyddyn academaidd. Mae’r wobr hon yn agored i’r holl staff sy’n ymwneud â’r gymuned Ymchwilwyr
Doethurol, gan gynnwys goruchwylwyr, rheolwyr a gweinyddwyr.
ENILLYDD 2024: MS SARAH HURLEY
Gwobr Cyfraniad Rhagorol i Oruchwylio Ymchwil Doethurol
Dyfernir i unigolyn sydd wedi gwneud cyfraniad sylweddol a pharhaus at ymchwil Doethurol yn y Brifysgol yn ystod eu gyrfa.
ENILLYDD 2024: YR ATHRO LYNNE EVANS
“Mae cefnogi datblygiad Ymchwilwyr Doethurol yn un o agweddau mwyaf gwerth chweil fy swydd ym Met Caerdydd - roedd yn fraint derbyn y wobr hon.”
Ysgoloriaeth Ymchwil Cyfrwng Cymraeg y
Coleg Cymraeg Cenedlaethol
Mae’r cynllun hwn yn cynnig cyfle gwych i gefnogi Ymchwilydd Doethurol cyfrwng Cymraeg newydd wrth gryfhau gallu addysgu ac ymchwil hirdymor eich adran. Un o nodau’r ysgoloriaethau yw datblygu’r genhedlaeth nesaf o academyddion sy’n hyderus wrth ddefnyddio’r Gymraeg yn eu maes.
Gall ein prifysgol gyflwyno hyd at bum cais i’r Coleg:
• Pedwar cais am ysgoloriaethau 50%, gyda’r costau sy’n weddill wedi’u talu gan y sefydliad, ac
• Un cais yn gymwys am gyllid 100% gan y Coleg. Bydd hwn yn cael ei ddynodi fel enwebiad Cangen Met Caerdydd o’r Coleg Cymraeg. Bydd y Gwasanaethau Ymchwil ac Arloesi yn penderfynu pa un o’r ceisiadau fydd yn cael eu dynodi fel Enwebiad y Gangen, yn seiliedig ar ba gais sy’n bodloni gofynion y Coleg Cymraeg orau.
Gall y Brifysgol hefyd wneud cais am ysgoloriaeth wedi’i hariannu’n llawn os gall ddangos sut mae’r ceisiadau:
• yn ffurfio rhan o gynllun i ailadeiladu neu ehangu capasiti addysgu cyfrwng Cymraeg, neu
• fod yn ysgoloriaeth cydraddoldeb ac amrywiaeth sy’n cefnogi ymgeisydd o grŵp heb gynrychiolaeth ddigonol mewn addysg uwch.
Rhaid i geisiadau gael eu harwain gan ysgol neu adran academaidd a dylent gynnwys:
• amlinelliad manwl o’r prosiect ymchwil arfaethedig a’r fethodoleg (Rhan 1 o’r ffurflen gais atodedig),
• tystiolaeth o hanes yr adran wrth oruchwylio myfyrwyr PhD,
• lle bo modd, manylion ymgeisydd PhD enwebedig (Rhan 2), a
• datganiad ategol ac awdurdodiadau’r sefydliad (Rhan 3).
Sylwer: Nid oes angen i chi fod yn siaradwr Cymraeg i oruchwylio prosiect wedi’i ariannu o dan y cynllun hwn. Rhaid i o leiaf un aelod o’r tîm goruchwylio allu goruchwylio trwy gyfrwng y Gymraeg, ond mae croeso i oruchwylwyr nad ydynt yn siarad Cymraeg wneud cais, ar yr amod bod cymorth goruchwylio cyfrwng Cymraeg priodol ar gael o fewn y tîm.
Croesewir prosiectau mewn unrhyw ddisgyblaeth, cyn belled â’u bod yn cyfrannu at nodau strategol y Coleg—ehangu ymchwil a darpariaeth cyfrwng Cymraeg, cefnogi cydraddoldeb ac amrywiaeth, a chryfhau’r gweithlu academaidd cyfrwng Cymraeg.
Gall Pennaeth y Gymraeg, Daniel Tiplady roi rhagor o wybodaeth a chymorth yn dtiplady@cardiffmet.ac.uk
Ewch i’r Academi Ddoethurol gan ddefnyddio’r ddolen hon: Coleg Cymraeg Cenedlaethol Welsh-medium Research Scholarship Dyddiadau newydd ar gyfer 2027/28 yn cael eu hychwanegu yma, ynghyd â manylion llawn am feini prawf cymhwysedd, meini prawf asesu, trefniadau cyllido a ffurflen gais.
Bŵt-camp Masnacheiddio
Troi Ymchwil Doethurol yn Gyfle i Gael Effaith yn y Byd Go Iawn
Cymorth Menter a Masnacheiddio i Ymchwilwyr Doethurol a Goruchwylwyr
Mae gan ymchwil doethurol y grym i siapio diwydiannau, dylanwadu ar bolisi, gwella ymarfer, a chynhyrchu mentrau newydd sy’n mynd i’r afael â heriau yn y byd go iawn. Ym
Mhrifysgol Metropolitan Caerdydd, rydym yn cefnogi ymchwilwyr doethurol a’u goruchwylwyr i drosi ymchwil rhagorol yn rhywbeth sy’n cael effaith ystyrlon, yn y byd go iawn — ar draws diwydiant, polisi, cymunedau a mentrau newydd.
Mae ein cymorth Menter a Masnacheiddio yn ategu goruchwyliaeth academaidd, gan helpu ymchwilwyr i archwilio llwybrau effaith ymarferol heb gyfaddawdu ar drylwyredd ysgolheigaidd.
Pam mae Menter yn Bwysig mewn Ymchwil Doethurol
Mae Goruchwylwyr Doethurol yn ymdopi’n gynyddol â disgwyliadau o ran effaith, ymgysylltu a chyflogadwyedd yn ogystal â rhagoriaeth academaidd. Mae cymorth menter yn darparu llwybrau strwythuredig i helpu.
Gall gweithgareddau Menter a Masnacheiddio gefnogi ymchwilwyr doethurol i:
• Drosi ymchwil yn rhywbeth y gellir ei ddefnyddio yn y byd go iawn
• Datblygu sgiliau mewn arloesi, entrepreneuriaeth a chyfnewid gwybodaeth
• Meithrin hyder wrth gyfleu ymchwil i gynulleidfaoedd anacademaidd
• Ymgysylltu â phartneriaid ym maes diwydiant, y sector cyhoeddus a’r gymuned
• Archwilio llwybrau at arloesi, masnacheiddio, ac effaith ehangach
• Cyfrannu at astudiaethau achos effaith yn y dyfodol a naratifau effaith sefydliadol ehangach
Sut Rydym yn Cefnogi Ymchwilwyr Doethurol a Goruchwylwyr
Mae ein tîm yn gweithio ar y cyd â goruchwylwyr ac ymchwilwyr doethurol ar wahanol gamau o’r daith ymchwil.
Cyfnod Cynnar: Archwilio Effaith
• Datblygu menter a meddwl trosiadol yn gynnar yn y prosiect
• Nodi llwybrau effaith posibl
• Meithrin ymwybyddiaeth o gyfleoedd arloesi a menter
Cyfnod Canol: Datblygu Gweithredu
• Cefnogi gweithgarwch cyfnewid gwybodaeth
• Hwyluso gweithdai a sgyrsiau sy’n canolbwyntio ar arloesedd
• Annog cydweithredu ac ymgysylltu allanol
• Cryfhau sgiliau menter a chynllunio effaith
Cyfnod Hwyrach: Trosi Ymchwil
• Archwilio cyfleoedd trwyddedu ac eiddo deallusol
• Cefnogi llwybrau deillio, dechrau neu fentrau cymdeithasol
• Nodi llwybrau i bolisi, arfer ac effaith ar y sector cyhoeddus
Wedi’i Gynllunio i Weithio ochr yn ochr â Goruchwylwyr
Rydym yn cydnabod bod goruchwylwyr yn chwarae rhan ganolog wrth lunio’r daith ddoethurol. Mae ein dull gweithredu yn gydweithredol, yn gyflenwol, ac yn parchu blaenoriaethau academaidd.
Rydym yn cefnogi goruchwylwyr ac ymchwilwyr trwy:
• Wella effaith ymchwil heb amharu ar weithgarwch ymchwil craidd
• Darparu arbenigedd arbenigol mewn menter, arloesi a masnacheiddio
• Helpu ymchwilwyr i ymdrin ag eiddo deallusol, partneriaethau a chyfleoedd trosiadol
• Cryfhau naratifau effaith ar gyfer y Fframwaith Rhagoriaeth Ymchwil a chyd-destunau gwerthuso ymchwil ehangach yn y dyfodol
Cyfleoedd i Ymgysylltu
Rydym yn cynnig pwyntiau mynediad anffurfiol i archwilio’r hyn sy’n bosibl:
• Sesiynau Galw Heibio “Chwilfrydig Am”
Sgyrsiau agored ac anffurfiol am drosi ymchwil yn effaith
• Gweithdai, cefnogaeth 1:1, a chyfleoedd cydweithredu
Dechrau’r Sgwrs
Os oes gennych chi ymchwilydd doethurol, prosiect neu syniad
â photensial y tu hwnt i’r byd academaidd, byddem yn falch iawn o’i archwilio gyda chi.
commercialisation@cardiffmet.ac.uk
Cysylltu ymchwil, arloesi ac effaith yn y byd go iawn ym Mhrifysgol
Metropolitan Caerdydd
Dyfarniad Goruchwyliwr Ymchwil Cydnabyddedig
Cyngor Addysg Graddedigion y DU
Mae Cyngor Addysg Graddedigion y DU yn cynnig Rhaglen Cydnabod
Goruchwylwyr Ymchwil i gynnig cydnabyddiaeth swyddogol am ymarfer goruchwylio da. Mae’r Fframwaith Ymarfer Goruchwylio
Da yn cydnabod ar lefel genedlaethol, y set eang, hynod gymhleth a heriol o rolau sy’n ymwneud â goruchwylio modern.
Mae ymgeisio ar gyfer y dyfarniad ar gael i’r sawl sydd wedi goruchwylio Ymchwilwyr sydd wedi cwblhau Doethuriaeth ac sy’n gallu defnyddio eu profiad i fodloni’r meini prawf allweddol ar gyfer Ymarfer Goruchwylio Da:
1. Recriwtio a dethol
2. Perthynas oruchwylio ag ymgeiswyr
3. Perthynas oruchwylio â chyd-oruchwylwyr
4. Cefnogi prosiectau ymchwil ymgeiswyr
5. Annog ymgeiswyr i ysgrifennu a rhoi adborth priodol
6. Cadw’r ymchwil ar y trywydd iawn a monitro cynnydd
7. Cefnogi datblygiad personol, proffesiynol a gyrfaol ymgeiswyr
8. Cefnogi ymgeiswyr tan eu bod yn cwblhau ac arholiad terfynol
9. Cefnogi ymgeiswyr i ledaenu eu hymchwil
10. Myfyrio ar ymarfer a’i wella
Bydd angen i ymgeiswyr gwblhau Adroddiad Arsylwi Goruchwylio a rhoi geirda gan gydweithiwr a chyn-Ymchwilydd Doethurol.
Gellir dod o hyd i sesiwn holi ac ateb ar y Rhaglen Goruchwyliwr Ymchwil Cydnabyddedig yma i’r rhai sydd â diddordeb mewn gwybod mwy.
Os oes gennych ddiddordeb mewn gwneud cais am y dyfarniad, siaradwch â’ch Arweinydd Astudiaethau Graddedigion Ysgol yn y lle cyntaf.
Byddwn yn dod â charfan fechan o’r rhai sydd â diddordeb ar draws yr Ysgolion at ei gilydd i rwydweithio a chefnogi’r cais, dan arweiniad yr Athro Rhodri Lloyd, derbynnydd y dyfarniad yn 2024.
Adnoddau Newydd
Dogfennau canllaw
Mae dwy ddogfen ganllaw wedi’u creu i roi eglurder am y cymorth sydd ar gael i Ymchwilwyr Doethurol niwrowahanol, ac ymarfer gorau i Oruchwylwyr ar sut i gefnogi eu Hymchwilwyr Doethurol niwrowahanol:
Mae’r dogfennau wedi’u creu ar y cyd ag Arweinwyr Astudiaethau
Graddedigion Ysgolion, Gwasanaethau Myfyrwyr ac adborth gan garfan o Ymchwilwyr Doethurol niwrowahanol ym Met Caerdydd.
Mae’r dogfennau’n amlinellu cyfrifoldebau rôl, mecanweithiau cymorth, cysylltiadau defnyddiol ac addasiadau rhesymol drwy gydol y daith ddoethurol ac ar gyfer yr arholiad llafar.
Ymgorffori Cydraddoldeb, Amrywiaeth a Chynhwysiant o fewn Ymchwil Doethurol
Er mwyn ategu’r fideos Ystyried Cydraddoldeb, Amrywiaeth a Chynhwysiant wrth Gynnal eich Ymchwil ar Fapiau Taith yr Academi Ddoethurol, rydym wedi ychwanegu adran yn yr
Adolygiadau Cynnydd i annog Ymchwilwyr Doethurol i amlinellu sut maent wedi ymgorffori Cydraddoldeb, Amrywiaeth a Chynhwysiant yn eu prosiect ymchwil ar bob carreg filltir. Rydym wedi creu canllaw ategol i gynnig awgrymiadau.
Meistr drwy Ymchwil ar draws y Brifysgol
Ym mis Medi 2026, bydd Met Caerdydd yn lansio’r cymhwyster
Meistr drwy Ymchwil ar draws y Brifysgol. Bydd y rhaglen newydd yn bodoli o fewn rheoliadau graddau ymchwil y brifysgol ac mae
wedi’i chynllunio i ddefnyddio model a rennir gyda saith llwybr:
• Celf a Dylunio
• Addysg
• Gwyddorau Iechyd
• Rheoli
• Polisi Cymdeithasol
• Chwaraeon
• Technolegau
Yn nodedig, gall ymgeiswyr o fewn y llwybrau hyn raddio gyda dyfarniad ymadael, yn dibynnu ar y modiwlau a’r pynciau ymchwil
y maent yn eu dewis yn ystod eu hymgeisyddiaeth. Mae strwythur sylfaenol cymwysterau Meistr drwy Ymchwil newydd ar draws y Brifysgol yn cynnwys 80 credyd o astudiaeth a addysgir (sy’n gysylltiedig ag ymchwil) a 100 credyd o ymchwil annibynnol.
Bydd cynnwys y modiwl yn cael ei gyflwyno yn anghydamserol, gyda chymorth i bob ymgeisydd yn cael ei ddarparu gan dîm goruchwylio a Chydlynwyr cymwysterau Meistr drwy Ymchwil Ysgolion.
Bydd cynnwys y modiwl sy’n gysylltiedig ag ymchwil a grëwyd ar gyfer y cymwysterau Meistr drwy Ymchwil ar gael i bob Ymchwilydd Doethurol er mwyn gwella darpariaeth hyfforddiant doethurol Met Caerdydd ymhellach.
Am unrhyw ymholiadau am yr adnoddau hyn, cysylltwch â graduatestudies@cardiffmet.ac.uk
Yr Academi Ddoethurol
Mae gwefan yr Academi Ddoethurol yn siop un stop ar gyfer Ymchwilwyr Doethurol a’u Goruchwylwyr, sy’n cynnwys popeth sydd angen i chi ei wybod am Gymuned Ymchwil Ddoethurol Met Caerdydd:
Doctoral Academy - Home (sharepoint.com)
The Supervisor Handbook provides guidance on the expectations of a Doctoral Research Supervisor. The guidance covers each stage, from application for the role to limiting the Supervisor Capacity to maintain wellbeing.
Ar gyfer Goruchwylwyr
Mae’r Ganolfan Wybodaeth i Oruchwyliwr yn cynnwys yr holl wybodaeth sydd ei hangen arnoch i ddatblygu fel Goruchwyliwr ac i gefnogi eich Ymchwilwyr Doethurol.
How-To Guides to provide step by step guidance on Progress Reviews for the Doctoral Researcher from the perspective of each member of the Supervisory Team.
We have collated a list of the current Approved Supervisors, Viva Examiners and Chairs to facilitate the appointment of appropriate academic staff to Doctoral Research projects.
Sesiynau Cymorth i Oruchwylwyr
Rhaid i bob Goruchwyliwr
(gan gynnwys rolau
Cyfarwyddwr Astudiaethau, IPA ac STC) gwblhau’r
sesiynau cymorth gorfodol.
Mae’r sesiynau hyn wedi’u nodi gan Grŵp Graddau Ymchwil y Brifysgol yn unol â chanllawiau’r sector i barhau i gefnogi profiad myfyrwyr a gwaith rhagorol cydweithwyr sy’n Goruchwylio Ymchwilwyr Doethurol (fel y gwelir yn y PRES).
Sesiynau Cymorth Gorfodol
• DRS01: Cerrig Milltir, Rheoliadau a Rôl y Tîm Goruchwylio
• DRS02: Disgwyliadau, Cyfrifoldebau a Pherthynas Goruchwyliwr/ Ymchwilydd Doethurol
• DRS03: Cyflwyniad i Reolwr Ymchwil Doethurol
• Cyfres Profiad Ymchwil Doethurol: Cydraddoldeb, Amrywiaeth a Chynhwysiant
• DRS10: Gofynion, Adnoddau a Mentrau Cyfredol Rhaid cwblhau sesiynau gorfodol o fewn blwyddyn gyntaf yr oruchwyliaeth ar gyfer y sawl sy’n newydd i’r rôl, neu’n newydd i oruchwylio ym Met Caerdydd. Bydd angen i’r sawl sydd eisoes yn goruchwylio Ymchwilwyr Doethurol barhau â’u datblygiad proffesiynol yn unol â goruchwyliaeth bob dwy flynedd. Mae cwblhau’r sesiynau yn llwyddiannus yn cael ei fonitro gan Dîm yr Academi Ddoethurol.
Would you like to supervise a taught Doctoral Research programme?
You will need to complete the sessions relevant to the doctoral programme: Professional Doctorates
• DRS12: Professional Doctorate 1: Nature and Structure of the Professional Doctorate
• DRS13: Professional Doctorate 2: Assessment Structure, Support and Viva Doctor of Management
• DRS14: Taught Doctorate: The Doctor of Management (DMan)
Would you like to Examine Doctoral Research projects?
You will need to complete the Examination Series before conducting a Level 8 Viva:
• DRS15: Examining Doctorates 1: Role of the Examiner (Online E-Module)
• DRS16: Examining Doctorates 2: Facilitating Academic Discussion
Ar gyfer Ymchwilwyr Doethurol
The Doctoral Wellbeing Initiative Team offer a portfolio containing bespoke practical advice, resources, and supportive interventions for Doctoral Researchers (DRs) and resources for Supervisors to support wellbeing, alongside the wide range of services available within Cardiff Met.
There is a marked increase in Community activities, Research Groups and networks for DRs within, and across, Schools.
Regular Training Sessions to enhance Doctoral Researcher development in Research, Professional and Personal Skills.
Doctoral Journey Maps for each Doctoral Programme to provide guidance and expectations for each stage of study.
How To Guides to provide step by step guidance on Progress Reviews for the Doctoral Researcher from the perspective of each member of the Supervisory Team.
Do you have a suggestion for the Doctoral Academy? If so, please get in touch!
doctoralacademy@cardiffmet.ac.uk
Darpariaeth Hyfforddiant yr Academi Ddoethurol
Oeddech chi’n gwybod ein bod wedi gwella ein darpariaeth hyfforddiant ar gyfer Ymchwilwyr Doethurol?
Gall sesiynau Sgiliau Digidol Met Caerdydd helpu i ddatblygu sgiliau trosglwyddadwy, ychwanegol, gyda’r rhan fwyaf o gyrsiau yn arwain at ardystiadau i ddangos datblygiad proffesiynol.
Rydym wedi gweithio gyda’r tîm Datblygu Sefydliadol er mwyn sicrhau bod Ymchwilwyr Doethurol yn cael mynediad at sesiynau datblygiad personol a phroffesiynol y Pwll Dysgu.
Yn ogystal â’n cyfres barhaus o sesiynau Cynefino a hyfforddi a gyflwynir trwy gydol y flwyddyn academaidd, rydym wedi creu storfa ar-lein o dros 40 o sesiynau a gyflwynwyd yn flaenorol ar yr Academi Ddoethurol y gellir dod o hyd iddynt ar unrhyw adeg.
Sesiynau ac adnoddau gan y Gwasanaethau Llyfrgell i helpu i lywio ymchwil a chyhoeddi.
Sesiynau ac adnoddau ar reoli gwahanol fathau o ddata a defnyddio rhaglenni dadansoddi data gan gynnwys Leximancer a NVIVO.
Canllawiau ar yr hyn sydd i’w ddisgwyl yn yr arholiad llafar ac awgrymiadau ar y ffordd orau i baratoi.
Cyngor ymarferol ar ofalu am les yn y byd academaidd a’r ymchwil a ysgogodd blatfform Llesiant Ymchwilwyr Cymru.
Sesiynau ac adnoddau ar y gwahanol ddulliau y gellir eu defnyddio i ymgymryd â phrosiect ymchwil, yr hyn i’w ystyried trwy gydol y daith ddoethurol ac awgrymiadau am baratoi i ysgrifennu’r traethawd ymchwil.
Taflu goleuni ar y byd academaidd y tu hwnt i’r prosiect ymchwil; cael cyllid, cyhoeddi academaidd ac effaith ymchwil.
Oes gennych chi syniad am sesiwn hyfforddi a fyddai o fudd i Ymchwilwyr Doethurol?
Os felly, cysylltwch â ni! doctoralacademy@cardiffmet.ac.uk
Gwybodaeth am Ffioedd Dysgu 2026/27
Am fanylion llawn ffioedd dysgu blwyddyn academaidd 2026/27, sganiwch y cod QR isod.
Bydd y ddolen hon yn mynd â chi’n uniongyrchol i’r dudalen
we Ffioedd a Chyllid, lle gallwch ddod o hyd i’r wybodaeth ddiweddaraf am ffioedd dysgu’r DU, yr UE a Rhyngwladol, yn ogystal â chanllawiau ar opsiynau cyllido a chymorth ariannol.
Cod QR – Ffioedd Dysgu 2026/27
Cysylltiadau allweddol
GWASANAETHAU YMCHWIL AC ARLOESI
Pennaeth Ymchwil
Prof Rich Neil
Arweinydd Astudiaethau Graddedig
Prof Rhodri Lloyd
Astudiaethau Graddedig (cyn cyflwyno’r traethawd hir) graduatestudies@cardiffmet.ac.uk
Arholiad Gradd Ymchwil (ar ôl cyflwyno’r traethawd hir) researchdegreeexam@cardiffmet.ac.uk
Academi Ddoethurol
(hyfforddiant ac ymholiadau ar y wefan) doctoralacademy@cardiffmet.ac.uk
Doethuriaeth Broffesiynol profdoc@cardiffmet.ac.uk
Llesiant Doethurol doctoralwellbeing@cardiffmet.ac.uk
GWEINYDDWYR YSGOL
Ysgol Gelf a Dylunio Caerdydd
CSADresdegrees@cardiffmet.ac.uk
Ysgol Addysg a Pholisi Cymdeithasol Caerdydd
ESSHresearchdegrees@cardiffmet.ac.uk
Ysgol Reoli Caerdydd
CSMresearch@cardiffmet.ac.uk
Ysgol Chwaraeon a Gwyddorau Iechyd Caerdydd
ESSHresearchdegrees@cardiffmet.ac.uk
Ysgol Technolegau Caerdydd
CSTresearch@cardiffmet.ac.uk
ARWEINWYR ASTUDIAETHAU GRADDEDIG
Ysgol Gelf a Dylunio Caerdydd
Dr Theo Humphries
Ysgol Addysg a Pholisi Cymdeithasol Caerdydd
Dr Kate North
Ysgol Reoli Caerdydd
Dr Rachel Mason-Jones
Ysgol Chwaraeon a Gwyddorau Iechyd Caerdydd
Dr Marianne Gittoes
Ysgol Technolegau Caerdydd
Dr Ana Calderon
CYDLYNWYR DOETHURIAETH PROFFESIYNOL
Ysgol Gelf a Dylunio Caerdydd
Dr Theo Humphries
Ysgol Addysg a Pholisi Cymdeithasol Caerdydd
Dr Alex McInch
Ysgol Reoli Caerdydd
Dr Rachel Mason-Jones
Ysgol Chwaraeon a Gwyddorau Iechyd Caerdydds
Dr Neil Hennessy
Ysgol Technolegau Caerdyd
Dr Chaminda Hewage
Adborth Symposiwm
Goruchwylwyr Ymchwilwyr
Doethurol 2026
Rhowch eich adborth i ni gan ddefnyddio’r ddefnyddio’r ddolen hon:
Feedback-Doctoral Researcher Supervisor Symposium 2026
Gofynnwn yn garedig i chi lenwi’r ffurflen adborth ynglŷn â
Symposiwm Goruchwylwyr Ymchwilwyr Doethurol a gynhaliwyd
yn Stadiwm SWALEC, Gerddi Sophia, ddydd Mawrth 12 Mai 2026.