Maanda aawon gajibiigaademigag owi woshme miziwe dibaajimowin. Awii gindaman owi moshkin dibaajimowin, owi e’digosingh woshme moshkinesingh nisidwinaagoziwaad bemaadizijig gikendamowin, miinwaa owi inendamowin miinwaa giikimigewinan, azhaan owi aankesijigan maage nikaazan owi QR gindaasowin maampii dibashish.
www.indigenousyouthroots.ca/programs/indigenous -youth-reconciliation-barometer-2024
Apii maadokiiwaad owi ngodingh apii agii mashkowizii’endamowaad, eshkiniigijig ishpisidonaaaa dibaajimowinan owi wiijiyaawaad miinwaa niigaanwidowaad manidokewinan, owi gaataasingh miinwaa maadokiiwaad ado inaadiziwiniwaa, wiiji nakiimaa-aad gewe bkaan Giizhaa Agaa Yaajig eshkiniigijig miinwaa ado odeniwiniwaan, daapinigaaziwaad owi ayaawiwaad, mazinchigewaad, giizhitowaad gikinomaadiwin, miinwaa maajishkaatowaad wiinwaa debindamowaad nakiiwinan. Niibna eshkiniigijig age agii kidwog ombendamowaad apii gashkitowaad ayaawiwaad gikinwaabmjigaazad onji gewe bkaan Giizhaa Agaa Yaajig eshkiniigijig.
““Ndo mashk
apii wiiji nakiimigwaa Yaajig eshkiniigijig. Ow ayaangh gaataawiing bemaadizijig miinwaa owi wiiji dinakiindiwin.
-Nanaandawi-gikenjigewin Waajii-ed
Wegonesh aasgaabiwitaagew nendowendamowaad awii m
Apii gagwejimigaaziwaad owi dnowaa aasgaabiwitaagewen age maanji mashkowitod mashkoziiwin wiinwaa miinwaa aanin bkaan Giizhaa Agaa Yaajig eshkiniigijig, gegaa kina naasaab agii inendamoog owi temigag misendamongh newen inaadiziwin gikinomaagewinan memdage agii gichi piitendaagwod.
Inaadiziwin gikinomaagewinan/ gikendaasowinan 67%
Akiingh onji gikendaasowin 54%
41% Eshkiniigijig-Gechi Piitizijig zhichigewinan
38%
36%
Iniwewin gikendamongh zhisewinan
Eshkiniigijig giigidoninwog miinwaa aanin bkaan zhisewinan awii aawid gikinowaabmjigaazad
Miinwaa aanke newen aasgaabiwitaagewinan agaa waawiinjigaadeg, Eshkiimewi miinwaa Wiisakode eshkiniigijig agii kidwog dowendamowaad woshme inendamowin miinwaa wiiyaw mina yaawin aasgaabiwitaagewinan awii izhayaawaad woshme mashkowiziiwendamowaad. Eskiimewi eshkiniigijig onjikewiziwaad waawiindamowaad mineziwaad woshme zhisewinan awii nakweshkwaa-aad gewe Giizhaa Agaa Yaajig eshkiniigijig onji bkaan odenwinan. Anishinaabe eshkiniigijig agii kidwog gewiinwaa mineziwaad woshme iniwewin zhisewinan.
Wegonesh nenda-gashkitowaad Giizhaa Agaa Yaajig eshkiniigijig e’yaamiwaad nigaan bimaadiziwiniwaa?
Ngii gagwejimaanaanig Giizhaa Agaa Yaajig eshkiniigijig newen memaanji gichi piitendaagwog nenda gashkitowaad eyaamiwaad wiiniwaa onji owi epiichi bimaadiziwaad; newen memaanji wenaamjigaademigag agii aawinon:
74%
Bimaadiziwaad owi weweni dibishko-aag bimaadiziwin (inendamowin, enamjiwong, jichaag, miinwaa wiiyaw)
49%
Mashkoziitowaan owi dikobiziaan miinwaa gikendamowin ndo inaadiziwin
48%
Mina nendamowaad miinwaa mina yaawin dibigo-iidik ezhi maajiinigoaan miikan
““Aabajisemigag.
Gashkito-aan awii ayaamaa debendimaa endaa-aan ngwiiji inoodewizens Wiigwaaman newen bemaadizijig age ani dibendamowaad niigaan aawong. Ganaandiziimigag akiin miinwaa ndo bemaadizinaanigh ada gichi nendamoog.
-Eshkiimeg Nunangat Waasamo Asabi Biiwaabik Mazina Igan Gaataadibiwin Waajii-ed
39%
Ayaamaa mina gashkiweziwin ginowendiziyaan
34%
Naadmaageyaan owi maajiigingh miinwaa mashkoziimigag ndo odena
Miinwaa age ngii gagwejimaanaanig eshkiniigijig epiichi maadokiingh gaataadibiwinan owi newen nenda gashkitowaad ayaamiwaad owi ado niigaan bimaadiziwiniwaa. Maampii, eshkiniigijig agii dibaataanaa-aan ado nda gashkitowinan owi giizhiitaawaad skoonwiwin maage ishpi gikinomaagewin, zhitowaad owi mina zhichigewin zhiwe ado odenwinan, debinamiwaad ishpendaagwog nakiiwin, miinwaa debinamiwaad waanikiimigag miinwaa gashkitowaad dibamowaad wiigwaam. Gabewi newen maadokiingh gaataadibiwinan, eshkiniigijig agii aabaji dibaataanaa-aa owi dowendamowaad owi waankiimigag, mina yaamigag miinwaa weweni dibishkosingh bimaadiziwin – miinwaa dowendamowaad awii waabmaawaad ado inoodewiziwiniwaan miinwaa odenwinan awii zhichigewaad owi naasaab.
Aanishi nikiiyaa Giizhaa Agaa Yaajig eshkiniigijig gikendamowaad owi odena dikobiziwin?
Owi nda-gikenjigaadeg wegonesh owi enji izhayaawaad dikobiziwaad owi ado odena, eshkiniigjig agii gegetinaamitaagoziwog gichi piitendaagwog owi mawaanjidiwin, wegodagwen gwaa minaajitoong baapinakamigag maage aasgaabiwitaadiwaad apii zinagendaagwog. Niibna eshkiniigijig age agii kidwog owi maadookidaadingh inaadiziwin zhichigewinan miinwaa naagijigewinan aawinon gechimashkosingh owi inendamowin owi wiiji dinakiindiwin. Maanda adaa digosin gashkitowaad awii giigidowaad owi ado iniwewiniwaa, azhaawaad akiing, gabeshinowaad, digo ayaang newen manidokewinan, manidominikengh, miinwaa nimingh.
““
Ndo
izhayaa memdage dikobizayaan owi ndo odena
-Waasamo Asabi Mazina-igan Biiwaabik Shkoniganingh Moodokiingh Gaataadibiwin Waajii-ed apii wiijii-eyaan zhiwe manidokewin – dibishko nongo megwaa aawan Miingonigaangh – maage wiikwandiwin, maage waakegishimowin.
Zhiwe owi nanaandawi-gikenjigewin, miziwe, Giizhaa Agaa Yaajig eshkiniigijig memdage agii zhayaawog dikobizowaad ado odeniwiniwaa digoyaawaad dinakimigadowinan miinwaa manidokewin zhichigewinan. Newen ishpi naanon memdage agaa wenaamjigaadeg dinakimigiziwinan miziwe gwa kina Giizhaa Agaa Yaajig eshkiniigjig agii aawinon:
49% Digoyaawaad zhiwe odeniwiniwaa miinwaa manidokewin zhichigewinan/ danakimigidowinan. 42%
47%
42%
Mina Daapinindwaa zhiwe ado odena
Izhaawaad odi owi akiingh
35%
Aaniish gewe Giizhaa Agaa Yaajig eshkiniigijig ezhi mooshtowaad gidiskinowaad onji ado odenwinan?
””
Gikendaasiwaad onji miinwaa wiiji ayaawaad gewe Gechi Piitizijig
Gashkitowaad awii giigidowaad owi ado gete iniwewin
Dizhinjigaademigag dikobiziwin miinwaa gibaakoganan owi dikobiziwin onjibaawin niigaangonaa-aa eshkiniigijig awii maadokiiwaad owi ado zhiwebiziwin owi gidiskaawaad mizhishiwongh inendamowin, manidowaadiziwin, miinwaa nikaaziwin. Bezhig eshkiniigid zhiwe owi Toronto Maadokiing Gaataadibiwin agii maadokii owi ayaangh wiiji dinakiindiwin aawon bamiwidoongh inaangizhewinan miinwaa nendaagiziwin, dash newen shkwe-aangh wiisigendamowinan zinagidoon awii zhichigengh niinda inaangizhewinan, owi eni miigwemigag owi izhayaawin owi gidishkaawin. Bkaan gewe waajii-ejig agii kidwoog owi shkonigan gimaawinan miinwaa biinji mashkowi giiwaajibidemigagagii zinagad awii izhayaangh dikobizangh ado rnjibaawaad odenwinan. Niibna eshkiniigijig agii dibaataanaa-aa owi zinagiziwaad owi makamiwaad owi dibishkomigag owi dikobizowaad ado inaadiziwinwaa miinwaa odena epiichi noojimowaad owi aanke bimaadiziwin wiisigendamowin.
Eshkiniigjijig agaa waawiindaanaa-aa bkaan aanin waajii-emigag owi ayaawiwaad aanigwodinong adaa zhiwebad owi gidishkobideg onji ado Giizhaa Agaa Yaajig wiiji dinakiindiwin naagijigewinan. Bezhig eshkiniigid zhiwe Montréal Maadokiingh Gaataadibiwin agii maadokii ado bimaadiziiwin owi wiijii-ed zhiwe Manidodaaswaan aawid Niish-Jichaag bemaadizid, zhiwe aabdeg agii biiskamiwaad majigoden miinwaa wiidibamaawaad kwewog, woshme dowendiziwaad awii wiijii-ed newen manidokewinan. Aanowi gwa agii nisidiwaabmdamiwaad owi bkaan-enjigewin gewe Niish-Jichaag miinwaa LGBTQQIA+ bemaadizijig zhiwe wiiji-dinakiindiwin aanjisemigag, agii makowaataagoziwog owi aanin odenwinan m’jiginaanaa-aan aakwaadag naaknigewinan miinwaa n’gaazijigewinan owi age zhitoomigagiba owi neniizaanag ayaang gewe eshkiniigjjig miinwaa aanishimendamowaan owi aanji dikibizowaad ado odenwiniwaa.
Aaniish gewe Giizhaa Agaa Yaajig eshkiniigijig ezhi waabmdamiwaad ado odeniwiniwaa niigaan bimaadiziwin?
Owi naanaagidowendamowaad owi ezhi waabmdamiwaad owi niigaan bimaadiziwin newen ado odenwiniwan, eshkiniigijig agii dibaataanaa-aa owi ombinigaadeg ensa bezhig owi odeniwingh bimaadiziwin, memdage gwa:
Misendamong kina nendowendaagwog nankiiwinan zhiwe ado odenwiniwaan, newen e’digosingh mina yaawin, wiibidaakewin, oshkiizhigoon naagidowenjigaadeg, miinwaa indendamowin mina yaawin nankiiwinan.
Misendamong kina gikinomaagewinan wiigwaaman
Misendamong owi waankiimigag miinwaa mina nangidemigag wiigwaamon.
Digowenjigaaziwaad, mina daapinigaaziwaad, miinwaa mina wenjigewin kina Niish Jichaag LGBTQQIA+ odenaangh debendaagozijig
Naasaab aawong misendamowin owi gichi nishingh aabajikaazowinan (miikanan, waasamowin, bimidaabinogowin, waasamo-asabi mazina-igan dikobidemigag miziwe kamig)
Aasgaabiwichige wiigwaaman gewe Gechi Piitizijig
Daminowin miinwaa minwendaagozingh wiigwaaman
Noojimowin onji dikobiniginan miinwaa aazhidewiingh aakwaadiziwin
Ombinigaadeg newen bwaanwichige wiigwaaman gewe odena debendaagozijig eyaamjig bwaanwitowinan
Miijim waankiiwin onji Giizhaa Agaa Yaajig odenwinan (dibishko gonaa, maamowi gitigengh, woshme miijim mina piitigindeg, giiwisewin, miinwaa zigakinigengh)
Woshme Niibna Wiijikiwendiwin Wiigwaaman zhiwe gichi odenaangh
Miziwe nisidwinaagoziwaad bemaadizijig, eshkiniigijig waamdanaa-aa ado odenwiniwaa awii naagidowendiziwaad, enji maajiigingh newen gete bimaadiziwin gikino-maagewinan miinwaa zhichigewinan owi gimaawin, owi gechi nishing nikaaziwinan miinwaa zhichigewinan. Akinwaadendaagwog gikina maanda, ado waabmdaanaa-aa Gechi Piitizijig naagidowenjigaaziwaad, Niish Jichaag miinwaa LGBTQQIA+ eshkiniigijig animkaagaaziwaad zhiwe odenaangh, miinwaa eshkiniigijig mashkowendamowindwaa awii niigaaniwijigewaad. Owi memaanji niibna gewe eshkiniigijig (71%) agii ishpinendamaDikobwog owi ninda aanjichigewinan.
Zhiwe owi kina maamowi ekidowaad, nanaandawi-gikenjigewin agaa nakwetamajig agii dibaataanaa-aa inaadiziwin miinwaa inaadiziwin zhichigewinan aawong dibishko digokizigan dikobinigaaaziwaad ado inoodewiziwiniwaa miinwaa wiiji dinaakiindijig maamowi ayaawaad. Zhiwe owi bebezhig ekidowaad, inaadiziwin digoyaawaad bebezhig eshkiniigijig agii dibaataanaa-aa owi nikiiyaa ado digoyaawin agii zhinomaagwaan ado wenaamjiginon newen nowonj dibaabiishkojigon, e’digosingh inanokiiwin miinwaa ezhi wiisiniwaad, ngoji awaa daawaad, ezhi ginowendamowaad wiijiindiwinan wegwen gwa ayaawong, miinwaa edamoomigag owi bimaadizingh weweni.
““
Inaadiziwin ngii madookidaagwon bimaadiziwi aapaji gwa niibna.
Onjimaajitaamigag owi mazina-igan mazinsingh, inaadiziwin naagijigew miijim, owi nikiiyaa ezhi inaangomiwaag bemaadizijig. Maamowi gwa, Inaadiziwin agii mazinaan ndo bimaadiziwin gagwek nikiiyaa.
-Nanaandawi-gikenjigewin Waajii-ed
Aaniish nikiiyaa Giizhaa Agaa Yaajig eshkiniigijig dikobizo-aad ado inaadiziw
Zhiwe owi nanaandawi gikenjigewin, eshkiniigijig agii dibaajimowog izhayaawaad gichi woshme dikobizowaad newen ado inaadiziwiniwaa apii dinoojitowaad zhiwe odeniwiniwaan. New naanon dinagimigiziiwinan ezhibiigaadeg maampii niisa-iingh, nowonj zhisinoon, agii aawinon newen ishpi naanon dinagimigiziwinan gewe eshkiniigijig inendamowaad dikibizowaad ado inaadiziwiniwaa gegaa miziwe nisidwinaagoziwaad bemaadizijig. Akidwaadendaagwog, Eshkiimewi eshkiniigijig age agii digosidonaa-aan gimanwin, niimwin miinwaa/maage dewegengh zhiwi ado ishpi naanon miinwaa zigakinigengh digosingh ishpi nisiwi.
naanon nikiiyaa owi dikibizowin owi inaadiziwin miziwe:
Ayaa-aan zhiwe ndo odena
Misendamowaad gewe Gechi
Piitizijig miinwaa inaadiziwin aasgaabiwitaagewinan
Debinamong miinwaa wiiji ayaa-aan newen gikinomaagewinan
Wiijii-eyaan zhiwe manidokewinan
Zigakinigengh, e’digosingh giiwisewin, giigoonhkewin, nisoojigewin miinwaa maandonigaadeg myaajiigingh miinwaa mashkikiin
Wegonesh nigadendamowinan gewe Giizhaa Agaa Yaajig agaa yaamiwaad owi gikendamowaad ado iniwewiniwaa?
Owi iniwewin gikendamongh, gegaa kina Giizhaa Agaa Yaajig eshkiniigijig agii kidwog gikendaanaa-aa maage megwaa zhichegwog owi gikendamowaad ado iniwewiniwaa maage ado misendamoog awii gikendamowaad. Goweta 2% gewe Giizhaa Agaa Yaajig eshkiniigijig agaa gawejimigaaziwaad zhiwe nanaadawi gikenjigewin agii kidwog gaawii misendiziinaa-aa awii gikendamowaad ado iniwewinwaa, owi aanke 4% agii wenaamdaanaa-aa “bkaan” ezhi nakwetamowaad.
Gaawii misendiziin
Gikendaanaa-aa miinwaa nitaa giigidowog
Haven'tlookedintoit 28%
Gaawii agii nda gikendiziinaa-aa 28%
Gaawii gegwo tesino waazhi gikandamongh 16%
16%
35%
Megwaa nda gikendaanaa-aa 35%
Eshkiniigjig wewiiba agii waawiindaanaa-aa gego dibishko waasamo asabi mazina igan biiwaabik gikinomaagewinan, iniwewin gikinomaagewin mazina-iganing, miinwaa wiijikiwendingh mazina-igan aawinon naadmegemigag nikaaziwinan apii maadokiingh wegwen gwa agaa naadmaagiwaad owi gikendamowaad ado iniwewiniwaan. Niibna eshkiniigijig age agii kidwog agii gikendaanaa-aa onji netaa anishinaabemijig inoodewiziniwaa miinwaa gewe e’dinaangidoonijig zhiwe ado odenwiniwaan. Owi dizhinjigaadeg maanda, aanin agii maadookiiwog owi ezhi gichi piitendaagwog owi iniwewin bimaadiziitoongh, gashkitoongh awii ginoonigaaziwaad Gechi Piitizijig, miinwaa dowendamowaad awii minaajaa-aad ado gitiziiminaabaniig.
““Dinangidoniyaan ndo iniwewin
-Nanaandawi-gikenjigewin
Waajii-ed aawon owi nikiiyaa owi minaajaagwaa ndo ngitiziiminaabanig miinwaa zikakinamaangh ndo gete bimaadiziwin.
””
““ Zhiwe ndo iniwewin, Mino Bimaadiziwin adamomigad ‘awii ayaamaa gwayakaadiziwin’””
apii ayaa-aan mitig-waakiingh ndo bagiji-ayaa. Ndo izhayaa newen kina etemigag bimaadiziwin - inendamowin, wiiyaw, izhayaawin, miinwaa jichaag kina niibidesingh
-Toronto Maadokiingh Gaataadibiwin Waajii-ed
Onji gewe niibna Giizhaa Agaa Yaajig eshkiniigijig, ombigiwaad owi ado inaadiziwin gaawii agii aawizino agaa gashkitowaad awii zhichigewaad, miinwaa ani ayaawog owi bimasewin owi aanji dikobizowaad. Maanda owi nanaandawi-gikenjigewin, eshkiniigijig agaa aanji dikobizowaad owi ado inaadiziwin agii dibaataan-aa owi zhichigewaad agii naadmaadiginaa-aa inendamowaad owi dibendaagoziwaad miinwaa wiiji dinaakiingh epiichi aanjinaagwog ado waabmdamiwiniwaa miinwaa naadmaagwaad nojimowaad. Owi gechi piitendaagwog owi aanji dikobizowaad owi inaadiziwin agii aandiwewesin zhiwe newen maadokiiwaad gaataadibiwinan, owi eshkiniigijig kidwaad owi aanji dikobizowaad ado inaadiziwin agii naadmaaginaa-aa owi inendamowin mina yaawing miinwaa nakweshkamowaad maanendaagokin dibishko gonaa mimaanjigongewinan.
Wegonesh gibaakoginon gewe Giizhaa Agaa Yaajig eshkiniigijig nekweshkamowaad owi maajiigitowaad mina yaawin?
Apii agii gagwejimindwaa Giizhaa Agaa Yaajig eshkiniigijig zhiwe owi nanaandawi gikenjigewin wiinwaa miinwaa bkaan aanin Giizhaa Agaa Yaajig eshkiniigijig gibaakoganan nekweshkamowaad owi maajiigitowaad mina yaawin, owi agaa maanji waawiinjigaadeg agii waawiindaanaa-aa gibaakogan agii aawon inendamowin mina yaawin. Newen naanon memdage agaa wenaamjigaadeg nakwetamowinan agii aawinon:
67%
65% Inendamowin mina yaawin
63% Gaawii gikendizwaad waanji maajitaawaad maage wegwen awaa zhaamaawaad
47%
62% Gaawii debisesino minik dibagiisiwaan, mashkowiziiwin maage zaam niibna nyaagidowendamowaad
Mine’aag owi misenjigewin owi mina shkaagewin, mina piitigindeg miijim zhiwe daawegamigoon
Zhoonyaa gibaakogaadewinan/ owi epiitigindemigag bimaadiziwin
DEBAACHIGAADEMIGAG 3
DIKOBIIGAN OWI GICHI DIBAAJIMOWIN
Gikendaasowin miinwaa
Ishpendaagwog Nakiiwin
Wegonesh owi gikinomaadiwin ezhi naagwog gewe Giizhaa Agaa Yaajig eshkiniigijig?
Owi gichi niibna Giizhaa Agaa Yaajig Eshkiniigijig, gikinomaagewin zhaamigad baashkaji owi debinigaadeg gichi gikinomaagewin debwe mazinigan. Azhide kina Giizhaa Agaa Yaajig eshkiniigijig agaa gagwejimigaazijig, newen memdage agaa wenaamjigaadeg nakwetamowinan apii gagwejimindwaa wegonesh owi gikinomaagewin edamomigag wiinwaa ayaawinanig:
Gikendaasowin owi bimaadiziwin nigadendamowinan
Dinaangidonwin gikinomaagewinan
Debinamiwaad ishpi gikinomaage gamig debwe mazinigan onji owi ishp gikinomaage gamig
Gikendaasowin zhiwe kiing owi naagizowaabdamiwaad miinwaa nigajiiwin
Gikendaasowin owi wiiji ayaang zhiwe manidokewinan
Gikendaasowin niin age digosin
gikendamaa ndo inaadiziwin zhichigewinan miinwaa aankenimaa newen gewe aanike bimaadizijig.
-Nanaandawi-gikenjigewin Waajii-ed
Miinwaa age ngii gagwejimaanaanig eshkiniigijig zhiwe owi nanaadawi-gikenjigewin owi ado inaakinigewiniwaa newen ani bimisemigag biboonan. Gewe memaanji niibna (93%) agii kidwog megwaach gwa ada nikaazinaa-aa ado gikendaasowin awii miigiwewaad mina nikiiyaa miinwaa mashkowiziitowaad ado odeniwiniwaan. Akinwaadendaagwog, 70% gewe Giizhaa Agaa Yaajig eshkiniigijig agaa gagwejimigaaziwaad agii kidwog owi inaakinigewog awii aanjiiwaad ngoji bkaan ado odena onji nakiiwain, miinwaa 57% onji gikinomaadiwin. Gichi piitendaagwod awii akinwaadendamong owi aanin eshkiniigijig aanjiiwaad owi gikinomaagewin maage nakiiwin, gaawii gnimaa maanda adaa aawizino e’wenaamdamiwaad dash owi nendowendaagwog. Niibna eshkiiniigijig agii kidwog age inaakinigewaad owi debinamiwaad maage ombinamoowad ado ishpi gikinomaagewin, owi 39% kidwaad megwaach gwa ada deninaanaa-aa owi inanokiiwin debwe mazinigan owi ani gmaaming biboon, 48% kidowg megwaach gwa ada debinaanaa-aa gabe gikendaasowin debwe mazinigan, 67% kidwog owi megwaach ada debinaanaa-aa owi ishpi gikinomaage gamig debwe mazinigan maage aanke ishpi gikinomaage gamig gichi gikinomaadiwin debwe mazinigan, miinwaa 53% kidwog megwaach gwa ada debinaanaa-aa memaanji ishpaamigag gikinomaage debwe mazinigan.
gewe Giizhaa Agaa Yaajig eshkiniigijig waawiindaanaaaa gikendaasowin aawon owi gikendamowin onji bimaadizingh nigadendamowinan, aawechigaadeg owi 64% waawiindamowaad owi debinamiwaad ishpi gikinomaadiwin debwe mazinigan.
Wegonesh gibaakoganan gewe Giizhaa Agaa Yaajig eshkiniigijig nekweshkamowaad owi gikinomaadiwin?
Owi dibaatamiwaad newen gibaakoganan nekweshkamowaad owi gikinomaadiwin miinwaa nakiiwin, zhoonyaa miinwaa epiitigindeg owi bimaadizingh agii aawinon agaa aabaji dibaachigaadeg. Gmaaminig eshkiniigijig agii maadokiiwog owi nondesimigag dibagaadewin gewe gaawii maziniganisiijig anishinaabe aawiwaad eshkiniigid, miinwaa owi gaawii gashkitosiwaad awii misendamowaad dibagewin agii madookdaagemigad ado gikendaasowin bimasewaad. Aanin e’gashkitowaad awii misendamowaad anishinaabe dibagewin agii dibaataanaa-aa owi gagwech gaawii debisesino maage newen nendowendaagwog aawingh gabe giizhig gikinomowind zinagad awii misenjigaadeg, miinwaa aanin agii maadookiiwog owi mine-aag misenjigaadeg zhoonyaa miingowin naanda-gikinomaagewin. Gewe aanin Wiisakode ekinomaazijig, newen gaawii naasaab aawizinag owi dibagaademigag gikinomaadiwin zhisewin miziwe Wiisaakode gimaanwin aawon gibaakogan. Apii dibaachigaadeg newen zhoonyaa gibaakoganan, owi epiitigindeg bimaadizingh agii aawon netaa kidang agaa mogisemigag. Niibna eshkiniigijig agii maadokiiwog owi dowendaagwog awii nakiiwaad awii bimindiziwaad, owi godagitowin ado gikinomaagaaziwaad miinwaa madookidaan owi mina yaawin.
““Ngii debis agii ayaamaa aanin zhoonyaa ””
onji ndo shkonigan owi gikinomaagewin, dash age ngii naajitoonaa owi zhoonyaa. Ngii aabadaangizhe epiichi skooniwiyaan, miinwaa agii gagwaansagad owi ndo inendamowin miinwaa wiiyaaw mina yaawin Gaawii gego ngii ayaanziin dinakimigizii-aan, miinwaa ndo gaskiweziwin owi skoonwiwin agii maanaadidoon
-Waabinong Gichi Nibiish Maadokiing Gaataadibiwin Waajii-ed
““
Temigad
awii zhichigengh kina ninda Apii nisimidana ani piitiziiyin kina dibagaadeg gikinomaagewin maajaamigad
aapaji niibna gagaanigonigowin ””
-Shkoniganingh Gaataadibiwin Waajii-ed
Aaniish nikiiyaa Giizhaa Agaa Yaajig e-waawiindamowaad gechi inendaagwog nakiiwin miinwaa endo daagemigag?
Owi aanji ginowaabmjigaadeg nanaadawi gikenjigewin nakwetamowinan owi gagwedwewin “Aaniish ezhi waawiindamon gechi inendaagwog nakiiwin?” Gajitwaaziwin, zhoonyaamingh, miinwaa zhoonyaa agii aawizinon ishpaamigag newen eshkiniigijig waawiindamowiniwaa, dash odena, biskaabi miigwengh, miinwaa naadmaagaaziwaad bemaadizijig agii niigaaniinon miinwaa nanaagwi’endaagodoon. Miinwaa age ngii gagwejimaanaanig eshkiniigijig wegonesh dnowaa ezhiwebakin nendowendamowaad awii waabmdamiwaad owi ado nikiiwiniwaa, miinwaa ado nakwetamowiniwaa owi gichi mashkowendamowin owi naawitowaad ado odenwiniwaa, ginodamowaad owi aanjisewin kina ngoji, miinwaa aasgaabitwaa-aad eshkiniigijig, Giizhaa Agaa Yaajig kwewog, miinwaa Niish Jichaag LGBTQQIA+ eshkiniigijig.
““ ’Gichi inendaagwog nakiiwin’ aniin
adamoomigad naadmaageyaan owi maajiishkaamigag miinwaa nanaawitowaan ndo bimaadizinag miinwaa ndo odena.
-Nanaandawi-gikenjigewin Waajii-ed
Iniwewin Gikinwaajibiigan
””
Owi onji maanda nankiiwin, ndo nikaazinaa owi mengidewaag edimomigag owi “nakiiwin” owi gaawii goweta aawizino owi daawengh nakiiwin owi zhoonyaakewin. Nakiiwin adaa digosin endaangh nakiingh, aki ginowenjigaadeg miinwaa ginodimaagewin, naadmaagengh miinwaa odenaangh nakiingh, miinwaa aanin bkaan dnowaa wenpash nakiingh.
Gmaaminig waajii-ejig memdage agii waabmdaanaa owi gichi inendaagwog nankiiwin aawon ginodimaagewin owi e’gigiikinong Giizhaa Agaa Yaajig dibendaasowinan miinwaa majiginigaaza owi Canadian gimaawin dibendamowaad owi mewizha miinwaa ayaabajitemigag aakwaadiziwin miinwaa dibasenjigewin. Aanin eshkiniigijig agii dibaataanaa-aa maanda owi ayaawong owi nakiingh awii maajitaamigag zhichigewin aanjisemigag onji inaakinigewin nakiiwin miinwaa ginoodamaagewin, miinwaa niibna agii dibaataanaa-aa owi ezhi nowendaagwog owi aki ginowenjigaadeg miinwaa bimaakiwiiwin. Aasgaabiwchigaaziwaad Niish Jichaag LGBTQQIA+ wiiji dinakiindiwin miinwaa mashkoziwaad Giizhaa Agaa Yaajig kwewog age agii aawon ishpendaagwog doodamowin miinwaa digosingh owi eshkiniigijig ado waawiindamowinan owi gichi inendaagwog nankiiwin. Owi naagaadendaagwog, eshkiniigijig ado inendamowiniwaan owi gichi inendaagwog nakiiwin miinwaa ezhi dodaagemigag gaawii gaataasizinon owi zhoonyaa ishpendaagwog dash onjibaamigag newen debwewendamowinan, dikobizowin, wiijiindiwinan, miinwaa moshkin mina yaawin.
““
Gichi inendaagwog nakiiwin aawon nakiiwin owi mina doodaagemigag
bekaanag (bemaadizijig, aki, wesiinig, bkaan aani wiijiindiwinan) miinwaa gaawii giikinigaadesino maji doodamowin zhiwe miziwe kamig (zegiziwin, maanaaji doodamong owi eshkiwebak akiing, wiisigicjigaadeg bkaan aanin wiijiindiwinan onji bezhigwad maajiishkaad). Gichi inendaagwog nakiiwin maajiigin owi inendamowin owi giizhendamowin owi ezhaamigag baashkijiwiingh owi zhoonyaa miinwaa nikaaziwinan gajitwaaziwin.
-Nanaandawi Gikenjigewin Waajii-ed
Wegonesh aasgaabiwitaagewinan gewe Giizhaa Agaa Yaajig eshkiniigijig meneziwaad awii bimaashkamiwaad gichi inendaagwog nakiiwin?
Owi gagwejimindwaa eshkiniigijig wegonesh aasgaawitaagewinan meneziwaad awii makamiwaad maage ginowendamowaad gichi inendaagwog nakiiwin, eshkiniigijig agii zhitonaa-aa weweni izhinaagwog inaakinigewin gewe zhichigewin maagwejig, naaknigewin eshtojig, miinwaa ayaangizhechigejig. Miziwe Anishinaabeg, Wiisaakodeg, miinwaa Eshkiimewig eshkiniigijig, owi memaanji wewiiba agaa waawinjigaadeg aasgaabawitaagewinan nendowendaagwog gewe Giizhaa Agaa Yaajig eshkiniigijig nendowaabmdamiwaad gichi inendaagwog nakiiwin agii aawinon, wiijikiwendiwin, inendamowin, maage inaadiziwin aasgaabiwitaagewinan; ayaamong owi e’waankiimigag miinwaa aasgaabawichigemigag enji nakiingh; giikimigejig, nakiiwin gikinomaagejig maage nakiingh gikonwaabmjigaadeg nankiiwinan; Giizhaa Agaa Yaajig eshkiniigijig nakiingh gikinomaadiwinan; miinwaa Giizhaa Agaa Yaajig naagaanwidojig inaangizhewin zhisewinan.
51%
Wiijikiwendiwin, inendamowin maage inaadiziwin aasgaabiwitaagewinan
Giikimigejig, nakiiwin gikinomaagejig maage nakiingh gikonowaabmjigaadeg nankiiwinan 45%
Giizhaa Agaa Yaajig naagaanwidojig inaangizhewin zhisewinan
Memaanji ishpaamigag naanon aasgaabiwichiganan nendowendaagwog onji eshkiniigijig awii dowaabmdamiwaad gichi inendaagwog nakiiwin: 37%
Ayaamong owi e’waankiimigag miinwaa aasgaabawichigemigag enji nakiingh
Giizhaa Agaa Yaajig eshkiniigijig nakiingh gikinomaadiwinan
Aanin nakwetamowinan bekaanag agii naagidoon apii ginowaabmjigaadeg nakwetamowinan owi Giizhaa Agaa Yaajig gikinowaajinaagoziwaad – Eshkiimewi eshkiniigijig digosin temigag misenjigewin newen Giizhaa Agaa Yaajig naagaanwidojig inaangizhewin zhisewinan owi memaanji ishpaamigag niswi aasgaabiwitaagewinan, zhiwe gewe Anishinaabeg miinwaa Wiisaakode eshkiniigijig gaawii agii aawizinon. Wiisaakode eshkiniigijig ayaamong owi e’waankiimigag miinwaa aasgaabawichigemigag enji nakiingh woshme ishpaamigag dash gewe Anishinaabeg miinwaa Eshkiimewi eshkiniigijig. Akinwaadendaagwog, 37% gewe bemaadizijig eyaamijig bwaanwitowin agii waawiindaanaa-aa miziwe kiing nendowendaagwog zhoonyaa aawong bezhig owi memdage nendowendaagwog aasgaabiwichigewinan awii dowaabmdamangh gechi inendaagwog nakiiwin, dash gewe 17.2% gewe bemaadizijig gaawii eyaanziwaad bwaanwitowin.
Miziwe gwa, gewe gegaa kina Giizhaa Agaa Yaajig eshkiniigijig agaa gagwejimigaaziwaad (76%) agii ombendimoog owi newen gechi inendaagwog nakiiwin zhisewinan temigadoon awii misendamowaad miinwaa bkaan Giizhaa Agaa Yaaji eshkiniigijig odi niigaan ani aawongh.
gewe nanaadawi gikenjigewin waajii-ejig eyaamijig bwaanwitowin agii waawiindaanaa-aa miziwe kiing dibamaagowin aawong bezhig owi memdage nendowendaagwog aasgaabiwichigewinan awii dowaabmdamangh gechi inendaagwog nakiiwin, dash gewe 17.2% gewe bemaadizijig gaawii eyaanziwaad bwaanwitowin.
DEBAACHIGAADEMIGAG 4
DIKOBIIGAN OWI GICHI DIBAAJIMOWIN
Mina Ginondiwin miinwaa
Maamowi Gaabiwingh
Wegonesh owi mina ginondiwin e’damoomigag gewe Giizhaa Agaa Yaajig eshkiniigijig?
Awii boonkiizidoong owi dinaangidoniwin owi myaadokiing nisidwendamowin, ngii maajitaami owi waawiindamong owi mina ginondiwin aawong owi maajiishkaatoongh miinwaa naagidowenjigaadeg owi minaadendamowin, gwayak, miinwaa naasaab azhi wiijigaabitaadiwin Giizhaa Agaa Yaajig miinwaa gaawii Giizhaa Agaa Yaajig yaawisiwaad bemaadizijig maampii Ganaada. Ndo nisastaanaa owi kina gwayaa gnimaa adaa ayaan bkaan ezhi aankanitong owi mina ginondiwin, dibishko inendamowin owi agezhi gashkichigaadegiba, miinwaa bebakaan inendamowinan agezhi gashkichigaadegiba endagwen gwa gegeti.
Apii ginojigaaziwaad eskiniigijig zhiwe owi maadokiiwin gaataadibiwinan newen ado inendamowiniwaa owi mina ginondiwin, owi mashkowi ekidong agaa ombishkaamigag agii aawon owi dowendaagwog gewe oshki digoshinajig miinwaa oshki digoshinajig gimaawinan awii aanji ginowaabmdamiwaad owi debwemigag ayaawong owi debwewin miinwaa mina ginondiwin. Eshkiniigjig getinaamtagoziwog owi gikinomaagaaziwaad Canadians owi debwemigag gaawii aawiziwon ado inaangizhewiniwaa gewe Giizhaa Agaa Yaajig bemaadizijig. Gmaaminig eshkiniigijig dibaataanaa-aa newen doodamowinan owi mina ginondiwin gaawii gego adaa piitendaagosino apiinish kina owi debwewin maadokiingh, nisaschigaadeg, miinwaa minadenjigaadeg.
Giizhaa Agaa Yaajig eshkiniigijig memaanji ishpaamigag naanon waawiinjigewin owi mina ginoondiwin:
Minaadenjigaadeg Gichi Waawiindamaagewinan 70%
Misenjigaadeg owi gikinomaagewin Ekwaawiiwong kina nakiigamigoon dibasenjigewin 46% Aki Ne-aab debinigaadeg 67%
Wiinwaa Bimaakinidiziwaad owi kina Giizhaa Agaa Yaajig bemaadizijig 48%
““ Temigad owi “debwewin” zhiwe Debwewin miinwaa Mina Ginondiwin miinwaa bemaadizijig
ado nendaanaa-aa owi.
Bemaadizijig bwaaniwitowog awii nisidiwinimowaad owi debwewin zaam bagwanawaadiziwog maage gaawii agii gikinomaagaasiiwog. Jiishiwebinamiwaad owi debwewin ayaawong miinwaa zhaawaad gagwek gwa owi mina ginondiwin, inendaagwog oshkwe-aangh azhaangh.
Mina ginoondiwin, Ndo waabmdaa owi aawong giizhendamowin biitwi odenwinan, inakaanewiziwinan, gimaawin. […] Ndo ojaanimendam owi nikiiyaa gaawii Giizha Agaa Yaajig ayaawiwaad bemaadizijig ogajiwog owi debwewin maage nga maanaajitaagwog giishpin debwe aajimaaan. Ado nisidwendaanaa-aa gaawii giikendiziinaa deminig miinwaa zegiziwog owi minik gekendiziwaad.
-Whitehorse Maadokiingh Gaataadibiwin Waajii-ed
””
Aanin bkaan nikiiyaa Giizhaa Agaa Yaajig dibaatamiwaad mina ginondiwin zhiwe maadokiing gaataadibiwinan, miinwaa eshichigengh inendaagwog mina ginoondiwin wiinwaa digosinon:
Owi aabajisemigag nankiiwin, gaawii owi e’jekaagibiigaadeg
Owi nisidwendamongh owi agaa zhiwebak
Ngoji azhaangh oni maji ginowaabmjigewin miinwaa gagiiniwishkaajimowin
Gajitoongh awii gikendamangh owi agaa zhiwebiziwaadGiizhaa Agaa Yaajig bemaadizijig
Owi bezhigwendamowin biitwi odenwinan, inakaanewiziwinan, gimaawin Gashkitoongh awii izhichigengh inaadiziwin miinwaa giigidowin owi iniwewinan Waankii-endamongh Azhaangh bashkijiwiingh aki nisidwaabmjigaadeg
Owi mina ginoondiwin ana gichi piitendaagwod gewe Giizhaa Agaa Yaajig eshkiniigijig?
Zhiwe nanaadawi gikenjigewin, 85% gewe Giizhaa Agaa Yaajig eshkiniigijig agii kidwog owi mina ginoondiwin gichi piitendaanaa-aa. Goweta 2% gewe Giizhaa Agaa Yaajig eshkiniigijig agii kidwog gaawii, owi 8% gwiinwinendamowaad miinwaa 5% nowonj inendamowaad awii bwaa kidwaad. Eshkiniigjig zhiwe maadokiingh gaataadabiwin naasaab agii kidwog, kidwaad wiinwaa, mina ginoondiwin gichi piitendaagwod ani azhaangh owi noojimowin onji agaa zhiwebizingh miinwaa gagwekwenjigaadeg Giizhaa Agaa Yaaji
Gaawii
““ [Mina ginoondiwin] ndo gichi piitendaan dash wiigwa moshkin ana ada gashkichigaademigad? ””
Tenoon gegeti zhichigewinan age gashkichigaadegiba dash aaniish minik aasgaabiwitaagewin age debinigaadeg giishpin owi dibasenjigewin ayaa-aabi baatiinag?
-Whitehorse Maadokiingh Gaataadibiwin
Aazhawe, aanin eshkiniigijig agii maadookiiwog owi mina ginoondiwin gaawii gichi piitendaagosino wiinwaa miinwaa gaawii ishpendaagozino. Gewe aanin Giizhaa Agaa Yaajig, ginowaabmdamiwaad owi nojimowin zhiwe ado odewiniwaan woshme agii gichi piitendaagwod. Gewe aanin bekaanzijig, mina ginondiwin gaawii gnimaa adaa gashkichigaadesino apiichi aanin Giizhaa Agaaa Yaajig odenwinan ayaa-aabi nondesewog nendowendaagwog awii bimaadizingh dibishko baanaagimig minikwe nibiish miinwaa waankiwongh endaangh, kidwog aabdeg dowendaagwod awii zhiwebak jibwaa gego bkaan.
““
Aaniish owi agezhi gashkito-ingh awii mina ginodiyingh apii mineziwinan gaaawii nakweshkigaadesinag kina gdo bemaadizinaanig?
””
-Whitehorse Maadokiingh Gaataadibiwin Waajii-ed
Aaniish gewe Giishaa Agaa Yaaji eshkiniigijig ezhi waabdamiwaad owi niigaan miina ginoodiwin?
Zhiwe owi nanaadawi gikenjigewin, ngii gagwejimaanaanig Giizhaa Agaa Yaajig eshkiniigijig owi epiichi getinaamendamowaad enendamowaad newen bebakaan enankiijig owi mina ginoondiwin. Giizhaa Agaa Yaajig eshkiniigijig agii nitaa bezhigwendamowog owi gichi kiing Giizhaa Agaa Yaajig waaji nakiindijig getinaamendamowaad owi mina ginoondiwin owi 76% minik. Maanda naagijigaademigad newen Giizhaa Agaaa Yaajig gimaawinan, owi 69% minik. Apii ginowaabmjigaadeg owi epiichi getinaamendamowaad eshkiniigijig inendamowaad gimaawinan miinwaa nakiiwinan ayaawong owi mina ginoondiwin, 24% goweta agii bezhigwendamoog owi gichi kiing gimaawin agii getinaamendamoog, 26% agii bezhigwendamoog newen kiinsan miinwaa waasa wekamig gimaawinan agii getinaamendamoog, miinwaa 27% endinakiingh gimaawinan miinwaa nakiiwinan agii getinaamendamoog. Giizhaa Agaa Yaajig eshkiniigijig agii debwewendamowog owi ninda bebakaan enankiijig aawiwog owi nondaaj getinaamendamog owi mina ginondiwin.
Aaniish epiitendaagwog newen maamowi gaabiwingh miinwaa wiijikiwendiwin gewe Giizhaa Agaa Yaajig eshkiniigijig?
Giizhaa Agaa Yaajig eshkiniigijig dowendaa-naa-aa woshme newen ado odenwiniwaan wiidokaaziwaad zhiwe maamowi gaabiwingh dinaakimigiziwinan. Apii gagwejimindwaa endogwen maamowi gabiwingh newen bkaan aanin nondaaj inenjigaadeg odenwinan gichi piitendamowaad, owi memaanji niibna (73%) agii kidwog enh, epiich gwa 2% agii kidwog gaawiin, 19% gaawii agii gwekwendiziiyaaaa, miinwaa 6% gaawii agii ndowendiziinaa-aa awii nakwetamowaad. Owi memdage aanji ginowaabmjigaadeg nakwetamowinan onji Makadewizijig-Giizhaa Agaa Yaajig eshkiniigijig, 83.3% agii wiindamaagewog owi maamowi gaabiwingh ado gichi piitendaanaa-aa, epiich gwa 16.7% agii wiindamaagewog gaawii agii gagwekwendiziinaa-aa. Dash wiigwa, apii Giizhaa Agaa Yaajig eshkiniigijig agii gagwejimindwaa epiichi wewiiba owi odena enji dibendaagoziwaad dikobizowaad newen bkaan nondaaj inenjigaadeg odenwinan 19% agii kidwog pane, 41% agii kidwog aanigodinong, 20% agii kidwog gichi wewiikaa, 4% agii kidwog gaawii wiikaa, miinwaa 16% agii wenaamdaanaa-aa “gaawii gego ndo akidsii.”
Owi maamowi gaabiwingh gewe aanin bkaan nondaaj inenjigaadeg odenwinan gdo gichi piitendaanon?
Wenaamdaanaa-aa awii bwaa nakwetamowaad
Gaawii gashkitosiinaa-aa awii kidwaad 16% Gwiniwenandamoog 19%
Eshkiniigijig gagwech agii kidwog owi oshki digoshinajig wiijikiwendiwin gichi piitendaagidani nowonj dnowaa onji owi minwaabidag oshki digoshinajig wiijikiwendiwin nikaaziwaad owi ishpi aawiwaad awii zhitowaad ngoji gewe Giizhaa Agaa Yaajig eshkiniigijig awii niigaawijigewaad miinwaa awii ishpaamigag Giizhaa Agaa Yaajig giigidowinan, miinwaa zaam wiiji gaabiwingh miinwaa aasgaabichigewin owi niibna bemaadizijig temigad gashkitowin awii zhichigaademiag woshme miinwaa wewiib woshme aanjisewin. Niibna eshkiniigijig age agii dibaataanaa-aa newen zinagiziwinan owi oshki digoshinajig wiijikiwendiwin, memdage gwa giishpin owi ani aawong bimaajiiniwin maage shpendaagosinag mashkod dash ishpendaagwog.
““
Aawiyaan Giizhaa Agaa Yaajig bemaadizid, ndo aangwaamis owi oshki digoshinajig wiijikiwendiwin
zaa, niibina n’ching ngii ginowaabmaag waabshkii-ejig oshki digoshinagjig naanaagwiaabiwiwaad zhiwe dinaangidoniwin maage gibishkwaa-aad gewe Giizhaa Agaa Yaajig bemaadizijig Oshki digoshinajig wiijikiwendiwin ndo gichi piitendaan apii naanaagwiwiingh Giizhaa Agaa Yaajig bemaadizijig ayaawaad zhiwe dinaangidoniwin maage zhichigewaad wewiib gego awii aasgaabiwitwaawaad dibishko gonaa, zhoonyaa maage bagidinamiwaad ado ishpi gaabiwiwin
-Nanaandawi Gikenjigewin Waajii-ed
Aaniish apiichin owi gdo odena digoyaawaad aanin bkaan nondaaj inenjigaadeg odenwinan nongo?
””
Giizhaa Agaa Yaajig Zhitonaa-aan Niibna, Dikobidemigag Niigaan Ayaawiwaad
Newen dibaajimowinan eshkiniigijig agaa maadokiiwaad niinwi mazina owi nowonj gego maamawisingh owi nowonj nikiiyaa ezhi nisastamiwaadmashkowiziiwin, dikobizangh. inaadiziwin, odena, mina ginoondiwin, miinwaa maamowi gaabiwingh, miinwaa maanda dibaajimowin goweta bazagobojigaade owi agiiwiingh niinda nisastamiwinan. IYR mashkowendam awii aabaji mazinaakozangh woshme moshkin zhibiigan onjibidemigag owi gikendamowain agaa maandonimaangh onji maanda nankiiwin, miinwaa gagwekwenjigaadeg gewe eshkiniigijig miinwaa ado odeniwinan adaa nikaaziwog maanda gikendamowin awii ginoojigaadeg owi naaknigewin miinwaa inaaknigaadeg aanjichigaadeg nendowendaagwog, miinwaa awii zhitowaad zhichigewinan miinwaa zhichigewinan zhiwe enji dowendaagwog age.
Gewe niigaan awaa yaajig Giizhaa Agaa Yaajig eshkiniigijig eshtowaad aawon owi newen ado odenwiniwaan maamowi dikobidenon owi minaadendamowin miinwaa debwe nakwetamowin, miinwaa zhiwe BIPOC waajiindijig pane ayaawog onji wewiinwaa owi minwendaagwog nikiiyaa. Akinwaadendaagwog, gewe eshkiniigijig debendaagoziwaad gmaaminig odenwinan madookidaagaaziwaad nowonj dnowaa zhichigewenan dibaasinigaaziwaad miinwaa bkaan enjigaaziwaad (dibishko gonaa eshkiniigijig e’wziwaad aawiwaad Niish Jichaag LGBTQQIA+, Makadewizijig-Giizhaa Agaa Yaajig eshkiniigijig miinwaa eshkiniigijig e’maakoziwaad) agaa debwetowaad owi gichi piitendaagwog owi maamowi yaangh memdage. Owi mina ginoondiwin, gegaa gwa kina eshkiniigijig gaawii waabmdaziinaa-aa odeniwin, akiinsan, maage gichi kiingh gimaawin aawong etemigag mashkowendamowaad owi mina ginoondiwin, miinwaa inendamawog owi debwewin e’digosingh owi debwewin miinwaa mina ginondiwin gaawii agii digosijigaadesino zhiwe gimaawin naaknigewein maage bemaadizijig giigidowin debisesino. Eshkiniigijig nisastaanaa-aa neniish gwa mina ginondiwin miinwaa maamowi yaangh awii debinigaadeg nyaagwag zhichigewin, gaawii maanjiiniwin maage zhibiigewin anitaagoziwinan.
Giizhaa Agaa Yaajig eshkiniigijig dikobidonaa-aa ado inendamowaad owi mina yaawin miinwaa odena owi ado gashkitowiniwaa awii zhichigewaad ado inaadiziwin, dibi gwa iidik endaawaad. Ado owi inaamidaamiwaad owi wiinwaa giizhendamowin ezhi naagwog owi iniwendaagwod kina maanda, ado ezhi waabmdamiwiniwaan zhiibiigishkaamigad bashkaji owi nendowendaagwog owi baaninaagwog nibiish miinwaa waankiiwendaagwog endaangh, aanowe ninda aabdeg gichi piitendaagidoon. Maanda adamoomigad odenwinan e’yaamiwaad niibna miinwaa mensenjigaadeg Gechi Piitizijig aasgaabiwitaagewinan, mimaanjigongowin zhichigewinan, odenaangh enji maawaanjidingh, iniwewin gikinomaagewin nankiiwinan, miinwaa Giizhaa Agaa Yaajig naagaanwijigaadegin gikinomaage gamgoon miinwaa mina yaawin ginowenjigewin wiigwaaman.
Ngoji gashkichigaademigag, ngii gagjitonaa awiii zhito-aang naaknigewin miinwaa nankiiwin gagiikimaagewinan onji newen dibaajomowinan miinwaa niwaakaawin maadookiiwaad gewe Giizhaa Agaa Yaajig eshkiniigijig aga ginoniged. Newen gagiikimegewinan age makigaadeg zhiwe ekwaawiingh bakesijigan owi dibaajimowin aawon enji maajitaangh miinwaa bigosendamam miigwemigag waasechigan zhiwe niigaan ayaawong Giizhaa Agaa Yaajig eshkiniigijig megwaa eshitowaad. Newen nakiiwinan mashkowendamajig owi omginigaadeg miinwaa mashkichigaadeg eshkiniigijig ekidiwaad, newen gagiikimigewinan makigaadegekwaawiingh bakesijigan owi dibaajimowin miigwemigad enji maajitaangh owi waani azhaangh. IYR naabi niigaan owi aabajitaawaad awii makamiwaad nikiiya waazhi nikaazangh owi gikendamowin agaa maandonimaangh onji maanda dibaajimowin awii zhichigaadeg ginodamaage nikaaziwinan onji eshkiniigijig miinwaa ado odeniwiniwaan.
