ÍBÚINN frétta- og auglýsingablað
Netfang: olgeirhelgi@islandia.is Útgefandi: Fjölritunar- og útgáfuþjónustan Ritstj. og áb.: Olgeir Helgi Ragnarsson Íbúanum er dreift með Íslandspósti á öll heimili og fyrirtæki í póstnúmer 301, 310, 311, 320 & 356. Upplag 2.000 eintök. Íbúinn kemur að jafnaði út á fimmtudögum. Skilafrestur auglýsinga kl. 12 á þriðjudögum.
Auglýsingasími: 437 2360
ÍBÚINN
frétta- og auglýsingablað
8. tbl. 13. árgangur
15. mars 2018
HÚMOR OG HAMINGJA í BORGARBYGGÐ DAUÐANS ALVARA! 20. mars kl. 20:00 í Hjálmakletti Fjallað verður um mikilvægi ánægju og gleði. Leiðbeinandi: Edda Björgvinsdóttir Er hægt að mæla hamingju og auka hamingju? Er vellíðan heilsubót og er hægt að beita húmor til að efla tengsl og bæta líðan? Allar manneskjur þrá hamingju. Ekki bara vilja flestir jarðarbúar njóta hamingju, heldur sýna rannsóknir að hamingjusamt fólk er orkumeira, duglegra, sveigjanlegra, þjáist síður af streitu og er dýrmætara heiminum. Edda Björgvins hefur unnið með húmor og hlátur sem hamingjuaukandi afl, skrifað meistararitgerð um húmor í stjórnun og hefur nýverið lokið diplómanámi á meistarastigi í Jákvæðri sálfræði þar sem bættust við fjölmörg verkfæri í „hamingju-skjóðuna“. Ánægja eykst þar sem fólk brosir og hlær saman og gleðin styrkir ónæmiskerfið. Forvitnilegar rannsóknir hafa leitt í ljós að hlátur og hamingja lækna einnig ótrúlegustu sjúkdóma. Markmiðið með þessum fyrirlestri er að auka hamingju einstaklinga og gera gott bæjarfélag enn betra, styrkja tengsl og stuðla að góðri líðan íbúa Borgarbyggðar. Fyrirlesturinn er hluti af fræðslufundaröð um Heilsueflandi samfélag á árinu 2018.