Diaranson 23 Oktober 2019

URATAKA CENTER Meat Loaf, Mac & Cheese, Beer Batter Brocoli, Garlic Bread - Afl. 11.00

TEL.: 585-5212

Diarazon 23 Oktober 2019

Parlamentario Endy Croes:

Ta husto pa pone presion awor pa 28.8 Miyon extra?

Empleadonan publico ta cobrando 7.6% di indexering atrasa desde 2019 te cu 2024 cu un averahe di 5000 florin pa aùa�

Aruba Bank ta uni forza cu Setar pa brinda un experiencia di pago ariba plataforma nobo

TUR CLIENTE DI ARUBA BANK LO BENEFICIA DI PAY.AW

Parlamentario Marisol Lopez-Tromp

Dump di Parkietenbos mester wordo cera no awe, sino ayera Parlamentario Rocco Tjon:

Candelaria (AVP) tambe ta desaproba mocion van Dam (CDA) Tragedia den Ordonansweg a costa bida di dama y laga otro herida

Pag. 2

Diarazon 23 Oktober 2019

Prome Minister Evelyn Wever-Croes:

CELEBRACION DI 100 AÑA DI EXPERIENCIA DI SEÑOR CHARLES LAKE

Dialuna mainta, Prome Minsiter Evelyn WeverCroes a wordo invita na un celebracion hopi special na Centro Kibrahacha.

Hunto cu su famia y e famia grandi di e centro y Prome Minister, Señor Charles Lake a celebra e gran bendicion di a haci 100 aña.

Prome Minister a bishita Centro Kibrahacha algun luna pasa na unda cu el a conbersa cu señor Charles y cu hopi emocion señor Charles a conta Prome Minister cu e ta bay celebra 100 aña, pero bou di un condicion, esta si Dios permiti’e. Señor Charles a haci 100 aña y a celebra

esaki rondona di esnan cu ta stim’e y cu tin cariño p’e, mustrando asina tambe e bida cu señor Charles a hiba, ganando afecto, amor y cariño di famia y amigonan.

Tawata pa Prome Minister un honor grandi di a wordo invita na e celebracion di 100 aña di experiencia di señor Charles Lake y a desee pabien y hopi bendicion.

Prome Minister a tuma e oportunidad tambe pa saluda y a gradici nos dushi pensionadonan pa e trabou grandi cu nan a haci pa nos pais.

Pag. 3

Diarazon 23 Oktober 2019

Parlamentario Rocco Tjon:

Candelaria (AVP) tambe ta desaproba mocion van Dam (CDA) Cu deasaprobacion di e mocion di van Dam, Robert Candelaria ta admiti cu Ministerio Publico y Husticia ta funciona imparcialmente. Esaki contrario na loke Mike Eman a insinua cu Ministerio Publico lo ta un instrumento politico.

Durante ultimo reunion di comision fiho di Husticia a elabora riba e mocion di Chris van Dam (CDA). Den e mocion, cual no a wordo trata ainda den Parlamento Hulandes, e Parlamentario Hulandes ta desea pa Husticia bira un asunto di Reino.

REUNION COMISION FIHO DI HUSTICIA Siman pasa sr. Rocco Tjon MBA a yama un reunion cu Minister di Husticia pa entre otro trata e topico aki. Minister di Husticia sr.mr. A. Bikker a duna un splicacion amplio dicon e no ta di

acuerdo cu e mocion. E splicacion tabata uno cual ta enfoca riba aspectonan constitucional y practico. Minister a duna di conoce tambe cu e ta asombra cu e deseo di e politico Hulandes pa e motibo cu durante reunionnan cu e ministernan di Husticia di Reino e topico aki nunca a wordo treci pa dilanti.

POSICION PARLAMENTO DI ARUBA Ningun fraccion cu tabata presente durante e reunion di comision ta di acuerdo cu e argumentonan di sr. Van Dam. E Parlamentario Hulandes ta insinua cu mirando e grandura di nos islanan, comunidadnan chikito, Husticia no lo por funciona optimalmente ora ta trata investigacionnan di casonan coruptivo.

Remarcabel ta cu despues cu lider di partido AVP, Mike Eman, a

ataca Ministerio Publico frontal e miembro di CDA a trece e mocion aki den Parlamento Hulandes.

Den e comision fiho sr. Candelaria tambe a duna di conoce cu e no ta di acuerdo cu e ponencia di sr.

Van Dam y ta sostene fraccionan di coalicion pa e punto aki no

subi agenda di IPKO. Di e manera aki sr. Candelaria ta admiti indirectamente cu nos Ministerio Publico ta funciona imparcial y no ta un instrumento politico manera Mike Eman a insinua siman pasa.

Tragedia den Ordonansweg a costa bida di dama y laga otro herida

A tuma luga un drama pacional den Ordonansweg na Corsou caminda cu

un homber a drenta un cas, tira riba un dama, heridando e mortalmente

y heridando un otro, kende tabata na e sitio.

E suceso aki a tuma luga

dilanti varios mucha chikito, kendenan a keda traumatisa. E causante di

e tragedia aki, a bandona e sitio. Cuerpo Policial ta en busca di e fugitivo.

Pag. 4

Diarazon 23 Oktober 2019

Ceramento di caminda na Seroe Blanco en conexion cu asfaltamento

Departamento di Obra Publico ta informa pueblo di Aruba en general y specialmente nos automobilistanan cu ta haci uso di e caminda di Seroe Blanco cu 22 di Oktober 2019 te cu dia 1 November 2019 lo bay cer’e caminda parcialmente pa nos cuminsa cu trabaonan preparativo y despues asfalt’e.

Trabaonan preparativo y despeus asfalta e caminda lo bay den fase.

Fase 1 lo ta di Seroe Blanco #47C te cu Seroe Blanco #67C. Fase 2 lo ta di Seroe

Blanco #67C te cu Seroe Blanco #411 Fase 3 lo ta di Seroe Blanco #319 te cu Seroe Blanco #331.

Ruta alternativa ta bay ta indica cu baricadanan y borchinan di aviso y e orario di ceramento lo ta di 8’or di mainta pa 4’or di atardi.

En conexion cu e trabaonan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.

Pag. 5

Diarazon 23 Oktober 2019

Proyecto BRISA ta otro oportunidad pa hobennan por haya un trabao

Diabierna ultimo Minister Glenbert Croes a haci un bishita na Refineria di Aruba durante cual e mandatario a tene un encuentro cu Aruba Vocational Education & Training Institute (A-VET).

A-VET a keda institui den colaboracion estrecho cu Techniek College Rotterdam. E instituto educacional aki di RDA ta ofrece curso y estudionan cu ta completamente reconoci pa EnseĂąansa di Hulanda. E punto di salida di A-VET ta: OWN PACE - OWN CHOICE - OWN WAY. Minister di Asunto Social y Labor a bin ta enfocando hopi riba hobennan y nan oportunidadnan laboral. Tin diferente proyecto andando simultaneamente pa por acapara structuralmente e desempleo actual bou di hobennan.

Na Departamento di Labor y Investigacion tin e plan

nacional di accion andando cu ta investigando con pa incentiva y crea cuponan laboral pa hobennan.

Na Departamento di Asunto Social tin e proyecto "Riba Caminda pa Trabou" cu ta enfoca specialmente riba mamanan hoben soltera. Meta ta pa mediante curso y workshops nan por integra den Aruba su mercado laboral.

Awor via A-VET, ta presenta otro oportunidad cu enfasis riba hobennan cu ta carga e nomber di BRISA - Brinda Respaldo Innovativo y Sostenibel pa Aruba. Un gran oportunidad pa hobennan riba asistencia social (bijstand) como tambe pa esunnan cu na e momento aki ta sin trabou of cu a stop di bay scol cu ta desea di por haya un oportunidad riba mercado laboral.

E programa di BRISA lo tin un duracion di total 2 aĂąa. E ta wordo dividi den fasenen cu ta cuminsa

na Departamento di Asuntonan Social y cu ta termina cu un contract laboral pa e cursista.

Pa mita di December e comision encarga cu ta consisti di DPL, DAS, DAO y A-VET lo presenta e plan di implementacion na

Gabinete Wever Croes.

Pa e tempo ey lo duna informacion extenso riba e tremendo proyecto aki pa nos hobennan, brindando nan un di dos oportunidad den nan bida.

Pag. 6

Diarazon 23 Oktober 2019

Parlamentario Endy Croes:

Ta husto pa pone presion awor pa 28.8 Miyon extra?

Empleadonan publico ta cobrando 7.6% di indexering atrasa desde 2019 te cu 2024 cu un averahe di 5000 florin pa aña” Parlamentario Endy Croes a sinti cu ta na su lugar pa keda informa e pueblo corectamente alrespecto e lucha di sindicatonan reclamando indexering di 3.6 % di aña 2018 cual ta igual na 28.8 miyon florin. Parlamentario Croes kier pa pueblo den su totalidad tambe ta bon informa y por sigui e lucha di e sindicatonan cu conocemento di e tema.

Durante e proceso nos mester constantemente haci e pregunta si e timing di e sindicatonan ta uno corecto y si nan peticion ta uno husto? Den un acuerdo cu gobierno, sindicatonan lo cobra 7.6% di indexering data di aña 2002-2007 den un siguiente forma.

Sindicatonan mester ta mas sincero Saliendo di un modale inkomen pues un salario averahe di Afl. 3.715 pa luna, empleadonan publico lo ricibi un reparatiepremie di 1.9% di nan salario anual cual ta igual na Afl. 850. Banda di esaki empleadonan publico conoce tambe un voorjaarspremie (conosi tambe como Bashi Premie) di Afl. 1500,-. Banda di esaki tambe empleadonan publico conoce najaarspremie (conosi como e Gelijk Bedrag) di Afl. 1500,-. Empleadonan publico desde 2014 pa 2024 lo cobra esakinan den un forma cu e total lo keda conoce un aumento unda finalmente na 2024 nan a cobra 7.6% di indexering 20022007. Desde 2019 e suma aki a aumenta esta Bashi Premie a bira Afl. 1601,- , Gelijk Bedrag a bira Afl. 1601,- y e reparatie premie cu tabata Afl.850,- tambe a bira Afl. 1601,-. Es decir cada empleado publico ta cobra extra averahe di Afl. 5000,- extra cu ta un aumento substancial di 7% den comparacion cu 2018. Pues lo ta bon pa sindicatonan ta sincero cu pueblo y aunke e aumento den 2019 na bashi premie, gelijk bedrag y reparatiepremie ta refleha parti di indexering 20022007, gobierno tin esaki den su begroting y ta cumpliendo

cabalmente cu esaki.

Nos pais hipoteca den 8 aña Locual sindicato ta bringando actualmente ta pa “mas” of pa un “extra” 28.8 miyon cu ta e inflacion di 3.6% di dicho aña.

Parlamentario Croes ta sigui splica cu nos a hereda un pais cu deficitnan di 400 miyon y 300 miyon den e ultimo 8 añanan cual a hipotica nos pais den un forma sin igual. Expresion di Mike, “djis manda e pais un tiki mas den rood”. Of otro expresion

di Mike Eman, “mi ta orguyoso di e debe y e debe t’ey pa nos tur bay pag’e den futuro”. Den apenas 2 aña e gobierno aki a maniobra cerando 2019 cu un deficit di solamente 25 miyon cu e miras pa un surplus den 2020. Lo ta husto y responsabel pa sindicatonan yuda gobierno pasa den e proceso pa yega un surplus pa por cuminsa paga e debenan pa nos futuro generacionnan. Ta husto pa hunto nos fiha un “time out” y duna poco mas tempo unda cu e plannan ambicioso di gobierno

den 2021 lo por cuminsa genera mas placa y kisas crea espacio sincero y husto pa empleadonan publico. Na Aruba tin alrededor di 59000 hende ta traha di cual rond 6000 ta empleado publico.

Croes ta termina bisando y lo ta bon pa reuni cu sector priva y mira con nan ta atende cu esaki y busca un formula ‘across the board’ pa atende cu indexering den futuro.

Pag. 7

Diarazon 23 Oktober 2019

Parlamentario Marisol Lopez-Tromp

DUMP DI PARKIETENBOS MESTER WORDO CERA NO AWE, SINO AYERA cu algo of animalnan cu ta bin rond y ta yega den cercania di nos”, LopezTromp a indica.. Ademas, e ta indica cu tin tambe e parti di cosnan cu ta drenta lama y cu e parti di lama den e area ey ta asina contamina cu practicamente no tin bida eynan mas.

Tambe el a menciona e parti di bestianan cu ta wordo considera como plaga manera djaca, musca, cacalaca y otronan cu por tin efecto riba nos salud y por wordo contagia

Lider di fraccion di POR, Marisol Lopez Tromp a elabora riba e reunion publico riba e ley I Serlimar, pero a enfoca riba un punto specifico cual e ta considera di sumo importancia. Ta trata aki e rapport di PAHO (Pan American Health Organization) di maart 2018 tocante e situacion di e dump di Parkietenbos.

El a indica cu el a duna atencion na e punto aki durante su disertacion di primera tanda, pero e ta considera cu e topico aki mester di atencion nacional. A indica cu hopi punto di e reunion publico tabata enfoca riba e parti economico, di ken ta bay haci tal parti, di ki proyecto, hasta un sorto di polarizacion di grupo contra grupo, etc.

Naturalmente e no ta

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500

desea di perhudica ningun grupo, pero, e escencia pe y specialente como e presidente di e comision di salud den Parlamento, ta e pakico e dump aki mester wordo cera “no awe, sino ayera”.

E rapport di PAHO preto riba blancom ta pone den basta detaye, tur e situacion actual pa cu e dump di Parkietenbos y ta enfoca riba e parti medio ambiental, e parti toxico, e parti venenoso, e parti contagioso pa loke ta tera, aire y lama y con esaki ta afecta e bida y salud di nos hendenan cu ta biba den cercania y di esnan cu ta traha den cercania. “E situacion aki no por sigui asina mas”.

Documentonan ta mustra cu tur e residuonan peligroso cu tin, e parti toxico y venenoso cu tin na cantidad riba e dump den forma habri, incluyendo material di hospital por causa varios enfermedad cu por wordo transmiti na nos hendenan den diferente forma. “Nos como hende ta vulnerabel na diferente microbio, ta vulnerabel pa pega cu cualkier malesa, sea atraves di aire, mishi

di un persona pa otro.

Ehempel di malezanan cu por wordo transmit por medio di cierto animalnan ta: Malaria, Chincunguya y Zika, solamente pa menciona algun.

No por keda sin menciona e diferente enfermedadnan cronico cu nos hendenan cu ta biba of traha den e area ta hayando, manera asma, malesanan di cuero y hasta cancer.

Habitantenan di Parkietenbos ora a acudi na Parlamento pa reunion, nan a bisa e

parlamentarionan cu nan no por sigui asina mas, cu e dump tin cu cera.

Marisol Lopez-Tromp mirando tur e puntonan aki ta pone enfasis cu e enfoke di e reunion publico mester ta riba salud, cual ten a e momentonan aki no a haya e atencion debido. “Esencia di e discusion mester ta bida di hende, esey mester bin na prome lugar, Sin salud bo no tin bida y bo no lo bay tin calidad di bida si e situacion keda manera cu e ta aworaki”.

Pag. 8

Diarazon 23 Oktober 2019

Dia 23 di Oktober 2019 e juffrouw balente di cas

JESCARAINE MADURO

ta cumpli 25 aña.

E ta ricibi hopi pabien di su mayornan Oscar y Jessica, di su rumannan Jesselaine y Ale, Jesmiraine, di Mama y Papa, di Tanchi y Greg, di su primanan Jennelaine y Jenneviène, di su primito Jehnrick, di Wela, di Welo y Annie, di su Padrino y Madrina y di demas famia Vrolijk, Maduro y Yarzagaray.

POLIS TA CORE CU FIGURANAN CONOCI PA POLIS

Toch ladronicia ta tuma lugar Diabierna mainta algo prome cu 11’or central a dirigi un patruya pa e beach na Mangel Halto caminda e denunciante ta papia cu tin dos homber y un muher canando rond riba beach den forma sospechoso.

pa landa un rato.

Ora cu polisnan a yega na e sitio nan ta bin topa cu e tres tiponan aki y kendenan ta bon conoci pa polis y despues di a papia cu nan, a core nan for di eynan.

Den e tas segun nan declaracion tabatin un cartera preto cu dos bancomatico aden, uno riba su nomber y e otro riba nomber di su amiga, un creditcard, un rijbewijs Hulandes, dos bril di solo y un yabi di auto di huur di e compania Budget Carrental.

Dos dia despues cu ta diadomingo polisnan mester a bolbe bay na e beach di Mangel Halto pa un caso di ladronicia riba beach y ta papia cu e homber di inicial V kende ta declara cu e tabata rond di 12’or riba e beach aki y a drenta lama cu su amiga

Riba beach nan a laga un tas preto cu contenido atras pero ora cu nan sali for di lama pa banda di 4’or di atardi, nan ta bin nota cu desconocinan a bay cu nan tas preto.

Hunto cu polisnan a busca den e matanan caminda ta bin topa cu e tas preto pero nada di e contenido ya cu e antosocialnan a bay cu tur cos di den e tas.

Diarazon 23 Oktober 2019

Pag. 9

Pag. 10

Diarazon 23 Oktober 2019

Minister Glenbert Croes:

Formacion Social - SVT ta continua Februari 2020 Recientemente Minister Glenbert Croes a reuni cu Luitenant Kolonel sr. van Beekhuizen riba entre otro e continuacion di SVT - Formacion Social specialmente pa nos hobennan. E proximo trayecto ta continua Februari 2020 y por cuminsa inscribi di awor caba.

respectivamente, pa 2020 e hobennan aki tambe por inscribi y pasa e proceso di transformacion personal den SVT. Y e hobennan cu tin un diploma secundario tin e oportunidad di por uni nan mes na Arumil asina cu nan caba cu e trayecto, semper y cuando ta cumpli cu tur e exigencia- y rekisitonan.

Inicialmente Formacion Social tabata concentra solamente riba hobennan cu no a termina un scol secundario y cu ta desea un di dos oportunidad real den bida. Den transcurso di tempo e mandatario a encontra cu tin basta hoben cu por ehempel tin diploma di MAVO pero cu asina mes no por haya trabao. Pues riba iniciativa di e mandatario y cu aprobacion di Luitenant Kolonel sr. van Beekhuizen y Luitenant Sr. Kelly di Marina y Arumil

Conhuntamente cu Marina y Arumil ta trahando riba un trayecto di formacion social similar pero cu enfoke riba mucha muher. Ora cu esaki ta asina leu lo haci e anuncio oficial den prensa.

Di awor caba por inscribi.

Cantidad di participante ta limita. Acerca Jessica Ras di awor caba na number di telefon 522.5352 of via email info. formacionsocial@gmail. com.

Kia Cerato sospechoso Diabierna den oranan di marduga un ciudadano ta yama central di polis pa bisa cu tin un auto coriendo bay bin den e caya dilanti di su cas den forma sospechoso.

Segun e denuncianta ta trata aki di un auto KIA Cerato color shinishi, a pasa caba ocho biaha dilanti di su cas y net na momento cu e tabata papiando cu polis pa haci e denuncia, e auto aki a bolbe pasa bay.

Central a dirigi un patruya pa e sitio indica pa mira

kico ta pasando y mira si por haya e auto aki y kende lo ta manehando e auto y kico ta su meta.

Sinembargo polisnan a core varios bes den e caya y besindario pero no a topa cu e auto sosopechoso aki.

Pag. 11

Diarazon 23 Oktober 2019

Ta buscando lugar pa personanan por haci trabao comunitario pa paga nan castigo…

320 persona ta haya castigo alternativo pa aña cerca huez E castigo ta wordo yama trabao comunitario Stichting Reclassering en Jeugdbescherming Aruba ta un instancia cu entre otro ta encarga cu ehecucion di e werkstraf y e leerstraffen (castigo den forma di trabou pa comunidad of un programa educativo) cu a wordo imponi riba un persona sea door di un Fiscal, Hues of pa medio di un decreto Ministerial. Un di e otro trabaonan importante cu Reclassering ta ehecuta ta trata e guia di personan cu a wordo poni bao supervision di Reclassering.

E edad di nos grupo di meta ta varia. Nos ta trata cu personan di edad jong esta desde 12 aña bay ariba pero tambe cu adultonan cu ta ariba 60 aña.

Departamento Sancionnan Alternativo Un cantidad di aproximadamente 320 persona pa aña ta haya un castigo alternativo.

Den e articulo aki nos kier pone enfasis ariba e departamento di Reclassering cu ta trata cu e Werk- y leerstraffen esta Sancionan Alternativo y specificamente ariba e trabao pa comunidad (werkstraf).

Un werk- of leerstraf ta wordo imponi (opgelegd) mas tanto den casonan leve unda un castigo di prison na prome instancia ta mucho pisa, dus e ta fungi como un alternativa pa evita bay sera.

E personanan aki di un manera of otro a haya nan mes den contacto cu Husticia door di a comete un acto cu ta contra e ley, cual ta pone cu nan por haya un werk-of leerstraf. Un ehempel di un castigo alternativa ta participacion obligatorio na un curso educativo p.e. Curso di Maneho di rabia of curso di Manehando bao Influencia.

E trabou pa comunidad ta encera cu e persona en cuestion mester cumpli obligatoriamente cu un cantidad stipula di oranan. Tambe nan por haya un combinacion di e dos tipo di castigo castigo alternativa.

Proyectonan Pa loke ta trata e castigo alternativo di trabao pa comunidad nos ta traha cu diferente proyecto/instancia. Ta trata algun instancia di gobierno y fundacionan/organisacion non-profit.

Por ehempel Centro di bario, Complehonan Deportivo, Cas di Cuido (cu ta fundacion), Sport Vereniging, Club Social, Misa etc. Actualmente nos tin como 50 proyecto ta participa uy ta haci uzo di e proyecto cu bon resultado.

E persona en cuestion ta yuda eherce diferente tareanan pa cual e instancia tin nececidad sin gasto adicional. Esaki por

ta trabounan di mantenimiento di facilidad, trabou di limpiesa, chapi, trabou administrativo etc. Esaki ta depende di e cualidadnan/habilidad cu e persona tin. E trahador di Reclassering ta purba saca afor cual habilidad e persona tin, pa asina match e persona mas miho posibel cu un instancia.

E personanan aki ta paga pa nan eror door di duna un man na instancianan cu ta aporta na e bienestar y desaroyo di nos comindad.

Nos kier enfatiza cu e grupo di meta cu cual e departamento aki ta trata, ta personanan cu a comete un delito, den mayoria caso leve. Ta personan cu ta bin di diferente clase social- economico.

Nos deseo pa e departamento aki ta pa a. mplia e cantidad y principalmente e tipo di proyectonan, pa asina trece mas variacion den trabao E rekisitonan pa por ta un Proyecto ta hopi simpel: • Mester ta un fundacion/ non-profit of un instancia di gobierno.

• Mester tin un projec tbeheerder/super v isor disponibel, pa por guia y controla e persona den su tareanan y tambe controla su oranan.

• Mester tin tur material

necesario pa por ehecuta e tarea • Mester ta dispuesto pa comunica frecuente cu Reclassering tocante e ehecucion di e trabao Kico ta e beneficio pa e Proyecto?

E Proyecto: • Por yega na caba cierto poryectonan pa cual no tin un budget grandi • No mester paga pa e labor, asina por aloca nan fondonan pa otro necesidad • Por yega na un voluntario pa den futuro. Tin varios caso cu un persona a traha asina bon of a click bon cu un organizacion cu despues cu nan a cumpli cu nan oranan obligatorio di trabou pa comunidad, nan ta sigui haci trabao voluntario pa e instancia.

Nos kier bolbe enfatiza cu e meta di e castigo alternativo di trabao pa comunidad no ta solamente pa laga un persona cu a comete un acto contra ley paga pa e acto ey, pero alavez dunando e persona un chens pa siña for di esaki.

Stichting Reclassering en Jeugdbescherming Aruba kier haci un peticion na instancianan den nos comunidad cu lo ta interesa den un samenwerking/ colaboracion y cu lo kier haya mas informacion pa tuma contacto cu nos na telefon 5822491 of 5821496. Nos oficina ta situa na Caya Ernesto 21-C.

Aruba Bank ta uni forza cu Setar pa brinda un experiencia di pago ariba plataforma nobo

TUR CLIENTE DI ARUBA BANK LO BENEFICIA DI PAY.AW Aruba Bank ta orguyoso di por ofrece tur su clientenan otro Experiencia Superior atraves di su colaboracion cu Setar. Aruba Bank ta e prome banco pa uni cu Setar y activa pago ariba e plataforma di e compania di telecomunicacion, Pay.aw.

E plataforma ta un trampolin pa inversion den metodo di pago innovativo y un alternativa practico ora di paga den efectivo.

Pay.aw ta un moneda digital den un cartera digital den un smartphone, conecta na e cuenta di e cliente di Aruba Bank.

E solucion di pago Pay.aw ta impulsa pa Setar y e banco pionero di Aruba ta e prome banco cu ta permiti su clientenan cu cuenta personal pa scoge producto y servicio, haci pedido y paga uzando nan celular na un manera sigur. Clientenan di Aruba Bank cu tin negoshi mediano of chikito tambe por disfruta di e beneficionan di Pay. aw door di promove nan producto y servicionan, y ricibi pago via e plataforma. * Clientenan existente di Aruba Bank cu ta desea di usa Pay.aw

pa cumpra producto of servicio por bishita: www.pay.aw pa scan e “ QR” code y download e app of click arriba e imagen di Pay. aw ariba www.arubabank.com.

Clientenan cu negoshi chikito of mediano na Aruba Bank cu ta desea di promove y bende nan producto of servicio ariba ‘Pay. aw’ por bishita www.pay.aw pa haña mas informacion. * Clientenan di otro banco cu ta desea di habri un cuenta personal por bishita: www.arubabank. com/new-customer una bes cu e cuenta ta activa por sigui e pasonan pa download e aplicacion

pa usa ‘Pay.aw’. Clientenan di otro banco cu ta desea di habri un cuenta pa nan negoshi por haci esaki na www.arubabank.com/ corporate una vez e cuenta ta activa por haci uso di e plataforma di Pay.aw.

Pag. 12

Diarazon 23 Oktober 2019

Maestro, profesion for di bo curazon…!

Mayoria biaha nos ta scucha cu un maestro tin dushi bida, hopi dia di vakantie, ta liber desde merdia y asina por menciona mas cos.

Sinembargo, no scoge e profesion pa e pensamentonan robez aki. E profesion di maestro mester sali for di bo curason.

Studiante Michelle Mendes di aña tres di estudio pa maestro di Enseñansa Primario ta comparti su motibo pakico e ta scoge pa bira maestro: “Amor pa mucha, kier ta parti den formacion y conocemento di un mucha, y alavez contribui pa nos enseñanza bay dilanti, ta entre otro e motibonan pakico mi a scoge pa e profesion di maestro. Maestro, un profesion unda cu abo por haci un impacto positivo riba formacion di

un ser humano unda cu por saca lo maximo di su potencialidad. Pa por haci esaki posibel bo mester ta un maestro cu ta educa, guia, motiva y inspira.

Aki, abo ta e role-model.”

IPA ta invita tur studiante di havo, vwo y mbo nivel 4 y tur otro persona interesa pa cuminsa un estudio pa maestro, pa asisti na su Dia Publico. IPA su Dia Publico lo ta diasabra dia 9 di November di 10or di mainta te 1’or di merdia na IPA (Isaac Wagemakerstraat 11, San Nicolas). Durante e Dia Publico, IPA lo duna un bista general di e estudio di Maestro pa Enseñansa Primario. Esaki lo tuma luga den forma di un tour na unda bo lo ricibi informacion general di e estudio y bishita diferente area di formacion p’asina bo haya un bista completo di kico e estudio ta

encera. Ademas, lo tin oportunidad pa conversa cu nos studiantenan actual. Di e manera aki, bo por scucha entre otro for di nan con e transicion di school secundario pa IPA a bay, con nan ta experiencia nan estudio na IPA y sigur haya bon tips con pa studia na IPA exitosamente. En corto, bo lo experiencia e ambiente estudiantil!

Naturalmente lo tin oportunidad pa inscribi como studiante. Pa por haci esaki mester trece e papel di registro civil (papel di AWG 5) y paga un suma di AWG 75,p’asina cubri e gastonan di inscripcion. Si bo a gradua caba, lo mester trece copia di bo diploma di sea havo, vwo of mbo nivel 4. Tene cuenta cu pa aña academico 2020 – 2021, e estudio pa maestro di enseñansa primario ta

e unico estudio cu IPA lo ofrece.

Tambe lo tin un ‘Food & Bake Sale’ organiza pa nos propio studiantenan di aña 3. E benta aki tin como meta pa recauda fondo pa e studiantenan, cu pronto lo biaha pa exterior. Asina nan lo por cumpli cu nan pasantia internacional cu ta un parti esencial di e curiculo di IPA. Di

e manera aki, IPA ta brinda henter Aruba un dia special di orientacion, yen di informacion y actividad.

Pa mas informacion por tuma contacto cu Studenten Services na 5243100 of por bishita nos pagina di facebook ‘Instituto Pedagogico Arubano’ of nos website www.ipaaruba.com.

Pag. 13

Diarazon 23 Oktober 2019

Parlamentario Hulandes sra. Antje Diertens a haya presentacion di SCP

Diadomingo ultimo, sra.

Antje Diertens kende ta miembro di Tweede Kamer pa D66, a haya un presentacion amplio di Sociaal Crisisplan.

Un programa social cu ta wordo carga pa Gobierno den su totalidad, cu ta multi ministerial consistiendo di ministerionan di Husticia, EnseĂąanza, Salubridad y Social.

Un programa amplio cu tin como meta pa crea e base solido cu Aruba mester pa por sigui atende structuralmente cu e problemanan social cu ta afectando nos hendenan.

Parti di e team di SCP tabata presente diadomingo pa por a elabora ampliamente riba e plan, su meta, su logronan te cu awor y unda ta premira cu lo yega.

Splicando algun proyecto cu ta cay den e programa di Sociaal Crisisplan, a elabora riba e proyecto "Riba Caminda pa Trabao" cu ta enfoca specificamente riba mamanan soltera kendenan ta pasa den un proceso di transformacion personal, hayando diferente curso y workshops, pa finalmente cu intermediacion di DPL, yudanan drenta e

mercado laboral.

Tambe CASA CUNA a duna un presentacion di nan proyecto "Tienermoeder huis" cu ta pa yuda y guia mamanan hoben con pa anda cu e responsabilidad nobo aki den nan bida y crea un relacion cu nan baby creando e oportunidad pa finalmente e mama hoben aki por keda cu su yiu. Un bunita proyecto cu recientemente a wordo inaugura.

Mester remarca cu sra. Diertens a keda impresiona cu Aruba su Sociaal Crisisplan.

Minister Glenbert Croes y sr. Rocco Tjon a expresa su gratitud na e team cu tabata mas cu dispuesto pa riba un diadomingo haci e presentacion aki demostrando nan pasion social cu ta locual cu Aruba mester di dje.

Na mes momento e mandatario a expresa su gratitud na Sra. Diertens pa su disponibilidad y interes den SCP. Sra. Diertens recientemente den un debate na Hulanda a expresa di ta considera su mes un representante pa Caribe Hulandes tambe.

Pag. 14

Diarazon 23 Oktober 2019

Departamento di Investigacion y Diagnostico

Stichting Reclassering lo elabora riba e departmento di Investigacion y Diagnostico Riba e departamento aki e trahadornan di Reclassering ta enfoca principalmente riba e tereno di traha rapport riba peticion di e.o.

Ministerio Publico, riba e circumstancianan personal di e cliente. E trahador di Reclassering ta haci un sondeo riba e situacion di e detenido of sospechoso. E sondeo aki por tuma un tempo di mas o menos un luna. Na final un conseho ta wordo duna riba e caso penal y kico por a conduci pa e persona comete e hecho castigabel. E rapport ta wordo manda pa entre otro Corte, Ministerio Publico, Minister di Husticia.

Den e rapport ta importante pa trece un bista completo di e cliente.

Esaki ta wordo haci a base di diferente area manera e.o. vivienda, uso di alcohol of droga, parti financiero, ensenanza, relation di famia, pensamento y conducta.

A base di e factornan aki e trahador por midi e chens cu un persona por bolbe cay bek cera. Ta saca e cantidat di factornan criminologico (red flags).

Mas hopi red flags mas chens pa e persona cay bek.

Una vez cu e cliente

presenta den corte Huez lo tuma su situacion personal den consideracion prome cu e tuma un decision riba e caso. Ta di suma importancia pa e trahador di Reclassering trece un rapport dilanti cu ta obhetivo, caminda cu e manera di haci preguntanan na e cliente ta di respet mutuo. Mayoria biaha e sospechoso ta colabora cu e investigacion.

Reclassering ta traha un promedio di 50 R e c l a s s e r i n g s r app or t pa aña. Un total di mas o menos 400 rapport ta sali tur aña tocante un detenido of sospechoso den cuadra di Qscan rapport, Verlofrapport, VI-rapport.

Qscan rapport tin e mes un procedimiento cu un R e c l a s s e r i n g s r app or t solamente den un version mas cortico.

Den e ultimo aña di detencion un detenido tin e posibilidad di bay seis biaha cas. Reclassering ta haci e prome bishita na e cas caminda e detenido a haci peticion pa bay pasa su verlof. Reclassering lo papia cu famia of pareha di e detenido pa sondea si e persona mag di bay na e adres concerni. Tambe lo bishita KIA pa papia cu e detenido pa asina Reclassering haya un miho bista riba e peticion.

Na momento un detenido sinta dos tercera parti di su castigo e tin posibilidad pa sali cu VI. E salida aki ta mara na diferente condicion cu e detenido mester cumpli cune. Reclassering lo haci bishita na KIA y na cas. Pa un persona bin na remarca pa VI, su comportacion den KIA mester ta bon.

Staf y Personal di Departamento di Integracion Maneho y Admission di Stranhero, DIMAS. Ta extende na nos colega sra. Gwendolyn Maduro y demas famia nos mas profundo condolencia y pesame cu e gran perdida di nan querido Tata

Sr. Roland F. Maduro Cu Dios duna famia completo hopi forsa y consolacion den e momentonan dificil aki.

Cu Sr. Roland Maduro sosega na paz den braza di Señor. “ Mi ta na Paz, mi alma ta sosega.

No tin necesidad pa lagrima.

Door di boso Amor mi tawata asina Bendiciona.

Laga mi memoria ta esunan di mas felis.”

Pag. 15

Diarazon 23 Oktober 2019

Lider di fraccion di MEP, Rocco Tjon:

A DUNA PARLAMENTARIO HULANDES INFORMACION OBHETIVO PA LOKE TA DESAROYO FINANCIERO DI PAIS ARUBA Fin di siman Parlamentario Hulandes, sra.

Antje Diertens (D66) tabata na Aruba pa un bishita di trabao.

Durante su estadia sra.

Diertens a bishita y a haya presentacion di Parke Arikok y IBISA. Esaki den cuadro di e carteranan cu sra. Diertens ta encarga cune den Parlamento Hulandes. Mirando e desaroyo entre Aruba y Hulanda, y e hecho cu sra. Diertens ta parti di e comishon Hulandes di relacion den Reino, a haci uso tambe di e oportunidad pa e profesionalnan Arubiano encarga cu Sociaal Crisis Plan y Departamento di Finanzas, duna un presentacion amplio.

DIFERENCIA ENTRE PAISNAN DEN REINO

A splica sra. Diertens cu contrario na Corsou y Sint Maarten por ehempel, pais Aruba no a haya “schuldsanering” di Hulanda y tampoco tin debe cu Hulanda.

Na mes momento a tuma tempo tambe pa duna un splicacion amplio di e diferencia entre e base legal di supervision financiero entre e paisnan. Corsou y Sint Maarten tin esaki ancra den un “consensus rijkswet” y Aruba den un ordenansa nacional.

CAFT A splica e Parlamentario Hulandes tambe cu a señala cu CAFT ta usa cierto cifra ora ta manda carta pa Gobierno di Aruba, pero otro cifra ora ta manda carta pa Gobierno di Reino.

Remarcabel ta cu apesar cu pais Aruba lo cumpli cu e normanan financiero stipula pa 2019, CAFT mes ta señala esaki, toch nan ta conseha pa duna

Aruba un “aanwijzing”.

Departamento di Finanzas a splica e Parlamentario Hulandes, a base di nan proyecionnan y cifranan,

cu pais Aruba lo cumpli tambe cu e norma stipula pa loke ta gastonan di personal. Y na mes momento Aruba ta trahando pa mehora nan

Parlamentario Endy Croes:

Mike Eman a desgracia e pais aki.

Hende ta haya “berebere” di mira con Mike Eman kier sigui manipula” Parlamentario Endy Croes a splica cu hende ta haya “berebere” di scucha con Mike Eman y AVP ta sigui cu nan politica di manipulacion. Den pasado a compara Mike Eman cu profeta “Hananias”.

Hananias tabata un profeta falso di Babilonia cu tabata malinforma y manipula pueblo cu informenan falso contra e Rey Nabucodonosor den siglonan pasa.

Mesun practica aki Mike Eman a usa y ta keda usa.

Recientemente hunto cu demas candidatonan di AVP a bay yora na San Nicolas na cas di famia Tromp. Sistema anticua di Mike Eman y AVP no a cambia. Por a tuma nota

manera un Astried “Vies” para den eerste rij ta yora.

Mike kier pretende hunto cu su amo Speed cu Aruba awe despues di dos aña ta na werki.

Debe y crecemento economico Pa refresca memoria di Mike Eman y sostenedornan di AVP, tabata CAFT y Hulanda a declara den conferencia di prensa na Januari 2018 aki na Aruba - net dos luna despues cu e Coalicion actual a tuma e rienda over - lo siguiente y nos lo ripiti esaki awe: “Aanjagen van economische groei door schuld op te bouwen werkt niet voor een kleinschalig economie

en dit is nu bewezen”.

Palabranan di profesor Raymond Gradus, voorzitter di CAFT. Pues tur e storia di Mike Eman y Mike de Meza cu nan a aumenta e “debe” di pais Aruba pa un crecemento economico a wordo bari for di mesa, pues cu esaki no a funciona.

Djis un tiki mas den rood Kico si Mike Eman y Mike de Meza, e dos profetanan falso a haci cu Aruba ta endueda e pais aki te na “corocoro” creando e Mega Debe cu awe Aruba ta casi bancarota.

Mike Eman a grita den Parlamento, esta e cas di pueblo cu e ta orguyoso di e debe y e debe t’ey pa nos

tur bay pag’e den futuro.

Na un otro ocasion Mike a splica den Parlamento cu lo mester manda Aruba djis un tiki mas den rood. E AVESTRUZ Benny Sevinger a sali for di leftfield bin grita cu “I don’t give a damn!” Asina e grupo di AVP aki na un manera sin escrupulo a maneha placa di pais Aruba.

Mike Eman a laga atras un gerencia di 232 miyon florin pa pueblo paga cuminsando desde 2019 solamente na interes.

Mike Eman a compromete Aruba cu proyectonan PPP unda desde e aña aki pueblo lo mester paga 80.9 miyon pa aña pa 20

aña largo. Asina ken cu ta por goberna con cu ta.

Causa un desaster y baha na awa anto despues di dos aña kier gaña pueblo cu no ta nan culpa y nan tin e solucion. Pueblo awe ta mucho mas inteligente.

Mike Eman y e coruptonan di AVP nunca pero nunca mas.

Pag. 16

Diarazon 23 Oktober 2019

Stellaris Casino a celebra hunto cu su hungadornan nobo Stellaris Casino a gradici e Tier playernan pa ta clientenan loyal y fiel.

Esaki ta solamente un di e beneficionan ora Bo ta den e famia di Stellaris Casino. E fiesta a conta cu un ballroom completamente yen, cu cantantenan popular di Corsou, cu a yama nan mes “The Curacao Legends” consistiendo di e idolonan di tur tempo, manera ta Boy Thode, Tico Balentien, Lio Rosa y Gibi Doran. Dwight Leoneta a forma e “All Star Band” pa compaña the Curacao Legends. No por a keda afor, e banda local di tur momento, Buleria, cu tambe a presenta durante e evento y a pone un ambiente unico.

Recientemente Stellaris Casino a organiza un evento exclusivamente pa su hungadornan nobo di e di dos cuartal di aña 2019.

Yazira Javois-Feliciana, Director of Marketing & Slot Performance di Stellaris Casino, a bisa cu esaki ta e forma con ta lanza e New Tier Playernan di cada cuartal.

A lanza e di dos cuartal cu un fiesta similar, esta cu “Curacao Legends” e tempo, pero e mesun hungadonan a pidi pa ripiticion. Como Stellaris Casino ta complace su clientenan, a dicidi cu pa e di tres cuartal, a bin cu nan atrobe, asina celebra e “Tier Event” di e di tres cuartal, cu Curacao Legends den ballroom di

Aruba Marriott Resort.

E evento ta un di e beneficionan cu un Tier player ta ricibi na Stellaris Casino, cu de facto, no ta un casino pa solamente hunga na mashin of mesa, pero tambe ta dunabo un experiencia unico.

Manera tur hende sa, Stellaris Casino ta e cas di Bacardi. Na e momento cu bo ta hunga Bingo, ta haya bo mojito di tur sabor traha di Bacardi gratis.

Pues durante e Tier Event, Bacardi tabata e signature drink. E invitadonan por a scoge entre Mojito pero tambe rumcoke y tur nan bebidanan preferi cu nan kier a disfruta di dje di e liña prestigioso di Bacardi.

Stellaris Casino consistiendo di un team di mercadeo basta fuerte, a traha bon coordina y organisa un evento exitoso un biaha mas.

Na final di e anochi tur miembro cu a cualifica pa un oferta, e bai disfruta di nan Free Play purbando nan suerte na nan wega di machine of mesa faborito.

Aruba Marriott Resort & Stellaris Casino a habri na aña 1995 y ta e casino mas grandi riba nos isla. E ta conta cu mas di 160 empleado, cu ta maneha 24 wega di mesa y mas di 400 slot machines. E weganan mas popular riba mesa ta Craps, Black Jack, Three Card Poker y Roulette, mientras cu e mashinnan mas usa ta esunnan di e sistema 3D y e “Mystery Progressive Jackpots”.

Stellaris Casino tin Bingo tur diahuebs, diasabra y diadomingo pa 12:00pm, cu 5 Progressivo inclui completamente gratis. E casino ta habri 24 ora pa dia pa weganan di mashin mientras cu weganan di mesa ta cuminsa pa 2:00pm te cu 4:00am.

Pagina 17

Diarazon 23 Oktober 2019

BENNY NISBET (PPA):

‘ARUBA COMO HUB DEN CARIBE…….MERECE DI TA E VISION PRINCIPAL DI TUR GOBIERNO ARUBANO!!’

Mientras cu nos pais Aruba ta den un di 33 anja di nos Status Aparte y na mes momento gabinete Wever Croes forma pa MEPORED e pregunta lo mester ta kiko nos a logra cu e instrumentonan ‘extra’ cu Status Aparte a trece pa nos Isla entrante 1 di januari 1986. (Realidad tabata cu e Status Aparte na 1986 tabata un fase transitorio pa nos Independencia cu tabata e logro principal di e Conferencia di Mesa Rondo di 1983!). Aruba a conoce varios gobierno di signatura di AVP como di signature di MEP durante e periodo aki !

Kiko Aruba a logra riba tereno financiero-economico ? Un pilar economico a bin acerca ?

Lamentablemente si nos analisa e situacion financiero economico di awe nos mester conclui cu nos ta den un crisis financiero negativo y cu nos tin un debe asina grandi cu el a hanja e nomber di MEGA DEBE!! Tur esaki cu un ‘interest’ enorme pa paga pa e proximo 30 anja cu ta pressiona e presupuesto di pais Aruba formalmente !

Aruba a conoce un reapertura di nos refineria na 1990 cual a sera atrobe na 2012 cu un presentacion di un acuerdo na parlamento di 2000 pagina cu a wordo bendi na pueblo como re-apertura di nos refineria pero tabata locual PPA tabata e

prome pa splica nada mas cu un asina jama UPGRADER!!

E contract aki a ricibi aprobacion den parlamento di 20 miembro di parlamento di AVP, MEP y Dem Real .

PPA for di pafor di parlamento a indica cu e acuerdo aki lo hinca Aruba den un aventura di otro mundo y e pueblo lo sufri debidamente di su presencia cu lo aumenta posibel malesa formalmente.

E ‘rest-overs’ di un Refineria ta 5% mientras e rest-overs di un UPGRADER lo ta un 30% locual a pone PPA recorda nos pueblo riba e serunan preto di ‘coket’ y holo di ‘sulpher’ cu Aruba a conoce den periodo di LAGO kaba y lo por ta hopi mas den futuro.

Pero realidad conoci awe tambe ta cu e projecto aki a faya barbaramente y su futuro ta depende di un MoU cu gobierno a kaba di firma SIN cu e gobierno aki a publica su contenido pa pueblo por tuma nota di djele cu otro palabra ta sconde e contenido pa pueblo mescos cu e gobierno anterior a sconde e contract di 2000 pagina pa parlamento y pa pueblo. Awe nos ta biba e consecuencia di falta di transparencia!!

Gobierno aparentemente lo bay analisa e proposicion di 25 compania pa despues scoge cu cual compania cu nan lo sigui negocia un posibel con-

tract. Futuro lo demonstra si esaki lo tin un resultado positivo. PPA tin hopi pregunta relaciona cu esaki !

Centro commercial/turistico di Oranjestad: Realidad amargo di awe tambe ta cu nos capital ‘Oranjestad’ ta muriendo un morto commercial/ turistico mientras e ta riba ‘walking distance’ di nos haf cu ta ricibi cas 1 million turista anualmente mientras cu nos ‘stayover tourism’ ta riba 1 million turista anualmente.

Di con varios signature di gobernacion lo a contribui na morto di Oranjestad mientras cu otro signature simpelmente no tin e vision pa salba futuro di nos capital commercial/turistico di nos pais ?

San Nicolas nos 2ndo capital: San Nicolas conoci como nos segundo capital, posicion cu San Nicolas a perde hopi anja kaba cu e desaroyo florisciente di turismo y comercio den districto di Noord , San Nicolas ta ‘dead as dead can be’ !! Mata pa diferente gobierno cu no tabatatin vision economico pa salba San Nicolas y laga pa muri pa otro signatura cu a permiti e situacion cu San Nicolas tey pa produci trahador pa traha den otro districto y punto …ta solamente durante periodo di eleccion ta corda riba San Nicolas y cu uso di

promesa falso, poco musica y spartmento di placa a logra mantene un gara riba pueblo di San Nicolas cu a y ta paga un prijs caro pa ta permiti e gara aki pa partidonan cu no tin ni e minimo interes pa realmente juda desaroyo economico y social na San Nicolas !!

Desaroyo na Barcadera: Esun cu ta desea di sa historia di e mudamento di containerhaven por lesa e documentonan tambe rond di ‘port city’.

Aki ta referi cu tur desaroyo a inicia na 1994 ora gobierno a firma un MOU pa un estudio wordo traha encuanto e mudamento aki. Aki ta referi na e estudio cu ECT na Hulanda cu a wordo firma door di mi persona

como Ministro di Transporte y comunicacion y a wordo firma na maart 1994. Di e tempo ey e vision pa muda Containerhaven a inicia maske bow di gobierno di ambos signature el a wordo wanta dimas…..E containerhaven mester tabata na Barcadera di basta anja prome. Stranjo ta cu awo cu esaki ta e caso PPA no ta sinti cu e actual gobierno no tin vision pa cu desaroyo commercial/industrial pa cu e zona aki.

Hopi mester tuma lugar cu no ta tumando lugar.

Con nos por salba Aruba como nos Isla/pais y Oranjestad, nos capital y San Nicolas nos supuesto segundo capital ?

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 18

Diarazon 23 Oktober 2019

Marquez ta vence na Hapon y ta duna Honda e titulonan di constructor ganando tereno, pero sin tempo pa logra delant'e.

Ainda asina, e Italiano por a celebra su di 100 podium.

"Tabata un careda straño. Mi ta kere cu Quartararo a consumi e taira," Dovizioso a bisa. "E tabata presionando cu forsa, un poco riba e limite, pasobra realmente e tabata kier e di dos luga."

Marquez ta conta cu 350

E campeon di mundo di Moto GP, Marc Marquez, a impone diadomingo den e Gran Premio di Hapon cu un carera di poule pa e podium, sigurando pa Honda e titulo di constructor den e circuito di Motegi.

E piloto Spaño di 26 aña ya a sigura su di seis titulo di campeon di Moto GP, su di cuater titulo cosecutivo, den un careda disputa dia 6 di october na Tailandia.

E titulo di constructor ta di e 25 di Honda y ta yega ora cu e compania ta celebra su di 60 aña den e mundo di careda di brommer.

"No tabata facil," Marquez a bisa tras su di cua-

ter victoria consecutivo y di dies di e temporada.

"Mi tabata forsando for di principio (...), tabata na e limite cu e combustibel y cu tur cos." E piloto Frances Fabio Quartararo a hiba e di dos posicion cu e ekipo Petronas Yamaha, 0,870 seonde tras di Marquez, sigurando e titulo di "rookie of the year," mientras cu e Italiano Andrea Dovizioso di Docati, a caba na di tres.

E podium di Quartararo ta constitui su di seis clasificacion di e temporada entre e tres promenan, pero e hoben di 20 aña ainda ta sperando su prome victoria di e categoria reina.

Su prome intento di delanta Marquez a dura solamente tres curva.

Marquez a lidera cada buelta y a sigura su victoria number 54 den e categoria reina, poniendo den e buki di records di tur tempo na altura di e Australiano retira, Mick Doohan.

Quartararo a sufri na final pa e desgaste di e tairanan, cu Dovizioso

punto, inalcansabel desde e di 231 di Dovizioso, faltando di tres careda na Australia, Malaysia y na cas, na Valencia.

Honda tin 356 punto dilanti di e 270 di Ducati.

Maverick Viñales, di Yamaha, tabata di cuater, mientras cu e Britanico Ca Cruchlow a bira di cinco pa LCR Honda, kitando e puesto den e meta na Franco Morbidelli,

compañero di ekipo di Quartararo.

E Legendario piloto Italiano di Yamaha, Valentino Rossi, a accidenta den di cuater buelta di e final ora cu e tabata den e di 11 posicion y su compañero di ekipo, e tripel campeon di mundo, Jorge Lorenzo, a caba solamente 40 seconde di e ganado den e di 17 luga.

Pagina 19

Diarazon 23 Oktober 2019

Aruba Beach Club ta contrata Sr. Narshell Gibbs como nan Gerente General nobo mente ta jama bonbini na un cara nobo den su Team di Maneho. Narshell Gibbs, naci na Aruba, lo tuma e posicion di Gerente General di e Club entrante 30 di Oktober 2019.

Despues di a gradua di Aruba Hotel School, Narshell ta jega na Aruba Beach Club cu mas di 20 aña di experiencia den e sector hotelero. E a cuminsa na un nivel basico progresando pa e nivel mediano den maneho y finalmente pa posicionnan clave den maneho ehecutivo.

Oranjestad, 22 di Oktober 2019 Aruba Beach Club orguyosa-

Narshell su atencion pa detaye

y su deseo pa mehoracion continuo di e index di satisfaccion di huesped, hunto cu su filosofia y pasion pa “duna e toke personal, no solamente na e huesped pero tambe na su coleganan”, ta den linea cu e mentalidad di henter e Team di Maneho di Aruba Beach Club.

Siendo e Promer Timeshare Resort di Caribe, Aruba Beach Club ta e ehempel tipico di e dicho: “Bo Cas leu di Cas”.

“Nos ta hopi entusiasma cu Sr. Gibbs ta join e Famia di Aruba Beach Club,” e President di e

Hunta Directiva di e Asociacion, Sr. Kevin Foley, ta bisa. “Cu su experiencia, Sr. Gibbs lo juda pa hiba nos Resort na e siguiente nivel”.

Tocante Aruba Beach Club: Aruba Beach Club, consistiendo di 131 kamber, a keda estableci na aña 1977 como e Promer Timeshare Resort di Caribe, cariciando un di Aruba su beachnan mas popular. Pa mas informacion tocante Aruba Beach Club por jama +297-524-3000 of bishita nos website http://www. arubabeachclub.net.

Conteo rapido oficial na Bolivia ta duna Evo Morales como vencedor y ta descarta e di dos buelta

Tribunal Supremo Electoral di Bolivia (TSE), a duna di conoce dialuna e resultadonan di e conteo rapido oficila di e eleccion di diadomingo ultimo.

Cu 95,23% di e mesanan scrutina, e actual presidente, Evo Morales, a alcansa 46,86% di e votonan, mientras cu Carlos Mesa a obtene 36,73%.

Di confirma e resultado aki, Morales lo evita na enfrenta Mesa den un di dos buelta electoral.

Pagina 20

Diarazon 23 Oktober 2019

E ta knock out su rival tras di un awasero di golpinan duro durante un combate di boxeo sin glove E Brasileño Gabriel "Napao" Gonzaga, a vence su compatriota Antonio "Bigfoot" Silva, durante un combate cu a realisa segun e reglanan di boxeo sin glove, den cuadro di e evento Bare Knuckle Fighting Championship 8, dia 19 di october, den e ciudad Mericano di Tampa (Florida).

"Napao" a gana den e di dos asalt, menos di 4 minuut despues di e inicio di e pelea, despues di a propina un serie di golpinan duro, cu a caba cu un knockout.

Esaki ta e di 12 biaha cu Silva ta sufri un knockout of un knockout tecnico, mientras cu el a obtene 19 victoria.

Di su parti, Gonzaga a acumula ya 17 victoria, mientras cu el a perde den 12 combate.

McGregor ta haci donacion di mas di 13 mil dollar pa tratamento medico di un mucha cu ta sufri un enfermedad straño E luchado Irlandes di MMA, Conor McGregor, excampeon di uFC, a haci un donacion di mas di 13

mil dolalr pa e tratamento medico di un mucha muhe di 1 aña di edad cu ta sufri un enfermedad

A presenta e logotipo di e Weganan Olimpico 2024

E Comite Organisador di e Weganan Olimpico di Paris 2024, a divulga dialuna atrabes di nan cuenta di Twitter e logotipo oficila di e evento.

E competencianan lo tuma luga dia 26 di juli pa dia 11 di augustus di e aña aki. Pa prome biaha e programa lo inclui e disciplina di 'breakdance'.

straño genetico, Mirror a informa.

Irish

E famia di e chikito a lansa un campaña na juni ultimo riba e plataforma GoFundMe cu e obhetivo di recauda 60 mil euro pa cubri e gastonan di un tratamento di cuater siman den un hospital di Merca.

E campaña ya a supera e obhetivo estableci inicialmente. E famia di e mucha a sigura cu e donacion di McGregor no tabata un acto publicitario, ya cu e luchador ni sikiera a haci su donacion publico y a sigura cu nan ta hopi gradicido na dje.

Pagina 21

Diarazon 23 Oktober 2019

Annual Meetings di IMF y World Bank na Washington:

Minister Xiomara Ruiz-Maduro a reuni cu departamento fiscal y estadistica di IMF

Siman pasa Minister Ruiz-Maduro tabata presente na e Annual Meetings di IMF y World Bank na Washington. E mandatario a reuni cu e departamento fiscal di IMF riba e analisis cu nan ta bin haci pa Aruba riba gasto di personal di Gobierno.

E analisis aki lo tuma lugar entre 6 y 19 di november proximo.

Ta importante pa nos por haya un bista concreto di e componentenan di e gastonan relata na personal. Gobierno ta trahando na un manera serio pa baha gasto di personal y e recomendacionnan cu lo surti di e analisis aki por yuda bon den e toma y ehecucion di e decisionnan necesario.

Den e cuadro di fortalese departamentonan vital pa Pais Aruba Minister Ruiz-Maduro a reuni cu e Departamento di Estadistica di IMF pa asina pidi nan asistencia pa e clasificacion di informacion financiero di Pais Aruba por wordo haci conforme e standard internacional di IMF pa cu Government Financial Statistics (GFS).

Esaki ta necesario pa asina nos data financiero por wordo compila y tambe compara segun standardnan internacional.

Esaki lo facilita e trabou di evaluacion financiero y economico di nos Pais y tambe ta haci cu e cifranan di finansa di Gobierno ta cuadra cu e cifranan produci pa

Banco Central. Gobierno lo percura pa empleadonan di Departamento di Finansa haya curso di capacitacion online di IMF. A keda palabra cu e Departamento di Estadistica di IMF lo cuminsa evalua e informa-

cion financiero di Aruba cu ya ta disponibel caba na IMF y pa otro aĂąa lo bin cu un mision Aruba pa asina brinda Aruba recomendacion riba e clasificacion di informacion financiero conforme e sistema di GFS.

Pagina 22

Diarazon 23 Oktober 2019

Celular ta ocasiona insomnio Di no por descansa bon of lo necesario, ta un problema mas habitual di loke nos ta kere.

Insomnio y stress ta dos di e patologianan cu ta generando mas preocupacion den e siglo 21 cu nos ta bibando aden.

Nos a para pa pensa dicon? Kisas ta debe na nos ritmo di bida, pa tin un agenda semper repleto di actividad, na no sa con pa ta cu nos mes of na abusa di aparatonan tecnologico y electronico.

Entre e ultimonan aki, un di e esunnan mas comun ta celular.

Cada biaha nos ta duna nan mas uzo y ta dificil cu cualkier adolescente no pidi pe.

E manera nobo aki di comunica tin hopi bentaha, pero na ora di drumi, por ta e no lo ta un gran aliado.

Tecnologia no ta laga nos drumi Kico ta lo ultimo cu bo ta wak prome cu paga luz y cera bo wowonan? Hopi di boso lo responde…. E Celular!

Esnan cu no por biba sin su smartphone mester sa, cu si ta bon, e ta bon pa hopi cos; tur cos den exceso ta contraproducente.

Y e aparato aki no ta libra, ya cu uza den oranan laat di anochi, por causa insomnio. E uzo di cualkier herment electronico cu tin un pantaya luminoso minuutnan antes di drumi (of purba di concilia soño), no ta permiti e celebro pa trankilisa y descansa manera cu mester ta.

Esey tabta e conclucion cu varios estudio a yega na dje, entre nan di e Instituto Politecnico Rensselare di New York (Merca).

E exposicion prolonga na aparatonan tecnologico manera e celular, television of tablet, ta afecta e nivelnan di hormoonnan regulador di e ciclonan di soño, e melatonina.

Tur cos ta debi na e luz blanco y briyante emiti pa e dispositivonan aki. Aunke cu nos paga e pantaya y e briyo ta regula, e nivelnan di melatonina ta reduci den un 25%.

Riba su mes nos no ta haci eskai.

Asina ta, e ultimo bista riba bo email, rednan social of television ta perhudica e nivelnan cu nos no ta conciente di dje.

No obstante, e internautanan di e estudio a afirma cu su rasonnan pa no por drumi ta bata "pensa hopi," "nabega riba Twitter," "usa e celular durante hopi ora" y "wak television."

Celular ta afecta e sistemanan encarga di regula e ritmonan circadiano. Esaki ta referi na e cambionan fisico y mental cu ta produci relaciona cu e luz solar y scuridad.

Si nan ta bon regular, nos lo tin soño durante anochi y nos lo ta mas alerta pa sali den solo.

Insomnio tecnologico ta preocupa dokternan E malo nobo cu pashentnan cu ta yega na oficinanan di dokter, ta keha di dje, ta conoci como "insomnio tecnologico" y ta provocando e abuso di internet prome cu drumi.

Mas leu di e luminosidad di e pantaya, tambe nos tin cu tene na cuenta cu e ondanan electromagnetica cu e dispositivonan ta manda.

Mescos cu adiccion, cu nos tin pa usa e celular net prome cu drumi.

Den e hospital Casa de Salud de Valencia (Spaña) a realisa un investigacion unda cu ta sigura cu check e pagina di Facebook, mira un video riba YouTube of comproma un mail prome cu drumi, ta corta e oranan di soño y ta afecta e calidad di descanso.

E uso nocturno di internet y di e aplicacionnan cu nos tin riba e celular (manera por ehempel, weganan) ta laga e celebro den estado di alerta.

Esaki ta haci cu lo mester di hopi tempo pa "bolbe na normalidad" y compronde cu ta ora di drumi.

Ta sosode mesun cos cu si nos come sucu of bebe koffie despues di cuminda. Nos ta precisa di dos ora adicional pa concilia soño.

Ademas, durante anochi nos por lanta di golpi, tin pesadiya y drumi den posicionnan cu despues ta provoca dolornan di lomba y nek.

Neurofisiologonan di e hospital aki ta recomenda pa desconecta di cualkier aparato electronico, por lo menos, un ora prome cu nos drumi, paga e router y laga e celularnan p'afo di e camber durante anochi.

Rednan social ta provoca insomnio No ta culpa di Facebook, di Instagram ni di Twitter, esey ta bon cla. Sino di nos forma di relaciona cu e plataformanan aki.

Segun un experimento cu a tuma luga pa specialistanan di e Universidad di Boston, a yega na e concusion cu e red social di e parha blauw y di 140 caracter ta ta esun cu mas ta relaciona cu insomnio y e problemanan pa concilia soño.

Dicon? Pasobra usuarionan ta conecta practicamente henter dia (incluyendo anochi) y sa publica entre 6'or di atardi y 10or di anochi. E piek di e publicacionnan ta 9'or.

E informe, ademas, ta indica cu e dia cu mayor insomnio di siman ta diaranson. Esaki ta debi, segun cu nan ta splica, cu ya nos a pasa e mayor parti di e dianan laboral y nos ta demasiado "acelera" cu asina tanto obligacion.

Koffie y refresco di cola ta e bebidanan mas consumi pa e Tweeters cu insomnio. Ambos ta contene cafeina, cu ta un substancia causante di e sensacion di euforia of alerta pa e celebro.

Aplicacionnan contra insomnio?

E por zona nos algo straño y contradictorio cu nos por uza e celular hustamente pa por concilia soño.

Esaki ta un bon manera pa nos no wak e aparato imprescindibel aki como un enemigo. Tecnologia por ta beneficioso of perhudicial, segun con, pakico y cuanto nos usanan. Nos por haya den tiendanan online di Android y iOS diferente aplicacion cu ta combati (aparentemente) e insomnio: Sleepbot E por monitorea e descanso di e usuario atrabes di sensornan di movimento y microfono di e aparato.

E ta graba e roncamento of zonidonan di ambiente pa defini e calidad di soño y ta inclui un alarma cu ta lanta nos si nos a pasa nos ora di descanso.

White Noise E aplicacion aki ta yuda nos drumi rapidamente atrabes di musica y zonidonan relaciona cu relahacion y descanso.

Ta manera cu nos ta den un spa of den un tempel budista Tambe e ta ofrece un alarma suave pa lanta nos den bon beis.

Sleep Better Tras di analisa bo soño, ta ofrecebo un rutina pa prome y despues di drumi. E ta basa riba e estado di animo di e usuario y den e actividadnan cu esaki ta wordo realisa parti atardi y anochi.

Purba lesa, dal un baño relahante, haci algun tipo di ehercicio suave manera yoga prome cu drumi.

Lo bo wak con rapidamente e nivelnan di activacion celebral ta descende y con esaki ta repercuta den bo nivel di relahacion corporal.

No obstante, si e insomnio ta persisti, ta preferibe pa bo consulta bo dokter.

Pagina 23

Diarazon 23 Oktober 2019

"Bo no mester pone esaki na Merca": Homber ta acosa un muhe pa su Tshirt cu e bandera di Puerto Rico y ta wordo condena na libertad condicional Timothy Trybus, di 63 aĂąa, a wordo sentencia na dos aĂąa di libertad condicional y 200 ora di servicio comunitario dialuna, despues di a wordo declara culpabel luna pasa di dos delito grave di odio relaciona cu un dama, na kende el a acosa door di bisti un tshirt cu e bandera di Puerto Rico.

E acusado a sigura na hues cu e tabata "extremadamente bergonsa" pa e incidente, cu a tumal uga den un parke di e condado di Cook (Illinois), dia 14 di juni di 2018 y a wordo capta riba video pa e muhe acosa, Mia Irizarry.

E residente di Des Plaines (bario di Chicago), cu na e momentonan ey tabata bao di e efectonan di al-

cohol, tabata molestando Irizarry durante casi 40 minuut, bisando e cu e no mster bisti un tshirt cu e bandera PortoriqueĂąo na Merca.

"Bo no mester bisti esaki na Merca," por a scucha Trybus bisa den e video.

Ademas, el a cuestiona e ciudadania di Irizarry, haciendo manera e no a scucha e peticionnan continuo di e muhe pa lag'e na paz.

Tin cu menciona cu e residentenan di Puerto Rico ,estado liber asocia na Merca, ta ricibi e ciudadania Mericano na momento di nace.

Irizarry a testifica cu e tabata tin miedo pa su siguridad durante e incidente, vooral pasobra

un polis cu tabata den e zona, no a pone atencion na e denuncianan di e muhe, kende no tabata sinti su mes comodo cu e

comportacion di Trybus.

Dicho oficial posteriormente a renuncia na su cargo. Di su parti, e abogadonan di Trybus a alega

cu e comportacion di nan cliente "no tabata odioso, sino estupido."

Merca: Por lo menos tres solda a fayece y tres herida durante un entrenamento militar Tres solda a perde nan bida y otro tres a resulta herida diadomingo den un accidente cu a sosode durante un entrenamento militar den e estado di Georgia, segun un comunicado di e Ehercito.

Segun e militarnan, un vehiculo blinda di combate den cual seis miembro di Ehercito tabata biaha, a keda envolvi den un accidente na Fort Stewart.

E tres militarnan herida a wordo hospitalisa. E identidad di e soldanan envolvi den e accidente ainda no a wordo anuncia oficialmente.

Segun e comunicado, e nombernan lo wordo publica 24 ora despues cu

notifica e famia di e militarnan di e fayecimento.

"Awe ta un dia desgarador pa e di tres division di Infanteria y pa henter e comunidad di Fort Stewart y e aerodromo Hunter Army Airfield, ya cu nos tur ta devasta tras di e accidente den e area

di entrenamento di Fort Stewart," e comandante general di e di tres division di Infanteria, Tony Aguto, a bisa.

Te na e momento, no a transcende mas detaye riba e accidente, mientras cu e investigacion ta continua.

Pagina 24

Diarazon 23 Oktober 2019

SV Dakota a introduci su “Season Ticket” pa temporada di futbol

Dakota. Tambe por haya e ticket aki disponibel na e booth na entrada di Stadion Guillermo Prospero Trinidad.

Lo bay ta exponiendo mas informacion riba e pagina social, caminda cu por haya informacion di e season ticket aki. Ta bon pa menciona cu durante tur wega, SV Dakota ta biniendo cu premionan adicional pa asina aki duna un empuhe na e fanaticada cu semper ta para tras di e ekipo. Lo tin diferente doorprize durante tur e weganan di SV Dakota. Tur e weganan di SV Dakota ta bay tin chens pa gana premionan atractivo pa asina yuda stimula futbol local.

ORANJESTAD, Aruba 22 di Oktober 2019: Recientemente SV Dakota a anuncia oficialmente e benta di “Season Ticket 2019/2020”. Como custumber SV Dakota ta trece cosnan nobo pa e campeonato regular di futbol y manera cu ta conoci, durante e ultimo

dos añanan, clubnan tin e honor di haya e entrada pa por inverti bek den futbol.

Na e ocasion aki, pa e campeonato 2019/2020, ta introduci e Season Ticket. Esaki lo bira oficialmente pa tur e weganan di campeonato regu-

lar.

Ta bay tin number di contacto y sigur atrabes di e pagina di Facebook y email di SV Dakota, por tuma contacto libremente na 5945321 y tambe na 5944024. Por cumpra e ticketnan aki tambe na Centro di Bario y Deporte

Ta bon pa enfatisa cu e ticketnan no ta conta pa e cuater weganan di Play-off, sino solamente pa e campeonato regular. Manera bo cumpra bo ticket, bo number ta bay den un tombola y na final di e campeonato regular, sigur lo bay tin premionan hopi atractivo pa e ganado. Premionan ta varia entre pasashi, voucher pa Kentucky y mas.

SV Dakota ta invita tur

fanatico di SV Dakota pa bin presencia e weganan di e campeonato regular y apoya e team, cumprando e season ticket pa tur wega. Ta gradici tur sponsor di SV Dakota pa e campeonato 2019/2020, esta KFC, Island Best Windows & Doors, ATCO Concrete Products, AMAST NV, Cooper Tires, Safecom y Kendall Motor Oil.

Ta huur

Apartament full muebla 2 slaapkamer,airco, alarm, paga bon Exclui: awa,wifi, ecotech,cable Pa 2 persona : no kids, no pets

Tel:585-5521 Cel:565-3228

Pagina 25

Diarazon 23 Oktober 2019

Ta haya na Jerusalem un caya "perdi" traha pa Poncio Pilato 2 mil aña pasa Un ekipo di arkeologo di e Universidad di Tel Aviv y di e Autoridad di Antiguedadnan di Israel a descubri un caya antiguo cu ta conecta dos di e puntonan cu mayor significacion religioso pa Judaismo y Cristianismo na Jerusalem.

Segun e estudio publica den e revista Tel Aviv: Journal of the Institute of Archaeology of Tel Aviv University, e investigadornan a haya mas di 100 moneda antiguo bao di klinkernan di dicho caya, cu ta data aproximadamente aña 31 di e era comun.

E caya di 220 meter di largo y 8 di hancho ta conecta e Tanki di Siloe cu e Temple Mount. E Temple Mount, ubica dentro di e Ciudad Bieu di Jerusalem, a wordo venera como un luga sagrado durante miles di aña.

Ta kere cu e construccion di e caya awo descubri, a tuma luga den e mesun epoca den cual segun mitologia Cristian, Jesus a cura e ceguera di un homber, mandando e pa e laba su cara den e Tanki di Siloe.

Gobernador Romano di Judea E prome indicionan di e caya aki a wordo haya na 1894, pero durante e excavacionnan cu a tuma luga den e ultimo añanan, a haya decenas di mone-

da cu ta data entre aña 17 y 31 di e era comun.

Esaki lo evidencia cu e construccion di e caya a cuminsa y a completa mientras cu Poncio Pilato tabata gobernador Romano di Judea.

"Algun moneda tin e aña cu nan a wordo crea, loke ta nifica cu, si bao di e caya haya un moneda cu e fecha 30 di e era comun, e caya lo mester a wordo traha den e mesun aña, of despues cu e moneda a wordo traha," Donald T. Ariel, Arqueologo y experto den moneda di e Autoridad di Antiguedad di Israel a splica.

Dicho caya tabata trtaha cu piedranan grandi, manera ta habitual den henter e Imperio Roma-

Abona na

awor!

Yama 585-9500 of e-mail nos na solodipueblo@gmail.com Tur marduga nos ta entrege den bo porta di cas!

Noticia cayente, ta aki bo ta haye!

no, pero ademas e piedranan a wordo traha na un manera fini y presenta varios otro adorno a lo largo di e trayecto.

Pero e caracteristicanan aki y pasobra e ta uni dos di e luganan mas importante di Jerusalem, e autornan di e descubrimento ta sostene cu ta trata di "un caya special" cu probablemente lo a sirbi como un ruta di peregrinacion.

"Un caya asina gradioso" "Si a trata di un simpel caminda cu a conecta punta A cu punta B no lo tabata tin mester di a traha unc aya asina grandioso," e arkeologonan Joe Uziel y Moran Hagbi, coautornan di e investigacion a señala di nan parti.

Di acuerdo cu Nahshon Szanton, autor principal di e estudi9o, e exuberancia di e caya aki lo tabata un tactica di Poncio Pilato, den parti, pa "apacigua e residentenan di Jerusalem," den parti pa e ciudad encaha den e mundo Romano, of un intento pa "engrandece su nomber atrabes di proyectonan grandi di construccion."

Na momento di e descubrimento, e caya tabata bao di escombronan di e destruccion cu e Romanonan a somete na e ciudad den aña 70 di nos era despues di un rebelion Hudiu.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Asadero San Cristobal na Sta Cruz

Tur merdia cuminda cayente...

Pica Pollo - Medio Pollo y hopi cuminda mas PA PEDIDOS Tel. 566-0319 Whatsapp Cel. 566-0319

Habri te nochi..

Pagina 26

Diarazon 23 Oktober 2019

Maduro Heavy Equipment N.V. Pa tur tipo di santo,piedra y graniet Pa trabao di rosamento y cobamento di fundeshi of Pos Tin special riba diasabra Rooi Bosal 49 Tel: 5851708/5943207/5931608

TA FURA

MATRAAS, MUEBLES, STOEL DI AUTO ORANGE MATRAAS FABRIEK

HOPI DESCUENTO

40% Y 50%, MERCANCIA NOBO TARABANA SOLO 5

593-4387 OF 588-7468

PA TAXATIE DI CAS Y PROPIEDAD TUMA CONTACTO CU

CERA ARUBA TEL: 561 5643

Abona na

awor!

Yama 585-9500 of

e-mail nos na solodipueblo@gmail.com Tur marduga nos ta entrege den bo porta di cas!

Noticia cayente, ta aki bo ta haye!

Pagina 28

Diarazon 23 Oktober 2019

Parlamentario Benny Sevinger

Ley di Serlimar lo ranca 4 miyon for di cartera di pueblo Un ley cu ta draai rond di placa y mas placa Tratamento di cambio di ley di Serlimar, a bolbe confirma cu en realidad Minister di Infrastructura, Otmar Oduber, kier mira placa y mas placa, miyones e kier mira pasa bou capa di Serlimar y bay despues directamente pa un compania cu e minister ya caba tin cla pa cuminsa tuma over.

Miembro di fraccion di AVP, Benny Sevinger a mustra cu durante di e reunion Minister Oduber a trata di convence e fraccion di MEP den un forma unico, tratando di cumpli cu loke nan ta pidi, esta di saca diferente aspecto di e ley pero en realidad na final di cuenta, nada lo no cambia den e situacion cu su persona ta desea di mira.

“Nos por a scucha Minister den un forma determina trata di convence principalmente miembronan di fraccion di MEP, pa nan sostene e ley y cu e lo haci tur loke nan pidi y hast a bay asina leu na bisa cu e si nan kier, e lo saca e incinerator tambe for di e ley.

Bisa e no ta bisa cu hasta haciendo esaki, e plan di bin c’un incinerator ta keda vigente y hasta e proceso di un destaho publico, ta tumando luga mientras cu e reunion tabata tumando luga.

Tin hopi aspecto di e ley cu Minister ta mustra cu e por cambia pero hecho ta cu tur loke e kier mira cu e ley aki, pa placa drenta for di tur caminda, ya cu tur cos ta draai rond di placa.

Pa mustra un di e ehempelnan aki, ta cu intencion di e ley aki ta pa bay saca 4.2 miyon for di sector comercial bou di capa cu esaki lo ta entrada pa Serlimar pero aki e no ta bisa cu e placa aki ta bay caba finalmente na e compania cu e tin den mente pa duna permiso pa atende cu e procesamenteo di sushi.

Tampoco Minister Oduber a informa parlamento cu e 4.2 miyon aki cu e kier haya for di comercio, cu na final di dia ta pueblo ta esun cu lo tin cu paga e suma aki ya cu comerciantenan lo bay hinca esaki den e prijs di comestibelnan cu nan ta bende na pueblo, ya cu comercio kier cubri nan gastonan di e forma aki.

Pues ta pueblo lo tin cu bay paga e 4.2 miyon aki ora cu e momento yega caminda costo di bida lo sigui subi pa pueblo pero Minister Oduber ta haci como sifuera cu esey ta e solucion cu e kier mira pa asina complace cu su hendenan.

Na mes momento e mandatario a

splica Parlamento cu for di hotel y condo’s e lo kier saca un suma adiciona di 7 miyon florin, cual placa tampoco lo bay pa Serlimar pero lo bay directamente pa e compania cu a wordo sigura cu e lo haya e negoshi di procesamento di sushi.

Pues tabata bisto cu loke e minister aki kier mira, ta placa drenta pa otro banco cu e ta trata di lanta, e biaha aki riba custia di Serlimar pero ningun caminda e por a demostra cu e placa aki ta keda pa Serlimar pero den e contract cu e compania, ta para con e proceso aki ta tuma luga.

E asina yama ‘tipping fee’ tin cu wordo paga tambe pa Serlimar na e compania aki mientras cu e companianan priva tambe lo tin cu bay paga e tipping fee aki, cual ta un suma di 120 florin.]

Pues tur hende cu ta haci uso di servicio di e companianan priva aki, cu ta pagando 25 florin na e momentonan aki, lo tin cu bay paga un suma adicional di 125 florin cu nan tin cu paga Serlimar, pues ta mas cu claro cu e clientenana ki lo no kier haci esaki y lo por termina nan contracto cu e companianan priva aki.

E consecuencia lo ta desastroso pa e companianan priva pero

esey ya pa algun tempo caba, tur hende por a ripara cu Minister Oduber no ta kibra su cabes cu e companianan aki y nan trahadonan.

Miembronan di Parlamento por pidi pa haci cuanto cambio cu nan kier den e ley presenta pa e Minister pero ningun di e cambionan aki mag di mishi cu e fluho di placa cu e mandatario kier mira drenta den su banco cu e kier crea bou di capa di Serlimar,” Parlamentario Benny Sevinger a mustra.

Ta tira cuater biaha riba baby di 11 luna cu tabata den auto di su madrastra Un baby di 11 luna den e parti nort di Philadelphia, ta den situacion critico di salud despues di a ricibi cuater disparo e atardi di diasabra, mientras cu e tabata biaha den e parti interior di e vehiculo di su madrastra.

Ainda no tin ningun detencion. E madrastra di e menor tabata maneha e auto cerca di e blok 700 di e caya West Luzerne, ora cu a scucha disparo.

E muhe a sigui core pa scapa e tiroteo, pero ora el a para, 10 minuut

despues, el a conta cinco impacto di bala na su auto.

E menor a ricibi cuater di nan, segun polis.

E muhe a hiba e mucha pa e centro medico Einstein, unda cu nan a detecta herida di bala na su cabes, pecho y su atras.

For di eynan, nan a hib'e pa hospital St. Christopher, unda cu e ta den un estado extremadamente critico.

Polis no a detene ainda ningun hende ni a duna informacion riba e sospechoso algun. Pero dia-

domingo a ofrece un recompensa di 5 mil dollar

na esun cu revela e informacion cu por caba den

aresto.

Pagina 29

Diarazon 23 Oktober 2019

PRONOSTICO DI TEMPO VALIDO TE DIARANSON 23 DI OCTOBER 2019

SUDOKU

COMPILA: DIAMARS 22 DI OCTOBER 2019 17:00 (21:00 UTC) TEMPO: AWE ANOCHI: PARCIALMENTE NUBLA I GENERALMENTE SECO DEN MARDUGA I MAYAN: PARCIALMENTE NUBLA CU CHENS PA LOCALMENTE UN AWACERO. TEMPERATURA MAXIMO 31 GRADO CELSIUS TEMPERATURA MINIMO 26 GRADO CELSIUS BAHADA DI SOLO : 6:17 PM SUBIDA DI SOLO : 6:31 AM. BIENTO: FOR DI DIRECCION OOST TE OOST- NOORDOOST I MODERA; FORSA 3 TE 4 (12 TE 30 KM/ORA, 7 TE 16 NUDO) DEN DIA BASTA FUERTE TE POSIBLEMENTE FUERTE DEN RAFAGA; FORSA 5 TE 6 (31 TE 50 KM/ORA, 17 TE 27 NUDO) SITUACION GENERAL DI TEMPO: DEN PROXIMO 24 ORA, ATMOSFERA LO TA HUMEDO I INSTABIEL. ESAKI LO POR PRODUCI LOCALMENTE ALGUN AWACERO BREVE DEN PROXIMO 24 ORA. NO TA EXCLUI UN POSIBILIDAD CHIKLITO DI LAMPER CU STRENA. DI OTRO UN BANDA, UN OLA TROPICAL TA ACERCANDO PARTI OOST DI CARIBE I LO PASA DEN CURSO DI MAYAN PA DIAHUEBS DEN REGION LOCAL AUMENTANDO E CHENSNAN PA AWACERO DEN REGION. CONDICION DI LAMA: OLANAN DI LAMA LO TA FOR DI DIRECCION OOST CU HALTURA DI 2 TE LOCALMENTE 5 PIA. FENOMENONAN SPECIAL: NINGUN TEMPO TROPICAL SIGNIFICANTE: NINGUN POTENCIAL DI AWACERO PA PROXIMO 24 ORA: 1 TE 5 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA: AIRPORT MAX 33 / MIN 25 / 5.0 MM PRONOSTICO DI TEMPO PA PROXIMO TRES (3) DIANAN: PARSIALMENTE NUBLA CU LOCALMENTE UN AWACERO. BIENTO LO TA MODERA TE BASTA FUERTE DEN RAFAGA FOR DI DIRECCION GENERALMENTE OOST. TEMPERATURA ( GRADO CELSIUS) MAX / MIN LO TA: 31 / 27

CONDORITO

Pagina 30

“Señor ta mi wardador, mi’n tin falta di nada Den cunucu di yerba berde e ta ponemi sosega.

E ta hibami na awa trankil, Pa mi bolbe haña forsa”.

Salmo: 23 Cu inmenso tristeza pero conforme cu Papa Dios su boluntad, nos ta anuncia fayecemento di mi casa, nos tata, nos welo y ruman stima:

Mario Harold Everon cariñosamente yama “Mai” * 05 Nov 1949 - †18 Okt 2019

Na nomber di: Su casa stima: Su yuinan:

Miriam J. Everon-Lopez Mayka Everon & Henry Koolman Rachelle Everon Elton Everon & Maritza Bareño Su nieto/a nan stima: Hilyen & Henryson Koolman Rocco & Xiannah Everon Rumannan: †Maria “Tanchi” Everon †Bernardinus “Momo” Everon & Vitalina Rodriquez Lucia “Pechi” Everon y famia †Magda Everon y famia †Emeraldo “Shon Me” & Cicilia Everon

Koolman †Julio “Juij” Everon †Nicolaas “Bati” & Maria Everon Semeleer †Reginaldo “Nady” Everon y famia †Casper “Danchi” & †Lidia Everon Arends Dora Everon Cuña y Swanan: Judith Lopez y famia Ligried “Dita” Matos Segundo “Dundun” Vrolijk Sobrino y Sobrina (nan) y famia Sobre-sobrino y sobre-sobrina (nan) Primo y prima (nan) y famia Iha (nan): Evelina Kelly y famia na Hulanda Mirella Vrolijk y famia Edwin “Tinchi” Henriquez y famia na

Hulanda

Comer y comper (nan) y famia Bon bisiña di cas: Irma Kock y famia Mama di su nieto y nieta: Shandeeh Arends y famia Amiga y amigo (nan) di cas: Frida Werleman y famia Edwin Arendsz y famia Amigonan di Domino – Cede di MEP y Grupo 7 Ex-coleganan di : Buitenlandse Betrekkingen Aruba Instituto di Cultura Posada Aruba Dialyse afdeling Hospitaal Demas famia (nan) Everon, Lopez, Koolman, Bareño, Vrolijk, Maduro, Arends, Paesch, v/d Werf, Webb, Semeleer, Matos, Kelly, Henriquez, Croes, Petrochi, Hernandis, Wong, Hoek, Tromp, Dirksz, Francisca, Werleman, Dañe.

Oportunidad pa condolencia lo ta diahuebs 24 october 2019 for di 7’or pa 9’or di anochi na Aurora Funeral Home.

Acto di entiero lo tuma lugar na Aurora Funeral Home for di 2’or pa 4’or di atardi despues lo sali pa Santana Catholiko na St.Cruz.

Disculpa nos si den nos tristeza nos por a lubida algun familiar Nos ta lamenta cu despues di entiero nos no ta ricibi bishita di condolencia na cas.

Diarazon 23 Oktober 2019

Pagina 31

Diarazon 23 Oktober 2019

INVITACION NOBENA NA HONOR DI SAN MARTIN DE PORRES Reverendo Pastoor Jozef Pelc, Pastoor di Parokia Birgen di Fatima Dakota, hunto cu grupo di fiel debotonan di San Martin de Porres, ta invita parokianonan y pueblo di Aruba en general na e nobena na honor di San Martin de Porres cu ta cuminsa diabierna awor 25 di October te cu 2 di November 2019 pa 6’or atardi den Kapel. Diadomingo 27 nobena ta cuminsa pa 5’or atardi.

“Señor ta mi wardador, mi’n tin falta di nada Den cunucu di yerba berde e ta ponemi sosega.

E ta hibami na awa trankil, Pa mi bolbe haña forsa”.

Salmo: 23 Nos ta anuncia fayecimento di:

Fiesta di San Martin de Porres ta wordo celebra diadomingo 3 di November pa 8’or di mainta cu un Santo Sacrificio di Misa Solem cu musica y canto di Koor Birgen di Fatima Dakota.

San Martin conoci como “Tata di pobernan” pa su humildad semper a busca e lugar di mas abao. Ma su alma tabata subi mas y mas cada bes cerca di su Creador y el a bira un religioso ehemplar.

Contra egoismo di nos tempo, nos mester imita San Martin su entrega total pa su igualnan.

Gradicimento/Invitation Pa medio di esaki famia kier a gradici tur esnan cu na un manera of otro a demostra nan atencion durante e momentonan dificil di fayecimento y entierro di nos defunto stima:

Rolando Francisco Maduro *22-10-1947 †16-10-2019

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500

Filomena Elisabeth Morel

mihor conoci como “Mena of Filo” * 19-11-1942 † 12-10-2019 Boso muestra di atenshon ta di hopi aprecio y un gran sosten pa nos.

Un danki na Aurora Funeral Home cu su tremendo servicio.

Alabes nos kier a invita pa 3 santo sacrificio di misa cu lo tuma lugar na Misa Santa Anna na Noord: Diaranson 23 oktober 2019 pa 6.30 or di anochi Diasabra 26 oktober 2019 pa 7or di anochi.

Boso presencia lo ta altamente aprecia.

Oportunidad pa condolencia dialuna 21 di october 2019 na Aurora Funeral Home di 7’or pa 9’or di anochi.

Ta invita pa e acto di entiero cu lo tuma lugar Diaranson 23 di Oktober na Aurora Funeral Home di 2’or pa 4’or di atardi despues saliendo pa Santana central na Sabana Basora.

ORACION DI DIA

Rumannan un dia yena di bendicion di Dios cu hopi amor y paz den boso curason

”Mira, fariseonan, boso ta laba parti pafo di beker y di tayo, ma di paden boso ta yena cu violencia y maldad!

Hende kens, esun cu a crea parti pafo, no a crea parti paden tambe?” (Luc 11, 39-40) Nos por ripara cu Hesus Su pensamentonan ta pa mustra e hendenan di antes y di awendia cu loke nan ta biba ta algo cu nan mes por ta papia un cos y ta haci completamente otro cos di e berdad. E fariseonan tawatin hopi custumbernan cu pa nan ta hopi sagrado y nan tawata aplica nan leynan estrictamente. Pa Hesus e amor pa hende ta mas importante y Hesus no ta haci distincion di persona. P’esey El a dicidi di acepta e invitacion di bay come na cas di un fariseo. Hesus ta siña nos cu nos tin cu actua di tal manera cu nos ta agrada Dios y biba di acuerdo cu Su mandamentonan y leynan. Tur nos bon obranan mester sali di nos curason.

Oracion: Dios di misericordia yuda nos pa nos ta semper atento na Scritura duna door di Bo mes y pa nos por haci Bo Palabra bira realidad den nos bida pa nos no predica un cos y haci completamente diferente, Amen

Pagina 32

Diarazon 23 Oktober 2019

Loke bo no bebe na edad tiki mas madura tin 45% mas di riesgo Bebe alcohol por preveni demencia?

E siman aki, un estudio publica den British Medical Journal, cu a busca pa sigui paso di 10.300 persona pa 23 aña pa sa con tabata nan rutina di consumo y con e memoria lo bay progresando, ta duna un respaldo na e hipotesis aki: "E riesgo di demencia a aumenta den personanan cu a abstene den ingeri alcohol na mediana edad of consumi menos di 14 unidad pa siman.

E hayasgonan actual ta alenta cu ta revisa cierto guia riba e consumo nocivo di alcohol pa promove un miho salud cognitivo riba edadnan mas avansa," ta e resultado cu a yega na e investigadornan.

Pero e conclusion aki mester wak'e cu un loep.

Den e estudio, specialistanan a recluta participantenan entre 1984 y 1993, tempo nan tabata tin entre 35 y 55 aña.

Despues nan a sigui cu un participantes entre 1985 y 1993, cuando tenían entre 35 y 55 años.

Luego les fueron haciendo seguimiento cada cuatro o cinco años, en distintos grupos, hasta el 2016.

Durante este período a casi 9.000 de los 10.000 participantes iniciales se

les analizaron los resultados en los servicios de salud mental, si debían acudir a servicios especializados o no, así como los registros de mortalidad. Al final dieron con un total de 391 casos de demencia.

Lo curioso vino cuando cruzaron estos datos con los que habían tomado décadas atrás, pues encontraron que “quienes no tomaban nada de alcohol durante la mediana edad tenían un 45 % más

riesgo de padecer demencia que quienes sí tomaban entre una y catorce unidades alcohólicas a la semana”.

Esto, claro, no quiere decir que beber alcohol esté relacionado con una mejor salud mental.

Todo, en realidad, está en

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

las dosis y el número de copas. La investigación también encontró que aquellos que se fueron para el otro lado y consumían más de 14 bebidas alcohólicas a la semana cuando estaban entre los 35 y 55 años tenían mayor riesgo de sufrir demencia. “La demencia tiende a aumentar cuanto más bebía una persona, teniendo en cuenta que con cada aumento de siete bebidas por semana había un aumento del 17 % en riesgo de demencia”, afirma la investigación conducida por científicos franceses y británicos.

La recomendación final que dan los autores es que, por lo menos durante la edad adulta, se tenga en cuenta una especie de equilibrio en el consumo

de alcohol. Pues, por lo menos estadísticamente, consumir muy poco o en exceso aumenta el riesgo de sufrir demencia. “Estos resultados sugieren que la abstención y el consumo excesivo de alcohol se asocian con un mayor riesgo de demen-

cia, aunque los mecanismos subyacentes probablemente sean diferentes en los dos grupos”, dicen los autores.

Pero, de nuevo, son resultados que deben mirarse con lupa, pues la investigación, aunque larga y reveladora, tiene un vacío: desconoce cuál fue el consumo de alcohol de los participantes antes de llegar a los 35 y 55 años.

Por ende, se podría inferir que muchos de los que llegan a esa edad lo hacen porque son abstemios y bebieron mucho en la juventud, lo que podría estar relacionado con la demencia que tienen cuando ya son mayores.

Una pieza que, sin duda alguna, deberán examinar nuevas investigaciones.

Tipline: 585 9500

e-mial: solodipueblo@gmail.com