DIAMARS 5 MEI 2020

Aruba Corona: Positivo 100 Recupera 81 Negativo 1658 Diamars 5 Mei 2020

Solo di Pueblo

AĂąa 16 - edicion 091

Clarisca y su ploeg completo suspendi di trabao Ta un exageracion pa considera e boto aki un invasion; mas bien por ta un contrabando di droga

Maribombo di morto cu cara di monster a yega Merca for di China .

Hulanda: Kico OM ta pensa di Mike Eman?

Ricibi placa preto di Roberto Rincon pa cumpra votos ta castigabel?

Demanda

contra e estado pa loke ta 5G

Cuarentena 28

Activo Morto

E-mail: solodipueblo@gmail.com

17 2

Prijs: Afl. 1.75

2

Diamars 5 Mei 2020

Maribombo di morto cu cara di monster a yega Merca for di China Merca ta basta preocupa pa un maribombo nobo cu a yega teritorio Mericano for di Asia, “Vespa Mandarina�. Ta un maribombo cu cara di monster, peligroso y cu ta causa morto. No sa si ta accidentalmente e por a yega of el’a wordo manda intencionalmente for di China. E maribombo aki ta uno gigante cu ta crece te cu 5 cm y ta wordo considera un destructor. No solamente e ta menaza tur otro sorto di maribomo, pero tambe su veneno por ta mortal pa ser humano. Pa algun tempo caba a cuminza nota presencia di e maribombo aki na Washington. Autoridadnan a pidi tur esnan cu mira e sorto di maribombo aki, pa raporta esaki mesora y keda leu di nan.

Hende herida na IMSAN

Diabierna atardi a drenta informe di tin un persona herida na IMSAN. E lo mester ta rabia y ya cu tabata kibrando cosnan den e lugar. Mesora a dirigi diferente patruya pa e sitio. Na yegada di e patruya a bin constata cu aki un

persona herida cu no a wordo atendi di biaha y lo a rabia y bira diremate den e lugar. Dokternan a atende cu e heridanan di e persona y polis a keda presenta cune pa por a detene. Polis a acompaĂąa e detenido cu ambulance te hospital pa tratamento.

3

Diamars 5 Mei 2020

Clarisca y su ploeg completo suspendi di trabao Dialuna mainta SOLO DI PUEBLO a bin compronde cu Mando Policial a tuma un decision fuerte den caso di Clarisca Velasquez cu a wordo haya den un fiesta na un villa na Alto Vista. Manera e portal aki a raporta diahuebs, Clarsica a wordo gara burachi den apartamento cu full su ploeg. Riba e marduga di diahuebs, durante toque de queda polis a confronta e situacion aki, unda tabatin un fiesta tumando lugar den un of dos villa of apartamento na Noord. Hefe di polis sra. Vanessa Kock a confirma tambe diahuebs anochi cu enberdad tin un sucedido cu ta wordo investiga, pero e no a drenta den detayes. Clarsica mes a desmenti e noticia parcialmente via su pagina di red social, sinembargo e

ta confirma si cu el’a meld ziek cu sintoma di Covid-19, confirmando e noticia. E sitio di noticia AWE24.COM a skirbi cu tabatin un investigacion andando caba desde algun siman pasa riba e grupo aki, cu tabata haci movecionnan cu a lanta sospecho den propio KPA. Mas leu, Clarsica awor den su circuito di amigo ta tilda o culpa dos polis hefe na Oranjestad, unda el’a laga sa cu “E dos payasonan ey lo no por haci’e nada ni logra nada”. Obviamente den e expresionnan aki por nota cu internamente tin cosnan cu no ta candando bon. Loke Clarisca no a spera ta cu e lo ricibi awe un schorsing, pendiente pa mas investigacion. E decision a cay cu ta suspende Clarisca y su coleganan den su ploeg

pa cu e fiesta di diahuebs anochi. For di su circuito, por bin compronde cu Clarisca ta den un intriga grandi: Ken a haci e redo? Ta ken a laga slek riba e fiesta y duna tip na e otro coleganan halto den KPA di e sitio di e fiesta? Maske a purba Clarisca a desmenti e noticia treci dilanti y a purba dune

un contexto politico, cu e ta wordo politicamente ataca, unda algun otro tambe a considere como politikeria, te hasta a bay den defensa pisa pa Clarisca, awor poco poco por mira cu e noticia ta berdad y no tin nada di haber politica. No cu

por ta asina medionan di

comunicacion ta funciona riba “depende ta ken” y maneha noticia “selectivo”. No por ta asina cu ta depende ta cual polis haya su mes envolvi den baina ta trece informacion dilanti, y ora cu ta trata di un polis politicamente liga, ta opta pa sconde e informacion.

KPA: 9 polis a keda suspendi y ta bao investigacion CUERPO POLICIAL TA INFORMA:

En Conexion cu e sucedido recientemente na Noord , Cuerpo Policial a cuminsa un investigacion interno. Den cuadro di e investigacion andando alto mando a tuma e decision di prohibi entrada na tur localidadnan di polis di un total di 9 colega di Cuerpo Policial. Na e momentonan aki no l o por divulga mas informacion .

4

Diamars 5 Mei 2020

Accidente na Modanza

Diadomingo atardi pa mas o menos 6:15 polis a bay Modanza, altura di e rooi unda un accidente entre dos auto a sosode. Tambe un persona a resulta levemente herida.

Na yegada polis a topa cu un Hyundai Getz benta di banda den e rooi pabao di caminda. Den banda di chauffeur parti patras por a mira un sla basta grandi. Esaki ta un indicacion cu e Kia Picanto a dal

contra e Getz. Ambulance a wordo pidi pa controla un persona cu a resulta levemente herida.

Accidente dilanti di Hoi Sing Loi na Savaneta Diabierna anochi algun minuut prome cu “Toque de Queda� a drenta informe di un accidente cu hende herida dilanti di Hoi Sing na Savaneta. Mesora a dirigi tanto polis como ambulance pa e sitio. Na yegada di e patruya a bin constata cu aki ta trata di un accidente pa falta di preferencia unda un Kia Rio a sali dilanti di un Mitsubishi Lancer. Ambulance a presenta na e sitio y a atende cu un dama levemente herida y a transporte pa hospital pa tratamento medico.

5

Diamars 5 Mei 2020

Ta un exageracion pa considera e boto aki un invasion; mas bien por ta un contrabando di droga Esaki ta e speedboat cu mester a yega costanan di Macuto na Vargas Venezuela cu 10 persona den marduga. Pa yama esaki un invasion, nos ta haye fuera di tur proporcion. Un speedboat cu 10 homber hamas por drenta Venezuela y core bay Palacio di Nicolas. Esaki ta parce mas bien un banda di droga cu a trece of busca droga unda nan a keda intercepta pa autoridad di Venezuela. Tambe por ta un grupo cu ta dedica na contrabando di gasolin. No ta descarta cu por ta confrontacion di Cartelnan di droga cu tin cu trafica droga y entrega esaki riba altamar. Den ultimo lunanan tin un aumento substancial di traficacion di droga. E armanan y pickupnan encontra mas bien ta e banda di droga cu mester a busca of entrega droga. Gobierno di Venezuela kier purba na desvia di nan problemanan

interno, unda no gasolin, no tin cuminda, no tin placa y riba dje un matansa pisa den un prison unda 40 a wordo mata.

Tanto Merca y Colombia a nenga cualkier participacion of conocimento di e speedboat aki. Un cos ta hopi cla: cu un

speedboat hamas bo por ni pensa pa bay saca Nicolas di poder. Pues; a otro pero con ese hueso!

6

Diamars 5 Mei 2020

Cacho los riba caya a pone ciclista dal abao na Bringamosa

Diadomingo mainta a drenta informe di un incidente cu un ciclista herida na Bringamosa, mesora a dirigi tanto polis

como ambulans na e sitio. Na yegada di e patruya a bin compronde cu aki ta trata di un incidente unda cu un

cacho a sali bay ataca un ciclista y a pone dal abao. Na yegada di e ambulans nan a atende e victima y a transporte pa hospital.

TDQ ta keda un problema

Diasabra anochi patruya atento den bario di Tarabana na Grenadaweg

a tuma nota di un persona riba caya violando "TdQ". Mesora a pare y detene.

Van di C.E.A. a bini na e sitio y a transporta e

detenido pa warda di polis unda e lo ricibi su boet pa cu viola "Toque

de Queda". Esaki ta e di 4 detencion riba e di 43 anochi di "TdQ".

7

Diamars 5 Mei 2020

Atraco den dia cla

Diabierna atardi a drenta informe di un caso di atraco na Nikki Beach. Mesora a dirigi polis pa e sitio. Na yegada di e patruya a papia cu e victima cu a declara un persona style rasta color scur carson blanco lo a bin atrake di patras. El’a bay cu un tas cu documento y cartera. Hunto cu ne tabata un otro persona cu a core cu e atracador, drenta den un auto ocupa pa un

dama chauffeur y nan a core bay nort. Ela purba persigue nan pa un paar di cruzada pero na pia el’a cay y herida su mes dus no a sigui core nan tras. Polis a tuma nota di datos di e victima como tambe declaracion y lo pasa e informacion pa recherche. Polis a busca rond den Playa pero no a logra encontra e vehiculo sospechoso cu 3 hende aden.

Tiro den Maripampunstraat

Diabierna anochi a drenta informe di un zonido duro a wordo scucha den Maripampunstraat na Dakota. Mesora a dirigi polis pa e sitio. Na yegada di patruya na e sitio a papia cu habitante

cu a declara cu ela scucha un zonido duro y a ripara su bentana kibra. A yama polis mesora. A pidi presencia di team forensico pa asina haci investigacion di e tiro cu a ser manda riba e cas aki.

8

Diamars 5 Mei 2020

Hulanda: Duro contra Duro

Demanda contra e estado pa loke ta 5G Den e lanzamento di e red nobo y mas rapido di 5G ta hungando cu e salud di e ciudadanonan. Den un relato di e corant virtual De Telegraaf, ta indica cu esaki ta un bet cu por resulta hopi eroneo y provoca daño na salud publico. Esaki ta e opinion di e fundacion Stop5GNL, cu a trata dialuna den procedimentonan sumario den corte na Den Haag, di prohibi hudicialmente e despliege di e red cu mester sigui despues di 3G y 4G cu ta mas lento. No a demostra claramente cu e exposicion na radiacion electromagnitico ta dañino, pero tampoco a demostra cu e no por haci daño, e abogado Beukers den nomber di e fundacion, a argumenta. Ta existi institutonan di investigacion di renombre cu ta adverti riba e dañonan grave, manera ambionan den DNA, cancer y trastornonan neurologico, debi na e exposicion na e radiacion electromagntico. "Si nos ta bay experimenta e consecuencianan aki, nos lo yega demasiado laat." Beukers ta yama 5G "un experimento poco etico." No hunga cu salud publico, segun e abogado. "E Estado mester proteha ciudadanonan contra e riesgonan pa salud. No expone e ciudadanonan na esaki sin por haci nan propio eleccion." El a critica e subasta

di e freuencianan 5G na juni di e aña aki, mientras cu e Conseho di Salud solamente ta bin un luna despues cu e resultadnan di un estudio riba e posibel efectonan negativo di e radiacion. Realizacion di un investigacion exhaustivo E Estado ta bisa cu a realiza un investigacion exhaustivo riba e posibel efectonan nocivo pa salud publico, pero cu esaki no a keda demostra. E abogado Sikke Kingma a acusa e fundacion di ignora sistematicamente e critica di e cientificonan na e publicacionnan

caminda e fundacion ta basa. Loke e base no ta funciona ta wordo bari bao di mesa." Ta wordo bisa cu e fundacion ta envolvi den e "seleccion" di informenan cientifico pa pinta un miagen falso basa riba esaki. Segun Kingma y su colega Edward Brans, e Estado no ta haci mas cu cumpli cu e obligacionnan Europeo, y ta companianan di telecomunicacion cu ta determina unda ta pone e mastnan y di e frecuencianan cu ta usa pa 5G Segun Brans, e Estado no ta obliga pa prohibi ningun actividad cu por representa un riesgo pa salud, semper y cuando no establece

di manera concluyente cu no ta existi ningun riesgo. E ora ey e tambe por bisa cu stuurmento mester ta prohibi. "Ta berdad cu esaki ta hiba na accidente tur aña." Asesoramento E investigacion realiza pa e Conseho di Salud ta mustra cu tin mester di mas investigacion, e Estado lo sigui cu e conseho aki, el a bisa. Y e limitenan di exposicion tambe lo wordo ahusta si tin razon pa haci'e a base di e conseho di e Conseho di Salud y RIVM, el a priminti.

Hende canando riba dak di cas Diasabra anochi a drenta informe cu mester tin hende canando riba un dak di cas na Weststraat. Mesora a dirgi polis pa e sitio. Na yegada di e patruya a papia cu e doño di e cas cu a declara cu tin basta anochi tini zonido riba dak. Polisnan a busca den cercania pa cualkier irregularidad pero no a mira nada.

9

Diamars 5 Mei 2020

Parlamentario Endy Croes:

Kico OM ta pensa di Mike Eman?

Ricibi placa preto di Roberto Rincon pa cumpra votos ta castigabel? Parlamentario Endy Croes tin hopi pregunta riba hopi casonan duduso y castigabel cometi pa x gobernantenan y Lider di partido AVP Mike Eman.

Awor tin prueba Mike Eman a ricibi hopi placa di Roberto Rincon:

Desde algun aña atras noticianan hopi tendencioso tabata circula den media na Aruba cu Mike Eman lo a ricibi 1 miyon us dollar di Roberto Rincon pa cu eleccion na 2013. Nos por corda con AVP a core un campaña extra luhoso cerando campaña cu un lighting parade cu 13 banda musical. Esaki a duna su fruto momento cu AVP a logra 13 asiento. Prensa tabata skirbi cu Roberto Rincon tabata un di e patrocinadornan principal di Mike Eman y AVP pero pruebanan tabata dificil pa haya na e momentonan ey. Awor despues di algun aña a logra pone man riba algun di e transferencianan bancario cu a tuma lugar entre otro 1 siman promer cu elecion 2013. Adhunto un prueba di 50 mil us dollar cu a bay for di cuenta di Tradequip un compania di Roberto Rincon directamente pa cuenta di e Fundacion Mike Eman.

Esaki ta muestra cu tardi of tempran e berdad lo sali na cla. Te cu awe nos no a scucha Mike Eman sali bin desmenti cu e NO a ricibi e placa(nan) aki. Mientrastanto tur e amigonan di Mike Eman y Mike de Meza a wordo persigui pa husticia y a haya condena. Mike Eman a usa plaka “PRETO” pa cumpra votos local. Asina Mike tabata paga diferente cuenta, tabata paga Afl.500 pa luna pa borchi politico den cualkier cura di cas, miles di florin pa propoganda politico na puntonan strategico. Nos por corda happy hour. Tur dia na Rio Grande. Mike Eman y AVP a regala cientos di miles na bon di gasoline y tabata paga masha hopi hende tur diabierna pa core campaña primordialmente e ultimo 3 luna nan den eleccion 2013. Sigur esaki ta un pagina oscuro den historia politico. Essencia mas grandi ta cu Mike Eman a ricibi placa preto di Tradequip un compania di Roberto Rincon.

Ministerio Publico ta kere cu e mes por actua of lo warda riba un keho? Pueblo ta Parlamentarionnan Parlamentarionan

puntra y deber ta

pa haci pregunta den nomber di pueblo. Nos no por dirigi agenda di Ministerio Publico y sigur no por exigi nada como cu Ministerio Publico ta completamente independiente y nos sa di respeta esaki. Locual pueblo ta puntra si cu den e caso “grave” aki unda awor tin prueba esta un transferencia di 50 mil dollar pa cuenta di Mike Eman si Ministerio Publico ta pensa cu nan mes autonomo lo cuminsa cu un investigacion of mester warda te dia un cuidadano hasi un keho oficial? Personalmente Parlamentario Croes ta di

opinion cu Ministerio Publico mester duna atencion cu urgencia riba e caso aki di nan propio boluntad. Mescos tin casonan IBIS di Paul Croes, Avestruz di Benny Sevinger andando nos ta kere cu esun di Mike Eman awor cu tin prueba no por keda afor. Pueblo a bira hopi critico contra Ministerio Publico ultimo tempo y como politico nos trabao ta pa keda transmiti e sintimento di pueblo. Ta e momento corecto pa Ministerio Publico mes duna un update riba e casonan grandi aki pa trankilidad general.

Sra. a lanta malo y mester tratamento Diasabra mainta a drenta informe di un dama mester di ayudo na Savaneta y lo ta sangrando. Mesora a dirigi polis pa e sitio. Na yegada di patruya na e sitio a papia cu un dama cu ta declara cu e a lanta for di soño y ripara cu e ta sangrando. Mesora ela yama 100. Polis a pidi presencia di ambulance na e sitio. Ambulance a presenta na e sitio y a atende cu e dama di edad y a transporte pa hospital pa tratamento medico.

10

Diamars 5 Mei 2020

ALM 980; UN BUELO TRANKIL KU A KABA DEN TRAGEDIA May 2, 2020 Share on Facebook Tweet on Twitter

Un dia manera awe, 2 di mei 1970 pa 11 minüt pa 4 di atardi, e avion di ALM buelo 980 a baha den laman djis pegá ku St Croix, oséano Atlántiko. E buelo a sali for di New York John F Kennedy International Airport pa bai St. Maarten Juliana Airport. Pero el a terminá den laman lagando un saldo di 23 morto i 40 sobrebibiente, Tobias (Tito) Cordeiro, Wilfred (Boy) Spencer i Margareth Abraham tabata yunan di Kòrsou trahando komo steward, stewardess i Purser pa ALM na bordo di e avion aki. Dos di nan a sobrebibí i Margareth Abraham a fayesé den e aksidente. Tito Cordeiro ta kòrda e dia aki i awor ku e subi un avion e no ta lesa ni tende muzik pero ta sinta ketu ketu ora e avion ta lanta i baha. Esaki pa e skucha zonido di e avion. Tito a konta su eksperensia 2 di mei 1970. Un buelo trankil na kuminsamentu…. E buelo a kuminsá mainta na New York, masha normal. Nos a lanta pa bai St Maarten i normalmente nos tin di baha na Bermuda pa nos tènk aserka pasobra e ruta ei tabata nèt nèt pa e avion bul’é i si ta yen ta baha na Bermuda yena kombustibel i pa sigui. Si no ta yen e por bula dirèkt. E dia ei tabatin 67 persona na bordo i a disidí ku ta bai St. Maarten dirèkt. Ya nos a pasa Bermuda kaba i e piloto a keda avisá pa no sigui bai St. Maarten pero desviá bai Puerto Rico. Promé ku nos a yega San Juan nan a bolbe yam’é bis’é pa bin St. Maarten numa pasobra airopuerto ta habrí. Nos a bolbe desviá pa bai St. Maarten. Tur esei ta usa fuel èkstra i riba un ruta ku ta kritiko kaba. Ora a yega St. Maarten e wer tabata kompletamente será, áwaseru tabata basha masha duru. E avion a purba baha un bia i no tabata por, e di dos bia i di tres bia tampoko. No tabata mira nada bo dilanti. A disidí di bai St. Thomas. Den e tres intentonan pa baha e avion a usa fuel èkstra, pasobra tin di primi full tròt pa e avion bèk. Tiki kombustibel… Bayendo St. Thomas a sali na kla ku e avion no tabatin hopi fuel. El a bisa Toren ku e ke bai e isla di mas serka ku tin i nan a mand’é St. Croix. Ya a kuminsá atvertí ku fuel ta kabando. E piloto a yama e purser, Boy Spencer pa prepará e pasaheronan pasobra “we might have to ditch”, palabranan di e kapitan. Nos a kuminsá prepará e pasaheronan, yuda nan bisti vèst, kon ta sinta i tur kos ku bo ta hasi ora di ‘flight safety’. “Margareth tabata den kabina, ami tambe tabata den kabina i mi ta kòrda kla kla ku tabatin dos mucha di manera 7 pa 8 aña ku nos a bisti ‘zwemvest’ pa yuda nan. Dado momentu mi a bai dilanti pasobra nos mester a saka un ‘dinghy inflatable’. Ora bo ta haña indikashon di aksidente, e kapitan òf ko piloto ta ‘suppose’ di duna dos komando. Unu ta bisa bu ‘emergency station’ ku ta nifiká ku kada miembro di tripulashon ta bai nan emergency station, Boy Spencer ta dilanti, ami mei mei na e ala i defuntu Margareth te patras na rabu di e avion. Despues e kapitan ta bisa ‘Brace for Impact’. E ta nifiká ku ta buk pasobra ta bai dal. Niun di e dos komando ei no a duna nos i esei tabata un fayo grandi pasobra nos ta asina di trein pa e kos ei ku bo ta keda hasi bo kosnan te ora bo tende e komando ei i den nos kaso e no a bin”. Impakto fuerte…. Boy Spencer i Tito tabata den e parti kushina te dilanti pegá ku cockpit i defuntu Margareth mei mei ta yuda hende. E di tres hende den cockpit, ku su boka a grita ‘sit down sit down’. Tito i Boy a tende pasobra nan tabata pará einan pero patras no ta tende. E mester a usa e ‘public address’ pa henter e avion por a tende. Despues nan a bisa ku e ‘public address’ tabata daña. Ora a grita pa sinta, Boy su lugá ta nèt einan i el a habri stul i kai sinta. Tito ku ta den e kushina di e avion pará, el a wak pafó dor di un bentana rondó i ya el a mira awa

manera ta e flur esei tabata. “Mi mester a kana mitar avion bai patras pero lo mi no a hal e i mi a sinta riba flur i manera mi a sinti e avion a dal. Despues Boy ta konta mi ku ora el a sinta, i e kue e seatbelt pa mar’é i e avion a dal, su man no por a bin dilanti dor di e forsa di brek di e avion. Avion a senk lihé…. I ora bo dal kos ta habri i dal i asina e avion a para ketu nos a purba habri porta pa saka pasahero pero e porta no kier a habri. “E porta di kushina si e man a bai mitar i ku pia mi a dal e i e porta a habri i nos a saka hende bai pafó. Manera e avion a dal i para ketu ya awa tabata na mi ènkel. Ora e awa tabata na mi rudia mi a bai laman. Pafó bo ta keda landa bai for di e avion pasobra si e avion senk e ta ‘zuig’ i ora bo ta poko leu bo ta mira un avion riba awa i despues bai abou. Nos a keda landa pafó. Laman no tabata brutu pero ola haltu ta subi baha. Ora e dal bo ta wak awa so pero ora bo ta na haltu bo ta mira hende i bo ta purba landa bai serka nan. Nos tabatin boto di supla i nos a mara faha i purba keda huntu. Nos a mira e ko piloto i mi a puntr’é kon leu nos ta, el a bisa mas òf ménos 35 mia di kosta ku ta basta leu pa boto yega. Despues di un ratu awa a kuminsá kai. Pa nos suèltu ora nos a ‘ditch’ i tabata den laman un avion di Pan American (PanAm) tabata bula riba nos i el a keda bula rònt. El a keda drei rònt pa indiká nos posishon, despues un avion chikí a bin i keda bual i PanAm a keda bai. E avion ei asta a tira un boto di supla pero bientu a bai kuné. Nos a keda einan pasobra boto no ta yega mesora. A kuminsá bira 6 or i bo ta pensa si bira anochi kon nan ta haña nos mainta. Pero a bin un helikòpter. Tambe un portavion di Merka ei banda i a manda helikòpter i Puerto Rico a manda helikòpter i nan a saka nos un pa un for di awa. Ora e helikòpter yena e tin di bai i bin bèk. Den tur e landamentu mi no a mira niun miembro di tripulashon eksepto e ko piloto. Bo ta wak si bo ta mira nan pero den un di nan un helikòpter riba mi i mi a mira Boy Spencer pará den dje. Te finalmente nan a saka mi for di awa i nos a bai St. Croix. E momentu ainda mi no tabata sa ku tin hende ku no a sobrebibí. Bo sa si ku tin hende ku dor di e impakto nan a muri”, Tito a splika. Promé ku nan a sali nan a yuda saka tur hende ku por a sali. Hende bibu e ora ei. Vários pasahero a muri dor di e impakto mes….. Ora nos a sali ya no tabatin moveshon. Na e momentu ei nos no tabatin tinu di Margareth. Nos ta asina di trein pa skapa pasahero ku bo no ta ni pensa pa wak bo kolega e momentu ei. E momentu ei ta pa saka boto i saka pasahero. Ora mi tabata den awa mi a bai buska pa sa unda Boy i Margareth ta. Dado momentu tin historianan kontradiktorio. Dado momentu tabatin ‘hearing’ na San Juan i Merka i kaso dilanti d i hues i ora tin deklarashon ku un hende a bisa di a mira Margareth morto den avion, otro ta bisa di a mir’é saliendo for di e avion, otro ta bisa di a mir’é den laman, i bo no sa ta kua di nan. I no a rekuperá nan i tampoko e avion. E tempu ei no tabatin teknologia pa bai abou i buska e avion. Ta bisa ku e laman tabatin basta tribon, pero Tito no a mira esei. Komo ku e laman tabatin hopi ola, nan ta bai abou i mi no tin masha idea di esei. Ami no a mira i tin hende ku tabatin raspá, ami mes ku raska ku sanger ku nan ta bisa ta atraé tribon pero mi no a mira ètòl. No a saka hende for di laman, un a yega San Juan i a muri na hospital. Tito ta kòrda ku su djadumingu un pakus a habri pa nan spesial pa nan por skohe algun paña. I despues di algun dia nan a bin Kòrsou den un avion mesun tipo ku a kai den laman. Ketu ketu ora di lanta i baha…. Tito ta kòrda ku e no sa kon el a drenta avion atrobe. E

sa ku el a drenta avion i bin Kòrsou. E por kòrda kon e tabata sinti ora el a drenta avion òf ora e lanta òf baha. Awor si Tito por bisa ku pa hopi aña kaba semper ora e biaha, ku ta loke e gusta hasi, semper nunka ora di lanta i baha e no ta papia, ni lesa nada nada. E ta ketu pa e skucha pasobra e konosé zonido di avion. Dor di hopi aña e sa kiko ta pasando i e ta atento. Semper e ta stòp di hasi loke e ta hasi i ta atento. 10 luna bulando… Tempu ku e avion a kai Tito tabatin 10 luna bulando. ALM mes tabata e tempu ei 6 aña ta eksistí i di kual un aña el a pasa kasi kompleto den man di gobièrnu. Tito ta kòrda ku ALM e tempu ei a tuma 2 hende na 1969 for di Aruba, nèt despues di 30 di mei. Nan a haña entrenamentunan hopi intensivo i pisá pa traha riba avion. Den e kaso di e aksidente ta e dos komandonan ariba menshoná ta esnan ku a faya kuné. Si e dos komandonan ei a bin kisas hopi ménos hende lo a muri, segun Tito. I apesar di e aksidente Tito a keda traha 8 aña mas riba avion. E tabatin apénas 20 aña i tabata hopi hóben. E aksidente no a lag’é ku pániko di bula. E sa ku tin hende ku pasa ku kos den avion lo no ke drenta avion mas. Por ehèmpel Boy Spencer no a bula mas. Su reakshon tabata otro for di Tito, pa loke ta traha riba avion. Ken su falta…. Ken finalmente tabatin falta di e aksidente? Tito; e kos ei yama ‘samenloop van omstandigheden’. Hopi promé ku nos a ‘lease’ e avion a bisa ku ta bai konstruí un tanki èkstra pa fuel. Esei no a sosodé nunka. Einan kaba a kuminsá e sirkunstanshanan ku kisas un dia e avion lo haña algu pasobra mester tabatin un tanki mas. E avion lo por a hañ’é den problema bayendo New York pasobra St. Maarten semper tin bon wer. New York si ta diferente i tin bia mester desviá e avion. A ferwaktu ku e avion lo por a haña problema na New York. Pero a sosodé nèt kontrali. No tabatin un tanki èkstra, e dia ei no a baha na Bermuda pa tènk aserka, a desviá e avion pa San Juan, i ora di bai St. Maarten bèk wer tabata malu i a purba baha 3 bia, ta kada bes sirkunstansianan ku ta kere esaki ta e bon desishon ku finalmente no tabata un bon desishon. Pa bisa ta ken su falta, ta hopi hende por menshoná pasobra ta kada kos ku a pasa tabata supuestamente bon desishon i finalmente a resultá ku e fuel a kaba. Margareth su último buelo…. Tito ta kere ku ta importante pa e duna atenshon na defuntu Margareth ku a pèrdè su bida kumpliendo ku su trabou di purba skapa bida di hende pero debí na sirkunstansianan e no a sobrebibí. E tabata bai kasa na yüni di e mesun aña ei. Tabata su delaster buelo pasobra ta bai e tabata bai pa kasa i e kos aki a sosodé. “Mi ta kontentu ku el a haña i ta haña e atenshon debido pasobra loke el a hasi ta algu grandi”. Hamas lo mi lubidá…. Tabatin momentunan i hendenan riba e buelo ku Tito lo no lubidá nunka mas. El a papia na prinsipio di dos mucha muhé, segun e nan ta ohochi, kabei largu blònt, ku brel poko diki di mas òf ménos 7 pa 8 aña. Nan no a sobrebibí e buelo. Tito ta kòrda e dos muchanan aki te awe. Nan no a ni sali for di e avion. Sierto kos ta kla den bo mente i Tito ta kòrda un señora di edat ta wanta na e boto di supla (dinghy) i e no por a wanta riba awa. E ‘zwemvest’ ta keda na laira i komo bo tin paña bistí bo ta keda bai abou i e señora no tabata por. Tito ta kòrda ku e tabata pone su rudia na atras di e señora pa e no bai abou. Ta kos ku e ta kòrda kla kla. I tambe e ta kòrda kon e ta mira e avion senk bai bou di awa. Ta kosnan ku hamas e lo lubidá.

11

Diamars 5 Mei 2020

Turismo ta e enfoke di e di dos parti di “Restart Conversations” presenta pa CAREER IQ crisis. Aunke e crisis a trece hopi dificultad riba diferente nivel entre otro: economia, e problemanan social, e retonan pa nos sistema di cuido y asina por sigui menciona hopi area mas cu ta afecta. Na mes momento tambe e crisis ta trece cu ne hopi oportunidad pa nos por refleha como comunidad riba e Aruba cu nos kier laga atras y tambe con nos kier sigui desaroya nos pais. Pa nos por logra esaki nos tin mester di e conversacionnan constructivo y tambe nos mester ta cla pa asumi cambio. Paso ta na nos como pais y comunidad pa asumi cambio pa asina adapta si nos kier prospera den futuro.

Diasabra ultimo, CAREER IQ a presenta e prome parti di “Restart Conversations” virtual summit cu enfoke riba Economia y Entrepreneurship. E sesion aki tabata bon ricibi p’e publico di Aruba, cu a sigui e prome cumbre virtual bibo y directo via e webinar platform, Tele Aruba livestream y Tele Aruba canal 13, unda miles di siguidor a participa na e combersacion. Siguientemente diasabra 9 di Mei lo tin e di dos parti di e “3-part series virtual summit” aki cu enfoke riba nos turismo. E sesion aki lo consisti di dos sesion cu e panelistanan den e area di turismo: Ronella Tjin Asjoe Croes (CEO di Aruba Tourism Authority), Tisa La Sorte (CEO y Presidente di Aruba Hotel & Tourism Association), Ryan Peterson (General Manager Economic Policy Centrale Bank van Aruba) y Jo-Anne Arends (Air Service Development Manager na Aruba Airport Authority). E di dos panel di e mainta aki lo ta Zena Neme di propetario di CRAFT, Kimberly Rooijakkers Manager di Boardwalk Hotel, Dylan Molina di Pelican Group y Maureen Every Managing Director Eco Destination Management.

Durante sesion number 2 e meta ta, pa tin un discusion positivo riba e posibel plannan pa Restart e sector di Turismo, cu ta e pilar economico di Aruba, kico ta e cambionan cu lo introduci unabes nos habri frontera bek y tambe lo tin un dicusion tocante con lo mester adapta e sector aki pa post Covid-19. E model di turismo cu Aruba a conoce lo ta dificil pa sigui implementa, e impacto di Covid-19 y e introduccion di distanciamente social, cu lo bin cu cambio drastico den nos pilar principal. Pues den sesion 2 ta importante pa cuminsa tene discusion fructivero tocante e retonan cu nos lo bay enfrenta y sigur e participacion di cada ciudadano ta clave den e fase aki. E discusionnan aki lo ta retorico cu e mensahenan positivo, pa asina inspira e participantenan pa participa y tuma accion den nan seno y sigui crea un “ripple effect” di optimismo den nos comunidad pa rehabilita nos isla. Durante e temponan dificil ta facil pa somete na e sentimento di mixed, cu ta causa pa incertidumbre, pero awor mas cu nunca nos isla tin mester pa nos comunidad di forma colectivo uni na crea un mihor Aruba despues di e

E meta principal di e summit aki ta pa tene un conversacion colectivo di ambos sector publico y priva con nos lo por “Restart Aruba”. Hopi biaha riba nivel di maneho tin falta di e “input” di esnan “in the field”, pues por medio di un dialogo colectivo nos ta spera cu por nace e idea-y acionnan concreto cu ta un “win-win” pa ful Aruba. Sinembargo ta keda na nos tur pa traha hunto pa yuda Aruba supera e reto aki “We are in this together”. Pa bo por participa of pa haya mas informacion di e conferencia virtual aki bo tin cu simplemente subi e pagina di “social media” di Career IQ Aruba riba Facebook of Instagram. E dos siguiente partinan di e summit aki lo tuma lugar riba diasabra 9, 16 di mei di 10 or di mainta pa 12 or di merdia. Tuma nota cu e cuponan ta limita pa e plataforma di webinar. E conferencia virtual aki lo ta streamed live tambe riba Tele Aruba canal 13 y Facebook Live di Tele Aruba. Registra gratis y asina forma parti di e combersacion pa “restart” Aruba, nos isla. Aplicabel pa news websites: LINK pa registra Click e links akibou y registra bo mes pa e conferencia virtual gratis aki Tourism: https://us02web.zoom.us/ w e b i n a r/r e g i s t e r/ W N _

12

Diamars 5 Mei 2020

Varios auto envolvi den accidente

Diasabra mainta a drenta informe di un accidente basta bon cu varios auto envolvi na Seroe Patrishi. Mesora a dirigi tanto polis como ambulance pa e sitio.

Na yegada di e patruya a compronde cu aki ta trata di un accidente unda e chauffeur di un Daihatsu Terios biniendo for di Oranjestad pa bira bay parkeer dilanti un negoshi y a malcalcula e velocidad y distancia di e Nissan March biniendo

for di Paradera. Esaki a bin dal riba dje desvia, bay dal 3 auto staciona dilanti e negoshi. Debi na e impacto e chauffeur di e Terios a keda spanta y na yegada di e ambulance nan a atende e victima y a transporte pa hospital.

St. Maarten ta extende nan lockdown Sint Maarten a extende nan lockdown, originalmente declara te cu dia 10 di Mei, pa un siman mas, te cu dia 17 di Mei. Pa duna e poblacion mas libertad di movimento, awor nan por cana, core bicicleta of core riba dialuna, diarazon y diabierna, for di 6'or pa 8'or di mainta y di 4'or pa 6'or di atardi. Gobierno tambe a dicidi cu tur supermercado, banco y servicionan publico por ricibi personanan mayor, muhernan na estado y personanan descapacita, entre 8'or y 10'or di mainta.

13

Diamars 5 Mei 2020

E-books pa miembronan di biblioteca

Nos no sa cuanto tempo e ‘lockdown’ y ‘Shelter in place’ ta bay keda, pero biblioteca a sigui busca manera pa ofrece su servicio na publico. Biblioteca Nacional Aruba ta traha hunto cu Koninklijke Bibliotheek na Hulanda y un di e proyectonan cu a concretiza ta pa haci e onlinebibliotheek.nl accessibel na Aruba tambe. E servicio aki ta gratis, pa un periodo limita, na tur miembro di biblioteca. Miembronan cu tin interes pa haci uso di e servicio aki por registra via email info@ bibliotecanacional.aw Di dos paso ta cu bo ta haya instruccion con pa registra

y un password+code. Miembronan cu ta email pa registra ta menciona nan nomber y fam, number di Smartphone y e number di e barcode riba nan kaarchi

miembro. Bibliotheek Online ta ofrece su servicio temporario di e-books y audiobooks gratis na

miembronan di biblioteca di Aruba via un App. Tin un coleccion grandi di buki na Hulandes y un coleccion poco mas chikito di buki na Ingles. E coleccion tin

tur sorto di buki mescos cu un biblioteca normal ta ofrece. Por lesa e-books riba computer, tablet, Smartphone y algun e-reader.

Problema escalando den Boliviastraat

Diasabra mainta a drenta informe di un problema cu ta escalando na Boliviastraat. Mesora a dirigi un patruya pa e sitio. Na

yegada di e patruya a bin compronde cu aki ta trata di un problema entre un huurder cu un huurdo. Polis a intermedia entre nan y a

conseha na nan e caminda pa cana y pa no pleita cu otro.

A kibra tubo ora tabata rosando tereno Diabierna atardi a drenta informe di un incidente na Safir unda cu un chubato cu tabata rosando tereno. Aki mester a kibra un tubo di awa bao tera. Polis a presenta na e sitio y a tuma nota di e incidente como tambe a pone W.E.B. na altura di e tubo di awa kibra.

14

Diamars 5 Mei 2020

Homber no a sigui orden di polis y a wordo deteni

Diadomingo algo prome cu 5'or di atardi, presencia di polis a wordo pidi na altura di Tres Trapi na Malmok, caminda un homber tabat practicando e deporte di golf y tabata formando peliger pa algun persona cu tabata den lama. Na yegada nan a topa cu e homber enberdad cu e palo di golf den

su man. Mesora nan a splica e homber cu e no por practica e deporte di golf eybanda pasobra e ta formando peliger pa e personanan den lama, e bala por dalnan y polis a exigi'e pa e stop mesora. E homber no a respeta ordo di polis y a sigui, no a keda e polisnan nada otro cu detene e homber. Transportwagen di polis a hibe Warda di Shaba.

Maltrato y destruccion na un cas na Kamay

Diadomingo mainta a drenta informe di un caso di destruccion y maltrato na un cas na Kamay. Mesora a dirigi un patruya pa e sitio.

Na yegada di e patruya nan a nota cu aki ta trata di un adres conoci, esaki ta e mesun persona cu algun dia pasa a lanta contra su mama wel awe ela destrui e celular di e

seĂąora y a maltrate. Polis mesora a detene y a bay cun'e na warda.

15

Diamars 5 Mei 2020

Diver a perde pero despues a aparece

Diabierna atardi a drenta informe cu na Mangel Halto mester tini 1 diver perdi di un grupo di 4. Mesora a dirigi patruya pa e sitio. Na yegada a papia cu un diver cu a yega tera y e ta conta cu nan tabata 4 pero ta 2 so mas e ta mira den awa y

no sa unda e di 4 persona a keda. Despues di algun momento e diver a aparece pafor di awa, e lo a landa bay mas pariba y drenta costa pesey no por a mire.

Parlamentario Arthur Dowers

Nada di gobierno di MEP mester sorprende Booshi Wever Na momento cu scucha e politico cu a wordo crea y forma pa partido MEP, esta Booshi Wever trata di hunga wega politico cu e decision di Parlamento pa entrega 25% di salario, e ta bolbe mustra cu apesar cu e no ta cu MEP mas, Booshi ta keda cu e mentalidad di MEP. “Awor Booshi ta papia di ‘wake up call’ cu ta momento pa rediseña e rumbo di nos pais lubidando cu su persona mes a lucha contra un proceso asina ora cu gobierno di AVP a dicidi di trece cambio den e ley di edad di pensioen pa gobernantey parlamentarionan. Ta Booshi hunto cu su lider e tempo ey den mal forma a ataca y expulsa

dos miembro femenino di partido MEP pa motibo cu nan a sostene e cambio di ley aki pero awor ta pretende cu e kier mira un cambio. Booshi ta pidi pa mara man di politiconan pero no ta su persona tabata comete fechorianan politico ora cu e tabata Minister di gobierno di MEP, a sinta scucha transmision di baseball riba custia di pueblo, a bin cu proyectonan dudoso cu te ainda ainda pueblo di Aruba ta pagado pa esakinan sin saca beneficio di esaki? Pa falta di curashi di ataca e fraccionnan cu ta sostene gobierno, Booshi ta haya ta necesario di hinca un decision di fraccion di AVP

den duda, caminda nos a presenta un amienda pa un reduccion di salario di 25% compara cu 20% cu gobierno di MEP, su partido MEP, a dicidi di lo implementa pa e ministernan. Den momentonan asina dificil fraccion di AVP no tin tempo pa hunga politica barata manera Booshi kier laga pasa di ta haciendo na e momentonan aki, ya cu tempo cu gobierno di MEP a introduci e famoso BBO, Booshi tabata Minister y a permiti esaki pasa bay hincando pueblo den un situacion financiero hopi delicado. No bin papia awo como si fuera bo no tabata parti di e desaster cu gobierno di Nelson Oduber a

laga e pais aki aden na 2009, caminda fondo di pensioen tabata na rand di bancarota, mesun cos cu SVb y AZV ya cu como minister Booshi por a lanta para pa pueblo y evita cantidad di cos cu no mester a tuma luga perhudicando pueblo. Cuanto Booshi a yega di entrega for di su salario

den e periodo cu nan a pidi trahadonan di gobierno pa laga nan vakantie uitkering cay, pa laga indexering cay y otro beneficionan ya cu ta su Booshi su gobierno a kita for di trahadonan mientras cu su persona y su coleganan minister e tempo ey, no a entrega ningun cen preto,” Parlamentario Arthur Dowers a declara.

16

Diamars 5 Mei 2020

KLM lo cuminza lanta su halanan bek den Europa Desde dialuna 11 di Mei KLM a anuncia di lo cuminza lanta su halanan bek den Europa, bulando atrobe pa varios destinacion manera Barcelona, Madrid, Roma, Milaan, Budapest, Praga, Warschau y Helsinki. E condicion ta cu tur pasahero lo mester bisti mask. Ta e intencion di KLM pa sigui expande su vuelonan asina cu e paisnan habri atrobe y duna aprobacion. Pa e ciudadnan cu awor lo cuminza bula, e restrinccionnan imponi pa coronavirus a wordo kita. Durante cu paisnan tabata cera, KLM a sigui bula cu 15% di capacidad pero a pidi permiso na autoridadnan manera Aviacion Civul pa usa su vuelonan pa transporta carga, pa cual KLM a haya aprobacion tambe. Asina

e aeroliña por a sigui bula na capacidad minimo.

KLM ta premira cu poco poco e lista di cuidadnan lo sigui crece poco poco y lo ta cla pa activa mas

ruta asina cu esaki bira posibel.

Parlamentario Arthur Dowers

Obvio cu gobierno Hulandes no tin confianza den Ministernan di Aruba Minister Presidente Evelyn Wever Croes y Minister di Finansa Xiomara Ruiz Maduro, a mustra hopi contento diabierna mainta, ora cu den Conseho di Minister di Reino, a aproba un suma di 49 miyon di yudansa pa Aruba den un forma di prestamo riba dos aña. Parlamentario Arthur Dowers ta señala cu aki un biaha mas ta bisto cu gobierno di Reino no tin confiansa den e maneho financiero di Gabinete Wever Croes ya cu ainda no a aproba e suma cu tanto Wever Croes como Ruiz Maduro a solicita di 1.3 biyon florin. “Ta obvio cu gobierno Hulandes no ta confia gobierno di Aruba den persona di Minister Xiomara Ruiz Maduro y Prome Minister Evelyn Wever Croes y esaki a bolbe keda confirma den e reunion di diabierna mainta na Den Haag.

Por a nota cu e dos ministernan aki a manda ‘op hoge poten’ pidi Hulanda pa un yudansa di 1.3 biyon florin pero ta awe Hulanda a manda 90 miyon florin y ainda falta 1.2 biyon florin di loke Gabinete Wever Croes a pidi. Hulanda ta haci esaki condiciona pa asina tene esunnan cu ta traha den e pais aki, esta economia di nos pais y e trahadonan, nan nanishi net riba awa siendo cu Hulanda no ta mandando e placa bruto manera cu nan a pidi. Pues claramente Hulanda no tin confiansa den gabinete Wever Croes y aki tin cu bisa cu esaki no ta nada straño ya cu Hulanda tambe a mira cu e gobierno aki a faborece un grupo grandi di ‘friends and family.’ Tambe Hulanda a tuma nota cu placa bruto a bay pa Papa, cu ta placa di

pueblo, loke logicamente ta haci Hulanda hopi nervioso di por manda placa pa Aruba, sin cu tn bista hopi cla cu e placa aki ta bay unicamente na bienestar di pueblo y no na bienestar di friends and family. Esey ta pone cu Aruba ta para awe caminda cu e ta ya cu Hulanda no tin confiansa den gobierno y cu Aruba no por move dilanti pasobra simplemente tin un gobierno sinta eynan cu nunca a pone pueblo central, sino a pone nan famia central. Hasta por a mira diferente delincuente cu ta forma parti di e teamnan di e gobierno aki, ta personanan cu a comete actonan criminal y a wordo condena pa paga gobierno placa pa e daño cu nan a haci na e pais, pero e gobierno aki a duna nan un salario, caminda den cierto sentido a tuma pueblo haci, ya cu e

placa cu e hendenan aki mester paga na gobierno ta wordo paga pa medio di salario cu nan ta ricibi, ta pueblo cu su sodo di trabou, mester paga e placa aki na gobierno cu na su turno ta bira paga e tipo di hendenan aki. Esaki ta un berguensa esaki ta e integridad cu e gobierno aki a priminti pueblo. Hulanda a tuma nota di esaki y pa tal

motibo awe Aruba ta sinta manera un pidido di limosna pero di otro banda nos ta orguyoso cu Hulanda ta sacando man pa nos pueblo y cu Hulanda no ta lubida riba e homber chikito manera gabinete Wever Croes si a bin ta haciendo,” Parlamentario Arthur Dowers a declara.

Pagina 17

Diamars 5 Mei April 2020

Parlamentario Edgard Vrolijk (MEP):

Presupuesto DOW pa aña 2020 nonan di huurgrond y no manera oposicion ta pretende cu lo ta pa kita tereno. Sigur un preocupacion ta e reinscripcion digital cu hopi no lo por haci’e y den esaki Minister a declara cu pa otro siman lo por haci esaki na manera di hard copy tambe. Y dimi parti a pidi e Minister den cuadro di stimula agricultura y crea pa yuda e grupo aki p’asina por duna contenido real na e realidad nobo cu nos mester cuminsa cultiva y den esaki mester percura pa awa pa e agricultor entre otro pa yuda.

Diahuebs 30 april a ser trata den parlamento e presupuesto di DOW pa aña 2020. Aunke ta un aña cu debi na e crisis di Coronavirus cos no lo por ta normal mas y sigur esaki tambe ta conta pa locual cu mester pa ehecuta proyectonan di infrastructura. Pero esey no ta kita afo cu lo tin proyectona di faststrack pa impulsa nos economia y percura pa

crea cupo di trabou cu tin di stimula y tambe careteranan cu tin di ser traha pa 2020. Terenonan huurgrond Un topico cu sigur a bin dilanti ta e reinscripcion pa terenonan di huurgrond. Minister Marisol Tromp a declara publicamente cu esaki ta cu den cuadro di tin un registracion actualisa di tere-

Careteranan pa 2020 Sigur despues di un lucha di casi 3 aña y sigur cumpli cu peticion di barrionan pariba porfin e caminda principal di Wara Wara ta riba lista di DOW pa ser drecha pa e aña aki y sigur tambe e camindanan di tera di Jan Flemming cu pa hopi aña y tambe den e proyecto di Bo Aruba a ser engaña porfin lo conoce asfalt. Pa locual ta aña 2021 y depende locual ta nos situacion financiero precario lo sigui e lucha pa camindanan cu tin den bario di Santa Cruz cu ainda mester asfalta y lo haci lo maximo pa cumpli cu esaki y sigur pa wak con por parti esaki riba e añanan nos dilanti. Ca-

mindanan manera Coba Lodo y Angochi, Cas Ariba, Picaron/ San Fuego, Papilon y asina por sigui menciona pero sigur nos tur tin di tende cuenta si cu e realidad nobo cu bida cu mundo ta pasando aden y cu sigur financieramente tin di tuma decicionnan na beneficio di Aruba. Fasttrack proyect Banda di esaki sigur a tende como 32 proyecto cu tabata bezig cune y sigur cu tin di sigui y tambe tin proyectonan cu mester cuminsa pronto pa por stimula nos economia. Sigur un bon noticia ta cu e exigencia di mas grandi ta pa cu mester cumpra tur material di construcion mester ser cumpra localmente y tambe esaki ta conta pa e trahador. Esaki ta e momento pa nos drecha hopi cos cu den pasado a bay robes y awo nos por percura pa nos hendenan local por haya trabao y sigur pa combati e ilegalidad cu tabata hasi hopi daña na nos isla Desde aki ta desea e Minister di Infrastructura y Medio Ambiente hopi forsa e dianan nos dilanti pa locual ta proyectonan cu tin di percura pa stimula nos economia.

Polis a detene pareha cu a bringa cu otro na Savaneta

Diabierna atardi a drenta informe cu lo tini un pareha bringando den un cas na Savaneta, mesora a

dirigi patruya na e sitio. Na yegada di e patruya na e sitio abi topa e pareha ainda bringando. Polis

a purba di intermedia pa calma e situashon pero ningun di dos no tabata rasona. No a keda polis

nada otro pa hasi pero detene ambos y hibanan warda di polis pa purba resolve nan problema.

Pagina 18

Diamars 5 Mei 2020

NA KAMAY YIU CU A LANTA CONTRA MAMA Y NO KIER A TENDE DI POLIS A SER DETENI

Diabierna anochi durante oranan di “TdQ� a drenta informe di un yiu diremate cu lo ta lantando contra di su mama na Kamay, mesora a dirigi polis na e sitio.

POLIS A LOGRA CAPTURA Y DETENE HOMBER BAO INFLUENCIA CU A COMETE DESTRUCCION Y A MENASA SU PAREHA CU MORTO!

Na yegada polis a purba intermedia pero noa ygea mucho leu cu e yiu. Mirando cu e yiu no kier a rasona a detene y transporte pa warda di polis.

WUHAN A REBHA SU NIVEL DI ALERTA PA COVID-19 DIADOMINGO

E provincia di Hubei den e centro di China, a rebaha diadomingo e alerta pa covid-19, pasando di nivel mas halto pa e di dos nivel mas halto. Un drone a bula riba su capital y e punto zero di e pandemia, Wuhan, pa aprecia con e ciudad ta bolbe bek na normalidad a medida cu ta recupera di e "heridanan" laga door di coronavirus, manera por a aprecia den un video publica diadomingo pa Ruptly. Ta pensa cu e enfermedad nobo aki a surgi e luna di december ultimo den un mercado di marisco di e urbanisacion Chines aki,

caminda cu tin un poblacion di 11 miyon di habitante. Dia 26 di april ultimo, e Comision Nacional di Salud di China a informa cu tur pashent cu a wordo diagnostica cu novel coronavirus y a drenta den hospitalnan di Wuhan, ya por a bay cas. China, cu den e ultimo 24 oranan solamente a registra dos caso nobo di covid-19 den e parti continental di e pais, a acumula un total di 4.633 fayecido y mas di 82.800 contagio. Por lo menos 78.500 persona a recupera for di inicio di e brote.

Diasabra mainta polisnan den playa atento buskando e homber cu a menasa e dama den Professor Lorentzstraat a tuma nota di e vehiculo uza pa bandona e sitio. Mesora polis a baha y buska pa e homber

y a detene. Varios unidad a asisti na e sitio ya cu e persona aki lo ta agresivo y intoxica y a menasa un dama cu morto. Dogcatcher a bini na e sitio y a transporta e detenido pa warda di polis.

Pagina 19

Diamars 5 Mei April 2020

Pleito den famia pa motibo di cu mayornan no kier e homber di e yiu muher mas den cas!

Diabierna mainta a drenta informe di un caso unda tin un persona indesea na e cas na Mamoticastraat, mesora a dirigi un patruya na e sitio. Na caminda pa e sitio a drenta un otro yamada pa polis bay cu mas urgencia ya cu e situacion a escala. Na yegada di e patruya a bin compronde cu e may-

Na Bushiri un persona a manda auto riba polis y core drenta cas, polis a drenta e cas y detene

ornan no kier e pareha di e yiu muher mas na e cas. Polis a interveni pa e asunto no escala durante e discucion e yiu muher a cay flauw y a solicita presencia di ambulans. E ambulans a atende e victima na e sitio mes. Pa trankiliza e asunto e homber a dicidi pa bay keda na un otro sitio.

Diabierna anochi patruya den Bushiri a purba para un Nissan March shinishi, e chauffeur di esaki a dicidi di core pa polis y asta manda su auto riba polis. Despues core yega un cas na Bushiri y drenta paden sconde. Polis dibiaha a bay over na cuminsa confisca e auto mientras cu a papia cu e donjo di cas pa por drenta y detene e

sospechoso. Polis a logra haya permiso pa drenta e cas y detene e persona cu tabata riba caya violando “TdQ� cu a core pa polis y manda auto riba polis, como tambe sconde pa polis. Van di C.E.A. a bini na e sitio y a transporta e detenido pa wada di polis unda e lo ricibi su boetnan pa su violashonnan.

Pagina 20

Diamars 5 Mei 2020

Accidente pa falta di preferencia cu hende herida na e crusada di Tanki Leendert pa Sero Patrishi

caminda den e cura di cas kibrando un meter di awa. Segun declarashon di ocupante di e Ford e Honda lo a subi caminda sin para na e crusada.

Diasabra anochi a drenta informe di un accidente cu hende herida riba e caminda di Oranjestad pa Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Honda Crosstour biniendo for di Sero Patrishi a subi caminda sin duna preferencia na un Ford S.U.V. esaki a dal den

su banda y mande riba un palo di luz y despues den cura di cas kibrando meter di awa otro banda di caminda. Debi na e impacto e ocupantenan di e Ford a resulta herida y tabata keha di dolor di pecho. Na yegada di e ambulans nan a atende e victimanan. A pidi presencia di ambos W.E.B. y ELMAR na e sitio ya cu e Honda a bay dal den palo di lus prome cu ela bay otro banda di

Pagina 21

Diamars 5 Mei April 2020

Homber y mucha(8) herida den accidente di trafico na Tanki Leendert

Tanki Leendert - Diadomingo atardi pa mas o menos 3'or informacion a dreant di un accidente di auto unda tin tres auto envolvi, y lo tin hende herida. Mesora varios patruya a dirigi nan mes pa e sitio cu ta pazuid di rotonde di Tanki Leendert.

Na yegada enberdad nan ta topa cu tres auto. Tawata trata di un Toyota Tercel, un Toyota Yaris nobo y un Chevrolet Spark. Mester bisa cu e Chevrolet Spark tawata at the wrong place and time, esaki debi cu e auto tawata para cla pa subi caminda ora e ac-

cidente a sosode su dilanti. Loke a sosode tawata cu e Toyota Tercel biniendo di panort lo a yega bira pa drenta e caya na su man robes, y lamentablemente lo no a duna preferencia na Yaris biniendo di zuid. E impacto tawata asina duro cu e la bira e autonan. Por a mira cu e Tercel cu tawata bayendo zuid a bira bek cara panort, mientra cu e Yaris color cora a bira y termina contra e Spark cu tawata cla pa subi caminda. Den e Tercel dos perosna a resulta herida, tawata trata di un homber y un criatura(8) . E criatura a dal su cabes.

Oranjestad, Aruba Depresion ta un enfermedad mental cu ta bay hopi mas leu cu nos sentimentonan. Por ehempel, ora di ta sinti sin animo y ora bo ta sinti tristesa. E sentimentonan aki, sin animo y tristo, ta algo cu ta wordo splica como sentimentonan pasahero. Esaki ta nifica cu e sentimentonan por dura un paar di dia solamente caminda ta papia di sintomanan leve.

Ora ta papia di depresion ta ora cu e sintomanan aki ta existi pa un tempo mas largo di por lo menos 2 siman sigui y caminda e kehonan ta mas grave cu ora bo ta sinti un tristesa pasahero pues cu ta dura un paar di dia solamente. E sintomanan di depresion por ta; ● Bo tin falta di apetit y bo no tin smaak di come; ● Dificultad pa drumi caminda bo no

por pega soño of ta drumi interumpi y ta lanta mucho tempran; ● Bo ta drumi hopi mas cu normal; ● Bo ta perde placer den tur cos; ● Bo por tin pensamento ariba morto of pa haci un acto di morto; Pero depresion ta existi den diferente grado. Ora cu un persona haya e diagnostico cu e ta depresivo, ta haci e anotacion tambe di e gravedad di su sintomanan sea nan ta; leve, modera of grave, di cual e lo sigui haya e ayudo cu e tin mester. Den e temporada di crisis aki nos t’ey pa yuda

Despues di evalua tanto e cabayero y e criatura a opta pa transporta ambos

direccion Hospital, pa un chequeo mas avansa.

Pagina 22

Diamars 5 Mei 2020

Si bo kier un curason mas sano, drumi di seis pa ocho ora Ora cu ta trata di bo soño, personanan parce tin necesidadnan distinto. Pakico e cantidad di soño ta e miho pa e curason? Un analisis nobo di 11 estudio cu a inclui un total di mas di 1 miyon di adulto sin enfermedad cardiaco, ta sugeri cu e punto optimo ta di seis pa ocho ora pa anochi. E estudionan a keda publica durante e ultimo cinoc añanan. E investigadornan a compara e adultonan cu a drumi entre seis y ocho ora cu otronan. E adultonan cu tabata drumi menos tempo of mas temp, tabata tin respectivamente un 11 porciento y un 33 porciento mas probabilidad di desaroya of di muri di un enfermedad cardiaco of un accidente celebrovascular durante e 9.3 aña di siguimento, hayasgonan a mustra. E informe a wordo presenta diadomingo durante e reunion di e Sociedad Europeo di Cardiologia (European Society of Cardiology) na Munich, Alemania. Investigacionnan presenta durante e reunionnan tin cu wordo considera preliminar te ora cu publica nan den un revista revisa pa profesionalnan. "Nos ta pasa un tercio di nos bida durmiendo, pero nos sa poco riba e impacto cu e necesidad biologico aki tin den e sistema cardiovascular," e autor di e estudio, dr. Epameinondas Fountas, a comenta den un comunicado di prensa di e sociedad. Fountas ta traha den e Centro Quirurgico

Cardiaco Onassis na Atenas, Grecia. "Nos hayasgonan ta sugeri cu drumi demasiado of hopi poco por ta malo pa e curason. Tin mester di mas investigacion pa establece e motibo exacto, pero nos sa cu e soño ta influi den procesonan biologico manera e metabolismo di glucose, presion arterial y inflamacion y tur esey tin un impacto den e enfermedad cardiovascular," Fountas a apunta. "Drumi malo of drumi hopi, un ke otro anochi, probablemente no ta nocivo pa e salud, pero e ta acumulando evidencia cu e mester evita un privacion di soño nocturno of drumi en exceso di forma prolonga," Fountas a se-

ñala. Tin varios forma pa establece algun bon habito di soño, el a afirma. Entre nan: Bay for di e cama y

lanta na e mesun ora cada dia, evita alcohol y cafeina prome cu ba drumi, come un dieet saludabel y ta fisicamente activo.

"Drumi e cantidad corecto ta un parti importante di un estilo di bida saludabel," Fountas a conclui.

Pagina 23

Diamars 5 Mei April 2020

Chauffeur di Nissan Tiida a perde control baha caminda dal den palo di luz y cura di cas na Seroe Janchi

Diasabra atardi a drenta informe di un accidente cu hende herida na Seroe Janchi, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e dama chofer di e Nissan Tiida bayendo pariba cu velocidad halto na e bocht unda ela baha caminda na man drechi perde control bay di banda na man robez y a bay dal den banda

di un palo di lus sigui bay dal un ura di cas y finalmente bay para un poco pariba. E impacto tabata fuerte y debi na esaki e dama chauffeur a resulta herida como tambe e mucha di 4 anja sinta patras a resulta herida, ambos tabata sangra. Na yegada di e 2 ambulansnan nan a atende e victimanan y a transporta nan pa hospital. Diasabra atardi a drenta informe di un acci-

dente na Seroe Janchi, mesora a dirigi tanto polis como ambulans pa e sitio. Na yegada di e patruya a constata cu aki chauffeur di un Nissan Tiida lo mester a perde control baha caminda y dal un palo di luz y cura di cas. Ambulans a presenta na e sitio y a atende cu e 2 ocupantenan di e vehiculo y a transporta nan pa hospital.

Den Weststraat polis a detene un persona riba caya violando “TdQ” esaki e di 5 detenshon pa awe nochi

Diabierna anochi durante oranan di “TdQ” polis atento den Weststraat a tuma nota di un persona canando riba caya, mesora a para y detene e persona aki.

Van di C.E.A. a bini na e sitio y a transporta e detenido pa warda di polis unda e lo ricibi su boet pa cu viola “Toque de Queda”

Pagina 24

Diamars 5 Mei 2020

BON DIA YEN DI ALEGRIA ! Skirbi pa Ruthy”Lady Ruth” Vrieswijk-Bergen

Diadomingo dia 10 di Mei 2020, Dios mediante, famianan lo celebra den nan seno priva, Dia di Mama, cu nan Mama, Mamie, Ma, Mayo, Madushi, Mamay y Machi stima. Tin mas dushi nomber pa e hende muher fuerte pero yen di ternura ey, cu a duna luz na un of mas yui, kendenan despues tambe a bira Mama. Nos ta corda riba nos bunita y dushi welanan, kendenan tawata y of ta un di dos Mama pa e nieta y of nietonan. Mamanan, cu nan regalo di mas grandi ta pa wak su yui of yuinan para riba nan mesun pia como adultonan responsabel, felis y cu ta duna bon ehempelnan na su nietonan. Tin Mamanan cu lo pasa e dia aki sin un of mas yui, pa motibo cu su yui of yuinan ta den exterior, na Hulanda, Merca of otro parti di mundo, of Mamanan y of yui of yuinan entrega bek na Creador di amor den Reino Celestial. Ta recorda e almanan precioso aki den un of otro oracion. Ki bunita ta toch e tecnologia moderno di awendia cu ta permiti y facilita e comunicacion entre famianan asina mes distancia foi di otro. Tin videocall, facebook, wassap etc. cu por mira otro of tende otro nan stem. Y esey lo ta e caso e anja aki, un Dia di Mama diferente den e temporada aki di “shelter in place” “y toke di keda “ y tambe “samen scholing”.

Asina mes paden den kas, por demonstra y comparti amor cu Mama dor di cushina pa Mama, canta pa Mama, bisa Mama cuanto bo ta stime’le. Sigi duna Mama e respet, amor, aprecio y carino cu e merece. E luna di Mei aki ta hopi special pa Lady Ruth, cu a bira Mama pa di prome biaha den e luna di Mei di anja 1978 cu su prome prins Regnier y dos anja despues su di dos prins Jean. Lady Ruth a sinti asina hopi emocion, amor y ternura ora ela tene su prome prins den su brazanan. Ela lubida cu ela sinti hopi dolor pa a hanjele. Gradicimento a yena su humilde curazon. Awe, Lady Ruth ta ketobay Mama di su dos prinsnan adulto responsabel para riba nan mesun pia, cu nan mesun famia y wela di un nieta prinses y 4 nieto prins. Locual e no por a hasi hopi, tempo nan tawata cresiendo, esta, experimenta den cushina, Lady Ruth ta hasiele awor den e temporada di crisis aki. Ya Lady Ruth a cushina un par di biaha for di varios receta masha dushi mes, danki na su bon y bunita amiga Laureen cu sa cushina cuminda dushi. Lady Ruth su kerida Mama tawata cushina sin midi den cup of cuchara etec.y semper e cuminda ta sali dushi. Awor Mama tin 84 anja di edad y pa motibo di balans e no por cushina su platonan cri-

oyo dushi mas.

homber. Lady Ruth ta goza di su

Un bon dia di Mama tambe pa tur e Mamanan soltera

Danki na nos ruman homber Roberto, Papa cu Mama ta sigi come cumindanan crioyo manera stoba, soppi carni, boonchi, bacalao, aros con pollo etc. cu Roberto ta cushina cu hopi amor y carino. Nos sa, pasobra nos tambe sa purba Roberto su dushi cumindanan. Y ora no tin tempo of gana di cushina, ta cumpra dushi cuminda serca otro bon hendenan cu tambe sa cushina dushi y saludabel. No ta un secreto cu e mihor chefnan ta hende

casa Johan awor na cas, ora e asisti Lady Ruth den cushina pa entre otro mula of corta berdura chikito chikito of pa brouw e aros con pollo. Wel, nos ta desea tur Mama for di awe caba , pa pasa un dushi dia di alegria den famia ! Ta Mamanan ta e curason di famia, ta Mamanan ta e muhernan cu ta reza pa nan famia, ta Mamanan ta esnan semper braza habri pa ricibi bishita di su yui of yuinan, nieta of nietonan.

y pa esnan cu ta Mama sin dolor, esta, Mamanan pa e subrino y subrinanan por ehempel. Of pa esnan cu a adopta un of mas yui. Danki Sra. Mercedes Bergen-Tromp, nos dushi y bunita Mama ! Danki pa stima nos tur, danki pa Mama cu semper a duna nos amor y atencion y yuda nos cu bon consehonan y tur otro cos ! Cu Bon Dios sigi bendiciona Mama , nos Mayo stima, dia pa dia cu salud y mas sabiduria.

Pagina 25

Diamars 5 Mei April 2020

Tienda Repair & Play a yuda cu 100 caha di cuminda na Ajudo Na Aruba #COVID19

Diasabra atradi compania local Repair & Play a haci donashon na Ayudo Na Aruba #COVID19. A duna 100 caha cuminda na e organisashon pa por yuda Aruba cu cuminda na esnan den necesidad. Si tin persona cu mester ayudo of kier yuda por tuma contact cu Ayudo

Na Aruba #COVID19 na 5669672. Esaki ta un bon voorbeeld cu mas comeciante por tuma pa cu haci un donashon pa organisashon cu ta yuda esanan den necesidad cu cuminda.

Atraco Team ariba un bon pista relaciona cu e atraco na Tanki Leendert Watty Vos Boulevard

Jaburibari - Diadomingo mainta den careda di 10'or despues di e atraco na Tanki Leendert, polisnan a bay un cas den construccion situa ariba e caminda di Jaburibari. Por a mira autonan di polis y tambe di atraco team. Ariba un tereno cu a wordo haci limpi pariba di caminda nan ta bezig cu un cas den construccion, eynan polisnan tawata buscando algo. Despues di algun rato nan a bandona e sitio. Algun rato mas laat nan a bolbe, mirando

cu e doĂąo di e construccion a presenta, esaki despues cu e la haya sa cu tawata tin polisnan ariba e tereno cu nan ta bezig ta traha un casa. Di e manera aki polisnan di Atraco Team ta tras di un pista bastante cu cla cu mesora nan tawata sa unda pa busca. Informacion haya di testifgonan, ta cu esnan trahando den e construccion no ta local. E atraco mes a tuma luga durante oranan di diadomingo trempan ariba Watty Vos Boulevard.

Pagina 26

Diamars 5 Mei 2020

CUSHINA DI NESTOR TUR DIADOMINGO MENU

BBQ MIX. BBQ GALINJA. BBQ LOIN RIBS. BBQ SPECIAL. LOMITO. CABARON. PALO DI LOMITO. GALINJA. CABARON. SALADA EX. AROOS. AROOS CON POLLO

13,13,14,25,16,17,6,3,7,2,50 1,2,50

POR JAMA OF WHATSAPP PA PEDIDO NA 7497071 OF PASA NA SIRIBANA DI 11OR PA 4OR.

SOCIAL DISTANCIA 1:50/2 METER.

Ta Fura

Orange Matrassen Fabriek

30% Y 40 %

di descuento riba cashi paña y cashi television.

CLASIFICADO e-mial: solodipueblo@gmail.com

Matras y Box Busca mainta y haye atardi. Set di sala, comedor etc.

Tel: 588-7468 / 593-4387

Abona na

awor!

A BO NO MESTER SALI DI CAS Yama 585-9500 of

TA BUSKA

Shipping container 20 pia Tuma contacto cu na

562.9697

e-mail nos na solodipueblo@gmail.com Tur marduga nos ta entrege den bo porta di cas! Noticia cayente, ta aki bo ta haye!

Pagina 27

Sopi di Letranan

Diamars 5 Mei 2020

PRONOSTICO DI TEMPO VALIDO TE DIALUNA 04 DI MEI 2020, 18:00 ORA. ELABORA DIADOMINGO 03 DI MEI 2020 17:00 (21:00 UTC) TEMPO: AWE ANOCHI: LEVEMENTE TE PARCIALMENTE NUBLA I GENERALMENTE SECO DEN MARDUGA I MAYAN: LEVEMENTE TE PARSIALMENTE NUBLA SIN AWACERO DI IMPORTANCIA TEMPERATURA MAXIMO 33 GRADO CELSIUS TEMPERATURA MINIMO 27 GRADO CELSIUS BAHADA DI SOLO : 6:55 PM SUBIDA DI SOLO : 6:18 AM. BIENTO: FOR DI DIRECCION GENERALMENTE OOST I MODERA TE BASTA FUERTE; FORSA 4 TE 5 (20 TE 39 KM/ORA, 11 TE 21 NUDO). DEN DIA FUERTE, TE DURO DEN RAFAGA; FORSA 6 TE 7 (40 TE 61 KM/OR, 22 TE 33 NUDO)

Crossword puzzles

SITUACION GENERAL DI TEMPO PA PROXIMO 24 ORA: NO TA SPERA CAMBIONAN GRANDI DEN E CONDICIONAN ACTUAL DI TEMPO, I PA E MOTIBO AKI NO TA SPERA AWACERO DI IMPORTANCIA. E DIFERENCIANAN DI PRECION DEN PARTI ZUID DI CARIBE TA PONE CU BIENTO LO TA FUERTE TE DURO DEN RAFAGA DEN PROXIMO DIANAN. Y STOF FINI PROCEDENTE DI SAHARA LO STROBA VISIBILIDAD UN POCO DURANTE PROXIMO DIA OF DOS. CONDICIONAN MARITIMO/ ESTADO DI LAMA: UN ESTADO DI LAMA MODERA TE LOCALMENTE POCO BRUTO NA E PARTINAN OOST TE NOORDWEST TA WORDU SPERA PA PROXIMO 24 ORA. OLANAN LO TA FOR DI OOST ENTRE 4 TE 7 PIA. POR SPERA E OLANAN DI MAS HALTO NA E PARTINAN OOST TE NOORDWEST. AVISO/ ALERTA: TA PIDI OPERADORNAN DI BOTO CHIKITO PA BAI CU CAUTELA RIBA LAMA HABRI, ESPECIALMENTE NA PARTINAN OOST TE NOORDWEST DI COSTA. UN AVISO PA BOTO CHIKITO PA E PART OOST TE NOORDWEST DI COSTA LO POR BIRA NECESARIO DEN CURSO DI DIAMARS. FENOMENONAN SPECIAL: NINGUN POTENCIAL DI AWACERO PA PROXIMO 24 ORA: 1 MM OF MENOS; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA: AIRPORT : MAX 32 / MIN 27 / 0.0 MM WESTPUNT: MAX 32 / MIN 28 / 0.0 MM STA ROSA: MAX 32 / MIN 28 / 0.0 MM PRONOSTICO DI TEMPO PA PROXIMO 3 DIANAN: PARCIALMENTE NUBLA I GENERALMENTE SECO. BIENTO LO TA FOR DI DIRECCION OOST; MODERA TE BASTA FUERTE, FUERTE TE DURO, PROBABLEMENTE DE BEZ EN CUANDO DEN HOPI DURO RAFAGA; TEMPERATURA ( GRADO CELSIUS) MAX / MIN LO TA: 33 / 27

Pagina 28

Diamars 5 Mei 2020

Parlamentario Arthur Dowers

Obvio cu gobierno Hulandes no tin Minister Presidente Evelyn Wever Croes y Minister di Finansa Xiomara Ruiz Maduro, a mustra hopi contento diabierna mainta, ora cu den Conseho di Minister di Reino, a aproba un suma di 49 miyon di yudansa pa Aruba den un forma di prestamo riba dos aña. Parlamentario Arthur Dowers ta señala cu aki un biaha mas ta bisto cu gobierno di Reino no tin confiansa den e maneho financiero di Gabinete Wever Croes ya cu ainda no a aproba e suma cu tanto Wever Croes como Ruiz Maduro a solicita di 1.3 biyon florin. “Ta obvio cu gobierno Hulandes no ta confia gobierno di Aruba den persona di Minister Xiomara Ruiz Maduro y Prome Minister Evelyn Wever Croes y esaki a bolbe keda confirma den e reunion di diabierna mainta na Den Haag. Por a nota cu e dos ministernan aki a manda ‘op hoge poten’ pidi Hulanda pa un yudansa di 1.3 biyon florin pero ta awe Hulanda a manda 90 miyon florin y ainda falta 1.2 biyon florin di loke Gabinete Wever Croes a pidi. Hulanda ta haci esaki condiciona pa asina tene esunnan cu ta traha den e pais aki, esta economia di nos pais y e trahadonan, nan nanishi net riba awa siendo cu Hulanda no ta mandando e placa bruto manera cu nan a pidi. Pues claramente Hulanda no tin confiansa den gabinete Wever Croes y aki tin cu bisa cu esaki no ta nada straño ya cu Hulanda tambe a mira cu e gobierno aki a faborece un grupo grandi di ‘friends and family.’ Tambe Hulanda a tuma nota cu placa bruto a bay pa Papa, cu ta placa di pueblo, loke logicamente ta haci Hulanda hopi nervioso di por manda placa pa Aruba, sin cu tn bista hopi cla cu e placa aki ta bay unicamente na bienestar di pueblo y

no na bienestar di friends and family. Esey ta pone cu Aruba ta para awe caminda cu e ta ya cu Hulanda no tin confiansa den gobierno y cu Aruba no por move dilanti pasobra simplemente tin un gobierno sinta eynan cu nunca a pone pueblo central, sino a pone nan famia central. Hasta por a mira diferente delincuente cu ta forma parti di e teamnan di e gobierno aki, ta personanan cu a comete actonan criminal y a wordo condena pa paga gobierno placa pa e daño cu nan a haci na e pais, pero e gobierno aki a duna nan un salario, caminda den cierto sentido a tuma pueblo haci, ya cu e placa cu e hendenan aki mester paga na gobierno ta wordo paga pa medio di salario cu nan ta ricibi, ta pueblo cu su sodo di trabou, mester paga e placa aki na gobierno cu na su turno ta bira paga e tipo di hendenan aki. Esaki ta un berguensa esaki ta e integridad cu e gobierno aki a priminti pueblo. Hulanda a tuma nota di esaki y pa tal motibo awe Aruba ta sinta manera un pidido di limosna pero di otro banda nos ta orguyoso cu Hulanda ta sacando man pa nos pueblo y cu Hulanda no ta lubida riba e homber chikito manera gabinete Wever Croes si a bin ta haciendo,” Parlamentario Arthur Dowers a declara.

Pagina 29

Diamars 5 Mei April 2020

Parlamentario Arthur Dowers

Nada di gobierno di MEP mester sorprende Booshi Wever Na momento cu scucha e politico cu a wordo crea y forma pa partido MEP, esta Booshi Wever trata di hunga wega politico cu e decision di Parlamento pa entrega 25% di salario, e ta bolbe mustra cu apesar cu e no ta cu MEP mas, Booshi ta keda cu e mentalidad di MEP. “Awor Booshi ta papia di ‘wake up call’ cu ta momento pa rediseña e rumbo di nos pais lubidando cu su persona mes a lucha contra un proceso asina ora cu gobierno di AVP a dicidi di trece cambio den e ley di edad di pensioen pa gobernante- y parlamentarionan. Ta Booshi hunto cu su lider e tempo ey den mal forma a ataca y expulsa dos miembro femenino di partido MEP pa motibo cu nan a sostene e cambio di ley aki pero awor ta pretende cu e kier mira un cambio. Booshi ta pidi pa mara

man di politiconan pero no ta su persona tabata comete fechorianan politico ora cu e tabata Minister di gobierno di MEP, a sinta scucha transmision di baseball riba custia di pueblo, a bin cu proyectonan dudoso cu te ainda ainda pueblo di Aruba ta pagado pa esakinan sin saca beneficio di esaki? Pa falta di curashi di ataca e fraccionnan cu ta sostene gobierno, Booshi ta haya ta necesario di hinca un decision di fraccion di AVP den duda, caminda nos a presenta un amienda pa un reduccion di salario di 25% compara cu 20% cu gobierno di MEP, su partido MEP, a dicidi di lo implementa pa e ministernan. Den momentonan asina dificil fraccion di AVP no tin tempo pa hunga politica barata manera Booshi kier laga pasa di ta haciendo na e momentonan aki, ya cu tempo cu gobierno di

MEP a introduci e famoso BBO, Booshi tabata Minister y a permiti esaki pasa bay hincando pueblo den un situacion financiero hopi delicado. No bin papia awo como si fuera bo no tabata parti di e desaster cu gobierno di Nelson Oduber a laga e pais aki aden na 2009, caminda fondo di pen-

sioen tabata na rand di bancarota, mesun cos cu SVb y AZV ya cu como minister Booshi por a lanta para pa pueblo y evita cantidad di cos cu no mester a tuma luga perhudicando pueblo. Cuanto Booshi a yega di entrega for di su salario den e periodo cu nan a pidi trahadonan di gobierno pa

laga nan vakantie uitkering cay, pa laga indexering cay y otro beneficionan ya cu ta su Booshi su gobierno a kita for di trahadonan mientras cu su persona y su coleganan minister e tempo ey, no a entrega ningun cen preto,” Parlamentario Arthur Dowers a declara.

Club Kibrahacha ta extende orario di telefoon gratis pa 60+ Desde 21 Maart Club Kibrahacha hunto cu CEDE Aruba y un grupo di NGO a inicia un linea di telefoon pa 60+. Club Kibrahacha ta encarga pa maneha e linea di telefoon 280-0505. E linea di telefoon ta gratis pa conversa pa 60+. E linea di telefoon ta accesibel tur dia. E orario ta for di 08:00 mainta pa 08:00 di anochi. Durante ultimo 6 siman e lina di telefoon gratis aki a sirbi pa nos grandinan keda den contacto y alavez haya informacion of guia durante e periodo di Covid-19. E linea di telefoon ta sirbi tur 60+ na Aruba cu tin pregunta of kier solamente combersa.

Nos grandinan a jama pa ayudo y informacion relata na diferente topiconan manera e estado di salud, e necesidad pa alimentacion, vivienda adecuado y transporte. Alavez e seguridad di nos grandinan tambe tabata un precupacion bou di nos grandinan. E team di voluntario a skucha nos grandinan y duna tur informacion of guia necesario pa esaki. Tin situacion na unda a dirigi of intermedia cu otro instancianan concerni. E manera di traha aki a duna nos grandinan e sentimiento di ser skucha y guia pa cu nan necesidadnan.

Recientemente Club Kibrahacha a forma un team di voluntario cu a registra via e plataforma pa voluntario di CEDE Aruba www.org. aw cu awor ta atende tambe cu nos grandinan cu kier keda den contaco cu un persona. E voluntarionan aki tin como tarea pa jama e persona di edad abase regular pa asina combersa of duna guia of sosten unda cu por. Durante e ultimo siman por a constata cu tin un necesidad pa e servicio di telefoon pa nos grandinan na Aruba continua despues di e periodo di Covid-19. E telefoon 280-0505 ta gratis y orario ta di 08:00

am - 08:00 pm. Nos tin un team di voluntario hopi

motiva pa scucha bo y guia bo.

Pagina 30

Diamars 5 Mei 2020

Nos tata no a muri, Señor a manda busca su Angel bek cu el a manda na mundo pa forma un famia ehemplar. Cu inmenso tristesa na nos curason, nos ta anuncia cu a bai laga nos den brasa di señor mi esposo, tata, welo y bisawelo stima

Rosindo Gomes, cariñosamente yama “Chimbo” * 30 augustus 1938 - † 27 april 2020

Esposa stima:

Rafaela “Ely” Gomes-Wernet

Yiunan:

Benito y Gwendolyn Gomes-Loopstok y famia Juan Gomes y Shirley Rafini y famia Irvin Gomes Elvis Gomes y Jenny Boekhoudt y famia Eldwin y Yuraima Gomes-Tromp y famia

Nieto y nietanan:

Mary-Ann Gomes y Pedro Kock y famia Julienne Gomes y Jorèll de Cuba y famia Wilbert Gomes y Darling Colina y famia Mary-Jane Gomes y Raynor Henricus y famia Yurwin Gomes Yurgen Gomes Jennyanne Gomes Elvienne Gomes Elvin Gomes Carol Medina

Bisanieto y bisanietanan:

Jayceline, Jaydrick, Jaylen y Geixίlienne

Rumannan:

†Marcolino y †Francisca Gomes-Geerman y yiunan Dominico y Chinda Geerman-Jacobs y yiunan †Maria y Erwin Mackintosh-Geerman y yiunan

Swa y cuñanan:

†Marie y †Laurens Dirksen-Wernet y famia †Alberto y Franie Wernet-Kelly y famia Mamita y †Bartolo Dirksen-Wernet y famia †Fabia y †Alfonso Croes-Wernet y famia †Louis y †Milady Wernet y famia Sra. Vda Celedonia Maduro Tur tanta y omonan, sobrino(a)nan, primo(a)nan, comper y comernan, tur su ihanan, bon bisiñanan, amigonan y ex-coleganan di Lago, Coastal y Valero. Amigonan yegá di cas: Max y Filomena Tromp, Buchi y Eloiza Koolman. Jhonny Curiel y famia, Theo y Mireya Rasmijn, Tony y Glenda Loopstok, Bubu y Irma Curiel y famia, Leo Bremo. Un danki na tur esnan cu a yuda na hospital, tur dokter y enfermero(a)nan. Na su dokter di cas, Dr. Kenneth Croes y assistentenan pa nan tempo y pasenshi. Tambe na su ayudante Lola Geerman pa su bon trabou y tempo. Na Koningin Wilhelmina Kankerfonds y Bibi Arends di Aruba Lions pa nan aporte. Demas famia Gomes, Wernet, Geerman, Croeze, Mackintosh, Jacobs, Loopstok, Rafini, Boekhoudt, Tromp, De Cuba, Pontilius, Dirksen, Kelly, Croes, Maduro, Kock, Franken, Rincones, Wever, Koolman y Henricus. Na momentonan di dolor nan contribucion ta un gran sosten. Pesey un donacion na Koningin Wilhemina Kankerfonds lo ta altamente aprecia. CMB no. 112.039.705. Pa condolencia: 38gomesr@gmail.com

Pagina 31

Diamars 5 Mei April 2020

ORACION DI DIA

Rumannan un dia fructifero y cu Dios colma nos cu Su amor y paz “ Mi carnenan ta scucha Mi stem; Ami conoce nan y nan ta sigui Mi. Hn, 10,27 Nos ta e carnenan cu ta e rebaño di Señor y cu ta Iglesia. Ser miembro di e rebaño ta haci nos posibel pa scucha e stem di e Bon Pastoor. Esey ta haci cu nos ta ser guia pa e stem di esun cu semper a conduci nos riba e caminda di berdad y bondad. Nos no mester sali for di e rebaño, cu ta Iglesia, pasobra ta eynan ta na unda nos ta scucha semper e berdadero Palabra di Dios. Sin cu tin interpretacion robes cu ta hiba nos na erornan grave. Ta den Iglesia nos por conoce y sigui e berdad di Hesus. Nos no mester cay den eror di sali for di e rebaño pa scucha otro stem. Eseynan ta palabra mentiroso cu ta seduci nos y cu ta saca nos for di e unico caminda cu nos mester cana, cual ta Hesus, nos mester ta habri pa conversion y cambionan necesario pa sigui e Bon Pastoor. Oracion: Tata laga nos ta consciente cu nos ta forma parti di e rebaño di Hesus. Esey kiermen, Iglesia y cu pa semper nos mester scucha e berdadero stem di Hesus. Amen

Huan 11: 25 Hesus a bis'é: ‘Ami ta resurekshon i bida; esun cu kere den Mi, lo biba asta si e muri’. Cu inmenso dolor na nos curason pero conforme cu boluntad di Señor, nos ta anuncia fayecimento cristianamente di nos estimada Mama, Wela, Bisa-wela, Tatarawela, Ruman, Suegra y Tanta

Sra. Vda COSMA (Tina) GEERMAN-RAS

Cariñosamente yama “Mama Tina” of “Tina di Foyan” *27 September 1927 – †27 April 2020 Na nomber di su casa stima: †Floriano “Foyan” Geerman Na nomber di su yuinan stima: Jacenta Geerman Rebecca Geerman na Hulanda †Betto Geerman Mena Geerman Anchi y Angel Ruiz-Geerman na Puerto Rico Servacio y Marlene Geerman-Kock Reina Geerman na Hulanda Sita Geerman Macca y Jesus Caraballo-Geerman na Puerto Rico Chito Geerman Dina Geerman Nieto mescos cu yiu: Juan Carlos y Clarissa na Merca Demas nietonan stima: Gerald y Erlouska, Jessie y Ramidin, Anoushka y Fransisco, Maureen y Hassan, Nïurka y Maarten, Reinbert, Geraldine y Marc, Juni y Annique, Edward y Zihnaira, Davin, Arvin y Maaike, Primnath y Serena, Sharda y Ferres, Zulayma y Onno, Kathleen y Robinson, Glenrick y Joanne, Rachelle y Carlos Nelson, Anoushka, Sharlene Bisanietonan stima: Jeremiah, Benjamin, Timothy, Chantal, Sari-Lane, Anis y Sarah, Amal, Thorben, Ilaijah, Noah, Owen, Neale, Neville, Janissa, Jarissa, Janely, Priscilla, Roman, Marouan, Samir, Allan, Aliyah, Gilward, Gilly-Ann, Robison, Robenson, Alondra, Jeremy. Tataranieta stima: Maysae

Abona na

Rumanan stima: Maria Ras y famia Mona y Harry (Chonai) Feliciana-Ras y famia †Chimina y † Nico Tromp-Ras y famia †Luicita Ras y famia Subrina mas serca Jacky y Doque Croeze-Ras y famia Ihanan, subrino- y subrinanan, comper- y comernan, primo- y primanan

a bo no mester sali di cas Yama 585-9500 of e-mail nos na solodipueblo@gmail.com Tur marduga nos ta entrege den bo porta di cas! Noticia cayente, ta aki bo ta haye!

Cuña- y swanan: †Chichi y †Cerilio Wernet-Geerman y famia †Stebanita y †Pablo Henriquez-Geerman y famia †Candida Geerman †Luisa y †Mario Perez-Geerman y famia Asistente na cas: Euri y Krystle Su amiga- y amigonan stima: Chila Dirksz y famia, Chida Croes y famia, Sofia Croes y famia, Louise Koolman y famia, Nonny Jacobs y famia, Cira Wever y famia, Mirto Croes y famia, Legion di Maria Santa Cruz Nos disculpa si den nos tristesa nos por a lubida un of otro persona. Pa motibo di e situacion actual relaciona cu “Shelter in Place”, nos ta lamenta cu nos no por ricibi bishita di condolencia na cas. E acto di entiero lo tuma lugar den seno familiar. Masha danki pa e comprension. Por condoleer famia via email: DrumidushiMamaTina@gmail.com

Pagina 32

Diamars 5 Mei 2020

Parlamentario Arthur Dowers

Nuebe miyon pa drecha Arubahuis awor aki ta un locura Partido POR tin MEP y nos pueblo na rudia Diahuebs ultimo por a tuma nota di otro hazaña di partido POR den Parlamento, caminda cu minister Marisol Lopez Tromp a presenta pa trata presupuesto di DOW caminda tur hende a spera cu den tempo di crisis, e Minister lo bin prepara den Parlamento cu un presupuesto adapta na e realidad cu nos pais a conoce despues di corona virus. Arthur Dowers di fraccion di AVP a mustra cu tur hende a sali engaña un biaha mas ya cu e minister a presenta un presupuesto manera cu e no ta na altura cu e pais ta pasando den un crisis asina serio. “Sin ningun interes ni comprension pa e dolor sufrimento y angustia cu ta biba den nos pueblo, e señora aki no a corta nada, ni un florin den su presupuesto. Entre otro Parlamento a mira cu tin sumanan ridiculamente halto den e presupuesto, pa ehecuta proyectonan, cu nunca por ta prioridad na e momentonan aki, caminda tin tanto hende cu ni por pone pan riba mesa. Increibel y c’un facilidad asina nunca bisto, Minister Lopez Tromp tin un suma di 800 mil florin pa awa no para riba caya, banda di esaki e tin 9 miyon pa manda Hulanda pa renoba Arubahuis y riba dje e tin 120 mil florin presupuesta pa cumpra decoracion pa Pasco pa fin di aña. Con cruel e mandatario y gobierno por ta awor, caminda cu tin hopi hende kendenan no tin cuminda ni awor pa pone riba mesa, pa por corda riba Pasco pero minister y gobierno kier gasta tanto placa pa decoracion pa Pasco, loke

ta sumamente tristo. Partido MEP cu den Parlamento mester baila segun POR ta toca, un biaha mas mester a baha cabes y acepta e humiyacion contra pueblo aki. Parlamento si a corta su presupuesta mandando placa pa gobierno y gobierno mes ta bin Parlamento, burla di parlamento y tristo cu e por zona, un bes mas a core canta ‘voor’ y pro bagamunderia y lubidando por completo riba pueblo, cu ta pasando awor aki den un situacion hopi dificil y awo lo mester bay paga pa e debenan aki cu e minister y gobierno ta creando sin cu esaki lo por wordo hustifica den e momento super dificil aki. Mientras cu a pidi trahadonan di gobierno pa entrega parti di nan salario, parti di nan beneficionan, a pidi pensionadonan pa entrega cierto beneficionan, gobierno ta bin ranca 9 miyon florin pa drecha Arubahuis. Simplemente e cos aki ta un locura, un falta di respet total pa henter pueblo ya cu no ta trata aki di un urgencia cu pueblo tin cu paga pa esaki, mientras cu pueblo mes pa gran parti, no sa con pa sali di situacion financiero cu nan a haya nan mes aden dor di e corona virus. Ningun momento Minister Lopez Tromp por a hustifica e hecho cu na e momentonan aki drecha sistema di riool caminda awacero ta para ora cu yobida cay na abundancia por ta na su luga riba e derecho di nos pueblo pa por paga su debenan di cas manera coriente y awa, corda pa placa pa fami-

anan come manera cu mester ta. Ta un crimen di marca mayor cu gobierno ta bay baha y hasta den algun caso elimina subsidio pa organisacionnan cu tin mester di esaki pa yuda pueblo, pa asina cumpra adorno di Pasco pa fin di aña pa e suma di 120 mil florin cu simplemente no ta necesario ya cu si sigui declaracion di Ministernan di Gabinete Wever Croes, e pais lo conoce un ‘normal nobo’ caminda sigur adorno di Pasco no ta bin na consideracion mes na e momentonan dificil aki.

Automaticamente ta lanta e pensamento si Gabinete Wever Croes realmente tin e ‘hende central’, si nan ta compronde kico e pandemia cu Aruba tambe ta sufriendo di dje ta nifica pa haci e tipo di locuranan aki. Muchanan no ta bayendo scol, ciudadanonan cu e fin di luna aki no por a cobra salario, negoshinan cu nan porta ta cera y no ta mira placa drenta y ta mesun negoshinan aki Minister kier uza 120 mil pa pone luz color pafo riba caya, cu ta simplemente un locura. Sinembargo ora cu a spera cu e tres fraccionnan cu ta sostene gobierno den Parlamento, como berdadero representantenan di pueblo lanta para y bisa Minister Lopez Tromp cu esaki ta inaceptabel, nan ta bira sostene e presupuesto di e Minister ya cu aki un biaha mas, keda den gobierno ta mas importante cu interes di pueblo. Algo di condena y ta algo cu nos ta sigur cu Hulanda tambe lo cuestiona pa e tipo di locura financiero aki cu Gabinete Wever Croes ta hibando, cu simplemente no ta cuadra cu loke nos pais ta pasando aden,” Parlamentario Arthur Dowers a declara.