DIALUNA 29 JUNI 2020 by Solo DI Pueblo

Gobierno di Aruba: Anticipando riba apertura di frontera e siman aki

PASAHERONAN DI KLM A HACI PROCEDURA DI TEST NA AEROPUERTO Dialuna 29 Juni 2020

Solo di Pueblo

Aña 16 - edicion 137

E-mail: solodipueblo@gmail.com

Reaccion di Sr. Milton Berlinski di Cove Malls:

A brinda alivio di huur na Denny’s, pero nan no kier a accepta ningun: ‘my way or the high way’

Ta busca

Ilegal Arias Acosta a huy di centro di Guarda Nos Costa

Xiomara:

Condicionnan mas pisa ta na caminda; boluntad di pueblo lo determina con ta sigi dilanti

Den un reciente informe di Minister di Finansas riba diadomingo atardi, el’a bisa cu tin condicionnan mas pisa na caminda diparti Hulanda, pa sigui duna placa den forma di prestamo. E minister a bisa cu e caminda con ta bay sigi dilanti, ta depende di boluntad di pueblo. Loke e minister no a menciona ta, ta ki sorto di condicionnan ta na caminda. Mas cu claro cu e declaracion aki ta causa hopi precupacion den pueblo. Net e siman aki cu tin un sin fin di manifestacion riba agenda. Esaki ta loke Minister a informa:

Que Locura....

Guarda Nos Costa ta informa cu diadomingo aproximadamente 3:30 di atardi e detenido *Arias Acosta Jose Nayeer* naci na Venezuala a huy for di nos centro di detencion. Na e momentonan aki den colaboracion cu Polis, GNC ta buscando Sr. Arias Acosta. Ken cu por tin informacion di su paradero, porfavor informa polis.

Prijs: Afl. 1.75

Mei mei di crisis, ta tene reunion riba Carnaval?

Pueblo no tin suficiente placa, placa di FASE ta tarda... negoshinan cera.... no tin turismo

E siman aki riba diahuebs Minister di Finansa a asisti nos Minister President den e reunion hunto cu e Minister Presidentnan di Corsow y Sint Maarten y sr. Knops Secretario di Estado di Hulanda. Aruba y e otro Paisnan den Reino ta haya yudansa financiero di Reino Hulandes den forma di fiansa cu condicionnan mara na dje. Aruba te cu awor a sa di cumpli cu mayoria condicion, ma tur cos ta mustra cu condicionnan mas pisa ta na caminda pa cual e union y e boluntad di Pueblo ta bay determina con nos ta sigi dilanti. #MinFEC

Parlamentario Endy Croes:

Ministerio Publico a manda un señal Casonan grandi di corupcion di AVP tanto IBIS di Paul Croes y Avestruz di Benny Sevinger ta canando?

Dialuna 29 Juni 2020

Gobierno di Aruba: Anticipando riba apertura di frontera e siman aki

PASAHERONAN DI KLM A HACI PROCEDURA DI TEST NA AEROPUERTO Diasabra atardi a yega un vuelo humanitario for di Hulanda, cu residentenan di Aruba y studiantenan. Como preparacion pa e proceduranan nobo cu lo drenta na vigor dia 1 di juli proximo, tur e pasaheronan a wordo invita pa boluntariamente test e proceduranan. Prome Minister Evelyn Wever-Croes a duna di conoce cu e test run a bay hopi bon y por conclui cu Aruba ta cla pa re-apertura. E procedura ta inclui e registracion digital a

traves di e ED card. Y test di Covid sea prome cu sali of na yegada. Un total di 51 persona a wordo gestest na aeropuerto di Aruba na yegada, pa personal di Hospital. Nan lo ricibi resultado di e test den 24 ora.

CUARENTENA

Cada pasahero riba e vuelo aki mester keda den cuarentena te 1 di juli, hasta si e resultado di nan test ta negativo. E motibo ta cu e regla cu pasaheronan no mester bay den cuarentena si e

test ta negativo ta drenta na vigor 1 juli. Un

pabien

tur

instancianan cu a traha hunto pa e test run tabata exitoso, Directie Luchtvaart, DVG, AAA,

HOH, Inmigracion, Aduana. Aruba ta cla pa habri frontera diaranson awor 1 di juli.

Persecucion tras di un persona cu a accidenta y e otro persona den pick-up a core bay cu e pick-up

Persecucion tras di un persona cu a accidenta y e otro persona den pick-up a core bay cu e pick-up Polis a logra captura esun cu a bay cu e pickup, e otro cu a core na

pia y a confisca e vehiculo Diabierna mainta a sosode un accidente unda un pick-up a dal e cura di The Chapel den De La Sallestraat, un patruya di trafico cu tabata den

cercania a nota e accidente aki y a bay atende yegando cerca a nota cu e pasajero cu chauffeur a cambia di lugar. Esun cu tabata na stuur a bay ser deteni pero a resisti y a core bay un polis a bay su tras y e otro tambe. Esaki tabata e oportunidad cu esun na banda a tuma stuur y bandona e sitio cu e pickup. Mesora diferente patruya a bin yuda busca den e vecindario pero no a encontra cu esun cu a huy na pia. Un otro patruya a nota e pick-up Chevrolet S10 blanco bayendo nort riba e caminda di Ponton. Mesora nan a bira bay su tras y a logra par'e, polis a detene e chauffeur y a confisca e vehiculo. NA mesun momento ciudadanonan cu a sigui e noticia live di prensa a nota un persona cu ta cuadra cu e descripcion duna via prensa bulando

cura den Celciusstraat y a yama polis mesora. Polisnan mesora a bay den e caya menciona y a nota e persona core bay pabao.

Ta te na ArgentiniĂŤstraat a bin logra capture y detene. Bon trabao di prensa, pueblo y polis cu a logra resolve e caso y captura e sospechosonan.

Dialuna 29 Juni 2020

Que Locura....

Mei mei di crisis, ta tene reunion riba Carnaval?

Pueblo no tin suficiente placa, placa di FASE ta tarda... negoshinan cera.... no tin turismo Ta visto cu hendenan a keda afecta di e pandemia y cuarentena. Siman pasa por a observa poco hende cu nos por yama “loco” a bay reuni riba Carnaval. Acaso nan no por observa e situacion? Cu actualmente no tin ningun garantia di kico

lo bay sosode? Ta manera poco zombie cu unicamente ta pensa riba carnaval. Loke Gobierno mester a informa e organisacion ta cu pe aña venidero no tin

500 mil florin mas pa haci fiesta. Ni di Gobierno ni di Nvnan. Nos ta haya un ridiculez cu mester papia di carnaval mei mei di pandemia y sin turismo. Cada cos cu su tempo y si carnaval mester wordo cancela, so be it.

Doño a subi auto cende motor y ta pone auto den reverse y auto no ta move, ladronnan a horta 2 wiel completo Diasabra mainta a drenta informe di un caso di ladronicia na un adres na Emmastraat, mesora a dirigi un patruya na e sitio.

Na yegada di e patruya a bin compronde cu un persona a subi den su Kia Rio y a pone esaki den reverse y e auto no tabata move. Ora cu ela baha wak ela nota cu e

2 wielnan banda drechi tanto di dilanti y patras no tey y e auto ta riba blokki. Polis a tuma e keho y a keda di pasa esaki pa team joyriding y auto diefstal.

Dialuna 29 Juni 2020

Polis a confisca e plachi y e auto na Hooiberg

Diabierna merdia a drenta informe di un auto sospechoso cu 3 persona den dje dilanti un cas adres conosi pa polis na Hooiberg, mesora a dirigi un patruya na e sitio. Na yegada di e patruya a bin encontra

unicamente un dama cu a declara cu e otro 2 personanan ta den e cas. Polis a warda nan sali y mientrastanto a controla e number y esaki ainda ta na

nomber di e doño anterior cu a entrega e plchinan ey bek na Ontvanger y awor polis a haya nan riba e auto akki y e chaufeur no por a mustra ningun papel na ordo y a yama takelwagen pa confisca e vehiculo aki.

SEYO DI ‘SAFE TRAVELS’ OTORGA PA WORLD TRAVEL AND TOURISM COUNCIL

Aruba ta e di dos destinacion den Caribe cu ta ricibi esaki Oficina di Turismo di Aruba (A.T.A.) ta orguyoso di anuncia cu Aruba a ricibi su seyo di ‘Safe Travels’ indicando cu nos isla ta cumpli cu e protocolnan di higiena y salud estableci pa World Travel and Tourism Council (WTTC). Como un di e organisacionnan clave representando e industria turistico riba nivel internacional, WTTC a introduci e seyo di ‘Safe Travels’ pa reconstrui e confiansa di biaheronan ora di biaha den e ‘normal nobo’. E programa di ‘Aruba Health & Happiness Code (HH Code)’ como tambe tur protocol relevante na nos industria turistico a contribui grandemente na e logro aki pa Aruba. Aruba por ta orguyoso di ta e di dos destinacion den Caribe, despues di Jamaica. WTTC ta representa sector di ‘Travel & Tourism’ mundialmente, cu un mision pa sigura cu e sector ta “seamless”, sigur, inclusivo y sostenibel. E organisacion ta crea concientisacion di e balor di e industria turistico, como un di e sectornan economico mas grandi na mundo, pero tambe ta enfoca riba e multitud di comunidad y viahero cu lo

wordo afecta positivament pa via di experiencianan di biahe. E ta un organisacion ‘nonprofit’, situa na London, Inglatera, y cu un ekipo rond mundo lansando initiativanan pa crecimiento sostenibel y inclusivo pa e sector turistico. Nan estudio riba impacto economico di ‘Tourism & Travel’ cu ta mundialmente reconoci ta cubri 185 pais y 25 region. WTTC su miembrecia ta representa 60% di 1 trilyon di dollar di ingreso cual ta ekivalente na 30% di e total di e sector turistico mundial. E organisacion aki ta conta cu miembronan cu ta entre otro varios president y CEO mundialmente cu ta traha na bienestar di e industria turistico y cu ta vocifera nan mes como un “front” na momento di trata cu gobiernonan y organisacionnan internacional. WTTC a bin ta traha hunto cu diferente actornan pa introduci protocolnan pa cu e proceso di recuperacion di e industria turistico. Den e cuardo aki, WTTC a introduci protocolnan cu ta enfoca riba higiena y salud. E seyo di “Safe Travels”

lo haci posibel pa biaheronan por reconoce e destinacion y companianan rond di mundo cu a adopta protocolnan di higiena y salud cu ta riba nivel mudial. E protocolnan aki ta tene cuenta cu protocolnan estableci pa entre otro World Health Organization (WHO) y ta enfoca debidamente riba aspectonan relaciona cu salud,siguridad y distanciamento social cu biaheronan lo mester tene cuenta cune pa cu e “normal nobo”. Como parti di e protocolnan mara na e seyo di ‘Safe Travels’, sector publico y priva lo ricibi diferente herment pa asina guia e implementacion di e protocolnan aki pa sigura cu biaheronan ta y ta sinti sigur. E vision pa cu esaki ta pa yega na un punto caminda biaheronan ta sinti sigur durante cada momento di nan biahe pa asina disfruta di experiencianan unico. Destinonan turistico manera, entre otro, Aruba a adopta e protocolnan di salud y higiena den linea cu locual ta rekeri riba nivel mundial, di e forma

aki tambe subrayando cu e bienestar di nos comunidad y bishitantenan ta primordial. Cu e seyo aki ta subraya cu Aruba como destino turistico ta cumpli cu tur aspecto necesario pa cualifica pa e seyo mundial aki. Tambe e ta reconoce e eficacia di e ‘Aruba Health & Happiness Code (HH Code)’ y otro protocolnan.

Dialuna 29 Juni 2020

Polisnan di e mobiele eenheid di Aruba a bay reforza esnan di Curacao Pa asina re-establece ordo y trankilidad Diabierna atardi a sali 2 grupo di polis di e mobiele eenheid (riot) pa asina reforza esnan di Curacao cu awor tin hopi desorden y intrankilidad unda

demostrantenan a bay demasiado leu cu nan destruccion y hasta di a menasa di kima mitar di Curacao.

Dialuna 29 Juni 2020

Mas negoshi ta birando victima di corona....

Denny’s a cera porta y manda empleadonan cas! Doño di edificio no kier coopera pa rebaha huur Recientemente e empleadonan di Denny's a wordo confronta cu e decision di doño di e restaurant pa cera porta. Segun esnan na altura di ecaso, e doño di edifcio Sr. Milton Berlinski a laga deurwaarder pone beslag riba e restaurant. Informacion cu a wordo duna na e empleadonan ta cu e doño di edificio, esta, Berlinski lo no duna ningun descuento riba prijs di huur durante coronacrisis E popular restaurant di cadena Mericnao; Denny’s situa dilanti Holiday Inn Hotel a anuncia ciere di e restaurant na su empleadonan y defacto a manda tur empleado cas. Un empleado a laga sa cu esaki ta un actitud incomprendibel diparti di Sr. Berlinski, cu ta mustra cu su persona no tin comprencion cu e coronacrisis, y su negoshi di huur no lo coopera ni lo rebaha huur. Segun a wordo informa na e empleadonan cu Sr. Berlinski kier exigi Dennys pa paga 50% di huur awor y e sobra di 50% lo mester

wordo paga na Januari enadelante. Esaki ta haci cu Dennys lo mester paga 150% di huur na Januari y e siguiente lunanan di 2020. Bao di e condicionnan aki e restaurant no tin futuro. Deurwaarder a presenta na e restaurant pa informa e doño cu e restaurant a wordo poni bao beslag diparti Berlinski y cu e doñonan mester bandona e sitio y no mag mishi cu nada mas den e restaurant. Ta di lamenta cu henter mundo ta pasando den crisis y Sr.Berlinski no kier coopera y asina ta laga cera e restaurant y como tal como 20 persona ta perde trabao sea directo of indirecto. Dje forma aki, ta hopi compania lo bay cera porta si otro doñonan di edificio hiba e mes maneho aki cu Berlinski. Dennys a habri na Aruba den luna di Maart 2019 y como tal a keda algo mas di un aña. Solo di Pueblo a aserca Sr. Berlinski pa su comentario, pero no a logra haya su banda di medaya.

Fruta y Berdura Fresco a yega Macuarima...

Situa na e ex- oficina di dokter Anthonny... pariba di Stadion Ya a habri su porta e mercado di fruta y berdura fresco... Container fresco freaco.... carga cu fruta y berduda... Prijsnan ta di Mercado Popular... Prijs di Pueblo.... Pasa wak pa bo mes... desde manyan Diahuebs Tambe tin Keeshi...keshi blanco 13,50 duro y semi duro.. Fruta y Berdura... na prijsnan di Pueblo! Tur berdura na 4 afl pa kilo Bacoba 3.25 pa kilo ..... Pampuna 2.50 pa kilo..... Patia de 8 a 10 kilos 12 florines..... Pineaple 5 afl pa unidad.... Banana big 0.80 pa unidad ...... Agucate 3 afl pa pida Queso duro y semiduro 13.50 pa kilo .... Harina pan 3 afl pa kilo y hopi mas na hopi bon prijs

FRUTA Y BERDURA - MACUARIMA -E UNICO LUGAR NA ARUBA CU BO POR HAYA E PRIJSNAN AKI

Dialuna 29 Juni 2020

Parlamentario Endy Croes: Mester ta cauteloso cu castigo minimo

Esaki por condusi na libertad di e abusador Parlamentario Endy Croes ta amplia riba un tema actual den boka di pueblo esta un Ley di castigo minimo pa esnan cu comete abuso contra mucha. Manera a splika promer cu esaki cu diabierna ultimo Parlamento a aproba e aumenta di e castigo maximo den caso di violacion di 12 pa 15 aña. A splika cu esaki ta promer pasonan di diferente recomendacion pa asina bringa e fenomeno di entreotro abuso di mucha. Lokual hopi hende a trese dilanti dicon no a bini cu un ley pa reglamenta un castigo minimo pa abusadornan y awe lo splika e rasonnan pa cu esaki.

Ley di Castigo Minimo a haña Dictum 5 na Raad van Advies:

Parlamento anterior desde 2010 a traha riba un concepto di ley cu e pensamento pa introduci un castigo minimo pa esnan cu comete abuso contra mucha. E concepto di ley aki no a haña un bon conseho di Raad van Advies. Desde 2018 partido partner den Coalision a sigui traha riba esaki y a encamina e proceso di nobo pero e ley di castigo minimo presenta a haña un Dictum 5 di Raad van Advies como resultado. Kiko esaki ta ensera? Un Dictum 5 di Raad van

Advies riba un concepto di ley kiermeen cu Bo no por presenta e ley aki na Parlamento. Raad van Advies ta duna Dictum 1 te cu 5 es decir un 5 kiermeen cu practicamente mester hasi hopi cambio of redraft e ley por completo.

Kiko ta e argumentonan di Raad van Advies: Raad van Advies su agrumentonan pa cu un ley di castigo minimo ta lo siguiente. Nan precupasion ta cu e magistrado esta e Hues lo bay pensa dos biaha si e ta duna e castigo minimo of bay over na vrijspraak. Esaki ta condusi cu sea Bo ta bay sera por ehempel si e ley di castigo minimo ta stipula 4 aña minimo, es decir Bo ta bay sera 4 aña of sea Bo ta sali liber. Pues Hues no tin otro choice. Pues un sospechoso por wordo condena na 4 aña cu un ley di castigo minimo asina sin kisas cu berdaderamente e ta culpabel of visa versa un sospechoso cu enrealidad ta culpabel por haña vrijspraak y keda den libertad si Hues no a wordo suficientemente convensi.

Hardheidsclausule al estilo Hulanda: Awor

evaluando

bin

hardheidsclausule al estilo cu Hulanda a introduci den un wetsontwerp na 2012. Esaki ta duna e magestrado esta un Hues e posibilidad dado caso cu pa rasonan cu e Hues ta sinti cu no por aplica e castigo minimo cu e ley ta prescribi e por desvia di esaki dunando menos castigo cu e castigo minimo. Lo mester bin cu un grondregel unda cu bon argumentacion bij hoge uitzondering lo desvia di e L

Plan Nacional pa atende problema di cacho na Aruba (Parti 4)

EVITA EUTHANASIA INNECESARIO Database

Den cuadro di e Plan Nacional pa atende cu e problematica di cachonan riba caya, un database central ta bay wordo diseña. Esaki ta bay fungi como un plataforma di comunicacion, pa por reuni e cachonan cu a wordo haya riba caya bek cu nan doño. Tur cacho cu yega e Centro di Control di Cacho (CCC) lo wordo gescan pa un microchip pa por busca e number den e database. Si e cacho ta registra den e database lo por tuma contacto cu e doño pa e asumi su responsabilidad pa cu su mascota. E cachonan cu no ta identifica y tampoco ta registra

den e sistema lo por wordo adopta. Pues e database lo fungi tambe como un plataforma di comunicacion pa por avisa tur fundacion di un posibel candidato pa adopcion si en caso nan no wordo reclama door di nan doño.

Dog Unit

Control

Cacho sin doño por wordo treci na e CCC door di e ‘dog control unit’ cu lo wordo introduci tambe na su debido tempo pa cu e Plan Nacional aki. Cu e database, si en caso un cacho wordo treci cu a wordo sterilisa via programanan manera Stimami Sterilisami of MASH, ta preveni tambe cu e lo wordo poni drumi

inecesariamente, debi cu tur cacho sterilisa via e programanan aki, a haya un microchip na momento di wordo opera y asina nan tur por wordo identifica. E cachonan cu a wordo piki for di riba caya y ta pertenece na un bario lo por wordo debolbi na e bario cu nan ta pertenece si nan haya un carnet di identificacion mas grandi pa no bolbe wordo piki door di e DCU.

D o ñ responsabel

Si bo persona tin un cacho, ta importante pa identifica bo cacho (preferibel cu microchip) y asina bo ta registra bo cacho na bo veterinario.

Ya si en caso e sali for di bo cura, bo persona por wordo contacta pa por wordo reuni cu bo mascota. Tur veterinario lo comparti datos di mascota di nan clientenan cu e database

central aki. Si bo no ta desea esaki, notifica bo veterinario di e motibo dicon bo no lo kier pa e datos di bo mascota wordo comparti. Den e siguiente parti ta bay mas deep den doño responsabel.

Dialuna 29 Juni 2020

Reaccion di Sr. Milton Berlinski di Cove Malls:

A brinda alivio di huur na Denny’s, pero nan no kier a accepta ningun: ‘my way or the high way’ SOLO DI PUEBLO a aserca Sr. Berlinski di Cove Malls na Palm Beach pa su banda di medaya riba e cierre di Denny’s, unda su compania a wordo tilda of culpa ne empleadonan, como e responsabel pa cierre di e restaurant. Sr. Berlinski a keda asombra cu e acusacionnan den su contra, pasobra contrario na loke a keda treci dilanti, su compania a saca un man na varios di su huurdornan, den sea duna huur gratis, of rebaho di huur. Den e caso di Denny’s, Denny’s no kier a accepta ningun proposicion y kier a keda para riba nan punto di bista, den forma unilateral. Sr. Berklinksi a aclara e sitacion aki pa SOLO DI PUEBLO: Apreciabel editor, Bo articulo den Solo Di Pueblo, 27 di Juni, 2020, “Denny’s a cera! Doño di edificio no kier coopera pa rebaha huur: Hopi empleado a perde trabao,” tabata d e s a f o r t u n a d a m e nt e un reportahe cu un solo banda riba eventonan lamentabel, yena cu exageracion y berdadnan na mita. Manera partner den TR Restaurants Properties, operando e Cove Mall riba Palm Beach, empresario Milton Berlinski a traha cu tur su huurdonan pa logra yega na un solucion cu lo beneficia tur partido, e compania a ofrece huur gratis pa varios luna manera tambe reduci renta pa otronan, cu excepcion di Denny’s, cual ta dirigi por medio di un grupo di Curacao, cual a rechasa tur peticion cu tabata na beneficio di tur, insistiendo riba un solucion unilateral

di ‘my-way-or-the-highway.’ Mientras cu e tabata un diner bastante popular na Curacao pa algun tempo, esaki no por a sobrevivi pa crusa bin Aruba, anto e publico akinan a dicidi di no apoya un establecimento cu ta haci falta na bon servicio y cuminda no mucho atractivo. Mientras otro restaurant a mantene nan portanan habri durante Covid pa delivery, Denny’s no a ofrece ningun tipo di servicio. Te cu e fecha di awe, tur otro negoshinan den Cove Mall, ta haciendo nan best pa deliver un variacion di productonan atractivo y cu sosten total di gerencia di e propiedad den areanan di mantencion, siguridad, landscape, y cu sosten di comunidad pa combati e retonan cu Covid19 a trece cu ne. E famia Berlinski a forma parti di e tela economico di e isla aki pa casi 100 aña, manera tambe un principio di guiansa riba locual ta tur actividadnan economico y humanitario riba e isla, cual semper tabata ta y semper lo ta a base di e amor cu tin pa Aruba, combina cu un aprecio grandi y consideracion di e localnan. Nos ta local. Den e ultimo 17 aña e famia Berlinski a brinda hopi Arubiano scholarships pa studia na Merca. Conhuntamente nos a logra na funda oportunidadnan non-profit na Aruba incluyendo organisacionnan manera Lions & Rotary, y tambe Alzheimer Foundation,

estableci por medio di e Matriarch di nos famia. E famia anualmente a cumpra baseballs y otro materialnan pa muchanan local y nan team di baseball, y durante Covid19, a contribui generosamente na paketenan di donacion pa empleadonan di restaurant rond di e isla, manera parti di un iniciativa di Aruba Gastronomic Association. E actividadnan caritativo di e famia aki tambe a inclui donacionnan grandi na Ronald McDonald House, cual ta brinda un luga pa famianan por yama hogar, na Merca, pa asina nan por keda cerca di e muchanan hospitalisa na casi ningun costo, un programa cu ta yuda famianan Arubiano cu muchanan cu mester tratamento na Merca. Nos ta spera di por a informa bo adecuadamente, nos semper ta traha na bienestar di e isla! Na fabor di TR Restaurant Properties Milton Berlinski

Dialuna 29 Juni 2020

El Secreto de los Medicos Dr . Néstor Benítez Bethancourt Medico Internista Facebook Nestor Benitez

Chauffeur di pick-up a perde control bay dal riba palo di luz banda di Fantastic Gardens

SE PUEDE PREVENIR EL CANCER ? Saludos antetodo, una pregunta que frecuentemente la gente se hace es si el Cancer se puede Prevenir, Y La Respuesta es Si. El Cáncer no depende de un solo Factor , por eso vemos personas que fuman en gran cantidad y nunca les da Nada, o personas que no se hacen chequeos médicos y viven muchos años. El Cancer depende de varios Factores ( Ambientales , Hábitos tabaquicos , habitos alcoholicos, la alimentacion , la actividad física , exceso de Sol, y sobre todo la predisposición genética ) Lo Primero y Más importantes son Los chequeos anuales , como son Los antigenos prostaticos y un ecograma vesicoprostatico en el hombre , La Ecomamografia y el Pap Test en la Mujer , Y para ambos sexos una gastro y colonoscopia después de los 40 años es altamente aconsejable .Hay 2 vacunas en el Mercado existente, como es la vacuna del VIrus del Papiloma Humano ( VPH ) para las mujeres que ayuda a prevenir el cancer de cuello uterino y algunos cancer de vagina y Vulva. la Vacuna de la Hepatitis B puede reducir el riesgo de contraer cancer de Hígado. Últimamente se ha estado profundizando los estudios en los antioxidantes ya que juegan un papel importante . Todo se basa en evitar ese proceso Oxidativo normal que ocurre dentro del cuerpo, que puede dañar las células y los tejidos , los radicales libres son los responsables del daño oxidativo . Es por eso que está demostrado que los antioxidantes pueden prevenir o revertir el proceso de oxidación y neutralizar los radicales Libres lo que mejora y prolonga la salud , evitando así se generen daños a los órganos. Una Buena Alimentación , controlar su peso , Mantenerse activo físicamente , ingerir agua ( las cédulas La necesitan para funcionar ) y los antioxidantes en la prevención de algunos tipos de Cancer es Fundamental. La Sociedad Americana del Cancer han publicado varios estudios al Respecto de los antioxidantes. La Curcumina , una sustancia que se encuentra en la cúrcuma se ha usado en la medicina asiática durante mucho tiempo para tratar varias enfermedades y en la actualidad existen investigaciones que sugieren que puede ayudar a prevenir o tratar el Cancer , Así como potenciar el efecto del tratamiento médico. La Cúrcuma ( perteneciente a la Familia del Jengibre ) tiene un característico color naranja o amarillo Intenso y es transformada en polvo y se consigue como condimentos y colorante alimentario y también se consigue en cápsulas de venta libre para toma diaria. Se creé que la curcuma tiene propiedades antioxidantes gracias a qué previene el daño al ADN y previene la inflamación en el cuerpo humano , ayuda a mantener un buen estado del sistema cardiovascular y es beneficiosa para la Prevención del cancer de Mama y de enfermedades como la diabetes , Artritis y Alzheimer . Incluso en el tratamiento posterior al Cancer también ha mostrado efectividad evitando la células tumorales crezcan de nuevo y se extiendan por el organismo , además de potenciar el efecto de la quimioterapia y radioterapia. Por todo lo anteriormente expuesto les recomiendo tomar el Resverastrol y el Curcumin dentro de sus suplementos nutricinales, ya que son naturales , Seguros y cada día se le >>>> Consiguen más Beneficios a la Salud, como dice el viejo dicho mas vale prevenir que lamentar. En Mi próximo artículo médico el lunes 06 de Julio les estaré hablando sobre la Hipertensión Arterial ( El Asesino silente

Diabierna madruga a drenta informe di un accidente banda di fantastic Gardens na Bushiri, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauﬀeur di un pick-up a perde control baha caminda y a bay dal riba un palo di lus. Afortunadamente ningun hende a resulta herida.

Dialuna 29 Juni 2020

Parlamentario Alan Howell

Cambio di ley di castigo maximo pa abuso sexual ta un tool pa yega unda cu nos mester ta Durante reunion publico den Parlamento pa aumenta castigo maximo pa delitonan sexual, parlamentario Alan Howell a expresa cu e tema aki no ta uno bunita y cu ta toca hopi hende, haciendo di dje un realidad. “Den bida ora cosnan ta realidad bo tin di enfrentanan, maske con duro nan por ta”. E ta considera cu ta importante pa sa cu nos pais tin e trias politica y den e sistema aki, Parlamento tin su rol pa por aproba y traha cierto leynan. Tambe tin e parti cu ta den hues nan man y como parlamentario no por crusa e liña cu ta tocanan, mientras cu e huesnan no ta suppose di crusa e liña cu ta toca e parlamentarionan. Howell ta indica cu e ta concentra riba esaki, pasobra hopi biaha pueblo no ta compronde e division aki y hopi biaha e politiconan, e instancianan y ministernan (den e caso aki di Husticia, Asunto Social y Enseñansa) ta haya e golpinan di mas duro cerca pueblo, pasobra den nan opinion ta cu nan mester ta mas estricto. Parlamentario di POR ta di opinion cu esakinan mester bay man den man cu otro, Parlamento mester percura pa bin cu leynan cu por proteha y leynan cu ta na bienestar di nos ciudadanonan, pero di otro banda, hues tambe tin cu haci su trabou. “Gobierno por haci su trabou di cambia ley, Parlamento por haci su trabou di bin cu ley of aproba un ley, pero na final di dia, toch ora di duna sentencia e ta keda for di man di Parlamento of for di man di cualkier minister di Husticia”.

Gobierno y Parlamento ta haciendo nan trabou, ta hacienda cambio di ley pa enforsa esakinan pa asina por ataca e problema miho y proteha esnan cu ta wordo abusa y tambe pa mantene nos pueblo trankilo. E ta comparti opinion di algun di su coleganan cu ta expresa cu esaki kisas no ta e miho remedio ainda, pero cu tin cu haci algo, pasobra pueblo ta spera di Parlamento y Gobierno pa haci algo.Pesey e ta gradici minister pa presenta e ley, pa demostra cu nan ta haciendo nan trabou y pa demostra tambe cu nan ta contra di abuso di mucha den tur sentido. E cambio di ley aki no ta atende solamente e aumento di castigo maximo, pero tambe e parti unda cu esnan cera na prison pa abuso sexual, independiente di e tempo cu falta pa nan sinta nan castigo, nan no lo bin na remarke pa bay cas prome cu ora debi na problema di espacio. Esaki tabata sosode prome; ora KIA ta yen y pa haci espacio ta laga liber esun cu ta mas cerca pa bay cas pa crea espacio pa esnan cu mester drenta sin tene cuenta e tipo di delito cu e ta cera pe. Tambe a pone den ley cu e personanan cu a comete delitonan sexual no por bin na remarke pa bay cas trempan pasobra nan a comporta nan mes bon den prison, cual Howell ta haya importante y cu no tabata existi antes. “Mi ta bin cu e puntonan aki pasobra mi ta compronde e preocupacion di mi coleganan cu kisas esaki no ta e miho remedi, pero esakinan ta tools cu nos por sigui uza pa nos yega

unda nos tin cu yega”. Pa loke ta e ley di iniciativa pa castigo minimo cu Alan Howell a presenta hunto cu su colega e tempo ey den Parlamento, Marisol Lopez-Tromp, el a bisa cu esaki a bay Conseho Consultativo y na e momentonan aki ta revisando tur e consehonan cu e organo aki a duna. “Ohala dentro di poco nos expertonan cu ta trahando riba e ahustacionnan cu tin cu haci keda cla y dentro di poco e lo ta den Parlamento pa wordo trata”, Alan Howell a expresa. E ta agrega cu e lucha y preocupacion di comunidad riba e tema aki ta un dolor grandi, mas ainda ora mira e cifranan gigantesco di cantidad di abuso di mucha riba nos isla. “Nos tur tin cu haci algo cu esaki pa asina nos por

evita e tipo di e casonan aki”. Finalisando, Howell a haci un invitacion na pueblo en general pa acudi masalmente na e manifestacion di dia

3 di juli contra abuso di mucha, pasobra ta comunidad den su totalidad mester manda e señal cu ta basta.

Dialuna 29 Juni 2020

Parlamentario Endy Croes: A cumpli cu un paso importante

A aumenta e castigo contra abuso di mucha pa 15 aña Parlamentario Endy Croes ta splika cu Parlamento di Aruba a cumpli cu un paso importante den combatimento di abuso contra mucha. Parlamento a aumenta e castigo di entreotro abuso contra mucha atravez di ley y a hasi esaki 15 aña. Diabierna ultimo a trata e Landsverordering tot wijziging van het Wetboek van Strafrecht ( AB 2012 no.24) verhoging strafmaxima zedendelicten, aanpassing verjaringstermijnen zedendelicten, aanbrengen verbeteringen en herstel omissies. A trata aumento di castigo di 29 artikel esta 29 diferente tipo di castigo di cual artikel 2:197 a trata “verkrachting”. E castigo pa “verkrachting” esta violacion a aumenta di 12 aña pa 15 aña maximo.

condena cu castigo di prison.

Alaves a elimina verjaringstermijn zedendelicten:

Pa cu abuso di mucha esaki no ta termina akinan:

e pa

Durante e reunion di diabierna ultimo riba e ley menciona akiriba a elimina e verjaringstermijn pa cu zedendelicten. Asina Parlamento di Aruba a trek recht e Ley den concordancia cu Leynan den Reino. Antes na Aruba despues di un x cantidad di aña e castigo skirbi den artikel 2:197 cual ta trata violacion contra un ser humano inclusivo mucha lo caduca y Bo no por persigui e abusador mas. Desde diabierna momento a aproba e ley nobo e parti aki a wordo elimina. Pues verjaringstermijn di entreotro tanto artikel 2:197 “verkrachting” y 2:201 aanranding esta “sexual assault” a wordo elimina. Es decir como ehempel te hasta despues di 20 aña si logra haña sa y prueba cu un persona a abusa di por ehempel un mucha e persona aki por wordo persigui pa husticia y

Doodslag tambe a aumenta di 15 pa 24 aña: Minister Bikker a duna amplio splicasion cu den e trajecto aki mester a aumenta diferente castigo den concordancia cu mesun leynan den Reino. Berdad ta Aruba su castigo den e leynan aki no tabnata riba nivel di Reino. Esaki hasta a wordo signala pa State Department. Artikel 2:259 Doodslag y tambe 2: 276 lid 2 “de dood ten gevolge hebbende” ambos a aumenta di 15 aña pa 24 aña pa asina jega tambe e nivel den concordancia cu Curacao, St Maarten y Hulanda.

Pa lokual ta trata abuso di mucha solamente aumenta e castigo maximo na 15 aña enberdad no ta resolve e problema sinembargo esaki ta e promer paso di un lista di recomendacionnan cual por considera un logro den e bon rumbo. Awor mester percura pa Aruba tin un bon “back office” equipa cu proficionalnan y hermientanan nesesario manera un vertrouwensarts, psicologo, zedenpolitie, camara room, rape kits pa asina hunto por presenta un rapport solido den tur investigacionnan hasi contra acusadonan ( abusadornan) pa Hues di su banda tin e prueba concreto pa condena esnan culpabel cu castigonan halto cual desde awor por haña te cu 15 aña di prison.

Finalmente nos tur mester

juda paso 90% e ta bun hende conosi:

Rapportnan ta ilustra cu 90% di e casonan e abusador ta un persona conosi den e famia. Sea padraso, omo, welo of hende custumbra na e cas pa nombra algun. Pesey mayornan mester juda proteha nan juinan lo maximo. Lamentablemente tin caso cu ta popio mayor ta e acusado. Esaki ta mustra con dificil e tema aki ta. Hunto nos lo mester percura pa protehe nos muchanan lo maximo. Gobierno y Parlamento lo hasi nan parti pa sigui tur recomendacionnan pero familiaresnan tin un rol hopi importante pa hunto nos logra e meta di cuida nos muchanan y baha e cantidad di casonan ohala un dia na sero.

E siman aki tur automobilista cu tin plachi di number A-13000 te cu A-30000 por busca nan plachinan na Departamento di Impuesto Mester acudi na e oficina principal

– E siman aki, di dialuna dia 29 di juni te cu diabierna dia 3 di juli, Departamento di Impuesto ta parti plachi di number na tur automobilista cu nan number di auto ta entre A-13000 y A-30000. Di e forma aki ta duna tambe otro oportunidad na esnan cu no a alcansa pa busca nan plachi di number diasabra ultimo via e sistema di DIMP Drive-Thru. W a l k I n Durante siman e partimento di plachi ta bay segun e sistema di ‘Walk-In’. E contribuyentenan por acudi na e balie ubica den e edificio principal na Camacuri; pues no na e oficina anexo unda normalmente ta parti e plachinan. Ta pidi tur contribuyente pa presenta e

documentonan rekeri manera comprobante di pago di Departamento di Impuesto y seguro di auto valido na momento di busca e plachinan di number. Orario di servicio Pa busca e plachinan por acudi durante e orario: 7:45 am – 11:30 am y 1:15 pm – 5:00 pm. Departamento di Impuesto ta recomenda pa probecha di e oportunidad durante siman. Despues di diabierna, 3 di juli, lo mester warda te un otro biaha, debi cu lo warda e numbernan bek pa traha espacio pa e otro numbernan cu ta sigui. Gerencia di Departamento di Impuesto 28 di juni 2020

Dialuna 29 Juni 2020

PLAN NACIONAL PA ATENDE CU E PROBLEMATICA DI CACHO NA ARUBA (Parti 5 di 6) DOÑONAN RESPONSABEL STIMA MI MASCOTA

E meta di Plan Nacional pa atende cu e problematica di cacho na Aruba no ta pa Polis subi caya y cuminsa parti multa pa loco. E intencion ta pa por educa y stimula ciudadanonan na Aruba pa bira doñonan mas responsabel pa nan cacho y otro mascotanan. Segun e comision di accion, e intencion ta pa cu e campaña ‘STIMA MI MASCOTA”, crea e conscientisacion aki.

E campaña lo duna comunidad e instrumentonan necesario pa logra haci escogencia responsabel. Lo splica di tur locual un doño responsabel ta encera y lo sigui educa y stimula doñonan pa asumi nan responsabilidad pa cu nan mascotanan. Si un persona scoge pa no tin un mascota pasobra e no por alcansa pa cubri por ehempel su cuminda of su cuido veterinario,

tambe ta un escogencia responsabel cu ta di aplaudi. Tin tambe situacion cu un persona tin e placa, pero no tin e espacio necesario of e tempo pa cuida su mascota, cu na final di dia tambe ta bira un problema. Of tambe tin esun cu tin e placa, tin e luga, pero no tin e cacho cu ta cuadra cu e caracter di e persona. Tur esaki ta pone cu na un manera of otro, ta doño di un cacho lo bira un problema pa e persona. E meta di e Plan Nacional ta pa tur persona cu a dicidi di tin un mascota, un dia den su bida por bisa cu e tambe realmente ta stima su mascota.

RASA CACHO Manera ta conoci, e negoshi di rasa cacho, por ta un negoshi ‘lucrativo’ pero mes momento ta crea mas problema. Mientras e focus den mayoria di e casonan ta pa gana placa facil, ta lubida varios punto clave. Unabes cu puppies nace, nan tambe mester wordo cuida, y vacuna. Tur esaki ta costa placa y por wordo considera como e ‘inversion inicial’. Pero hopi biaha e persona cu ta rasa cacho, no tin e fondo pa haci esaki. Na dado momento ta entrega e cacho asina mes na e doño(nan) nobo, cu e posibilidad cu e cacho por bira malo y ta crea gasto inespera y innecesario pa e doño

nobo. Tin biaha ta sosode cu no ta haya un doño adecuado, of asta, si no logra haya doño, e cacho(nan) lo ta/keda un problema pa e doño ‘original’. Comision di accion ta conseha pa introduci reglanan den ley pa cu rasamento di cacho tambe, pasobra no ta tur ora esaki ta bay manera debe ser. E comision kier logra cu e plan, pa hende realisa cu di e momento cu dicidi di tuma un mascota, tin responsabilidadnan grandi ta bin cu e escogencia, incluyendo e cria di e mascota, pa nan niun no end up riba caya sin un doño pa cuida pa nan.

Na Matadera polis a confisca auto B.M.W. cu a hit and run anto cu number cu no ta cuadra Diadomingo madruga a drenta informe di cu un persona ta tras di un B.M.W. cu a hit & run y a core drenta den Matadera y a perde for di bista, mesora a dirigi un patruya na e sitio. Mientras a duna polis e number y na ora di controla esaki no ta cuadra cu e auto. Na

yegada di e patruya inmediatamente a bin topa cu e vehiculo aki para na un cas y a solicita takelwagen pa confisca e vehiculo aki. Takelwagen a presenta y a bay cu e vehiculo aki pa warda di Balashi.

Dialuna 29 Juni 2020

Parlamentario drs. Shailiny Tromp-Lee:

“Nos sociedad, nos sistema completo di proteccion y e nucleo di confiansa a faya e victima” Den e reunion publico di diabierna ultimo tratando algun cambio den nos Codigo Penal pa loke ta e aumento di castigo maximo pa ‘zedendelicten’ y cambio den e ‘verjaringstermijn’ stipula pa e delitonan aki, parlamentario Shailiny Tromp-Lee a cuminsa na bisa cu el a lesa y prepara su mes cu sentimento mixto pa e reunion aki. Dicon? Pasobra Parlamento lo bay aumenta e castigo maximo cu por keda duna ora un mucha of un menor keda abusa sexualmente, ora un persona homber of muher, bieu of jong keda abusa, viola, maltrata te cu keda mata. E palabra castigo caba ta indica cu e delito ya a tuma lugar! Cu un mucha of un menor su briyo for di su wowo y su inocencia a keda kita, cu un mucha of hende grandi a keda viola of maltrata caba y/of un persona a perde su bida. Nan bida y di nan famia a keda influencia y marca pa semper y e cruel realidad ta cu door di hisa e straf maximo, esaki no ta cambia e impacto grandi cu e sucedido aki tin riba e victima su bida of di su famia. Pasobra nos mester ta consciente kico e situacion aki ta bisa nos. E ta bisa nos cu nos sociedad, nos sistema completo di proteccion y e nucleo di confiansa a faya e victima. Cumpliendo cu grito di sociedad Den e reunion aki sra. Tromp-Lee no kier a zona pesimista pero e no ta kere den e espectativa presenta den e Memorie van Toelichting cu door di aumenta e castigo maximo esaki lo tin un impacto riba e cantidad di casonan aki riba nos isla y cu e lo spanta e abusadornan, Pasobra - contrario na e pensamento cu e ta ripara ta reina den nos sociedad - aki ta trata un cambio di un ley existente. Hecho ta cu Parlamento NO ta introduci leynan maximo, esakinan ta forma parti di e Codigo penal caba pa hopi tempo, pero ta aumenta esakinan cumpliendo cu e grito di sociedad pa castiga e malechornan aki severamente. Cu tratamento di e concepto di ley aki ta culmina un trayectorio largo cu a tuma lugar den Parlamento, caminda for di 2010 diferente comision y diferente parlamentario a traha riba e concepto di ley aki. Un concepto di ley caminda cu pa 27 artikel den e castigo maximo cu por keda duna lo keda aumenta. Delitonan manera violacion, sex indesea cu un mucha bou di 12 aña, casonan di maltrato premedita cu morto como consecuencia y maltrato severo premedita tur lo subi na un castigo maximo di 15 aña. Ta trata aumento di 3 pa 6 aña di e castigo maximo actualmente valido. Door di e cambionan aki a trece cambio den e castigo maximo di doodslag y maltrato severo premedita cu morto como consecuencia di 15 pa 24 aña. E cambionan aki ta pone cu Aruba ta yega na e nivel di castigo maximo cu ta keda duna pa e delitonan aki na nos islanan ruman den Reino. Peticion pa castigonan mas severo Si sigui e discusionnan den medionan social por tuma nota di peticionnan pa stipula castigonan mas severo. P’esey mes sra. Tromp-Lee kier pidi minister pa duna un splicacion pa pueblo por compronde con a stipula e aumento di e castigonan maximo cu ta ser trata den e reunion. E parlamentario a tuma nota cu entre otro ta tene cuenta cu castigonan maximo na nos islanan ruman den Reino y tambe ta tene cuenta cu e ‘concordantiebeginsel’ cu ta para den articulo 39 di Statuut y sentimentonan y deseo di nos sociedad. Mirando cu pueblo tin cierto espectativa sra. TrompLee a pidi Minister di Husticia pa elabora y duna splicacion pa pueblo por comprende con a stipula e cambionan. Alabes el a desea pa Minister di Husticia trata e parti di introduccion di castigonan mínimo y e motibonan pakico esakinan te ainda no a bira un realidad y indica si esakinan den principio lo bira

posibel mirando e opinion negativo di parti di e poder hudicial y di RvA. Victima no ta perde su derecho Otro cambio cu lo tuma lugar ta e ‘verjaringstermijn’ di diferente delito, esta cu esaki ta bay keda kita pa diferente delito. Esaki lo haci posibel pa un victima semper por entrega keho, aunke hopi tempo a pasa. Asina e abusado por keda investiga y husga. Cu otro palabra e victima no ta perde su derecho pa busca husticia. Esaki sigur ta un cambio cu tabata necesario. Sra. Tromp-Lee a gradici Gobierno cu a base di conseho di Raad van Advies a dicidi di elimina e ‘verjaringstermijn’ pa mas articulo cu inicialmente a keda proponi. Pakico no ta dunando castigo mas halto? E parlamentario ta kere cu mester duna contenido real na e ley cu ta ser trata. Aumenta e posibel castigo maximo cu un malhechor por ricibi so no lo yuda si den pratica nan no keda aplica. P’esey e kier referi na e siguiente frase para den e MvT na pagina 4 cu ta bisa lo siguiente encuanto castigo maximo: ‘met deze voorgestelde verhoging zal de wetgever een duidelijk signaal geven aan de partners in de strafrechtsketen dat er behoefte is aan een passende strafeis en een passende strafoplegging terzake van zedendelicten gepleegd tegen minderjarigen’. Aki e parlamentario a para keto un rato y enfatiza cu e ta convenci cu hopi di su colega parlamentarionan lo desea pa manda mas cu un señal. Pueblo kier pa OM y huesnan pidi y duna castigonan mas severo. Castigonan cu ta cumpli cu nos norma y balornan y kico nos como sociedad ta condena. Tin un colega di oposicion a bisa cu si no bin cambio pueblo mes lo cuminsa actua. E realidad ta cu ya nos conoce casonan caminda pueblo a actua cu hasta a resulta den morto. P’esey mes e lo desea di sa di minister na ki manera nos por realmente logra cu e partnernan den e keten ta cumpli cu deseo di pueblo? Alabes pakico na e momentonan aki OM no ta pidi y huesnan no ta duna castigonan mas halto mirando cu ya caba nan tin espacio pa haci esaki? E no ta referi den casonan cu falta prueba pero casonan caminda e bewijslast t’ey y toch ta ripara cu e castigonan ta abou, pues e resultado di e casonan no ta concorda cu deseo di sociedad. Pruebanan ta hopi importante Segun sra. Tromp-Lee mester para keto un rato na un aspecto cu hopi biaha nos ta scucha den e casonan aki, cu ta “Eén getuige is geen getuige”. Algo lamentabel pero cu ta e realidad. P’esey mes prueba ta importante y esaki ta mara na actuacion di e mayornan, e victima, y e proceso di investigacion caminda e pruebanan mester keda colecta. Y den e cadena aki tambe tin fayo. Contrario na un colega di oposicion sra. Tromp-Lee ta haya necesario pa mira e ley aki den un contexto total y no solamente su aspecto tecnico. Sigur esaki ta necesario si mira con pueblo ta experiencia e topico aki y cierto expectativa no corecto cu ta existi den sociedad pa loke ta trata e ley. Un ley of cambio den esaki ta basa y ta origina for di un situacion of sucedido structural y indesea. Cambio di mentalidad P’esey mes e parlamentario a subraya cu cualkier tipo di abuso di mucha ta inaceptabel! Cualkier violencia domestico, maltrato y violacion ta uno di mas! Pero e ta enfatisa un biaha mas cu solamente aumenta e castigo maximo y eliminacion di e verjaringstermijn no ta suficiente. Un ley no ta tur ora e solucion, mas

bien den e caso aki mester bin cambio den cada aspecto cardinal den henter e sistema di proteccion. Pueblo mester ta consciente cu si di berdad nos kier stop cu abuso y maltrato esaki ta implica: cambio di mentalidad di NOS como sociedad, fortificacion di e fundeshi di nos famianan, amplia y haci obligatorio formacion via curiculo den enseñanza di nos mucha y hobennan riba salud sexual y e aspectonan di abuso, violacion y maltrato. A yega ora pa cuminsa educa nos muchanan hopi mas habri y dirigi tocante e topiconan aki y haci nan ‘bespreekbaar’ for di chikito na cas, na scol y den comunidad. Para e abuso di negligencia Na mes momento ta hopi importante pa nos sigui fortifica e fundeshi di nos instancia y organisacionnan cu tin cu atende cu e problematicanan aki. Mester empodera nos profesionalnan y percura pa e profesionalnan necesario ta in place y cada un di nos carga nos responsabilidad. Nos mester pone prioridad na PREVENCION y na opinion di sra. Tromp-Lee esnan prome yama ta e mayornan. Nos como mayor mester carga nos responsabilidad. Nos problemanan social ta hopi profundo y difícilmente nos por garantisa 100% di proteccion. P’esey mes sra. Tromp-Lee ta convenci cu tur cos ta cuminsa na cas. Como mayor nos mester ta mas atento y alerto pa cu e comportacion y/of señalnan di nos yiu(nan) y asumi nos responsabilidad di percura pa nos yiu(nan) semper ta den un ambiente di siguridad. Como sociedad, como mayor nos tur tin den nos man pa para e abuso nr. 1 di mucha na Aruba cu ta: NEGLIGENCIA! E tristo realidad ta cu abuso sexual y maltrato di nos muchanan mayoría biaha ta keda haci door di un famia directo. No door di un straño. P’esey e prome yama pa haci un paro na esaki ta nos mes! Proyectonan importante Na mes momento mester bisa si cu nos keten pa HOPI aña no a funciona optimal ni eficientemente. P’esey mes sra. Tromp-Lee a y ta sostene Social Crisisplan caminda ta trahando pa cambionan duradero na bienestar general di nos famianan, nos mucha y hobennan. Proyectonan andando manera Family Justice, Centro pa Famia, creacion di un Codigo di proteccion infantil y hubenil, introduccion di un child protective system, Kind volgt systeem, aplicacion di sign of safety y otro proyectonan andando manera percura pa e profesionalnan necesario manera un vertrouwenarts, psicologo y psikiatra y otronan ta asina necesario, sin lubida e infrastructura y cu ta percura pa e materialnan necesario. Dios gracia cu poco poco nan ta birando realidad pasobra e fondonan a keda aloca pa esakinan. Parlamentario Tromp-Lee a finalisa bisando un dicho di sr. Nelson Mandela: “The true character of a society is revealed in how it treats its children”.

Dialuna 29 Juni 2020

Polis a cera snacktruck na Tanki Leendert y lo a dun'e un boet pa no a cera na tempo

Tanki Flip: Diasabra algo prome cu mey anochi, patruya motoriza tabata basta activo controlando establecimentonan cu no a cera na e ora indica cu ta 11'or di anochi. Durante patruya nan a bin topa cu

e snacktruck pariba di rotonde Tanki Flip habri. Na e momento ey tabata tin basta auto staciona dilanti di e snacktruck. Mesora polis a bay na e snacktruck y a pidi

tur hende pa bay for di e sitio y a acerca esnan trahando den e snacktruck. Polis a splica nan un que otro y tambe a duna nan un boet pa no a cumpli cu e orario stipula di cierre.

Recherche di e team di Crimen Organisa a drenta un cas, detencion a cay, a confisca plantacion y mas articulo

Fiyostraat, Tarabana: Diabierna den oranan di atardi, e recherchernan di e team di Crimen organisa di Cuerpo Policial, asisti pa unidad di K9 di Polis y cu permiso di Fiscal a haci un entrada hudicial na un adres den Fiyostraat. Durante e entrada hudicial aki detencion a cay y tambe autoridad a confisca baki di mata y artefactonan relaciona cu plantacion, un pickup di cuerpo policial a bay completamente yen di tur locual e team aki a

confisca for di e cas. Segun nos por a compronde cu e recherchenan di team Crimen Organisa den e ultimo dianan aki ta basta activo investigando adresnan of sitionnan caminda tin bendenmento di droga y ta garando bendendo y cumprado. No ta descarta e posibilidad cu pronto lo por tin mas entrada hudicial na caminda, relaciona cu benta y compra di droga.

Dialuna 29 Juni 2020

Parlamentario Endy Croes:

Ministerio Publico a manda un señal

Casonan grandi di corupcion di AVP tanto IBIS di Paul Croes y Avestruz di Benny Sevinger ta canando? Parlamentario Endy Croes ta subraya cu berdaderamente por a tuma nota di accion di Ministerio Publico den combinacion cu mas departamento siman pasa alrespecto kehonan cu di acuerdo cu informacion cu Ministerio Publico a comparti a wordo entrega na September 2019. No obstante esaki tin varios preguntanan cu diariamente ta keda lansa publicamente expresando precupacion di pueblo.

Casonan IBIS di Pauyl Croes y Avestruz di Benny Sevinger:

Manera Ministerio Publico mes a splika cu e casonan relata na siman pasa ta den nan fase inicial. Lokual no a wordo splika ta con leew e casonan di Paul Croes y Benny Sevinger di AVP ta? Paul Croes pa mas cu un aña pasa a ricibi un condena di 4 aña di prison pa corupcion y fraude enconnecion cu e caso di ontheffing di permiso a cambio di plaka. Tambe pa 10

aña Paul no lo por cubri ningun funicion publico y tampoko por aparese riba un lista politico. Paul usando su derecho a bay hoge beroep. Conosiendo e caso aki di lokual nos por a lesa den e rekisitor di Fiscal e veredicto den un futuro caso den Hoge Beroep no lo bay ta mucho diferente. Dicon e tardansa ta e precupacion y pregunta di pueblo. Pa lokual ta e caso di Benny Sevinger ta un caso mucho mas grandi cu esun di Paul. Corupcion y fraude ten top ! Terenonan a wordo bendi pa MIYONES. Pues un kring di amigo a bira miyonario cu patrimonio di pueblo. Benny ta otorga e bendicion na su amigonan pa hanja un optie riba tereno comercial. Despues esun cu a hanja e optie aki ja caba tin un cumprador enespera. Aki ex minister ta coopera pa bende shares di NV unda e optie ta bay cu e Sharesnan pa transacionnan miyonario. Pues practikamente esaki tabata e triki pa bende tereno pa bira miyonario. E caso aki ta uno hopi hopi grandi cual a crusa frontera y a traha cu Ministerio Publiconan

di otro pais. Por ehempel a hasi inval hasta na Corsow, a bishita St Maarten a bishita Panama y Miami entre otro unda plakanan grandi a lora. Ta na su lugar pa Ministerio Publico bin dilanti y splika pueblo status di e casonan aki pa mantene e pueblo trankil.

C a s o Wa s m a c h i n e Mike Eman y Bo Aruba: Parlamentario Endy Croes a garantisa cu kehonan oficial a

wordo entrega contra Mike Eman kende a ricibi 50 mil us dollar ( 90 mil florin) for di Roberto Rincon y tin prueba di diferente transacion(nan) pa e cuenta di Fundacion Campaña Mike Eman. E caso aki muy probablemente lo haña e nomber di “ WA S M A C H I N E ”. Alaves a manda serie di pregunta pa (3) ministers alrespecto melding di Banco na MOT y di MOT na Ministerio Publico di acuerdo cu e ley di LWTF. Banda di esaki a entrega keho oficial na Ministerio Publico desde

Augustus 2018 riba e rapport di Algemene Rekenkamer “Bo Aruba” unda AVP a duna mas di mil miyon na projecto faltando entreotro hopi documentacion . Na juni 2020 a bolbe entrega un di dos keho oficial na Ministerio Publico riba Bo Aruba. Pues Parlamentarionan ta cumpli debidamente cu parti di nan deber y ta keda na Ministerio Publico pa hasi un trabou den cuadro di tempo “redelijk” pa asina esnan cu a peca contra ley carga nan responsabilidad of criyoyo bisa sinta riba nan blaar!

Propetario a nota cu antisocialnan a purba drenta su negoshi Nieuwstraat - Diasabra den oranan di mainta rond di 11'or polis a bay parti patras di un negoshi, e parti aki ta cay den Nieuwstraat. E motibo cu polis a wordo yama tawata door di un propetario di un negoshi den Playa. Segun nos por a compronde na e sitio e cabayero lo tawata controlando su negoshi y a ripara algo straño na un porta. Claramente por

a mira cu a purba forsa e porta pa drenta. Esaki tawata su motibo pa a yama polis. Na yegada polis nan tambe a constata y confirma loke e cabayero ta bisando, esta cu antisocial/nan lo a purba drenta su luga den oranan di marduga. Polisnan a tuma tur datos y splica e cabayero loke e mester haci

Dialuna 29 Juni 2020

Yerba tapijt ariba Watty Vos Boulevard ta wordo horta

Watty Vos Boulevard Diasabra anochi pa mas o menos 11:30 team di Motor Unit a bay ariba Watty Vos Boulevard. Segun informacion, un homber lo tawata lanta e yerba artificial/tapijt. Mesora brommer di polis den vecindario a yega e sitio. Dilanti e edificio di ex texas a bin mira iregularidad na e yerba/ tapijt. Loke polis a constata tawata cu ta mustra cu

antisocialnan a corta un vierkant grandi di e yerba tapijt bay cu ne. Ambos banda ta mustra di a wordo corta y horta. Siman pasa tambe nan a horta full un pida yerba tapijt bay cu ne. Polisnan a tira bista ariba full Watty Vos Boulevard pero no a ripara cu nan a horta mas. Tambe a controla patras di Royal Funeral Home, pero no a haya nada.

Pagina 17

Dialuna 29 Juni 2020

Polis a detene dama burachi fresco y grocera cu tabata molestia hendenan na Sanicolas Diabierna atardi laat a drenta informe di un dama burachi fresco y grocera na un estableci-

miento na Sanicolas, mesora a dirigi un patruya na e sitio. na yegada di e patruya nan a detene e

dam cu a hasta falta respet pa polis. Nan a detene y hib'e warda di polis na Sanicolas.

Pagina 18

Dialuna 29 Juni 2020

Polis a core cu tur hende for di banda di Hamaka na Linear Park y vecindario!

Diasabra madruga manera a bira costumber e aglomeracion di hende ta keda banda di Hamaka ta bebe y toca musica duro e biaha aki no tabata un excepcion. Polis a core cu tur hende for di eybanda y tambe esnan den cercania di Surfside Beach.

Abona na

awor!

A BO NO MESTER SALI DI CAS Yama 585-9500 of e-mail nos na solodipueblo@gmail.com Tur marduga nos ta entrege den bo porta di cas! Noticia cayente, ta aki bo ta haye!

Pagina 19

Na Boegoeroei polis a detene un persona cu cuchiu

Dialuna 29 Juni 2020

Aunke polis a advirtie tog homber sin rijbewijs a bay core cu e auto sin papelnan na ordo Polis a detene y a confisca e auto

Diasabra atardi laat despues di cu mas tempran polis a advirti homber sin rijbewijs pa e bay no core cu e auto tog asina mes ela

Diabierna atardi a drenta informe di cu tin un persona cu cuchiu cu tabata cana ta show esaki. Polis mesora a detene e sospechoso pa a cana cu un arma blanco riba caya y a confisca e arma blanco aki.

desobedece polis su instruccion y a bay haci esey, un otro patruya atento a tuma nota di esaki y a detene e chauffeur como

tambe a confisca e auto y a hiba esaki warda di Balashi.

Pagina 20

Dialuna 29 Juni 2020

Habitantenan rabia cu donjo di 21 cacho y ta laga nan tur riba caya y esakinan ta ataca y morde diferente hende Atleta/deportista a bira victima di atake y mordi for di cachonan di un doño irresponsable!

Diasabra atardi a drenta informe di un caso unda cacho a morde un atleta riba caya eherciendo su deporte na Pos Chikito, mesora a dirigi un patruya na e sitio. Na yegada di e patruya a bin pa intermedia pero no a haci nada a

djies bisa e doño pa tene su cacho den cura. E habitantenan den e area a keda babuca cu e actuacion policial y e habitantenan cu sa cu e donjo di e cacho tin 21 cacho y ta laga nan tur bay riba caya y esakinan a morde diferente

hende caba. Ora bisiñanan a bisa e donjo di cachonan pa hinka e cachonan paden, e ta coba mama di e bisiñanan. E hoben victima tabata haciendo su deporte y tabata coriendo riba e caminda aki na Pos Chikito na momento cu tur e cachonan a atake y un di nan grandi a morde na su bil. Authoridad policial a yega di acudi dife-

rente biaha caba na e mesun lugar aki pa cachonan cu ta terorisa tur hende eybanda: E ley cu tin no ta sirbi, tur hende ta hasi locual nan kier toch cu nan cachonan. No tin ley di damnificacion pa esnan cu wordo mordi.. AZV ta sigui carga cu e gastonan di pone Tetanus y paga dokternan nan orario pa atende esnan mordi pa ca-

cho. Mientras na otro pais e asunto aki ta miho regla, na unda cu e donjo di cacho ta esun cu tin cu carga cu e gastonan y tambe ta fija un otro suma pa e victima pa ‘Pain and suffering’. Ta spera cu mescos cu gobierno ta promove deporte, anto tambe mester hasi esaki safe tambe pa e deportistanan segun e bisiñanan a expresa.

Pagina 21

Dialuna 29 Juni 2020

Se renta appartamento en palm beach noord con patio y espasio para parkiar vehicula . Metro prepago para dos personas

Lotto Merdia JUNI 2020

Lotto Anochi JUNI 27 2020

For rent

large studio appartament at palmbeach long term. Prepaid electrisity for couple with children or one person call or app today 5694343 private patio and parking for vehicle

FOR SALE Mitsubishi lancer 2009 90 km airco automatic coriendo mesco nobo garantia riba motor 1 anja. Airco garantia 6 luna.

Bon muziek 5694343 -

Tucson 2013 Afl. 15,500.00

9.000 fl

POR YAMA CEL. 5694343

chevrolet equinox 2017 afl. 45,000.00 Financiable

CLASIFICADO e-mial: solodipueblo@gmail.com

Pagina 22

Dialuna 29 Juni 2020

Ki beneficionan cerbes tin pa bo salud Door di esey, e ta preveni e formacion di coagulonan cu por blokia bo arteranan y causa of agrava e problemanan di curason. Consumi cerbes di manera modera tambe ta reduci bo riesgo di padece inflamacion cu e arteriosclerosis ta produci y e acumulacion di placa den bo vasonan sanguineo y murayanan arterial. Ta aumenta bo densidad di weso Consumi e bebida aki di forma modera ta reduci riesgo pa bo sufri di fractura. Esaki ta nifica cu bo por evita of retrasa complicacion manera osteoporosis of degeneracion cu ta bin cu e paso di aña. ● Esaki ta un bon noticia si den bo famia tin antecedente di e problemanan aki. Hopi hende gusta bebe cerbes bon friu den e dianan calor, den compania di algun amigo of pa compaña un wega importante di bo ekipo faborito di futbol. Di un otro parti, tambe tin esnan cu ta bebe cerbes como un bebida alcoholico mas di monton. E ultimonan aki sa menosprecia e propiedad y beneficionan cu e bebida aki ta aporta na bo salud. Cerbes tin mayor contenido di proteina y vitamina B cu biña. Su nivelnan di antioxidante ta similar, pero, ademas di esaki, e bebida aki tin lupulo. E mata ta un fuente di flavonoide y ta contene algun mineral cu ta yuda cierto procesonan di bo metabolismo. Si bo kier sa mas, sgui lesa cu aki nos lo bisabo con e bebida aki ta yuda bo salud. Sigur despues lo bo antoha pa bebe un canica fresco.

Propiedadnan anticancerigeno Xhantohumol ta un compuesto flavonoide cu por haya den e lupulo. E compuesto aki ta desempeña un papel preventivo fundamental na nivel kimico ora cu ta trata di evita cancer. Cerbes tambe ta un fuente importante di polifenol debi na e granonan cu ta interveni den e fermentacion di e bebida aki. Tur esaki, e ta asina eficas pa preveni cancer manera biña cora. Ta preveni enfermedanan cardiovascular Danki na su vitamina B6, cerbes ta progeha bo curason di enfermedadnan, ya cu e ta evita cu homocisteina ta acumula. Esaki ta un aminoacido cu e curpa humano ta produci y cu ta daña bo arterianan. Ademas cerbes ta haci cu e consistencia di bo sanger ta un poco mas fini.

E ta preveni anemia Ya cu e ta un bon fuente di vitamina B12 y acido folico, cerbes ta evita e deﬁciencia di esaki, pa cual e ta beneﬁcioso pa preveni anemia. ● Vitamina B12 tambe ta esencial pa mantene e crecemento normal, e bon memoria y e concentracion di un persona. ● Ta preveni embehecimento prematuro Bebe cerbes ta potencia e efectonan di vitamina E. Ya cu e vitamina aki ta un di e antioxidantenan importante pa e apariencia di bo curpa, ta actua miho y lo tin efectonan positivo riba e salud di bo cuero. ● Esaki tambe ta ralentisa e efectonan di embehecimento. Ta reduci riesgo di calculonan biliar Consumi regularmente un cantidad modera di cerbes ta afecta e nivelnan di colesterol cu tin den bo

curpa di manera positivo. ● Esaki ta disminui e concentracion di bilis den bo curpa y ta haci cu e riesto di desaroya calculonan biliar ta hopi menor.

banda, Silicium den cerbes tambe ta absorbe cu facilidad, pa cual tambe ta proporciona un efecto protector contra osteoporosis.

Ta preveni demencia enfermedadnan coronario Cerbes no solamente ta yuda pa controla mucho miho e nivelnan di colesterol malo (LDL) den bo sanger.. Ademas, ta aumenta colesterol bon (HDL) den bo curpa entre un 10% of 20%. ● Asina e ta reduci e riesgo di tin problemanan di salud manera demencia y enfermedadnan cardiovascular.

E ta un bon diuretico Siguramente bo lo a pasa cu, cu solamente bebe un paar di cerbes, bo ta haya constantemente gana di bay baño. Esaki por ta bastante incomodo. Sin embargo, e tin un motibo. Cerbes ta un diuretico hopi efectivo y ta yudabo elimina cu mayor facilidad e toxina y residuonan cu bo curpa no tin mester atrabes di urina.

Ta reduci calculonan renal Cerbes tin un contenido halto di potasium y contenido abao di sodium, ademas di ta rico den magnesium. Tur esaki combina ta traduci den un reduccion di riesgo di sufri di calculonan renal. Di un otro

Ta haci bo tracto intestinal limpi Ademas di tur loke nos a bisa anterior, cerbes ta un excelente fuente di ﬁbranan soluble. Esakinan ta promove salud general di bo curpa, loke, naturalmente, ta inclui beneﬁcio pa bo curason y ta contribui na mantene bo tracto

Pagina 23

Dialuna 29 Juni 2020

HOMBERNAN ARMA TA ASESINA MUHE ORA CU E TABATA DUNANDO LUZ Un grupo di hobmer arma a tira mata un muhe pafo di Cape Town, capital legislativo di Zuid Africa, na memento cu e tabata dunando luz, prensa local a informa. E crimen a sosode dia 21 di juni den un cabaña, unda cu Shaida Nathan, di 32 aña, tabata hunto cu su otro dos yiunan y dos hende homber. E atacantenan a drenta den e vivienda a cuminsa tira. Shada y su baby a fayece apesar na e esfuerso di paramediconan pa salba nan bida. Ta desconoce e motibonan

di e crimen, pero ta kere cu e obhetivo di e atake tabata un di e hombernan cu tabata den e cabaña. E dos individuonan a resulta herida y a wordo hospitalisa, mientras cu ta desconoce e paradero di e menornan. Polis ta investiga e circunstancianan cu ta rond di e asesinato. E zona unda cu e hechonan a sosode, tin fuerte inﬂuencia di gang y e famianan di Nathan durante dos dia no por a acudi na e cabaña debi cu a registra varios tiroteo entre gruponan rival.

PRINS HARRY Y SU CASA MEGHAN MARKLE TA HAYA TRABAO temanan di husticia racial, igualdad di genero,

Prins Harry di Inglatera y su casa Meghan Markle lo bay cuminsa cu un andadura profesional nobo

como conferenciante tras di ﬁrma un contract cu Harry Walker Agency, e agencia cu sede na New

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

York cu ta representa oradornan manera Barack y Michelle Obama, Bill y Hillary Clinton y Oprah Winfrey. E matrimono a dal di e manera aki nan prome paso pa un trabao remunera despues cu dia 8 di januari nan a anuncia nan plannan di retira di debernan real y ta economicamente independiente. Ta spera cu e discursonan di e pareha, cu ta biba cu nan yiu homber na Los Angeles (Merca), aborda

problemanan di medio ambiente y salud mental.

Pagina 24

Dialuna 29 Juni 2020

Parlamentario Richard Arends despues di reunion cu sindicatonan

FALTA DI DIALOGO Y COMUNICACION TA CARACTERISA GOBERNACION AWENDIA

Esaki ta e conclusion despues di a reuni cu sindicatonan SEPPA, SIMAR, SPA y SADA riba e ley pa austerisa salario y beneﬁcionan di empleadonan publico. “Fraccion di AVP ta comparti e preocupacionan cu sindicatonan a trece dilanti, a hasi preguntanan al respecto y ta sperando contesta prome cu tratamento di e ley,” asina miembro di Parlamento pa fraccion di AVP, Sr. Richard Arends, a declara. “Na ningun momento nos a pretende di kere cu trahadonan publico no ta solidario, especialmente esnan prome yama durante pa traha 100% durante e periodo di crisis aki. E preocupacion cu a wordo treci dilanti ta solamente e incertidumbre cu cierto partinan di e ley ta trece cun’e y tambe limitacion di control y evaluacion di parti di Parlamento. Frac-

cion di AVP siguramente pa evaluando e posibilidadnan pa introduci mas transparencia dunando oido na e precupacionan treci dilanti.” “Reduccionnan di salarionan di empleadonan publico y fundacionan lo a resulta den un reduccion di 60 miyon di ﬂorin for di presupuesto, pero Gobierno mes den su gastonan di huur, abogado y servicionan a corta 9 miyon di un total di 200 miyon so,” Parlamentario Arends a bisa. “Y esakinan ta djies e condicionnan pa e di dos tranche di sosten di likidez cu Aruba a ricibi caba. Aki algun dia ta un serie nobo di condicion lo ta riba mesa pa e di tres tranche y esunan siguiente. Gobierno a palabra di a entrega un plan di reforma y reduccion di gasto cu ainda no ta conoci na Parlamento.”

CLASIFICADO e-mial: solodipueblo@gmail.com

E Parlamentario a remarca tambe cu mientras na Aruba ta discuti riba e efecto ‘tot nader orde’ di e medidanan di austeridad aki, Hulanda ta papia di recortenan structural. “Esaki ta un diferencia substancial, pero Gobierno mester ta honesto y directo cu su trahadornan y no tira culpa riba COVID-19 of riba Hulanda pa palabracionan cu nan mes a hasi. Gobierno ta e unico organo na e momento aki cu por informa su trahadornan, Parlamento y

comunidad debidamente.” Durante Dialogo Social sindicatonan hunto cu gobierno y sector priva tabata sinta lunanan tras di otro y a yega na protocolnan cu ta contene acuerdonan duradero y reformanan cu a elimina riesgonan pa nos ﬁnansas publico awe. Esaki a wordo treci dilanti tambe pa sindicatonan tambe cu a participa den pasado. “Ora cu eyfo sindicatonan ta wordo critica di a entrega mas beneﬁcio

e tempo ey, mester pone den contexto correcto. Sindicatonan a asumi nan responsabilidad y salbaguardia fondonan social y di pensioen,” Sr. Arends a memora. “Danki na decisionan den cuadro di Dialogo Social awe APFA no ta core peliger memei di e crisis mas grandi di nos historia y SVb ta rekeri solamente sosten di likides. Esaki ta e buffer di berdad cu Aruba tin danki na e cooperacion di sindicatonan, gobierno y sector priva den pasado.”

Pagina 25

Dialuna 29 Juni 2020

CUSHINA DI NESTOR TUR DIADOMINGO

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

TA BUSCANDO

TERENO EIGENDOM pa cumpra Den area modanza, paradera, rooi afo Min.400m2 (na bon prijs) Contact 5647522 / 21

BBQ MIX.

BBQ GALINJA.

16,-

BBQ LOIN RIBS.

17,-

BBQ SPECIAL

27,50

LOMITO.

18,-

CABARON.

19,-

PALO DI LOMITO.

8,-

CABARON.

9,-

SALADA EX.

2,50

AROOS CON POLLO 2,50

TA HABRI TUR DIADOMINGO DI 11 AM TE CU 4:30 PM

Por jama of whatsapp pa pedido na 7497071 of pasa libremente na Siribana 45@ n.a. St Cruz SOCIAL DISTANCIA 1:50/2 METER.

BUSCANDO

doñonan di terenonan eigendom @ ROOI AFO 22 Ta interesa pa cumpra

5647522 / 21

TA BUSCA PA EMPLEO Custom Contractors NV ta buscando Scaﬀold Builders cu experencia den refeneria y cu certiﬁcacion. Pa mas informacion, please tuma contacto cu nos via telefon na: 584-2525 of pasa serca nos na Zeewijk 68, San Nicolas pa yena nos formulario

TA FURA

Orange Matrassen Fabriek

30% Y 40 %

di descuento riba cashi paña y cashi television. Matras y Box Busca mainta y haye atardi. Set di sala, comedor etc.

Tel: 588-7468 / 593-4387

Pagina 26

Dialuna 29 Juni 2020

AVB trahando duro pa sigui hisa futbol di Aruba na e siguiente nivel Profesionalisando coachnan di Academia di Futbol ORANJESTAD, Aruba – 28 di Juni 2020: Arubaanse Voetbal Bond ta dal den un otro paso den e direccion cu nan a deliña pa alcansa un nivel mas halto. Ta guiando e coachnan di Academia di AVB den implementa un sistema den nan trabou diario. E coachnan a haya un curso di e programa nobo. E coachnan por programa nan trainingnan delanta caba y por comunica cu hungadonan. Presidente di AVB, Ing. Richard Dijkhoff, a bisa cu esaki ta haci e trabou mas facil, mas miho y eficiente, pero tambe mas lihe. E sistema tin diferente modulo y un di esunnan importante ta e “Speler volgsysteem”. Via e sistema aki lo evalua hungadonan riba diferente criteria. A base di e criterianan aki ta dicidi si e hungado a desaroya di tal forma cu e por keda den e academia. Banda di e exigencianan cu hungado mester cumpli cu ne, ta registra por ehempel comportacion y con ta bayendo na scol. Ta registra tur esaki den e sistema. Kiermen na momento cu un hungado

tin tur su informacion den e sistema, por tuma cierto decisionnan por ehempel ora ta traha un seleccion. Den pasado AVB a tende cu dicon tal hungado ta den seleccion y tal hungado no, awo a base di presentacion di hungado, a base con ta cumpli cu exigencianan registra den sistema, lo scoge hungadonan pa seleccion. E meta ta p’e coachnan di academia haya e guia aki pa na fin di Juli, comienso di Augustus, implementa e sistema aki den clubnan specialmente U-13, U-15, U-17 y U-20. E coachnan tambe lo haya acceso na e sistema aki y nan por haci uzo di e sistema den nan training. E bon ta cu tur cos ta prepara for di federacion y conhuntamente den consulta cu e clubnan y coachnan di e clubnan, lo delinea con lo hiba futbol na Aruba pa e siguiente nivel. E curso di DotCom Sport ta un programa cu e

coachnan ta warda tur informacion di e hungadonan, segun David Abdul, Coordinador di e Academia di AVB. E coachnan a haya un curso di cual nan por hinca e trainingnan aden, traha un programa, un ciclo p’e trainingnan, despues di e training por evalua esaki y tuma lista di presencia. E programa ta haci’e hopi facil, pasobra cada coach ta haya su mesun “username” y un dia adelanta

por prepara e trainingnan. E hungadonan mes por mira e training tambe

y tambe lo haya un acceso na e programa.

Pagina 27

Dialuna 29 Juni 2020

Parlamentario Richard Arends riba Dia Mundial di Empresa Micro, Mediano y Chikito Gobierno tin e tarea di crea confiansa y brinda oportunidad

Asamblea General di Nacionnan Uni a declara awe 27 di juni como Dia Mundial di Empresa Micro, Mediano y Chikito. “E empresanan mediano y chikito, inversionistanan local y trahadonan independiente ta e weso di lomba di nos economia”, asina Parlamentario mr. drs. Richard Arends di fraccion di AVP a bisa. “Awe mas cu nunca e sector aki mester di tur e alivio financiero y sosten economico necesario pa bin bek y keda riba pia, como cu ta esunnan mas afecta pa e crisis ocasiona pa e medidanan implementa pa combati COVID-19.” “Como Gobierno bo tin e tarea y responsabilidad pa brinda oportunidad, percura pa un competencia husto y hiba un maneho coherente. A frena capitalisacion di sector priva riba oportunidadnan economico door di aumento di impuesto bou capa di reforma fiscal, ausencia di un vision economico y falta di dialogo” asina e Parlamentario a bisa. “Economia ta un materia hopi sensitivo y ta rekeri esfuersonan dedica pa diversifica y brinda oportunidad”. Motibo

pakico

Na-

cionnan Uni ta para keto riba e dia aki ta pa hustamente conscientisa mundo henter riba e contribucion di empresanan micro, mediano y chikito y trahadonan independiente na desaroyo sostenibel y economia mundial. Parlamentario Arends a indica cu como gobernante bo ta obliga di brinda confiansa, stabilidad y perspectiva. Ademas e ta boga pa un

maneho dedica na tipo di empresanan aki. “Despues di sosten financiero mester sigui cu sosten economico pa empresanan cu a wanta cabes riba awa, pero tambe pa esunnan cu lo no cuminsa draai di biaha ora cu nos frontera habri,” el a splica. A termina bisando cu un economia saludabel no solamente ta fiha e cuadro financiero di

gobierno, pero tambe ta duna e base pa nos calidad di biba, enseñansa y salubridad, nos siguridad y e retonan riba tereno social. Tempo Richard Arends tabata Minister di Asuntonan Economico y Comunicacion, su maneho tabata dirigi na aumenta acceso na capital y conocemento, coordinacion di procesonan ora di es-

tablece negoshi y pone e instrumentonan na nan luga pa haci e transicion pa un economia nobo di innovacion y digitalisacion. Durante e periodo cu e tabata Minister, Qredits a establece su mes na Aruba, a organisa ‘Small Business Event’ y Hackathon, tur den cuadro di promove mas negoshi y den desaroya nos economia.

Intento di kiebro na SB Outlet den Caya G.F. “Betico” Croes Diasabra mainta a drenta informe di un caso di intento di kiebro na SB Outlet den Caya G.F. “Betico” Croes pero e parti patras cu ta cay pa Nieuwstraat, mesora a dirigi un patruya na e sitio. Na yegada di e patruya a bin haya e doño di e lugar na e porta patras y a compronde cu aki ta trata di un intento di kiebro. Polisnan a tuma nota di esaki y a tuma e keho y a keda di pasa esaki pa recherche.

Pagina 28

Dialuna 29 Juni 2020

PLAN NACIONAL PA ATENDE CU E PROBLEMATICA DI CACHO NA ARUBA (Parti 2) LEY DI CACHO Manera ta conoci, e ley di cacho, osea “Hondenverordening” ta existi desde 1988 den e registro central di ley di Aruba (AB 1988 no. GT 1). Tambe ta conoci cu mayoria di e cachonan riba caya tin un doño, of nan tin un adres of un bario caminda nan por haya cuminda cual anan ta considera e ora como nan cas. Tabata na 2012 cu e kehonan di cachonan riba caya, cu of sin doño, a yega na tal extremo cu a dicidi di renoba e ley existente; pa por atende cu doñonan cu no ta tene nan cachonan den cura. E ley di cacho revisa (AB 2012 no. 63) a bay na vigor dia prome di januari 2015. Dr. Irene Croes cu ta veterinario den servicio di Gobierno y ta forma parti di e comision di accion pa cu e Plan Nacional, ta indica cu na aña 2014, varios luna prome cu e cambionan pa cu e ley di cacho a bay na vigor, “Plataforma Ley di Cacho” a presenta un documento extenso na Gobierno cu un plan amplio pa atende cu e problematica di cacho riba caya. Idealmente e cambionan di ley lo a yuda cu e canti-

dad di cachonan cu ta anda riba caya, pero Polis no por a actua debidamente segun e ley door cu Gobierno e tempo ey no a percura pa e condicionnan minimo pa e ley aki por wordo enforsa. Por ehempel no a percura pa e luga caminda e cachonan lo por wordo poni “in bewaring” manera ta stipula den ley. Door di

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500

esey y algun factor mas, e ley no por a wordo ehecuta adecuadamente. E ley no por a wordo ehecuta adecuadamente, pues e ley di cacho nobo tampoco a funciona. Debi na esey, awe ainda nos comunidad tin molest-

er di cachonan riba caya. E cachonan aki por ataca hende of otro bestia, sin laga afo e efectonan riba e bienestar di e mascotanan mes cu ta biba riba caya, cu no ta haya e cuido, atencion y amor cu nan merece. E comision di accion pa cu e Plan Nacional ta conseha

pa introduci algun cambio esencial den e ley di cacho y tambe pa algun articulo wordo añadi na e ley. Asina autoridadnan asigna por actua miho pa locual ta trata abuso of negligencia di mascota, y tambe cu e doñonan cu no kier tene nan cacho den cura.

Pagina 29

Dialuna 29 Juni 2020

Jimmy Kimmel ta disculpa pa pinta su mes preto pa imita streanan Afroamericano

E popular humorista y presentador Mericano Jimmy Kimmel a pidi pordon diamars pa un serie di imitacion cu el a haci den pasado di personahenan famoso Afroamericano y cu den e ultimo dianan a wordo critica pa "racista" riba rednan social. Kimmel a haya su mes den centro di e polemica ora un serie di actuacion comico a reaparece, den cual, por ehempel, usa 'blackface' (makiyahe pa interpreta personanan di color) pa imita e exhungado di NBA Karl Malone of e strea televisivo Oprah Winfrey. Ademas, den un podcast di 2013, Kimmel a admiti di a imita Snoop Dogg den un album navideĂąo comico di 1996 unda el a usa e palabra N varios biaha. Un di e criticonan di e presentador tabata Donald Trump Jr., yiu homber di e presidente Mericano, kende a sugeri pa ABC stop di emiti e programa "Jimmy Kimmel Live!". Imitacion di un ser humano Den un comunicado, Kimmel a admiti cu durante hopii tempo e tabata "reacio" na aborda e tema, "ya cu e tabata sa cu hac9iendo esaki lo wordo celebra como un victoria pa esnan cu ta iguala disculpa cu debilidad y cu ta anima e lidernan pa uza e prehuicionan pa dividi nos." Sin embargo, e ta sigura cu "e retraso aki tabata un eror." "No tin nada mas

improtante pami cu nan respet," e presentador a seĂąala, kende a pidi pordon "na esnan cu genuinamente a sinti nan mes herida of ofendi" pa e makiyahe cu el a uza of e palabranan cu el a bisa. E humorista a afirma cu "nunca" el a considera "cu esaki ainda por a wordo mira algo mas cu un imitacion di un ser humano, uno cu no tabata tin mas cu haber cu e color di e cuero di Karl cu, cu su musculonan abulta y su cabes pelon." Den numera algun di e imitacionnan cu el a haci - incluyendo esunnan di Snoop Dogg, Oprah, Emnem, Dick Vitale, Rosie Kimmel a indica cu, den cada caso, el a pensa den nan "como recreacionnan di famoso y nada mas." Sin embargo, el a reconoce cu "mirando atras," hopi di e aparicionnan "ta bergonsoso" y a confera cu ta "frustrante cu e momentonan irefolexivo aki a wordo converti den un arma uza pa algun pa disminui mi criticanan na e inhusticianan social y di otro tipo." Na e mesun momento e presentador a afirma di a kere cu el a "evoluciona y madura den e ultimo binti aĂąanan," y ta spera cu esaki "ta evidente pa cualkier" cu mira su programa. "Mi no lo wordo intimida pa esnan cu ta fingi indignacion pa avansa den nan agenda opresivo y berdaderamente racista," e ta asevera.

Carlos Arturo Vallejo Lopez

ablando de los test PCR, en la pandemia,covid-19, SARS-Cov-2 ; 80% de los positivos son asintomaticos, con afeccion muy moderada; han estado en contacto con el virus , 15% de los positivos, requeriran oxigeno y 5% de los positivos requeriran ventilador en UCI, .pero el problema es que ademas de dar positivo para contacto no sabemos nada sobre la cantidad de personas que tienen un nivel de anticuerpos, suficiente para tener su vida normal , sin justificarse el confinamiento .Este test marca contacto con los elementos constituyentes de la membrana del virus y de particulas de su nucleo moleculas de RNA y no determina el nivel de anticuerpos, ni el tiempo transcurrido desde que se inicio su contacto con el virus y esto se determina , con los test que incluyen las inmunoglobulinas IgM e IgG . En sintesis si se amplia el numero de personas, con el test que se esta utilizando ,aumentara exponencialmente el numero de positivos porque todos respiramos y vivimos en grupo , puede dar la impresion de que la pandemia esta extendiendose, lo cual no corresponde a la realidad nivel de confiabilidad es de 64% su mala interpretacion solo; servira solo para el proposito de generar terror o panico dentro de la poblacion, que en el momento esta confusa y entonces crece cada vez la sospecha de que se quiere extender las restricciones y el terror hasta que salga la vacuna todo esto significaria dinero

en cantidades para los laboratorios e inversionistas ,De otra forma si se determinara el porcentaje de la poblacion que tiene inmunidad se podria restablecer la vida normal y detener la ruina social y economica del pueblo no de las grandes empresas y bancos , que se esta creando a proposito .Se ha creado la mala imagen de que el virus desaparecera del ambiente con todo este show y esto es imposible el virus ha estado por siglos y las nuevas versiones por mas de 40 anos incluyendo las cepas que fueron moficadas o intervenidas por laboratorios ,el virus no puede desaparecer ,ha estado alli con las aves ,pollos especialmente ,cerdos y humanos recientemente , pero el nivel de resistencia si puede aumentar y el nivel de anticuerpos si puede aumentar con el tiempo y con vacunas posiblemente, pero no es decente tratar de programar la naturaleza .Los personas enfermas o con enfermedades criticas asociadas con la edad y deterioro estan mas expuestas y siempre lo han estado , al contacto o infeccion con la gripa o influenza pero el grueso de la poblacion definitivamente ha sido tocado en forma muy moderada por el virus, pero si ha sido y esta afectada por el panico creado por el sensacionalismo y la programacion , llena de conflicto de interes.Es mi punto de vista piensalo bien y busca informacion .EN TIEMPO DE PANDEMIA LOS LOCOS GUIAN A LOS CIEGOS!

Pagina 30

Dialuna 29 Juni 2020

E BON NOTICIA CRISTO-HESUS TA PRESENTE DEN E 7 SACRAMENTONAN DI SPIRITO SANTO PA SALBACION DI HUMANIDAD Cristo-Hesus resucita, ta sigi cu Su obranan di salbacion den Su Iglesia Catolico. Cristo-Hesus a duna henter mundo su 7 senjalnan di Su presencia activo. E senjalnan aki nos ta jama, e 7 Sacramentonan di Dios Spirito Santo cu ta obra den nos. 1.Sacramento di Bautismo. E bautismo ta na ora di nacemento, cu ta e principio di nos bida Cristian y pa nos bira yiunan di Dios Tata y tempel di Spirito Santo. Bijbel Mateo 28: 19 – 20, Cristo-Hesus ta bisa na Su apostelnan, cu ta Su prome obisponan: “Bay pues y haci tur pueblo bira Mi discipelnan y bautisa nan den nomber di Tata y di Yiu y di Spirito Santo y sinja nan warda tur loke Mi a manda boso. Mira, Mi ta cu bosonan tur dia te na cabamento di mundo.” Bijbel Huan 3: 5-6; “Hesus ta responde: Enberdad, enberdad Mi ta bisa boso, si un hende no nace di awa y Spirito, e no por drenta den Reino di Dios. Loke a nace di carni, ta carni y loke a nace di Spirito, ta Spirito.” P'esey tur e babynan recien naci, nan mester wordo bautisa pa nan bira yiunan di Dios Tata, tempel di Spirito Santo y pa nan bida eterna cuminsa. Tambe pa medio di bautismo e pika original, cu ta e pika di desobedencia di Adam y Eva ta wordo kita di e criatura cu a nace cun'e. 2.Sacramento di Santa Eucaristia. E Santa Eucaristia den Misa, ta pa nos sigi corda riba Cristo Hesus Su sacrificio den e Santo Comunion y pa nos sigi mantene contacto cu nos Senjor. Na unda Hesus a bisa den e Ultima Cena, ora E'l a kibra e pan: “Haci esaki pa keda corda riba Mi y esun cu come Mi carni y bebe Mi sanger, lo haya bida eterna.” Bijbel Lucas 22: 19-20; “Despues Hesus a cohe e pan, a gradici Dios, a kibr'e, a duna nan y a bisa: Esaki ta Mi Curpa cu ta entrega pa boso. Haci'e pa boso corda riba Mi. Di e mesun forma, E'l a cohe e Copa despues di Cena y a bisa: Esaki ta e Copa di Aliansa Nobo confirma cu Mi Sanger, cu lo ta derama pa boso.” Bijbel Huan 6: 53 – 54; “Hesus a responde nan:

Mi ta sigura boso, si boso no come Carni di Yiu di hende y no bebe Su Sanger, boso lo no tin bida den boso. Esun cu come Mi Carni y bebe Mi Sanger tin bida eterna y Ami lo lant'e for di morto riba e ultimo dia.” Akinan den Misa pa medio di Sacerdote, e Hostia consagra ta bira Curpa y Sanger di Cristo Hesus. 3.Sacramento di Confirmacion. E Sacramento aki ta pa nos scohe e direccion di nos bida pa ricibi e 7 donnan di Spirito Santo y pa nos madura den bida Cristian. Esaki ta mescos ora cu e Apostelnan a ricibi e Spirito Santo riba dia di Pentecoste. Bijbel Echonan 2: 1 – 4; “Ora fiesta di Pentecoste a jega, tur e siguidornan di Hesus tabata hunto na e mesun lugar. Diripiente un sonido manera un biento fuerte a bin for di cielo y a jena henter e cas caminda nan tabata. Algo manera candela a parece, E'l a parti Su mes na lenga cu bay para riba cada un di nan. Nan tur a keda jena cu Spirito Santo y a cuminsa papia otro lenga segun Spirito Santo tabata inspiranan.” Pa medio di Obispo cu ta pone man riba e persona, e ta ricibi e 7 donnan di Spirito Santo y na unda tambe e ta confirma su bautismal. 4.Sacramento di Confesion. Esaki ta ora cu nos desvia y cay den e bida di pika y nos kier bolbe bek riba e caminda di Dios. Anto e Sacramento di Confesion, ta na unda Dios ta pordona nos pikanan y ta purifica nos alma pa medio di un Sacerdote. Bijbel Huan 20: 21 – 23, akinan Hesus ta bisa na Su Apostelnan, cu ta Hesus Su prome Obisponan y Sacerdotenan: “Un biaha mas Hesus a bisa nan: Pas sea cu boso. Manera Tata a manda Mi, asina Mi ta manda boso. Despues di e palabranan aki E'l a supla riba nan y a bisa: Ricibi Spirito Santo. Na esnan kende su pikanan boso ta pordona, nan ta keda pordona y na esnan kende su pikanan boso no ta pordona, nan no ta keda pordona.” Akinan Cristo Hesus a duna Su Obisponan y Sacerdotenan e autoridad pa pordona pika. Por haci Confesion 1 bes pa luna.

5.Sacramento di Matrimonio. Akinan ta ora un pareha kier comparti nan bida cu otro den un aliansa di amor. Den Misa dilanti di un Sacerdote, Dios ta uni e pareha den matrimonio y nan lo bira un solo curpa pa Dios y e pareha por uni den nan relacion sexual como un regalo di Dios Su amor, pa nan forma famia. Bijbel Marko 10: 6 – 9: “Ma Na principio tempo di creacion, Dios a traha nan como homber y muher. P'esey e homber lo bandona su tata y su mama, pa e uni cu su muher y e dosnan aki lo bira un curpa. Asina pues ya mas nan no ta dos persona, ma nan a bira un solo curpa. P'esey loke cu Dios a uni, hende no ta permiti di separa.” E palabra, cu Dios ta uni e pareha den un solo curpa den Matrimonio, esaki ta sosode den Misa pa medio di un Sacerdote cu ta un ministro di Dios y Dios no ta reconoce divorcio. E pika di adulterio ta condenabel. 6.Sacramento di Orden Sacerdotal. Akinan ta ora un hende homber ta wordo jama pa Cristo Hesus, pa e pone su mes den sirbishi di Dios pa e bira un ministro di Dios, pa e guia y pa e administra Dios Su Sacramentonan. Bijbel Marko 3: 13 – 15; “Hesus a subi sero y a jama esnan cu E tabata kier y nan a bin cerca dj'E. Asina E'l a forma un grupo di 12 cu E'l a jama

apostel. Ela scohe nan pa nan companje y pa mandanan predika, cu poder pa saca demonio. Bijbel 1 Pedro 2: 9; “Ma bosonan ta un generacion escohi, sacerdotenan real, un nacion santo, Dios Su mes Pueblo pa cu boso lo anuncia accionnan glorioso di Esun cu a jama boso for di tiniebla na Su lus admirabel.” 7.Sacramento di Enfermonan of Santa Oleo. E Sacramento aki, ta ora un persona ta malo of hopi malo, e por ricibi e Santa Oleo pa medio di un Sacerdote cu ta resa cun'e. E Sacramento di Santa oleo ta pa e persona por wordo sana spiritualmente di su pikanan y tambe p'e wordo sana fisicamente di su enfermedad p'e cuminsa un bida nobo. Tin biaha Dios ta sana e persona spiritualmente so, pa e persona prepara su mes pa e duna cuenta di su bida dilanti di Cristo Hesus. Bijbel Hacobo 5: 14 – 15; “Tin hende malo cerca boso? Lag'e jama ancianonan di Iglesia, laga nan resa p'e y hunt'e cu azeta den nomber di Senjor. Y e peticion ey haci cu fe, ta cura e hende malo, Senjor ta lant'e y si e a haci pika, Senjor lo pordon'e.” E Sacramento di Santa Oleo, ta wordo administra pa Sacerdote, sea na cas of na hospitaal. Un mensahero di Dios.

CLASIFICADO

Tipline: 585 9500

Pagina 31

Dialuna 29 Juni 2020

FOR SALE 2016 83km 16500 fl CEL 5694343

2018 low mileage 25 mil fl negosiable

ORACION DI DIA

Un dia bendiciona rumannan y cu Señor colma nos cu Su gracia na abundancia “Si boso bay un caminda y nan rechasa boso eynan y no kier tende di boso, sacudi boso pia kita stof pa adverti e hendenan di e luga ey ” Mc. 6, 11) Cada biaha cu nos asisti e Santo Sacrificio di misa Diadomingo, na final, nos cada uno ta haya e mandato aki pa nos” bay y plama e Palabra di Dios”. Na momento cu Hesus a manda Su discipelnan sali bay dos dos pa predica, Hesus tabata sa cu esaki lo no bay facil. Lo tin hopi obstaculo ariba nan caminda. E discipelnan no a hiba nada cu nan, pa nan no ta mara na algo of ta distrai den locual nan mester haci. Nan a hiba solamente e Palabranan y Enseñansa di Señor Hesus. Y enberdad, anos tambe cu tin cu sali, plama e Palabra y busca contacto cu otro hende mester haci mescos. Educa bo mes. Conoce Palabra di e Santa Scritura. Y bay plama esaki. Ya tin basta hende cu si ta cumpli y ta comparti e Palabra di Dios cu otro. Un bunita trabou e ta! Cunucu ta grandi pero trahado ta poco. Cuanto di nos NO ta bay.... pa miedo di cu nos ta wordo rechasa? E Palabra di Señor cada biaha ta bira mas dificil pa hiba na nos pueblo. Hende no sa cuanto un palabra di consuelo por yuda otro? Y cu e Palabra di Dios lo por haci milager of significa algo den bida di un hende cu ta anhela di scucha algo asina? Of kisas trece un cambio den nan bida! Abo tambe ta sinti bo mes yama pa parti of comparti cu otro tur locual bo sa di Hesus y di Tata Dios? Bo lo por sali hunto, dos dos y bay proclama . Sali y hiba na tur cu tin mester di dje e Palabra di Dios, cu ta duna fortalesa. Pero, si un hende cera su mes pa bo, rechasa bo of no kier ricibi bo bon cu amor, sacudi e stof di bo sandalia y bay. Aleha di un hende asina. Bo no por yuda esnan cu no kier wordo yuda. Oracion: Señor Hesus, nos ta confia den Bo. Abo lo yuda nos tur cu ta desea di plama Palabra di Dios.Mi ta resa pa nos tin exito ora nos sali bay. Asina nos por hala mas hende, bini cerca Bo, Hesus, nos Señor y Dios. AMEN.

Pagina 32

Dialuna 29 Juni 2020 PRONOSTICO DI TEMPO VALIDO TE DIALUNA 29 DI JUNI 2020, 18:00 ORA. ELABORA DIADOMINGO 28 DI JUNI 2020 17:00 (21:00 UTC) TEMPO: AWE ANOCHI: LEVEMENTE TE PARCIALMENTE NUBLA CU UN POSIBLE AWACERO BREVE DEN MARDUGA I MAYAN: PARCIALMENTE TE TEMPORALMENTE HOPI NUBLA CU UN AWACERO LOCAL TEMPERATURA MAXIMO 33 GRADO CELSIUS TEMPERATURA MINIMO 27 GRADO CELSIUS BAHADA DI SOLO : 7:09 PM SUBIDA DI SOLO : 6:18 AM. BIENTO: FOR DI DIRECCION OOST I MODERA TE BASTA FUERTE FORSA 4 TE 5 (20 TE 39 KM/ORA, 11 TE 21 NUDO). DEN DIA FUERTE TE DURO DEN RAFAGA; FORSA 6 TE 7 (40 TE 61 KM/OR, 22 TE 33 NUDO) SITUACION GENERAL DI TEMPO PA PROXIMO 24 ORA: HUMEDAD DEN PARTINAN MAS ABOU DI ATMOSFERA TA SUFICIENTE PA PRODUCI LOCALMENTE UN AWACERO DURANTE PRINCIPALMENTE ORANAN DI MARDUGA I MAINTA DI DIALUNA. UN OLA TROPICAL LO DRENTA PARTI OOST DI CARIBE DEN CURSO DI AWE NOCHI LAAT PA MAYAN DIALUNA TRECIENDO ALGO DI HUMEDAD DEN REGION LOCAL DEN CURSO DI ORANAN LAAT DI DIALUNA PA DIAMARS.

Crossword puzzles

MAS ALEU POR BISA CU STOF DI SAHARA TA PRESENTE DEN AREA DI CARIBE CU CONCENTRACIONAN VARIA. TA SPERA UN REDUCCION GRADUAL DI E CONCENTRACION DURANTE PROXIMO DIANAN. SINEMBARGO, TA SUGERI PERSONANAN CU DIFICULTAD RESPIRATORIO Y ALLERGIA PA SIGUI TENE CUENTA CU ESAKI. CONDICIONAN MARITIMO/ ESTADO DI LAMA: UN ESTADO DI LAMA GENERALMENTE MODERA TA WORDU SPERA PA PROXIMO 24 ORA. OLANAN LO TA FOR DI OOST ENTRE 4 PA 7 PIA LOCALMENTE. E OLANAN DI MAS HALTO TA NA E PARTINAN OOST TE NOORDWEST. AVISO/ ALERTA: NINGUN; SINEMBARGO TA SUPLICA OCUPANTENAN DI BOTO CHIKITO PA BAI CU CAUTELA RIBA LAMA HABRI, ESPECIALMENTE NA PARTI OOST TE NOORDWEST DI COSTA. FENOMENONAN SPECIAL: UN NUBIA DI STOF DI SAHARA TA MOVIENDO DEN AREA DI CARIBE CU CONCENTRACIONAN VARIA. E CONCENTRACION DI STOF LO BAHA GRADUALMENTE DEN CURSO DI PROXIMO DIANAN. TEMPO TROPICAL SIGNIFICANTE: NINGUN POTENCIAL DI AWACERO PA PROXIMO 24 ORA: 1 TE 3 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA: AIRPORT : MAX 32 / MIN 25 / 5.4 MM WESTPUNT: MAX 31 / MIN 26 / 6.6 MM STA ROSA: MAX 32 / MIN 26 / 5.6 MM PRONOSTICO DI TEMPO PA PROXIMO 3 DIANAN: PARCIALMENTE NUBLA, POCO STOFFERIG CU UN AWACERO BREVE. BIENTO LO TA FOR DI DIRECCION OOST; MODERA TE BASTA FUERTE; FUERTE TE DURO DEN RAFAGA; TEMPERATURA ( GRADO CELSIUS) MAX / MIN LO TA: 33

/ 27