Issuu

Dialuna 20 Juni 2022

Solo di Pueblo

Aña 16 - edicion 702

E-mail: solodipueblo@gmail.

Prijs: Afl. 1.75

Antoni Gario a pone fin na su bida den cel na Shaba ARIBA DIA DI TATA

Nelson Andrade a dal un scooter na Santa Helenestraat lastre algun meter Control a faya na warda di Shaba? Tin hende cu no a haci nan trabao GRANDIOSO APERTURA DI WEGANAN ESCOLAR WE ARUBA 2022

Dialuna 20 Juni 2022

Nelson Andrade a dal un scooter na Santa Helenestraat lastre algun meter

Santa Helenastraat – Diasabra mainta algo pasa di 10’or polis y ambulance a sali pa altura di Xavier University, unda un auto a dal un Scooter electrico. Ta trata di Nelson Andrade cu ta esun envolvi den accidente.

Landsrecherche a wordo encarga pa investiga morto di Gario

Ministerio Publico a informa den un nota cortico cu Landsrecherche a wordo encarga pa investiga e caso.

Lo tin varios pregunta cu mester wordo esclareci, esta unda e vigilancia a keda, cu por a dune oportunidad pa haci loke a wordo haci.

Dilanti di su Van Changan a haya e Scooter di coriente pega parti abao y por a mira cu Andrade a lastra e Scooter un par di meter, pero cu pa suerte no a pasa riba dje. Ariba caminda tawata tin e marca di e Scooter cu a wordo lastra algun meter. E chofer di e scooter mustra oke pero asina mes ambulance a yega y Paramediconan a lage subi den e ambulance pa haci un check up. Departamento di trafico tambe a wordo pidi. Na e sitio Andrade a splica cu e no a mira e Scooter y a dal e. No por descarta cu aki por ta trata di falta di atencion riba trafico.

Control a faya na warda di Shaba? Tin hende cu no a haci nan trabao No ta normal cu un preso lo pone fin na su bida den cel. Tin protocolnan di seguridad cu ta regla esaki. Pa di prome un preso lo no ta permiti cu tanto material cu lo por facilita pe mata su curpa. Di otro banda, unda control a keda ? Departamento di CEA y POLIS mester tin vigilancia regularmente. Kico a pasa? Con bin ningun seguridad a constata su intencion? No tabatin control? A laga preso pa su cuenta pa un bon rato ? Un investigacion ya a wordo habri cu lo mester bay trece claridad ta kico a pasa y con ta bay atende cu e seguridad aki den futuro. Estando preso, e precion por ta asina grandi, cu e por causa depresion y un total blackout, y pone hende haci cosnan, cu por y mester wordo evita den un cel.

Dialuna 20 Juni 2022

Antoni Gario a pone fin na su bida den cel na Shaba

ARIBA DIA DI TATA: A PONE FIN NA SU BIDA Diadomingo mainta algo despues di 11’or, alarma a wordo bati na warda di polis na Shaba, ora cu a descubri Antoni Gario den cel den posicion cu el’a pone fin na su bida. Cu maximo urgencia a pidi ambulance pa duna asistencia. Na yegada ambulance a traha cune, pero sin exito. Gario a pone fin na su bida, riba dia di tata. Gario a wordo deteni dos dia pasa, riba denuncia di su propio yiu muher, pa actonan di abuso sexual, na momento cu su yiu no tabatin 16 aña ainda. Ministerio Publico a bisa cu e investigacion ta di 2019 y no tabata facil, pero awor ta asina leuw cu nan por detene Gario pa haci’ele responsabel. Gario a dicidi cu e lo no kier confronta husticia. Den su mes palabranan usa den pasado, cu esey ta “shame for fame”. Gario ta bini di un hubentud, unda el’a wordo bandona pa su

mayornan y na dado momento a crece serca otro famianan. Tabata biba den Imeldahof y asina e tabata por a acudi cerca varios famianan na Aruba. Un hubentud di lucha, pero alaves a surpasa tur reto y tabata manera un lider pa su amigonan di infancia.

Aparte di su problema cu husticia, Gario ta un musico grandi di nos pais. E ta un di e poco musiconan cu pa 30 aña largo por a wanta un musical band, y cu asina hopi fanatico, y fanatico hoben. E morto di Gario sigur lo ta un impacto riba su famia,

conocirnan, su banda Le Groove y demas fanaticonan y hasta esnan cu no conoce, pero toch gusta su ambiente musical. Solo di Pueblo ta extende condolencia na famia, amigo, banda y fanaticonan.

Informe di polis: Dr. Textier a constata morto pa 1.05pm a 11:30 di mainta Polis di na Warda di Polis Noord ta informa Central di Polis cu un preso lo a pone fin na su bida. Manera cu e informe a drenta Centra di Polis ta despacha ambulance cu maximo urgencia pa Warda di Polis Noord. Na yega di personal di ambulance no por a haci nada mas pa cu e persona. Pa 1:05pm Dr. Texier ta constata morto di e persona W.A.G.M..G. di 52 aña. Cuerpo di Landsrecherche Aruba tin e caso aki bao investigacion. Cuerpo Policial Aruba ta manda palabranan di condelencia na e famia di e fayecido.

Dialuna 20 Juni 2022

Van y Scooter di coriente envolvi den accidente na Santa Helena

Santa Helenastraat Diasabra mainta algo pasa di 10'or polis y ambulance a sali pa altura di Xavier University, unda un auto a dal un Scooter electronico. Na yegada di polis a topa cu colega di nos di Prensa Speed cu ta esun envolvi den accidente. Dilanti di su Van polis a constata e Scooter di coriente pega y por a mira cu Andrade a lastra e Scooter. Ariba caminda tawata tin e marca di e Scooter cu a wordo lastra algun meter. E cabayero ariba e vehiculo a tawata ok pero asina

mes ambulance a yega y Paramediconan a lage subi den e ambulance pa haci un check up. Departamento di trafico tambe a wordo pidi. Na e sitio nos a compronde cu Andrade lo no a mira e Sccoter y a dal e.

Dialuna 20 Juni 2022

CMB patrocinando deportistanan di Colegio Nigel Matthew Aruba

Caribbean Mercantile Bank N.V. (CMB) ta orguyoso semper di aporta na nos comunidad, specialmente esnan cu ta mustra nan discplina y empeño pa mehora paso pa paso, dia pa dia. E biaha aki a toca oportunidad na deportistanan di HAVO school na San Nicolas, Colegio Nigel Matthew Aruba (CNMA), tanto como teamnan di mucha muher como di mucha homber. Ambos despues di a sa di duna nan miho riba veld a logra obtene posicion number 4 den finalnan di futbol pa meisjes y jongens. Sigur ambos bon team, cu bon coach, y tremendo hungadornan. CMB kier felicita CNMA nan team di futbol meisjes y jongens cu nan logro. Sigui cu e entrenamientonan duro y serio, y e fruta di esaki boso mes lo disfruta di nan. Masha masha pabien!

Dialuna 20 Juni 2022

Minister Maduro di Finansa:

E pandemia a cambia e scenario financiero di Aruba, pero e focus di Gobierno pa yega na un finansa publico manehabel y sostenibel a keda mesun cos Locual falta ta norma financiero adapta na e realidad financiero post-pandemia un plan financiero y economico pa stipula e pasonan cu Gobierno lo tuma pa cambia e rumbo financiero di Aruba. Asina por constata cu na fin di aña 2019 a logra yega na un surplus, despues cu pa 12 aña largo Aruba a conoce deficitnan grandi.

- Riba e tereno di finansa publico, Aruba a bin ta dal stapnan grandi den e bon direccion. Despues cu na aña 2015 Aruba a conoce supervision financiero debi cu e Gobierno e tempo eynan a laga bay di tur normanan di un finansa publico manehabel, na aña 2017 a cambia e rumbo di finansa publico di Aruba pa bay den un direccion mas manehabel y sostenibel. E pandemia mes a trece un cambio grandi den e scenario financiero di Aruba, pero e focus di Gobierno pa yega na un finansa publico manehabel y sostenibel, a keda mesun cos. Locual falta ta normanan financiero adapta na e realidad financiero post-pandemia.

Di deficit pa surplus

Aruba a core cu deficitnan grandi den e periodo di 2010 pa 2015. Esey tabata motibo tambe pakico Aruba a wordo someti na supervision financiero. Na aña 2017 Gobierno a cambia di signatura y di rumbo y na aña 2018 Gabinete Wever-Croes a prepara

A kibra tendencia di crece debe

Aruba su debe externo a wordo redobla cu 2 mil miyon florin den un tempo record di 4 aña den e periodo 2010 pa 2014. E debe aki ta pone un presion grandi riba finansa publico y ta afecta economia di Aruba. Na aña 2018, Gobierno a tuma paso pa frena e crecemento di debe y asina por constata cu na aña 2019 ta logra kibra cu e tendencia di crece debe. Despues cu di aña 2014 pa 2018, Aruba su quota di debe tabata fluctua rond di 75%, na aña 2019 e quota a baha bay na 71% y di e manera aki a logra kibra e tendencia di crece e debe di nos Pais.

A cumpli cu norma nan di Protocol di november 2018 Pa sigura cu e rumbo financiero ta cambia na Aruba, a cera un protocol cu Hulanda na november 2018 den cual a stipula algun norma financiero pa deficit, debe y gasto di personal pa e añanan 2018 pa 2021. A wordo palabra pa yega na un surplus na aña 2020 di

0,5% cu ta equivalente na 25 miyon florin y na aña 2021 y despues un surplus di 1% cu ta 50 miyon florin. Aruba a logra yega na fin di aña 2019 na un surplus chikito di 3,9 miyon florin. Pa aña 2020 a logra entrega un presupuesto cu un surplus di 46 miyon florin na Parlamento, pero e pandemia a cambia e scenario financiero. Pa e debe a stipula un bahada di e quota di debe na 70% na aña 2027 y na 50% na aña 2039. Aruba a logra yega na 71,8% na aña 2019 cual ta indicacion cu lo cumpli cu e norma aki di forma adelanta, sino tabata pa e prestamonan cu mester a wordo haci na Hulanda pa por a enfrenta y surpasa e pandemia di Covid-19. Pa e gastonan di personal a palabra pa kibra e trend di subida di gasto di personal, reduci esaki tur aña y pa tene esaki bou di 479 miyon florin. Aruba a cumpli door di contene gasto pa por a keda bou e nivel di 479 miyon. Pues Gobierno a logra kibra e trendnan di crecemento di deficit, debe y gasto di personal y ta logra cumpli asina grandemente cu e normanan di e Protocol di november 2018.

Locual falta ta normanan f inanciero adapta na e realidad f inanciero p o s t pandemia

E pandemia a cambia e realidad financiero di Aruba. Na aña 2020 y 2021, Aruba a core cu deficitnan enorme debi cu entrada a cay drasticamente. Aruba mester a fia 916 miyon florin di Hulanda y esaki a pone e quota di debe bay te 127,1% na 2020 y 108% na 2021. Gobierno a purba pa contene su gastonan y wanta mas cu por na tur palabracion di e Protocol y tambe na tur condicion cu Hulanda a impone pa por a yega na fiansa nan di Covid. Sinembargo e realidad financiero cu Covid a trece cune pa mundo y Aruba, ta exigi un adaptacion di e normanan. Keda wanta na e normanan pre-covid pa deficit, debe y gasto di personal den e tempo nos dilanti, ta hiba na resultado irealistico y ta haci daño na gobernacion y economia di Aruba. Sigur en

bista di e reformanan necesario den cuadro di e palabracionnan di 'Landspakket,' keda wanta na norma pre-covid no lo duna resultado positivo pa Aruba. Pa Aruba por keda focus den direccion di un finansa publico manehabel y sostenibel, locual cu falta ta norma financiero adapta na e realidad financiero post-pandemia. Eynan e energia di tur negosacion cu Hulanda, supervision di CAFT y e debate publico mester ta dirigi. E pandemia por a cambia e scenario financiero di Aruba, pero e focus di Gobierno y di Minister di Finansa di Aruba pa yega na un finansa publico manehabel y sostenibel, a keda mesun cos. Cu norma financiero realistico, e trabou di mehoracion financiero por sigui na bienestar di Pais Aruba.

Dialuna 20 Juni 2022

Opinionnan mixto pa cu morto repentino di Gario

Diadomingo atardi, ora e noticia cu Gario a pone fin na su bida den cel a yega pueblo, por constata un variacion di comentario y opinion; Esnan cu no ta pordon’e Un grupo grandi a expresa repudio na e acto di pedofilia cometi contra su propio yiu, y no ta pordon’e. Nan ta haya cu loke el’a haci di pone fin na su bida ta bon, ya cu asina e mes a zorg pa kita su peliger, pa no ocaciona ningun victima mas. E mes grupo aki tambe ta di opinion cu Gario mes a mata su herencia musical y cu esun cu dune aplausa pa su trajecto musical, indirectamente ta apluadi su accionnan di pedofilia Esnan cu ta su fanatico musical di Le Groove y Soca ta yora su partida Tin un otro grupo cu irrespecto

e acusacion, ta mira Gario como nan artista favorito, pa su muziek y soca. Nan ta yora e repentino morto di nan artista, nan banda, nan ambient’i carnaval. Nan ta bisa tambe cu un cos no tin di haci cu e otro; y cu nan ta apoya Gario su trajecto musical, no kemen automatico cu nan ta pro na loke el’a wordo sospecha di dje. El’a admiti su culpabilidad Un mayoria ta pensa cu dor di a pone fin na bida, ta muestra di culpabilidad. Si tabata inocente, lo a demonstra esey. Ta un realidad cu e opinionnan ta sweet & sour y por conclui cu e ultimo acusacion, a ocaciona hopi daño na Gario cual tabatin un impacto enorme riba su persona, kisas hinke den depression, cu a conduci’e

pa termina su bida y sali di tur proceso di husticia mas facil. Algun ta jama esaki pa un acton di cobardia. Nos ta cera cu un opinion encontra riba facebook, cu ta purba na mengua e criticonan: Un hende pr ta ladron drug dealer , drogado , Choller , mal hende matado i asta un Pedofiel

pero ora nan fayece e a bai caba en tei mas! i si bo ta contento cu ela fayece ta bo opinion i ta respeta .. pero su famia nn ta sufri i ta sinti dolor cu nan a perde nan ser queri !!!!!! .. pero sikiera un tiki respet pa su famia ... Paso cada famia por pasa den e kos aki cada famia tn rabo largo nn tras !!!!

Señora Omaira Lares Directora di DRH

AMBTENAARNAN TIN TE CU 14 DI AUGUSTUS 2022 PA ENTREGA PETICION PA VUT Diahuebs mainta durante conferencia di prensa di Gobierno di Aruba, Prome Minister Evelyn Wever-Croes y Directora di Departamento di Recurso Humano (DRH) señora Omaira Lares a dun splicacion amplio riba e areglo di VUT cu diaranson ultimo 15 di juni a habri pa tur ambtenaar cu desea di aplica pa e areglo aki.

pa yena un formulario y/ of ricibi informacion y splicacion di e posibilidad pa tuma VUT, por haci esaki via di vut@drh.gov. aw of por yama na 5229999. Haciendo esaki, DRH por haci un cita cu esnan interesa, y duna cualkier informacion of calculacion cu e ambtenaar ta desea, prome cu un decision wordo tuma.

Señora Lares a duna splicacion mas detaya di tur loke ta encera VUT-regeling 2022. Por aplica te cu diadomingo 14 di augustus 2022 y e ultimo fecha pa por baha cu VUT ta 1 september 2023. Conforme ley, un ambtenaar tin dos luna di tempo, segun e temporada stipula, pa entrega e peticion. Cualkier ambtenaar cu tin deseo

Algun informacion importante pa tene cu ne ta entre otro e maximo di 36 luna cu por haya e uitkering. E cantidad di luna cu un persona tin derecho riba dje ta bay segun e cantidad di luna cu un persona ta den servicio di Gobierno. Un otro punto importante pa tene cuenta cu ne, manera poni den ley, ta e periodo di ‘onafgebroken

diensttijd’. Si un persona tuma BVVD y bay biba den exterior pa 3 aña y despues bin bek, esaki ta wordo conta cu a interumpi su periodo di servicio. Unabes cu un persona bay cu VUT, e ta haya 90% di e suma di su ultimo salario mensual pa e prome 12 lunanan, sigui pa 80 % y despues 70%. Ademas tin algun toelage cu cada ambtenaar ta bin na remarke pe, depende di e trabou di e diferente ambtenaarnan cu ta determina si ta ricibi nan of no. Tambe si durante e periodo cu e ta cobrando VUT e persona fayece, e ta haya su ‘overlijdingsuitkering’ di ambtenaar hunto cu e 3 luna uitkering manera un ambtenaar activo lo haya. E ambtenaar inactivo

no ta haya e dianan di vakantie, atv-dagen, overtime etc. pa motibo cu e no ta activo y no ta acumula esakinan. Un aspecto hopi importante tambe ta e hecho cu den ley tambe tin e asina yama ‘terugkeer verbod’ den dienst, cual ta valido pa un periodo di 5 aña pa un persona cu tuma VUT. E organisacionan unda cu e persona no por bay traha ta wordo menciona den ley. E mag di traha den sector priva pero no na un entidad cu ta liga na Land Aruba. Unbes cu un aplicacion drenta, e comision mester dicidi dentro di 4 siman despues di ricibi e peticion riba e peticion di VUT. Den caso di tardansa, e departamento lo percura

pa manda un carta y informa e ambtenaar di e tardansa. Por ultimo, DRH ta recomenda esnan cu ta desea di ricibi mas informacion tocante locual e ta bin na remarke pe, pa tuma contacto cu DRH pa e calculacionnan wordo haci den cada caso specifico.

Dialuna 20 Juni 2022

Minister Endy Croes:

GRANDIOSO APERTURA DI WEGANAN ESCOLAR WE ARUBA 2022

Organisadonan ta yama danki na tur esnan cu a haci esaki posibel y ta aprecia tur sugerencia di comunidad di Aruba

grandi atrobe.

E gran apertura di Weganan Escolar (WE) Aruba 2022 a tuma luga diabierna ultimo na unda cu sigur nos muchanan cu a participa y publico en general como tambe pueblo cu a wak esaki via canal di televisionnan y medionan social, a goza y a demostra e entusiasmo cu a reina pa e evento escolar aki. Manera conoci, Gabinete Wever-Croes, bou maneho di Minister di Enseñansa y Deporte, Endy Croes, a duna balor na e weganan escolar y a pone den un bachi nobo.

Ta e intencion pa Weganan Escolar bira popular un biaha mas na Aruba na unda cu muchanan por cera un aña escolar den un competencia deportivo sanamente cu otro. Despues di e evento, Gobierno di Aruba, Ministerio di Enseñansa y Deporte, IBISA y DCA a haña diferente feedback di comunidad di Aruba. Cu hopi esfuerso di e entidadnan aki y despues di varios aña y cu cooperacion estricto di varios ‘stakeholder’, a logra e meta pa haci e Weganan Escolar algo

Cultura y deporte ta un pilar hopi importante pa desaroyo di pais Aruba. Despues di temporada dificil di pandemia, y mirando cu Aruba ta den pleno recuperacion, ta nesesario pa duna atencion na temanan positivo den comunidad, manera ta e caso cu e Weganan Escolar. E organisadonan a opta pa haci e apertura den un tema festivo den combinacion cu un parti formal y un parti oficial na unda un gran parti di e mandatarionan y representantenan di organisacionnan deportivo nacional y internacional tabata

presente. Pa percura cu tin un bon balans, a opta pa celebra e apertura manera cu ta custumber den tradicion y normanan Arubano. Bunita tawata pa wak e defile di scolnan participante pasa cu alegria pa cuminsa competi cu otro scolnan cu e speransa pa fortifica lasonan di amistad y hermandad entre nos muchanan. Un banda musical a toca pa anima tur presente y tambe tabatin un brassband y DJ. Tambe a percura cu e muchanan participante haña algo di come y bebe, algo cu scolnan y mayornan a aprecia masha hopi. Minister Endy Croes y

organisadrnan ta gradici tur esnan cu tin sugerencia, conseho y of critica constructivo cu por yuda mehora e organisacion di Weganan Escolar, y en general mehora nos custumbernan tambe di celebra proyectonan den un manera mas saludabel. Cada sugerencia, conseho y critica constructivo ta bon bini y ta wordo teni cuenta cu ne pa e planiamento di e Weganan Escolar 2023 pa asina por haci e evento aki mas grandi ainda cu esun di 2022 cu apenas a cuminsa. “Hunto nos ta logra un comunidad mas saludabel y activo y nos ta desea tur mucha cu ta participa den e Wegannan Escolar 2022 hopi exito”, Minister Endy Croes a expresa.

Dialuna 20 Juni 2022

La Cabana ta honra su empleadonan La Cabana Beach Resort & Casino a organisa nan 100 Days Of CelebrateU, un serie di actividadnan y festividadnan diseña pa expresa aprecio pa su empleadonan. E programa lo bay dura mas cu 100 dia, y lo reconoce henter e comunidad di e resort. E kick-off oficial a inicia cu un Grab & Go Breakfast na entrada di area di empleadonan, cu presencia di Management Team, dunando bon bini na e empleadonan na comienso di nan dia. 100 Days Of CelebrateU! ta crea pa reconoce e empleadonan di e resort y ta demostra nan gratitud inmenso pa nan diligencia y dedicacion durante e 100 dianan di zomer 2022. E actividadnan cu ta planea lo brinda un experiencia fuerte, positivo y alegre durante e mas cu tres lunanan aki, como tambe subraya e meta di e resort, su balornan y ambiente positivo di sosten. Algun di e actividadnan pa luna di Juni ta inclui celebracion pa Dia Di Tata den Ballroom, mountain bike ride cu General Manager Joe Najjar y hiking den cunucu durante ultimo fin di siman di e luna. E prome aventura di mountain bike a tuma luga recientemente Diadomingo, dirigi por medio di Najjar, empleadonan a disfruta di un bunita bista patras na e costanan di e isla.

E resort a haci un areglo cu un comerciante local di bicicleta pa

facilita e huur cual a resulta den un aumento di popularidad pa e

deporte, cual bo por wak den e imagen.

Dialuna 20 Juni 2022

Prome Minister Evelyn Wever-Croes:

PROME REUNION CU SECRETARIO DI ESTADO VAN HUFFELEN

“Pa Aruba esaki ta hopi importante pasobra nos meta ta pa sali for di e crisis aki mas fuerte y mas resiliente”

Diasabra anochi 18 di juni, e prome reunion riba nivel di Gobierno di paisnan den Reino y Secretario di Estado Alexandra Van Huffelen a tuma luga. E prome reunion aki tawata entre Aruba y Hulanda. Pa Aruba tawata presente Prome Minister Evelyn Wever-Croes y Minister Xiomara Maduro y pa Hulanda Secretario di Estado Van Huffelen y e respetivo delegacionnan. E punto di agenda tawata temanan financiero. Entre otro Presupuesto 2022 y Rijkswet Aruba Financieel Toezicht, (RAFT). Riba RAFT a delibera extensamente y Aruba a accentua e preocupacionnan cu tin y Hulanda tambe a trece dilanti nan puntonan. A haci palabracionnan concreto di e siguiente pasonan cu lo tuma riba RAFT. Diadomingo anochi, e di dos reunion lo tuma luga hunto cu Premier di Corsou Gilmar Pisas y Premier di Sint Maaten Silveria Jacobs. Presente tambe lo ta Vice Premier di Corsou Ruthmilda LarmonieCecilia y Minister di Finansas di Sint Maarten Ardwell Irion y demas

delegacionnan. Dialuna lo continua cu e reunionnan henter dia. E puntonan di agenda ta e recorte di salario di 12,6 %. E topico aki, a bin riba agenda na ultimo momento riba peticion di Corsou y Sint Maarten cu ta den situacionnan poco diferente cu di Aruba. Pa Aruba esaki ta hopi importante pasobra Secretario di Estado Van Huffelen lo pone e punto aki riba agenda di e Conseho di Minister di Reino diabierna awo pa asina Aruba por cumpli cu e condicionnan y por paga e 5% cu Gobierno kier paga na juli. COHO tambe ta riba agenda como tambe e futuro relacionnan den Reino. “Nos tin dianan pisa di reunionnan nos dilanti, pero importante ta cu nos ta dialogando y deliberando riba e futuro di e ‘Consensus Rijkswetten’ y con lo sigui traha hunto. Pa Aruba esaki ta hopi importante pasobra nos meta ta pa sali for di e crisis aki mas fuerte y mas resiliente. Pa esaki nos tin palabracionnan haci, implementa reformanan pa logra esaki y nos ta cumpliendo cu e

Landspakket pa esaki. Nos kier tin claridad di e trayecto cu tin nos dilanti

pasobra nos kier sali mas lihe cu ta posibel for di e crisis pero sigur mas

fuerte y mas resiliente”, Prome Minister a enfatisa.

Dialuna 20 Juni 2022

DTI ta informa pa tin bo documentonan na ordo y haci bo afspraak na ora pa asina bo tin un keuringskaart valido DTI su balie ta habri di Dialuna pa Diabierna; di 07:45am-11:30am y di 13:00-15:30pm. Alavez DTI ta informa cu pa traha un afspraak pa keur un vehiculo di motor mester presenta personalmente na balie cu e siguiente documentonan; 1. Registracion di e vehiculo (Registratie DIMP). 2. Polisa di seguro di e vehiculo. (Imprimi, no digital). 3. E keuring ta costa Awg. 50,- y mester wordo paga ora traha e afspraak. 4. Vergunning (si ta un vehiculo di transporte publico). Dia di keuring e cliente mester trece e siguiente documentonan: 1. Registracion di e vehiculo (Registratie DIMP).

2. Polisa di seguro di e vehiculo valido. (Imprimi, no digital). 3. Recibo di DTI cu e fecha di afspraak. 4. Vergunning (si ta un vehiculo di transporte publico). Companianan lo por tin e posibilidad pa keur nan fleta ariba un diasabra pero pa esaki mester traha afspraak y por contact Chef Voertuigkeuring na Tel: 5937949. Ki ora bo mester keur bo auto? Si bo a cumpra un vehiculo nobo di fabrica pa uzo personal bo tin cu añadi 3 aña ariba e bouwjaar y es aña ey bo persona lo tin cu keur bo vehiculo pa prome biaha. Por ehempel es aña aki e vehiculonan pa uzo personal cu bouwjaar 2019 lo mester bin keur pa prome biaha.

Despues di e prome biaha e vehiculo di motor pa uzo personal mester wordo gekeurd cada 2 aña. Pa transporte publico (personenvervoer) ta conta otro duracion: Vehiculonan cu uzo como autobus, bus, taxi, tour-operators (T-O) etc, tin cu keur cada aña y e vehiculonan nobonan prome cu nan subi caminda nan lo mester keur esakinan. Den caso cu si nan a haci cambionan na e vehiculo of tabata den un accidente lo tin cu bin pa keur esakinan un bez mas prome cu haci uzo di nan ariba carretera. Pa vehiculonan di compañia (bedrijfsauto’s), trucks, pickup tin cu keur cada 1 aña. DTI ta boga pa e seguridad y ta haci e petición pa tin un keuringskaart valido!

Dialuna 20 Juni 2022

SDG Aruba ta haci un yamada na comunidad pa comparti cu nos:

“CON BO INICIATIVA TA CONTRIBUI PA LOGRA E 17 METANAN PA UN DESAROYO SOSTENIBEL” Comparti bo iniciativa cu Nacionnan Uni

Den september 2015, tur miembro di Nacionnan Uni (UN) unanimamente a adopta e programa internacional mas integral y ambicioso pa por crea un mundo mas sostenibel pa tur, creando 17 meta specific, Metanan Mundial pa Desaroyo Sostenibel (SDGs), pa logra un miho mundo cu nos tin awo pa 2030. Aruba tambe ta parti di e esfuerso pa por logra e obhetivo aki. Pa crea un miho Aruba y uno mas sostenibel, nos kier scucha mas di e sector educacional, negoshinan y organisacionnan no gubernamental y departamentonan, con nan ta contribui na e metanan aki. Ta requeri e esfuerso di tur pa logra e metanan. E lista di “TO DO’s” aki ta crea un agenda na unda cu e desaroyo no ta basa solamente riba e perspectiva economico pero tambe ta inclui aspectonan social y di medio ambiente. Pa por implementa un structura efectivo di e Metanan Mundial pa Desaroyo Sostenibel (SDGs)

y e agenda extenso pa 2030 y crea un Aruba miho y sostenibel, ta rekeri un comunidad comprometi y mas activo. Mas uni nos ta, mas y miho nos ta logra. Realisando cu no tur por wordo realisa pareu. Pa sigui encurasha paisnan pa implementa e metanan aki, Nacionnan Uni a establece un proceso yama “SDG Voluntary National Review (VNR)” cu ta permiti paisnan reporta riba e implementacion di e metanan aki y pa esaki wordo revisa. E proceso di revision door di miembronan, lo provee recomendacionnan riba con pa mehora e proceso di implementacion di e metanan aki riba nivel nacional. Basa riba e revision, recomendacionnan ta wordo duna pa mehora e proceso di implementacion nacional di e metanan di Nacionnan Uni. Aruba lo ta inclui den e ‘SDG VNR Report’ di Reino Hulandes.

Riba 14 di juli 2022, tur pais den Reino Hulandes lo presenta na Nacionnan Uni e progreso cu nan a haci den implementacion di e SDGs y lo accentua tur e retonan cu nan tabata confronta. Tur esaki ta den e “Aruba SDG Report” cu lo wordo presenta na Nacionnan Uni. E comision di SDG Aruba, cu a keda institui pa provee un direccion strategico y pa coordina e implementacion di e SDGs, a organisa diferente sesion pa envolve e comunidad pa identifica bon practicanan di organisacionnan local den implementacion di e metanan di Nacionnan Uni. A captura y raporta varios iniciativa. Sinembargo tin mas inicitaiva y oportunidadnan na Aruba cu por contribui den logra e SDGs. Riba e website nos ta comparti e storianan aki den un rapport mas elabora. E rapport di Reino lo wordo entrega na Nacionnan Uni den un forma

digital cu un link na e website di SDG Aruba www.sdgaruba.com. Pa esaki, nos ta pidi e sector educacional, organisacionnan y/ of companianan pa entrega nan storia di loke nan ta haciendo pa contribui na logro di e metanan aki. Por bishita e website di SDG Aruba y yena e formulario di e storia con bo compania ta implementando e SDGs na Aruba. Nos ta desea di siña di bo

Dialuna 20 Juni 2022

TIENDA DI EDUCACION:

E IMPORTANCIA DI NORMA & BALOR DEN BIDA DI UN MUCHA Y SU FAMIA Norma y balor, dos palabra cu cana hunto man den man y cu den hopi ocasion ta wordo uza pa e mesun proposito. Pero nos sa e kico ta realmente significa norma & balor? Nos lo por splica nos yiu(nan) kico norma y balor ta encera? Kisas cu e contesta ta un si of kisas simplemente no, nos no sa con y kico pa splica. Pa siguransa Tienda di Educacion ta splica e diferencia y tambe duna algun ehempel den e relato aki. Norma & Balor Kico nifica norma realmente? Un norma ta un regla di comportacion cu ta wordo acepta dor di henter un comunidad, por ehempel nos no ta dal otro, nos no ta grita otro of nos no ta uza violencia verbal. Y awor ta kico balor lo significa e ora? Un balor ta un concepto di locual ta wordo desea (un ideal) por ehempel nos ta respeta otro; nos tin tolerancia pa otro, nos tin amor pa nos prohimo. Pues simplemente un norma ta un comportacion cu ta wordo spera di un (grupo di) persona y balor ta e ideal tras di locual ta importante pa un (grupo di) persona. Tur persona, sea mucha of adulto, tin derechonan fundamental den un sociedad, pero tambe no por keda sin menciona cu tin varios obligacion pa cumpli cu ne den e mesun sociedad. Akinan ta caminda unda norma y balor ta sumamente importante ora ta trata educacion y lantamento di un yiu den e sociedad. Por bisa esaki ta un obligacion cu tur mayor of educador mester aplica den lantamento di un mucha. Corda un adulto ta un ehempel pa muchanan y muchanan ta refleho di locual adultonan ta proyecta. Tuma por ehempel nos actuacion den trafico vooral ora tin mucha(nan) den cercania. Tin varios ocacion cu errornan ta wordo cometi dor di otro automobilista(nan). Nos como adulto responsabel tin opcion pa

reacciona pasivo of escohencia pa e otro extremo pues agresivo. Un otro opcion ta pa ignora e error y sigui bo caminda. Den hopi paisnan grandi, caminda cu tin trafico pisa constantemente ta papia di e fenomeno di “road rage”, caminda cu violencia ta tuma lugar entre automobilistanan na momento di infraccion den trafico. Tin hasta casonan caminda cu ta termina den aggression pisa. Lamentablemente tur esaki ta sosode den presencia di muchanan di tur edad. Norma & balor, e base di un bon educacion pa famia!

Loke bo planta bo ta cosecha Si bo ta exigi di un mucha pa practica norma y balor den su bida abo como adulto tin e tarea di ilustra y proyecta esakinan tambe. Pues sea consciente di bo actuacion y escohencia di palabra. Muchanan lo observa tur movecion y actuacion cu su mayornan ta haci y lo copia sea algun of tur esakinan den un

forma of otro. Sea semper alerta kico un mucha ta observando, kisas ta for di bo mes persona of otro adulto. Comunica y splica e mucha asina bo ta ripara cu e tin duda of pregunta di un topico of actuacion. Muchanan ta mescos cu un spons, nan ta absorba hopi cos y lo crea un pensamento incorrecto si acaso no ricibi un contesta concreto. Ta pa e motibo aki mayornan y tambe educador tin un tarea importante pa cu formacion di futuro generacion di hoben y adulto. Tienda di Educacion Mayor bo no ta para pa e retonan aki boso. Ta tareanan cu por mustra dificil pero Tienda di Educacion t’ey na disponibilidad di comunidad di Aruba pa duna

abo sosten y guia gratis. Por contact Tienda di Educacion na 161 cu ta disponibel di dialuna pa diabierna di 8 am pa 6 pm non-stop. Tambe por bishita nan Facebook page pa comunica of pa keda informa di nan servicionan. Tienda di Educacion ta situa den edificio di Centro pa Hoben y Famia na Sabana Blanco 68-C y ta na servicio di henter comunidad. Nos muchanan ta nos futuro. Ban crea un futuro caminda norma y balor ta wordo practica constantemente. Ban nos tur trata otro cu respet y duna e mihor di nos cu e bon ehempel. E lo ta un inversion den nos mesun perspectiva di mañan y di tur otro dia cu lo sigui despues.

Dialuna 20 Juni 2022

Job Awareness Day tabata exitoso Aruba Marriott ta sigui recluta mas asociado Nair Tromp, stagiair di Universidad di Aruba, a conta di su experencia, cu e ta considera fenomenal. Su bista riba e sector hotelero tabata poco limita. E no tabatin hopi conocemento con cos tabata cana. Nan ta hayando les, specialmente e parti teoria, tocante e sector hotelero. Pero compara cu e practica, Tromp ta haya cu e ta un mundo completamente riba su mes.

– 19 di juni 2022: Aruba Marriott Resort & Stellaris Casino ta contento di a organisa nan Job Awareness Day e aña aki atrobe. Aña pasa a organis’e pa prome bes y e exito a causa cu mester a bolbe organis’e e aña aki atrobe. Meta di e evento ta pa cera e empleado miho conoci cu tur opcion di trabou den e compania, pa si acaso kier cambia di funcion. Tambe e evento ta sirbi pa asociadonan por recomenda un amigo of famia cu ta buscando trabou, pa trece nan pa join e famia grandi di Marriott. Reuella Reeberg, manager di Human Resources, a splica cu hopi biaha e colega ta traha den su departamento y ta asina druk bezig, cu no sa mes kico otro colega di otro departamento ta haci. Porta tin interes pa un

dia crece y join un otro departamento. Esaki tabata e oportunidad, unda cada departamento a setup nan booth y e asociadonan tabatin oportunidad pa bishita y busca tur informacion. Por a haci pregunta directamente n’e supervisor, manager y asina siña conoce e departamento mas di cerca, haya sa kico nan ta haci y asina por describi un pasion den un otro area. Aña pasa ora a organisa e evento, a nota cuanto asociado, de facto, tabatin un pasion scondi pa un otro funcion den e compania. Despues di esaki tabatin mas di 125 colega cu a transfer of a ricibi un promocion na aña 2021. Kiermen e tabata algo cu kier a ripiti e aña aki den 2022.

E ta haya cu ta algo great cu ta aplica teoria y practica, e ora por compronde mas miho. E tin masha bon experencia y ta conociendo hopi hende nobo. Tromp a expresa di ta mira un bon futuro na Aruba Marriott, pasobra e ta un organisacion hopi profesional. E hendenan ta tremendo, tin un cultura di servicio excepcional, ambiente di trabou ta hopi bon y Tromp a compara esaki cu tur otro caminda cu el a traha den pasado. E ta recomenda tur hende pa bin traha na Aruba Marriott. Sharell Croes, un otro stagiair di Universidad di Aruba, a expresa cu si bo ta un persona cu gusta siña, gusta traha cu huesped y dispuesto pa semper siña, e ta recomenda pa bin traha na Aruba Marriott. E ta un experencia maraviyoso como studiante y p’esey e lo kier traha na Marriott ora e caba di studia. E ta recomenda pa drenta Aruba Marriott den un posicion basico, pero cu bo mesun perseverancia, cu bo interes, cu bo interes y disciplina, hopi lihe lo crece. Yazira Feliciana awendia ta director di mercadeo y slot performance den Stellaris Casino. E ta corda di a drenta den un

posicion mas abou pero a haya oportunidad pa siña hopi, crece den e trabou y awe e ta ocupa un puesto den top. Aruba Marriott ta duna hopi oportunidad, ta duna bo tur herment y training pabo bay dilanti. E ta orguyoso di forma parti di un di e companianan cu ainda ta activa su pasion, ainda e ta siña den e compania aki, ainda e ta completamente pasiona pa sigui crece. Jason Bregita, senior assistant director di finansa, tin shete aña trahando vast na Aruba Marriott. Separa di a siña hopi, el a crece como profesional y como hende. Esey ta bin door di e coleganan cu e ta traha cu ne. E mentalidad eynan ta hopi open-minded y progresivo. Nan ta habri pa idea nobo y e ta bisa esey di experencia. Ta

un sentimento special cu bo ta sinti di ta n’un luga cu ta balora bo p’e habilidadnan cu bo ta trece. Aruba Marriott tin un programa yama “Bring your friend day”, den cual asociadonan di Marriott por referi un amigo y aplica pa un trabou. Segun Reeberg, den e programa aki Marriott ta compensa e colega cu referi un persona pa bin traha ey. Si tum’e na trabou, e empleado cu a recomenda ta haya un bonus. E bonus ta cuminsa fo’i 350 florin y bay t’e 2000 florin, depende e nivel di posicion. Cu esaki, cada un di nan cu tin un conoci, un amigo, un bisiña cu ta buscando un trabou, ta referi nan pa aplica p’un trabou na Marriott y asina ey nan por haya un incentive bonus.

Dialuna 20 Juni 2022

Prome Minister Evelyn Wever-Croes:

INAUGURACION DI WEGANAN ESCOLAR Prome Minister ta felicita Minister Endy Croes, IBISA, stakeholders y tur scol cu ta participa

Diabierna 17 di juni a tuma luga den Stadion Guillermo Prospero Trinidad, e apertura di Weganan Escolar, WE Aruba. Prome Minister Evelyn Wever-Croes tawata presente na e evento bunita aki na unda cu el a haya e oportunidad pa dirigi palabra durante e ceremonia cu a tuma luga. Presente tambe tawata Presidente di Parlamento señor Edgard Vrolijk, pa rla ment a r iona na n, m i n i s t e r n a n , invitadonan y e invitado special Ser. Denzel Dumfries. Pero ta tur nos muchanan presente tawata mas importante durante henter e evento. Despues cu algun tempo pasa cu Minister Endy Croes a anuncia cu Weganan Escolar lo cuminsa den juni, e entusiasmo a cuminsa crece wardando e dia aki yega. Den nomber di Gobierno di Aruba, Prome Minister a gradici especialmente minister di Enseñansa y Deporte Endy Croes, pa su vision y determinacion den haci

e soño aki posibel. Prome Minister a gradici IBISA, scolnan y diferente stakeholder pa organisa e tremendo Weganan Escolar bou di e nomber We ARUBA. Prome Minister ta felicita y gradici tambe e 35 scolnan cu a clasifica y lo competi contra otro den 8 diferente disciplina.

pa comparti alegria, fomentando deporte”, Prome Minister a expresa.

“Deporte ta trece nos tur hunto, pasobra ora nos mira nos muchanan, nos hobennan, nos adultonan den deporte, bo ta mira cu no tin distincion. Tin union. Y e union aki den deporte y den eseñansa ta locual cu nos kier logra. Uniendo forsa nos por logra mucho mas!

Na final di su disurso, Prome Minister a dirigi palabranan na Hulandes y a gradici e strea di futbol di Inter Milan Italia y Seleccion di Hulanda, señor Denzel Dumfries cu tambe tawata presente na e apertura di We Aruba. “Aruba ta considera bo un hereo nacional. Bo ta un inspiracion pa nos muchanan. Mi ta spera cu hopi di nan lo sigui bo ehempel di pasion, trabou duro y disciplina. Danki pa tur cos y pa ta presente”.

E tempo di Covid tabata un tempo dificil pa nos tur, especialmente pa nos muchanan y deportistanan. Muchanan mester a keda cas, no por a bay scol, no por a practica deporte. P’esey, saliendo for di e pandemia di Covid, mi kier pidi un y tur, ban haci uzo di e forsa di deporte pa brinda nos muchanan speransa y perspectiva y duna nan e balor y importancia

Prome Minister ta haci invitacion pa Aruba henter, mayornan muy especial, pa apoya nos muchanan henter e siman aki di 17 pa 25 di juni durante e gran campeonato di Weganan Escolar. Prome Minister ta desea tur scol, tur atleta hoben, tur docente y tur mayor, hopi exito den e Weganan Escolar. “Nos ta hopi orguyoso di boso caba”.