DIALUNA 18 SEPTEMBER 2023

Oké Take Away

Nos Special Cuminda

Crioyo

565-3232

Dialuna 18 September 2023

POLISNAN ATENTO:

27 HABITANTE A WORDO

ATENDI PA CU

NAN RESPONSABLIDAD DI NAN CACHO

TRES DETENCION Y ARMA DI CANDELA HAYA DEN NISSAN FUGA

Gabinete Wever-Croes a priminti, y a cumpli!

EDIFICIO DI BUREAU INTERNE

DIENSTEN / MAGAZIJN, A

WORDO COMPLETAMENTE REMODELA

COMPLEHO DEPORTIVO GUILLERMO PROPERO TRINIDAD NA DAKOTA CU YERBE

ARTIFICIAL COMPLETAMENTE NOBO

Chico Gang a cende candela banda di oficina di Notario y Palacio di Corte

Entrante diamars 19 di september 2023 pa 9’or di mainta pa diabierna 22 di september 2023 pa 5’or di atardi lo cera un parti di Wilhelminastraat pa trafico pa trabounan di ponemento di tubo.

Duracion di trabou di ponemento di tubo na Wilhelminastraat lo ta 4 dia. E desviacion lo ser indica cu borchi y

Programa Hende Comun y Coriente na TV22

Alexander Gamez ta conta su diabetes na edad hoben; Diamars 8.30 na Tv22

Chico Gang a cende candela banda di oficina di Notario y Palacio di Corte

Hasta cuando ta permiti e bagamunderianan aki den centro

di playa?

Diasabra atardi a drenta informe di cu e adicto ambulante “Chico Gang” pegando un candela banda di oficina di Notario, mesora a dirigi un patruya na e sitio. Na yegada di e patruya a nota e candela chikito pero e sospechoso mes no tabata tey den cercania. Polis a core den e area pa mira si ta topa cun’e pa atende pa su actonan.

Por añadi cu e tabata pa kima pa haya e koper

Secretaris General di MEP:

Ki ehempel lo manda pa pueblo si laga Paul bay

Paul Croes di AVP kier kibra ley pa e recobra su libertad mas tempran

Secretaris Genetral di MEP a tuma nota con Paul Croes for di prizon ta manda carta na tur instancia, alabes kier purba hunga cu sentimiento di pueblo pa crea simpatia pa e por sali mas tempran for di KIA.

Caso IBIS cu ex Minister Paul Croes di AVP como e “hoofdrol”:

Ta fresco den memoria di Pueblo di Aruba na momento cu Gabinete Mike Eman II a huramenta dia 30 di october 2013. Mike Eman despues di a gana eleccion na september 2009, pa prome biaha a laga Paul Croes y Juan David Irausquin (2) hoben prominente e tempo aya sin cartera di minister y ambos mester a bay Parlamento. AVP tabatin basta problema interno alrespecto. Promesa sinembargo na e hobennan aki, cu e siguiente eleccion nan lo bira minister. Momento AVP a gana pa di dos biaha a tuma varios siman pa forma gobierno, como cu no tabatin un formula con pa Mike Eman complace cu Paul Croes y Juan David. Asina

Mike Eman a aumenta e cantidad di minister di 7 pa 9, unda Paul Croes y Juan David Irausquin a wordo acomoda. Paul a ricibi e carteranan di Asuntonan Social, Hubentud y Labor. Bon trabou y ainda falta a wordo aploca akinan. Prohibi pa lubida!

Paul Croes mesora a forma un banda criminal den su bureau:

A traves di su propio prima secretaria den bureau,

hunto cu Capriles cu ta rond Paul su Fundacion Leadership & Excellence, Roque Aparicio amigo personal di Paul, chauffeur y un meneer di edad Juancho Filiciana e gang criminal aki tabata opera desde Cocolishi. Fiscal hasta a yama esaki un “ontheffingsfabriek”. Paul tabata ricibi hopi placa pa regla ”ontheffing” y permiso y tabata abusa di e Chinesnan cu a paga nan mes “blauw” pa fabor politico.

Chinesnan a basha abou riba Paul: Recherche y RST Team a drenta cas di Paul. Loke Paul no tabata sa cu nan a “wire” su cas y su auto pa asina por a tap tur combersacion. Paul banda di tabata ricibi hopi cash via Juancho Filiciana pa cada “ontheffing” y pa cu tramite di permiso tabata laga su chauffuer Roque Aparicio bay Chinesnan cu tin permisonan den tramite y exigi nan caha di cerbes, boter di whiskey y otro productonan. Investigacion a mustra cu Paul mes algun diabierna ta sinta den auto pafo, mientras Roque ta baha bay paden busca esakinan. Un Chines (Siem Mong) di Hong Kong di acuerdo cu fiscal a declara cu su so mester a regala Paul Croes 65 caha di cerbes, 10 boter di Old Parr, vodka y champagne pa saca un

(1) permiso. Alabes el a declara cu december 2016 el a duna Paul riba hopi insistencia 50 bleki di tuna, 50 pak’i crab, 50 pak’i cabaron, 50 pak’i salmou 50 “bread spread”, 10 botr’i oleifi y 10 botr’i

mayonaise. Nos por corda cu Paul tabata tin un “coffee house” y kisas ta pa bende esakinan eyden? Asina e banda criminal tabata funciona. Pagina 26 di e rekisitor di Fiscal a tap Paul papiando cu Roque Aparicio den auto para pafo di e supermercado Chines, Paul ta bisa Aparicio: “bo ta kere nos por dal e Chines abou $500 dollar cash awe?” Esaki ta graba y getap. Pues, asina malo e mente di e ex minister di AVP tabata pensa y traha como un banda mafioso. Prohibi pa lubida! Den e schrift cu Juancho Filiciana tabatin por a prueba cu Paul a ricibi rond 90 mil na cash for di Filiciana. Filiciana mes tabata skirbi e bedrag cu ta cobra pa “ontheffing” y permiso y un columna e cantidad cu ta bay pa Paul, mientras recherche ora a drenta cas di Filiciana a haya masha hopi envelop cu nomber di Paul Croes riba dje y e sumanan di 2000-2500-3000-3500 etc. Prohibi pa lubida! Asina tin masha hopi berdad cu e investigacion aki a trece dilanti cu ta un berguensa con por sirbi pueblo di e manera aki. Secretario di Ministerraad e tempo aya na 2015 a hiba un combersacion cu

Paul cu tin rumornan riba esaki, pero e tempo ey e placa tabata drenta mucho facil y Paul no a haci caso. Kisas ta bon pa por publica e rekisitor di 204 pagina pa pueblo mes lesa y por mira realidad ta kico a tuma luga paso awe hasta kier culpa gobierno di turno cu no kier laga Paul bay cas mas tempran. Manera semper a bisa esun cu faya sinta riba su blaar!

Nuebe (9) hues total a haya Paul Croes

culpabel: Na januari 2019 (1) hues a haya cu tin suficiente prueba y a condena Paul Croes. Paul na su turno a bay Hoger Beroep. Akinan

21 di october 2021 (3) hues tambe a haya Paul Croes culpabel y a condene na 3 aña y 8 luna di prizon, mientras Paul no por ocupa un funcion publico mas. Paul a bay despues Hogeraad esta Cassatie na Hulanda unda (5) hues nobo 7 di februari 2023 a reconfirma e decision di Hoger Beroep y Paul e momento ey no tabatin mas caminda pa cana y mester a bay entrega su mes dentro di un siman na KIA. Awor Paul Croes kier bay cas tempran y ta skirbi carta pa tur hende cu tur storia pa tene compasion. Ki signal husticia ta manda si cumpli cu Paul Croes su peticion como e tabata un ex minister di AVP? Ta obliga nos recorda pueblo di e echonan di Paul Croes kende ultimo simannan kier hunga sentimental pa asina recobra libertad prome cu december 2023. Por a tuma nota cu Paul mester sinta 15 luna ainda prome cu e por recobra su libertad condicional esta momento e cumpli dos tercera parti di su castigo.

Pakico mester kibra ley pa Paul? Nos deber pa conta tur banda di medaya y recorda pueblo di tur echo.

Chauffeur burachi a kibra porta di cura di e ultimo cas situa na Alto Vista

Alto Vista - Diabierna anochi laat polis di Noord y tambe di trafico mester a bay na e ultimo cas aiba e caminda cu ta bay pa

Kapel di Alto Vista.

E motibo tawata cu e Ford Explorer color blanco a basha un porta grandi di un cas abou.

Na prome instante a pensa cu lo tin hende herida, pero esaki no tawata e caso.

Na yegada di polis di Noord nan ta topa cu un porta grandi benta abou y un auto Ford Explorer para no mucho leu di e porta.

Polisnan mesora a constata cu e chauffeur ta bou di influencia.

Ta asina cu a chauffeur bastante bebi lo tawata direccion di e Kapel, pero pa un of otro motibo e bira na su mas robes y ta drenta un caminda di tera. E caminda aki prome cu e yega e cas tawata tin un cadena pa evita auto drenta; pero esaki no a wanta e Ford Explorer cu a ranca esaki y sigui bay bashando un porta grandi abou.

Na yegada di polis di trafico e la pone e chauffeur supla, mientras transportwagen ya tawata yegando. Su yegada e la wordo hiba na e transportwagen unda cu despues nan sali direccion warda di Shaba cu ne.

Takelwagen lo mester a bin busca e auto.

Chauffeur burachi causante: Dama y menor di edad herida den accidente na Moko

Na e sitio a yega e ambulance y un Rapidresponder di Imsan, cu ta esun cu a bay atende cu e menor.

Por a mira cu tanto e dama y e mucha a bay den ambulance unda cu Paramediconan a atende cu nan.

Moko - Diadomingo merdia den careda di 1'or polis y ambulance a bay cu urgencia altura di Moko Market, pa un accidente serio di trafico.

Na yegada polis a laga cera ambos banda di caminda, debi cu e auto tawata ariba caminda y no por move.

Tawata trata di un Kia

Optima y un Chevrolet Aveo.

Locual a sosode ta cu e Aveo tawata na e market y lo a reverse pero no a tene cuenta cu trafico. E Kia na su turno a trata di evita e boksmento pero envano.

Esnan herida tawata den e Kia, tawata un dama y menor di edad.

Mientrastanto polis di trafico a yega y mesora a bay atende cu chauffeur di e Aveo. A bay over na test e cu Alco-Sensor y manera nan a sospecha e la surpasa e limite stipula.

Eynan mes e la wordo deteni y a pidi transportwagen pa hib'e warda di polis, unda cu un Subfiscal lo atende cu ne.

Prome Minister Evelyn Wever-Croes

Gabinete Wever-Croes a priminti, y a cumpli!

EDIFICIO DI BUREAU INTERNE DIENSTEN / MAGAZIJN, A WORDO COMPLETAMENTE REMODELA

Diabierna atardi, Prome Minister Evelyn WeverCroes a ricibi e yabi di e edificio completamente remodela di Bureau Interne Diensten (BID) / Magazijn. Prome Minister a indica cu tempo el a bira e minister encarga cu BID Magazijn, e la haci un bishita na e edificio, pa mira e circunstancianan cu e empleadonan tabata traha aden. Na e momento ey, el a haci un promesa na cada un di nan, cu e lo percura, como Minister encarga, pa drecha e edificio y hacie un luga di trabou mas eficaz. Awe cu hopi orguyo, Prome Minister ta ricibi e yabi di su promesa haci y cumpli.

Prome Minister a indica cu BID / Magazijn

ta e luga encarga pa cumpra y maneha tur producto necesario pa tur departamento di gobierno. E productonan aki ta varia di pen, potlood, y papel, te na productonan di limpiesa. Gobierno no solamente a remodela e edificio sino a traha un magazijn hopi mas grandi pa nan, creando oportunidad pa amplia e cantidad di compra. Cu e opcion pa cumpra na cantidadnan mas grandi, e prijs di producto lo baha, faboreciendo asina e caha di gobierno. Tambe esaki lo yuda na sirbi e necesidadnan di tur e departamentonan di gobierno mas eficiente.

“E compromiso di Gobierno ta pa percura cu

tur empleado publico tin un espacio comfortabel pa traha aden, creando asina un ambiente mas bunita y agradabel. Mi ta spera cu e edificio nobo aki, crea e ambiente y motivacion necesario pa cada empleado sigui sirbi tur e departamentonan di gobierno y comunidad en general, di e mes manera di loke nan ta bin ta haciendo. Mi ta gradici BID, DOW, y VKH (Van Kessel Havenbouw) pa por a haci e proyecto aki posibel. Tambe na cada empleado cu a traha pa añas largo den circunstancianan menos agradabel, hopi pabien cu boso edificio nobo y un danki di curason pa e trabou cu boso ta bin ta eherciendo” Prome Minister a expresa.

AMNESTY INTERNATIONAL A BISHITA KPA

MACUARIMA, ARUBA: Recientemente altocommisario di polis drs. Ramon Arnhem a reuni cu Amnesty International.

E directora di Amnesty International sra. Dagmar Oudshoor y lider di projecto Tamara Paul a haci diferente bishita den e region Caribense. Den un combersacion ameno diferente temanan a bin dilanti. Tabata tin temanan cu a ser discuti profundo y critico. Cuerpo Policial Aruba como tambe

pais Aruba ta para pa e bienestar y cuido di cada derecho di un ser humano.

“E derechonan aki a wordo logra hopi anañan atras cu sanger, sodo y lagrima.

Nos tin di keda mantente e baloranan aki y pa cu esaki mester keda refleha criticamente sin cu tur biaha ta e caso.” Tabata palabra di altocommisario drs. Ramon Arnhem, durante e bishita di Amnesty International na Aruba.

Accidente entre auto cu Brommer, motociclista levemente herida y brommer confisca

Bushiri:

Diabierna den careda di 10'or y mey di anochi a sosode un accidente entre un brommer BMW cu un Hyundai Accent, na altura di Certified Mega Mall.

C

hauffeur di e Hyundai lo a baha caminda y a dal contra e brommer, e motociclista tabata levemente herida. Mesora a pidi pa presencia di polis y ambulance na e sitio. Na yegada ambulance a trata e motociclista na e sitio y despues a transport'e pa hospital.

Polis a cera e caminda, mientras cu polis di trafico a atende cu e accidente. E brommer a wordo tuma den beslag, mirando cu e plaachi number no tabata cuadra cu e brommer. E brommer a wordo hiba cu takelwagen pa warda di polis.

27 HABITANTE A WORDO ATENDI PA CU NAN

RESPONSABLIDAD DI NAN CACHO

Red Rock Hillweg, Rooiweg, Weg Fontein, Great Hillweg, Bottom Hillweg, Weg Sero Blanco, Kiviti, Brasil, Caya Bernadina Grovell, Rooi Kochi, Savaneta, Pos Chiquito, Spaans Lagoenweg, Betonicastraat y Sabana Basora.

MACUARIMA, ARUBA: Accion contra cacho los of diferente infraccion tocante ley di cacho ta sigui. Cuerpo Policial Aruba tin un team special cu ta haciendo diferente control den bario y a multa

diferente persona cu ta iresponsabel cu nan cacho.

A haci diferente control den bario nan di San Nicolas manera: First Stick Hillweg, Saint Peter Hillweg, Diamantbergweg,

Binti shete (27) habitante di diferente bario a wordo atendi riba nan cachonan cu ta riba caminda publico di cual bintiun(21) a haña multa y seis (6) diferente habitante a haña un aviso.

A constata cu mayoria hende a haña multa pa no pone suficiente precaucion pa nan cacho sali riba caminda publico of riba

tereno di otro persona. Tambe a constata cu dos cacho pitbull a ser laga atras na un cas na Sabana Basora di cual e doñonan a bandona Aruba y a laga e cachonan pa nan cuenta. A logra hiba e cachonan na Centro Control di Cacho caminda lo busca un doño of persona responsabel pa nan of nan lo por ser

adopta.

E controlnan aki lo continua den otro barionan. Nos ta haci un suplica pa cuida bo cacho, mantene bo mes na e ley y reglanan y preveni di haya un multa indesea. E multa ta halto y lo por tin consecuencia pa bo cartera.

Encuesta Forsa Laboral 2023

Entrante 15 di september 2023 te cu fin di october 2023, Oficina Central di Estadistica (CBS) conhuntamente cu Departamento di Labor y Investigacion (DAO) y Centrale Bank di Aruba (CBA) lo ehecuta e Encuesta di Forsa Laboral 2023 (LFS2023). E LFS2023 tin como meta principal pa haya un bista detaya y actual di e mercado laboral di Aruba. Tambe lo colecta informacion di e caracteristicanan di personanan cu ta participa y tambe di esnan cu no ta participa na e mercado laboral. Di e forma aki por haci analisis profundo di e composicion di e mercado laboral di Aruba y tambe por compila indicadornan importante, manera e.o. e tasa di empleo y desempleo na Aruba, e grado di participacion di hende homber y hende muhe na e mercado laboral y e nivel di educacion di esnan cu ta emplea y no ta emplea.

Un total di 4.050 hogar lo wordo bishita

Un team di 27 encuestador lo acerca un total di 4.050 hogar cu a wordo selecciona for di e base di datonan di adres di CBS. E hogarnan aki ta parti rond di Aruba. Encuestadornan lo acerca hogarnan individualmente durante di un periodo di 6 siman. Cuminsando for di 8’or di mainta encuestadornan lo ta hasiendo encuesta te cu 8’or di anochi. Na momento di acerca un hogar, un encuestador mester identifica su mes cu un badge. Riba e badge aki tin su nomber, su potret, e logo di CBS, DAO, CBA y e LFS2023. Tur encuestador lo haya tambe un poloshirt cu e logo di LFS2023. Si acaso un encuestador no

tin e poloshirt di LFS2023 bisti, semper e por identifica su mes cu e badge.

E cuestionario di LFS2023

Na comienso di e cuestionario lo haci algun pregunta basico na tur persona den e hogar. Despues, lo sigui cu preguntanan specifico tocante e forsa laboral. E preguntanan aki lo wordo haci solamente na personanan di 15 aña bay ariba. E motibo tras di esaki ta cu segun principionan di e Organisacion Internacional di Labor (ILO), tur persona 15 aña bay ariba ta wordo considera como parti di e forsa laboral di un pais. Mester enfatisa cu e ta sumamente importante pa tur persona di 15 aña of mas participa na e encuesta, sea nan ta emplea, no emplea of nan no ta activo riba e mercado laboral (por ehempel pa motibo cu nan ta bayendo scol of, den caso di adultonan mayor, ya nan ta pensiona). Di e forma aki por haya un bista completo di tur esnan cu ta forma parti di e forsa laboral di Aruba.

E cuestionario ta contene preguntanan riba e temanan di importancia pa e mercado laboral, entre otro: educacion, funcion, sector na unda ta emplea, orarionan di trabou, etc. Un tema nobo cu a wordo inclui den e cuestionario di e LFS2023 ta e balansa entre trabou y tempo liber/tempo pa famia. E cuestionario lo wordo completa den un forma digital (pa medio di un tablet).

Privacidad

Mester enfatisa cu tur informacion lo wordo procesa anonimamente y lo wordo publica solamente den forma agrega. E informacion colecta lo yuda esnan encarga cu stipulacion y ehecucion di maneho riba tereno laboral pa haci esaki cu mas efectividad y basa riba datonan actual di Aruba. E informacion colecta tambe lo sirbi pa informa esnan den sector priva como tambe esnan den sector di enseñansa y investigacion, y e publico en general di e desaroyonan mas recien riba e mercado laboral di Aruba.

E privacidad di cada hogar y cada persona cu ta participa na e LFS2023 ta wordo garantiza pa e team di investigacion (CBS, DAO y CBA). E informacion colecta lo contribui na duna un bista completo di e desaroyonan actual riba e mercado laboral di Aruba. Pesey e participacion di cada hogar y cada persona cu wordo acerca pa nos team di encuestadornan ta esencial!

Nos ta gradici tur hogar y tur persona di antemano pa nan participacion na e LFS2023. Pa mas informacion tocante e Encuesta di Forsa Laboral 2023 por tuma contacto libremente cu e team di CBS/DAO di dialuna pa diabierna durante ora di oficina (7:30 am - 4:30 pm), na number di telefoon 524-7433/523-7720 of por manda un e-mail na cbs@setarnet.aw of via directiearbeid@aruba.gov.aw

Minister Endy Croes:

COMPLEHO DEPORTIVO GUILLERMO PROPERO TRINIDAD

NA DAKOTA CU YERBE ARTIFICIAL COMPLETAMENTE NOBO

E compania profesional di Merca AstroTurf a presenta nan trabou na Minister di Deport

ecientemente, Minister di Enseñansa y Deporte Endy Croes a haci un “sight visit” na Compleho Deportivo Guillermo Prospero Trinidad na Dakota. Manera ta conoci, e stadion na Dakota ta den proceso di renobacion desde algun luna atras. Tin hopi trabou ta tumando luga na e stadion y ta trahando cu ful swing pa por keda cla completamente cu e trabou e aña aki. Un compania profesional di Merca a bin Aruba pa a aloca e

yerbe artificial nobo na Compleho Deportivo Guillermo Prospero Trinidad.

Diahuebs ultimo, e compania profesional AstroTurf a finalisa cu nan trabou y entrega Minister Endy Croes un certificacion cu garantia di ocho (8) aña pa e trabou cu nan a haci. Tambe presente na e ocasion special aki tabata Ministerio di Deporte e representantenan di Fundacion Facilidadnan

Deportivo (FFD) y e empleadonan cu a haya training pa e mantencion di e yerbe artificial.

Otro siman e representantenan di FIFA lo ta na Aruba pa certifica e trabou aki. Minister Endy Croes ta gradici AstroTurf pa e trabou sublime cu nan a haci. Sigur cu esaki ta un tremendo noticia pa nos deportistanan y pa e federacion di futbol. Masha pabien Aruba!

Bisiña a logra scapa puppy for di e garanan di 3 Pitbull na Papilon

Diasabra mainta a drenta informe di cu tin 3 Pitbull a bula sali for di nan cura pa asina bay ataka un pober puppy, mesora a dirigi un patruya na e sitio.

Na yegada di e patruya a bin compronde cu bisiña a tuma curashi di enfrenta e pitbullnan pa asina logra scapa e puppy cual tabata mal herida.

E puppy ta di otro bisiña cual no tabata na cas y a probecha di sali pero ey mes otro banda di caminda e 3 pitbullnan a bula nan cura cual ta hopi abao y a bay ataka e puppy. Polis a bay atende cu e doño di e Pitbullnan.

Ambulans, polis y bombero a bay pa dama cu no tabata por a hala rosea na Zara

Diasabra atardi a drenta informe di cu lo tin un dama cu no tabata por a hala rosea na e piso mas halto den Zara , mesora a dirigi tanto polis como

ambulans na e sitio.

Na yegada di e patruya a bin encontra cu ambulans caba na e sitio y tabata atendiendo e dama na e

cushina unda eynan ela choka cu un pida carni ora e tabata comiendo.

Unabes cu a logra re-esta-

blese rosea mester transporte pa hospital pero como cu e ta na e piso di mas ariba mester bahe cu equipo especial cu bomberonan ta posee y a pidi

nan presencia.

Na yegada di e bombero a yuda baha e dama y asina a logra transporte den ambulans pa hospital.

Fila largo di vehiculonan na Santa Cruz pa probecha benta sushinan afo den bakinan na ex-veld di Winston

Diasabra mainta por a mira un fi la largo di vehiculonan pa asina bay haci uso di e oportunidad pa benta sushinan afo den e bakinan poni pa deshaci di e desperdicionana.

Polis a detene dama chauffeur bao influencia cu a baha caminda dal 3 auto staciona banda di Riverplate

Diasabra anochi a drenta informe di un accidente banda di veld di Riverplate den Belgiëstraat, mesora a dirigi un patruya na e sitio. Na yegada di e patruya a bin compronde cu un dama chauffeur bao influencia coriendo un Honda Accord bayendo pabao den Belgiëstraat a baha caminda na man robes y a bay dal primeramente un Nissan Pick-up pusha esaki dal un Kia Picanto y alabes dal e Picanto rancando su bumper di patras y djey finalmente bay dal un auto Nissan pusha

esaki riba muraya di e stadion di Riverplate. Polis a pone e dama supla y esaki a surpasa e limite y polis a bay over na detene e dama burachi. Den e accidente aki afortunadamente ningun hende a resulta herida.

Polis a detene chauffeur burachi coriendo pickup cu a pasa dal 2 auto y kier a sigui core

Diasabra mainta a drenta informe di un accidente na Santa Cruz, mesora a dirigi un patruya na e sitio. Na yegada di e patruya a bin compronde cu aki ta trata di un chauffeur burachi

coriendo un pickup a pasa dal un auto preto y despues a bay dal un auto cora. Polis a nota cu e chauffeur ta burachi y a detene pa a core auto bao influencia y ocasiona accidente.

Na Macuarima auto a baha caminda dal kashi coriente di cas kibra y sigui core bay

Diasabra madruga a drenta informe di un accidente hit & run na Macuarima, mesora a dirigi un patruya na e sitio. Na yegada di e patruya a bin compronde cu un auto pasando a baha caminda dal e kashi coriente di un cas y benta e mast abao y a sigui core bay manera nada a pasa. Polis a yama Elmar y W.E.B. Pa nan presenta pa resolve e problema na e cas concerni.

Polisnan atento: Tres detencion y arma di candela haya den Nissan Fuga

Adriaan Laclé Boulevard - Diasabra marduga algo pasa di 1'or, varios unidadnan policial por a wordo mira cu zwaailicht cendi altura di e pompstation na final di caya.

Ta asina cu durante un control polisnan a mira un grupo conoci pa nan, y a dicidi cu lo bay tene un control.

E grupo aki segun nos a compronde na e sitio

lo tawata haci of a causa problema un rato prome ey mes na e luga di gasolin.

Nissan Fuga

Polisnan a blokea e Nissan Fuga momento cu e la subi caminda y asina unidadnan di K9, Santa Cruz y Playa a bay over na baha tur esnan den e auto.

Durante e ristamento den e auto a bin haya un arma

di candela y algun cos mas cu por a wordo mira ariba e dak di e auto.

Transportwagen a presenta y a bay cu un, mientra e otro dosnan a wordo hiba den diferente autonan di polis pa warda. Pues tur a wordo separa di otro.

A pidi pa takelwagen y tambe pa departamento tecnico cu lo mester haci su parti.

TEMPO VALIDO TE DIALUNA 18 DI SEPTEMBER 2023, 18:00 ORA

TEMPO:

AWE TARDI Y AWE NOCHI: PARCIALMENTE NUBLA Y GENERALMENTE SECO DEN MARDUGA Y MAYAN: PARCIALMENTE NUBLA CU UN POSIBLE AWACERO BREVE

TEMPERATURA MAXIMO 35 GRADO CELSIUS

TEMPERATURA MINIMO 29 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 36 PA 44 GRADO CELSIUS

UV INDEX: 12

MARGOT A CABA NA NADA WEST- ZUIDWEST DI AZOREN

Y LO NO WORDO NOMBRA MAS DEN BOLETIN DI TEMPO.

TORMENTA TROPICAL NIGEL A DESAROYA FOR DI DEPRECION TROPICAL NR.15. NIGEL TABATA SITUA

NA 1790 KM OOST- ZUIDOOST DI BERMUDA Y TA MOVE NOORD- NOORDWEST CU 20 KM/ORA.

BIENTUNAN MAXIMO SOSTENE TA DI 95 KM/ ORA.

POTENCIAL DI AWACERO PA PROXIMO 24 ORA: 1 MM; LOCALMENTE ESAKI POR TA DIFERENTE.

REGISTRACION DI TEMPERATURA (GRADO CELSIUS) Y

AWACERO (MM) DEN ULTIMO 24 ORA (8’AM PA 8’AM):

for taxes’

Everything Small Business Owners & Entrepreneurs need to know about filing taxes

Departamento di Asuntonan Economico, Comercio y Industria mediante su unit di Iniciativa pa Desaroyo pa Empresa Arubano (IDEA) y cu colaboracion di Departamento di Impuesto (DIMP), kier invita tur persona cu ta den proceso pa habri un negoshi of cu ya tin un negoshi existente, pa asisti na IDEA su workshop di “Time for Taxes”.

E workshop aki ta completamente GRATIS y ta tuma luga na: Departamento di Asuntonan Economico, Comercio y industria (DEZHI) den Sun Plaza Building, piso 2, sala 25; Dia: Diamars, 19 september 2023

Orario: 9:30 am pa 12:00 pm.

Algun topiconan cu e representantenan di Departamento di Impuesto

(DIMP), lo trece dilanti durante e workshop aki ta lo siguiente:

• Impuesto riba Entrada y Ganashi (Inkomsten y Winstbelasting);

• Deber Administrativo (Administratieplicht);

• BBO na frontera;

• Impuesto riba volumen di benta (Toepasselijke belastingen), manera BBO, LB y primanan social;

• Cu kico tur mester tene cuenta ora bo ta bay habri of tin un negoshi.

Pa sigura bo cupo pa e workshop informativo aki, registra na e siguiente link:

https://www.eventbrite. nl/e/time-for-taxes-everything-smes-entreprneed-to-know-aboutfiling-taxes-tickets717171066967?aff=oddtdtcreator

Mirando cu tur aña e interes pa e workshop aki ta hopi grandi y nos cupo ta limita, nos kier a pidi bo cooperacion, pa si acaso bo registra y no por atende

e workshop aki mas, sea asina bon pa cancela bo cupo prome cu fecha menciona via nos telefon #:

521-2440 of 521-2439 of email info@idea.aw. Esun cu registra prome ta aden! Nos ta warda bo!!

‘Time

Aruba Lions Club a entrega paketenan pa varios mucha rond di Aruba den nan projecto di Hunger Relief

No perde ofertanan increibel riba

articulonan di hotel na e di dos

benta anual di Stimami

Sterilisami su Summer Sidewalk Sale!

Durante fin di siman, Aruba

Lions Club a sali riba caya pa parti na varios parti na Aruba paketenan pa muchanan di menos recurso pa asina nan tin algo pa bai skol cune.

Lions Club International ta enfoca hopi riba e projecto di Hunger Relief cual tambe Aruba Lions Club a adopta y ta aplica na Aruba tambe. E paketenan ta consisti di diferente productonan masha dushi cu e muchanan ta gusta.

Na Club di Aruba Lions miembronan y “friends of Lions” a prepara e paketenan y den fin di siman a parti esakinan.

"Solamente di mira e cara di gradicimento di e muchanan ta gewoon asina gratificante y ta enriquese nos alma y ta pone cu nos ta sigui haci e trabou aki cu hopi amor y optimismo" tabata palabranan di Presidente di Aruba Lions Club Rubin Ponson.

Aruba Lions Club kier a gradici Compra Aruba, Satex Agencies, Universal Technologies y tur miembro pa nan aporte y contribucion.

Nos lo sigui cu mas di e actividadnan aki pa sigui yuda comunidad. Aruba Lions Club pa 75 aña caba sirbiendo e pueblo.

ORANJESTAD, Aruba - September, 2023 - Marca September 17 den bo calendario pa bo no perde e regreso di Stimami Sterilisami su Summer Sidewalk Sale cu lo tuma lugar na Engelandstraat 5 (ex edificio di Playa Liquor) di 8 AM te cu 4 PM. Aki bo lo por haya un surtido amplio di productonan nobo y usa di Marriott Vacation Club, Bucuti & Tara Beach Resort, Ritz Carlton, Renaissance Resort, Tara Eco Supplies, One Love Foundation, y Ben Kaufman na prijsnan increibel. E productonan ta inclui mueblenan varia, matras, serbete, clechi di cama, t-shirts, tayo, glas y hopi mas! Tambe bo lo tin e oportunidad di amplia bo famia y duna un cacho of pushi un hogar pa semper via Luna Foundation, Nine Lives Foundation, y Sgt Pepper’s Friends cu lo atende e evento cu mascotanan cu ta cla pa adopcion.

Y como un extra treat, Craft & Lola lo duna sabor na e evento ofreciendo nan tacos delicioso pa solamente $1 durante henter e dia.

100% di e fondonan recauda durante e evento lo wordo uza pa e campaña nacional di sterilisacion di Stimami Sterilisami, cu a sterilisa casi 34,000 cacho y pushi.

"Nos ta sumamente agradecido y conmovi door di e ayudo y contribucion di Bucuti &

Tara, Marriott, Ritz Carlton, Renaissance, Tara Eco Supplies, Ben Kaufman, Nine Lives Foundation, Luna Foundation, Sgt Pepper’s Friends, Craft & Lola, y One Love Foundation. Entre tur nos partnernan cu a contribui generosamente, One Love Foundation y Ben Kaufman merece un mencion special. Nan generosidad no ta solamente inclui e donacionnan cu nan a haci pero tambe nan compromiso pa biaha for di Merca pa ta hunto cu nos durante e evento,” e Directiva di Stimami Sterilisami ta anuncia.

“E evento no ta bai solamente yuda contribui na nos mision pa mitiga e sufrimento di cacho y pushi riba caya, pero tambe e ta bai brinda nos comunidad e oportunidad pa cumpra productonan duradero y di bon calidad na prijsnan hopi barata, mientras cu nan ta pasa un dia leuk den famia. Nos ta invita henter Aruba pa bin disfruta y apoya e maraviyoso causa aki.” Fundashon Stimami Sterilisami Fundashon Stimami Sterilisami ta un non-profit organization cu ta uza 100% di tur

donacion pa ofrece subsidio pa e procedura di sterilisacion pa tanto publico en general, como tambe organisacionnan di boluntario cu ta cuida cacho y pushi riba caya. E organisacion su bukinan ta habri y ta wordo controla pa asina brinda

transparencia total di e uzo di fondonan. Pa esnan cu kier aporta na e gran causa aki, por haci donacion directo na Fundashon Stimami Sterilisami: Bank: Aruba Bank

Acc. Number: 6012630190

Acc Name: FUNDASHON STIMAMI STERILISAMI

Swift code: ARUBAWAX