P1
DIASABRA 26 SEPTEMBER 2026
26 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.
1.25
WARDA NOS COSTA HAYA BOTO CU TRES PERSONA INDOCUMENTA ABORDO
OM TA SACA CITACIONNAN DEN CASO KWIHI AUTENTICO TA FORTALECE DESAROYO PROFESIONAL DEN E SECTOR CULINARIO CU E INDUSTRY SEMINAR 2026
P2
DIAsabra 26 september 2026
Minister Herdé:
BESS II ta haci e ambicion energetico di Aruba bira un realidad
Durante e ceremonia oficial pa marca e inicio di e proyecto Battery Energy Storage System (BESS II) di WEB Aruba, Minister di Vivienda, Infrastructura, Servicio Interno y Telecomunicacion, drs. Rene Herdé, a enfatisa e importancia di e proyecto pa e futuro energetico di Aruba y pa e transicion na un sistema di energia mas sostenibel. Den su discurso, Minister Herdé a señala cu e idea di un sistema grandi pa almacena energia ta un soño cu Aruba a papia di dje durante decada y cu awe e soño ta cuminsa bira realidad. Segun Minister Herdé, BESS
II lo yuda Aruba bira menos dependiente di combustibel fosil y na mesun momento, ta trece nos mas cerca di e meta pa na aña 2030 un promedio di 50% di nos necesidad anual di energia bin di fuentenan renovabel. E proceso di sostenibilidad a nace na 2009 durante Gabinete Mike Eman I, cu a bin cu e vision pa Aruba ta 100% sostenibel pa 2020 y pa guia esaki a bin cu e conocido Green Conference. Gabinete actual, AVP-FUTURO ta sigui boga pa un Aruba mas sostenibel y ta gradici e ingenieronan di WEB pa sigui cu e vision cu a inicia na 2009.
Pa Minister Herdé, e proyecto no solamente ta importante pa e capacidad di produccion di energia, sino tambe pa e manera cu Aruba ta uza e energia cu ta disponibel. E meta di almacenamento ta pa uza e energia genera pa biento y solo na momento cu tin necesidad di dje. BESS II lo tin un capacidad di 35 megawatt (MW) y 70 megawatt-hour (MWh) di almacenamento. E sistema lo contribui na integra mas energia di biento y solo, alabes yuda fortalece e stabilidad di e red electrico. Minister Herdé tambe a menciona cu e beneficionan di BESS II ta bay mas leu cu e sector energetico. Un suministro di energia confiabel ta importante pa tur famia y negoshi na Aruba y ta esencial pa e planificacion di vivienda nobo, mehoracion di facilidadnan publico y e futuro desaroyo di infrastructura. Segun e Minister, Aruba su infrastructura mester por acompaña e ambicionnan di e isla den area di turismo, vivienda y infrastructura. Den e contexto aki, BESS II ta un paso importante den e direccion aki. Minister Herdé a felicita WEB, Elmar y tur e companianan di
utilidad cu a yega na e momento importante aki. El a reconoce tambe e trabou persistente di e ingenieronan y administradornan di WEB Utilities y Elmar pa continuamente busca innovacion den produccion di energia, awa y servicio na comunidad. Minister Herdé a enfatisa cu e proyecto no ta simplemente un innovacion tecnico, ni solamente un proyecto pa logra e sistema di almacenamento mas grandi den Caribe. Segun e vision cu el a comparti durante su discurso, e meta mas grandi ta pa contribui na seguridad energetico y un futuro mas sostenibel
pa Aruba. Cu BESS II, Aruba ta planifica pa tin e sistema di almacenamento di energia mas grandi den Caribe pa 2028. Pa Minister Herdé, esaki ta un refleho di e vision y determinacion di Aruba, no obstante di ta un isla chikito, pa sigui busca manera pa logra trece solucionnan cu por mehora e calidad di bida y fortalece e futuro di nos comunidad. Minister Herdé a expresa su gratitud na Gobierno di Hulanda pa e apoyo duna na Aruba su meta pa logra un calidad di bida mas sostenibel, specificamente pa contribui na un mix energetico mas sostenibel pa nos isla.
P3
DIAsabra 26 september 2026
Investigacion cuidadoso di accidente mortal
Riba 13 di september ultimo un accidente grave di trafico a tuma lugar, den cual un muher hoben a perde su bida. Mes ora despues di e accidente a cuminsa traha pa determina kico exactamente a pasa. Cuerpo Policial di Aruba a start e investigacion y despues esaki a bay den man di Koninklijke Marechaussee (KMar), mirando cu tin envolvimento militar.
E investigacion ta wordo hiba dor di Marechaussee bao autoridad di un fiscal specialisa na Ministerio Publico di Aruba. Marechaussee, via nan recherche di famia, ta den contacto estrecho cu famianan di e victima. Ministerio Publico di Aruba ta mantene e comunicacion cu nan abogado. E investigacion ta den pleno
marcha. Entre otro, un ekipo forensico di trafico a wordo treci Aruba pa haci investigacion, specificamente riba e estado tecnico di e vehiculo envolvi. Ademas Marechaussee a haci un yamada na testigonan y hendenan cu por tin informacion relevante pa sali pa dilanti. E parti di investigacion aki tambe ta andando.
WARDA NOS COSTA HAYA boto CU tres persona indocumenta abordo Riba diahuebs 24 di september, Wardacosta di Caribe Hulandes a ricibi un yamada for di un persona cu a tuma nota di movecion nan straño riba lama. Tawata trata di un boto den vecindario di Rodgers Beach ku tawata drif riba awa. Inmediatamente a pidi pa personal di Wardacosta na Savaneta pa sali den direccion di e boto.
Miembro nan di Centro Maritimo Operacional na Corsou tambe a pidi asistencia di un di nos unidad nan di helicopter pa duna sosten for di aire. Na momento cu a yega cerca di e boto, a tuma nota di tres persona indocumenta abordo. E siguiente paso tawata pa conduci un investigacion
riba e boto. E proceso aki a tuma luga na Steunpunt di Wardacosta na Savaneta. Despues di investigacion preliminar aki a resulta cu e personan nan ta di nacionalidad Dominicano.
Hunto cu asistencia di Unit Mensenhandel en Mensensmokkel (UMM) y tambe K-9 Unit di KPA a haci un control riguroso riba e boto y a bin na conclusion cu no tawata tin nada particular riba e boto
mes. E tres personanan a ser entrega na Guarda Nos Costa cu hunto cu UMM lo continua cu e paso nan necesario pa atende cu e tres personanan.
P4
DIAsabra 26 september 2026
Digitalisacion di Archivonan Meteorologico Completa pa Aruba, Curaçao, Sint Maarten, y Bonaire, Sint Eustatius y Saba (BES) < 28 September > – International Panel on Deltas and Coastal Areas (IPDC), na nomber di su organizacionnan asociado, a anuncia awe cu e actividadnan di rescate di dato y digitalisacion di e archivonan meteorologico historico di Aruba, Curaçao y Sint Maarten a wordo completa cu exito. Door di preserva datonan historico, consehero di maneho awor tin acceso na informacion critico tocante tendencianan meteorologico a largo plazo, cu ta contribui na proyeccionnan climatico mas preciso pa e islanan. E logro aki ta resultado di un colaboracion unico entre e servicionan meteorologico nacional di Aruba, Curaçao, Sint Maarten y Hulanda. Dunando acceso na dato climatico critico Tur registro historico a wordo converti na imagennan digital y, den gran parti, e dato a wordo extrae den formatonan lesa pa computer. Door di procesonan di imagen, digitalisacion y wardamento di forma sigura, e proyecto a preserva e registronan aki y haci nan accesibel pa analisis. Archivonan meteorologico ta contene informacion di balor incalculabel tocante patronnan historico di tempo specifico pa geografia local. Sin embargo, hopi di e informacion aki tradicionalmente tabata warda den documentonan di papel, loke a haci dificil pa accede y uza den hermentnan moderno di analisis. Ademas, e archivonan aki ta vulnerabel na riesgonan manera candela y eventonan di tempo extremo. Un cooperacion fuerte den Reino IPDC a traha di cerca cu diferente
stakeholder den Caribe Hulandes y Hulanda pa implementa e proyecto. Entre e partnernan ta gobierno di Aruba, Curaçao y Sint Maarten; Departamento Meteorologico Aruba (DMA); Meteorological Department Curaçao (MDC); Meteorological Department Sint Maarten (MDS); y Koninklijk Nederlands Meteorologisch Instituut (KNMI). Plataformanan local di clima, incluyendo Aruba National Climate Resilience Council (NCRC), a sostene e inicio di e proyecto. Pa facilita coordinacion, IPDC a nombra un gerente di proyecto independiente. E iniciativa aki ta marca e prome colaboracion cu ta reuni tur servicio meteorologico nacional den Reino Hulandes. Miho comprension y proyeccionnan mas robusto E datonan digitalisa lo contribui na un miho comprension di e condicionnan climatico actual y lo fortalece sistemanan di alerta trempan riba e islanan. Tambe lo nan sostene e desaroyo di proyeccionnan climatico mas robusto despues di e programa di IPDC. E partnernan tin intencion di uza e base di dato expandi pa fortalece e scenarionan climatico pa e periodo 2050–2100 den investigacionnan futuro. Eventualmente, esaki lo contribui na un planificacion di adaptacion na cambio climatico mas efectivo pa Aruba, Curaçao y Sint Maarten. Digitalisacion di e archivo di e anterior Antias Hulandes Ademas di digitalisa e datonan cu tabata warda localmente, Gobierno di Curaçao y Meteorological Department Curaçao a pone disponibel e archivo meteorologico
di e anterior Antias Hulandes, ubica na Curaçao. Despues di un revision legal y di establecimento di acuerdo-nan tocante propiedad intelectual, acceso a wordo concedi na aproximadamente 70.000 pagina di registro meteorologico historico. E registronan aki, cu den algun caso ta data for di 1880, awor a wordo digitalisa y comparti cu Aruba, Sint Maarten y tambe Caribe Hulandes (e islanan BES). Pa Aruba y Boneiru, e datonan aki tabata critico pa yena partinan cu tabata falta den nan periodo di referencia climatico normal di 30 aña (1991–2020), permitiendo evaluacionnan mas preciso di tendencianan actual di temperatura compara cu nan base historico. Dr. Albert Martis, Director di Meteorological Department Curaçao, a bisa: “Nos ta hopi contento di por duna asistencia nos islanan ruman Aruba, Sint Maarten y e islanan Bonaire, Sint Eustatius y Saba den fortalece nan proyeccionnan climatico futuro cu ayuda di datonan historico for di e archivo di e anterior Antias Hulandes. Esaki ta precisamente e motibo pa cual nos a conserva y cuida e archivo aki desde 10-10-10, den anticipacion di e dia cu awor a yega.” Gobierno di Aruba, Gobierno di Sint Maarten, Departamento Meteorologico Aruba (DMA), Meteorological Department Sint Maarten (MDS) y KNMI a expresa nan sincero agradecimento na Gobierno di Curaçao, Meteorological Department Curaçao y IPDC pa nan cooperacion debolbiendo e datonan historico na e islanan.
Mas informacion Mas informacion ta disponibel riba e website di IPDC: https://ipdc-climate-action.org/ resources/new-climate-scenariosfor-ev idence-based-climateaction-on-aruba-curacao-and-sintmaarten/
P5
DIAsabra 26 september 2026
Reto logistico real di Aruba: Compromiso di B2B pa comercio di Aruba mester ta real no show politico Sigur pa e ultimo 16 añanan , nos ta presencia e mesun escenario cu e minister nan di economia ta haci show politico, potretnan bunita y firmamentonan di acuerdonan cu handshake cu promesanan di habri mercado nan nobo y pa haci negoshi cu pais nan manera Colombia , republica Dominicana , Brazil, Panama, Surnam y region di suramerica . Sinembargo e berdad di e fachada tras di camara di e propaganda aki ,cu ta realidad cruelcu comercio y e consumidor di Aruba ta enfrenta diariamente cu ta keda completamente incompleto. Un pais sin conectividad , ta keda un pais cu su retonan, cu sigur ta crea departamentonan manera AFTA cu despues gobierno kier cuestiona comercio riba nan prijsnan y mas ainda e companianan di logisticonany whole salers nan y retailers Center. Aunke, mester bisa si cu e iniciativa pa conecta comerciantenan local cu partidonan internacional ta algo hopi positivo, e esfuerso aki ta keda ininutil y incompleto si e logistica no ta structuralmente regla. E falta di vision y planificacion di e succesivo ministernan di e ultimo 16 añanan aki ta mas bien un show , enbes di concretisa e conectividad conhuntocu e NGO nan den e parti logistica cu ta keda algo inutil y incompleto. Caminda situacion critico unda e cadena di suministro logistica /supply chainta ineficiente cu ta conclui na prijsnan extremadamente caro pa Aruba. E retonan di Logistica Actual: Aereo y Maritimo E deficiencianan den nos transporte di carga ta e causa
principal di e prijsnan halto cu e pueblo ta pagando. Transporte Aereo:Papiando di carganan cu ta bin for di e parti aereo ta mas of menos 90%, cual ta wordo transporta cu liñanan aereo comercial . Aki nos ta papia di liñanan comercial aereo cu no ta Core business . Caminda pasaheronan ta haya prioridad riba carga y e costo cu carga aereo no ta barata y claramente cu e comerciantenan mester cubri nan gastonan y na final ta pone esaki pa e consumidor. Transporte Maritimo:Actualmente Aruba ta dependiendo 100% riba liña nan di barco grandi cu ta transporta containernan. Manera liña maritimo (King Ocean) cu su propio terminal cu su propio ruta directo di Miami pa Aruba. Mayoria di e containernan cu ta sali di Colombia ta bay Miami y pa Miami pa Aruba y tin un durashion di 10 pa 12 dia pa yega Aruba, sin conta e proceso di Aduana prome cu e yega na e cliente. Preguntanan Clave pa Gobierno y e Ministernan Responsabel
Si realmente tin e boluntad pa baha e costo di productonan y yuda e sector comercial, e show mester STOP y mester cuminsa traha riba echonan concreto (FACTS). E pregunta central ta: Kico Gobierno ta willing pa haci of pa facilita e berdadero solucion real pa e parti logistico y conectividad pa Aruba? Porehempel iniciativa pa e comerciantenan local y NGO’s cu ta willing pa inverti den un servicio den container line , porehempel un vessels mas chikito cu por Sali di Puerto di Colombia directo pa Aruba cu por dura 2 of 3 dia enbes di 10 pa 12 dia treciendo prijs mas atractivo unda cu ta haya productonan mas fresco. Si gobierno ta willing pa duna un tipo di compensacion pa un tempo limita pa asina inversionistanan local por start up e ruta. Actualmente na Aruba tin comerciantenan cla para pa cuminsa trece un solucion pa miho prijs pa Aruba. Compensacion y Facilitacion: Ki tipo di incentivolateral
porehempel, fiscal, reduccion di tarifa di waf, of compensacion di Gobierno y APA por nifica hopi pa un tempo limita. Pa asina e proyecto por ranca y Pais Aruba lo Sali beneficioso riba prijsnan y productonan masfresco. Atrobe mi tin cu para keto y remarca cu e iniciativa di B2B berdaderamente ta un bon iniciativa, pero si berdaderamente e minister concerni ta serio di Trade mision y cu kier baha e costo di combustibel na Aruba , y lo sostene e grupo di comerciantenan aki cu ta cla pa sinta na mesa pa traha riba loke mester haci pa crea e caminda pa un miho prijs pa productonan na Aruba y cera e loep cu awe tin e costo na Aruba halto. E berdadero integracion comercial no ta wordo logra den salonnan di conferencia ni den potretnan pa prensa. E ta wordo logra ora cu e carga yega su destinacion na tempo, na un prijs rasonabel y cu un logistica solido. Ban stop e show y sinta cu NGO’s y cuminsa implementa e incentivonan
P6
DIAsabra 26 september 2026
OM ta saca citacionnan den caso Kwihi Den e dianan venidero Ministerio Publico lo saca e citacionnan den e caso Kwihi. Corte a determina mientrastanto un fecha pa e caso regie. Den e caso aki tin seis sospechoso, entre nan C.V.J.R., ex-minister di Transporte, Communicacion y Sector Primario. E sospechonan ta relaciona cu apropiacion indebido di fondonan publico, estafa, labamento di placa, fraude di belasting y maluso di funcion, cometi entre november 2017 y oktober 2021. Publico a haya sa di caso Kwihi pa prome biaha na februari 2023, ora a tene huiszoeking
na diferente adres y a confisca cargadonan di informacion y administracion. Ministerio Publico a informa e tempo ey cu e investigacion tabata dirigi entre otro, contra e ex-minister. Codigo di Procedemento Penal ta bisa cu pa Ministerio Publico por persigui un mandatario sospecha di a comete un delito den ehercisio di su funcion, Corte Comun mester autorisa Ministerio Publico prome. E garantia aki ta fiha den articulo 476 di Codigo di Procedemento Penal, cu a drenta na vigor na april 2024. E legislador kier a preveni/
evita cu e disposicion (bepaling) ey cu ley penal por wordo usa como un posibel instrumento di poder politico. Riba 25 di augustus ultimo Corte Comun a trata e peticion di Ministerio Publico conforme articulo 476 di Codigo di Procedemento Penal pa por persigui e ex-minister. Corte Comun a aproba e peticion aki, dor di cual Ministerio Publico ta autorisa pa sigui cu persecucion.
Aumento di Articulo di Scol 2026 Departamento di Asunto Social kier a informa e comunidad di Aruba cu basa ariba e decision di Ministerio di Asunto Social, desde 1 september 2026 e suma di sosten pa articulo di scol a aumenta cu 50 florin. Cada september di aña, e cliente cu entrega declaracion di scol na tempo, lo ricibi 300 florin te un maximo di 1.200
florin pa famia. Pa Departamento di Asunto Social ta hopi importante sostene e comunidad di Aruba na e momento cu mas nan tin necesidad di esaki. Pa cu esaki, Departamento di Asunto Social ta informa tambe cu DAS a ricibi 378 declaracion di scol na tempo, di cual e clientenan a ricibi
e aumento e aña aki caba. Ademas, seccion di Guia Social a sostene 261 mucha y hoben cu recursonan necesario pa scol. Den e forma aki, DAS ta reafirma nos compromiso pa sigui traha creando e bienestar pa nos tur.
Corte di Prome Instancia 2 oktober 2026 Horario Sospechoso Acto Castigabel 08.30 C.C.F.P. F.P. ta wordo acusa di homicidio di dos perso riba 4 di januari 2026, dor di stuur un vehicu riba L.G. Smith Boulevard sin rijbewijs, bao influencia di alcohol, den estado emocional, velocidad demasiado halto, sin regula su velocidad di tal manera cu e por a brik na ora a paga tino riba otronan den trafico (peaton en particular), no a tene cuidao pasobra riba brug e tin menos bista, no a core na man dre di caminda y no a desvia pa evita di a dal e d hendenan aki. Ademas e ta wordo acusa di intento di homi di dos otro persona riba e mes fecha, dor di mes motibonan, a consecuencia di cual el a h boks cu e dos peatonnan aki cu tabata crusa caminda.
P7
DIAsabra 26 september 2026
Autentico ta fortalece desaroyo profesional den e sector culinario cu e Industry Seminar 2026
Autentico Aruba Culinary Festival ta hopi mas cu un festival culinario. Ademas di celebra e sabornan autentico di Aruba, e iniciativa tambe ta enfoca riba inversion den e profesionalnan cu ta forma e industria culinario di nos isla awe y cu lo guia su futuro.
Como parti di e compromiso aki, Autentico lo organisa un Industry Seminar dia 8 di october 2026, reuniendo chefnan, profesionalnan di hospitalidad y operadornan di restaurant pa un mainta di inspiracion, innovacion y intercambio di conocemento. E evento lo tuma luga na Embassy Suites Aruba.
E seminario lo ofrece perspectivanan valioso tocante sostenibilidad, excelencia den servicio, tendencia internacionalnan den gastronomia y e posicionamento di Aruba como un destinacion culinario. Participantenan lo haya e oportunidad pa tende di expertonan y lidernan reconoci den
e industria culinario internacional. E programa lo inclui presentacionnan di expertonan reconoci internacionalmente, un panel discussion y un demonstracion culinario.
Entre e oradornan invita tin Sian Young, un educador y consultor den maneho di desperdicio y fundadora di Siel Environment Services, cu mas cu 20 aña di experiencia den sostenibilidad y politica ambiental. Werner Loens, ex-director y Hoofd Inspector di Michelin Guide Benelux, cu 37 aña di experiencia den excelencia di gastronomia y hospitalidad. Ademas, lo hiba palabra Lindsey Peckham, un lider den hospitalidad y ex-directora di Guest Relations na Eleven Madison Park, specialisa den crea un cultura orienta riba servicio, desaroya ekiponan di halto rendimento y crea experiencianan excepcional pa bishitantenan. Finalmente, lo tin Virgilio Martínez, un chef Peruano reconoci pa representa y promove Peru, su biodiversidad y
paisahenan, y tambe pa su vision di un sistema gastronomico nobo cu a marca un prome y un despues den ‘haute cuisine’.
Participacion na e Industry Seminar ta sin costo, pero registracion ta obligatorio pa motibo cu espacio ta limita. Esnan interesa ta
wordo pidi pa registra cu anticipacion pa sigura nan luga. Pa registra completa e formulario aki: Registration form.
P8
DIAsabra 26 september 2026
Fundacion Home Aliansa Nobo Rehab Center ta uni na campaña nacional Cuida Aruba
Gobierno di Aruba ta aplaudi Fundacion Home Aliansa Nobo Rehab Center como e mas reciente organisacion comunitario cu a uni su forsa na campaña nacional Cuida Aruba. E anuncio a tuma luga na Mahuma, den presencia di Prome Minister Mike Eman, Sigfried Valentino Koeiman di Home Alianza Nobo Rehab Center y Robert Candelaria, Secretario General di Ministerio di Asunto General. Cuida Aruba ta sigui crece como un movimiento nacional caminda gobierno, sector priva, y NGO’s, scol, iglesia, boluntario y ciudadano ta traha hunto pa mantene Aruba limpi, bunita y bon cuida. Cu e participacion di Home Alianza Nobo Rehab Center, e campaña ta amplia su base comunitario y ta fortalece e mensahe cu cuida Aruba ta un responsabilidad comparti. Durante di e encuentro, Prome Minister Mike Eman a resalta cu e exito di Cuida Aruba ta basa riba cooperacion entre gobierno y comunidad. Actualmente, e centro ta brinda guia y acompañamento na 26 participante, combinando apoyo spiritual cu formacion personal pa
yuda nan bira ciudadano activo y responsabel den nos sociedad. Sigfried Valentino Koeiman a expresa cu e fundacion kier aporta un "granito di arena" na Aruba door di participa activamente den Cuida Aruba. El a indica cu e residentenan di Home Alianza Nobo Rehab Center lo contribui cu accionnan di limpiesa den Mahuma y bisindario, como un forma concreto di duna bek na e sociedad cu ta brinda nan un oportunidad nobo. Secretario general di Ministerio Asunto General, Robert Candelaria a destaca cu Cuida Aruba ta bay mucho mas leu cu solamente haci caminda of bario limpi. E iniciativa ta invita tur hende pa cuida Aruba den un sentido mas amplio, door di fortalece nos sentido di responsabilidad, solidaridad y compromiso cu nos pais. Tambe a enfatisa cu e trabou cu Home Alianza Nobo Rehab Center ta haci pa yuda personanan sali for di adiccion y reintegra den sociedad, ta un ehempel di con cuida hende tambe ta nifica cuida Aruba. Gobierno di Aruba ta aprecia e
compromiso di Home Alianza Nobo Rehab Center y ta invita mas organisacion, empresa y ciudadano pa uni nan mes na Cuida Aruba. Door di traha hunto, cada esfuerso,
grandi of chikito, ta contribui na un Aruba mas limpi, mas bunita y mas fuerte pa tur.
P9
DIASABRA 26 DI SEPTEMBER 2026
Cabayero[67] a pega cu chips y ta fayece
Piedra Plat - Diahuebs atardi polis y varios unidad di ambulance a bay direccion Mido Restaurant na Piedra Plat, unda un cabayero a bira hopi malo
y no tawata reacciona. Na yegada di e unidadnan di Paramedico mesora a cuminsa cu e protocol di reanimatie. Na e sitio
parti pafo por a mira dos ambulance y un Rapidresponder.
aparentemente comiendo chips y a door di un of otro motibo a pega[choke] cu ne.
Segun esnan presente, e meneer[67] lo tawata
Paramediconan a duna nan maximo pero na final
mester a stop. A pidi pa dokter presenta y asina constata morto di e cliente. Nos ta manda un palabra di forsa pa e famia na e momentonan aki.
Gobierno ta aplaudi esfuerso di Aruba Shriners Club pa yuda Emilio
Prome Minister Mike Eman, hunto cu Minister di Turismo, Transporte y Labor Wendrick Cicilia,
a ricibi Emilio van der Linde na Aeropuerto Internacional Reina Beatrix despues cu el a
completa un tratamiento medico specialisa den exterior.
Durante su yegada a resalta e trabou boluntario y e compromiso di Aruba Shriners Club, cu a coordina y sostene e proceso pa Emilio por haya e cuido cu e tabatin mester. Den colaboracion cu Shriners International, Aruba a logra concretisa e prome proyecto di un
Shriners Club den Caribe. E regreso di Emilio ta representa un momento di speransa pa su famia y ta confirma e balor di colaboracion entre organisacionnan boluntario y comunidad. E bon comun a prevalece.
P 10
DIASABRA 26 DI SEPTEMBER 2026
Famianan den Koningstraat:
Seyo pa conserva casnan cu balor historico structura fisico. Nan ta luga caminda famianan a crece, hende a traha y actividad di bida diario di e bario a tuma luga. Franca a señala cu den e area ainda por haya diferente propiedad antiguo cu ta conta parti di e historia di Rancho. P’e, conservacion di e casnan aki ta importante, mientras ciudad ta sigui desaroya, Aruba por mantene tambe elementonan cu ta forma parti di su identidad cultural. Famia ta mira conservacion como algo special Durante e encuentro, un miembro di e famia a
Durante Accion di Bario den area di Rancho, atencion a bay tambe pa tres cas tradicional na Koningstraat, cu ta carga un parti di historia y identidad cultural di e bario. E tres casnan, situa cerca di otro, ta representa un situacion particular dentro di e area historico di Rancho. Durante e recorido, e importancia di conserva e tipo di edificacion aki a bin dilanti, pero tambe necesidad pa informa famianan bon tocante kico proteccion monumental ta implica y con e proceso ta funciona. E intencion ta pa dialoga cu e famianan cu tin interes pa conserva nan propiedad y orienta nan tocante e pasonan necesario pa un posibel reconocimento
como monumento. Asina, conservacion no ta solamente trata di proteha un structura, sino tambe di conserva e historia cu e cas ta representa pa e famia, e bario y Aruba. Un cas cu ta carga historia di famia y bario Jerry Franca a comparti parti di historia relaciona cu un di e casnan y su famia cu durante generacionnan tabata conecta cu e propiedad. Segun Franca, e cas no tabata solamente un luga pa biba. Den pasado, un sapateria tabata funciona na e propiedad, caminda tabata drecha sapato y brinda un servicio na residentenan di e area. E tipo di detaye aki ta mustra con e casnan antiguo di Rancho ta carga mucho mas cu nan
expresa satisfaccion cu e posibilidad pa conserva e propiedad y su balor historico. El a indica cu tanto e como su tata ta sinti orguyoso di por contribui na conservacion di cultura di Aruba. Pa e famia, posibilidad cu e cas por forma parti di preservacion di herencia cultural ta algo special y emocionante. E reaccion ta refleha un aspecto importante di e proceso: conservacion di patrimonio ta depende tambe di participacion y disposicion di e famianan cu ta carga e historia di e propiedadnan. Proteha herencia y identidad di Rancho Durante e recorido a wordo enfatisa cu e tres casnan tin importancia pa identidad cultural y herencia di Rancho. E meta ta pa brinda informacion na e famianan tocante proteccion monumental, e
proceso relaciona cu esaki y loke tal reconocemento por implica pa futuro di e propiedad. E iniciativa ta forma parti di un mirada mas amplio riba importancia di conserva historia mientras Aruba ta sigui desaroya. Casnan manera esnan na Koningstraat no ta solamente edificacionnan antiguo; nan ta testigo di generacionnan, famianan, oficio y bida di bario. Accion di Bario a brinda asina un oportunidad pa acerca Gobierno, expertonan y famianan directamente na otro, y pa sigui e dialogo tocante con por conserva elementonan cu ta forma parti di e caracter historico di Rancho. Proteha e casnan aki ta, na mes momento, proteha un parti di e memoria y identidad cultural cu generacionnan a laga atras.
P 11
DIASABRA 26 DI SEPTEMBER 2026
Comision Sokotra ‘Socotoro’ ta comparti historia y identidad di bario cu Prome Minister Eman Durante Accion di Bario di diahuebs mainta, Prome Minister Mike Eman a haya oportunidad pa conoce mas di cerca e trabou cu Comision Sokotra ta haci pa documenta, conserva y comparti historia di e bario. Representantenan di e comision a presenta na Prome Minister material cu nan a compila como resultado di un proceso di investigacion, incluyendo informacion haya na Archivo Nacional Aruba. E iniciativa a nace for di un grupo di hende di e comunidad cu a uni cu e deseo di haci algo pa Socotoro y, na mes momento, conoce mas profundamente e historia di nan propio bario. Segun e investigacion presenta door di Comision Sokotra, pa mitar di siglo 19 e area tabata caracterisa principalmente pa agricultura. Residentenan tabata cultiva, entre otro, bonchi y maishi. Mirando cu Socotoro tabata un area seco, e comision a haya informacion tocante diferente dam cu tabata existi den e bario y cu tabata relaciona cu actividad agricola di e epoca. Un otro elemento cu a ocupa un luga importante den e historia cu e comision a investiga ta aloe. Segun nan relato, cultivo di aloe a bira parti di actividad agricola y economico den e area, cu agricultornan cu tabata planta e producto y comercialisa e resina. E investigacion di e comision ta conecta aloe
tambe cu e historia tras di e nomber Socotoro, haciendo referencia na isla di Sokotra, den cercania di Yemen, y na introduccion di aloe na Aruba. Despues di tempo, segun e relato presenta, e nomber a evoluciona localmente te bira e Socotoro cu comunidad conoce awe. For di su pasado agricola, Socotoro a sigui transforma. Mas cas y scol a bin, actividad comercial a crece y migracion for di diferente pais, entre otro Venezuela y Colombia, a contribui na forma un comunidad multicultural. E comision a compila tambe informacion tocante personanan, deportistan, artistanan, negoshinan y otro elementonan cu a forma parti di bida y desaroyo di e bario. Como parti di nan trabou pa fortalece identidad di Socotoro, e comision ta trahando tambe riba un bandera representativo di e bario, cu elementonan inspira riba aloe y colornan cu carga simbolismo relaciona cu speransa y prosperidad.
Prome Minister Eman a gradici Comision Socotoro pa e iniciativa y a expresa su satisfaccion cu comunidadnan ta organisa nan mes pa investiga y conserva nan historia. Durante e intercambio, Prome Minister a destaca tambe e conexion historico entre Socotoro, Rancho y Madiki y otro partinan di e area tradicionalmente relaciona cu Playa Pabou. Mas aya di unda exactamente un caya of un limite di bario ta cay, el a pone enfasis riba e relacion y unidad cu historicamente ta existi entre e comunidadnan aki. Pa Prome Minister, conoce e origen di e barionan y e historia di e famianan cu a forma nan ta un parti importante di identidad di Aruba. Manera el a expresa durante e encuentro: “Historia ta haci nos pais fuerte.” Premier Eman cu tambe a biba y lanta den e bario di Socotoro pa un tempo, a ricibi un plakaat di reconocimento for di e comision como muestra di
nan aprecio. E encuentro durante Accion di Bario a brinda asina un oportunidad no solamente pa tende necesidadnan actual di comunidad, pero
tambe pa duna espacio na iniciativanan cu ta busca conserva memoria, historia y identidad di nos barionan pa siguiente generacion.
P 12
DIASABRA 26 DI SEPTEMBER 2026
Minister Geoffrey Wever:
E di dos edicion di Savaneta Seafood Festival ta tuma luga e diadomingo aki
Na mes momento, cu Programa Piskechi, Gobierno ta inverti den e siguiente generacion. Muchanan y hobennan entre 10 y 17 a haya oportunidad pa siña tecnica tradicional di piscamento y adkeri conocemento practico, cu e meta di conserva conocemento local y stimula interes den pesca como parti di futuro di sector primario. Minister Geoffrey Wever, ta indica cu e diferente iniciativanan ta forma parti di un mesun direccion di maneho.
Oranjestad, 24 september 2026 - E diadomingo aki, 27 di september, Savaneta lo bolbe bira punto central di pesca, gastronomia, cultura y comunidad durante e segundo edicion di Savaneta Seafood Festival. Despues di e prome edicion exitoso na 2025, Savaaneta Prome Capital ta trece e festival un biaha mas cu e meta di sigui ofrece un plataforma na nos piscadonan, productornan y empresarionan local, mientras ta pone e tradicion di pesca di Savaneta den centro di desaroyo di sector primario. Fundacion Savaneta Prome Capital ta organisa e festival unico aki den colaboracion cu Ministerio di Finansa, Asunto Economico y Sector Primario y diferente partnernan publico y priva. E iniciativa a nace cu un vision pa celebra e herencia di pesca di Savaneta, crea actividad economico den comunidad y sigui posiciona Savaneta como e capital di pesca di Aruba. E diadomingo aki publico por disfruta di un variedad di pisca
y seafood, preparacion culinario, musica live, entretenemento, artesania y diferente actividad den un ambiente familiar. Pero tras di e celebracion tin un meta mas amplio, cual ta pa conecta piscamento local cu gastronomia, emprendemento, cultura y actividad economico, pa asina crea mas oportunidad rond di un sector cu ta forma parti di identidad di Aruba. Pa Minister Geoffrey Wever, Savaneta Seafood Festival no ta un iniciativa aisla. E ta conecta cu diferente accion cu ta wordo implementa pa fortalece e fundeshi necesario pa sector primario por desaroya y crea mas oportunidad economico. Den sector di pesca, Gobierno a inverti den renobacion di pier di ex-Brisas del Mar na Savaneta, un infrastructura importante pa piscadonan y comunidad. E maneho tambe ta inclui inversion den otro piernan usa pa actividad di pesca, cu e meta di ofrece infrastructura mas adecuado pa e sector.
"Si nos kier fortalece sector primario, nos mester atende diferente parti di e cadena. Nos mester infrastructura pa nos piscadonan, conocemento pa e siguiente generacion, oportunidad pa empresario y un mercado unda producto local por haya mas visibilidad. Savaneta Seafood Festival ta reuni varios di e elementonan aki den un solo lugar, nos piscadonan, nos producto, nos cultura, nos empresarionan y nos comunidad." E vision pa sector primario ta enfoca riba crea condicionnan pa produccion local por crece y pa mas actividad economico por desaroya rond di agricultura, pesca y produccion local. Esaki ta conecta cu e meta mas amplio di diversifica economia, stimula iniciativa empresarial y contribui na un suministro di alimento mas resiliente pa Aruba. Den agricultura, por ehempel, e AGRIFUND di Afl. 3 miyon a crea acceso na financiamento pa productor- y agricultornan pa inverti den nan actividad comercial. Den pesca, inversion den infrastructura, formacion di hobennan y promocion di producto local ta forma otro parti di e mesun direccion, cual ta pa crea un sector primario cu tin mas capacidad pa produci, desaroya y genera actividad economico. E prome Savaneta Seafood Festival na 2025 a wordo inicia cu e intencion pa bira un evento anual. Cu e segunda edicion, e iniciativa
ta continua construyendo riba e fundeshi ey. E meta ta pa Savaneta Seafood Festival sigui crece como un plataforma unda piscadonan, comerciante, emprendedornan, gastronomia y cultura local por bini hunto. Asina, e balor di pesca local no ta termina ora pisca yega tera, sino por sigui genera actividad economico den preparacion di cuminda, benta, gastronomia, comercio y experencia cultural. "Nos kier mira un sector primario cu ta crea oportunidad. Un sector cu no solamente ta conserva nos tradicion, pero cu tambe ta innova, genera entrada y ta ofrece perspectiva pa un siguiente generacion. Pa Savaneta, pesca ta parti di su historia, pero e por forma parti importante tambe di su futuro economico," Minister Wever a expresa. E segundo edicion di Savaneta Seafood Festival ta un otro momento pa pone producto local den centro y pa mustra e potencial cu tin ora gobierno, comunidad, piscadonan y empresarionan traha den un mesun direccion. Minister Geoffrey Wever ta invita henter comunidad di Aruba y nos bishitantenan pa yega Savaneta e diadomingo aki, 27 di september entre 11’or di mainat te 7’or di anochi, pa disfruta di e ambiente y conoce mas di cerca e producto, cultura y tradicion di pesca cu Savaneta tin di ofrece. E diadomingo aki, Savaneta ta celebra su pesca, su cultura y su comunidad.
DIASABRA 26 SEPTEMBER 2026
MINISTER DOWERS A DUNA DISCURSO NA NACIONNAN UNI
Minister di Husticia, Integracion, Transporte Publico y Energia, mr. drs. Arthur Dowers, a dirigi palabra na Nacionnan Uni na New York den nomber di Reino Hulandes, durante e reunion di alto nivel pa conmemora 40 aniversario di Declaration on the Right to Development. E reunion ta forma parti di e actividadnan di alto nivel durante di 81 sesion di Asamblea General di Nacionnan Uni y ta marca 40 aña desde cu Asamblea General a adopta e declaracion na 1986. E declaracion ta reconoce derecho na desaroyo como un derecho humano cu no por wordo kita y ta pone enfasis riba participacion, igualdad di oportunidad y cooperacion internacional. Durante su discurso, Minister Dowers a enfatisa cu derecho na desaroyo ta conecta directamente cu diferente derechonan humano y cu desaroyo sostenibel mester inclui tanto derechonan civil y politico como derechonan economico, social y cultural. “The right to development is a symbol of the indivisible, interdependent, and mutually reinforcing nature of all human rights.” Minister Dowers a señala cu Agenda 2030 ta keda e guia internacional pa desaroyo sostenibel, pero cu conflicto, cambio climatico y desigualdad creciente ta pone presion riba e progreso logra te awo.
Den su discurso, el a reafirma e compromiso di Reino Hulandes cu Agenda 2030 y a subraya cu Aruba, Curaçao, Sint Maarten y Hulanda, cada un for di nan propio contexto, ta traha cu un meta comparti: un futuro husto, inclusivo y sostenibel. “Aruba, Curaçao, Sint Maarten and the Netherlands work in their own context, with one shared goal: a just, inclusive and sustainable future.” Un otro punto importante den e discurso tabata cooperacion. Minister Dowers a enfatisa cu ningun pais por logra desaroyo sostenibel su so y cu e principio di cooperacion entre paisnan ta forma un parti importante di e Declaration on the Right to Development. Tambe el a anuncia cu Reino Hulandes lo presenta su di tres Voluntary National Review tocante progreso riba Sustainable Development Goals (SDGs) otro aña. E proceso lo conta cu participacion di hobennan, sector priva y sociedad civil, pa asina refleha e SDGnan como un agenda comparti. Minister Dowers a expresa ademas sosten di Reino pa procesonan di reforma cu tin como meta haci Nacionnan Uni mas representativo, resiliente y efectivo pa enfrenta e retonan actual. Na final di su discurso, Minister Dowers a haci un yamada pa e
40 aniversario no ta solamente un momento pa wak bek, sino tambe pa renoba compromiso cu e futuro:jke inzet voor de toekomst te hernieuwen: “Let the 40th anniversary of the Declaration remind us of our common goal to ensure that every person has the ability to shape their own future.” De deelname minister Dowers deze bijeenkomst
van aan op
hoog niveau maakt deel uit van zijn programma in New York tijdens de High-Level Week van de Algemene Vergadering van
P 13
de Verenigde Naties, als onderdeel van de delegatie van het Koninkrijk der Nederlanden.
Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”. Salmo: 23 Cu inmenso tristeza na nos curason, pero conforme na boluntad di Dios, nos ta anuncia cu a bay drumi dushi den brasa di Señor
José Mariano Figaroa Mihor conocí como: “Jossy” *04-12-1944 - †21-09-2026
Acto di entiero lo wordo anuncia despues.
P 14
DIASABRA 26 DI SEPTEMBER 2026
Ambiente Marino:
Directie Natuur & Milieu, Aruba Conservation Foundation y Blue Marine Foundation ta prepara siguiente ronda di dialogo y consulta cu stakeholders Directie Natuur & Milieu (DNM), hunto cu Aruba Conservation Foundation (ACF) y Blue Marine Foundation (BMF), a presenta na Ministerio un update tocante e progreso den e proceso 30x30, enfoca riba proteccion di ambiente marino di Aruba. Esaki den preparacion pa e proximo ronda di dialogo y consulta cu stakeholders, cu lo tuma luga den luna di october binidero. E presentacion ta sigui riba e prome fase di e proceso cu a inicia na comienso di aña. Despues di un prome ronda di consulta, e grupo di trabou a dedica e siguiente lunanan na trabou tecnico, recopilacion y analisis di informacion, preparacion di mapanan y desaroyo di diferente senario. E siguiente paso ta pa bolbe cerca stakeholders relaciona cu ambiente y actividad marino, e biaha aki pa presenta e resultadonan di e trabou tecnico y haya nan feedback riba e diferente senarionan cu ta bou consideracion. Director di DNM, Gisbert Boekhoudt, a splica cu e proyecto a inicia na februari y cu e reunion cu Prome Minister Eman a sirbi pa brinda un update di e progreso logra te awo. Como parti di e proceso,
DNM y su partnernan a traha cu informacion disponibel tocante naturalesa y uzo di e areanan marino. A base di e informacion aki, nan a prepara diferente mapanan y senarionan pa evalua con Aruba por acerca e meta internacional di 30x30. E proceso ta considera tanto awa teritorial como e area offshore, incluyendo e zona economico exclusivo, y ta explora diferente senarionan relaciona cu e meta di proteccion di mas cu 30 porciento di ambiente marino pa 2030. Boekhoudt a enfatisa cu e proceso actual ta un proceso di investigacion participativo y consultativo. E informacion cientifico disponibel, e trabou tecnico y e aporte di stakeholders ta reuni y analisa pa crea un base solido pa e siguiente pasonan. Esaki ta importante, pasobra e proceso actual no ta parti di un ley cu ya ta defini. Al contrario, consulta y investigacion ta tumando luga prome, pa cu eventual legislacion por wordo desaroya riba base di evidencia cientifico y teniendo cuenta cu e informacion y feedback cu stakeholders ta aporta. Proteccion di bida marino Pa Natasha Silva, Chief
Conservation Officer di Aruba Conservation Foundation, e proceso ta importante mirando e balor cu naturalesa marino tin pa Aruba. Silva a indica cu diferente pais rond mundo ta trahando riba e meta 30x30, tanto riba tereno como den ambiente marino. Den caso di e proceso actual na Aruba, un parti importante di e atencion ta bay pa e area offshore. Segun Silva, proteccion di e ambiente marino ta importante pa preservacion di bida marino y naturalesa en general. E ta mira tambe un conexion directo cu economia di Aruba, considerando cu e ambiente marino ta forma parti di e recurso natural cu ta sostene diferente actividad economico. Silva a señala ademas cu, bou condicionnan adecuado di proteccion, ambiente marino tin potencial pa recupera y genera beneficio tanto pa naturalesa como pa Aruba den sentido mas amplio. Sosten tecnico, ciencia y investigacion Fiona Newell di Blue Marine Foundation a destaca e colaboracion cu DNM y ACF y e oportunidad pa BMF contribui cu su
experiencia internacional den proteccion di oceano. Newell a indica cu Blue Marine Foundation ta mira potencial den e proceso cu Aruba ta siguiendo y cu nan rol ta principalmente pa sostene DNM cu conocimiento tecnico unda esaki ta necesario. E aporte di BMF ta concentra specialmente riba proteccion di oceano, ciencia y investigacion, complementando e conocemento y experiencia local di DNM y ACF. Proximo paso: stakeholders ta haya oportunidad pa otro ronda di dialogo Participacion di stakeholders ta un elemento central den e proceso. Despues di e prome ronda di consulta y e trabou tecnico cu a sigui, e intencion ta awo pa presenta e informacion y senarionan desaroya na stakeholders relaciona cu ambiente y actividadnan marino. Durante e siguiente ronda di dialogo, stakeholders lo haya oportunidad pa evalua e senarionan y brinda nan feedback.
Asina, nan aporte, hunto cu e evidencia cientifico y investigacion tecnico, por forma parti di e base riba cual e siguiente pasonan lo wordo desaroya. E presentacion na Prome Minister Mike Eman ta marca asina un siguiente paso den e proceso: for di consulta inicial, pa analisis tecnico y desaroyo di senarionan, y awo bek cerca stakeholders pa un siguiente ronda di dialogo. Unabes e fase di investigacion y consulta conclui, e informacion recopila por sirbi como base pa desaroyo di eventual legislacion. Si den un fase posterior un area haya proteccion legal, lo sigui un otro proceso di consulta cu stakeholders tocante maneho di e area. Cu e proximo ronda di consulta programa pa october, DNM, ACF y BMF ta sigui cu un proceso basa riba investigacion, evidencia cientifico y participacion di stakeholders, pa explora con Aruba por duna contenido na e meta 30x30 pa su ambiente marino.
P 15
DIASABRA 26 DI SEPTEMBER 2026
“Mi a lucha e bon lucha, mi a termina e kareda, mi a keda fiel na Fe.” 2 Timothy 4:7
It is with hearts full of gratitude and peace that we announce the passing of:
Humphrey Eugenio Simmons “Mata Hari” *2 October 1958 - †17 September 2026
Na nomber di su: Mama: Aurelia Simmons Yiu: Eugene “Seintje” Simmons & Leekay Simmons Loefstop Nieto: Kaën Eugene Simmons Rumannan: Janet Simmons Brenda Simmons Turhan y Sherida Simmons Ronald Simmons Cornel Simmons Sheryl y Nelson Petronia Simmons Micheal y Nathaly Simmons Thompson Eric y Claudia Simmons Carti Beverly Simmons Sobrina y Sobrinonan: Valeska, Dieidra, Shaquille, Shakeem, Nia, Naomi, Sheidra, Quadir, Gabriel Mama di su yiu: Zina Lopez Tanta y Tio: Gladys van Heynigen Yvonne Wilson Josepha Leveroch Kennedy Leveroch Yiunan di crianza: Carolina Rodriguez y Famia Sylvana Rodriguez y Famia nan mama Sara Comer y Compader: Poppy La Nooy Carolina & Juan Trinidad Famia nan pega: Lucia Romero, Migalda Jansen Feliciana & Victorine Lopez Deyonne, Derrick, Deshline Matthew Jonathan, Samantha, Jean Carlo Trinidad Amigonan: Roland Leon Nelson Ras Gito Gomez Sonny Elisabeth Bon bisinja/ ayudante: Leonor Placeres Tohar Prima(o) mucho hopi pa menciona na Aruba, Corsow, SXM, Saba, Eux, Merca. Ex-Coleganan di Marriott Casino. Demas famianan Simmons, Wilson, Leveroch, Lopez, Loepstop, Becker, Thompson, Carti, Petronia, Van Heynigen, Hodge, Gibbs, Sammon, Davis, Van Zanten, Pole, Matthew, Levenston. Nos disculpa si den nos tristesa nos por a lubida di menciona un of otro famia. Condolenica lo tuma lugar Diabierna 25 September 2026 na Olive Tree Funeral Care & Crematory San Nicolaas di 7pm pa 9pm. Entiero lo tuma lugar Diasabra 26 September 2026 na Capilla Pos Chikito di 2pm pa 4pm sigi santana na Sabana Basora. Despues di Entiero no ta ricibi bishita di Condolencia na cas.
P 16
DIASABRA 26 DI SEPTEMBER 2026
"Dios ta amor... y amor ta Dios, maske mi no ta na e mundo aki, tur dia lo mi ta banda di boso Curazon, mi por stens di loke Señor ta hasi" Salmo 33 Cu dolor na nos curason, nos ta participa fayecimento di:
Swinda Ludwina Flanegin-Carrasquero †Tata: Jose Carrasquero †Mama: Luisa Carrasquero-Lacle Na nomber di: Mi querido esposo, enfermero y mi tur cos: Silvio “Buchi” Flanegin
Mi tres curasonnan cu ta mi yiunan: Nuris y Ludwig “Luda” Burleson
Mi swa y cuñanan:
Joserick y Orayma Flanegin
†Swinda Arends y famia
Johnrick y Lucy-Anne Flanegin
Pedro “Benito” Flanegin y famia
Mi yiu di curason: Layward Cannister Mi nieto y nietanan stima:
† Mildred” Titi”y Waldo Peña y famia Marisa Flanegin y famia
Ludy-Ann y Jo-Rick Burleson
Elvis De Cuba y famia
Jionrick, Jayzion y Jaylen Flanegin
Sergio “De” y Jeritza Flanegin y famia
Zeinrich, Zevah y Joeszah Flanegin na hulanda
† Laida y Edward Cannister y famia
Avy-Aliza y Lia-Alina Flanegin
Tur mi subrina y subrino nan, primo y primanan.
Mi rumannan:
Mama di mi nietonan na hulanda: Zsasy Steenhuizen
Lucio y Celeste Carrasquero y famia
Amigonan di cas:
Rosalinda Carrasquero y famia
Richard “Nun” y Angela Flanegin
†Angel Thomas
Dennis” Bouga” Blijden
Richard Carrasquero
Carlos “Carlito”Maduro y yiu
Roland y Rita Carrasquero y famia
Demas Famia y conocirnan: Carrasquero, Flanegin, Lacle,
Candida Carrasquero y famia
Burleson, Ras, Semeleer, Cannister, Martinus, Maduro,
Ingrid Carrasquero y famia
Pieters, Winklaar, Tromp, Bermudez, Henriquez, Latham,
Sandra Carrasquero y famia
Ruiz, Leer, Baiz, Henricus, Comenencia, Gomez, De Cuba,
Mi omo y tantanan:
Werleman, Stamper, Angela, Peña, Arends, Engelhart, The
Ignacio Gomez y famia
Happy Brothers
Johannes” Poy” y Madelijne Flanegin y famia Doris” Nachi” y
† Ruperto † Denisia † Yanjo Vita Antonio Lacle y famia †Juliana Henriquez y famia †Norma Latham y famia †Sixta “Baby”Comenencia y famia Suzanna Henriquez y famia Maria “Chica” Tromp y famia Helen Ruiz y famia †Annie Lacle y famia Vera Baiz y famia
Ta invita pa acto di entiero cual lo tuma lugar na Misa Inmaculada Concepcion diasabra 26 di september 2026, di 2or pa 4’or di atardi. Despues lo sali pa Santana Catolico na Sta Cruz. Condolencia lo tuma lugar na Royal Funeral Home diabierna 25 di September 2026 di 7’or pa 9’or di anochi. Disculpa nos pero despues di entiero nos no por ricibi bishita di condolencia na cas.