Issuu

DIASABRA 19 SEPTEMBER 2026

19 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

MEMEY DI TUR E SHOW DI AVP-FUTURO, UN REALIDAD

FINANCIERO PREOCUPANTE TA BIRA BISTO “PARLAMENTO DI ARUBA TA STROBA OPOSICION EHERCE CONTROL RIBA GOBIERNO.

SIN CONTROL NO TIN DEMOCRACIA” MASAHISTA ACUSA DI A MISHI CU DAMA DECLARA LIBER

Inscribi awo pa Landsexamen 2027 Departamento di Enseñansa Aruba (DEA), seccion examen, ta informa cu inscripcion pa Landsexamen MAVO, HAVO y VWO 2027 ta habri te cu 16 di october 2026. Ken por participa? Bo ta desea di haal bo diploma di MAVO, HAVO of VWO ainda? Landsexamen ta brinda e oportunidad pa haal e diploma aki na un manera flexibel. Un “landsexamen” ta igual na e examen di un scol secundario y un diploma di landsexamen MAVO, HAVO of VWO tin e mesun

balor cu e diploma obteni via un scol secundario. Personanan cu no ta bishita scol secundario (mas) pero cu ainda kier haal nan diploma, como tambe esnan cu kier haal certificado pa un of mas materia (vak) specifico por inscribi pa participa na Landsexamen. Landsexamen ta aplica e mesun exigencianan pa examen (exameneisen) y e mesun “schriftelijke centrale examens”. Esnan cu scoge pa participa na landsexamen no ta obliga pa haci examen den tur materia pareu. Bo por scoge pa haci examen

y haal “deelcertificaten” pa un (1) of mas materia durante diferente aña escolar. Cada candidato tin maximo dies (10) aña pa haal su diploma via landsexamen. Riba nos website www. ea.aw riba e pagina di Landsexamen por haya mas informacion di e similaridadnan y e diferencianan entre Landsexamen y scol secundario. E aña aki nos no por duna e vak geschiedenis pa landsexamen havo y vwo. Con pa inscribi? Pa inscribi mester yena

DIAsabra 19 september 2026

formulario digital di inscripcion cu ta riba nos website www.ea.aw. Aki tambe lo mester upload un extracto di registro civil (afl. 5,-) cu no ta mas bieu cu 6 luna. Tur informacion necesario ta accesibel riba nos website www.ea.aw. Ta urgi un y tur pa por fabor lesa tur informacion den e “Informatiebrochure Landsexamen 2027” prome cu yena e formulario di inscripcion online. Mas informacion

tocante Landsexamen den e “Informatiebrochure Landsexamen 2027” riba nos website. Bay na www.ea.aw y riba e pagina principal busca Landsexamen na letter (L) den e alfabet menu. Ta sugeri candidatonan y interesadonan pa sigui Departamento di Enseñansa Aruba riba Facebook y/of Instagram @EducationAruba pa keda na altura di tur informacion.

Por haya tur informacion

Edylliene Maduro a gradua como Bachelor den Organization, Governance and Management (OGM) ORANJESTAD – Dia 14 di September, 2026, Edylliene Maduro a defende su tesis exitosamente y a obtene e titulo di ‘Bachelor of Arts’ for di e programa Organization, Governance and Management, Facultad di Arte y Ciencia. Edylliene Maduro a defende su tesis titula: Perceptions of Quality of Care Among Staff in Elderly Care Facilities: A Qualitative Case Study of

SABA Edylliene a investiga e perspectiva di trahadornan riba calidad di cuido na Adulto Mayor na SABA. E commision di graduacion tawata consisti di: ● dr. Mieke de Droog, Thesis Supervisor ● drs. Jacques van der Scheer, segundo supervisor ● dr. Sulima Geerman Director SABA- 3rd Reader Ta gradici e docentanan di e departamento di

OGM y profesional cu a yuda of guia Edylliene como studiante. Tambe ta gradici tur esnan na y pafo di Universidad di Aruba cu a contribui na un manera of otro na e acontecimento aki. Pa mas informacion tocante e estudio OGM, bishita e website di Universidad di Aruba na http://w w w.ua.aw/ogm, e pagina di Facebook @

UniversityofArubaOGM. MGL y e pagina di

Instagram @ua_ogm.mgl.

DIAsabra 19 september 2026

Parlamentario Xiomara Maduro:

MEMEY DI TUR E SHOW DI AVPFUTURO, UN REALIDAD FINANCIERO PREOCUPANTE TA BIRA BISTO Memey di tur e show, biahamento, anuncio y sacamento di potret di Ministernan di AVP-FUTURO, tin un realidad cu ta bira mas bisto: e rumbo di Aruba su finansa publico ta causa preocupacion. Nos no ta bisa cu Aruba ta den un crisis financiero awe. E cifranan actual ainda ta mustra un surplus y economia ta genera entrada. Pero un Gobierno responsabel no ta wak solamente e saldo di awe. E mester wak si e decisionnan di awe ta keda pagabel mañan. Y precisamente ey e señalnan ta preocupante. Gasto ta crece mas lihe cu entrada Den presupuesto 2027, entrada di Pais ta subi cu Afl. 55 miyon, of 3%, compara cu 2026. Sinembargo, gasto coriente ta subi cu Afl. 82 miyon, of 4%. Entre otro, gasto di personal ta subi cu Afl. 16 miyon, producto y servicio cu Afl. 56 miyon, subsidio y transferencia cu Afl. 22 miyon, y interes cu Afl. 4 miyon. Un gasto incidental por wordo ahusta. Pero ora gasto bira structural, e ta compromete e placa di cada aña. Si entrada baha of turismo haya un golpi, e gasto permanente ta keda. E resultado ta cu cada florin nobo ta wordo compromete prome cu Gobierno por inverti’e den scol, caminda, cuido, siguridad of cultura. Espacio financiero ta bira mas chikito Na 2027 Aruba ta presupuesta cerca di Afl. 293 miyon solamente pa paga interes. Esaki ta alrededor

di 15 cent di cada florin cu Gobierno ta cobra. Esey ta placa cu no por bay pa drecha scol, mantene caminda, fortalece Hospital of inverti den desaroyo economico. Refinanciamento por yuda baha e costo di interes, pero no ta soluciona e problema si Gobierno ta keda uza e espacio nobo pa crea mas gasto permanente. No por sigui crea mas obligacion structural sin cobertura pa futuro. Inversion ta keda atras Otro señal preocupante ta e nivel di inversion. CAft a califica solamente Afl. 3,5 miyon di inversion directo, pafo di e fondo di inversion AIOF, como marginal compara cu e tarea grandi cu Aruba tin. Pa e fondo di inversion AIOF tin Afl. 11 miyon contempla pa 2027, pero na momento di e evaluacion no tabata tin un presupuesto completo ni un agenda multi-anual di inversion presenta. Esaki ta crea un imagen engañoso: un surplus por parce hopi bunita riba papel precisamente pasobra proyecto necesario no ta wordo ehecuta.

Surplus di fondonan social ta disparce Sinembargo e señal mas serio ta e proyeccion di AZV y SVb. Segun e cifranan multi-anual, AZV su surplus ta proyecta pa baha di Afl. 74 miyon na 2027 pa apenas Afl. 9 miyon na 2031: un caida di aproximadamente 88%. SVb su surplus ta baha di Afl. 40 miyon pa Afl. 11 miyon: un caida di 72,5%.

E fondonan no ta den deficit ainda. Pero nan margen pa absorba un aumento den costo medico, mas pensionado, menos entrada di prima of un shock economico ta bira cada biaha mas chikito. Na mes momento, e surplus di e fondonan ta wordo conta como recurso pa baha debe di Pais. Na 2026 SVb a deposita Afl. 50 miyon cerca Pais. Tal operacion por tin sentido financiero, pero solamente si Gobierno por demonstra cu e fondo ta keda cu suficiente likides, cu tin un reserva minimo, un proyeccion actuarial y condicionnan cla pa repago. Surplus anual no ta automaticamente “placa liber”. E placa tin cu proteha cuido y pensioen di pueblo, tambe den añanan dificil. E imagen completo ainda falta Tin otro motibo pa cautela: e definicion oficial di sector colectivo a wordo amplia di 6 pa 34 entidad, pero no tur e entidadnan ta consolida completamente den e calculacion di debe y saldo. Ademas, varios compania publico ainda no a presenta nan cuenta anual 2024. Mientras e informacion aki falta, Parlamento no por mira e cuadro fiscal completo. Debe, garantia, contrato largo, atraso di pago y posibel rescate di entidad publico por bira obligacion pa Pais. E conclusion ta cla No ta cuestion di crea panico. Ta cuestion di anticipa problema prome cu e bira crisis. Aruba su

situacion actual ta relativamente fuerte, pero e margen di siguridad ta bira cada bes mas chikito. Gasto ta crece mas lihe cu entrada. Interes ta come un parti grandi di cada florin. Inversion ta marginal. Surplus di AZV y SVb ta baha drasticamente. Y no tin un bista completo ainda di e obligacionnan publico. AVP–FUTURO ainda no a demonstra cu su rumbo financiero ta sostenibel pa e añanan nos dilanti. Gobierno mester presenta e costo completo di cada medida permanente, su fuente di financiamento y su efecto multianual. Tambe mester publica un plan concreto di inversion, proteha reserva di e fondonan social y duna Parlamento un cuadro consolida di tur entidad publico. “Show y propaganda por tapa realidad pa un rato, cifra no,” Parlamentario Xiomara Maduro ta expresa pa mustra su preocupacion riba e rumbo cu AVP-FUTURO ta scoge pa Aruba.

DIAsabra 19 september 2026

Noticia di Corte

Castigo combina, banchi electronico na enkel, keda cas anochi obligatorio y tratamento pa homber ORANJESTAD – Awe mainta Hues di Corte di Husticia a dicta sentencia den e caso penal cu Ministerio Publico a cuminsa contra Zuriel Celaire (23), kende ta wordo acusa di complice di maltrato severo, posecion di armanan di candela y menaza di dos persona. SOLO DI PUEBLO por a compronde cu Hues a haya Zuriel culpabel y a condena Zuriel na castigo di prison combina, cana cu banchi electronico na enkel, keda cas obligatorio anochi y mester sigui instruccionnan di Reclasering. Hues su conclusion riba e acusacionnan contra Zuriel ta cu e homber D.L. y e homber A. a declara cu Zuriel a palabra pa nan topa na EPB San Nicolas pa un deal di droga. Den e auto di Zuriel tabatin un persona mas cu a maltrata D.L. cu un arma di candela. D.L. a logra scapa y a grita A. pa yuda. E homber arma den e auto, a saca arma pa A. A. a core bay. Hues a mustra cu na September 2025 e rumannan L. a tira riba Zuriel y e rumannan L. ta sera den KIA. HUES NO TA KERE ZURIEL Hues a bisa cu e no tin motibo pa duda den declaracion di e rumannan L. Ademas tin declaracion di otro testigonan. Hues a bisa cu e no ta kere Zuriel cu D.L. y A. a set up contra dje. Hues a bisa Zuriel, cu D.L. a wordo condena a base di declaracion di A. tambe. Hues no ta kere cu ta un set up manera Zuriel ta pretende. Hues ta haya cu Zuriel tambe a menaza e ruman muher di L. y un otro persona. CULPABEL DI MALTRATO Hues a bisa cu e no ta hayua Zuriel culpable di intento di maltrato severo pasobra no a keda proba maltrato severo. Hues a bisa cu e ta haya Zuriel culpabel di maltrato cu un arma. Hues a

bisa cu Zuriel ta responsabel cu e homber den e auto di Zuriel a maltrata D.L. CULPABEL DI POSECION DI ARMA Hues a mustra cu tin hopi potret di arma y Zuriel cu arma pisa den su cellular. Hues a bisa cu Zuriel a declara cu el a traha potret di dje cu arma den man via AI ( Inteligencia Artificial). Hues a sigui bisa cu no por bisa si e armanan ta real. El a mustra cu segun ley, cosnan cu ta parce un arma cu por usa pa spanta hende, ta wordo considera como arma. Esey ta haci cu lo tin un diferencia den e castigo si ta arma real of no. Hues ta haya Zuriel culpabel di posecion di arma. Pa cu e castigo, Hues a bisa cu Fiscal a exigi 4 aña di prison y condicional TBS y cu condicionnan poni pa Reclasering y tratamento di psycologo y banchi di enkel. Hues a mustra cu abogadonan di Zuriel ta haya cu e condicionnan en especial keda anochi cas y cu banchi di enkel, ta mucho pisa. Hues a mustra cu posecion di arma ta un problema hopi serio na Aruba. E acusacionnan contra Zuriel ta serio y ta causa sentimento di inseguridad den comunidad. CABA BIN FOR DI HULANDA Y ATROBE PROBLEMA Hues a bisa cu e ta tene cuenta cu e pasado di Zuriel. El a mustra cu apenas algun luna liber for di TBS na Hulanda, Zuriel ta bin causa problema na Aruba. Hues a bisa cu evaluando raportnan di pasando, e no por usa nan pa determina awor si mester impone TBS condicional. Pesey Hues a rechaza e idea di TBS condicional. CONDICIONNAN SEVERO

Hues ta haya, teniendo cuenta cu e pasado di Zuriel, e recomendacionnan di Reclasering ta al caso, esta banchi electronico di enkel, mester keda anochi na cas, mester sigui indicacionnan di Reclasering y tratamento di psycologo. MESTER PAGA DAÑO Pa loke ta e demanda di daño di 7 mil florin exigi pa e dama L., kende a keda spanta, Hues a bisa cu e ta honra 1 mil florin y cu medida di pago. Esey ta nifica cu Zuriel mester paga 1 mil florin. CASTIGO Hues a condena Zuriel na 4 aña di prison di cual 2 aña ta condicional cu un tempo di prueba di 3 aña. Hues a bisa cu Zuriel, durante 3 aña mester cumpli cu e condicionnan stipula pa Reclasering, entre otro cu entre 6’or di atardi y 6’or di mainta, Zuriel mester ta na cas y no ta permiti pa sali riba caya. Tambe cu Zuriel ta haya un banchi electronico di enkel cu e mester keda cun’e bisti henter dia pa un periodo di prueba di 9 luna. Tambe ta asina cu Zuriel lo mester haya tratamento di psycologo.

DIAsabra 19 september 2026

DVG ta registra aumento den casonan di keintura cu sintomanan respiratorio

Oranjestad, Aruba 18 september 2026 – Directie Volksgezondheid (DVG) ta informa comunidad cu, segun datonan registra den su sistema di vigilancia di salud, ta observa un aumento den casonan di keintura acompaña pa sintomanan respiratorio y malestar gripal. Tambe ta registra casonan di influenza tipo B. Riba social media tambe por nota diferente ciudadanonan compartiendo cu tin un andansa di griep cu ta causando malestar fuerte. Proteha esnan mas vulnerabel DVG ta encurasha comunidad, y en especial e gruponan cu tin mas riesgo di complicacion, pa aplica medidanan preventivo. Esakinan ta: • adulto mayor di 60 aña y mas; • mucha chikito bou 5 aña; • hende muhe na estado; • persona cu malesanan cronico of condicionnan cu por debilita nan sistema inmunologico. Pa e gruponan aki ta recomenda pa laba man frecuentemente cu awa y habon, of usa hand sanitizer, evita contacto cercano cu persona cu ta malo, sigui tuma remedi manera nan ta prescribi y considera vacunacion contra influenza. E vacuna contra influenza ta disponibel caba na Seccion di Malesanan Infeccioso di DVG. Pa mas informacion

tocante vacunacion, por yama 522-4200. Si bo ta malo, proteha otro Si bo tin keintura, tos, dolor di garganta, dolor di curpa, dolor di cabez, cansancio of otro sintoma grip, keda cas y limita contacto cu otro persona mientras bo ta malo. Evita bishita personanan vulnerabel y evita luga cu hopi hende. Tosa of nister den bo elleboog, laba bo man frecuentemente y percura pa tin bon ventilacion den cas. Bebe suficiente likido y tuma descanso. No usa antibiotica riba bo mes, pasobra antibiotica no ta funciona contra virus manera influenza. Usa solamente medicamento segun indicacion di bo dokter of specialista. Tuma contacto cu bo dokter di cas si bo sintomanan ta empeora, si keintura ta persisti, of si bo ta preocupa pa bo condicion di salud. Busca asistencia medico cu urgencia si tin dificultad pa hala rosea, dolor of presion fuerte den pecho, confusion, debilidad severo of otro señal di deterioro rapido. Prevenir propagacion di malesanan respiratorio ta un responsabilidad comparti. Si bo ta malo, keda cas. Cuida bo mes y proteha otro. Bo Salud, Nos Prioridad. Pa mas informacion, like nos Facebook page Directie Volksgezondheid DVG Aruba, follow nos riba Instagram directie_ volk sgezond heid _ a r uba,

sigui nos den WhatsApp Channel, ricibi tur informacion den Aruba Health App, bishita www. dvg.aw, yama 5224200 of manda email na servicio@ dvg.aw

DIAsabra 19 september 2026

Noticia di Corte

MASAHISTA ACUSA DI A MISHI CU DAMA DECLARA LIBER ORANJESTAD – Den Corte di Husticia a trata e caso penal cu Ministerio Publico a cuminsa contra e homber T. (77), kende ta wordo acusa di a mishi na parti intimo di un dama durante masashi.

SOLO DI PUEBLO por a compronde cu T. a para riba cu ningun momento el a mishi cu e dama. El a bisa Hues cu e tin 40 aña ta haciendo masashi y nunca a haya keho contra dje. Fiscal a exigi castigo di trabao y Hues, despues di a bay pensa riba e caso, a dicidi cu no tin prueba di sosten y a declara T. liber.

el a mishi cu e dama su parti intimo. T. a bisa Hues cu e ta 100 porciento sigur cu e no a mishi cu e dama. El a mustra Hues con el a masashi y cu ta di e dama su rudia bay ariba pero no na su parti intimo. El a bisa tambe cu e yiu di 4 aña di e dama tabata den e cuarto sinta.

Hues a bisa cu e amigo di e dama a bisa cu el a keda asombra cu e dama su keho. Pero e mama di e amigo a bisa cu el a yega di tende algo. T. a para riba cu e tin 40 aña ta masashi y e no a mishi cu e dama. Hues a puntra T., si Corte haya T. culpabel y impone trabao pa comunidad, si T. por. T. a reacciona, pakico castigo si e no a haci nada!

SOSPECHO DI A MISHI CU DAMA Fiscal a bisa cu T. ta wordo acusa cu durante haci trabao di masahista a haci actonan inmoral cu un dama C. riba 30 Augustus 2025. Fiscal a bisa cu segun e dama C., T. lo a mishi na su parti intimo.

SOSPECHOSO TA NENGA Hues a puntra T. si el a haci’e. T. a bisa Hues cu el a haci su trabao di masahista y no a haci nada malo. El a bisa cu e no sa kende e dama ta. Hues a bisa cu un persona cu conoce T. a yama pa haci un cita pa e dama C. Ta asina cu T. a atende e dama cu tin problema na su lies. T. a splica Hues cu e ta usa sarbette pa tapa curpa di e dama y a haci masashi. El a bisa Hues cu ningun momento el a mishi na e parti intimo di e dama, manera e dama ta acus’e. El a bisa Hues cu e tin 40 aña ta haciendo e trabao aki y e no ta bay daña su bon nomber, door di mishi cu un dama. El a bisa Hues cu e dama no a bis’e nada.

Hues a bisa cu e dama a bisa Polis, cu T. lo a hala su panty y su parti intimo tabata tur afor y cu T. lo a mishi cu su parti intimo. Por a mira cu T. tabata sacudi cabez ora cu Hues tabata lesa e relato di Polis, mustrando cu ningun momento

FISCAL TA EXIGI CASTIGO

Fiscal a bisa Hues cu e ta haya e declaracion di e dama confiabel. Sinembargo mester di prueba di sosten. E dama a conta dos persona kico a pasa cune y ambos persona a constata cu e dama tabata yora. Fiscal ta haya legalmente proba cu T. a mishi na e parti intimo di e dama. Fiscal a bisa cu T. mester paga bon tino con pa trata cu cierto dolornan na curpa di hende.

E abogado a remarca cu no a haci ningun investigacion medico pa determina si realmente T. a mishi cu e dama. El a mustra cu e yiu homber di 4 aña di e dama, tabata sinta den e camber ora di e masashi. Na opinion di mr. Illes, no tin ningun testigo. E abogado a bisa Hues cu e dos personanan cu a papia, a conta loke e dama a conta nan. Tur declaracion ta for di e mesun fuenta y como tal no por papia di prueba di sosten. El a mustra cu durante 40 aña, T. ta haciendo masashi y nunca el a haya critica.

E abogado a bisa cu ta incomprendibel cu T. lo a bay mishi cu e dama, siendo cu e dama su yiu ta sinta eynan y lo por reacciona un ora pa otro. E abogado a remarca cu hasta e testigonan nan declaracion ta contradictorio. El a mustra cu e dama mes na Polis ta bisa cu 2 biaha T. lo a pidi sorry y na otro hende e dama no ta bisa nada cu T. lo a pidi sorry. Abogado ta haya cu no tin ningun prueba y tampoco prueba di sosten. E abogado a menciona sentencia di Corte di Husticia na Aruba mes caminda Hues ta haya cu no tin prueba y a declara e sospechoso liber. E abogado a pidi Hues pa declara T. liber.

SOSPECHOSO DECLARA LIBER Pa cu e castigo, Fiscal a bisa cu e ta tene cuenta cu e edad di T. y cu e tin 40 aña ta haci masashi. Fiscal a exigi 80 ora di trabao di cual 40 ora ta condicional cu 2 aña di prueba.

DEFENSA DI ABOGADO Abogado mr. Illes a bisa Hues cu T. ta un persona hopi conoci den comunidad y cu T. ta para riba cu e no a mishi cu e dama. E abogado a mustra cu T. no ta corda kende e persona ta. Esey ta mustra cu T. a haci su trabao corecto, sin cu algo a pasa. E abogado a bisa cu T. a bin haya sa di e caso na September 2025, ora cu diripiente el a wordo yama pa Polis pa interogacion.

Hues a sera tratamento di e caso y a bay pensa un rato si e lo dicta sentencia. Despues di un rato el a bolbe y a dicta sentencia. Hues a bisa cu e ta kere declaracion di e dama. Na opinion di Hues, e declaracion di e testigonan no ta suficiente prueba di sosten. Ley ta exigi pa tin prueba di sosten. Si no tin prueba di sosten, no tin prueba. Hues a bisa cu e ta declara T. liber.

T. a keda hopi satisfecho cu e decision di Hues.

DIAsabra 19 september 2026

Evelyn Wever-Croes:

“PARLAMENTO DI ARUBA TA STROBA OPOSICION EHERCE CONTROL RIBA GOBIERNO.

SIN CONTROL NO TIN DEMOCRACIA”

ORANJESTAD — Den reunion den Parlamento fraccion di MEP a expresa preocupacion grandi cu e espacio pa oposicion haci su trabou di control ta wordo cada biaha mas limita. Preguntanan ta keda sin contesta, reunionnan ta wordo nenga y pa haya informacion parlamentarionan ta wordo obliga pa busca otro caminda, via LOB, LAR y hasta Ministerio Publico, pa haya informacion pa por haci nos trabou. Segun MEP, e situacion ta bira aun mas preocupante ora instancianan cu kier scucha Parlamento ta wordo limita den nan contacto cu oposicion. Invitacionnan di instancia manera KvK, minister

a prohibi presencia di parlamentario, mientras un peticion pa reunion cu AZV tambe a wordo blokea pa e minister. “Ki espacio nos ta keda cune como oposicion pa haci nos trabou?”, ta e pregunta di lider di fraccion Evelyn Wever-Croes. E Comision Fiho di Finansas tabata un di e poco espacionan unda oposicion por a haya informacion, haci pregunta y scucha instancia. Bou di presidencia di Shailiny Tromp-Lee (MEP), e comision a reuni regularmente y a duna oido na tur instancia cu a pidi pa wordo scucha. Awor Futuro a dicidi cu ta kita e presidencia di MEP pa nan

mes tuma e presidencia. “Si e comision no tabata funcionando, un cambio di presidencia lo por ta comprensible. Pero net e Comision di Finansas ta un di e comisionnan cu a reuni mas y a cumpli cu su tarea di scucha, investiga y controla. Y awor a kita e presidencia di e unico presidente cu a haci su trabou.” Pa MEP, e punto no ta solamente ken ta presidente di un comision. E ta trata di e principio fundamental cu oposicion mester por controla gobierno y Parlamento mester por haci su trabou. “Democracia solamente e

no ta derecho

di mayoria pa manda. Democracia ta tambe e derecho di minoria pa controla. Un parlamentario tin cu duna cuenta na pueblo, un presidente di comision tin cu duna cuenta na Parlamento y un mayoria tin cu duna cuenta na e pueblo cu a duna nan e poder.” MEP ta enfatisa cu no ta bisa cu Aruba ta un dictadura, pero ta adverti cu ora preguntanan no ta wordo contesta, reunionnan ta wordo nenga, informacion ta wordo limita y e ultimo espacio pa control ta wordo kita, nos ta move mas leu for di e principionan democratico cu nos mester proteha.

“Nos no ta pidi privilegio. Nos ta pidi democracia, transparencia y dunamento di cuenta. Pasobra poder sin control ta peligroso. Pero mi kier segura comunidad cu nos lo sigui haci pregunta, nos lo sigui controla y nos lo sigui haci nos trabou pa sirbi pueblo.”

Aruba Bank ta orguyoso di sostene Stichting JA IK ARUBA su programa IN THE PICTURE

Oranjestad – 16 di september 2026 - Aruba Bank ta orguyoso di sostene Stichting JA IK ARUBA su programa IN THE PICTURE, un iniciativa enfoka riba empodera hende, fortalece nan posibilidad pa drenta den mercado laboral y crea oportunidadnan significativo pa desaroyo personal y profesional. IN THE PICTURE ta combinacoaching, entrenamento di

habilidadnan y experencia praktico den e comunidad empresarial di Aruba.

A traves di bishita na empresanan, contacto cu empresarionan y profesionalnan local, y experencia di stage, e participantenan ta haña un mihor comprondemento di ambiente laboral, mientras nan ta desaroya nan talentonan, confiansa

y habilidadnan profesional. Nos ta kere cu inverti den hende ta inverti den futuro di Aruba. Nos ta orguyoso di sostene Stichting JA IK ARUBA y IN THE PICTURE,

pasobra iniciativanan manera esaki ta crea oportunidadnan significativo pa crecemento, independencia y un mayor participacion den nos comunidad.

DIAsabra 19 september 2026

Minister Dowers ta sigui inverti den material y capacidad humano pa fortalece servicio publico

Minister Dowers a ricibi e yabi for di Joylene De Nobrega, Marketing Director di Toyota Aruba y despues a entrega esaki na Altocomisario Ramon Arnhem. Ta trata aki di cinco Toyota Land Cruiser, seis Hilux, dos HiAce Van, dos Commuter Van y un Toyota Fortuner.

Diahuebs merdia, Minister di Husticia, Integracion, Transporte Publico y Energia, mr. drs. Arthur Dowers, a entrega e prome vehiculonan di un orden total di 16 vehiculo nobo pa Cuerpo Policial di Aruba (KPA). E inversion aki ta forma

parti di e compromiso pa sigui fortalece e departamentonan publico cu e recursonan necesario pa nan por ehecuta nan responsabilidad na un manera efectivo y profesional. Despues di a firma a acuerdonan formalmente,

E entrega ta tuma luga apenas un dia despues cu Minister Dowers, hunto cu mando di Brandweer Aruba, a presenta dos di e tres Rosenbauer PANTHER 6x6 Aircraft Rescue and Fire Fighting (ARFF) nobo. E tres vehiculonan specialisa representa un inversion total di Afl. 8.488.483,12 y ta destina pa fortalece capacidad operacional y siguridad na Aeropuerto Internacional Reina Beatrix. Pa Minister Dowers, tur dos inversion ta parti di un mesun vision: un servicio publico cu ta

funciona optimalmente mester conta cu material adecua, pero tambe cu profesionalnan cu ta bon prepara pa haci uzo di e recursonan aki. E vehiculonan nobo di KPA lo contribui na mehora mobilidad y disponibilidad operacional di Cuerpo Policial, facilitando e trabao diario di e agentenan cu ta sirbi y proteha comunidad. E pedido di 16 vehiculo ta representa un paso adicional den e proceso pa modernisa y fortalece e recursonan cu KPA tin na su disposicion. E mesun principio ta conta pa e inversion recien den Brandweer Aruba. Cada un di e vehiculonan ARFF ta conta cu e ultimo tecnologia pa responde na emergencia di aviacion. E inversion den material ta bay pareu cu preparacion, entrenamento y experencia di e personal cu tin e responsabilidad pa opera e ekiponan specialisa.

Minister Dowers ta enfatisa cu inversion den sector publico mester tin como meta final un miho servicio na e ciudadano. Esaki ta exigi no solamente un maneho responsabel di fondo publico, sino tambe inversion continuo den e capacidad humano di e organisacionnan publico. Minister Dowers su compromiso ta pa sigui inverti den nos hendenan, den mehora nan condicionnan di trabao y den e recursonan cu nan mester pa sigui sirbi y proteha nos Pais. E inversionnan den KPA y Brandweer ta ilustra e rumbo pa sigui modernisa e organisacionnan publico, fortalece nan capacidad operacional y duna e profesionalnan cu ta traha tur dia pa Aruba e hermentnan y preparacion necesario pa cumpli cu nan tarea.

DIASABRA 19 DI SEPTEMBER 2026

Accion di Bario: A conoce innovacion di 297 Farm y scucha evolucion di sector primario

personanan interesa den agricultura. Pa Premier, ehempelnan manera esaki ta demonstra cu, apesar di nos condicionnan climatico, Aruba tin oportunidad pa sigui desaroya su produccion local mediante conocemento, tecnologia y colaboracion.

Como parti di Accion di Bario, Prome Minister Mike Eman, hunto cu Parlamentario Stephany Sevinger, a bishita 297 Farm na Yara, Savaneta, caminda nan a haya un recorido door di propietario Gregory Fung-a-Fat y a conoce mas di cerca e manera cu tecnologia ta uza pa produci alimento localmente. A conta cu 297 Farm a cuminsa na 2017, inicialmente cu cultivo den un sistema indoor pa explora ki tipo di produccion por funciona bou di condicionnan di Aruba. Despues di periodo di COVID, e iniciativa a amplia y a incorpora tecnologia mas avansa y adapta na nos clima. Actualmente e farm ta conta cu dos greenhouse, caminda alrededor di

25.000 mata ta creciendo y nan ta produci nuebe variedad di lechuga. Segun Fung-a-Fat, interes pa e producto local ta positivo: demanda actualmente ta mas halto cu loke e farm por produci. E reto ta pa sigui aumenta produccion di manera eficiente y sostenibel. Premier Eman a expresa impresion cu e desaroyo cu el a mira durante e recorido y cu e manera cu 297 Farm a logra adapta

tecnologia na realidad di un isla seco manera Aruba. Segun Premier, agricultura tradicional ta parti di Aruba su historia y herencia, pero innovacion ta brinda oportunidad pa complementa esaki cu metodonan moderno cu por contribui na produccion local. Eman a aprecia tambe e disposicion di Fung-a-Fat pa comparti su experiencia y conocemento cu otro

Durante e bishita no solamente a papia di loke ta bay bon. Fung-a-Fat a comparti tambe algun di e retonan cu productor ta encontra den sector primario. El a reconoce e esfuersonan cu ta wordo haci pa sostene sector y a expresa confiansa cu, mas dialogo y colaboracion, por sigui crea condicionnan pa e sector desaroya. P a r l a m e n t a r i o Stephany Sevinger a destaca precisamente e importancia di e parti aki di e bishita. Segun Sevinger, pa por contribui na solucionnan ta necesario tende

directamente di productor unda e obstaculonan ta y kico nan ta experimenta den practica. E informacion y experiencia cu ta comparti den tereno por despues contribui na e conversacion riba futuro di sector. Pa Prome Minister Eman, e bishita a brinda un ehempel concreto di con iniciativa local y tecnologia por encontra otro den agricultura. El a desea Gregory Fung-a-Fat y su team hopi exito cu e desaroyo di 297 Farm y a reafirma importancia di sigui brinda atencion na potencial di sector primario. Accion di Bario ta sigui crea e contacto directo cu comunidad: no solamente pa mira loke ta logra, sino tambe pa scucha, comprende e realidad den tereno y busca con Gobierno, Parlamento y comunidad por sigui traha hunto.

P 10

DIASABRA 19 DI SEPTEMBER 2026

Minister Gerlien Croes:

Curso di 'Maneho Efectivo' pa educadornan via e plataforma ‘Learning Cities Aruba’

ORANJESTAD, 17 di september 2026 – Cu e meta pa sigui inverti

den desaroyo profesional di nos educadornan y mehora e calidad di

educacion na Aruba, Ministerio di Educacion, den colaboracion cu e iniciativa di Learning Cities, ta anuncia e prome workshop di 'Maneho Efectivo' (Effective Management). E capacitacion aki ta specialmente diseña pa maestronan, cabesantenan di scol y profesionalnan den e sector educativo. E curso di 'Maneho Efectivo' ta brinda hermentnan practico y strategianan moderno pa yuda educadornan optimisa nan tempo, recurso y liderazgo den klas y den organisacion di scol. Durante e sesionnan, e participantenan lo percura pa fortalece

habilidadnan clave. E habilidadnan aki ta consisti di liderazgo y comunicacion asertivo: mehoracion di e interaccion cu colega, studiante y mayornan. Tambe organisacion y planificacion di tempo: strategia pa reduci e carga di trabou y e stress diario. Resolucion di conflicto y tecnica pa maneha situacionnan dificil den scol di un manera constructivo tambe lo wordo atendi. Por ultimo, creacion di un ambiente positivo: fomenta un cultura di trabou colaborativo y motiva. E iniciativa aki ta forma parti di e vision

di Learning Cities pa promove siñamento continuo y accesibel den nos comunidad. Via e plataforma di Learning Cities, e curso aki ta wordo provee door di Centro di Desaroyo Profesional Continuo di Instituto Pedagogico Arubano conhuntamente cu Departamento di Enseña nsa.Inscr ipcion pa e curso di 'Maneho Efectivo' ta oficialmente habri. E prome tanda a cuminsa dia 9 di September, y lo continua te cu November. Pa mas detaye di mas oportunidad pa sigui desaroya via Learning Cities ariba diferente topico, por registra ariba www.learningcitiesaruba. org.

P 11

DIASABRA 19 DI SEPTEMBER 2026

KPA A HAYA PRESENTACION Y DEMONSTRACION DI DRONES FOR DI PALADIUS INTERNATIONAL LLC

Oranjestad, ARUBA: Durante siman di polis altocomisarionan di e region di Caribe, KMT, hunto cu e Team Speciale Operaties (TSO) y otro departamentonan di Cuerpo Policial Aruba a haya un demostracion di e

compania Paladius International LLC.

di drones y esnan presente por a haya un

Na APA arena a presencia diferente platforma di drones ("Drone Platforms").

bista detaya di e capacidadnan operativo policial. Durante e demostracion practico, e presentadornan a mustra

E presentacion a enfoca riba e ultimo avance tecnologico den e mundo

con e dronesnan aki por wordo uza pa mehora e

siguridad como tambe e visibilidad durante operacionnan di

fortalece e trabou di mantencion di orden y siguridad publico

alto riesgo y e eficiencia den e trabao policial di cada dia.

PUEBLO A HHAÑA SU PEN BEK

E bishita aki ta resalta e compromiso continuo pa keda na altura di inovacion tecnologico cu por sirbi pa

Pa kualkier informacion solodipueblo@gmail.com of

☎ 585-9500

P 12

DIASABRA 19 DI SEPTEMBER 2026

Ing. Carlos Bermudez ta pidi cifra, fecha y responsabilidad tocante crisis na HOH ORANJESTAD (17 di september 2026) – Parlamentario di AVP ing. Carlos Bermudez a presenta un serie di pregunta na Minister di Salubridad Publico, drs. Melvin WyattRas, pa haya claridad completo tocante situacion financiero di Hospital Horacio Oduber (HOH) e posibel consecuencianan pa calidad y continuidad di cuido, como tambe pa profesionalnan y trahadornan den sector di salud. Bermudez a tuma nota cu gran preocupacion di diferente publicacion y expresion publico tocante situacion actual di hospital. Considerando e papel esencial cu HOH tin den salud publico na Aruba, e parlamentario ta considera indispensabel pa gobierno brinda informacion verificabel tocante e problema, e investigacion independiente anuncia y e medidanan cu lo tuma. “HOH ta vital pa nos comunidad. Pueblo tin derecho di sa con serio e situacion ta, con nos a yega na e punto aki y con gobierno lo garantisa cu pashent por sigui conta riba cuido sigur y di calidad,” Bermudez a declara. Entre otro, Bermudez kier sa e motibo exacto, meta y alcance di e investigacion independiente anuncia

tocante SZA y HOH. E ta pidi claridad tocante e periodo y topiconan cu lo forma parti di e investigacion, cua instancia of expertonan lo ehecut’e, con nan independencia ta garantisa y ki ora e rapport final lo ta cla. Tambe e ta puntra si e resultado lo bin parlamento y hacie publico. Segun Bermudez, e investigacion no mester limita su mes solamente na cifra financiero. E mester evalua tambe maneho, personal, capacidad operacional y e posibel efectonan riba calidad, siguridad y continuidad di cuido. Otro pregunta importante ta ki momento cada instancia responsabel tabata na altura di e problemanan. Bermudez ta solicita fecha exacto riba cua Raad van Bestuur, Raad van Toezicht, UO AZV, IVA y minister a wordo informa of a identifica señalnan serio relaciona cu finansa, personal, capacidad, medicamento y material, mantencion, calidad of continuidad di cuido. E kier sa tambe cua accion a sigui y riba cua fecha. “Si tabatin señalnan di alerta, parlamento y pueblo mester sa ken tabata na altura, ki ora nan tabata sa y kico a

wordo haci. Transparencia no ta solamente presenta e situacion di awe; ta tambe splica con nos a yega aki,” Bermudez a expresa. E parlamentario ta pidi un bista financiero completo pa cada un di e ultimo cinco añanan, incluyendo financiamento, gastonan real y eventual deficit of surplus di HOH. E investigacion mester distingui claramente entre financiamento insuficiente, aumento di costo externo, decisionnan interno di maneho, inversionnan y otro factor cu por a contribui na e situacion actual. Bermudez ta solicita informacion detaya tocante inversionnan grandi aproba pa Raad van Bestuur durante e ultimo cinco añanan. Pa cada inversion, incluyendo ekipo medico, infrastructura y sistema di IT of EPD, e ta pidi e business case original, costo total, gastonan operacional futuro, beneficionan spera y evaluacion realisa despues di implementacion. Specialmente tocante e sistema IT/EPD, Bermudez kier sa cuanto a presupuesta originalmente y cuanto a wordo gasta te cu awor, incluyendo instalacion, licencia, mantencion y soporte. E rol supervisor di Raad

van Toezicht y IVA tambe mester wordo aclaria. Bermudez ta puntra segun ki criterio Hunta di Supervision ta evalua funcionamento di Hunta Directiva y cua accion di supervision a tuma despues di señalnan importante. Di IVA, e ta solicita informacion tocante riesgonan y hayazgonan relaciona cu calidad, siguridad y continuidad di cuido, e recomendacionnan emiti y e accionnan cu a sigui. Tambe e kier sa ki ora minister a wordo informa tocante e hayazgonan aki y con el a actua. Pa Bermudez, cualkier plan di recuperacion financiero mester contene garantia concreto pa evita deterioracion di cuido. Si ta necesario pa corta gasto, gobierno mester indica unda e limite ta y cua condicionnan minimo no por compromete. “Nos mester sa cuanto enfermero minimo mester

tin pa pashent y cuanto capacidad di sala di operacion mester keda disponibel. Economia no por pone siguridad di pashent na riesgo,” Bermudez a enfatisa. Finalmente, e parlamentario ta pidi Minister Wyatt-Ras pa compromete su mes na informa parlamento per iod ic a mente tocante progreso di e investigacion, situacion financiero di HOH, calidad y continuidad di cuido, disponibilidad di personal y implementacion di cualkier medida di recuperacion. “E meta no ta crea mas incertidumbre, sino obtene claridad pa por tuma decision responsabel. Pashent, trahadornan di salud y henter comunidad mester por confia cu continuidad y calidad di cuido na Aruba lo keda garantisa,” asina Parlamentario Carlos Bermudez a conclui.

P 13

DIASABRA 19 DI SEPTEMBER 2026

Parlamentario Otami S.S. Thomasia ta President di e Comision Special di Caribe, un comision nobo crea pa pone necesidadnan y realidad specifico di Caribe mas central den agenda regional. Pa Thomasia, e posicion aki tin un nificacion special tambe. Como un hende muhe di Aruba, lidera un comision regional ta un oportunidad pa representa Aruba, pero tambe pa mustra cu nos isla, aunke chikito, por contribui activamente na direccion y solucionnan pa Caribe. Durante reunion di 10 y 11 september na Santo Domingo, e comision a concentra riba varios reto concreto: cambio climatico, crisis di sargazo, erosion y proteccion di costa, siguridad alimentario, comercio regional, financiamento berde y integracion regional. Pero e reunion no a keda solamente na discusion. Riba cambio climatico, e Carta Parlamentario pa Accion Climatico ta avanzando den proceso di PARLATINO pa consideracion final na asamblea di december. Riba sargazo, a discuti pa gar’e den lama prome cu e yega costa y posibilidad pa transform’e den biogas, bioplastico y biofertilizante. E comision a acorda tambe pa busca cooperacion cu organismonan financiero manera CAF, BID, Banco Mundial y Fondo Berde pa Clima, pa yuda hiba solucionnan di nivel piloto pa implementacion mas grandi. Riba proteccion di costa, e comision a analisa experiencia di Cuba cu restauracion di mangel, coral y duna, proteccion di playa y adaptacion di comunidadnan costero. Un di e resultadonan ta e propuesta pa crea un mecanismo pa comparti bon practicanan entre paisnan di Caribe. Siguridad alimentario tambe a haya atencion fuerte. A papia di

Parlamentario Jennifer Arends-Reyes:

“Nos trahadornan di housekeeping merece nos Parlamentario Otami Thomasia ta asumi presidencia di Comision Special di Caribe

produccion local, agricultura, pesca y acuicultura, pero tambe di como paisnan di Caribe por complementa otro. Un resultado concreto ta e propuesta pa avanza cu un acuerdo marco parlamentario pa facilita comercio agroalimentario, simplifica tramitenan, harmonisa certificadonan fitosanitario y crea canalnan directo entre productornan. Ademas, e comision a acorda pa hiba un posicion regional comun na Tercer Cumbre Parlamentario Mundial contra Hambre y Malnutricion na Nairobi na november, cu compromiso riba agricultura resiliente, compra publico local y comercio agroalimentario regional. Pa Thomasia, aki ta exactamente unda valor di e comision nobo mester keda: “Nos no mester solamente identifica problema. Nos mester asigna cada asunto na e comision of instancia corecto, determina ken ta responsabel, busca e experticio y asistencia financiero necesario, pone un fecha y sigui te ora tin resultado.” E meta ta pa e Comision Special di Caribe funciona como un brug entre problema y solucion: conecta nos islanan cu otro parlamentonan, expertonan, organismonan internacional y posibilidadnan di financiamento. “Como un hende muhe di Aruba, mi ta sinti e responsabilidad di representa nos isla cu orguyo. Aruba ta chikito, pero nos voz no tin nodi ta chikito. Nos mester uza e luga cu nos tin na mesa pa percura cu Caribe no solamente wordo scucha, sino cu nos prioridadnan wordo transforma den accion.” E direccion pa december ta cla: identifica, asigna, financia, implementa y sigui. Pasobra exito di e Comision nobo aki lo no wordo midi den cantidad di reunion, sino den resultado cu pueblo di Aruba y Caribe por mira y sinti.

P 14

DIASABRA 19 DI SEPTEMBER 2026

Parlamentario Otami Thomasia ta asumi presidencia di Comision Special di Caribe

ORANJESTAD (16 di september 2026) Parlamentario Otami S.S. Thomasia ta President di e Comision Special di Caribe, un comision nobo crea pa pone necesidadnan y realidad specifico di Caribe mas central den agenda regional. Pa Thomasia, e posicion aki tin un nificacion special tambe. Como un hende muhe di Aruba, lidera un comision regional ta un oportunidad pa representa Aruba, pero tambe pa mustra cu nos isla, aunke chikito, por contribui

activamente na direccion y solucionnan pa Caribe. Durante reunion di 10 y 11 september na Santo Domingo, e comision a concentra riba varios reto concreto: cambio climatico, crisis di sargazo, erosion y proteccion di costa, siguridad alimentario, comercio regional, financiamento berde y integracion regional. Pero e reunion no a keda solamente na discusion. Riba cambio climatico, e Carta Parlamentario

pa Accion Climatico ta avanzando den proceso di PARLATINO pa consideracion final na asamblea di december. Riba sargazo, a discuti pa gar’e den lama prome cu e yega costa y posibilidad pa transform’e den biogas, bioplastico y biofertilizante. E comision a acorda tambe pa busca cooperacion cu organismonan financiero manera CAF, BID, Banco Mundial y Fondo Berde pa Clima, pa yuda hiba solucionnan di nivel piloto pa implementacion mas grandi. Riba proteccion di costa, e comision a analisa experiencia di Cuba cu restauracion di mangel, coral y duna, proteccion di playa y adaptacion di comunidadnan costero. Un di e resultadonan ta e propuesta pa crea un mecanismo pa comparti

bon practicanan paisnan di Caribe.

entre

Siguridad alimentario tambe a haya atencion fuerte. A papia di produccion local, agricultura, pesca y acuicultura, pero tambe di como paisnan di Caribe por complementa otro. Un resultado concreto ta e propuesta pa avanza cu un acuerdo marco parlamentario pa facilita comercio agroalimentario, simplifica tramitenan, harmonisa certificadonan fitosanitario y crea canalnan directo entre productornan. Ademas, e comision a acorda pa hiba un posicion regional comun na Tercer Cumbre Parlamentario Mundial contra Hambre y Malnutricion na Nairobi na november, cu compromiso riba agricultura resiliente, compra publico local y comercio agroalimentario regional. Pa Thomasia, aki ta exactamente unda valor di e comision nobo mester keda: “Nos no mester solamente identifica problema. Nos mester asigna cada asunto na e comision of instancia

corecto, determina ken ta responsabel, busca e experticio y asistencia financiero necesario, pone un fecha y sigui te ora tin resultado.” E meta ta pa e Comision Special di Caribe funciona como un brug entre problema y solucion: conecta nos islanan cu otro parlamentonan, expertonan, organismonan internacional y posibilidadnan di financiamento. “Como un hende muhe di Aruba, mi ta sinti e responsabilidad di representa nos isla cu orguyo. Aruba ta chikito, pero nos voz no tin nodi ta chikito. Nos mester uza e luga cu nos tin na mesa pa percura cu Caribe no solamente wordo scucha, sino cu nos prioridadnan wordo transforma den accion.” E direccion pa december ta cla: identifica, asigna, financia, implementa y sigui. Pasobra exito di e Comision nobo aki lo no wordo midi den cantidad di reunion, sino den resultado cu pueblo di Aruba y Caribe por mira y sinti.

P 15

DIASABRA 19 DI SEPTEMBER 2026

P 16

DIASABRA 19 DI SEPTEMBER 2026

FORTALEZA PA FAMIA Scirbi pa Pastor Marcel Balootje.

PORDONA, LUBIDA, LAGA LOS, Y BIBA NA PAS Si bo ta cana cu hende riba bo curason, y cu cada biaha cu bo mira e persona, of hasta tende su nomber, bo ta rabia. Y bo no tin pas y trankilidad , esey ta nifica cu bo ta esclavo di e persona. Y e enemigo por husa esey pa ocasiona bo caida, pasobra tin hende ta bay bebe of droga pa motibo di duele, y hasta manda otro hende bay haci cos robes, cu na final lo sali na cla cu ta nan mes ta culpabel. No ta pornada e palabra di Dios ta bisa cu si nos no pordona, Dios tampoco ta pordona nos. Sin un hende bay sera pa un delito, y e no a arepenti, e a sali mesun orguyoso y boca grandi for di prison, su chens di ripiti su delito ta grandi, pasobra e maldad ta keda persigi su persona. Hopi ta bisa y puntra ki dia e ta sinja su les, awel e palabra di Dios ta sinja nos cu si nos confesa nos pica E ta fiel y husto pa pordona nos nos picanan y libra nos di tur inhusticia.( 1 Juan 1:9). Tambe e palabra di Dios ta sinja nos cu esun cu ta sconde su pica lo no prospera, ma esun cu confesa y laga nan,lo ricibi misericordia.( Proverbionan 28:13). Tur pica tin nan consecuencia, pesey Dios a pone arepentimento disponibel pa tur hende.

David a ricibi pordon di Dios, corda bon e tabata un rey, pero Dios no a kita e consecuencia di su pica. Pasobra asina Dios ta demostra cu ningun hende por haci bofon di Dios, y esey ta conta pa grandi y chiki, rico y pober, gordo y flaco. Na momento cu e yiu perdi ( Prodigo) a reconoce su fout , tur cos a drecha pe y tur porta a habri pe. ( Lucas 15:17-19). Pasobra Dios ta pordona y E no ta corda nos picanan mas ( Hebreonan 8:12. Si Dios ta bisa den Su palabra : Hebreonan 12;14 Aspira pa tin pas cu tur hende y santificacion sin cual ningun hende por mira Senjor. Awor con hende por hinca den nan cabes cu nan por drenta cielo, cu monton di rabia, odio, falta di pordon, egoismo, hipocrecia , inmoralidad,pasobra locual Dios bisa no ta cambia, y Bijbel ta sinja nos cu no tin corte mas halto cu esun di Dios. Sinja Pordona: Pesey e palabra di Dios ta bisa nos den Colosensenan 3:8. Ma awor boso mester pone tur esakinan un banda , rabia, furia, malisia,calumnia y palabra sushi for di boso boca. Den un palabra bisa cuminsa

pordona otro. Pasobra e palabra di Dios ta sigi bisa nos den Colosensenan 3: 13, boso soporta otro y pordona otro, mescos cu Senjor a pordona boso. Asina boso tambe mester haci.

Laga pasado bay: Rabia di un bobo, ta keda riparabel mesora, ma un hende prudente no ta hiba insulto na cuenta. ( Proverbionan 12;16). Nunca no venga boso mes,stimanan . Ma laga lugar pa e furia di Dios, pasobra ta para scirbi: ta di Mi vengansa ta,Ami lo paga bek,Senjor ta bisa. ( Romanonan 12:19). Laga tur amargura, furia, rabia,griteria,y calumnia,wordo kita for di boso,huntu cu tur malisia,y

sea carinjoso cu otro, misericordioso pordonando otro , mescos cu Dios den Cristo tambe a pordona boso.(Efesionan 4:31-32). Sigi biba na pas:Pesey si un hende ta den Cristo , ta un criatura nobo e ta , tur cosnan bieu a pasa caba, ata tur cos a bira nobo. Si ta posibel asina cu ta depende di boso, sea na pas cu tur hende.(Romanonan 12:18). Sinceramente, Pastor Marcel Balootje.