Issuu

DIASABRA 12 SEPTEMBER 2026

12 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

BANCO CENTRAL TA BATI ALARMA FRACCION DI MEP TA HACI PREGUNTA TOCANTE REDUCCION DI CRECEMENTO ECONOMICO Y AUMENTO DI INFLACION

Hues a manda e companianan bay reuni sino e lo dicta sentencia

COMPANIA ARSPA A DEMANDA 14 MIYON FLORIN NA REFINERIA PA TRABAONAN HACI Y NO A HAYA PAGO

DIAsabra 12 september 2026

Minister Wendrick Cicilia:

Acuerdo nobo ta fortalece supervision aeronautico

tin ningun transferencia di funcionnan of responsabilidatnan regulatorio entre e dos autoridadnan.

Oranjestad – Minister di Turismo, Transporte y Labor, mr. Wendrick Cicilia, ta anuncia cu orguyo cu dia 7 september a firma un acuerdo entre Departamento di Aviacion Civil di Aruba (DCA-A) y Autoridad di Aviacion Civil di Republica di San Marino (SM-CAA). E acuerdo ta representa un paso importante den e compromiso continuo di Aruba pa mantene e normanan internacional di siguridad di mas halto den aviacion y pa fortalece su posicion como un centro confiabel pa operacionnan

internacional di aviacion. E acuerdo cu a firma awe te crea e posibilidad cu avionnan registra na Republica di San Marino por opera comercialmente bou di un Air Operator Certificate (AOC) emiti pa Departamento di Aviacion Civil di Aruba. Esaki ta amplia e posibilidadnan pa operadornan cu un AOC di Aruba pa uza avionnan registra na San Marino, manteniendo supervision regulatorio efectivo y e standard di siguridad di mas halto. E acuerdo ta confirma tambe cu no

Riba 15 di mei 2026, Aruba y San Marino ya a firma un acuerdo cu ta permiti avionnan registra na Aruba opera bou di un AOC di San Marino. Hunto, e dos acuerdonan ta crea un marco completo pa facilita operacionnan entre e dos registronan di avion, mientras cu ta garantisa cu e responsabilidadnan di supervision regulatorio ta keda claramente defini pa cada autoridad competente. Ambos acuerdo ta conforme cu Articulo 83 di e Convenio di Chicago di 1944 di e Organisacion Internacional di Aviacion Civil (ICAO), cu ta permiti estadonan contratante haci areglonan di cooperacion pa fortalece supervision di siguridad den aviacion

internacional. Minister Wendrick Cicilia a declara enfatisa cu: "Siguridad den aviacion ta sigui ta un di e prioridadnan mas halto di e Gobierno di Aruba. E acuerdo aki ta confirma nos compromiso cu cooperacion internacional y excelencia regulatorio. Door di fortalece nos colaboracion cu San Marino, Aruba ta amplia su capacidad pa sirbi operadornan internacional den un manera responsabel, mientras cu nos ta mantene cumplimiento estricto cu e standardnan di ICAO y ta fortalece e reputacion internacional di nos sector di aviacion civil." Bou di e acuerdo, e dos autoridadnan lo coordina y coopera estrechamente den actividadnan di supervision di siguridad, tene reunionnan tecnico regularmente pa discuti

asuntonan operacional y di aeronavegabilidad, intercambia informacion proveniente di inspeccionnan y auditorianan, facilita inspeccionnan na sitio y mantene puntonan oficial di contacto pa garantisa un comunicacion eficiente entre ambos autoridad. E acuerdo ta valido pa un periodo inicial di tres aña, cu posibilidad di renobacion door di mutuo acuerdo. Minister Cicilia a conclui cu e firma di e acuerdo ta refleha e vision di e Gobierno di Aruba pa sigui inverti den un sistema di aviacion civil moderno, sigur y respeta internacionalmente, fortaleciendo conectividad i n t e r n a c i o n a l , oportunidadnan economico y e posicion di Aruba como un socio confiabel den aviacion mundial.

DIAsabra 12 september 2026

BANCO CENTRAL TA BATI ALARMA Fraccion di MEP ta haci pregunta tocante reduccion di crecemento economico y aumento di inflacion

ORANJESTAD - Fraccion MEP a haci preguntanan por escrito na e minister di Asuntonan Economico, Geoffrey Wever, a base di e reciente Economic Outlook Real Sector, September 2026 di Centrale Bank di Aruba (CBA).

Aunque CBA ta spera un crecemento economico real di 3,7% pa 2026, nan ta pronostica un reduccion alarmante desde 2027. E crecemento ta wordo calcula na 2,3% na 2027 y ta baha gradualmente te solamente 1% na 2030. MEP ta puntra e minister con e ta evalua e desaroyo aki y si gobierno ta mira esaki como un riesgo structural pa e economia di Aruba.

Fraccion MEP tambe ta pidi claridad tocante e consecuencia di esaki pa empleo, entrada di ciudadanonan, entrada di gobierno y caildad di bida di nos comunidad. Tambe ta wordo puntra cua sector gobierno ta mira como futuro motor di crecemento y con Aruba por bira menos dependiente di consumo y turismo.

INFLACION, OTRO ALARMA Un otro punto di atencion ta inflacion. CBA ta premira cu inflacion lo subi di 0,1% na 2025 pa 2,4% na 2026, entre otro pa causa di prijs mas halto di petroleo. MEP ta puntra cua ta e posibel impacto riba poder di compra y cua medida gobierno ta tuma pa reduci e

impacto na Aruba.

Finalmente, MEP ta puntra cua ta e solucionnan structural pa preveni cu Aruba ta drenta den un periodo

di crecemento economico abou rumbo 2030. A puntra tocante medida concreto pa diversificacion economico, productividad, innovacion y competitividad.

Cu e preguntanan aki, Fraccion MEP kier haya claridad tocante con grandi e reto economico ta y cua plan concreto gobierno tin pa garantiza crecemento duradero y poder di compra pa Aruba.

DIAsabra 12 september 2026

Noticia di Corte

Hues a manda e companianan bay reuni sino e lo dicta sentencia

Compania Arspa a demanda 14 Miyon florin na refineria pa trabaonan haci y no a haya pago ORANJESTAD – Awe mainta Hues a trata e caso sumario cu e compania Arspa a cuminsa contra refineria (RDA). Na dado momento Hues a manda e partidonan pa reuni y si no por yega na un palabracion, e lo dicta sentencia. SOLO DI PUEBLO por a compronde cu Arspa a demanda 14 Miyon na refineria RDA, pa trabaonan haci na refineria y no a haya pago. Hues a purba intermedia pa mira si por yega na un solucion. Na dado momento Hues a pospone e caso y manda e partidonan bay sinta na mesa. Dia 30 September 2026 lo mester notifica Hues si a yega na un palabracion concreto. Si no tin palabracion, Hues lo fiha un fecha pa sentencia. Den sala di Corte tabata presente señor Arends e director, señor Helder e manager di e compania Arspa. Di banda di RDA tabata señor Hoeverts cu ta e presidente di e conseho di Comisario. Tambe tabata presente ingeniero Baletine di HCCS, kende ta esun cu tabata evalua e trabaonan cu Arspa tabata haci den refineria. Abogado mr. Braam a representa Arspa y abogadonan mr. Gomez y mr. Cofee a representa RDA. ARSPA KIER HAYA PAGO PA TRABAONAN HACI Abogado mr. Braam a bisa Hues cu Arspa a haci trabaonan na 2 tanki y e pier di refineria pero RDA no a paga tur e trabaonan. E trabaonan ta den miyones. E abogado a mustra cu tabatin discusionnan y na April 2026, RDA a prohibi Arspa subi riba tereno di refineria, siendo cu RDA no a cumpli cu pagonan. Tabatin combersacionnan caminda na dado momento RDA kier pa Arspa traha riba e 2 tankinan cu ta calcula 8.4 Miyon florin y no traha mas riba e pier. E abogado a bisa Hues cu e tankinan a keda cla pero RDA no a paga. Na opinion di e abogado, tin trabaonan anterior tambe cu no a keda paga y ta calcula 14 Miyon florin.

RDA TA CUESTIONA ARSPA Abogado mr. Gomez a cuestiona e demanda di 14 Miyon florin. El a bisa Hues cu no tin un splicacion satisfactorio di kico mester paga. E abogado a bisa Hues cu e no ta haya cu tin motibo di urgencia pa hustifica un caso sumario. El a bisa cu tur e sumanan cu Arspa ta menciona, no ta cuadra. El a mustra cu no a hustifica cuanto parti di e trabaonan realmente ta cla y cuanto mas falta. E abogado a bisa cu tin 6 proyecto cu ta forma parti di e trabaonan y tin trabaonan cu no a cuminsa ainda. Mr. Gomez ta remarca cu expertonan di RDA tin raportnan cu ta cuestiona cu e calidad di varios di e trabaonan no ta cumpli cu e exigencianan y Arspa no a cumpli cu esakinan. El a bisa cu tin engeniero specialisa cu ta controla e trabaonan. Ta door di esaki RDA a para e trabaonan. E abogado a bisa Hues cu Arspa no a cumpli cu palabracion cu ta encera cu na Maart 2026 mester a keda cla. Arspa a pidi pa alarga e periodo te October 2026. El a remarca cu no por ta asina cu por tin tardanza sin cu entre e partidonan ta di acuerdo cu esaki. E abogado a bisa cu e ta haya cu e demanda di Arspa no por wordo trata den un caso sumario sino den un caso mas profundo caminda expertonan lo mester determina kico realmente ta e gastonan. El a mustra cu RDA a paga regularmente y no por bisa cu no a cumpli. Ta Arspa no a cumpli cu entrega di trabaonan manera tabatin palabra. E abogado a bisa Hues cu RDA kier a bin cu un solucion practico pero Arspa no ta coopera. RDA tin derecho di para pago pasobra Arspa no a cumpli. HUES A INTERMEDIA PA PURBA HAYA UN SOLUCION Hues a haci preguntanan na e partidonan, kico nan kier, con nan lo kier sigui traha cu otro. Mr. Gomez a bisa cu e plan tabata pa para e caso sumario y pa reuni pa mira con lo por yega na palabracionnan nobo. Esey no a resulta y Arspa no kier sigui reuni. E trabaonan mester sosode. Especialmente e pier caminda barconan cu ta trece combustible mester

mara. Mientras cu Hues tabata papia, Hoevertz a papia un rato cu mr. Gomez y despues mr. Gomeza a bisa Hues cu RDA no tin hopi confianza den Arspa mientras cu mr. Braam a bisa cu Arspa ta dispuesto pa sigui traha. Hues a cuminsa papia cu Baletine pero di parti RDA no kier pa scucha Baletine, pasobra Baletine a wordo invita door di Arspa pa ta presente den Corte. Mr. Gomez a bisa hues cu RDA kier a busca un experto indipendiente pero Arspa no a haci nada. Hues a puntra Arspa si e ta accepta pa un otro experto evalua pa asina sali for di e problema aki. Mr. Braam a bisa cu si RDA ta dispuesto di paga loke debe, lo por papia pa haya un experto nobo. Hues a sigui intermedia y na dado momento por a scucha e experto Baletine bisa cu si RDA no tin confianza den dje, e ta hala un banda. El a splica Hues cu e tabata traha hopi bon cu e experto di RDA caminda tabata palabra tur cos adelanta. Awor e experto di RDA no tey mas. Aparentemente el a worde retira. Hues a sigui intermedia pa mira si ta yega na un solucion. Abogado mr. Braam a bisa cu e trahadornan di Arspa ta di Trinidad pero door cu RDA a para trabaonan, nan a wordo manda bek. El a bisa cu si RDA kier pa sigui traha, lo mester busca nan y esey lo ta un tardanza di mas o menos 1 luna. HUES A POSPONE CASO Na dado momento Hues a remarca cu mirando e actitud di partidonan, e ta haya cu ta mihor e partidonan sinta na mesa y palabra concreto riba un experto individual. E experto lo mester evalua e trabaonan haci door di Arspa y tambe planea e trabaonan cu ainda falta di haci. Ariba peticion di RDA, Hues a stipula cu pa dia 30 di September 2026 e lo mester haya contesta si partidonan a yega na un palabracion. Sino no tin palabracion, e lo bisa un fecha caminda e lo dicta sentencia.

DIAsabra 12 september 2026

Minister Dowers a bishita Fundacion Guia Mi

guia di muchanan na Aruba. E fundacion ta brinda supervision y acompañamento na menornan y famianan den situacionnan cu ta rekeri atencion y proteccion adicional, semper cu interes y bienestar di e mucha como punto central. Diahuebs mainta, Minister di Husticia mr. drs. Arthur Dowers a haci un bishita na Fundacion Guia Mi, caminda directora Anneke Nicolaas-Lucas a ricibi e mandatario. Durante e bishita a hiba un combersacion tocante

e trabao di e fundacion, e retonan cu nan ta enfrenta y e importancia di cooperacion den proteccion di menor. Fundacion Guia Mi tin un rol importante den proteccion y

Durante e combersacion, Minister Dowers a haya oportunidad pa conoce mas di cerca e trabao cu Fundacion Guia Mi ta ehecuta diariamente y intercambia pensamento cu directora NicolaasLucas tocante e retonan

cu e fundacion ta enfrenta den practica. Pa Minister Dowers, un bon cooperacion entre e diferente organisacionnan cu tin un responsabilidad den proteccion di menor ta

esencial. Cada instancia tin su propio rol, pero e meta comun mester semper ta pa proteha e mucha y crea e condicionnan pa nan por crece den un ambiente sigur.

WEGA GRANDI ENTRE TAXI BOYS CONTRA TEAM SNOR!

Kudawecha/Calabas – Shonnan, manera e dicho ta bisa “Te hasta ora gay no canta mainta, Solo lo sali di tur moda”. Bo no por para lo imparabel, bo no por evita lo inevitabel, bo no por tin dos toro den mesun cura. Asina ta, shonnan, cu diasabra awor, 12 di september, cuminsando pa 8’or di

anochi, Team Snor lo enfrenta Taxi Boys aya n’e palacio di pega piedra, esta e mundialmente famoso Domino Square Garden situa net n’e grens entre Kudawecha y Calabas. Ya pa basta tempo cos ta brouw den secreto. Rumornan ta core rond den “wandelgang”.

Negociacionnan secreto ta tuma luga bou palo of den taxi standplaats na hotel. E ultimo “puntjes” a ser poni riba e “i”, y tur cos ta cla pa dos team sumamente competitivo bataya otro pa separa “the men from the boys”. Un bataya cu sigur sigur lo atrae su publico y cu a ser anticipa caba pa basta tempo.

Manera semper, entrada lo ta completamente pro nada pa pueblo en general, y ora di halftime, e pasapalonan lo skeiro rond totalmente gratis. Ta anticipa un “close call” den e encuentro pata pata di “hype” den comunidad di domino. “Odds” segun Las Vegas ta extremadamente complica pa calcula y

mayoria resultado ta duna un bentaha minimo na Team Snor ya cu nan ta mas custumbra cu otro. Nos lo keda pendiente y claro, “may the best team win” diasabra awor, 12 di september, cuminsando pa 8’or di anochi n’e Domino Square Garden aya na Kudawecha. Yegaaa!

DIAsabra 12 september 2026

Cambio di orario na biblioteca San Nicolas Entrante diamars dia 15 di september 2026 tin un cambio di orario pa biblioteca na San Nicolas. Biblioteca San Nicolas ta habri di dialuna pa diabierna di 9or pa 6or di atardi. Diaranson ultimo, biblioteca San Nicolas a ricibi bishita di Minister di Enseñansa sra. Gerlien Croes. Despues di un recorido, Minister a combersa tambe cu e diferente mucha presente y a hiba un combersacion cu e empleadonan, Minister Croes a anuncia e orario

nobo. E aña escolar nobo a habri riba bon pia pa Biblioteca San Nicolas. Colegio Santa Filomena klas 6 a bishita biblioteca y ahaya un recorido y splicacion con ta presta buki y e importancia di lesamento. Tur 21 alumno a bira miembro. Un bon incentiva di nan maestra juffrouw Sagine pa hiba su klas biblioteca. Biblioteca San Nicolas ta invita tur mucha pa nan sigiuente actividad riba 24 september di 5:00-6:00 pm. Biblioteca San Nicolas ta

ofrece un espacio trankil, caminda por studia, lesa y busca informacion di dialuna pa diabierna. Publico di ‘Pariba di brug’ por acudi pa cualkier informacion, fiamento di buki y otro servicio di biblioteca. Sucursal San Nicolas tin un seccion pa adulto y un seccion hubenil. Ta ofrece un coleccion amplio di buki na diferente idioma. 2 bes pa luna tin actividad educativo pa muchanan di 4 pa 12 aña. Miembrecia pa mucha y hoben ta gratis. Tambe tin un espacio di computer. Tur hende ta bonbini pa

busca informacion y no mester ta miembro pa uza e servicio aki. Bishitantenan por uza WIFI gratis, cortesia di SETAR. Tur miembro por fia E-books

y luisterboeken. Pa mas informacion bishita website di Biblioteca Nacional Aruba.

Luna di Locura cu Lotto 5!

Cu cada 2 Lotto 5 riba e mesun ticket, ricibi 1 Lotto 5 loco extra completamente gratis riba e mesun ticket! ORANJESTAD, Aruba – 12 di september, 2026: Luna di september y luna di october ta bira luna di locura cu Lotto 5! Cu cada compra di 2 set di number di Lotto 5 riba e mesun ticket, bo ta ricibi un ticket di Lotto 5 loco completamente gratis ariba mesun ticket. Si bo cumpra 4 Lotto 5 riba e mesun ticket bo ta ricibi 2 Lotto 5 loco completamente gratis ariba e mesun ticket. Si cumpra bo 6 Lotto 5 riba e mesun ticket bo ta ricibi 3 Lotto 5 loco gratis ariba e mesun ticket. Kiermen mas Lotto 5 bo cumpra riba

e mesun ticket, mas Lotto 5 loco bo ta ricibi gratis y asina mas chens bo tin pa gana e jackpot di Lotto 5! Lotto 5 ta costa solamente 4 florin pa ticket y bo por combina bo 5 numbernan for di 01 te cu 35. Pidi bo rebendedo pa bo 2 set di 5 numbernan riba e mesun ticket y asina bo ta ricibi un Lotto 5 loco completamente gratis ariba e mesun ticket. Si bo no sa cua numbernan pa scohe, bo ta pidi bo rebendedo pa 2 Lotto 5 loco riba e mesun ticket y ricibi un tercer Lotto 5 loco completamente gratis.

E promocion aki ta valido cuminsando mañan diadomingo 13 di september te cu 31 di october pa e sorteonan di Lotto 5. Por cumpra bo weganan di Lotto te cu 7:30PM na bo rebendedo preferi. Sorteo di Lotto 5 ta hunga riba tur diaranson y diasabra anochi pa 7:45PM na TeleAruba pero tambe por wak sorteo di Lotto riba nos pagina di Facebook y YouTube. Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di

Dia, Lotto 5, Mini Mega y cu su Mega Plus y e diferente weganan di Instacash. Tambe lo por hunga Lotto Online door di bishita: play.lottoaruba.com pa por registra. Cumprando Lotto bo ta contribui na deporte

riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

DIAsabra 12 september 2026

Fraccion di AVP ta pidi claridad tocante situacion actual y futuro di HOH

ORANJESTAD (11 di september 2026) – Fraccion parlamentario di AVP a bishita directiva di Dr. Horacio E. Oduber Hospital pa un combersacion amplio y constructivo tocante situacion actual di nos hospital, e desafionan financiero y operacional cu e institucion ta confronta y su perspectivanan pa futuro. Durante e encuentro, directiva di HOH a comparti informacion tocante e ultimo desaroyo, necesidad y preocupacionnan existente. Fraccion di AVP a expresa su preocupacion tocante e situacion, teniendo cuenta cu un hospital fuerte, stabiel y bon administra ta indispensabel pa garantisa continuidad y calidad di

cuido medico pa pueblo di Aruba. Pa haya claridad completo y permiti parlamento cumpli debidamente cu su tarea di control, fraccion di AVP a solicita pa minister encarga cu salud publico presenta na un reunion di comision di salubridad. E fraccion ta considera necesario pa minister informa parlamento tocante situacion financiero real di HOH, e medidanan cu gobierno ta contempla y e garantianan cu lo establece pa evita cu servicio y cuido na pashent wordo afecta. “Salud no por depende di incertidumbre. Parlamento y pueblo di Aruba tin derecho riba informacion cla y transparente tocante situacion di nos hospital. Gobierno mester presenta

un vision concreto y sostenibel pa futuro di HOH y pa cuido medico na Aruba,” Fraccion di AVP a declara. Segun Fraccion di AVP, claridad financiero y operacional ta necesario no solamente pa proteha pashent, sino tambe pa ofrece siguridad na dokter, enfermero y tur otro profesional cu diariamente ta sostene funcionamento di hospital. Nan mester por conta cu e condicionnan, recursonan y sosten necesario pa cumpli cu nan responsabilidadnan.

E fraccion ta enfatisa cu su peticion no tin como meta pa crea preocupacion adicional, sino pa obtene contestanan concreto y contribui na solucionnan responsabel. Un institucion cu tin un papel asina crucial den bienestar di comunidad mester por conta cu un maneho transparente, un base

financiero sostenibel y un plan cla pa futuro. Fraccion di AVP lo sigui haci e preguntanan necesario, scucha profesionalnan activo den sector y traha constructivamente pa un sistema di salud accesibel, responsabel y di calidad pa tur ciudadano di Aruba.

DIAsabra 12 september 2026

Minister Gerlien Croes:

Oficina di ‘Ban Studia’ y ‘EducationUSA’ ta cuminsa e aña escolar nobo cu un compromiso fuerte pa desaroyo di nos hubentud Oranjestad, 11 di september 2026 - E aña escolar nobo a cuminsa oficialmente y oficina Ban Studia y EducationUSA ta cuminsa e aña academico cu un mensahe cla: ora nos inverti den nos hubentud, nos ta inverti den futuro di Aruba. Durante e prome siman di e aña escolar nobo, Ban Studia tabata tin e oportunidad pa conecta cu alumnonan mediante dos presentacionnan enfoca riba hubentud. Prome na Educampus y mas recientemente, na e prome Seminario pa Hoben, Rumbo pa Mañan organisa pa Wind Creek Aruba. E sesionnan aki a brinda un oportunidad pa tene combersacionnan significativo cu alumnonan, comparti conocemento y experiencia y anima nan pa pensa riba nan propio potencial, nan futuro y e posibilidadnan cu ta disponibel pa nan. Pa Ban Studia, e momentonan aki ta trata di mas cu solamente duna un presentacion. Nan ta trata di crea conexion cu nos hubentud y recorda nan cu nan soñonan, ideanan y ambicionnan tin balor. Un invitacion pa scolnan: Laga nos inicia e combersacion Ban Studia y EducationUSA ta desea di extende un invitacion na scolnan di Aruba pa conecta cu nos y explora oportunidadnan pa trece e tipo di combersacionnan aki den nan propio aula y actividadnan.

Cada comunidad escolar tin su necesidadnan particular y nos ta kere cu un bon contacto cu alumnonan por tuma diferente forma. Sea un presentacion, workshop, combersacion of otro iniciativa educativo, nos meta ta pa crea espacio caminda hubentud por siña, haci pregunta, wordo inspira y mira posibilidadnan nobo pa nan mes. Scolnan cu ta interesa pa colabora cu Ban Studia y EducationUSA ta wordo invita pa tuma contacto cu nos pa explora hunto con nos por traha hunto. Ban Studia tambe kier reconoce Wind Creek Aruba pa e iniciativa di organisa nan prome Seminario pa Hubentud y pa crea un espacio caminda hubentud por wordo introduci den un ambiente profesional y por conoce ideanan, experiencianan y perspectivanan nobo. Nos ta spera cu e iniciativa aki lo inspira mas organisacion y empresa den sector priva di Aruba pa crea oportunidadnan similar pa nos hubentud. Hubentud no ta solamente futuro di nos comunidad, nan ta un parti importante di nos presente. Ora empresanan, scolnan, organisacionnan y e comunidad en general crea oportunidadnan pa hubentud siña y crece, nos ta yuda nan desaroya un sentido mas fuerte di loke ta posibel. Nos ta yuda nan tambe mira cu tin personanan y organisacionnan den Aruba cu ta

kere den nan potencial. Y tin un efecto positivo cu por sigui crece a partir di e inversion aki. E hobennan cu awe ta sinta den e seminario y presentacionnan aki, un dia por drenta den e mes portanan di e empresanan aki como profesional, empresario, lider y colega. Pero e meta no ta solamente prepara futuro empleadonan. E meta ta yuda construi un generacion cu ta kere den nan mes, ta mira oportunidad pa crecemento y ta sinti conecta cu e comunidad cu nan lo yuda forma den futuro. Ban Studia y EducationUSA ta kere cu crea e tipo di conexionnan aki desde tempran por haci un diferencia cu ta dura. Un aña escolar nobo E prome simannan di scol a start positivo y Ban Studia cu EducationUSA ta spera pa continua e combersacionnan aki durante henter e aña academico. Tin tanto potencial den nos hubentud di Aruba. Hopi biaha, loke

un hoben mester ta simplemente un oportunidad pa tende un perspectiva diferente, encontra un persona cu ta kere den dje, of mira un persona cu a bini di un luga similar y a dicidi pa soña mas grandi. Nos ta kere cu e momentonan aki ta importante. Ban Studia y EducationUSA ta compromete pa sigui forma parti di e creacion di mas momento asina.Pa scolnan, organisacionnan of partnernan di sector priva cu ta interesa pa colabora cu Ban Studia y EducationUSA riba iniciativanan enfoca pa hubentud, por tuma contacto cu nos pa inicia e combersacion. Por tuma contacto cu Oficina di Ban Studia y EducationUSA na telefon (+297) 281-5183 of manda nos un Whatsapp na (+297) 564-1021, of via email: info@banstudia.com of svaldez@educationusa.org. Tambe por contacta nos via nos social media, sigui nos riba Instagram, Facebook of TikTok di Ban Studia y EducationUSA Aruba.

DIASABRA 12 DI SEPTEMBER 2026

Minister Geoffrey Wever:

Durante prome reunion ta dal paso importante pa establece un ruta comercial nobo entre Aruba y Republica

Dominicana Oranjestad, 9 september 2026 - Durante su prome reunion na HUB Camara Santo Domingo 2026 cu representantenan di ProDominicana, Minister di Finansa, Asuntonan Economico y Sector Primario, Geoffrey Wever, a inicia conversacionnan concreto pa explora con Aruba por cuminsa importa carni for di Republica Dominicana y, na mes momento, structura un ruta comercial cu optimalisa esaki tanto logisticamente como economicamente pa nos isla. Importacion di carni for di Republica Dominicana ta representa un oportunidad importante pa Aruba. Aruba por importa carni for di Republica Dominicana, pero importadornan Arubano no por cumpra carni di cualkier empresa. E carni mester bini di empresanan cu ta aproba y certifica, y cu ta cumpli cu tur e rekisitonan sanitario y veterinario aplica pa Aruba, incluyendo e rekisito di Departamento di Salud Publico y Servicio Veterinario. Ta precisamente pa e motibo aki cu empresanan Arubano a participa na e mision na Republica Dominicana, pa por

conoce y establece contacto directamente cu empresanan aproba cu por exporta carni pa Aruba. E meta ta pa crea e conexionnan comercial necesario, pa importadornan Arubano por cuminsa cumpra di e proveedornan aproba y, di e manera aki, habri e mercado pa mas producto di Republica Dominicana por yega Aruba. E reunion no solamente a enfoca riba identifica companianan cu ta produci y exporta carni, pero tambe riba e condicionnan practico cu mester ta presente pa importacion por tuma luga na un costo competitivo. Un di e puntonan central ta e necesidad di genera suficiente volumen pa yena container regularmente, pasobra un ruta comercial ta bira sostenibel solamente ora tin suficiente volumen di producto y demanda pa mantene e costo di transporte bou control. Den e cuadro ey, a papia riba e posibilidad pa envolve mas importadornan Arubano y identifica otro productonan Dominicano cu por wordo consolida den e mesun fluho comercial. E enfoke aki por yuda pa yena container di forma mas consistente,

baha costo logistico y crea mas oportunidad pa comerciante y distribuidor na Aruba. Pa Minister Wever, e reunion ta un prome paso importante den un proceso cu mester ta bon structura. “Nos meta no ta solamente haya un proveedor nobo. Nos meta ta crea un ruta comercial cu por funciona den practica, cu tin suficiente volumen, cu ta competitivo y cu por duna nos importadornan mas opcion. Pa logra esey, mester alinea producto, empresa, logistica y institucionnan,” Minister Wever a indica. Durante e conversacionnan, a identifica tambe e necesidad pa coordina cu diferente actor involucra den e cadena di importacion y exportacion. E prome reunion a habri e caminda pa sigui dialoga tocante un posibel Memorandum of Understanding (MOU) cu por reuni e partinan relevante y duna e cooperacion un base mas structura. E posibel MOU lo no representa un contrato final di importacion, pero por sirbi como un instrumento pa organisa

e siguiente pasonan, defini responsabilidad y facilita coordinacion entre empresanan, institucionnan y autoridadnan competente. “Gobierno tin e responsabilidad pa crea e condicionnan pa negoshi por move. Esaki ta significa cu nos no ta limita nos mes na identifica un compania, pero nos ta mira henter e cadena: volumen, transporte, coordinacion, costo y continuidad. Esey ta con nos ta transforma un oportunidad den un ruta comercial real,” Minister Wever a enfatisa. E enfokee pa importa carni for di Republica Dominicana ta forma parti di e maneho di Minister Wever pa diversifica fuentenan di abastecemento di Aruba, amplia opcionnan pa importadornan y reduci dependencia riba un cantidad limita di mercado. Republica Dominicana ta un mercado regional importante cu tin produccion den diferente categoria alimenticio. Door di conecta empresanan Arubano directamente cu productor y exportador Dominicano, Aruba por explora alternativa nobo, crea mas competencia y fortalece su posicion

den e cadena regional di suministro. E prome reunion na HUB Camara Santo Domingo 2026 ta marca inicio di un proceso cu lo sigui cu contacto comercial, coordinacion tecnico y evaluacion di e condicionnan necesario pa haci importacion posible. Na e momento aki no tin un acuerdo final firma pa importacion di carni, pero e conversacionnan a establece un direccion concreto pa e siguiente fase. “Nos a bin Santo Domingo pa busca resultado. E prome reunion a confirma cu tin oportunidad, pero tambe cu mester traha e structura corecto pa e oportunidad bira realidad. Nos lo sigui coordina e siguiente pasonan cu disciplina y cu un meta clar, crea mas opcion y un cadena di abastecemento mas fuerte pa Aruba,” Minister Wever a conclui. Ministerio di Finansa, Asuntonan Economico y Sector Primario lo sigui informa comunidad tocante progreso di e reunionnan y e siguiente pasonan relaciona cu e posibel importacion di carni y otro productonan for di Republica Dominicana.

P 10

DIAsabra 12 september 2026

Sector UTV/ATV satisfecho cu resultado: “Dialogo ta e caminda pa busca balans”

responsabilidad comparti. Marvin Kelly (ABC Tours Aruba), sector tambe ta consciente di su responsabilidad pa conserva y proteha e areanan natural di Aruba, mientras cu ta importante pa busca un balans cu ta permiti e actividadnan di sector continua di forma responsabel.

Representantenan di sector UTV/ATV a expresa nan satisfaccion despues di e dialogo cu a conduci na un entendemento entre Gobierno y sector, destacando cu e resultado ta demonstra importancia di sinta na mesa, scucha otro y busca solucion den un ambiente constructivo. Esaki despues cu Gobierno di Aruba y seis tour operators a firma un protocolo di colaboracion

pa fortalece e dialogo riba e maneho di actividadnan turistico den nos area natural. E acuerdo a sigui e decision reciente di hues, cu habri caminda pa continua e consulta entre Gobierno, e operadornan di tour riba UTV’s y ATV’s y otro stakeholder. Durante nan reaccion, e representantenan a enfatisa cu proteccion di naturalesa ta un

Sharlise Croes (Fofoti Tours): “Nos ta hopi contento cu nos a yega na e punto aki. Nos tabata cu e pensamento cu si nos por dialoga, nos por yega na solucion,” el a expresa. Sector a indica tambe cu e proceso a exigi hopi trabou y dialogo, pero cu nan ta gradecido na tur esnan cu, di un manera of otro, a contribui pa acerca e partidonan. Un otro punto cu a sali durante e declaracionnan ta importancia di educacion y concientisacion, mirando

no solamente interes di e companianan, sino tambe interes di Aruba, naturalesa y futuro generacion. Juan Carlos Espinal (AGW Tours): E resultado no mester mira como final di e proceso, sino como comienso di un dialogo caminda e partidonan por sigui scucha otro y traha na un balans cu ta beneficia Aruba. “Nos mester sinta hunto, scucha otro y sigui dialoga. Esaki no ta solamente pa companianan, pero pa Aruba, pa naturalesa y pa futuro generacionnan.”

Prome Minister mr. Mike Eman a expresa satisfaccion cu e decision, indicando cu esaki ta ofrece un oportunidad pa sigui traha riba un balansa entre proteccion di naturalesa y e continuidad

di e actividadnan turistico. Minister di Turismo, Transporte y Labor, mr. Wendrick Cicilia, a destaca cu e sector di tour operators y tour guides ta un parti integral di e experiencia turistico cu Aruba ta ofrece. Minister di Vivienda, Infrastructura, Servicio Interno y Telecomunicacion drs. Rene Herdé a agradici e operadornan di UTV’s/ ATV’s cu a firma e protocolo, reconociendo e esfuerso cu nan a haci durante hopi aña pa logra un espacio di dialogo. Cu e firma di e protocolo, Gobierno y e UTV’s/ATV’s tour operators a reafirma nan compromiso pa continua e dialogo y desaroya e medidanan cu fortalece tanto e conservacion di nos patrimonio natural como un sector turistico sostenibel pa Aruba.

P 11

DIASABRA 12 DI SEPTEMBER 2026

BANCO CENTRAL TA BATI ALARMA

CONTINUACION PAG. 10 subi di 0,1% na 2025 pa 2,4% na 2026, entre otro pa causa di prijs mas halto di petroleo. MEP ta puntra cua ta e posibel impacto riba poder di compra y cua medida gobierno ta tuma pa reduci e impacto na Aruba.

Finalmente, MEP ta puntra cua ta e solucionnan structural pa preveni cu Aruba ta drenta den un periodo di crecemento economico abou rumbo 2030. A puntra tocante medida concreto pa diversificacion economico,

productividad, innovacion y competitividad. Cu e preguntanan aki, Fraccion MEP kier haya claridad tocante con grandi e reto economico ta y cua plan concreto gobierno tin pa garantiza crecemento duradero y poder di compra pa Aruba.

P 12

DIASABRA 12 DI SEPTEMBER 2026

NACÍ DE PIE CELEBRA EL LEGADO ARTÍSTICO DE CHARLES BROUNS JR. en permanente evolución, compuesto por pinturas, murales, fotografías y objetos portadores de las historias de visitantes procedentes de todo el mundo. Su práctica creativa se extendió más allá del bar. Mediante señales elaboradas a mano, mapas, campañas ambientales y comunitarias, y la instalación del Ancla de los Marineros en 1985, Brouns utilizó el arte para dirigir nuevamente la atención hacia San Nicolas e imaginar nuevas posibilidades para la comunidad durante un periodo de profundas transformaciones

San Nicolas, Aruba — Art Rap Foundation, en colaboración con Charlie’s Bar, presenta Nací de Pie, una exposición retrospectiva resumida dedicada a la vida y obra del artista arubeño Charles Brouns Jr. (1941–

2004). La exposición, bajo la curaduría de Nelson Gonzalez, se inaugurará el viernes 18 de septiembre de 2026, a las 7:00 p. m., en Art Rap Foundation, frente a Charlie’s Bar. Charles Brouns Jr. nació

en Aruba en 1941 y pintó durante toda su vida. Después de estudiar y trabajar en Europa, Puerto Rico y Colombia, regresó a San Nicolas a mediados de la década de 1970. Allí transformó Charlie’s Bar en un entorno inmersivo y

económicas. Nací de Pie presenta a Charles Brouns Jr. no solo como pintor y empresario, sino también como un operador artístico que convirtió la hospitalidad, la memoria, el espacio público y la participación colectiva en una práctica creativa. La exposición forma parte de la serie Let’s Brag About San Nicolas, dedicada a celebrar a las personas, las ideas y las acciones culturales que han contribuido a construir la identidad de esta comunidad. Viernes 18 de septiembre de 2026 | 7:00 p. m.

P 13 DIABIERNA 11 SEPTEMBER 2026

P 16 DIASABRA 12 DI SEPTEMBER 2026

Den paz mi lo drumiy sosega pasobra ta bo so, Sefior ta laga mi biba sigur. Salmo: 4:8

Cu imenso dolor na nos curason, pero conforme cu Dios su boluntad, nos ta anuncia fayecimento di nos Mama, wela, bisawela, tatarawela, suegra y prima stima: Na nomber di su: Esposo: †Everard Henriquez Yiunan: †Romulo (Ronnie) y Juana (Anchi) Henriquez-Winterdaal Sonia y †Coenradus Quasters-Henriquez Ruben R. y Mireya Henriquez-Alvarez

Delfina Henriquez-Erasmus Mihor conoci como: Dudu

Nieto y Nieta nan: Maroushka (Uca) y Hubert Flanegien-Henriquez

*24 December 1933 - †5 September 2026

Zulaika (Zuli) y Robert (Robby) Solognier-Henriquez Eroll y Xia-Ru Henriquez-Li, Varoussia (Usha) Solognier y Yiu Elysiah Pinzon Jay y Tracy Quasters-Creusen, lan Quasters, Yaremi y Ranzinho Saladin-Henriquez Ruben A. Henriquez y Jahaira Lopez Bisanieto y Bisanieta nan: Genrick Flanegien y Thami Figaroa, Jonrick Flanegien y Nydie Moreno Castro Robert Solognier, Elijah Solognier y Sonella Cardenas Justin Solognier y Sharyl Robles de Medina, Nigel Quasters y Gwen Daniel Quasters, Yarzinha Saladin, Rayzhir Saladin, Ethan Henriquez, Elias Henriquez Tataranieto: Zayden Solognier Rumanan: †Henny y †Ninita Erasmus-Arends y famia, †Editha y †Feli Pereira-Erasmus y famia,Alberto y †Mina Erasmus-Boekhoudt y famia, †Andres Erasmus,†Martin y †Ramonita (Nita) Erasmus-Werleman y famia, †Mathilda (Tila) y †Gregorio (Goy) Erasmus-Angela y famia, †Nemencio y †Robertina (Inchi) Eramus-Werleman y famia Suegroy Suegranan, Sobrina y Sobrinonan, Prima y Primonan, Swa y Cuñanan, Comer y Compernan Demas famia: Erasmus, Henriquez, Winterdal, Pereira, Angela, Werleman, Briezen, Arends, Boekhoudt, Solognier, Li, Flanegien, Figaroa, Moreno Castro, Cardenas, Robles de Medina, Pinzon, Gamara, Webb, Lacle, Maduro, Quasters, Lopez, Saladin, Feliciana, Dijkhoff, Loopstok Acto di entiero lo tuma lugarDiasabra 12 September 2026, na Misa Santa Filomena na Paradera di 9’or pa 11’or di mainta, despues pa Santana Catholico na Paradera. Resamento na cas lo tuma lugar Diahuebs 10 di September 2026 di 7’or pa 9’or di anochi na Piedra Plat 55-F (cas di Dudu).

Acto di Condolencia na Aurora Funeral Home diabierna 11 di September 2026 di 7’or pa 9’or di anochi. Nos disculpa si den nos tristesa nos por ailubida algun Famia.

P 14

DIASABRA 12 DI SEPTEMBER 2026

Parlamentario Eduard Pieters:

“Parlamento a papia unanimemente; awor Gobierno mester mantene su mes na ley” Parlamento di Aruba a papia unanimemente y awor ta turno di Gobierno pa actua. Esaki ta e posicion di parlamentario di PPA, Eduard Pieters, despues cu tur fraccion den Parlamento a yega na acuerdo pa manda un señal cla na Gobierno tocante situacion na Noordkust y e preocupacionnan expresa den e manifestacion reciente.

regula e uzo, teniendo proteccion di naturaleza como condicion central. Regulacion y proteccion Prohibicion general, no!

si.

Pa Pieters, e asunto no ta solamente ATV of UTV. Ta trata di algo mas fundamental: Gobierno mester mantene su mes na ley y ehecuta e responsabilidad cu e ley ta indica. “Nos, via Presidente di Parlamento, a manda un instruccion cla pa Gobierno di Aruba: mester mantene su mes na ley.”

Pieters no ta argumenta pa un Noordkust sin regla. Al contrario. E ta menciona e condicionnan concreto cu Gobierno por establece: ruta determina, velocidad, nivel di ruido, cantidad di vehiculo y area sensibel, cu mester haya proteccion special. Su argumento ta: pone e regla y percura pa cumpli cu ne. Esaki ta importante, pasobra ROPV no ta simplemente un documento politico. Ta un instrumento huridico, cu ta establece ‘voorschriften’ pa uzo di teritorio di Aruba.

E ley tin nomber: ROPV, AB 2021 no. 123

“Bo mester bin cu e reglanan,” Pieters a enfatisa.

Pieters ta referi specificamente na Ruimtelijk Ontwikkelingsplan met Voorschriften (ROPV), estableci mediante Landsbesluit, houdende algemene maatregelen, di 28 di juli 2021, AB 2021 no. 123. E ROPV a drenta na vigor dia 1 di september 2021.

Desde 2021 Gobierno tabatin tarea pa regla esaki

Segun interpretacion cu Pieters a presenta durante conferencia, e cuadro aki no ta bisa cu ATV, UTV of tur vehiculo motorisa automaticamente ta prohibi di transita den tur area natural. “Ningun caminda ta poni cu un ATV of UTV no por bay e camindanan aki.” Pieters su punto ta, cu Gobierno mester organisa y

Aki ta caminda Pieters su critica bira politico. ROPV ta vigente desde 2021. Segun Pieters, gobierno anterior a pone e ley na vigor, pero no a termina di establece tur condicion necesario pa su ehecucion. Gobierno actual tampoco a resolve e problema y ya nan ta dos aña den gobernacion. Awor, mientras pueblo ta enfrenta e barancanan, incertidumbre y limitacion di acceso, ambos banda ta culpa otro. “Aruba ta cansa di politica, unda MEP y AVP ta bringa otro y punta dede, ken a haci of keda sin haci kico.” Pa Pieters, e pregunta ya no ta

ken tabata na poder, ora ROPV a drenta na vigor. Su pregunta ta: ken ta dispuesto pa percura pa e condicionnan awor?

ruta, pone condicion, proteha naturaleza, permiti vehiculonan si motor transita y crea control efectivo.

Noordkust ta mas cu UTV

Parlamento a tende pueblo. Parlamento a logra consenso. Y desde 2021 Gobierno tin un ROPV cu mester a ehecuta. Awor, segun Pieters, excusa mester termina. “MEP y AVP, pueblo ta cansa di tiramento di culpa y AVPFUTURO asumi e rol di maneha y goberna e pais aki. Proteha naturaleza, respeta derecho di pueblo y ehecuta e ley cu Aruba ya tin,” Eduard Pieters a finalisa bisando.

Pieters a recorda cu e manifestacion no tabata solamente relaciona cu tour guides. Tabatin piscadonan, famianan y ciudadanonan cu ta uza Noordkust recreativamente. E ta menciona hasta su propio historia familiar: su welo tabata piscado. P’esey, un decision tocante acceso tin consecuencia cu ta bay mas leu cu turismo. Ta toca tradicion, recreacion, pesca, deporte, seguridad y hasta acceso pa polis y servicio di emergencia. Parlamento a papia. Kico Gobierno ta haci awor? Pieters no kier pa Aruba keda simplemente keda warda riba un proceso hudicial, mientras incertidumbre ta continua. Su yamada ta pa Gobierno sinta cu e stakeholders, determina

P 15

DIASABRA 12 DI SEPTEMBER 2026

Accion di Bario: Premier Eman a bin conoce di cerca e trabou di Centro di Bario y Deporte Dakota

Durante Accion di Bario diahuebs mainta, Prome Minister Mike Eman a bishita Centro di Bario y Deporte Dakota, caminda el a haya un rondleiding di e facilidad y a conoce di cerca e diferente actividadnan y proyectonan cu e centro ta desaroya pa comunidad. Presidente di Centro di Bario y Deporte Dakota, Carlmichael Bikker, a califica e bishita como importante pa e desaroyo futuro di e centro. Segun Bikker, Premier Eman ya algun luna pasa a expresa su intencion di bishita e facilidad pa conoce personalmente e trabou cu ta tuma luga eynan. Durante

recorido,

Premier a topa entre otro cu e grupo di adulto mayor Flor di Aloe y a haya un splicacion amplio tocante e proyectonan actual y ideanan cu directiva tin pa futuro. Un di e aspiracionnan ta pa sigui mehora e espacio rond di centro y crea un ambiente mas berde y agradabel, cu mata y flor y un luga caminda principalmente adultonan mayor di bario por sinta, socialisa y pasa un rato den trankilidad. Bikker a enfatisa cu funcion di un centro di bario ta bay mucho mas leu cu solamente ofrece un espacio fisico.

“Centro di Bario ta corason di e bario,” el a expresa, indicando cu e centro mester keda activo pa diferente generacion den area di deporte, educacion, cultura y arte. Como ehempel, Centro di Bario y Deporte Dakota tin computer y acceso

na internet disponibel pa muchanan cu no tin e facilidadnan aki na cas, pa nan por bishita e centro y traha riba nan proyectonan di scol. Bikker a expresa satisfaccion cu e bishita y a destaca importancia di cooperacion entre

comunidad, Gobierno y instancia priva pa centro di barionan por sigui cumpli cu nan funcion. “Tur granito di arena ta yuda pa haci Centro di Bario y Deporte Dakota cada biaha miho,” Bikker a conclui.

N K,

o di

nino

olis a

P 16

P 13

Señor ta mi wardador, mi’n tin falta di nada Den cunucu di yerba e ta ponemi sosega. Señor ta wardador, mi’ntrankil. tin falta di nada E mi ta hibami na awa Den cunucu di yerba e ta ponemi Pa mi bolbe haña forsa. sosega. E ta hibami na 23 awa trankil. Salmo: Pa mi bolbe forsa.cu boluntad di Cu dolor na nos curason; perohaña conforme Salmo: 23 Dios nos ta anuncia fayecimento di: Cu dolor na nos curason; pero conforme cu boluntad di Dios nos ta anuncia fayecimento di:

Na nomber di su:

Leno Patricio Angela mihor conoci como: ”Lino” Leno Patricio Angela *22-09-1941 - †31-082026 mihor conoci como: ”Lino” *22-09-1941 - †31-08- 2026

Na nomber di su: Mayornan: † Carlito y † Maria Angela- Kock Mayornan: † Carlito y † Maria Angela- Kock Rumannan: Velia Angela Rumannan: Sra. vda Marie Angela-Bislip Velia Angela † Carlos Angela Sra. vda Marie Angela-Bislip † Augustina Angela † CarlosAngela Angela †Alberto † Augustina Angela †Thomas Angela Angela ††Alberto Ciro Angela †Thomas Angela Angela † Jeannie Trimon† Ciro Angela Angela †Vilma † Jeannie Trimon- Angela Sobrinonan: †VilmaAngela, AngelaMarcel y Liliana Angela, Giannino Trimon Danilo Sobrinonan: Sobresobrino(a)nan: Danilo Angela, Marcel y Liliana Angela, Giannino Trimon Xeanderick Trimon, Xiandra Kock Sobresobrino(a)nan: Cuña : Trimon, Xiandra Kock † Xeanderick Sra. Catharina Angela-Maduro Cuña : Ayudante: † Sra.Coello Catharina Angela-Maduro Dalys Ayudante: Amiganan di cas: Dalys Growell Coello Roosje Amiganan cas: Cosma Kockdi y famia RoosjeyGrowell Primo Primanan, Amigo y Amiganan, Bisiñanan, conocirnan Cosma Kock famia Kock, Trimon, Bislip, Maduro Demas Famia:y Angela, Primo y Thode, Primanan, Amigo y Amiganan, Bisiñanan, Rasmijn, Wester, Garcia, Kelly y demas famia conocirnan Demas Famia: Angela, Kock, Trimon, Bislip, Maduro Rasmijn, Thode, Wester, Garcia, Kelly y demas famia

Ta wordo invita pa condolencia y acto di entiero diasabra 12 di september 2026 for di 9’or pa 11’or di mainta na Aurora Funeral Home y despues lo sali bai pa santana Catolico na Sta. Cruz.

DIASABRA 12 DI SEPTEMBER 2026

SUDOKU