P1
DIASABRA 3 OCTOBER 2026
3 OCTOBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.
1.25
ADULTONAN MAYOR POR TA TRANKIL:
5 SOSPECHOSO DETENI PA RECHERCHE SAN NICOLAS TOCANTE DIFERENTE ASALTONAN COMETI
HUES A BOLBE POSPONE CASO PENAL CONTRA FERNANDES PEDRA SOSPECHA DI A DAL DOS HENDE MATA CU JEEP Y CORE BAY
P2
DIAsabra 3 october 2026
Departamento di Labor y Investigacion hunto cu Minister di Turismo, Transporte y Labor, mr. Wendrick Cicilia ta anuncia reubicacion temporal di Tienda Legal Laboral Savaneta pa e edificio di DPL San Nicolas ORANJESTAD – Directie Arbeid en Onderzoek (DAO) y Tienda Legal Laboral (TLL) ta informa comunidad cu, pa motibo di trabounan den conexion cu renobacion grandi na e edificio di MFA Savaneta, e ekipo di TLL Savaneta lo opera temporalmente for di e edificio di Departamento di Progreso Laboral (DPL) na San Nicolas entrante diamars 6 di october.
legal y di conseho laboral pa e habitantenan di e districto di Savaneta y San Nicolas durante e trabounan di construccion. Servicio no ta stop E ekipo di TLL lo sigui duna e mesun asistencia profesional, husto y accesibel relaciona cu derecho laboral, contract nan di trabou, salario y mediacion den conflicto.
Nicolas ● Telefon: 5237770 ● E-mail: dao.tll@aruba.gov. aw Orario di servicio: ● Dialuna te cu diabierna: 08:00 – 12:00 & 13:00 – 15:00 ● Diaranson: 08:00 – 12:00 Otro localidad di TLL ta keda opera normalmente: Por acudi tambe na e otro sucursal di TLL:
E reubicacion temporal aki lo drenta na vigor entrante diamars 6 di october pa un periodo calcula di dos (2) luna, pa asina por garantisa e continuidad di e servicionan
Adres y Contacto Temporal di TLL Savaneta / San Nicolas: ● Adres nobo temporal: Edificio di DPL San Nicolas, B. v.d. Veen Zeppenveldtstraat #52, San
● ○ ○ ○ aw
MFA Paradera Adres: Paradera 145-C Telefon: 5237750 E-mail: dao.tll@aruba.gov.
DAO y Tienda Legal Laboral lo mantene e publico debidamente informa di e desaroyonan y e momento cu e ekipo por bolbe bek na e edificio renoba di MFA Savaneta. Nos ta pidi disculpa pa cualkier inconveniencia cu esaki por causa y nos ta gradici e comunidad pa su comprension.
Accidente entre un Prado y un meneer riba bicicleta IHelfrichstraat - Diabierna merdia polis mester a bay den Helfrichstraat, unda a sosode un boksmento auto y bicicleta. Polis a yega y ta topa cu un Toyora Prado y un bicicleta riba caminda, parti patras di e auto. Riba suela tawata un cabayero di edad cu lo tawata riba e bicicleta. Rapidresponder a presenta y e Paramedico a bay controla e meneer cu tawata patras di un auto drumi.
Por a mira cu polis a marca e rond di e Prado. No ta mucho duidelijk
pa nos con e accidente a sosode.
P3
DIAsabra 3 october 2026
Cuerpo Policial Ta Informa
ADULTONAN MAYOR POR TA TRANKIL: 5 SOSPECHOSO DETENI PA RECHERCHE SAN NICOLAS TOCANTE DIFERENTE ASALTONAN COMETI E team di recherche di San Nicolas a traha incansablemente pa e diferente casonan di robo riba adulto mayornan na San Nicolas. E sospechosonan tabata pusha e adulto mayornan den un forma pisa cu e adulto mayor ta cay of ta keda indefenso. Despues e sospechosonan menor di edad ta horta nan pertenencianan. Den un forma relampago, bon coordina cu conocimento den e materia di investigacion, Recherche di San Nicolas conhuntamente cu Cuerpo Policial Aruba por informa nos adultonan mayornan cu a logra detene te cu awor 4 sospechoso relaciona cu e caso aki. Lamentabelmente nos por menciona cu ta trata di 3 menora di edad y un adulto cu a comete asaltonan contra nos adulto mayornan.
Ta trata di e sospechosonan di inicialnan; T.J. G. B. naci na Aruba di 15 aña di edad. J. D.J. T. naci na Aruba di 16 aña di edad. E.J.E.K. naci na Aruba di 16 aña di edad. G.V.F.naci na Aruba di 31 aña di edad. Recherche di San Nicolas no a
para keto y den mesun rosea a detene e sospechoso K.J.A.S. naci na Aruba di 40 aña di edad pero esaki ta relaciona cu casonan di ladronicia riba diferente casnan na unda mayoria ta adulto mayor ta residencia.
No ta descarta cu den e dianan nos dilanti recherche lo haci mas detencion pa cu e caso menciona. Cuerpo Policial Aruba ta keda haci un apelacion na persona cu sa algo of a wak algo pa yama e tiplijn di polis cu ta 11141. Bo ta keda 100% anonimo
Sospechoso atrobe sin abogado:Caso accidente
mortal Renaissance posponi we tabata planea e tratamento di e caso penal contra e sospechoso C.C.F.P., kende ta wordo persigui pa homicidio y intento di homicidio relaciona cu un accidente di trafico riba 4 di januari 2026. E sospechoso ta wordo acusa di a ocasiona un dalmento riba brug di Renaissance, den cual dos persona a perde nan bida.
Esaki ta e di cuater biaha cu e caso ta yega dilanti hues, pero atrobe e no por a sigui. E sospechoso a presenta awe cu su abogado, un abogado penal experiencia desde Corsou, kende a wordo designa riba ordo di Corte. Sinembargo, den Corte e sospechoso a laga sa cu e no kier asistencia di e abogado aki y di e manera ey, el a keda atrobe sin
representacion legal. Hues a bolbe fiha un fecha pa e tratamento di e caso: dia 4 di november pa 1.30 or di atardi. E sospechoso ta keda den detencion preventivo.
P4
DIAsabra 3 october 2026
Noticia di Corte
Hues a bolbe pospone caso penal contra Fernandes Pedra sospecha di a dal dos hende mata cu Jeep y core bay ORANJESTAD – Awe mainta tabata planea pa tratamento di e caso penal contra Chania Chante Fernandes Pedra (25). Sinembargo a presenta situacion cu Hues a dicidi di pospone e caso pasobra ainda Fernandes Pedra no a haya un abogado.
caminda abogado mr. Braam Moszkowicz for di Hulanda a pidi pa pospone e caso. Tambe Hues a haya mail di mr. Dickens cu e ta dispuesto pa representa Fernandes Pedra. Den e carta di Fernandes Pedra, e ta bolbe pidi pa e haya su libertad.
SOLO DI PUEBLO por a compronde cu tabatin un abogado di Curacao disponible mr. Dickens pero Fernandes Pedra no kier e abogado pasobra ta awor e ta tende di dje. Hues a pospone e caso pa dia 4 November 2026.
ACUSADO TA PIDI DISCULPA NA FAMIANAN Na dado momento Fernandes Pedra mester a bisa tocante e situacion di abogado. Promer el a pidi disculpa na famianan di e victimanan. El a bisa cu ainda ta hopi dificil p’e por expresa su mes. E tabata hopi emocional y a bisa cu no tabata su intension. El a bisa cu mentalmente ta hopi dificil p’e. ACUSADO NO A PAPIA CU E ABOGADO Hues a bisa cu el a haya mail di mr. Dickens cu e ta representa Fernandes Pedra. Fernandes Pedra a bisa Hues cu e no tabatin combersacion cu mr. Dickens. El a bisa cu e sa cu tin dos otro abogado y tabata pendiente di nan pero no a tende nada mas. Hues a bisa cu e tambe a tende di dos abogado for di Curacao pero despues ta resulta cu tabatin mal comprondemento y nan no ta bin. Hues a sigui bisa cu mayornan di Fernandes Pedra a laga sa cu nan no ta dispuesto pa sigui paga abogado. Hues a bisa cu e procedura a sigui y finalmente mr. Dickens a pone su mes disponibel. Fernandes Pedra a puntra Hues si e tin mas opcion pasobra e no a aproba mr. Dickens. Hues a puntra Fernandes Pedra kico e kier. Fernandes Pedra a puntra Hues si e por scoge abogadonan di Curacao. Hues a bisa cu esey por si tin abogado disponibel. Hues a remarca cu esaki ta di 3 biaha cu Fernandes Pedra ta presenta den Corte sin abogado. Fernandes Pedra a bisa Hues cu e no conoce mr. Dickens, e no sa su specialisacion. El a bisa cu e ta depende di documentonan cu e ta haya na KIA.
Fiscal a presenta e acusacionnan contra Fernandes Pedra cu ta, cu riba 2 Januari 2025 a dal mata e dama Josely Paulina Vasquez (65) y e homber Carlos David Vialez Valerio (54) cu un Jeep y a sigui core bay. Tambe Fiscal ta acusa Fernandes Pedra di tabata core e Jeep sin rijbewijs, core bou influencia di alcohol, core cu velocidad halto y den un situacion emocional. Tambe Fernandes Pedra ta wordo acusa di intento di mata señora Williams y e homber Fernandes Rivas, kendenan dia 2 Januari 2025 tambe tabata cruzando e caminda. PROBLEMA PA HAYA ABOGADO Via video conference e abogado mr. Dickens di Curacao a conecta cu Corte di Husticia. Famianan di e victimanan tabata presente sinta abao mientras cu den di dos piso e famia di Fernandes Pedra tabata sinta. Hues a bisa cu na Augustus 2026 el a dicidi cu por busca abogado di Curacao. Tabatin dos abogado dispuesto. Hues a mustra cu cos no a bay manera a spera. Hues a bisa cu e abogado mr. Dickens di Curacao no a haya e tempo pa papia cu e acusado. Esey ta haci cu Hues a pensa pa pospone e caso pa 4 November 2026. Hues a bisa cu a haya mas documentonan cu tabata pendiente di haya pa tratamento di e caso. A haya e investigacion riba e computer di e Jeep. Tambe a haya raport di psycologo di Fernandes Pedra. CARTA PA POSPONE CASO Hues a bisa cu Diahuebs, Fernandes Pedra a laga entrega na Hues di Corte di Husticia, un carta
Fiscal a reacciona cu ni na Aruba y na Curacao, no tin abogado disponibel. Solamente mr. Dickens di Curacao. E ta haya cu no tin espacio mas pa busca otro abogado pasobra no tin. Fiscal a bisa tambe cu e kier aclarea cu no ta Ministerio Publico a busca abogado sino cu a haci un peticion na e orden di abogado na Curacao.
ACUSADO NO KIER E ABOGADO Hues a puntra Fernandes Pedra si e kier mr. Dickens of no. Fernandes Pedra a bisa Hues, cu tur respet pa mr. Dickens, pero e no kier mr. Dickens. Hues a remarca cu Fernandes Pedra a nenga mr. Dickens y ta core e risico cu no tin abogado. Mr. Dickens a bisa Hues cu e no por haci nada otro cu deshaci di e caso. HUES NO TA LAGA FERNANDES PEDRA LIBER Fiscal a nenga e peticion di Fernandes Pedra pa e bay liber. Fiscal a remarca cu 2 hende a perde nan bida y 2 otro a hera perde nan bida. Fiscal a bisa cu segun ley tin un castigo di 8 aña di prison. E no ta haya cu por laga Fernandes Pedra liber. Fiscal a bisa cu dia 4 November 2026, tratamento di e caso mester tuma lugar. Esaki pa e famianan di e victimanan y Fernandes Pedra mes. Hues a pospone e caso un rato pa e bay pensa y a bolbe. Hues a bisa cu e ta rechaza e peticion pa Fernandes Pedra bay liber. Na opinion di Hues, no tin ningun motibo pa laga Fernandes Pedra liber. Hues ta haya cu e caso ta pisa mas cu e interes di Fernandes Pedra pa bay liber. Hues a bisa cu esaki ta di 3 biaha cu e ta mira Fernandes Pedra den Corte y ainda no a trata e caso. CASO POSPONE Hues a mustra cu riba peticion di Ministerio Publico, a haya un abogado y pa motibonan no conoci, Fernandes Pedra no kier e abogado. Hues a remarca cu awor e bala ta atrobe den scochi di Fernandes Pedra. Hues a bisa cu a bira tempo pa trata e caso. Hues a pospone e caso y a bisa cu dia 4 November 2026 lo bay trata e caso pa 1.30 di merdia. FAMIA DI FERNANDES PEDRA TA CUESTIONA Pafor di edificio di Corte, mayornan di Fernandes Pedra a cuestiona henter e procedura pa hayamento di abogado. Segun e mayornan, 16 ora promer cu e caso, a apunta mr. Dickens, siendo cu promer cu esey tabatin 2 abogado disponible pa Fernandes Pedra scoge. Por a compronde cu otro siman lo por spera cu e mayornan di Fernandes Pedra lo yama un conferencia di prensa pa cuestiona e asunto aki.
DIAsabra 3 october 2026
KPA TA INVESTIGANDO CASO SERIO DI TIRAMENTO NA SEROE BIENTO
Cuerpo Policial Aruba ta informa cu ta investigando un caso serio unda un persona (o personanan) lo a tira posiblemente riba un chauffeur di brommer cu a haci uzo di e caminda di Seroe Biento. Ayera diaranson nochi, un chauffeur di brommer cu tabata pasando riba e caminda di Seroe Biento a sinti un dolor na su lomba. Ora
el a yega cas, el a nota cu tabatin un bala pega den su rugbrace. E homber a informa Central di Polis inmediatamente, y Central a manda e patruya di polis, recherche y polis forensico na e sitio. Departamento di Recherche ta na altura cu tin algun caso cu ta envolvi tiramento na altura di Seroe Biento y ta investigando rigurosamente.
P5
Nos ta haci un apelacion na cualkier persona cu sa algo of cu a mira algo sospechoso pa yama e tiplijn di polis na 11141. Bo ta keda anonimo. No ta descarta cu den e dianan nos dilanti cu detencionnan lo cay.
Aruba Bank orguyoso di sostene Primero Yo 2026: “ El negocio empieza contigo” Oranjestad – 02 di oktober 2026 – Aruba Bank ta orguyoso di forma parti pa prome biaha como patrocinador di Primero Yo 2026, un iniciativa di Piso Tres cu ta brinda un espacio na Spaño pa hende den nos comunidad siña, conecta, comparti experiencia y crece, tanto personal como profesionalmente. E tema di e segunda edicion aki, “El negocio empieza contigo”, ta refleha un conviccion importante: tras di cada negoshi, cada proyecto y cada gran idea tin un persona cu vision, determinacion y deseo pa sigui crece. Crecimiento ta cuminsa cu hende: cu nan mentalidad, nan disposicion pa siña y nan compromiso pa
sigui avansa. Primero Yo 2026 ta crea un espacio pa comparti conocemento y experiencia, crea conexionnan y inspira otro, mientras ta enfoca riba temanan manera liderazgo, servicio, benta y crecimiento continuo. “Na Aruba Bank nos ta kere cu crecimiento ta cuminsa cu hende: cu nan mentalidad, nan deseo pa siña y nan compromiso pa sigui avansa,” a comparti Ramon Mas, Head of Corporate & Platinum Banking na Aruba Bank. “Pesey nos ta orguyoso di sostene iniciativanan manera Primero Yo, cu ta crea oportunidad pa hende siña, conecta y crece.” E colaboracion aki ta refleha tambe e balornan
cu ta guia Aruba Bank: We Care, We Build, We Deliver y We Collaborate. We Care, pasobra hende, nan historia y nan aspiracionnan ta importante pa nos. We Build, pasobra nos ta kere den construi relacion y oportunidadnan pa largo plaso. We Deliver, pasobra cumpli cu nos compromiso ta esencial
pa crea confiansa. Y We Collaborate, pasobra nos ta kere cu e miho resultadonan ta nace ora nos comparti idea, conocemento y experiencia y traha hunto. Cu su sosten na Primero Yo 2026, Aruba Bank ta reafirma su compromiso pa sigui contribui na
oportunidadnan cu ta fortalece hende, negoshinan y comunidad. Aruba Bank ta orguyoso di por aporta na Piso Tres y tur participante di Primero Yo 2026 pa siña, conecta y crece. Pasobra al final, e negoshi ta cuminsa cu bo.
P6
DIAsabra 3 october 2026
Wardakosta ta yuda boto den emergensia den serkania di Sta. Cruz
Djawebs último e Sentro di Operashonnan Marítimo (MOC) di Wardakosta a risibí un yamada di un persona ku a mira un señal di ‘flare‘ (vürwèrk kòrá) riba laman den besindario di Sta. Cruz. Abase di e yamada akí MOC a dirigí e avion di Wardakosta pa e lokalidat di e ‘flare‘ pa por evaluá e situashon. Na yegada na e area e tripulashon di e avion a mira un boto ku un hòmber abordo ta zuai pa yudansa. Despues ku e boto aki a keda detektá, MOC a manda un Metal Shark na e sitio pa duna asistensia. E Metal Shark a tou e boto ku e hòmber lokal na bordo hiba seif na direkshon di e bahia di Sta. Cruz. Den e situashon di emergensia aki e ‘flare’ na bordo a resultá esensial. E hòmber a sa di usa esaki pa hala
atenshon di personanan na tera pa laga sa ku e tabata den un situashon di emergensia. Den un situashon di emergensia un ‘flare’ por ta un dje ekiponan importante pa hala atenshon di hende òf otro botonan den besindario ora ku otro medionan di komunikashon no ta disponibel na e momentu ei na bordo. Wardakosta ta konsehá tur doño di boto pa mantené nan boto regularmente. Sòru pa bo tin sufisiente ekipo di seguridat i reskate na bordo manera: salbabida, ‘flare’, flashlight, kit di promé asistensia, sufisiente awa, aparato di paga kandela, radio VHF i un telefon selular kargá. Evita ku bo boto ta daña na kaminda i kubo tin un situashon peligroso riba laman ku bo boto i bo pasaheronan. Den kaso
ku bo mester di yudansa, bo por tuma kontakto ku Wardakosta riba kanal VHF 16, yama e number di emergensia 913, òf manda un
mensahe via Whatsapp na 005999 510 0913. Wardakosta ta deseá bo un biahe plasentero i sigur.
Michelove Jean-Louis a gradua como Bachelor den Organization, Governance and Management (OGM) ORANJESTAD - Dia 29 di september 2026, Michelove a defende su tesis exitosamente y a obtene e titulo di ‘Bachelor of Arts’ for di e programa Organization, Governance and Management, Facultad di Arte y Ciencia. Michelove a defende su tesis titula: The Role of WAW Mobiel in Strengthening Social Capital Within Targeted Neighborhoods in Aruba Michelove a investiga te na ki grado e proyecto WAW Mobiel ta contribui di manera sostenibel na capital social den e barionan selecciona na Aruba. . E comision di graduacion tawata consisti di: ● Valerie Maduro MA ● Mieke de Droog PhD
● Gianni Bermudez MSc di CEDE ARUBA. Ta gradici e docentanan di e departamento di OGM y profesional cu a yuda of guia Michelove como studiante. Tambe ta gradici tur esnan na y pafo di Universidad di Aruba cu a contribui na un manera of otro na e acontecimento aki. Pa mas informacion tocante e estudio OGM, bishita e website di Universidad di Aruba na http://www. ua.aw/ogm, e pagina di Facebook @ UniversityofArubaOGM.MGL y e pagina di Instagram @ua_ogm.mgl.
DIAsabra 3 october 2026
AHATA: No ta di acuerdo cu e Plan di Implementacion di Turismo 2026-2031
Aruba Hotel & Tourism Association a participa den 3 ronda di conversacion cu Minister di Turismo, Transporte, y Labor, y su conseheronan. Despues di cada ronda, e ministerio a sigui desaroya nan plan pa turismo. AHATA ta aprecia cu Minister kier implementa un rumbo nobo pa turismo, pero nos a expresa varios biaha cu nos no ta mira nos recomendacion refleha den e documento di gobierno. E diferencianan principal entre e Plan di gobierno y AHATA su recomendacion, ta: 1. Gobierno su strategia ta pa sigui crece den cantidad di turista, mientras cu ta purba crece e contribucion financiero di cada turista. AHATA ta boga pa un strategia cu ta stop di crece e cantidad di bishitante y ta alinea entidadnan di turismo pa logra:
a. Mercadeo cu ta mengua e cantidad di turista cu ta contribui menos y reemplaza nan cu bishitante cu ta contribui mas na nos economia y ta aprecia naturalesa y cultura. b. Reduci y controla e cantidad di cruiseship cu ta yega Aruba riba mesun dia. c. Controla e cantidad di avion cu ta yega riba cierto dia y priorisa cierto aerolinea. 2. E Plan di gobierno ta inclui hisa varios impuesto den sector di turismo. AHATA ta observa cu gobierno mester enfoca riba nan maneho di entrada en bes di hisa impuesto pa esnan cu ta paga caba. Gobierno mester priorisa nan gastonan mas efectivamente y mehora control di cumplimento di impuesto. Un estudio di gobierno mes a revela cu 20% di Aruba su economia
ta opera illegal, sin paga impuesto. 3. Gobierno tin intencion di crea varios organo nobo relaciona cu turismo den gobierno. AHATA ta boga pa evita di crea mas departamento y burocracia, y mehora efectividad di e structura existente. 4. Gobierno tin intencion di sera beach y laman un dia pa luna, locual expertonan di naturalesa
no ta considera un medida efectivo pa regeneracion. En bes di un medida di “greenwashing” cu ta simbolico y no practico, AHATA ta boga pa controla e cantidad di bishitante cu ta yega Aruba, locual lo mitiga e presion di usuario riba nos beach y laman. AHATA ta di opinion cu mester di un cambio urgente den strategia di turismo pa proteha e futuro di Aruba su
P7
industria principal y sigura e bienestar di nos comunidad. Ora nos participa den ronda di stakeholders, nos tin e expectativa cu ta balora nos recomendacion y ta tuma nos participacion y contribucion na serio. Nos ta lamenta cu e reunionnan pa strategia di turismo no a resulta na un plan cu ta inclui e vision di e representante di industria turistico.
Aplica pa Beca pa un stage na Washington D.C. ORANJESTAD - Na 2027 tin un biaha mas e oportunidad pa studiantenan cu nacionalidad Hulandes haya un scholarship pa biaha pa Washington D.C pa dos luna na juni y juli 2027 pa asina forma parti na e programa di “The Fund for American Studies (TFAS)”. Studiantenan cu ta interesa mester aplica prome cu 8 oktober. E programa ta encera dos luna di stage na e capital politico di Merca, cursonan na George Mason University, bishitanan na instancianan di gobierno federal y embahadanan, y diferente actividad na unda ta topa personanan influyente na Washington D.C. E scholarship pa e progama aki ta habri tambe pa studiantenan cu ta bini di Aruba y ta studiando sea na Aruba, Hulanda of cualkier otro universidad. The Netherlands-America Foundation (NAF)
ta haci esaki posibel como e tin como meta pa promove intercambio entre Reino Hulandes y Merca. Desde cu Minister Plenipotenciario, Sra.Zulema Dabian-Erasmus a cuminsa den su posicion na Washington D.C, su persona a cuminsa cultiva un relacion estrecho cu TFAS y NAF pa asina di un banda promove e programa aki na studiantenan di Aruba y di otro banda conecta e business community di Aruba cu NAF. Embassy Suites, Renaissance Windcreek Aruba Resort y Artisa ta organisacionnan cu a patrosina eventonan di NAF na Merca. Studiantenan Arubiano cu a ya caba a participa na e programa na Washington D.C. ta Evanee Giel di Universiteit Leiden na 2025 y Jurstin Paesch di Universidad di Aruba na 2026. E studiantenan aki
a haya oportunidad pa amplia nan contactonan na Washington D.C. y a keda cu un experiencia unico. Minister Plenipotenciario na Merca ta stimula studiantenan pa aplica pa e scholarship aki no mas laat cu 8 Oktober. Esaki ta pa studiantenan den cualkier estudio di Bachelor of Master cu tin interes durante juni y juli 2027 conoce un ciudad nobo, conoce hendenan nobo, siña un area nobo y mehora bo CV door di un stage corto di dos luna cu TFAS ta yuda e studiante scoge.
E link pa aplica ta: www.netherlands.connect. dcinternships.org. Pa cualkier pregunta conecta libremente cu Minister Plenipotenciario, Zulema Dabian-Erasmus riba e plataforma social di LinkedIn.
P8
DIAsabra 3 october 2026
Minister Gerlien Croes ta oficialisa apertura di aña academico 2026-2027 di IPA: “Rediscovering Human Capacities in a Technological Era”
ORANJESTAD, 2 di october 2026 – Minister di Relacionnan den Reino, Educacion, Hubentud, Innovacion y Deporte, sra. mr. Gerlien Croes, a oficialisa apertura di aña academico 2026-2027 di Instituto Pedagogico Arubano (IPA), marcando un comienso nobo pa e futuro educadornan di Aruba. E aña academico aki ta inicia bou di e tema “Rediscovering Human Capacities in a Technological Era”, cu ta pone enfasis riba importancia di redescubri y fortalece nos capacidadnan humano den un mundo cada bes mas tecnologico. Durante e ceremonia oficial, Minister Gerlien Croes a destaca relevancia di e tema aki den un era caminda tecnologia, inteligencia artificial y digitalisacion ta transforma e manera cu nos ta siña, traha y comunica. Apesar di e desaroyonan tecnologico, e potencial humano, creatividad, pensamento critico, empatia y capacidad di conecta cu otro ta keda esencial den educacion.
“Tecnologia ta brinda nos oportunidadnan extraordinario pa innova y transforma educacion. Sinembargo, nunca nos mester lubida cu na centro di educacion semper tin e ser humano. Nos educadornan tin e responsabilidad importante di no solamente transmiti conocemento, sino tambe di inspira, motiva y forma nos generacionnan futuro. Tecnologia mester fortalece nos capacidadnan humano, no reemplasa nan”, Minister Gerlien Croes a expresa. Reconocemento pa studiantenan cu a logra nan propedeuse Un momento special durante e ceremonia tabata entrega di certificado di propedeuse na e studiantenan cu exitosamente a completa e fase importante aki di nan formacion academico. Minister Gerlien Croes a felicita e studiantenan pa nan perseverancia, dedicacion y compromiso cu nan desaroyo profesional. E logro aki ta representa un paso importante den
nan preparacion pa bira e educadornan di futuro, cu lo contribui directamente na calidad di enseñansa na Aruba. Minister Gerlien Croes a enfatisa cu e profesion di educador ta mucho mas cu un trabou. Ta un vocacion cu ta exigi pasion, pasenshi, compromiso y e capacidad di inspira otro pa descubri y desaroya nan potencial. Inverti den educadornan ta inverti den futuro di Aruba Cu apertura di e aña academico nobo, Minister Gerlien Croes ta reafirma importancia di formacion continuo, innovacion y desaroyo profesional di educadornan. Den un
sociedad cu ta cambia rapidamente, ta esencial pa nos futuro maestronan ta prepara pa combina conocemento tecnologico cu habilidadnan humano y pedagogico. IPA ta desempeña un rol fundamental den formacion di educadornan cu lo contribui na desaroyo di nos muchanan y hobennan, y consecuentemente na futuro di Aruba. Minister Gerlien Croes a expresa su aprecio na directiva, docentenan y personal di IPA pa nan dedicacion y compromiso continuo cu calidad di educacion. Tambe e a desea
tur studiante hopi exito, inspiracion y perseverancia durante e aña academico 2026-2027. “Un aña academico nobo ta representa un oportunidad nobo pa sigui crece, siña y inspira. Minister Gerlien Croes su deseo ta pa cada studiante di IPA probecha e oportunidad aki pa desaroya su talento y descubri e impacto positivo cu e por tin den bida di nos muchanan. Hunto nos ta sigui construi un futuro di educacion caminda innovacion y potencial humano ta bay man den man”, Minister Gerlien Croes a conclui. IPA: Formando e educadornan di futuro.
P9
DIaSABRA 3 DI OCTOBER 2026
Maneho di Calor pa fortalece proteccion di adultonan mayor den casnan di cuido Oranjestad – Riba Dia Internacional di Adulto Mayor, Minister di Salubridad Publico, Asunto Social, Cuido di Adulto Mayor y Maneho di Adiccion, hunto cu National Climate Resilience Council (NCRC), Directie Ouderenzaken (DOZ) y Directie Volksgezondheid (DVG), a introduci oficialmente e Maneho di Calor pa casnan di cuido. Dia Internacional di Adulto Mayor ta wordo conmemora tur aña riba 1 di oktober y ta pone atencion riba bienestar, dignidad y participacion di adultonan mayor den sociedad. E Maneho di Calor tin como meta pa preveni efectonan negativo di calor riba salud y bienestar di adultonan mayor y pa yuda casnan di cuido prepara y actua na tempo durante periodonan di calor intenso.
Adultonan mayor ta mas vulnerabel pa efectonan di calor. Cu edad, e curpa ta regula temperatura menos facilmente, mientras condicionnan cronico y uzo di cierto medicamento por aumenta e riesgo pa complicacionnan di
salud. Pa e motibo aki, prevencion y accion na tempo ta esencial. E Maneho di Calor ta resultado di cooperacion entre DOZ, DVG, Departamento Meteorologico Aruba (DMA), NCRC, International Panel on Deltas and Coastal Areas (IPDC), Impact Blue Foundation y Climate Adaptation Services (CAS). Como parti di e maneho, casnan di cuido lo haya stacionnan meteorologico pa monitorea temperatura y humedad. Cu financiamento di IPDC, e stacionnan lo wordo poni gratuitamente na disposicion di e institucionnan, mientras e data genera lo wordo comparti directamente cu DMA. Ora e hitte-index ta indica di yega of pasa e limite determina durante varios dia consecutivo,
DMA y DOZ lo manda un advertencia na casnan di cuido pa e Protocol di Calor por drenta na vigor. Pa sostene e personal di cuido, a desaroya material informativo cu señalnan di stress debi na calor, agotamento debi na calor y ataka di calor, como tambe indicacionnan practico pa reconoce riesgo y actua na tempo. Pa e Minister, e Maneho di Calor ta un paso importante pa sigui fortalece prevencion y calidad den cuido, cu salud,
seguridad y dignidad di adultonan mayor como punto central. E Maneho di Calor ta dirigi inicialmente na casnan di cuido pa adultonan mayor. E intencion ta cu den futuro por amplia e maneho pa inclui otro localidadnan y areanan publico cu ta wordo bishita pa adultonan mayor. Cu e maneho aki, Gobierno y e diferente partnernan ta pone un base mas structura pa proteha salud, seguridad y bienestar di nos adultonan mayor.
P 10
DIaSABRA 3 DI OCTOBER 2026
48 Aña di Servicio Cultural na Aruba 30 september 1976 - 30 september 2026
Oranjestad - “Instituto di Cultura Aruba – Departamento di Cultura Aruba: Cuidado y Wardado di nos Herencia Cultural” Un bida cultural di 48 aña Desde su fundacion di dia 30 di september den aña 1978 como Instituto di Cultura Aruba (ICA) te cu su transicion den aña 2008 pa bira Departamento di Cultura Aruba (DCA), e institucion aki a yega 48 aña di servicio cultural continuo. Durante tur aña, su mision a keda cla: proteccion, promocion y educacion di arte y cultura como fundeshi di identidad nacional. Conforme articulo V. 23 di Constitucion (Staatsregeling), e Gobierno di Aruba tin e deber di crea un structura y plataforma unda cu pueblo tin e oportunidad pa desaroya y haci uzo di facilidad social, educativo y cultural. Esaki ta un di e tareanan primordial di e Gobierno di Aruba y ta un di e derechonan humano cu ta hancra den nos Constitucion.
Gobierno: Gobierno tin e tarea di percura pa e desaroyo personal di nos poblacion, p’asina e ser humano por aporta na un comunidad sano y activo riba diferente tereno, e.o. educativo y cultural. Pa logra esaki mester crea suficiente posibilidad pa e ser humano por uza, desaroya y optimalisa su conocemento, talento y idea, p’asina tin corelacion cu e necesidad-, oportunidad-, experiencianan cu ta cuadra cu loke comunidad tin mester. E inicio tabata, manera ta ayera: Tabata 48 aña pasa cu Sr. Nelson O. Oduber como e prome Diputado di e.o. Cultura, kende a funda y a inaugura nos Instituto di Cultura Aruba hunto cu e prome hefe Sr. Hubert Lio Booi d.f.m. E dia ey a honra y reconoce tambe “Trio Huasteca”. Instituto di Cultura Aruba su fundacion tabata den
cuadro tambe di e lucha di Aruba na caminda pa su Status Aparte, unda a inaugura e aña ey, e prome 18 maart 1976, ‘Dia di nos Himno y Bandera’, despues a organisa e prome referendum consultativo den Reino Hulandes riba dia 25 maart 1977, djey tambe nos ortografia etimologico di Papiamento, nos a pasa den Eilandsraad. Y riba dia 30 di september 1978 a inaugura “Instituto di Cultura Aruba “ pa promove, defende nos identidad y e otro trabou nan cultural y nos folklore. Esey tabata y ta e tareanan. Como Instituto di Cultura Aruba (ICA) a prepara Aruba na su inicio pa drenta den su Status Aparte y duna balor na su herencia cultural y su identidad. Hopi di nos ta corda e slogan: “Pone e Arubiano na altura di su cultura y siñ’e conoce di otro”. -Hubert Lio BooiPeriodo di 1978-1980 Prome Hefe di ICA, Sr. Hubert Lio Booi; Periodo di 1980-1982 Hefe interino di ICA, Sr. August ‘Juchi’ Croes; Periodo 1982-1995 E di dos Hefe di ICA, Sr Leo Tromp;
Durante e periodo di 19911994 Sr.Leo Tromp a keda cu su funcion di Hefe di ICA, aunke e tabata na disposicion di Oficina di Turismo na cas di Aruba den Den Haag y despues na disposicion di despacho di Ministerionan di Educacion y Finansas di 1 di april 1991-31 di octobet 1994. Durante e periodo aki Sr. Tromp a keda como Hefe di ICA. Durante su ausencia Sr. Evelino Fingal a fungi como Hefe Interino encarga cu ICA. Despues cu Sr. Leo Tromp a baha cu pensioen, Sr. Evelino Fingal a keda fungi como Hefe Interino. Periodo 1991-1994 y 19951998 Hefe Interino di ICA a keda Sr. Evelino Fingal; Periodo di 1998-2001 Team di Maneho pa reorganisacion di ICA; Periodo 2001-2007
E di tres Hefe di ICA, Sr. Frank Croes; Periodo di 2007-2009 Prome directora di DCA, Sra. Ruby Eckmeyer Periodo 2009- 2011 Team di Maneho Periodo 2012- te awe Di dos director di DCA, Drs. Sr. Siegfried Dumfries Rol y mision Instituto di Cultura Aruba y despues Departamento di Cultura Aruba a yega un rol fundamental den maneho di nos patrimonio cultural. Den calidad di Direccion di Cultura Aruba, su tareanan ta keda central riba: • Educacion di arte y cultura pa forma un generacion creativo y orguyoso di su raiz y origen. CONTINUA PAG. 11
P 11
DIaSABRA 3 DI OCTOBER 2026
Cuidado y Wardado di nos Herencia Cultural”
autenticidad y calidad. * Proyectonan cu tercera: * Cu Consuladonan, Artistanan, Fundacion Lanta Papiamento, Club Portugues Primavera, Switch Foundation. Instancianan Gubernamental; DEACI su seccionnan Exprodesk y IDEA, Santa Rosa, Special Projects Aruba cu Bario Fest y esnan No- Gubermamental, UNESCO, UNOCA, Feria di Papiamento, Fiesta di Cunucu di Stichting Monumenten Fonds, Centro di Bario Brazil y Fundacion Chico Harms cu Dia di Brazil, e Eleccionnan Cultural, Festival di Canto y Cancion, Parada di Lanterna y Parada Folklorico y mas. * Proyectonan Investigativo:
CONTINUACION PAG. 10 • Digitalisacion y documentacion di nos herencia cultural, pa garantisa cu futuro generacionnan por haya un acceso mas facil y amplio. Proyectonan sobresaliente Varios proyectonan a lanta Aruba su nomber riba e mapa cultural, tanto local como internacional: Antes tempo di I.C.A. djis pa menciona algun proyectonan: * E Feria Popular;
despues a bira BonBini Festival; * Despues a bini cu e seccion di arte dramatico y teatro. * ICA tabata e instituto gubernamental cu ta encarga cu e conservacion, mantencion, promocion y difusion di e cultura Arubano, den e forma di mas amplio. For di 2008 y como d e p a r t a m e n t o gubernamental cu e nomber Direccion di Cultura Aruba (DCA) a sigui cu su meta y e maneho di arte y cultura.
* E intercambio cultural escolar cu otro pais;
Aki nos ta menciona e proyectonan:
* E Watapana Festival y
•
Programanan
di
educacion artistico y cultural den scolnan, cu a inspira mucha pa descubri y stimula su talento, y tambe kita su miedo di expresa. • Campañanan di conservacion di tradicion y folklore, preservando baile, musica, cuenta y nos celebracionnan autentico, manera e Dande y San Juan, dera gay. • Proyectonan pa documenta y digitalisa nos patrimonio tangible y intangible, asina nos historia keda protegi den formato moderno. • Seyo Nacional di Artesania, un iniciativa di gran balor cu ta duna reconecemento oficial na productonan artesanal di Aruba, preservando su
Expedicion Rescate (Historia Oral), Expedicion Rescate Naturalesa y Flashlight, Expedicion Rescate pa Mucha; * Proyecto di Biografia di Artistanan di Musica Arubiano; * Proyecto Buki Baluarte Cultural, DCA hunto cu Ministerio di Cultura. Un legado di educacion y identidad Durante e 48 aña aki, nos pueblo a haya un guia cultural cu ta fortalece nos identidad y resiliencia. Arte y Cultura a bira no solamente un expresion di bunitesa, sino un instrumento di educacion, union y orguyo nacional. Un bista pa futuro Na entrada di futuro, Departamento di Cultura Aruba (DCA) ta sigui
traha pa amplia nos horizonte: mas inclusion, mas digitalisacion y mas colaboracion internacional. Asina Aruba ta sigui hopi fuerte den su rol cultural y creativo, pone su marca den mundo. Un di su reto lo ta engrandece industria creativo, hunto cu e sector y artistanan envolvi… Y ohala nos mira esaki como un siguiente pilar economico, esta e florecimento di nos industria cultural creativo den economia di Aruba… (e ‘Orange Economy’) Awendia ta sigui ta den desaroyo e parti di industria creativo aki. Homenahe y felicidad Na ocasion di e 48 aña di Servicio Cultural, Aruba ta expresa un profundo agradecimento na tur lider, empleado, artista, grupo-, fundacionnan, boluntario y ciudadano, un y tur cu di un of otro forma a forma parti di DCA, den pasado como ICA, como DCA y/ of a aporta na realisacion y ehecucion di e tareanan di DCA y hunto a contribui den tur esaki. Sigur tambe na tur cu ta salvaguardia nos herencia cultural, ta conserv’e, cuid’e y promove nos cultura Arubano. Nan esfuerso a crea un fundeshi solido riba cual nos cultura por sigui florece.
Pabien na Servicio Cultural Arubano Pabien Aruba Pabien DCA Feliz 48 Aniversario di Servicio Cultural Aruba Arte y Cultura: Nos Raiz, Nos Futuro.
P 12
DIASABRA 3 DI OCTOBER 2026
MINISTER GEOFFREY WEVER: PROYECTO EDIFICIO JOHN G. EMAN TA SIGUI AVANSA Y TA PREPARA PA DRENTA FASE DI EHECUCION Oranjestad, 30 september 2026 - E proyecto pa restaura y duna un destino nobo na e edificio historico “John G. Eman” den Caya G.F. Betico Croes ta sigui avansa. Diamars ultimo, Minister di Finansa, Asunto Economico y Sector Primario, Geoffrey Wever, a reuni cu Stichting Monumentenfonds Aruba (SMFA) pa ricibi un update riba e progreso di e proyecto y coordina e siguiente pasonan pa cuminsa cu e trabounan fisico. Presente na e reunion tabata Minister Geoffrey Wever, projectleider di Stichting Monumentenfonds sra. Jenilee Schotborg, program manager sra. Anne Witsenburg y directora di Monumentenfonds sra. Petra Davis. E siguiente momento importante ta programa pa 2 di october 2026, ora e aanbesteding pa e promer fase di e proyecto lo tuma lugar. E fase aki ta encera e trabounan di desmantelamento, caminda tur parti nomonumental di e edificio lo wordo kita pa prepara e structura historico pa su restauracion. Ta proyecta pa e trabounan di desmantelamento ta cuminsa mitar di october. Pa marca oficialmente e inicio di e fase aki, medio october ta planifica un momento simbolico cu sloophamer. Esaki lo marca e transicion di añanan di preparacion,
estudio, negociacion y coordinacion pa e fase di ehecucion di e proyecto. E proyecto John G. Eman tin un trayectoria di diferente paso importante. Riba iniciativa di Minister Geoffrey Wever, Stichting Monumentenfonds Aruba a investiga e posibilidad pa restaura y reuza e antiguo edificio di Aruba Bank y ubica Centraal Bureau voor de Statistiek (CBS) y Sociaal Economische Raad (SER) aden. E estudio a confirma cu e edificio por combina oficina pa ambos instancia cu vivienda y un espacio comercial/horeca. Na october 2024, Conseho di Ministers a aproba e acuerdonan di huur pa CBS y SER den e edificio. Na 4 di december 2024, Minister Wever a firma un Memorandum of Understanding cu Aruba Bank N.V., Stichting Monumentenfonds Aruba y Restauratiefonds Nederland, marcando un paso concreto pa haci e compra, financiamento, restauracion y reuzo di e edificio posibel. Na december 2025 un otro momento importante a wordo logra cu e entrega oficial di e edificio na Stichting Monumentenfonds Aruba. Awor, den 2026, e proyecto ta move pa e siguiente fase, cual ta preparacion directo pa inicio di e trabounan fisico. Paralelamente, ta trahando
riba e ultimo fase di diseño pa e futuro oficinanan di CBS y SER. E plannan pa e espacio di horeca y apartamento tambe ta den fase final di deliberacion y elaboracion. E concepto di e edificio John G. Eman ta refleha e modelo cu Minister Wever a bin ta impulsa pa revitalisacion di Oranjestad: combina oficina, vivienda y actividad comercial/horeca den un solo edificio, pa crea mas presencia y movemento den centro durante diferente momento di dia. E concepto aki tabata parti di e vision for di inicio di e proyecto. “Cada fase cu nos completa ta trece nos mas cerca di e meta. Nos a cuminsa cu un vision, despues a sigui cu estudio, acuerdonan, financiamento y traspaso
di e edificio. Awor nos ta preparando pa e trabou fisico cuminsa. Asina nos ta move revitalisacion di Oranjestad dilanti, proyecto pa proyecto, cu paso concreto y resultado cu comunidad por mira,” Minister Geoffrey Wever a indica. Pa mantene comunidad informa y haci e progreso visibel, lo tin momentonan di prensa na e logronan principal. cuminsamento y finalisacion di e
desmantelamento, inicio di e restauracion y finalmente entrega di e proyecto. E restauracion di edificio John G. Eman ta forma parti di e vision mas amplio di Minister Wever pa revitalisa y sigui desaroya centro di Oranjestad, preservando patrimonio historico y na mes momento dunando edificionan un funcion nobo cu ta contribui na actividad economico y social den centro di cuidad.
PUEBLO A H HAÑA SU PEN BEK
Pa kualkier informacion solodipueblo@gmail.com of
☎ 585-9500
P 13
DIASABRA 3 DI OCTOBER 2026
LIDER INTERINO DI UPB JOLINDA CRAANE NA ARUBA PA CONGRESO 2026 DI AVP
Lider interino di Union Patriotiko Boneriano (UPB), Jolinda Craane, a yega Aruba pa participa na Congreso 2026 di Partido AVP, cu lo tuma luga diadomingo 4 di october na Aruba Marriott Resort Grand Ballroom. Prome Minister y lider saliente di AVP mr. Mike Eman, Minister di Turismo, Transporte y Labor y futuro lider di AVP mr. Wendrick Cicilia, y candidato di AVP Sonaly Fernandez-Acosta a yama bonbini na Jolinda Craane. E bishita ta tuma luga den un momento importante pa AVP, cu diadomingo lo pasa pa un generacion nobo di liderazgo. Alabes, UPB na Boneiro ta pasando den un proceso similar di renobacion y relevo. Mike Eman: AVP y UPB ta comparti un base cristiandemocrata Prome Minister Mike Eman a expresa satisfaccion cu presencia di lider interino di UPB na Aruba, specialmente den un momento importante pa AVP. Eman a destaca cu AVP y UPB ta organisacionnan politico cu durante hopi aña a forma parti di direccion di nan respectivo isla y cu ta comparti un base cristiandemocrata. Segun Eman, e base aki
ta traduci den atencion special pa e prohimo, pa esnan mas vulnerabel den comunidad y pa proteccion di e derecho di autonomia di e islanan. Eman a señala cu e principionan comparti aki a crea un relacion di hopi decada entre AVP y UPB. Awo, ambos partido ta confrontando un periodo di renobacion, cu un generacion nobo cu ta prepara pa asumi mas responsabilidad. Pa Eman, renobacion no ta nifica laga e fundeshi di partido atras. Ideanan nobo pa e epoca actual por bay hunto cu e conviccionnan y principionan cu a forma e base di partido durante añanan. Un laso special entre Aruba y Boneiro Eman a para keto tambe na e relacion entre Aruba y Boneiro. Den e contexto ey, el a destaca e lasonan personal di futuro lider di AVP Wendrick Cicilia cu Boneiro, entre otro pa medio di su tata y su famia na e isla. Segun Eman, esaki ta duna e futuro liderazgo di AVP un conexion special cu Boneiro y ta agrega na e lasonan cu ya existe entre e dos islanan. Jolinda Craane: ambos partido ta pasando den un trayecto similar
Lider interino di UPB Jolinda Craane a expresa cu ta un placer y honor pa e ta na Aruba pa presencia Congreso 2026 di AVP. Craane a señala cu AVP y UPB ta forma parti di e famia grandi cristiandemocrata y cu ambos partido tin un trayectoria largo basa riba atencion pa e prohimo y e principionan cu nan ta comparti. El a indica cu UPB mes ta pasando den un trayecto di renovacion na Boneiro. Segun Craane, tambe den UPB tin e pensamiento cu ta tempo pa ideanan nobo, sin perde e base cu durante añanan a guia partido. Pa Craane, e reto pa ambos partido ta pa sigui reforsa nan base y, na mes momento, crea espacio pa ideanan nobo cu por prepara nan pa futuro. Wendrick Cicilia: sigui reforsa e base comparti Minister di Turismo, Transporte y Labor y futuro lider di AVP mr. Wendrick Cicilia a duna Jolinda Craane bonbini y a destaca e lasonan cu durante hopi tempo a existi entre AVP y UPB. Cicilia a señala cu ambos partido ta sali for di un base cristian-democrata, cu atencion pa e prohimo como un di e principionan importante. Segun Cicilia, e reto ta pa sigui traha riba e base cu ya existe y sigui reforsa e relacion entre ambos partido pa futuro. Pa Cicilia, e hecho cu tanto AVP como UPB ta pasando den un proceso di renovacion ta crea espacio pa un generacion nobo y ideanan nobo, mientras cu e principionan cu durante
hopi tempo a forma e fundeshi di ambos partido ta sigui presente. Sonaly Fernandez Acosta: intercambio entre hende muhe den politica Candidato di AVP Sonaly Fernandez Acosta tambe a duna Jolinda Craane bonbini na Aruba y a expresa satisfaccion cu su presencia durante e momento importante pa partido. Fernandez Acosta a destaca e importancia di contacto entre hende muhe activo den politica. Segun dje, e intercambio di ideanan y topiconan ta crea oportunidad pa siña uno di otro y pa traha hunto pa bienestar di pais. Su presencia durante e recibimento ta forma parti tambe di e generacion nobo cu ta asumi mas responsabilidad den AVP. Un generacion nobo pa sigui e causa Na final, Mike Eman a destaca presencia di Sonaly
Fernandez Acosta como un ehempel di e generacion nobo cu lo yuda dirigi AVP den futuro. Eman a expresa confiansa den e ekipo cu ta prepara pa sigui cu e causa y e lucha pa Aruba durante e periodo di transicion y relevo. Presencia di Jolinda Craane na Aruba ta agrega un dimension regional na e momento aki. Mientras AVP ta prepara pa instala Wendrick Cicilia como su lider nobo, UPB tambe ta pasando den un proceso di renovacion na Boneiro, mientras ambos partido ta sigui mantene e lasonan historico y e principionan cu nan ta comparti. Congreso 2026 di Partido AVP lo tuma luga diadomingo 4 di october na Aruba Marriott Resort Grand Ballroom, cuminsando pa 9 or di mainta. Pa mas informacion, bishita www.avp.aw.
P 14
DIaSABRA 3 DI OCTOBER 2026
Minister Wendrick Cicilia:
“AWE ta transforma talento den oportunidad” Oranjestad - Proyecto AWE a finalisa cu exito su prome trayecto profesional enfoca riba barberia, cu entrega di certificado na 11 hoben cu a completa e curso practico. Bou di e lema “Siña AWE, lidera mañan”, e iniciativa ta enfoca riba empodera e hobennan y conecta nan cu oportunidadnan educativo, desaroyo personal y preparacion profesional. E workshopnan a tuma luga dia 7, 14, 21 y 28 di september, cu participacion di hobennan entre 16 y 35 aña. Durante e trayecto, e participantenan a haya conocemento practico y experiencia “handson” den barberia. Tambe nan a ricibi guia tocante e profesion y e diferente posibilidadnan pa drenta mercado laboral of eventualmente cuminsa nan propio negoshi. Ademas di nan certificado, e hobennan a haya un starter kit pa nan por sigui practica y desaroya e habilidadnan cu nan a
siña. E participantenan cu a completa e trayecto ta: - Ryan Tromp - Zahid Vrolijk - Riangelo Irausquin - Xakaii Aleyne - Jerome Richardson - Brayden Henriquez - Woodly Estime - Rudson Paesch - Guillermo Vital Fotel - Shereliz St. Jago - Juan Valdez Minister Wendrick Cicilia a felicita tur e participantenan pa nan dedicacion y perseverancia durante e trayecto. El a destaca cu cada hoben tin balor y potencial, no obstante e obstaculonan cu nan por a enfrenta den bida. “Nos mester bay den bario, busca nos hobennan y conecta nan cu oportunidadnan cu por cambia e rumbo di nan bida. Un oportunidad nobo por bira e prome paso pa un profesion, un negoshi propio of un futuro mas
sigur,” Minister Cicilia a expresa. Minister Cicilia a extende palabra di danki na Alcides Marin, propietario di STASH, pa su disponibilidad pa brinda e curso y comparti su conocemento y experiencia profesional cu e participantenan. Su aporte a brinda e hobennan no solamente habilidadnan practico, sino tambe un miho comprension di e dedicacion, disciplina y responsabilidad cu e profesion di barberia ta exigi.
Oracion Di Dia
Segun Minister Cicilia, brinda oportunidad no ta solamente ofrece un curso. Ta duna un hoben e espacio pa descubri su talento, fortalece su confiansa y mira un futuro cu mas posibilidad. Pa logra esaki, ta importante pa Gobierno, sector priva y comunidad sigui traha hunto pa acerca educacion, guia y preparacion profesional na esnan cu mas tin mester di dje.
Proyecto AWE tin como meta crea oportunidadnan real pa e hobennan desaroya habilidadnan practico, drenta mercado laboral, cuminsa nan propio negoshi of continua cu nan estudio. “Cada biaha cu nos brinda un oportunidad nobo na un hoben, nos ta inverti directamente den futuro di Aruba. Siña AWE, lidera mañan,” Minister Cicilia a conclui.
Un feliz dia yena di bendicion y misericordia di Dios. E ora ey Pedro a acerca Hesus y puntr’E:”Señor, cuanto biaha mi mester laga mi ruman peca contra mi y toch pordon’e? Te shete biaha?” (Mateo 18, 21) Hesus a bisa no shete biaha, pero setentishete biaha shete, mester pordona otro tur dia di nos bida. Si un hende no ta dispuesto na haci bon cu su prohimo, e no por ta un Cristian berdadero, e no ta digno pa tuma parti na e mesa na cua Hesus ta combida siguidonan. Solamente esnan cu a trata na pordona otro ta capaz na ofrece Dios un sacrificio den su bista. Dios no lo mustra misericordia ora e husga esun cu no tawatin misericordia cu otro hende, pero esun cu si tawatin misericordia lo sali victorioso na momento di huicio.(Hacobo 2, 12-13) Misericordia mi kier y no sacrificio. Mi no a bini pa yama hende husto, ma pa yama pecado.( Mateo 9,13) Oracion: Señor Hesus Abo cu ta misericordioso y cu ta cla pa pordona nos y cu ta bisa nos cu boso mentalidad mester cambia henteramente y boso mester bisti e bisti di un hende nobo, siña nos con pa pordona y pa ta misericordioso cu nos prohimo pa medio di Cristo nos Señor. Amen.
P 15
DIaSABRA 3 DI OCTOBER 2026
“Señor ta mi Wardador, pues mi’n tin falta di nada; Den cunuku di yerba berde, E ta pone mi sosega. E ta hiba mi na awa trankil, pa mi bolbe haña forsa. E ta guiami den caminda drechi fiel na su nomber.” Salmo 23
Cu immenso tristesa na nos curason nos ta anuncia fayecimento di nos ruman:
Sr. Richard Romeo Tromp Mihor conoci como Shati + 08-08-1965 + 20-09-2026
Na nomber di: Su tata + Dominico Tromp Mama + Fortunata Lopez-Tromp Su juinan Jerilaine Gomez y Danny Koolman Milenia Tromp Su nieto(a)nan Carly-yenne, Maverick, Julia Rumanan: + Robert Tromp +Neris Tromp Siegfried Tromp Marjorie Tromp Freddy Tromp Marion Antersijn-Tromp Marisol Tromp Sobrino(a)nan: Rodney Tromp y juinan Jenard Gomez y famia Xiarenne Tromp y famia Joenard Gomez y juinan Ferdinand Tromp y jui
Padrino y Madrina:
Richard Antersijn +Jose Tromp y famia +Ina Koolmam y famia
Mama di su juinan:
Jeritza Mirlanda
Tanta y omo nan na Aruba y Venezuela, Primo y Primanan Bisiñanan y conociernan Mihor amigo(a)nan: Urvin Richardson Eric Vos Ronald Piña Roland Maduro Danny Tonny Maria Clark Ludmilla Werleman Marcus Dorival Demas famia: Lopez, Tromp, Antersijn, Gomez, Maduro, Quandus, Kelly, Croes, Lampe, Geerman, Dorival, Eckmeyer, Bermudez, Koolman, Martis, Ridderstaat, Krozendijk, Ridderstap, Zievinger, Nicolina, Feliciana, Orman, Holsman, Aparicio-Esaa, Winklaar, Canwood, Werleman, Willems, Rodriguez, Henriquez, Lacle, Matos.
Danki na Dr. Tromp, Dr. Schwengle y piso 4 di H.O.H. Acto di entiero lo tuma lugar: 5 Oktober 2026 di 2:00 - 4:00 na misa St. Anna na Noord sigi pa santana Catholico di Noord. Despues di entiero nos no ta recibi bishita di condolencia na cas. Despensa nos, si den nos tristesa nos por a lubida algun famia.
P 16
SUDOKU
DIASABRA 3 DI OCTOBER 2026
REFLECCION
TA HENDE TA DICIDI? OF TA DIOS TA DICIDI TOCANTE SEXUALIDAD? Esnan den organisacion, den social y docentenan, ta nan ta duna lectura y charlanan tocante medionan pa tuma control di saludsexual y di anticonceptivonan na e hobennan? Nan ta sinja y ta promove algo cu no ta un educacion Cristian y cu no ta bini di Dios. Ta ki ehempel y educacion esey ta? Esey ta pa promove libertinahe sexual den nos hubentudnan? Educacion sexual mester ta basa segun Dios Su boluntad y den un bida Cristian. Mester sinja tur e hobennan, cu relacion sexual mester sosode solamente den casamento, den e Sacramento di Matrimonio cu Cristo-Hesus a institui, lesa den Bijbel Mateo 19: 5-6, loke Cristo-Hesus ta bisa: “P'esey un homber lo laga su tata y su mama, pe uni su mes cu su muher y e dosnan aki lo bira un curpa. Di manera cu ya nan no ta dos mas, si no un solo curpa y loke cu Dios a uni, no ta permiti hende di separa.” Esaki ta e casamento den e Sacramento di Matrimonio pa Dios den Misa y den e union aki di un solo curpa ta significa, cu Dios ta uni e pareha den nan relacion sexual, pa satisface nan curpa y pa lanta famia. E relacion sexual mester sosode solamente den e Sacramento di Matrimonio, pasobra tur otro relacion sexualnan haci pafor di e Sacramento di Matrimonio, ta condenabel pa Dios den fierno, lesa den Bijbel 1 Corinthionan 6: 9-10, esaki ta e relacion sexualnan prohibi cu ta e pika di fornicacion y e destino final ta den fierno. Den e di 9 Mandamento di Dios
ta bisa: “Lo bo no comete e pika di fornicacion y e pika di deshonesto.” Den e Ley aki Dios ta prohibi tur sorto di relacion sexual pafor di e Sacramento di Matrimonio lesa Bijbel 1 Corinthionan 6: 18 – 20. Tambe e pika di deshonesto y di inmoralidad, ta esnan cu ta deshonra nan mesun curpa den e mesun sexo lesa Bijbel Levitico 18: 22 / 20: 13. Tur sorto di anticonceptivonan, ta contra di Dios Tata Su procreacion humano. No ta pa hende dicidi esey y ni pa husga tocante di bida humano, pasobra ta Dios Tata ta E Autor di bida y no hende. Lesa den Bijbel Genesis 38: 6-10, na unda Dios Tata a condena Onan na morto, pasobra Onan tabata benta su spermanan afo pa no laga su senjora sali na estado. Asina aki tambe, Dios ta condena, na tur esnan cu ta usa tur sorto di anticonceptivonan pa no sali na estado. Dios ta condena e hombernan cu ta haci masturbacionnan y nan ta benta nan sperma afo, hombernan cu ta usa condoom pa benta nan sperma afo. Muhernan cu ta usa pildonan pa no sali na estado, muhernan cu ta opera, cu ta konopa, cu ta usa spiral pa no haya yiu etc. Hende mester compronde bon, cu Dios Tata a traha hende muher pa planea famia hunto cu su casa den e Sacramento di Matrimonio, ta pesey hende muhernan tin nan ciclonan y nan periodonan cu ta e dianan di fertilidad, e dianan di infertilidad y dianan di menstruacion. Hende muher ta planea nan famia den e
ciclonan y den e periodonan y no den e anticonceptivonan cu ta bini di satanas. Na mundo esnan den organisacionnan satanico bao di un capa, ta nan ta bini cu e anticonceptivonan pa hende sera porta pa Dios Su procreacion humano y pa promove sexualidadnan prohibi den nos hobennan. P'esey tur esnan cu ta stroba Dios Su Autor di bida of ta sera porta y ta promove libertinahe sexual y sexualidadnan prohibi, nan ta comete pikanan mortal y condenabel. Compronde bon, cu ta Dios ta duna bida y alma, pa nos bini den e mundo aki y ta Dios ta yama nos, pa nos laga e mundo aki. Educacion sexual pa e hobennan mester bini for di cas, na unda cu tata y mama ta papia cu nan yiunan. Tambe educacion sexual pa hobennan, mester bini for di esnan den cooperador pastoral den Parokia, pastoornan of di hendenan Cristian cu sa di Bijbel. Educacion sexual mester ta algo priva y personal den famia y no di esnan cu bo no sa ken nan ta, nan no sa teologia, nan no ta Cristian, nan no sa nada di Bijbel y nan no sa e 10 Mandamentonan di Dios. Anto ta nan ta bini pa sinja bo yiunan tocante, sexualidad, safesex, saludsexual y anticonceptivonan. Awor e pregunta ta: Ta hende ta dicidi of ta Dios ta dicidi tocante sexualidad? Of mihor bisa, ta na unda bo kier bay despues di morto? Den e lugar cu bo mes a crea y dicidi of den e lugar cu Dios a dicidi pa bo? Educacion na scol, nan no mester bini tocante, educacion sexual, uso di anticonceptivonan y abortus. Laga e educacion sexual pa e mayornan, pa esnan den ccoperador pastoral, pa esnan studia den teologia, pa esnan spiritual y pa e pastoornan di parokia. Scirbi pa Seferino Tromp