Issuu

DIASABRA 31 OCTOBER 2026

31 OCTOBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

HOBEN DI 17 AÑA CU A CAP HOMBER FORMAL CU MACHETE CONDENA NA 18 LUNA DI PRISON PETICION NA HUNTA DI COMISARIO DI UOAZV PA AYUDO MIRANDO HOH NO TA HAYA OIDO DI DIRECTIVA DI UOAZV

HALLOWEEN QUIZ 2026 NA PASEO HERENCIA

DIAsabra 31 october 2026

Parlamentario Eduard Pieters (PPA):

“Proteccion di mucha no ta cuminsa cu castigo. Ta cuminsa prome cu e daño”. Cada caso di maltrato di mucha ta uno demasiado. Aruba ya conoce varios di e debilidadnan den su sistema. Awor politica mester stop di reacciona riba cada caso y exigi implementacion, prevencion y responsabilidad. Cada biaha cu un caso grave yega den publicidad, e reaccion ta comprendibel: indignacion, rabia y inmediatamente e pregunta: “Con nos por castiga e culpabel realmente y mas cu por? Pero precisamente aki politica mester mantene cabes friu. Castigo ta necesario. Pero mester enfatisa cu castigo ta bin, despues cu e mucha ya a bira victima. Si nos kier realmente proteha nos muchanan, nos mester haci un pregunta mas incomodo: “Si Aruba ya conoce varios di gaps den su sistema, pakico nos no a cera esakinan ainda y traha realmente riba un structura holistico y integral mas fuerte y eficiente?

Tur seis forma di maltrato ta grave Nos no por limita e debate na abuso sexual solamente. Aruba ta reconoce seis forma di maltrato di mucha: maltrato fisico, negligencia fisico, maltrato psicologico/emocional, negligencia psicologico/emocional, abuso sexual y presencia di violencia entre otro persona. Tur seis ta grave. Tur seis por afecta desaroyo y bienestar di un mucha. Tur seis ta inaceptabel. Un mucha no mester tin herida visibel prome cu sistema reacciona. E mucha cu ta wordo humiya, descuida, bati, emocionalmente maltrata of continuamente exponi na violencia tambe mester ta mira, scucha y proteha. Nos no mester otro estudio pa

descubri loke nos ya sa Aruba tin Codigo di Proteccion. Tin Bureau Sostenemi. Tin protocol y e profesionalnan den enseñansa, salud, sector social y husticia. Y durante e añanan ya a identifica e debilidadnan den e cadena. Pues e ora e prome paso di Parlamento mester ta concreto: pone tur recomendacion existente riba mesa. Pa cada recomendacion, Gobierno mester contesta cuater pregunta: “A implement’e? Si no, pakico no? Ken ta responsabel? Pa ki fecha e ta cla?” No ban perde tempo atrobe pa haci otro rapport pa despues bolbe pone den lachi. No bin cu otro comision, pa bolbe investiga loke ya a wordo investiga. Implementa. Un castigo mas halto so no ta resolve un caso cu no por prueba. Tin un otro debilidad cu mester forma parti di e discusion: ‘bewijsvoering’. Den e casonan di maltrato, particularmente abuso sexual, evidencia por ta compleho. Mayoria biaha no tin testigo y tin falta di evidencia fisico. Y declaracion di un mucha mester ta obteni cu tecnica adecuado, sin influencia y sin traumatisa e mucha atrobe. P’esey no tin sentido pa concentra solamente riba cantidad di aña di prison. Bo por pone e castigo mas severo den ley; si investigacion y evidencia no ta suficientemente solido pa prueba e delito, e pena no ta yega na e malhechor, ni con halto bo hisa e castigo. PPA ta pidi un evaluacion concreto di capacidad investigativo: tin suficiente profesional specialisa pa entrevista mucha? Evidencia ta

documenta y preserva corectamente? Tin suficiente experticio forensico? Polis, Ministerio Publico, salud y instancia di proteccion ta intercambia informacion na tempo y dentro di ley? Aki ta unda proteccion y husticia ta encontra otro. Plan Nacional di Prevencion y Proteccion di Mucha PPA ta boga pa bin cu un plan nacional cu e metanan midibel. Cuminsa cu cinco accion concreto: 1. Audita implementacion di tur recomendacion existente y publica resultado. 2. Fortalece casusregie: cada mucha na riesgo mester tin un hende/instancia esponsabel pa siguimento, pa e no perde entre e instancianan. 3. Fortalece investigacion y ‘bewijsvoering’, incluyendo entrevista forensico di mucha, documentacion, preservacion di evidencia y experticio specialisa. 4. Haci capacitacion continuo obligatorio pa e profesionalnan cu ta traha cu mucha den señalamento, Codigo di Proteccion y referencia. 5. Pone prevencion den scol, cas, deporte y comunidad: siña mucha, na nivel adecuado pa edad, tocante limite, relacion sano, seguridad online, conducta

inapropia y unda por busca ayudo; y educa mayor con pa reconoce e señalnan. Y nos den Parlamento mester exigi un rapport anual di resultado di cada instancia en cuestion: tempo di espera, tempo di intervencion, capacidad, siguimento, gaps pendiente y progreso di cada recomendacion.

E berdadero victima

meta:

menos

Nos por debati riba cadena perpetua. Nos por debati pa hisa castigo. E debate penal tin su lugar, pero no laga esey tapa e pregunta mas importante: “Kico nos ta haci pa evita cu e proximo mucha bira victima?” Pasobra un pais no ta proteha su muchanan solamente door di castiga e malhechor despues. E ta proteha nan ora e preveni, detecta trempan, investiga profesionalmente, interveni rapidamente y sostene e victima consistentemente. Aruba ya conoce hopi di e gaps, dus discrepancianan. Awor no ta tempo pa reacciona y tuma accion. Ta tempo pa actua mas inteligente. Pasobra e berdadero exito politico di proteccion di mucha ta un combinacion di mas aña di prison cu un bon base di evidencia y menos mucha cu mester yega te na husticia como victima.

DIAsabra 31 october 2026

Cuido medico ta sufriendo danki na decisionnan di directiva di AZV y Minister di Salubridad:

Peticion na Hunta di Comisario di UOAZV pa ayudo mirando HOH no ta haya oido di directiva di UOAZV

e listanan di espera lo bay subi mas ainda y tambe lo mira e efecto pashentnan cu tin un oepracion of tratamento planea, manera un operacion di rudia, heup, lies y mas.

Diabierna mainta a ricibi na Horacio Oduber Hospital miembronan di Hunta di Comisario di UOAZV, sr. Detlef Hooyboer, sr. Mike Wouters y tambe sr. Frank Dennert. Presente durante e mainta aki pa representa HOH tabatey Hunta di Directiva di HOH sr. Jacco Vroegop y sr. Gregory Croeze y tambe sr. Jossy Figaroa y sr. Pieter Geersing di HOH su Hunta di Supervision. Un reunion unda den forma sumamente transparente a intercambia informacion

extenso tocante e situacion actual cu HOH ta pasando aden cu tin consecuencianan grandi pa e calidad di cuido. HOH a splica detayadamente di e combersacionnan cu ta andando cu directiva di UOAZV y tambe Minister di Salubridad desde luna di maart 2026 y awe 7 luna despues lamentablemente ainda no a logra yega na un solucion definitivo. Alabes HOH a informa Hunta di Comisario di UOAZV cu si acaso nada no sosode den e siguiente dos simannan

Hunta di Comisario di UOAZV ta na altura cu durante e lunanan cu a pasa HOH a entrega tur documentacion necesario na directiva di UOAZV. Algun luna pasa UOAZV a pidi un compania externo pa haci un investigacion y e rapport aki a ser entrega na UOAZV, pero lamentablemente awo esaki tampoco no ta suficiente pa por yega na un solucion deifinitivo. Pa asina e Hunta di Comisario haya un miho bista di HOH y su facilidadnan a hiba nan pa wak e estado

di Clinica di Dialisis cu mester muda pa un localidad nobo y Minisiter di salubridad ni UOAZV no ta mira e urgencia den esaki. Di biaha a sigui pa nan a conoce e localidad nobo di HOH su camber hiperbarico (HBOT) cu ainda no ta wordo cubri pa UOAZV. Siguientemente a pasa departamento di Radiologia y tambe HOH su cushina cu den un futuro cercano lo mester wordo renoba of lo mester muda pa un otro localidad. A subi bay piso 5 di e edificio biew cu ainda ta bashi y tur plan ta cla pa e wordo renoba pa un ‘state of the art’ Centro di dialisis pero no a logra yega na un acuerdo pa cu esaki ainda. Despues a pasa Camber di operacion sigui pa Cuido intensivo.

Un recorido sumamente extenso, unda berdaderamente por a mira e interes halto y comprension di e miembronan di Hunta di Comisario di UOAZV pa cu e necesidadnan di HOH y tambe e sin lubida e espacio cu a bira dos biaha mas grandi y asina mes e lumpsum cu ta ricibi di UOAZV no a crece pa por cubri tur e espacio cu a bin extra. A termina e recorido aki cu un combersacion unda nan a sigura HOH cu nan ta compronde e posicion di HOH completamente y alabes ta spera cu directiva di UOAZV y Minsiter di Salubridad pronto por tuma un desicion cu ta beneficia nos pashentnan di Aruba y cu no lo tin consecuencia lamentabel pa e salubridad di nos comunidad.

DIAsabra 31 october 2026

Noticia di Corte

Hoben di 17 aña cu a cap homber formal cu machete condena na 18 luna di prison ORANJESTAD – Awe mainta e hoben J.B. (17) a presenta dilanti Hues pa scucha su sentencia. J.B. ta wordo acusa di a cap e homber H. formal cu machete y di tabatin armanan di candela den su posecion. SOLO DI PUEBLO por a compronde cu Hues a haya J.B. culpabel di a cap e homber H. cu machete y tambe cu J.B. tabatin armanan di candela. Hues a condena J.B. na 18 luna di prison y bou guia di Reclasering. Algun siman pasa tratamento di e caso a tuma lugar caminda Fiscal a acusa J.B. di intento di asesinato riba 10 April 2026. J.B., kende e tempo ey tabatin 16 aña, a dal e hoben H. diferente biaha cu machete na cabez, nek, brazanan y pianan. Ademas J.B. ta wordo acusa di posecioin di armanan di candela entre Maart y April 2026. Fiscal a exigi 24 luna di prison y

bou guia di Reclasering. CASTIGO SENTENCIA Hues a bisa cu pa e acusacion di armanan di candela, esaki ta legalmente proba y cu J.B. a admiti. Pa e caso di capmento cu machete, Hues ta rechaza e ponencia di J.B. cu el a bay defende e dama A., despues cu e homber H. a dal e dama A. Hues ta haya cu ta J.B. a bay cu A. den un auto na e cas di H. Na opinion di Hues, no por determina ken tabatin e machete den su man ora a dal H. cu esaki. El a mustra cu H. ta bisa cu ta e homber S., cu tabata hunto cu J.B. y A. den e auto, a dal’e. S. ta bisa cu ta J.B. Hues ta haya cu esun cu a dal H. cu machete a tuma e riesgo cu por a mata H. Hues ta haya cu J.B. tambe ta culpabel di e capmento.

Pa cu e castigo, Hues a bisa cu e ta tene cuenta cu e seriedad di e hecho. El a mustra cu J.B. a purba kita bida di H. y a tacha su integridad. Tambe Hues a tene na cuenta cu J.B. tabatin arma di candela den su poder. Hues a tene cuenta tambe cu Reclasering su raport cu ta papia di castigo combina y supervision. Hues a condena J.B. na castigo hubenil di 18 luna di prison, di cual 6 luna ta condicion cu 2 aña di prueba. Esaki cu e condicion special cu J.B. ta cay bou guia di Reclasering. Hues a bisa cu J.B. mester coopera cu haci test di droga, mester sigui educacion y haya guia di psycologo.

Parlamentario Eduard Pieters:

Abuso sexual cerca mucha por ta un trauma pa bida. Pakico e castigonan no ta refleha gravedad di e daño? Un sentencia tin un fecha cu e ta termina. Pero trauma di un mucha abusa sexualmente por sigui cu ne pa resto di su bida. Pa parlamentario Eduard Pieters (PPA), precisamente ey Aruba mester tin curashi pa haci un pregunta dificil: “Nos sistema penal ta refleha suficientemente gravedad y consecuencia di abuso sexual contra mucha?” E fraccion di PPA a inicia un serie

di reunion cu e organisacionnan y e profesionalnan, cu ta traha riba proteccion y educacion di mucha. Segun Pieters, e iniciativa ta sigui despues di e combersacionnan cu varios mayor preocupa, incluyendo e mayornan di e muchanan cu ta victima di abuso sexual. E meta no ta solamente papia PPA kier wak unda e sistema ta funciona, unda e ta faya y con

leu Aruba por bay legalmente pa proteha mucha y castiga malhechor. “Nos no ta mira suficiente cambio efectivo y realmente na proteccion di nos muchanan.” Pieters a indica cu experiencia di mas di 20 aña den politica y Gobierno di lider di PPA, Otmar Oduber, combina cu relato di e famianan y informacion for di e organisacionnan, a indica cu ta

necesario un discusion hopi mas contundente.

“Ta basta!” Segun Pieters, Aruba no por normalisa un situacion, caminda un victima por carga consecuencia psicologico y emocional pa añanan, mientras sociedad

DIAsabra 31 october 2026

Minister Cicilia ta impulsa mercado Europeo cu mas inversion y vuelo adicional di TUI

Oranjestad - TUI lo aumenta su frecuencia pa Aruba di dos pa tres vuelo pa siman for di april 2027. Esaki ta un di e desaroyonan destaca durante e bishita di Minister di Turismo, Labor y Transporte, mr. Wendrick Cicilia, na e oficina principal di TUI na Den Haag, hunto cu director di Aruba Tourism Authority (ATA), Ronella Croes, demas ehecutivonan di ATA y conseheronan di su ministerio. Den un entrevista na TUI, Minister Cicilia a subraya cu e compania ta un partner strategico pa e conectividad entre Aruba y Europa, cu un relacion di mas cu 20 aña. Segun e mandatario, e aumento di frecuencia ta forma parti di un perspectiva mas amplio pa fortifica e mercado Europeo. Ademas di e di tres vuelo pa siman, tin plannan pa sigui crece den futuro te cinco vuelo pa siman. Tambe ta explora diferente combinacion di ruta cu Boneiro y posibilidadnan pa mas trayecto directo. E opcionnan aki ainda no ta un programacion confirma. Aumento di 35% den presupuesto pa mercado Europeo Minister Cicilia a splica cu, den e strategia di diversificacion turistico, Aruba a aloca 35% mas den e presupuesto di mercadeo y inversion pa e mercado Europeo, considerando su potencial. El a destaca cu e turista Europeo ta keda mas largo na nos isla, tin un poder adkisitivo mas halto y ta mustra interes den naturalesa, cultura y experencianan local. E intencion ta pa desaroya un turismo di mas balor, cu ta contribui na economia y amplia e oportunidadnan pa diferente sector y area di Aruba. Segun Cicilia, e importancia di TUI ta bay mas leu cu e mercado Hulandes. Via su red Europeo, e compania ta contribui na conecta Aruba cu mercadonan manera Alemania, Suisa, Italia, Inglatera y Spaña. E minister a indica tambe cu ta traha, hunto cu ATA, riba posibilidadnan pa un conexion directo cu Suisa. Paralelamente, tin combersacionnan cu Spaña pa sigui stimula e mercado ey. Oportunidad pa San Nicolas y Oranjestad

Den su entrevista, Minister Cicilia a menciona cu ta traha riba un maneho pa e oferta di acomodacion den areanan manera San Nicolas y Oranjestad. E meta ta pa crea mas opcion pa bishitantenan Europeo cu ta busca un experencia cultural y contacto cu naturalesa. E vision ta pa amplia e oferta turistico di Aruba y duna bishitantenan mas oportunidad pa conoce diferente parti di e isla, participa den actividadnan local y prolonga nan estadia. Ronella Croes: Proyeccion di crecemento di 16% Di su banda, director di ATA, Ronella Croes, a indica cu tin un proyeccion di crecemento di 16% pa e mercado Europeo. El a subraya cu e vuelo adicional di TUI, cuminsando na april proximo, ta un señal positivo pa e conectividad di Aruba. El a subraya cu TUI, hunto cu KLM, ta representa un parti importante di e capacidad di asiento entre Hulanda y Aruba. Mantene un dialogo cercano cu e partnernan aki ta esencial pa sigui desaroya e mercado Europeo. Segun Ronella Croes, e enfoke no ta solamente riba solo, lama y beach. ATA ta busca pa stabilisa e volumen di bishitante y sigui crece cu un oferta cu ta inclui cultura, evento y estadia mas largo, entre otro den Oranjestad. Calidad, diversificacion y turismo responsabel ta central den e acercamento aki. TUI ta busca pa amplia nan oferta di acomodacion E director comercial di TUI, Luc Lentjes, a califica e reunion cu e delegacion Arubiano como masha positivo. El a expresa satisfaccion cu nan a tuma tempo pa bishita e oficina, haci un recorido cortico y intercambia idea tocante e desaroyo di Aruba. Durante e encuentro tambe a resalta e iniciativanan di TUI Care Foundation. Tocante e frecuencia adicional pa e temporada di zomer venidero, el a menciona un programacion cu dos vuelo directo for di Amsterdam pa Aruba y un regreso directo for di Aruba pa Amsterdam. Ademas, TUI ta busca pa amplia su oferta di acomodacion riba e isla, incluyendo apartamento y condominio. Cu esaki, e compania kier ofrece mas alternativa pa bishitantenan cu diferente

presupuesto y preferencia, incluyendo esnan cu ta busca opcionnan mas economico. Tocante TUI TUI fly Nederland ta un aerolinea cu tin un relacion di mas cu 20 aña cu Aruba. E ta parti di TUI Group, un grupo internacional di turismo. TUI ta bende tanto ticket di avion como paketenan di vakantie cu vuelo y hotel. E aerolinea a cuminsa na aña 2005 cu e nomber Arkefly, relaciona cu e marca di biahe Arke. Despues, den e proceso di uni e diferente marcanan bao un solo identidad internacional, e nomber a cambia pa TUI fly. Arke y Holland International tambe a pasa pa e marca TUI durante 2015 y 2016. TUI fly a cuminsa opera na Aruba na november 2005. Dia 3 di november 2025, e compania a celebra e conexion di 20 aña cu un vuelo special for di Schiphol. Aruba Airport Authority a reconoce TUI como un partner confiabel cu a contribui na turismo, pero tambe na biahenan di studiantenan, famianan y profesionalnan entre Aruba y Hulanda. Su importancia pa Aruba ta cu e compania tin tanto e avion como e canal di benta di vakantie. TUI ta ofrece alohamiento na hotelnan manera RIU, Divi, Renaissance y Courtyard by Marriott, pero tambe na establecimentonan mas chikito manera Paradera Park, Arubiana Inn y Del Rey Apartments. Esaki ta trece e oferta turistico di Aruba directamente dilanti di e consumidor Hulandes. E vuelonan pa Aruba ta wordo efectua cu Boeing 787 Dreamliner.

DIAsabra 31 october 2026

Parlamentario di AVP, Clifford Heyliger:

“E costo di no actua riba salario minimo y pension tambe ta cay riba nos pueblo” nan entrada. Pa Heyliger, e esfuerzonan aki ta mustra e boluntad di hende pa sali dilanti, pero tambe e presion cu nan ta enfrenta pa cubri nan necesidadnan.

wordo considera den relacion cu otro y cu e necesidadnan di bida.

Prevencion di Pobresa

Segun Heyliger, e desaroyo economico di Aruba mester traduci den un mihor calidad di bida pa un parti mas amplio di poblacion. E ta argumenta cu e prosperidad genera no a wordo sinti suficientemente den e poder di compra di hopi famia.

Heyliger a enfatisa cu salario minimo y pension di biehez tin un funcion esencial den proteccion social. Den su opinion, ora e entradanan aki keda structuralmente bou di loke ta necesario pa subsisti, nan no ta cumpli suficientemente cu e meta di proteha hende contra pobresa. “Si nos reconoce cu un entrada no ta suficiente pa cubri necesidadnan basico, nos no por acepta e situacion como si ta algo normal. E diferencia ta wordo paga door di e persona, su famia of, eventualmente, door di comunidad,” el a declara.

ORANJESTAD (30 di october 2026) — Parlamentario di AVP, Clifford Heyliger, ta sostene cu e debate tocante salario minimo y pension di biehez mester cuminsa cu un pregunta fundamental: e entradanan aki ta suficiente pa cubri e necesidadnan basico di un persona? Segun Heyliger, preocupacion tocante e costo di un aumento mester wordo evalua hunto cu e costo social y economico di laga un parti di comunidad sigui biba cu un entrada insuficiente. “Esnan cu ta evalua e tema for di un posicion di un bon salario y bon condicionnan di trabou mester tene cuenta cu e realidad di esnan cu no tin e mesun oportunidadnan. Pa un persona cu salario minimo, huur, awa, coriente, transport, cuminda, paña y gastonan di salud no ta un discusion teorico. Ta cuenta cu mester paga tur luna,” Heyliger a expresa. E parlamentario a señala cu tin trahadonan cu ta busca un segundo trabou, haci trabounan adicional of bende cuminda pa complementa

E parlamentario a adverti cu dificultad financiero prolonga por empeora e vulnerabilidad social y aumenta e necesidad di sosten publico. P’esey, e ta considera cu prevencion di pobresa mester forma parti integral di e evaluacion economico. “E prijskaartje no ta disparce pasobra nos pospone un decision. Nos por atende e problema awe, of enfrenta e consecuencianan y un cuenta mas grandi den futuro.” Necesidadnan di trahado y realidad economico Heyliger a relaciona su argumento cu e enfoke di Organisacion Internacional di Trabou, ILO, cu ta pone enfasis riba necesidadnan di trahadonan y nan famianan, costo di bida y factornan economico den e determinacion di salario minimo. E enfoke aki ta inclui tambe productividad, desaroyo economico y empleo. Como referencia internacional, el a menciona Hulanda, unda e pension estatal AOW ta vincula na salario minimo y e sistema di asistencia social ta contempla un minimo social. Pa Heyliger, e les relevante pa Aruba ta cu politica di ingreso y proteccion social mester

Prosperidad mester wordo sinti den cas

E preocupacion, segun e parlamentario, ta bay mas leu cu salario minimo. E ta considera cu e nivel di salario den diferente profesion tambe merece atencion, entre otro pa haci Aruba mas atractivo pa hobennan cu ta studia den exterior y ta evalua unda pa desaroya nan carera. “Nos kier pa nos yiunan regresa y contribui na Aruba. E ora ey nos mester wak tambe si e salario y oportunidadnan cu nos ta ofrece ta permiti nan construi un futuro aki,” Heyliger a expresa. Analisa y Prepara Heyliger a indica cu gobierno a encarga un analisis pa cuantifica e costo di e cambio y identifica accionnan cu por mitiga efectonan negativo. Pa e parlamentario, e trabou aki ta importante pa por tuma decisionnan informa y prepara un implementacion responsabel. E ta enfatisa cu e impacto riba empresa y empleo merece atencion serio, hunto cu e necesidad di mehora e posicion di trahadonan y pensionadonan. Segun Heyliger, e analisis mester yuda determina con pa avansa y cua medida di acompañamento ta necesario. “Mi pregunta na esnan cu tin un otro opinion ta cla: bo ta considera e pension di biehez actual adecua? Bo ta considera salario minimo suficiente pa cubri necesidadnan basico? Si e contesta ta no, nos tin e responsabilidad pa contribui na un solucion,” Heyliger a conclui.

DIAsabra 31 october 2026

PA SEGURIDAD DI UN Y TUR: FIN DI SIMAN PREVENTIVO DI 0 TOLERANCIA

Oranjestad, ARUBA: Cuerpo Policial Aruba lo tin e fin di siman aki accion preventivo di O tolerancia. Den

cuadro di celebracion di Halloween na Aruba, na unda cu lo tin diferente actividadnan rond di nos isla, KPA tambe lo tey presente pa asina controla y mantene e orden publico.

Lo tin accion policial y lo actua na unda cu mester pa seguridad di nos comunidad y bishitantenan. KPA lo ta

bon prepara e fin di siman aki y preventivamente lo ta activo for di pariba te cu

pabou.

Nos ta haci un suplica na nos comunidad pa Busca bo Amigo Responsabel awe mes! No warda te na ultimo! Percura cu bo documentonan ta na ordo y semper tin bo rijbewijs cu bo pa preveni un boet cayente! Bo pia ta pisa, mantene light! Baha bo velocidad y maneha trankilo pa bo yega bo destinacion sigur pa preveni desgracia of pa ricibi un suma halto di boet! Comporta bo mes e fin di siman aki pa bo no mester haya bo mes den problema cu Husticia sin mester!

SETAR cu e dushi ambiente di Pasco na rotonde di Seroe Blanco Manera ta tradicion, SETAR ta decora e rotonde di Seroe Blanco durante e temporada di Fin di Aña p’asina trece e dushi ambiente di Pasco cerca di esnan den e bario di Seroe Blanco y becindario cu bunita decoracion di luz. E tema di e aña aki ta Candy Wonderland, treciendo asina un dushi alegria colorido na e rotonde.

Diahuebs atardi, SETAR a cende e luznan na e rotonde acompaña pa e dushi ambiente di musica navideño y partiendo mangel pa automobilistanan cu a pasa admira e rotonde. Nos ta invita comunidad di Aruba pa pasa disfruta di nos Candy Wonderland na e rotonde di Seroe Blanco. Y no lubida di pasa na nos Teleshopnan rond Aruba pa saca bo potret cu e candy pot.

DIAsabra 31 october 2026

Mas sosten di politico Hulandes

Jesse Klaver y Mikal Tseggai (PRO) ta expresa sosten pa aumenta salario minimo

No ta aceptabel cu ta traha duro y cu salario no ta suficiente pa por biba Lider di fraccion di Progressief Nederland (PRO), Jesse Klaver, y parlamentario Mikal Tseggai a expresa nan sosten pa e vision di Prome Minister Mike Eman pa conecta salario minimo cu bestaansminimum na Aruba. Segun ambos parlamentario, ta importante cu hende cu ta traha duro por gana un salario suficiente pa cubri nan necesidadnan basico. E encuentro a tuma luga despues di e reunion cu e Comision Fiho pa Relacionnan den Reino di Tweede Kamer na cual e delegacion di Aruba a participa. Prome Minister Eman tabata acompaña pa Minister Plenipotenciario di Aruba na Hulanda, Mildred Schwengle, y Minister di Turismo, Transporte y Labor, Wendrick Cicilia. Na salida di e reunion, Jesse Klaver a describi e combersacion como hopi agradabel. Durante e encuentro nan a reflexiona riba e trayectoria politico di Prome Minister Eman y su contribucion na Reino Hulandes, pero tambe riba e retonan cu ainda ta existi. Tocante e propuesta pa conecta salario minimo cu bestaansminimum,

Klaver a expresa su aprecio pa e iniciativa. "Mi ta considera esaki un vision hopi fuerte y mi ta haya hopi importante pa conecta salario minimo cu bestaansminimum. Ta dificil pa imagina cu hende mester traha pa un salario cu nan no por biba di dje. P'esey mi ta considera e paso aki uno hopi balente y realmente necesario," Klaver a declara. Segun e lider di PRO, politica mester ta enfoca riba e bienestar di hende, especialmente esnan cu diariamente ta haci nan miho esfuerso pa mantene nan famia y ofrece nan yiunan un futuro miho. "Finalmente, nos mester haci politica pa hende. Pa tur e hendenan comun cu dia pa dia ta purba haci nan miho esfuerso pa nan mes y pa nan yiunan. No ta aceptabel cu nan ta traha duro y cu nan salario no ta suficiente pa nan por biba," Klaver a enfatisa. E lider di fraccion PRO a agrega cu siguridad di existencia ta un tema importante, no solamente na Aruba, sino tambe na Hulanda y den otro paisnan di Europa, caminda cada bes mas hende tin dificultad pa cubri nan gastonan diario. Di su banda, parlamentario

Mikal Tseggai a expresa su aprecio pa e reunion y pa e experencia politico di Prome Minister Eman. "Mi a haya esaki un combersacion hopi bon. E ta un homber cu tin hopi experencia den politica y cu a laga un legado hopi bunita na Aruba. E combersacion tabata instructivo, inspirador y tabata bon pa papia hunto tocante Reino," Tseggai a declara. Tseggai, cu tin su origen politico den PvdA, a indica cu e ta considera e plan pa conecta salario minimo cu bestaansminimum un bon idea, cu ta cuadra cu e vision social di Progressief Nederland. "Na PRO nos ta considera esaki un idea hopi bon. Tambe na Hulanda Europeo, Progressief Nederland ta traha pa un bida pagabel pa tur hende. Naturalmente, esaki mester conta den henter nos Reino," Tseggai a enfatisa. E parlamentario a expresa su preocupacion tocante e nivel di pobresa na Aruba, cu segun dje ta considerablemente mas halto cu na Hulanda Europeo. "No por ta asina cu e cifranan di pobresa na Aruba ta hopi mas halto cu na Hulanda Europeo.

P'esey nos ta duna e plan aki nos sosten di henter curason," Tseggai a declara.

encarga, entre otro, cu Relacionnan den Reino, educacion y combate di discriminacion.

Jesse Klaver ta miembro di Tweede Kamer desde 2010 y anteriormente tabata lider politico di GroenLinks. Actualmente e ta lider di fraccion di Progressief Nederland (PRO), e partido cu a surgi for di e fusion di GroenLinks y PvdA.

Na Aruba, Prome Minister Mike Eman ta impulsando un propuesta pa aumenta salario minimo gradualmente y acerca esaki na bestaansminimum, como parti di e esfuersonan pa combate pobresa y mehora poder di compra di trahadornan. E propuesta ta generando discusion den sector empresarial y politico, mientras Gobierno ta sigui buscando dialogo tocante su implementacion.

Mikal Tseggai ta miembro di Tweede Kamer desde december 2023. Anteriormente e tabata miembro di Consejo Municipal di Den Haag. Den Tweede Kamer, e ta

DIAsabra 31 october 2026

131 Aruba a lansa e campaña Who is Driving?

E smartphone, tablet, game, e bida online di un mucha of hoben a bira un parti indispensabel di nan bida. Estudionan local y internacional ta mustra cu nos muchanan y hobenan ta pasa hopi ora online. Di un promedio di dos ora, te cu diestres ora pa dia. Internet ta caminda hopi mucha y hoben ta siña, conecta, hunga, expresa nan mes y planea pa futuro. Tambe ta caminda algorithms ta forma locual nan ta mira, caminda nan datonan personal ta wordo uza.

Cu e campaña Who is Driving?, 131 Aruba kier concientisa e mayornan y comunidad den su totalidad cu e ta di sumo importancia pa supervisa e bishita y conducta online di nos muchanan y hobenan. E ta importante pa ta conciente cu na e momento cu un mucha/ hoben ta online sin supervision di un adulto, e ta mescos cu como mayor bo a duna bo yiu un yabi di auto y permitie core e auto. E ta importante pa mayornan tuma e stuurwiel den nan man.

Trinta aña pasa, conectividad digital tabata limita na algun miyon persona rond mundo. Awor, e revolucion digital a expande rond mundo y awe casi cinco biyon persona ta conecta. Den hopi pais, technologia digital a wordo adopta rapidamente pa muchanan. Internet no ta un luho mas pa mucha, pero a bira necesario pa hunga, tene contacto cu amistad y famia, siña y desaroya habilidadnan pa futuro.

Pa cualkier sosten of informacion cu ta regarda e riesgonan y dañonan cu mucha y hoben por topa online, por yama, mail of chat cu 131 Aruba. Espacio online safe ta ser crea pa medio di supervision adecua di mayor.

Pero e bishita di un mucha y hoben online tin hopi riesgo tambe cu ne. E riesgonan cu mas sa presenta den e bishita di e mucha y hoben online ta: Cyberbullying y Harassment, TechnologyFacilitated Child Sexual Exploitation y Abuse, Exposure to harmful content y Mental Health aspects of being online.

E campaña Who is Driving? ta un campaña cu lo ta visibel ariba Facebook, Instagram y TikTok di 131 Aruba di 30 di October te cu 30 di December. E campaña Who is Driving? ta ser implementa cu sosten di Child Helpline International pa medio di e projecto Voice Up Online. Pa mas informacion tocante e campaña Who is Driving? por tuma contacto cu 131 Aruba via nos website: 131.aw, facebook: https://www. facebook.com/aruba.131/, email: 131aruba@gmail. com of telefon 5886138/ 5884011.

P 10

DIAsabra 31 october 2026

Gobierno di Aruba ta anuncia: Registracion di Short-Term Vacation Rentals ta habri 1 di november pa 12:00 di merdia ORANJESTAD — Gobierno di Aruba ta anuncia cu e proceso oficial di registracion di Short-Term Vacation Rentals lo habri dia 1 di november 2026, pa 12’or di merdia. E registracion ta forma parti di e plan di accion aproba pa identifica, evalua y regula acomodacionnan turistico di duracion corto na Aruba.

y evaluando e posibilidadnan di legalisacion, unda cu esaki ta responsabel y legalmente posibel. Alabes, registracion lo permiti Gobierno pa haya un bista mas completo y actualisa di e sector pa por regula esaki na un manera responsabel y sostenibel pa cu e mercado y traha maneho.

Riba 15 di october 2026, Gobierno di Aruba a anuncia cu lo bin cu un registracion boluntario pa Short-Term Vacation Rentals, y pa cu esaki a instala un Taskforce interministerial.

Registracion boluntario

E Taskforce, cu ta consisti di representantenan di e ministerionan di Finansa y Asuntonan Economico, Infrastructura, Turismo y Salubridad Publico, a concentra den e prome fase aki riba preparacion di un sistema di registracion digital, elaboracion di e condicionnan necesario y coordinacion di e siguiente pasonan di e plan di accion aproba pa Conseho di Minister. Gobierno ta encurasha tur propietario y operador di ShortTerm Vacation Rentals existente pa registra nan acomodacion durante e periodo di registracion, cu lo habri riba 1 di november 2026 y lo sera dia 31 di januari 2027. E proceso di registracion ta boluntario y lo dura tres luna. Gobierno ta encurasha tur propietario y operador di ShortTerm Vacation Rentals existente fuertemente, pa haci uzo di e oportunidad aki pa nan propiedad y/of operacion por wordo registra y evalua den e proceso di regulacion. E meta di e iniciativa aki ta pa crea mas claridad y siguransa pa e sector, respetando e derechonan existente

Participacion den e proceso di registracion ta boluntario. Esaki ta nifica cu propietario y operador no ta obliga pa registra y no lo haya multa simplemente pa no participa den e registracion. Un sistema di registracion obligatorio basa riba ley ta den preparacion y lo bay Raad van Advies dentro di poco. Sinembargo Gobierno ta enfatisa e importancia di registra durante e periodo estableci pa por bin na remarca pa cay bou di e maneho temporal di tolerancia “tijdelijke gedoogkader” y pa wordo evalua y considera. Registracion ta permiti pa identifica y evalua cada acomodacion individualmente, teniendo cuenta cu su situacion actual, e derechonan existente y e reglanan aplicabel. Pa esnan cu ta opera un Short-Term Vacation Rental, registracion ta un paso importante pa crea claridad tocante nan situacion y e posibilidadnan pa futuro. Si registra, lo cay bou di e Maneho Temporal (Tijdelijke gedoogkader) E acomodacionnan cu cualifica (activo prome cu 1 di november 2026) y cu wordo registra, lo cay bou di un tijdelijk gedoogkader, un maneho temporal di tolerancia durante e proceso di evaluacion y regulacion.

Esaki ta nifica cu, mientras e Taskforce ta evalua e registracion y determina e siguiente pasonan necesario, e acomodacionnan existente cu ta cay bou di e maneho aki por sigui cu nan operacion actual, dentro di e condicionnan aplicabel. E maneho temporal ta brinda un periodo di transicion pa Gobierno por evalua cada situacion cuidadosamente sin cu e proceso di registracion mes ta interumpi e actividadnan existente. Ta importante pa enfatisa cu registracion no ta nifica legalisacion automatico, aprobacion di permiso, ni derecho pa amplia acomodacion. Cada caso lo wordo evalua individualmente pa determina cua derechonan ta existi y cua pasonan adicional por ta necesario y tambe ta depende di cambio di ROPV. Ken por registra? E proceso di registracion ta destina principalmente pa e acomodacionnan cu tabata den operacion como ShortTerm Vacation Rental prome cu 1 di november 2026, incluyendo esnan cu ya tin cualkier tipo di permiso. Ademas, e proyectonan cu ainda no tabata den operacion prome cu e fecha aki, pero cu por demostra cu ya a tuma pasonan concreto y a asumi obligacionnan financiero of contractual significativo, por wordo considera pa evaluacion bou di un areglo di transicion. Esaki por inclui, entre otro, acuerdo di financiamento, contrato di construccion, permiso relevante of comprobante di inversionnan haci prome cu e fecha di referencia. Un idea of intencion so, no ta suficiente

pa cualifica. E Taskforce lo evalua informacion y documentacion presenta pa determina si e acomodacion of proyecto ta cualifica, ta legalisabel y cua proceso ta aplicabel. Informacion online

registracion

E registracion lo habri oficialmente diadomingo 1 di november 2026 pa 12:00 di merdia y lo keda disponibel durante un periodo di tres luna. Desde awe, diabierna 30 di october 2026, e interesadonan por bishita e website oficial pa lesa informacion, na https://vacationrentalregistry. com/ Gobierno ta invita tur propietario y operador di Short-Term Vacation Rentals pa informa nan mes bon y haci uzo di e oportunidad aki. Registrando, bo ta contribui na un bista mas completo di e sector y ta duna Gobierno e informacion necesario pa evalua bo situacion y determina e siguiente pasonan. Cu e proceso aki, Gobierno ta sigui traha pa logra un balansa, cu ta tene cuenta cu importancia economico di e sector di Short-Term Vacation Rentals, eventual derecho existente y calidad di bida di nos comunidad.

P 11

DIAsabra 31 october 2026

Minister Gerlien Croes:

“Dialogo y cooperacion ta esencial pa fortalece futuro di enseñansa nivel di MAVO na Aruba” Ministerio di Educacion, DEA y scolnan MAVO ta profundisa dialogo nacional pa modernisa curiculo y fortalece calidad di educacion

ORANJESTAD, 29 di october 2026 – Den cuadro di Learning Cities Aruba, Ministerio di Educacion, den colaboracion cu Departamento di Enseñansa Aruba (DEA), a continua cu e di dos sesion di Nationale Dialoog AVO/ MAVO op Aruba, cu participacion di directornan y docentenan di scolnan MAVO. E encuentro ta forma parti di un proceso di consulta enfoca riba evaluacion di e maneho actual, modernisacion di curiculo y fortalecemento di calidad di educacion secundario. E meta ta pa identifica mehoracionnan cu ta responde na e necesidadnan di nos studiantenan y e desafionan di educacion moderno. Minister di Educacion, sra. mr. Gerlien Croes, a destaca e importancia di involucra profesionalnan educativo directamente den e proceso di desaroyo di maneho. “Pa logra cambionan significativo den educacion, nos mester conta cu e experencia y conocemento di esnan cu diariamente ta den klas y na cabes di nos scolnan. Nan perspectiva ta indispensable pa identifica e retonan existente y desaroya solucionnan cu realmente ta funciona den practica,” Minister Gerlien Croes a expresa. Un acercamento conhunto modernisa enseñansa MAVO

Durante e sesion, e participantenan

a intercambia ideanan tocante e alineacion di maneho entre scolnan, e proceso di revisie y e posibilidadnan pa adapta curiculo na e exigencianan actual di sociedad y mercado laboral. E combersacionnan a pone enfasis riba e importancia di claridad den e maneho educativo, consistencia den su aplicacion y un trayectoria di siñamento cu ta brinda studiantenan un base solido pa nan siguiente paso academico of profesional. “Nos kier prepara nos hobennan pa un mundo cu ta evoluciona constantemente. Esaki ta exigi cu nos mester evalua nos metodonan, actualisa nos curiculo y garantisa cu cada studiante tin e oportunidad pa desaroya su potencial. E futuro di educacion mester wordo construi cu vision, pero tambe cu un bon entendemento di e realidad den nos scolnan,” e minister a indica. Di intercambio di ideanan pa accion concreto E dialogo nacional ta brinda un plataforma pa directornan, docentenan y representantenan di DEA comparti experencia y formula recomendacionnan pa futuro di enseñansa MAVO. E aportenan di e participantenan lo sirbi como instrumento pa e siguiente pasonan den e proceso di evaluacion y fortalecemento di maneho. E intencion ta pa e

resultadonan di e consultanan contribui na decisionnan fundamental y mehoracionnan sostenibel. E iniciativa ta conecta cu e vision di Learning Cities Aruba, cu ta promove cooperacion, innovacion y siñamento continuo como elementonan esencial pa desaroyo educativo di nos pais. Segun Minister Gerlien Croes, un sistema educativo fuerte ta rekeri no solamente un vision cla, sino tambe participacion activo di tur esnan involucra y e disposicion pa adapta na necesidadnan nobo. Compromiso cu calidad oportunidad pa cada studiante

Minister Gerlien Croes a expresa su aprecio na Departamento di Enseñansa Aruba y na tur director y docente cu a participa den e sesion, reconociendo nan dedicacion y contribucion profesional. “Mi ta gradici cada participante pa nan dedicacion, compromiso y aporte valioso. E proceso aki ta demostra cu nos tin un meta

comparti: un enseñansa MAVO di calidad, cu ta brinda nos studiantenan e preparacion y oportunidadnan necesario pa sigui avansa. Nos responsabilidad ta pa transforma e ideanan aki den pasonan concreto, teniendo semper e interes di nos muchanan y hobennan como prioridad. Pasobra un inversion den calidad di educacion ta un inversion den futuro di Aruba,” Minister Gerlien Croes a conclui.

P 12

DIAsabra 31 october 2026

Parlamentario Eduard Pieters:

Abuso sexual cerca mucha por ta un trauma pa bida. Pakico e castigonan no ta refleha gravedad di e daño?

Un sentencia tin un fecha cu e ta termina. Pero trauma di un mucha abusa sexualmente por sigui cu ne pa resto di su bida. Pa parlamentario Eduard Pieters (PPA), precisamente ey Aruba mester tin curashi pa haci un pregunta dificil: “Nos sistema penal ta refleha suficientemente gravedad y consecuencia di abuso sexual contra mucha?” E fraccion di PPA a inicia un serie di reunion cu e organisacionnan y e profesionalnan, cu ta traha riba proteccion y educacion di mucha. Segun Pieters, e iniciativa ta sigui despues di e combersacionnan cu varios mayor preocupa, incluyendo e mayornan di e muchanan cu ta victima di abuso sexual.

E meta no ta solamente papia PPA kier wak unda e sistema ta funciona, unda e ta faya y con leu Aruba por bay legalmente pa proteha mucha y castiga malhechor. “Nos no ta mira suficiente cambio efectivo y realmente na proteccion di nos muchanan.” Pieters a indica cu experiencia di mas di 20 aña den politica y Gobierno di lider di PPA, Otmar Oduber, combina cu relato di e famianan y informacion for di e organisacionnan, a indica cu ta necesario un discusion hopi mas contundente. “Ta basta!” Segun Pieters, Aruba no por normalisa un situacion, caminda un victima

por carga consecuencia psicologico y emocional pa añanan, mientras sociedad ta considera e caso cera, ora sentencia penal termina. P’esey PPA kier pone riba mesa un propuesta cu Pieters mes ta reconoce cu lo por genera debate: investiga posibilidad di cadena perpetua, levenslange gevangenisstraf, den e casonan di abuso sexual grave contra mucha. Un señal na malhechor, pero tambe na victima Pa Pieters, e propuesta tin dos mensahe. E prome ta pa e potencial malhechor: abuso sexual di un mucha ta algo grave y bo lo haya castigo practicamente pa BIDA LARGO, pues NO mas abuso sexual contra mucha! E di dos mensahe

ta igualmente importante. Ta pa e mucha y famia cu ta afecta sa cu tin castigo pisa contra e malhechor ora e victima tribi di denuncia y sali bin dilanti. PPA ta consciente cu un cambio asina ta exigi analisis huridico serio, proporcionalidad y debate democratico. P’esey e reunionnan cu e organisacionnan ta importante, prome cu formula legislacion concreto. Castigo solamente tampoco ta suficiente E discusion, sinembargo, no por termina cu cantidad di aña den prison. E reunionnan mester identifica tambe unda mester fortalece e sistema di prevencion, deteccion, denuncia, investigacion, proteccion y acompañamento di victima. Pasobra e victoria mas grandi no ta solamente

pa castiga un abusador despues cu el a comete e crimen, sino pa evita tur cu ta posibel pa un mucha bira victima. Finalmente Eduard Pieters ta decidido cu PPA kier cambia e tono di e debate. “Nos no lo drumi ni sosega, mientras nos muchanan ta wordo abusa. Si e daño cu bo causa na un mucha por sigui pa resto di su bida, Aruba mester tene e debate serio tocante con severo consecuencia pa e malhechor mester ta.” Pa PPA, proteccion di mucha no por keda na palabra, conscientisacion superficial of un maneho/ conseho bunita skirbi pero no ehecuta. E mester ta mira den prevencion, den sosten pa victima y den consecuencia pa esun cu destrui inocencia di un mucha.

pag. 14 OCTOBER Pagina 22 pag. 15 DIASABRA 31 2026

FORTALESA PA FAMIA SOPI DI LETRANAN Scirbi pa Pastor Marcel Balootje.

INMORALIDAD POR CAUSA DANJO SERIO NA SALUD MENTAL. Ora pica a drenta mundo den Genesis capitulo 3, pica a causa un fractura ( kiebro) den alma, curpa, mente y spirito di hende.

na e curpa, mente,alma y spirito.

Inmoralidad no ta solamente sexual, tur locual ta malo ta inmoral.( Galationan 5:1921, Mateo 15:19).

Anto e persona ta jong y poco, poco e ta cuminsa desvia for di boluntad y naturalesa di Dios, y segun e ta bira grandi e pica ta tuma dominio di henter e curpa cu e chens cu e mente tambe por wordo afecta.

Awendia unda cu bo bira hende ta papia di salud mental, hopi estudio, hopi tipo di terapia, hopi bishita di psycologo.

No lubida con e palabra di Dios ta bisa con nos mester stima Dios y nos prohimo den Mateo 22:37-38,

Un di e cosnan mas importante pa hende tene cuenta cune, ta con nan ta biba y si nan bida ta agrada Dios.

Deuteronomio 6:5, Marco 12:30, Juan 14:15, 1 Juan 5:3.Pero tambe tene bon cuenta kico e palabra di Dios ta bisa den Juan 3:36, Romanonan 2:5-8 y Romanonan 1 :28-32 kico lo pasa cu esnan cu ta ninga di reconoce Dios.

E problematica di salud mental no ta pica, pero bida cu ta bay completamente for di boluntad y naturalesa di Dios ta haci danjo na salud mental di hende.

Mescos cu bondad y obedencia ta mantene hende jong, bunita y cu mente sano, asina Y esey hende tin di reconoce,cu sigi tambe maldad, inmoralidad, amargura y bebe, droga, abusa,violencia,persigicion, falta di pordon ta pone hende mustra bieu, trauma,hopi tempo den prison, abuso di y tambe ta afecta e mente di hende, pasobra salud, tur esey ta debilita salud mental. nan no kier somete na Dios y pordona, y Un feliz dia yena di hopi fe y speransa mientras cu un hende no ta pordona di Y hasta ora hende usa droga durante den nos bon Dios( diabel) lo keda molestia. curason e burdugo embaraso, e ta pone salud mental baby ”…sino contadie egeneracion venidero: esta gloria di Señor, su ( Mateo 18:35). cu ta bay nace na peliger y esey hopi hende

poder, ye cosnan milagroso c’El a haci.” ( Salmo 78, 4bc) E di awe ta cuadra, manera semper, tempo cu ami no a tene cuenta cuneEvangelio 20 of 25 anja pasa Hopi cos ta wordo trata superficial, cu semper tabata educa mi tocante pasobra nan no tabatatabatamucha. kere.y awe nosMi turmayornan por ciencia moderno, pasobra hende no kier di Dios, CristoHesus y Spirito Santo. Y un Bijbel no tabata mira. yega Dios asina nan arepenti haci falta. Haci oracionta coscaminda di tur dia. Y ta, sinpa falta bishita e di henter nan curason, y aparta for di pica y cas di Dios. Un bida contra naturalesa y boluntad di Dios pa Dios. di awo, no tin mucho Awendia ta ripara ebiba generacion ta un bida cu no kier somete na nos Dios,cu no balor pa cuDios. Pero anos a sigui conta nos yiunan tocante tin temor di Dios y ta un bida cu hopi biaha No taa haci? pornada parae hubentud scirbi den 1 di Dios manera nosgrandinan Anostaa siña a tende e palabra di Dios, pero ta haci bofon, tocante e milagronan ysacrificio cu Cristo a haci? Corintionan 6:18-19Hesus bisando: HuyOffor di y pa motibo di capricho curason cu kier Santo tinpa nos? Y anos a tene man di di ey donnan cu no Spirito inmoralidad, tur otro pica cu hende comete arepenti ta keda den nos scuridad. yiunan, hibando nan,tatur siman, pacas di Dios inmoral pa scucha pafo di curpa,ma e hende ta peka su Palabra? Ban sigui cu e bunita custumber cunos grandinan su mes curpa. E ladron ta bini , pa ahorta, pa e contra haci. pa Banmata siguiy hiba futuro generacion ariba ecaminda destrui ( Juan 10:10), pero no atatraha pa nos. ”…pa nan tambe confia cu locual Cristohopi Hesus Of boso no sa cu boso curpa ta tempel di denSEÑOR, no poco, lubida Dios su obranan grandi…”(Sal 78, 7) compronde ta cu e diabel ta haci esey Spirito Santo, kende ta den boso,Kende boso Oracion: Señor mi Dios motiva mi y guia mi, cu yudansa di poco, e ta haci lo siguiente; tin di Dios, y cu boso no ta pertenece SpiritoSanto, ariba mi responsabilidad pa conta y educa ena boso mes. Poco, poco e ta penetra cu rabia. generacion nobo di Bo Maraviya. Poco poco e ta penetra cu odio. No laga nos wak na leu epero cuminsa cu samina Y inspira nan pa nan sigui conta siguiente nos propio curason. generacion. Poco poco e ta penetra cu falta di pordon, Amen. Poco ,poco amargura ta aumenta.

Y no laga inmoralidad domina.

Y tur e cosnan aki tin e forsa pa haci danjo

Sinceramente,Pastor Marcel Balootje.

P 13 DIaluna 20 aprIl 2026 Diasabra November 2024 DIamars 9 18 september 2025

SUDOKU

P 14

DIASABRA 31 OCTOBER 2026

HALLOWEEN QUIZ 2026 NA PASEO HERENCIA ARUBA

Halloweenies

Cu un total di 6 grupo participando, e aña aki e quiz anual di Halloween di Paseo Herencia a resulta unico. Tawata Addonsito Croes, Jarissa Dubero y Jari Melaan esunnan cu a hinca e quiz den otro y conduci e quiz den Frenchie’s. E categorianan tawata: Conocemento General, Berdad of Falso, E Caha Misterioso y Get The Picture. Tawatin 3 momento di e ora loco cu cancionnan manera Follow the leader y Ride it up di Tip Toe. E gruponan participante tawata: The Skeletors, Halloweenies, Delicioso pero Peligroso, Black Noodles, Givenchi group y Fiona. E resultado tawata:

-Grupo mas anima: Skeletors

-Grupo miho uniforma:

The

-Persona cu bon opinion: Andreina “The Police girl” -Grupo cu bon opinion:

Paardenbaaistraat 10, Oranjestad, Aruba Tel.: (297) 525 - 7555

www.lottoaruba.com

Resultado: Sorteo di Anochi ☽ - October 30, 2026

Sorteo # 8990

7371 5264 9515

Joker

Sorteo # 0 x Jackpot 0 x Match 4+ 0 x Match 4 0 x Afl. 12,00

X2 Sorteo # 8034

1959

Sorteo # 7347

0 x Jackpot 17 x Match 4 241 x Afl 8,00

Sorteo # 5142

500.000,-

7804 8377 9841

01-03-10-17-20

87.000,-

X2 Sorteo # 2739

8129

Sorteo # 6793

Sorteo # 0 x Jackpot 0 x match 4 0 x Afl. 500,00 0 x Afl 50.00 0 x Afl.15,00

Mega Ball Proximo Jackpot

3035

Sorteo #

Sorteo # 3198

7608

260.000,-

Afl. 360.000,-

0798

818

Sorteo # 5142

Joker

Sorteo # 0 x Jackpot 0 x Match 4+ 0 x Match 4 0 x Afl. 12,00

Letter Proximo Jackpot

500.000,-

Proximo Jackpot

Sorteo #

0 x Jackpot 0 x Match 4

87.000,-

0 x Afl 8,00

Scorpio

Sorteo # 1723

Resultado: Sorteo di Merdia ☀ - October 30, 2026

Letter Proximo Jackpot

Proximo Jackpot

GivenchiGrupo ganador: Delicioso pero Peligroso. Potret pa cortesia di Nanni y Strena Creatives.

Sorteo # 5142

Sorteo # 0 x Jackpot 0 x match 4 0 x Afl. 500,00 0 x Afl 50.00 0 x Afl.15,00

Sorteo # 2016

547 X2

260.000,-

Afl. 360.000,-

2088

Cancer

#VALUE!

Mega Ball Proximo Jackpot

Sorteo #

#VALUE!

P 15

DIASABRA 31 OCTOBER 2026

NA TWEEDE KAMER ARUBA A PRESENTA VISION DI BENEFICIO MUTUO DEN REINO Y PROSPERIDAD COMPARTI PA NOS PUEBLO

Prome Minister di Aruba, Mike Eman, a reuni cu e comision fiho di Relacionnan den Reino (Koninkrijksrelaties) di Tweede Kamer, caminda el a presenta su vision tocante un cooperacion mas estrecho entre e paisnan den Reino y e importancia di comparti e prosperidad economico di Aruba cu e clase trahado. E reunion a tuma luga bou di presidencia di Anouschka Biekman (D66) y conta cu presencia di varios fraccion entre otro CDA, D66, PRO, VVD y mas. Prome Minister

Eman tabata acompaña pa Minister Plenipotenciario di Aruba, Mildred Schwengle, y Minister di Turismo, Transporte y Labor, Wendrick Cicilia. E encuentro a brinda un oportunidad pa intercambia pensamento, particularmente despues di e bishita di trabou cu e comision a realisa na Aruba algun tempo pasa. Un Reino cu beneficio mutuo Un di e temanan principal cu Prome Minister Eman a pone riba mesa ta e

necesidad di duna e relacionnan den Reino un dimension nobo, basa riba beneficio mutuo. Eman a splica cu Reino Hulandes ta basa riba un historia comparti cu ta crea compromiso entre e paisnan, pero cu ta importante pa desaroya un vision nobo cu tambe ta ofrece beneficio concreto pa Hulanda. Den e contexto aki, el a menciona e posicion strategico di Aruba den region como un oportunidad pa atrae institucionnan di conocemento y empresanan Hulandes cu por uza Aruba como punto di salida pa actividadnan regional. Como ehempel, Prome Minister a destaca e cooperacion cu Wageningen University & Research (WUR), cu actualmente ta explorando posibilidad pa establece permanentemente na Aruba. Segun Eman, e iniciativa aki a lanta interes entre e miembronan di e comision, cu a expresa nan disposicion

pa explora con nan por contribui na realisacion di e establecimento. E vision di Prome Minister ta pa Aruba desaroya como un centro regional di conocimento, caminda institucion y empresa internacional por contribui na desaroyo di region. Salario minimo y prosperidad comparti Hunto cu Minister Wendrick Cicilia otro tema cu Eman a atende durante e reunion ta e intencion di Gobierno di aumenta salario minimo pa trahado por beneficia mas di e crecemento economico di Aruba. Prome Minister a señala cu e sector turistico a registra un crecemento extraordinario durante e ultimo añanan, particularmente den e ingreso cu e hotelnan ta genera pa camber disponibel (RevPAR). Sin embargo, segun Eman, hopi empleado, specialmente esnan cu ta traha den housekeeping y cushina, no a mira un

mehoracion proporcional den nan salario. Eman a menciona e proposicion pa aumenta salario minimo como parti di e esfuerso pa logra un reparticion mas husto di e prosperidad. El a enfatisa cu gobierno ta determina pa sigui cu e proceso legislativo, pero na mes momento ta dispuesto pa dialoga cu sector empresarial, particularmente e empresanan chikito cu por tin mester di asistencia pa adapta na e cambio. Segun Prome Minister, e reaccionnan cu el a ricibi durante su encuentronan cu parlamentario Hulandes tabata positivo tocante e principio di un reparticion mas husto di e crecemento economico. Eman a reitera cu e intencion no ta pa crea dificultad pa e empresanan, sino pa percura cu esnan mas vulnerabel den comunidad tambe por beneficia di e prosperidad di Aruba.

P 16

CASHERO HILLS GANADO TORNEO “5 X 5”!

DIASABRA 31 OCTOBER 2026

rond; y su siguiente rond, e dos teamnan cu no a enfrenta otro ainda ta hunga e ultimo buelta. Di aki nan ta saca e dos teamnan cu a score mas hopi wega, y e dos ekiponan aki ta bay p’e gran final riba 5 mesa. Pa compronde miho, cada rond ta consisti di 5 wega te 100, cada wega riba un mesa apart, dus 5 mesa. En total, den rondo preliminatorio, lo tin 15 wega (A vs B; A vs C; B vs C), y e gran final lo tin 5 wega; un total pues di 20 wega p’e anochi. Den e prome rond, e ekipo di Biba Lekker a sa di clacifica cu 12 punto pa bay final. Sinembargo, e dos teamnan di Taxi Boys y Cashero Hills a keda n’un empate cu cada un 9 punto. Mester a bin 1 wega extra na un solo mesa pa dicidi ta cua ekipo lo bay e gran final contra Biba Lekker. Aki, Cashero Hills a logra sali triunfador y a sigui p’e final, poniendo Taxi Boys automaticamente na di 3 luga.

Kudawecha/Calabas – Den e famoso y mundialmente famoso Domino Square Garden, a tuma luga e torneo di domino estilo “5 X 5”, un formato nobo den bush league di domino. Tres ekipo a participa e anochi ey, esta BIBA LEKKER DT, TAXI BOYS

DT, y CASHERO HILLS. Lider di Biba Lekker, Tony Trimon, a splica algo dje formato aki. Lo tira lot y dos team lo enfrenta otro hungando 1 wega riba 5 mesa. Despues dje prome rondo ey, e otro team lo enfrenta e team cu a score menos wega den prome

Den e gran final, parce cu Cashero Hills a haya “de smaak te pakken”! Sin duna Biba lekker niun chens, e trabuconan di Cashero a baha brabo for di e colinanan di Cashero y a sa di caba cu tur “sweet life” di Biba Lekker DT triunfando c’un score impresionante di 4-1! All in all, un tremendo anochi yen di ambiente, introduciendo un formato nobo den Bush League di domino.

PASOBRA TUR HENDE CU HALSA SU MES, LO TA HUMILIA, MA ESUN CU HUMILIA SU MES, LO TA HALSA!” (LUCAS 14,11) E palabra humilde ta referi na un persona cu ta modesto, senciyo, sin orguyo y cu ta trata tur hende cu respet sin sinti su mes superior na otro. Den nos caminda di fe como catolico, hopi biaha nos ta biba den un mundo cu ta duna balor na apariencia, poder, exito exterior y e deseo pa destaca. Hesus ta bini cu un mensahe cu ta cuestiona nos manera humano di pensa. Kico ta nifica berdaderamente pa ta un hende humilde den nos fe? Humildad ta reconoce nos berdadero luga dilanti di Dios. E sa cu su bida, su talento, su salud y cada rosea ta un don di Dios. E ta e decision di entrega di nos bida na Señor. Humildad ta biba den sirbishi di prohimo. Hesus no a bin pa wordo sirbi, sino pa sirbi. E no ta busca aplauso di mundo pasobra E sa cu e premio mas grandi ta biba den e agradecimento di Tata celestial. Humildad ta e porta pa e Gracia Divino. Dios ta duna su gracia plenamente na curasonnan humilde pasobra un curason humilde ta abierto pa ricibi.Ta e ora ey so e misericordia di Dios por drenta y transforma nos.