Issuu

DIASABRA 24 OCTOBER 2026

24 OCTOBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

MEP TA EXIGI CLARIDAD DI GOBIERNO RIBA REGISTRO OBLIGATORIO DI AIRB&B SIN BASE LEGAL NO TA CONSEHA NINGUN HENDE REGISTRA!

DIALUNA CORTE SUPERIOR TA TRATA APELACION DI NELSON DE ANDRADE CONTRA SU CASTIGO DI 18 LUNA DI PRISON

KEN LO PAGA E PRIJS DI E AUMENTO DI SALARIO MINIMO?

DIAsabra 24 october 2026

PPA ta conmemora 77 Aña di existencia cu enfoke riba renobacion y e legado historico di Juancho Yrausquin Ora di analisa e desaroyo politico y socio-economico di Aruba, tin momentonan clave cu ta redefini e rumbo di e pais. Pa comprende e presente y e futuro di nos comunidad, ta fundamental pa drenta den e storia cu no semper ta wordo conta cu e profundidad cu nan merece, unda contesta inespera ta habri caminda pa nos rediscubri e fundeshi di nos democracia. Den e marco aki di reflexion y vision di futuro, e Partido Patriotico Arubano (PPA) ta conmemora oficialmente 77 aña di su existencia. Historia, Presente y Futuro Awendia, PPA ta pasando den un etapa determinante di reactivacion. Despues di mas di 7 decada di trayectorio den e arena politico, e partido ta den un proceso di renobacion y reconstruccion di su centro, manteniendo un vision cla pa continua su contribucion na e progreso y desaroyo di Aruba. Pa proyecta e futuro di e organisacion, ta esencial pa reconoce e balor di su historia y e pioneronan cu a establece su fundeshi. 23 di October 1949: E Fecha cu a Marca Politica y Economia di Aruba

Ora nos ta papia di e fundeshi politico y financiero di e isla, e nomber di Juan Enrique "Juancho" Yrausquin (1904–1962) ta keda como un referente historico indispensabel. Riba 23 di October 1949, Juancho Yrausquin, hunto cu un grupo di lidernan y ciudadanonan visionario, a funda e Partido Patriotico Arubano (PPA) despues di e split di AVP. E acontecimento aki a introduci un forsa politico nobo cu a hunga un rol determinante den e gobernabilidad y e structura socio-economico di Antias y Aruba pa decadanan largo. Liderazgo Financiero Vision di Pais

Prome cu a drenta den e bida publico-politico, Yrausquin tabata un profesional di finansa. El a sirbi como e prome director di e prome banco comercial na Aruba y posterior a hunga un rol clave como cofundador y director di Aruba Bank. E experiencia aki a permiti su persona establece un base di stabilidad financiero pa e isla den un momento di transicion crucial. Mas dilanti, den su funcion como Ministro di finansa di Antias Hulandes, Yrausquin a impulsa politicanan enfoca riba

trabou duro, stabilidad y un crecemento economico sostenibel pa henter e comunidad. Su legado ta keda parti integral di e historia moderno di Aruba. Alrededor di e conmemoracion aki, e organisacion ta haci un yamada na e comunidad pa reflexiona riba e importancia di mantene e historia y e ehemplo di e lidernan di antes bibo den e memoria colectivo, como guia pa e retonan di e Aruba di awe y di mañan. Awe PPA ta pasando den su proceso di reactivacion unda cu despues di 77 aña, e ta pasando den un renobacion y construccion di su centro y cu un vision cla pa hiba Aruba padilanti.

DIAsabra 24 october 2026

MEP ta manda prome recordatorio:

PUEBLO DI ARUBA TA EXIGI CONTESTA RIBA E ANOTACIONNAN DI CAS REAL RIBA BETICO CROES

di nobo na Aruba. E famia di Betico Croes ni e pueblo di Aruba no a pidi pa esaki. Pero awor cu e anotacionnan aki a bira publico, Aruba tin tur derecho pa sa kico tabata kiermen cu nan, ki informacion tabata disponibel na e momento ey y si tabatin scenario of draaiboek prepara pa percura cu Betico Croes lo a ser elimina como figura politico di Aruba.

pa trata e asunto aki cu e seriedad cu e merece y

situacion mas grave y ta aumenta e desconfiansa.

painsisti activamente serca di gobierno Hulandes pa haya aclaracion.Keda keto no ta elimina e dudanan. Al contrario: e ta haci e

Aruba tin derecho di haya claridad riba su propio historia. MEP lo sigui exigi contestanan.

Desde principio, MEP a enfatisa cu e preguntanan aki no ta pa specula, sino pa haya claridad historico y transparencia.

ORANJESTAD - Fraccion di MEP a manda awe un prome recordatorio na Minister President di Aruba, relaciona cu e carta anterior cu preguntanan pa gobierno Hulandes tocante e anotacionnan

personal di Reina Beatrix: “Tijd winnen! Hij zal eens wegvallen. Dat afwachten.”

E palabranan aki a habri heridanan profundo

E pueblo di Aruba ta exigi contesta. Minister President di Aruba Mike Eman no por laga nos pueblo sin contesta riba e preguntanan serio aki. Ta su responsabilidad

DIAsabra 24 october 2026

Noticia di Corte

Dialuna Corte Superior ta trata apelacion di Nelson de Andrade contra su castigo di 18 luna di prison ORANJESTAD – Dialuna awor, Nelson (Speed) de Andrade mester presenta den Corte pa e apelacion cu el a haci contra su sentencia di 18 December 2024. SOLO DI PUEBLO por a compronde cu Speed a wordo condena na 18 luna di prison di cual 12 luna ta condicional cu un tempo di prueba di 3 aña. Speed a apela e sentencia. A VIOLA SECRETO DI POLIS Durante tratamento di e caso na 2024 contra 4 periodista, Fiscal a bisa cu e ta haya nan culpable di a viola secreto di Polis. Fiscal a expresa cu periodistanan mester atene nan mes na norma, etica periodistico y ley den un comunidad. Fiscal ta haya cu aki den forma structural a bay scucha radio di polis. Fiscal a exigi 2 aña di prison pa Speed y a exigi pa detencion di biaha ora Hues dicta sentencia. Fiscal a exigi 18 luna di prison di cual 8 luna ta condicional pa Giel y Lacle y cu 3 aña di prueba. Fiscal a exigi 6 luna di prison condicional pa Koolman cu 3 aña di prueba.

regalo, pa asina move Vos como ambtenaar haci cosnan cu ta contra di su obligacion como agente di Polis.

duda den Polis door cu informacion secreto di Polis ta cay den man di e acusadonan. Hues ta haya cu esaki por causa peliger den comunidad.

A VIOLA OBLIGACION DI VOS

Hues a tuma e acusadonan na malo cu door di sensacion y nan propio interes a haci esaki.

Hues ta haya tur cuater periodista culpable cu Vos a viola su obligacion di comparti informacionnan secreto di Polis. Hues a bisa cu Vos no a haci’e su so. E acusadonan a yuda door di duna diferente laptop, facilita aparato wifi, instalacion di cierto apps pa asina haya tur informacion for di radio di Polis. Hues ta haya cu cada un a haci aporte significante den esaki. NO POR HACI INFORMACION

DELITO

HAYA

Hues a bisa cu pa cu e acusacion di organizacion criminal, no tin suficiente prueba di trahamento structural pa por papia di organizacion criminal. Pesey ta declara e periodistanan liber. Hues a reacciona riba defensa di abogado, cu mester tene cuenta cu libertad di prensa. Hues a bisa cu en principio mester respeta esaki pa democracia den un pais. Sinembargo, e limite di libertad di prensa ta wordo determina pa ley.

A CUMPRA POLIS VOS Dia 18 December 2024, Hues a dicta sentencia caminda Hues a bisa cu Speed, Giel y Lacle ta culpable di a cumpra e agente di Polis,Vos. Hues ta haya proba cu Speed, Giel y Lacle a paga Vos. Cada un a haci’e na nan manera. Hues a bisa cu e ta haya e declaracion di Vos confiabel. Na opinion di Hues, no ta esey so!. E declaracion di Vos, ta wordo confirma door di e chatnan riba whatsapp. Tin prestamo di placa haci y a duna

Hues a enfatisa cu un periodista no por haci delito pa haya informacion. Hues ta haya cu esaki a sosode den e caso aki. El a bisa cu solamente den caso excepcional por tin excepcion. Pa cu e castigo, Hues a bisa cu e ta tene cuenta cu seriedad di e caso. E ta haya cu aki ta trata di un caso serio caminda a causa cu Vos a viola su obligacion y daña imagen di Polis. Esaki a crea

Tuma accion pa Preveni, Proteha y Stop Dengue Con nos por stop Dengue?

CASTIGO COMBINA Hues a bisa cu e ta castiga e acusadonan menos cu Fiscal a exigi, pasobra e no ta haya proba e organizacion criminal. Hues a condena Lacle y Giel na 240 ora di trabao pa comunidad y si no cumpli cu esaki, lo mester bay 120 dia sera den KIA. Tambe Hues a condena Lacle y Giel na 12 luna di prison condicional cu 3 aña di prueba. Esey ta nifica cu si den e periodo di 3 aña nan haci algo contra ley, nan lo por haya e 12 luna di prison riba e castigo cu nan lo haya pa e delito cu nan a haci. Hues a condena Koolman na 150 ora di trabao pa comunidad y si e no cumpli cu esaki, e lo mester bay sera 75 dia di prison. Tambe un castigo condicional di 3 luna di prison cu 3 aña di prueba. SPEED A BOLBE HACI MESUN DELITO Hues a condena Speed na 18 luna di prison di cual 12 luna ta condicional cu un tempo di prueba di 3 aña. Esey ta nifica cu Speed mester bay 6 luna sera den KIA. Hues a bisa cu Speed a haya mas castigo pasobra Speed a haci e delito aki den su tempo di prueba pa e mesun delito aki cu el a yega di haci den pasado. Ta asina cu Speed a apela e sentencia y Dialuna awor 26 October 2026 pa 2’or di merdia, tratamento di e apelacion ta tuma lugar.

DIAsabra 24 october 2026

MEP TA EXIGI CLARIDAD DI GOBIERNO RIBA REGISTRO OBLIGATORIO DI AIRB&B SIN BASE LEGAL NO TA CONSEHA NINGUN HENDE REGISTRA! ORANJESTAD Fraccion di MEP a dirigi preguntanan na e ministernan responsabel pa e registro obligatorio di tur cas di vacation rental y airb&b na Aruba. Esaki despues cu 3 minister hunto a anuncia un areglo obligatorio pa ciudadanonan bai registra. MEP ta exigi claridad riba e base legal di e obligacion aki, e competencia di cada minister y e consecuencia pa doñonan cu ya tin nan permiso na ordo. Ademas tin duda real cual di e ministernan aki ta responsabel pa e tema aki. Ademas, MEP kier sa con Gobierno lo proteha e datonan personal di doñonan, ken lo tin acceso na e informacion y cua garantia lo preveni mal uzo, publicacion ilegal of uzo di e datonan pa otro proposito, por ehempel pa campaña politico.

MEP ta cuestiona tambe e decision pa exclui doñonan cu no registra for di legalisacion of un posibel areglo temporal, sin cu e base legal ta cla. MEP ta enfatisa cu claridad y orden den sector di vacation rental y airb&b ta importante, y no ta recomenda ningun hende pa registra tanten cu no tin un cuadro legal regla. Gobierno tambe mester actua dentro di cuadro ley, respeta privacidad y garantisa protection legal pa tur ciudadano.

DIAsabra 24 october 2026

TEAMARU su delegacion ta cla pa Youth Olympic Games Dakar 2026

Ayera nochi a tene e reunion di despedida pa e delegacion di TEAMARU cu lo bay participa na e “Youth Olympic Games” (YOG) Dakar 2026. Cualkier participacion na un evento Olimpico ta special, pero esun aki ta extraordinario como e e ta e prome edicion historia pa ser organisa na e contintente di Africa. TEAMARU su delegacion cu lo bay Dakar, Senegal ta conta cu 3 atleta cu lo bay participa y un delegacion total di 8 miembro cu lo bay representa Aruba. Durante e reunion, Patrick Werleman a duna un splicacion amplio di tur e informacion general di e Weganan YOG. Patrick tabata encarga cu tur preparacion logistico y administrativo pa Dakar 2026, pues a prepara tur cos pa nos delegacion. Pa cu e parti tecnico, a haya un splicacion di e Directora Tecnico alabes Hefe di Mision pa e Weganan, Monica Fajardo. Aki a conta e eventonan cu cada atleta lo bay participa aden, ademas di duna di conoce ken e

entrenadornan ta cu lo bay acompaña e atletanan y e ekipo di apoyo cu lo bay pa Comite Olimpico Arubano (COA). TEAMARU ta conta cu atleta di Natacion, Ocean van Loon y Mikaela van den Berg y di atletismo lo bay Eden Antersyn. Tur 3 atleta a mira un aña cu participacion na diferente Weganan pa asina ta bon prepara pa e reto grandi aki. Hunto cu entrenador Ismael Santiesteban di Natacion y Silvienne KrosendijkValdez di atletismo, a haci un proceso di preparacion productivo pa asina por haci nan maximo esfuerso na Dakar. Hunto cu Monica lo bay Roberto

Chavarria como tecnico - fisioterapista y Yerica Benitez Cordero cu lo percura pa manda pa Aruba tur contenido den su rol como Press Attache. Finalmente a duna di conoce cu e abanderadonan pa e Weganan YOG Dakar 2026 lo ta nos atletanan di Natacion, Ocean y Mikaela. Ambos atleta lo mira accion den e prome siman y lo ta presenta pa e Ceremonia di Apetura, unda lo hisa bandera di nos Pais cu orguyo y dignidad. COA ta desea e delegacion hopi éxito cu gran reto y cu nos mustra mundo henter cu apesar di ta un isla chikito den Caribe, nos impacto ta grandi!

DIAsabra 24 october 2026

Banco Central di Aruba ta comparti un bista general di e reunionnan anual di IMF y World Bank Group na Bangkok

23 di oktober 2026 ORANJESTAD – Banco Central di Aruba (BCA), di 12 te cu 18 di october 2026, a participa na e reunionnan anual di Fondo Monetario Internacional (IMF) y di Banco Mundial (World Bank Group) na Bangkok, Tailandia. BCA tabata representa pa Presidente Thomas Domhoff, Director Ehecutivo Miriam Gonzalez y Division Manager Penélope Tromp-Gomez. Banda di e encuentronan oficial cu IMF y Banco Mundial, e delegacion a forma parti di e reunion di Group of Thirty (G30), di e Forum pa Estado Chikito (Small State Forums) y di encuentro regional cu diferente banco central di LatinoAmerica y di Caribe, entre nan e red CEMLA. E reunionnan aki ta duna Banco Central di Aruba e espacio pa sigui e desaroyonan internacional for di un fase trempan, intercambia experiencia y adkiri informacion pa loke ta maneho monetario, supervision financiero, sistema di pago y e stabilidad di e structura financiero di Aruba. Costo di bida y mercado di vivienda Durante e combersacionnan regional, e prijsnan di e costo di bida den aumento y desaroyo den e mercado di vivienda na destinacion turistico a bin padilanti. Economia di isla chikito ta fuertemente dependiente di importacion di producto, cual ta causa cu prijs di energia, transporte y comestibel internacional ta practicamente directamente inclui den e prijsnan di e necesidadnan di bida

diario. Inversion di exterior den propiedad ta sostene e economia, pero tambe por percura pa e prijsnan di vivienda y tereno subi. Pa e motibo aki, varios pais ta busca un balans entre e atraccion di inversion y e accesibilidad na e mercado di vivienda. Aunke e maneho di e mercado di vivienda no ta bou encargo di Banco Central di Aruba, e desaroyonan aki por tin consecuencia pa e pronosticonan economico y e stabilidad financiero.

Inteligencia Artificial: Oportunidad y responsabilidad Inteligencia Artificial (IA) tabata un di e topiconan cu mas a destaca. Riba termino cortico, e ola di inversion mundial den centro di dato, energia y infrastructura digital por conduci na presion di prijs. Riba termino largo, Inteligencia Artificial por aumenta productividad considerablemente. Banconan central mester haci un distincion entre e efectonan temporal y structural aki cuidadosamente. Banda di esey, IA ta ofrece banconan central mas chikito oportunidad pa ehecuta analisis y supervision economico na un manera mas eficiente. Na mes momento, e uzo di Inteligencia Artificial door di entidad financiero ta pidi pa pone atencion na confiansa, transparencia y dependencia di proveedo di tecnologia externo. For di maneho di risico pa resiliencia

Tuma accion pa Preveni, Proteha y Stop Dengue Con nos por stop Dengue?

Un tema recurente tabata resiliencia: e capacidad pa recupera rapidamente despues di un obstaculo grave, manera un atake cibernetico of un interupcion di cadena di suministro. Pa economia chikito cu capacidad tecnico limita, colaboracion entre gobierno, sector financiero, compania di servicio publico y otro organisacion vital ta esencial. E colaboracion den Reino y cu partner internacional por yuda comparti conocemento, capacidad y costo di inversion, entre otro pa e continuidad di transaccion di pago. Kico esaki ta nifica pa Aruba? “Bangkok a confirma cu un economia fuerte mester mas cu solamente crece,” Presidente Thomas Domhoff a indica. “Ta trata aki di crecemento inclusivo di cual tur habitante di Aruba por gana, di uzo responsabel di innovacion tecnologico y crea suficiente resiliencia pa por absorbe impacto inespera. Esaki ta un tarea comun pa e añanan binidero.” Banco Central di Aruba lo incorpora e informacion ricibi den e desaroyo di su trabou di supervision, e confiansa den transaccion di pago, su analisisnan economico y e cooperacion cu partner nacional y internacional.

DIAsabra 24 october 2026

Ken lo paga e prijs di e aumento di salario minimo?

Segun Directie Arbeid en Onderzoek (DAO), mas o menos 20.526 trahado di sector priva (43%), ta gana menos cu e bestaansminimum (Afl. 2.683). Sinembargo, e cifranan no ta duna un bista completo paso nan ta exclui tips. Na 2019 AHATA a confirma cu hopi trahado di hotel y horeca ta ricibi entrada significante di tips. Un trahado cu un salario di Afl. 2.000 pa luna y entrada di Afl. 1.000 na tips ta hiba 3.000 cas, mas cu bestaansminimum. Cifranan di DAO ta indica rond di 30% di esnan cu un salario bao Afl. 2.500 pa luna ta traha den food and beverage y hotel and accommodation. Si inclui esnan cu ta traha den hotel of horeca via uitzendbureau nos ta papiando di rond di 5.500-6.000 trahado (28%) cu kisas nan entrada ta aparece bao bestaansminimum mientras e realidad ta diferente.

Cuanto e aumento lo costa? E salario minimo actual ta Afl. 2.007,05 pa luna, pa yega e bestaansminimum (Afl. 2.683) e lo mester subi Afl. 675,95 adicional. Mientras pa dunado di trabao e gasto adicional lo ta rond di Afl. 844,94, incluyendo 25% pa AOV/AWW/ AZV/ZV/OV. Un trahado cu ta gana exactamente salario minimo lo cobra Afl. 8.111,40 mas pa aña mientras un dunado di trabao lo paga rond di Afl. 10.139,- mas pa aña pa e trahado cu ta gana salario minimo. Claro no ta tur 20.526 trahado ta gana net salario minimo, pero si nos estima un subida promedio di Afl. 400,- pa luna, e gasto adicional pa sector priva lo ta Afl. 98,5 miyon na salario y Afl. 123,2 miyon incluyendo gastonan adicional pa dunado di trabao. Tin espacio den presupuesto 2027 pa provee compensacion adecuado?

parlamento pa subi salario minimo cu Afl. 1,33 pa ora den tres fase anual lo resulta den gasto anual acumulativo di mas o menos Afl. 71 miyon na 2027, Afl. 142 miyon na 2028 y Afl. 213 miyon na 2029 suponiendo cu tur 20.526 trahado haya cada aumento completo. Con gobierno tin pensa di compensa empresanan? E compensacion lo ta temporal of permanente? Di unda e placa lo sali? Reduci winstbelasting no ta suficiente. Tin un proposicion pa reduci winstbelasting pero esaki ta beneficia unicamente negoshinan cu ta genera ganashi. Un negoshi cu no tin ganashi (manera hopi startups), of cu tin un margen chikito, lo haya poco alivio mientras su gasto salarial lo aumenta drasticamente.

Ban considera un compania cu ganashi di Afl. 1 miyon y 30 trahado cu ta ricibi Afl. 230 adicional pa luna. Reduci winstbelasting 1-1,5% lo spaar Afl. 10.000-15.000 pa aña, mientras e aumento di salario lo costa rond di Afl. 103.000. Mas cu 85% di e gasto adicional lo keda sin compensacion y probablemente ser pasa pa consumido. Ora Bonaire a subi salario minimo $514 entre 2023 y 2024, un aumento di 41,6%, gobierno a reduci e contribucionnan di seguro social di dunado di trabao. Nan a reduci e tarifa di 13,4% na 10,3%, un reduccion di 23,1%. Un reduccion general manera Bonaire ta beneficia tur empresa, no unicamente esnan cu a sufri un aumento den gastonan salarial. Mirando e crecemento den e cantidad di pensionado, SVb y AZV lo por carga un reduccion substancial di entrada? Finansas publico bao presion

Un proposicion di un miembro di

Con pa compensa negoshinan pa un aumento structural den nan gastonan salarial ta surgi na un momento di instabilidad geopolitico, aumento den nivelnan di interes y ya caba un cantidad di compromiso fiscal structural di gobierno AVP-Futuro. Reparatietoeslag pa pensionadonan, aumento den asistencia social, aumento y expansion den beneficionan pa personanan cu discapacidad, remuneracion den enseñasa etc. ya caba a produci un impacto fiscal anual di rond di Afl. 147 miyon na 2026 cu lo crece te cu Afl. 180 miyon na 2030 (incluyendo perdida di entrada).

Awo gobierno mester bay inclui compensacion permanente pa empresanan, hisando aumento structural fiscal pa mas cu Afl. 200 miyon den dos aña di gobernacion. Gobierno mester presenta un plan financiero cu stress tests pa pueblo no bolbe sufri un avalancha di medida durante momentonan di menos prosperidad.

deficiencia structural den gobierno mes, algo cu parce niun politico kier atende. Unda e plan pa reduci gasto di gobierno, simplifica nos aparato administrativo y mehora eficiencia? Pakico no ta considera reduci BBO, elimina BBO na frontera of revision di invoerrechten, pa mehora poder di compra? No por financia tur reduccion di impuesto pero tampoco por acepta cu mas gasto y impuesto ta e unico solucion. Cu casi dos biyon florin di entrada anual, gobierno mester demostra cu nan por administra nos recursonan di un forma efectivo prome nan bin busca mas. Momento pa hala e handbrake

Unda reforma di gobierno mes a keda? Na 2026 ta estima cu gobierno lo haya rond di Afl. 1.945 miyon na entrada y ainda esey no ta yega? E concepto di Turismo 3.0 ta propone un aumento di 125% riba gasto di entrada, introduciendo un resilience fee di $25,- riba e sustainability fee di $20. Sinembargo, resolucion di Aruba su problema di awa di riool, dump etc. ta mes leu cu prome cu tur e extra entrada. Tambe kier aumenta room tax, impuesto riba pasahero crucero etc. pero reforma gobierno pa e por cumpli cu su minimo debernan, net nada! E estado di nos careteranan, infrastructura escolar, salubridad etc., hasta ora gobierno tin casi Afl. 2 biyon den entrada, ta indicativo di

Ningun hende ta cuestiona cu trahadonan merece un miho salario, ni cu Aruba mester inverti den scolnan moderno y infrastructura decente pero tur esaki mester wordo financia di manera sostenibel. Aumento di salario minimo, compensacion pa empresanan, aumento di beneficio social, impuestonan nobo riba bishitante no ta decisionnan separa pero parti di e mesun realidad y maneho fiscal. E problema no ta simplemente cuanto placa gobierno ta ricibi, sino con e ta administra e placa ey. Ta momento pa hala handbrake y reflexiona riba e direccion cu nos ta tuma, prome cu e obligacionnan di awe compromete e futuro di mayan.

DIAsabra 24 october 2026

Dos ambulance nobo ta fortalece servicio di emergencia na Aruba

Oranjestad, 22 di october 2026 – Ambulancedienst ImSan a amplia su fleta cu dos ambulance nobo. Durante e entrega oficial, Minister di Salubridad, Asunto Social, Cuido di Adulto Mayor y Maneho di Adiccion, sra. drs. Melvin Wyatt-Ras, a resalta importancia di un servicio di ambulance profesional y prepara pa responde na necesidadnan di comunidad den situacionnan di emergencia. Cu e dos unidadnan nobo, Ambulancedienst ImSan ta conta aworaki cu un fleta di 12 auto. E ambulancenan a wordo financia door di AZV. Segun Hefe di Ambulance, Liberato Hoek, e unidadnan ta completamente nobo, adapta na exigencianan local y certifica segun norma “Triple K”, cu ta inclui prueba di impacto. Un di e unidadnan tin e color lavender, escogi como simbolo di concientisacion pa tur tipo di cancer. “Na momento cu un hende

mester un ambulance, e mester por conta riba un servicio cu ta responde cu capacidad y profesionalismo. No ta solamente e pashent cu ta den un momento di preocupacion; su famia tambe ta conta riba e yudansa ey. Esey ta loke nos comunidad ta spera y di nos banda nos tin responsabilidad pa duna e cuerpo di ambulance e sosten necesario pa sigui brinda e calidad di cuido cu nos pueblo merece,” Minister Wyatt-Ras a expresa. Durante un bishita den un di e ambulancenan nobo, Minister WyattRas por a mira e ekipo cu e profesionalnan tin disponibel pa brinda cuido y stabilisa un pashent durante un emergencia, prome cu e yega hospital. Esaki ta subraya e rol importante di Ambulancedienst ImSan den cuido pre-hospitalario. Edwin Jacobs di AZV a destaca cu durante e ultimo cinco añanan servicio di

ambulance a desaroya di principalmente transporte di pashent pa hospital, pa un servicio profesional y dedica cu bon ekipo pa brinda cuido pre-hospitalario. Pa Minister Wyatt-Ras, e servicio aki ta cuadra cu e vision di Ministerio pa un sociedad saludabel, resiliente y inclusivo, den cual cada ciudadano por conta riba cuido y sosten durante tur fase di bida, cu calidad y dignidad. E Minister a expresa su aprecio pa e profesionalnan di Ambulancedienst ImSan y a reconoce nan dedicacion, profesionalismo y compromiso cu comunidad. Minister Wyatt-Ras ta felicita ImSan, Hefe di Ambulance Liberato Hoek y henter e cuerpo di ambulance cu e ampliacion di nan fleta, y a enfatisa importancia di sigui traha hunto pa mantene e calidad di cuido cu pueblo di Aruba merece.

P 10

DIAsabra 24 october 2026

WBSC a reuni cu Minister di Deporte riba e topico di baseball y softball

Despues di a reuni cu Comite Olimpico Arubano (COA) y e federacionnan miembro Aruba Baseball Bond Aruba (ABBA) y Aruba Softball Bond (ASB) durante e ultimo dos dia, dirigentenan di World Baseball Softball Confederation (WBSC) a reuni cu Minister di Deporte mr Gerlien Croes. Como e partner esencial cu a percura pa e federacion Internacional bin Aruba pa entre otro e reunionnan importante aki y e curso di Baseball5 cu a wordo duna, a conta cu presencia di Secretaria General di COA Sra. Nicole Hoevertsz. Di parti di WBSC a bin Victor Isola, cu ta e liaision pa e contintente Panamericano y ta

traha cu tur federacion miembro. E ta percura pa e bon comunicacion y apoyo di entre WBSC y e federacionan nacional y Marco Ienna, cu ta e “Chief Operating Officer” (COO) di WBSC, cu ta hunga un rol clave den e areanan di gobernansa, integridad, anti-doping y responsabilidad social. WBSC a conta cu un miembro mas di nan directiva, Aruba su propio Randolph Oduber cu tambe a forma parti di e combersacion. Durante e combersacion ameno aki a conta un poco di e curso di Baseball5 cu a tuma luga, ademas di e diferente reunionnan cu e stakeholdernan local pa asina trata di yuda mehora

e nivel di maneho di ambos deporte. Locual a resalta ta e importancia di trata e temanan di statutonan, buena gobernansa y un mehoracion den e structura di e federacionnan, pa asina por yega na un miho nivel di maneho cu lo aporta na desaroyo di ambos baseball y softball. Tur stakeholder sinta na mesa a duna di conoce di kier traha hunto pa por logra esaki, cu WBSC indicando un compromiso pa yuda

den diferente manera, manera mas ayudo a base di intercambio di informacion, capacitacionnan y mas curso pa tur esnan den e comunidad di e deportenan. Finalmente a yega na e acuerdo cu ambos deporte merece tur e apoyo necesario di tur partner envolvi, y lo bay traha mas di cerca cu e federacionnan local pa asina logra yega

na un miho structura cu lo traha riba mehoracion di tur aspecto dentro di un organisacion deportivo. WBSC ta hopi contento pa mira un Comite Olimpico Nacional y un Minister di Deporte cu ta compronde kico ta necesario pa por logra esaki y ta mira e colaboracion entre tur partner como algo cu sigur lo trece e cambionan na benificio di deporte na Aruba.

P 11

DIAsabra 24 october 2026

PPA ta conmemora 77 aña di existencia y legado historico di Juancho Yrausquin 23 di october 1949 ta un fecha cu a marca un cambio importante den historia politico y economico di Aruba

Ayera, 23 di october 2026, Partido Patriotico Arubano (PPA) ta conmemora 77 aña di existencia, recordando un fecha historico cu a contribui na transformacion politico y economico di Aruba. E celebracion aki ta pone enfasis special riba e legado di Juan Enrique “Juancho” Yrausquin, un di e figuranan importante den historia politico di nos isla. Juancho Yrausquin, kende a nace na 1904 y a fayece na 1962, ta recorda como un lider visionario cu a dedica su bida na lucha pa un Aruba mas autonomo, mas husto y uni. Su pensamiento y compromiso cu bienestar di pueblo a contribui na e desaroyo politico di Aruba y a laga un legado cu ainda ta inspira generacionnan actual. Un fecha cu a cambia rumbo di Aruba Dia 23 di october 1949 ta representa un momento importante den historia di Aruba, siendo e fecha di fundacion di Partido Patriotico Arubano. E partido a nace den un periodo cu Aruba tabata pasando door di cambionan politico, social

y economico, mientras e deseo pa mas participacion y autonomia tabata creciendo den comunidad. Cu Juancho Yrausquin como un di su figuranan principal, PPA a contribui na e debate tocante futuro politico di Aruba y necesidad di crea mas oportunidad pa pueblo participa den decisionnan cu ta afecta su bida diario. E lucha pa un Aruba mas autonomo tabata acompaña pa e deseo di fortalece economia, promove husticia social y crea un comunidad caminda tur ciudadano por sinti su mes representa. Juancho Yrausquin y su vision pa Aruba Juancho Yrausquin tabata un lider cu a compronde importancia di union, perseverancia y compromiso cu pueblo. Su vision tabata enfoca riba un Aruba cu por determina su propio futuro, cu mas oportunidad pa desaroyo economico y un sistema politico cu ta pone interes di ciudadano na prome luga. Durante su trayectoria politico, Yrausquin a contribui na formacion di pensamiento politico di Aruba y na fortalecemento di

participacion democratico. Su legado no ta limita solamente na e partidonan politico of decisionnan di su epoca, sino tambe na e ideanan cu el a defende tocante autonomia, husticia y progreso. E estatua erigi na su honor ta un simbolo di reconocemento pa su contribucion na historia di Aruba y ta mantene su memoria bibo den comunidad.

PPA ta celebra 77 aña cu enfoke riba renobacion Cu e conmemoracion di su aniversario number 77, Partido Patriotico Arubano ta pone enfasis riba renovacion y preservacion di su legado historico. E celebracion ta representa un oportunidad pa reflexiona riba e caminda cu e partido a recorri desde su fundacion na 1949 y riba e papel cu e organizacion politico a hunga den desaroyo di Aruba. Alabes, e aniversario ta invita pa contempla e desafionan di presente y futuro, manteniendo como punto di referencia e principionan di union, autonomia y bienestar di pueblo. Banda di e historia politico, e conmemoracion

ta destaca importancia di reconoce e personanan cu a contribui na formacion di Aruba moderno.

Un legado cu ta sigui inspira Aunque Juancho Yrausquin a fayece mas di seis decada pasa, su contribucion na historia di Aruba ta sigui wordo recorda. E fecha di 23 di october ta representa mas cu solamente aniversario di un partido politico. E ta un oportunidad pa reflexiona

riba e esfuerzonan di generacionnan anterior cu a lucha pa un Aruba mas autonomo, mas husto y uni. Pa PPA, e aniversario numero 77 ta un momento di reconocemento, reflexion y renovacion, manteniendo e legado di su fundadornan como fuente di inspiracion. Cu e lema “Su legado nos ta inspira”, Partido Patriotico Arubano ta conmemora su trayectoria historico y ta reafirma e importancia di sigui traha pa progreso y bienestar di Aruba.

P 12

DIASABRA 24 OCTOBER 2026

ACTIVIDADNAN DI CARNAVAL TA UN TRADICION PAGANO Y DI LOKE BIJBEL TA BISA Carnaval a origina na Europa, Italia, Roma durante “Middle Age” den anja 500 pa anja 1500, como parti di un ritual. E Lupercalia tabata un festival pagano den e tempo ey na Roma y nan tabata dedica e festival na honor di e dios falso, Lupercus, cu tabata e “Roman god of fertility”, tambe jama, “She-wolf, who nured the twins Romulus and Rumus”. Den e festival aki, e Romanonan tabata bisti, mascara, bistimento di trahenan, nan ta baila den cayanan, nan tabata come y bebe binja y den nan deseonan di curpa den sexualidad etc. Lupercalia ta e festival di fertilidad y tabata wordo celebra den Februari na Roma y Europa y e paranda ta dura 40 dia. Den e anjanan 1800, ora cu e Francesnan y e Spanjonan a bin colonisa e Islanan di Caribe, nan a trece tambe e tradicion pagano aki den e Islanan den Caribe. Den Caribe, e tradicion di festival di Europa, a mescla cu e tradicion cultural musica di Caribe. Nan a cambia e ritmo di tocamento cu diferente instrumentonan.

Tambe e bailamento riba caya, e mascaradanan y e kostuumnan y bistimento inmoral a bin na moda etc. Den hopi temponan pasa, Iglesia a cambia e dianan di e festival mundano aki mas cortico. Y Iglesia a bin cu e temporadanan di Cuaresma pa stop cu e actividadnan aki y pa tur hende por arepenti di tur nan actonan cu no ta bon den bista di Dios. Pesey den Caribe, nan a bin cu e nomber, Carnaval, cu ta significa, “Farewell to the flesh”. Den Latin, Carnisvale, cu ta sigmifica, “FleshFarewell”. Na Merca New Orleans, nan ta celebra e Carnaval, cu jama, MardiGras. Na unda nan ta baila den cayanan, bebemento di alcohol, usamento di droga, bistimento inmoral, comemento, libertinahe sexual, abuso sexual, crimen, inmoralidad etc. Na Brasil tambe tin Carnaval, cu tur su actividadnan den libertinahe sexual, crimen, droga, alcohol, inmoral y deshonesto den Samba etc. y cuanto baby di Carnaval no ta nace despues di 9 luna? Compronde bon, cu tur e actividadnan

di Carnaval aki, ta bini di e raisnan antiguo, di festivalnan pagano na e dios falso di fertilidad. Awor, kiko Bijbel ta bisa tocante e tradicion paganonan aki? Bijbel Yeremias 10: 1-2 : “Scucha loke Senjor ta bisa na e pueblo di Israel. No sigi e custumbernan di e paganonan y no tene miedo di e senjalnan di Cielo, cu nan ta spanta boso.” Bijbel Mateo 15: 3: “Y bosonan Hesus ta bisa: Pakiko boso ta kibra un Mandamento di Dios, den nomber di boso tradicionnan?” Bijbel Mateo 15: 8-9: “E pueblo aki ta honra Mi cu nan boca, pero nan curason ta lew di Mi. E adoracion cu nan ta haci pa Mi, no ta sirbi pa nada. Y nan ensenjansa no ta nada mas cu tradicion di hende.” Bijbel Hacobo 4: 4-5: “Hendenan infiel! Boso no sa cu amistad cu mundo ta significa, enemigo cu Dios? Esun cu kier bira amigo di mundo, ta bira enemigo di Dios! Boso ta kere cu ta pornada Scritura ta bisa:

Dios kier e spirito cu E’l a pone den boso, p’E so.”

por tin harmonia entre Cristo y satanas. Kiko un creyente tin di comun cu un incredulo? E tempel di Dios no tin nada di haci cu diosnan falso y anos ta e Tempel di Dios bibo. Escritura ta bisa: Lo Mi biba den nan y lo Mi anda mei mei di nan. Lo Mi ta nan Dios y nan lo ta Mi pueblo. Pesey, sali for di mei mei di nan y tene boso lew for di nan, Senjor ta bisa”.

Bijbel Hebreonan 10: 2627: “Si nos a haci pikanan boluntariamente despues di a conoce e berdad di Dios, anto no tin ningun sacrificio mas pa kita nos pikanan. Sino solamente un teribel huicio y un candela ardiente cu lo devora esnan rebelde.” Bijbel 2 Corinthionan 6: 14-18: “No sera amistad cu hende cu no ta creyente. Kiko santidad tin di haci cu maldad? Kiko lus tin di haci cu scuridad? No

Seferino Tromp 57.11.22.40

Paardenbaaistraat 10, Oranjestad, Aruba Tel.: (297) 525 - 7555 www.lottoaruba.com

Resultado: Sorteo di Merdia ☀ - October 23, 2026

Sorteo # 5135

3424 1330 0468

Joker

Sorteo # 0 x Jackpot 0 x Match 4+ 0 x Match 4 0 x Afl. 12,00

Letter Proximo Jackpot

450.000,-

X2 Sorteo # 5135

5297

Proximo Jackpot

Sorteo #

0 x Jackpot 0 x Match 4

58.000,-

0 x Afl 8,00

X2 Sorteo # 3191

1987

Sorteo # 5135

Sorteo # 0 x Jackpot 0 x match 4 0 x Afl. 500,00 0 x Afl 50.00 0 x Afl.15,00

407 X2

500.000,-

Afl. 775.000,-

4467

Tauro

Sorteo # 2009

Mega Ball Proximo Jackpot

Sorteo #

#VALUE!

ID.

Pagina 22 DIASABRA 24 OCTOBER2026 2026 DIARAZON 7 JANUARI

JOANAILA GEERMAN-LACLÉ SOPI DI LETRANAN A GRADUA COMO MASTER DEN GOVERNANCE AND LEADERSHIP (MGL)

corporativo cu un enfoke ariba paisnan den Caribe Hulandes” dilanti di e comision di graduacion cu tawata consisti di drs. van der Scheer, Un feliz dia yena di hopi feJacques y speransa dr. Luc Alofs y Danny den nos bon Dios Martinez MSc. su Tambe ”…sino conta e generacion venidero: esta gloria di Señor, tabata presente poder, ye cosnan milagroso c’El a haci.” ( Salmo 78, 4bc) famia, E Evangelio di awe ta cuadra, manera semper, tempodicu ami coleganan trabao, tabatamucha. Mi mayornan semper tabata educa mi tocante docente di Universidad di di Dios, CristoHesus y Spirito Santo. Y Aruba un Bijbel no tabata y colega di estudio. haci falta. Haci oracionta cos di tur dia. Y sin falta bishita e cas di Dios. Ta gradici e docentanan Awendia nos ta ripara e generacion di di awo, no tin mucho e programa di MGL y balor pa cuDios. Pero anos a sigui conta nos yiunan tocante profesionalnan cu a sostene di Dios manera nosgrandinan a haci? Anos a siña e hubentud Joanaila studiante. tocante e milagronan ysacrificio cu Cristo Hesuscomo a haci? Of Tambe gradici turdi esnan di e donnan cu Spirito Santo tinpa nos? Y anos ta a tene man na ydipafo di pa Universidad nos yiunan, hibando nan, tur siman, pacas Dios scucha di su Palabra? Ban sigui cu e bunita custumber cunos Aruba cu a grandinan contribui na e a haci. Ban sigui hiba e futuro generacion ariba ecaminda acontecimento aki. cu Cristo Hesus a traha pa nos. ”…pa nan tambe confia denSEÑOR, no lubida Dios su obranan Pa grandi…”(Sal 78, 7) mas informacion Oracion: Señor mi Dios motiva mi y guia mi, cu yudansa tocante e estudiodiMGL, SpiritoSanto, ariba mi responsabilidadbishita pa contaey educa e website di generacion nobo di Universidad di Aruba na ORANJESTAD - Dia 19 Master denBoGovernance Maraviya. ht tep://w w w.ua.aw/mgl, di October 2026, Joanaila and Leadership Facultad Y inspira nan pa nandisigui conta na siguiente Geerman-Laclé a defende di Arte y Ciencia. Joanaila e pagina di Facebook generacion. Amen. su tesis exitosamente y a a defende su tesis titula UniversityofArubaOGM. obtene e titulo di ‘Master “Balansando uniformidad MGL y e pagina di of Arts’ for di e programa y diversidad den polisanan Instagram @ua.ogm_mgl.

P 13

Diasabra 18 NovemberPAG. 202413

SUDOKU

P 14

DIAsabra 24 october 2026

Durante entrega di buki Volk van Veerkracht na Den Haag

Prome Minister Mike Eman: E capital mas importante di Aruba ta e curason, determinacion y curashi di su pueblo

Durante un encuentro special cu personanan cu a contribui na skirbi un buki cu ta relata nos isla durante Status Aparte y e desaroyo di Aruba durante e ultimo 40 aña, Prome Minister Mike Eman a expresa su agradecimento pa nan contribucion na historia di nos pais. E encuentro a reuni diferente personalidad cu, tabata den funcion di miembro di Tweede Kamer, minister, secretario di estado of den otro funcionnan, a desempeña un rol importante den e proceso di autonomia di Aruba. Durante e encuentro na ZZIIN Stadspaleis Den Haag, Prome Minister Eman a reflexiona riba e circunstancianan dificil cu Aruba a enfrenta na momento di introduccion di Status Aparte na 1986. Cu ceramento di refineria Lago na 1985, Aruba a perde un parti grandi di su entrada economico, mientras cu desempleo a

alcansa aproximadamente 35%. A pesar di e crisis, Aruba mester a establece su propio institutonan manera, Parlamento, Gobierno, Banco Central y introduci su propio moneda. Un di e momentonan historico cu Eman a destaca tabata e apelacion cu su tata, Henny Eman, a haci na pueblo Arubano pa sostene introduccion di florin Arubano. Segun e prome minister, hopi ciudadano a demonstra nan confiansa den futuro di Aruba door di cambia nan placa di spar di florin Antiyano pa florin Arubano, a pesar di e incertidumbre economico cu tabata reina na e momento ey. Pa Prome Minister Eman, e gesto aki ta representa un di e ehempelnan mas significativo di e determinacion y sacrificio di pueblo Arubano. E capital mas importante cu Aruba tabatin pa cuminsa como pais

autonomo no tabata solamente e recursonan financiero, sino e curason, determinacion y curashi di su pueblo. Eman a conclui cu e mesun boluntad y compromiso cu a permiti Aruba supera e retonan di su prome añanan como pais autonomo, ta sigui representa un di e rikesanan mas importante di nos pais pa enfrenta futuro. Den cuadro di conmemoracion di 40 aña di Status Aparte, Prome Minister Eman a entrega na cada participante un ehempel di e buki Volk van Veerkracht – 40 jaar Land Aruba, compila pa René Zwart y historiador Luc Alofs. E publicacion ta relata e desaroyo di Aruba desde 1986 y ta inclui contribucionnan di diferente personalidad, incluyendo recuerdo di esnan cu a conoce e prome Prome Minister di Aruba, Henny Eman.

P 15

DIAsabra 24 october 2026

Prome Minister ta explora posibilidad di financiamento internacional pa proteccion di naturalesa y desaroyo sostenibel di Aruba Prome Minister Mike Eman a reuni cu e representantenan di De Hoge Dennen / Outrigger Impact na Laren, Hulanda. E encuentro tabata enfoca riba e posibilidadnan di cooperacion y financiamento internacional pa fortalece proteccion di naturalesa, conservacion di biodiversidad y transicion na un economia mas sostenibel na Aruba. Segun Prome Minister Eman, De Hoge Dennen / Outrigger Impact ta un iniciativa relaciona cu un famia cu ta dedica parti di su capital na sosten di proyecto di sostenibilidad. E iniciativa ta explora modelo financiero cu por yuda proyecto di conservacion di naturalesa pa bira mas viabel y sostenibel riba termino largo. Prome Minister a splica cu hopi biaha proyecto manera parke marino y area di conservacion ta enfrenta dificultad pa haya financiamento, precisamente pasobra nan meta principal no ta comercial. E tipo di cooperacion aki por crea oportunidad pa Aruba haya acceso na diferente fuente di financiamento internacional, incluyendo fondo Europeo. Tres posibilidad di cooperacion pa Aruba Durante e reunion, Prome Minister Eman y e representantenan di De Hoge Dennen / Outrigger Impact a identifica tres area cu por ofrece oportunidad pa futuro cooperacion. E prome area ta proteccion y maneho di parke marino y otro area natural. Aruba tin un organisacion manera Aruba Conservation Foundation, cu continuamente ta buscando

manera pa amplia y fortalece nan trabou di conservacion. Acceso na financiamento adicional por yuda e organisacionnan aki realisa mas proyecto pa protehe naturalesa di Aruba. E di dos area ta transicion di e empresanan na actividad cu tin menos impacto riba medio ambiente. Prome Minister a menciona e posibilidad di yuda empresa den sector turistico, incluyendo hotel y operador di watersport, pa inverti den vehiculo y ekipo mas sostenibel, incluyendo solucion electrico. Segun Eman, e tipo di inversion aki por haya sosten di fondo internacional. E di tres area ta desaroyo di Aruba como un centro regional di conocemento. Prome Minister a destaca su vision pa fortalece presencia di instituto di investigacion, manera Wageningen, na Aruba. E obhetivo no ta solamente pa genera conocemento tocante sostenibilidad pa Aruba, sino tambe pa comparti e conocemento aki cu otro pais den region Caribe. Pa realisa e vision aki, acceso na financiamento internacional tambe lo ta importante. Participacion di comunidad ta esencial pa proteccion di lama Un otro tema importante cu Prome Minister Eman a destaca ta e necesidad di matene contact cu comunidad den e proceso di conservacion di naturalesa, particularmente den desaroyo y maneho di parke marino. Segun Eman, proteccion di naturalesa no por funciona adecuadamente si ta impone regla sin un dialogo previo

cu e personanan cu ta uza e areanan concerni. Prome Minister a haci referencia na e experiencianan cu Parke Nacional Arikok, caminda durante hopi aña tabatin discusion tocante actividad cu por of no por tuma luga den e parke. Eman ta considera importante pa evita e mesun situacion den caso di e parke marino. Den e cuadro aki, lo tin sesion di dialogo cu piscado, operado di watersport y otro persona cu ta activo den lama di Aruba. E intencion ta pa identifica hunto e peliger cu ta un menasa pa bida marino y busca solucion cu ta permiti actividad economico continua, mientras cu ta mehora proteccion di ecosistema marino. De Hoge Dennen oportunidad pa Aruba

mira

Amarantha Ringeling, CFO y Head of Impact na De Hoge Dennen, a splica cu e reunion cu Prome Minister Eman tabata un combersacion pa explora tocante e retonan cu e islanan chikito ta enfrenta den transicion energetico y proteccion di oceano. Ringeling a indica cu nan a trata posibilidad di cooperacion entre sector publico y priva. El a confirma cu nan ta traha cu un administrador di fondo di inversion cu ta activo den Caribe y cu eventualmente

por ta interesa den oportunidad na Aruba. Sinembargo, el a aclara cu e reunion tabata di caracter exploratorio y cu ainda no tin ningun decision concreto tocante inversion. Ringeling, cu ta un Arubiano profesional, a expresa su orguyo pa e iniciativanan cu Aruba ta desaroya den area di cambio di clima. Segun dje, Aruba ta sirbi como un ehempel den region Caribe pa su esfuersonan den e area aki. Aruba ta sigui busca cooperacion internacional E encuentro na Laren ta den liña cu Aruba su vision pa protehe su biodiversidad y desaroya un economia cu ta tene cuenta cu naturalesa. Entre e metanan nacional ta proteccion y maneho efectivo di 30 porciento di nos tera, costa y lama pa aña 2030, como tambe e programa di reforestacion y creacion di mas area berde. Prome Minister Eman a califica e reunion como fructifero y a expresa su speransa cu e combersacionnan cu De Hoge Dennen / Outrigger Impact por continua, pa explora con e diferente posibilidad di cooperacion por contribui na e metanan di sostenibilidad di Aruba.

P 16

DIANAN DI PASCO DI NACEMENTO DI CRISTOHESUS MESTER WORDO RESPETA Semper den e dianan di Pasco ta wordo prepara y celebra den luna di November y December y pa fin di anja ta celebra e Anja Nobo. Y pa dia 6 di Januari ta celebra e Dia di e Tres Reynan. Despues di 6 Januari ta cuminsa inicio di Carnaval.

E dianan di preparacion, e Misa di Aurora cu ta e Nobena di Pasco y e Pasco di Nacemento di Cristo-Hesus, mester wordo respeta. Ta di unda ta bini, cu ta hinka actividad di Carnaval den e temporadanan di Pasco. Tin hendenan cu no ta Cristian, cu kier cambia e temporada di Pasco den actividad di mundo. Ta ki ehempel esey ta pa e pueblo Cristian y pa nos hubentudnan? Esey ta un ofensa contra Dios mes. Ta pakiko bosonan ta cuminsa cu e actividad di Carnaval den luna di November y mientras cu e pueblo Cristian ta prepara nan mes spiritualmente pa e Pasco di Nacemento di Cristo-Hesus? Hendenan Cristian di berdad, no ta hinka e actividad di Carnaval den temporada di Pasco, pero ta esnan den scuridad kier hinkele, pa stroba loke ta di Dios. Bijbel Mateo 15: 3; “Y bosonan Hesus ta bisa: Pakiko boso ta kibra un Mandamento

di Dios, den nomber di boso tradicionnan?” Bijbel Hacobo 4: 4-5; “Hendenan infiel! Boso no sa cu amistad cu mundo ta significa, enemigo di Dios? Esun cu kier bira amigo di mundo, ta bira enemigo di Dios! Boso ta kere cu ta pornada Scritura ta bisa: Dios kier e spirito cu El a pone den boso, p’E so.” Bijbel 2 Corinthionan 6: 14-18; “No sera amistad cu hendenan cu no ta creyente.

tin harmonia entre Cristo y satanas? Kiko un creyente tin di haci cu un incredulo? Bijbel Hebreeuwnan 10: 26-27; “Si nos a sinja conoce e berdad di Dios y deliberadamente nos a keda haci pika, anto no tin ningun sacrificio mas pa kita nos pikanan. Sino solamente un teribel huicio y un candela ardiente cu lo devora esnan rebelde.”

Kiko Santidad tin di haci cu maldad? Kiko lus tin di haci cu scuridad? No por

E-Mail: etajuni@yahoo. com cell: 5931157 / 5870048

Un mensahero di Dios. Seferino Tromp Koyari 13D Id. 57.11.22.40

DIASABRA 24 OCTOBER 2026

EFESIONAN 4, 7-16 UNION DEN CURPA DI CRISTO! SALMO: 122 RESA PIDI PAZ PA HERUSALEM! EVANGELIO: LUCAS 13, 1-9 AREPENTI OF BAY PERDI! Bida diario por ta yen di tension, pero Dios ta ofrece nos un mapa pa haya berdadero paz. Pablo ta haci un yamada pa nos biba cu humildad, mansedumbre y pasenshi, soportando otro cu amor. E union cu Spirito Santo ta duna ta exigi un esfuerso consciente. Ora nos scoge paz, e ta bira e laso cu ta tene nos famia y comunidad hunto. Pero e paz aki tin cu bira un oracion pa mundo. Salmo ta siña nos: ”Resa pidi paz pa Herusalem”. Herusalem ta representa nos comunidad. Caminda tin paz y trankilidad entre e murayanan, bendicion y prosperidad ta bini mesora. Finalmente, e esfuerso aki tin un proposito: duna fruta. E parabola di e palo di figo ta mustra nos e pasenshi di Dios, kende ta duna nos un oportunidad mas pa nos cambia. Uniendo e tres mensahenan aki, Sabiduria Divino ta invita nos pa probecha e tempo di gracia cu nos tin awe. Ban haci esfuerso pa cuida e paz den nos relacionnan, paz na Aruba y mundo henter y nos bida ta carga e bon frutanan cu Dios ta spera di nos. Oracion: “Señor, duna nos un curason humilde y un spirito yen di paz pa nos por soporta otronan cu amor. Yuda nos probecha e tempo di gracia aki pa nos bida por carga bon fruta pa Bo gloria. Amen.”