Issuu

DIASABRA 10 OCTOBER 2026

10 OCTOBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

MEP:

GOBIERNO TA PIDI PARLAMENTO PA APROBA AGENDA DI INVERSION SIN FINANCIAMENTO COMPLETO Fiscal a exigi 2 aña di prison y bou guia di Reclasering

HOBEN DI 17 AÑA SOSPECHA DI A CAP HOMBER FORMAL CU MACHETE

DIAsabra 10 october 2026

Accion contra vehiculo bandona ta continua Diesun vehiculo kita for di caminda publico

caminda publico. Miguel Wever di Ministerio di Asunto General a splica cu e accion ta forma parti di e trabou cu e Task Force ta realisa pa atende e problematica di vehiculo bandona den diferente bario di Aruba.

Gobierno ta continua cu su accionnan pa kita vehiculo bandona for di caminda publico, cu enfasis riba responsabilidad di doño di auto y e importancia

di mantene nos barionan limpi y bunita. Durante e accion di awe den area di Madiki, Timonstraat y Korvetstraat, un total di 11 vehiculo a wordo kita for di

Segun Wever, e accionnan ta progresando bon, pero e mensahe principal ta cu cada doño di vehiculo mester asumi su propio responsabilidad. E intencion no ta solamente pa kita vehiculo for di caminda publico, sino tambe pa crea mas consentisacion entre nos ciudadanonan tocante e importancia di cuida nan propio medio ambiente. Durante e accion di awe, un total di 11 vehiculo a wordo kita for di caminda publico. Di esakinan, a touw 4 vehiculo door di Cuerpo Policial Aruba (KPA), 2 vehiculo door di un empresa priva na gasto di nan doñonan, mientras cu 5 vehiculo a wordo movi pa tereno priva door

di nan propio doñonan. Ademas, 2 doño a firma un declaracion di distancia nan mes di e vehiculo, autorisando pa nan vehiculo wordo destrui. Wever a indica cu, lamentablemente, ainda tin doñonan cu no ta tuma e mensahe na serio. Pa e motibo aki, e autoridadnan lo continua cu accionnan den diferente bario, caminda vehiculonan cu no ta cumpli cu e reglanan lo wordo atende y doñonan lo mester asumi nan responsabilidad. Durante su declaracion, Wever a expresa agradecimento na Bureau City Inspector, polisnan di bario, Cuerpo Policial Aruba y Serlimar

pa nan colaboracion den e accionnan. El a destaca cu e cooperacion entre e diferente instancia ta esencial pa logra resultado concreto y mantene e areanan publico limpi. E accionnan lo continua den otro bario di Aruba, cu e mesun mensahe pa comunidad: cada ciudadano tin un responsabilidad den cuido di su bario. Gobierno di Aruba ta haci un apelacion na doñonan di vehiculo pa no laga nan auto abandona riba caminda publico, sino pa tuma e medidanan necesario pa evita cu autoridadnan mester interveni.

DIAsabra 10 october 2026

MEP:

GOBIERNO TA PIDI PARLAMENTO PA APROBA AGENDA DI INVERSION SIN FINANCIAMENTO COMPLETO

Fondo General di Inversion y Desaroyo (AIOF) ta un check blanco! ORANJESTAD – Fraccion di MEP ta expresa su preocupacion cu Gobierno ta pidi Parlamento pa aproba un agenda di inversion di Afl. 59,5 miyon, mientras cu actualmente tin solamente Afl. 33,3 miyon disponibel. Esaki ta crea un diferencia di Afl. 26,2 miyon, cu ainda no tin cobertura financiero garantisa. E diferencia lo mester wordo cubri cu surplusnan den futuro cu Parlamento ainda no a aproba. Tampoco ta conoci cua suma ta destina pa cada proyecto ni ken lo determina cua proyectonan lo wordo ehecuta. Pa MEP, Parlamento no por aproba un suma di tal magnitud sin cobertura concreto y sin sa cua proyectonan tin prioridad. E falta di claridad ta aumenta door di e cambionan den e cifranan. Den dos luna, e fondo a subi di Afl. 43,1 miyon pa Afl. 59,5 miyon, mientras cu e financiamiento disponibel a baha. Na augustus, Gobierno ainda tabata papia di un fondo di Afl. 65 miyon. Ademas, e saldo inicial ta preliminar y no por confia riba dje,

pasobra e Cuenta Anual 2025 di pais Aruba no a wordo aproba. Raad van Advies ya caba a señala e inconsistencia den e informacion financiero. Ademas, Gobierno ta agrega aproximadamente Afl. 34 miyon na proyectonan nobo, mientras cu mantencion di caminda y boto di polis ta wordo posponi. MEP ta cuestiona con e seleccion a wordo haci, si e proyectonan a wordo evalua door di e Comision di Inversion y Evaluacion, y unda e base financiero, economico y social ta pa cada proyecto. MEP ta pidi Gobierno pa, prome cu Parlamento vota, presenta un bista completo, definitivo y transparente di cua proyectonan lo wordo financia, cuanto cada uno ta costa, di unda e placa ta bin y cua tin prioridad. “Sin fondo garantisa y sin claridad tocante e seleccion di proyectonan, un Parlamento responsabel no por duna un aprobación cu ta mas cu un check blanco”, lider di fraccion Evelyn WeverCroes a duna di conoce.

DIAsabra 10 october 2026

Noticia di Corte Fiscal a exigi 2 aña di prison y bou guia di Reclasering

Hoben di 17 aña sospecha di a cap homber formal cu machete ORANJESTAD – Den Corte di Husticia a trata e caso penal cu Ministerio Publico a cuminsa contra e hoben homber J.B. (17). E ta wordo sospecha di intento di mata cu machete y posecion di dos arma di candela. SOLO DI PUEBLO por a compronde cu e acusado J.B. a bisa Hues cu e no a cap e homber H. sino e homber Daniel a haci’e y cu el a tuma culpa pa tapa pa Daniel. Fiscal a exigi 2 aña di prison pa J.B.

TUMA E CULPA J.B. a bisa Hues cu e cu Daniel a palabra pa J.B. tuma e culpa pasobra Daniel a caba di sali for di KIA. Hues a mustra cu J.B. a declara dos biaha na Polis cu el a maltrata H. cu machete. Despues J.B. a declara na Polis cu ta Daniel a maltrata H. cu e machete. Hues a puntra J.B. kico ta e berdad. Segun J.B., e berdad ta cu e no a maltrata H. cu machete. Hues a remarca cu H. no a menciona J.B. di lo a maltrat’e.

ACUSACIONNAN Fiscal ta acusa J.B. di intento di mata riba 10 April 2026, di e homber H. Ta asina cu J.B. a dal e homber H. varios biaha cu e machete na su cabez, nek, brazanan y pianan. Fiscal a sigui bisa cu subsidiario e ta acusa J.B. di maltrato severo y mas subsidiario, intento di maltrato severo

DOS ARMA DI CANDELA Hues a puntra J.B. tocante e armanan di candela cu e tabatin. J.B. a bisa cu e armanan no ta di dje sino cu el a haci payasada y traha video cu e armanan den man. Hues a mustra cu Polis a haya e video den un cellular caminda ta mira J.B. cu dos arma den man. Un ta revolver y e otro ta pistool. J.B. a admiti na Hues cu e armanan ta di berdad. Segun J.B., el a bisa Recherche di kende e armanan ta y a bisa Recherche pa no menciona su nomber pa e no haya problema. Hues a hala atencion di J.B. cu tin castigo pisa pa posecion di arma, aunke cu e arma no ta di J.B.

Ademas Fiscal ta acusa J.B. di posecion di armanan di candela entre Maart y April 2026. CAPMENTO CU MACHETE Hues a puntra J.B. kico e tin di bisa di e acusacionnan. Segun J.B., no ta el a cap H. sino e homber, un dal Daniel. El a bisa cu Daniel a coy su machete y bay cap H. Hues a remarca cu J.B. a bisa otro cos serca Polis. J.B. a bisa Hues cu tin cosnan cu el a bisa Polis cu no ta e berdad. Hues a mustra cu e victima H. a declara na Polis cu anochi laat el a lanta ora cu su ex amiga A. tabata bati na porta. Ora el a habri porta, tres hende a atak’e. H. a bisa Polis cu ta Daniel a cap parti di su orea. Despues Polis a detene Daniel y el a bisa Polis cu e no sa nada di maltrato di H. El a bisa cu el a tende cu ta J.B. a maltrata H. Segun J.B., su ex amiga e dama A. a pidi nan pa bay cun’e na cas di H. pa busca su cellular. A. tabata maneha un SUV den cual nan a bay. Segun J.B. den e auto tabatin un hende homber grandi. En total tabatin tres homber den e SUV. Segun J.B., e dama A. a bay busca su cellular serca H. Ora el a tende desorden y mira cu e homber H. a dal e dama A. E ora ey el a bay dal H. Despues Daniel a coy e machete cu J.B. tabatin den auto y ataca H. Hues a puntra J.B. pakico e ta cana cu machete. El a bisa cu door cu hendenan na San Nicolas ta blo bringa cun’e, e ta cana cu machete pa defende su mes.

Hues a mustra cu J.B. tin un carchi di castigo. Na 2025 tabatin un caso di September 2024, caminda J.B. lo a causa destruccion y mester a cay bou guia di Reclasering. J.B. a bisa Hues cu e tabata bay EPB pero no a caba y tabata traha beach boy ariba beach. RAPORT RECLASERING Hues a mustra cu tin un raport di Reclasering riba J.B. caminda ta mustra cu e chens ta mediano cu J.B. ta cay bek den man di husticia. J.B. a bisa cu e tabata huma marihuana. Reclasering ta conseha castigo combina cu condicion cu J.B. ta cay bou guia di Reclasering. Reclasering a stipula cu e condicionnan ta cu semanal, J.B. lo mester haci test di droga, bay school bek y no anda cu amigonan cu ta hib’e den mal caminda. FISCAL TA EXIGI 2 AÑA DI PRISON Fiscal a bisa Hues cu H. a declara cu J.B. y Daniel a cap e cu un machete. Ta asina cu J.B. a bisa cu el a cap H. Na cas di J.B. a haya e machete. Despues J.B. ta bisa cu Daniel ta esun cu a malatrata H. Fiscal a remarca cu tin hopi declaracion bruha. Na opinion di Fiscal, for di J.B. por a compronde cu e tabata na e cas y cu

e tabatin un machete. J.B. a bisa cu e tabata cu Daniel y cu ta Daniel a coy e machete y cap H. Fiscal ta haya J.B. culpabel di hunto cu Daniel a cap H. Fiscal a bisa Hues cu el a spanta ora el a mira e cortanan cu H. a sufri. En especial e corta na garganta di H. Fiscal ta haya cu nan a tuma e risico cu por a corta adernan di nek di H., cu consecuencia cu H. por a muri. Tambe Fiscal ta haya proba cu J.B. ta culpabel di posecion di 2 arma. Riba video ta mira J.B. cu un arma den cada man. Pa cu e castigo, Fiscal a bisa cu e ta tene cuenta cu na momento di a haci e delitonan J.B. tabatin 16 aña. El a bisa cu Reclasering ta conseha pa J.B. cay bou guia di Reclasering y cu condicionnan. Fiscal ta haya cu e guia di Reclasering lo ta hopi bon. Fiscal a sigui bisa cu e ta tene cuenta cu e edad hoben di J.B. y a exigi castigo hubenil di 24 luna (2 aña) di prison di cual 6 luna ta condicional cu 2 aña di prueba y bou guia di Reclasering. Fiscal a bisa tambe cu e machete cu a confisca mester wordo destrui. DEFENSA ABOGADO Abogado mr. Dijkhoff a bisa Hues cu H. no a menciona cu J.B. a maltrat’e cu machete. H. a menciona tres persona a maltrat’e pero no J.B. Abogado a mustra cu J.B. a bisa cu e no a maltrata H. cu machete. El a bisa cu J.B. a bisa cu el a palabra cu Daniel pa tuma e culpa, pero no tin prueba cu J.B. a cap H. E victima H. mes a bisa cu ta otro hende entre otro Daniel a cap e. Abogado a pidi Hues pa declara J.B. liber di intento di mata. El a bisa cu J.B. a admiti di tabatin e armanan den man y a desmenti cu e armanan ta di dje. E abogado a bisa Hues cu J.B. a yuda cu investigacion pa haya doño di e armanan. E abogado ta haya e castigo exigi pa Fiscal, ta mucho largo. El a remarca cu mas J.B. keda sera den KIA, mas e chens tey cu J.B. ta cay den mal caminda. Teniendo cuenta cu e raport di Reclasering, mr. Dijkhoff a pidi Hues duna castigo condicional bou guia di Reclasering. Na final di tratamento di e caso J.B. a bisa Hues cu awor cu e tin 6 luna sera, el a ripara cu e no ta riba e bon caminda.Hues a bisa cu e ta bay studia e caso y 30 October 2026, e lo tin sentencia.

DIAsabra 10 october 2026

Evelyn Wever-Croes na Gobierno:

BO NO POR PAPIA DI INVERSIONDI FUTURO, SIN ADRESA E CRISISNAN CU TIN AWOR ORANJESTAD – MEP ta apoya inversionnan strategico pa desaroyo di Aruba. Pero, segun lider di fraccion Evelyn Wever-Croes, Gobierno no por papia di inversion pa futuro sin atende e crisisnan cu famianan y hobenan ta enfrenta awe.

59,5 miyon cu gobierno kier gasta, solamente Afl. 33,3 miyon ta disponibel actualmente. E diferencia di Afl. 26,2 miyon depende di aportenan y surplusnan cu Parlamento ainda no a aproba, pues ta promesanan cu ainda no ta cumpli.

“Aruba mester inverti, pero cu inteligencia, riba un base legal y structural. Prome cu aproba Afl. 59,5 miyon pa futuro, nos mester sa: kiko Gobierno ta haci pa e Aruba di awe?”

Ademas, no tin suma reserva pa proyecto especifico, y e conseho di e Comision di Inversion y Evaluacion no a wordo comparti cu Parlamento.

Durante e debate na Parlamento, diferente crisis a wordo menciona, entre otro e costo di bida, e situacion na hospital, turismo, husticia, e sector social, salud mental y e problemanan rond di fiansa di estudio y descuento di berdad. Segun Wever-Croes, Gobierno no ta duna e crisisnan aki e atencion necesario, apesar cu tin placa disponibel pa inversion. “Tin famia cu no por cubri nan gastonan mensual. Con e fondo aki ta yuda nan? Niun florin di e Afl. 59,5 miyon ta destina especificamente pa atende e crisisnan cu nos ta enfrenta awor.” MEP ta cuestiona tambe e financiamiento di e agenda di inversion. Di e Afl.

Wever-Croes a pidi e presidente di Parlamento pa suspende e reunion te ora e conseho di e comision ta disponibel, manera ley ta stipula, pero presidente a nenga esey. “Nos no ta contra inversion. Pero un inversion cu no por splica cua problema e ta resolviendo, no ta un inversion responsabel.

Sin claridad, sin cobertura financiero y sin evaluacion, Gobierno ta pidi Parlamento pa firma un check blanco. MEP no ta participa na gobernacion iresponsabel pasobra nos a mira caba den pasado cuanto daño esey ta causa na nos cuidadanonan”, segun Evelyn Wever-Croes.

DIAsabra 10 october 2026

131 Aruba a comparti conocemento durante e Consulta Regional di Child Helplines di Americas y Caribe 2026 na Bogota Colombia E highlight di e Consulta Regional di Child Helplines di Americas y Caribe 2026 tabata, e retonan creciente cu muchanan den e region ta confronta, y importancia di organisacionan y liderazgo fuerte y sostenibel pa garantisa cu yudansa ta keda accesibel pa esnan cu mas mester di dje. Cada pasa tres aña Child Helpline International ta organisa un Consulta Regional di Child Helplines di Americas y Caribe. Durante e Consulta Regional di Child Helplines di Americas y Caribe tur e liñanan di ayudo di Americas y Caribe ta bin hunto pa ekipa nan mes cu e ultimo conocementonan pa loke ta retonan pa cu mucha y hoben, y evidence-based best practices mas nobo. For di 22 pa 24 di september a tuma lugar e Consulta Regional di Child Helplines di Americas y Caribe 2026 na Bogota, Colombia.

131 Aruba a ser representa pa Arthur Santos, Presidente interino di directiva di 131 Aruba y Shurman Milliard, trahador social na 131 Aruba. Desde 1999, 131 Aruba ta dunando sosten emocional, conseho y informacion na nos muchanan, hobenan, mayornan y profesionalnan aki na Aruba, y desde aña 2022 e muchanan y hobenan na e islanan di Bonaire, St. Eustatius y Saba. Na aña 2003 Child Helpline International a ser funda, y 131 Aruba a afilia su mes na e organisacion International aki. Total tin 150 liña di ayudo miembro for di mas di 130 pais y teritorio rond mundo. 131 Aruba ta un miembro prominente for di cual hopi biaha asistencia ta ser pidi na momento cu un liña di

ayudo nobo na Latino America of Caribe ta bay cuminsa opera of na momento cu un existente tin mester di capacitacion. 131 Aruba siendo un di e 150 miembronan rond mundo di e organisacion aki, ta ricibi informacion (ta wordo alerta) di kico ta pasando na otro paisnan y kico por ta biniendo pa cu / entre muchanan y hobenan, pa nos por prepara nos organisacion pa enfrenta e ‘fenomenonan nobo’ aki. Algun di e temanan mas importante cu a ser trata durante e Consulta Regional di Child Helplines di Americas y Caribe 2026 tabata: • Mental health trends affecting children and youth. • Violence against children and youth. • Crisis and disaster response by child helplines. • Online safety, AI-related risks, cyberbullying, deepfakes, and digital harm • Family Relationships and Caregiver Engagement in Child Protection • Service sustainability, organizational leadership, and child helplines outlook.

E programa di e Consulta Regional di Child Helplines di Americas y Caribe a consisti di diferente oradornan. Durante e consulta aki, 131 Aruba tambe tabata un di e oradornan. Arthur Santos, presidente interino di directiva di 131 Aruba a trata durante su presentacion e siguiente temanan: servant leadership and building high-performing teams, the cost

of prevention versus reaction in organizational management and practical leadership, and operational frameworks drawn from professional experience in finance, business operations and organizational leadership, adapted to the child helpline and nonprofit environment.

Pa 131 Aruba e tabata di sumo importancia pa reenforsa balornan y comparti conocemento tocante leadership y management entre sectornan pa fortalece organisacionan internacional cu ta sirbi mucha y hoben. Tur conocemento adkiri durante e Consulta Regional di Child Helplines di Americas y Caribe lo ser incorpora den e maneho y servicionan di 131 Aruba, pa asina

por duna servicio efectivo na nos muchanan y hobenan di Aruba, Bonaire, St. Eustatius y Saba. E informacion y conocemento aki lo ser comparti tambe cu otro organisacionan aki na Aruba y region. 131 Aruba kier a gradici Child Helpline International pa e invitacion.

Pa mas informacion tocante e participacion di 131 Aruba na e Consulta Regional di Child Helplines di Americas y Caribe, por tuma contacto via noswebsite: 131.aw, Instagram: 131aruba, facebook https://www.facebook. com/aruba.131:, email: 131aruba@ gmail.com of telefon 5886138/ 5884011.

DIAsabra 10 october 2026

Comite Olimpico Arubano a inicia cu di 3 fase di Capacity Building Training

logra nan metanan como organisacion deportivo. Fase 3 di CBT lo duna enfasis riba e necesidad mas importante di cada federacion y lo duna guia individualisa hunto cu un experto den e materia pa asina por desaroya e punto di atencion. Despues di e fase inicial unda a organisa cursonan general y e di dos fase unda a cuminsa traha specifico riba un plan strategico, Comite Olimpico Arubano (COA) a traves di su direccion di Desaroyo a

duna unicio na fase 3 di Capacity Building Training (CBT). E curso di CBT ta diseña pa yuda federacionnan miembro di COA eleva nivel di maneho pa asina por

Durante e prome reunion di informacion dialuna pasa reuni cu 4 federacion pa asina cuminsa splica e proceso planea pa e di 3 fase di CBT y cuminsa planifica e contenido di e proceso aki.

DIAsabra 10 october 2026

Parlamentario di AVP, Dennerich Kelly:

“Turismo mester por crece, pero nos localnan mester por sigui biba na Aruba tambe” ORANJESTAD (9 di oktober 2026) — Parlamentario di AVP, Dennerich Kelly, ta pidi gobierno di Aruba pa presenta cifranan actualisa tocante cantidad y concentracion di ShortTerm Vacation Rentals (STVR) y pa evalua e posibel impacto di e sector aki riba disponibilidad di vivienda pa huur di largo plazo. Segun Kelly, Aruba tin mester di un panorama cla pa por planifica cu e desaroyo turistico y e necesidad di vivienda di su residentenan den mente. Un estudio haci door di Land Aruba na 2023 a compara un estimacion di 4,203 vacation rentals cu un total di 38,830 vivienda. E estudio a identifica un concentracion significativo di vacation rentals, particularmente den Noord. Segun e datonan di AirDNA uza den e estudio, Noord tabatin aproximadamente 2,083 vacation rentals. E cantidad di vivienda completo ofreci via Airbnb y Vrbo tabata ekivalente na aproximadamente 25% di e total di vivienda registra den e area na 2020. E investigadornan a indica cu e cifranan di AirDNA mester wordo considera un estimacion conservador, pasobra nan no tabata inclui tur vacation rental existente na Aruba. Pa Kelly, e datonan aki ta un

punto di salida importante, pero nan mester wordo actualisa pa por compronde e realidad di 2026. “Nos tin informacion di varios aña pasa. Pero e mercado no a keda para. Nos mester sa cuanto STVR nos tin awendia, unda nan ta concentra y, principalmente, cua ta e impacto cu e desaroyo aki tin riba e cantidad di vivienda disponibel pa long-term rental,” Kelly a expresa. E parlamentario ta reconoce cu vacation rentals ta representa un actividad economico importante pa Aruba. Segun cifranan publica pa Aruba Tourism Authority pa augustus 2026, e sector a registra un ocupacion promedio di 57%, un tarifa promedio diario di US$359 y aproximadamente US$36.8 miyon den entrada durante e luna ey. Kelly ta señala cu precisamente e importancia economico di e sector ta haci data confiabel y planificacion necesario. Un evaluacion actualisa mester permiti gobierno y parlamento compronde con e mercado ta desaroya y cua ta e implicacionnan pa residentenan cu ta busca un vivienda pa huur di largo plazo. “Nos no tin cu demonisa un sector cu ta genera actividad economico. Pero importancia economico tampoco mag elimina e

STVR tin actualmente na Aruba, unda nan ta concentra y cuanto di nan ta vivienda completo. Alabes, e ta pidi informacion tocante con e disponibilidad di vivienda pa huur di largo plazo a cambia durante e ultimo añanan.

necesidad pa planificacion. Turismo mester por crece, pero nos localnan mester por sigui biba na Aruba

tambe,” Kelly a enfatisa. Dennerich Kelly ta pidi Gobierno pa aclara cuanto

Cu e informacion aki, Aruba por sostene un debate basa riba datonan actualisa y traha riba decisionnan cu ta tene cuenta cu tanto e contribucion economico di turismo como e necesidad di vivienda di nos comunidad.

DIaSABRA 10 DI OCTOBER 2026

Durante reunion na Serlikor

Aruba ta explora posibilidad pa establece un centro regional di procesamento di desperdicio

Prome Minister Mike Eman ta explorando e posibilidad pa Aruba, Corsou y Boneiro uni nan esfuersonan pa desaroya un solucion comun y duradero pa e maneho di desperdicio. E iniciativa aki ta enfoca riba reciclahe, procesamento di desperdicio y aprovechamento di materialnan cu tin balor economico, cu e posibilidad pa establece un instalacion grandi di procesamento cu por sirbi e tres islanan. Durante su bishita na Corsou, Prome Minister

Eman a sostene un reunion cu e directiva di Selikor, como parti di e esfuersonan pa fortalece colaboracion regional den e area di medio ambiente y maneho di desperdicio. E Prome Minister a splica cu durante dos bishita na Hulanda, a explora e posibilidad pa Aruba tuma un rol den buskeda di un solucion pa e retonan ambiental cu e tres islanan ta enfrenta. E retonan aki ta inclui e manera cu desperdicio ta colecta, procesa y finalmente elimina sin causa daño na

medio ambiente. Un di e obstaculonan principal ta e costo halto di e instalacionnan pa procesa desperdicio. Segun Eman, tecnologianan manera incineracion y procesamento di e materialnan pa crea producto nobo ta rekeri inversion grandi, especialmente ora un isla individualmente no tin suficiente cantidad di desperdicio pa haci e operacion economicamente posibel. Pa atende e situacion aki, e pensamento ta pa Aruba, Corsou y Boneiro combina nan capacidad y cantidad di desperdicio, identifica e materialnan cu por recicla y determina cua producto mester pasa door di otro forma di procesamento. Posibel colaboracion cu HVC na Hulanda Den e proceso aki, e empresa publico Hulandes HVC por hunga un rol importante. E empresa, cu ta presta servicio na aproximadamente 50 gemeente na Hulanda, ta un posibel partner pa explora solucion tecnico y economico pa e tres islanan. Durante e encuentronan na Boneiro y Corsou, Prome Minister Eman a observa cu e instancianan concerni ta comparti e interes pa busca un solucion comun. E intencion ta pa durante un proximo bishita na Hulanda, e tres

islanan por avansa den e conversacionnan cu HVC y explora e posibilidad pa yega na un acuerdo di principio. Area di refineria como posibel luga pa centro di desperdicio Un di e posibilidadnan cu ta considera ta pa establece un instalacion grandi di procesamento di desperdicio den e area di ex-refineria na Aruba. E instalacion aki lo por concentra diferente actividad, manera separacion di desperdicio, reciclahe, procesamento di material pa crea producto nobo y exportacion di productonan cu tin balor economico. Segun Prome Minister Eman, e iniciativa por involucra varios empresa publico di e tres islanan, HVC y eventualmente empresa priva, incluyendo EcoTech na Aruba. E colaboracion lo por permiti pa combina e conocemento tecnico y experiencia di diferente instancia, mientras cu e volumen di desperdicio di e tres islanan por contribui

na un operacion mas eficiente. Intencion pa firma un acuerdo prome cu final di aña E meta ta pa prome cu final di 2026, Aruba, Corsou y Boneiro por yega na un acuerdo di principio, den forma di un Memorandum of Understanding (MoU), cu ta establece e intencion pa traha hunto riba un solucion duradero pa maneho di desperdicio. E acuerdo lo por forma e base pa un colaboracion mas amplio cu HVC y otro partner, cu atencion tanto pa e exigencianan ambiental como pa e posibilidadnan economico. Pa Prome Minister Eman, e iniciativa no ta solamente un oportunidad pa mehora e maneho di desperdicio y proteha medio ambiente, sino tambe pa explora un actividad economico adicional pa Aruba. E vision ta pa transforma un reto ambiental cu e tres islanan ta comparti den un oportunidad pa colaboracion regional, innovacion y desaroyo economico sostenibel.

P 10

DIASABRA 10 DI OCTOBER 2026

Memey di representante di tur fraccion Prome Minister Mike Eman a reuni cu Parlamento di Corsou Presidente di Parlamento y representantenan di diferente fraccion a destaca e legado politico di Mike Eman y importancia di cooperacion entre Aruba y Corsou Durante su bishita na Corsou, Prome Minister di Aruba, Mike Eman, a bishita Parlamento di Corsou, caminda el a ser ricibi pa Presidente di Parlamento, Fergino Brownbill, y representante di e diferente fraccion. E encuentro a brinda oportunidad pa un intercambio di pensamento tocante e trayectoria politico di Prome Minister Eman, su contribucion na desaroyo di e islanan y e importancia di sigui reforsa cooperacion entre Aruba y Corsou. Presidente di Parlamento di Corsou, Fergino Brownbill, a destaca e importancia di e bishita, haciendo referencia na e legado politico di famia Eman y su contribucion na desaroyo di Corsou y Aruba. Segun Brownbill, independientemente di diferencia di opinion politico, ta importante reconoce e papel cu famia Eman a hunga den desaroyo politico di Corsou, incluyendo su influencia como mentor pa diferente politico den nos islanan. Brownbill a splica cu e encuentro tabata un oportunidad pa expresa gratitud y reconocimento na Prome Minister Mike Eman, pero tambe pa reflexiona riba con por sigui construi riba

cu Eman a enfrenta durante su carera politico y e manera cu el a maneha e responsabilidadnan cu ta acompaña liderato politico. Di banda di PNP, Sheldry Osepa, kende a representa e fraccion den ausencia di su lider di fraccion y lider di partido, cu ta na Boneiro, a destaca e importancia di e encuentro como fuente di inspiracion pa generacionnan nobo di politico. E intercambio a brinda oportunidad pa reflexiona riba e desafionan di liderato y e importancia di siña for di experencia di e personanan cu tin un trayectoria largo den politica.

e legado di cooperacion entre ambos pais. Un di e temanan central di e conversacion tabata con Aruba y Corsou por sigui traha hunto y aprovecha e experiencia y conocemento di Prome Minister Eman den futuro.

Juniël Carolina, di dos vice-lider di fraccion MFK, a destaca e trayectoria politico di Prome Minister Eman y e importancia di siña for di su experiencia. Durante e intercambio, Carolina a mustra interes den e decisionnan dificil

Quincy Girigorie, lider di fraccion PAR, a expresa reconocimento pa e servicio cu Prome Minister Mike Eman a brinda na Aruba y su contribucion na e relacion entre e islanan. Girigorie a destaca e importancia di aprecia e esfuersonan di lidernan

politico cu a contribui na desaroyo di nan pais y na fortalecemento di cooperacion regional. Di su parti, Giselle Mc William, lider di fraccion MAN/PIN, a pone enfasis riba e importancia di reforsa cooperacion entre Aruba, Corsou y Boneiro, particularmente den e intercambio di conocemento y experiencia. Mc William a presenta e idea di un plataforma no politico, caminda e lidernan cu tin experiencia amplio por comparti nan conocemento cu futuro generacion y gobernacion. E iniciativa aki lo por contribui na preservacion di experiencia politico y administrativo, permitiendo cu e conocemento acumula durante varios aña di servicio publico por sigui ser probecha den beneficio di e islanan. E pensamentonan aki ta den liña cu e importancia di cooperacion regional, caminda Aruba, Corsou y Boneiro por siña uno di otro y identifica e oportunidadnan pa enfrenta e desafionan cu tin den comun. E bishita di Prome Minister Mike Eman na Parlamento di Corsou a brinda un oportunidad pa fortalece e dialogo entre representantenan politico di ambos pais, reconoce e importancia di experiencia acumula durante añanan di servicio publico y reafirma e necesidad di sigui traha hunto den beneficio di Aruba, Corsou y e region.

P 11

DIASABRA 10 DI OCTOBER 2026

Dos museo Caribense ta ricibi Beca pa Museo di NWO:

un señal fuerte pa investigacion den e area Caribense

Bon noticia pa e sector di patrimonio den e area Caribense. Dos museo a gana un Beca pa Museo di NWO: Saba Archaeological Center Foundation y Sint Maarten National Heritage Foundation. Esaki ta demostra cu organisacion y investigadonan di e region realmente ta bin na remarca den e programanan di NWO. Nan ta entre e diesseis ganadonan di e buelta di subsidio nobo aki. E Programa di Beca pa Museo ta fortifica e funcion di investigacion di museo. E ta financia profesionalnan di museo pa haci investigacion profundo di nan coleccion, patrimonio y practica di museo. Ta comparti e resultadonan via publicacionnan cu tin acceso liber, di manera cu e conocemento ta beneficia sector di museo mas amplio. Proyectonan Caribense cu a gana: Saba Heritage Center: Pone un base fuerte pa futuro Un di e proyectonan otorga ta procedente di Saba Archaeological Center Foundation. E proyecto “Collecting Without a Framework: Developing Collection Management and Storage Standards for the Saba Heritage Center in the Context of the Caribbean Netherlands” (Colecciona Sin un Cuadro: Desaroyando Normanan pa Maneha

y Warda Colleccion pa Saba Heritage Center den contexto di Hulanda Caribense), ta bou di guia di S. Balfour. Como preparacion pa apertura di un centro di patrimonio nobo na 2029, e proyecto ta investiga con pa duna structura na maneho di coleccion den e partinan Caribense di Reino y na Hulanda Europeo. E investigacion ta inventarisa bon ehempelnan y ta desaroya recomendacionnan pa sostene futuro Saba Heritage Center. E resultadonan mester garantisa cu ta conserva, maneha y comparti patrimonio di e isla na un manera duradero cu futuro generacionnan. Sint Maarten: revela historia di sclavitud y emancipacion Sint Maarten National Heritage Foundation tambe a ricibi un Beca pa Museo. S.M. Dehaney ta

guia e proyecto “From Salt Pond to Emancipation: Slavery, Labour, Ruin, and Memory in the Sint Maarten Museum” (Di Saliña pa Emancipacion: Sclavitud, Labor, Ruina, y Memoria den Museo di Sint Maarten). E investigacion ta enfoca riba historia di sclavitud y emancipacion riba e isla. Ademas ta studia sitionan historico, ruinanan, storianan di famia, coleccionnan di museo y archivonan. Topiconan manera produccion di salo, bida riba plantashi y e caminda largo pa libertad ta central. E proyecto ta duna atencion tambe na historia nativo di e isla. E resultadonan lo contribui na exposicionnan di museo mas fuerte. Asina ta haci historia di Sint Maarten accesibel pa un publico mas amplio, tanto riba como pafo di e isla. Oportunidad pa investigadoy

organisacionnan Caribense E dos subsidionan ta demostra algo importante. Organisaciony investigadonan Caribense por haya financiamento nacional, igual cu instancianan na Hulanda Europeo. Via diferente programa di NWO, incluyendo ‘Investigacion Caribense: un acercamento m u l t i d i s c i p l i n a r i o ’, i nve s t igadon a n

Caribense tambe por pidi otro subsidionan pa investigacion. E subsidionan aki ta sostene un variedad amplio di iniciativanan pa investigacion cu ta atende retonan social, fortifica desaroyo di conocemento y crea impacto den e parti Caribense di Reino. Pabien, Saba y Sint Maarten Felicitacion ta bay pa e teamnan di Saba Archaeological Center Foundation y Sint Maarten National Heritage Foundation. Nan proyectonan lo no fortifica solamente mas profesionalisacion di e sector di museo, sino lo yuda tambe pa conserva, comparti y compronde e historia rico y patrimonio cultural di e area Caribense miho. Nos ta desea ambos team hopi exito cu nan investigacion y ta ansioso pa sa e impacto cu nan trabou lo tin den region.

P 12

DIASABRA 10 DI OCTOBER 2026

P 13

DIaSABRA 10 DI OCTOBER 2026

Selikor ta anticipa riba futuro: Corsou tin aproximadamente dies aña di capacidad den su dump Director di Selikor, Wesley Kook, ta satisfecho cu e resultado di e reunion cu a tuma luga entre Gobierno di Aruba, Corsou y Boneiro, caminda a discuti e retonan cu e tres islanan ta enfrenta den e maneho di sushi. Segun Kook, colaboracion entre e islanan por habri caminda pa solucionnan practico, pagabel y efectivo, especialmente den un momento cu e cantidad di sushi ta aumentando y e capacidad di nan dump ta bira un preocupacion pa futuro. Durante e reunion na Selikor, cu a conta cu presencia di Prome Minister Mike Eman y Director interino di Selibon di Boneiro Edsel Winklaar, a intercambia idea tocante e posibilidad pa uni esfuerso y aprovecha e capacidadnan disponibel riba cada isla. Kook a splica cu den pasado cada isla tabata enfoca principalmente riba

su propio reto den maneho di sushi. Sin embargo, e conversacionnan reciente a mustra cu e tres islanan ta enfrenta problema similar y cu ningun di nan ainda no a haya un solucion definitivo. Segun e director, ora e islanan uni nan conocemento, experiencia y e recursonan, e posibilidad pa yega na solucionnan concreto ta bira mas na alcanse. Corsou ta enfrenta aumento grandi den cantidad di sushi Durante e entrevista, Kook a splica cu Corsou ta produci un cantidad mas grandi di sushi compara cu Aruba y Boneiro. Sin embargo, Corsou su situacion actual ta diferente for di e otro dos islanan, particularmente den e capacidad di nan dump. Mientras cu na Aruba y Boneiro e dumpnan practicamente ta yen, Corsou ainda tin aproximadamente

dies aña di capacidad disponibel. No obstante, e director di Selikor a expresa preocupacion tocante e aumento rapido den cantidad di sushi cu Corsou ta produci. E crecimento economico, desaroyo di turismo y aumento den cantidad di cruceronan cu ta bishita e isla ta contribuyendo na un volumen cada bes mas grandi di desperdicio cu mester ser procesa. E situacion aki ta pone Corsou dilanti di e necesidad pa anticipa y busca solucionnan prome cu e capacidad actual di dump yega na su limite. Colaboracion regional pa solucion practico y pagabel Kook a enfatisa cu e reunion a crea un oportunidad pa e tres islanan explora solucionnan hunto, en bes di cada isla sigui busca alternativa individualmente. Un di e metanan ta pa desaroya propuestanan concreto cu por ser presenta na e gobiernonan concerni, tomando na cuenta e posibilidad pa establece of comparti facilidadnan di procesamiento di sushi cu ta economicamente viabel. E director a indica cu e solucionnan mester ta practico, efectivo y pagabel, di manera cu e tres islanan por beneficia di nan. Segun Kook, e colaboracion aki ta permiti pa considera e necesidadnan actual di

cada isla, pero tambe pa prepara pa e retonan cu lo presenta den futuro. Busca solucion prome cu e problema bira mas grandi Pa Selikor, e prioridad ta pa no warda te ora cu e dump di Corsou yega na su limite pa cuminsa busca solucionnan. E experiencia di Aruba y Boneiro, caminda e capacidad di dump ta practicamente agota, ta demonstra e importancia di anticipa y planifica pa futuro. Kook ta considera cu e tres islanan tin oportunidad pa traha hunto desde awor, identifica e facilidadnan necesario y busca un

modelo di colaboracion cu por atende e necesidadnan di cada isla. E reunion na Corsou ta forma parti di e esfuersonan pa fortalece colaboracion entre Aruba, Corsou y Boneiro, cu e meta pa desaroya un acercamento regional den maneho di sushi. Pa e director di Selikor, e resultado mas importante di e encuentro ta e disposicion di e tres islanan pa uni nan esfuersonan y busca solucionnan cu ta practico, pagabel y efectivo, sin warda cu e problema di sushi bira mas grandi den futuro.

P 14

DIASABRA 10 DI OCTOBER 2026

Prome Minister Mike Eman na Summit Caribeño:

Crecemento economico mester traduci den bienestar pa tur ciudadano

Durante su discurso na Caribbean United in Excellence Summit na Corsou, Prome Minister di Aruba, Mike Eman, a haci un yamada na lidernan di e region Caribeño pa reflexiona riba nan modelonan economico y politico, cu e meta di garantisa cu crecemento economico y prosperidad ta traduci den un miho calidad di bida pa tur ciudadano. E summit, organisa bou di liderazgo di Prome Minister di Corsou, Gilmar Pisas, ta reuni lidernan di diferente pais Caribeño pa dialoga tocante cooperacion regional, inversion, turismo, conectividad digital y oportunidad pa desaroyo economico. Entre e lidernan presente tabata Prome Minister di Jamaica, Andrew Holness, y Vice-president di Surinam, Gregory Rusland. Durante su discurso, Prome Minister Eman a destaca cu, maske e paisnan Caribeño ta registra crecemento economico significativo, esaki no ta nifica automaticamente cu tur ciudadano ta beneficia di e prosperidad aki.

Crecemento economico di Aruba no ta refleha suficientemente den bienestar di pueblo Pa ilustra su mensahe, Prome Minister Eman a comparti e experiencia di Aruba, caminda e economia a registra un crecemento considerabel durante e ultimo 15 aña. Segun e cifranan cu el a presenta, Producto Interno Bruto (PIB) di Aruba a aumenta di aproximadamente Afl. 4 biyon pa mas di Afl. 7 biyon. Na mes momento, e ingreso pa camber disponibel den sector turistico, conoci como Revenue per Available Room (RevPAR), a aumenta di USD 135 pa mas di USD 300 pa anochi. Sinembargo, Prome Minister Eman a destaca cu e cifranan positivo aki no ta necesariamente refleha e realidad cu hopi famia Arubiano ta enfrenta diariamente. El a haci referencia na su bishitanan semanal den e barionan di Aruba, cu e ta realisa practicamente tur diahuebs, caminda e ta observa cu e prosperidad economico no ta yega na tur ciudadano den mesun proporcion. A pesar di e

crecemento di turismo, inversionnan y desaroyo di construccion, ainda tin famianan y comunidadnan cu no ta sinti e beneficio di e progreso economico aki. E realidad aki, segun Prome Minister, ta demonstra cu tin un desconexion entre e cifranan economico positivo y e bienestar real di pueblo. Den e contexto aki, Eman a invita su coleganan Caribeño pa haci un reflexion fundamental: pa ken e oportunidadnan ta ser crea, pa ken e crecemento economico ta tuma luga y ken realmente ta beneficia di e prosperidad? Un yamada pa reconsidera e modelonan economico Prome Minister Eman a enfatisa cu e region Caribeño tin potencial pa sigui amplia su economia, atrae mas turista, stimula inversionnan y desaroya sector economico nobo. Sinembargo, el a adverti cu si e crecemento aki no ta traduci den bienestar pa ciudadano, e paisnan lo

ta perde un oportunidad importante pa logra e berdadero proposito di desaroyo. Segun Eman, ta necesario pa reconsidera e modelonan economico y e manera cu sociedad ta organisa, pa garantisa cu prosperidad no ta keda limita na un parti di e poblacion. Un di e ehempelnan cu el a menciona ta e esfuerso actual di Gobierno di Aruba pa aumenta salario minimo te na nivel di subsistencia. Eman a destaca cu e iniciativa aki ta enfrenta resistencia, pero cu ta importante pa reconoce cu e prosperidad di un pais ta resultado di e contribucion y trabou di tur su ciudadanonan. Pa e motibo aki, el a enfatisa necesidad di un compromiso colectivo pa garantisa cu progreso economico ta keda comparti y cu e beneficio di prosperidad ta yega na tur bario y tur hogar. Bon comun “Common Good” como fundamento

di cooperacion Caribeño Un di e temanan central di e discurso di Prome Minister Eman tabata e concepto di e Bon Comun “Common Good”, cu segun Eman mester ocupa un posicion central den e cooperacion entre paisnan Caribeño. Eman a destaca cu cooperacion regional no mester limita su mes na inversion, comercio y conectividad, sino cu tambe mester conecta prosperidad economico cu bienestar social. Den su discurso, el a haci referencia na e importancia di dignidad humano, solidaridad y responsabilidad colectivo como e balornan fundamental pa un sociedad cu ta progresa. E concepto di bienestar comun, segun Prome Minister, ta bay mas leu cu interes individual of exito economico di un solo pais. E ta representa e responsabilidad comparti CONTINUA PAG. 15

P 15

DIASABRA 10 DI OCTOBER 2026

CONTINUACION PAG. 14 pa crea un miho futuro pa tur ciudadano. Eman a relaciona e vision aki cu e literatura Caribeño, particularmente cu e novela Dubbelspel di escritor yiu di Corsou, Frank Martinus Arion. Den e novela, cuater homber ta reuni rond di un mesa di domino, pero nan diferencia, rivalidad y falta di confiansa ta conduci na un desenlace tragico. Prome Minister Eman a uza e historia aki como un metafora pa e relacion entre paisnan Caribeño, cu a pesar di nan diferencia y competencia economico, tin oportunidad pa scoge cooperacion y solidaridad como fundamento pa nan futuro. Eman ta reconoce humanidad y solidaridad di Prome Minister Gilmar Pisas Un di e momentonan mas personal di e discurso tabata ora cu Prome Minister Eman a expresa publicamente su aprecio pa Prome Minister Gilmar Pisas. Eman a comparti un experiencia di algun aña pasa, ora cu un amigo comun y miembro di Parlamento Melvin Tromp den feliz memoria a fayece na Aruba. Segun Eman, Prome Minister Pisas a biaha pa Aruba pa acompaña nan durante e despedida

di e amigo aki. Loke inicialmente tabata wordo considera como un bishita protocolario, a resulta den un gesto profundo di solidaridad. Pisas a acompaña nan durante e servicio religioso, posteriormente na cas di e famia, na cas di partido y finalmente durante e ultimo despedida. Prome Minister Eman a destaca cu, a pesar di diferencia den ideologia politico, e gesto aki a demonstra e importancia di humanidad, respeto y solidaridad entre hende. El a expresa cu e balornan aki ta traspasa diferencia politico y ta forma parti di e fundamento moral necesario pa construi un sociedad cu ta ofrece un miho calidad di bida pa tur ciudadano. E experiencia aki, segun Eman, ta ilustra e significado di bienestar comun: e capacidad di mira necesidadnan di otro, compronde nan desafionan y actua cu solidaridad. Competencia regional mester bay man den man cu cooperacion Durante su discurso, Prome Minister Eman tambe a reflexiona riba

e relacion historico entre Aruba y Corsou. El a recorda cu ambos isla a competi den pasado den industria petrolero, caminda cada uno a conta cu un di e refinerianan mas grandi di mundo. Awendia, ambos pais ta sigui competi den sector turistico, un industria cu ta representa un motor economico importante pa nan desaroyo. Sinembargo, Eman a enfatisa cu competencia no mester impedi cooperacion. Al contrario, e paisnan Caribeño mester identifica un proposito comun cu ta permiti nan comparti conocemento, fortalece nan economia y crea oportunidadnan cu realmente ta beneficia nan pueblo. Den e sentido aki, bienestar comun mester bira e principio cu ta uni e region, independientemente di diferencia politico, economico of cultural. Felicitacion na Corsou y Sint Maarten pa 16 aña di autonomia Durante su discurso, Prome Minister Eman tambe a extende su felicitacion na pueblo di

Corsou y Sint Maarten den cuadro di conmemoracion di 16 aña di nan status autonomo den Reino Hulandes, cu ta celebra dia 10 di october. El a destaca cu Aruba, cu a obtene su Status Aparte na 1986, ta compronde e importancia historico di autonomia y e responsabilidad cu ta acompaña autogobernacion. Segun Eman, autonomia no ta solamente un logro constitucional, sino tambe un compromiso pa garantisa cu libertad y responsabilidad politico ta traduci den dignidad, oportunidad y bienestar pa pueblo. Un futuro Caribeño cu bienestar di pueblo como prioridad Na final di su discurso, Prome Minister Eman a regresa na e metafora di e mesa di domino di Frank Martinus Arion. El a destaca cu Prome Minister Pisas a logra reuni e lidernan di diferente pais rond di un mesa Caribeño, caminda cada uno tin su propio interes, fortalesa y ambicion. E desafio, segun Eman, ta pa transforma

e encuentro aki den un oportunidad pa identifica un proposito comun cu ta mas grandi cu e interes individual di cada pais. Cu su mensahe, Prome Minister Eman a pone enfasis riba necesidad di conecta crecemento economico cu progreso social, oportunidad cu igualdad y prosperidad cu bienestar. E participacion di Aruba na Caribbean United in Excellence Summit ta forma parti di e dialogo regional pa fortalece cooperacion entre paisnan Caribeño, cu e bienestar di ciudadano como un di e prioridadnan fundamental pa futuro di e region.

P 16

SUDOKU

DIASABRA 10 DI OCTOBER 2026