Diasabra augustus 29 2026 by Solo DI Pueblo

DIASABRA 29 AUGUSTUS 2026

29 AUGUSTUS 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

O C A R T A

RIBA TAXISTA DI 60+ NA CUMANA, NAN A DAL E CU CABO DI REVOLVER KAP SU CABES TA HAYA ZURIEL CULPABEL DI MENAZA DI MORTO Y POSECION DI ARMA Fiscal a exigi 4 aña di prison y tratamento obligatorio pa Zuriel Celaire

DIASABRA 29 augustus 2026

Atraco riba taxista di 60+ na Cumana, nan a dal e cu cabo di revolver kap su cabes

Diabierna madruga a drenta informe di un caso di atraco arma cu hende herida na Cumana, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un atraco arma riba un taxista di riba 60 aña unda a dal e cu e cabo di e revolver riba su cabes y a kap e. Na yegada di e ambulans nan a atende e sangramento na cabes di e victima. Mientras e team di atraco a ser avisa y e team forensyco tambe pa gara

e evidencianan pa e caso aki y asina logra captura

e atracadornan aki lo mas pronto posibel.

DIASABRA 29 augustus 2026

Costo maximo pa credito di consumidor na Aruba desde 1 di augustus 2026 28 augustus 2026

Oranjestad, Aruba – Banco Central di Aruba (BCA), pa medio di e comunicado aki, ta recorda e publico cu articulo 5 di e Landsverordening regeling consumentenkrediet a drenta na vigor riba prome di augustus 2026. Articulo 5 y e Regulacion Ministerial di 29 di juli 2026 tocante compensacion maximo y costo di incasso en conexion cu credito di consumidor ta protege consumidor door di impone limite riba cierto costo cu por cobra riba e credito di consumidor. E cantidadnan maximo aki ta aplicabel pa credito di consumidor nobo y credito di consumidor existente cu por ta refinancia, restructura of prolonga despues di prome di augustus 2026. Kico esaki ta nifica pa bo persona como consumidor? Esaki ta nifica cu si bo persona cera un credito di consumidor, esta un prestamo, bo no por wordo cobra mas di e siguiente costonan maximo:

1. Interes y otro costo relaciona cu e prestamo (p.e. costo pa cera e credito) Bo no por haya un cobransa di mas di 25% pa aña. Esaki ta calcula manera e costo total di interes y e costonan relaciona manera un porcentahe di e suma total di e credito di consumidor. 2. Costo di tardansa di pago Si bo persona cay atras pa loke ta cumplimento di pago, bo no por wordo cobra mas di 2% pa luna. E porcentahe aki ta calcula a base di e cantidad di pago cu falta. 3. Pago trempan Si bo persona dicidi di paga e prestamo den un solo biaha of haci un adelanto parcial di e pago, bo no por wordo cobra mas di 7.5% di e suma paga adelanta. 4. Gasto di incasso extrahudicial Si bo cuenta bay incasso, bo no por wordo cobra

Pa un comunidad harmonioso, un doño di mascota responsabel alabes!

mas cu e montante permiti segun e tarifa di likidacion aplica pa Corte Comun di Husticia di Aruba, Corsou, Sint Maarten, Boneiro, Sint Estatius y Saba.* * E montante aki ta basa riba 1½ punto di e tarifa di likidacion pa procedimento di e caso den Corte di Prome Instancia y ta depende di e suma principal di e reclamacion. E costonan aki ta inclui, entre otro, costo di recordatorio, costo di notificacion y costo administrativo.

Ta conseha e consumidornan pa tuma nota di e costonan maximo aki, ora nan ta cera un credito di consumidor. Ademas, BCA lo ta responsabel pa supervisa e cumplimento di e Landsverordening regeling consumentenkrediet, na momento cu esaki drenta na vigor completamente. Ta premira cu esaki lo drenta na vigor desde prome di januari 2027.

DIASABRA 29 augustus 2026

Noticia di Corte

Ta haya Zuriel culpabel di menaza di morto y posecion di arma -1Fiscal a exigi 4 aña di prison y tratamento obligatorio pa Zuriel Celaire

ORANJESTAD – Awe mainta den Corte, Hues a sigui cu tratamento di e caso penal contra Zuriel Celaire (23). E caso a keda pospone dia 5 di Juni 2026 pa Reclasering traha un raport. SOLO DI PUEBLO por a compronde cu Fiscal a aproba e plan di Reclasering pa cu tratamento di Zuriel. E plan ta encarga cu Zuriel ta haya tratamento bou condicion pisa, esta banchi di enkel y toque de keda anochi na cas. Fiscal a exigi 4 aña di prison y tratamento obligatorio y cu banchi electronico na enkel. E acusacionnan contra Zuriel ta: di intento di maltrato severo, menaza cu morto y posecion di arma di candela den e periodo di 9 April 2025 y 27 September 2025. Tambe e ta wordo acusa cu riba e anochi di 9 pa10 April 2025, a choca e homber D.L. y dal’e cu arma na cabez. E mesun dia a menaza e homber D.L. cu arma. Tambe cu Zuriel a menaza un otro persona cu arma. Tambe cu riba 27 September 2025, Zuriel a menaza e ruman muher di D.L, via whatsapp. Dia 5 Juni 2026, Hues a pospone e caso riba peticion di Fiscal, pa Reclasering haci un investigacion pa mira con lo bay haci tratamento TBS na Hulanda. CONDICIONNAN PISA PA ZURIEL Ta asina cu 5 Juni 2026, psycologo den Corte a mustra cu Zuriel no kier coopera pero e ta haya cu mester atrobe ordena pa Zuriel haya TBS. Fiscal a pidi conseho di Reclasering. Ayera un miembro di Reclasering a mustra cu e risico ta grandi cu Zuriel lo bolbe cay den mal caminda. Reclasering ta haya cu Zuriel mester haya tratamento psycologico, tambe trata su adiccion y cu Zuriel mester cana cu e banchi electronico na su enkel pa asina sa tur ora unda e ta. Reclasering ta haya cu por haci e tratamento

obligatorio (TBS) na Aruba pero cu condicionnan mas pisa. A splica Hues cu anterior cu tabata guia Zuriel, no por sa kico Zuriel ta haci anochi. Reclasering ta haya cu e banchi electronico y nochi di keda na cas, lo por tin mas control. MESTER BISTI BANCHI NA ENKEL Ta asina cu na Juni 2026, Ministerio Publico a introduci e banchi electronico na enkel. Reclasering a mustra cu Zuriel a bisa cu e no kier haya psycologo B. y tampoco psycologo d C. pasobra e no ta confia nan. Hues a hala atencion di Zuriel cu awor ta bin un psycologo y Zuriel mester sigui indicacionnan sino lo bin e TBS. Segun Zuriel e no tin problema cu esey. Reclasering a mustra cu e banchi di enkel mester ta henter dia y kier pa Zuriel bisiti esaki durante di 9 luna, cu ta e periodo piloto stipula pa Ministerio Publico. FISCAL Fiscal a bisa Hues cu e ta haya Zuriel culpabel di tur e acusacionnan. El a mustra cu 18 September 2025 tabatin tiramento riba auto di Zuriel door di rumannan D.L. y J.L. E dos rumannan a wordo condena y nan a haci denuncia contra Zuriel di menaza, maltrato. E anochi di 9-10 April 2025 segun D.L., a bay banda di EPB San Nicolas pa topa cu Zuriel pa un asunto droga. El a bay cu su amigo Zulu. Na e lugar, D.L. a baha y bay den e auto caminda Zuriel tabata. Den auto hunto cu Zuriel, D.L. a wordo maltrata door di un hende cara tapa sinta patras den e auto. E homber a dal D.L. cu e pistool na cu cabez y cara. Zuriel a bisa D.L. cu su ruman J.L. a faya y awor e tin cu paga. Zulu a baha for di auto y core bay. Despues di esaki, e rumannan L. a bay tira riba e auto den cual Zuriel tabata. Fiscal a bisa Hues cu e ta kere e declaracion di D.L. El a bisa cu e no ta haya proba intento di maltrato severo pero si e

menaza di morto. E ta haya cu ta Zuriel a pasa e homber den auto e arma. Fiscal a mustra cu investigacion cu Polis a haci den cellular di Zuriel, a haya potretnan di armanan di candela y Zuriel cu arma den man. E potretnan ta saca na 2025 y expertonan di Polis ta mustra cu ta armanan di candela real. Fiscal a mustra cu Zuriel a bisa cu ta potretnan AI cu el a haci pa asina mustra otronan cu e tin arma. Fiscal a bisa cu e no ta kere Zuriel, pasobra Zuriel no por a splica con el a haci e potretnan. Fiscal tambe ta haya proba cu Zuriel a manda mesahe di menaza pa ruman muher di D.L. riba 27 September 2025.

TRATAMENTO OBLIGATORIO Fiscal a mustra cu Zuriel ta culpabel di casonan serio. Na opinion di Fiscal, Zuriel ta blo desmenti tur cos y no ta tuma responsabilidad pa su hechonan. El a mustra cu anterior Zuriel a wordo condena pa casonan similar. Fiscal a bisa cu e pregunta ta, kico mester pasa cu Zuriel pa evita cu ta bolbe haci mesun cos. El a mustra cu apesar cu Zuriel tabata nenga di coopera, psycologo y Reclasering a logra traha un raport riba Zuriel. Fiscal ta haya cu Zuriel mester haya trat amento obligatorio y sino TBS. El a splica cu ta hopi dificil pa por manda hende Hulanda pa tratamento obligatorio den clinica. Door cu Zuriel no kier coopera, no por manda Zuriel Hulanda. Ademas si Zuriel bay Hulanda, e lo bin Aruba bek. Fiscal ta haya cu mester atende cu Zuriel na Aruba mes. El a mustra cu Reclasering a bin cu conseho caminda bou condicionnan pisa y cu banchi na enkel, Zuriel lo por haya tratamento. Psycologo y Reclasering ta haya cu e risico ta grandi cu Zuriel ta bolbe cay den e mal caminda. Continuacion pag.6

DIASABRA 29 augustus 2026

PARLAMENTARIO XIOMARA MADURO:

“CONTROL TA CUMINSA NA CAS” por cuestiona decisionnan di Gobierno. Dia 10 di juli, LAR a emiti su conseho den e caso relaciona cu e biahe oficial di Minister Gerlien Croes den avion priva. Awe ta 28 di augustus y nada cu e mandatario ta brinda claridad den e caso conoci como Jetlien. E Minister no ta respeta e control di LAR. Ainda Minister no a duna e transparencia cu e caso aki ta exigi. Ainda Parlamento no a haya e claridad cu ta pidi. Ainda Pueblo no a mira e pruebanan relaciona cu e pago di e biahe.

Minister kier control di HOFA Parlamentario Xiomara Maduro ta cuestiona Minister Gerlien Croes, kende kier convence Pueblo cu mas control via HOFA ta necesario pa maneha finansa publico, mientras cu e mes no ta mustra respet pa e instancianan di control cu ya tin na Aruba

ora bo percura pa nos mesun instancianan, manera Parlamento, Algemene Rekenkamer y LAR, ta fuerte, independiente y por haci nan trabou,” e Parlamentario a expresa.

Minister no ta respeta control Na Aruba tin control “Control no ta solamente crea mas regla, mas instancia of laga otro controla nos. Control ta

LAR ta un di e instancianan cu ta yuda tene e balansa den gobernacion. E ta existi pa percura cu Gobierno y minister ta actua conforme ley, y cu ciudadano

Nos ta tende e mesun Minister papia di control, disciplina y e necesidad di introduci HOFA pa controla finansa publico. Pa Parlamentario Xiomara Maduro, e pregunta ta simpel: Con bo por pidi mas control di afo, mientras bo no ta respeta y fortalece e

mecanismonan di control cu nos mes tin na Aruba?

Si Minister Croes ta kere den bon gobernacion, e mester cuminsa mustra esaki na practica: respeta LAR su conseho, duna cuenta na Parlamento y comparti cu Pueblo e informacion cu ta wordo pidi. Bon gobernacion no ta un slogan Transparencia no ta algo cu bo aplica solamente ora e ta conveniente. Y control no ta algo cu bo por bende na Pueblo, mientras bo ta ignora e instancianan cu ta existi pa controla Gobierno. “Control ta cuminsa na cas. Fortalece nos institucionnan. Respeta nan trabou. Duna Parlamento cuenta, y bisa Pueblo e berdad,” ta e mensahe cu Parlamentario Xiomara Maduro kier enfatisa.

DIASABRA 29 augustus 2026

Ta haya Zuriel culpabel di menaza di morto y posecion di arma -2Fiscal a exigi 4 aña di prison y tratamento obligatorio pa Zuriel Celaire

EXIGI 4 AÑA DI PRISON Y TRATAMENTO Fiscal ta aproba e proposicion di tratamento obligatorio na Aruba mes cu condicionnan pisa. Fiscal ta haya cu Zuriel mester haya castigo di prison tambe. El a exigi 4 aña di prison y despues ta sigui cu e tratamento. Por a mira cu Zuriel tabata sacudi cabez cu e no ta di acuerdo. El a hasta cuminsa yora.

ABOGADO Abogado mr. S.Tromp hunto cu mr. J.Tromp a bisa Hues cu nan no ta haya cu tin prueba contra Zuriel. Segun e abogadonan, Zuriel a bisa cu ta e rumannan L. a traha un plan pa Zuriel ta sera den KIA pa asina por tuma represaya contra dje. E abogadonan ta haya cu e homber D.L. ta gaña cu el a topa cu Zuriel pa un deal di marihuana. Zuriel ta desmenti esaki

total. No tin ningun prueba. E abogadonan ta haya cu e declaracion di Zulu, e amigo di D.L., no ta confiabel. Nan a remarca tambe cu e declaracion di e mama di D.L., kende a bisa cu el a mira rascanan riba cara di su yiu, no ta confiabel. Na opinion di e abogadonan, e stem di mensahe cu a wordo manda pa e ruman muher di D.L., no ta Zuriel y no por wordo usa como prueba. Nan ta haya cu no tin suficiente prueba. Segun e abogadonan, e pruebanan cu Fiscal ta presenta, no ta sostene otro. E abogadonan a bisa tambe cu no tin prueba cu Zuriel ta complice di e maltrato di D.L. den e auto di Zuriel. Segun e abogadonan, Zuriel no tabata sa cu e persona patras den auto tabatin arma. E abogadonan ta haya cu mester declara Zuriel liber.

fake. Ta via computer el a traha esakinan. Nan ta haya cu sin un investigacion fisico, no por bisa cu e armanan ta real.

Tambe e abogadonan ta haya cu no tin suficiente prueba cu Zuriel tabata den posecion di arma. E potretnan di arma den su cellular ta

Hues a sera tratamento di e caso y a bisa cu dia 18 September 2026 lo tin sentencia.

Hues a remarca cu segun e ley di arma, si tin algo parecido na un arma cu por wordo usa pa spanta y amenaza, e ta wordo considera como un arma. E abogadonan no ta haya cu mester pone Zuriel bou TBS. Nan ta haya e castigo exigi pa Fiscal demasiado halto y mas ainda pa pone banchi di enkel. Nan no ta di acuerdo pa pone e orario cu entre 6 pm y 6 am Zuriel mester ta na cas. Tambe nan ta contra pa Zuriel bisti e banchi na enkel pa 9 luna largo. Nan a bisa Hues cu lo ta mihor cu despues 1 luna lo mester evalua e uso di banchi di enkel.

Tur hende ta influensiabel. Abo tambe! Eksplotashon kriminal por kuminsá ku algu ku ta parse hopi inosente. Un hende por hasi uso di loke bo ta deseá, no tin òf loke bo tin mester. Tur hende ta influensiabel. Esun ku sa pa kiko e ta sensitivo por rekonosé mas lihé ora un hende ta purba hasi mal uso di esei. For di Gara 1.0 ta un akshon di konsientisashon pa alumno di Scholengemeenschap Bonaire (SGB) i a tuma lugá djabierne 21 di ougùstùs 2026. A pone mas ku 600 hóben pensa tokante influensia i eksplotashon kriminal. Despues di e akshon, dos eksperto di eksperensia i partnernan den kadena a repartí flayer riba tereno di skol. Nan a papia tambe ku e alumnonan tokante e tema i kiko hóben por hasi ora algu no ta sinti bon.

Papia tokante esaki na kas tambe: kiko bo ta sensitivo pe, ki ora algu no ta sinti bon i serka ken bo por bai? Bo ta preokupá? Papia ku un hende ku bo ta konfia. Pa yudansa bo por yama Ofisina di yudansa pa víktima (Bureau Slachtofferhulp)

na 717 6181. Bo por hasi un notifikashon anónimo na KPCN riba number di telefòn 9310. Den kaso di peliger yama 911.

For di Gara 1.0 ta parti di e

programa anual di Trafikashoni kontrabanda di hende di Ministerio di Hustisia i Seguridat, RIECCN, IND, JICN, KPCN i SGB ta traha huntu pa esaki. Pa mas informashon, bishitá www. rijksdienstcn.com

DIASABRA 29 augustus 2026

MEP eist duidelijkheid over geheime verlenging ROPV:

“WAAROM MOET DE STATEN DIT UIT DE PERS VERNEMEN?” ORANJESTAD, 28 augustus 2026 – De MEP-fractie heeft schriftelijke vragen gesteld aan de minister van Infrastructuur, de heer Herdé, naar aanleiding van het besluit van de regering om de geldigheidsduur van het Ruimtelijk Ontwikkelingsplan met Voorschriften (ROPV) te verlengen tot 2029.

nieuw windmolenpark.

De MEP-fractie is met name kritisch over de wijze waarop dit besluit tot stand is gekomen en aan de Staten is gecommuniceerd. De Staten is hierover niet vooraf geïnformeerd en heeft pas via berichtgeving in de media kennisgenomen van het regeringsbesluit.

De fractie vraagt de minister onder meer welke overheidsdiensten over de verlenging hebben geadviseerd, waaronder de Directie Infrastructuur en Planning (DIP), DOW, de Directie Natuur en Milieu (DNM) en de Directie Wetgeving en Juridische Zaken (DWJZ). Ook wil de MEP weten of de minister van Economische Zaken hierover heeft geadviseerd.

“Dit is een belangrijke beleidsbeslissing voor de toekomst van Aruba. Het gaat over waar en hoe wij kunnen bouwen, over onze woningnood, economische ontwikkeling en onze energievoorziening. Dan kan het niet zo zijn dat de volksvertegenwoordiging dit achteraf uit de pers moet vernemen,” aldus Statenlid en MEP-fractievoorzitter Evelyn Wever-Croes. Van aangekondigde wijziging naar verlenging tot 2029 De kwestie is des te opmerkelijker omdat vanuit verschillende ministers van het huidige kabinet eerder aan de Staten is meegedeeld dat de ROPV zou worden aangepast. Daarbij werd onder meer verwezen naar de noodzaak om woningbouw mogelijk te maken, de economische diversificatie te faciliteren en ruimte te creëren voor nieuwe duurzame energieprojecten, waaronder een

De MEP-fractie wil daarom weten waarom de regering nu kiest voor verlenging van de bestaande regels tot 2029, terwijl tegelijkertijd verschillende knelpunten worden erkend die juist door aanpassing van de ROPV zouden moeten worden opgelost.

De MEP-fractie vraagt de minister om alle relevante adviezen, ambtelijke nota’s en onderliggende documenten aan de Staten beschikbaar te stellen.

van de aanvragen uit 2025 die nog steeds niet zijn behandeld.

Daarnaast wordt de minister gevraagd welke concrete maatregelen worden genomen om de achterstanden bij de DIP weg te werken en op welke termijn burgers duidelijkheid kunnen krijgen over hun aanvragen.

Wat gebeurt er met de woningnood? De verlenging van de ROPV roept volgens de MEP ook fundamentele vragen op over de aanpak van de woningnood. Aruba kampt met een ernstige schaarste aan woningen én aan beschikbare erfpachtterreinen waarop woningen kunnen worden gebouwd.

De MEP vraagt daarom hoeveel verzoeken voor erfpachtterreinen vanaf 2025 zijn ingediend, hoeveel daarvan inmiddels zijn behandeld en hoeveel nog openstaan. Tevens wordt gevraagd om een overzicht

Integriteit en transparantie

Omdat de uitgifte van schaarse overheidsgrond grote maatschappelijke en financiële belangen raakt, vraagt de MEPfractie tevens welke maatregelen de minister neemt om integriteit en transparantie binnen haar ministerie en de betrokken diensten te waarborgen.

De fractie wil weten welke lessen zijn getrokken uit eerdere integriteits- en corruptiekwesties

rond overheidsgrond en ruimtelijke ontwikkeling, waaronder de zaak rond voormalig minister Benny Sevinger, en welke concrete waarborgen vandaag bestaan om belangenverstrengeling en bevoordeling te voorkomen.

“De ROPV gaat over de toekomst van Aruba en over het gebruik van onze schaarse ruimte. Daar horen transparantie, een duidelijke planning en parlementaire controle bij. De Staten moet niet voor voldongen feiten worden geplaatst en zeker niet via de media moeten ontdekken welke keuzes de regering heeft gemaakt,” aldus Wever-Croes.

De MEP-fractie verwacht van de minister volledige openheid over de totstandkoming van het besluit en de onderliggende adviezen en vraagt tevens om een concrete planning voor de verdere behandeling en eventuele herziening van de ROPV.

DIASABRA 29 augustus 2026

Ploegnan a uni forsa pa adelanta trabou di limpiesa den cuadro di Cuida Aruba

Publico (DOW) y Serlimar a uni forsa pa adelanta trabou den varios area y banda di camindanan principal. E accion ta forma parti di e esfuerso nacional pa Cuida Aruba, cu ta busca no solamente atende desperdicio, sino tambe crea un movimento mas amplio di cuido y responsabilidad pa nos espacionan publico.

Den preparacion pa e Dia Nacional pa Cuida Aruba di mañan diasabra 29 di augustus, trabounan di limpiesa ya a cuminsa

den diferente parti di isla. Durante awe diamars, ploegnan di Bureau City Inspector (BCI), Departamento di Obra

Durante e accion di awe, trabou a tuma luga na un total di 13 localidad: Maria Maai, Siribana, area di Super Food, Palm Beach, Rooi Prikichi, Koeriboeri, Ayo, highway di Seroe Teishi pa DriveIn, highway di Mahuma pa Seroe Teishi, San Fuego pa Jamanota, Weg Kustbatterij, Rooi Brazil Brian y Sero Biento. Cada localidad tabata conta cu supervision di un opzichter di DOW, BCI of Serlimar, como parti

di e coordinacion entre e diferente instancianan. Na Siribana, Mirella Landscaping a forma parti di e ploeg cu a sigui cu trabounan di limpiesa den e area. Den Ayo/ Santa Lucia, Ploeg Tavares tambe a pone man na obra, mientras cu otro ploegnan a sigui atende e diferente localidadnan programa. Na Seroe Teishi tambe por a mira e trabou den accion, particularmente banda di caminda, como parti di e preparacionnan cu ta tumando luga prome cu e accion nacional. E movemento cu ya ta visibel den diferente parti di Aruba ta ilustra e meta mas amplio di Cuida Aruba: uni capacidad y esfuerso di diferente instancia pa atende nos medio ambiente y mantene e isla limpi. Prome Minister Mike Eman ta considera e

cooperacion aki un parti importante di e cultura cu Gobierno kier sigui stimula rond di Cuida Aruba: cu cuido pa nos isla no ta limita na un solo dia, sino mester bira un responsabilidad comparti y continuo. E trabounan di awe ta sirbi como adelanto pa e Dia Nacional pa Cuida Aruba di mañan, diasabra 29 di augustus, ora e esfuerso lo sigui na escala nacional cu diferente punto di deposito disponibel pa comunidad. Pa mas informacion di localidad nan di desperdicio, por subi riba e website: Cuidaaruba.com Gobierno ta gradici e diferente ploegnan y instancianan cu ta poniendo man na obra y ta invita comunidad pa sigui contribui na e meta comun: un Aruba mas limpi, cuida y agradabel pa nos tur.

DIASABRA 29 DI AUGUSTUS 2026

“CON TA POSIBEL PA PARLAMENTO TA TENDE DI EXTENSION DI ROPV VIA PRENSA?” ORANJESTAD - Fraccion di MEP a haci pregunta por escrito na e Minister di Infrastructura, Sr. Herdé, tocante e decision di Gobierno pa extende e ROPV te 2029. Pa MEP, e manera con e decision a wordo tuma ta genera preocupacion serio. Parlamento di Aruba no a wordo informa prome y a haya sa di e decision via prensa. E decision ta trata un asunto cu tin impacto directo riba e futuro di Aruba: vivienda, disponibilidad di tereno, desaroyo economico, diversificacion di nos economia y energia sostenible. “Con ta posibel cu un decision asina importante ta wordo tuma sin informa Parlamento? Parlamento ta e representante di pueblo. E pueblo tin derecho di sa con y pakico Gobierno ta tuma decisionnan cu ta determina con nos ta uza e espacio limita di Aruba,” lider di fraccion di MEP Evelyn Wever-Croes a declara. Promesa di gobierno tabata: adapta ROPV. Awor ta extension te 2029. E situacion ta bira ainda mas preocupante pasobra varios Minister anteriormente a informa e Parlamento cu ROPV mester wordo adapta. E necesidad pa modifica

ROPV tabata wordo relaciona, entre otro, cu:

siña nos cu esaki no ta un luho sino un necesidad.”

•⁠ ⁠e crisis di vivienda y falta di tereno pa construi cas;

“Nos no ta contra un bon decision. Nos ta contra un decision di gran impacto cu aparentemente a wordo tuma sin un debate transparente y cu Parlamento ta haya sa via prensa. Gobierno mester duna cuenta na Parlamento, no solamente despues cu un decision ya a wordo tuma.”

•⁠ ⁠e necesidad pa haci diversificacion economico posibel; •⁠ ⁠e desaroyo di energia sostenible; •⁠ ⁠y e posibilidad pa realisa un parke di molina di biento nobo. “Nos a tende di Gobierno cu ROPV mester wordo cambia pa por resolve precisamente e problema nan aki cu Aruba ta enfrenta. Awor, sin un debate publico of parlamentario, Gobierno ta extende e mesun regla nan te 2029. E pregunta ta simpel: con esaki ta compatibel cu e promesanan cu a wordo haci na Parlamento?” Ken a a conseha Gobierno? MEP ta pidi claridad tocante e proceso cu a conduci na e decision. E fraccion kier sa cual departamentonan y ministerionan a duna conseho tocante e extension, y a pidi copia di e consehonan. “Si e decision ta basa riba bon conseho tecnico y huridico, no tin ningun motibo pa tene esaki secreto. Nos ta pidi transparencia. Parlamento

mester por controla con un decision di tal importancia a wordo prepara y fundamenta.” Mientras tanto, e problema di vivienda ta crece Segun MEP, e extension di ROPV no por wordo mira separa di e crisis di vivienda y e escasez di tereno di erfpacht. E fraccion a pidi minister informacion tocante: Cuanto solicitud pa tereno di erfpacht pa vivienda a wordo entrega na 2025? Cuanto a wordo trata? Y cuanto ta ainda warda? MEP ta pidi specificamente un lista di e solicitudnan di 2025 cu te ainda no a wordo trata, incluyendo fecha di solicitud y e status actual di cada caso. Tambe a pidi pa e atraso existente na DIP y cua ta e medidanan concreto cu Gobierno ta tuma pa elimina e atraso. Integridad ta esencial Pa MEP, transparencia ta specialmente importante

ora ta trata di otorgamento di tereno publico, cambionan den ordenacion teritorial y decisionnan cu por tin impacto economico grandi. P’esey e fraccion ta puntra tambe cua medida e minister ta tuma pa garantisa integridad y evita conflicto di interes, faboritismo of corupcion den e procesonan. “Tereno publico ta propiedad di pueblo. Decisionnan tocante tereno no por wordo tuma den secreto. Nos mester tin reglanan cla, criterionan obhetivo y un proceso transparente y controlabel. E historia di Aruba a

MEP ta spera di e Minister di Infrastructura un contesta completo dentro di 3 siman, incluyendo e documentonan cu a fundamenta e decision, y un planning concreto tocante e futuro di ROPV. Aruba no por warda te 2029 pa resolve e problemanan cu nos ta enfrenta awe. E falta di tereno, diversificacion economico y transicion energetico ta problemanan urgente di awe. Gobierno mester mustra cual ta e solucion y cual ta e planning.”

P 10

DIASABRA 29 DI AUGUSTUS 2026

Certificacion Bureau Integriteit Aruba:

“Integridad no ta responsabilidad di un solo persona of instancia; ta un responsabilidad di tur den aparato gubernamental.”

Minister di Husticia mr. drs. Arthur Dowers a participa diahuebs atardi, na Kulture Cafe San Nicolas, na ceremonia di Bureau Integriteit Aruba (BIA), caminda diferente participante a ricibi nan certificacion despues di completa formacion pa aporta den funcionnan importante relaciona cu integridad den aparato gubernamental.

raporta riba asunto di integridad y brinda sosten durante e investigacionnan.

E formacionnan ta prepara empleado publico pa actua como Vertrouwenspersoon Integriteit (VPI) y Interne Onderzoeker (IO). Como persona di confiansa, nan funcion ta entre otro scucha, orienta y conseha colega den situacionnan relaciona cu posibel violacion di integridad. E investigador interno, na su turno, ta prepara pa haci investigacion independiente di echo,

Particularmente den caso di un persona di confiansa, Minister a señala cu confidencialidad ta fundamental. Un empleado cu acerca un persona di confiansa mester por haci esaki cu e siguridad cu informacion comparti lo ta maneha cu discrecion y conforme e reglanan aplicabel. Mantene e confiansa aki ta esencial pa credibilidad di henter e sistema.

Durante e ceremonia, Minister Dowers a felicita e participantenan cu a completa nan formacion, pero na mes momento a enfatisa e responsabilidad grandi cu ta acompaña e funcionnan cu nan ta asumi.

Minister Dowers a amplia e mensahe indicando cu integridad no ta algo cu por pone solamente den man di BIA, un director, un persona di confiansa of un investigador interno. Integridad ta un responsabilidad cu cada persona cu forma parti di aparato gubernamental mester carga. Mientras cu esnan den posicion di liderazgo tin un responsabilidad adicional pa crea e condicionnan corecto, cada empleado publico tin su propio deber pa actua corectamente y conforme regla y ley. Dowers a señala tambe

cu integridad ta hopi mas amplio cu solamente asunto financiero of posibel mal maneho di placa. E ta refleha den e manera cu empleado publico ta trata informacion confidencial, respeta privacidad di ciudadano, cumpli cu procedura y, fundamentalmente, brinda e servicio cu comunidad tin derecho di ricibi. Pa Minister Dowers, e certificacion ta no solamente un logro personal pa e participantenan, e ta un paso adicional den construccion di un aparato publico caminda profesionalismo,

responsabilidad, confidencialidad y respet ta forma parti integral di e manera di traha. Cu e profesionalnan cu awo ta prepara pa aporta den e funcionnan aki, Bureau Integriteit Aruba ta sigui fortalece su capacidad pa promove y sostene integridad den Gobierno di Aruba.

P 11

DIASABRA 29 DI AUGUSTUS 2026

JOHN VAN DER ZWAN Y DELEGACION NA ARUBA:

COOPERACION DEN REINO TA FORTALECE PREPARACION PA SITUACIONNAN DI CRISIS Prome Minister Mike Eman a ricibi na su kantoor delegacion cu a presenta relato di e trabou haci durante e ultimo periodo pa fortalece preparacion di Aruba pa enfrenta eventual situacionnan di crisis.

Durante su estadia, Van der Zwan a colabora estrechamente cu CMO y diferente profesional local, combinando experiencia for di Reino cu e conocemento y realidad local di Aruba.

E proceso aki a inicia den un momento cu tensionnan entre Venezuela y Merca tabata intensifica y Gobierno di Aruba a considera importante pa no laga ningun scenario haya nos sin preparacion. Den e cuadro ey, Prome Minister Eman a haci un peticion na Hulanda pa sostene Aruba cu experiencia y conocemento adicional den preparacion y maneho di crisis.

Durante e bishita cerca Prome Minister, John van der Zwan, Joke Vroegop y Johnson, un hoben profesional Arubiano cu ta traha pa BZK, a comparti cu Prome Minister un relato di e trabou haci y e recomendacionnan cu a resulta for di e proceso.

Hulanda a responde positivamente na e peticion y John van der Zwan a keda disponibel pa traha hunto cu Aruba.

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500

Segun Prome Minister Eman, Aruba ya tin un bon reputacion tanto den Reino como den region pa su nivel di preparacion y capacidad pa actua den situacionnan excepcional. Sinembargo, preparacion pa crisis ta un proceso cu nunca ta termina. “Nos por ta bon prepara, pero semper tin espacio pa mehora. E meta ta pa nos comunidad, nos institucionnan y nos profesionalnan ta prepara y entrena hunto, pa ora un situacion presenta, nada no sorprende nos,” Prome Minister a indica. Un aspecto importante den e siguiente fase

lo ta precisamente implementacion di e recomendacionnan cu Van der Zwan y su team a formula hunto cu e profesionalnan local. Gobierno lo sigui traha cu e diferente partnernan pa fortalece coordinacion, entrenamento y capacidad di reaccion di Aruba. Prome Minister Eman a expresa su gradecimento na John van der Zwan, na e profesionalnan local y na partnernan den Reino cu a haci e cooperacion aki posibel. Pa Gobierno, e trabou ta parti di un compromiso continuo pa mantene Aruba prepara: no solamente pa responde ora un crisis presenta,

sino principalmente pa anticipa, practica y

traha hunto prome cu e necesidad presenta.

P 12

DIASABRA 29 DI AUGUSTUS 2026

PROME MINISTER EMAN A RICIBI DELEGACION DI NATIONAAL SLAVERNIJMUSEUM NA BESTUURSKANTOOR Prome Minister Mike Eman a ricibi na Bestuurskantoor director/ bestuurder di Nationaal Slavernijmuseum, John Leerdam, hunto cu Franc Weerwind, anterior Minister di Rechtsbescherming y actualmente burgemeester di Terneuzen y presidente di Raad van Toezicht di e museo, y Ashley Chin, consehero di directiva. E delegacion ta na Aruba den cuadro di un bishita di trabou.

ta cu Nationaal Slavernijmuseum ta desaroya como un museo cu alcance pa henter Reino, den cooperacion cu partnernan, entre otro, den e parti Caribense di Reino. Segun e organisacion, e historia y conocemento presente den e islanan ta indispensabel, considerando cu un parti importante di e historia transatlantico di sclavitud a tuma lugar den Caribe y su impacto ainda ta perceptibel awe.

E encuentro ameno cu a brinda espacio pa intercambia idea tocante e desaroyo di Nationaal Slavernijmuseum y particularmente, e importancia di incorpora e historia, perspectiva y experiencia di Aruba y Caribe den e relato cu e museo kier conta.

Durante e encuentro, atencion special a bay pa e manera cu e museo por conecta di forma cuidadoso y significativo cu contexto Arubiano.

E museo tin como mision pa presenta e historia completo di pasado di sclavitud Hulandes den tur su dimensionnan. E vision ta cu un relato integral, cu diferente perspectiva, cu por contribui na reconocemento, comprension y un sociedad mas di igualdad den henter Reino. Un

aspecto

importante

Pa Prome Minister Eman, cu tin Cultura bou di su responsabilidad, a indica cu participacion di Aruba den e proceso ta importante pa percura cu nos propio historia, experiencia y perspectiva haya un luga adecuado den e relato mas amplio di Reino. E intercambio tocante posicionamento di e museo y su conexion cu Aruba tabata precisamente un di e metanan principal di e bishita. N a t i o n a a l Slavernijmuseum tin su

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

origen den un deseo cu pa hopi aña a biba den comunidadnan AfroCaribense pa logra mas reconocemento pa pasado di sclavitud. Na 2017, Gemeente Amsterdam y Ministerio Hulandes di Onderwijs, Cultuur en Wetenschap a inicia e proceso pa establece e museo. Despues di un

trayectoria amplio di participacion y dialogo den Reino y Surinam, e plan “Vertel het hele verhaal” a forma e base di contenido pa e museo. Stichting Nationaal Slavernijmuseum ta formalmente estableci desde 17 di april 2025. Prome

Minister

Eman

a aprecia e oportunidad pa conoce e delegacion y intercambia pensamento tocante e iniciativa. E encuentro ta forma parti di e dialogo necesario pa percura cu, den construccion di un relato comparti di pasado, bos y perspectiva di Aruba tambe ta haya e espacio cu nan merece.

P 13

DIASABRA 29 DI AUGUSTUS 2026

Directora di Bureau Integriteit Aruba, mr. Marielle Meaux:

BIA a fortalece su departamento di integridad cu profesionalnan nobo Bureau Integriteit Aruba (BIA) a marca un paso adicional den fortalecemento di integridad den aparato gubernamental cu certificacion di un grupo nobo di Ve r t r o u w e n s p e r s o o n Integriteit (VPI) y Interne Onderzoeker (IO). Durante e ceremonia na Kulture Cafe San Nicolas, den presencia di Minister di Husticia Arthur Dowers, e profesionalnan nobo a firma nan declaracion, confirmando e responsabilidad cu nan ta asumi banda di nan funcion regular como empleado publico. Directora di Bureau Integriteit Aruba, mr. Marielle Meaux, a splica cu e grupo nobo, BIA ta amplia e cantidad di persona disponibel dentro di Gobierno cu empleado publico por acerca ora nan tin un preocupacion, duda of situacion relaciona cu integridad. E Vertrouwenspersoon Integriteit ‘VPI’ ta funciona como un persona di confiansa cu por scucha y guia un empleado tocante e pasonan cu e por tuma. Un aspecto importante, segun Meaux, ta cu e VPInan ta traha den diferente servicio di Gobierno. Esaki ta duna empleado libertad

pa scoge cua persona di confiansa nan ta sinti mas comodo pa acerca. Na mes momento, e investigadornan interno ta forma parti di un pool di profesional cu por ta activa ora tin necesidad pa haci un investigacion dentro di un servicio gubernamental. Dependiendo di naturalesa di e caso, por busca e experiencia mas adecua, por ehempel den area social, financiero of IT. Meaux a enfatisa cu no tur situacion di integridad mester cuminsa como un caso grandi. Precisamente e disponibilidad di e VPI-

nan y investigadornan interno por yuda identifica y atende señalnan na tempo. Mas lihe un empleado por acerca un persona di confiansa, of mas lihe un situacion por investiga, mas oportunidad tin pa atende un problema prome cu e bira uno mas grandi. Ademas, un investigacion por revela oportunidad pa drecha sistema y proceduranan dentro di un servicio. Minister Dowers a conecta e desaroyo aki cu e responsabilidad comparti pa integridad

den Gobierno. Durante e ceremonia, el a enfatisa cu e profesionalnan certifica ta asumi un tarea cu ta exigi confidencialidad, obhetividad y responsabilidad, pero cu finalmente cada persona den e aparato gubernamental tin un rol den mantencion di un cultura integro. Meaux a felicita e VPInan y investigadornan interno nobo y a expresa su agradecimento tanto na nan como na esnan cu ya ta activo den e funcionnan aki. Cu ampliacion di e red, BIA

ta busca haci sosten riba integridad mas accesibel dentro di Gobierno y crea posibilidad pa actua mas tempran, preveni escalacion y sigui fortalece funcionamento di e servicionan publico.

P 14

DIASABRA 29 DI AUGUSTUS 2026

Motociclista su so cu su so a perde control y dal abao herida su mes riba E.J. “Watty” Vos Blvd.

Motociclista su so cu su so a perde control y dal abao herida su mes riba E.J. “Watty” Vos Blvd. Diahuebs atardi a drenta informe di un accidente cu hende herida riba E.J.”Watty” Vos Blvd., mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un motociclista

su so riba e motorcycle a perde control y a dal abao y

a resulta herida. Na yegada di e ambulans nan a atende

P 15

DIASABRA 29 DI AUGUSTUS 2026

FORTALEZA PA FAMIA. Scirbi pa Pastor Balootje.

CUIDA BO MATRIMONIO Y BO FAMIA Tempo ta scur y diabel ta loer,materialismo y inmoralidad, falta di respet, y violencia, ta destrui matrumonio y famia. Cada matrimonio y famia cu ricibi golpi ta un sla pa nos sociedad. Cada famia kibra ta subi gasto di asunto social, cada mucha cu stop di bay scol, ta un problema pa nos ensenansa cu mester produci muchanan cu a caba scol, pa sea nan bira empresario,profesional trahado.

E asunto di trata otro con cu ta den matrimonio, no tin ningun ganashi den dje, pasobra den divorcio of separacion ningun hende ta sali gana ,especialmente si tin yiunan envolvi. Y hopi biaha ora tin hasta separacion di bienes, tur dos persona ta sali perhudica, pasobra nan no ta bay hanja balor di nan sudor y esfuerso pa locual cu nan ta bende. Yuinan ta wordo separa for di nan mayornan, awor locual tabata liber tur momento, a bira cu abo como mayor tin cu traha afspraak ki dia bo por pasa waak, of ki dia bo yiu por pasa dia serca bo. Tin masha hopi areglo den esey, tin masha hopi tipo di palabracion, pero e curason ta sinti, e curason tin dolor , ora bo yiu no ta hunto cu bo den cas. Y esey ta e gran preocupacion.

Pa e sistema di mundo,pa maldad sigi aumenta, ta parce cu divorcio y separacion a bira algo normal, ta facil pa bo tende un mucha bisa cu su mama y su tata no ta hunto mas, y antes e cos ey tabata doloroso pa bo tende, pasobra mama y tata tabata respeta otro y tabata cuida locual cu nan tin pa no haci e muchanan dolor.

Malakias 2:16.

Awendia hende ta comete adulterio pa vengansa, por

Hende no sa e balor di algo te ora cu e perde.

ehempel e muhe a cay den adulterio, awor e homber tambe ta bay haci mesun cos of vice versa, pa demostra cu e ta paga malo, cu malo.

Efesionan 6:1-4 ta splica e conducta cu yiu y mayor mester tin den un hogar.

Bo tabata cu hopi mucha cu a cay sera, of a cay den man di polis, of ta cana riba caya den geng, no ta solamente nan falta, pero si bo bay, wak e background, cuanto cos nan a pasa aden , door cu nan mayor no a cuida e matrimonio y e famia. E asunto di laga matrimonio y famia bay for di man, por ehempel keda sin cria yiu, parandia y gasta placa di utilidad, cu a lo largo ta causa perdida di cas, y cu famia tin cu biba separa. E asunto aki tin trippel impacto, tanto riba e mayornan, e muchanan y nos sociedad. Nos tur mester lesa den nos Bijbel kico palabra di Dios ta bisa den: Genesis 2:24. Efesionan 5:22-33.

Mateo 5:27-30. Mateo 19:4-6. Tene cuenta cu droga, alcohol. Pornografia, adulterio, wega di placa, mal maneho financiero,mal conducta, mal amigo/amiga ,jaloersheid y manipulacion ta enemigo di matrimonio.

Bida di mayornan mester ta un ehempel y un testimonio

Oracion Di Dia

dilanti di nan yiunan.

di Dios.

Cristo Hesus ta cabes di Iglesia,E tata ta cabes di cas, y mama ta su ayudante, y muchanan mester obedece nan mayor .y nan tur mester Obedece Senjor.,

Tene cuenta cu bo famia, tene cuenta cu bo matrimonio, tene cuenta cu bo yiunan, y pone atencion y cuido den tur momento.

Tin un responsabilidad hopi grandi poni riba schouder di mayor. esey ta pa cuida nan hogar y cuida nan yiunan, pasobra yiunan ta un regalo

Pone bo famia y bo matrimonio den man di Senjor. Sinceramente, Pastor Marcel Balootje.

Un feliz dia fructifero cu hopi bendicion y gracia di Dios. Hesus ta bisa pa tene cuidou cu e doctornan di ley y e Fariseonan! Mateo 23, 23-26 Dios ta spera di nos pa nos tin un curason di amor y compasion pa nos prohimo, autentico no di apariencia. Loke ta conta pa Dios ta un curason limpi. Den e Evangelio di awe Hesus ta adverti nos firmemente contra hipocresia. E ta pidi nos pa nos no ta manera e fariseonan, kendenan tabata preocupa hopi cu e normanan externo, y ta laga un banda loke si ta mas importante di Ley: husticia, misericordia y fe. Hesus ta exigi pa nos ”limpia prome e parti paden di e copa”, pasobra e berdadero conversion ta cuminsa den curason. E limpiesa interior aki ta locual ta duna nos paz y firmesa cu San Pablo ta pidi nos den e prome lectura p’asina nos no laga ningun temor di mundo tambalia nos fe. Ora nos curason ta sano, nos por canta cu alegria mescos cu e Salmo 96: "Ban canta pa Señor, E ta rey di universo!” Oracion: Señor nos Dios, haci nos interior limpi di hipocresia. No laga nos biba djis di aparencia, ma laga nos practica amor y compasion cu nos prohimo. Concede nos un spirito firme pa mantene nos uni na Bo enseñansanan y haci di nos bida un canto di alabansa na Bo grandesa. Amen.

P 16

DIASABRA 29 DI AUGUSTUS 2026

KADENA DI BIDA

Sra. Richeline C. Joe a entrega 2 ehemplar di su buki ‘Kadena di bida’ na Biblioteca Nacional Aruba, diaranson ultimo. ‘Kadena di bida’ ta un coleccion di poema y cuenta cortico, basa riba suceso real den bida diario. Sra. Joe a entrega esakinan na bibliotecaria Gina Jie Sam Foek y pronto lo por fia e buki na biblioteca. Ademas e ta na benta na Plaza Bookshop. Tin tanto cos cu a pasa, ta pasando y lo pasa ainda den nos bida. E tantisimo sucesonan aki ta conopa na otro y ta forma un cadena. E cadena di nos bida! Cada cadena di bida ta unico. Labor y tur locual ta relata cu esey, ta forma un parti real di nos ‘cadena di bida’. Nos tin di haber cu famia, amistad,

conocir y persona cu ta djis pasahero den nos bida. Tur tin nan nificacion den nos bida. Cosnan cu ta pasa den mundo rond di nos y nos encuentro cu naturalesa, tambe ta un parti indispensabel den nos cadena di bida. E cadena di nos bida ta sigui forma su mes. Cada dia atrobe nos tin e oportunidad pa haci nos cadena di bida ainda mas bunita. Richeline C. Joe (’57) ta sicologo y alabes hurista. El a skirbi diferente cuenta cortico y tambe varios

poema. Den ‘Kadena di Bida’ sra. Richeline ta dibuta ofreciendo sucesonan di bida diario cu nos tur por reconoce. Sra. Richeline ta di Corsou y a bishita Aruba pa un presentacion special na Biblioteca Nacional Aruba. Gedichten en korte verhalen, gebaseerd op ware gebeurtenissen in het dagelijks leven. Drie centrale thema’s: werk, relaties en de wereld. 164 pagina. 2025 ISBN 9789066650572

SUDOKU