Issuu

DIASABRA 15 AUGUSTUS 2026

15 AUGUSTUS 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

HOPI MUCHA TA FORMA PARTI DI GANGNAN CU TA CAUSA VIOLENCIA Y TIRAMENTO NA ARUBA

P2 P 11

DIASABRA 15 augustus 2026

DIASABRA 15 DI AUGUSTUS 2026

Taxi a dal Tras di auTo riba roTonde nelson o. oduber

Taxi a dal tras di auto riba rotonde Nelson O. Oduber Diaranson anochi a drenta informe di un accidente

riba rotonde Nelson O. Oduber, mesora a dirigi patruya na e sitio.

Na yegada a bin constata cu aki un taxi SUV a dal tras di un auto cu tabata bayendo

acTividad pa mucha Ta cuminsa bek oTro siman Pa e prome actividad pa mucha di e aña escolar nobo, e atencion ta bay pa prevencion di abuso di mucha. Grupo ‘Nos tur contra abuso di mucha’ ta presenta e tema aki pa medio di teatro y un bunita mensahe. E proyecto ‘Nos tur contra abuso di mucha’ na Aruba ta encurasha conscientisacion, educacion y prevencion di maltrato y abuso infantil.

bandi direccion Bushiri. Afortunadamente ningun persona a resulta herida y a trata di un accidente

chikito unda e vehiculonan a touch tras di otro riba e rotonde.

DIASABRA 15 augustus 2026

Update di tragedia na Colombia despues di terremoto devastador di 7.4

BOGOTA / BARRANQUILLA — Cinco dia despues cu un terremoto potente di magnitud 7.4 a dal e region occidental y central di Colombia, e pais ta den un lucha contra tempo pa rescata sobrevivientenan y cuminsa cu e trabou grandi di reconstruccion. E desastre natural aki, cu a tuma luga Dialuna 10 di Augusto 2026, ta wordo considera un di e peor tragedianan cu e pais biba a enfrenta den mas cu dos decada. Cifranan Tragico y Personanan Desapareci Segun e ultimo raportnan di autoridadnan di rescate y e Servicio Geologico di Colombia, e balance di e victimanan ta sigui subi dramáticamente: Fayecido: Mas di 285 persona a perde nan bida. Herida: Mas cu 3,900 persona a ricibi atencion medico. Desapareci: Mas di 3,800 a 4,100 persona ta calcula como desaparecido bou di e edificionan. Alrededor di 100,000 persona a perde nan cas o a keda severamente afecta. Zona Cero y Dañonan Strutural E epicentro di e teremoto a keda localisa cerca di San José del Palmar den e departamento di Chocó.

Sinembargo, e shockwave a wordo sinti fuertemente den ciudadnan grandi manera Pereira, Cali, Manizales, Armenia y e capital Bogotá. Mas cu 75,000 cas a sufri daño y miles di cas completo, scol, centro di salud y edificionan a colapsa. Na Pereira, parti di e aeropuerto internacional Matecaña a colapsa, mientras cu deslisamento di tera a bloquia mas cu 200 ruta di auto, complicando e yegada di yudansa humanitario. "No nos tin un caminda pa biba, nos a perde tur cos," a declara un di e sobrevivientenan na e medio di prensa local, resumiendo e angustia cu miles di famia Colombiano ta pasando bertualmente aden. Ayduo Internacional y Estado di Desastre Gobierno di Colombia a declara Estado di Desastre Nacional pa mobilisa tur recurso posibel. Equiponan di rescate internacional for di paisnan manera Merca, El Salvador, Israel y Ecuador a yega e pais pa yuda busca persona den e edificonan colapsa usando cacho di buskeda y tecnologia specialisa. Di nan parti, e comunidad

Colombiano na Aruba y rond mundo ta organizando coleccion di articulonan di prome necesidad, cuminda y yudansa financiero pa

manda pa nan pais natal den e momento crucial aki. Autoridadnan ta pidi e poblacion Colombiano pa

keda alerta, debi cu mas di 100 réplica (temblor chikito) a keda registra despues di e shock principal.

DIASABRA 15 augustus 2026

Noticia di Corte

Hopi mucha ta forma parti di gangnan cu ta causa violencia y tiramento na Aruba ORANJESTAD – E situacion di criminalidad hubenil ta hopi preocupante. A sali na cla cu muchanan ta keda sin bay school y ta forma parti di gangnan na Aruba. SOLO DI PUEBLO por a compronde cu hopi mucha ta keda sin bay school pa bay forma parti di gang pa asina nan ta sinti nan mes cu status, respet. Hopi di e gangnan ta dedica den asuntonan di droga, maltrato y tiramento. Recien Aruba a wordo sacudi cu dos caso di asesinato di hoben tras di otro. Ministerio Publico den su raport ta mustra e preocupacion grandi cu tin pa cu criminalidad hubenil. CRIMINALIDAD TA CONCENTRA DEN 8 BARIO Riba orden di Procurador General mr. Flanegin di Ministerio Publico, e experto riba criminalidad, dr. Henk Ferweda di Bureau Beke, a haci un investigacion profundo na

Aruba y a traha un raport riba e criminalidad den hubentud. E raport ta mustra cu, criminalidad na Aruba ta concentra diferente barionan esta: Pos Chiquito, Sabana Basora, Cayennastraat, Village, De Vuyst, Madiki, Dakota y Sero Patrishi. Mas cu mitar di e casonan ta relaciona cu maltrato, menaza y violencia publico. Loke ta preocupante ta e posecion di arma di candela cu ta sigui crece. Armanan ta bin for di Venezuela y Colombia. HENDE MUHER ENVOLVI E raport ta mustra cu e cantidad di hende muher envolvi den criminalidad a aumenta. Na 2024 el a subi na 25 %. Na mes momento ta constata cu hopi hende muher ta bira victima di maltrato. TIN 15 PA 16 GANG ACTIVO DEN BARIONAN

economico na Aruba ta depende di turismo. E gastonan halto pa por tin un bida normal y e entrada abao riba mercado ta haci cu hopi famia ta consisti di e mama so, kende ta haci diferente trabao pa por mantene e famia. Esey ta trece cun’e cu no tin suficiente supervision riba e muchanan cu e consecuencia cu muchanan ta keda sin bay school y ta bay forma parti di gangnan. E muchanan ta forma parti di gang pa busca identidad, respet y union pafor di school y famia. Tin 15 pa 16 gang den barionan na Aruba y muchanan ta sinti nan mes cu poder y status, formando parti di gang. E gangnan ta envolvi den droga, menaza, maltrato, uso di arma di candela. Esaki ta un desaroyo sumamente preocupante y Procurador General di Ministerio Publico a informa Minister di Husticia di e situacion y e problemanan cu ta confrontando pa por atende debidamente cu e problema serio aki.

E investigacion ta mustra cu e situacion

Durante dianan di calor

Ta importante pa tuma medidanan di precaucion Sintomanan di un heatstroke ta: • Temperatura corporal halto den corto tempo • Cara y cuero cora y seco • No ta soda mas • Curazon ta bati dura • Dolor di cabez • Mente ta bira confuso y por cay flow • Por cuminsa saca of haña diaree Kico pa haci den caso di un Heatstroke ? • Busca asistencia medico mesora yama 911

• Tene e persona trankil y den fresco • Los e pañanan na su curpa. • Fria e curpa cu un serbete/paña muha (cu awa friu of di cranchi) • Por pone ijs of icepack bou di brasa, na nek, lomba, riba stoma y/of memey di e pianan. • Si persona ta consciente lag’a bebe awa no mucho friu.

DIASABRA 15 augustus 2026

A.T.A. y Universidad di Aruba a firma acuerdo strategico pa fortalece educacion, investigacion y desaroyo sostenibel Ta inverti den curso y certificacion enfoca riba Small Island Studies

Aruba Tourism Authority (A.T.A.) y Universidad di Aruba (UA) a firma un acuerdo strategico riba diahuebs, 13 di augustus, marcando un otro paso importante den e colaboracion duradero entre ambos organisacionnan. A traves di e colaboracion aki, A.T.A. lo reinforsa e programa multidiciplinario di Small Island Studies cu Universidad di Aruba lo desaroya, enfocando riba e oportunidadnan y retonan unico cu islanan manera Aruba ta enfrenta. E acuerdo a wordo firma pa CEO di A.T.A., Ronella Croes, y President Curator di Universidad di Aruba, Juri Nicolaas, den presencia di demas representantenan di A.T.A. y Universidad di Aruba. Universidad di Aruba y A.T.A. a comparti durante hopi aña un compromiso comun pa contribui na desaroyo sostenibel di Aruba mediante investigacion, proyectonan comunitario y oportunidadnan educativo. E acuerdo nobo aki ta fortalece e relacion existente y ta amplia e impacto cu un enfasis specifico riba innovacion, resiliencia, transformacion digital, bon gobernacion, identidad cultural y cooperacion entre sector publico y priva. E meta di esaki nan ta pa centralisa e retonan cu Aruba ta confronta como un isla chikito. E acuerdo ta enfoca riba desaroya y reinforsa un programa multidisciplinario di Small Island Studies bou di e Center for Lifelong Learning (CLL) di Universidad di Aruba. E iniciativa di Universidad di Aruba ta pa eleva y combina educacion continuo, investigacion aplica y

colaboracion cu comunidad pa prepara studiante y profesionalnan pa enfrenta e oportunidadnan y retanan unico di islanan manera Aruba. E iniciativa nobo lo ofrece curso y certificacionnan enfoca riba temanan importante pa islanan manera Aruba, incluyendo innovacion, emprendemento, resiliencia, transformacion digital y bon gobernacion. E iniciativa ta combina educacion academico cu investigacion y proyectonan real, dunando studiantenan y profesionalnan experiencia practico relaciona cu retonan di nos comunidad y economia. Ademas, e programa lo posiciona Aruba como un centro reconoci pa conocemento di Small Island Developing States (SIDS), fomentando intercambio di experticio, investigacion relevante y colaboracion regional. E acuerdo ta alinea cu e prioridadnan strategico di A.T.A. pa fortalece educacion, prepara e forsa laboral, stimula progreso basa riba data y contribui na un economia di bishitante mas responsabel y sostenibel. Door di conecta academia, gobierno y sector priva, Small Island Studies lo crea oportunidadnan nobo pa investigacion, innovacion y desaroyo economico na beneficio di Aruba. “Pa A.T.A., e colaboracion aki ta un inversion den futuro di Aruba. Turismo ta depende di talento local, conocemento y liderato prepara pa e demandanan di mañan. Door di apoya programanan manera esaki cu ta enfoca riba Small Island Studies, nos ta contribui na preparacion di

profesionalnan cu por desaroya solucionnan innovativo na beneficio di nos comunidad y economia,” segun CEO di A.T.A. Ronella Croes. “Pa Universidad di Aruba, esaki ta alinea cu nos meta, unda cu nos por contribui riba nivel academico y tambe practico cu retonan cu nos tin como isla chikito den Caribe. Cu e iniciativa multi-interdisciplinario aki, nos lo fortalece nos lasonan cu sector publico, priva y comunidad pa reinforsa nos compromiso di ta un participante activo den nos comunidad, unda cu nos ta contribui na stimula participacion,

conocemento, educacion y envolvimento como bon ciudadano di Aruba,” a duna di conoce Juri Nicolaas, President Curator di Universidad di Aruba. Cu e firma di e acuerdo aki, A.T.A. y Universidad di Aruba ta reafirma nan compromiso comparti pa inverti den conocemento, talento local y colaboracion. E partnership aki ta yuda crea un fundacion solido pa forma e proximo generacion di profesionalnan y lidernan, mientras ta contribui na un Aruba mas resiliente y prepara pa e oportunidadnan y retonan di futuro.

DIASABRA 15 augustus 2026

Aruba Bank ta anuncia POV:

MEGA 2026

f For di awe, 14 di augustus, bo por cuminsa aplica pa bo MEGA Deal Oranjestad, Aruba – Aruba Bank ta anuncia oficialmente POV: MEGA 2026, e evento financiero unda clientenan por explora un variedad amplio di auto y motorcycle, compara opcionnan y ricibi guia financiero na un solo luga. E evento lo tuma luga diasabra, 29 di augustus 2026, di 5:00 p.m. pa 9:00 p.m., na Aruba Bank Camacuri. Mayoria dealer di auto y motorcycle lo ta presente cu nan modelonan, ofertanan y opcionnan mas reciente, brindando bishitantenan e oportunidad pa mira y compara diferente vehiculo durante e mesun anochi. Pero no tin nodi di warda te MEGA Day: for di awe, 14 di augustus 2026, clientenan por cuminsa aplica pa nan MEGA Deal. Un di e beneficionan principal di POV: MEGA 2026 ta cu clientenan cu cumpra durante e promocion por cumpra awor y cu opcion di cuminsa paga despues di 6 luna, cu ta na februari 2027. Beneficionan di POV: MEGA 2026 ta inclui: • 0% down payment • Cumpra awor y cuminsa paga despues di 6 luna • Termino di pago te cu 7 aña* • Seguro cu descuentonan special • Aprobacion on-the-spot durante e evento • Oportunidad pa gana AWG 10.000,• Interes 5% - 5.25% (efectivo 6.70%-10.83%) Durante e evento, clientenan por conta cu asistencia personalisa di

representantenan di Aruba Bank, kende lo yuda nan comprende e diferente opcionnan financiero y prepara nan aplicacion. Un experiencia completo na un solo luga POV: MEGA 2026 ta reuni mayoria dealer di auto y motorcycle na Aruba Bank Camacuri, creando un experiencia conveniente unda bishitantenan por descubri diferente marca y modelo, haci pregunta directamente na e dealernan y explora nan posibilidadnan financiero. POV: MEGA 2026 Fecha: diasabra, 29 di augustus 2026 Ora: 5:00 p.m. – 9:00 p.m. Luga: Aruba Bank Camacuri Pa mas informacion, bishita www. arubabank.com/mega y sigui Aruba Bank riba Facebook y Instagram via @arubabank. No warda te 29 di augustus. Aplica for di awe, 14 di augustus, pa bo MEGA Deal y descubri con bo por cumpra bo auto of motorcycle awor.

Campaña valido pa tur cliente existente y nobo di Aruba Bank, di 14 te 29 di augustus 2026. Aruba Bank ta reserva e derecho di prolonga, reduci of termina e campaña na cualkier momento. Despues di e campaña, interes lo ta 6.25% pa aña pa vehiculonan regular (interes efectivo ta varia entre 8.08% y 10.00%) y 6.00%

pa aña pa vehiculonan hybrid y electrico (interes efectivo ta varia entre 7.80% y 9.70%). E vehiculo financia ta garantia di e prestamo. Pago adelanta tin un multa di 5% riba e balansa pendiente, cu un minimo di AWG 535. Terminonan y Condicionnan General di Aruba Bank ta aplicabel.

DIASABRA 15 augustus 2026

DE MEZA A PAGA 2,500 FLORIN NA TRANSACCION: ¿DECLARA LIBRE DI CULPA O CUMPRA TRANQUILIDAD PA EVITA HUES?

ORANJESTAD — Un controversia politico y huridico nobo a explota den comunidad despues cu e parlamentario y candidato pa minister di AVP, Mike de Meza, hunto cu su señora, a yega na un acuerdo cu Ministerio Publico (OM). De Meza a acepta y paga un transaccion di 2,500 florin pa asina e caso penal pa supuestamente entrega declaracionnan di impuesto (inkomstenbelasting) robes of incompleto keda clausura. Sinembargo, e declaracion di De Meza unda e ta sostene cu e a keda "liber di culpa" y cu esaki ta duna'e e garantia di ta completamente limpi pa asumi un puesto di minister, a lanta un ola di cuestionamento critico. Pa hopi observador y experto huridico, e relato aki no ta cuadra cu e realidad di con ley penal y un transaccion ta funciona. E Contradiccion: Transaccion y Culpabilidad ta cana hunto! Den e mundo legal, un transaccion (afdoening / schikking) cu Ministerio Publico no ta un "sentencia di inocencia" dicta pa un hues. Un transaccion ta keda ofreci unicamente ora Ministerio Publico ta sostene cu e tin prueba suficiente pa hiba e sospechoso corte y persigue penalmente. Pa e motivo ey, e argumento cu bo ta "liber di culpa" mientras bo ta saca placa for di bo saco pa paga un multa di acuerdo (schikking) ta

duna un sensacion confuso y engañoso na e pueblo: Si bo ta inocente, pakico paga? Si un persona ta 100% convenci di su inocencia y cu e no a comete ningun falta fiscal, e ehemplo di un lider di pueblo ta pa bay dilanti un Hues den Corte di Prome Instancia y laga e Hues absolve di tur culpa abiertamente. Paga pa evita e riesgo di hues: Aceptando pa paga e 2,500 florin net prome cu e fecha di e caso den corte (cual tabata planea pa 24 di Augustus 2026), e sospechoso ta scoge consciente pa evita persecucion penal y evita e riesgo cu un Hues por condene'e oficialmente. Culpa y transaccion ta mara, nan ta casa: E hecho cu OM no a exigi un "admision di culpa explícito" den e documento di acuerdo, no ta nifica cu e persona a keda "declara inocente". E pago mes ta e condicion y e atencion financiero pa e caso wordo cera. Paga y culpa, den e caso aki, ta cana man den man y no separa. "Ora bo acepta di paga un transaccion pa no bay sinta dilanti un hues penal, bo ta cumprando paz procesal. Bise 'liber di culpa' ta purba tapa e solo cu un dede di pa pueblo." Duda cu ta keda den aire pa e pueblo E acuerdo aki di ultimo momento entre De Meza y OM ta lanta varios pregunta

cu e ciudadano comun ta haci su mes: E ehemplo pa e pueblo: Un ciudadano comun cu e haci un falta fiscal di miles di florin, tambe ta ricibi e oportunidad pa paga unicamente 2,500 florin pa keda liber di bay corte? Peticion di un suma mas abao: Segun e propio comunicadonan, e prome oferta di OM den e reunion di TOM (Transactiezitting) na Juni 2026 a keda rechasa pa De Meza. Despues, na Augustus 2026, a pidi un di dos reunion caminda OM a baha e suma pa

2,500 florin pa e acepta. Esaki ta demostra cu e decision di paga tabata pa habri e caminda politico y no pasobra e caso a keda desmenti debidamente den corte. Moralidad Politico: Aun cu huridicamente e caso penal a keda cera, e ehempel di integridad pa un futuro Minister di Finanzas o Infrastructura ta keda severamente cuestiona. E pueblo tin derecho di sa si esaki ta e standard nobo pa goberna nos pais. Solo di Pueblo lo sigui

e desaroyo aki di cerca, pasobra e pueblo di Aruba merece transparencia total y no hungamento cu palabra ora ta trata di nos ley y nos lidernan politico!

DIASABRA 15 augustus 2026

Cuida bo salud durante dia di calor intenso: Recomendacionnan pa proteha bo bienestar 031 di juli 2025: Den bista di e ola di calor cu ta afectando Aruba actualmente, Departamento di Salud Publico (DVG) ta haci yamado na tur residente y bishitante pa tuma medidanan preventivo pa proteha nan mes y nan salud. Calor extremo por trece riesgo serio pa salud, especialmente pa e grupo vulnerabel manera mayornan di edad, mucha chikito, hende cu malesa cronico y esnan cu ta traha pafo. Calor por ocaciona cansancio, golpi di calor (heatstroke), deshidratacion y empeoracion di malesanan cronico existente. Consehonan util pa protehe bo mes durante dianan di calor: 1. Bebe hopi awa o Mantene bo curpa hidrata: bebe awa regularmente, apesar cu bo no tin sed. o Evita alcohol, coffie y refresco cu hopi sucu, nan por causa deshidratacion. 2. Mantene bo mes fresco o Keda paden durante e oranan di mas solo (11:00 AM – 3:00 PM). o Usa ventilacion (ven) of airco si ta disponibel. o Tuma douche friu pa baha temperatura di bo curpa. 3. Bisti paña color cla y liviano o Usa paña hancho, di color cla, y di tela liviano. o Usa pechi of sombre o Usa bril di solo ora bo ta sali pafo. 4. Proteha bo cuero o Usa sunblock (SPF 30 of mas halto) y ripiti e aplicacion cada dos ora. 5. Tira bista riba hende vulnerabel

o Haci contacto regular cu mayornan di edad, bisiña y famia cu malesa. o NUNCA laga mucha, hende of mascota den auto cera, ni pa un rato cortico. 6. Limita esfuersonan fisico o Evita haci trabounan fisico durante e ora di mas calor. o Si ta necesario, tuma pausa frecuentemente den sombra y bebe awa constantemente. o Evita deportenan pafo durante oranan di mas calor Sintomanan di malestar relacional cu calor: • Cansancio extremo pa motibo di calor: soda hopi, cuero ta cayente, mareo, stoma ta bira, dolor di cabez. • Golpi di calor (Emergencia): temperature cu cuero halto, desorientacion, perdida di conocimiento, cuero seco sin sodo. o Den caso di sospecha di golpe di calor, yama 911 mesora. Keda informa Sigui e boletinan di tempo y

informacion oficial via canalnan di gobierno of Departamento di Salud Publico. Nos ta pidi na tur hende pa cuida nan mes y otro. Cu medidanan preventivo nos por preveni hopi problema y pasa e temporada di calor den manera sigur.

Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na

DIASABRA 15 DI AUGUSTUS 2026

Minister Wendrick Cicilia y Hunta di Supervision di A.T.A. ta enfoca riba futuro di turismo sesion, caminda lo atende cu e implementacion di e vision strategico determina y diferente proyecto concreto y tambe

Oranjestad – Diahuebs mainta, Minister Wendrick Cicilia tabatin un reunion importante, caminda a combersa riba e futuro di turismo na Aruba. Entre esnan presente den e reunion tabata Ronella Croes, CEO di Aruba Tourism Authority, Jo-Anne Arends como Presidente di Hunta di Supervision di ATA y demas miembronan di e Hunta di Supervision. Durante e reunion a combersa riba diferente topico importante, manera e maneho di turismo di pais Aruba den preparacion di e Plan Corporativo, pero tambe e Presupuesto di

A.T.A. pa aña 2027. A hiba un dialogo habri riba e diferente proyectonan cu turismo ta trece cu ne. Por corda bek cu Minister Cicilia a anuncia un trayecto cu a inicia, cu t’e desaroyo di un maneho nacional pa turismo. Den e prome sesion a combersa ampliamente cu e stakeholdernan riba e caminda padilanti, recalibrando e diferente factornan di turismo, ademas a papia riba diferente punto di orientacion. Den e di dos sesion, a profundisa un poco mas riba diferente tema. Di e manera aki ta reenforsa e sentimento di dialogo cu e intencion pa coopera intencionalmente cu e stakeholdernan den e sector di turismo. Den e di dos sesion a combersa tambe riba e ampliacion di e puntonan strategico. N’e momentonan aki ta preparando pa e di tres

pa fortifica economia y turismo di Aruba. Asina por garantisa cu nos tin un Aruba fuerte, cu por surpasa e momentonan

dificil, pero tambe crea oportunidad pa esnan cu kier participa den e beneficionan economico di pais Aruba.

Ban uni pa venera y celebra nos Dushi Niño Hesus Nos, Aruba y henter mundo mester di hopi oracion, pa paz. A la vez nos lo combina nos nobena cu apertura di aña escolar nobo. Ta pesey nos kier a invita henter nos comunidad, grandi y chikito, tur fielnan pa ban uni pa resa pa un y tur en especial pa nos muchanan y nos hobennan. Novena, sigui pa Santo Sacrificio di Misa, lo tuma lugar tur dia den Misa Inmaculata Concepcion na Santa Cruz. Diadumingo: 16 di augustus 2026 pa 5.45 di atardi Dialuna:

17 di augustus 2026 pa 6.15 di atardi

Diamars:

18 di augustus 2026 pa 6.15 di atardi

Diaranzon:

19 di augustus 2026 pa 6.15 di atardi

Diahuebs:

20 di augustus 2026 pa 6.15 di atardi

Diabierna:

21 di augustus 2026 pa 6.15 di atardi

Diasabra:

22 dii augustus 2026 pa 6.15 di atardi

Diadumingo: 23 di augustus 2026 pa 7.15 di mainta Dialuna:

24 di augustus 2026 pa 6.15 di atardi

Diamars 25 di augustus 2026 nos lo celebra Fiesta di Niño Hesus di Praga y nos lo hasi esaki cu oracion den Misa cu lo cuminsa pa 6.15 di atardi sigui pa un Santo Sacrificio di Misa pa 7.00.

P 10

DIASABRA 15 DI AUGUSTUS 2026

SEMINARIO BRINDA NA TUR SUBFISCALNAN ARIBA DIFERENTE TEMANAN DI HUSTICIA Santa Cruz, ARUBA: Den luna di juni a tuma lugar un seminario pa tur e subfiscalnan di Aruba. E seminario dura un dia completo y tabata uno hopi intensivo yena cu informacion. Diferente orador principal entre otro Huez- Comisario sra. Mr. U.I.D. Luydens, Abogado- Genaral sra. Mr. C.A. Kardol, fiscal di husticia sra. Mr. A. Schotman, sra A. Flemming di AAA y sra. drs. Mr. M.A. van Loon a trece informacionnan dilanti.

valioso

Durante e seminario a papia riba temanan manera listramento (doorzoeking), aresto (aanhouding), confisca (inbeslagneming), jurisprudencia y mucho

mas. E coleganan presente a haci hopi pregunta y na final a gradici cada orador

invita pa e informacion util cu nan a comparti

den

P 11

DIASABRA 15 augustus 2026

E tribon cabes di martiu ta riba e lista di proteccion di nos leynan local ORANJESTAD – Directie Natuur en Milieu (DNM) ta informa tocante e tribon cabes di martiu cu ta un especie protegi pa ley. E tribon cabes di martiu ta haya su nomber pa via di e forma di su cabes. Su nomber cientifico ta Sphyrna mokarran y na Ingles conoci pa e Great hammerhead, e ta e especie di tribon mas grandi den e famia Sphyrnidae. Ta hay’e den lama rond mundo, den awanan tropical den e region ecuatorial. E forma di su cabes yama ‘cephalofoil’ ta hancho y e parti dilanti ta casi stret den forma di e letter T, cu su wowonan ta peilo afo cada banda. Su boca localisa bou su cabes tin 17 rij di djente triangular n’e parti ariba di su cacumbein. E ta replasa su djentenan cada 8 dia. Algun sorto di tribon ta gasta 30.000 djente den nan bida. E sorto aki por biba 30 aña y e peso maximo registra ta rond di 450 kilo. Su tamaño ta varia entre 4.6 meter y 6.2 meter y su color ta shinishi scur of bruin y bou di su curpa ta blanco. E especie femenino ta bira mas grandi cu e machonan. E ta un pisca predador solitario y landado fuerte, cu ta alimenta su mes cu otro pisca, secat, kreeft, otro sort'i tribon mas chikito y su faborito ta chucho (sting rays). E embra ta pari yiunan cada dos aña, nan por haya entre 13 y 42 yiu cu ta nace bibo (vivaparous). E yiunan ta nace entre 50 y 70 centimeter cada un.

Aunke e ta potencialmente peligroso, e tribon cabes di martiu no ta ataca hende y tin biaha e por comporta su mes curioso rond di buceadonan. E tribon aki ta hopi gara y ta popular riba e mercado Chines como ingrediente principal pa sop’i tribon. Asina ta resulta cu e poblacion di e tribon cabes di martiu ta baha den cantidad rond mundo. Union Internacional pa Conservacion di Naturalesa (IUCN) a consider’e como criticamente na peliger desde 2019. Na Aruba tambe nos ta haya nan den lama y p’esey ta pidi piscadonan pa eherce cautela. E presencia di tribonnan ta indicacion di un condicion saludabel di e ecosistema marino.

P 12

DIASABRA 15 DI AUGUSTUS 2026

Minister Dowers:

Gobierno a presenta denuncia riba iregularidad den RDA y ta spera decision di Huez tocante investigacion Minister di Husticia, Arthur Dowers, a confirma cu Gobierno di Aruba a presenta un denuncia formal relaciona cu indicacion di posibel iregularidad na RDA. Segun minister Dowers, despues cu a ricibi informacion tocante e indicacionnan aki, Gobierno a sigui e proceduranan legal y a presenta e denuncia na Ministerio Publico pa evaluacion. Minister Dowers a splica cu Ministerio Publico posteriormente a comunica cu e denuncia no lo sigui procedura di investigacion, indicando cu limitacion di capacidad operacional como motibo pa e decision. "E ta un decision cu ta

pertenece exclusivamente na Ministerio Publico," minister Dowers a expresa.

e peticion pa instrui Ministerio Publico pa sigui cu e investigacion."

El a indica cu, conforme e mecanismonan legal cu tin disponibel, e persona of instancia cu presenta e denuncia tin e derecho di recuri na Huez y solicita cu un investigacion tuma luga.

Minister Dowers a expresa cu lamentablemente, cu limitacion di personal por resulta den un investigacion no sigui dilanti, resaltando cu e ta importante pa e proceso legal sigui su curso pa por trece claridad den e asunto.

Segun Dowers, precisamente esey ta e siguiente paso cu Gobierno a tuma. "Awor nos ta spera riba e decision di Huez tocante

El a conclui cu Gobierno ta respeta independencia di e instancianan hudicial, mientras cu ta spera e pronunciamento di Huez.

P 13

DIASABRA 15 DI AUGUSTUS 2026

Dos Minister, Dos Historia:

Cual ta e berdad tocante e edificio na Paardenbaaistraat? E reciente declaracionnan emiti den medionan di comunicacion local pa Minister Cicilia y

na Minister President, buscando ayudo y un intervencion pa garantisa nan salud y seguridad.

administrativo pa tapa erornan y

Faltando e prevencionnan

decisionnan imponi.

Minister Dowers a trece un luz doloroso riba kico realmente ta pasando cu e edificio na

Sinembargo, e resultado tabata lamentablemente e mesun muraya di silencio: ningun reaccion ni

Minister Cicilia ta prefera pa gasta tempo y recurso purbando na adapta e edificio na

básico y obligatorio di seguridad (manera e ausenciadi un sistema di alarm di candela,

Paardenbaaistraat, cu ta wordo comparti pa tanto departamento di DIMAS como DAO.

ningun ayudo a wordo brinda pa proteha e trahadornan aki.

Engelandstraat 33 cu for di inicio no ta cumpli y cu ta representa un peliger directo pa e salud di

Mientrastanto cu tur dos mandatario a busca prensa pa duna splikacion, nan versionnan ta completamente contradictorio cu otro. Un di nan no ta bisando e berdad. E narrativa cuestionabel Minister Cicilia

Minister Cicilia (Minister di Labor) a haci uso di medionan di comunicacion pa afirma cu tin medidanan di emergencia y cu mester a evacua e personal di biaha. E narrativa aki ta wordo usa

E berdad expuesto pa DIMAS Sinembargo, e declaracion di Minister Dowers y e Maneho di DIMAS ta desmenti e version di

E realidad di e edificio Engelandstraat ta alarmante:

riba testnan y resultadonan oficial haci pa diferente instancianan concerni. E testnan aki a wordo

• Presencia di Schimmel (Mold): Tin problemanan serio di schimmel den e edificio, cual

ehecuta específicamente pa verifica si tin cualkier peligro pa e salud di e personal den e edificio

ta representa un riesgo directo pa e sistema respiratorio y salud general di e trahadornan.

na Paardenbaaistraat, y tur e resultadonan a sali bon.

• Humedat Extremadamente Alto: E nivel di humedat den e espacio ta demasiado halto,

E realidad crudo: Un edificio malo pa forsa

E ta bay mas leu ainda pretendiendo cu e la papia cu sindicato y cu e trahadornan di DAO,

Mientrastanto cu e personal di DAO tabata kier a keda na Paardenbaaistraat, e berdad lamentabel

nunca a pisá ni e edificio na Paardenbaaistraat ni e edificio na Engelandstraat pa mira e situacion cu su mesun wowo. Silencio total di Minister President E desesperacion y falta di oido a yega asina leu cu e trahadornan di DAO a dirigi cartanan formal

cumpli cu tur norma di seguridad.

Cicilia categoricamente. Nan a aclaria cu nan decisionnan y declaracionnan ta puramente basa

conscientemente pa hustifica e mudansa forsa y polemico di DAO pa Engelandstraat 33.

mientras e berdad ta cu e Minister nunca a presenta pa papia cu e trahadornan ni sindicato, y e

e trahadornan en bes di laga e personal sigui traha den un edificio debidamente construi cu ta

ta cu awe nan a wordo horta di nan derecho di traha den un ambiente saludabel. E trahadornan a wordo poni bou di un presion enorme, ricibiendo ultimatum y te hasta wordo obliga pa bay den e edificio na Engelandstraat 33 bou di menasa directo di apela na Plichtsverzuim. E supuesto "emergencia" aki ta resulta di ta puramente un constructo

lo cual ta fomenta mas schimmel y ta crea un ambiente di trabou desagradabel y no saludabel. • Falta di Ventilacion Adecuado: E sistema di circulacion di aire no ta suficiente pa un espacio di kantoor cu e cantidad di personal cu mester wordo acomoda. • Falta di Bentananan cu por Habri: E edificio no tin bentananan cu por habri pa duna ventilacion natural o pa sirve como salida di emergencia den caso di un calamidad. • Deficiencia den Sistema di Seguridad contra Candela:

deteccion di huma, y sprinklers adecuado). • Ubicacion y Riesgo di Entorno: E cercania directo na un ijsfabriek industrial ta trece riesgonan di entorno adicional (manera e uso di gassnan industrial/ammonia) cu no ta apto pa un ambiente di kantoor publico. • Edificio Alquila vs. Propiedad di Gobierno: Contrario na Paardenbaaistraat (cu ta propiedad di Gobierno), Engelandstraat ta un edificio alquila cu no a wordo debidamente adapta ni construi pa e funcion specifico di un kantoor di gobierno. • Incumplimento di Ley: E espacio no ta cumpli cu e leynan di ARBO, ni e rekisitonan legal pa garantisa un ambiente laboral sigur pa e trahadornan. E personal di DAO a wordo obliga pa drenta den un espacio cu no ta apto pa wordo uza como kantoor, simplemente pa satisface un decision politico imponi cu menasa, mientras e berdadero raportnan tecnico di e instancianan competente ta demostra lo contrario. E pueblo di Aruba y e trahadornan merece transparencia y un trato husto

P 14

DIASABRA 15 DI AUGUSTUS 2026

BO YIU TA CLA PA CUMINSA AÑA ESCOLAR NOBO? Oranjestad, Aruba: SKOA ta den pleno preparacion pa un aña escolar nobo y kier recorda tur mayornan pa nan tin tur cos cla pa nan yiunan por cuminsa un aña escolar exitoso.

mucha tin su seguro priva. E seguro ta importante pa den casonan di emergencia cu por sosode na scol.

SKOA tin su rekisitonan pa cada mucha por atende na scol, esaki ta incera diferente aspectonan importante entre otro uniform. Pa e aña escolar venidero a hinca un “checklist” den otro pa asina tur mayor por pone atencion riba kico nan a cumpli cu ‘ne caba y kico falta pa e mucha por cuminsa su scol.

E ta importante cu cada mucha tin nan uniform nobo of den bon condicion pa atende scol. Cada scol ta manda un lista di articulo cu muchanan tin mester, esaki tambe ta importante pa cumpra prome cu aña escolar habri. Cu uniform nobo y articulonan di scol necesario e mucha por cuminsa su aña di scol bon prepara.

Checklist Back-to-School

Seguro

Cada mucha mester tin su seguro di AZV na ordo pa por acudi na un scol. Si e mucha no tin seguro di AZV mester percura pa e

2. Uniform y Articulo pa scol

Recibo di pago

Un di e puntonan importante riba e “checklist” ta e recibo di pago. Esaki ta conta como e recibo di pago completo, pa mayornan cu ta haci ful e pago di school- y aircogeld. Pa mayornan cu tin areglo di pago mester tin e recibo di e prome pago haci. Mayornan ta entrega un copia di e recibo di pago serca cabesante of docente e promer dia di scol. Mayornan cu pa cualkier motibo no a haci peticion pa areglo di pago por haci esaki ainda via email: finance@skoa.aw .

Re-inscripcion Muchanan

caba

ta atendiendo un scol di SKOA mester (re)inscribi pa e aña escolar nobo. Mayornan cu no a (re) inscribi nan yiunan pa e aña escolar venidero di

2026-2027 mester tuma contacto directo na oficina di SKOA na telefon 523 1800. Pa haya mas informacion

di nos scolnan di SKOA por bishita nos website www.skoa.aw y tambe por yama nos directo na (+297) 523 1800 durante orario di oficina.

P 15

DIASABRA 15 DI AUGUSTUS 2026

E BON NOTICIA

BO TA PAPIA DI DIOS, PERO BO NO TA PAPIA DI MARIA, MAMA DI HESUS Y MAMA DI IGLESIA Bijbel Genesis 3: 14-16, Dios Tata ta bisa na e colebra satanas: “Lo Mi trece enemistad entre abo y e muher, entre bo descendiente y e descendiente di e muher. E muher cu su descendiente lo trapa riba bo cabes y lo bo lastra bao di su pia.” E muher ta Maria, cu a acepta Dios Su plan di salbacion y a acepta di bira e mama di E Salbador. Maria Su descendiente, ta CristoHesus y tur e sigidornan den Cristo-Hesus Su Iglesia. E descendiente di e colebra, ta esnan den sectanan, den religionnan y den iglesianan falso, cu no ta acepta Maria y ta persigi Hesus Su Iglesia. Maria hunto cu e Iglesia di Su Yiu Hesus a trapa riba e cabes di e colebra, pa medio di Su Yiu Hesus. Bijbel Revelacion 12: 17: “Awor e dragon a rabia contra e

muher y el a bay haci guera na e demas yiunan di e muher.” Akinan e diabel tin rabia riba Maria y e diabel ta persigi e yiunan di Maria den Iglesia. Bijbel Lukas 1: 41-43, Maria a bishita Su prima Elisabeth y Elisabeth a keda jena cu Spirito Santo y a bisa: “Di unda mi ta merece, cu mama di Mi Senjor ta bishita mi?” Maria ta Mama di Dios, pasobra Hesus ta E di dos Persona di E Santisima Trinidad. Bijbel Huan 20: 28, akinan Apostel Tomas a bisa Hesus: “Mi Senjor y Mi Dios.” P’esey Maria ta wordo jama, Mama di Dios. Bijbel Huan 19: 25 – 27, aki Hesus na Crus claba, a mira Su Mama y Su Apostel Huan y E’l a bisa: “Muher, ata bo yiu eynan y despues E’l a bisa Huan: Ata bo mama eynan.” Akinan Hesus ta

ofrece Su Mama, pa nos acepta Maria como nos Mama, pa nos honrel’E, pa nos venerel’E y pa nos stimel’E manera cu Hesus ta stima Su Mama. Tambe e Apostel Huan cu ta representa e Iglesia di Hesus, a acepta Maria como mama. E palabra muher cu Hesus a expresa, no ta un ofensa, pasobra ta Dios Tata mes a expresa esaki pa medio di Hesus, cu ta e muher den Genesis 3: 14-16, cu lo trapa riba e cabes di e colebra. Hesus ta Rey di Universo den e Aliansa Nobo, cu ta e descendientenan di Israel nobo di Dios Tata, cu ta e Iglesia Universal. Bijbel Revelacion 12: 1, ta bisa:

Oracion Di Dia

“Un senjal grandi a aparece na Cielo: Un muher bisti cu solo, cu luna bao di su pianan y riba su cabes un corona di diesdos strea.” Maria tin e Corona di diesdos Strea bisti y esaki ta simbolisa e oficio Real den Reino di Cielo. Bijbel Genesis 37: 9-11, aki Jozef ta sonja di mira con solo, luna y streanan ta buig su dilanti y esaki ta simbolisa, reinado of autoridad. Bijbel 1 Reinan 2: 19-20: Akinan ora cu Batsheba mama di Rey Salomon, a drenta den e cuarto di e Rey, Rey Salomon a laga pone un stoel di trono pa su mama y e mama a sinta na man drechi di su yiu Rey Salomon. Rey Salomon a bisa su mama: Mi mama, pidi mi loke bo kier, lo mi no nenga bo. Maria como Reina y Mama, ta sinta na man drechi di Su Yiu Hesus, Maria ta abogada y intercesora pa tur Su yiunan den Iglesia di Su Yiu Hesus. Hesus como Rey di Universo, lo no

nenga Su Mama Maria fabornan. Conclusion: Na ora di morto, lo bo mira Hesus Rey di Universo sinta riba Su Trono y tambe lo bo mira sinta riba Su Trono na man drechi di Su Yiu Hesus, Mama Maria Reina di Cielo y di tera y bisti cu Solo, cu luna bao di Su pianan y riba Su Cabes un Corona di diesdos Strea. Kiko Hesus lo bisa: Bo a stima y a acepta Mi Mama? Lesa Bijbel Huan 19: 25-27. Scirbi pa Seferino Tromp Un mensahero di Dios.

Un feliz dia yena di bendicion y misericordia di Dios. E ora ey Pedro a acerca Hesus y puntr’E:”Señor, cuanto biaha mi mester laga mi ruman peca contra mi y toch pordon’e? Te shete biaha?” (Mateo 18, 21) Hesus a bisa no shete biaha, pero setentishete biaha shete, mester pordona otro tur dia di nos bida. Si un hende no ta dispuesto na haci bon cu su prohimo, e no por ta un Cristian berdadero, e no ta digno pa tuma parti na e mesa na cua Hesus ta combida siguidonan. Solamente esnan cu a trata na pordona otro ta capaz na ofrece Dios un sacrificio den su bista. Dios no lo mustra misericordia ora e husga esun cu no tawatin misericordia cu otro hende, pero esun cu si tawatin misericordia lo sali victorioso na momento di huicio.(Hacobo 2, 12-13) Misericordia mi kier y no sacrificio. Mi no a bini pa yama hende husto, ma pa yama pecado.( Mateo 9,13) Oracion: Señor Hesus Abo cu ta misericordioso y cu ta cla pa pordona nos y cu ta bisa nos cu boso mentalidad mester cambia henteramente y boso mester bisti e bisti di un hende nobo, siña nos con pa pordona y pa ta misericordioso cu nos prohimo pa medio di Cristo nos Señor. Amen.

P 16

DIASABRA 15 DI AUGUSTUS 2026

TEAM DI 5 MINISTER PA ARUBA 1. Aruba su sistema politico ta basa riba sistema/principio kolonial hulandes caminda un “Rey” ta na cabes y NO tin espacio pa e “votadornan” di Aruba mes scoge directo pa “democracia” (logrando separacion di poder entre Gobierno y Parlamento) pasobra e sistema kolonial hulandes NO ta permiti “votadornan” mes scoge/vota pa Gobierno/Ministernan (pa Aruba un team di maximo 5 Minister ) manera e “votadornan” si por vota pa e 21 representantenan (Parlamentario) den Parlamento.

2. Un cambio di e sistema NO ta costa mucho placa y lo ta hopi facil pa Aruba realisa ! CON ?

- inclui den e actual eleccion pa Parlamentarionan tambe eleccion pa un TEAM di 5 Minister ( minister president / minister di husticia / minister di finansas / minister di ser humano / minister di structura ); - duna e votadornan un di dos “stembiljet” caminda nan por vota , mes dia , tambe pa un di e team (di Ministernan) candidato pa forma Gobierno. E team cu logra mas voto ta bira -mesora- e Gobierno nobo ( no mester di negocia nada mas ); - den e continente Americano ( cu Aruba ta forma parti ) ta conoci y acepta pa votadornan scoge/vota pa Gobierno y pa

Parlamento separadamente.

3. Principionan : - si mayoria di Parlamento bin cu mocion di desconfiansa pa un of mas Minister , e mocion ta conta pa ful e team di Minister cu consequencia cu mester bin cu eleccion nobo ( pa Parlamento y Gobierno); - si e team di Minister dicidi di desolve Parlamento , mester bin cu eleccion nobo ( pa Parlamento y Gobierno ).

4. Asina ta elimina un “stempelparlement” y un Gobierno “dictatorial”. Pa por funciona exitosamente politiconan di Aruba mester traha cu otro en bes di bringa otro y laga pa votadornan dicidi pa ken vota ora di eleccion !

5. Mescos cu ta existi actualmente “condicionnan” pa un persona por ta eligibel pa parlamentario , mescos mester bin cu “condicionnan” pa un persona por ta candidato pa por forma parti di e team di Minister. E intencion di e articulo aki ta djis pa Aruba cuminsa pensa pa su mes , adapta su mes na un sistema conoci y acepta den continente Americano y pa Aruba por prepara su mes pa pronto para riba su propio pia.

PUEBLO A HAÑA SU PEN BEK

Pa kualkier informacion solodipueblo@gmail.com of

☎ 585-9500

SUDOKU