DIASABRA 9 JULI 2022

Minister Dangui Oduber ta gradici tur maestronan di scol y ta felicita tur alumnonan pa cu e ceramento di aña escolar 2021-2022 Diasabra 9 Juli 2022

Solo di Pueblo

Aña 16 - edicion 717

E-mail: solodipueblo@gmail.

Mike a bisa e compania: “Otro aña cu AVP drenta Gobierno lo core cu Eagle LNG” Storia di fraude cu FASE pa defunto ta inventa pa opositornan; Promer minister a acalara na SIMAR

Entrante 13 July no por paga cu ATM card mas na ningun pumpstation, mester paga cash!

Fiscal a exigi 6 aña di prison pa homber cu tabata maltrata formal, viola y menaza su amiga MINISTER ENDY CROES A RICIBI BISHITA DI E CAMPEON MUNDIAL DI LANDAMENTO MIKEL SCHREUDERS

Muchanan di scolnan basico a wordo entrega rapport eroneo

Prijs: Afl. 1.75

2

Diasabra 9 Juli 2022

Prome Minister Evelyn Wever-Croes: Despues di a tuma nota di un carta cu SIMAR a manda pa Secretario di Estado,

PROME MINISTER TA MANDA SIMAR UN CARTA PA SPLICA TOCANTE FASE Tambe Prome Minister ta sigura SIMAR cu Gobierno ta haciendo lo posibel pa paga 5% di recorte na juli 2022 Prome Minister Evelyn WeverCroes, tumando nota di un carta cu Sindicato SIMAR a manda Secretario di Estado Alexandra van Huffelen diaranson 6 di juli, a contesta e carta di SIMAR apesar cu e carta aki no ta dirigi na Gobierno di Aruba.

Pero door cu Gobierno di Aruba a tuma nota di e preocupacion di miembronan di SIMAR, Prome Minister a haya ta na su luga pa contesta e carta di SIMAR y informa SIMAR pa asina SIMAR informa tambe su miembronan. Pasobra Gobierno di Aruba ta balora y aprecia e miembronan di SIMAR y ora nan tin preocupacion, Gobierno lo calma esaki dunando informacion.

E topico di e carta dirigi na Van Huffelen ta tocante e mal contento y descepcion di e miembronan di SIMAR pasobra ainda nan no a haya e siguridad si nan ta haya nan salario completo na juli di 2022.

Sinembargo, contenido di e carta ta bay completamente riba FASE y cierto iregularidadnan cu ta wordo menciona.

Den su carta manda pa SIMAR, Prome Minister a cuminsa pa expresa cu e ta aprecia y gradici nan pa expresa nan preocupacionnan, cu sigur ta wordo teni den consideracion pa Gobierno di Aruba.

“Mi ta comprende e perocupacionnan mirando e comosionnan cu oposicion a crea na Aruba despues di a trata e ley di FASE. Mi opinion personal ta cu oposicion no sa mas con pa hustifica e hecho cu nan a vota contra di FASE, contra e ayudo na esnan cu a perde trabou durante pandemia. Oposicion no sa mas con pa saca nan curpa for di e hecho cu nan a vota pa practicamente cobra FASE bek

for di tur hende y awo ta creando comosion cu aparentemente a afecta e miembronan di SIMAR. Mi a splica Presidente di SIMAR cu e no mester saca e comosion aki di oposicion for di contexto”, Prome Minister a duna di conoce.

Prome Minister a enfatisa cu ta importante pa menciona cu asina cu e rapport di Centrale Accountantsdienst a sali na 2021, Gobierno di Aruba mesora a tuma pasonan. Y aworaki cu e ley a caba di pasa den Parlamento cuminsamento di e siman aki, e minister encarga por tuma tur e pasonan restante tambe.

Ora cu Covid a bati na nos porta na maart 2020, Gobierno di Aruba a actua hopi lihe y sin duda y basila pa yuda esnan cu di un dia pa otro a keda sin entrada. Frontera a wordo cera, y esaki a haci naturalmente cu no tawata tin turista mas riba nos isla. A bin toque de queda y shelter in place. Pa yuda e ciudadanonan aki di nos pais cu a perde trabou, a introduci FASE. “Gobierno lo a desea cu e ley lo tawata cla caba pero Aruba tawata den un situacion di emergencia afecta door di un crisis, un pandemia mundial.

Mirando cu no tawata tin nada regla pa e casonan aki, Gobierno di Aruba a cuminsa cu e proyecto aki”, Prome Minister a duna di conoce.

Prome Minister a remarca cu 15 biaha Minister Glenbert Croes a bin Conseho di Minister cu proyecto y consehonan di FASE, con pa cuminsa cu ne y despues con pa adapte. Durante e periodo Minister Croes a bay 3 biaha Parlamento tambe pa splica Parlamento di e proyecto

FASE. “Mi ta kere nos tawata hopi cauteloso. Di berdad e ley a tarda y awo e ley a wordo pasa cu ta loke Contraloria General a recomenda pa pasa e ley mas lihe cu ta posibel”.

Prome Minister den su carta ta splica SIMAR exactamente di e diferente puntonan cu a wordo treci dilanti den e rapport di Centrale Accountantsdienst. Di con cosnan a bay asina y kico Gobierno a haci pa coregi nan.

“No ta asina cu tawata tin hopi abuso manera oposicion ta insinua. Caminda cu tawata tin pago di mas, a cobra esakinan caba. Y loke cu no por a cobra prome, awo si por wordo cobra.

Lamentablemente, mescos cu na Hulanda, nos mester constata cu na Aruba tambe, hendenan a bira creativo y a abusa di cierto medida di sosten. Na Aruba esaki ta poco menos cu den otro pais. Pero hasta esaki Gobierno lo atende”, Prome Minsiter a enfatisa.

Pa loke ta e cortamento di salario y e pago di 5%, e stopmento di recorte, Prome Minister a informa SIMAR y ta sigura SIMAR cu Gobierno di Aruba ta haciendo tur lo posibel pa e luna aki, juli 2022, paga ambtenaarnan y esnan cu ta traha den fundacionnan cu ta wordo subsidia pa Gobierno.

“Manera cu tanto Secretario di Estado van Huffelen como mi mes a informa SIMAR y comunidad, nos tin un acuerdo riba esaki. Aruba ta cumpliendo cu e condicionnan y nos ta trahando pa haci tur cos posibel pa fin di e luna aki, Gobierno haci e pago. Cu esaki tambe, nos a contesta e carta di SIMAR sperando tambe cu SIMAR comparti mi carta tambe cu tur su miembronan pa nan ta sigur cu Gobierno ta trahando pa e interes di henter Aruba. Tambe den interes di e miembronan di SIMAR”, Prome Minister Evelyn Wever-Croes a termina bisando.

3

Diasabra 9 Juli 2022

Mike a bisa e compania: “Otro aña cu AVP drenta Gobierno lo core cu Eagle LNG” Segun un radio emisora cu ta vocero di Partido AVP a bisa diabierna merdia, cu e compania di gas natural Eagle LNG a bishita parlamento di Aruba recientemente y cu Mike a papia duro y directo cu presidente di e compania.

Durante e encuentro, Mike a menasa e compania di gas natural, bisando cu otro aña cu AVP drenta Gobierno, nan lo core cu e compania y skop nan pafo di Aruba.

Partido AVP desde 2010 tabata promotor di gas natural y a tende un cantidad di rueda di prensa pa informa pueblo cu na 2012 WEB lo cuminza draai riba gas. E tempo aya nan tabata deal cu Gas Unie di Hulanda. A pasa 8 aña

y Partido AVP no a logra nan meta.

Awor cu e coalicion di MEP a haci un esfuerso extra ordinario pa keda cla cu suministro di gas natural, cu lo bay baha o wanta e prijs como tambe cumpli pa reduci e emision di carbon, e accion aki no a cay den bon tera cerca AVP, pasobra awor nan ta contra y te hasta a menasa e compania di lo core cu nan!

Esaki ta nada otro resultado di polarisasion, unda partidonan politico ta usa tur cos den nan forsa pa dividi. Gas Natural ta un fuente di energia cu tin hopi aña caba den uso na varios pais na mundo. Su prijs ta stabiel. Ni si e subi of baha, e no ta volatil

manera fuel oil. Pa produci 1 kilowatt cu lng gas, ta costa 40% mas barata compara cu mes 1 kilowatt cu fuel oil.

Pues, ta realmente incomprendibel e pensamento e Partido, cu pa 8 aña tabata pro

gas natural, pero awor cu MEP y coalicion a logra concretisa esaki pa Aruba, enbes di uni, kier caba cu e projecto.

Ta bon pa menciona cu pais Aruba no ta hincando placa den e

terminal cu ta wordo traha na Sanicolas.

Tur inversion ta wordo paga pa Eagle mes. Di acuerdo cu planificacion, e proyecto por start su operacion den di dos mitad di 2024.

Storia di fraude cu FASE pa defunto ta inventa pa opositornan; Promer minister a acalara na SIMAR Dos persona cu a pidi FASE a fayece Criticanan riba FASE ta bisa cu defuntonan a cobra FASE, creando e percepcion cu a usa nomber di defuntonan pa asina por a cobra FASE! Esey ta infunda. Naturalmente cu algo asina ta un fraude.

Pero tesey a sosode?

Den un carta manda diahuebs atardi dor di Promer Minister di Aruba pa SIMAR, e mandatario ta acalara e punto aki: Ta trata di dos persona, cu a pidi FASE, y despues a fayece, y enberdad a wordo paga e placa di ayudo di FASE. E dos personanan aki a haci nan peticion estando na bida y ta trata aki di e prome peticion. Un persona a fayece prome cu

el’a haya FASE. E otro a fayece durante cu e tabata hayando FASE durante e prome 3 lunanan. E prome peticion tabata valido pa 3 luna. Na Juli 2020 a cuminza e segundo periodo pa dos luna.

Pues, e realidad ta cu un persona fayece prome cu el’a haya FASE y un otro durante cu e ta haya FASE. Esaki ta algo totalmente for di control di Gobierno, departamentonan, Minister y for di control di tur hende.

Esaki nan ta yama fraude? Ta mustra un desesperacion total cu mester ocuri na lansa engaño den pueblo, cu meta pa causa instigacion.

E hecho cu ta saca e sucedido aki, y kier

converti’ele den un critica politico, y djey kier traha storia rond di dje, ta algo totalmente condenabel.

Promer Minister a skirbi den un carta di conesta pa SIMAR y VAN HUFFELEN: In 2 gevallen heeft er betaling van FASE noodsteun laatsgevonden terwijl de personen in kwestie waren overleden.

Ten tijde van aanvraag waren deze personen in leven en hebben een correcte aanvraag gedaan tot FASE. Deze aanvragen zijn tijdens de eerste aanvraag periode geschied.

Een persoon is helaas overleden in afwachting van betaling van de FASE en de andere gedurende

dat de persoon al FASE ontving. Gezien het feit dat de eerste aanvraag periode geldig was voor 3 maanden FASE en

in juli 2020 de tweede termijn van FASE voor 2 maanden geldig was, hebben deze personen doorbetaling gekregen.

4

Diasabra 9 Juli 2022

Muchanan di scolnan basico a wordo entrega rapport eroneo Un gran grupo di mayor di diferente scolnan di Dienst Publieke Scholen (DPS) a haya un sorpresa desagradabel ora a ricibi rapport di fin di aña escolar di nan yuinnan.

Por a constata cu por lo menos tres scol di DPS locual ta Colegio Conrado Coronel, Scol Primario Kudawecha, y Scol Basico Washington, henter klasnan a ricibi rapportnan eroneo y cu e rapportnan aki a wordo

manda cas cu firma di ambos maestro/maestra y cabesante di scol.

rapport. Scolnan a pidi e rapportnan eroneo bek pa drecha nan.

Aparentemente tabata tin un fout den e sistema di LVS, unda e calculacion final di cifra average no tabata klop. Claro cu tur sistema tin posibilidad di haci un eror, pero locual ta alarmante ta cu ni maestronan di scol ni cabesantenan di scol a ripara esaki, a firma y manda cas tur

Algun mucha lastimamente ta keda sin haya nan rapport corecto na tempo.

RESUMEN SEMANAL DI CASONAN DI COVID-19 NA ARUBA

Mayornan ta pidi cabesantenan di e scolnan aki pa un splicacion y ta spera cu e negligencia aki no lo pasa mas.

Comision di Recuperacion Economico a continua cu segundo sesion

08 di juli 2022: Segun resumen semanal di awe diabierna, 431 persona a recupera den e siman aki y un total di 448 caso nobo di COVID-19 a keda registra.

E cantidad di casonan activo di COVID-19 pa awe ta 342 y cantidad di fayecidonan relaciona cu COVID-19 a aumenta na 224. Forsa na famia di e fayecidonan.

Datos ta ilustra casonan nobo di COVID-19 cu un averahe semanal di 64 caso positivo pa dia y un averahe di 'Positivity rate' semanal di 62% pa dia.

Actualmente na Aruba tin 8 persona interna cu of debi na COVID-19 di cual 6 riba piso general y 2 ta den ICU. Na Colombia no tin ningun pashent di COVID.

DIRECTIE FINANCIЁN TA BAY BEK NA SU ORARIO NORMAL Directie Financiën ta informa cu nan lo reanuda servicio normal y lo habri pa publico entrante dialuna 11 juli 2022.

Nos orario ta di dialuna-diabierna 7:30 am -12:00 am y 1:15 pm - 4:00 pm. Nos ta sigui atende peticionnan di clientenan digital (via email).

Pa peticionnan di DIMAS lo nos tin un balie separa pa atende cu e clientenan ey.

Un peticion na tur cliente pa sigui mantene e reglanan vigente di COVID-19, tapaboca ta obligatorio, uzo di handsanitizers y ta mantene distancia social.

Pa cualkier pregunta of informacion, por tuma contacto na telefoon 522-3346 of via info@finance.gov.aw.Masha danki di antemano pa e pasenshi, comprension y cooperacion.

Diaranson 7 di juli a tuma luga e di dos sesion di e Comision Recuperacion Economico institui door di Minister Geoffrey Wever. E comision ta trahando hunto pa formula incentivanan fiscal y economico cual lo mester stimula inversion y economia di Aruba.

Clima empresarial, facilidad legislativo, recompensa fiscal pa cierto inversionnan y condicionnan necesario ta keda central na e discusion. Di parti di gobierno di Aruba esaki por sirbi como un herment pa stimula e tipo di inversionnan necesario cu lo por beneficia comunidad y crea balor agrega pa pais.

Un hopi bon sesion, caminda a cuminsa structura e metanan cu kier logra, y

e incentivanan necesario pa logra e metanan aki. "Nos ta contento cu e direccion cu e reunion ta tumando, awe tabatin hopi bon idea presenta y aki bo ta wak cu Aruba su sector comercial ta creativo, tin hopi conocemento y kier contribui", Minister Wever a menciona.

Lo sigui colabora entre e comision dentro e dianan binidero. Por spera cu un raport final lo ser presenta dentro di algun siman na Gobierno di Aruba.

Minister Wever ta hopi positivo riba e bon recomendacionnan poni riba mesa, y cu implementacion di esaki lo aporta na Aruba su resiliencia y determinacion pa desaroya un economia moderno y duradero.

5

Diasabra 9 Juli 2022

Hues ta habri caso bek den caso asesinato Shayuri

Awe mainta Hues a tuma un decision mas tempran den e lamentable caso di tira mata e dama Shayuri (19) riba 4 Juni 2021, caminda e sospechoso principal ta Izak Principaal.

Manera SOLO DI PUEBLO a informa dia 24 Juni 2022, ta un serie di delito Izak Principaal hunto cu Zuriel Celaire a haci.

Fiscal a exigi 11 aña di prison pa Izak mientras cu pa Zuriel el a exigi 6 aña di tratamento obligatorio sera di un institucion.

HUES A HABRI INVESTIGACION BEK Awe mainta via video conference, Hues a bisa cu e motibo cu el a tuma un decision mas tempran, ta pasobra cu e kier haya mas informacion pa por tuma un decision corecto den e caso di Izak.

Hues a bisa cu e ta habri e investigacion bek pa Izak.

Hues ta haya cu e no tin suficiente informacion pa cu e hechonan y si Izak ta responsabel of menos responsabel pa su actonan.

Hues a sigui bisa cu e kier informacionnan bon pa asina por dicidi si ta bay usa e ley penal pa adulto of e ley pa hubentud pa condena Izak.

RAPOR DI PSYCHIATER NO COMPLETO Hues a mustra cu evaluando e caso, el a constata cu e raport di

Minister Dangui Oduber ta gradici tur maestronan di scol y ta felicita tur alumnonan pa cu e ceramento di aña escolar 2021-2022

psycologo ta mustra cu Izak no ta responsabel pa su actonan. Hues ta haya bon motiva di psycologo cu mester aplica ley di adulto y pone Izak na disposicion di Gobierno (TBS).

Sinembargo, Hues ta mustra cu psychiater su evaluacion no ta completo.

Psychiater ta haya Izak culpable pasobra ta e mes a bay haci’e. Hues no ta haya aki suficiente splica. Tampoco Hues ta haya suficiente splica e conclusion di psychiater.

BUSCA OPINION DI PSYCHIATER DI CURACAO Hues a bisa cu e kier haya informacionnan concreto pa asina e por evalua e caso corectamente y yega na un conclusion cu segun ley ta exigi. Hues a bisa cu e ta bay apunta un psychiater di Curacao pa bin Aruba pa evalua Izak. El a bisa cu pa dia 26 di Augustus 2’or di merdia lo sigui cu e caso pero pro forma, pa mira con leu psychiater ta cu e raport.

Cu e decision di Hues, ta mira claramente cu Corte no ta tolera pa psychiater di Aruba, core traha un raport den pura. Corte ta depende riba evaluacion amplio pa asina por tuma un decision corecto. Esaki ta un señal bon cla den direccion di psychiater di Aruba pa percura pa haci trabao manera ta spera di un psychiater.

Diabierna e aña escolar 2021-2022 a yega na su fin y vakantie grandi a cuminsa oficialmente.

Pa es motibo Minister di Turismo y Salud Publico sr.

Dangui Oduber ta gradici tur nos maestronan pa a guia, inspira y educa nos studiantenan durante e aña escolar. Un pabien na tur e muchanan y hobennan cu a bay over y tambe na esnan cu a gradua, suerte den e siguiente aña escolar

of cualkier reto cu boso por tin.

Educacion ta e yabi pa futuro, e ta un privilegio, un derecho di tur mucha, pa siña y expande nan mes.

Como Minister encarga cu Turismo y Salud Publico mi ta gradici y felicita tur nos hobennan cu ta studiando sea na EPB, EPI y Universidad di Aruba pa bay labora den nos sector di hospitalidad y/of den

cuido medico. Boso por logra tur cos cu boso pone como meta boso dilanti!

Danki na e maestronan pa nan esfuersonan continuo na e studiantienan, esaki ta locual ta crea e pilarnan den nos sociedad pa e dia di mañan. E ta tuma curashi pa haci e trabou aki, asina minister Oduber a trece dilanti.

6

Diasabra 9 Juli 2022

Fiscal a exigi 6 aña di prison pa homber cu tabata maltrata formal, viola y menaza su amiga Awe mainta Corte di Husticia a trata e caso penal cu Ministerio Publico a cuminsa contra e homber B.P. SOLO DI PUEBLO por a compronde cu Fiscal ta haya B.P. culpable di tabata maltrata formal, menaza cu arma y viola violento su amiga. Fiscal a exigi 6 aña di prison.

ADMITI CU TIN COSNAN NO TABATA BON B.P. a bisa Hues cu e ta casa y tabatin e amiga K. Segun B.P., nunca el a falta respet pa K. y cu nan tabatin un amor profundo. El a bisa cu nunca el a obliga K. haci cosnan cu K. mes no tabata kier.

Awor e ta realisa cu el a haci cierto cosnan cu ta contra di ley. El a bisa cu tur e cosnan cu el a haci tabata cu aprobacion di K. HOMBER MALTRATA DAMA Hues a mustra cu segun e relato di Polis, dia 7 Januari 2022, Polis a bay na un cas na Sero Preto, caminda lo tin un homber para dilanti cas cu arma. Polis a papia cu mama di K., P. E mama a bisa cu K. tin un relacion cu B.P. y cu el a wordo viola varios biaha. El a bisa cu e dia ey K. a bis’e cu B.P. a menace di lo kap tres biaha.

Segun P. den pasado caba B.P. a menaza su yiu K. cu arma. Door cu el a mira B.P. den auto dilanti cas, el a pensa cu B.P. lo tabatin arma. Despues di busca den vecindario, Polis a detene B.P. pero no a haya arma. E dama K. a bay haci denuncia y duna declaracion hopi detaya pero despues ta hala declaracion aden y despues duna otro.

K. a bisa cu e tin 2 aña di relacion cu B.P. E casa di B.P. sa cu K. tin un relacion cu B.P. El a bisa cu B.P. a exigi cu cada 15 minuut K. mester informa B.P. via whatsapp unda e ta, saca potret y location. El a bisa cu B.P. a maltrat’e cu un skin up un biaha y constantemente B.P. ta maltrat’e. Ta asina cu B.P. a instala un sistema den e cellular di K. cu e sa cada rato unda K. ta.

E dia ey B.P. a kibra relacion y K. a bisa cu e no por mas cu e relacion aki. K. a conta su prima W. kico tur a pasa. E prima a hiba K. na un cas pa K. no keda su so. Na dado momento B.P. manda whatsapp bisa cu K., cu K. lo ta cu un otro homber. E momento ey B.P. a bay na cas di K. E mama di K., a bisa K. cu B.P. ta dilanti cas.

DAMA ABUSA FORMAL Segun K., B.P. a yega di menace cu arma di candela y pone na su cara. Segun K. e tin hopi miedo ora B.P. saca arma. K. ta traha como enfermera na un lugar. Un homber hoben a pidi’e ayudo. K. den su spanto, a kita e apps cu B.P. a instala pa control’e. B.P. a reclam’e pa esaki y K. a bis’e ta un patient a yam’e. B.P. a bay cu K. na un apartamento y a abusa di dje formal di patras. E cama a keda tur na sanger. Segun K. e no por bisa B.P. nada sino e ta wordo maltrata.

El a wordo hiba hospital y B.P. a yama su seָñora pa bay hospital pa ta cu K. Na hospital K. a gaña kico realmente a pasa, pa scapa cu B.P. lo wordo deteni.

KITA DOS DJIENTE DI DAMA Segun declaracion di e dama K. haci na Polis, entre October 2021 y November 2021 den apartamento, el a bolbe wordo maltrata. E biaha aki B.P. a chok’e y despues primi na su cara asina duro cu dos djiente di K. a cay for di su boca.

MALTRATONAN FORMAL E dama K. a declara na Polis cu aña pasa tambe B.P. a maltrat’e cu un skin up. Segun K., B.P. a dal’e cu e skin up na su cabez y hasta a mord’e.

Segun K. e mester tene relacion sexual cu B.P. sino e lo wordo maltrata. K. a bisa cu 20 biaha B.P. a dal’e cu un slang diki na su curpa. K. a

keda cu sicatriz na su curpa. Tambe K. a bisa cu B.P. ta un artista di tattoo y cu B.P. a tattoo su nomber riba diferente parti di curpa di K. Segun K., hasta riba su parti intimo B.P. a tattoo. B.P. a tattoo su nomber Billy pa mustra cu K. ta su propiedad.

Ora cu Hues tabata mustra unda tur K. a wordo tattoo, por mira cu K. tabata yora.

DAMA MARA Y ABUSA Hues mustra cu K. a declara tambe na Polis cu B.P. tabata mare y abusa di dje. Cada vez K. tabata bis’e cu e ta haci’e dolor pero B.P. tabata sigui. Segun K. e tabata sinti’e forza pa tin relacion sexual brutal cu B.P. Segun K. e tin miedo di conta con B.P. ta trat’e pasobra B.P. lo mat’e. Door di tur e maltratonan y menazanan K. su confianza den su mes no tey mas. Segun K. e mester haci tur loke B.P. bis’e sino e ta wordo maltrata. E tabata tene relacion sexual contra su voluntad pero no tabata reclama door di miedo.

Polis a confisca 2 cellular y for di esakinan por constata potretnan di K. cu e tabata manda pa B.P. y “voice note” di B.P. cu ta mustra cu e ta hopi jaloers.

VICTIMA A HALA DENUNCIA ADEN Hues a bisa cu 14 Februari 2022, tabata e ultimo declaracion cu K. a haci na Polis. Ta K. mes a bay haci denuncia. Despues K. kier a hala su denuncia aden.. Dia 16 Februari 2022, K. a manda un carta pa Ministerio Publico caminda e kier hala su denuncia di 7 Januari 2022 contra B.P. aden. El a bisa cu e tabata bou presion pisa di su famia y asina el a haci denuncia contra B.P. El a bisa cu nunca B.P. a viol’e y cu tur cos a bay cu su aprobacion. El a bisa cu e kier e relacion cu B.P. caba pero no cu B.P. ta sera. Segun K. e ta bou tratamento di psycologo.

Hues a mustra cu na Hues Comisario K. a declara cu ta cu su aprobacion B.P. tabata maltrat’e. El a bisa cu si e haci malo, e ta wordo maltrata. El a bisa cu esey ta su pago. Segun K. tur e cosnan cu a sosode, tabata un forma di wega. Segun K., ta su mama y famia a bin cu un complot pa e no ta cu Billy.

SOSPECHOSO TA ADMITI B.P. mes a declara na Polis cu e no ta confia K. y nan a palabra cu cada 15 minuut, K. mester raporta. El a admiti di menaza K. cu un air gun cu ta parce un arma di berdad. E tabata sa cu K. ta un patient psychiatrico. B.P. a admiti di a maltrata K. cu un slang. Segun B.P., ta K. mes a pidi pa e tattoonan. El a bisa tambe cu e sa cu el a haci cosnan cu ta contra ley. B.P. tabata huur un apartamento caminda e tabata tene relacion sexual cu K. Segun B.P., un di e castigonan cu el a duna K., ta hinca mokete completo den su atras. Segun B.P., cada biaha cu K. gaña of haci cosnan cu e no ta permiti di haci, e ta haya castigo. B.P. a admiti na Polis cu el a bay di mas cu maltrato cu slang. El a bisa cu e tabata maltrata K. cu slang, pa K. papia e berdad. El a choca K. ora e tabata haci pregunta. El a admiti cu den auto, el a dal K. cu skin up. Tambe cu el a usa teaser riba K. pa e bisa e berdad. Segun B.P., nunca el a forza K. pa tin relacion sexual. El a admiti cu ora el a primi K. su cara, un djiente a cay. El a bisa cu el a menaza K. cu un air gun cu ta parce un arma di candela. Tambe cu K. a cuminsa pishi y perde conocimento. Tambe cu el a bisa K. cu e tin un bala cayente cu nomber di K. ariba.

SADISTA SEXUAL Psycologo ta considera B.P. un sadista sexual

cu ta un “parafiele stoornis”. Esaki B.P. ta haci pa satisfase su mes sexual. Pero e acccionnan aki ta causa molester na e pareha. Psycologo ta mustra cu B.P. semper e kier surpasa e limite.

B.P. ta usa steroid di mas. B.P. tin dificultad pa reconoce su impacto riba otro. E sa kico ta bon y kico ta malo. Psycologo ta haya cu B.P. ta completo responsabel pa su actonan. El a mustra cu e chens ta grandi cu B.P. lo bolbe sigui haci’e.

E ta haya cu B.P. mester tratamento obligatorio pero no den un lugar.

FISCAL Fiscal a bisa Hues cu e ta haya legalmente proba cu B.P. a abusa di K. y maltrat’e. Fiscal a bisa cu K. ta enamora di B.P. pero tin hopi miedo di B.P. Mustra cu K. a duna declaracion detaya con B.P. tabata abusa y maltrat’e y cu e ta cansa di tur esaki y no por mas. Segun K. e no por a dicidi nada. E tattoonan cu B.P. a pone riba dje e no tabata kier. E no ta permiti bay ningun caminda. E mama di K., famia di K. a declara cu K. tabatin hopi miedo di B.P. y cu K. tabata wordo maltrata door di B.P. Fiscal a mustra cu B.P. mes a declara cu e tabata maltrato K. ora K. gaña. El a admiti di a menaza K. cu un air gun. El a maltrata K. cu un slang, skin up, primi na cara te cu djiente a cay.

B.P. ta bisa cu e no a forza K. pa haci tattoo. El a bisa cu e tabata mara, maltrata K. y despues ta tene relacion sexual. Fiscal ta haya cu aki no por papia di tin relacion sexual voluntario. E ta haya cu B.P. tabata domina y controla K. y pesey a pone su nomber tattoo riba K. Despues K. kier hala denuncia aden. Pero esey no ta haci cambio den e caso. Cuater biaha K. a declara con el a wordo viola, maltrata y obliga door di B.P. Fiscal a bisa cu K. tabata asina bou di dominio di B.P., cu e kier keda cu B.P. Awor K. ta sinti cu ta door di dje, B.P. ta sera. El a hala su denuncia aden pa asina B.P. por ta liber pasobra e kier B.P. Fiscal a mustra cu K. no a bisa cu e cosnan cu a sosode no ta berdad pero cu e mes tabata kier.

Na opinion di Fiscal, esey no ta kita afor cu B.P. ta castigabel.

CASTIGO Fiscal ta haya cu premedita B.P. a maltrata, viola, menaza e dama K. Psycologo ta mustra cu B.P. ta responsabel pa loke el a haci. Segun Fiscal, Corte Supremo, haci tattoo di e forma aki ta wordo considera como maltrato severo. E marcanan cu K. tabatin di e maltrato por wordo considera como maltrato severo.

Fiscal ta haya cu B.P. tabata domina y controla K. Loke e kier, e tabata haci cu K. El a marca K., cu tattoo di su nomber. Fiscal a bisa cu e no ta haya na su lugar un castigo combina. E no ta haci husticia pa e seriedad di e caso. El a exigi 6 aña di prison.

7

Diasabra 9 Juli 2022

AHATA cu campaña di conscientisacion ”Ami Ta Turismo” – 8 Juli, 2022: Aruba Hotel & Tourism Association (AHATA) ta reintroduciendo su campaña “Ami Ta Turismo” cu e meta pa crea conscientisacion den nos comunidad di diferente oportunidad cu tin den nos sector turistico y pa demonstra e orguyo y pasion, di personanan dedica na e industria.

E campaña ta consisti di videonan di diferente personanan den hospitalidad, y cada un

ta describi e importancia di su trabao. AHATA ta considera e persona nan aki como embahador di nos industria turistico; e pilar di nos economia.

E videonan ta ilustra e diversidad di trabao y personanan den e sector, y con pasion y dedicacion di cada empleado ta representa Aruba su producto turistico cu ta reconoci mundialmente.

E comunidad por ta orguyoso di e miles di persona cu ta brinda servicio na nos bishitantenan, y p’esey a

scoge e nomber “Ami Ta Turismo”.

Tur siman lo introduci 3 “embahador”

riba television y plataformanan social, cuminsando Dialuna 10 Juli, 2022. Cu e campaña aki AHATA ta spera di por

crea mas conocemento di e industria y di inspira mas persona pa realisa un carera den nos industria turistico.

Prome Minister Evelyn Wever-Croes: Mensahe di fin di aña escolar di Prome Minister

DANKI NA TUR ESNAN CU TA CONTRIBUI NA E FUNDESHI DI NOS FUTURO GENERACION Awe, diabierna 8 di juli, e aña escolar 2021/2022 ta yega su final. Un aña cu hopi reto. Prome Minsiter ta desea den su mensahe pa fin di aña escolar aki, ta gradici tur esnan cu ta contribui na e fundeshi di nos futuro generacion cada aña.

“Saliendo di e pandemia, mas y mas ta bira cla cuanto daño e pandemia a ocasiona. Tin parti di e materianan cu nos a logra recupera, pero tin algun cu no por a wordo recupera ainda.

Sinembargo, nos ta wak atras na un aña exitoso.

Pabien na tur esnan cu a pasa e aña aki cu exito, trabou duro y sacrificionan sigur a duna nan fruto. Pabien especial na tur graduado cu awor ta bay cuminsa un siguiente etapa den nan bida, hopi exito. Na

esnan cu no a pasa e aña cu exito, tuma un descanso awor den vakantie, y despues cuminsa bek yen di energia. Cuminsa cu un actitud positivo, cu e biaha aki si bo ta bay logr’e. Corda, ora bo bisti e bril positivo, bo ta mira tur e solucionnan y oportunidadnan, si bo bisti e bril negativo, bo lo mira problema y desafio so.

Na Mayornan, danki di curason pa guia y stimula boso yiunan den nan estudio. Ban sigui apoya nan, sigui guia nan, pasobra nan mester di nos, pa con grandi cu nan bira.

Na docentenan: un danki di curason, boso tabata tin e tarea noble pero pisa di guia nos studiantenan pa logra nan meta, y na caminda indudablemente boso a inspira nan, y

boso a yuda forma nan fundeshi. Pabien cu e exitonan di e aña escolar aki.

Awor tur preparativo ta wordo haci pa aña escolar 2022/2023, y mi tin tur confiansa cu e aña escolar nobo lo ta uno

exitoso. Goza hopi di e vakantie bon mereci”.

8

Diasabra 9 Juli 2022

Prome Minister Evelyn Wever-Croes:

PROME MINISTER TA FELICITA GRADUADONAN DI EPI SECTOR ‘ZORG EN WELZIJN’

E Siman aki Prome Minister Evelyn Wever - Croes tabata presente na diferente ceremonia di graduacion.

Recientemente e studiantenan di EPI di Sector ‘Zorg en Welzijn’ a ricibi nan diploma.

Prome Minister a expresa cu e ta un honor pa representa Gobierno na e ocasion “Sea orguyoso di bo mes, ami ta hopi orguyoso di boso,” Prome Minister a inicia bisando. Cu e logro aki, cada graduado ta formando nan futuro y futuro di Aruba. E profesion di brinda servicio esta, ‘zorg en welzijn’ ta un bunita profesion. Y awor cada graduado ta drenta otro etapa den bida sea ta pa traha of sigui studia, pa cual Prome Minister a enfatisa riba e importancia pa no laga

nada kita nan for di nan meta.

Premier Wever - Croes durante su speech a referi na Minister Endy Croes cu ta enfatisa riba e 4 D-nan: Deseo, Disciplina, Dedicacion y Determinacion y con pa aplica esakinan. Fiha bo deseo/bo meta. Aplica disciplina, keda traha duro riba dje. Mustra dedicacion na yega bo meta, bo estudio of bo trabou. Y no laga nada strobe bo, pasobra cu determinacion bo ta logra.

Den nomber di Gobierno di Aruba Premier Wever - Croes a gradici henter e staff y personal di docentenan cu ta esnan cu a guia cada un studiante pa yega na e exito aki. Y a duna danki tambe na mayornan y demas famianan cu

tambe a brinda sosten y a kere den e studiantenan.

Pa conlcui, Prome Minister a bisa cu Aruba ta saliendo di e

pandemia, y ta temponan cu ainda tin retonan hopi dificil, pero lo sigui traha na recuperacion di nos pais. Aruba mester

di nos tur! Masha pabien na tur graduado y hopi exito den futuro.

9

Diasabra 9 Juli 2022

MINISTER ENDY CROES A RICIBI BISHITA DI E CAMPEON MUNDIAL DI LANDAMENTO MIKEL SCHREUDERS Dialuna ultimo Minister Endy Croes a ricibi bishita di cortesia di e atleta mundial di landamento Mikel Schreuders kende ta di vacacion riba nos isla.

Actualmente Schreuders ta bibando na Francia unda e ta preparando pa e Weganan Olimpico Paris 2024. Durante e encuentro ameno nos a combresa extensivamente riba Mikel su preparacion pa su proximo competencianan.

Den luna di juni di e aña aki Mikel Schreuders a competi na e 19th FINA World Championship cu a tuma luga di 19 pa 25 di juni na Budapest, Hungary. Dia 19 di juni Schreuders a competi

den 200 ‘freestyle’, unda e la keda na di 24 luga. Dia 20 di juni Schreuders a landa e 50 ‘breaststroke’ y a logra e impresionante record di 13 luga den mundo.

Dia 21 di juni Mikel a landa 100 ‘freestyle’ y a logra 15 luga den e semifinal. E fin di siman aki Schreuders lo ta competiendo na Aruba.

Minister Endy Croes a duna Mikel un recuerdo cu e emblema di 4D! cu ta significa deseo, disciplina, dedicacion y determinacion. Pa finalisa e mandatario ta desea Mikel tur clase di exito den su preparacion pa e proximo competencianan!

Ministerio di Husticia y Asuntonan Social:

A INTRODUCI FORMULARIO NOBO PA PROCEDURA DI BIAHE PA CU MENORNAN DI EDAD OBTENIBEL RIBA PAGINA WEB DI GOBIERNO DI ARUBA Diaranson atardi, Inmigracion Aruba a anuncia e proceso nobo den cuadro di permiso pa biahamento di menornan di edad.

Considerando cu algun mayor lo ta biahando sea awe of den transcurso di siman, Inmigracion Aruba ta rectifica e proceso nobo cu a wordo anuncia ayera, y lo acepta e proceso anterior cual ta ensera e carta firma door di ambos mayor.

Sinembargo, e formulario nobo ta obtenibel caba riba pagina web di Gobierno di Aruba; www.gobierno. aw, y lo drenta na vigor dentro di poco.

Mirando cu vakantie grandi di scol ta acercando, hopi famianan ta biaha y

den cierto casonan tin menornan di edad envolvi. E proceso actual ta ensera cu mester di un carta, firma pa un di e mayornan, unda cu ta duna autorisacion pa asina sali for di Aruba cu e menor di edad.

Den practica, esaki semper a trece contratiempo na momento di controla e documentonan cu ta ser entrega, y na varios ocacion a trece confusion, retraso y perdemento di vuelo acompaña pa consecuencianan pa Inmigracion Aruba.

Bisando esaki, Inmigracion Aruba a introduci un formulario nobo, pues un maneho nobo cu ta tene cuenta cu e derecho di mucha,

pa preveni secuestro di mucha.

Den pasado, tawata tin casonan caminda sea un mayor of cualkier otro persona ta probecha di e situacion y ta bandona Aruba cu e mucha menor di edad sin conocemento di e otro mayor. Pa e motibo aki, a scoge pa bin cu un proceso nobo, caminda lo usa un formulario uniformal, unda no lo rekeri mas di e geboorteakte.

E sistema aki lo percura pa asina por tin un database mas amplio y miho control di parti di Inmigracion Aruba y ta mantene e procesonan corto y mas eficiente. Bisando esaki, Inmigracion Aruba lo keda monitorea e

situacion, y lo evalua e posibilidad di implementa e proceso

nobo aki, entrante 18 juli 2022.

10

Diasabra 9 Juli 2022

Parlamentario Ricky Hoek (MEP):

Ley di Kinderopvang ta fortifica Centronan di Cuido di Mucha y desaroyo di nos muchanan Dialuna 4 di juli ultimo, Parlamento di Aruba a aproba e cambionan redaccional di e ley di ‘Landsverordening Kinderopvang’ pa asina e ley por drenta na vigor entrante medio di e aña aki. E prome concepto di ley di kinderopvang a keda aproba caba desde aña 1998.

E spirito di e ley di kinderopvang ta pa tin un cuadro legal den cua e centronan di cuido lo mester cumpli cu un exigencia di calidad minimo pa loke ta trata nan facilidadnan pa cuido, educacion y guia di nos muchanan. Di e manera aki por garantisa cu tur centro di cuido ta traha na e mesun nivel, tur mucha ta haya y crece den e mesun desaroyo y ta preveni pa tin casonan di negligencia y abuso di mucha.

Pa e ley aki por ‘biba’ y keda implementa debidamente, gobierno a instala un stuurgroep ‘Departamento di Mucha y Hoben’ cu ta traha incansablemente na diferente aspecto di e ley aki. Por ehempel, awor aki ta yegando den e fase final di

concretisa e Manual di Regulacion den Centro di Cuido di Mucha Aruba (Handleiding Kwaliteitseisen Kinderopvang Aruba).

A base di e manual aki, centronan di cuido di mucha tin un guia pa loke ta trata e cambionan na diferente nivel cu nan lo mester introduci den nan localidadnan. Asina por ehempel na juni di 2020 caba e Taskforce Bedrijf COVID-19 den colaboracion cu Minister di Asunto Social y Labor a haci un bishita y inspeccion na 165 centro di cuido di mucha. Asina por bisa cu 72 a cumpli cu e rekisitonan y 4 mester a haci algun adaptacion y demas tabata sera debi na e pandemia. Pa por cumpli cu tur exigencia di seguridad y adaptacion den e centronan, tin un temporada di transicion di 3 pa 5 aña pa e centronan di cuido di mucha por introduci nan cambionan.

No solamente riba e localidadnan ta pone atencion, pero tambe riba e conocemento y desaroyo di e guianan pedagogico cu ta traha den e centronan di cuido di mucha. Asina tin 56

guia pedagogico cu ta den e opleiding di SPW na nivel di MBO 3 y lo termina nan estudio na december di 2023.

Adicionalmente tur e centronan di cuido a haya un curso di Codigo di Proteccion pa asina upgrade y fortifica e guianan pedagogico den nan trabounan diario.

Ademas, dia 29 di april di e aña aki e experto Dr. Kelly Hantak di University of Missouri – Kansas City Institute for Human Development a duna un training tocante e herment di screening ‘Developmental Milestones Matter’

cu ta yuda observa y señala e desaroyo di muchanan. Di e manera akin a un edad trempan e muchanan por wordo yuda cu nan habilidadnan y caminda cu mester di mas atencion esaki lo wordo trata debidamente.

Finalmente ta importante pa menciona cu e screeningnan aki lo yuda yega na un data cu tambe lo yuda Aruba ricibi sosten financiero di e fondonan internacional.

E stuurgroep di DMH ta trahando riba acumulacion di data,

pa haya mas fondo cu ta posibel pa e proyecto piloto aki ta uno exitoso. E proyecto aki ta fundamental pa por brinda tur mucha un oportunidad igual, p’asina por atende un scol regular y ta un miembro activo di nos comunidad independiente.

Conluyendo por bisa cu e ley di kinderopvang lo trece cambionan positivo na bienestar di tanto e mucha, e guía pefdagogico, mayornan, centronan di cuido di mucha y nos sociedad en general.

OM ta cera caso penal contra Kawaiah cu un multa Riba 22 di juni ultimo a detene A.A. Kawaiah riba sospecho di falsificacion y di a realiza actonan den cuido medico en contra di Ley di Calidad den Cuido Medico (Landsverordening Kwaliteit in de Gezondheidszorg). El a

keda deteni ocho dia y a wordo poni den libertad despues.

Ministerio Publico a cera e caso penal contra A.A. Kawaiah cu un multa. El a paga e suma maximo di 25.000 florin. Si lo a yega asina leu cu a hiba A.A.

Kawaiah dilanti Corte, e lo a posiblemente haya un castigo den forma di trabao pa comunidad y/of un multa. Segun Ministerio Publico, pagando e suma maximo ta cuadra cu e seriedad di e hechonan y un caso penal no ta necesario mas.

11

Diasabra 9 Juli 2022

Parlamentario Alvin Molina (MEP):

Pueblo tin e oportunidad pa conoce e proyecto di Eagle LNG personalmente

Otro siman Eagle LNG lo sigui duna informacion na pueblo di Aruba, e biaha aki na un manera mas personal. Politiconan di tur signatura e expresa nan punto di bista riba e proyecto aki.

Entrante otro siman ciudadanonan por haci pregunta, vocifera nan preocupacionnan, duna tips y ideanan directamente na expertonan di Eagle LNG. Por ehempel por haya mas informacion di e historia/experencia di Eagle LNG, e meta di e proyecto na Aruba y con lo ehecuta e proyecto.

Tambe lo por ricibi mas informacion tocante e impacto di e proyecto riba medio ambiente y specialmente esnan cu ta biba den e area entre WEB y refineria.

Cu esaki Eagle LNG ta demonstrando nan

deseo pa pueblo di Aruba ta bon informa tocante e proyecto aki.

Ta bon informa lo por yuda pa kita cualkier preocupacion cu kisas ainda por biba den pueblo, specialmente topiconan cu ta concerni siguridad y e impacto riba e bida diario den barionan pariba di brug.

Ayera representantenan di Eagle LNG a bin den parlamento pa contesta preguntanan. A sobraya cu nan tin e boluntad pa contesta nan den tur transparencia.

Di mi banda mi kier invita pueblo di Aruba pa haci uso di e oportunidad aki di combersa directamente cu expertonan riba e proyecto di Liquid Natural Gas (LNG). Bini, haci bo pregunta, comparti bo preocupacionnan y sigur tambe comparti

bo deseonan pa cu e proyecto aki. E profesionalnan lo tey presente na MFA Savaneta diamars

Juli 12 di 9:00am pa 1:00pm. Di dos session di informacion lo tuma lugar diaranson 13 di juli di 2:00pm pa

5:00pm y por ultimo diahuebs 14 di juli di 6.30pm pa 9:00pm.

12

Diasabra 9 Juli 2022

Entrante 13 July no por paga cu ATM card mas na ningun pumpstation, mester paga cash!

Den nomber di Associacion di Gasolin Stations di Aruba kier a notifica communidad di Aruba cu entrante 13 di juli 2022, nos no lo por ricibi pago mas pa medio di tarheta di Maestro / Debito di banco.

E operacion di un gas station ta consisti di e venta di gasolin y diesel, na un prijs stipula mensualmente pa Gobierno di Aruba, pa medio di Minister di Economia.

E modelo / formula a base di cual e prijs aki ta wordo calcula ta un modelo di tempo di Lago.

E modelo aki no ta inclui gastonan operacional cu nos ta bin ta enfrenta e ultimo 30 / 40 añanan den mundo di comercio.

Por ehempel gastonan di mantencion, bancario, di seguro y aumento obligatorio door di decision di gobierno etc.

Specificamente e gastonan bancario, e asina jama “fees pa swipe cu Maestro / Debito” ta e ultimo druppel cu a causa e decision aki. Cualkier otro negoshi por calcula su gastonan, agrega su margen y asina dicidi riba un prijs di venta na su clientenan.

Den nos caso, esaki no

ta posibel, nos ta traha a base di prijsnan y un margen di ganashi stipula pa Gobierno di Aruba.

Den e prijs calcula pa gobierno aki, tin un margen chikito per LITER cu nos ta keda cune pa paga nos empleadonan, mantencion di nos stacionnan, seguro y tur otro gastonan operacional cu nos ta enfrenta.

E suma actual pa un gas station ta stipula na 14.5 cent pa liter di gasolin y 12.9 cent pa liter di diesel. Esaki no ta cambia ora cu gobierno ahusta prijs di gasolin of diesel, esaki ta un suma fiho, cu e prijs subi of baha.

Un ehempel, cliente ta presenta serca nos cu su auto di famia y ta cumpra 100 florin di gasolin, a base di e prijsnan actual, 3.212 florin per liter, 31.133 liter lo wordo bendi na e cliente.

Di e venta di 100 florin, gas station ta keda cu unicamente 4.51 florin pa paga TUR su gastonan, salario di empleadonan, pensioen di empleadonan, gastonan bancario, Elmar, Web, Setar, seguro, mantencion

etc. Si e cliente paga cu Maestro, banco lo cobra 0.75 florin na commission (0.75% di cada transaccion) y e station lo keda cu solamente 3.76 florin pa cubri tur su gastonan.

Lo demas di e 100 florin ta wordo paga na gobierno di Aruba, direct of indirect, sea via departamento di impuesto, o via gobierno su compania estatal FMSA cu ta e unico distribuidor di gasolin & diesel na Aruba.

Al mismo tiempo, AGDA tin cu menshona y gradici 2 banco cu pa decadas a sostene nos miembronan. Esakinan ta RBC y CMB. Ambos banco a sostene nos miembronan door di no cobra nos e porcentahe

na momento cu cliente paga cu un tarheta di Maestro / Debito na nos stations. Sinembargo, e siman aki CMB a cuminsa cobra un commission riba cada florin cu nos cobra cliente, y RBC tambe lo ta introduciendo esaki.

Nos miembronan a dicidi di uni nan mes ja cu nos no por sigui asina mas.

Den pasado nos a absorba obligatoriamente hopi gasto y incremento sin tin manera di recupera esakinan den venta.

Un commission riba e venta, manera cu banconan lo bai cobra, no ta posibel pa nos absorba, mirando e subida di prijs di gasolin y diesel, e gasto

lo keda subi, paso banco ta cobra un porcentahe di e suma cu nos mester cobra cliente, no un porcentahe di nos entrada, ni tampoco un gasto fiho.

Pa e motibo describi aki riba, AGDA a dicidi cu entrante diaranson 13 di juli 2022, nos miembronan no lo por tuma carchi di Maestro / Debito mas pa pago na nos gas stations, te ora cu Gobierno di Aruba por incorpora e gastonan adicional aki den nos gastonan di operacion.

Na nos clientenan nos disculpa pa e inconveniencia y danki pa e comprencion pa cu nos situacion.

Diasabra 9 Juli 2022

Marduga: Homber bou influencia di algo tawata grita dilanti Airport y despues ariba rotonde Sabana Berde/ Rotonde di Airport

Diabierna den oranan di marduga(4:30 a.m) security di airport lo a tuma nota di un homber hopi desorienta gritando y papiando su so dilanti e terminal.

Mirando cu e homber lo no tin fin di move a avisa autoridad.

Rotonde di Airport Basta rato a transcuri y e homber a move y lo a park su auto ariba e rotonde, por a mira cu su hazard lights tawata cendi.

E cabayero aki tawata menciona un cantidad di nomber, tanto di nos ex Minister President y nos actual Minister President, un monton di "teorianan" bruha.

Tambe nos por a nota cu a homber su t-shirt tawata hopi muha indicando cu e tawata transpirando profusamente, un posibel indicacion cu e lo por a usa un of otro substancia mas prome den oranan di marduga.

Polis a bay pa trata na pone supla, pero no esey a logra, tawata tin un rato cu e mes a drumi plaat ariba caminda boca abou y despues ta lanta bek sigui papia yen cos bruha.

Na un manera trankilo polisnan a pone den boei y despues cu transportwagen a yega e la wordo hiba warda di polis.

13

14

Diasabra 9 Juli 2022

Muchanan representanto Aruba tabata tin intercambio di regalo y encuentro cu prensa na Republica Dominicana

Diaranson tabata tin intercambio di regalo unda cu tur pais presente a sera conoci cu otro y a intercambia di regalo y cultura na e evento Festival del Talento y la Belleza Internacional organisa na Republica Dominicana. Ariba e anochi aki e paisnan a entrega nan regalo oficial tambe na e organisacion.

Danki na Departamento di Cultura Aruba nos muchanan a duna e organisacion bunita regalonan oficial di Aruba como un simbolo di intercambio di cultura y amistad.

Diahuebs atardi nos representantenan tabata tin encuentro cu prensa Dominicana hunto cu tur e participantenan di e paisnan presente na e evento aki. Nan a presenta nan mes na prensa y prensa a

saca potret y filma tur e paisnan presente pa asina duna un cobertura na e evento aki na Rep. Dominicana.

The Chaz Modeling & Talent School ta

sumamente orguyoso di su alumnanan cu representando Aruba dignamente. Ban sigi apoya nos muchanan.

Aruba Ariba!!! Follow e instagram di @ beautycontestagnes.

15

Diasabra 9 Juli 2022

PAO-cursus Governance in de zorg

Riba 6 di juli 2022 Fundacion SIKI (Stichting Instituut voor Kennis en Innovatie) a organisa exitosamente e curso avansa titula "Governance in de zorg".

E curso aki a wordo duna na varios organisacion den sector di salud cu a participa. Orador di e evento tawata mr.dr.

Jayburtt Dijkhoff kende a splica detayadamente e importancia di control y di e tarea di hunta di supervision y gerencia di un instancia di cuido.

Tambe a presenta sr.

Edwin Brugman di Hulanda cu a mustra riba e retonan na tera friw y drs. Lex de Jong di Fundacion Respaldo cu a

elabora riba e retonan cu directornan ta encontra.

Por menciona tambe cu a presenta drs. Prakash Mungra, director di Banco Central, y a splica

den un manera hopi cla e similaridadnan entre e sector financiero y di salud. Tambe el a splica elocuentemente tocante profesionalismo y mecanisomonan di

control. Fundacion SIKI ta gradici tur participante y colaboradornan pa e evento asina educativo y riba un topico cu sigur lo haya su debido atencion den futuro.

16

Diasabra 9 Juli 2022

MINISTER ENDY CROES TA FELICITA 51 GRADUADONAN DI INSTITUTO PEDAGOGICO ARUBANO (IPA)

Durante siman aki ta tumando luga graduacion di diferente scol. Diamars ultimo Minister Endy Croes tabata presente na ocasion special di graduacion di IPA cu a tuma luga den e Ballroom di Marriott Aruba Resort y Stellaris Casino. Un total di 51 graduado di Pedagogisch Didactisch Getuigschrift, Bachelor Papiamento Trayecto Cortico, Master Educational Needs, Nederlands als 2e Graads, Estudio pa maestro di Enseñansa Primario, Movecion y Salud y

Bachelor Papiamento.

Minister Endy Croes ta felicita e maestronan nobo cu nan logro di obtene nan diploma.

Esaki ta e resultado: di boso esfuerso, disciplina, dedicacion y determinacion Pa finalisa Mandatario ta gradici staf y personal, docente y mentornan y tur esnan cu a guia cada un studiante pa yega na e exito aki. Y ta felicita e mayornan y famianan cu duna sosten y kere den nan yiu. Masha pabien tur graduado y hopi exito den futuro

Pagina 17

Diasabra 9 Juli 2022

Steve Andreas a representa Aruba na e grandioso Festival “Pal Mundo”

Un di e festivalnan di mas grandi di genero Latino y Caribense na Europa “Pal Mundo” a hasi un invitacion na Productor y Dj Steve Andreas pa presenta na e grandioso evento, cual cu e aña aki a tuma lugar na Den Haag na Hulanda.

Algun invitadonan special cu a presenta den e evento exitoso aki tabata J Balvin, Maluma, Prince Royce, Anitta, Farina, Chimbala,Gente De Zona, Konshens, Ir Sais pa menciona algun y cu honor representando Aruba Steve Andreas y Allymar Maduro mihor conoci como Tribal Kush tambe a tuma escenario.

Steve Andreas a comparti cu “Pal Mundo” tabata un experiencia hopi special.

Mirando con e publico tabata reaciona especialmente ora cu e la toca e cancion “Aruba”. E reaccion tabata algo cu te asta

a dun’e kippenvel. Ir Sais tambe a yama Steve Andreas na momento cu e la presenta “Flauta” pa asina dun’e reconosimento como Productor di e cancion aki.

Manera Steve Andreas a

comparti cu hopi gratitud entre poco cu backstage cu por a papia papiamento. Sigur “Pal mundo” lo ta uno inolvidabel cual cu hopi orguyo nos dushi Isla Aruba e la representa.

Pagina 18

Diasabra 9 Juli 2022

Seccion di fotoshooting a tuma lugar na Republica Dominicana pa nos muchanan

Ariba diahuebs na e evento Festival del Talento y la Belleza Internacional organisa na Republica Dominicana tabata tin durante dia e seccion di fotoshooting pa tur participante di cual nos tin cu bisa cu Aruba su muchanan a luci tremendamente.

Nan posing, nan trahenan y nan preparacion tabata waw. E atencion cu e muchanan ta hala tur caminda cu nan bay ta tremendo y asina tambe juda

pa pone Aruba su nomber na halto. Nos kier a gradici na e estilista cu a acompanja e delegacion di Aruba na Rep. Dominicana y cu ta haciendo un tremendo trabow cu nos muchanan, esta Allan Kock.

The Chaz Modeling & Tal-

ent School ta sumamente orguyoso di su alumnanan cu representando Aruba dignamente.

Ban sigi apoya nos muchanan. Aruba Ariba!!!

Follow e instagram di @ beautycontestagnes.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 19

Diasabra 9 Juli 2022

Women empOwering Women (WOW ) Aruba – “Career Day 2.0” Diasabra dia 2 di Juli, Women empOwering Women (WOW), a organisa nan di dos evento di Career Day, Career Day 2.0 na Piso 3 Workcenter.

E proyecto aki a wordo inicia door di e Empowerment Committee y a wordo ehecuta bou liderazgo di “Outgoing” Head of Empowerment, Sjeidy Feliciano.

Career Day tin como meta pa guia y prepara damanan cu ta drenta den e area laboral E mainta aki a cuminsa cu un ‘Welcome message’ for di Presidente Rocío Burgos y nos partners di ORUA Toastmasters club.

Presidente Rocío a pone enfasis riba kico WOW su meta ta, dicon e proyecto aki ta importante pa nos organisacion y en corto a duna un splicacion kico un ‘elevator pitch’ ta. ORUA Toasmasters Club a duna un introduccion riba kico nan ta haci como club y tambe a brinda tips y trainings di entrevista.

Sigui pa un seccion na unda nos miembronan a sinta ‘one-on-one’ cu e participante pa hinca nan CV den otro na un manera profesional.

Despues e participantenan a wordo dirigi pa e “Beauty Space” na unda nan por a scohe y bay cas cu paña pa trabou cu miembronan di WOW a colecta. Miembronan di e ‘Beauty Committee’ a yuda asisti den haci nan cabey y “style” nan look. Nan make-up a wordo haci door di Oszienne Croes - @MakeUpByOszienne – pa completa nan look y pa asina nan por a tuma nan headshots door di fotografo profesional Ayrton Tromp pa pone riba nan CV. Como sorpresa y pa finalisa e mainta aki e participantenan a haña e oportunidad pa sinta cu dos agencia di empleo pa aplica per directo.

Proyecto nan manera Career Day tin e obhetivo pa brinda un otro hende muhe e oportunidad di supera su mes. Nos ta hopi contento

y orguyoso di e damanan cu a ‘show up’ pa nan mes, y mustra cu nan kier sigi desaroya nan carera profesional y mehora nan situacion actual. Na final di e dia e damanan a expresa nan gratitud y cu nan lo desea pa mas hende muhe den nos comunidad apoya otro den e manera aki.

Nos kier a gradici nos team di boluntario y specialmente Sjeidy Feliciano pa a guia y ehecuta e proyecto aki.

Na nos partners di Toastmasters Club of Aruba pa dedica nan tempo boluntario pa “shed y share their knowledge & tips”.

Tambe un danki grandi na nos sponsors Romar Trading, Subway Aruba y Piso 3 Workcenter cu a yuda haci e mainta aki posibel.

Y sin falta un danki na nos miembro nan cu a yuda haci e evento aki uno exitoso!

Pagina 20

Diasabra 9 Juli 2022

Aruba a arasa den premio di trahe di fantasia na Republica Dominicana

Muchana di Aruba sobresali cu nan trahe nan di fantasia diahuebs anochi na Festival del Talento y la Belleza Internacional na Republica Dominicana. Dunando un show di carnaval manera cu Aruba so por haci, Aruba a sa di gana tres premio di mihor trahe di fantasia. E publico presente a apoyanan cu hopi amor y carinjo. Un biaha mas Aruba su trahenan di fantasia a luci y e fantasia di vlinder, solo y aloe a trece e fantasianan di Aruba su naturalesa riba escenario.

Tanique cu su fantasia di vlinder, Thaheeli cu su fantasia di e solo cayente di Aruba y Annabell cu e trahe di fantasia di Aruba su aloe a logra bay cu titulonan maximonan den categorianan Miss Teen Model International, Mini Model International y Little Beautiful of the World respectivamente.

Nos tin cu remarca cu e trahe cu tabata representa e perla di Caribe Aruba

cual a wordo presenta pa Maya Gordon tabata impresionante y impactante, y sigur den nos concepto tabata merece di ta entre e ganadornan. Good job Maya cu sigur a sa di haci un impacto impresionante bailando cu e dushi ritmo di Aruba su carnaval. Un pabien tambe ta bay na e designer nan cu ta Roberto (Boedoem), Carlos y Anthony pa nan aporte na nos representantenan na Rep. Dominicana. Den e otro categorianan Republica Dominicana y Isla Catalina a bay cu e premionan maximo di trahe di fantasia. Diabierna lo tin e competencia di talento di cual Thaheeli Geerman cu ta nos Mini Model so lo participa den e competencia aki y tambe diabierna lo tin e entrevista cu huradonan. Diasabra anochi lo tin e gran anochi final, dus Aruba completo ban sigi apoya nos muchanan.

Aruba Ariba!!! Follow e instagram di @beautycontestagnes.

Pagina 21

Diasabra 9 Juli 2022

Pagina 22

Diasabra 9 Juli 2022

E cuater miho shampoonan casero pa caba cu caspa Cuanto hende ta sufri di caspa y no ta logra caba cun'e, apesar di a usa diferente producto!

Na prome luga, ta fundamental ta berigua ki tipo di caspa nos tin.

A partir di e momento ey, nos por usa un di e shampoonan natural cu nos ta usa. Descubri den e articulo aki e 5 miho shampoonan casero pa pone fin na caspa.

Na e mesun momento, nos ta logra haya un cabey bunita, fuerte y sano. Laga nos purba!

Ki tipo di caspa nos tin?

Nos ta referi na e caspa ora cu nos ta observa puntonan chikito blanco den nos cuero di cabes.

E por causa grawatashi of miho bisa, un aspecto sushi na nos cabey y ademas, nos ta supone un importante problema estetico.

Ta motibonan suficiente pa busc un solucion. No obstante, nos mester observa con pa berigua ki tipo di caspa e ta: ● Si e tin un aspecto seco y por causa picamento.

Ta puntonan blanco cu ta keda riba e kraag di nos paña, ta trata di un caspa door di descamacion. Nos cuero di cabes mester di hidratacion. ● Si e tin un aspecto vet y geel y ora nos mishi e cuero di cabes nos ta sinti e textura oleoso, ta trata di caspa door di dermatitis seborreica. Nos cuero di cabes mester di ekilibra e vet y combati e fungus caracteristico di e caspa.

Si e caspa ta algo puntual, nos mester descarta cu e tin algo di haber cu un shampoo nobo cu nos ta usa, algun deficit

pa cual nos ta recomenda meskl'e cu algun di e siguiente azetanan mas aromatico. Nos mester evita su contacto directo cu e wowonan.

2. Menta Menta ta ideal pa tur tipo di caspa, pero en especial pa esun cu ta caracterisa pa un exceso di vet. Ademas, e ta proporciona frescor y ta aliva e picamento.

E azeta aki tambe ta un bon remedi pa stimula e cuero di cabes y preveni caida.

Por lo tanto, por ta un shampoo hopi adecuado pa tur.

nutricional of un labado escaso of excesivo di e cabey. E contamiacion di otro factornan ambiental tambe por influi.

Shampoo basico casero Si nos kier un opcion natural pa combati e caspa, nos por opta pa un shampoo specifico liber di sulfato y parabeno. Tambe nos por añadi un azeta esencial na nos shampoo natural.

Nos ta recomenta realisa nos propio shampoo casero cu ingredientenan natural y añadi na nan despues algun di e azetanan esencial anticaspa cu nos propone segun nos tipo di cabey. A continuacion nos ta comparti e receta basico.

Ingrediente Pa prepara e shampoo casero nos mester di e siguiente ingredientenan: ● ½ cup di gel di aloe vera (125ml) ● Un cup di glicerina likido natural (250ml) ● 1 cup di juice di lamunchi (15ml) ● ½ cuchara di azeta di coco (8ml) ● 15 gota di azeta

esencial anticaspa eligi.

Elaboracion ● Pa elabora e shampoo casero aki, solamente nos mester mescla tur e ingredientenan den un boter y sacudi'e bon.

Semper nos mester bolbe sacudi'e prome cu use. ● Si e azeta di coco ta solido, nos por pone na baño di Maria te ora cu e dirti. E ora e lo ta cla pa mescla cu e resto di e ingredientenan.

Ki azeta esencial mi ta añadi?

Tur azeta esencial cu nos propone a continuacion, ta yuda nos combati caspa.

No obstante,

cada un di nan ta aporta propiedadnan diferente cu nos mester eligi den funcion di nos tipo di cabey.

E azetanan esencial mester ta semper puro. Riba su label nos mester haya e nomber na Latin. En caso contrario, ta posibel cu e esencianan ta sintetico sin ningun propiedad pa elimina e caspa.

1. Tea tree Tea tree ta un di e azetanan mas popular pa combati tur tipo di infeccion. Den e caso di caspa, en especial si e ta vet, e sa ta relaciona cu un fungus. Pa e motibo aki, e ta un azeta hopi efectivo pa elimin'e.

Su holo ta un poco fuerte,

3. Lavander E lavander ta e azeta esencial pa tur, danki na tur su multiple propiedadnan.

E ta antiseptico y calmante y ademas e ta destaca pa su delicioso y relahante aroma. E ta ideal pa e caspa seco y vet.

Ademas, e azeta no solamente tin e virtudnan medicinal, sino cu tambe tin e capacidad di potencia e efecto di otro azeta.

Pa e motibo aki, nos por combin'e cu cualkier di e otro azetanan cu nos propone.

4. Citrico Tur e azetanan citrico (lamunchi, apelsina, grapefruit, mandarin, lima) ta yuda nos regula e vet, combati e caspa di tipo vet y aporta hopi briyo na nos cabey.

Ademas, e azetanan esencial aki tin un delicioso holo y segun aromaterapia, ta contribiu na mehora nos estado di animo. Di hecho, e ta destaca su propiedadnan andidepresivo.

Pagina 23

Diasabra 9 Juli 2022

Mas isla den Caribe ta proteha nan frontera cu RADEX BCMS

Dialuna, 4 di juli, e Departamento di Asunto Interno di St. Lucia a lansa RADEX BCMS. Na e ceremonia tabata presente Dr. Elizabeth Bailey, Mr. Lucius Lake, Su Excelencia, Sra. Lesley Saunderson, Mr. Mark Taylor, Mr. Frank Baks and Mr. Desmond Nicholson.

RADEX BCMS a wordo implementa oficialmente na St. Lucia y lo reenforsa un maneho di frontera sigur y efectivo.

RADEX BCMS ta un sistema pa maneho y control di frontera cu ta ekipa cu e hardware y software mas actual incluyendo ‘multi-biometric capture’ y opcionan di buskeda y registracion. E carasteristicanan clave ta inclui e proceso di e prome etapa, cu ta inclui controlnan basa riba databases di paspoorts horta, ‘wanted lists’ y cualkier otro database cu un pais ta desea.

Ademas, ta inclui e proceso di e segundo etapa cu ta inclui buskeda y registracion ‘multi-biometric’, reportenan, siguridad y administracion.

E sistema ta un herment clave pa gobiernonan, departamentonan di immigracion y turismo cu

ta busca siguridad, confiansa, stabilidad y innovacion pa nan pais. RADEX BCMS ta un solucion pa yuda gobiernonan logra esaki.

Aparte di tur e beneficionan cu e ta ofrese pa maneho di frontera, e sistema ta sumamente valioso pa e parti di turismo. RADEX BCMS ta presenta varios interface y modulonan cu ta link informacion importante entre e instancianan di control di frontera y di turismo. E link di informacion aki tin hopi beneficio pa e instancianan di turismo. Ademas, e ta yuda tambe pa por procesa e biaheronan den menos tempo, evitando e rijnan largo na aeropuerto.

St. Lucia ta e isla cu a implementa RADEX BCMS mas recientemente.

Frank Baks, Director di Business Development na Gamma IT Solutions ta comparti “Nos ekipo ta hopi gradici na e Gobierno di St. Lucia y nan conseheronan pa e oportunidad pa implementa RADEX BCMS. Nos ta hopi orguyoso di nos software y nos sa cu e ta un herment hopi importante pa yuda e gobierno proteha nan frontera y nan ciudadanonan.”

Pagina 24

Diasabra 9 Juli 2022

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn

911 100 102 104 105 107 11141

Ambulance San Nicolas Ambulance Sasaki Ambulance Wayaca

584-5050 582-5573 582-1234

Horacio Oduber Hospital Centro Medico San Nic. SVB AO Ziekmelding

527-4000 524-8833 527-2782

Servicio nan Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation

582-2219 583-2999 582-4433 587-1677 583-5400 131 588-3131 587-0002 588-9999

Pagina 25

Diasabra 9 Juli 2022

Biahe pa Hulanda di grupo Arubalening 2022 Departamento di Enseñansa Aruba (DEA) ta recorda tur studiante cu a aplica pa un Arubalening cu “Reisticketkrediet” pa bay studia na Hulanda entrante augustus 2022, tocante e proceso pa haya “E-ticket” y e fechanan di biahe.

E-ticket Den e aanvraagformulier den e Arubalening Portal, por wak na “aanvullend product” si a pidi pa un “Arubalening NL Reisproduct”. Si e studiante a scoge pa un “Reisticketkrediet”, e studiante aki ta biaha cu e grupo.

E compania Discovery Travel, ubica na Renaissance Marketplace, ta e compania cu lo percura pa entrega di e “E-ticket” na e studiantenan cu ta biaha den e grupo cu Arubalening.

Despues cu e studiante

entrega su “Overeenkomst tot geldlening” y su “Verklaring van toekenning” na seccion Studiefaciliteiten di DEA, e studiante por tuma contacto cu Discovery Travel pa cuminsa e proceso pa haya su “Eticket”.

Pa “book” e “reisticket” y ricibi e “E-ticket” e studiante mester entrega na Discovery Travel via email i n fo@d i s c over y a r uba . com: * Copia di paspoort * Copia di Verklaring van toekenning Por haci esaki entre awe te cu 18 di juli 2022.

Discovery Travel na su turno lo manda e “E-ticket” pa e studiante via email.

Fecha di biahe E fechanan di biahe pa aña 2022 ta dianan 1 y 2 di augustus 2022.

Pagina 26

Diasabra 9 Juli 2022

SORTEO 7 JULI 2022 Anochi

FOR SAL SALE

Suzuki sx4 2009 airco manual 170km call today 5694343 for test drive

SORTEO 7 JULI 2022 Merdia

SORTEO 68 JULI 2022 Merdia

Pagina 27

Diasabra 9 Juli 2022

PRONOSTICO DI TEMPO VALIDO TE DIASABRA 09 DI JULI 2022, 18:00 ORA TEMPO: AWE ANOCHI: PARCIALMENTE NUBLA Y GENERALMENTE SECO DEN MARDUGA I MAYAN: PARCIALMENTE TE TEMPORALMENTE HOPI NUBLA CU UN AWACERO BREVE TEMPERATURA MAXIMO 33 GRADO CELSIUS TEMPERATURA MINIMO 27 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 35 PA 37 GRADO CELSIUS UV INDEX: 12 BAHADA DI SOLO : 7:10 PM SUBIDA DI SOLO : 6:20 AM. BIENTO: MODERA TE BASTA FUERTE FOR DI DIRECCION OOST; FORSA 4 TE 5 (20 TE 39 KM/ORA, 11 TE 21 NUDO).

DEN DIA FUERTE TE DURO DEN RAFAGA; FORSA 6 TE 7 (40 TE 61 KM/ORA, 22 TE 33 NUDO) SITUACION GENERAL DI TEMPO PA PROXIMO 24 ORA: DEN PROXIMO 24 ORA UN OLA TROPICAL LO PASA DEN AREA BAI WEST. ESAKI LO TRECE HUMEDAD DEN REGION LOCAL CUAL POR PRODUSI ALGUN AWACERO PASAJERO TE BREVE LOCALMENTE. CONDICIONAN MARITIMO/ ESTADO DI LAMA: NA PARTINAN PROTEJE DI COSTA: LEVE NA PARTINAN ZUID: MODERA NA PARTINAN OOST TE NOORDWEST DI COSTA: MODERA TE BASTANTE BRUTO. AVISO/ ALERTA: AN AVISO PA BOTO CHIKITO PA PARTINAN OOST TE NOORDWEST DI COSTA TA NA VIGOR. TA SUPLICA OCUPANTENAN DI BOTO CHIKITO PA EJERCE CAUTELA NA SOBRA PARTINAN Y TAMBE RIBA LAMA GRANDI. FENOMENONAN SPECIAL: NINGUN TEMPO TROPICAL SIGNIFICANTE: NINGUN POTENCIAL DI AWACERO PA PROXIMO 24 ORA: 1 TE 3 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 32 / MIN 26 / 0.0 MM WESTPUNT: MAX 33 / MIN 26 / 0.0 MM STA ROSA: MAX 33 / MIN 26 / 0.0 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO BREVE. BIENTO LO TA FOR DI DIRECCION OOST I MODERA TE BASTA FUERTE; FUERTE TE POSIBLEMENTE DURO DEN RAFAGA; TEMPERATURA (GRADO CELSIUS) MAX / MIN LO TA: 33 / 27

Pagina 28

Diasabra 9 Juli 2022

Boris Johnson dimitirá como líder del Partido Conservador El primer ministro británico, Boris Johnson, bajo una insoportable presión tras perder el apoyo de gran parte de su Partido Conservador, se veía empujado este jueves a dimitir.

La BBC afirmó que Johnson dimitirá el jueves como líder de la formación gubernamental, lo que implica dejar también las riendas del gobierno, y Dowing Street anunció poco después que el primer ministro se dirigirá a los británicos durante el día.

Johnson resistía Mostrando que no quería irse sin dar batalla, Johnson había destituido el miércoles por la noche al ministro de Vivienda y Gobierno Local, Michael Gove, su mano derecha en la campaña de 2016

por el Brexit, que le pidió renunciar por el bien del partido y del país.

A última hora de la tarde del miércoles, un grupo de fieles colaboradores, entre ellos la ministra del Interior Priti Patel, había ido a Downing Street para pedirle que aceptara que, sin el apoyo de la formación, ya no podía seguir.

Según el diario The Sun, Johnson le dijo a sus colegas que tendrían que mancharse “de sangre las manos” para sacarlo del cargo.

Pero el jueves por la mañana, las portadas de la prensa británica destacaban la situación insostenible en que se encontraba el jefe del gobierno.

El Daily Express, diario favorable a los conservadores, se refirió a la “última batalla” de Johnson y el

Daily Telegraph consideraba que el primer ministro estaba “herido de muerte”.

Fedecámaras Táchira asegura que reapertura fronteriza generaría ocho mil fuentes de empleos La reapertura de fronteras entre Colombia y Venezuela podría estar pautada para el 8 de agosto. Es decir, al día siguiente de que el nuevo presidente de Colombia, Gustavo Petro tome posesión de su cargo La tesorera de Fedecámaras Táchira y presidenta de la Cámara de Turismo del estado, Gipsy Pineda, dijo este viernes que de concretarse la reapertura fronteriza entre Colombia y Venezuela se podrían generar cerca de ocho mil fuentes de empleo.

«Se generarían cuatro mil en bufetes de empleo directo y ocho mil fuentes de empleo indirecto. Empleos estables, consolidados y con sueldos dignos», señaló en una entrevista para Fedecámaras Radio.

«Hay una capacidad instalada paralizada y disminuida, pero (…) nosotros podemos

decir que, como un indicador serio de que la reactivación económica va a ser muy beneficiosa desde el punto de vista social y económico, es hablando claramente de fuentes de empleo», agregó.

Pineda explicó que hay que ser cauteloso al hablar de cifras económicas, «porque la actividad económica fronteriza no se ha paralizado en su totalidad. Al cerrarse la frontera formalmente se transformó en una dinámica fronteriza informal e ilegal», indicó.

Recuperación económica tomará tiempo

«En la frontera, desde el punto de vista formal, de estructura empresarial y de organizaciones, son empresas total y absolutamente disminuidas, quebradas y

paralizadas (…), muchas han hecho vida informalmente, pero tampoco tenemos cifras, porque las fuentes de empleo generadas en la informalidad son fuentes de

empleo inestables, con pagas eventuales, en donde se genera una catástrofe desde el punto de vista social y económico», comentó.

Pagina 29

Diasabra 9 Juli 2022

3 Causa di ansiedad pa cuminda cu bo mester sa E curpa humano tin mester di macronutrientenan esencial pa ta alimenta, manteniendo e salud y e bienestar di cada persona.

E antoho of ansiedad pa cuminda ta indicadornan cu algo ta haci falta na bo organismo. Scuch'e!

Siña scucha e señalnan cu bo curpa ta manda, ta primordial pa controla e ansiedad pa cuminda.

Aunke bo ta come hopi, si bo alimentacion no ta esun adecuado, bo organismo lo pidibo pa bo dun'e nutrientenan di calidad. E forma cu e tin di expresa ta provoca un estado di inkietud y hopi gana di come.

Aki nos lo splicabo e tres causanan mas comun pa cual, hopi biaha, bo tin ansiedad pa cuminda. Si prome cos cu ta provocabo ta un bolo, ice cream, batata hasa of hopi chuculati, no ta hamber: ta ansiedad.

Causanan di ansiedad pa cuminda 1. Consumi zetmeelnan malo Cualnan ta bon y cualnan ta malo? Bo mester consumi zetmeel bon y tin cuidao cu e cantidad cu bo ta consumi, pero kico esey ta nifica? Hopi di e alimentonan cu nos come ta procesa.

Esey kiermen cu mayoria di e nutrientenan (mineral, vitamina y enzima) ta wordo elimina na momento di su procesamento. Esey por yega na genera cu nos organismo ta sufri un deficit di nutriente y p'esey, ta demanda mas cuminda.

Cerealnan refina manera aros y trigo cu cual nos ta traha pan, dessert y pasta, ta un ehempel cu nos mester evita den nos dieta diario.

Ora cu bo come hariña refina y sucu, bo curpa lo bay pidi mas. Esey ta debi cu e tipo di alimentonan aki ta procesa di forma mas rapido y e curpa ta segrega e mayor cantidad

forma di nutricion.

E secreto pa controla ansiedad ta mehora e calidad di bo alimentacion.

Bo dieta diario mester inclui cuminda cu un balor halto nutricional, pasobra e ta aporta mayor cantidad di nutriente y menos caloria.

Ta importante pa bo aumenta e consumo di fibra, y bebe hopi awa. Tin biaha e por confundi sed cu e gana di come. Ora bo tin ansiedad, bebe awa y warda pa e sensacion disparce.

Bo por controla e ansiedad pa e cuminda di forma natural cu infusionnan cu ta yuda controla e di insulina.

P'esey ora cu nos scoge pa zetmeel, nos mester opta pa esunnan mas natural y halto den fibra. Por ehempel; avena, alimentonan integral, fruta, berdura. Eseynan ta loke e curpa tin mester.

No mester elimina zetmeetl, pasobra nan ta e mayor proveedor di energia den terminonan di actividad fisico y mental.

Tin cu come esunnan adecuado y den cantidadnan necesario.

2. Pasa hopi ora sin come Cuminda ta combustibel di e curpa. Come ta haci cu e personanan ta sinti nan mes mas activo y mas salud.

Pasa mas di cuater ora sin come ta haci cu e hormoon cu ta encarga pa stimula e apetit y ta produci cu bo ta come en exceso.

Purba di parti e cuminda den cinco diario y come cada tres pa cuater ora.

Esey lo mantene stabil e nivelnan di glucose den sanger y por lo tanto, lo yudabo controla e anshanan pa come.

Mester sa con pa come y haci'e di manera balansa. E clave ta pa siña combina e alimentonan entre proteina, zetmeel y berdura. E mescla aki lo aporta tur loke e curpa tin mester: nutriente, en-

ergia y mineral.

3. Stress E emocionnan tin un papel fundamental den e forma di alimenta nos.

Hopi hende ta come sin tin hamber. Loke nan ta haci pa yena e bashinan emocional, pasobra nan ta sinti nan so, nan ta laaf of ta sufri di stress.

Otro biahanan stress ta wordo produci pa carganan laboral. Personanan mester premia nan mes despues di un hornada intenso di trabao.

Den e casonan aki, e miho trofeo ta un chuculati, un creamcone y cubri cu crema Suizo of cualkier otro cos dushi.

Bo mester sa ki carencia, insatisfaccion of prob-

lemanan personal no por wordo resolvi atrabes di cuminda.

Ningun cos dushi por calma e hamber emocional. Cultiva bo mente, prepara bo mes den e ambito profesional, nutri bo spiritualidad y ehercita bo curpa, ta constitui un

apetit manera thee berde of un yerba mate.

Tambe bo por practica otro actividadnan cu no ta relaiona cu cuminda y lo yudabo evit e atraccionnan. Medita, cana, haci yoga of scucha musica, ta perfecto pa e fin aki.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 30

Diasabra 9 Juli 2022

Wilfred Antoni Gario su ultimo recorido den cayanan di San Nicolas Diahuebs den oranan di atardi a tuma lugar e entiero di e conocido musico Arubiano Antoni Gario

E entiero a tuma lugar den Misa Santa Theresita na San Nicolas.

Den oranan di merdia e la wordo hiba na misa unda su famia, amigonan y conocirnan por a despedi di dje, despues a sigui un sacrificio di misa como despedida. Locual a resalta tabata e cantidad di persona bisti na Roos, e motibo tabata como cu Gario su color preferi lo tabata roos. (Pink for Life) Segun nos a compronde pa su despedida nan a bisti’e un set di bachi roos.

Despues e stoet a sali bou vigilancia di polis, por a scucha poco musica (no duro) y algun auto tabata decora cu blaas, nan a bay direccion di e cas caminda Antoni Gario tabata biba den Orinocostraat. Na e cas nan a keda un rato y despues a bay bek direccion di e Funeraria, Pray Funeral Home, pa su cremacion, den presencia di famia y amigonan.

Wilfred Antoni Gario a pone fin na su bida den un cel na Warda di Polis na Shaba, dia 19 di Juni ultimo den oranan di mainta. Esaki a sosode dos dia despues cu e la wordo deteni como sospechoso di un caso di abuso sexual.

Den e mundo di musica na Aruba, Gario tabata hopi conoci y exitoso, e tabata tin su propio banda Le Groove cu especialmente den e temporada di Carnaval tabata hopi popular. Antoni Gario tabata un persona conoci y tabata tin un grupo grandi di fans.

Pagina 31

Diasabra 9 Juli 2022

FORTALEZA PA FAMIA. Scirbi Pa pastor Marcel Balootje.

CAPRICHO TA HACI HENDE CIEGO no ta bon, bo ta na tempo.

Siña bo yuinan haci oracion pa nan mes y pa bo, pasobra esey lo yuda boso den tur cos.

Pone tur duresa di curazon un banda y busca arepentimento.

No chansa cu pica, pasobra pa motibo di duresa di curazon, spiritonan impuro y deseo bergonsoso, lo drenta y domina bida.( Romanonan 1 vers 24).

Isaias capitulo 3 vers 9 ta bisa; E expresion riba nan cara ta testigua contra nan.

Nan ta proclama pica manera Sodoma, nan no ta sconde.

Ay di nan pasobra nan a trece maldad riba nan mes.

E asunto di husto ta paga pa pecador no ta para scirbi den bijbel, locual si tin para scirbi ta: No gaña boso mes, Dios no ta laga ningun hende haci bofon di djE, pasobra loke un hende sembra esaki tambe lo e cosecha.

Romanonan capttulo vers 12:5 ta bisa: Ma pa motibo di bo capricho y bo curazon cu no ta arepenti, bo ta montona furia pa bo mes de e dia di furia y revelacion di e huicio husto di Dios. Kende lo paga kada ken segun su obranan.

A yega tempo pa den cada cas di famia, lanta e Codigo Corra contra maldad, inmoralidad, capricho y inhusticia. Pasobra nos hobennan mester ta na altura pa no participa den ningun clase di bagamunderia y no wordo ciega pa material No ta pornada ta para scirbi den Mateo tocante e maishi y e yerba shimaron, pa hen-

de tene cuenta, cu e enemigo a sembra yerba shimaron mey mey di maishi.

Tene cuenta cu den e ultimo temponan hopi lo cay for di Fe y door di paga atencion na spiritonan engañoso y doctrina di demoño ( 1 Timoteo 4 vers 1).

Biba mas sera cu bo yuinan posibel, pa asina tin algo cu

Duresa di curazon ta pone

hende kere den felicidad falso, y rechasa e unico y berdadero Dios, cambia palabra, pensando cu asina por bira importante, pero nada di esey no ta wordo aproba pa Dios, pasobra hende curazon duro ta bira enemigo di Dios.

Pesey laga nos esforsa mientras cu tin tempo ainda, y no solamente scucha pero tambe bira hacidor di e palabra , pasobra si nos scucha so sin tuma ningun decision den bida ta tempo perdi.

A bira tempo pa cada un di nos tin Cristo Hesus na prome lugar den nos bida, cas y nos famia, pasobra hunto cu Cristo y den Cristo nos tin tur cos, lew for di Cristo nos no por nada.

(Juan Capitulo15).

Y na kico bo ta conoce e yerba shimaron?

Na prome lugar Engañoso, Rebelde,,Inmoral, Sin temor di Dios, Hacidor di Bofon di e palabra di Dios, Orguyoso, arogante y mas cu tur cos domina pa e malbado.(Galationan 5 vers 19-21).

Pero tambe e palabra di Dios ta bisa cu huicio di Dios lo ta riba tur esnan cu ta coopera cu inmoralidad ( Mateo 13 vers 41+42), Kico mester haci como mayor den e tempo aki: Instrui bo yuinan den e caminda di Dios, demostra cu bo mes bida cu ta Señor bo ta sirbi.

Haci oracion constantemente den bo cas pidiendo proteccion pa bo Famia pasobra aire ta yena cu maldad.

Pordona otro mescos cu Dios a pordona boso y no kere den tur cos cu ta mustra bunita.

Wak den ki tipo di amistad y entretenimiento bo yiunan ta particpa.

Feliz dia bendiciona y cu Dios brasa boso cu Su infinito misericordia “…….Bay,….. predica cu Reino di Shelo ta acercando” (Mateo 10, 7) Nos ta biba den un mundo caminda hopi a bandona Dios Su mandamentonan, cu hopi pa medio di doctrinanan falso ta logra dividi y trece discordia. Laga esaki ta un señal cu nan ta den miseria y tin hamber pa e cas celestial. Cada un cu ta batisa tin e privilegio di por pertenece na Cristo Hesus, Su Curpa mistico. Como Su discipel nos tur tin un mision Sagrado pa cumpli cu ne. Ta un plan Dibino di Salbacion di hendenan pa medio di cada un di nos cu ta debil. Cu nos bida, ehempel y palabra, nos tin di keda practica semper cu yudansa di nos Senor pa por anuncia dignamente e Bon Mensahe di Salbacion na tur pueblo di mundo. Ban ploeg e tera pa sembra un simia y asina e mata por crece y produci frutanan na abundancia.

Oracion: Tata Eterno, nos ta ofrece Bo e Sanger Precioso di Hesus drama na Cruz y presente den sacrificio tur dia riba altar pa Gloria di Bo Santo nomber, pa binimento di Bo Reino y pa salbacion di henter humanidad. Amen.

Pagina 32

Diasabra 9 Juli 2022

Crosword Puzzle

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500