FALTA DI RESPET DI GOBIERNO PA
PARLAMENTO A PASA LIMITE
DEN SECRECIA, SIN CONSULTA PROME CU
PARLAMENTO, GOBIERNO TA ACORDA RIJKSWET
CU HULANDA
Durante un reunion den Parlamento diabierna ultimo, cu a wordo pidi pa Fraccionnan di MEP y PPA 5 luna pasa, Parlamentarionan a haya un sorpresa desagradabel ora cu Gobierno a informa cu ya a entrega Rijkswet na Rijksministerraad (RMR) y RMR a bay di acuerdo cune.
Parlamentarionan di MEP a protesta pasobra ya dia 30 di september 2022 tur e parlamentonan di Reino a palabra cu den caso cu ta traha riba Rijkswet, cu e gobierno mester ta sigur, prome cu presenta
e Rijkswet y den henter e proceso despues, cu e tin sosten di e Parlamento. Den e caso aki gobierno a entrega e rijkswet sin consulta cu Parlamento prome. Esey tabata hustamente e motibo pa cual Parlamento no a sostene e otro rijkswetten den pasado. E violacion di e palabracion aki, ta un acto contra democracia di nos pais y tin e fraccion di MEP hopi preocupa.
Pa completa e acto dictatorial, Presidente di Parlamento Marlon Sneek a cera e reunion pasobra “tabata tin
mucho desordo”. Esaki na momento cu fraccion di AVP a pidi pa schors e reunion te aki dos siman. Fraccion di MEP a bisa: si AVP kier un reunion aki dos siman, e por pidi’e. Cu e Presidente ta schors un reunion cu MEP a pidi, djis pasobra AVP kier un schorsing, ta hasi e susedido den Parlamento aun mas serio.
Pa e motibo aki Fraccion di MEP y PPA a bay entrega un carta na Gabinete di Gobernador, pa su intermediacion pa salbaguardia democracia di Aruba.
Parlamentario Evelyn Wever-Croes
RIBA PETICION DI FRACCION DI MEP,
AWE PARLAMENTO LO REUNI RIBA E NEGOCIACIONNAN CU HULANDA
ORANJESTAD – Durante un conferencia di prensa 28 di Augustus 2025, Parlamentario Evelyn
Wever-Croes a indica cu riba peticion di fraccion di MEP, Parlamento lo reuni awe, 29 di Augustus, pa asina papia riba e negociacionnan cu Hulanda. El a splica cu despues di e pandemia
Gabinete Wever-Croes mester a presta 916 miyon florin di Hulanda na un interes di 6.9% den un periodo di 20 aña. E acuerdo aki a wordo firma na 2023 mirando cu pais Aruba mester a cuminsa paga bek, cu e condicion di sigui na mesa pa negocia un interes mas abou.
Pa logra esaki, ex Prome Minister Evelyn
Wever-Croes a institui
un comision pa hiba e negociacionnan aki, y awe e Gobierno actual ta sigui cu e mesun comision aki.
Na Juli 2025, Gobierno a indica cu e comision a keda cla cu su trabou y awor ta sigui e reunionnan na nivel di e ministernan hunto cu e secretario di estado.
Manera ta conoci, secretario di estado tabata na Aruba comienso di Augustus, na unda mas sigur Gobierno a reuni cun’e riba e tema aki. Parlamentario Wever-Croes a indica cu Parlamento mes no ta hañando informacion riba e tema aki, pero si Gobierno a indica cu tin un rijkswet nobo cu ta cla, pero nan no ta dunando informacion riba esaki. E poco biaha cu nan a bin
duna informacion nan a pidi pa haci esaki porta cera. Awe, diabierna 29 di Augustus lo tin un reunion riba e tema aki cu porta habri na unda comunidad por scucha pa nan mes unda Aruba ta para cu esaki.
Fraccion di MEP, manera a indica varios biaha, lo desea pa Gobierno tene cuenta cu e realidad nobo. E Gobierno di Hulanda ta demisionario, e partido mas grandi PVV a saca tur su ministernan afo, y siman pasa partido NSC ta haci mescos pa motibo di un desacuerdo. E ultimo dos partidonan cu a keda no ta “amigonan” di Aruba, pues si Gobierno sigui negocia cu e dos partidonan aki, Aruba no lo haña e “mihor” deal.
P’esey fraccion di MEP ta pidi Gobierno di Aruba pa para e negociacionnan aki. Eleccion lo ta na October y mas sigur e constelacion nobo si lo consisti di esnan cu tin un poco mas afinidad cu Aruba. Un di e partidonan ta partido CDA
cu ta “ruman” di partido AVP cu ta comprende e problematica na Aruba un poco mas. Pa e motibo aki, fraccion di MEP ta pidi Gobierno pa tene un poco mas pasenshi y warda te October pa un eleccion nobo na Hulanda.
MOTOCICLIs TA FEMENINO CAsI A BIRA UN
UN BUs y UN AUTO ORA E
PAsANDO MEMEy DI NAN DOs
Diahuebs anochi a drenta informe di un accidente cu hende herida dilanti di Blue Residences, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un motociclista femenino cu mester a hala pa un auto y pa no dal e
bus di direccion contrario a hala mas na e auto di huur cu a subi caminda y a bay dal riba e auto den banda rascando esaki. Den e esey e motociclista a dal abao y a resulta herida. Na yegada di e ambulans nan a atende e dama y a transporte pa hospital.
15 Comisario retira Cu Caso Contra Companianan WeB n .V., elmar, aWWs, are y ua Noticia di Corte
ORANJESTAD – Awe mainta Corte di Husticia a trata e caso sumario cu 15 Comisario a cuminsa contra e companianan WEB N.V., Elmar, Aruba Wastewater Sustainable Solutions N.V. (AWWS), Aruba Renewable Engery N.V. (ARE) y Utilities Aruba N.V. (UA). E motibo di e caso ta pasobra e 15 Comisarionan cu ta traha na un di e companianan, a haya carta di retiro dia 11 Juli 2025.
SOLO DI PUEBLO por a compronde cu e 15 Comisarionan ta haya cu nan a wordo kita inhusto mientras cu di parti di e companianan a wordo mustra cu no ta asina.
Abogado mr. Braam di Curacao, a representa e 15 Comisarionan mientras cu abogado mr. D. Kock a representa e companianan.
KITA SIN MOTIBO VALIDO
Abogado mr. Braam a bisa Hues cu dia 11 Juli 2025, e companianan a tuma decision di retiro di e grupo. E abogado a mustra cu tin di e personanan, ainda nan periodo di ta Comisario no a caba.
El a mustra cu e companianan den nan carta di retiro ta bisa cu door cu no tin confianza den nan mas, a kita nan. Esaki ta door di e Gobierno nobo cu a sinta.
Mr. Braam a remarca cu pa motibonan politico a kita e 15 personanan sin cu tin evaluacion riba nan funcion. E abogado ta haya cu esaki ta violacion di 8 diferente articulo di ley entre otro e “Overeenkomst van Opdracht” (OVO). Na opinion di e abogado, no tin motivacion pakico a retira tur e personanan aki. Mr. Braam ta haya cu aki e companianan mester a tene nan mes na ley y statutonan y no por ta asina cu pa motibo di color politico ta haci esaki.
E abogado a bisa Hues cu tur e 15 personanan ta profesionalnan y no por ta asina cu ta duna nan retiro sin tin motibonan. E caso aki tin color politico caminda ta kita personanan sin motibo valido. E abogado a exigi pa Hues stipula daño per huico segun ley. E abogado a mustra cu tin personanan cu tin contract y cu e contract ta caba te otro aña Juli 2026. El a pidi Hues pa nan keda cu nan funcion. Mr. Braam a pidi Hues pa suspende e decisionnan aki.
NO TIN MOTIBO DI URGENCIA
Abogado mr. Kock a bisa Hues cu ta incomprendible cu Comisarionan di diferente companianan, ta cuminsa caso contra Utilities N.V. El a mustra cu Utilities ta un accionista den e companianan. E abogado ta haya cu mester declara nan no admisible pasobra tin di e personanan cu no por cuminsa caso contra Utilities N.V.
Mr. Kock a bisa Hues cu henter e grupo no tin motibo di urgencia pa cuminsa e caso sumario. Na opinion di e abogado, nan tur tin otro trabao y ta forma parti di Comisariado caminda ta asisti na reunionnan cu ta sosode 1 of 2 vez pa luna.
WEGA POLITICO
Mr. Kock a cuestiona e señalamento cu ta pa motibo politico, a kita e personanan. El a bisa cu ora cu e Gobierno nobo a sinta, e companianan a yama reunion di Comisarionan y diferente persona a entrega retiro. El a mustra cu a suspende Royer di Utilities N.V. door di situacionnan preocupante. A nombra un otro persona cu tin hopi aña di experencia.
Mr. Kock a enfatisa cu no ta asina cu ta nombramento politico sino cu ta e Comisarionan cu a cuminsa caso, tin nombramento politico. El a señala cu durante cu e Gobierno anterior tabata demisionario, a tene reunionnan caminda a nombra Comisarionan y cu forza retroactivo. Esaki a sosode e dia cu formacion di Gobierno a sosode na Maart 2025. E abogado a señala cu e mesun personanan, a wordo nombra como Comisario den diferente compania. Esaki ta hinca Gobierno den un situacion no deseabel.
Mr. Kock a bisa Hues cu e ex minister Tjon mes a expresa cu e no ta haya e nombramento ta na su lugar. Mr. Kock a bisa cu segun Statutonan di e companianan, por kita Comisario na cualkier momento. No ta asina cu mester motiva e motibo. El a mustra cu si no tin confianza mas den un Comisario, por kit’e. Na opinion di mr. Kock, e demandantenan ta menciona articulo di ley pa hustifica cu nan retiro no ta husto pero e ley no ta aplicabel na Aruba sino na Hulanda.
Mr. Kock a cuestiona cu un miembro di Comisario di Utilities, Royer, ta comisario tambe den WEB y e ta demanda 2.6 Miyon Florin di Utilities. E abogado a sigui bisa cu tin Comisario ta exigi 18 luna di salario y mas ainda cu ta suma masha hopi placa.
El a mustra cu tabatin hopi presion di e Gobierno anterior riba director di Elmar y WEB pa firma e acuerdo (OVO) promer cu 1 April 2025 cu ta e promer dia di trabao di e Gobierno nobo. E abogado a bisa cu expertonan a conseha e director di Elmar y WEB pa no firma. Mr. Kock ta haya cu tur e acuerdonan aki no tabata necesario. Mr. Kock ta haya cu e acuerdo OVO ta contra ley. E abogado ta haya cu e 15 personanan a traha un sopi di demandanan pa mira kico lo bay logra den e caso sumario. E abogado ta haya cu Hues mester declara e demandanan no admisible pasobra no tin motibo di urgencia.
Hues a sera tratamento di e caso y a bisa cu mas tarda 8 October 2025 lo tin sentencia.
Parlamentario Evelyn Wever-Croes
Parlamentarionan di AVP y Futuro a vota contra mocion pa maestronan
FRACCION DI MEP LO SIGUI LUCHA PA
MAESTRONAN HAÑA E AUMENTO CU NAN MERECE
ORANJESTAD –Recientemente durante reunion den Parlmaneto a tuma luga un reunion den Parlamento fraccion di MEP a presenta varios mocion den bienestar di e pueblo di Aruba.
Lamentablemente e mayoria di parlamentarionan di AVP y Futuro a vota contra tur e mocionan. Un di nan tabata pa hisa e plafond salarial di edad di maestronan di 38 pa 46 aña prome cu fin di 2025. E mocion aki lo a yuda 90% di e veld pa haña un aumento mesora, awor cu tin surplus.
“Pero nos no ta give up. Nos a crea e surplus pa duna bek, e maestronan
merece e aumento awor y no lo mester warda riba mas estudio y mas
comision” Parlamentario Wever-Croes a expresa.
ACCIDENTE PA FALTA DI PREFERENCIA NA SERO BLANCO
Diahuebs atardi a drenta informe di un accidente na Sero Blanco, mesora a dirigi un patruya na e sitio. Na yegada di e patruya a bin compronde cu un chauffeur a sali bay mucho dilanti na un crusada"T" y a bay dal riba e auto pasando.
Afortunadamente ningun hende a resulta herida.
Conseho di Minister di reino ta bay di aCuerdo Cu proposiCion di ley pa finansa publiCo duradero na aruba
Conseho di Minister di Reino a bay di acuerdo cu e proposicion pa e Ley di Consenso di Reino finansa publico duradero Aruba (Ley di Reino HOFA). Cu esaki e consulta di internet di e proposicion di ley, por inicia. Cu e Ley di Consenso, Aruba, den colaboracion cu Hulanda, ta traha riba mantencion di finansa publico saludabel pa asina, riba termino largo, por inverti tambe duradero den futuro di e pais.
E Ley di Consenso ta bay acompaña di e Ordenansa nacional pa garantisa finansa publico duradero (Lwho). Esaki ta un ley di pais Aruba mes, den cua ta incorpora e normanan pa e presupuesto publico Arubano. E normanan aki ta basa riba instruccionnan di Fondo Monetario Internacional y ta contribui pa balansa gastonan.
Secretario di Estado Eddie van Marum ta contento cu e resultado obteni: “Presentacion di un proposicion di ley, ta marca un paso importante den e colaboracion entre Aruba y Hulanda. E ta un ehemplo di con bon cooperacion y constructivo por conduci na un resultado cu tur hende por ta orguyoso di dje. Cu atencion y respet pa puntonan di bista di otro y circunstancianan local, nos tin un proposicion pa un Ley di Consenso cu ta na interes
di ambos pais. Aruba ta asumi responsabilidad pa e maneho financiero y ta haya mas espacio pa haci invershon den por ehemplo enseñansa, cuido y economia.”
Prome Minister Mike Eman: “E finalisacion di e acuerdo aki ta un inversion importante di Pais Aruba den su confiabilidad di cumpli cu palabracionnan haci. Un confiabilidad cu mester forma e base pa un relacion duradero den nos Reino, cu un vision renoba dirigi riba cooperacion strategico cu esfuerso conhunto pa e Bon Comun di Aruba, Hulanda y henter Reino.”
Normanan presupuestario
E Ley di Consenso di Reino finansa publico duradero Aruba ta regula e normanan pa logra y mantene finansa publico duradero. Tambe e ta regula e foma con Conseho di Ministro di Reino ta supervisa finansa publico di Aruba. Colegio supervision financiero Aruba (CAft), den cuadro di e supervision financiero, ta keda conseha tanto Aruba como Conseho di Minister. E papel consultativo aki ta temporal y ta termina ora cu Aruba ta cumpli cu e normanan. Un Camara di Presupuesto cu Aruba lo institui, lo asumi e ora ey e papel di CAft.
Interesnan mas abou riba fiansanan
E Ley di Consenso ta
brinda Aruba hopi bentaha. Por ehemplo riba termino corto Aruba ta bay paga un interes mas abou pa fiansanan cu nan a haci cerca Hulanda durante e pandemia di Covid y Hulanda ta dispuesto pa refinansia debenan cu Aruba tin riba mercado di capital na Merca. E interes cu a spaar, Aruba por uza pa inversionnan den propio pais. Ademas ta bira posibel pa Aruba haci uzo di condicionnan faborabel cu Hulanda tin ora di inscribi pa fiansa. Di e forma aki ta bira posibel pa Aruba fia capital contra un interes mas abou pa haci inversionnan publico. Esaki ta tene e peso di debe di Aruba limita.
Aruba ta inclui ademas stipulacionnan adicional den su propio, regulashon nacional. Por ehemplo,
na momento cu e Ley di Conseso di Reino drenta na vigor, Aruba lo institui su propio Camara di Presupuesto, como consehero di Parlamento Arubano y gobierno. Na momento cu e Ley di Consenso di Reino termina, e Camara di Presupuesto lo asumi e
posishon di CAft. Cambia of stipula e regulacion nacional por solamente cu aprobacion di Conseho di Minister di Reino. Den e proposicion di Ley di Consenso di Reino a incorpora cu durante cu e ta na vigor, lo evalua e ley cada cinco aña.
Parlamentario Evelyn Wever-Croes
AVP Y FUTURO TA CONTRA
‘KWIJTSCHELDING’
PA STUDIANTENAN CU ARUBALENING
ORANJESTAD - Durante tratamento di presupuesto supletorio siman pasa, Fraccion di MEP a
presenta un mocion pa duna studiantenan “kwijtschelding”, dispensacion di nan Arubalening. Pues si nan bin Aruba bek pa traha, nan no mester paga e Arubalening bek. Esaki lo a conta pa studiantenan cu bay studia den exterior y pa esnan cu ta studia na Aruba. Awor cu tin surplus, y a crea espacio financiero, fraccion di MEP ta considera esaki un estimulo pa trece nos hobennan bek, of tene nan aki. Mirando cu falta hende pa traha na Aruba, awor ta e momento apropia.
Lamentablemente
parlamentarionan di AVP y Futuro a vota CONTRA di e mocion aki sin duna
hustificacion. Tur mocion di MEP nan a vota contra. Hopi inmadures politico. Di parti di Fraccion di MEP a sostene e mocionnan di AVP y Futuro cu tabata bon. Esunnan cu tabata fout, of contra ley of tratado MEP no por a sostene. Esey ta madures politico.
“Pero nos no ta give-up. E lucha ta sigui! Ta yega un momento cu nan lo bai trata e “kwijtschelding” di e Arubalening pa nos studiantenan”, lider di Fraccion di MEP, Evelyn Wever-Croes a duna di conoce.
Palm Beach, Aruba 29 di Augustus Sigura bo carchi trempan haci uzo di nos presale cu lo ta tur diabierna y diasabra di 3:00 PM – 8:00 PM. Tene na cuenta cu cuponan ta limita
Nos ta wardabo diasabra y diadomingo na “The Casino at St Regis Aruba”, porta ta habri di 7.30 AM pa asina duna oportunidad pa cumpra carchi di bingo na un balor di $20,- . Costo pa un booklet ta $20. Cumpra 2 carchi y ricibi e di 3 carchi completamente gratis.
JACKPOT PROGRESIVO A BIRA
$26,912,-
Exquisite Bingo ta ofrece un total di $5,000 na premio y un Jackpot Progresivo hopi actractivo.
Pa mas informacion, por tuma contacto cu e Casino VIP Desk na +297 281 2374.
The Casino at St. Regis Aruba
Tur ta baluarte di nos turismo
A AñAdi mAs pionero y lider ribA monumento ike Cohen
Desde cu Aruba a drenta Status Aparte casi 40 aña pasa, ta hopi reto nos isla a confronta. Aunke Aruba a sigui den e area di transporte di petroleo, e actividad a baha significantemente den importancia economico. No tabata facil, pero hopi hende a pone schouder bou di e causa cu awe Rubianonan por ta orguyoso di e exito di nos industria di turismo cu ta conta cu un desaroyo solido.
Despues cu a inaugura Monumento Ike Cohen riba Plaza Turismo riba Linear Park na aña 2016, awo tabata asina leu cu a añadi mas pionero y lider riba e monumento. Bou di esakinan a reconoce cinco persona separadamente. Diaranson dia 27 di augustus a celebra cada un di e personanan cu nan nomber ta exponi riba e monumento, cu a hunga un papel crucial den turismo di pais Aruba. E monumento aki ta duna honor na algun cu, di un of otro manera, a resalta y a asumi papelnan critico, sensitivo, popular pero tambe menos popular,
ora cu situacion a exigi decision dificil cu no tur ora a/ta wordo comprondi. Hopi a mustra curashi y balentia. Locual ta sigui wordo rekeri considerando e etapa actual.
Tin un dicho Rubiano ta bisa cu "Experencia bo ta cumpra na pacus di hende bieu". E proverbio no tin nada di haber cu edad di hende, sino mas bien cu experencia di hende. Y ta nifica cu e generacion nobo, tin hopi pa siña y tuma for di e experencia amplio di esunnan cu a traha prome, cu a cosecha exitonan den pasado y cu ta e grupo cu a construi e fundeshi solido riba cual ta sigui construi awendia.
Nombernan manera
Juancho Irausquin, Oscar Henriquez, Wichi de Palm, Ike Cohen, Raymond Maduro, Eduardo de Veer, Harold Malmberg, Ramon Richardson, Eline BartelsDaal, Louis Pavlis, Charlie Brouns Jr., Joy Kock, Lloyd
Jean-Baptiste, Manchito Ponson, Chaiben Neme, Morris Neme, Eduardo Ellis, Simon Oduber Jr. y Ewald Biemans, tur ta personahe, cu di un of otro forma, a aporta na crea e industria turistico cu awe
ta e pilar economico di mas importante di nos isla.
Mirando cu e industria di turismo no ta para keto y ta sigui desaroya, awo a añadi mas baluarte na e lista aki. A reconoce e siguiente
personanan cu nan propio placa; Michael Kuiperi, Roderick ‘Rory’ Arends, Walter Wiggins, Tito Muyale y Alex Nieuwmeyer. Cada un, na su mesun manera, a aporta na nos industria turistico. Nan ta pionero, esta un persona cu ta reconoce potencialnan, un innovado cu ta capaz di purba cosnan nobo. Un pionero ta pusha e limite pa por logra un causa of idea of hasta pa kibra un record. Y den e grupo aki, tur ta pionero den e industria turistico. Nan ta e arkitectonan di e exito di turismo awe.
Tambe a añadi mas nomber di algun pionero y hopi lider den turismo. Riba e monumento a reconoce ministernan di turismo y directornan di A.T.A., presidentenan y CEOnan di AHATA y mas personahe cu a aporta den gran forma na construi e fundeshi solido cu awe, entre otro A.T.A. Sui Generis, ta sigui construi exitosamente riba
dje.
A.T.A. ta reconoce cu tur cu ta labora den turismo y te hasta pafo di turismo ta hunga un papel clave den nos desaroyo y den nos historia. E monumento y e plasa cu ta wordo yama ‘Plaza Turismo’, no ta pa celebra solamente esnan cu ta exponi ariba e monumento pero ta pa celebra un y tur – cu dia den dia afo, algun den un forma mas grandi cu otro, ta innova, ta pusha nan limite y ta logra move ideanan, causanan y recordnan.
"Ningun hende no ta profeta den su tera", cu ta nifica cu hopi bes na cas mes no tin aprecio pa e trabou realisa. Nos sin duda lo no permiti esaki sosode. Ta pesey mes, Aruba Tourism Authority hunto cu Ministerio di Turismo, ta mustra awe cu nos ta contento y ta celebra nos logronan cu orguyo y ta reconoce tur cu a traha duro, cu sodo di nan frenta, pa awe nos ta unda nos ta”, asina Ronella Croes, CEO di Aruba Tourism Authority (A.T.A.) a bisa durante su discurso.
Cu e monumento aki
A.T.A. kier percura pa e nombernan aki ta bon graba y cu e generacionnan nobo por siña y cu e huespednan por conoce mas di Aruba su desaroyo turistico. Por nota cu e monumento aki ta brinda e espacio pa otro pioneronan cu a, ta y lo ta di nificacion grandi pa Aruba su turismo.
A.T.A. kier yama cada un di e pioneronan y lidernan danki. Tambe na esunnan cu no por tabata presente na e ceremonia pa motibo cu nan ta afo, y na esnancu no ta cu nos mas, na nan famia, danki. Danki pa a permiti cu A.T.A. por honra tur como un di e arkitectonan di e desaroyo turistico di nos isla.
FORTALEZA PA FAMIA
Scirbi
pa Pastor Marcel Balootje.
E PELIGER DI AMOR PA PLACA
Amor pa placa ta pone hende ganja, horta, y hasta mata, pa asina mantene nan posicion di rikesa y aleha nan mes completamente for di Dios.
Den Lucas Capitulo 15:1132 ta mustra nos con amor pa placa por pone un yiu pidi su tata e parti di su herencia y bandona cas sin ningun clase di experiencia y bay biba den un tera leu,y gasta tur placa, asina cay den un situacion cu e mester a bay traha caminda ta cuida porco y a desea di come cuminda di porco, asina doloroso su situacion tabata.
Pero laga nos tur corda cu tempo e tabata na cas di su tata , e no tabata falta nada, pesey ora e a bin bij y a bolbe cas bek, su tata a dune locual ta di dje, pa demostre cu aunke e
a bay, e amor di tata si no a bandona su bida, y su tata a restaura su bida completamente, bisando: Pasobra e yiu di mi aki tabata morto, y a bolbe biba, e tabata perdi y a wordo hanja.
Cuanto hende awendia no ta perde nan integridad, nan libertad, nan matrimonio y nan famia pa motibo di placa, cuanto no ta bende nan mes y nan famia, of nan coleganan di trabao pa motibo di placa.
Cuanto hende cu bon trabao y bon beneficio ta cay trampa diabolico di placa, y ta laga placa domina nan bida, y hinca nan mes den un caya di corupcion sin salida.
Nos por mira con gran dictadornan rond mundo ta yena cu placa, pero no kier bandona nan poder, pasobra e amor pa placa ta
rais di tur maldad, y esnan cu cay den dje ta solamente Cristo Hesus tin e poder di por libra nan.
Amor pa placa ta haci hende orguyoso y egoista, y nan ta lubida cu nos no a trece nada den mundo y nos no por hiba nada for di dje tampoco.
Instrui esnan cu ta rico den e mundo actual, pa nan no ta soberbe y pa nan no fiha nan speransa riba e inseguridad di rikesa, ma riba Dios,Kende ta provee pa nos tur cos na abundancia,pa nos disfruta di nan. Instrui nan pa haci bon, pa nan ta rico den bon obra,pa nan
ta generoso y dispuesto pa comparti, pa nan montona pa nan mes e tesoro di un bon fundeshi,pa futuro, pa nan gara na loke ta e bida berdadero.( 1 Timoteo 6:17-19).
Amor pa placa ta pone hende halsa y stima e placa mas cu Dios.( Marco 10:17-22).
Amor pa placa ta trece preocupacion y ta hiba hende na destruccion ( 1 Timoteo 6:9).
Amor pa placa ta haci hende orguyoso, pichiri, y egoista .( 1 Juan 3:16-18).
Amor pa placa por haci hende temporalmente ciego cu nan ta pensa solamente riba nan mes. ( Lucas 12:18-21).
Nos mester sinja nos yuinan con ta usa placa, nos mester bisa nan cu
placa ta necesario den nos bida, pero e cos mas importante ta cu nos tin cu bisa nan cu si bo kier yega na placa bo mester studia bon pa bo tin un bon trabao of bira un homber di negoshi pa bo yega na placa.
Pero no laga placa domina bo bida, especialmente locual ta sosode awor aki cu nos hubentud ta laga placa domina nan, y no ta pensa ningun momento ora nan mester hinca nan curpa den problema pa placa, pasobra nan ta pensa pa yega facilmente na placa.
No laga den ningun circumstancia, placa domina bo bida,y asina bo lubida cu Cristo ta bo Salbador.
Sinceramente , Pastor Marcel Balootje.
Un dia fructifero y cu e luz di Cristo por briya den cada un di nos
" ... Pasobra tur hende cu halsa nan mes, lo keda humilia, ma esun cu humilia su mes, lo keda halsa". Lucas 18,14
Awe nos ta lesa e importancia di humildad y reconoce nos faltanan. Nos por ta manera e fariseo husgando otro y halsando su mes of manera e cobrado di belasting ta reconoce su falta y su necesidad di compasion. Cu humildad nos ta sirbi otro sin busca recompensa; scucha mas y papia menos, na balora e otronan pa loke nan ta y no pa loke nan tin of ta aparenta di ta. Reflexionando continuamente ta yuda evita na cay den orguyo y na mantene nos mirada fiho den e mision cu Señor a confia nos. Biba cu berdadero humildad ta nifica rechasa e mascaradanan cu hopi biaha nos ta pone pa impresiona of pa competi cu otro. No biba un bida superficial of di falsedad, sea un luz pa mundo unda e luz di Cristo ta briya den bo. Loke ta importa no ta con otronan ta mira nos, sino con Dios ta mira nos. Ser bo mes y cu humildad ta acerca nos na e berdadero esencia di nos fe y esey ta haci nos un instrumento den e man di Dios.
Oracion : Señor Hesus, haci mi curason pareu na bo curason. Manso y humilde y obedecido na bo Santa boluntad.
Amen.
ABORTO TA UN CRIMEN Y E TA CONDENABEL PA FIERNO
Na e hende muhernan cu ta haci aborto, bosonan no sa cu aborto ta un acto di crimen?
Bida di un ser humano ta cuminsa na cuminsamento di concepcion y un baby no naci ainda, ta un ser humano. Den Bijbel Salmo 51: 5, Rey David ta bisa: “Mira, den culpa mi a nace, pecador mi mama a concebi mi.” Akinan Rey David no a bisa, cu ta un fetus of un embrion a nace y a concebi, pero akinan Rey David a papia pa medio di inspiracion di Spirito Santo, cu el a wordo concebi como un ser humano. Ken tabata den e seno di e mama? David ! Un persona bibo. Den Bijbel Dios Tata ta papia cu profeta Yeremias, Bijbel Yeremias 1: 5 : “Prome cu Mi a forma bo den seno di bo mama, ya Mi tabata conoce bo prome cu bo a nace, ya Mi a consagra bo y Mi a destina bo como Profeta pa e nacionnan.” Akinan nos mester compronde, cu Dios Tata ta mira un fetus, un embrion of un baby no naci manera un persona.
Den Bijbel Exodo 23 : 7, Dios Tata ta bisa: “Aleha boso di tur mentira. Lo bo no mata un inocente y ningun husto, pasobra Mi lo no pordona e culpabel.” Akinan nos por compronde cu Dios no ta pordona esnan cu ta comete aborto, pasobra e ta un crimen grandi di un criatura inofenso, cu no por defende su mes di e morto horibel.
Den Bijbel Mateo 5: 21, Cristo Hesus ta bisa : “Boso a tende cu ta bisa boso antepasadonan, lo bo no mata. Esun cu mata lo ta culpabel dilanti di e husticia di Dios.” Den realidad aborto ta un crimen, pa esnan cu ta mata e fetus y e embrion den e seno di e mama. Dios ta duna e fetus y e embrion un alma spiritual y un destino den su bida. E bida humano mester ser respeta y protehi den un manera absoluto desde di e momento di concepcion. Desde di e prome momento di su existencia, e ser existente den e seno materna, mester tin e derecho inviolabel pa biba. Nos mester compronde, cu Dios ta Senjor di bida y ta confia tur ser humano e mision di conserva e bida cu hopi cuidao desde di su concepcion. Den Bijbel Proverbionan 6 : 16 – 17, Profeta Salomon ta bisa: “E seis actonan cu Dios ta odia y e siete actonan cu Dios ta maldiciona : Wowonan soberbia, lenganan mentiroso y mannan cu ta derama sanger inocente.” Den Bijbel Deuteronomio 27
: 25: “Maldiciona ta esun cu ta acepta plaka pa mata un inocente. Y tur pueblo ta bisa: Amen!” Den e Evangelio aki, Dios Tata ta condena tur e dokternan, na tur esnan cu ta haci aborto y na tur esnan cu ta complice di un aborto. Mi ta haci bo un pregunta hopi importante, lo bo ta dispuesto di sufri y muri, mientras cu algun hende ta pone bo den un haula pa bo no sali y literalmente nan ta kita bo brasanan y bo pianan for di bo curpa y bo sanger lo derama y lo bo grita di morto.
Awel, asina aborto ta, na unda e fetus, e embrion of e baby no naci cu ya nan tin un alma y un destino di Dios, pero nan ta wordo ranka for di otro den sufrimento, sin duna e criatura e derecho pa biba. Si Dios ta laga un baby bin na mundo, anto Dios tin un bunita plan y destino pa e criatura. Mama Maria tambe den Su hubentud nunca no por a pensa, cu un dia lo E duna lus y bira mama di E salbador di mundo. Nos mester compronde, cu comete un aborto di un criatura no naci, ta un stop di Dios Su plan. Tin biaha Dios Su plan y Su destino ta, pa nos por bira den futuro, pastoor, obispo, soeur, cooperador pastoral, un Santo, un Profeta, un predicador, tata y mama cristian, hendenan cristian, discipelnan di Dios, Angelnan humano etc. etc. Nos mester compronde bon, cu ta e diabel mes ta tenta e muhernan pa comete aborto, pa stop Dios Su plan. E actonan di aborto, ta un pika grandi y condenabel pa fierno.
Lesa Bijbel Revelacion 21 : 6-8, Apostel Huan: “Y despues Hesus a bisa mi: Ta cumpli, Mi ta Alfa y Omega, e Principio y e Fin. Esun cu tin sed, lo Mi dune pornada di bebe di e fuente di awa di bida. Esun cu triunfa, lo hereda esaki y lo Mi ta Su Dios y e'l lo ta Mi yiu.
Ma e cobardenan, e infielnan, e perversonan, e matadornan di hende, e paranderonan, e hacidornan di bruha, e fornicadornan, e sirbidornan di diosnan falso y tur e sakadornan di mentira, nan lugar lo ta den e tanki di candela y di azufre. Esaki ta e di dos morto.”
Skirbi pa Seferino Tromp Un mensahero di Dios.
SUDOKU
Minister Dowers D i bishita na D w JZ
Minister di Husticia mr. drs. Arthur Dowers a haci un bishita di trabao na Directie Wetgeving en Juridische Zaken (DWJZ) na unda cu e titular di husticia a haya un presentacion for di mr. George Croes, Director di DWJZ.
Minister Dowers a probecha di e oportunidad, pa haci entrega di cuater certificado di Wetgevingsjurist na candidatonan cu a sigui e curso intensivo duna pa Universidad di Corsow Dr. Moises da Costa Gomez den colaboracion cu Caribbean Center for Legislation.
Durante di e curso aki, e cursistanan a profundisa den - Staats- en bestuursrecht 1, - Algemene Leerstukken wetgeving, - Wetgevingstechniek, - Verdieping Staats- en
bestuursrecht 2 - Wetgevingsclinic E cursistanan cu a logra nan certificado cu exito ta: mr. Susan Jacobs, mr. Brenda Mardenborough, mr. Marjanne Da Silva y mr. Jancis Tromp
Diarason atardi,
Accidente cu hende herida na Caya Papa San Juan PabloII
Diahuebs merdia a drenta informe di un accidente cu hende herida na Caya San Juan PabloII, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Nissan Note no a regula su velocidad ni a mantene distancia a bay dal tras di un auto Nissan March cu a para pa bay bira. Debi na e fuerte impacto e dama
chauffeur den e March a resulta herida. Na yegada di e ambulans nan a atende e dama.
Comision Nacional di Derecho di Mucha a presenta recomendacion na Gobierno
E siman aki e Comision Nacional di Derecho di Mucha a presenta e resultadonan di un sondeo tocante derecho di mucha den e sistema penal na e Minister di Asunto Social drs. Mervin Wyatt-Ras, Minister di Enseñansa mr. Gerlien Croes y Minister Husticia mr. Drs Arthur Dowers. E sondeo aki a tuma luga door di un recomendacion di Organisacion di Nacionnan Uni na Genève. Pa medio di consultanan na diferente organisacion, e comision a haya mas claridad riba e maneho penal na Aruba. Durante e presentacion a duna recomendacionnan pa mehora, di manera structural, e posicion di mucha y hoben den e sistema penal y pa garantisa nan derechonan, locual ta hustamente un di e tareanan di e comision.
E Comision Nacional di Derecho di Mucha ta un comision interdepartamental cu miembronan nombra via Decreto Ministerial. E miembronan presente tabata: Sra. Sacha Geerman, presidente di e comision (DAS), Sra. Gwennan Lisapaly Boekhoudt (DEA), Sra. Mandy Lacle (DAO), Sra. Swinda Dumfries (DVG), Sra. Yarel Kelly (CBS) y Sra. Magaly Maduro (Bureau Sostenemi). E comision ta conta ademas cu representante di ATHA, DBB, Voogdijraad, Sra. Charlene Bontekoe y CEDE Aruba.
Durante un reunion na Bestuurskantoor, e comision a entrega e recomendacionnan na e mandatarionan den presencia di Sra. Rosanna van Dijk (directora di
DAS) y Sra. Seraida
Pemberton di Fundacion
Reclassering y Proteccion di Hubentud Aruba. E recomendacionnan ta basa riba bishita cu e comision a haci na 2023 na 12 organisacion cu ta hunga un rol importante den e cadena di husticia hubenil y riba un investigacion haci door di Departamento di Salubridad. Nan participacion a contribui directamente na formulacion di e recomendacionnan cu ta refleha e realidad y necesidadnan riba e tereno den cual e organisacionnan ta traha. A dividi e recomendacionnan den siguiente areanan di enfoke: husticia, enseñansa, salubridad y social.
Recomendacionnan principal for di e presentacion ta:
• Desaroya un vision pa maneho pa e departamento hubenil di KIA;
• Establece un institucion hubenil, cu posibilidad pa pone hende hoben bao di medidanan special (Pij);
• Garantisa continuidad di enseñansa apropia den detencion hubenil, incluyendo un evaluacion di e necesidad di enseñansa;
• Evalua posibilidadnan pa diversifica e oferta di enseñansa pa hoben, cu atencion special pa gruponan di riesgo;
• Crea un sistema di monitoreo y evaluacion: enfoke riba promocion di salud y bienestar di tur hoben (den y pafo di detencion hubenil);
• AZV: Reconoce
addicion como un malesa (basa riba evidencia científico);
• Desaroya trayecto pa hoben di riesgo dirigi pa enseñansa y trabao; Evaluacion di efectividad di guia social pa famia di riesgo.
E ministernan a expresa nan aprecio pa e trabou di e comision y a indica cu nan ta bay studia e recomendacionnan y lo bolbe invita e comision pa sigi cu e discusion, unda e recomendacion lo sirbi como guia pa maneho den futuro.
SOPI DI LETRANAN
Evelyn Wever-Croes:
IMPORTANCIA DI INTEGRIDAD DEN NOS
APARATO GUBERNAMENTAL
ORANJESTAD - Den e maneho di personal di Pais Aruba ta stipula cu un futuro empleado publico no por tin antecedentenan penal. E regla aki no ta solamente un formalidad, sino un fundeshi pa e confianza cu
pueblo mester por tin den su gobierno. Integridad y confiabilidad ta e base riba cual bon gobernacion ta para. Pesey durante gabinetenan WeverCroes 1 y 2 nos a pone integridad central, y caminda por tabata tin kiebro di integridad, nos a tuma accion mesora. Sinembargo, nos ta mira cu den e gobierno actual tin empleadonan nombra na oficinanan di minister cu a yega di haya nan mes den contacto cu justisia of cu tin antecedentenan penal. Aki ta referi na diferente situacionnan,
desde buracheria den publico y core bou influencia di alcohol, te na casonan mas serio manera violacion di secrecia di trabou, hortamento y mal maneho. Esaki ta trece duda cu si e reglanan ta wordo aplica pa tur hende igual, y ki señal nos ta manda como pais. Ta importante pa compronde cu e escohencianan aki tin nan impacto. Pa nos empleadonan publico cu diariamente ta dedica nan mes cu profesionalismo y entrega, por ta
ACCIDENTE ENTRE UN CICLISTA y UN AUTO NA WAyACA
Diahuebs atardi a drenta informe di un accidente entre un ciclista y un auto, mesora a dirigi tanto polis como ambulans na e sitio. Na yegada di e ambulans nan a bay pa atende e ciclista kende 2 dia prome canando a cay riba E.J. "Watty" Vos blvd. y awe ela bay dal un auto maneha pa un turista y ela bolbe cay. E homber aki tabata cana cu 2 cacho cu algun tempo atras tabata cun'e pero na un ocasion e cachonan no tabata laga e personal di ambulans atende e ciclista y awor atrobe tabata haci mesun cos un persona "wit gele kruis" a brinda e prome auxilio te ora e ciclista mes a lastra su curpa te den ambulans pa e wordo atendi.
demotivante pa mira cu regla di integridad no ta wordo aplica na tur nivel. Tambe pa nos studiantenan, cu ta prepara pa un futuro den sector publico, esaki por desanima nan. Nan dedicacion y ambicion ta merece un gobierno cu ta mustra bon cla cu integridad ta conta.
For di e preocupacion aki nos fraccion a manda preguntanan na ministerpresident. Ta importante pa sa kico ta e maneho cu e gobierno ta aplica ora di nombra empleado, si
ta check antecedentenan penal, y con por hustifica cu tin empleado cu antecedentnan penal cu ta traha den gobierno. Esaki no ta solamente tocante casonan individual, sino mas tocante e confianza den gobierno. Si reglanan ta wordo aplica na forma transparente y consecuente, esaki por yuda pa fortifica e confianza aki y mustra na nos generacion nobo cu integridad y profesionalismo lo keda norma den e liderato di nos pais.
Gradicimento / Invitacion
Pa medio di esaki famia kier a gradici tur esnan cu na un manera of otro a mustra atencion, cariño y duna consuelo durante e tempo dificil cu e fayecimento y despedida di nos defunto stima:
“Apa” “Teo” “Mo Teo”
Un gradicimento di curason ta bay na tur famia, bisiña amistad y conocirnan.
Un danki ta bay na enfermeranan di piso A4 di HOH y e enfermeranan di oncologie.
Un danki na Wilhelmina Kankerfonds. Nos ta gradici dokter Van Horenbeeck.
Un danki di curason na tur esnan cu a compaña nos nobena, resando pa nos difunto stima.
Un aprecio di curason na e teamnan di softball Deco’s 50 y Deco’s 60. Nos ta keda agradecido na Ricky Kock,Pierre Greaux, Setty y Patrick Christiaans.
Boso sosten ta un forsa pa nos na e momentonan duro aki. Alabes famia ta invita famia, bisiña, amistad y conocir na tres
Santo Sacrificio di misa pa descanso di nos defunto stima
na Misa Inmaculada Concepcion.
Diaranson 27 di augustus 7:00 p.m.
Diasabra 30 di augustus 7:00 p.m.
Dialuna 1 di september 7:00 p.m., sigui pa un oracion na Sabania Abou 3
Boso presencia lo ta altamente aprecia.
Felix Teofilo Croes
Dama na esta D o a haya yiu D ilanti war Da D i polis na
o ranjesta D
Diaranson atardi a drenta informe di cu un dama na estado a haya yiu dilanti warda di polis na Oranjestad, mesora a dirigi ambulans na e sitio. Polis a percura pa sera e caminda dilanti di warda, mientras a ricibi yegada di e baby. Na yegada di e ambulans ya e baby a
nace y a dal su prome grito perone mama balente aki tabata tin mester atencion medico. Mesora ambos a ser poni den ambulans y a ser hiba rumbo pa hospital. Nos palabranan di pabien na e mama y su baby cu e nacemento aki danki na e bon trabao di polis y ambulans.
Laga tur loke ta spera mi ta bunita
Laga tur locual cu mi encontra na caminda ta bunita
Laga tur locual cu mi laga atras keda bunita y Laga esakinan termina den tur buniteza.
Nos ta anuncia fayecimento di
*27-07-1957 - †28-08-2025
Acto di entiero lo wordo anuncia despues.