Minister di Cultura ta felicita Aruba su Reinanan di Carnaval

69

E mandatario tabata tin e honor di corona Reina Hubenil y Señora Carnaval

Recientemente, Minister Xiomara Maduro encarga cu Cultura, tabata tin e honor di presencia eleccion di Reina di Aruba su Carnaval 69. Ambos anochi tabata yena cu creatividad, fantasia, color y positivismo caminda cu tur candidata a sa di usa e tarima aki pa manda un mensahe positivo pa tur esnan cu tabata presente y cu tabata sigui e eleccion aki via television.

Minister Maduro a corona Reina Hubenil y Señora Carnaval di Carnaval 69 cual tabata atrobe un honor y sin duda un gran alegria despues di a presencia e presentacion di tur candidata cu a participa. E mandatario ta manda palabra di felicitacion na tur candidata cu a participa y tambe na tur esnan cu a keda corona pero especialmente na Ziah-Amalia Salomon cu a keda corona como Aruba su Reina Infantil, Jennely Winklaar cu a keda corona como Aruba su Reina Hubenil, Adrianne Jacobs cu a keda corona como Reina Grandi y Geraldine Albertsz cu a keda corona como Señora Carnaval di Aruba su Carnaval 69.

Minister Maduro ta gradici e cuerpo di hurado cu tabata tin e tarea dificil pa escoge e embahadoranan di Aruba su Carnaval 69 y tambe SMAC pa e invitacion y pa a organisa un evento asina bunita riba Plaza Libertador Betico Croes. ‘Danki pa biba nos Cultura’ tabata palabranan di e mandatario na final di e weekend aki.

Evento cultural exitoso di Don Flip Racing

Minister Xiomara Maduro a bishita Kas Ariba riba Dia di Betico pa presencia weganan popular

Minister di Cultura tabata presente na e dam di Kas Ariba na unda cu riba Dia di Betico a tuma lugar e Weganan Popular organisa pa Don Flip Racing.

Tabata un atardi yena cu entretenimiento, musica, cuminda y bon ambiente na unda cu e mandatario por a comparti un rato cu esnan presente y mira nos muchanan participa den e tradicional Weganan Popular. Esaki sin duda tabata sumamente bunita pa wak mirando cu e Weganan Popular ta ser carga pa nos muchanan cu ta esnan cu lo sigui carga e tradicion aki pa nos futuro generacion.

Minister Maduro ta gradici Don Flip Racing cu un tremendo evento na unda cu tur aña miles di hende ta pasa bishita esaki. na final di e