Covid Aruba: 10 caso nobo Diasabra 22 Mei 2021
Solo di Pueblo
Aña 16 - edicion 400
E-mail: solodipueblo@gmail.com
Prijs: Afl. 1.75
Avestrus keto bay andando Corte Superior a rechasa peticion pa libera Leoncita Arends:
E ta keda encarcela
Destruccion cometi na Servicio di Impuesto
Cu cara alegre y cu batimento di man e sospechoso Marly “Mary” Hsing a sali for di landsrecherche despues cu nan a bise cu pa 8’or e ta recobra su libertad
2
Diasabra 22 Mei 2021
Destruccion cometi na Servicio di Impuesto
Diahuebs mainta a drenta informe di un caso di destruccion cometi na Servicio di Impuesto na Camacuri, mesora a dirigi un patruya na e sitio. Na yegada di e patruya a
bin compronde cu den oranan di anochi pa mainta desconocidonan a comete destruccion na e edificio di Servicio di Impuesto. Polis a tuma e keho y ta trahando riba e caso aki.
Aruba: 10 caso nobo Segun resumen di diabierna, 12 persona a recupera, a registra un total di 10 caso nobo di Covid-19, di cual 3 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 705 test. 'Positivity rate' entre nos residentenan ta 10%. Casonan activo pa awe ta 68, cantidad di fayecido relaciona cu Covid-19 ta 106. Hospital ta informa cu tin un total di 17 persona interna di cual 5 ta den Cuido Intensivo y 12 riba unidad general di covid.
3
Diasabra 22 Mei 2021
Avestrus keto bay andando E investigacion Avestrus ta keto bay andando. E siman aki Landsrecherche a bolbe detene un persona den cuadro di delitonan di corupcion posiblemente cometi y otro hechonan castigable relaciona cu dunamento di tereno di gobierno entre 2009 y 2017. Ta trata aki di e sospechoso M.S.H., kende mientrastanto a bay den libertad. Desde 11 di april ultimo nuebe sospechoso a wordo deteni den e investigacion Avestrus, di cual cinco a wordo poni den libertad. Riba exigencia di Ministerior Publico, huez-comisario a duna ordo pa detencion
(bewaring) di e sospechoso F.P.E. Pa loke ta e sospechoso F.F.A. a duna ordo pa detencion (gevangenhouding).
Diaranzon Corte Superior a rechaza e apelacion di e sospechoso M.L.A. contra su detencion
(gevangenhouding). Un peticion di e sospechoso aki pa suspende su detencion a wordo rechaza, loke kier meen cu M.L.A. lo keda den
detencion preventivo pa awor. E detencion di e sospechoso P.T.A.S. ta den e fase di bewaring.
Corte Superior a rechasa peticion pa libera Leoncita Arends: E ta keda encarcela
Diaranson ultimo, corte superior a trata un peticion di e defensa di Leoncita Arends. E peticion ta pidi pa libera Leoncita de imediato. Minsiterio Publico mester duna su argrumento pa rechasa e peticion. Hueznan di corte superior a dicta
na fabor di Ministerio Publico, unda cu Leoncita Arends no por bay den liberad y lo keda encarcela. Tambe Freddy Every y Pietje Sussebeek ta keto bay encarcela y bao investigacion.
4
Diasabra 22 Mei 2021
Cu cara alegre y cu batimento di man e sospechoso Marly “Mary” Hsing a sali for di landsrecherche despues cu nan a bise cu pa 8’or e ta recobra su libertad Dilanti famia y amistadnan Marly “Mary” Hsing kende tabata deteni como sospechoso den e caso Avestrus diahuebs atardi laat a sali for di oficina di landsrecherche cu un cara alegre y batimento di man alegando cu pa 8’or di anochi e ta den libertad. Maske cu ainda e ta keda un sospechoso pero no ta necesario mas tin e deteni y ta den libertad.
5
Diasabra 22 Mei 2021
Candidata di Avp ta mal ehempel pa comunidad
Dokter Selene Kock (Avp) a dal un microphono kibra durante reunion publico E tabata parce halto halto bao influencia Pueblo a keda den shock, ora cu diabierna a circula un video di un reunion publico di AVP, unda por mira Dokter Selene Kock, cu hopi mal rabia, tabata grita manera alma malo, y djey a dal un stand di microphono.
sigur mustrando un mal ehempel pa muchanan y comunidad. Ta kico lo para di dokter Selene drenta parlamento di Aruba? E lo kier lanta stoel y tira cu stoel den parlamento ?
Tabata algo masha asombroso pa mira, cuanto rabia e dokter tabatin.
Pueblo a condena e actitud aki! Ta conoci cu AvP ta bao stress di corupcion, pero no ta hustifica pa cuminza kibra microphono y mustra cu kier bati hende.
Ta mustra cu e dokter no tin control propio, y por flip y bay out of control. Ni maske kico su rabia por ta, no ta dune motibo pa comporta asina malo,
Avp y dokter Selen Kock debe pueblo un disculpa!
6
Diasabra 22 Mei 2021
Pareha seriamente herida despues di a dal frontal cu nan brommer contra un auto
Avenida Milo Croes, Oranjestad: Diahuebs algo despues di 8'or y mey di anochi, a sosode un accidente hopi serio na e T kruising di Avenida Milo Croes, dilanti di Directie Voogdijraad. E brommer MFA 138, tabata biniendo di pariba y e auto un Mitsubishi Galant, maneha pa un meneer grandi di edad tabata biniendo di pabou y no a duna preferencia na e brommer y a lora su dilanti. E impacto tabata hopi fuerte cu e dos personanan riba e brommer, un dama y un cabayero a wordo saca y ambos a bay cay basta leu for di unda e impacto a tuma luga. E dos persona nan riba e brommer a keda
gravemente herida, e dama tabata grita di dolor na su brasa y e cabayero a fractura su pia seriamente. Dos ambulance a yega mesora na e sitio y e paramediconan a cuminsa trata e heridonan, a dura basta minuut pa a stabiliza nan y hinca den ambulance. Na e sitio por a mira varios unidad di polis y polis di trafico tambe. E caminda a wordo cera pa trafico. Un rato despues por a mira oficialnan di departmento tecnico di polis pa asina haci mas investigacion. Instancianan concerni a wordo pidi na e sitio, entre otro Fiscal van der Biezen tambe a presenta na e sitio.
7
Diasabra 22 Mei 2021
DAS ta brinda terapia gratis na personanan cu problema psicosocial y emocional e terapista tuma nota cu bo persona mester di un guia mas intensivo y avansa pasobra bo problema psicosocial of emocional a bira mas complica y kisas ta rekeri medicamento, e mes lo referi bo persona pa un psikiatra na SPD (Sociaal Psychiatrische Dienst) of Respaldo. Seccion Bida y Famia
Departamento di Asunto Social (DAS) su seccion Bida y Famia, ta un team multidisciplinario cu ta consisti di diferente profesionalnan manera e.o. psicologo di adulto, psicologo di mucha, ortopedagogo y terapista sistemico pa pareha y famia. Seccion Bida y Famia ta brinda terapia gratis na personanan cu problema psicosocial y emocional, e ayudo ta uno boluntario pues no ta wordo forsa. Problema psicosocial y emocional ta consisti di entre otro problema- di relacion entre mucha cu mayor, -miedo, -emocional, -comunicacion, -atencion, -identidad, -comportacion, -relacion pareha & famia y -criansa di mucha. Tambe problema cu fase di bida, comienso di depresividad, t e n t a m e n t o , procesamento di trauma y luto, auto-imagen asertividad, stress y burn-out. Seccion Bida y Famia
ta consisti di tres (3) subseccion, subseccion mucha & hoben, subseccion adulto y subseccion pareha & famia. E seccion ta haci indicacion y ofrece terapia na mucha, hoben, adulto, pareha y famia. Ademas di esaki tambe ta haci trabou preventivo manera duna diferente tayer, charla y/ of curso. Seccion Bida y Famia ta uza diferente metodonan manera e.o. ‘EFT’ (emotional freedom technique), ‘Matrix Reimprinting’, ‘EMDR’ (eye movement desensitization and reprocessing), ‘NLP’ (ne u r o - l i n g u i s t i c programming) y Terapia Sistemico. Ademas di un trayecto di guia, e seccion ta ofrece tres (3) cita na momento di caso crisis. Pa por ricibi un guia for di seccion Bida y Famia, bo persona mester trece un carta di referencia di sea bo dokter di cas of un instancia social. Si durante e proceso di guia
kier ta mas cerca di comunidad y awo ta duna un servicio telefonico extra na tur persona cu tin un pregunta of duda y cu ta desea di papia directamente cu un profesional. E servicio aki ta riba tur diamars entre 8:00 am te cu 10:00 am via e number 528-1150. Pa lesa mas tocante seccion Bida y Famia y e
otro servicionan cu nos ta brinda na e comunidad di Aruba, nos kier invita bo persona pa subi nos website www.das.aw “Bo no mester lucha den silencio. Bo por biba bon cu un condicion di salud mental, semper y cuando cu bo habri cu un persona tocante di dje.”
8
Diasabra 22 Mei 2021
Su Excelencia Alfonso Boekhoudt, a haci entrega oficial di un Decreto Real
Gobernador di Aruba, Su Excelencia Alfonso Boekhoudt, ayera mainta a haci entrega oficial di un Decreto Real (Koninklijk Besluit) na dos marinier Arubano na honor di nan promocion na Marinierskazerne na Savaneta. E entrega a tuma luga na Cas Ceremonial di Gobernador. LTKOLMARNS Art van Beekhuizen, Comandante di Marinierskazerne, tambe tabata presente na e ocasion aki. Richard F. Kelly a ricibi su Decreto Real den cuadro di su promocion cerca
e personal militar di Aruba di ‘eerste luitenant der mariniers van Aruba’ (ELNTMAR NAR) pa ‘kapitein der mariniers van Aruba’ (KAPTMARNAR). Daniel M. Vrolijk a ricibi su Decreto Real, den cuadro di su nombracion como officier cerca e personal militar di Aruba den e rango di ‘tweede luitenant der mariniers van Aruba’ (TLNTMARNAR). Despues di e entrega oficial, Gobernador di Aruba a tene un audiencia cu señor Van
Beekhuizen. Durante e audiencia, Gobernador a haya informacion riba
diferente topico, entre nan e trayectonan di Profesionalisacion di
Milisia Caribense y e trayecto di Formacion Social.
Na Sanicolas un persona agredi, maltrata y atraca ademas a bay cu su Nissan March auto di huur Diabierna madruga a drenta informe di cu un persona a yega tur herida na un cas na Louis de Colignystraat y tabata bisa nan a atrake, mesora a dirigi un patruya na e sitio. Na yegada di e patruya a bin compronde cu e tabata den Sanicolas cu un auto Nissan March cu ela huur y diripiente ela ser ataca agredi y atraca fuera a bay cu e auto di huur tambe. Mirando e golpinan ricibi polis a dicidi pa nan mes hiba e victima pa Centro Medico. Un rato despues a logra localisa e auto para banda di e school na Rooiweg. Mesora polis a confisca e vehiculo ey pa mas investigacion.
9
Diasabra 22 Mei 2021
GOBERNADOR PRESENTE NA HURAMENTACION MILITARNAN ARUBIANO
of a huramenta, den presencia di nan famia. Gobernador di Aruba, Su Excelencia Alfonso Boekhoudt, riba diabierna 21 di mei a realisa un bishita di trabou na Marinierskazerne
Savaneda (MKSAV) den cuadro di un ceremonia di huramentacion. Como ultimo paso pa oficialmente forma parti di ARUMIL, ocho militar a haci promesa
Prome cu a yega na e momento aki, e militarnan a sigui un curso di seis luna na Corsou. Despues di a finalisa esaki exitosamente na maart
ultimo, nan a ricibi nan baret. Despues di un siguiente curso cortico mas na Aruba nan ta finalisa e trayecto awe cu nan huramentacion. Cu esaki e militarnan ta hura pa lealtad na Rey Hulandes, obediencia na e leynan y
sumision na e disciplina militar. Na final di e ceremonia, Gobernador Boekhoudt a papia un rato cu e militarnan cu a huramenta, despues di cua a acompaña Gobernador pa A-1 pa su partida for di kazerne.
10
Diasabra 22 Mei 2021
Accidente cu hende herida na e cruzada Weststraat cu Rudolf Arendstraat
Dihuebs merdia a drenta informe di un accidente cu hende herida na e cruzada Weststraat cu Rudolf Arendstraat, mesora a dirigi tanto polis como ambulans na e sitio. Na yegada di e patruya a bin compornde cu aki
ta trata di un accidente entre un brommer, un quadracer y tambe un auto unda cu e manehador di e quadracer no a logra para na tempo y a bay dal patras di e brommer cu tabata su dilanti y a para diripiente na e cruzada.
Door di e impacto e quadracer a desvia y bay dal un auto staciona. Debi na e caida e motociclista
a resulta herida y e quadracer a pasa riba su pia.
Na yegada di e ambulans nan a atende e victima y a transporte pa hospital.
11
Diasabra 22 Mei 2021
Stichting Monumentenfonds Aruba ta ricibi ‘vierde tranche’ for di NRF Despues cu na 2009 a firma un protocol entre Hulanda y Aruba riba tereno di cultural y educacion, awor Stichting Monumentenfonds Aruba lo ricibi e di cuater ‘tranche’ di prestamo na un interes abou for di Nationaal Restauratiefonds Hulanda (NRF). Ya entre 2011 pa 2015 a logra haya un total di 2 miyon euro na interes abou cu cual a restaura entre otro e watertorennan na Playa y San Nicolas, California Lighthouse y Nicolaas Store. E siman aki e directiva di Stichting Monumentenfonds Aruba a firma pa ricibi e ‘vierde tranche’ di prestamo na interes abou for di NRF. Ta trata di un
prestamo di mey miyon euro na 0,5 porciento di interes pa un periodo di trinta aña largo. E fondonan aki lo ta destina pa e restauracion di Steenweg 19 conoci manera Ex Botica Aruba y Cas Tan Tin. Un di e acuerdonan haci pa e prestamo ta cu Stichting Monumentenfonds Aruba lo traha riba un revolving fund pa na e momento cu Gobierno di Aruba cuminsa cu proteccion di monumentonan priva. SMFA lo por ofrece na propietarionan di e monumentonan priva un prestamo na interes abou pa asina por restaura of mantene nan monumento. Asina tambe NRF lo por sigui pone fondonan disponibel pa e revolving
fund. E meta principal lo ta pa yuda doñonan di casnan monumental pa restaura esaki y mantene nan den bon condicion pero tambe pa stimula e adkisicion di monumentonan evitando asina cu hopi casnan di cunucu por ehempel lo keda bashi y cu e posibilidad di bai perdi. SMFA
sigur
ta
hopi
gradecido na NRF pa e prestamo pa asina nos por continua cu mas proyectonan di restauracion y tambe ta hopi contento cu e desaroyonan local tambe riba tereno di monumentonan. SMFA a haya informacion cu doñonan di monumentonan priva lo por declara esaki riba nan formulario di
impuesto di entrada y asina conta cu un reduccion di impuesto. Por lo tanto nos por bisa cu unabes cu casnan priva cuminsa haya nan proteccion e doñonan lo tin diferente beneficio cu lo por conta cune pa asina yudanan pa por preserva nan monumento y asina tambe preserva Aruba su pasado pa futuro!
12
Diasabra 22 Mei 2021
Lider di MEP Evelyn Wever-Croes:
PARTIDO MEP TA PRESENTA SU PROGRAMA DI PARTIDO DI GOBERNACION 2021-2021 Partido MEP a den un seccion live via pagina di Facebook a presenta su programa di partido di gobernacion 2021. E programa ta obtenibel pa lesa y download na riba e website di partido. E programa ta inclui tur e logronan durante di e ultimo 3 aña y mei cu partido MEP ta den gobierno y na mes momento ta presenta e vision y solucionnan p’e retonan nos dilanti. Lider di MEP y Prome Minister di nos Pais, señora Evelyn WeverCroes, via e pagina di Facebook di MEP a duna un mensahe pa nos pueblo y a enfatisa e orguyo cu ta sinti di e logronan na bienestar di nos pais desde 2017 y durante e pandemia di Covid.
Lider di MEP Evelyn Wever-Croes:
“Conciudadanonan, bo por ta hopi orguyoso. Cada Arubiano por ta hopi orguyoso den tur loke nos a logra den e ultimo 3 aña y mey. Nos a pasa di un crisis pa otro. Nos a cuminsa cu e crisis financiero, nos a pasa den crisis social, nos a pasa den e crisis di e impacto di e crisis interno di Venezuela. Un crisis constitucional den reino ora no tabata tin confiansa mas cu e gobierno anterior di Aruba. Ora nos a kere cu nos a pasa tur e crisisnan, ora nos a cuminsa lanta cabes y financiermente nos a pone e pais aki den rumbo
stabiel, nos a haña e pandemia. Pero como ciudadano di pais Aruba nos a mustra cu nos ta hendenan fuerte y resiliente. Mi kier gradici bo na prome luga pa bo sosten na 2017 cu a permiti nos di forma un coalicion pa goberna e pais aki. Mi kier a gradici bo pasobra pa mi e tabata un honor y privilegio di por a sirbi bo como prome minister di e pais aki. Mi kier gradici bo pa bo sosten, oracion y pensamento durante e temporada dificil di pandemia.
Nos a sinti e forsa di oracion di tur e hendenan cu a sostene nos. Awe nos ta un biaha mas bo dilanti pa pidi bo pa sostene nos den eleccion 2021 p’asina hunto nos por pone Aruba para riba su pianan. Tin hopi reto, nos a enfrenta varios pero tin hopi ainda pa enfrenta. Nos no por hacie nos so. Ta cu bo nos ta bay enfrenta cada reto. Cu bo nos ta bay saca Aruba for di pandemia y ta cu bo nos ta pone Aruba bek riba e rumbo di progreso y bienestar. Cu bo Aruba ta
avansa. Pa lesa y download e programa di gobernacion 2021 – 2025 si Partido MEP, bay riba nos website www.mep.aw Un biaha mas mi ta gradici bo di curason pa e sosten cu nos ta sintiendo den e temponan aki y e hecho cu bo ta demostra cu bo ta dispuesto pa yuda nos hiba e pais aki dilanti. Cu bo Aruba ta avansa”.
Diasabra 22 Mei 2021
13
14
Diasabra 22 Mei 2021
Diasabra 22 Mei 2021
15
16
Diasabra 22 Mei 2021
Pagina 17
Diasabra 22 Mei 2021
Pagina 18
Diasabra 22 Mei 2021
Chauffeur no a regula su Accidente cu algun mucha herida y spanta na e cruzada Rudolf Arendsstraat velocidad ni a mantene distancia a bay dal tras di auto na rotonde cu Emmastraat Tanki Leendert
Diahuebs mainta a drenta informe di un accidente cu hende levemente herida na e cruzada Rudolf Arendsstraat cu Emmastraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un Nissan March biniendo for di pabao no a duna preferencia na un Subaru Impreza cu tabata bini cu preferencia for di nort den Emmastraat. E impacto tabata fuerte y algun mucha cu tabata den auto tabata sea spanta of un otro cu dolor na su cabez. Na yegada di e ambulans nan a atende e muchanan na e sitio mes.
Diahuebs anochi a drenta informe di un accidente na e rotonde Tanki Leendert, mesora a dirigi un patruya na e sitio. Na yegada di e patruya a bin compronde cu aki
NA SIRIBANA 45B NA SANTA CRUZ NOS TA BAI TA HABRI DI 11OR PA 4OR Y MEI.
NOS KIER DESEA UN FELIZ DIADOMINGO
ta trata di un accidente unda cu un chauffeur no a regula su velocidad ni a mantene distancia a bay dal tras di auto su dilanti. Afortunadamente ningun hende a resulta herida.
TUR DIADOMINGO BBQ MIX GALINJA SO LOINRIBS SO
16,16,17,-
LOMITO 19, PINCHO 12,50 RIBEYE STEAK 16,PINCHO 3,CHORISO
3,-
PA PEDIDO POR JAMA OF
WHATSAPP NA 749-7071
Pagina 19
Diasabra 22 Mei 2021
Despues di cu a cambia e porta cu ladronnan a kibra algun dia pasa, ya caba ladronnan a bolbe kibra drenta horta na Ruiz Take Away
Diahuebs mainta a drenta informe di un caso di kiebro cu ladronicia na Ruiz Take Away na Tanki Leendert, mesora a dirigi un patruya na e sitio. Na yegada di e patruya a bin compronde cu aki ta trata di
un caso di kiebro cu ladronicia atrobe. Despues di cu a cambia e porta y a pone un porta nobo ya caba ladronnan a bolbe kibra e porta pa drenta horta.
Solo di pueblo pagina social Ba hasi aña? Bo kier publica un felicitashon den corant.
FREE
Manda nos un email cu informashon y maximo 6 potret na
solodipueblo@gmail.com
Destruccion cometi na e ex-edificio di Burger King na Caya G.F. “Betico” Croes
Diabierna madruga a drenta informe di un caso di destruccion na e exedificio di Burger King na Caya G.F. “Betico” Croes, mesora a dirigi un patruya na e sitio na yegada di e
patruya nan a tuma nota di e destruccion cometi na e glas di e lugar. Den transcurso dibdia e doño mes lo yama polis pa e keho.
Abona na
a bo no mester sali di cas Yama 585-9500 of e-mail nos na solodipueblo@gmail.com
Tur marduga nos ta entrege den bo porta di cas!
Noticia cayente, ta aki bo ta haye!
Pagina 20
Diasabra 22 Mei 2021
Destruccion cometi na My Time Snack banda di Servicio di Impuesto
Diahuebs mainta a drenta informe di un caso di destruccion cometi na My Time Snack banda di Servicio di Impuesto, mesora a dirigi un patruya na e sitio. Na yegada di e patruya a bin compronde cu den oranan di anochi pa mainta desconocidonan a comete destruccion na e lugar. Polis a tuma e keho y tin e caso bao investigacion.
a
b o n o m e s t5 e8 r5 - s9 a5 l0 i0 d i c a s Y a m a
Tur marduga nos ta Abona na
a bo no mester sali di cas Yama
5859500 of
e-mail nos na
solodipueblo@gmail. com Tur marduga nos ta entrege den bo porta di cas!
Noticia cayente, ta aki bo ta haye!
Pagina 21
Diasabra 22 Mei 2021
Mental Health Workshop Dia 6 y dia 17 di mei 2021
Scouting Aruba a tene un workshop cu e tema “Mental Health”. Sra Patricia Winklaar, un coach certifica procedente di Hulanda a duna 2 anochi di session. E prome tabata na nos lidernan di grupo y directiva y e di dos anochi tabata pa demas lidernan y tambe a forma parti di e workshop aki nos rumannan di A.P.G. Nos por mira atras na un workshop masha fructifero cu a yuda cada un
di nos pensa y reconoce ki ora bo tin un problema cu bo salud mental y kico bo por haci pa controla esaki of yuda bo mes y si ta algo mas serio e camindanan cu bo por cana pa busca yudansa profesional. Directiva di Scouting Aruba ta masha contento di por a haya e oportunidad pa ofrece e workshop aki pa su miembronan adulto y tambe na nos rumannan di A.P.G.
Na Madiki homber a bolbe yega burachi y disgusta, ela resisti su detencion
Diabierna mey anochi a drenta informe di cu un homber a yega cas burachi y tur disgusta na Madiki,
mesora a dirigi un patruya na e sitio. Na yegada di e patruya polis a bay papia cube homber yvesaki
a lanta contra e polisnan te hasta ela bringa cu polis. Polis a haya nan mes obliga di detene e per-
sona aki y a hibe watda di polis.
Pagina 22
Diasabra 22 Mei 2021
Siña prepara un crema contra lachi nocturno cu azeta di simia di druif E azeta di simia di druif ta un producto natural, absolutamente fabuloso pa e cuido di cuero. Un di su propiedadnan mas atractivo ta pa atenua y preveni lachi. Lo mas yamativo ta cu e efectonan di e substancia aki sa ta evidente a corto plazo. Otro di e bentahanan grandi di e ingrediente natural aki ta su adaptabilidad na multiple formanan di uzo. Por adkiri'e hopi facil den tienda y bo por combin'e cu un gran variedad di substanciananpa obtene diferente resultado. Bo no por imagina con facil ta pa prepara un crema contra lachi cu azeta di simia di druif. E ta nocturno pasobra ora cu lag'e henter anochi riba e cara, e tin efectonan hopi mas visibel. Solamente cu aplica e azeta directamente ya bo por disfruta di su beneficionan. Laga nos wak e tema cu mayor detaye. Pakico e cuero ta bira bieu? E embehecimento di cuero ta un proceso normal, cu a bin cu edad. A medida cu e añanan ta pasa, e cuero ta sufri un serie di modificacion cu ta hiba na perdida di fimesa, hidratacion, luminosidad y tersura. Ta e ora cu e lachinan ta aparece. Den esaki ta influi factornan genetico, metabolico y hormonal, for di e punto di bista organico. Tambe ta incidi e factornan externo, manera solo, e polucion, un higiena inadecua, falta di soño y e consumo di algun substancia manera alcohol of tabaco. Ta resulta inevitabel, tambe por retarda of atenua
si bo tuma algun medida. Lo mas importante di dje ta proporciona un cuidado diario na e cuero. Tambe, un crema contra lachi nocturno cu azeta di simia di druif por yudabo ralentisa e embehecimento cutaneo. E proceso natural di embehecimanto di cuero ta duna luga na e aparicion di lachi riba e cara. Esakinan, di su parti, ta refleha perdida di e firmesa y elasticidad. E beneficionan di azeta di simia di druif E azeta di simia di druif ta un di e productonan cu ta ofrece resultadonan rapido y contundente pa retarda e embehecimento di e cuero. Principalmente ta yuda hidrata y otorga firmesa y lozania. Esaki ta debe cu e ta conta cu un contenido halto di antioxidante, ademas di vitaminanan C, D, E y betacaroteno. Ta hopi producto di e industria cosmeico cu ta emplea azeta di simia di druif como componente esencial. Un di su bentahanan grandi ta cu e ta resulta apto pa
Con pa uz'e? Na comienso, lo unico cu bo mester haci ta añadi 5 pa 10 druppel di azeta di simia di druif na bo crema hidratante habitual. Esaki ta bay potencia su efecto di un manera sorprendente. Aplik'e tur anochi haciendo massagenan suave riba e cara. Lag'e te cu e dia siguiente. E principal efecto di e crema contra lachi nocturno cu azeta di siia di druif, ta un hidratacion significativo. Esaki por mira refleha den e lozania y e firmesa riba bo cara. E cuero lo mustra tambe mas bright y limpi.
cualkier tipo di cutis, ya cu e ta eherce un funcion tonificante sin tapa e porionan. Ademas, e ta absorbe hopi facilmente, danki cu e tin emolientenan light. Di un otro banda, tambe ta contene un alto volumen di acido linoleico. Esaki ta haci cu no solamente e ta excelente pa combati lachi, sino tambe pa trata cicatriz. E ta resulta maraviyoso ora cu bo ta uz'e contra estria, y hasta como locion pa aplica despues di bay den solo. Prepara un crema contra lachi nocturno cu azeta di simia di druif Productonan casero a demostra ta un alternativa estupendo pa e tratamen-
tonan di salud y beyesa Pa esey, bo no mester cumpra cosmeticonan costoso: pa esey bo por accede na e productonan natural. Traha un crema contra lachi cu azeta di simia di druif ta hopi facil y barata. Prome cos cu bo mester sa ta cu no ta facil pa saca e azeta for di e simia di druif den forma casero. Tampcoo ta imposibel, pa e resultadonan por ta no ta e mihonan. Asina ta cu lo mas consehabel ta pa cumpra azeta di simia di druif ya procesa. Pa su concentracion halto di antioxidante, azeta di simia di druif ta restaura e cuero y ta contribui na disminui e señalnan di embehecimento.
Otro forma di uza e azeta di simia di druif E azeta di simia di druif ta den e fruta mes, asina ta cu bo no mester adkiri e elemento aki caba pa beneficiabo di su efectonan. Simplemente bo por uza e frutanan y haci cu nan varios mask pa diferente efecto. Pa logra un excelente mask contra lachi, sigui e pasonan aki: ● Selecciona 10 druif berde di bon tamaño y blendnan cu e contenido di un capsula di vitamina E y un cuchara di azeta di oleifi. ● Sig u ientemente , coy e mescla' y aplik'e riba e cara, haciendo massagenan suave Lag'e actua pa mas of menos 20 minuut. ● Pa caba, kita e mask cu awa lauw, te ora cu e cuero keda bon limpi. ● Tambe, bo por haci algo mas simpel. Parti e druifnan den dos y freg'e suavemente riba bo cara y nek. Lag'e actua pa 20 minuut y laba e cara cu awa lauw y abundante.
Pagina 23
Diasabra 22 Mei 2021
5 dieet di moda cu ta pone bo salud na riesgo ismo. Salta e desayuno no ta sinonimo di "spaar caloria". Ora cu no ta proporciona e alimentonan aki na curpa, e celebro ta reacciona y ta tuma e energia di e musculonan destruyendonan poco poco. Otro efectonan negativo ta inclui: ● Metabolismo lento ● Sensacion di cansancio y mareo ● Hipoglucemia ● Problema digestivo of barica sera ● Anorexia 3. Dieet vegano estricto Den e ultimo decadanan e dieet di moda vegano a tuma hopi forPa cuestionnan di estetica y salud, hopi hende ta sinti e necesidad di adopta un dieet pa baha di peso. Ta berdad cu e proceso aki ta depende di hopi factor; no obstante, alimentacion ta un di e aspectonan clave pa logr'e y ta recuri na dieetnan di moda. Den e afan pa logra un cambio satisfactorio den poco tempo, algun ta dicidi pa adopta plannan estricto y restrictivo cu, aunke ta permiti baha algun kilo den cuestion di dia, cu tempo por produci reaccionnan indesea den e organismo. Lo mas preocupante ta cu ta sigui ignora e importancia di come balancea y apesar di e riesgonan, tamiles ta esnan cu ta laga nan mes hiba pa e regimennan aki cu no ta mas cu moda. Cualnan ta esunnan mas popular? Dicon nan mester wordo evita? Den e oportunidad aki nos a recomplia 5 tipo di dieet cu por ta perhudicial pa bo salud. 1. Dieet di grapefruit Grapefruit ta un fruta citrico dushi cu a gana fama pa su capacidad pa promove perdida di peso. E ta hopi abao den caloria y ta contene nutrientenan esencial cu ta apoya tanto e proceso digestivo como e metabolismo. Apesar di e cualidadnan aki, dieet di grapefruit a posiciona como un di e dieetnan di moda mas peligroso, ya cu e plan ta supone un reduccion significativo di caloria y nutrientenan esencial. E ta consisti den consumi durante
3 dia di siman solamente grapefruit. Por supuesto, e ta permiti perde peso di manera notorio, aunke cu hopi riesgo. E dieet aki por ocasiona: ● Sensacion di fatiga y mareo ● Episodionan di ansiedad ● Trastornonan digestivo y diarea ● Deficiencianan nutricional severo 2. Dieet di ayuno E dieen di e ayuno a gana hopi fama den e ultimo añanan y di hecho, ta existi un documental y buki al respecto. El a wordo crea pa dr. Michael Mosley y ta un di e plannan cu ta yuda logra resultadonan rapido. Su principal caracteristica ta cu ta elimina e prome cuminda di dia: desayuno. Por lo tanto, ta restringi un di e fuentenan di energia mas importante pa e organ-
sa. Aunke pa hopi ta un estilo di bida, otronan ta considera e miho metodo pa baha di peso den poco tempo. Fruta y berduranan organico ta e miho aliadonan di e dieet, esey no por nenga. Sin embargo, dado cu mester existi un ekilibrio cu tur alimento, algun di e plannan por ta hopi peligroso. Door di elimina por completo alimentonan di origen animal, e dieet vegano falta di e vitamina B12 cu ta necesario pa e desaroyo neuronal. Kendenan adopta mester considera consumi un suplemento. Di un otro banda, ta necesario aumenta e consumo di algun fuente di proteina. Tin hopi alimento vegetal cu por aporta na e nutriente den cantidadnan husto. Un dieet vegano mal planea por causa: ● Mal absorcion di mineral-
nan esencial ● Dificultadnan digestivo ● Deficiencia di vitamina ● Perdida di masa muscular ● Sensacion di fatiga 4. Dieet di webo Den e popular dieet di webo, ta sugeri e consumo di 6 porcion di webo pa dia, compaña solamente pa fruta y berdura. Nos sa cu webo ta un alimento saludabel cu por proporciona hopi di e nutrientenan esencial; apesar di esey, e dieet aki por ta perhudicial, dado cu e no ta cumpli cu e caracteristicanan di un alimentacion balansa. Mantene e alimentacion aki por causa: ● Descompensacion y deficiencianan nutricional ● Debilidad of letargo ● Descontrol di colesterol ● Barica cera y mal aliento ● Rebound effect 5. Atkins Diet E principal caracteristica di e dieet aki ta pa elimina e grupo di carbohidrato y sucu, pa basa riba un ingesta libre di proteina y vet. E organismo, door di agota su fuente di glucogeno, ta cuminsa usa dicho nutrientenan como fuente di energia. Esaki ta produci un concentracion di curpanan cetonico cu, aunke ta permiti baha di peso, por deteriora salud di organonan importante. Su consecuencianan ta inclui: ● Alteracionnan metabolico ● Descontrol den e pH di e curpa ● Exceso di acido urico ● Dificultadnan neuronal, cardiaco y respiratorio ● Deterioro di e funcionnan di higra y riñon ● Problemanan di concentracion y memoria ● Desgaste di weso Eligi e dieetnan di moda aki por facilita e perdida di peso; sinembargo, prome cu adopta cualkier, ta fundamental pa considera su efectonan negativo y e estado di salud actual. E miho manera di alcansa un peso sano y ekilibra ta cu un dieet balancea y ehercicio fisico.
Pagina 24
Diasabra 22 Mei 2021
Ta huur condominium/ Se alquila condominio bonito y recien renovado en Cu nuco
- 2 kamber cu queensize bed, cu airco inverter split unit, un baño. -sala cu smart tv y airco - Cushina cu Mini fridge 3/4 height, Electric stove y microwave.
A fl. 1500.00
Prepaid meter via Elmar, at all gas station - Water conec cion
Pa info: 7390101
Ta buska cas pa huur Call 5694343
Ta buska cas pa cumpra Call 5694343
CLASIFICADO e-mial: solodipueblo@gmail.com
Cel.585 9500 Gourmet lunch food Home Delivery Si ta desea durf purba algo differente
Jama Chef Reggito 5924808
Di dialuna pa diavierna
Tambe private chef y catering
Botica na Warda
Mei 22, 2021 P’abou di brug: Botica Eagle P’ariba di brug: Botica 4 Centro Medico
Pagina 25
Diasabra 22 Mei 2021 PRONOSTICO DI TEMPO VALIDO TE DIASABRA 22 DI MEI 2021, 18:00 ORA. ELABORA DIABIERNA 21 DI MEI 2021 17:00 (21:00 UTC) TEMPO: AWE ANOCHI: PARCIALMENTE NUBLA SIN AWACERO DI IMPORTANCIA DEN MARDUGA I MAYAN: PARCIALMENTE NUBLA CU UN POSIBLE AWACERO PASAJERO
Kico ta depresion y con pa reconoce esaki?
TEMPERATURA MAXIMO 33 GRADO CELSIUS TEMPERATURA MINIMO 27 GRADO CELSIUS BAHADA DI SOLO : 6:59 PM SUBIDA DI SOLO : 6:14 AM. BIENTO: MODERA TE BASTA FUERTE FOR DI DIRECCION OOST; FORSA 4 TE 5 (20 TE 39 KM/ORA, 11 TE 21 NUDO). DEN DIA FUERTE TE DURO, POSIBLEMENTE HOPI DURO DEN RAFAGA; FORSA 6 TE 8 (40 TE 64 KM/ORA, 22 TE 35 NUDO) SITUACION GENERAL DI TEMPO PA PROXIMO 24 ORA: DEN PROXIMO 24 ORA NO TA SPERA MUCHO CAMBIO DEN E TIPO DI WEER CU TIN ACTUALMENTE. UN ATMOSFERA RELATIVAMENTE SECO DEN E NIVELNAN MAS ABOU LO STROBA DESAROYO DI NUBIANAN CU POR PRODUCI AWACERO. PA E MOTIBO AKI NO TA SPERA AWACERO DI IMPORTANCIA. MAS ALEU, STOF FINI DI SAHARA LO STROBA VISIBILIDAD UN POCO DURANTE PROXIMO DIANAN. E DIFERENCIANAN DI PRECION DI AIRE DEN AREA DEN CARIBE TA GRANDI Y ESAKI LO PONE CU BIENTO LO SUPLA UN POCO DURO DURANTE PROXIMO DIANAN. CONDICIONAN MARITIMO/ ESTADO DI LAMA: UN ESTADO DI LAMA LEVE TE MODERA NA PARTINAN PROTEJE, Y MODERA NA PARTINAN ZUID TA WORDO SPERA DEN PROXIMO 24 ORA. NA SECTORNAN OOST TE NOORDWEST LAMA LO TA MODERA TE POCO BRUTO, LOCALMENTE BRUTO. OLANAN LO TA FOR DI OOST ENTRE 5 PA 8 PIA. E OLANAN DI MAS HALTO LO TA NA PARTINAN OOST TE NOORDWEST DI COSTA. AVISO/ ALERTA: UN AVISO PA BOTO CHIKITO TA NA VIGOR PA E PARTINAN OOST TE NOORDWEST DI COSTA. PA SOBRA PARTINAN DI COSTA TA PIDI OPERADORNAN DI BOTO CHIKITO PA EJERCE CAUTELA RIBA LAMA HABRI YA CU E BIENTO FUERTE LO CAUSA LAMA POCO BRUTO LOCALMENTE... FENOMENONAN SPECIAL: UN SISTEMA NO- TROPICAL SITUA NA ALGO MAS DI 800 KM OOST- NOORDOOST DI BERMUDA TIN UN CHANCE GRANDI PA BIRA UN CYCLON SUB- TROPICAL DURANTE PROXIMO 24 PA 48 ORA SEGUN E TA MOVE RIBA AWANAN DI ATLANTICO.
Oranjestad, Aruba Depresion ta un enfermedad mental cu ta bay hopi mas leu cu nos sentimentonan. Por ehempel, ora di ta sinti sin animo y ora bo ta sinti tristesa. E sentimentonan aki, sin animo y tristo, ta algo cu ta wordo splica como sentimentonan pasahero. Esaki ta nifica cu e sentimentonan por dura un paar di dia solamente caminda ta papia di sintomanan leve. Ora ta papia di depresion ta ora cu e sintomanan aki ta existi pa un tempo mas largo di por lo menos 2 siman sigui y caminda e kehonan ta mas grave cu ora bo ta sinti
un tristesa pasahero pues cu ta dura un paar di dia solamente. E sintomanan di depresion por ta; ● Bo tin falta di apetit y bo no tin smaak di come; ● Dificultad pa drumi caminda bo no por pega soño of ta drumi interumpi y ta lanta mucho tempran; ● Bo ta drumi hopi mas cu normal; ● Bo ta perde placer den tur cos; ● Bo por tin pensamento ariba morto of pa haci un acto di morto; Pero depresion ta existi den diferente grado. Ora
cu un persona haya e diagnostico cu e ta depresivo, ta haci e anotacion tambe di e gravedad di su sintomanan sea nan ta; leve, modera of grave, di cual e lo sigui haya e ayudo cu e tin mester. Den e temporada di crisis aki nos t’ey pa yuda esnan cu tin’e duro y cu ta sinti cu nan ta of ta bay cay den depresion. Den un forma anonimo y GRATIS por tuma contacto cu nos na 2810909 pa combersa un poco di bo situacion y e salud mental. Nos tey tur dia di 2pm te cu 10pm. Un mensahe di Sociaal Crisisplan
UN DISTURBIO DEN GOLFO DI MEXICO TIN UN CHANCE MEDIO DEN PROXIMO 24 PA 48 ORA DI BIRA UN CYCLON TROPICAL PROME E HACI LANDFALL NA ZUIDOOST TEXAS OF LOUISIANA. POTENCIAL DI AWACERO PA PROXIMO 24 ORA: 1 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y
AWACERO (MM) DEN ULTIMO 24 ORA (8'AM PA 8'AM): AIRPORT : MAX 32 / MIN 27 / 0.0 MM WESTPUNT: MAX 33 / MIN 28 / 0.0 MM
STA ROSA: MAX 33 / MIN 28 / 0.0 MM
PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO BREVE. BIENTO LO TA FOR DI DIRECCION OOST I MODERA TE BASTA FUERTE; FUERTE TE POSIBLEMENTE HOPI
DURO DEN RAFAGA; TEMPERATURA (GRADO CELSIUS) MAX / MIN LO TA: 33 / 27
Tip Line 585 9500
solodipueblo@gmailo.com
Pagina 26
Diasabra 22 Mei 2021
Jeon ta lansa Todo Pa’ti cu Joey Montana Aruba su yui di tera JEON ta lansa un tremendo produccion conhuntamente cu Artista internacional Joey Montana. No ta desconoci den rednan social na unda Jeon a comparti cu den su prome concierto cu e la experiencia na Aruba, La Factoria a presenta y aki ta na unda e la mira e Artista Joey Montana pa prome biaha. Jeon ta comparti con cu despues di 12 aña Jeon a presenta na un open act pa un concierto cual cu Joey Montana a presenta como solista. E parti increibel ta con cu despues di añas nan a topa otro den un studio na Miami. Y asina aki tambe ambos a inincia na e tremendo colaboracion aki “Todo Pa’ti”. Jeon tin diferente produccionan andando cu Artistanan renombra internacional. Jeon ta ricibi admiracion di tur su fansnan y ser kerinan pa e continuo dedicacion cu e ta enfoca y determina pa logra cu exito. Jeon a cuminsa como cantante cu 8 aña, su prome festival cu e la presenta “Festival Estrella” e la gana como ganador absoluto. Jeon a continua y dedica completamente den muziek. Cu 13 aña Jeon a cuminsa produci su prome cancionan y desde su infancia
te awor nunca a stop y a sigui na locual ta apasion’e asina tanto. Jeon ta comparti hopi biaha cu durante su crecemento como Artista Cantante y Productor e la bin realisa con cu musica ta un canal pa comparti mensahe, cu por concientisa pa un diferencia. Y esaki no ta desconoci tampoco despues cu Jeon a lansa su cancion “Dushi Bida” na 2016 pa cual a bira un hit explosivo den henter Caribe. Internacionalmente Jeon a wordo reconoci despues di su duo magnetico conhuntamente cu Artista internacional J.Balvin na 2018 cu nan cancion “Machika”. Papiamento a resona na henter mundo, y pa henter Caribe un orguyo inmenso a wordo comparti cu e gran logro aki. Jeon no ta para keto y no lo para keto. Esaki por mira den cada stap cu Jeon ta tumando den su carera musical. Ademas di su continuo viahenan y produccionan na diferente studio na Merca, Hulanda y Aruba. Jeon ta continua duna na su comunidad y semper ta sigui produci cancionan local tambe.
Jeon ta comparti e importancia pa nunca lubida di unda bo a bin y alabez pa halsa semper bo cultura pa e nunca bai perd’i. JEON Social Media:
instagram.com/jeon_arvani facebook.com/arvanimuzic https://www.youtube.com/user/ JeonVEVO/videos https://poweredbybq.ffm.to/patijeonandjoeymontana
Polis a logra detene destructor cu a comete varios destruccion na diferente lugar Diahuebs anochi polis a logra pone man riba e sospechoso cu a bin ta comete varios destruccion y e anochi aki a bolbe comete
destruccion, entre otro a destrui e porta di glas di Wendy’s y tambe e pantaya di e ATM di CMB blvd. Polis a detene y a trans-
porte pa warda di polis. Ta trata aki di un persona cu problema di salud mental.
Pagina 27
Diasabra 22 Mei 2021
Lotto Merdia MEI 21
Lotto Anochi MEI 20
Lotto Anochi MEI 20
Pagina 28
Diasabra 22 Mei 2021
Ta cumpra
Telefoon android y ios kibra Holoshi omega kibra
5694343
Publica serka nos anuncio di fayecimento di bo ser keri. Nos tin 2 pakete pa ofrece
Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn Ambulance San Nicolas Ambulance Sasaki Ambulance Wayaca
584-5050 582-5573 582-1234
Horacio Oduber Hospital Centro Medico San Nic. SVB AO Ziekmelding
527-4000 524-8833 527-2782
Servicio nan
911 100 102 104 105 107 11141
Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa
523-7147 525-4600 117 145 524-2424 584-5080 585-1198 913
Aurora Funeral Home Royal Funeral Home Ad Patres Funeral Home The Olive trees Funeral Home
588-6699 586-4444 584-2299 582-0000
Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Kiningin Wilhelmina Fonds Fundacion pa nos mucha nan
obituario
Pakete 1: Anuncio di fayecimento te dia cu e defunto ser dera Gradicimento y invitashon pa misa pa 3 dia AFl 250,00 Pakete 2: Anuncio di fayecimento te dia cu e defunto ser dera Gradicimento y invitashon pa misa pa 3 dia Na Canal 22 1x prome cu Noticiero 22 Afl 400,00 Pa mas informashon por tuma contacto cu oficina na 585-9500 of na 741-4554 puntra pa Jamila Henriquez
Oracion di dia Un feliz dia y cu Dios drama Su bendicion, amor y gracia na abundancia riba boso “Hesus a bis’e: “Si mi ke lag’e keda na bida te ora Mi bini bek, esey no tin nada di haber cu bo! Soru pa abo sigui Mi!” Hn21, 22
582-2219 583-2999 582-4433 587-1677 583-5400 131 588-3131 587-0002 588-9999 582-0412 583-4247
Esun cu ta stima Hesus, ta sigui’E. E discipel aki no ta wak patras, ni na su banda pa sa ken tambe ta sigui Hesus. Hesus ta bon cla den esaki den Su contesta na Pedro: “..esey no tin nada di haber cu bo!” Pedro a haya un mision y e tin cu duna di su parti pa e por cumpli cu n’e. E no tin tempo pa bay compara y analisa y probablemente saca conclusion eroneo over di e trabou di un otro discipel. Nos tambe ta experiencia esaki awendia ainda, pasobra e ta den nos naturalesa humano pa compara nos mes cu otro. Si bo wak bon ta e tipo di mentalidad aki ta stroba hende pa traha pa Iglesia cu animo y perseverancia. Nos mester tira nos bisti e ora riba Pablo cu ta un bon ehempel con pa- sin excusas y yena cu Spirito Santo- predica e reino di Dios bou tur circunstancia y den tur libertad. E libertad aki nos lo experiencia tambe ora nos bista y nos curason keda fiha riba Hesus. Oracion: Señor Hesus, tene misericordia y haci mi un discipel di Bo amor. Amen.
Pagina 29
Diasabra 22 Mei 2021
Bon pa refresca memoria di Patrick Paskel y su compinchinan
FOR SALE Galaxy s9 64gb good as new 595 florin.
Ganga
call 5694343 Telefoon den su caha
FOR SALE FOR SALE Toyota yaris 2013 7800 fl negosiable automatico aire.
Ford eco sport 2015 70km airco autm eco boost 4 cyl Suv.
CEL 5694343 SUZUKI 2007 TA CORE HOPI BON
KEURINGSKAART 2021-2023 3.500 FLS. CEL. 566 9404
For di basta tempo, tur merdia den su programa di radio ( cu awor a muri morto natural), e sinberguenza di Patrick Paskel, vocero di AVP tabata lastra Endy Croes. Ayera nos a pone man riba e publicacion, unda na 2019, Endy Croes a gana tur su casonan, te den corte di casacion na Hulanda. Na Hulanda 5 huez a pone un fin na tur storia di Ernst & Young y di Lotto. Prome cu esey, dia 28 di November 2012, tres huez a dicta pa saca Endy for di tur acusacion penal, pasobra no tin nada, no ta existi nada, y no falta nada. Sinembargo e mal perdedornan manera Patrick Paskel, cu ta sintiele masha gran cos, ta keda acusa y tilda Endy. Awe ta bon pa refresca su memoria y recorde, cu Endy ta clean clean, limpi limpi. Esnan cu ta macha pa
sentencianan di huez, ta su casa Milly Paskel cu a falsfica diploma, su Ruman Homber cu durante cu e ta polis, a drenta cas di hende sin permiso di fiscal. Su ruman a wordo sentencia na dos aña di prison, pero dor cu papelnan a perde, e no a sinta su castigo, pues e mester bay sinte ainda. Y su otro ruman homber cu a wordo sentencia na huez, pa di-
fama hende. Su amigo Speed Andrade sentencia na huez pa horta radio di polis y pa colmo pone un polis perde su trabao. Pues, porco sushi ta busca muraya limpi pa frega riba dje. Pa recorda Patrick y tur su compinchinan cu Endy Croes no tin ningun sentencia pa ladron, pasobra e no a horta nada!
Pagina 30
Diasabra 22 Mei 2021
Laga tur locual cu ta spera mi, ta bunita Laga tur locual cu mi encontra na caminda ta bunita Laga tur locual cu ta rondona mi ta bunita Laga tur locual cu mi ta laga tras keda bunita y laga esaki nan termina den tur bunitesa Cu inmenso dolor y tristeza na nos curazon nos ta aununcia fayecimiento di nos mama, wela, bisawela, y ruman stima:
Sra Viuda Luisa Bertranda Croes-Dubero Mihor conoci como “Betty” * 10-10-1938 - † 20-05-2021 Viuda di Sr. Armando Croes
Yiunan Stima:
Armando y Maria Croes-Vrolijk y Famia Ricky y Valerie Croes-Diaz y Famia Marian y Norman Tujeehut-Croes y Famia Ludwina y Victor Ridderstap-Croes y Famia Jeanine Croes y Oswaldo Freitas y Famia
Nietonan:
Roddery y Stacey Croes-Banfield Carissa y Orlando Lopez y Famia Kendrick Croes y Famia Odwin y Juliette Ridderstap-Matos y Famia Gerson Croes y Maureline Malmberg y Famia Norrienne y Tharick Wever y Famia Normaine Tujeehut y Aisha Tromp y Famia Amanda Croes y Famia Norenza Tujeehut Jeannilson Esteba Jaymison Illes Manera un nieta: Maricel Vera
Bisanietonan Stima:
Jeanluc, Ciarrah,Caylee, Thyler y Mia, Zivon y Ezra, Sophie y Zane, Frandrick Roman y Kayda-Vie, Kiaan Rumannan Stima: Aura y Rey Quant y Famia, Carmen De Cuba y Famia
Ruman di Crianza: Edna Dubero y Famia Cuña Stima: Libia Lampe y Famia
Swa y cuñanan:
† Efrain y Edwina Croes y Famia, † Betico Croes y Famia, † Chichia Werleman y Famia, † Adisson Croes y Famia, Hendrick Croes y Famia, † Aiky Croes y Famia, Fijn Croes y Famia, Rudy Croes y Famia, † Didi Lopez y Famia, Ada Croes y Famia, † Tommy Croes y Famia, Mary Henriquez y Famia
Iha Stima:
Alfonso Lampe y Famia Subrina y Subrinonan y famia, primo y primanan, bisiñanan, amigonan di cas, comer y compernan, conocinan. Demas famia: Dubero, Oduber, Croes, Lampe, Quant, De Cuba, Vrolijk, Diaz, Tujeehut, Ridderstap, Freitas, Banfield, Lopez, Matos, Malmberg, Wever, Tromp, Esteba, Illes, Arcaya, Wathey y Ras Ta invita pa acto di entiero cual lo tuma lugar na Aurora Funeral Home Diamars 25 di Mei 2021 di 2’or pa 4’or di atardi. Despues lo sali pa Santana Catolico na Sta Cruz Nos disculpa si den nos tristeza nos por a lubida algun famia of conocir. Despues di entiero nos no ta ricibi bishita di condolencia na cas. Tur regla di DVG lo ta vigente, uso di tapaboca, handsanitizer y mantene distancia di 1,5 m.
Pagina 31
Diasabra 22 Mei 2021
Laga tur loke ta spera mi ta bunita Laga tur locual mi encontra na caminda ta bunita Laga tur locual mi a laga atras keda bunita y Laga esaki termina den tur buniteza Cu inmenso dolor na nos curason, Agradesido y pero conforme cu boluntad di Dios Nos ta anuncia fayecimento di nos ruman, tanta y tanta grandi stima,
Ludwina Barbara Boekhoudt “Mihor conoci como Dina, tanta Dina of Din Din” *04 December 1952 +16 Mei 2021
Na nomber di su defunto Mayornan y ruman den felis memoria: † Tata Domingo Boekhoudt “Niki” q.e.p.d. † Mama Maria Boekhoudt “Maria” q.e.p.d.
Rumannan:
Carla y Theofilo Boekhoudt y famia Felix y Etlyn Boekhoudt y famia †Luis Boekhoudt q.e.p.d. y Vda. Bea Boekhoudt y famia Rosa y Orlando Croes y famia Oscar y Pina Boekhoudt y famia Swinda y John Croes y famia Vda. Leng Croes y famia †Tico Croes q.e.p.d. Mirto y Carmen Boekhoudt y famia
Iha stima:
Susan Kelly Boekhoudt
Madrina:
Sra. Nilda Croes
Mihor amiganan:
Cola – Zaida –Leticia –Melisa
Tanta di respet:
Felepina Pepeya Boekhoudt
Omo di respet:
Johan Havertong
Tur sobrino y sobrinanan y sobre-sobrinonan cu e la stimanan mane un jui, Primo y primanan, amistadnan di Sonrisa y Kibrahacha. Di curason nos kier gradici cu a jude na personal di Wit Gele Kruis, na personal di Edmund Harms Foundation, y tambe na ayudante Alexandra, y demas famia Boekhoudt, Croes, Kelly, Maduro, Ruiz, Albus, van der Biezen, Havertong, Hessen, Chin Sie Jen, Atmowirono, Krozendijk, Kock, Fuentes, Donk, Ras, Gomes, Rasmijn, Loefstop, Tromp, Feliciano, Marques, Franken, Wever, Dijkhoff, Thiel, Trimon, Dirks, Favié, Baez. Disculpa nos si den tristesa nos por a lubida algun famia, amigo of conocir. Acto di entiero lo tuma lugar Diasabra dia 22 di Mei 2021 di 2or pa 4 or di atardi na Misa Santa Filomena na Paradera, despues saliendo pa santana Catolico Pastoor Kranwinkel na Paradera. Despues di entiero no lo ricibi bishita na cas. Pa situacion actual di Covid-19 tin cu cumpli reglanan stipula door di DVG tapaboca ta obligatorio, hasi uso di handsanitizer y mantene distanciamento social, evita aglomeracion y no ta permiti pa duna man, sunchi y brasa.
Pagina 32
Sopi di Letranan
Diasabra 22 Mei 2021