DIASABRA 16 SEPTEMBER 2023

Oké Take Away

Nos Special

Sept. 16

Pag 2

565-3232

Diasabra 16 September 2023

FALTA 6 DIA

MAS PA POR

PARTICIPA DEN

E CONCURSO

DI PINTAMENTO “CACHO DEN CURA”

GUARDACOSTA VENEZOLANO A RECUPERA E 2

WAVERUNNER HORTA NA ARUBA Y A DETENE UN

DI E INVOLUCRADONAN NA LA MACOLLA

CHAUFFEUR A BAHA CAMINDA DAL PALO DI LUS Y AUTO A

PEGA CANDELA NA SERO PITA

Diabierna madruga a drenta informe di un accidente unda e auto a pega candela na Sero Pita, mesora a dirigi tanto polis como bombero na e sitio. Na yegada di e patruya a bin compronde cu aki ta trata di un Toyota Tercel blauw bayendo zuid cu a baha caminda na man drechi dal palo di lus bira 180 grado y pega na candela. Afortunadamente ningun

EN CONEXION CU PRESUPUESTO SUPLETORIO 2023, A ELABORA RIBA

ASPECTONAN DI MINISTERIO DI ENSEÑANSA Y DEPORTE

hende a resulta herida. E candela no tabata grabdi pero tabata pega cu un cura cu tin yerba y un cas den cercania. Na yegada di bombero ya caba esnan presente a a logra paga e candela y nan a percura pa tur cos a keda sigur y safe y nan a bay bek nan kazerne, Como cu e auto no tabata tin su papelnan na ordo polis a confisca esaki.

TURISTA A ACCIDENTA

Parlamentario Marco Berlis (MEP): Marisol Lopez-Tromp mama di Laft y Caft

awor ta flip-flop riba Raft

cual te cambionan aki specificamente. Kiermen, no obstante tur loke Marisol a menciona ta malo den e Raft manera cu e ta awo pa pais Aruba toch nan kier esaki bay door cueste loke cueste!

Marisol Mama di LAft y CAft

di AVP a sostene tur e deficitnan desastroso di gabinete Eman I-II. 2010:

-188.6 miyon florin, 2011:

-325.2 miyon, 2012: -443.3

miyon florin, 2013: -332.8

miyon florin, 2014: -405.8

miyon florin, 2015: -184.6

miyon florin, 2016: -177.30

miyon florin, 2017: -137.3

Algemene Rekenkamer di Aruba. No tabata tin control di parti Parlamento dirigi pa e mama di LAft Marisol Lopez-Tromp y e rapportnan a sali devastador pa tata di LAft y CAft Mike Eman.

Recientemente na Mei 2023, riba pagina 19 te cu 21 den e “Verslag voorstel van Rijkswet houdende regels voor het Financieel Toezicht op Aruba,” Marisol Lopez-Tromp (MAS) a expresa den preguntanan pa Hulanda cu e no ta di acuerdo cu diferente puntonan di e Raft, y si esakinan no wordo contesta ni considera, anto e ora ey e Raft den su forma original no ta faborabel sino peligroso pa nos pais. MAS a hasta expresa den su “zienswijze” cu e kier presenta un amienda riba e ley di Raft. MAS a hasta menciona cu si e Raft bin cu cierto norma di presupuesto pa pais Aruba cu no ta realistico, Aruba su economia no lo por crece y lo sali perhudica pa e ley di Raft. Adicionalmente MAS a declara cu e Raft lo stroba inversionnan internacional di por tuma lugar. (Pagina 15-16 Verslag

di Staten pa Tweede Kamer Mei 2022)

Marisol pro Raft aunke su preguntanan y amienda a wordo ignora pa Hulanda Aunke fraccion di MAS NO a haya su preguntanan contesta pa Hulanda, NO a logra pa amendeer e ley di Raft, diripiente a flip-flop y ta bisando cu nan kier e Raft manera cu e ta, cu tur e consecuencianan pa pais Aruba. Si Hulanda NO a contesta MAS su preocupacionan, no ta logico pa MAS bay contra RAft? Asina mes pa basta tempo MAS a core ke bandera cu kier RAft, RAft mester bin, den rueda di prensa, Parlamento y debate. Awo diripiente pa via di presion di debate di Diamars riba nan postura entreguista y traidor, sra. Gunn a dobla y a core bisa cu MAS kier wak un cambio chikito den e ley di RAft. Sinembargo, MAS no por a menciona

E mas tristo ta cu Marisol ta keda splica pueblo cu supervision financiero mester bin y cu ta pesey el a insisti na 2015 pa esaki keda implementa. Primeramente, ya tin supervision financiero den forma di CAft y LAft! Segundo, esaki ta e mentira di mas grandi den historia politico. Historia ta mustra bon cla cu Marisol a sostene AVP como Presidente di Parlamento desde 2013-2016, gritando voor pa e deficitnan historico di nos pais. LAft no a bin pa invitacion sino como un intervencion di parti Hulanda pa via di e maneho catastrofico di Gabinete Eman-I-II y Marisol gritando voor pa esakinan den Parlamento.

Ta pasobra Marisol NO a haci su trabao como representante di Pueblo, Hulanda a invadi Aruba cu LAft, CAft y un KB. Asina e mama di LAft y CAft Marisol Lopez-Tromp a duna lus na supervision financiero pasobra claramente Aruba su Parlamento den e añanan ey a demostra di NO por haci su trabao y a traiciona e pueblo di Aruba.

Marisol Mama di LAft y CAft PRO maneho catastrofico di Gabinete Eman

(1)- Marisol Lopez-Tromp como parlamentario y presidente di Staten

miyon florin…y asina Aruba a yega na 86.2% di su GDP na debe (ARA, CAFT, IMF) sin conta PPP aden pa mas di un biyon florin sin cu por a duna cuenta di e suma aki segun

Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento. aw / Bo parlamentario y sirbidor di pueblo na bo ordo semper!

September 16

-Calco Stoba

-Mochi pisca

-Bacalao

-Fish cutlet

-Balchi pisca

-Chicken breast

-Chicken bami goreng cu chicken sate

-Chicken wings

-Spare ribs stoba

-Porkchop

-steak di weya

* Tur cuminda ta bin cu aroz, salada, banana, funchi hasa, of tin biaha cu batata machika, dutch potato, vegetales.

-- Por cambia aroz pa funchi of pan bati -565-3232

Cooperacion entre Wardacosta, KPA y Wardacosta di Venezuela ta resulta den detencion

Den oranan di madruga riba dia 15 di september, un compania cu ta hur jetski na Aruba a tuma nota cu 2 di nan vehíkulonan a ser horta. Nan a contacta Korps Politie Aruba (KPA) y huntu cu Wardacosta di Caribe Hulandes a tuma accion mes ora.

E dos organisacionnan a tuma contacto ku Wardacosta di Venezuela pa alarma nan, mirando cu e jetski nan tawata nabega den direccion di nan awanan.

Wardacosta Venezolano a logra recupera tur dos vehículo y a aresta 1 di e personanan. Den comunicacion cu Wardacosta di Caribe y KPA, nan lo traha riba e proseso pa debolbe e jetski nan na e compania.

Guardacosta Venezolano a recupera e 2

waverunner horta na Aruba y a detene un di e

involucradonan na La Macolla

E 2 waverunnernan cu e dos venezolanonan a apropia di nan di un manera indebi na nos isla Aruba a ser recupera na e sector La Macolla, peninsula di Paraguana segun reporte di e Zona Operativa di Defensa Integral Maritimo y Insular Occidental 72 (Zodimainoc) bao encargo di e Vicealmirante Andrés Arbeláez Duarte.

Esaki ta danki na e vigilancia continuo na e costanan y cu e delito a ser reporta mesora na tempo (via awe24.com), e efectivonan militar a intensifica e plan di rastreo cu a permiti recupera e waverunnernan y a logra detene un di e involucradonan di e ladronicia.

Despues di cu nan a apropia di e waverunnernan na Aruba y abandona e isla den un persecucion, e Unidadnan di Respuesta Inmediato Maritimo Barracuda (URRA) 181.1 a ser activa den full e peninsula di Paraguana,

aunke a enfoca den Cabo San Roman.

E waverunnernan aki tabata riba e strand di Punta Macolla na momento di interveni ora e comision cu a detene un di e implicadonan den e hortamento, manteniendo e buskeda di e otro sospechoso cu a scapa a traves di e matanan den e zona.

E detenido captura a ser identifica como José Gregorio Olazabal Zavala, di 34 aña, venezolano, di Los Taques kende den su detencion a confisca dos celular y un paspoort.

Esaki a ser traslada na e Comando di e Stacion Principal de Guardacostas Punto Fijo y posteriormente te na Delegacion di e CICPC Punto Fijo, pa asina inicia e investigacion y e procedimiento judicial correspondiente, bao encargo di e Ministerio Publico asina a indica e Vicealmirante Andrés Arbeláez.

Parlamentario Shailiny Tromp-Lee: Aruba completo mester desaproba e mocion encuanto ‘strafrente’ aproba pa Tweede Kamer

Loke a pasa den Tweede Kamer diamars dia 29 di juni 2023 ta algo cu Aruba completo mester desaproba. Esta cu e mocion presenta pa Parlamentarionan Kamminga di partido VVD y Van den Berg (CDA) encuanto e exigencia cu supervision financiero na Aruba mester bay mediante di un Rijkswet sino Gobierno di Hulanda mester cobra Aruba un interes (rente) mas halto y haci ganashi riba lomba di nos pueblo. Mientras ta trata di un suma di placa cu Hulanda mes ta haya presta na un interes di alrededor di 3% y lo mester bay cobra Aruba na interes conforme mercado financiero cu lo por ta e ora entre 6 pa 8 %. Pueblo mester ta consciente cu ta trata di un prestamo, dus Aruba ta paga e suma di placa bek. Ademas un biaha mas a keda accentua y demostra, mediante e motibonan pakico a bin cu e mocionnan, con tiki algun parlamentario hulandes sa of ta worry cu e situacion di nos pais of nos democracia.

Manera ta conoci na october venidero ta bira e momento cu Aruba mester cuminsa paga e debe cu a keda crea cerca Hulanda. Un debe di 916 miyon pa por a brinda sosten y ayudo na pueblo cu entre otro subsidio di salario y Sosten Financiero na companianan chikito y mediano. No ta un secreto publico cu e sosten financiero mediante un fiansa di parti di Hulanda, cual sigur nos ta contento y gradici pe, no a bay sin condicionnan. Algo cu te dia di awe dificilmente nos por compronde y ta haya inacceptabel. Pa cuminsa el a keda duna bou di e actitud di “take it or leave it” caminda e islanan den Caribe obligatoriamente mester a bay di acuerdo cu COHO y Aruba adicionalmente cu RAFT sino no lo haya e sosten. Esaki mientras nos tabata pasando den e momento di mas dificil den e historia di nos pais desde 1986. Banda di esaki nos tur por corda e exigencia di por ehempel e recorte di 60 miyon pa aña cu Hulanda a exigi den cuido aki na Aruba durante un pandemia. Un

condicion cu te cu dia di awe nan no por a splica of hustifica di ningun manera!

E proceso encamina pa loke ta trata COHO a keda bari di mesa pasobra e ta mina e autoridad di e islanan y ta obsticulisa e parti di eigenaarschap di parti di e islanan. Parlamentonan di e islanan tabata contra e rijkswet y sigur e parti di “gedwongen consensus” no a conta cu sosten di parlamentonan incluyendo e parlamentarionan hulandes. Pregunta cu nos mester haci ta cu mirando cu e argumentonan aki ta conta pa RAFT tambe dicon ainda Hulanda ta presiona pa esaki si keda concretisa. Solamente pa tin harmonisacion den supervision? Y ki ta para cu trato igual y husto? Ta bon pa pueblo para keto tambe na e realidad cu Aruba no ta keda ofreci e mesun condicionnan favorabel manera nos hermana isla si a ricibi na aña 2010. Anto riba dje awor nos tin parlamentarionan di Hulanda cu ta exigi riba dje pa cobra nos mas interes si un biaha mas nos no bay di

acuerdo cu nan actitud di “cuchiu na garganta”.

Nos tur mester realisa cu e placa presta no ta un regalo y gobierno ta negoshando e condicionnan bou cual nos ta bay paga bek. Pa Hulanda un kwijtschelding “is niet aan de orde”, lo tabata bon si nan a duna un splicacion dicon. Alabes ta keda incomprendibel dicon nos no por haya un interes abou sin mara esaki na condicion y base riba articulo 36 di statuut. Of dicon si berdaderamente nan lo kier yuda nos pais, p.e., door di yuda nos cu e gastonan di interes, nan no ta inscribi pa refinancia of

financia structuralmente nos necesidadnan financiero. Algo cu por cierto ta costanan 0 florin y practicamente 0 riesgo. Hopi pregunta sin contesta. Alabes ta bon pa prome cu nan kier hisa nos supervision financiero na nivel di RFT nan evalua su funcionamento na nos hermana islanan Curaçao y Sint Maarten. Pasobra tin resultadonan di evaluacion cu ta indica diferente puntonan di preocupacion. Sin papia mes cu overall nos no por echt bisa cu e la funciona of a duna e resultado desea.

Departamento di Impuesto ta tuma pasonan importante pa reduci retraso den procesamento di obhecion

A procesa 18.025 bezwaar den e prome mita di aña 2023

constante y di un manera structura cu un norma pa procesa 3.000 carta di obhecion pa luna.

Determina pa elimina retraso

– Departamento di Impuesto a bin ta anuncia durante e ultimo simannan e esfuersonan cu a wordo haci riba tereno di cobransa di impuesto y compliance durante e prome mita di aña y ta duna un bista den e trabaonan cu ta wordo haci pa reduci e retraso den e procesamento di obhecion (bezwaar).

Aunke tin un trabou grandi cu mester wordo haci ainda, e trabao ta avansa den un ritmo

E retraso den e procesamento di e cartanan di obhecion a pone cu contribuyentenan te ainda ta den espera di un contesta di Inspector. Departamento di Impuesto ta compronde e preocupacion di e contribuyentenan y ta den pleno ehecucion di un plan structura pa atende cu e retraso aki. Aunke e retraso ainda no a wordo elimina completamente, e

funcionarionan di Departamento di Impuesto ta determina pa optimalisa e servicio y reduci e tempo di espera. A tuma algun medida pa asina por aumenta e capacidad di procesamento y reduci e tempo di espera di e contribuyentenan. Departamento di Impuesto a logra avansenan importante den reduccion di retraso den procesamento di restitucion y ta keda comprometi pa reduci e retraso den procesamento di “bezwaar” tambe.

Gerencia di Departamento di Impuesto 15 di september 2023

Celebrando

su tercer aniversario…

Premio nacional “Crioyo di Oro” lo wordo otorga 1 di december

E premio mes, ta un diseño di Fundacion Go Cultura y un produccion di artista Gilbert Senchi. E tin un simbolismo hopi particular cune di exito, desafio,

fracaso, perseverancia, consistencia, superacion y excelencia. Abo tambe por nomina bo baluarte cultural faborito y bo por nomina mas cu un persona. Nos ta invita bo

pa scan e QR-code pa bo haya acceso na e pagina digital of bishita e pagina di Go Cultura Foundation riba Facebook pa bo por click riba e link pa bo haci bo nominacion.

Na aña 2021 Jossy Brokke Jr. tabata e prome artista cu a wordo homenahea y otorga e premio nacional aki pa su excelencia artistico y pa 65 aña di aporte na desaroyo cultural di Aruba.

Na 2022, despues di un luna largo cu comunidad general por a nomina nan faboritonan, a toca turno na Maybelline ArendsCroes pa ricibi e premio nacional aki.

Premio nacional “Cioyo di Oro” ta un premio crea y presenta pa Fundacion Go Cultura como estimulo y homenahe na baluartenan local cu ta forma parti di industria di arte di tarima (performing arts: cantante, musico, actor, poeta, cineasta, promotor y mas), cu a impacta nos comunidad di un forma impresionante y cu a dedica nan bida largo na desaroyo positivo y adelanto cultural di Aruba.

E aña aki Fundacion Go Cultura a anuncia un bes mas cu publico general por participa den e proceso di nominacion pa e proximo persona, personanan of grupo(nan) cu lo ricibi e premio aki. Durante e prome dia cu e plataforma di nominacion a bira publico, por a nota un record di 338 nominacion cu a drenta. Pues por a nota un reaccion instantaneo hopi grandi for di nos comunidad cu a

nomina varios persona cu nan ta desea di mira ricibi e premio prestigioso aki.

Pa un persona por wordo considera pa ricibi e premio principal door di e comicion di Fundacion Go Cultura tin varios rekisito cu e persona mester cumpli cune. Entre otro, e persona mester ta na bida, e mester a dedica su bida largo y di un forma excepcional y bisto na e adelanto cultural di Aruba, e mester por gosa di un bon reputacion den comunidad y su aporte por wordo demostra hopi cla con el a hisa e perfil di e Industrianan Cultural y Creativo di Aruba, impactando desaroyo cultural, social y hasta economico.

E aña aki, a introduci 3 categoria nobo: Premio Estimulo, Premio Contribuidor di Excelencia y Homenahe Postumo. Den e pagina di nominacion, por lesa tur detaye di e categorianan nobo aki.

Den luna di october proximo lo anuncia nomber di e ganadornan di e premio aki pa 2023. Esaki lo habri caminda tambe pa e celebracion y homenahe di gala cu lo tuma lugar dia 1 di december 2023. Publico por asisti na esaki, manera cu tabata e caso e prome dos añanan.

Prome Minister Evelyn Wever-Croes:

Minister di Enseñansa y Consul General di Merca ta firma MOU

pa completa ‘EducationUSA’

ARUBA COMO E PAIS PIONERO, A CUMINSA CU E PROYECTO AKI Y TA E UNICO DEN REINO CU TA HACIENDO ESAKI

Diahuebs atardi, na John F.Kennedy Education Center Aruba, Minister di Enseñansa Endy Croes y Consul General di Merca na Corsou Margy Bond a firma e MOU pa asina completa EducationUSA.

Prome Minister Evelyn Wever-Croes tawata presente tambe na e ocacion importante aki pa nos pais y a expresa di ta sumamente contento cu esaki pasobra e ta un motivacion mas pa traha hunto pa expande educacion cu institutonan na Merca.

Den tempo di pandemia, Aruba como e pais pionero, a cuminsa cu e Proyecto EducationUSA.

Den nos region y den Reino, Aruba ta e unico cu ta haciendo esaki.

Intencion di EducationUSA ta pa crea mas posibilidad pa studiantenan di Aruba haya mas acceso

na estudionan na Merca cu lo ta mas accesibel financieramente tambe.

“Consul di Merca semper a brinda un sosten grandi na e proyecto aki mientras cu Minister di Enseñansa semper a kere den e programa aki. Y awe, nan a firma e MOU. Cu esaki, mi deseo y speransa ta cu hopi mas porta ta bay habri pa nos hobennan haya mas oportunidad pa yega na e estudionan cu nan ta desea pa despues tambe nan regresa Aruba pa yuda nos cu nos economia”, Prome Minister a expresa.

Prome Minister ta felicita Minister Endy Croes, e veld di enseñansa y tur esnan cu a haci esaki polisbel. “Esaki ta un resultado di e laso estrecho entre Aruba y Merca.

E relacion aki ta fuerte y awo nos ta wak su frutonan”, Prome Minister Evelyn Wever-Croes a remarca.

Biblioteca Nacional Aruba ta anuncia un otro edicion di su Festival di Buki pa Mucha. Na 2023 e tema ta ‘Mi Buki, Mi Cas’. Tur aña ta scohe un tema nobo pa duna e festival un indole diferente. Na biblioteca nos ta preparando un otro edicion pa por sigui stimula mucha pa lesa buki. E Festival di Buki pa Mucha ta dura un siman y ta tuma lugar den prome siman di November.

Semper ta habri e festival cu un fiesta grandi cu lo tuma lugar diasabra dia 4 di november 2023. Den e siman di 6 pa 10 di november hopi autor tanto di Aruba como for di Hulanda, Corsou, Boneiro y St. Eustatius ta haci nan best pa conta storia den klas y na biblioteca y tambe ilustrador ta duna presentacion ta con nan ta ilustra storia pa mucha. Di e manera aki ta purba di entusiasma muchanan pa lesa mas, lesa hunto y bishita biblioteca mas. Miembrecia di biblioteca a bira gratis na 2023, cu ta un regalo pa tur mucha.

Un grupo grandi di escritor di buki pa mucha

Mi Buki, Mi Cas

ta bishita mas cu sesenta scol. Di Aruba esakinan ta Vanessa Paulina (Escritor y ilustrador), Irmgard Frans (Escritor y ilustrador), Olga Buckley (Autor y poeta), Emerita Emerencia (Escritor, maestra y actriz), Ruthy Vrieswijk (Escritor, poeta y Blogger), Esmeralda Tromp Jacobs (Escritor y contador di storia), Sheila Werleman (Artista visual y ilustrador) y Desiree Correa (Autor y docente). For di Boneiro, Denise de Jongh (Escritor y editor) y Boi Antoin (Investigador y autor) ta join e grupo, Di Colombia autor, poeta y actor Pedro Vargas. Tio Ali (escritor y contador di storia) semper ta forma parti di e festival y Tio Ali ta bini hunto cu Crisen Schorea. Crisen ta autor y poeta. Jeroen Hoogerwerf y Pieter Koolwijk ta bini for di Hulanda pa bishita e muchanan di scol. Misha Spanner (Contado di cuenta) ta participa pa di prome biaha na e festival na Aruba y ta bini for di St. Eustatius. Nan ta bishita scol pa conta storia, papia tocante buki cu mucha y tambe pa stimula mucha pa lesa mas.

FALTA 6 DIA MAS PA POR PARTICIPA DEN E CONCURSO DI PINTAMENTO “CACHO DEN CURA”

: E aña aki ta di cinco aña consecutivo cu ta organisa un Concurso di Pintamento, pues Gobierno di Aruba ta celebrando su prome lustro pa cu esaki.

E meta di e concurso ta pa conscientisa specialmente nos muchanan tocante Aruba su Ley di Cacho. E muchanan na nan turno a traves di nan pintura ta expresa y por siña mas tocante e ley aki y nan tambe kisas lo por educa hendenan rond di nan ora nan mira algo cu no ta cuadra cu nan deber. E aña aki e muchanan mester pinta un of mas cacho den cura; Minister di Enseñansa Endy Croes a dicidi di sigui e liña di e campaña cu Cuerpo Policial a inicia na juli:

Participacion ta gratis y tur mucha cu ta bay scol basico por participa. Si abo como mayor sa cu bo yiu no a ricibi e formulario na scol, por download e formulario via www. specialprojectsaruba.org tambe pa print pagina 2 (e print mag ta blanco cu preto); pagina 1 ta e pagina di informacion.

E pintura mester ta na color y pinta door di e mucha mes, pues sin ayudo di un mayor. Detayes con pa por comunica cu e alumno cu a gana tambe ta importante pa wordo menciona riba e formulario di participacion.

Ultimo dia cu por entrega e formularionan di participacion ta diabierna dia 22 di september 2023. Por entrega e formularionan na Bestuurskantoor Oranjestad, na HBK San Nicolas of na e MFA mas cerca.

E ganadonan lo wordo anuncia dia 4 di october 2023 riba e pagina di

Facebook di Gabinete Wever-Croes. E muchanan cu gana lo wordo invita den e luna di october, despues di vakantie, pa ricibi nan regalito.

Gobierno di Aruba ta invita tur mayor y maestro pa stimula e muchanan cu ta bay scol basico pa participa. Minister Endy Croes ta spera di por “conta cu un cantidad record e

Cambia perspectiva

tocante obesidad: Sa bo number y midi bo peso

Si tur ciudadano di Aruba cuminsa inculca e atencion debido di nos Ley di Cacho den nos muchanan, nos lo por garantisa un bunita futuro pa locual ta trata doñonan di mascota responsabel cu ta respeta ley y alabes nan propio cachonan.

Cacho Den Cura, Ta Ley E Ta.

Minister Endy Croes: EN CONEXION CU PRESUPUESTO SUPLETORIO 2023, A ELABORA RIBA ASPECTONAN DI MINISTERIO DI ENSEÑANSA Y DEPORTE

Recientemente durante e reunion publico di Parlamento di Aruba a trata Presupuesto Supletorio 2023 di Pais Aruba. Durante desertacion, Minister di Enseñansa y Deporte Endy Croes a contesta pregunta en conexion cu su ministerionan. Minister Endy Croes a splica durante e reunion publico e cambionan den e presupuesto den e aspecto di enseñansa. A kita un total di AWG. 580 mil for di salaris subsidie di e directivanan di scol y a aloca esaki pa otro

proyectonan. A corta suma di diferente “directiva di scol”.

Ademas, e suma cu tabata bay pa e scol cu e cera, tambe a uza pa e proyectonan aki. No obstante esey, e suma aki ta inclui e premie di NPR na 17.1 % y despues a resulta na final cu ta 15.7%, cual tambe a uza pa otro proyecto.

Fuera di esaki, den Presupuesto 2023 ta bin dilanti e forma cu por yuda scol cu material pa siña nan trabou den sector

hotelero. AHATA a haci un bunita donacion na E.P.B. San Nicolas. Minister Endy Croes a señala cu Colegio EPI tambe lo ricibi AWG. 325 mil a traves di “normbedrag”.

En conexion cu e asuntonan di Ministerio di Deporte, Minister Endy Croes a indica cu a haci un peticion na Aruba Sport Unie (ASU) pa bin cu diferente curso pa educa e federacionnan con pa tin un bon maneho. E federacionnan mester ta fuerte pa por duna guia debidamente.

Angel Didder a gradua como Bachelor den

- Dialuna 11 di september 2023, Angel Didder a defende su tesis exitosamente y a obtene su titulo di ‘Bachelor of Arts’. Angel a defende su tesis dilanti di e comision di graduacion cu tawata consisti di decano di Facultad di Arte y Ciencia, dr. Mieke de Droog, drs. Jacques van der Scheer y sr. Gershwin Lee cabesante di San Antonio. Ademas tabata presente, famia di Angel, invitado, otro docente y studiante di Universidad di Aruba.

E titulo di Angel su tesis ta “Perspectives on Challenges in the Working Relationship Between Human Resources Management and SchoolManagers Within SKOA Regarding HR’s

Policies and Procedures, and Opportunities for Improvement ”.

Angel a colabora cu e organisacion 'Stichting Katholiek Onderwijs Aruba (SKOA) y abase di e resultadonan di su investigacion a propone diferente recomendación pa/cu e sector di recurso humano.

Un palabra di gratitud ta bay na: e coleganan di Universidad di Aruba, e docentenan di e departamento di OGM y e profesionalnan cu a yuda of guia Angel como studiante. Tambe ta gradici SKOA y esnan pafo di Universidad di Aruba cu a contribui na un manera of otro na e acontecimento aki.

Parlamentario independiente mr. Gerlien Croes: Flip flopping di prome minister lo costa pueblo 30 miyon florin extra

Parlamentario Gerlien

Croes ta cuestiona e credibilidad di Minister President Evelyn Wever-Croes repasando e desaroyonan

cu a conoce durante su mandato y cu deliberadamente ta mina e autonomia di Aruba. For di core campaña acusando e go-

bierno anterior di a bende esaki, te na gaña henter Parlamento pa subi avion y fi rma rijkswet (RAft) permitiendo supervision fi nanciero. Despues di tur esey, ainda Wever-Croes tin e curashi di acusa representantenan di pueblo di esunan cu ta fl ip flop. Tur e gañamento aki ta obliga e actual Secretario di Estados van Huffelen pa expresa cu e ta sorprendi pa e posicion cu gobierno di Aruba ta tuma y cu un dispensacion di e pago ta for di mesa manera a yega di bisa caba. Pa purba scapa su cara, awor e prome minister ta purba di cambia e nomber di e ley cu toch na fi nal di dia lo keda un Rijkswet cu supervision fi nanciero. Sin mas, awor e kier hasta propone pa areglo di sierto condicionan den un Landsverordening (LAft),

Turista a accidenta cu utv

cual ta un ley cu e mes a duna conseho na Parlamento pa deshasi di dje na 2018, cual mas aun a crea motibo pa desconfiansa di parti Hulanda den Aruba su maneho fi nanciero.

“Mi ta kere pueblo mes no ta compronde mas kico e fl ip flopping aki kiermen pasobra si tin un hende ta fl ipflop akiden ta e minister president di e pais aki,” asina parlamentario independiente mr. Gerlien Croes a indica durante su disertacion den Parlamento di Aruba. Riba dje ta entrega un presupuesto pa 2024 basa riba 3.2% di e RAft cu e mes no kier mas.

Dia 6 di september gobierno a haya un carta di van Huffelen bisando cu e idea hibrido (regla condicionan den LAft y RAft pareu) ta great, pero e no ta bay cambia e normanan di

presupuesto y lo tin cu bay mara esaki y cumpli cune den e Rijkswet manera palabra anteriormente. Parlamentario Croes a puntra minister president pa mustra e doorrekening cu Hulanda tambe a pidi p’e cu e lo mester a entrega dia 8 di september y minister president no por a presenta esaki.

Parlamentario Croes:

“Awo pa pueblo sa kico tur e fl ip flopping aki kiermen; e 6 pa 8% di interes, pa motibo di no cumpli cu palabracionan hasi, lo nifica cu por lo menos 2 aña largo entre 30 miyon extra pueblo lo tin cu paga na interes. Esey ta e tristo realidad y tur esaki a caba di wordo confi rma durante reunionan di Tweede Kamer Hulanda diaranson ultimo 13 di september.

Diabierna atardi a bati alarma pa un turista cu a accidenta riba su Utv. E operacion di rescate a dura un ora pa por a trece na un sitio pe haya ayudo di ambulance.

Sr. Moises Fernandez y Melvin Rasmijn a entrega Certificado di Dan

Presidente di Aruba Taekwondo Bond "ARTBO"

Sr. Moises Fernandez hunto cu Melvin Rasmijn di comision di examen a entrega Certificado di 2 Dan te cu 5 Dan cu a yega for di Korea.

Jason Ridderstaat y Mireille Dirksz a ricibi nan certificado di 2 Dan. Norberto Tromp a pasa pa di 4 Dan.

Yoshmar Wever a pasa pa di 5 Dan. Yoshmar Wever di Chaco Taekwondo Academy ta esun di mas hoben na Aruba cu tin 5 Dan.

Sr. Moises Fernandez y Melvin Rasmijn a felicita tur cu a haña nan certificado.

ARTBO su siguiente examen pa faha preto ta na December.

Partido MEP hunto cu Fundacion Formation Politico Nelson Orlando Oduber (FFPNOO):

invita pueblo di Aruba pa un curso di liderazgo

DESAROYA E LIDER CU TIN DEN BO CU E ENSEÑANSANAN DI JOHN MAXWELL

Ningun hende ta nace un lider pero ta siña lidera cu tempo. Liderazgo ta provee direccion pa alcansa e destinacion sea di un compania, organisacion y tambe e famia. Partido MEP hunto cu Fundacion Formation Politico Nelson Oduber (FFPNOO) ta organisa un curso di liderazgo den e luna di October. E meta ta pa a traves di e enseñansanan di John Maxwell, participantenan

por desaroya e lider den nan.

Partido MEP ta invita pueblo en general pa ‘join’ e curso di liderazgo aki y siña con pa lidera bo mesun bida prome, pa despues lidera otro di un manera ehemplar. Duna e paso aki padilanti pa logra bo crecemento como lider y inspira tur esnan rond di bo!

E curso lo wordo duna door di señora P.Giraldo na CEDE di MEP na Santa Cruz cu un duracion di tres siman, 3 biaha pa siman riba diananan dialuna, diamars y diaranson for di 7-9 PM. Fechanan pa e curso lo ta 9,10,11, 16,17,18, 23,24,25 di October. E costo di e curso importante aki ta Afl. 10 so pa persona.

Tur esnan interesa por

registra na e link: https:// forms.gle/pzZHcZjGPomMeHGy8 of tambe por

reserva via Whapsapp: 744 4997 of manda un mail na info@mep.aw

Ta

Projecto: Upgrade High Rise Hotel, deel 1

toir entre Riu Antilla te cu Holiday Inn. Inicialmente tawata tin planea pa tene destaho e aña aki y cuminsa e aña aki ainda cu e trabounan di e prome parti y caba final di aña aki ainda. Esey ta si es cu no bin retraso den e proyecto pa motibo di awacero of materialnan cu lo mester bestel di afo. Teniendo

cuenta na unda e trabounan mester tuma lugar, esta e área di High Rise, materialnan cu mester bon di afo y probablemnte retraso pa motibo di awacero a tuma e decisión di tene destaho e aña aki ainda y otorga e trabou e aña aki, pero lo cuminsa cu e trabounan otro aña después di e temporada di

cuaresma na april. Esaki lo duna e contratista cu ta bay ehecuta e trabounan, suficiente tempo pa haci e bestelling di materialnan necesario di afo pa evita cu esaki por ta cuasante di retrasdo di e proyecto. E destaho publico lo tuma lugar día 27 di oktober 2023.

E proyecto Upgrade di High Rise ta un proyecto cu ta parti den tres parti. E prome parti lo ta e reconstruccion di e caminda entre Riu Antilla y South Beach. Tambe lo pone drenahe nobo y ductonan

di awa preto nobo bou caminda. Di dos parti ta mesun tipo di trabounan cu e parti prome pero esaki lo ta entre South Beach y Holiday Inn. E di tres parti ta encera reconstrucción di e wandelpad y trot-

SABIDURIA DEN NOS ALEGRIA

Skirbi pa Ruthy “Lady Ruth”Vrieswijk-Bergen

Cu un cordial saludo pa un felis dia yen di sabiduria den nos alegria ! Awe nos lo conta boso un crenchi di e dushi anochi di Poema cu a tuma lugar recientemente na Maggys situa den Caya Betico Croes, den nan sala parti patras conosi como “Cunucu Cafe”, banda di CMB bo banco amigo. Hopi hende, entre nan, artista, poeta y escritornan, amante di poema. Hopi a recita nan poema cu algo

di e tema “Wall flower”, un persona verlegen of shy, cu ta den background sin hanya su debido atencion di esnan rond di dje. Algo asina. Lady Ruth tambe mester a busca den diccionario pa hanya sa un crenchi mas di e tema aki bau di e titulo “Wall flower”. Nos grupo di amiga a yega mas tempran pa por a goza di un private tour duna pa Sheelah di Maggys di e asina yama :”Pop op”di Frida Kahlo, un artista y

poeta mexicano cu un bida impactante y impresionante. Un bunita expo den nan sala na banda , Maggys ta un di e lugarnan di mas bieu ariba nos isla cu ta bende e perfumenan di mas dushi di tur parti di mundo. Asina tambe nan tawata tin e perfume cu ta carga e nomber Frida Kahlo. Nos por a goza di e “warm up song”di Ryan Maduro ariba guitarra cu canto di Angela Croes. Angela, como artista tawatatin tambe obranan masha bunita di botternan pinta tur color cu cara di Frida Kahlo ariba nan. Nos por a admira otro obranan di arte traha na man di varios otro artista, e.o. Cuadranan pinta pa .Belinda de Veer. E anochi di Poesia a cana hopi bunita atrobe y tawatatin musica jazz masha bunita atrobe di Carlos Bislip y amigos. Y e hoben guitarrista fantastico Jayden Richardson. Na nos mesa cu Milly, Yvette, Verna y Ruthy nos a goza di dushi johnny cake y cheezeballs di Kulture Kitchen y nos a goza di un par di wijntjes cu a baha hopi bon mes. Manera ta e tradicion cu Lady Ruth, nos a inspira un bunita poema prosa relaciona cu e tema di e anochi ey y e biaha aki un bes mas nos bon amigo tremendo MC Leo a tene e paraplu colorido di Lady Ruth, como su toke artistico di reparti blessings cu por baha for di ariba, pa e spat tur rond y inspira tur cu un crenchi amor y alegria. E ambiente den Cunucu Cafe di Maggys tawata tremendo ! Hopi great pa a topa tambe cu Audrey, den bon salud , hunto cu su pareha, goza tambe di tur e presentacionnan di e varios poetanan presente. Ki bunita tawata e poema di lieve

mooie Yakari , despues di basta tempo sin tendele recita. Yakari tin , segun mi a lesa, un buki nobo on line titula :”Bread and butter”” causando exito. E ultimo Poetry Night lo tuma lugar dia 20 September na Alfies patras na banda di Aruba Laundry den curason di Oranjestad, cu Open Mic henter anochi. E tema ta encuanto posibilidadnan. Algo positivo y bunita sigur !

“”People, let’s shine again

with our spoken words in love and positivism” ban sigui briya den nos Arte di Palabranan poeticamente inspira y expresa ! Danki pa lesa nos relato cu atencion, pasa un dushi dia yen di sabiduria den nos alegria ! Un bearhug pa boso di Lady Ruth. Ban sigui sembra cosnan positivo, bon y bunita pa nos cosecha tambe tambe ta positivo, bon y bunita ! Dios ta bon, Dios semper ta bon !

Prome Minister Evelyn Wever-Croes:

E proyecto di Edutech ta cumpli cu soño di un scol mas

ST. PAULUS SCHOOL, CONTENTO CU 50 CHROMEBOOKS

PA KLAS TRES Y CUATRO

Oranjestad, Diabierna mainta Prome Minister Evelyn Wever-Croes hunto cu Parlamentario Alvin Molina, a bishita St. Paulus School na San Nicolas pa mira con e docente y alumnonan ta duna y haña les cu e "chromebooks" nobo cu nan a gana cu e proyecto di Edutech.

Prome Minister a indica cu St. Paulus School ta un scol cu tin hopi aña caba canando e caminda pa digitalisacion, y a tuma e oportunidad di participa na e proyecto di innovacion di Edutech pa gana e oportunidad pa haya chromebooks pa klasnan 3 y 4. Cu un proyecto dife -

rente, St. Paulus School a logra gana, ricibiendo asina un total d 50 chromebooks pa e klasnan. Esaki sigur a trece un cambio radical pa loke ta e participacion di e muchanan den klas. Por nota cu e muchanan ta sumamente entusiasma cu e sistema nobo aki, y ta duna mas di nan parti durante les. E docentenan tambe ta contento, mirando cu e disponibilidad di e chromebooknan aki ta facilita e manera pa duna les, y ta crea un ambiente ameno.

Durante su bishita, Prome Minister tambe a toca e tema di siguridad, y a reitera e importancia pa edu-

ca e muchanan di e peliger cu ta existi, na momento cu nan subi Google pa busca informacion. Esaki sigur ta un tema St. Paulus School ya ta tene cuenta cu ne, mirando cu nan ta siña e muchanan e importancia di tin un password y di mantene secreto, pa asina evita cualkier persona por "hack" den nan sistema.

Tambe, Prome Minister a expresa di ta sumamente orguyoso pa mira e caminda cu St. Paulus School ta bin ta canando pa añanan caba pa loke ta innovacion, y ta contento cu e scol a kere den e proyecto di Edutech. Danki na nan participacion, y

cu nan a gana, Gobierno por a yuda nan cu e materialnan cu tanto nan tabata desea. E 50 chromebooknan aki lo haci un diferencia sigur den participacion di cada mucha, cu e resultado di termina

nan aña escolar exitosamente. Prome Minister ta felicita St. Paulus School, e cabesante, tur docente y alumno, y ta gradici Futura pa haci esaki posibel, cumpliendo asina cu soño di un scol mas.

VALIDO TE DIASABRA 16 DI SEPTEMBER 2023, 18:00 ORA

TEMPO:

AWE TARDI Y AWE NOCHI: PARCIALMENTE NUBLA Y GENERALMENTE SECO DEN MARDUGA Y MAYAN: PARCIALMENTE NUBLA CU UN POSIBLE AWACERO BREVE

TEMPERATURA MAXIMO 35 GRADO CELSIUS

TEMPERATURA MINIMO 29 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 36 PA 44 GRADO CELSIUS

UV INDEX: 12

TORMENTA TROPICAL MARGOT TABATA SITUA NA 1000 KM

ZUIDOOST DI AZOREN Y TA MOVE ZUIDOOST CU 7 KM/ORA.

BIENTONAN MAXIMO TA DI 100 KM/ORA.

UN AREA DI PRECION ABOU DE ATLANTICO CENTRAL A SIGUI

DESAROYA Y A BIRA DEPRECION TROPICAL NR.15. 15 TABATA

MOVE NOORDWEST NA 1880 KM OOST DI E ISLANAN MAS

OOST DI CARIBE. BIENTUNAN SOSTENA TA DI 55 KM/ORA.

NINGUN DI E 3 SISTEMANAN AKI TA DI IMPORTANCIA

PA REGION LOCAL

POTENCIAL DI AWACERO PA PROXIMO 24 ORA: 1 TE 3 MM; LOCALMENTE ESAKI POR TA DIFERENTE.

REGISTRACION DI TEMPERATURA (GRADO CELSIUS) Y

AWACERO (MM) DEN ULTIMO 24 ORA (8’AM PA 8’AM):

ACI LAC Airport Day 2023:

Tema principal tabata “Catering to the next 100 years of traveling”

ORANJESTAD - Aruba Airport Authority N.V. (AAA) a organisa riba diamars 12 di september 2023, e prome reunion oficial di ACI-LAC Airport Day Aruba 2023, bou encargo di Airports Council International di Latino America y Caribe. ACI-LAC y AAA a yama bonbini na un total di 100 delegado fo’i rond mundo, incluyendo Alemania, Colombia, Costa Rica, Panama y Miami, pa un evento di un dia ACI-LAC Airport Day cu a tuma luga na Hilton Aruba Caribbean Resort & Casino. Cu e tema ““Catering to the next 100 years of traveling”, e programa a inclui presentacion di varios socio for di rond mundo y diferente profesional di aeropuerto cu enfoke riba futuro y e cuater pilarnan principal di e strategia corporativo di AAA cu ta Hende y Desaroyo, Calidad di Servicio, Innovacion & Oportunidad Nobo y Sostenibilidad & Responsabilidad Social.

E evento a inicia cu un video di bonbini bou encargo di Minister di Turismo y Salud, Dangui Oduber y palabra di bonbini di CEO di AAA, Joost Meijs como tambe di e director general di ACI-LAC, Rafael Echervarne. Pa inicia cu e seccion di presentacion Elizeo Llamazares di KPMG a haci un presentacion di con pa balansa e crecemento di trafico aereo y un economia sostenibel di e islanan chikito, e desafionan actual cu e islanan insular ta enfrentando incluyendo e capacidad di e islanan y con iniciativanan sostenibel por balansa e impactonan negativo cu aviacion por tin pa comu-

nidad.

Daniel Gumberger di Munich International Airport a comparti e tendencianan creciente den e cambio di e necesidadnan di e biahero y e expectativanan di e airport concessionaires, autenticidad di e destinacion, arte y experiencia cu mester considera pa e futuro desaroyo di aeropuerto. Como parti di tecnologia innovativo, Sevda Fevzi di Modalis a comparti su opinion cu experticio riba riba desaroyo tecnologico cu por facilita biahe, incluyendo e uzo di Artificial Intelligence mientras cu Yuri Feliciano di SITA a comparti conocemento valioso tocante colaboracion entre stakeholders cu por mehora e experiencia di e pasaheronan, incluyendo Aruba One Happy Pass, cu a lansa na maart 2023.

Luis Soto di Aeropuerto Internacional El Dorado a enfoca riba con pa atrae futuro lidernan den aviacion, talento garantisa y desayoro den crecemento pa un industria di aviacion cu ta cambia rapidamente y atrae un forsa laboral cu ta “gender-balanced”. Pa finalisa e programa, tabatin un panel discussion modera pa Minerva Flemming di AAA incluyendo Daniel Muñoz di GCG Group, Sebastian Pinchinatti di Amadeus, Erick Barboza di AERIS

Costa Rica y John-Henry Palacios di Dufry, caminda a discuti e importancia di acto di ekilibrio di e aeropuertonan pa un futuro generacion pa concession revenue.

“Pa por satisface e demandanan cu semper ta cambia di e biahero, ta rekeri un colaboracion fuerte entre e proveedornan di

servicio di aeropuerto, e autoridadnan civil y e stakeholders clave pa garantisa un operacion di aeropuerto cu fluidez y un impacto positivo den e experiencia di e pasaheronan. Como aeropuerto, inverti den diferente oferta comercial, desarroyo tecnologico innovador y experiencia autentico denter di y pafo di e terminal di aeropuerto por posiciona aeropuerto pa e futuro demandanan y necesidad di e pasaheronan. Sostenibilidad mester ta integra den tur nos desicionnan pasobra esey ta loke nos kier y loke e futuro clientenan kier”, tabata e palabranan di Joost Meijs kende ta CEO di AAA.

AAA ta gradici ACI-LAC p’e oportunidad di por organisa e prome ACI-LAC Airport Day na Aruba, na tur e oradornan pa nan contribucion valioso y e conocemento brinda y na tur e 100 delegadonan pa asisti na e evento.

Tocante AUA Airport

AUA Airport ta un di e aeropuertonan mas ocupa den region Caribe cu mas di 22 diferente aerolinea operando pa Aruba

contribuyendo na mas cu 2.5 miyon pasahero pa aña y cu buelonan pa 22 diferente ciudad 34 diferente destinacion directo rond di mundo. Di e mercadonan u AUA Airport ta sirbi 77% ta for di Merca y Canada, 13% for di Latino America, 6% for di Europa y 4% for di Antia Hulandes te cu Augustus 2023. AUA Airport ta reconoce cu esaki ta danki na e economia stabiel, clima politico, hospitalidad, populacion diversifica y siguridad general di nos isla. AUA airport su aspiracion ta

pa bira un di e aeropuertonan den region Latino Americano y Caribense mas sostenibel, sigur y a prueba di futuro, brindando un luga di trabou confiabel, facilidad di aeropuerto moderno y un servicio excelente cu ta refleha hospitalidad Arubiano, contribuyendo na un futuro prospero pa Aruba.

Conoce mas di loke ta pasando na AUA Airport door di bishita www.airportaruba.com y conecta cu AUA airport riba Twitter.com/Aruba_Airport,

“Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”.

Salmo: 23

Tin e tristo deber pa anuncia fayecimento di .

Sra. Maria Christina Refunjol-Angela, Carinosamente yama: “Tan, Mamai, Ija”

*26 Oktober 1929 - †12 September 2023

Mama di miembro di directive di CEDE ARUBA. Sr Fredis Refunjol

Acto di entiero lo tuma lugar Diasabra 16 September 2023, di 1’or pa 4’or di atardi na Misa Sagrado Curazon di Hesus na Savaneta.

Directiva y personal di CEDE ARUBA ta extende nan mas sincero condolencia na demas famia y amigonan di Sra. Maria Christina Refunjol -Angela.

Nos ta anuncia fayecimento di:

Alicia Mercedes Ras-Henriquez *03-11-1945 - †08-09-2023

Na nomber di su:

Casa: Eddy Pedro Ras

Yiunan: Eddy Jose Ras

Raul Eduardo Ras y famia

Nietonan: Rulliene Ras, Yxienne Ras, Zhayonne Ras

Tata: †Salvador Henriquez

Mama: †Alicia Jimenez

Rumannan: Maria Luisa Henriquez de Esquirol y famia

Beatriz Henriquez de Triviño y famia

†Juan Henriquez y famia

†Carlos Henriquez

†Candelaria Henriquez y famia

Tanta: †Olga Matos Jimenez na Aruba

Primo(a)nan: Olga Leidel Matos y famia, Franklin Matos y famia, Marlyn van Koppenhagen Matos y famia, Alicia Matos y famia, Mayra Alvarez Matos y famia, Olga Jimenez Arciniega y famia, Ruth Marina Jimenez Arciniega y famia

Swa y cuñanan: †Ignacio Ras y famia

†Rafael Ras

Leonora Ras y famia

Juan Ras y famia

Genara Ras y famia

Judith Ras y famia

Rubi Ras y famia

Timotheo Ras y famia

Pascual Ras y famia

Anchi Malmberg y famia

Amiganan: Blanca Maduro Hoyos y famia

Bon amiga di cas: Maritza y famia, Doris y famia

Demas famia: Ras, Henriquez, Geerman, Werleman, Matos, Maduro

Nos disculpa si den nos tristeza nos por a lubida di menciona un famia of conocir.

Ta invita pa e acto di entiero cu lo tuma lugar diasabra 16 di September 2023 na misa Inmaculada Concepcion di 2:00 pa 4:00 pm, despues saliendo pa Santana catolico na Sta. Cruz.