Issuu

Covid Aruba

16 persona a recupera, a registra total 3 caso nobo, di cual 2 ta no-residente Diasabra 12 Juni 2021

Solo di Pueblo

Aña 16 - edicion 418

E-mail: solodipueblo@gmail.com

Prijs: Afl. 1.75

Patrick Paskel cobrando 6360 florin tur luna for di AVB pa propaganda spirito Candela na e cas unda Sayuri(19) a wordo tira ta intencional

Detencion di Benny Sevinger prolonga cu 60 dia

Diasabra 12 Juni 2021

Resumen di casonan di covid-19 na Aruba 11 juni 2021. Segun resumen di awe 16 persona a recupera, a registra total 3 caso nobo di Covid-19, di cual 2 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 407 test. 'Positivity rate' entre nos residentenan ta 0%. Casonan activo pa awe ta 15, cantidad di fayecido relaciona cu Covid-19 ta 107. Cantidad di personanan vacuna ta 65.227 cuta representa mas cu 65% di nos poblacio di 18 aña bay ariba.

TA HUUR Progreso Avestrus Riba peticion di Ministerio Publico e siman aki huezcomisario a suspende condicionalmente e detencion di e sospechoso P.Th.A.S. den e investigacion Avestrus. Huez-comisario a pone como un di e condicionnan cu S. no mag di tin contacto cu otro sospechosonan y cu e tin cu coopera cu e investigacion. Ademas huez-comisario a duna ordo pa detencion (gevangenhouding) di e sospechoso O.B.S. riba peticion di Ministerio Publico.

truck pa tur trabao Pa sushi, pa santo Yama Dominico Tromp na cel # 566-6848

Diasabra 12 Juni 2021

Patrick Paskel cobrando 6360 florin tur luna for di AVB pa propaganda spirito

Mientras cu teamnan di futbol ta pasa den duro pa por organisa nan mes, directiva di AVB ta paga Patrick Paskel un suma completo di 6300 florin pa luna. Pa hasi kico? Wel, pa haci nada ! Diabierna a bira publico varios recibonan di Patrick Paskel, unda e ta cobra, den mes un forma cu RDA, suma astronomico, pa propaganda spirito. Ni con cu analisa e suma aki, no por hustifike. Bestuur di AVB a bira dudoso, inconfiabel, unda nan ta faborece Paskel cu placa tur luna, tirando placa afo y rancando esaki for di futbol. Dialuna nos lo sigui riba mas escandalo den AVB.

Diasabra 12 Juni 2021

GOBERNADOR BOEKHOUDT TA ENTREGA CONDECORACION NA GERRIT H. GRIFFITH

Den cuadro di e Ocasion General die 2021 casi tur condecorado Arubiano a ricibi nan Condecoracion Real riba 30 di april ultimo. Awe tabata asina agradabel pa señor Gerrit H. Griffith y su esposa tambe. Durante oranan di awe mainta, Gobernador di Aruba, Su Excelencia

Alfonso Boekhoudt a haci entrega di e condecoracion na señor Griffith na Cas Ceremonial di Gobernador den cuadro di su nombramento como Lid in de Orde van Oranje-Nassau. Na april ultimo señor Griffith no por tabata presente na e lintjesregen na Aruba Marriott Resort. Señor Griffith a

Awe Banco Central di Aruba (BCA) a publica su ANNUAL STATISTICAL DIGEST 2020 (ASD 2020). E publicacion estadistico aki ta contene un gran cantidad di datonan economico, financiero y social, incluyendo Aruba su sectornan financiero, real, externo y publico. Alabes, e ASD 2020 tin varios ilustracionnan grafico di datonan den e publicacion, cu ta hopi util pa analisis economico financiero y yuda traha recomendacionnan di maneho. E ASD 2020 ta disponibel desde awe riba e website di BCA (www.cbaruba.org). Pa cualkier pregunta of comentario riba e publicacion aki por contact e Departamento di Estadistica di BCA. Banco Central di Aruba 11 juni 2021

ricibi e Condecoracion Real debi na su contribucion na diferente actividadnan caritativo na Aruba manera entre otro Fundacion Ban Uni Man Pa Cria Nos Muchanan y pa su contribucion na lantamento di y trabounan pa Divi Impact Foundation for di 2010.

Diasabra 12 Juni 2021

Detencion di Benny Sevinger prolonga cu 60 dia Ayera Ministerio Publico a informa cu e detencion di Benny a wordo prolonga cu 60 dia mas. Es decir cu dos luna mas. Esey kemen cu Benny lo no sali prome cu eleccion di dia 25 di Juni 2021. E siman aki el’a bira malo, el’a pasa tur control y sinti bon bek. Landsrecherche

interoge tur dia den KIA y parce cu e no kier papia, of no ta papiando of no ta coperando. Mas cu claro cu landsrecherche tin preguntanan clave pa hasiel’e cual mester wordo aclaria. Pa awor e ta keda 60 dia mas encarcela. --

Diasabra 12 Juni 2021

Candela na e cas unda Sayuri(19) a wordo tira ta intencional

Flamboyantstraat Diahuebs anochi polis y brandweer a wordo manda Flamboyantstraat unda un cas lo tawata na candela. Na yegada di polis a resulta cu e adres ta Flamboyantstraat 4, mesun cas unda e damita di 19 aña a wordo tira. Diahuebs den oranan di atardi a hiba e restonan

mortal di Sayuri Petronia na su ultimo luga di sosiego. For di Cuerpo Policial nos a compronde cu e candela tawata intencional, y pa e motibo eynan a pidi pa BFTO y tambe slachtofferhulp na e sitio. E caya a wordo cera unda cu Brandweer y Elmar por a haci trabou.

Diasabra 12 Juni 2021

A pesar di e pandemia, Gabinete Wever Croes a percura pa Aruba surpasa momento dificil Minister Glenbert Croes ta wak bek riba un pandemia cu a destrui hopi cupo di trabao, a trece luto den hopi famia y a kibra soño den hopi hogarnan. Na mes momento esaki ta hustamente locual ta pusha e mandatario pa lucha duro pa tur esunnan cu di un dia pa otro a perde tur cos. E mandatario a defini su compromiso y vision p’e proximo 4 añanan di Gobernacion. Un di e metanan cu ya ta trahando riba dje ta e 100% recuperacion salarial pa empleadonan publico y priva. Aruba ta riba caminda di recuperacion. E siman aki nos pueblo tabata testigo di e prome barco crusero cu a drenta nos waf atrobe. Ocupacion na hotelnan di Aruba tambe ta aumentando. Aruba ta riba caminda di recuperacion danki na entre otro locual IMF mes a declara, e reaccion y medidanan inmediato di Gabinete Wever-Croes na 2020 manera introduccio di FASE y Loonsubsidie, cu hunto a logra scapa bida di hende. Pero mescos cu nos pais y nos pueblo a logra surpasa e crisis aki, ainda tin metanan pa logra unda cu e ser humano lo ta semper central den tur Minister Glenbert Croes su decisionnan: Pa anuncia algun: riba tereno social, lo percura pa implementacion di Sociaal Crisisplan II pa 4 aña mas pa asina sigui atende cu e problemanan social cu ta grandi riba nos pais. Social Crisisplan I a logra pone un fundeshi solido pa e solucionnan. Sociaal

Crisisplan II ta pa logra ehecuta e solucionnan cu mester bin pa nos problemanan social cu ainda ta grandi. Bishitando casnan a keda constata cu e scarcedad di vivienda pagabel ta hopi grandi mes. Casnan social digno basicamente a bira un luho ya cu no tin disponibel. E mandatario den Gabinete Wever Croes II lo percura pa construccion di casnan social digno y pagabel pa famianan por tin un dak pa por forma nan hogar na un manera digno pa duna nos criaturanan e paz y trankilidad di un hogar. Na mes momento ta trahando riba e parti dos di FASE cu lo bira TIO cu ta un “Tijdelijke

Inkomensondersteuning”. E entrada di TIO ta mara na bo ultimo salario registra na SVB cu un minimo di 1250 te n’un maximo di 2950 mensual. TIO su condicionnan lo ta entre otro recapacitacion (her-, om- en bijscholing). Pues esun cu haya TIO mester bay sigui cierto cursonan y via e plataforma Aruba Kier Traha, reintegra su mes den e mercado laboral. Riba tereno laboral lo traha riba 100% recuperacion salarial di tur empleado. E mandatario lo continua cu e maneho cu el a introduci manera cu el a huramenta na 2017: lo sigui pone trahadonan-, profesionalnan- y contratistanan local prome na

trabou. Mescos cu el a reduci desempleo den pasado, e lo sa cu su maneho di proteccion percura pa tur hende local haya trabou prome. “Nos a demostra cu nos por. Den un crisis nunca antes visto, nos a sa di mantene nos hendenan y nos pais cu cabez riba awa. Cu e mesun tenacidad aki, nos lo sigui traha pa recuperacion di nos Pais. Awo no ta momento pa aventura. Aruba mester di un Gobierno estable, mandatarionan capacita, cu experiencia y cu curason pa nos pueblo, cu por garantisa 100% recuperacion di nos Pais y nos Pueblo”, tabata palabranan di Minister Glenbert Croes.

Diasabra 12 Juni 2021

E di dos edicion di Hoben Activo Hoben Feliz ta bay cuminsa Hoben Activo Hoben Feliz ta un proyecto completamente gratis cu ta ofrece e oportunidad na e hoben entre 8 pa 12 aña cu nunca a practica un deporte, pero ta interesa pa conoce un deporte of e mucha cu ya a haya su pasion den un deporte, pero ta interesa pa siña tocante otro deporte. E programa ta Introduci diferente posibilidad deportivo na un manera sigur y dibertido, na e mucha pa medio di instructor experencia di e clubnan deportivo. IBiSA tambe ta uza e proyecto aki pa encurasha e mucha pa bira miembro di un club di deporte den nan bario. E programa di Hoben Activo Hoben Feliz ta bay tuma lugar riba e fechanan 14,16 y 21 di juni na IBiSA San Nicolas cu e deporte di futbol y na Compeho Deportivo Simeon Antonio cu e deporte di Basketball. E instruccion ta di 15:30 pa 17:00 na ambos localidad menciona y e ta totalmente gratis. Tin dos forma cu por inscribi ONLINE unda por haya e link riba e Facebook di IBiSA y por haya e formulario riba e fecha cu e programa ta wordo haci na e localidad. Pa pregunta(nan) adicional por tuma contacto cu IBiSA via 5824987, por yama of WhatsApp na 6992900 of por mail na ibisa. activo@gmail.com. IBiSA ta invita bo sigui e desaroyo di e programa via nos pagina social di Instagram of Facebook IBiSA Aruba.

Diasabra 12 Juni 2021

Fundacion Centro di Pesca Hadicurari cu otro inversion mas pa nos piscadonan

E ranchonan di piscado na Colony cu capa di verf nobo en cooperacion cu Santa Rosa Colorido. Asina e ranchonan di piscado na Colony ta kedando awor cu nan a haña un capa di verf nobo. Despues di hopi tempo esakinan ta wordo pinta atrobe. Esaki ta danki na e aporte di Fundacion Centro di Pesca Hadicurari, kende cooperando cu Santa Rosa, a provee materialnan necesario pa personal di e sección di pesca mantene e area y facilidadnan di e piscadonan. Esaki riba petición di Minister Chris Romero, kende tambe a pidi e fundacion Centro di Pesca Hadicurari cooperacion pa denter di poco drecha e staca cu ta sirbi e piscadonan como guia pa drenta den e bahia. Directiva di Fundacion

Centro di Pesca Hadicurari, bou guia di presidente Arthur Giel, ta contento di por aporta un biaha mas na yuda piscadonan y centronan di pesca rond Aruba. Den pasado e fundacion a aporta na completamente renoba piernan na Oranjestad (Rancho), Spaans Lagoen, Barcadera y Colony. Ademas na Spaans Lagoen a remplasa varios rancho y converti esakinan den un centro moderno y organisa cu mas facilidad. Den futuro cercano por spera mas cooperacion cu Santa Rosa pa mehoracion di centronan rond Aruba y asina sigui cumpli cu su meta di yuda piscadonan di Aruba.

Ban sigui proteha Siguiendo e flexibilisacion di medidanan pa cu Covid-19, Directie Voogdijraad ta informa pueblo di Aruba lo siguiente: •

lo mantene protocol di hygiena na entrada y den e spreekkamernan;

•

uso di tapaboca na momento cu bo persona tin un cita ta obligatorio.

Si tin cualkier pregunta, por tuma contact cu nos na 582-1262 of por manda un e-mail na directie.voogdijraad@ aruba.gov.aw y nos lo tuma contacto cu bo persona mas pronto cu ta posibel. Nos lo keda monitor e situacion y lo informa debidamente segun e desaroyonan. Por ultimo nos ta enfatisa e responsabilidad individual di un y tur pa preveni e contagio di Covid-19.

Diasabra 12 Juni 2021

La Cabana su supertars di e prome trimester, a briya na grandi!

E resort a host un celebracion tradicional di prome trimester den e ballroom, live, lagando atras Zoom, treciendo tur hende hunto bek den bon ambiente cu a haci hopi falta di dje, cual a wordo reduci durante e prome temporadanan di e pandemia di Covid19 cu su restriccionnan. Palabranan di aprecio y entusiasmo a wordo comparti por medio di gerencia, subrayando e resort su team cumplido den cada departamento respectivo. General Manager Joe Najjar a comparti pensamentonan adicional inspiracional, gradiciendo su empleadonan pa semper a haci nan best tur e temponan aki, activamente tumando parti den e recuperacion di nos industria turistico. E encuentro a reconoce logronan di empleadonan, supervisors, teams y liders di trimester, pa Januari, Februari, y Maart di 2021. Nominadonan a wordo yama dilanti anto a disfruta di tremendo ronda di aplauso di nan coleganan, mientras cu nan a wordo presenta cu certificadonan atractivo. Pa Januari, Dieu Seoul Britus, Pool and Beach; Jean Carl Franken, Kitchen; Bazile Baptistin, Engineering; Richelline

Maduro, Front Office; y Micherlande Prophete, Housekeeping, a briya riba tur otro. Pa Februari, esnan honra a inclui Jhonier Castro, Loss prevention; Imelda Janga, Kitchen; Ainsley Murray, Engineering; Lynette Do Nascimento, Accounting; Gregorio Milton, Loss Prevention y Marie Bernier, Housekeeping. Pa luna di Maart, e lista tabata mesun impresionante, Stella Herrera, Kitchen; Sandy Ras, Engineering; Raden Olivar, Front Office; y Alexandra Croes, Housekeeping. Un danki grandi a wordo dedica na e staff di Food, Beverage & Kitchen pa e tremendo catering di snack boxes. E ganadornan pa empleadonan di luna a ricibi un placa, un Dinner voucher balora na $100.00 na Islander Grill, 100 streya, pa e progrema incentivo inhouse, y $100 agrega na nan payslip. Nominadonan a ricibi un bunita certificado y 50 streya.Ganador di Januari, Dieu Seoul Britus, a uni cu ganador di Februari, Gregorio Milton y cu esun di Maart, Sandy Ras, pa un potret conmemorativo.

Diasabra 12 Juni 2021

Instituto Pedagogico Arubano cu exitoso foro politico 2021: Enseñansa den siglo 21

Alabes pa e comunidad di IPA y tur partners den enseñansa haya sa kico ta e plannan cu e partido tin pa loke ta trata enseñansa en general. A opta pa uza durante e foro politico diferente forma didactico cu e docentenan ta uza na IPA. Di e manera aki e representantenan por experiencia e uzo di forma di traha activo cu IPA ta promove bou di su studiantenan. E foro a inicia cu un icebreaker na unda pa medio di e programa Kahoot e representantenan por a participa na un quiz basa riba preparacion cu nan a haci riba tereno di enseñansa. Di e forma aki e representantenan por a relaha y aclamatisa un poco prome cu e foro cuminsa. E foro mes tabata consisti di tres tanda. Durante e prome tanda a haci diferente pregunta relaciona cu enseñansa entre otro: enseñansa den siglo 21, Scol Arubano Multilingual, PEN2030, Infrastructura y Movecion y Salud. E preguntanan haci, ta preguntanan acumula di IPA su propio studiante- y docentenan.

A bira un tradicion di cada 4 aña di IPA pa organisa un foro politico prome cu eleccion di Parlamento. E meta di e foro aki ta pa

duna cada representante di partido e oportunidad pa comparti su vision encuanto desaroyo di enseñansa den siglo 21.

Siñamento den siglo 21 ta rekeri cierto habilidadnan. Algun di e habilidadnan aki ta, entre otro: pensamento critico, creatividad, comunicacion y colaboracion. Nos

muchanan tin cu siña traha hunto, comunica y colabora pa bin cu solucion creativo. Esaki tambe ta esencial pa bon gobernacion. Pa e motibo aki den tanda dos a scoge pa e forma didactico siña di forma colaborativo (samenwerkend leren). A agrupa e representantenan a base di tira lot. Esnan cu tin e mesun number a forma un coalicion. E coalicionnan cu a keda forma ta: grupo 1 RAIZ, MAS, PPA y PP., grupo 2 ACCION21, UPP, MEP y AVP., grupo 3 CURPA, RED, POR Y HTC. Cada grupo a haya un casus cu nan mester a discuti hunto y presenta despues na e publico. E ultimo tanda tabata encera turno liber unda e representantenan por a comparti of convence publico pakico mester vota pa nan of pa nan partido. A finalisa e foro cu evaluacion di proceso unda e representantenan mester a expresa den un palabra con nan a experiencia e foro. Naturalmente e publico cu a sigui e foro politico di cerca, por a yena un encuesta via e programa Mentimeter, caminda por evalua e representantenan riba diferente tereno entre otro: presentacion, preparacion y contenido. Por ultimo e publico por a scoge pa kende nan lo a vota

a base di e presentacion di representante. E partidonan cu a resalta tabata MEP, MAS y RAIZ. Un palabra di gratitud ta bay na tur e representantenan pa acepta e invitacion di IPA y participa activamente na e foro: Flora Petronilia (Accion 21), Natalie Geerman (PPA), Solangel Dinmohamed-Laclé (MAS), Ivan Yarzagaray (UPP), Sue-Ann Ras (MEP), Gilbert Webb (HTC), Anchelino Vrolijk (POR), Ryçond Santos do Nascimento (AVP), GiseleMireille Sint Jago (PP), Max Robert (CURPA), Ivan Croes (RAIZ), Armando Lampe (RED). Tambe IPA ta gradici e team di studiante y personal cu a organisa e foro politico. Masha danki di curason.

Diasabra 12 Juni 2021

Pagina 17

Diasabra 12 Juni 2021

Pagina 18

Diasabra 12 Juni 2021

Trabounan di renobacion a cuminsa ariba edificio unda antes tawata Lati n Passion

Caya Captain R. Rodger Durante siman por a mira cu edificio unda e tragedia a sosode na juli aña pasa unda cu dos persona

a perde nan bida door di Carbon Monoxide ta wordo renoba. Aña pasa na juli 2020 Aruba a wordo sorprendi

pa un caso unda dos persona a ser haya sin bida den Latin Passion, asina e luga tawata wordo e tempo ey.

Pa casi 1 aña e luga e keda cera y recientemente por a mira cu trabounan di renobacion a cuminsa ariba e edificio.

E nomber si no tey mas, pues no ta conoci si un otro persona lo a tuma e luga over y si e lo bira e mesun concepto.

Pagina 19

Diasabra 12 Juni 2021

Aruba Summer Karate Championship Diasabra 10 di Juli 2021

Cu hopi placer directiva di Aruba Karate Bond (AKB), bou presidencia di “Sensei” Felix Tromp, ta invita tur karateka miembro y no miembro pa participa na e campeonato “Aruba Summer Karate Championship 2021” cual ta tuma riba diasabra 10 di juli na Compleho Deportivo Frans Figaroa na Noord. For di 10or di mainta ta start cu e categoria ‘rambuho’ (esta e mas chikitonan)pa despues sigui pa e categorianan halto. Participacion pa miembro di Aruba Karate Bond (AKB) ta 15 ﬂorin. Igual prijs ta conta pa esnan cu no ta miembro. Interesadonan pa participa na “Aruba Summer Karate Championship 2021” ta wordo cordialmente invita pa manda un email di participacion mencionando

nomber di scol di karate, nomber completo di participante, edad y grado (kyu) na karatebondaruba@gmail.com no mas tarda cu diasabra 3 di juli 2021. Ta invita mayornan, famia y amigonan pa bin apoya nos karatekanan y asina contribui na e formacion di nos muchanan. Entrada general ta solamente 1 ﬂorin. “Aruba Summer Karate Championship 2021” ta wordo realisa cu ayudo di Stichting Sportsubsidie Aruba, Fundacion Lotto pa Deporte, Aruba Sport Unie y Comite Olimpico Aruba.

NA SIRIBANA 45B NA SANTA CRUZ NOS TA BAI TA HABRI DI 11OR PA 4OR Y MEI.

NOS KIER DESEA UN FELIZ DIADOMINGO

TUR DIADOMINGO BBQ MIX GALINJA SO LOINRIBS SO

16,16,17,-

LOMITO 19, PINCHO 12,50 RIBEYE STEAK 16,PINCHO 3,CHORISO

3,-

PA PEDIDO POR JAMA OF

WHATSAPP NA 749-7071

Pagina 20

Diasabra 12 Juni 2021

Pagina 21

FORTALEZA PA FAMIA Scirbi pa Pastor Marcel Balootje

TE KI DIA ABO LO SIGI BEBE? Alcohol y Droga cu ta dos criminal den Famia cu tur dia ta wordo halsa, y promovi manera cuminda, ta un causante primordial di nos crisis social. Hende keto bay ta kere cu ta solamente Covid y falta di trabao ta hinca nos den crisis social. Nos ta duna Gloria na Dios na e momento cu nos por bin bek riba pia, y cu porta di trabao por habri bek riba nos isla, y cu negoshinan berdadero y limpi, integro lo wordo establesi, caminda hende por sinti nan mes bon manera semper ora nan por menciona e compania, of negoshi cu nan ta traha pe. Bebemento, no ta cos di awe, pero ora e sali for di man, e ta bira buracheria, y despues bo ta cay den alcoholismo, asina bira un persona cu no por sin alcohol, y cu ta bebe hasta na momento cu bo ta riba trabao. Tin hende ta defende nan mes bisando cu ningun caminda den beibel, no ta bisa pa no bebe, pero nos kier recorda tur hende , cu tur tipo di goloseria ta pica, pasobra si bo come hopi, sin control bo ta bira obeso, y obesidad ta trece malesa, y mesun cos si bo ta Bebe hopi , bo ta falta respet pa hende y hende lo falta respet pa bo, bo ta bira alcoholico, y alcoholismo ta produci hopi enfermedad. Palabra di Dios no ta defende maldad y ta splica hopi cla cu buracheria no ta aceptabel, den bista di Dios, y tambe no bini cu e chiste acostumbra di e historia cu Hesus mesa parti biña na e casamento di Canaan, pasobra esey tabata biña no fermenta, pasobra ora bo primi druif pa traha biña mas tanto e para mas sterki e bira y bo no tin mester di pone ningun quimico den dje. Mayoria bebida sterki

awendia ta contene quimico, y ningun hende no por determina, cuanto nan ta bebe prome cu nan bira burachi, tur cos ta depende di bo presion di sanger, di bo comemento, y tambe di bo Descanso, pero pa un hende cu ta stima su Famia nos ta desconseha bebemento totalmente, pasobra Alcohol ta caba cu Famia, y te awe tur hende cu a purba caba cu Alcohol, ta bao di tera. Pa refresca memoria di esnan cu ta pretende cu e bandera di Alcohol, mester wordo hisa tur dia den nan bida, no ta importa na unda nan ta, sea nan ta riba trabao, y trabao di responsabilidad grandi, hefe di departamento, hende den funcion publico, hende cu merdia den nan break ta bay den nan auto bay dal dos bitter di whisky pa nan por sigi traha. Ata locual Beibel ta bisa lesa esaki pa bo mes : Pa e hoben mucha homber/ muher. Deutoronomio Capitulo 21; 20-21. Pa tur hende grandi homber /muher cu ta pretende cu mester bebe ,y cu ta destrui nan cas y nan

famia, y caba cu nan propio integridad y pone nan salud na peliger. Proverbio 20 ver 1. Proverbio 21:17. Proverbio 23:3031 t/m 35. Isaias Capitulo 5 vers 1112. Tito 1 vers 7. Tito 2 vers 3. Romanos 13 vers 13. Y si te ainda bo tin defensa pa sigi bebe y sconde tras di cualquier fabula, of bisa cu orguyo ta mi placa, mi ta bebe cuanto cu mi kier, nos kier bisabo cu un hende cu ta bebe tur dia . ta

FOR SALE

Ta bende mitsubishi lancer / toyota yaris / Dodge / Mercedes Bens jama awo na 5694343 pa mas informashon

Dodge 2008 3900 fl / lancer 2009 9800 fl / mercedes Bens 5900 fl / yaris 3900 fl

den rebeldia contra Dios. Ta berdad cu Apostel Pablo a yega di bisa pa bebe un tiki biña pa bo stoma ora bo tin e problema ey, pero ningun caminda no ta para scirbi pa hala alcohol manera un tanker , manera alcohol ta bida, y asina perde control di bo actitud, y pone bo hogar y comunidad na peliger.Un persona cu di curazon kier sirbi Dios no ta bebe.

Alcohol ta pone cu bo no por rasona, ni serca hende ni tampoco serca Dios, Spirito Santo no ta presente caminda alcohol ta domina, no laga diabel gañabo, pidi Dios yuda bo pa asina kibra e vicio di alcohol for di riba bo bida, y no discuti, pero obedece e Palabra di Dios. Obedencia ta mihor cu sacrificio.

Pagina 17

Diasabra 12 Juni 2021

Pagina 23

Diasabra 12 Juni 2021

Ta berdad cu cuminda pica ta yuda baha peso? Descubri esey! Chile, promente picante, ginger, guindilla, aji, cayene, tabasco… Si bo gusta cuminda pica, sigur cu tur e alimentonan aki lo ta familiar pabo y hasta, bo ta disfruta di nan solamente cu wak nan. Nos no por nenga. Nan ta stimulante y ta aporta na nos un sensacion placentera den libera un bon cantidad di endorfina den nos organismo. Sin embargo, cuminda pica no ta di e gusto di tur hende. Ta hopi ta esnan cu no por cu nan y cu ademas, ta sufri di problemanan di stoma ora di come nan. Awo bon, ta posibel cu bo a scucha den mas cu un ocasion cu "cuminda pica ta bon pa baha peso." Kico tin di berdad di e afirmacion aki? Pica ta adecuado pa perde peso? Nos lo splicabo den e siguiente articulo. 1. E relacion entre cuminda pica y e perdida di peso Na prome luga, nos mester sa hopi bon cu no tur hende ta asimila pica di e mesun manera. Esaki ta algo cu bo mester comproba pa bo mes pa regula of hasta evita su consumo, ya cu, si bo tin un stoma sensibel of ta sufri di algun problema den bo tripanan, cuminda pica por bira hasta peligroso, ademas di ta doloroso. No obstante, por bis cu cuminda pica sa ta adecuado pa perde peso, semper y cuando nos haci'e di modo adecua, es decir, pica mester wordo consumi semper cu moderacion y siguiendo un dieta balansa y abao den vet. Esaki ta e rrasonnan pa cual come pica ta adec-

uado pa perde peso: ● Tur e alimentonan picante, manera nos a menciona anteriormente of tambe ginger, ta contene capsaicina, un tipo di resina cu ta actua como un excelente principio activo pa acelera e metabolismo. ● Loke ta haci ta stimula e receptor celebral cu ta controla e temperatura di e curpa y asina, ta obliga e organismo consumi mas energia, miho bisa, consumi e reservanan di vet acumula den e tehidonan adiposo. ● Cuminda pica ta yuda nos tambe evita e retencion di likido. ● E ta duna nos e sensacion di saciedad. ● Segun nutricionistanan ta splica nos, cuminda pica ta adecuado pa inhibi e proliferacion di celnan vet inmadura, evitando pa nan yega na converti den adulto y den e tipo di vet mas resistente cu ta origina obesidad. 2. E beneficionan general di cuminda pica Manera cu nos a indica prome, cuminda pica lo ta beneficioso semper y cuando nos come cu moderacion. Si nos custuma na consumi cada dia, nos por sufri iritacion, agrava e estado di nos ambijnan, si nos tin, y hasta yega na padece hiperacides di stoma. Asina ta, haci'e semper cu ekilibrio. Aclara e importante aspecto aki, ta interesante sa cu e cuminda pica, ademas di ta adecuado pa perde peso, tambe por yuda nos den e aspectonan aki. Ta mehora circulacion

Capsaicina, ademas di acelera nos metabolismo y evita e acumulacion di vet, ta hopi adecua pa reduci e inflamacion di e arterianan y mehora asina e circulacion di sanger. Loke ta pasa ta, door di come e infusion di ginger of e aros drecha cu chile, e temperatura di e curpa ta eleva y cun'e ta aumenta e fluho di sanger, optimalisando nos salud caridaco. Tampoco nos no por lubida cu cuminda pica ta rico den vitamina A y C, hopi beneficioso pa fortalece nos adernan y combati e peligroso arteriosclerosis. Cuminda pica ta bon pa proteha nos di cancer Segun estudionan, capsaicina presente den alimentonan picante, ta yuda nos na reduci e crecemento di e celnan canceroso. Esaki no ta bay evita en absoluto cu den algun momento nos por padece algun tipo di tumor, tin cu lag'e claro, pero si ta reduci e inci-

dencia y probabilidadnan cu esaki por sosode. Ta interesante pa tene na cuenta pa introduci cu moderacion algun plato pica den nos dieta. Cuminda pica ta bon pa evita verkoud y cura griep Bo tabata sa? Alimentonan pica manera cayene peppe, aji, ginger of e promentenan pica ta wordo usa desde antiguedad pa reduci e congestion nasal, sinusitis, y hasta pa combati asma. Tampoco nos mester lubida cu door di come pica, nos celebro ta segrega endorfina cu cual, ta mehora e animo, ta yuda nos tambe na sinti un poco miho den e procesonan di convalecencia. 3. E miho alimentonan pica pa adelgasa Yegando na e punto aki, sigur lo bo mester ta puntrando ki tipo di alimento picante lo bo mester inclui den bo dieta pa perde peso. Tuma nota di esunnan mas saludabel: ● Chile of guindil-

las: Ta esunnan cu mas ta contene capsaicina y consecuentemente, esunnan pa picante. ● Ginger: Ideal si despues di e cuminda central di dia, bo ta prepara un bon infusion. ● Comino: e ta pica mucho menos, pero e ta hopi adecuado pa inclui den nos cuminda (por ehempel; den bo berduranan). ● Curry: un di e ingredientenan principal di curry ta turmeric, cu ta dun'e su colo geel caracteristico y cu ta contene cantidadnan chikito di capsaicina hopi adecua pa inclui cada dia den nos dieta, sin sinti e consecuencianan di cuminda "hopi picante." ● Cayene Pepper: Tambe yama promente cora, ta hopi medicinal y sa wordo comercialisa tanto den grano como den polvo, pa cual nos por controla miho e cantidadnan y incluinan asina cu moderacion den nos cuminda.

Pagina 24

Diasabra 12 Juni 2021

TA HUUR CONDOMINIUM/ SE ALQUILA CONDOMINIO BONITO Y RECIEN RENOVADO EN CU NUCO

- 2 kamber cu queensize bed, cu airco inverter split unit, un baño. -sala cu smart tv y airco - Cushina cu Mini fridge 3/4 height, Electric stove y microwave.

A ﬂ . 1500.00

Prepaid meter via Elmar, at all gas station - Water conec cion

Pa info: 7390101

Ta buska cas pa huur Call 5645064

Ta buska cas pa cumpra Call 5645064

CLASIFICADO e-mial: solodipueblo@gmail.com

Cel.585 9500

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 25

Diasabra 12 Juni 2021 PRONOSTICO DI TEMPO VALIDO TE DIASABRA 12 DI JUNI 2021, 18:00 ORA. ELABORA DIABIERNA 11 DI JUNI 2021 17:00 (21:00 UTC) TEMPO: AWE ANOCHI: PARCIALMENTE NUBLA I GENERALMENTE SECO DEN MARDUGA I MAYAN: PARCIALMENTE NUBLA CU UN AWACERO BREVE. TEMPERATURA MAXIMO 32 GRADO CELSIUS TEMPERATURA MINIMO 27 GRADO CELSIUS BAHADA DI SOLO : 7:05 PM SUBIDA DI SOLO : 6:14 AM. BIENTO: MODERA TE BASTA FUERTE FOR DI DIRECCION GENERALMENTE OOST; FORSA 4 TE 5 (20 TE 39 KM/ORA, 11 TE 21 NUDO). DEN DIA FUERTE TE DURO DEN RAFAGA; FORSA 6 TE 7 (40 TE 61 KM/ORA, 22 TE 33 NUDO) SITUACION GENERAL DI TEMPO PA PROXIMO 24 ORA: DURANTE PROXIMO 24 ORA HUMEDAD LO TA SUFICIENTE PA DE BEZ EN CUANDO MAS NUBIA PASA RIBA REGION LOCAL. PRINCIPALMENTE DEN ORANAN DI MARDUGA Y MAINTA ESAKI POR INDUCI UN AWACERO PASAJERO TE BREVE RIBA E ISLA. DI OTRO UN BANDA STOF FINI DI SAHARA LO STROBA E VISIBILIDAD UN POCO DURANTE PROXIMO DIA OF DOS. CONDICIONAN MARITIMO/ ESTADO DI LAMA: UN ESTADO DI LAMA LEVE TE MODERA NA PARTINAN PROTEJE, Y MODERA NA PARTINAN ZUID TA WORDO SPERA DEN PROXIMO 24 ORA. RIBA SECTORNAN OOST TE NOORDWEST LAMA LO TA GENERALMENTE MODERA. OLANAN LO TA FOR DI OOST ENTRE 4 PA 6 PIA. E OLANAN DI MAS HALTO LO TA NA PARTINAN OOST TE NOORDWEST DI COSTA. AVISO/ ALERTA: TA SUGERI PA OCUPANTENEN DI BOTO CHIKITO BAI CU CAUTELA RIBA PARTINAN OOST TE NOORDWEST DI COSTA FENOMENONAN SPECIAL: NINGUN TEMPO TROPICAL SIGNIFICANTE: NINGUN. POTENCIAL DI AWACERO PA PROXIMO 24 ORA: 1 TE 3 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 32 / MIN 27 / 0.0 MM WESTPUNT: MAX 33 / MIN 28 / 0.1 MM STA ROSA: MAX 33 / MIN 28 / 0.0 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO BREVE. BIENTO LO TA FOR DI DIRECCION OOST I MODERA TE BASTA FUERTE; FUERTE TE DURO DEN RAFAGA; TEMPERATURA (GRADO CELSIUS) MAX / MIN LO TA: 33 / 27

Tip Line 585 9500

solodipueblo@gmailo.com

Pagina 26

Lotto Merdia JUNI 11

Diasabra 12 Juni 2021

Lotto Anochi JUNI 10

Pagina 27

Diasabra 12 Juni 2021

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn Ambulance San Nicolas Ambulance Sasaki Ambulance Wayaca

911 100 102 104 105 107 11141 584-5050 582-5573 582-1234

Horacio Oduber Hospital Centro Medico San Nic. SVB AO Ziekmelding

527-4000 524-8833 527-2782

Servicio nan

Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Kiningin Wilhelmina Fonds Fundacion pa nos mucha nan

582-2219 583-2999 582-4433 587-1677 583-5400 131 588-3131 587-0002 588-9999 582-0412 583-4247

Botica na Warda

Juni 12, 2021 P’abou di brug: Botica Kibrahacha P’ariba di brug: Botica Seroe Preto

Oracion di dia Un feliz dia yena cu bendicion di Dios y colma cu Su amor, misericordia y bondad ‘Como nan no por a hay’E, nan a bira bek bay busk’E na Herusalem’ (Luc. 2, 45) Rumannan, na momento cu e mayornan di Hesus a ripara cu nan a perde Hesus, nan a bira bay bek te Herusalem pa bay busk’E. Cuanto biaha den nos bida nos ta perde den e bicio di placa, placer y poder cu ta aleha nos completamente for di Hesus y nos no ta haci ningun esfuerso pa busk’E di nobo? Nos ta prefera di sigui nos mal pasonan en bes di bolbe busk’E den nos bida. Oracion: Dushi Hesus, nos ta reconoce cu nos ta debil y cu nos ta laga cualkier bicio podera di nos ser. P’esey nos kier pidi Bo awe pa no permiti nos perde Bo ningun instante di nos bida y cu si esey sosode mes, laga nos tambe manera Bo mayornan, bay busca Bo mesora door di arepenti, confesa y ricibi Bo di nobo den Eucaristia. Amen!

Pagina 28

Diasabra 12 Juni 2021

Reconoce un yiu NO ta nifica cu e tata ta haya ouderlijk gezag

Oranjestad, ARUBA. Reconoce un yiu y tin e autoridad como mayor (ouderlijk gezag) di e yiu ta dos aspecto huridico diferente. Den e comunicado aki nos lo splica comunidad cu ora un tata reconoce un yiu , esaki no ta nifica cu automaticamente e lo tin autoridad paternal (ouderlijk gezag) como tata. Na prome lugar ta importante pa subraya cu un tata por reconoce su yiu si e mama permiti e y si cumpli cu e condicionnan prescribi den art 1:204 BWA. Segun art 1:203 inciso 1 BWA, e mucha ta wordo reconoci door di un acta di nacimento compila door di e ambtenaar di burgerlijke stand. Na Aruba e reconocimento tin validez desde e momento cu e akta wordo traha. Na otro paisnan rond di mundo esaki por diferencia. Por ehempel e validez di reconocemento lo por tin efecto retroac-

tivo desde e nacimento di e mucha. Loke nos kier pone enfasis riba dje ta cu reconocimento di un yiu no ta nifica cu automaticamente bo lo tin autoridad como mayor. Den e scenario cu e tata ta casa cu e mama na momento di nacimento di e yiu, esaki lo nifica cu ambos tin ouderlijk gezag. Den caso di un divorcio, segun nos leynan actual ambos mayor lo mester ta di acuerdo cu continuacion di e gezag. Esaki den principio ta wordo considera conflictivo cu art. 6 jo. 8 di Tratado Europeo di Derechonan Humano. Segun corte di casacion e tata tin derecho di haya gezag sin cu e ta depende di e consentimento di e mama y sin cu e peticion lo mester sosode hunto. Loke ta esencial akinan ta, cu e ta na bienestar di e mucha pa e gezag continua despues di divorcio. Solamente den casonan

di excepcion, por ehempel si acaso e comunicacion entre e mayornan ta deficiente cu efecto negativo pa e mucha, e ‘gezamenlijk gezag’ lo por wordo nenga. Den e version nobo di nos Codigo Civil si ta tene cuenta cu esaki y e gezag lo continua automaticamente despues di divorcio.

nan yiu of yiunan. Ambos mayor lo mester yena e formulario y colecta tur e documentonan cu ta wordo pidi door di corte. Unabes cu tur cos ta den ordo e verklaring di gezamenlijk gezag lo wordo otorga y esaki na su turno lo wordo inscribi den registro publico conforme art. 1: 244 BWA.

Awor e pregunta ta, con e ta posibel pa tatanan cu no ta casa cu e mama di nan yiu logra haya autoridad paternal? Den principio e ta posibel via dos manera. E prome manera ta segun art. 1:252 inciso 1 di nos Codigo Civil. Via corte bo por pidi e formulario pa gezamenlijk gezag. E esencia di e procedura aki ta cu ambos mayor basa riba un punto di bista mutuo ta dicidi pa comparti e gezag di

Den un scenario cu no tin un deseo mutuo pa comparti gezag di yiu of yiunan di parti e mama, ta existi e posibilidad ainda cu e tata por entama un caso pa exigi autoridad paternal. Basa riba art. 1:253c BWA tata cu nunca tawatin ouderlijk gezag di su yiu of yiunan por hasi un peticion na hues pa por haya esaki. Mayoria di biaha e gezag aki lo por wordo otorga na e tata. Pero logica-

mente tin un excepcion. E gezag lo por wordo nenga den caso cu e no ta na bienestar di e mucha pa ambos mayor tin e autoridad riba dje. Un ehempel por ta si tin friccion pisa of comunicacion ta hopi deteriora entre e mayornan di e mucha. Tienda di Ley kier enfatisa cu a trata mas tanto posibel na splica e terminologianan aki den Papiamento pero no tur biaha tin palabranan huridico exacto cu por wordo uza. Ta spera cu por a informa e lector un poco tocante e topico aki. Si bo persona tin pregunta of ta desea asistencia huridico por tuma contacto cu nos via nos facebook page of nos e-mail: plataformahobennanprofesional@ gmail.com.

Pagina 29

Diasabra 12 Juni 2021

Santo Rosario na momunento di Inmaculada Curason di Maria Diadomingo 13 di juni 2021 ta invita debotonan di Mama Maria pa un Santo Rosario cu oracion y canto na e monumento di “Inmaculada Curason di Maria na Sta.Cruz. 6 or di atardi ta cuminsa resa Aanto Rosario misterio Glorioso. Ban alegra Mama Maria resando rosario cu E mes a siña nos via tres mucha inocente na Fatima. Ban resa pa e Planeta Mundo cu poco-poco ta birando mas vunerabel, Oceano ta birando mas sushi, ta pisca y coy piscanan chikito no ta duna espacio pa nan procrea, mescos cu cangreu muhe cu ta yen di cabituti, no ta laga nan pro crea, pesey nan ta caba na Aruba. Temperatura di atmosfera ta bira mas cayente. Nos por yuda! No solamente di piki desperticio di otro, core un auto cu ta usa bateria of usa menos aparato di coriente, tur ta yuda! Oracion ta mas

fuerte, no kere cu oracion ta enbano, Hasta den silencio Dios ta scucha bo oracion humilde. Laga nos sigi resa y transforma como yiunan di Dios, pa tur hende haya bendicion y resa pa esnan cu no conoce balor di naturalesa. Haya den Cristo concemento di Su Creacion cu t ‘asina sublime. Grupo di Oracion “Inmaculada Curason di Maria ta reunie pa 6 or di atardi na e Monumento di Inmaculada Curason di Maria na Sta. Cruz. Ta resa pa 50 min. Prome cu Santa Eucaristia di 7 or pm. Laga nos resa pa muribundonan conoce Cristo den nan ultimo dianan. Resa pa esnan den exterior cu ta anhela nan recuperacion. Tin buki di oracion fl.5.= especial pa resa na e monumento di Inmaculada Curason Maria solamente un bes pa luna. Tur hende ta Bon Bini.

“Señor ta mi wardador, mi’n tin falta di nada Den cunucu di jerba berde e ta ponemi sosega. E ta hibami na awa trankil, Pa mi bolbe haya forsa”. Salmo: 23 Cu honda pena, pero conforme cu boluntad di Dios, nos ta participa fayecimento di:

Carmen Figaroa-Ruiz Mihor conoci como “Machi of Cam”

Vda di Dodo Figaroa *17-07-1929 - †10-06-2021 Na nomber di su:

Yiunan stima:

Greta Posner-Figaroa y famia Posner Tina Figaroa Jossy y Jane Figaroa-Semeleer Frans y Gemma Figaroa-Simileer Evelina y Frenk Laclé-Figaroa Juni y Maira Figaroa-Jacobs

Manera yiu: Maria Punselie

Nietonan stima:

Gisela y Jean Carlos Arends-Jaramillo Geomar y Evelyn Jaramillo-Ramos Omaira y Albert Franken-Figaroa Francis Figaroa y Neil Nicolaas Aveline Figaroa y Gino Vis Lilienne Figaroa Celeste Figaroa y Joseph Carlo

Manera nieto:

Samuel Urbina-Vega

Bisanietonan stima: Gio y Jordy Isabella, Daniel y Sebastian Anuar y Zair Amala

Rumannan na bida:

Francisco (Pancho) y Senny Ruiz-Ras y famia Aurora Ruiz Aura Ruiz Bibi y Mirta Ruiz-Rasmijn y famia Roque Ruiz y famia

Ayudantenan:

Cecilia Joven Mercado Yenny Joven Matute

Consuegronan:

Tinchi y Olivia Semeleer Carmen Tromp

Cuña y comer stima: Carmencita Ruiz-Blanquicett Swa:

Guillermo Figaroa y famia Rudy Stamper y famia Phiola Figaroa y famia Sobrina y sobrinonan, prima y primonan, ihanan, comper y comernan Amigonan di cas y di Grupo Binibini cu ta mucho hopi pa menciona

Demas famia: Figaroa, Ruiz, Posner, Semeleer, Simileer, Laclé, Jacobs, Jaramillo, Arends, Franken, Britten, Eduardo, Rasmijn, Ras, Ramos Ta invita pa acto di entiero cual lo tuma lugar na Misa Sta Anna na Noord, Diamars 15 di Juni 2021 di 1’or pa 4’or di atardi. Despues lo sali pa Santana Catolico na Noord. Pa situacion actual di Covid-19 tin cu cumpli cu reglanan stipula door di DVG tapaboca ta obligatorio, haci uso di handsanitizer y mantene distanciamento social, evita aglomeracion y no ta permiti pa duna man, sunchi y brasa.

Pagina 30

Diasabra 12 Juni 2021

Cu dolor na nos curason pero agradecido pa tur locual el a niﬁca pa nos, famia Lee tin e tristo deber di anuncia fayecemento inespera di

Tai Kim Raymundo “Atan” Lee Ridder in de Orde van Oranje – Nassau - Orden Francisco de Miranda 2da clase 6 di januari 1947 – 5 di juni 2021 Nos por sera nos wowonan, desea pa e regresa Of mantenenan habri y realisa Con bendiciona nos ta, cu den nos bida e tawata Ban saca enseñansa for di loke semper el a demostra Lagando su luz sigui briya y su curason alegra - Shailiny Tromp Lee Na nomber di Su esposa: Su yiunan:

Olga Gershwin Tai Foo Atan Jr. y Marushka Emilio y Alva

Su nietonan:

Sarah-Isabel Silvia-Andrea Nicolas

Rumannan na bida:

Swa y cuña:

Tai Fung Lee Tai Hein Bernardo y Anna Lee Yvonne y Haime Dabian Tai Kong Hypert y Salome Lee Tai Foo Ramon y Maria Lee Yacintha Geerman – Lee Jacobito Hernandez y Mena Solognier Ronny Hernandez Marciano y Myrna Hernandez Francisco Hernandez Rubia Werleman - de Palm

Consuegro y consuegra: Mario y Elsa Tromp y famia Subrino, subrina y nan famia: Robertico y Suzette, Rudy y Odalys, Eric, Rogelio y Roﬁna, Mayrin y Ralph, Humphrey y Marisol, Lilian y Nelson, Orelio y Judith, Zoraida y Martin, Yadiro, Andy y Margriet, Roderick y Yvonne, Rosanna y Guiseppe, Gerald y Yahaira, Thayanne y Bob, Sue-Ann y Carlos, Sharuska y Emile, Haimito y Jane, Shulaika, John y Stella, Etleen, Shailiny y Victor, Tai Foo y Julissa, Ricky y Gina, Milangela, Junior y Marianne, Marc y Annemieke, Jose, Judella y Giovanni, Patricia, Amablo y June, Shirley, Jacky, Elaine y Roy, Kenneth y Glenda, Canui, Elvis, Jorge, Joconda, Jacqueline y Rulﬁa. Mescos cu famia:

Tia Lucia Humberto Velasquez Jaime Arango Julian Weller y famia Rina Solognier y famia Stanley Looman y famia Raymond Arends y famia Famia Torres na Colombia Famia Garzon na Colombia Famia Alvarado na Colombia Famia Patiño na Colombia

Primo y prima, su ihanan, comer y compernan, bisiñanan y demas famia Lee, Hernandez, Tromp, Geerman, Torres, Croes, Dabian, Werleman, Webb, Koolman, Flemming, Beaujon, Dominguez, Guda, Marchena, Kelly, Godoy, Perez, Yarzagaray, Ras, Lacle, Den Dunnen, Trimon, Dijkhoﬀ, De Palm, Pontilius, Weller, Caster. Empleadonan di Peanuts Restaurant, miembronan di Coro Amigonan di Cristo, miembronan di Coro Sta Anna, Grupo di Oracion Hombernan uni den Cristo Hesus ta resa Santo Rosario, Grupo di Oracion 100 Rosa di Mama Maria, Comision Novena Mama Maria di Alto Vista, su amigonan di Conny Francis Club, Amity Organization, Revista Amistad, Miss Teenage Intercontinental, Organisacion Poeta di Patria, Commision Carnaval Hubenil, Aruba Jazz & Latin Music Festival, Star Promotion, Comision Dia Nacional Himno y Bandera, ex-coleganan di BUVO, participantenan di Miss Aruba.

Nos disculpa si den nos momento di tristesa nos por a lubida un ser keri. Acto di entiero lo tuma lugar Diasabra 12 di Juni 2021 na misa Pro-Catedral San Fransisco di Asis. Condolencia for di 10:00 di mainta pa 2’or di atardi, sigui pa Santo Sacriﬁcio di Misa y despues pa Santana na Sabana Basora. Lo tin un box pa donacion pa Kapel di Alto Vista. Despues di entiero no lo ricibi bishita di condolencia na cas.

Pagina 31

Diasabra 12 Juni 2021

Gradicimento y Invitacion Pa medio di esaki famia kier a gradici tur esnan cu di un of otro manera a mustra nan atencion, sosten y consuelo durante, fayecimento y entiero di nos defunto stima:

“Bou di alanan di Dios mi ta sigur” Abo ku ta biba bou di amparo di Altisimo, ta hospedá den sombra di Dios Omnipotente, bisa Señor: “Mi refugio, mi forti, mi Dios, den kende mi ta pone mi konfiansa” Salmo 91:1-2 Cu un inmenso dolor na nos curason nos ta anuncia fayecimento di nos mama, wela , bisawela, tatarawela stima:

Sra Irena (Ina) Ras-Henricus Vda. di Pedro Ras *07-10-1937 - †08-06-2021

Gilbertico Agustinus Croes Miho conosi como: “Tico” *3 April 1965 - † 5 Juni 2021

Gradicimento special ta bay na tur famia, bisinja, conocirnan y coleganan di Dimas Un danki tambe na staff y personal di Ad Patres Funeral Home & Crematorium pa nan excelente servicio. Alaves nos ta invita famia y conocirnan pa 3 Santo Sacrificio di Misa cual lo tuma lugar Diabierna 11 di June pa 7 or di anochi na Misa Sagrado Curason na Savaneta, Diadomingo 13 di June pa 6 or di atardi y Diahuebs 17 di june 2021 pa 7or di anochi na Misa Sagrado Curason na Savaneta. Staff y personal di Ad Patres funeral Home & Crematorium ta extende nos mas sincero condolencia na famia di e fayecido

Abona na

Na nomber di su: Yiunan: Damaso (Dama) y esposa Justina Ras-Wernet Maria y esposo Reymundo Croes-Ras y yiunan na Hulanda †Juan Ras Sra Vda. Mirna Roos-Ras y yiunan Ingrid Ras y yiu na Merca Silvia y Ireno Maduro-Ras y yiunan Francis Ras y yiu †Beatrix Ras Rumannan: † Sra Angelica Orman Gamara y Famia † Nico Tromp y Famia Sra. Vda. Nicolina van Cleef-Henricus †Justina Werleman-Henricus y famia †Filomena Henriquez-Henricus y famia Vdo. Juan Henricus y famia Felix Henricus y Elvira Jansen y famia Carmen Arismendez-Vasquez Nieto y nietanan na Aruba, Hulanda y Merca Bisanieta y bisanietonan na Aruba, Hulanda y Merca Tataranieto y tataranietanan na Aruba y Hulanda Sobrina y sobrinonan, primo y primanan Tur famia, bisiña y conocirnan especialmente di su bon bisiña famia Tromp. Demas famia: Henricus, Ras, Wernet, Croes, Roos, Maduro, Geerman, Henriquez, Werleman, Orman, Thijsen, Koolman, Brete, Vrolijk, Kock, McPherson, Velthuis, Dubbleld, Cleveringa, Walhbrink, Hoek, Tromp, Farro, Jansen, v.d. Biezen, Paesch, Dirks Disculpa nos si den nos tristesa nos por a lubida algun famia.

a bo no mester sali di cas Yama 585-9500 of e-mail nos na solodipueblo@gmail.com Tur marduga nos ta entrege den bo porta di cas! Noticia cayente, ta aki bo ta haye!

Ta invita pa acto di entiero cual lo tuma lugar na Aurora Fueral Home diasabra 12 di juni 2021 di 2’or pa 4’or di atardi. espues lo sali pa Santana Centraal Sabana Basora. Nos ta ricibi bishita di condolencia na Pos Chiquito 51 diabierna 11 di juni 2021 di 7’or pa 9’or di anochi.

Pagina 32

Crossword puzzles

Diasabra 12 Juni 2021