Diarazon september 9 2026

P1

DIARAZON 9 SEPTEMBER 2026

9 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

“SILENCIO NO TA LIDERASGO: ARUBA MESTER DI ACCION” OM TA IMPONE TRANSACCIONNAN DEN CASONAN DI TRAFICACION DI HENDE Y TRABAO ILEGAL GOBERNADOR A SEÑALA CU CUIDA ARUBA TA MAS CU TENE NOS ISLA LIMPI; TA CUIDA NOS COMUNIDAD Y NOS FUTURO

P2

DIArazon 9 september 2026

OM ta impone transaccionnan den casonan di traficacion di hende y trabao ilegal Varios Cita cu Fiscal a tuma lugar den ultimo lunanan aki, den cual Ministerio Publico a impone transaccionnan di te 15.000 florin pa traficacion di hende y trabao ilegal.

hende traha cu no tabata na Aruba legalmente.

tambe e mes comunidad di yiu di tera.

E hechonan aki ta castigabel den articulonan 2:154 en 2:155 di Codigo Penal di Aruba.

Ta masha importante pa tur ciudadano, y dunadornan di trabao y huurdonan

E transaccionan a wordo imponi contra companianan y personanan individual.

E sospechonan tabata relaciona cu traficacion di hende. O sea, cu yuda personanan drenta Aruba ilegalmente y ofrece estadia na hendenan cu tabata kedando ilegalmente na Aruba.

Sospechosonan a haya multa tambe pa pone personanan traha ilegalmente, esta: laga

Ministerio Pubico ta persigui hende pa e delitonan aki, pasobra nan ta causa daño na e maneho di gobierno pa loke ta e parti di combati estadia ilegal y trabao ilegal. E tipo di cosnan ey ta haci cu ta crea un circuito ilegal, cu ta hiba na hopi consecuencia indesea y ta swak fundeshi di comunidad. No solamente personanen stranhero ta keda perhudica, sino

en particular, percura pa nan ta bon informa tocante ley y reglanan riba e tereno aki, prome cu nan pensa pa yuda un persona bin Aruba, pa huur nan estadia y pa tuma nan na

trabao. Pasobra, aunke tin cierto situacionnan cu por wordo resolvi via un Cita cu Fiscal, ta bien posibel tambe cu un sospechoso ta wordo yama pa presenta dilanti Hues.

Ministro encarga cu Salubridad ta anuncia cu entrante 10 september 2026 durante 14 dia lo tin oportunidad pa un y tur tuma conocemento na Departamento di Legislacion y Asunto Huridico, Schotlandstraat 53, di un peticion cu a ser haci pa obtene un koffiehuis- y un restaurantvergunning A pa e parcela na Italiestraat 50, Unit 1 & 1-A. E permisonan aki ta concerni e.o. benta di bebida sterki por detal y cuminda pa wordo consumi den e parcela.

Den e periodo aki tur hende por expresa por escrito nan desacuerdo contra dunamento di e permisonan menciona, dirigi na e Ministro encarga cu Salubridad via intermediacion di Director di Departamento di Legislacion y Asunto Huridico, Schotlandstraat 53.

P3

DIArazon 9 september 2026

EVELYN WEVER-CROES:

“SILENCIO NO TA LIDERASGO: ARUBA MESTER DI ACCION” ORANJESTAD — Aruba ta enfrenta crisis tras di crisis, y e contesta di e Gobierno ta silencio. Esaki ta e conclusion di lider di oposicion y parlamentario Evelyn Wever-Croes durante e debate publico dialuna ultimo.

“Nos ta mira crisis den naturalesa y medio ambiente, economia y diversificacion, turismo, husticia, enseñansa, salubridad y infrastructura. Pero na e momento cu Aruba mester di liderasgo, Gobierno ta keda keto.” Segun WeverCroes, e problema ta mas profundo cu solamente falta di accion. “Pueblo ta mira e problema.

Parlamento ta mira e problema. Pero Gobierno

no ta actua. Esaki no ta liderasgo. Esaki ta falta di responsabilidad.”

GOBIERNO NO TA RESPETA PARLAMENTO Wever-Croes a señala tambe cu Parlamento a aproba dos mocion unanime pa pidi Gobierno explora posibilidadnan den industria petrolero. “Ora un Parlamento completo ta uni su mes riba un tema y Gobierno simplemente no ta haci caso, e ta mustra cu no tin solamente un problema di accion, pero tambe un problema di respet pa e Parlamento.”

E parlamentario ta critica tambe e falta di iniciativa pa enfrenta e diferente crisisnan di Aruba.

“Nos no por normalisa un gobierno cu ta keda keto mientras problema ta bira mas grandi. Aruba no por permiti cu falta di liderasgo bira e normal nobo.”

ARUBA MERECE MIHO

Wever-Croes ta bisa cu e momento a yega pa cambia e manera di goberna.

“Aruba merece un gobierno cu ta duna direccion, cu ta scucha, cu ta tuma responsabilidad y cu ta entrega resultado. Nos merece mas cu silencio.” E lider di oposicion a termina

cu un mensahe di speransa y accion: “Nos no ta acepta cu crisis y silencio ta nos futuro. Nos por haci otro.

Nos mester haci miho. Y cu vision, curashi y accion, nos por construi un Aruba mas fuerte”.

Cambio den prijs di productonan petrolero 9 di september 2026 ORANJESTAD - Minister di Finansa, Asunto Economico y Sector Primario ta anuncia e prijsnan nobo di benta di combustibel entrante 9 di september 2026: Gasoline unleaded-premium cen)

: 291,8 cen p/ltr. (+ 0,9

Diesel ULS cen)

: 310,0 cen p/ltr. (+ 23,7

Kerosin cen)

: 275,6 cen p/ltr. (+ 19,0

E prijsnan ta inclui BBO/BAZV/BAVP.

P4

DIArazon 9 september 2026

Minister Rene Herdé:

ir. Roland Croes ta keda director di SETAR N.V.

Minister di Vivienda, Inf rastr uctura, Servicio Interno y Telecomunicacion Rene Herdé a indica cu durante e ultimo dianan a tene diferente conversacion cu partidonan concerni, incluyendo actual director di SETAR, ir. Roland Croes, Raad van Commissarissen y sindicato STT. Segun Minister Herdé, SETAR ta un compania solido cu ta brinda un servicio esencial na comunidad y cu, na mes momento, tin oportunidad pa sigui crece y expande den un forma robusto pa futuro di Aruba.

E proceso actual ta relaciona cu e hecho cu ir.

Roland Croes ta acercando edad di pension. Den e cuadro ey, Gobierno a inicia combersacion pa evalua tanto continuidad di liderazgo como e direccion cu e compania mester sigui

despues.

“E punto central pa nos ta garantisa continuidad y exito di SETAR, tambe mirando mas leu cu e periodo actual,” Minister Herdé a expresa.

Como parti di e proceso, Minister a reuni tambe cu representacion sindical y a tene intercambio cu Raad van Commissarissen.

Segun Herdé, Gobierno a analisa e recomendacion y proposicionnan presenta, pa despues a determina e siguiente paso.

Minister Herdé a indica cu Gobierno a tuma e tempo necesario pa evalua e asunto cu responsabilidad, teniendo na cuenta tanto continuidad di SETAR como e interes di e compania y su futuro.

E reunion cu ir. Roland Croes no a limita solamente na e tema di liderazgo.

Prome Minister Mike

Eman y Minister Herdé a tene oportunidad tambe pa papia cu e director y conoce mas di cerca e operacion di SETAR durante un recorido den e

compania.

“Nos ta papia di un compania importante pa Aruba. P’esey continuidad, stabilidad y un direccion

fuerte pa futuro mester ta na centro di e decision cu nos lo tuma,” caminda ir. Roland Croes ta keda na cabes como director di SETAR N.V.

P5

DIArazon 9 september 2026

DVG ta informa

Seccion Malesanan Infeccioso cera pa publico parti mainta OR ANJESTAD-08 september 2026Departamento di Salud Publico DVG ta pidi comunidad pa tuma nota di e siguiente dianan cu su seccion Malesanan Infeccioso lo no ta habri parti mainta entre 9:00 cu 11:00 pa duna servicio na publico.

Riba dianan: 9 y 23 september 2026 14 y 28 oktober 2026 4 november 2026 2 december 2026 Esaki ta relaciona cu dianan di estudia di e

personal.

Nos ta pidi disculpa pa cualier inconveniencia cu esaki por trece cu ne y alabes ta gradici pa e comprension.

Bo Salud, Nos Prioridad Pa mas informacion, like nos Facebook page Directie Volksgezondheid DVG Aruba, follow nos riba Instagram directie_ volksgezondheid_aruba, sigui nos den WhatsApp Channel, ricibi tur informacion den Aruba Health App, bishita www. dvg.aw, yama 5224200 of manda email na servicio@ dvg.aw

Minister Wendrick Cicilia:

Mercado laboral mester evoluciona hunto cu economia di Aruba Oranjestad – Apertura di un Aña Parlamentario nobo ta representa un oportunidad unico pa renoba perspectiva y reafirma compromiso cu e vision cu Gobierno tin pa futuro di Aruba. Durante apertura di Aña Parlamentario 2026-2027, Gabinete AVP-FUTURO a expresa den Parlamento su intencionnan y prioridadnan pa e periodo venidero y rumbo pa 2027.

oportunidad pa sigui construi riba e fundeshi cu a bin ta traha riba dje pa 1 aña y mey.

un empleado mester traha pa un salario cu no ta cubri su subsistencia basico.

Un di e prioridadnan importante ta un mercado laboral cu mester evoluciona hunto cu economia di Aruba, cu mas oportunidad pa capacitacion y un miho conexion entre educacion y necesidadnan real di mercado laboral.

Minister di Labor, Turismo y Transporte, mr. Wendrick Cicilia, ta satisfecho cu loke a logra durante e prome aña y mey di gobernacion y ta indica cu e periodo nobo ta un

Den e Aña Parlamentario nobo, Gobierno lo presenta un ley importante pa acopla salario minimo na e bestaansminimum.

E principio ta cla: nunca mas

“Trabou mester brinda perspectiva.

Nos kier un mercado laboral unda nos hende tin oportunidad pa sigui capacita y desaroya nan mes, pero tambe unda un hende cu ta traha por cubri su necesidadnan basico. Mester sinti progreso economico den calidad di bida di nos trahadonan y nan famianan,” Minister Cicilia a expresa.

“Nos a logra paso importante den e prome aña y mey, pero

ainda tin trabou pa haci. Cu e Aña Parlamentario nobo nos ta renoba nos compromiso pa sigui crea oportunidad, fortalece nos mercado laboral y traha pa un Aruba unda progreso ta yega cerca cada trahado y cada famia.”

P6

DIArazon 9 september 2026

Gobernador a señala cu Cuida Aruba ta mas cu tene nos isla limpi; ta cuida nos comunidad y nos futuro-1-

anterior a construi, pero tambe pa wak dilanti y asumi responsabilidad pa e Aruba cu nos kier laga pa siguiente generacionnan.

Pa Prome Minister Mike Eman, precisamente e sentido di responsabilidad comparti aki ta conecta directamente cu e filosofia tras di Cuida Aruba.

Pasobra cuida Aruba ta mas cu cuida nos naturalesa; ta cuida nos comunidad, nos calidad di bida y e futuro cu nos ta laga pa e generacionnan cu ta sigui.

Cu apertura oficial di Aña Parlamentario 2026– 2027, Gobierno di Aruba a presenta su rumbo pa e periodo venidero, cu bienestar general, prosperidad comparti y responsabilidad comun como punto di salida. Den e vision aki, programa nacional Cuida Aruba ta ocupa un lugar importante, no solamente como un esfuerso pa

tene y embeyese nos isla, sino tambe pa fortalece participacion, convivencia y union den comunidad.

E apertura di e aña parlamentario ta tuma luga den un momento historico, mientras Aruba ta celebra 40 aña di Status Aparte y 50 aña di Himno y Bandera. E ocasion ta invita pueblo pa honra loke e generacionnan

Gobernador den su discurso a menciona cu “Gobierno a inicia cu partnernan semi-publico y priva un esfuerso nacional cu ta apela riba responsabilidad comun di henter comunidad; pa esaki a duna inicio na e programa nacional Cuida Aruba. Dos bes caba riba e ultimo Diasabra di luna Aruba a bin hunto pa

responde na e yamada aki.

Cuida Aruba ta un yamada cu ta bai mas profundo cu e empeño conhunto pa tene Aruba limpi, e ta un yamada pa comunidad di Aruba brasa di nobo e sentido di convivencia.

Fortifica di nobo e liñanan invisibel di amistad, cooperacion y amor pa nos prohimo y Pais. Laga nos lanta tur dia y corda di nobo; cu Aruba ta nos.”

Cuida Aruba ta un responsabilidad comparti Gobierno a inicia Cuida Aruba hunto cu partnernan semi-publico y priva como un esfuerso nacional cu ta apela na responsabilidad di henter comunidad.

Dos biaha caba, durante e ultimo diasabra di luna, comunidad a uni pa responde na e yamada y participa activamente den e esfuerso. Pero e vision tras di Cuida Aruba ta bay deliberadamente mas leu cu recoge desperdicio of limpia un espacio publico.

E programa ta busca pa Aruba fortalece di nobo e conciencia cu cuido di pais ta un responsabilidad comparti. Gobierno, sector priva, e organisacionnan y ciudadano, cada un tin un papel den calidad di e comunidad caminda nan ta biba.Den e discurso di apertura di Aña Parlamentario, e filosofia di Cuida Aruba ta refleha den e yamada pa comunidad brasa di nobo e sentido di convivencia y fortalece e “liñanan invisibel” di amistad, cooperacion y amor pa prohimo y pais. Esey ta precisamente e dimension cu Gobierno kier sigui duna realce na e programa den e periodo venidero. Cuida Aruba ta cuida naturalesa, pero ta tambe cuida nos bario, nos calidad di bida, relacion entre hende y e futuro cu Aruba ta laga pa e generacionnan cu ta sigui.

Continuacion pag.7

P7

DIArazon 9 september 2026

Gobernador a señala cu Cuida Aruba ta mas cu tene nos isla limpi; ta cuida nos comunidad y nos futuro-2-

ta di nos tur

Un isla mas bunita y un comunidad mas uni Cuida Aruba ta conecta cu varios otro prioridad cu Gobierno a presenta pa e aña parlamentario nobo. Recuperacion di ecosistemanan lo continua, banda di e programa nacional di reforestacion, cu e ambicion di planta 100.000 palo durante e actual periodo di gobernacion. Maneho mas responsable di desperdicio y participacion activo di comunidad ta forma parti di e mesun direccion.Na mes momento, Gobierno kier inverti den e ambiente caminda ciudadano ta biba diariamente.

Cu aprobacion di e ley pa Fondo di Inversion, a crea e base legal pa inversionnan

publico importante. E intencion ta pa presenta na Parlamento inversionnan den, entre otro, mehoracion di bario, renobacion di scol y monumento, reforestacion, MFA na San Nicolas y embeyecimento di centronan di ciudad.

Pa Gobierno, tur e esfuerzonan aki ta conecta cu otro. Un bario bon manteni, un espacio publico cu comunidad ta cuida y un centro urbano cu tin bida ta contribui directamente na calidad di bida.

Progreso mester yega cerca ciudadano E vision pa 2026–2027 ta inclui tambe un base economico y social fuerte.

Gobierno lo mantene

atencion pa poder di compra, seguridad social y oportunidad pa famianan progresa. Den e periodo anterior, medidanan manera aumento di pensioen y bijstand, eliminacion di prima AZV pa e pensionadonan y ampliacion di sosten social a forma parti di e esfuerzo pa laga progreso economico yega mas directamente cerca ciudadano. Vivienda pagabel, salud, educacion, infrastructura y siguridad tambe ta forma parti di e rumbo. E hilo conductor ta cu progreso no mester keda solamente den plan, cifra of documento. Ciudadano mester por mira y sinti e cambio den su propio cas, bario y comunidad.

Cuida Aruba ta cuida loke

Den e aña cu Aruba ta celebra 40 aña di Status Aparte, Prome Minister Eman ta pone enfasis riba e responsabilidad cu cada generacion tin pa entrega pais den un miho condicion na esnan cu ta sigui. Cuida Aruba ta encera precisamente e pensamento ey: no spera solamente riba Gobierno, sino reconoce cu cada sector, organisacion y

ciudadano por contribui na bienestar di pais. E esfuerso pa un Aruba limpi y cuida ta importante, pero e ambicion ta mas grandi: fortalece e sentido cu Aruba ta di nos tur y cu futuro di Aruba tambe ta responsabilidad di nos tur. “Cuida Aruba ta mas cu cuida nos naturalesa; ta cuida nos comunidad, nos calidad di bida y e futuro cu nos ta laga pa e generacionnan cu ta sigui.”

P8

DIArazon 9 september 2026

Minister Melvin Wyatt-Ras:

Prioridadnan di Ministerio pa Aña Parlamentario 2026–2027 ta enfoca riba cuido, prevencion y sosten

Oranjestad, 8 di september 2026: Durante apertura di Aña Parlamentario 2026– 2027, Gobernador di Aruba a presenta e rumbo di Gobierno pa e periodo venidero, cu bienestar general y cuido di hende como punto central. E temanan presenta riba salud, asunto social, cuido di adulto mayor y adiccion ta conecta directamente cu mandato di Ministerio di Salubridad, Asunto Social, Cuido di Adulto Mayor y

Maneho di Adiccion.

Ministerio ta enfocando riba diferente leynan, programa y sosten concreto na beneficio di ciudadano, specialmente esnan mas vulnerabel den comunidad.

“Nos ta trahando cu alma y cuerpo pa introduci diferente leynan cu ta na beneficio di ciudadano y esnan vulnerabel den nos comunidad,” Minister Wyatt-Ras a indica.

Entre e prioridadnan pa e periodo venidero ta diferente leynan relaciona cu cuido. Minister WyattRas a menciona, entre otro, un ley relaciona cu cuido pa personanan cu limitacion y tambe e Landsverordening Langdurige Zorg. Den e discurso di apertura a wordo anuncia cu e ley aki lo crea un base financiero duradero pa cuido continuo, entre otro den casnan di cuido pa adulto mayor y pa rehabilitacion.

Tambe lo sigui amplia cuido na cas y den bario.

Riba tereno di salud, Gobierno lo sigui reforma e sistema cu mas atencion pa prevencion, deteccion trempan y cuido di prome liña. Salud mental tambe lo haya atencion, cu enfasis riba ayudo trempan y reduccion di stigma.

Minister Wyatt-Ras a splica cu e Ministerio ta amplia e eerstelijnszorg,

pa ciudadano por haya cuido y guia mas cerca di cas. Tambe ta den preparacion un plan relaciona cu obesidad, como parti di e esfuerso pa preveni malesanan y promove un estilo di bida mas saludabel.

Den area social, Minister Wyatt-Ras a destaca e aumento di schoolkinder toeslag como un forma di sosten pa famianan cu yiu na scol. Atencion lo sigui bay pa vulnerabilidad social, pobresa, violencia domestico y otro retonan den comunidad. Sosten pa famianan cu yiu cu limitacion tambe ta forma parti di e prioridadnan social di e Ministerio.

Den maneho di adiccion, Ministerio lo sigui enfoca riba prevencion, tratamento y reintegracion, incluyendo problematica relaciona cu alcohol y

droga, pa logra miho resultado pa e persona, su famia y comunidad.

Pa Minister Wyatt-Ras, aprobacion di presupuesto di Pais Aruba ta esencial pa pasa di planificacion pa ehecucion. E presupuesto ta crea e base financiero pa proyectonan, instancianan y organisacionnan por haya e recursonan necesario y pa Gobierno por ehecuta su prioridadnan.

E minister a subraya tambe e importancia di cooperacion entre Gobierno y Parlamento.

Control y critica parlamentario ta esencial, pero sosten tambe ta necesario pa aproba leynan y recursonan cu ta na beneficio di comunidad.

Ministerio lo sigui traha pa pone e prioridadnan aki den practica y contribui na bienestar y calidad di bida di pueblo di Aruba.

DIARANZON 9 DI SEPTEMBER 2026

Truck lo a pasa riba participante den Parada Cultural

Diadomingo atardi a drenta informe di cu un truck lo a pasa riba un participante

di e Parada Cultural, mesora a dirigi tamto polis como ambulans na e sitio.

Na yegada di e ambulans a bin resulta cu un dama a cay y e wiel di

EVELYN WEVERCROES: “STILTE IS GEEN LEIDERSCHAP. ARUBA HEEFT ACTIE NODIG.”

Aruba wordt geconfronteerd met crisis na crisis, maar terwijl de zorgen van het volk groeien, blijft de regering stil.

Oppositieleider en parlementariër Evelyn Wever-Croes noemt dit geen incident, maar een patroon van gebrek aan leiderschap, actie en verantwoordelijkheid.

“We zien problemen bij natuur en milieu, economie en diversificatie, toerisme,

justitie, onderwijs, volksgezondheid en infrastructuur. Maar juist wanneer Aruba leiderschap nodig heeft, blijft de regering stil.”

Volgens Wever-Croes zijn de gevolgen daarvan direct voelbaar voor Aruba.

“Geen actie betekent dat problemen groter worden. Onze economie wordt kwetsbaarder, onze leefomgeving komt verder onder druk en de veiligheid, zorg en infrastructuur

vragen steeds meer aandacht.

Stilzitten heeft een prijs, en uiteindelijk betaalt het volk die prijs.”

GEEN RESPECT VOOR HET PARLEMENT Ook het parlement wordt volgens Wever-Croes onvoldoende serieus genomen. Vergaderingen die worden aangevraagd worden niet opgeroepen, vragen die statenleden stellen aan de regering worden niet beantwoord. Twee unanieme

e truck a pasa riba shimis di un participante y esey a pone hendenan pensa

P9

cu e truck a pasa riba dje.

Ambulans a atende y a transporte pa Imsan.

moties om mogelijkheden binnen de olie-industrie te onderzoeken, zijn volgens haar door de regering onvoldoende opgepakt.

“Als een volledig parlement zich unaniem uitspreekt en de regering daar niets mee doet, gaat het niet alleen om een gebrek aan actie.

Het is ook een gebrek aan respect voor het parlement en daarmee voor de stem van het volk.”

Wever-Croes is duidelijk: dit mag niet het nieuwe normaal worden.

“Stilzitten is geen beleid.

Geen antwoord is geen oplossing. En uitstel is geen leiderschap.”

verantwoordelijkheid neemt en resultaten levert. Wij accepteren niet dat crisis en stilte onze toekomst bepalen.” Wever-Croes sluit af met een boodschap van hoop en daadkracht: “Wij kunnen het anders doen. Wij moeten het beter doen. Met visie, moed en actie kunnen we bouwen aan een sterker Aruba.

ARUBA VERDIENT BETER

Stilte lost geen crisis op.

Leiderschap brengt verandering.

“Aruba verdient een regering die richting geeft, luistert,

Aruba verdient beter. En die verandering is mogelijk.”

P 10

DIARANZON 9 DI SEPTEMBER 2026

Minister Rene Herdé:

Dialogo a continua dialuna cu sector di UTV y ATV den bon comprendemento Dialogo entre Gobierno di Aruba y representantenan di e sector di UTV y ATV a continua dialuna den un ambiente constructivo, cu e meta di acerca posicionnan y sigui traha na un solucion concreto pa e situacion actual.

Minister di Vivienda, Infrastructura, Servicio Interno y Telecomunicacion drs. Rene Herdé a indica cu e proceso ta avansando den bon esfera y cu e partidonan envolvi ta demostrando disposicion pa scucha otro y busca punto di encuentro.

Como parti di e siguiente fase, ta trahando riba formacion di un comision cu representacion amplio di e sector. E intencion ta pa diferente interes y experiencia dentro di e sector haya representacion, pa asina e dialogo por sigui di forma structura y orienta riba solucionnan concreto.

Un aspecto importante den e combersacionnan ta e preocupacion cu tin entre companianan y trahadornan relaciona cu continuidad di nan actividad y empleo.

Gobierno ta consciente di e incertidumbre cu e situacion ta causando y ta

tene e aspecto economico y laboral debidamente na cuenta den busca di un salida.

Minister Herdé a enfatisa cu Gobierno ta trata e proceso cu transparencia total, compartiendo informacion cu e sector y manteniendo e dialogo habri durante cada fase.

E meta ta pa yega na un solucion cu ta tene cuenta cu e diferente interesnan envolvi y cu por brinda mas claridad y perspectiva na e sector.

E dialogo ta continua mientras Gobierno ta pendiente di e caso

cu ta programa den Corte diahuebs awo.

Te na e momento ey, Gobierno lo sigui haci tur esfuerso posibel pa acerca partidonan y explora espacio pa un entendemento.

Segun Minister Herdé, e prioridad ta keda cla: busca un solucion responsable y balansa, cu ta tene cuenta cu e marco aplicabel, pero tambe cu e realidad di companianan y e personanan cu nan trabou

ta conecta directamente cu e sector.

Gobierno di Aruba lo sigui mantene e sector informa di e desaroyonan relevante mientras e proceso ta avansa.

P 11

DIARANZON 9 DI SEPTEMBER 2026

Minister Gerlien Croes:

Mini turf di futbol haya un cas nobo na Fontein Kleuterschool

ORANJESTAD, 7 di september 2026 – Awemainta, Minister di Educacion y Deporte, sra. mr. Gerlien Croes, a haci entrega oficial di e mini turf veld di futbol na Fontein Kleuterschool, creando un espacio nobo pa promove movecion y deporte entre nos muchanan desde edad tempran.

E mini turf aki a wordo instala anteriormente na Carnival Village na San Nicolas durante temporada di Copa Mundial, caminda

muchanan y famianan a haci ampliamente uzo di dje pa disfruta di e ambiente futbolistico.

Awor, e facilidad ta haya un siguiente destino na Fontein Kleuterschool, caminda e lo sigui cumpli cu un funcion deportivo y recreativo diariamente.

Pa Minister Gerlien Croes, e traslado di e mini turf pa un scol ta un manera concreto pa sigui crea mas oportunidad pa muchanan move y familiarisa cu deporte.

“Nos kier pa nos muchanan haya oportunidad pa move, hunga y descubri deporte desde edad tempran. Cu e mini turf aki directamente na scol, nos ta crea un espacio sigur y accesibel caminda nan por practica futbol, disfruta di movecion y posiblemente planta e prome semia pa un talento deportivo cu por sigui desaroya den futuro,” Minister Croes a expresa.

E iniciativa ta cuadra cu e vision di Ministerio di Educacion y Deporte pa crea mas espacio y facilidad pa actividad fisico den ambiente escolar.

Ademas di e beneficio fisico, deporte y movecion ta contribui na interaccion social, trabou den team y bienestar general di muchanan.

Minister Gerlien eCroes ta enfatisa cu promocion di un estilo di bida activo

mester cumisa for di edad tempran y cu scol ta un lugar importante pa stimula esaki. “Cada oportunidad cu nos crea pa un mucha move ta un inversion den un generacion mas activo y saludabel. Nos kier integra movecion cada bes mas den bida diario di nos muchanan, tanto na scol como den comunidad.”

E entrega di e mini turf ta conecta tambe cu e

movemento nacional rumbo pa ARUBA ACTIVO, cu lo tuma luga dia 27 di september 2026 na Bushiri Beach. E evento tin como meta reuni comunidad y sigui stimula deporte, actividad fisico y un estilo di bida activo.Ministerio di Educacion y Deporte ta desea e alumnonan y team di Fontein Kleuterschool hopi placer cu nan mini turf nobo y ta encurasha nan pa haci bon uzo di e facilidad.

P 12

DIARANZON 9 DI SEPTEMBER 2026

32 AÑA DI NOS VI REINA ALEXANDRA OCHOA NA MISS INTERNATIONAL 1994

Tawata exactamente 32 aña pasa cu Aruba su Miss Aruba ‘93/’94, Alexandra Ochoa, den un bisti unico y masha comenta pa prensa internacional a bay rumbo Hapon pa competi den Miss International 1994.

Su diseñador tawata Jaime Arango, cu ta conoci pa a bisti reinanan di beyesa Colombiano manera Paola Andrea Betancur y Carolina Gómez.

Tawata e dj presentador dfm.

Ruben “Scorpio” Garcia esun cu orguyosamente a anuncia prome den su programa radial e noticia bunita aki pa nos isla. Aruba a ricibi Alexandra na grandi y nos ta corda con e aprecio di parti di prensa y pueblo Arubano tawata. E eleccion di Miss Internacional 1994 a ser pasa pa pueblo Arubano algun dia despues dje evento.

E edicion 34 di Miss International, tawata e prome biaha cu Aruba a participa. E impacto cu Alexandra a causa na Hapon tawata asina grandi cu entre e 50 paisnan el a logra clasifica den e 15 finalistanan. Entre e finalistanan tawata figura tambe Miss Venezuela 1992 e famoso presentador Milka Chulina. Aruba su nomber a resona totalmente na Hapon y pa alegria di nos isla, Alexandra Ochoa a logra e corona di prome finalista lagando 48 otro pais tras di dje. Miss International a bira Miss Grecia, Prome finalista Miss Aruba y Segunda finalista Miss España.

Un aña prome Alexandra Ochoa a ser corona como Miss Aruba 1993 den Aruba Entertainment Center, caminda el a luci un creacion tambe di Jaime Arango. E artistanan invita tawata El Gran Ballet de Venevision y e grupo Guayacan di Colombia. E coreografia- y produccion tawata den man di Mery Cortéz y Joaquín Riviera dfm. Como prome finalista a keda Christina van den Berg y Lyndelle Nieuwkerk como segunda finalista. E presidente di e organisacion Star Promotions tawata sr.

Atan Lee dfm.

Pa: Addonsito J. Croes

P 13

DIARANZON 9 DI SEPTEMBER 2026

Anti-Doping Conference 2026 un exito rotundo

Cu un acogida grandi di mas cu 100 participante, e Anti-Doping Conference 2026 : “Fair Play, Clean Future – Protecting the spirit of Sport” a mustra e interes grandi di e comunidad deportivo di Aruba pa e educion di tur cos antidoping. E conferencia aki a ser organisa door di ARUNADO, cu ta e organisacion local di antidoping hunto cu Comite Olimpico Arubano (COA) y cu sosten financiero di Olympic Solidarity.

Cu 4 orado internacional cu a ser invita, a tene diferente “breakout sessions” unda e gruponan a siña di topiconan hopi importante y relevante den e mundo deportivo, manera uso di suplemento, e lista prohibi di “World Anti-Doping Agency” (WADA) y con pa aplica pa un “Therapeutic Use Exemption” (TUE),

cu ta necesario pa esnan cu ta tuma medicamento cu ta riba e lista prohibi di WADA. E 4 sesionnan a logra comparti hopi

informacion den un manera interactivo y divertido, asina captando e atencion di tur e hobennan presente.COA y

ARUNADO ta gradici tur e oradornan, e boluntario cu a yuda pa por ehecuta e evento aki y claramente tur participante cu a mustra

nan compromiso pa boga pa deporte sigur y deporte limpi.#COA #ARUNADO #fairplay #cleanfuture #ARUB

P 14

DIARANZON 9 DI SEPTEMBER 2026

Minister Rene Herdé:

Vivienda,

infrastructura y modernisacion ta prioridad den aña parlamentario nobo

Vivienda pagabel, mehoracion di bario y inversion den infrastructura ta entre e prioridadnan cu lo marca e trabou di Minister di Vivienda, Infrastructura, Servicio Interno y Te l e c o m u n i c a c i o n Rene Herdé den Aña Parlamentario 2026– 2027.

vivienda pagabel. Cu e presion creciente riba mercado di vivienda, Gobierno a desaroya un maneho nobo pa stimula construccion di mas cas pagabel, incluyendo cooperacion cu sector priva.

Durante apertura di e aña parlamentario nobo, Gobierno a pone enfasis riba necesidad di traduci planificacion den inversionnan concreto cu ciudadano por mira y sinti den su bida diario.

Pa Minister Herdé, esaki ta conecta directamente cu e reto di crea mas oportunidad pa vivienda, mehora nos barionan y sigui modernisa e infrastructura di Aruba.

Segun Minister Herdé, e tema di vivienda mester mira den un contexto mas amplio. No ta trata solamente di construccion di cas, sino tambe di crea un ambiente adecuado pa famianan biba. P’esey inversion den espacio publico, facilidadnan comunitario, infrastructura y mehoracion di bario ta forma parti di e mesun vision. Revitalisacion di Oranjestad y San Nicolas tambe lo sigui haya atencion.

Un di e prioridadnan ta

Fondo di Inversion ta crea

espacio pa ehecucion Aprobacion di e ley pa crea Fondo di Inversion ta representa un paso importante den e direccion aki. Cu e base legal awo estableci, den e aña parlamentario nobo Parlamento lo trata e prome presupuesto di e Fondo.

Gobierno tin intencion di presenta inversionnan cu ta inclui, entre otro, MFA na San Nicolas, mehoracion di bario, renobacion di scol y monumento, reforestacion y embeyecimento di nos centronan di ciudad.

Pa Minister Herdé, e Fondo ta brinda un instrumento importante pa pasa di planificacion pa ehecucion y atende necesidadnan cu comunidad por experimenta directamente.

Banda di inversion fisico, e aña parlamentario nobo ta pone atencion tambe na modernisacion di infrastructura digital y telecomunicacion, cu mester contribui na miho conectividad, innovacion y actividad economico.

Modernisacion di aparato publico ta otro parti di e tarea. E meta ta pa simplifica proceduranan, mehora coordinacion y procura cu ciudadano y sector priva por haya servicio dentro di un tempo rasonabel.

Minister Herdé ta mira e diferente prioridadnan como parti di un mesun direccion: crea mas oportunidad pa vivienda, inverti den comunidad y infrastructura, y modernisa e servicionan cu ciudadano ta depende riba dje.

“E meta ta pa progreso no keda solamente den planificacion. E mester traduci den resultado concreto den nos barionan y den calidad di bida di nos hendenan,” Minister Rene Herdé a indica.

P 15

DIARANZON 9 DI SEPTEMBER 2026

BON NOTICIA BO TA PAPIA DI DIOS, PERO BO NO TA PAPIA DI E UN SOLO IGLESIA CU HESUS A LANTA MAS CU 2000 ANJA PASA Dios Tata ta manda Su Yiu Hesus na mundo, pa sera un Aliansa Nobo pa e Pueblo di Israel y pa mundo henter. E Aliansa Nobo aki, ta e un solo Iglesia di salbacion pa mundo henter.

Bijbel Mateo 26: 26 – 28, den e ultima cena Hesus a bisa Su apostelnan: “Boso tur bebe for di e copa di binja aki, esaki ta Mi Sanger, e Sanger cu ta confirma e Aliansa cu Mi ta derama pa hopi hende, pa pordon di pikanan.” Akinan Hesus ta confirma Su Sacrificio y morto na crus, deramando Su Sanger precioso, pa e Aliansa Nobo di Dios Tata, cu ta e pueblo Nobo di Israel. Bijbel Mateo 16: 15 – 19: “Hesus a puntra Su apostelnan: Anto boso mes, ta ken boso ta bisa Mi ta? Simon a contesta: Bo ta E Mesias, E Yiu di Dios bibo! Hesus a bis’e: Felis bo ta Simon yiu di Huan, pasobra no ta hende a revela bo esaki, ma Mi Tata cu ta den Cielo. Mi ta bisa bo: Abo ta Pedro (o sea baranca) y riba es baranca aki, lo Mi lanta Mi Iglesia y forsanan di fierno lo no podera di dj’e.

Lo Mi duna bo e yabinan di Reino di Cielo y loke bo prohibi na tera, ta prohibi den Cielo tambe y loke bo permiti na tera, lo ta permiti den Cielo tambe.”

Akinan Hesus ta bisa bon cla, Mi Iglesia, osea un solo

Iglesia y no Iglesianan.

E forsanan di fierno, ta e demonionan den fierno cu lo lanta diferente sectanan, religionnan y iglesianan falso na mundo, pa podera y pa kibra e Iglesia di Hesus, pero nan lo no logra. Hesus a duna Simon e nomber Pedro, cu ta significa baranca, cabes visibel di Su Iglesia.

Hesus a duna Pedro e yabinan di Reino di Cielo y esaki ta significa cu e Iglesia di Cristo-Hesus ta e unico porta pa laga e almanan drenta den Reino di Cielo. Den e unico Iglesia di Cristo-Hesus, tin e yabinan di e portanan di Reino di Cielo pa laga e almanan drenta. Hesus a duna e autoridad na Pedro pa dirigi Su Iglesia, di loke ta permiti y di loke ta prohibi. Bijbel Marco 16: 15 – 16, aki Hesus ta bisa Su apostelnan: “Sali pasa na henter mundo y predica e Evangelio pa henter humanidad.” E palabra, sali pasa na henter mundo y predica e Evangelio pa henter humanidad, ta significa, Universal, Hesus Su Iglesia ta Universal.

E Iglesia Universal di Hesus, ta e Aliansa Nobo di Israel di Dios Tata.

Awor, tur hendenan na mundo sea paganonan, sectanan y e Hudiunan mes, nan mester kere den Cristo-Hesus y nan mester drenta y bautisa den E

Unico Iglesia Universal di Hesus, pa nan por drenta den e Reino di Cielo.

Awor, ta di con tin tanto sectanan, religionnan y iglesianan falso na mundo y mientras ta un solo Iglesia Hesus a lanta? Na anja 1521, Martin Luthero un frere, teologo aleman a bai contra di e Iglesia Universal di Cristo-Hesus.

El a inventa e theoria di e interpretacion liber di Bijbel. E interpretacion liber y e doctrinanan falso, a produci 36.000 diferente sectanan y religionnan na mundo. Tur e sectanan aki, ta pretende di ta di Hesus.

Oracion Di Dia

Durante tempo nan a trece hopi divisionnan y hopi di nan a lanta nan mesun religionnan, iglesianan falso y sectanan y nan ta predicando e Bijbel den nan mesun manera y nan ta buscando hendenan debil den fe pa sigi nan.

Martin Luthero a bira Protestant, pasobra el a protesta contra e Papa di Iglesia Universal di Cristo Hesus. Ta manera cu Hesus a bisa den Bijbel Mateo 16: 18, cu forsanan di fierno lo purba podera y kibra e Unico Iglesia Universal di Hesus, pero nan lo no logra. Pesey tur e religionan, tur e sectanan y tur e iglesianan falso na mundo, nan a wordo lanta door di e forsanan di fierno y e diabelnan a usa Martun Luthero pa desvia hopi hendenan na mundo for di e Unico Iglesia Universal di CristoHesus. Hesus ta bisa bon cla den Bijbel Marco 16: 15-16: “ Esun cu no ta kere

y no ta bautisa, nan lo ta condena.” E Unico Iglesia Universal aki di CristoHesus, tin mas cu 2000 anja y a wordo lanta pa medio di e 12 Apostelnan di Cristo-Hesus. Nan ta e prome Obisponan y San Pedro ta e Prome Papa, cu ta e prome cabes visibel di Cristo-Hesus Su Iglesia aki na mundo. E palabra Universal ta significa, Catolica. Compronde bon, ta un solo Iglesia so tin pa drenta den e Gloria di Dios Tata y Hesus a institui tambe Su 7 doctrinanan pa nos cumpli cu nan, cu ta e 7 Sacramentonan di Dios Spirito Santo.

Scirbi pa Seferino Tromp

Un feliz dia y cu Dios bendiciona boso na abundancia.

Stima boso enemigonan, haci bon y fia sin spera nada bek.”Lucas 6,35Un amor cu no ta spera nada bek.Kisas e deseo di mas natural di humanidad ta pa biba un fabor pa un fabor, stima esnan cu ta stima nos, y yuda esnan cu ta yuda nos. Pero Hesus ta reta nos pa kibra e custumber ey. E ta pidi nos pa responde na odio cu amor, na maldicion cu bendicion, y na egoismo cu generosidad.

E ley general cu Hesus ta duna den versiculo 31 ta e clave: "Trata otro hende manera boso kier pa nan trata boso."

Esaki no ta depende di con otro hende ta comporta cu bo, sino di e escogencia cu abo ta haci pa biba den paz y amor. Ora nos stima sin condicion y ta fia sin spera nada bek, nos ta mustra e caracter di Altisimo, kende ta bondadoso hasta cu esnan malagradecido. Na final, e yamada di mas grandi ta un den versiculo 36: "Sea misericordioso, mescos cu boso Tata ta misericordioso.

Oracion: Señor Hesus duna mi e gracia pa por imita Bo y agrada Bo p’asina mi por biba mi bida di acuerdo cu bo boluntad pa medio di Cristo nos Señor.

Amen.

R

P 16

DIARANZON 9 DI SEPTEMBER 2026

SUDOKU

DIARAZON 9 SEPTEMBER 2026 Den paz mi lo drumiy sosega pasobra ta bo so, Sefior ta laga mi biba sigur. Salmo: 4:8

Cu imenso dolor na nos curason, pero conforme cu Dios su boluntad, nos ta anuncia fayecimento di nos Mama, wela, bisawela, tatarawela, suegra y prima stima: Na nomber di su: Esposo: †Everard Henriquez Yiunan: †Romulo (Ronnie) y Anchi Henriquez-Winterdaal Sonia y †Coenradus Quasters-Henriquez Ruben R. y Mireya Henriquez-Alvarez

Delfina Henriquez-Erasmus Mihor conoci como: Dudu

Nieto y Nieta nan: Maroushka (Uca) y Hubert Flanegien-Henriquez

*24 December 1933 - †5 September 2026

Zulaika (Zuli) y Robert (Robby) Solognier-Henriquez Eroll y Xia-Ru Henriquez-Li, Varoussia (Usha) Solognier y Yiu Elysiah Pinzon, Jayy Tracy Quasters-Creusen, lan Quasters, Yaremi y Ranzinho Saladin-HenriquezRuben A. Henriquez y Jahaira Lopez Bisanieto y Bisanieta nan: Genrick Flanegien y Thami Figaroa, Jonrick Flanegien y Nydie Moreno Castro, Robert Solognier, Elijah Solognier y Sonella Cardenas Justin Solognier y Sharyl Robles de Medina, Nigel Quasters y Gwen Daniel Quasters, Yarzinha Saladin, Rayzhir SaladiEthan Henriquez, Elias Henriquez Tataranieto: Zayden Solognier Rumanan: †Henny y Ninita Erasmus-Arends y famia, †Editha y Feli Pereira-Erasmus y famia Alberto y †Mina Erasmus-Boekhoudt, †Andres Erasmus †Martin y †Nita Erasmus-Werleman †Mathilda y †Gregorio Erasmus-Angela †Nemencio y †Inchi Eramus-Werleman Suegroy Suegranan, Sobrina y Sobrinonan, Prima y Primonan, Swa y Cuñanan, Comer y Compernan Demas famia: Erasmus, Henriquez, Pereira, Angela, Werleman, Briezen, Arends, Boekhoudt, Solognier, Li, Flanegien, Figaroa, Moreno Castro, Cardenas, Robles de Medina, Gamara, Webb, Lacle, Maduro, Feliciana, Dijkhoff, Loopstok Acto di entiero lo tuma lugar Diasabra 12 September 2026, na Misa Santa Filomena na Paradera di 9’or pa 11’or di mainta, despues pa Santana Catholico na Paradera.

Resamento na cas lo tuma lugar Diahuebs 10 di September 2026 di 7’or pa 9'or di anochi na Piedra Plat 55-F (cas di Dudu).

Acto di Condolencia na Aurora Funeral Home diabierna 11 di September 2026 di 7’or pa 9’or di anochi.

Nos disculpa si den nos tristesa nos por ailubida algun Famia.