Diarazon september 2 2026 by Solo DI Pueblo

DIARAZON 2 SEPTEMBER 2026

2 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

INCERTIDUMBRE Y FALTA DI DIRECCION TA PREOCUPA TRAHADORNAN DI DPL E parlamentario ta exigi claridad na e Minister encarga tocante e futuro di e departamento y proteccion di e mercado laboral local

DIARAZON 2 september 2026

Detencion sospechoso den investigacion di tiroteo Diasabra ultimo Polis a bolbe detene e sospechoso C.S. den e investigacion di e tiroteo banda di veld di Winston na Santa Cruz. E sospechoso tabata deteni caba den e caso, pero a lag’e bay na un dado momento. Sinembargo, desaroyonan

nobo den e investigacion a haci cu a bolbe detene. E tiroteo a tuma lugar riba 22 di juli 2026 y a costa bida di un hoben di 16 aña. Desde e dia ey polis y Ministerio Publico ta investigando intensivamente.

Czigany Geerman ta empleado superior di Aruba Bank pa luna di juli 2026

Den e prome fase di e investigacion polis a detene siete persona. Di e grupo

aki tin tres sospechoso deteni keto bay.

Concept-Wijzigingsplan Reuzenrad Oranjestad ter inzage De Minister van Arbeid, Energie en Integratie, belast met Huisvesting, Infrastructuur, Interne Diensten en Telecommunicatie, maakt bekend dat het concept-wijzigingsplan van het ROPV voor de bouw van een reuzenrad bij het Renaissance Wind Creek Aruba Resort in Oranjestad gedurende één maand ter inzage wordt gelegd. Het initiatief maakt de realisatie mogelijk van een 45 meter hoog reuzenrad aan het Havenfront van Oranjestad. Het project is bedoeld als een nieuwe toeristische attractie die kan bijdragen aan de versterking van het toeristisch product van Aruba en de aantrekkelijkheid van het centrum van Oranjestad. Het concept-wijzigingsplan ligt gedurende één maand voor eenieder ter inzage bij de Directie Infrastructuur en Planning (DIP). Belanghebbenden kunnen tot uiterlijk één maand na afloop van de termijn van de terinzagelegging hun zienswijzen bij de Minister indienen. Voor meer informatie kunnen geïnteresseerden contact opnemen met de Directie Infrastructuur en Planning (DIP). Draft Amendment Plan for Ferris Wheel in Oranjestad for public inspection The Minister of Labor, Energy and Integration, responsible for Housing, Infrastructure, Internal Services and Telecommunications, hereby announces that the draft amendment plan for the ROPV for the construction of a Ferris Wheel at the Renaissance Wind Creek Aruba Resort in Oranjestad will be available for public inspection for a period of one month. The initiative provides for the construction of a 45-meter-high Ferris Wheel at Oranjestad. The project aims to introduce a new tourist attraction that can contribute to strengthening Aruba’s tourism product and enhancing the attractiveness of downtown Oranjestad. The Draft amendment plan will available for public inspection at the offices of the Department of Infrastructure and Planning (DIP). Interested parties may submit written views to the Minister no later than one month after the conclusion of the public inspection period. For further information, interested parties may contact the Department of Infrastructure and Planning (DIP).

Plan di modificacion pa Reuzenrad na Oranjestad pa consulta publico

Oranjestad – 01 di september 2026 - Czigany Geerman ta empleado superior di Aruba Bank pa luna di juli 2026. E reconocemento aki ta refleha su dedicacion, iniciativa y compromiso fuerte cu nos clientenan y coleganan. Pa relax y refresca su mente, Czigany ta disfruta di un koffie. E momento simpel aki ta dun'e energia y enfoke pa sigui brinda e mihor di su mes tur dia. Pabien, Czigany, pa e reconocemento aki bon mereci y pa bo contribucion balioso na Aruba Bank.

Minister di Labor, Energia y integracion, encarga cu Vivienda, Infrastructura, Servicio Interno y Telecomunicacion, ta anuncia e cu un concepto di e plan di modifcacion di e ROPV pa construccion di un reuzenrad na Renaissance Wind Creek Aruba Resort, Oranjestad lo ta disponibel pa consulta publico pa un periodo di un luna. E iniciativa ta constisti den e construccion di un reuzenrad di 45 meter halto serca di Renaissance wind Creek Aruba Resort. E proyecto tin como meta di fortalece e producto turistico di Aruba y e attraccion di e centro di Oranjestad. Tur persona interesa por consulta e concepto di e plan di modificación di e ROPV na Directie Infrastructuur en Planning (DIP) durante e periodo di ter inzage. Interesadonan por presenta nan observacion (zienswijze) por escrito na e Minster no mas tarda cu un luna despues cu e periodo di consulta publico a finalisa. Pa mas informacion, por tuma contacto cu Directie Infrastructuur en Planning (DIP)

DIARAZON 2 september 2026

SPANTOSO REALIDAD A SALI NA CLA!

Misha ta riba payroll di Gobierno cu salario di Minister, firma pa Gerlien Croes Mientras pueblo ta wordo pidi pa hala faha mara, Gobierno a firma un deal directo cu compania di Misha Raymond pa nada menos cu Afl. 13.423 pa luna, mas Afl. 155 pa cada ora extra. E propio beschikking ta reconoce cu normalmente un aanbesteding mester a tuma

luga, pero Gobierno a opta pa haci uzo di un excepcion y duna e opdracht directamente. Afl. 13.423 pa luna ta un entrada na nivel sumamente halto, mientras pueblo ta tende diariamente cu mester economisa of cu HOFA mester bin pa spaar intrest.

e suma aki y unda ta e transparencia? Minister Gerlien Croes mester splica pueblo con Gobierno ta hustifica un deal asina cu placa publico. Pueblo tin derecho di sa unda cada florin ta bay!

Pregunta ta simpel: pakico deal directo, pakico

Aruba ta conoce e di 5 miyonario pa 2026 cu Lotto, E Loteria di Aruba! ORANJESTAD, Aruba – 1 di september, 2026: Diabierna anochi 28 di augustus tabata tin e sorteo miyonario di Mini Mega y Mega Plus. E numbernan ganado di Mini Mega pa diamars anochi tabata: 0204-20-23 y e Mega Ball: 12 y manera e resultado a wordo procesa a bin haya sa cu tin 1 solo ticket ganado pa Mini Mega y cu e jackpot adicional di Mega Plus cu na total tin e bunita suma di Afl. 1.150.000,-.

Diamars, Aruba ta sera conoci cu e di 5 feliz miyonario cu Lotto, e loteria di Aruba pa aña 2026. Josue ta conta cu

el a bay purba su suerte cumprando su numbernan vast na Ritmo Lottery y despues ta haya sa cu e tin e ticket miyonario cu e suma total di 1 miyon 150 mil florin!

Mini Mega su segundo premio tambe a conoce un total di 3 ganado cu cada uno a gana e bunita suma di Afl. 5.923,-. Ticketnan ganado a wordo gana na e siguiente lugarnan: Big Ten 5, Indio Stewart Lottery Santa Helena y Candy’s Lottery.

Lotto, E Loteria di Aruba tin diferente wega,

Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente

weganan di Instacash. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y

na mes momento inverti den deporte local pa medio di donacionnan na e comision di subsidio.

DIARAZON 2 september 2026

Parlamentario Hendrik Tevreden:

Incertidumbre y falta di direccion ta preocupa trahadornan di DPL

E parlamentario ta exigi claridad na e Minister encarga tocante e futuro di e departamento y proteccion di e mercado laboral local Oranjestad – Departamento di Progreso Laboral, DPL, tin un tarea cu ta fundamental pa Aruba: yuda hende local haya trabou, conecta dunadrnan di trabou cu buscadonan di trabou y contribui na proteccion di nos mercado laboral. Pero señalnan cu ta yega for di e propio departamento ta lanta preguntanan serio tocante con DPL ta funcionando actualmente.

Señalnan preocupante for di e propio departamento

ta suficientemente serio pa no wordo ignora. Pa e motibo aki, e parlamentario a dirigi preguntanan oficial na e Minister encarga pa e por actua cu e urgencia cu e caso aki ta rekeri.

Contraste entre discurso oficial y realidad interno

Mientras e departamento ta enfrenta e inaccion interno aki, Gobierno ta presenta iniciativa publico cu ta duna otro impresion:

Un trahado di DPL a acerca nos cu un relato preocupante. Segun e empleado, tin personal cu ta presenta na trabou pero cu pa mas cu un aña y mey practicamente no tin trabou pa haci. E empleado ta describi con ocho ora den oficina sin un tarea claro ta cuminsa afecta nan mentalmente. “Nos ta yega cas mas cansa door di no haci nada,” e empleado a bisa.

• Den juni, Gobierno a aproba un contract di USD 65.000 pa un ICT-assessment y un Quick Scan pa DIMAS y DPL cu e meta pa determina e inversionnan necesario pa futuro.

Segun e relato aki, tin coleganan cu 20, 25, 30 y hasta 35 aña di servicio cu nunca anteriormente a experiencia un situacion similar. E empleado a cuestiona e falta di un maneho cla y a expresa su preocupacion tocante e rol cu DPL ta hunga actualmente den proteccion di e mercado laboral local.

• Recientemente DPL a aparece atrobe como partner den e tercer edicion di e programa “In The Picture” pa integracion laboral. Caminda Gobierno a destaca cu den e edicion anterior 19 persona a logra drenta mercado laboral hunto cu ayudo di DPL.

Parlamentario Tevreden a enfatisa cu, maske e declaracionnan aki mester wordo verifica, nan

• Desde juli, parti di Directie Arbeid en Onderzoek (DAO) a munda temporalmente pa e edificio di DPL na Engelandstraat bou di e nomber di “continuidad” y "modernisacion".

internamente e empleadonan publico di DPL mes ta keda pa mas cu un aña y mey sin direccion ni un plan di trabou cla di parti di e Minister encarga.

Preguntanan clave na e Minister encarga Parlamentario Tevreden ta aclaria cu e meta di su accion no ta pa señala e trahadornan, sino pa exigi cu nan wordo scucha y yuda mas pronto posibel. Pa e motibo aki, e parlamentario a presenta e siguiente preguntanan oficial na e Minister: 1. Maneho: Kico ta e maneho actual y e vision pa DPL?

E parlamentario ta señala cu e contraste aki ta sumamente incomodo: mientras ta pidi e ciudadano pa activa su mes, prepara su mes y busca trabou,

2. Reestructuracion: Kico a cambia den e funcion di DPL despues di e cambionan relaciona cu DIMAS?

3. Resultadonan: Kico ta e resultadonan concreto di e Quick Scan? 4. Proteccion Laboral: Ken ta garantisa actualmente cu e mercado laboral local ta haya e proteccion cu ley ta exigi?

“Un departamento caminda personal capacita ta presenta diariamente sin haya trabou significativo pa haci, ta un señal cla di un falta di liderazgo y organisacion,” Parlamentario Tevreden a expresa. E parlamentario ta haci un yamada na Gobierno pa scucha e trahadornan, presenta un plan di accion cla y debolbe DPL su capacidad pa cumpli cu su meta principal: yuda e pueblo haya trabou y proteha e oportunidadnan pa nos hende local.

DIARAZON 2 september 2026

MEP ta exigi transparencia y claridad riba e prolongacion di ROPV te 2029 Minister Herde ta prolonga e ROPV te aña 2029 sin consulta cu ningun hende! buskeda di un cas pagabel, mientras otronan tin añanan ta warda riba un contesta pa nan peticion di tereno di erfpacht.

ORANJESTAD – Fraccion di MEP a dirigi un serie di pregunta parlamentario por escrito na Gobierno tocante e decision pa prolonga e validez di e Ruimtelijke Ontwikkelingsplan met Voorschriften (ROPV) te cu 17 di juli 2029. Fraccion di MEP ta sumamente preocupa, tanto cu e contenido di e decision aki como cu e manera cu Gobierno a yega na dje. Un decision di e magnitud aki, cu ta afecta directamente e desaroyo di Aruba durante e proximo tres añanan, no por wordo tuma sin informa Parlamento di antemano y sin duna pueblo di Aruba un splicacion cla.

sin haci e debida consultanan cu e instancianan relevante. E decision aki ta lanta ainda mas pregunta considerando cu diferente minister di e gabinete actual a expresa anteriormente den Parlamento cu ta urgente pa adapta e ROPV. Gobierno mes a reconoce cu e cambionan aki ta necesario pa crea espacio pa construccion di cas, diversificacion economico y proyectonan di energia sostenibel (manera un parke nobo di molina di biento). Si Gobierno mes ta consciente cu e ROPV actual ta frena e desaroyonan aki, Fraccion di MEP kier sa pakico a opta pa prolonga e mesun restriccionnan aki te cu 2029.

Pa e motibo aki, MEP ta exigi pa Gobierno presenta cifra y datanan concreto tocante: • Cuanto peticion pa tereno pa vivienda ta pendiente actualmente. • Cuanto peticion a drenta den 2025 y cuanto di nan a wordo procesa. • Cuanto tereno Gobierno realmente tin disponibel y cuanto ta planea pa pone disponibel den 2026, 2027 y 2028.

Impacto riba vivienda y escasez di terreno

• Y cua ta e criterionan cu Gobierno ta uza pa determina prioridad den e dunamento di tereno.

Un di e retonan mas grandi cu Aruba ta enfrentando actualmente ta e escasez agudo di vivienda y tereno. Pa Fraccion di MEP, e situacion aki ta sumamente preocupante, mirando cu hopi famia y hoben Arubiano ta den

Ademas, Fraccion di MEP ta boga pa un sistema transparente caminda cada ciudadano por sigui status di su peticion di cerca, enfatisando cu tereno di Gobierno ta pertenece na pueblo y mester wordo parti di forma husto,

Falta di transparencia y consulta Fraccion di MEP ta considera totalmente inaceptabel cu Parlamento, como representante di pueblo, mester haya sa via prensa cu Gobierno a tuma un decision di e trascendencia aki pa futuro di nos pais. E fraccion ta cuestiona seriamente con por ta posibel cu un minister ta prolonga e ROPV

“Gobierno no por, na un banda, reconoce cu Aruba tin un problema serio di vivienda y, na otro banda, prolonga e reglanan existente sin splica con esaki lo yuda soluciona e crisis aki, crea mas cas y pone mas tereno disponibel pa nos pueblo,” Parlamentario Dangui Oduber a expresa transparente y sin privilegio.

MEP ta completo

exigi

transparencia

Por ultimo, e fraccion a solicita pa Gobierno entrega copia di tur conseho por escrito, nota oficial, memo, analisis y un relato cronologico completo di e proceso cu a forma e base pa e decision di prolonga e ROPV te 2029. MEP ta reitera cu pueblo di Aruba tin derecho di sa kico a motiva e decision aki y ta exigi transparencia completo, contestanan concreto y un vision cla pa e futuro di nos pais. Pa MEP, e pregunta central ta keda: Con Gobierno kier soluciona e crisis di cas, crea oportunidad pa diversificacion economico y haci espacio pa energia sostenibel, si na mesun momento Gobierno mes ta extende e reglanan cu ta frena esaki te 2029?

DIARAZON 2 september 2026

Minister Dowers:

Contacto cu UNOPS relaciona cu proyecto di prizon nobo ta sigui reunion aki a dialoga riba e experencia di UNOPS den duna asistencia tecnico, maneho di proyecto y supervision financiero di proyectonan publico.

E contacto cu UNOPS a surgi tambe mirando e experencia cu e organisacion tin na Sint Maarten, unda UNOPS ta duna asistencia den e desaroyo di e institucion coreccional nobo na Point

Durante su bishita na Corsou relaciona cu e Justitieel Vierlandenoverleg, Minister di Husticia, Integracion, Transporte Publico y Energia, mr. drs. Arthur Dowers, a tene un reunion cu Giuseppe Mancinelli, Deputy Regional Director for Latin America and the Caribbean di United Nations Office for Project Services (UNOPS), relaciona cu e proyecto di un prizon nobo na Aruba.

Ta pa algun tempo caba cu reunionnan ta tuma luga

entre Minister Dowers y ehecutivonan di UNOPS pa mira e posibilidadnan pa cooperacion den e desaroyo di un instituto coreccional nobo pa Aruba.

Na comienso di 2026, durante su bishita na Sint Maarten, Minister Dowers a reuni cu ehecutivonan di UNOPS. Durante e

Blanche. E proyecto ta inclui asistencia tecnico pa e diseño y supervision di e implementacion di e infrastructura, cu atencion pa resiliencia, siguridad y condicionnan digno pa detenidonan.

Pa Aruba, e experencia di UNOPS cu e proyecto na Sint Maarten ta relevante den e proceso pa mira e posibilidad pa un prizon nobo. E situacion actual di

KIA ta haci cu e desaroyo di un institucion coreccional moderno ya no ta opcion sino un necesidad y tin atencion di e mandatario di husticia.

E reunion na Corsou ta forma parti di e contacto continuo entre Aruba y UNOPS, unda ta sigui explora e posibilidadnan pa cooperacion y asistencia tecnico pa e proyecto di prizon nobo pa Aruba.

DIARAZON 2 september 2026

Minister Geoffrey Wever

ta comparti cu den 2025 FreeZone Aruba ta bolbe haci ganashi pa di dos aña, despues di añanan di perdida ORANJESTAD – Minister di Finansa, Asunto Economico y Sector Primario, Geoffrey Wever ta comparti cu despues di un proceso profundo di reorganisacion, FreeZone Aruba NV ta cera su cuenta annual 2025 cu resultado positivo pa di dos aña consecutivo y ta sigui prepara pa un fase nobo di crecemento y desaroyo. Minister Geoffrey Wever, den su capacidad como representante di Land Aruba como unico accionista di FreeZone Aruba NV, a reuni cu Director Walter Mosher y e Raad van Commissarissen di FreeZone Aruba NV pa e ‘Algemene Vergadering van Aandeelhouders’, durante cual e Minister a aproba e cuenta annual pa aña financiero 2025. E aprobacion ta representa un paso importante den e proceso di reorganisacion y profesionalisacion cu FreeZone Aruba NV a pasa aden durante e ultimo añanan. A instala un Raad van Commissarissen profesional nobo y, na februari 2026, Sr. Walter Mosher a inicia como Director nobo di FreeZone Aruba NV. Pa varios aña, FreeZone Aruba NV tabatin un atraso considerabel den su aprobaccion di cuentanan annual (jaarrekening). Como parti di e reorganisacion, e organisacion a traha duro pa percura cu FreeZone Aruba y gobierno ta completa un trayectoria largo pa logra trece e aprobacion di e cuentanan annual al dia, despues di varios aña di retraso den e aprobacion di e cuenta annual. Awor, cu e cuenta annual di 2025

completa y aproba, FreeZone Aruba NV ta completamente al dia cu su approbacion di e cuentanan annual. E cuenta annual di 2025 ta mustra un resultado positivo, cu Afl. 2,0442,222 miyon na entrada, mientras cu gastonan operacional a conoce un reduccion significante. Ademas, e auditor externo a emiti un ‘goedkeurende verklaring’ riba e cuenta annual. Na maart 2026, FreeZone Aruba NV a anuncia un ganashi preliminar di Afl. 482.000 pa 2025; e cuenta annual aproba awor ta formalisa e resultado financiero di e aña cu Afl 484.305 den ganashi. E resultado di 2025 ta specialmente significativo ora compara esaki cu e situacion di algun aña pasa. Despues di varios aña di perdida, FreeZone Aruba NV, casi bancarota, awor a logra su prome resultado positivo na 2024. E resultado di 2025 ta confirma un di dos aña consecutivo cu ganashi, un señal cu e cambionan structural cu a wordo implementa y pasonan concreto cu e wordo tuma, ta produciendo resultado real. Minister Wever ta considera e desaroyo aki un logro importante, no solamente pa FreeZone Aruba NV, sino tambe den e esfuerso mas amplio pa fortalece y diversifica economia di Aruba. “Dos aña pasa nos tabata para dilanti di un organisacion cu un atraso di hopi aña den su aprobacion di cuentanan annual y cu tabata enfrenta perdida grave, na e punto di bancarota. Awe, nos por mira un FreeZone Aruba NV

cu su administracion financiero na ordo, cu dos aña consecutivo di resultado positive cu ganashi y cu un direccion cla pa futuro. Esaki ta resultado di hopi trabou y esfuerso, y mi kier gradici Raad van Commissarissen, Director y henter e team di FreeZone Aruba NV pa nan compromiso durante e proceso aki y cu hunto, a realisa e logro grandi aki.” E sanamento financiero y administrativo ta solamente un parti di e transformacion. FreeZone Aruba NV ta preparando varios siguiente paso pa sigui modernisa y fortalece su posicion como instrumento di Aruba pa atrae y stimula inversion y actividad economico nobo. Na mes momento, tin movimiento concreto den atrae actividad comercial nobo. Actualmente, tin varios empresa nobo den proceso

pa establece nan mes den e FreeZone den e lunanan binidero. E desaroyonan ta sigui riba e rumbo cu Gobierno y FreeZone Aruba NV a inicia cu introduccion di e Landsbesluit Toegestane Dienstverlenende Activiteiten cu wordo introduci e ana aki, cu tin como meta pa reposiciona FreeZone Aruba NV, atrae inversion y diversificacion economico. “Nos a pone e fundeshi na ordo. Awor e siguiente fase ta pa sigui construi riba dje. Tin hopi movimiento y varios desaroyo importante riba caminda pa FreeZone Aruba NV. E meta ta pa crea un FreeZone moderno y competitivo cu por contribui activamente na diversificacion di nos economia y crea oportunidad nobo pa Aruba,” Minister Wever a finalisa.

DIARANZON 2 DI SEPTEMBER 2026

Parlamentario Dangui Oduber

Situacion financiero critico na Hospital: Minister Wyatt Ras ta keda silencioso mientras cuido medico ta deteriora hospital a alcansa un punto unda cierto provedornan a cuminsa nenga di entrega medicamento na e institucion, sea pasobra nan NO ta ricibi pago of pasobra e pagonan ta tarda demasiado. Informacion ta circulando cu e situacion financiero di Dr. Horacio E. Oduber Hospital (HOH) ta den un estado precario y delicado. Loke ta causa gran preocupacion ta e echo cu ta parce cu Aruba ta carece di un Minister di Salud Publico activo. Ningun hende ta scucha di dje, e no ta presenta vision ni maneho, y no tin ningun mehoracion den e calidad di cuido medico. Al contrario, e situacion den e sector di salud a sigui deteriora: tin un escasez agudo di dokter di cas, e listanan di espera pa diferente specialismo a bira mas largo, e temponan di espera a aumenta y e cuido medico en general ta parce di ta navegando sin rumbo ni direccion concreto. Esaki ta e resultado directo di pone un persona cu no ta apto ni capacita pa lidera un cartera di e magnitud aki. Hospital sin medicamento y un Minister cu no ta duna cara E panorama a bira mas alarmante awor cu e situacion financiero di

Dicon tin un silencio hermetico, mientrastanto e situacion ta empeora dia pa dia? Kico e Minister tin di sconde cu no ta bin Parlamento pa duna un splicacion detaya?

splica e situacion real di hospital. Ademas, ta keda e pregunta habri: dicon te cu awor e proyecto di renobacion y construccion di hospital no a wordo

entrega oficialmente, si desde september 2025 Parlamento a haya un invitacion pa e entrega di e proyecto aki?

E pueblo aki merece transparencia, accion y un liderazgo cu ta duna cara, no un silencio cu ta pone bida di hende den peliger

Feliz dia miembronan di prensa

Un Minister di Salud Publico tin e deber constitucional y e responsabilidad moral di informa pueblo y Parlamento riba situacionan cu ta afecta directamente e calidad di cuido y e servicionan di salud. No ta aceptabel pa un mandatario haci su mes invisible pa e pais y pretende di goberna den scuridad y silencio. Aruba nunca antes a presencia un abandono ministerial di e magnitud aki, caracterisa pa un falta total di vision, maneho y direccion. E salud y e bida di nos pueblo ta sagrado y no ta asuntonan pa hunga cune. Rendimento di cuenta y e proyecto di hospital Nos ta expone e situacion aki pa exigi pa Minister Wyatt Ras asumi su responsabilidad y sali

Di parti di Comite Olimpico Arubano, ta desea boso un feliz dia di prensa! Nos ta balora y aprecia boso sosten y colaboracion a traves di e comunicadonan di prensa di nos cu boso ta comparti, asina brindando un apoyo grandi na promove Olimpismo, deporte y mas importante nos atletanan. Danki!!

P 10

DIARANZON 2 DI SEPTEMBER 2026

Minister Wendrick Cicilia:

Proyecto AWE ta conecta e hobennan cu oportunidad real enfatisa cu mester mira barberia como un profesion cu ta exigi dedicacion, disciplina y responsabilidad. “Barberia ta un trabou serio y no djis un hobby,” Marin a expresa. Den su fase inicial, proyecto AWE lo ofrece cinco tipo di workshop profesional den areanan cu ta den demanda riba mercado laboral:

Oranjestad - Bou di e lema “Siña AWE, lidera mañan”, iniciativa AWE ta enfoca riba empodera y brinda sosten na un grupo di aproximadamente 10 te 15 hoben entre 16 y 35 aña, pa medio di oportunidadnan educativo, desaroyo personal y preparacion profesional. E proyecto tin como meta inverti directamente den futuro di e hobennan cu posiblemente no semper tin acceso na oportunidadnan cu por yuda nan crece personalmente y profesionalmente. Su vision ta pa crea un ambiente di apoyo, caminda participantenan por descubri nan talento, fortalece nan autoestima, desaroya habilidadnan practico y prepara nan mes pa un futuro laboral mas sigur y exitoso. E prome grupo lo participa na workshopnan di barberia, cu lo tuma luga dia 7, 14, 21 y 28 di september. Durante e sesionnan, e participantenan lo haya conocemento practico, experiencia “hands-on” y guia pa explora opcionnan di empleo of pa eventualmente cuminsa nan propio negoshi. Alcides Marin, propietario di STASH, a

•

Barberia

•

Bartender y preparacion di bebida

•

Atencion y servicio na cliente

•

Tecnicanan di huña acrilico

•

Aplicacion di lashes

Ademas, e proyecto lo brinda acceso na workshopnan di desaroyo personal y profesional, entrenamento vocacional, lesnan certifica, sosten educativo y oportunidadnan relaciona cu scol. Tambe lo brinda sesionnan di emprendemento y educacion financiero, mentoria, coaching personal, guia pa profesion y planificacion di futuro. Ataniro a haci un yamada na comunidad y tur instancia envolvi pa brasa proyecto AWE y contribui na crea mas oportunidad pa nos hobennan. “Brasa e proyecto aki. No tur porta cu ta cera, ta cera na yabi. Tin biaha bo mester pusha un tiki p’e habri,” Ataniro a expresa.

Minister Wendrick Cicilia, di su banda, a enfatisa cu nos hobennan tin balor, no obstante e obstaculonan cu nan por a enfrenta den bida. Segun e mandatario, no por warda pa hobennan bin busca oportunidad. Mester bay directamente den bario, busca e hobennan, identifica nan talento, tende nan necesidad y conecta nan cu oportunidadnan real. “Nos hobennan tin balor, no obstante e obstaculonan cu nan tabatin den bida. Nos mester bay den bario, busca nan y conecta nan cu oportunidadnan cu por yuda nan crece personal y profesionalmente,” Minister Cicilia a expresa. E obhetivo di AWE no ta solamente educa, sino tambe crea oportunidadnan real pa participantenan drenta mercado laboral, cuminsa nan propio negoshi of continua cu nan estudio. Pa medio di e iniciativa, e hobennan lo haya habilidadnan practico, motivacion, confiansa y guia cu por tin un impacto positivo y duradero riba nan futuro. Minister Cicilia a reafirma cu inverti den hobennan ta un di e miho maneranan pa fortalece comunidad. Door di brinda nan e hermentnan, conocemento y oportunidadnan cu nan mester, Aruba por contribui na forma lidernan futuro cu ta responsabel, motiva, independiente y prepara pa enfrenta e retonan di mañan.

P 11

DIARANZON 2 DI SEPTEMBER 2026

Parlamentario Shailiny Tromp-Lee:

Prensa liber y responsabel ta un pilar importante di nos democracia Awe, en conexion cu Dia di Prensa, nos ta extende nos mas caluroso felicitacion y profundo danki na tur periodista, reportero, fotografo, camarografo y profesional di medionan di comunicacion. Awe nos ta celebra boso dedicacion, pasion y e compromiso incansabel cu boso ta mustra diariamente pa mantene nos comunidad informa. E tarea di prensa ta bay hopi mas leu cu simplemente raporta e noticianan di dia. Prensa tin e mision vital di actua como e wowo

y oido di pueblo, sirbiendo como e di cuater poder den nos sociedad. Boso trabou ta instrumental pa: • P r o m o v e Transparencia: Trece informacion obhetivo y verifica na luz di dia, garantisando cu nos ciudadanonan por forma nan mesun opinion basa riba echonan concreto. • E x i g i Accountability: Sirbi como un controlado independiente cu ta exigi cuenta na institucionnan publico, priva y

mandatarionan. • Duna bos na e Comunidad: Creando un plataforma unda tur sector di nos sociedad, specialmente esnan cu tin menos bos, por wordo scucha. •

F o r t a l e c e

democracia: Protehe e libertad di expresion, e derechonan humano y e estado di derecho. Den e era digital actual, unda desinformacion y 'fake news' ta circula cu rapidez, e labor di un prensa etico, husto y profesional ta mas

crucial cu nunca. Buskeda di e veracidad ta exigi curashi, imparcialidad y un altisimo sentido di responsabilidad social. Algo cu constantemente ta esencial. Masha pabien na tur profesional di prensa den nos pais!

P 12

DIARANZON 2 DI SEPTEMBER 2026

FOR DI GARA 2.0 TA PONE MAS DI 300 HÓBEN PENSA:

E TA KOREKTO? Mas di 300 hóben na Boneiru a partisipá djamars 25 di ougùstùs 2026 na For di Gara 2.0, un tayer tokante influensia i eksplotashon kriminal. Nan a deskubrí kon un hende por haña mas i mas influensia riba bo paso pa paso, i kon importante ta pa rekonosé na tempu ku algu no ta korekto. Tres eksperto di eksperensia propio a kompartí nan historia personal i a papia ku e hóbennan tokante eskoho, konsekuensia i e influensia di nan ambiente. Eksplotashon kriminal no semper ta kuminsá ku algu ku ta sinti malu mesora. E por kuminsá ku un rekompensa, atenshon èkstra, e deseo pa pertenesé na un grupo, mester tene algu sekreto òf preshon pa disidí lihé. P’esei ta importante pa hóbennan siña rekonosé e diferente formanan di influensia aki. Durante e tayer tabatin kuater forma sentral: rekompensa, atenshon i pertenesé na un grupo, sekresia i preshon di tempu. Ku ehèmpelnan rekonosibel, e hóbennan a papia tokante esaki ku e ekspertonan di eksperensia propio.

Storianan personal ta hasi e konsekuensianan visibel E tres ekspertonan di eksperensia propio a papia ku e hóbennan for di nan mes eksperensia. Nan a konta tokante e influensia di amigunan i nan ambiente, e deseo pa pertenesé, eskoho robes i e konsekuensianan di esakinan. Tambe a bini e pregunta dilanti: ken ta bo amigunan i kon nan ta influensiá e eskoho ku bo ta hasi? Tambe nan a papia tokante loke eskoho robes por nifiká despues pa skol, trabou i oportunidatnan den futuro. Un di e ekspertonan di eksperensia propio a yama un deklarashon di bon kondukta (Verklaring Omtrent het Gedrag) (VOG) asta “bo di dos diploma”. Pa sierto estudio, stage i trabou bo mester di un VOG. Si bo a bini den kontakto ku hustisia, esaki por hunga un papel despues ora bo mester di un VOG. E kombersashonnan no tabata solamente tokante loke por bai robes. E ekspertonan di eksperensia propio tambe a enfatisá ku hóbennan mes tin influensia riba e rumbo ku nan bida ta bai.

Tambe si bo a hasi eskoho robes, bo por skohe un otro direkshon. Un di e ekspertonan di eksperensia propio a ekspresá esaki asina: “Al final abo mes ta esun ku ta motivá bo mes positivamente òf negativamente. Mi tin un yu di 9 luna. Boso ta e futuro. Kisas un di boso lo ta su maestro, su coach òf un otro hende ku lo hunga un papel importante den su bida. E eskoho ku boso ta hasi awor ta konta.” E ta korekto? Un mensahe importante

ku e hóbennan a haña ta pa no sigui otro outomátikamente ora un hende pidi nan hasi algu. Nan ta ofresé bo algu? Bo mester tene algu sekreto? Bo ta sinti preshon pa disidí lihé? Para ketu un ratu i puntra bo mes: Esaki ta korekto? Si algu no ta sinti bon, para. Pensa. Papia ku un hende ku bo ta konfia. Traha huntu konsientisashon

For di Gara 2.0 ta parti di e programa anual tokante Trafikashon- i kontrabanda di hende

na Hulanda Karibense. Dentro di e enfoke aki, Ministerio di Hustisia i Seguridat, RIECCN, IND Hulanda Karibense, JICN, KPCN i e skolnan di enseñansa sekundario ta traha huntu pa prevení i rekonosé eksplotashon. Ku ‘For di Gara’ ta pone atenshon riba eksplotashon kriminal bou di hóbennan. No ta solamente hóbennan tin un papel den esaki. Mayornan, skolnan i otro hendenan den nan ambiente por yuda tambe pa medio di rekonosé señalnan i papia tokante nan.

P 13

DIARANZON 2 DI SEPTEMBER 2026

Parlamentario Eduard Pieters:

“Gobierno no por entrega poder di Aruba sin cu Parlamento tin e prome palabra

Esaki ta un cuestion fundamental di nos constitucion y autonomia” Aruba. Articulo 3: finansa di Aruba no ta asunto di Reino

Rijkswet HOFA no ta simplemente un acuerdo pa Aruba haya interes mas abou of pone su finansa na ordo. Segun lider di fraccion di PPA, Eduard Pieters, e debate ta mishi cu algo hopi mas fundamental: e posicion autonomo di Aruba dentro di Reino Hulandes y autoridad di Parlamento di Aruba según nos Constitucion. Pieters a dedica parti importante di conferencia di prensa di PPA pa splica, pakico PPA ta contra e Rijkswet y cu no por present’e como si PPA ta contra supervision, disciplina financiero of cooperacion cu Hulanda. “Nos no ta contra supervision. Nos no ta contra reduccion di interes. Nos no ta contra pone nos finansa na ordo.” E pregunta, segun Pieters ta, si e construccion cu a scoge ta respeta nos Statuto, nos Constitucion y autonomia di

Pieters a bay bek na e base constitucional di Reino.El a señala Articulo 3 di Statuto, cu ta determina cual asunto ta responsabilidad di Reino, incluyendo defensa, e relacionnan exterior y nacionalidad di Reino Hulandes. Su punto politico ta, cu maneho financiero interno di Aruba no ta menciona como un asunto di Reino. Pa Pieters, esey ta crucial. Aruba a lucha y a acepta libremente su posicion como pais autonomo dentro di Reino. Cooperacion tin su lugar, pero autoridad di Aruba cu NO ta entrega na Reino, no por simplemente ta añadi via un construccion financiero pa medio di un ley di Reino (Rijkswet). Articulo 38: cooperacion mester ta realmente liber Pieters a señala despues na Articulo 38 di Statuto, cu ta ofrece posibilidad pa e paisnan dentro di Reino traha hunto via acuerdo mutuo. E palabranan clave, segun Pieters, ta libremente y cooperacion. Pieters ta argumenta cu cooperacion ta perde su caracter voluntario, si un pais den un crisis economico ta haya acceso na financiamento,

solamente bou condicion cu e acepta un cambio profundo den su leynan local y Statuto. El a pone e contexto den periodo di COVID, ora Aruba su economia a sufri un golpi extraordinario. “Bo ta na rudia, bo economia a cay, bo mester placa. Anto nan ta bisa: mi ta presta bo, pero bo mester acepta di entrega bo dignidad y kibra bo Constitucion. Esey ta ‘vrije samenwerking’?” Pa Pieters, esey ta e pregunta cu Gobierno no por evita. Si bo kier cambia e relacion, Statuto tin un procedimento Pieters a señala tambe na Articulo 55 di Statuto, cu ta regla e procedimento pa cambio di Statuto. Su argumento ta simpel: si Aruba kier entrega of modifica un parti fundamental di su autoridad autonomo ancra den nos Constitucion y Statuto, no por haci esey indirectamente. Tin un procedimento largo y rigoroso pa ora kier haci un cambio. Si kier haci un cambio, uza e procedimento ey. Pa Pieters, esaki ta exactamente pakico e debate rond di HOFA no por ta reduci na “Hulanda ta ofrece interes mas abou.” E pregunta ta kico Aruba ta acepta structuralmente na cambio.

A pasa riba Parlamento Pero Pieters su critica no ta solamente dirigi na Hulanda. E ta responsabilisa directamente Gobierno actual di Aruba. Segun Pieters, e Gobierno actual a aproba e propuesta di Rijkswet y a manda e proceso dilanti na nivel di Reino, sin trece e asunto na tempo na nos Raad van Advies y prome na Parlamento di Aruba pa un debate substancial. Pieters ta considera esey particularmente preocupante pasobra, algun di e mesun politiconan cu awe ta minister, anteriormente a sostene e acuerdonan haci durante un IPKO, pa e.o. tur Consensus Rijkswet mester haya sosten di Parlamento prome cu e bay Conseho di Minister di Reino. “Awor cu nan ta minister, nan a lubida loke nan mes a palabra.” Una vez e propuesta ta den proceso legislativo di Reino, Pieters ta señala, influencia directo di Parlamento di Aruba ta bira hopi mas limita. Precisamente p’esey el a bay Hulanda anteriormente na april 2026 pa papia cu e fraccionnan politico aya na Hulanda y splica e preocupacionnan Constitucional, di Statuto y di progreso di Aruba denter di Reino Hulandes.

No ta un pelea contra Hulanda Pieters ta rechasa tambe cualkier intento pa presenta e posicion como antiHulanda. Aruba ta forma parti di Reino riba base di igualdad, ekidad y cooperacion. Precisamente p’esey, e relacion entre e paisnan mester respeta e marco huridico cu nan mes a acorda. Pa PPA, e linea ta cla: Supervision si. Cooperacion si. Disciplina financiero si. Pero no pasa riba Statuto, Constitucion, Parlamento y autonomia pa logra esey. Pasobra, segun Pieters, e decision cu ta tuma awe no ta solamente pa e Gobierno actual. E por determina cuanto autoridad Aruba lo tin mañan. Esaki nos kier laga como legado na nos yiunan? Con sostenibel esaki ta? Gobierno AVPFUTURO su decision ta perhudica e Constitucion di Aruba cu tanto a lucha p'e y nos no lo por lag'e pa nos futuro generacionnan. “Esaki no ta solamente un cuestion di finansa. Ta un cuestion fundamental di nos autonomia y Gobierno no por entrega esey sin pueblo su bos, via su Parlamento, ya cu Parlamento tin e prome palabra.”

P 14

DIARANZON 2 DI SEPTEMBER 2026

Parlamentario Eduard Pieters:

“Un minister cu nada tin di sconde, simplemente por mustra e evidencia” a paga? Y pa ki periodo? Y ta cla cu e asunto. Esey mester por ta algo masha simpel.” Segun Pieters, e insistencia pa haya e informacion no ta pa crea sospecha of acusa un minister sin prueba. Al contrario, hustamente transparencia ta e instrumento cu por elimina tur duda. E pregunta no ta solamente ken a paga Transparencia tocante biahe di trabou no ta curiosidad politico, ta proteccion contra conflicto di interes, abuso di poder y ta conforme nos Constitucion. Un biahe di trabou di un minister no mester automaticamente bira un controversia. Pero ora pregunta ta surgi tocante ken a paga, kico a paga y pa ki periodo, Parlamento tin derecho di haya contesta cla. Esey ta e posicion cu lider di fraccion di PPA, Eduard Pieters, ta trece dilanti, poniendo e debate den un contexto hopi mas grandi cu un solo biahe: responsabilidad ministerial, transparencia y proteccion di integridad di Gobierno. Mas ainda ta e deber constitucional di un minister pa responsabilisa su mes na Parlamento. Esaki ta basa riba articulo II.1 inciso 3 di nos Constitucion “Staatsregeling”. “Si ta un biahe di trabou y no tin nada di sconde, mustra e evidencia. Ken a paga? Kico

Pa Pieters, un gobernante ta ocupa un posicion cu ta trece poder, influencia y acceso. P’esey tin regla y mecanismo di control, cu no ta existi pa molestia un minister, sino pa proteha tanto e integridad di e cargo como confianza di pueblo. Un tercero por paga un biahe, ofrece hospitalidad of entrega un regalo. Esey no necesariamente ta significa cu algo ilegal a pasa. Pero yn minister tin e deber di declara esaki. Di otro banda Parlamento mester por determina ken ta financia kico y den ki contexto, netamente pa evita cu despues por surgi duda tocante conflicto di interes of influencia indebido. “Dia di mañan un hende por bin cu un biahe of un regalo. E pregunta ta: kico tin tras di dje? P’esey transparencia ta importante.” Segun Pieters, integridad no mester depende di confianza ciego den un gobernante. E sistema mes mester ta suficientemente

transparente pa un ciudadano por confia cu e decisionnan publico no ta influencia door di interes priva. Responsabilidad na Parlamento no ta opcional Pieters ta pone e asunto directamente den contexto di responsabilidad ministerial. Parlamento tin e tarea di controla Gobierno. Minister, na su turno, tin e obligacion constitucional di responsabilisa su maneho politicamente na Parlamento. P’esey, segun e lider di fraccion, ora Parlamento pidi documentacion of evidencia tocante un asunto cu ta involucra un miembro di Gobierno, e reaccion no por trata e pregunta, como si fuera un atake personal. “Nos no ta pidi esaki pa haci show. Nos trabou den Parlamento ta pa controla. Un minister mester responsabilisa su mes.” Pieters ta considera preocupante si den un democracia moderno, Parlamento mester sigui insisti pa haya informacion cu por aclarea un asunto relativamente simpel. Transparencia ta proteha e minister tambe Pieters ta enfatisa cu transparencia tampoco mester ta interpreta automaticamente como acusacion. Si e biahe tabata completamente legitimo,

e documentonan mes por elimina cualkier duda. Mustra ken a paga. Mustra kico a paga. Mustra e periodo y naturaleza di e biahe. Y laga e hechonan papia pa nan mes. Esey, segun Pieters, ta mihor tanto pa Parlamento como pa e minister concerni. “Nos ta biba den un Estado di Derecho. Nos no por acusa hende sin evidencia, pero Gobierno tampoco por pidi Parlamento pa simplemente mira otro banda.”

Pa PPA, e principio ta simpel: poder publico mester bin cu responsabilidad publico. Un minister no ta un ciudadano priva, ora e ta actua den su funcion. E ta un mandatario cu mester por splica su actuacion na Parlamento y via Parlamento, na pueblo.“Si nada tin di sconde, transparencia no mester ta un problema. E mester ta e contesta,” Eduard Pieters a finalisa bisando.

P 15

DIARANZON 2 DI SEPTEMBER 2026

Minister Geoffrey Wever:

Yamada na tur criador: benta di bestianan existente di Santa Rosa den preparacion pa yegada di bestia nobo Oranjestad – Pa prome biaha den 14 aña, Aruba lo importa bestia nobo pa cria, introduciendo genetica nobo cu lo contribui na fortalecemento di cria local y na un produccion mas sostenibel pa nos comunidad. Den preparacion pa e yegada di e bestianan nobo, Santa Rosa lo bende parti di su bestianan existente den un

loting cu lo tuma luga otro siman. Den preparacion pa yegada di e bestianan nobo, Directie Landbouw, Veeteelt, Visserij en Markthallen (DLVV), miho conoci como Santa Rosa, ta habri oportunidad pa criadornan local cumpra parti di e bestianan existente. E bestianan

cu actualmente ta wordo ofreci pa benta ta porco y padrotnan di cabrito jongadulto y adulto. E plan di DLVV ta stipula cu e porconan existente y un grupo selecta di cabrito macho lo wordo bendi, mientras cu un grupo selecta di bestia lo keda pa forma parti di e programa di cria renoba.

nan interes y registra pa e loting cu lo tuma luga otro siman.

E Minister di Finansa, Economia y Sector Primario, Geoffrey Wever, ta invita tur criador interesa y registra na Santa Rosa pa tuma contacto cu DLVV e siman aki, indica

Pa por cumpra bestia di DLVV, e interesado mester ta registra como agricultor y/of criador na DLVVSanta Rosa y cumpli cu e condicionnan estableci pa tene bestia.

Oracion Di Dia

Segun e procedimiento estableci, cada comprador por cumpra un maximo di dos bestia; e bestia selecta ta wordo pisa, pago ta tuma luga na caha di DLVV y e comprador ta responsabel pa transporte.

Criadornan interesa por tuma contacto cu Santa Rosa na 585-8102 y puntra pa Sr. Edward Berben of Sra. Carola Geerman pa mas informacion tocante e benta y e proceso di loting, cu lo tuma luga otro siman. Den curso di otro siman, Minister Wever lo comparti mas informacion tocante e importacion di e bestianan nobo, e genetica nobo y e beneficio cu esaki lo trece pa sector primario di Aruba. Esaki ta stapnan concrete pa fortelece e sector primario pa e bienesta di pais Aruba.

Un feliz dia fructifero cu hopi bendicion y gracia di Dios. Hesus ta bisa pa tene cuidou cu e doctornan di ley y e Fariseonan! Mateo 23, 23-26 Dios ta spera di nos pa nos tin un curason di amor y compasion pa nos prohimo, autentico no di apariencia. Loke ta conta pa Dios ta un curason limpi. Den e Evangelio di awe Hesus ta adverti nos firmemente contra hipocresia. E ta pidi nos pa nos no ta manera e fariseonan, kendenan tabata preocupa hopi cu e normanan externo, y ta laga un banda loke si ta mas importante di Ley: husticia, misericordia y fe. Hesus ta exigi pa nos ”limpia prome e parti paden di e copa”, pasobra e berdadero conversion ta cuminsa den curason. E limpiesa interior aki ta locual ta duna nos paz y firmesa cu San Pablo ta pidi nos den e prome lectura p’asina nos no laga ningun temor di mundo tambalia nos fe. Ora nos curason ta sano, nos por canta cu alegria mescos cu e Salmo 96: "Ban canta pa Señor, E ta rey di universo!” Oracion: Señor nos Dios, haci nos interior limpi di hipocresia. No laga nos biba djis di aparencia, ma laga nos practica amor y compasion cu nos prohimo. Concede nos un spirito firme pa mantene nos uni na Bo enseñansanan y haci di nos bida un canto di alabansa na Bo grandesa. Amen.

P 16

MINISTER ARTHUR DOWERS DI BISHITA CERCA GOBERNADOR DI CORSOU Durante su bishita na Corsou relaciona cu e reunionnan di Justitieel Vierlandenoverleg (JVO), Minister di Husticia, mr. drs. Arthur Dowers, a atende un audiencia na Gabinete di Gobernador di Corsou, caminda S.E. Gobernador Mauritsz de Kort a ricibi e mandatario di husticia di Aruba. E audiencia a tuma luga na Fort Amsterdam, caminda Minister Dowers y Gobernador De Kort a tene un encuentro den un ambiente cordial. Na final di e audiencia, Minister Dowers a obsekia S.E. Gobernador De Kort un buki di monumentonan di Aruba como muestra di aprecio pa e audiencia ricibi.

DIARANZON 2 DI SEPTEMBER 2026

SUDOKU