Diarazon september 23 2026

P1

DIARAZON 23 SEPTEMBER 2026

23 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

TRANSPARENCIA SELECTIVO DEN MANEHO PUBLICO:

E DOBEL STANDARD DEN E ACCIONNAN DI GOBIERNO Fiscal a presenta 3 acusacion y pidi pa declara e sospechoso liber di un acusacion

MIEMBRO DI GUARDA COSTA SOSPECHA DI A HORTA MOTOR DI BOTO, HORTA MUNICION Y PISCA CALCO Minister Geoffrey Wever:

GOBIERNO TA FIRMA AREGLO DI DEPOSITO CU SVB PA BAHA COSTO DI FINANCIAMENTO Y SIGUI REDUCI DEBE DI ARUBA

P2

DIArazon 23 september 2026

Minister Geoffrey Wever:

ta sigui explora opportunidad nobo pa comercio y inversion cu Colombia ORANJESTAD – Minister di Finansa, Economia y Sector Primario, Geoffrey Wever ta indica cu 21 y 22 di September, Aruba a ricibi un delegacion di 19 compania Colombiano den cuadro di un Mision Comercial Exploratorio organisa pa ProColombia. E mision ta enfoca riba conecta comerciante Colombiano cu mercado Arubano, identifica oportunidadnan concreto pa comercio y crea y fortalece relacionnan comercial sostenibel entre Aruba y Colombia.

E companianan participante ta representa un oferta varia, cu entre otro producto agricola fresco, fruta y berdura procesa y congela, koffie, cacao, bebida y servicionan digital.

Minister di Finansa, Economia y Sector Primario, mr. Geoffrey Wever, a indica cu e cercania geografico entre Aruba y Colombia ta brinda oportunidad importante pa sigui fortalece relacion comercial entre ambos pais.

“Aruba tin un economia principalmente orienta riba servicio y ta depende hopi ariba importacion. P’esey ta importante pa nos sigui explora mercado cu ta confiabel, diversifica y competitivo.

Colombia tin capacidad den sector agroalimentario, manufactura, logistica y servicio, y e mision aki ta brinda un oportunidad concreto pa conecta esaki cu necesidadnan di e mercado Arubano,” segun Minister Wever.

Durante e programa di dos dia, un

di e metanan tabata pa e delegacion di Colombia conoce mercado local di mas cerca. Cu bishita na Ling & Sons Food Market y PriceSmart Aruba, e empresarionan a observa productonan cu actualmente ta disponibel, formato y tamaño di pakete, marca, prijs y e manera cu producto importa ta wordo presenta na consumidor Arubano.

Logistica tambe ta forma un parti importante di e mision.

Particularmente importante pa producto fresco, refrigera y congela, factornan manera cadena di frio, disponibilidad di container refrigera, frecuencia di conexion, tempo di transporte y posibilidad di consolidacion ta crucial pa determina viabilidad comercial.

Pa cu esaki, a organisa un bishita na ASTEC cu a duna e delegacion oportunidad pa conoce miho con transporte y logistica di mercancia pa Aruba ta funciona den practica.

Otro aspecto importante ta cumplimento cu rekisitonan di importacion. Productonan alimenticio destina pa importacion comercial mester cumpli cu varios diferente rekesitonan aduanero, sanitario, otro rekisitonan di entrada aplicabel na Aruba.

Conocemento di e rekisitonan aki for di principio ta yuda empresarionan determina cua producto tin potencial y cua pasonan ta necesario pa drenta mercado Arubano.

Un di e momentonan central di e mision ta Colombia Showroom Aruba, unda e 19 companianan participante a presenta nan

producto directamente na importador, distribuidor, supermercado, hotel, restaurant y otro cliente potencial na Aruba.

Ademas di crea contacto comercial, e showroom ta brinda oportunidad pa e empresarionan ricibi feedback directamente for di mercado local, dialoga y oportunidad di adapta nan proposicion comercial unda ta necesario y unda cu por.

Minister Wever ta enfatisa cu resultado di un mision comercial no ta midi solamente den e contactonan cu ta wordo haci durante e bishita.

“E meta ta pa e contactonan aki sigui despues di e mision y transforma eventualmente den oportunidadnan cu por traduci den comercio concreto entre Aruba y Colombia y lasonan comercial mas fuerte.”

Desde 2023, Aruba tin presencia na Bogota via Aruba Trade & Investment Office (ATIO), ubica den Holland House Colombia. E oficina ta funciona como punto di contacto pa comerciante y inversionista y ta contribui na desaroyo di relacion comercial y inversion entre Aruba y Colombia.

E colaboracion cu Holland House Colombia tambe ta brinda acceso na un network comercial y instrumentonan pa orientacion di mercado, matchmaking, desaroyo comercial, misionnan comercial y networking.

E infraestructura aki ta brinda un base importante pa sigui desaroya e relacionnan comercial cu ta

wordo establece durante e mision.

Minister Wever a reconoce y gradici e team di DEZHI y EXPRODESK, cu durante e ultimo añanan a eherce hopi trabou y a contribui na fortalecemento di relacion entre companianan Colombiano y mercado Arubano, incluyendo sosten di Colombia Showroom.

Nan experiencia ta contribui na crea y facilita relacion comercial entre proveedor potencial y comprador potencial y facilita un seguimiento structura despues di e mision.

Gobierno di Aruba ta mira e Mision Comercial Exploratorio como un paso adicional den fortalecemento di relacion economico entre Aruba y Colombia,cu ya cuminsa na 2023, cu enfasis riba diversificacion di mercado, oportunidad nobo pa sector priva y creacion di relacion comercial sostenibel. Gabinete AVP-Futuro ta spera cu e dos dianan aki lo habri porta pa mas oportunidad nobo y un relacion comercial cada biaha mas fuerte entre Aruba y Colombia.

P3

DIArazon 23 september 2026

PARLAMENTARIO DRS. SHAILINY TROMP-LEE:

MINISTER WEVER TA APLICA TRANSPARENCIA SELECTIVO PA LOKE TA TRATA LNT Y HOFA Den un reciente declaracion, Minister di Finansa, Geoffrey Wever, a expresa cu prome cu Gobierno sigui cu e proceso di revision di e Ley di Normering Topinkomens (LNT), e ta acerca Parlamento pa tende su opinion, brindando espacio pa deliberacion amplio, transparencia y debido control parlamentario.

E posicion aki sinembargo, ta drenta den contradiccion directo cu e decisionnan anterior di Gobierno riba e mesun ley di LNT y cu e manera cu e Minister ta atendiendo cu e tema di Rijkswet HOFA. Parlamentario di fraccion di MEP, drs. Shailiny Tromp-Lee, a cuestiona e falta di consistencia aki: “Ta haci un hende duda si ta di berdad e mesun Minister ta atende e temanan aki. Dicon pa e propuesta di revision

aki e Minister ta papia di transparencia y debido control parlamentario, pero e no a bin Parlamento pa pidi gevoelens di representantenan di pueblo ora Gobierno a haci un excepcion di LNT pa Aruba Airport Authority (AAA), permitiendo salario te cu 3 biaha mas halto cu e norma di ley? Dicon e ora ey opinion di Parlamento no tabata importante?”

Ademas, Tromp-Lee a indica cu e mesun falta di transparencia ta wordo observa den e caso di Rijkswet HOFA, unda e dialogo y participacion di Parlamento te cu awe no a tuma luga. Esaki ta bay directamente contra loke a wordo acorda den Interparlementair Koninkrijksoverleg (IPKO), caminda a dicidi y subraya cu den e proceso di un Consensus Rijkswet, Parlamento mester keda debidamente

envolvi den tur fase: prome, durante y despues di e negociacionnan, y mester tin consensus di Parlamento na tur momento.

“Nos ta observando un transparencia selectivo y segun ta conveni. Debido control parlamentario y respet pa representantenan di pueblo no por ta un instrumento cu un Minister ta uza solamente ora e ta conveni’e, y nenga di aplica den asuntonan unda ya caba a haci excepcion salarial masivo of den asuntonan di gran importancia nacional manera HOFA,” TrompLee a enfatisa.

E Parlamentario a conclui cu debido proceso legislativo y respet pa Parlamento mester wordo aplica sin excepcion y cu berdadero seriedad. “Aruba merece un liderazgo cu ta actua cu e mesun seriedad,

Tuma accion pa Preveni, Proteha y Stop Dengue Con nos por stop Dengue?

transparencia y firmeza den tur tema, y cu no ta uza Parlamento solamente pa cubri su posicion ora e ta sinti cu ta necesario.”

S

e

g

u

n

Tromp-Lee e mascarada di Futuro su mandatario y parlamentarionan ta keda cay mirando nan uzo di palabranan bunita cu no ta keda refleha den nan accionnan.

P4

DIArazon 23 september 2026

Noticia di Corte

Fiscal a presenta 3 acusacion y pidi pa declara e sospechoso liber di un acusacion

Miembro di Guarda Costa sospecha di a horta motor di boto, horta municion y pisca calco -1ORANJESTAD – E homber E.F. (34) a presenta den Corte pa e caso penal cu Ministerio Publico a cuminsa contra dje. Fiscal ta sospecha E.F. di a horta den Guarda Costa.

SOLO DI PUEBLO por a compronde cu E.F. su abogado a cuestiona e hecho cu E.F. no a haci nada contra ley y awor ta busca manera di kit’e for di trabao cu acusacionnan cu no tin prueba.

E acusacionnan cu Fiscal a presenta contra E.F. ta cu na Maart 2023 e lo a horta motor di un boto na Cuartel di Guarda Costa. Tambe E.F. ta wordo acusa di a horta flares y municion for di Cuartel di Guarda Costa. Fiscal tambe ta acusa E.F. di tabata pisca calco siendo cu calco ta un bestia di laman protehi pa ley.

SOSPECHA DI A HORTA MOTOR DI BOTO Hues a mustra cu E.F. ta wordo acusa cu 13 Maart 202, e lo a horta un of mas motor di boto.

E.F. ta desmenti esaki. El a splica cu e ta un portier meester. Nan tabata sinta eynan y un hende di Departamento Tecnico, I., a pidi’e pa yuda kita motor di un boto den Guartel di Guarda Costa. E.F. a bisa Hues cu nan a bay caminda tin hopi boto y motor cu no tin label cu ta confisca pero cu lo tin investigacion andando y a coy un motor pa pone e motor riba un boto pa I. haci un test. E momento cu nan tabata pone e motor riba un otro boto, nan a mira dos miembro di Guarda Costa, B. y M. ta cana bay na e botonan. A pensa cu sigur e hendenan aki lo bay haci redashi robez.

E miembro di D.T. a bisa E.F. pa papia cu e hefe P. pa no tin mal comprondemento. Segun E.F., el a splica P. tur cos y tur cos a keda aclarea. E hefe a yama I. y despues a bisa E.F. pa nan bay pone e motor bek.

Hues a mustra cu tin un chat di grupo di miembronan di Guarda Costa caminda ta papia cu paga tino cu camera cu ta mira tur movecion unda e botonan y motornan ta. E.F. lo a bisa cu e

camera no a mir’e. Hues a puntra E.F. kico esey.

El a splica cu esnan den grupo tabata chat riba algo cu no ta concerni e.

Hues a bisa cu Landsrecherche a haci investigacion y a confisca cellular di E.F. Tur ta relaciona cu loke a sosode 13 Maart 2023. Hues a mustra cu tin un combersacion di E.F. cu un amiga caminda el a bisa e amiga cu el a horta un motor y awor e ta bay busk’e unda el a bay sconde.

Tambe E.F. lo a bisa cu e tin un otro mas pa asina e amiga sa cu e lo tin 2 motor. E.F. a remarca cu e no por sali cu un motor di boto for di base di Guarda Costa. El a sigui bisa cu e lo a gaña e amiga algo. E.F. ta para riba cu e no a horta motor di boto y cu e no tin mester di motor pasobra e no tin boto y no ta pisca. Hues a mustra cu tin mas combersacionnan entre otro cu mas laat E.F. lo a bisa su amiga cu e mester hiba e motor bek. Hues tambe ta mustra cu tin combersacion caminda E.F. ta bisa cu e hefe P. lo a “dek” p’e no wordo castiga. Hues a bisa cu si mira tur e combersacionnan, ta crea e sospecho cu E.F. lo a coy e motor y cu P. a duna E.F. un chens pa busca e motor na cas y hib’e bek y lo no tin problema. E.F. a bisa Hues cu ningun momento a saca e motor for di Cuartel di Guarda Costa. E ta para riba cu e no a horta ningun motor.

SOSPECHA DI A HORTA MUNICION Hues a mustra cu e otro acusacion ta bisa cu entre 4 y 11 Maart 2023, E.F. lo a horta flares. E.F. a splica Hues cu eseynan ta flares cu a caduca y no ta usa mas. El a splica cu un colega F. lo mester a haci’e y a pidi E.F. pa haci’e p’e. Hues a mustra cu tin chat di miembronan di Guarda Costa caminda F. lo a bisa cu e tin den su cashi flares y municion bieu di shot guns den cashi cu el a haya for di B. pa benta afor den laman pero e no a haci’e. A palabra cu lo deshaci di nan. E.F. a bisa Hues cu Guarda Costa no tin shut gun. El a bisa cu F. a dun’e na Guarda Costa un caha cu e flares pa e deshaci di nan. Segun E.F., F. ta su hefe.

SOSPECHA DI PISCAMENTO DI CALCO Ta sospecha E.F. di lo tabata pisca calco, cual ta ilegal. E.F. a bisa Hues cu ta berdad cu ta prohibi pa pisca calco. El a bisa cu su famia, pa hopi tempo ta come calco. Su mayornan sa cumpra calco for di Chines y ta bende pan cu calco. Hues a mustra cu tin chat cu E.F. ta papia di un tent di come. E.F. a bisa Hues cu e tent no ta di dje sino di su mayornan y e tabata haci propaganda pa nan haya hende bay cumpra calco. Hues a mustra cu tin un chat caminda E.F. ta manda papel cu tin tent di come pan cu calco pero en realidad e tent ta di su mayornan. E.F. a bisa cu e ta tuma pedida di coleganan y e ta busca e pannan y hiba nan na su cas. E coleganan ta pasa busca serca dje. Hues a mustra cu tin un chat caminda E.F. ta bisa un persona M., danki pa bay pisca calco sin dje. Hues a mustra cu E.F. lo a bisa M. cu e lo bay pisca calco banda di dump. E lo a bisa M. cu el a bula banda di dump den laman y tin masha hopi mes. M. a bisa cu tin masha hopi mes banda di dump y Palm Island. E.F. lo a bis’e cu tur weekend e ta bende. E.F. a bisa Hues cu e no ta pisca calco y cu su mayornan ta cumpra for di Chines.

FISCAL Fiscal a bisa Hues cu E.F. ta traha na Guarda Costa y ta un agente di Polis. E mester comporta su mes como un empleado ehemplar. Tabatin investigacion di Landsrecherche caminda a constata cosnan no bon tabata tuma lugar. Fiscal a bisa cu a tene Tomzitting pa E.F., pero E.F. no kier a accepta. Fiscal a mustra cu tin chatnan di whatsapp cu ta mustra cu E.F. mes ta bisa cu el a horta un motor di boto for di Cuartel di Guarda Costa y cu e lo bay horta un otro motor mas. Fiscal a mustra cu den chat di grupo di Guarda Costa, ta papia cu a mira cu a bay cu motor di boto. E.F. a papia cu F. cu el a coy un motor y P. a bis’e pa trece e motor bek. P. a dun’e un chens. Fiscal a remarca cu esaki ta mustra cu E.F. a malversa un motor di boto. E ta haya legalmente proba cu E.F. a malversa e motor di boto. Continuacion pag 6

DIArazon 23 september 2026

P5

Minister Dowers a forma parti di reunion bilateral di Clima durante High-Level Week na New York

Minister di Husticia, Integracion, Transporte Publico y Energia, mr. drs.

Arthur Dowers, ta actualmente na New York como parti di delegacion di Reino Hulandes durante High-Level Week di e di 81 Asamblea General di Nacionnan Uni. Durante e prome dia di su programa, Minister Dowers a participa como miembro di delegacion di Reino na un reunion bilateral, caminda clima tabata e tema principal riba agenda.

Den e cuadro aki, Minister Dowers a reuni cu Klimaatgezant IGG Jan Versteeg, pa atende cu desaroyonan y retonan den area di clima y e importancia di tene e realidad di islanan chikito manera Aruba presente den e dialogo internacional.

Pa Aruba, cambio climatico no ta solamente un tema internacional, pero un realidad cu tin consecuencia directo pa nos isla. Como un Small Island Developing State, nos vulnerabilidad ta diferente y mester tene cuenta cu e aspecto aki den e discusionnan y solucionnan cu ta wordo desaroya.

Participacion durante HighLevel Week ta brinda Aruba e oportunidad pa, como parti di Reino, sigui fortalece dialogo y cooperacion internacional riba temanan cu tin importancia directo pa futuro y desaroyo di nos pais.

P6

DIArazon 23 september 2026

Fiscal a presenta 3 acusacion y pidi pa declara e sospechoso liber di un acusacion

Miembro di Guarda Costa sospecha di a horta motor di boto, horta municion y pisca calco -2Fiscal a mustra tambe riba chat riba flares y municion di shotgun caminda E.F. lo a tuma for di F. un caha cu esakinan pa e deshaci di nan. Fiscal a mustra cu diferente miembro di Guarda Costa a wordo interoga. E.F. a bisa cu e no ta corda mucho bon y no a tuma nada. Den Corte E.F. ta bisa cu el a haya nan for di F. Fiscal a bisa cu e tin problema cu e declaracion di E.F. E ta haya cu ta trata aki di cosnan ilegal cu E.F. a hiba cas.

Fiscal no ta haya cu tin prueba suficiente y ta pidi pa declara E.F. liber di e acusacion aki.

Pa loke ta calco, Fiscal a bisa cu investigacion riba cellular di E.F. ta duna indicacion cu E.F. tabata pisca calco y tabata busca mas for di otronan. Tambe e ta bisa cu ta su mayornan tabata cumpra for di Chines. Su mayornan tabata bende pan cu calco y E.F. tabata propaganda esaki. Fiscal ta haya cu dos biaha E.F. mes a bay cu boto pisca calco.

Pa cu castigo, Fiscal a mustra cu un empleado di Guarda Costa, ta viola ley. Fiscal ta haya cu E.F. a abusa di su posecion como miembro di Guarda Costa pa yega na e motor di boto. Tambe a viola ley, door di pisca calco siendo cu e sa cu ta prohibi pa pisca calco y cu ta Guarda Costa mes ta controla esaki. Fiscal ta bisa cu E.F. a abusa di su posecion, envez di duna ehempel. El a exigi 100 ora di trabao pa E.F. ABOGADO TA CUESTIONA SET UP

Mr. Carlo a bisa Hues cu e caso aki ta basa riba pruebanan circumstancial. E abogado a mustra cu otro miembronan di Guarda Costa cu tabata envolvi den investigacion haci door di Landsrecherche, a haya castigo. E abogado a bisa Hues cu esaki tabata e guera frieu entre Inteligencia Hulandes y Inteligencia Arubano.

E.F. tabata envolvi den esaki y el a scoge pa Inteligencia Arubano. Na opinion di mr. Carlo, esey a pone cu a tuma represaya contra E.F. E abogado ta haya cu no tin ningun prueba cu e motor a wordo horta, cu a coy flares y municion, cu a pisca calco. Tur esakinan ta a base di chat caminda e miembronan di Guarda Costa tabata papia cosnan pa mustra tof y esakinan a wordo usa contra nan. E abogado a bisa Hues cu ningun momento e motor di boto a wordo saca for di Guarda Costa. E.F. a kere cu e motor ta di boto cu mester wordo deshaci di dje y no cu ta un boto confisca. E.F. mes a bisa den grupo di chat cu camera no a mir’e pasobra ta puro joke ta wordo haci y e ta sigur cu e no a haci nada malo. E abogado a sigui bisa cu e hefe mes a bisa E.F. pa pone e motor bek. E ta haya cu mester declara E.F. liber.

Pa loke ta flares y municion, e abogado a mustra cu ta F. a bisa cu el a duna E.F. na Guarda Costa un caha cu flares y municion pa deshaci di nan. F. E abogado a bisa cu no tabatin municion. El a bisa cu ta un hefe a duna e cosnan pa deshaci di nan y no tabata ilegal. E abogado a pone enfasis cu E.F. no a haci nada contra ley. Ta cosnan cu a caduca y a deshaci di nan

na Guarda Costa mes. E abogado a bisa Hues cu E.F. a sigui orden di su hefe y no a haci mal uso di su funcion. Mr. Carlo ta haya cu mester declara E.F. liber.

Pa loke ta calco, mr. Carlo a bisa Hues cu e colega di E.F., M. mes a bisa cu e no a bay pisca calco cu E.F. y no tin palabracion entre nan pa cumpra calco. M. a bisa cu e ta cumpra calco for di Chines cu ta haya calco for di Nicaragua.

E abogado a mustra Hues documento cu e calconan cu tin na Aruba, ta den henter e region o sea Venezuela, Colombia. E abogado ta di opinion cu Landsrecherche, a base di combersacionnan cu a scucha, ta pretende cu E.F. tabata

pisca calco cual no ta asina. E abogado a mustra cu e calconan ta procedente di Chines of for di awanan Venezolano. Mr. Carlo a bolbe ripiti cu mester declara E.F. liber.

Abogado ta bisa Hues, cu E.F. ta para riba cu e ta inocente y pesey e no a bay di acuerdo cu Tom Zitting. E abogado a splica Hues cu E.F. a coopera completo den investigacionnan cu a tuma lugar.

Awor Fiscal ta declara E.F. liber pa un acusacion y tog ta exigi e mesun castigo di 100 ora di trabao.

Abogado ta haya esaki no corecto.

Hues a bisa cu e ta bay studia e caso y dia 8 October 2026, lo tin sentencia.

P7

DIArazon 23 september 2026

Parlamentario Hendrik Tevreden

Transparencia Selectivo den Maneho Publico: E Dobel Standard den e Accionnan di Gobierno Parlamento, y no despues di e echo.

Dicon Gobierno a opta pa no pidi e opinion of e sentimento di Parlamento prome cu a otorga e excepcion aki?

E peliger di altera LNT sin un base solido Awor, despues cu Gobierno a habri porta pa excepcion, nan a bin pidi e sentimento di Parlamento riba cuater modificacion den e LNT. E cambionan aki no ta simplemente tecnico; nan tin e potencial pa exclui entidadnan estatal for di e ley y substitui e maximo actual pa un sistema nobo cu ainda no ta existi.

Un tema crucial manera LNT ta exigi seriedad, transparencia y control parlamentario riguroso.

Esaki ta e posicion cu Minister Geoffrey Wever a publica recientemente, y ta dificil pa no ta di acuerdo cu cada palabra.

Sin embargo, e principio aki ta lanta e pregunta inevitabel: e normanan aki ta conta pa tur decision di gobierno, of ta uza nan solamente ora e ta sali na fabor di nan interes politico?

Dicon a duna un excepcion di LNT pa Aruba Airport Authority (AAA) sin debate den Parlamento, pero awor si ta pidi reaccion pa cambia e ley? Y dicon e mesun seriedad ey no a wordo aplica na HOFA? E excepcion sin control previo pa

Aruba Airport Authority Na november 2025, Gobierno a opta pa otorga un excepcion notabel pa Aruba Airport Authority (AAA). Mediante un Landsbesluit, a autorisa un sueldo anual di Afl. 1.089.396 pa un CEO proponi pa Schiphol International BV, un suma cu ta casi tres biaha e maximo di Afl. 369.000 stipula bou di LNT. Ningun hende ta cuestiona cu un director competente merece un bon salari, ni tampoco cu cooperacion internacional ta di gran balor pa e maneho di nos aeropuerto. Sin embargo, un decision di e magnitud aki, cu ta trata di fondonan publico y interes general, tabata exigi un deliberacion prome na mesa di

E propio conseho huridico di Gobierno ta confirma cu LNT a nace den circunstancianan extraordinario y bou di un presion pisa di Hulanda, den e periodo cu nos pais tabata depende di sosten financiero (liquiditeitssteun).

E mesun conseho ta admiti cu tin retonan serio, cu e casonan di corte contra Pais Aruba no ta marchando faborabel, y cu LNT ta mas cu cla pa un evaluacion y revision profundo. Pero e conseho ta bay un stap mas leu: e ta conseha pa instala un comision di expertonan pa evalua e efectividad y e consecuencia practico di e LNT. Alabes, e ta subraya cu cualkier maximo nobo di salario mester wordo funda riba un estudio comparativo serio cu e entidadnan den nos region.

E pregunta central ta: si Gobierno su propio expertonan ta recomenda un evaluacion independiente

prome, dicon Gobierno kier cambia e sistema prome cu e trabou ey keda cla?

No por kita e ley awo y bisa cu e reglanan di corporate governance lo bin despues. Den e vacuum ey, ta ken ta determina e salarionan?

Ken ta controla? Y con e ciudadano por verifica con su placa ta wordo gasta?

E dobel standard: Un regla pa LNT, y un otro pa HOFA Aki ta caminda e dobel standard di Gobierno ta keda bisto. Di un banda, Minister ta papia bunita di seriedad, transparencia y control parlamentario pa LNT. Di otro banda, den e negociacionnan di HOFA, un Ley di Reino cu por afecta nos autonomia, nos presupuesto y e futuro financiero di nos pais, e palabracionnan di IPKO pa involucra Parlamento prome, durante y despues a keda completamente ignora.

Gobierno no por aplica reglanan di transparencia di forma selectivo.

Bo no por hunga cu dos cara: pidiendo procedura corecto pa LNT, pero scondiendo informacion pa HOFA. Te awe, Parlamento no a haya e espacio serio pa analisa y determina nos posicion prome cu Gobierno a sigui cu e proceso di Hofa.

Transparencia no ta un slogan; e ta un obligacion. Control parlamentario no ta un fabor cu Gobierno ta duna; e ta e esencia di nos democracia. Ta parce cu Minister Geoffrey Wever ta tarda pa compronde e parti aki.

P8

DIArazon 23 september 2026

Minister Geoffrey Wever:

Gobierno ta firma areglo di deposito cu SVb pa baha costo di financiamento y sigui reduci debe di Aruba Oranjestad – Minister di Finansa, Asunto Economico y Sector Primario Geoffrey Wever ta anuncia cu riba 14 di september 2026 Gobierno di Aruba a formalisa un “depositoregeling” cu Sociale Verzekeringsbank (SVb) na un balor di Afl. 50 miyon florin y na un interes di 3 porciento. Formalisacion di e areglo aki ta forma parti di Gabinete AVP-FUTURO su maneho di financiamento y reduccion di debe di Pais Aruba.

E Depositoregeling no ta un un instrumento financiero nobo. Desde 1 di januari 2024 e Landsverordening Aruba tijdelijk financieel toezicht (LAft) ta duna gobierno e posibilidad aki. Despues cu gobierno anterior a entrega e cambio di ley di supervision, Parlamento di Aruba a trata y aproba e cambio aki y asina ancra legalmente normanan nobo pa finansa publico sostenibel y reduccion structural di debe.

E cambio aki ta implica cu den caso SVb y AZV como parti di sector colectivo no tin debe propio, nan surplus por wordo uza pa baha debe di Pais Aruba. Esaki por tuma luga, entre otro, den forma di deposito(depositoregeling) cerca Pais Aruba of mediante tene papel di tesoreria (schatkistpapier) den nan portofolio. E areglo cu SVb firma riba 14 di september 2026 ta duna contenido practico y concreto na e posibilidad legal aki. Un posibilidad legal cu e gobierno y parlamento a crea.

Colegio di supervision financiero di Aruba (CAft) a recomenda na diferente ocasion pa gobierno haci uzo di suprlusnan den sector colectivo pa reduci debe di Pais Aruba. Den consehonan publico, CAft a recomenda na varios ocasion

pa gobierno yega yega mas pronto posibel na acuerdo cu AZV y SVb pa asina nan surplus por wordo usa pa paga debe. Segun CAft, esaki ta permiti Aruba presta menos, baha e presion di gastonan di interes y crea mas espacio presupuestario pa futuro gastonan necesario y inversionnan.

Aunke cu CAft a recomenda esaki repetidamente na Aruba, gobierno anterior no a traha ningun afspraak ni a laga ningun plan concreto atras.

Aunke e gobierno anterior mes a trece e cambio aki den ley di supervision, e gobierno anterior no a haci uzo di e instrumento financiero ancra den ley.

Mirando cu ley ta duna gobierno e posibilidad pa haci uzo di surplus di SVb, Gabinete AVP-FUTURO a opta pa transforma e posibilidad legal y e recomendacionnan aki den accion concreto. Como parti di e proceso, Gabinete AVP-FUTURO a pidi CAft su conseho riba esaki.

Den su conseho di 16 di juli 2026, CAft a califica e financiamento via SVb como un “bon prome paso” pa, conforme su recomendacionnan anterior, usa surplusnan di fondonan social pa reduccion di debe. CAft a señala tambe cu esaki ta contribui na un financiamento mas eficiente di sector colectivo y por resulta den un reduccion substancial di costo di financiamento.

Conforme e acuerdo, SVb ta deposita Afl. 50 miyon cerca Pais Aruba pa un periodo di 36 luna, contra un interes di 3% pa aña. Na final di e periodo acorda, Pais mester paga e suma principal completamente bek na SVb. Esaki no ta nifica cu fondo di SVb ta wordo transferi gratuitamente na Gobierno. Durante henter e periodo SVb ta mantene un derecho financiero contra Pais Aruba, ta ricibi interes riba e suma deposita y

na vencimento ta haya e capital bek.

E areglo ta contene tambe garantia pa proteha posicion financiero di SVb y pa asegura cu e institucion por sigui cumpli cu su obligacionnan legal. E suma deposita ta parti di un surplus temporal cu, conforme e acuerdo, no ta necesario pa cubri prestacionnan y gastonan di ehecucion durante e proximo tres añanan fiscal. Esaki tambe ta e factor determinante pa kico SVb a bai di acuerdo cu e areglo aki.

Gobierno ta enfatisa cu e deposito no ta crea ningun debe nobo ni espacio financiero extra pa haci gastonan nobo. E deposito di Afl. 50 miyon ta por lo tanto un di e instrumentonan pa cubri e necesidad di financiamento ya aproba pa Parlamento, y no un financiamento adicional riba esaki. E suma aki tampoco ta wordo usa pa gasto di maneho adicional. E financiamento ta trata refinanciamento di debe publico cu ta vence, un practica cu gobienro anterior tawata haci.

Den su conseho di 16 di juli 2026 CAft a confirma cu e fondo ta wordo usa pa paga obligacionnan estatal cu ta vence y cu esaki ta cay dentro di e necesidad di financiamento den Presupuesto 2026 aproba pa Parlamento.

“E meta no ta solamente pa financia debe cu ta vence, sino pa haci manera ta ancra den ley, haci esaki na un manera mas eficiente y contra condicionnan mas favorable pa Pais.

Menos gasto di interes ta significa menos presion riba presupuesto publico y, na termino, mas espacio pa prioridadnan di Aruba” segun minister di Finansa Geoffrey Wever.

Cu e areglo di deposito firma riba 14 di september 2026, Gabinete AVP-FUTURO ta pone den practica un posibilidad cu Parlamento mes a ancra den LAft y cu CAft a recomenda repetidamente: usa fondo temporalmente disponibel dentro di sector colectivo di un manera responsabel, contra remuneracion y cu garantia pa e fondo social, mientras Pais por refinancia su debe na un costo mas abao. Asina, Gobierno ta sigui cu un maneho dirigi na reduccion structural di debe, menor costo di interes y finansa publico mas sostenibel pa Aruba.

Esaki den linea cu Programa di Gobernacion AVP-FUTURO riba pagina 18: pa un finansa publico duradero Lo cumpli cu normanan di presupuesto ancora den e Landsverordening Aruba Financieel Toezicht y lo keda continuamente trata na mehora e normnan den bienestar di finansa publico di Aruba Como parti di ehecucion di Gabinete AVP-FUTURO su maneho financiero, mininster di Finansa Geoffrey Wever a manda informa Parlamento riba e areglo di deposito firma entre gobierno y SVb. Parlamento tambe a ricibi un copia di e areglo di deposito cu SVb y copia di CAft su conseho riba esaki.

P9

DIARANZON 23 DI SEPTEMBER 2026

Evelyn Wever-Croes:

ARUBA TA DEN CRISIS, Y GOBIERNO SU PRIORIDAD TA PA HISA SALARIO DI DIRECTOR ORANJESTAD — Dialuna ultimo Presidente di Parlamento a yama un reunion cu minister di finansas. Fraccion di MEP a haci varios peticion pa reunion pa atende tur e crisisnan den nos pais.

Crisis di costo di bida, siguridad, enseñansa, salud, transparencia den Parlamento. Pero eseynan no ta wordo yama. E reunion cu ta wordo yama, ta pa trata salario maximo di directornan. Pasobra

Minister di Finansas a pidi Parlamento pa expresa su sentimentonan tocante 4 cambio na e ley Landsverordening Normering Topinkomens (LNT).

“Awe mi no kier debati riba hisa salario di directornan, awe mi kier papia con nos ta bay garantisa cuido di

nos patientnan na Aruba” lider di fraccion di MEP Evelyn Wever-Croes.

Hospital ta demanda gobierno di Aruba pa un pago di 27 pa 29 miyon, cu lo ta gastonan pa cu cuido na turistanan y personanan indocumenta cu no a paga nan cuenta.

Nos kier sa ki dia gobierno

ta resolve e crisis aki, y garantisa cuido necesario pa nos patientnan. “Kiko ta e solucion riba termino corto? Pasobra cu gobierno kier investiga, ta su bon derecho, investiga numa.

Pero no hunga cu salud ni bida di hende” segun lider di fraccion di MEP Evelyn Wever-Croes

Aruba Dolphins Open Water 2026: Bo ta cla pa e Open Water Challenge?

Savaneta – Falta solamente algun dia pa Aruba Dolphins Open Water 2026, e competencia anual organisa pa Aruba Dolphins Swimming Club. E evento aki lo tuma lugar diadomingo 27 di september 2026 na Commandeurs Bay, Savaneta, banda di Zeerovers.

E evento ta habri pa landadonan di diferente nivel y edad, y tambe pa tur personan cu ta cla pa challenge nan mes y participa den Open Water.

Participantenan por scoge entre e distancianan di 1

KM, 3 KM y 5 KM. E aña aki lo introduci algo nobo pa e participantenan: e relay di 1.5 KM. Aki 3 participante lo forma parti di un relay team, unda cada landado ta completa un trayecto di 500 meter.

Riba dia di e evento, registracion lo cuminsa pa 6:30 di mainta, mientras cu e prome careda lo cuminsa pa 7:30. Start y finish di tur distancia lo ta na Pier di Zeerovers.

Cu cupo limita, Aruba Dolphins ta encurasha tur persona interesa pa inscribi na tempo. Inscripcion pa e 1 KM, 3 KM y 5 KM

ta costa AWG 35 y lo cera diabierna 25 di september 2026 pa 11:30 di anochi.

No lo tin inscripcion pa e distancianan aki riba dia di e competencia.E Open Water ta mas cu solamente un competencia. E ta un evento cu ta uni landadonan, coaches, famianan, supporters y e comunidad pa bin disfruta di deporte, desafio y e bunitesa di Aruba su lama. Manera custumber, e bar y cushina lo ta bon surti, cu lo ta na benta pa recauda fondo pa e club.

Aruba Dolphins ta invita un y tur pa bin sostene e participantenan y

disfruta di un mainta yen di deporte, energia y bon ambiente na Savaneta.

Informacion:• Diadomingo 27 di september 2026• Commandeurs Bay, Savaneta #274, banda di Zeerovers• 1 KM | 3 KM | 5 KM | 1.5 KM Relay •

Registracion

ta

cuminsa pa 6:30 AM • AWG 35 pa e distancianan individual• Inscribi online: http:// t i m i n g . e v e n t s/ E v e n t / Index?id=117 Pa mas informacion, por tuma contacto cu Aruba Dolphins via

P 10

DIARANZON 23 DI SEPTEMBER 2026

Minister Dowers como miembro di delegacion di Reino na di 81 Asamblea General di Nacionnan Uni Minister di Husticia, Integracion, Transporte Publico y Energia, mr. drs.

Arthur Dowers, ta forma parti di delegacion di Reino Hulandes cu e siman aki ta participa na New York na e di 81 Asamblea General di Nacionnan Uni. Como representante di Aruba den delegacion di Reino, Minister Dowers ta participa hunto cu Prome Minister Pisas di Corsou, Minister Conner di Sint Maarten, Prome Minister Rob Jetten di Hulanda, Minister Berendsen di Asuntonan Exterior, Minister Van Weel di Husticia y Siguridad y Minister Sjoerdsma di Comercio Exterior y Cooperacion pa Desaroyo.

E siman aki, e delegacion di Reino ta atende e High-Level Week di e di 81 Asamblea General di Nacionnan Uni den cual anualmente hefenan di estado, hefenan di gobierno, ministernan y representantenan di organisacionnan internacional for di tur parti di mundo ta reuni na New York, pa trata diferente asunto internacional y retonan global.

Participacion di Aruba como parti di delegacion di Reino ta ofrece oportunidad pa aporta perspectiva y interesnan di Aruba den e dialogonan internacional

cu ta tuma luga durante Asamblea General. Pa un isla manera Aruba,

cooperacion internacional y representacion den foronan multilateral ta di

importancia pa enfrenta retonan cu ta traspasa frontera y cu tin impacto directo riba nos pais y region.

Presencia di Minister Dowers den delegacion

di Reino ta reafirma participacion di Aruba den e relacionnan internacional di Reino y ta brinda oportunidad pa mantene dialogo cu partnernan internacional.

P 11 Awe Gobierno kier sa kico Parlamento ta pensa y kier su opinion. Pero unda e interes pa opinion di Parlamento tabata, ora Gobierno a permiti un excepcion riba e mesun Ley di Normering Topinkomens pa director di Aruba Airport Authority? Cu e pregunta ey, parlamentario di PPA, Eduard Pieters, a confronta Gobierno durante un reunion publico caminda Minister Wever a pidi “gevoelens” di Parlamento pa revision di Landsverordening Normering Topinkomens (LNT).

Pa Pieters, e peticion pa conoce e “gevoelens” di Parlamento no por ta mira separa for di loke Gobierno ya a haci anteriormente.

DIARANZON 23 DI SEPTEMBER 2026

PARLAMENTARIO EDUARD PIETERS (PPA) RIBA LNT: “AWE DIRIPIENTE OPINION DI PARLAMENTO TA IMPORTANTE?”

Un excepcion cu Gobierno ya a duna E punto di Pieters tin un antecedente concreto. Dia 6 di november 2025, Gobierno a autorisa un excepcion bou articulo 12 di LNT, permitiendo Aruba Airport Authority y Schiphol International acorda un remuneracion di Afl. 1.089.396 pa e CEO presenta door di Schiphol International. E Landsbesluit ta menciona, entre otro; continuidad operacional, experiencia esencial, stabilidad di gerencia y posicion internacional di aeropuerto como e motibonan pa e excepcion.

Pero precisamente aki Pieters ta pone enfasis riba e contradiccion politico.

Segun Pieters, Gobierno no a bin Parlamento prome pa puntra si e representantenan di pueblo tabata di acuerdo cu haci e excepcion ey.

“E tempo ey Minister y Gobierno AVP-FUTURO a bin Parlamento prome cu nan a firma? No, señor Presidente! Pues pakico opinion di Parlamento diripiente ta importante pa Gobierno?” Pieters a expresa.

Pieters: Gobierno a dobla pa Schiphol Pieters a bay mas leu y a presenta un acusacion politico fuerte:

segun Pieters, e excepcion no tabata simplemente un decision administrativo, sino resultado di presion di Royal Schiphol Group.

E Landsbesluit mes ta confirma cu e relacion strategico entre AAA y Royal Schiphol Group, existente desde 2004, tabata un elemento central den decision di Gobierno. E documento tambe ta indica, cu Schiphol ta propone e personanan pa direccion general di AAA. Sinembargo ta parce cu ta Schiphol a dicidi pa gobierno.

Pieters, sinembargo, ta interpreta e resultado politicamente diferente: “Gobierno a dobla pa e interesnan

di Schiphol Group.”

Segun e parlamentario, Gobierno mester a para firme riba su propio ley y defende oportunidad pa e profesionalnan local, en bes di acomoda presion externo.

Y kico Aruba a haya bek?

Pieters despues a lansa e pregunta, cu ta cambia e debate di salario pa resultado: Kico Aruba a haya bek pa e excepcion? E ta referi na e situacion actual rond aeropuerto como argumento: falta di suficiente parkeerplaats, dificultad cu fluho

di auto y pasahero y un impresion general di falta di planificacion logistico.

Pieters a cuestiona con esaki ta cuadra cu argumento di “experiencia esencial” cu Gobierno a uza pa hustifica e excepcion salarial. “Unda e return on investment ta?” Un edificio renoba cu a costa Aruba miyones no ta suficiente, si experiencia di usuario na su entrada y salida ta keda caracterisa pa un desorden.

No ta trata solamente LNT E debate di awe oficialmente ta, pa Parlamento expresa su gevoelens tocante revision di LNT. Pero pa PPA, Gobierno no por trata opinion di Parlamento como algo cu ta importante, solamente ora e ta conveniente. Si Parlamento su opinion tin balor awe, e pregunta di Pieters ta simpel: “Pakico e no tabatin e mesun balor, ora Gobierno a haci un excepcion di mas cu un miyon florin pa CEO di aeropuerto? Respet pa Parlamento no por ta selectivo.

Nos mester tuma nos trabou como parlamentario na serio. Esaki ta un organo respeta y nos mester duna nos mes e respet ey.” Pieters a expresa.

Pa PPA, Gobierno no por pidi Parlamento su gevoelens awe, mientras a tuma e decisionnan grandi di ayera, sin e mesun consideracion. Pasobra Parlamento no ta un instrumento pa legitima decision despues. Parlamento ta e organo cu Gobierno mester respeta, prome cu tuma decision.

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500

P 12

DIARANZON 23 DI SEPTEMBER 2026

PARLAMENTARIO EDUARD PIETERS (PPA):

“UN PAIS CU NO CONOCE SU HISTORIA, TA CONDENA PA RIPITI E ERORNAN DI PASADO.” conta via un personahe y ta mustra con descubrimento y explotacion di oro a influencia desaroyo di Aruba y bida di su habitantenan.

“Ta un buki cu ta refleha nos antepasadonan, con y kico nos ta awe.”

Historia y ficcion pa duna pasado un bos Un buki por conta un storia. Pero e por haci algo mas importante ainda: e por yuda un generacion nobo compronde di unda Aruba a bin. Cu e reflexion ey, parlamentario di PPA, Eduard Pieters, a felicita Edgar “Eddie” Ras cu publicacion di su buki nobo, Willem Rasmijn: storia di su bida y di e keintura di oro Arubano.

E obra historico-literario ta conecta historia cu ficcion y ta un homenahe na pasado di Aruba y particularmente na Willem Rasmijn, e hoben cu su nomber a keda conecta pa semper cu descubrimento di oro den Rooi Fluit y e posterior keintura di oro

Arubano.

Un descubrimento cu a cambia Aruba Na 1824, Willem Rasmijn a haya oro na Rooi Fluit. E descubrimento aki a pone na marcha un periodo nobo den historia economico y social di Aruba, cu hopi hende a cuminsa busca oro specialmente den area di Noordkust. Precisamente e conexion entre un persona, un descubrimento y transformacion di un pais ta loke a hala atencion di Pieters.

E parlamentario a aclarea cu ainda e no a lesa e buki completo. Sinembargo, di e informacion cu el a ricibi, e ta aprecia con e historia ta

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

E intencion di autor ta precisamente pa no laga Willem Rasmijn keda solamente un nomber den historia. E buki ta combina historia y ficcion pa hiba e lesado den un relato di descubrimento, lucha, dignidad y herencia, mientras e ta conecta pasado di Aruba cu memoria y identidad di su pueblo. Pa Pieters, esaki ta habri tambe un oportunidad educativo.

Como e mes a expresa, un mucha por haya sa, den un forma mas simpel y accesibel, kico nos antepasadonan a pasa aden.

“Haci e historia accesibel pa maestro” Aki Pieters a haci un yamada concreto na Gobierno di Aruba. E ta spera cu Gobierno por haci bon uzo di e materialnan asina y busca forma pa haci nan accesibel pa

e maestronan, pa nan por conta historia di Willem Rasmijn y yuda e muchanan conoce mas di historia di nan propio pais.

E idea ta particularmente relevante, considerando cu Edgar Ras mes tin un trayectoria largo den educacion y training: durante su 42 aña den Cuerpo Policial Aruba el a funciona, entre otro, como docente/instructor y desaroyado di material educativo.

Conoce pasado compronde futuro

pa

PPA ta felicita Edgar Ras cu su buki nobo riba Willem Rasmijn y ta boga

pa acerca historia di Aruba mas na nos muchanan.

Pa Pieters, preserva historia no ta nostalgia.

Ta parti di formacion di un pueblo. “Un pais cu no sa su historia, ta condena pa ripiti e erornan di pasado.” Pieters a felicita Ras personalmente y na nomber di fraccion di PPA y Partido Patriotico di Aruba.

“Eddie, pabien cu bo buki.”

Un felicitacion cu ta carga un mensahe mas grandi: oro a cambia un parti di historia di Aruba, pero conoce y pasa e historia ey pa siguiente generacion, ta un herencia cu bal mas cu oro.

P 13

DIARANZON 23 DI SEPTEMBER 2026

MEP:

SIN CRITERIA CLA Y IGUALDAD DI TRATO, E REVISION DI LNT NO TA RESPONSABEL ORANJESTAD – Fraccion di MEP ta expresa su preocupacion riba e manera cu Gobierno ta propone pa revisa e Landsverordening Normering Topinkomens (LNT). Pa MEP, prome cu un cambio di tal maginitud, mester haci un evaluacion serio: kico no ta funciona, pakico no ta funciona y kico ta e alternativa?

E propuesta kier kita companianan estatal y varios institucionnan publico for di e alcance di e LNT y reemplaza e salario maximo actual pa un sistema nobo di norma.

Sin criteria cla, e sistema nobo por crea desigualdad y arbitrariedad, y mas serio ainda, sin evaluacion.

E excepcion pa AAA ta preocupante E preocupacion ta bira ainda mas grandi door di e trato diferente cu ta worde duna. Pa un funcion na AAA, ocupa door di un funcionario di exterior,

e minister a duna un excepcion aña pasa caba, mientras cu pa directornan local no a worde duna e mesun excepcion y ta worde sigui un proceso largo y mas complica.

MEP a puntra e minister riba cua criteria obhetivo ta worde duna un excepcion, y pakico e mesun criterio no ta wordo aplica igual pa

tur.

E discusion no ta solamente tocante salario.

E ta tocante igualdad di trato, transparencia y consistencia di politica di Gobierno.

Si e cambio proponi ta laga institucionnan importante for di e ley y e normanan pa esnan cu ta keda no ta suficientemente cla, MEP ta di opinion cu ta mihor pa trek in e LNT, pasobra loke ta resta di e ley no ta consistente, coherente ni responsabel mas.Un ley no mester existi solamente.

E mester tin un proposito cla, criteria igual pa tur y mester por logra su meta.

P 14

DIARANZON 23 DI SEPTEMBER 2026

“Mi a lucha e bon lucha, mi a termina e kareda, mi a keda fiel na Fe.” 2 Timothy 4:7

It is with hearts full of gratitude and peace that we announce the passing of:

Humphrey Eugenio Simmons “Mata Hari” *2 October 1958 - †17 September 2026

Na nomber di su: Mama: Aurelia Simmons Yiu: Eugene “Seintje” Simmons & Leekay Simmons Loefstop Nieto: Kaën Eugene Simmons Rumannan: Janet Simmons

Brenda Simmons

Turhan y Sherida Simmons

Ronald Simmons

Cornel Simmons

Sheryl y Nelson Petronia Simmons

Micheal y Nathaly Simmons Thompson

Eric y Claudia Simmons Carti

Beverly Simmons Sobrina y Sobrinonan: Valeska, Dieidra, Shaquille, Shakeem, Nia, Naomi, Sheidra, Quadir, Gabriel Mama di su yiu: Zina Lopez Tanta y Tio: Gladys van Heynigen

Yvonne Wilson

Josepha Leveroch

Kennedy Leveroch Yiunan di crianza: Carolina Rodriguez y Famia

Sylvana Rodriguez y Famia

nan mama Sara Comer y Compader: Poppy La Nooy

Carolina & Juan Trinidad Famia nan pega: Lucia Romero, Migalda Jansen

Feliciana & Victorine Lopez

Deyonne, Derrick, Deshline Matthew

Jonathan, Samantha, Jean Carlo Trinidad Amigonan: Roland Leon

Nelson Ras

Gito Gomez

Sonny Elisabeth Bon bisinja/ ayudante: Leonor Placeres Tohar Prima(o) mucho hopi pa menciona na Aruba, Corsow, SXM, Saba, Eux, Merca.

Ex-Coleganan di Marriott Casino.

Demas famianan Simmons, Wilson, Leveroch, Lopez, Loepstop, Becker, Thompson, Carti, Petronia, Van Heynigen, Hodge, Gibbs, Sammon, Davis, Van Zanten, Pole, Matthew, Levenston.

Nos disculpa si den nos tristesa nos por a lubida di menciona un of otro famia.

Condolenica lo tuma lugar Diabierna 25 September 2026 na Olive Tree Funeral Care & Crematory San Nicolaas di 7pm pa 9pm.

Entiero lo tuma lugar Diasabra 26 September 2026 na Capilla Pos Chikito di 2pm pa 4pm sigi santana na Sabana Basora.

Despues di Entiero no ta ricibi bishita di Condolencia na cas.

P 15

DIARANZON 23 DI SEPTEMBER 2026

FORTALEZA PA FAMIA. Scirbi pa Pastor Marcel Balootje.

HOBEN, BON NOMBER Y BON CONDUCTA, TA BAL MAS CU PLACA Proverbionan 13:20 ta bisa lo siguiente: Esun cu anda cu hende sabi, lo ta sabi, ma un companjero di hende bobo lo sufri danjo.

1 Corintionan 15:33 ta para scirbi : No laga hende ganja boso, mal compania ta danja bon custumber.

Cana cu hende sabi ta nifica: Cana cu hende cu ta honra Dios.

Cana cu hende cu tin respet pa nan mayornan.

Cana cu hende decente.

Cana cu hende cu ta encurashabo, no hende cu

“ Señor ta mi wardador, mi n’ tin falta di nada; Den cunucu di yerba berde, E ta pone mi sosega.

E ta hibami na awa trankil, pa mi bolbe haña forsa.”

Salmo 23:1,2,3 Cu profundo tristesa na nos curason, nos ta participa fayecimento di nos ser stima:

Martin Antonio Sanchez

*24 December 1960 - †18 September 2026 Fecha di despedida lo wordo anuncia despues.

ta descurashabo.

Cana cu hende cu moral halto, cu ta pensa riba un futuro briyante.

Evita di cana cu hende cu ta haci redo y forma bomboshi y enemistad.

Aleha for di hende violento cu ta cana cu arma.

Aleha for di hende cu ta yena cu rabia y odio, y no kier pordona.

Aparta for di hende cu constantemente ta papia palabra malo, pa bo no contagia.

Mantene amistad cu hende cu kier studia, nan kier

Oracion Di Dia

bay dilanti y nan tin un proposito den nan bida.

Hopi biaha ora un mayor papia cu su yiu, e ta puntra e mayor cu ken e mester tin amistad anto, pero ora e sigi e conseho di su mayor, cu no ta djis bise algo, pero cu por sinta cune y conte experiencia di bida, y duna un testimonio cu e mayor mes su bida, anto e hoben ta bin compronde locual e mayor ta splike.

Proverbionan 22:1 ta bisa; Un bon nomber ta mas di desea cu gran rikesa,y aprecio ta mihor cu plata y oro.

No laga misericordia y berdad bandona bo , mara nan rond di bo garganta,scirbi nan riba tabla di bo curason, asina lo bo hanja gracia y aprobacion den bista di Dios y hende.( Proverbionan 3:3-4).

Con un hoben por tene su caminda puro? Door di mantene esey segun Bo

palabra . Bo palabra mi a sconde den mi curason pa mi no peca contra Bo.(Salmo 119:9 y 11).

Den 1 Timoteo 4:11 Pablo ta bisa na Timoteo: No laga ningun hende menosprecia bo hubentud,ma mas bien den palabra, conducta, amor, fe y puresa, demostra bo mes di ta un ehempel,pa esnan cu ta kere.

Den 2 Timoteo 3: 10 Pablo despues di a splica tocante e tempo trabahoso cu ta bini, y cu awor nos tur ta mira, e a duna Timoteo e siguiente encargo bisando: Ma abo sigi mi sinjansa,conducta,

"E simia cu a cay den bon tera, ta e hendenan cu ta scucha e palabra y ta ricibi’e cu un curason noble y bon."

(Lucas 8, 14) Den e Evangelio di awe Hesus ta splica tocante e parabola di e sembrado.Hesus ta e sembrado cu ta sembra e simia cu ta e palabra di Dios den nos curason.

Awo e simia a cay den diferente tereno. E pregunta ta: ki tereno nos curason ta ? Nos curason ta duro manera baranca y ta stek e palabra di Dios of nos curason ta yena di cosnan di mundo y ta stroba e palabra di Dios di tira rais of nos ta scucha e palabra di Dios cu nos horeanan y no ta lag’e drenta nos curason y despues di un rato nos ta lubida tur cos. Pa nos por duna fruta nos curason mester ta tera fertil, un curason noble y humilde cu ta obediente y dispuesto pa cumpli cu e palabra di Dios. Asina aunke nos por haya nos den tur sorto di pruebanan nos ta keda tene duro na e palabra y ta persevera y ta duna fruta y fruta na abundancia.

Oracion: Tata amoroso y bondadoso, duna mi e gracia pa mi por tin un curason semper habri pa bo palabra por penetra te den tutu di mi wesonan y duna fruta na abundancia pa medio di Cristo nos Señor.

Amen.

P 16

DIARANZON 23 DI SEPTEMBER 2026

SUDOKU

FORTALEZA PA FAMIA Scirbi pa Pastor Marcel Balootje.

MATRIMONIO TA DI DIOS, BIBA HUNTO SIN CASA TA PICA Tempo ta cambia, hende ta cambia, pero palabra di Dios no ta cambia.

ya nos ta den e proceso di matrimonio entre hende cu robot.

Dios a establece for di principio e matrimonio entre homber y muher, bisando den Genesis 2:24 kico lo pasa, y den Mateo 19:5 E ta bolbe confirma esey.

Pero nada di e cosnan aki no por pasa riba locual Dios a establece, pasobra e ultimo palabra den bida di cada ken ta Dios tine, y tur hende mester duna cuenta na Dios na final.

Ora dos persona ta drumi cu otro of mihor bisa nan tin relacion sexual cu otro y nan no ta casa, nan ta den fornicacion cual ta pica.

Pero e berdad mester wordo predica, sinja, scirbi, bon presenta di tur manera pa evita cu hende lo cay den decepcion.

Ora un homber of muher casa ta tene relacion cu un otro persona cu no ta su esposo of esposa, e ta comete adulterio y esey ta pica.

Maske cu ley cambia of cos wordo tolera aki riba tera , tur hende mester corda kico ta sosode na cielo.

No ta importa ken nos ta, ni tampoco cuanto placa nos tin, ni tampoco religion, si Dios su palabra ta bisa cu locual nos ta haciendo ta pica, ta pica e ta keda.

Awendia tin hopi sorto di matrimonio cu hende a forma aki na tera, pero un pregunta ta bini, e locual hende a forma con Dios ta mire den cielo, e ta aproba of e no ta aproba?

E sistema di mundo a yega asina lew cu nos tin matrimonio entre homber cu homber, muher cu muher, hende cu bestia, y

Awendia hopi hende jong ta cuminsa frei of namora y di eynan den un tempo record nan a cuminsa biba cu otro, pasobra asina relacion sexual drenta den e asunto ta bibamento tin, tin hopi tipo di show mara na e cos moderno aki, nos ta bay shop hunto, nos ta bay supermercado hunto, e ta bin keda na mi cas, ami ta bay keda na su cas, tur esey ta nifica cu nos ta bezig cu fornicacion.

Y nos a yega den un tempo cu hopi hende ta manera nan tin miedo di papia, pa otro no rabia.

Cristo Hesus a bisa den Mateo 11:28 : Bin serca Mi tur cu ta cansa y carga, y lo Mi duna boso sosiego.

Hende a agrega un slogan tremendo banda di dje bisando “Bini manera bo ta” Tene cuenta e cu e slogan no ta para scirbi den

Bijbel, pasobra hopi hende ta bini serca, nan kier Salbacion, nan kier bida eterna, pero nan no ta desea transformacion, pasobra transformacion ta nifica, renoba bo mente manera ta para scirbi den Romanonan 12:2 pa bo sa kico ta e boluntad perfecto di Dios pa bo bida.

Efesionan 5:1-7 ta duna un gran splicacion di locual ta inmoral y cu inmoralidad no tin entrada den cielo.

Si bo ta respeta y balora e persona cu bo conoce y bo kier pa e ta hunto cu bo, casa cune completo no solamente na gobierno pero laga pastor bendiciona boso matrimonio, pa asina Dios tuma control y fortifica boso bida matrimonial.

E wega di biba hunto, ta duna diabel e oportunidad pa manipulacion sexual,manipulacion financiero,falta di respet, y hasta violencia, jaloersheid pasobra e desconfiansa tambe tey.

Matrimonio mester wordo respeta , e cama matrimonial mester wordo respeta ( Hebreonan 13:4) y no lubida riba Juan 4; 1618.

Tene cuenta cu aunke mundo por cambia,Dios no ta cambia.

Sinceramente, Marcel Balootje.

Pastor