Diarazon september 16 2026 by Solo DI Pueblo

DIARAZON 16 SEPTEMBER 2026

16 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

EVELYN WEVER-CROES:

15 DI SEPTEMBER TA DIA INTERNACIONAL DI DEMOCRACIA ALEX SAAB A CERA ACUERDO CU HUSTICIA MERICANO: EL'A ACCEPTA CULPABILIDAD Y LO COOPERA CU INFORMACION

DIArazon 16 september 2026

Quadracer a bay cay den greppel diamars merdia

HATO - Diamars merdia rond di 2'or y mey polis a bay pariba di e rotonde di Hato, unda un vehiculo a cay den greppel banda pazuid. Na yegada polis a topa cu un grupo di turista den e

un caravana chikito di tour y un quadracer benta den e greppel. Pa un of otro motibo un di e machine nan a baha y termina den e greppel. Danki Dios niun persona a

Auto a dal peaton crusando caminda riba e brug di Renaissance Wind Creek Dialuna anochi a drenta informe di un accidente cu hende herida riba e brug di Renaissance Wind Creek, mesora a dirigi tanto polis como ambulans na e sitio. Na yegada di e patruya a bin compronde cu un automobilista no a pone atencion cu un peaton tabata crusando riba caminda y a dal e. Debi na e impacto y caida e peato a resulta herida. Na yegada di e ambulans nan a atende y a transporte pa hospital. Polis a keda cu e caminda sera pa investigacion.

DIArazon 16 september 2026

EVELYN WEVER-CROES:

15 DI SEPTEMBER TA DIA INTERNACIONAL DI DEMOCRACIA Y e ta nos deber pa proteh’e. Un Parlamento fuerte, ta haci Aruba mas fuerte.

ORANJESTAD - Awe nos ta celebra democracia. Pero democracia no ta solamente vota cada 4 aña. Democracia ta respeta e bos di pueblo, e derecho di oposicion, e estado di derecho y e papel esencial di Parlamento.

ta wordo contesta, ora reunionnan publico no ta wordo yama, ora oposicion no ta wordo duna e espacio pa haci su trabou constitucional, nos no ta debilita solamente e Parlamento. Nos ta debilita democracia.

Un Parlamento fuerte ta un pilar di un democracia fuerte. E Parlamento mester por cuestiona, controla y exigi transparencia di gobierno. E mester tin espacio pa debati, pa haci pregunta y pa cuestiona, pasobra control parlamentario no ta un obstaculo pa goberna. E ta un garantia pa bon gobernacion.

Democracia ta fuerte ora poder tin contrapeso. Ora gobierno ta rindi cuenta. Ora e bos di pueblo ta wordo scucha. Y ora diferente opinion por existi sin miedo.

Ora preguntanan parlamentarionan

di no

Awe mi ta celebra democracia, pero tambe mi ta reafirma mi compromiso pa defend’e. Pasobra democracia no ta un regalo. E ta un responsabilidad. E ta un derecho.

DIArazon 16 september 2026

Dia Internacional di e Ozon 2026; Accion global pa un planeta mas fresco: e exito di e amienda di Kigali y su nificacion pa Aruba

ORANJESTAD - Riba Dia Internacional pa Preservacion di e Capa di Ozon tambe yama e capa solar, Directie Natuur en Milieu (DNM) ta invita comunidad henter pa refleha riba un di e logronan ambiental di nos era; e Protocol di Montreal y mas recien e amienda di Kigali. Bou di e tema pa 2026, “Accion global pa un planeta mas fresco”, nos ta celebra dies aña di e ‘Kigali amendment’, un compromiso historico cu ta transformando e lucha contra cambio di clima. E exito di e amienda di Kigali y su impacto mundial. E Protocol di Montreal originalmente tawata pa elimina substancianan cu ta destrui e capa solar. Sinembargo, hopi di e substancianan pa reemplasa esun destructivo, conoci como hidrofluorocarbono (HFC), aunke nan no ta dañino pa e capa di ozon, ta gasnan cu efecto extremadamente potente cu ta contribui na e keintamento global. Na aña 2016, a adopta e amienda di Kigali pa reduci e produccion y consumo di HFC mundialmente. Dies aña despues, evidencia ta mustra cu: • Reduccion di e keintamento global: e fase di eliminacion gradual di HFC por evita un aumento den e temperatura global di te cu 0,5 grado Celsius pa fin di e siglo aki. • Transicion tecnologico: e acuerdo a impulsa e industria pa innova y desaroya sistemanan cu ta fria cu ta mas eficiente den uzo di energia y mas amical cu medio ambiente. • Accion multilateral: e ta

keda demostra cu ora nacionnan, ciencia y industrianan traha hunto, ta posibel pa alcansa obhetivonan ambiental substancial sin compromete desaroyo economico. Kico e tema di 2026 ta nifica pa Aruba? Pa un isla di clima semi-arido tropical manera Aruba, e tema "Accion global pa un planeta mas fresco" tin un relevancia directo y practico. Como un teritorio vulnerabel pa e consecuencianan di cambio climatico manera: e subimento di nivel di lama, e aumento di temperatura y e menasa pa nos ecosistemanan marino (bida di coral), e esfuerso global aki ta di gran importancia. Den nos bida diario, esaki ta traduci su mes den varios aspecto pa nos comunidad: • Eficiencia den coriente na cas y compania: cu e aumento di temperatura, e demanda pa airco y refrigeracion na Aruba ta halto. E amienda di Kigali ta haci cu e demanda pa aparatonan moderno cu ta uza menos electricidad ta subi, locual ta yuda reduci e gasto y consumo di coriente den nos hogarnan y e consumo general di combustibel fossiel. • Maneho di gasnan di refrigeracion: Aruba ta beneficia di e regulacion y control di importacion di gasnan pa friamento, garantisando cu e tecniconan y e industria local di refrigeracion ta uza alternativanan mas ‘safe’ y sostenibel. • Proteccion di nos biodiversidad: un clima mas fresco ta esencial pa limita e stress di e keintamento riba nos coralnan, nos vegetacion local y e fauna

marino cu ta depende di e balans ecologico den nos region. Accion local pa un Aruba mas fresco, plantamento di mata den cura y espacio bashi ta yuda; mientras cu e amienda di Kigali ta actua na nivel industrial y di gasnan di haci friamento, na Aruba nos tambe por tuma accion directo den nos mesun cura of bario. E meta pa planta 100.000 mata rond di e isla ta un ehempel con nos por contribui na e esfuerso aki. Matanan y pal’i mata local ta e "airco natural" di nos suela. Nan ta absorbe carbono, ta duna sombra, ta purifica aire y ta baha e temperatura rond di cas. Door di apoya y participa activamente den e plan di replanta/ reforestacion,

cada ciudadano ta yuda crea un microclima mas fresco, proteha nos biodiversidad y ta haci Aruba mas resiliente contra e keintamento global. Como organo encarga cu e proteccion di nos medio ambiente, DNM ta enfatisa cu e celebracion di e aña aki ta un recordatorio cu proteccion di nos atmosfera no ta responsabilidad di paisnan grandi so, pero un compromiso conhunto cu ta beneficia tur. Ban aporta na un planeta y un Aruba mas fresco door di adopta tecnologianan sostenibel y door di planta un mata awe pa e generacionnan di mañan! Feliz dia Internacional di preservacion di e capa solar 2026.

DIArazon 16 september 2026

Alex Saab a cera acuerdo cu Husticia Mericano:

El'a accepta culpabilidad y lo coopera cu informacion MIAMI, Merca – Dia 15 di september 2026, e empresario colombiano y ex-aliado di e regimen di Nicolas Maduro, Alex Saab, a declara su mes culpabel di e cargo di labado placa dilanti un hues federal na Miami, Florida. E decision aki ta bin despues di un acuerdo cu e Fiscalia di Merca cu a evita cu e caso ta bay dilanti huez cu hurado. Como parti di e acuerdo cu husticia mericano, Saab (di 54 aña) a acepta di entrega un suma di 195 miyon dollar cu ta bini di e eskemanan di

corupcion internacional y transferencianan ilicito cu e tabata encarga di dje. Ademas, el a compromete su mes na colabora cu e investigacionnan federal cu ta andando. Saab, kende a wordo deporta bek pa Merca na mei 2026 for di Venezuela, tabata wordo acusa di a uza companianan fantasma, documento di carga falso y contratonan irregular pa ricibi miyones di dollar atraves di e sistema financiero di Merca. Aunke den luna di juli el a declara su mes inocente,

e ultimo cambio den su postura legal ta habri porta pa e bira un testigo clave den procesonan penal

contra di otro funcionario y figuranan vincula na e regimen di Venezuela. E fecha exacto pa e sentencia

di Saab lo wordo anuncia den e proximo dianan pa e corte federal.

Homber a agredi muher pa su infidelidad na Hato mientras e muher ta bisa no ta berdad! yegada di e patruya a bin compronde cu e homber lo a dal e muher pa motibo di infidelidad pero e muher na su turno a bisa no ta berdad.

Diamars madruga a drenta informe di cu tin un muher herida bao di

e brug na Hato, mesora a dirigi tanto polis como ambulans na e sitio. Na

E homber ta afirma cu e mes a hay'e cu otro pesey ela agredi'e. Na yegada di e ambulans nan a atende e dama pero e no kier a bay hospital. Polis a detene e homber pa maltrato.

DIArazon 16 september 2026

Un cobertura halto di vacunacion ta proteha scol, famia y comunidad

OR ANJESTAD-15 september 2026- Pa 55 aña, Jeu gd ge z ond heid s z or g (JGZ) di Directie Volksgezondheid (DVG) ta vacuna muchanan na scol. E esfuerso continuo aki a contribui na un cobertura halto di vacunacion durante hopi aña y asina elimina propagacion di diferente malesa infeccioso bou nos muchanan. Ora mayoria di muchanan ta bon vacuna, malesanan manera sarampi, cacheton, polio, tetanus y otro tin menos oportunidad pa plama. Un cobertura halto di vacunacion ta importante no solamente pa e mucha cu ta vacuna, sino tambe pa demas baby, persona cu tin un sistema inmunologico debil y otro personanan den

comunidad cu pa motibo medico, no por ricibi cierto vacuna. Si cada bez menos mucha ta ricibi nan vacuna, malesanan cu actualmente casi no ta circula na Aruba por haya oportunidad pa bolbe plama, especialmente pasobra biahe internacional ta conecta Aruba cu paisnan unda ainda tin brote activo di diferente malesa cu nos no ta mira pa hopi tempo. P’esey DVG ta pidi mayornan pa controla nan yiu su carchi di vacunacion, entrega e formulario di permiso na tempo y presenta prueba di vacunacion si en caso e mucha a nace of a wordo vacuna pafor di Aruba. JGZ lo verifica si e mucha ta bon vacuna segun su edad y e skema vigente na

Aruba. Proteccion di comunidad ta cuminsa cu proteccion di cada mucha. Pa mas informacion, tuma contacto cu seccion JGZ na 522-4200. Hunto nos ta mantene nos muchanan, scolnan y comunidad proteha contra malesanan infeccioso. Bo Salud, Nos Prioridad Pa mas informacion, like nos Facebook page Directie Volksgezondheid DVG Aruba, follow nos riba Instagram directie_ volksgezondheid_aruba, sigui nos den WhatsApp Channel, ricibi tur informacion den Aruba Health App, bishita www. dvg.aw, yama 5224200 of manda email na servicio@ dvg.aw

Aruba Bank ta reconoce Gritsana Comenencia como empleado di luna pa augustus 2026 Oranjestad – 15 di september 2026- Aruba Bank ta orguyoso di felicita Gritsana Comenencia, empleado di luna pa augustus 2026.

propio desaroyo personal y profesional. E ta gusta studia y por wordo haya hopi biaha perdi den un bon buki.

Gritsana ta merece e reconocimiento aki pa su dedicacion, profesionalismo y compromiso excepcional pa brinda un servicio di excelencia na nos clientenan. Fuera di trabou, Gritsana ta dedica tempo na su

Aruba Bank ta celebra e logro di Gritsana y ta gradici’e pa e entusiasmo, dedicacion y servicio excepcional cu e ta brinda cada dia na nos organisacion y nos clientenan.

DIArazon 16 september 2026

Minister Wever ta acerca mercado internacional pa informa y prepara pa financiamento pa paga debenan bieuw cu ta madura den 2027 Oranjestad, 15 september 2026 - Minister di Finansa, Asunto Economico y Sector Primario, Geoffrey Wever, lo participa na Private Placements Industry Forum Europe 2026 (PPIF-Europe) na Amsterdam, Hulanda, como parti di e strategia di Gobierno pa fortalece relacionnan cu inversionistanan internacional y prepara mercado pa e necesidad di financiamento pa paga debenan di pasado di Aruba di Afl. 941 miyon. Pa cubri e necesidad di financiamento di Afl. 941 miyon pa paga debenan bieuw, Gobierno tin un strategia financiero concreto. Un parti di e suma aki lo wordo paga cu e Afl. 84 miyon di surplus, mientras cu pa e suma restante Gobierno ta prepara un combinacion di refinanciamento cerca institucionnan financiero local y inversionistanan internacional. Ta precisamente den e contexto aki Minister Wever ta na Europa pa acerca inversionistanan, fortalece relacionnan existente y busca e condicionnan mas beneficioso pa Aruba. Refinancia debe existente na un mihor prijs y bou condicionnan mas faborabel ta forma parti di e strategia pa baha peso financiero di pais y sigui reduci e debt-to-GDP ratio, cu segun proyeccion lo yega na 59% pa final di 2027. Asina Gobierno ta uza e posicion financiero mas fuerte di Aruba pa maneha debenan bieuw di forma strategico, baha costo unda ta posibel y fortalece sostenibilidad di finansa publico pa largo plazo. E PPIF-Europe 2026 lo tuma luga riba 15 y 16 di september y ta reuni un cantidad significativo di inversionistanan institucional internacional. Pa Aruba, e plataforma aki ta ofrece un oportunidad importante pa amplia su base di inversionista, fortalece relacionnan existente y intercambia informacion di mercado cu por ta relevante pa futuro posibilidadnan di financiamento. E participacion di Minister Wever no ta simplemente pa presenta na un conferencia

financiero. E ta forma parti di un proceso proactivo di preparacion. Cu un necesidad di financiamento di mas cu Afl. 900 miyon, Aruba ta traha delanta pa mantene contacto directo cu mercado, presenta su perspectiva economico y fiscal y crea e base pa un proceso di financiamento mas amplio y competitivo. E programa ta consisti di un serie di reunionnan directo cu inversionistanan institucional existente y potencial lo inclui reunionnan individual, discusionnan den grupo chikito, cu e obhetivo di duna mercado un actualisacion tocante perspectiva economico di Aruba, strategia fiscal, prioridadnan di financiamento y plannan di desaroyo a largo plazo. Na mes momento , Gobierno lo ricibi feedback directo for di mercado internacional. “Pa un necesidad di re-financiamento di debenan di pasado di Afl. 941 miyon, Aruba no ta bay mercado sin ta bon prepara. Nos ta prepara mercado proactivamente, fortalece confianza den Aruba y amplia nos base di inversionista, pa crea e condicionnan mas faborabel posibel pa pais,” Minister Wever a indica. Durante e ultimo añanan, Aruba a traha consistentemente riba un posicion mas fuerte cerca inversionistanan internacional. E strategia ta basa no solamente riba presenta cifranan financiero, sino tambe riba construi relacionnan duradero, mantene comunicacion constante y percura pa inversionistanan compronde direccion economico y fiscal di pais. E participacion na PPIF-Europe 2026 ta continua cu e direccion cu a inicia anteriormente na PPIF-Europe na 2025 y PPIF Miami anteriormente den 2026. E meta ta pa inversionistanan sigui e desaroyo economico y financiero di Aruba durante henter e periodo y no tende di Aruba solamente na momento cu pais tin necesidad di financiamento. Asina, ora Aruba acreca mercado, inversionistanan ya tin conocemento di e credito Arubano, e direccion

di maneho y e resultado di e maneho financiero. Un otro elemento importante ta diversificacion. E base di inversionistanan di Aruba tradicionalmente tin un presencia fuerte den mercado Mericano. Gobierno ta sigui traha pa amplia e presencia aki tambe den Europa, pa Aruba no depende excesivamente di un solo mercado y pa por crea mas espacio pa competencia entre fuente di capital. Minister Wever a enfatisa cu e strategia aki ta parti di un maneho financiero responsabel. “Preparacion, confianza y diversificacion ta esencial. Nos responsabilidad ta pa crea e mihor posicion posibel pa Aruba prome cu nos subi mercado. Esaki ta con nos ta proteha interes di pais y maneha finansa publico cu disciplina,” Minister Wever a indica.

Cu e paso aki, Gobierno di Aruba ta manda e señal cla na mercado internacional, cu Aruba ta prepara su mes na tempo, ta mantene dialogo cu inversionistanan y ta traha strategicamente pa garantiza cu necesidadnan di financiamento den futuro por wordo maneha for di un posicion mas fuerte, mas diversifica y mas competitivo.

DIArazon 16 september 2026

4O ANIVERSARIO SERVICIO INTEGRIDAD SEGURIDAD 1986-2026

Mas cu 3 decada sirbiendo su Pais: DESPUES DI 38 AñA DI SERVICIO NA KPA, ANTHONY “TONY” YEARWOOD TA BAHA CU PENSIOEN Oranjestad, ARUBA: Recientemente, coleganan di Districto di Oranjestad a organisa un despedida ameno pa Sr. Tony Yearwood, un persona masha conoci y stima pa hopi den e districto. Durante un almuerso, coleganan a bini hunto pa

comparti anecdota y recorda e 38 añanan cu Sr. Tony a dedica na servicio di su pais, Aruba. Dia 26 di december 2026 lo ta su ultimo dia activo como polis y dia 27 di december 2026 lo marca e inicio di su retiro. Pero awor aki, sr. Tony ta gozando di su dianan di vakantie, rustdag y ATVdagen prome cu e baha y disfruta di su pensioen bon mereci. Na e ocasion aki a conta

tambe cu presencia di Altocomisario di Polis, Sr. Ramon Arnhem, cu a haci entrega di un regalo na Sr. Yearwood y a expresa e siguiente palabranan: “Tony, danki pa e añanan cu bo a dedica na KPA y na Aruba. Bo a contribui na formacion di hopi polis,

comunidad a respeta- y respaldobo y di e forma aki nos ta honra bo, pa bo servicio y pasion. Masha danki.” Cuerpo Policial Aruba ta expresa su mas profundo gratitud na Sr. Tony Yearwood pa su añanan di dedicacion na

nos organisacion policial y ta desea tur lo cos bon den e etapa nobo aki di su bida. Danki na e famia di Tony pa e sosten y apoyo pa locual ela gusta mas, di a sirbi su pais como polis. Goza di e pensioen bon mereci Tony!

Supuesto caso di hincamento den Mandolinstraat Mandolinstraat Tarabana - Dialuna atardi den carera di 5'or y mey, dos patruya a bay Mandolinstraat caya conoci na Tarabana. Eynan un conoci di Husticia lo a hinca un persona. Polisnan a yega y baha controla, pero no a topa cu e conoci di Husticia "Chico" y parse cu e supuesto persona herida ta ok. Agentenan a tuma algun datos y a sigui nan caminda.

DIARANZON 16 DI SEPTEMBER 2026

Addonsito ta gradici ASU

Den fin di siman, Addonsito Croes, tawata honra di a conduci e inauguracion di e Olimpiada 2026 di Aruba Sport Unie (ASU). Tawata Padvinsters Gilde esunnan cu a start e evento oficial cu hisamento di nos bandera y Raenne Ras e cantante invita pa interpreta Aruba Dushi Tera. Un bunita Show oficial titula ‘Curason di Campeon’ a ser presenta den Centro Deportivo Gilberto Francois ‘Betico’ Croes na Santa Cruz guia pa John Freddy Montoya

hunto cu e gruponan folklorico y baile Gihae Gymnastics Club, Gucci Dancers Aruba, Kids and Youth in Action, Fundacion Rosea Cultural, Grupo Cultural Dabaruida y e Reinanan di Folklore Aruba di Fundacion Chico Harms.

E dj tawata Shark Master y total 27 federacion di deporte nacional, tawata presente n’e inicio oficial. Tawata Federacion di Badminton di Aruba esun cu a finalisa cu entrada di e antorcha y e credo lesa pa Ettel Boyce.

E speechnan motivante pa cada atleta presente tawata duna pa Soraida Boekhoudt, presidente di ASU y tambe di Excelencia minister di deporte, sra. Gerlien Croes. E anochi ey tambe a mustra pa prome biaha e mascota nobo di ASU yama ARI cu

ta un prikichi energetico, optimista, weguero, loyal y extremadamente social. Na final Organisacion Cabayista Arubano a duna un demostracion riba e veld di ASU di tur e diferente formanan cu e deporte di Cabay Paso Fino ta ofrece.

P 10

DIARANZON 16 DI SEPTEMBER 2026

Government Media Take Top Honours as CCF and CBU Crown Caribbean's Best Arts Journalism Media organisations from Cuba, Guyana, Trinidad and Tobago and Barbados took home awards for Excellence in Media Coverage of Caribbean Arts and Culture at the 37th Caribbean Broadcasting Union (CBU) Media Awards, held in August in Georgetown, Guyana. The awards are given in partnership between the CBU and the Caribbean Culture Fund (CCF). Three of the four are state or government media: Cuba's ICS and Barbados's BGIS are government institutions, while TTT Ltd is a stateowned enterprise whose board is appointed by the prime minister. The fourth, Guyana's News Room Inc., is an independent, privately owned outlet. Each entry focused on the people keeping Caribbean culture and history alive: décima poets in Cuba, steelpan musicians in Guyana, Carnival masqueraders in Trinidad and Tobago, and culinary tradition-bearers in Barbados. Cuba's ICS, through Mayabeque Radio Station in Mayabeque province, took the Radio award for La Décima Es Una Sola(The Décima Is One and the Same), produced by Elizabeth Álvarez Hernández. The documentary followed poets and improvisers from Mayabeque, tracing how the décima, a 10-line poetic form from Spain that took root in

Cuban culture, is composed, sung and passed down from one generation to the next. Guyana's News Room Inc. claimed the Television award for Steel Pan Revival: Guyana's Big Bands and the Fight to Keep Mash Alive, produced by Daniel Swain and filmed and edited by Shatanand Anude. The piece followed the pan players and arrangers keeping steelpan central to Mashramani, Guyana's annual Republic Day festival. Trinidad and Tobago's TTT Ltd picked up the Digital award for Right Here with Khary Roberts – Rope Jab, produced by Khary Roberts with camera work by Jvon Pollonais. The feature took Roberts to Couva, a town in central Trinidad, where practitioners of the Rope Jab tradition, one of Trinidad Carnival's traditional masquerade characters, explained what it takes to preserve and present it each year. The Barbados Government

Information Service (BGIS) took the Print award for Beyond Buns and Flying Fish, by Sheena FordeCraigg and Tyson Henry, a feature on the cooks and food traditions behind flying fish, Barbados's national dish. BGIS was also among the top performers at the 2026 CBU Media Awards overall, taking home seven awards and one special mention across all categories. Each category winner received a USD 1,000 award. This year's field also marked an increase in entrants from 48 to 61. In a shift from last year’s awards where one of the four arts awards went to an individual writer, this year’s awards were all copped by established media houses. The awards are part of an ongoing partnership between CBU and the Caribbean Culture Fund (CCF), which recognises journalism that documents, critically engages with and amplifies Caribbean arts and culture. Different

islands, different media, same concern: coverage of artists preserving Caribbean culture and history, and journalists making sure that work doesn't go unrecorded. About the CCF Partnership

CBU

The 2026 awards marked the second year of the partnership between the Caribbean Culture Fund (CCF) and the Caribbean Broadcasting Union (CBU) to recognise excellence in media coverage of Caribbean arts and culture. Through the partnership, awards are presented in four categories — radio, television, digital and print — with each category winner receiving a USD 1,000 bursary. The categories were introduced in 2025 to encourage greater and more sustained media attention to Caribbean artists, cultural organisations, traditions and creative industries. Entries increased from 48 in the

inaugural year to 61 in 2026. About the Caribbean Culture Fund The Caribbean Culture Fund (CCF) is a regional fund dedicated to strengthening arts and culture across the Caribbean. It provides grants and other forms of support to artists, cultural organisations and creative projects while helping to build stronger systems for cultural funding, collaboration and visibility across the region. CCF has supported 100 projects across 32 Caribbean countries and territories, spanning the performing arts, film, music, literature and publishing, visual arts, multimedia, archives and other creative disciplines. CCF works with artists, cultural practitioners, funders and regional partners to expand access to resources for Caribbean creativity and strengthen the conditions in which the region’s cultural sector can grow.

P 11

DIARANZON 16 DI SEPTEMBER 2026

Oportunidad unico na otro band’i mundo:

MAS POLIS DI ARUBA TA SIGUI HAYA OPORTUNIDAD NA ABU DHABI PA DESAROYO POLICIAL

a completa su curso di liderazgo na Abu Dhabi cu exito. E curso aki tabata uno intensivo cu un duracion di seis luna. Agente Leonard tabata e di dos polis cu a sigui y finalisa e trayecto di halto nivel aki. KPA ta felicita agente Leonard pa su desempeño. Awo a toca turno na agente policial Alfredo G. Villamizar, kende ta traha como polis uniforma na districto di Oranjestad. Agente Villamizar a wordo selecciona pa forma parti di e programa di liderazgo na Abu Dhabi e aña Oranjestad, ARUBA: Cuerpo Policial Aruba (KPA) ta continuamente enfoca riba drecha, construi y fortifica su lasonan cu diferente partnersnan tanto regional como internacional. KPA

ta keda presente y ta sigui inverti den conocemento, capacitacion y cooperacion di su organisacion. Recientemente, policial Alvin

agente Leonard

aki. Diadomingo 6 di september ultimo, famia, amigo- y coleganan a compaña Villamizar na Aeropuerto Internacional Reina Beatrix pa desea Villamizar

un bon viahe y tur clase di exito cu e curso. Tambe presente tabata Altocomisario di Polis, sr. Ramon Arnhem, y hefe di districto di Oranjestad sr. Brown. "Nos ta keda inverti den

nos personal pa forma e lidernan di futuro pa nos organisacion," Altocomisario sr. Ramon Arnhem a expresa. Cuerpo Policial Aruba ta desea colega Villamizar hopi exito den e reto nobo aki na Abu Dhabi.

P 12

DIARANZON 16 DI SEPTEMBER 2026

SER a entregá konseho riba AOV i AWW Willemstad, 14 di sèptèmber 2026 — Djaluna 14 di sèptèmber último, Konseho SosialEkonómiko (SER) a entregá su konseho riba e proyekto di ordenansa nashonal pa oumentá AOV i AWW na minister di Finansa Sr. Charles Cooper i minister di Desaroyo Sosial, Labor i Bienestar (SOAW) Sra. Charetti AmericaFrancisca. SER a aprobá e konseho durante su reunion ekstraordinario di djabièrnè 11 di sèptèmber último. Un parti sentral di e proyekto ta e oumento di e penshun kompleto di Seguro General di Behes (AOV), di Cg 862 pa Cg 1.000 pa luna, pa personanan ku tin derechi riba dje i ku ta biba na Kòrsou. Ta paga e montante mas haltu for di promé di yanüari 2026. E proyekto ke fiha e oumento akí den lei, ku efekto retroaktivo for di e fecha ei. Tambe e proyekto ta proponé un oumento di e penshunnan di Seguro General di Biuda i Wérfano (AWW), ku promé di yanüari 2027 komo fecha tentativo p’esaki drenta na vigor. E seguro akí ta paga un penshun na biuda, biudo i wérfano ku ta kumpli ku e kondishonnan legal. E sumanan proponé ta varia segun edat i e kategoria ku lei ta stipulá. Tambe e proyekto ta kontené reglanan nobo

pa adaptá e penshunnan periódikamente. Tantu e desaroyo di preisnan pa konsumidó komo kresementu ekonómiko ta hunga un papel den esaki. Ademas, tin stipulashon pa un gruponan spesífikamente definí di personanan ku tin derechi riba AOV i ku ta biba pafó di Kòrsou. E stipulashonnan ei tin komo meta duna kumplimentu na un sentensia di Korte Komun di Hustisia di promé di mart 2021. E tratamentu di e proyekto ta tuma lugá na un momentu ku e poblashon di Kòrsou ta embehesendo rápidamente. Segun Ofisina Sentral di Statistik (CBS), riba promé di

yanüari 2026 Kòrsou tabatin mas di 40.000 habitante di 65 aña i mas: 25,9 porshento di poblashon. E kantidat di habitante den e grupo di edat akí kasi a dupliká den dies sinku aña. Esaki ta hasi ku e proyekto tin importansia pa diferente generashon. Pa adultonan mayó i famianan di personanan ku a fayesé, e montantenan di penshun ta influenshá direktamente nan posibilidat pa kubri gastunan di tur dia. Pa trahadónan, dunadónan di trabou i gobièrnu, e finansiamentu tambe ta hunga un ròl. AOV ta funshoná basá riba un sistema di reparto: ta usá e entradanan di prima di

awor pa paga e penshunnan di awor. P’esei, e desaroyo di e kantidat di persona ku tin derechi riba penshun tin un relashon estrecho ku preguntanan tokante empleo, entradanan di

prima i kontribushonnan di gobièrnu. SER a risibí e petishon di konseho di minister di Finansa riba 17 di yüli 2026.

P 13

DIARANZON 16 DI SEPTEMBER 2026

Minister Geoffrey Wever ta habri caminda pa mas importacion di carni for di Republica Dominicana

Oranjestad, 10 september 2026 - Como parti di su mision comercial na Santo Domingo durante HUB Camara Santo Domingo 2026, Minister di Finansa, Asuntonan Economico y Sector Primario, Geoffrey Wever, a bishita Suplidora de Carnes A&B pa explora con e compania por desaroya un relacion comercial mas structural cu mercado Arubano. Suplidora de Carnes A&B ya ta USDAapproved y permiti pa exporta pa Aruba. E enfoke di e reunion, consecuentemente, no tabata riba acceso na mercado, pero riba e condicionnan cu mester ta presente pa logra

entreganan real. “E porta ya ta habri. Awo nos mester concentra riba loke ta haci comercio funciona den practica: producto, volumen, prijs, logistica y continuidad di entrega,” Minister Wever a indica. Durante e bishita, Minister Wever a haya informacion tocante e surtido, capacidad di distribucion, mercado di exportacion y red logistico di e compania. Pa producto di carni refrigera y congela, frecuencia di transporte, consolidacion di carga y confiabilidad di entrega. E factornan aki ta esencial pa sigura calidad

y, na mes momento, mantene importacion comercialmente atractivo pa un mercado relativamente chikito manera Aruba.E conversacion a trata tambe e obstaculonan cu por limita exportacion mas regular, incluyendo volumen, costo logistico y necesidad pa coordina mihor entre exportador, impor tadornan, autoridadnan y operador logistico.Pa Minister Wever, e siguiente paso mester ta acercamento directo entre Suplidora de Carnes A&B y importadornan y distribuidornan Arubano interesa. “Gobierno su rol ta facilita acceso y crea e conexion. Prijs, volumen, specificacion di producto y contractonan ta responsabilidad di sector priva. Nos tarea ta yuda pone e condicionnan pa desaroya e oportunidad,” Minister Wever a enfatisa. E meta ta pa determina si e capacidad existente di Suplidora de Carnes A&B por wordo conecta cu demanda Arubano den un modelo cu ta confiabel, competitivo y sostenibel. E siguiente fase ta pa e compania y importadornan Arubano interesa sigui explora oferta di producto, volumen, prijs, consolidacion, frecuencia di transporte y

condicionnan comercial. Ministerio di Finansa, Asuntonan Economico y Sector Primario lo sigui facilita e

contactonan necesario y duna seguimiento na e oportunidadnan cu ta sali for di HUB Camara Santo Domingo 2026.

P 14

DIARANZON 16 DI SEPTEMBER 2026

P 15

DIARANZON 16 DI SEPTEMBER 2026

FORTALEZA PA FAMIA Scirbi pa Pastor Marcel Balootje.

AMOR DI DIOS, Y SU PRESENCIA, MESTER TA DEN BO CAS Si pa un of otro motibo bo luz wordo corta, bo ta keda den scuridad, si bo no alcansa pone bo lus bek. Scuridad den cas ta haci traficacion den cas dificil, nos ta cana trompica pasobra nos ta falta lus. Awel mesun cos ta ora e amor di Dios y presencia di Dios ta haci falta den nos cas. Y ora e amor di Dios y e presencia di Dios no tey e cas ta dividi. Por ehempel un hende ta bini bo cas, e kier sinta combersa , pero den tur esey e ta expresa cu e no gusta e muher of e homber cu bo ta casa cune, na e momento ey bo tin cu avisa e persona ey cu boso dos ta uno ( Genesis 2:24) y cu e mester duna un splicacion ta di unda e ta bini cu e pensamento ey,pasobra e kier amistad, pero e ta cana cu division, mescos tambe si e ta referi na un yiu di bo. Lucas 11:17 ta bisa hopi cla: Tur reino dividi contra su mes ta keda ruina, y un cas dividi contra su mes ta cay. Hopi biaha hende no ta ripara cu rabia, odio y falta di pordon ta trece division den cas, y ora cosnan yega leu cu ta trece separacion

den famia, nan ta bisa cu nan no sa kico por a pasa. E amor di Dios y e presencia di Dios mester ta den nos cas y permanece den nos cas, no ta cos di un rato so, pero e mester tey constantemente. Pero e por tey ora nos curason ta yen di dje, pasobra locual bo curason ta yena cune, bo boca ta papia. Mateo 7:24 ta bisa : Ken cu tende e palabranan aki, di Mi y haci nan, lo wordo compara,cu un homber sabi,cu a traha su cas riba baranca. Un homber sabi ta mantene su cas cu e amor di Dios, e ta cubri su cas bao di e Sanger di Cristo Hesus, e ta vigila, e ta haci oracion, e ta tene ayuno, pasobra e no ta cabes di cas solamente pa cuida famia y cubri gastonan, pero e ta cabes di cas responsabel sabiendo cu e mester duna cuenta na Dios, pasobra ta un mayordomo e ta. Tur momento e mester ta cla pa guia su famia den caminda di union( Salmo 133) Mustra nan e frutanan di Spirito Santo ( Galationan 5:22) , Corda

nan

mester

pordona Mateo 6:14-15, Sinja nan pone e bida bieu un banda ( Colosensenan 3:8-9) Kita ofensa for di nan boca ( Efesionan 4:29). Mantene e vinculo di pas (Filipensenan 2:1-2). Soporta y pordona otro mescos cu Senjor a pordona boso.( Colosensenan 3:1214). Bo cas ta un teritorio bendiciona, cual no mester wordo contamina, pasobra

Oracion Di Dia

ora bo cas ta wordo contamina e bida di tur esnan cu ta biba den e cas ey ta corre peliger di wordo contamina, corda bon un hende ta hanja griep, e ta tosa , y e ta niester, e no por yuda, si e otronan no cuida , den un dia nan tambe ta contamina cu e griep. No laga bagamunderia di mundo contamina bo hogar, pasobra bo hogar ta teritorio di amor y presencia di Dios.

Evita di papia cosnan negativo, palabra sushi, pornografia,palabranan di dobbel sinti, redo calumnia, orguyo y arogancia, pasobra e cosnan ey ta stroba e presencia di Dios den bo hogar y den bo bida. Mantene un nivel halto di Alabansa y Adoracion den bo cas, laga tur momento Oracion bay boso dilanti. Sinceramente, Pastor Marcel Balootje.

Un feliz dia y cu Dios bendiciona boso na abundancia. Stima boso enemigonan, haci bon y fia sin spera nada bek.”Lucas 6,35Un amor cu no ta spera nada bek.Kisas e deseo di mas natural di humanidad ta pa biba un fabor pa un fabor, stima esnan cu ta stima nos, y yuda esnan cu ta yuda nos. Pero Hesus ta reta nos pa kibra e custumber ey. E ta pidi nos pa responde na odio cu amor, na maldicion cu bendicion, y na egoismo cu generosidad. E ley general cu Hesus ta duna den versiculo 31 ta e clave: "Trata otro hende manera boso kier pa nan trata boso." Esaki no ta depende di con otro hende ta comporta cu bo, sino di e escogencia cu abo ta haci pa biba den paz y amor. Ora nos stima sin condicion y ta fia sin spera nada bek, nos ta mustra e caracter di Altisimo, kende ta bondadoso hasta cu esnan malagradecido. Na final, e yamada di mas grandi ta un den versiculo 36: "Sea misericordioso, mescos cu boso Tata ta misericordioso. Oracion: Señor Hesus duna mi e gracia pa por imita Bo y agrada Bo p’asina mi por biba mi bida di acuerdo cu bo boluntad pa medio di Cristo nos Señor. Amen.

P 16

DIARANZON 16 DI SEPTEMBER 2026

MINISTER WEVER TA REUNI CU MINISTER DI ASUNTONAN EXTERIOR DI REPUBLICA DOMINICANA PA FORTALECE COOPERACION ECONOMICO BILATERAL

Oranjestad, 14 september 2026 - Como parti di su mision comercial recientemente na Santo Domingo, Minister di Finansa, Asuntonan Economico y Sector Primario, Geoffrey Wever, a sostene un reunion strategico enfoca pa fortalece e cooperacion economico bilateral entre Aruba y Republica Dominicana. E combersacion a concentra riba temanan cu tin prioridadnan comun cu tin impacto directo riba comercio regional, entre otro, facilitacion comercial, conectividad aereo y maritimo, cadena di suministro, seguridad alimentario y coordinacion institucional.

pone enfasis riba e hecho cu diferente aspecto economico ta toca varios institucion Dominicano simultaneamente. Comercio, aviacion, puerto, agricultura y logistica no por wordo trata los di otro. Pa e motibo ey, un bon coordinacion interinstitucional ta esencial pa evita cu oportunidadnan comercial keda stanca entre proceso y competencia diferente. Den e contexto ey, e rol di Ministerio di Relacionnan Exterior (MIREX) ta importante como punto di coordinacion y facilitacion pa desaroyo economico cu ta rekeri cooperacion entre diferente autoridad Dominicano.

tabata con Aruba y Republica Dominicana por haci mihor uso di cuadronan bilateral y regional existente, incluyendo e TransCaribbean Agreement, pa sostene comercio y conectividad entre ambos pais. E enfoke ta pa evita cu acuerdonan keda solamente como base politico, pero usa esakinan como instrumento pa facilita prioridadnan economico concreto, mehora coordinacion y fortalece relacion entre e institucionnan relevante.

Pa Minister Wever, e siguiente fase di relacion economico entre ambos pais mester bay mas leu cu bon contacto politico. E meta ta pa usa e cuadro di cooperacion existente di forma mas concreto y eficiente, cu participacion di e institucionnan relevante y competente.

“Nos ta traha riba un relacion economico cu ta integral. Ora comercio toca puerto, aviacion, agricultura y regulacion na mes momento, mester tin un structura cu ta conecta e diferente actornan. Esey ta unda coordinacion institucional ta bira decisivo,” Minister Wever a enfatisa.

E reunion a conecta tambe cu e agenda cu Minister Wever a desaroya durante su mision na Santo Domingo, caminda e a trata separadamente cu autoridadnan y sector priva tocante proveedor, importacion di carni, conectividad aereo, transporte maritimo, capacidad refrigera, agrocomercio y logistica.

Durante

Un otro tema importante

reunion,

diferente

reunionnan

tabata tin e mesun meta, cual ta pa fortalece e cadena entre productor, mercado, transporte y institucion. “Un cadena di suministro fuerte no ta ser crea den un solo reunion of cu un solo compania. E ta exigi pa e sistema completo funciona. Pa esey nos ta traha simultaneamente riba comercio, conectividad, logistica y cooperacion gubernamental,” Minister Wever a declara. Durante e reunion, a trata tambe e oportunidad pa posiciona Aruba mas activamente como un conector regional entre Republica Dominicana, Caribe y Reino Hulandes. E posicion geografico, structura institucional y conexionnan internacional di Aruba por crea espacio pa un rol mas amplio den comercio regional, specialmente si e relacionnan bilateral ta wordo usa mas strategicamente pa facilita movimento di producto,

servicio y inversion. E enfoke aki por yuda Aruba y Republica Dominicana fortalece no solamente nan relacion bilateral, pero tambe contribui na cadena regional di suministro mas resiliente y un economia den Caribe mas resistente contra interrupcion externo. “Nos ta busca cooperacion cu tin proposito. Menos fragmentacion, mas coordinacion y mas resultado. Si nos por conecta nos prioridadnan comercial cu e institucionnan cu mester haci e trabou, nos ta crea un relacion economico cu tin mas profundidad y mas balor pa ambos pais,” Minister Wever a conclui. Ministerio di Finansa, Asuntonan Economico y Sector Primario ta gradici minister Bisonó pa e oprtunidad di por a hiba e combersacion aki, cu e meta pa profundisa cooperacion economico entre Aruba y Republica Dominicana.