P1
DIARAZON 7 OCTOBER 2026
7 OCTOBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.
1.25
MEP TA EXIGI CLARIDAD RIBA E PRESTAMO DI 50 MIYON FLORIN DI SVB NA GOBIERNO: TA PONE PENSIOEN DI PENSIONADONAN NA PELIGER?
PEATON[63] ALCANSA PA AUTO TA DEN ESTADO CRITICO
E DIABIERNA AKI:
FLIPPY'S FUN PARK TA HACI SU GRAN DEBUT NA HARBOUR ARENA
P2
DIArazon 7 october 2026
Peaton[63] alcansa pa auto ta den estado critico
Ambulance cu a yega basta lihe y mirando e situacion cu e peaton tawata aden a traha mesora pa a lant'e pone den ambulance y sali cu maximo urgencia pa Hospitaal.
Pos Chikito - Dialuna anochi cu urgencia polis y ambulance a sali direccion Rey Hing na Pos Chikito, unda auto a alcansa un peaton.
Segun informacion, e cabayero[63] a subi caminda pa crusa y pa un of otro motibo no ta mira e taxi van color preto.
Na yegada polis ta topa un cabayero ariba caminda benta y poco mas leu un taxi van.
E impacto tawata di banda di pabou y e peaton mes a bay algun meter mas pariba banda robes.
Polis di trafico y tambe BFTO tawata necesario na e sitio pa compila evidencianan.
DIArazon 7 october 2026
E diabierna aki:
P3
Flippy's Fun Park
ta haci su gran debut na Harbour Arena
Monster Bounce — 4 Courses • 200 Meters — ta yega Aruba pa prome biaha; porta ta habri diabierna 9 di october, 4'or di atardi lo mir'e crece dia pa dia. Na centro di e parke ta Monster Bounce ("El Monstruo"): un circuito inflabel di obstaculo di 200 meter cu 4 pista, esun di mas grandi di su tipo den Caribe y e prome di e tamaño aki riba nos isla.
ORANJESTAD, Aruba — E wardamento a caba. Nice Events Aruba ta presenta Flippy's Fun Park, cu ta haci su gran debut e diabierna aki, 9 di october 2026, na Harbour Arena. Porta ta habri 4'or di atardi, y e parke ta habri tur dia di 4'or di atardi te 10'or di anochi. Henter e siman aki, e ekiponan ta lantando na Harbour Arena un parke di un tamaño cu Aruba nunca a mira. Ken cu pasa eybanda
Hunto cune tin Sky Drop, un caida liber di 8 meter; Island Bounce, un area habri di 20 pa 20 meter pa bula; y Little Mermaid Bounce, un zona special pa e muchanan mas chikito. Flippy's Fun Park ta pa henter famia: mucha, tiener y adulto. Mayornan no ta keda para na banda; nan tambe por bula hunto cu nan yiunan. "Henter mi bida di flamingo mi a spera e momento aki," Flippy, e mascota y cara di e parke, a bisa. "Diabierna Aruba lo mira algo cu nunca e a mira prome. Bin purba Sky Drop, bula riba Island Bounce, bishita Little Mermaid y despues, si bo tin curashi, drenta e Monster!" E debut ta yega net na tempo pa vacacion di scol. Alumnonan ta ricibi nan cupon di scol for di 1 di october; e cupon ta wordo cambia na ticket office di e parke. Mea ta obligatorio riba tur atraccion y ta disponibel na e parke. E debut den resumen Gran debut: diabierna 9 di october 2026, porta
ta habri 4'or di atardi Luga: Harbour Arena, Aruba Orario: tur dia, di 4'or di atardi te 10'or di anochi Ticket: www.flippysfunpark.com y desde diabierna na e ticketcenter na Harbour Arena Flippy's Fun Park ta un presentacion di Nice Events Aruba, cu sosten di Chocomel, Frisian Flag, Coca-Cola y All TO Car. Un Parke. Sonrisa
Sin Fin. Recuerdo pa Semper. Kico ta Flippy's Fun Park Flippy's Fun Park ta un parke di entretenimento inflabel na gran escala na Harbour Arena, Aruba, presenta pa Nice Events Aruba. E ta construi rond di Monster Bounce, e circuito inflabel di obstaculo mas grandi di Caribe.
P4
DIArazon 7 october 2026
Grupo di studiante local a keda introduci na Aruba su industria di timeshare
meta: mustra e variedad di carera den e industria di timeshare, stimula interes entre studiantenan pa enseñansa profesional y practico, y promove un mentalidad caminda tur dos banda ta gana, pa hobennan mira tanto e balor cu nan por aporta n’e industria, como loke e industria por ofrece nan tambe.
Diamars, 29 di september, un grupo di studiante di enseñansa secundario profesional, entre 13 pa 19 aña, a pasa mita dia na La Cabana Beach Resort & Casino participando den e programa The World of Vacation Ownership.
E programa ta desaroya pa studiantenan di hoteleria y enseñansa profesional. E ta duna nan un bista tras di cortina di e industria di timeshare na Aruba y oportunidadnan di carera empresarial cu e ta ofrece. E programa tabatin tres
E nomber ta refleha e acercamento di e programa, cu ta laga studiantenan sumergi den e mundo di timeshare. Nan a ricibi guia pa conoce e industria, a topa cu profesionalnan hoben, a explora oportunidadnan real di carera, a traha riba retonan y haya un prome impresion di e mundo profesional. Mescos cu aña pasa, e evento a tuma luga den e salon di gala di La Cabana Beach Resort, di 8:00 di mainta pa 1:00 di merdia.
Na yegada, studiantenan a keda ricibi cu refresco y un wega pa asina ‘break the ice’ un poco. Despues, presidente di ATSA, Sulaika Kelly, y asistente di gerente general di e resort, Lillian Britten, a duna nan palabra di bon bini. Despues di un puzzel den grupo, un wega di buskeda relaciona cu carera a introduci studiantenan na cuater funcion clave den e industria. Den e Vacation Ownership Challenge Lab, ekiponan a traha hunto pa duna e restaurant Islander Grill un diseño nobo. E programa a cera cu comentario y sugerencia, un foto di grupo, refresco, musica di DJ, saconan cu regalito y un cabina di fotografia di 360°. Pa studiantenan di enseñansa secundario profesional, ta bira cada bes mas importante pa compronde e industria di hospitalidad, y
particularmente e sector di timeshare. Timeshare ta forma un parti importante di e industria turistico di Aruba, y ta ofrece trabou den benta, marketing, operacion y maneho di resort. Sra. Kelly a gradici tur e socionan y participantenan cu a contribui n’e exito di e evento. Tambe el a gradici nan pa yuda desaroya un programa cu lo keda organisa atrobe den e añanan venidero. Un gradecimento special ta bay na La Cabana Beach Resort & Casino, Aruba Center for Leadership Development Foundation, Conoce y DJ Eli. Arubiano a sostene e evento door di suministra saconan reutilisabel pa e regalitonan, y Flashback Aruba a suministra e cabina di fotografia di 360°.
P5
DIArazon 7 october 2026
REMETIDO: Aruba y Betico
ta merece respet:
E revelacionnan di Beatrix ta exigi un respuesta *Revelacionnan cu ta merece atencion* E revelacionnan reciente tocante e notanan personal di ex-reina Beatrix ta merece un reaccion cla y firme. E investigacion riba historia colonial di Cas Oranje-Nassau, dirigi pa historiador Gert Oostindie, a ser entrega na rey Willem-Alexander dia 2 di october 2026. E rey mes a tuma e iniciativa pa e investigacion na final di 2022. *Expresionnan cu ta falta respet* Segun e reportahe riba e investigacion, Beatrix tabata considera e desaroyo di Status Aparte di Aruba como “fataal”. Den su notanan, e tabata contempla gana tempo y warda te ora Betico Croes lo “wegvallen” como factor politico. Den mi opinion, e expresionnan aki ta un falta di respet pa Aruba, pa Betico y pa e lucha di nos pueblo. *Betico: Arkitecto, Constructor y Libertador di Aruba* Pa e pueblo Arubano, Betico Croes ta e Arkitecto, Constructor y Libertador di Aruba. Su vision, liderazgo y lucha incansabel a pone e fundeshi pa nos Status Aparte. E tabata representa e aspiracion di un pueblo pa dirigi su propio destino cu dignidad y autonomia. P’esey, e expresionnan di ex-reina Beatrix tocante Betico y Status Aparte ta doloroso y ta merece un aclaracion publico y un disculpa cu ta honra su legado y e lucha di nos pueblo. *E anhelo di nos antepasadonan* E lucha aki tin su raices den e esfuerso, sacrificio y deseo di nos antepasadonan. Nan a cultiva e anhelo pa un Aruba cu su propio identidad y cu e derecho pa dirigi su futuro. Betico a rebiba e anhelo ey, a dune un voz firme, a uni nos pueblo y a lucha pa realiza e aspiracion cu generacionnan prome cune tabata carga den nan curason.
Honra Betico ta tambe honra nos antepasadonan y tur esnan cu a contribui na e conkista di Status Aparte. *Aruba su aprecio pa Cas Real* Aruba semper a aprecia y reconoce Cas Real, cu cariño y respet pa e vinculo historico cu nos pueblo. Precisamente p’esey, e notanan di ex-reina Beatrix ta doloroso. Den mi opinion, nan a trece un mancha riba e relacion di confianza, pasobra nan ta revela cu den Palacio Real, cerca e persona cu tabata ocupa e trono, tabata existi pensamentonan cu ta falta respet pa Aruba, pa Betico y pa nos lucha. E cariño y respet cu Aruba a mustra ta merece reciprocidad. *“Wegvallen” y su significado* E contexto di “wegvallen” ta referi na e papel di Betico como lider politico dominante; e nota no ta duna base pa conclui cu Beatrix tabata referi na su morto. Sinembargo, den mi opinion, e falta di respet ta keda den e idea di warda te ora e lider di nos lucha lo perde su influencia, en bes di reconoce e boluntad di e pueblo cu e tabata representa. *Opinion personal y responsabilidad* E notanan personal di Beatrix no tabata, di nan mes, maneho oficial di Gobierno, ni nan ta prueba cu henter Cas Real tabata comparti su pensamentonan. Segun e reportahe, Oostindie ta conclui cu Beatrix tin biaha tabata busca e limitennan di su posicion constitucional tras di cortina. E caracter personal di e notanan no ta kita nan significado historico ni e necesidad di un debate publico tocante influencia y responsabilidad. *Status Aparte a duna Aruba espacio pa progresa* Den mi opinion, historia a mustra cu e vision di Betico y e pueblo Arubano tabatin fundamento. Status Aparte a duna Aruba e
espacio pa dirigi su propio desaroyo y asumi responsabilidad pa su futuro. E progreso cu nos a logra ta fruto di trabao di nos pueblo den un cuadro di mayor autonomia. Esnan cu tabata considera e caminda aki fatal a subestima e capacidad y determinacion di Aruba. *Aruba a habri un caminda* Aruba a obtene su Status Aparte dia 1 di januari 1986. Despues, dia 10 di october 2010, Corsou y Sint Maarten tambe a bira paisnan autonomo den Reino. E camindanan no tabata identico, pero e deseo pa mayor autonomia a resulta ser mucho mas amplio cu solamente Aruba. Pa mi, e desaroyo aki ta reafirma e balor di e caminda cu Aruba a habri. *Beatrix tambe a critica Hulanda* Pa presenta e cuadro completo, mester reconoce cu Beatrix tambe tabatin critica fuerte riba Hulanda. Segun e investigacion reporta, e tabata cuestiona e tono colonial y paternalista cu Den Haag tabata uza den su trato cu e Antiyanan. E critica ey ta relevante, pero no ta kita e necesidad di duna cuenta di su propio expresionnan tocante Aruba y Betico. *Un aclaracion y un disculpa ta necesario* Gobierno Hulandes a pidi disculpa pa e pasado di esclavitud na december 2022, y rey Willem-Alexander a haci mescos na juli 2023. Den e espiritu di enfrenta historia honestamente, mi ta considera cu Cas Real mester tambe ofrece un aclaracion publico y pidi disculpa pa e expresionnan cu a menosprecia e lucha di Aruba. Esaki lo ta un paso pa honra nos pueblo y restaura e confianza cu e revelacionnan aki a afecta. *HOFA y e respet pa nos autonomia* E debate aki tambe tin relevancia pa e discusion actual tocante HOFA, e proyecto di Rijkswet houdbare
overheidsfinanciën Aruba. Oficialmente, e ta ser presenta como un propuesta di consenso entre Aruba y Hulanda, dirigi riba finansa publico sostenible, supervision y acceso na prestamo cu condicionnan mas favorabel. E propuesta mester ser evalua cu atencion pa su efectonan riba nos autonomia y nos capacidad di dirigi nos propio futuro. *Consenso mester ta real* E palabra “consenso” mester tin contenido real. Den mi opinion, Hulanda no mag haci mal uso di su posicion financiero pa presiona Aruba den acepta condicionnan cu ta limita su capacidad di tuma decisionnan democratico. Cualkier acuerdo mester respeta nos autonomia y e papel di nos Parlamento, y mester ser explica claramente na nos pueblo. *Autonomia ta carga responsabilidad* Finansa sano, transparencia y bon gobernacion ta necesario. Nos tin e responsabilidad pa administra nos pais cu integridad y pa exigi responsabilidad di nos propio gobernantenan. E defensa di autonomia ta bay hunto cu e deber di goberna bon. E pueblo Arubano merece respet den Reino y responsabilidad den su propio pais. *Un legado pa honra y proteha* Status Aparte ta un conkista historico cu ta uni e anhelo di nos antepasadonan, e liderazgo di Betico y e determinacion di nos pueblo. Betico Croes, Arkitecto, Constructor y Libertador di Aruba, a rebiba e anhelo ey y a lucha pa realise. Nos deber awe ta honra su legado, proteha nos autonomia y sigui construi un Aruba digno pa e generacionnan cu ta bin. E lucha di nos pueblo merece reconocimiento, e memoria di Betico merece respet y Aruba merece un relacion den Reino basa riba igualdad y confianza.
P6
DIArazon 7 october 2026
Minister Geoffrey Wever:
Proximo paso concreto pa parkeerplaats moderno y desaroyo den centro di Oranjestad Oranjestad, 6 october 2026 - Den cuadro di e proceso di revitalisacion di Oranjestad, Gobierno a yega na e siguiente fase concreto den preparacion pa un parkeergarage central combina cu vivienda y/oficina na e crusada di John G. Emanstraat y Emmastraat. Conseho di Minister recientemente a duna aprobacion pa drenta den un “overeenkomst van opdracht” cu MGM Source – Economic Financial Investment Advisory, cu lo ehecuta e estudio di factibilidad financiero y economico pa e proyecto. E intencion ta pa desaroya un facilidad central di parkeer di aproximadamente 4-5 piso, combina cu 2-3 piso pa vivienda y/oficina. E analisis mester determina, entre otro, e costo indicativo di e proyecto, si e por funciona di forma financieramente sostenibel y auto-suficiente, y cua impacto economico e por genera pa centro di Oranjestad. “Revitalisa centro di Oranjestad no ta solamente renoba edificio. Nos mester crea e condicionnan pa mas hende por biba, traha, haci negoshi y bishita centro di Oranjestad. Accesibilidad y parkeer ta parti esencial di esaki. Cu e estudio aki nos ta pone e base tecnico y financiero necesario pa por tuma decisionnan responsabel tocante e siguiente fase di e proyecto,” Minister di Finansa, Asunto Economico y Sector Primario, Geoffrey Wever a indica. E proyecto ta conecta directamente cu e direccion di Gobierno pa transforma centro di Oranjestad den un area urbano mas activo,
unda vivienda, oficina, horeca, comercio y servicio publico por funciona hunto. E necesidad pa mas capacidad di parkeer ta aumenta paralelamente cu diferente desaroyo cu ta tumando lugar den centro, incluyendo vivienda y concentracion di actividad economico y gubernamental. Revitalisacion di centro ta un prioridad di Gobierno y ta considera e facilidad di parkeer como infrastructura cu mester bin pa apoya e actividad economico den e area. Despues di un proceso di destaho, cuatro compania a wordo invita pa presenta nan oferta. Tres oferta a wordo ricibi y evalua segun e criterionan determina den e proceso. MGM Source a sali como e oferta economicamente mas bentahoso segun e evaluacion. E estudio lo inclui cinco componente principal: un analisis di demanda pa parkeer, un analisis costo/beneficio, un modelo di explotacion, diferente structura di financiamento y un estudio di impacto economico. Ademas, diferente scenario pa combinacion di parkeer, vivienda y espacio di oficina lo wordo analiza, ya cu e configuracion final di e proyecto ainda no ta determina. MGM Source ta propone pa, entre otro, inventarisa desaroyonan residencial y comercial den Caya Betico Croes, Wilhelminastraat, John G. Emanstraat y su alrededor, analisa e situacion actual di parkeer y determina e demanda den futuro. Un otro elemento importante ta
e rol di Renobacion Aruba N.V. Land Aruba ta accionista den e compania y e intencion ta pa Renobacion Aruba N.V. participa den e desaroyo, financiamento y explotacion di e proyecto. E estudio lo analiza tambe e necesidad di capital y e relacion entre aporte di accionistanan y financiamento externo. Minister Wever a enfatisa cu firmamento di e acuerdo aki ta marca inicio di e fase di factibilidad, y no ainda un decision final tocante construccion. “Prome cu Gobierno compromete recurso na un proyecto di e escala aki, nos mester sa exactamente cua modelo ta funciona, cua riesgo ta existi, cua inversion ta necesario y con e proyecto por genera balor economico pa centro di Oranjestad. E meta ta pa pasa di idea pa un proyecto fundamenta riba dato, analisis y un modelo financiero solido,” Minister Wever a agrega. Firmamento oficial di e acuerdo cu MGM Source a tuma lugar diamars mainta na Bureau di Minister. Despues di evfirmamento
y entrega di e informacion necesario, e estudio ta proyecta pa wordo completa dentro di aproximadamente 30 dia. E iniciativa ta cuadra den e maneho mas amplio pa revitalisa centro di Oranjestad y crea mas espacio pa vivienda, comercio, horeca y inversion. Gobierno a implementa tambe incentivo fiscal pa stimula inversion y renobacion den centro di Oranjestad, como parti di e Programa di Gobernacion AVPFUTURO 2025-2028.
P7
DIArazon 7 october 2026
MEP TA EXIGI CLARIDAD RIBA E PRESTAMO DI 50 MIYON FLORIN DI SVB NA GOBIERNO: TA PONE PENSIOEN DI PENSIONADONAN NA PELIGER?
Transparencia y responsabilidad ta esencial ora ta trata placa destina pa proteccion social di nos pueblo. opcionnan di inversion y cuanto interes e institucion lo por ta perdiendo cu e transaccion aki.
ORANJESTAD - Fraccion MEP a dirigi pregunta na e Minister di Salud Publico pa haya claridad tocante e decision di Sociale Verzekeringsbank (SVB) pa pone Afl. 50 miyon na disposicion di Gobierno na un interes di solamente 3%
pa aña. Esaki ta un interes mucho mas abou cu SVB por haya otro caminda, y esaki logicamente ta afecta e fondo di pensioen di biehes. MEP kier sa dicon SVB a tuma e decision aki, si a compara e interes cu otro
E placa di SVB ta destina pa proteccion social di nos pueblo. P’esey, ta importante pa tin transparencia riba con e placa aki ta wordo administra y pa keda sigur cu e interes di e aseguradonan y pensionadonan ta keda na prome luga.
MEP ta exigi claridad: ken a tuma e decision, riba cua base financiero y con ta garantisa cu e interes di e aseguradonan ta wordo proteha?
P8
DIArazon 7 october 2026
Minister Gerlien Croes ta anuncia inicio oficial di trabounan na tres veld di futbol: Ayo, Arsenal y Washington
Tres veld, tres proyecto, un solo vision: mas oportunidad deportivo pa nos muchanan y hobennan di Aruba.
ORANJESTAD, 6 di october 2026 – Minister di Deporte, sra. mr. Gerlien Croes, ta anuncia cu trabounan di renobacion di veldnan mini turf a inicia oficialmente na tres veld of localidad na Aruba: Ayo, Arsenal na Coba Lodo y Washington. E proyectonan aki ta forma parti di e vision pa sigui modernisa infrastructura deportivo di Aruba y crea mas oportunidad pa desaroyo di futbol, particularmente pa nos muchanan y hobennan. Cu inicio di e trabounan aki, e tres localidadnan lo beneficia di instalacion di mini turf veldnan moderno, creando espacionan deportivo cu ta contribui na desaroyo di talento futbolistico y ta stimula mas participacion den deporte. Tres veld, tres proyecto, un solo vision
Minister Gerlien Croes ta enfatisa cu inversion den infrastructura deportivo ta un paso importante pa fortalece deporte na nivel di bario y brinda nos futuro generacionnan e facilidadnan necesario pa practica y desaroya nan talento. “Nos vision ta cla: mas deporte, mas facilidad y mas oportunidad pa nos muchanan y hobennan. Cu inicio di e trabounan na Ayo, Arsenal y Washington, nos ta sigui transforma nos infrastructura deportivo y acerca deporte mas ainda na nos comunidadnan. Cada veld nobo ta representa un oportunidad nobo pa descubri talento, stimula movecion y inspira nos futuro futbolistanan”, Minister Gerlien Croes a expresa. E renobacionnan aki ta contribui na creacion di
un ambiente deportivo mas moderno y accesibel, caminda muchanan y hobennan por sigui desaroya nan habilidadnan, cultiva disciplina, fortalece trabou den ekipo y disfruta di deporte den nan propio bario. Inversion den deporte ta inversion den futuro Segun Minister Gerlien Croes, infrastructura deportivo ta desempeña un rol esencial den desaroyo social y fisico di nos comunidad. E importancia di e proyectonan aki ta bay mas leu cu solamente renobacion di veldnan di futbol. Nan ta representa un inversion den bienestar, salud y futuro di nos generacionnan. Cu e tres proyectonan actualmente den ehecucion, Ministerio ta reafirma
su compromiso pa sigui fortalece infrastructura deportivo den diferente bario di Aruba y crea mas espacio pa deporte y movecion. Minister Gerlien Croes ta gradici Fundacion Lotto pa Deporte pa ta parti di e proyecto y ta felicita e barionan di Ayo, Coba Lodo y Washington cu e inicio di e renobacionnan y ta expresa su entusiasmo pa e momento cu e veldnan nobo lo ta cla pa uso. Exito na nos architecto y contratista local pa cu e trabounan nos dilanti cu mester wordo completa y entrega pa asina e facilidadnan por bay den uzo directamente. “Pabien na e tres barionan! Nos ta sigui traha pa transforma nos facilidadnan deportivo y crea mas oportunidad pa cada mucha
y hoben cu tin un soño deportivo. E trabounan ta continua, pasobra nos compromiso cu deporte y futuro di Aruba ta continua”, Minister Gerlien Croes a conclui. Mas infrastructura, mas talento, mas deporte! Hunto nos ta sigui traha pa deporte, pa hubentud y pa Aruba!
P9
DIaRAZON 7 DI OCTOBER 2026
MEP TA EXIGI SOLUCION PA IMPUESTO RIBA VACATION RENTALS:
“CADA SECTOR MESTER CONTRIBUI NA UN ARUBA MAS FUERTE” ORANJESTAD – Fraccion MEP a dirigi pregunta na e Minister di Finansas despues cu durante e reunion di Parlamento cu Aruba Tourism Authority (ATA) riba 2 di oktober, e director a indica cu ultimamente no tabatin mas consulta tocante vacation rentals y cu actualmente no tin un solucion concreto riba mesa pa cobra impuesto di
por a keda cla cu soluciona e problema aki. Mi ta lamenta cu e gobierno di AVP/Futuro no a continua pa traha riba e solucion, y mientras tanto tempo valioso a pasa, y e problema a bira hopi mas grandi”, segun lider di fraccion di MEP Evelyn Wever-Croes. Un economia fuerte ta exigi regla cla y contribucion husto. Empresanan y ciudadanonan cu si ta cumpli cu nan obligacionnan fiscal no mester keda carga cu un peso desproporcional, mientras otro parti di e economia no ta contribui na e mesun manera. MEP a pidi e Minister pa duna claridad tocante e esfuersonan cu a tuma luga, e entrada di impuesto actual, e posibel perdida di entrada fiscal y e medidanan concreto pa logra un sistema di cobramento efectivo y transparente di belasting y sumanan pa permiso.
e sector aki. MEP ta considera preocupante cu, mientras vacation rentals ta forma un parti grandi di nos oferta turistico, ainda no tin claridad tocante con e sector aki ta contribui na e entrada di Gobierno. “Desde tempo di nos gobierno, nos a traha riba solucion pa e problema aki. Lamentablemente gobierno a cay y nos no
MEP ta enfatisa cu e meta no ta pa pone obstaculo na haci negoshi, ni na turismo, sino pa crea un sistema fiscal husto, transparente y sostenibel, caminda tur sector ta contribui na e desaroyo di Aruba. E entrada fiscal ta esencial pa Gobierno por inverti den infrastructura, servicio publico y calidad di bida di nos pueblo.
MEP lo sigui insisti riba solucion concreto, cooperacion entre e instancianan relevante y un sistema husto pa
tur hende. Aruba su prosperidad mester beneficia nos comunidad henter, y esey ta cuminsa cu responsabilidad comparti.
P 10
DIARAZON 7 DI OCTOBER 2026
MINISTER DI HUSTICIA Y MINISTER DI TURISMO TA UNI FORSA PA UN ARUBA MAS SIGUR
Minister di Husticia, mr. drs. Arthur Dowers, y Minister di Turismo mr. Wendrick Cicilia a reuni recientemente pa dialoga riba un colaboracion mas estrecho, hunto cu Aruba
Hospitality Security Foundation (AHSF), cu como meta principal di sigui fortalece siguridad na Aruba. Durante e encuentro a papia riba diferente
posibilidad pa establece un colaboracion integral entre e dos ministerionan y AHSF. E intencion ta pa uni experencia, informacion y capacidad di diferente actor cu tin un rol den siguridad, pa asina por atende e retonan existente di un manera coordina y efectivo. Aunke e colaboracion ta enfoca riba siguridad rond Aruba, den e caso aki a enfoca riba e area hotelero y turistico, considerando e importancia di e sector aki pa Aruba y e cantidad grandi di bishitante y trahado cu diariamente ta
move den e zona. E enfoke ta uno integral, den cual prevencion, intercambio di informacion, coordinacion y cooperacion entre Gobierno, sector turistico y partnernan den siguridad ta central. E meta ta pa fortalece no solamente e reaccion riba situacionnan cu por presenta, pero particularmente pa traha preventivamente y identifica posibel riesgo na tempo. Cooperacion entre Gobierno, sector priva y organisacionnan cu ta activo riba tereno ta
esencial pa logra resultado sostenibel.
cu e cambio di liderazgo, e modificacionnan den estatuto y e formacion di un directiva nobo ta forma parti di e apertura di un capitulo nobo. Tras di e decisionnan aki, el a identifica confianza como un elemento esencial: confianza den e generacion nobo, den esnan cu ta carga responsabilidad y den e capacidad di AVP pa evoluciona sin perde su identidad. Dirigiendo su mensahe na e lider nobo, Sneek a desea Cicilia hopi exito y a pidi pa e mantene presente e activistanan cu ta sali den calor pa campaña, esnan cu ta dedica oranan despues di trabou y e famianan cu a haci sacrificio. El a reconoce
tanto esnan cu a gana como esnan cu a perde, resaltando cu nan tur ta forma parti di e historia di AVP. Sneek a invita e lider nobo pa haci su propio historia cu humildad, disciplina, respet y, riba tur cos, amor pa Aruba. “Un partido no ta bira fuerte solamente ora e gana eleccion. Un partido ta bira fuerte ora e por pasa di un generacion pa otro sin perde su alma,” el a expresa. Sneek a cera recordando cu e poder di un partido ta den su pueblo. Cu e trayectoria di AVP como base, el a haci un yamada pa traha hunto pa e futuro, culminando cu un deseo di bendicion di Dios y su saludo: “Biba AVP. Biba Aruba.”
E colaboracion cu AHSF ta forma parti di e esfuerso pa sigui fortalece un ambiente sigur tanto pa nos comunidad como pa esnan cu ta bishita Aruba. Ministerio di Husticia y Ministerio di Turismo lo sigui traha hunto cu Aruba Hospitality Security Foundation pa concretisa e diferente puntonan discuti y establece un cooperacion structural y duradero, cu un meta comun: contribui na un Aruba mas sigur pa tur hende.
President di Parlamento, Marlon Sneek:
“Un partido ta bira fuerte ora e por pasa di un generacion pa otro sin perde su alma” ORANJESTAD (4 di oktober 2026) — Presidente di Parlamento di Aruba, Marlon Sneek, a destaca cu e forsa di un partido ta den su hende y den su capacidad di pasa di un generacion pa otro sin perde su identidad. Durante su discurso na Congreso AVP 2026, celebra na Marriott Ballroom, Sneek a presenta e relevo como un responsabilidad comparti pa honra e trayectoria di AVP y sigui construi su futuro. Den e congreso, caminda liderazgo di e partido a pasa na Wendrick Cicilia, Sneek a reconoce e contribucion di boluntarionan, activistanan y famianan cu a dedica un parti di nan bida na e movemento politico. “Un partido ta su hende,” el a expresa, mencionando esnan
cu ta duna nan tempo, toca porta, convence un amigo y pone e partido dilanti di nan propio interes. Pa Sneek, e personanan aki ta forma e fundeshi di AVP. Sneek a subraya cu relevo ta pidi reconocemento pa e caminda cu generacionnan anterior a habri. E transicion mester permiti cu e partido ta siña di e experiencia acumula y ta haya e curashi pa sigui construi. El a expresa confianza den e talento, energia y ideanan di e generacion nobo, alabes resaltando e balor di experiencia. Segun Sneek, e tarea ta di busca un ekilibrio cu ta permiti diferente generacionnan contribui na e mesun proyecto. Un punto central di su discurso tabata e
importancia di dialogo y espacio pa diferencia di opinion den e partido. “Un partido fuerte no ta un partido caminda tur hende ta bisa ‘si’. Un partido fuerte ta un partido caminda hende por bisa: ‘Mi ta mira e cos diferente’, y ainda por sinta hunto, tende otro y busca e caminda corecto,” el a afirma. Sneek a destaca cu dialogo ta un señal di fortaleza. Aun cu diferente opinionnan y manera di mira un problema, el a recorda cu e proposito comun ta servicio na Aruba, e comunidad y e siguiente generacion, cu e responsabilidad di laga un partido mas fuerte cu esun cu nan a ricibi. Tocante e decisionnan di e congreso, Sneek a señala
P 11
DIARAZON 7 DI OCTOBER 2026
35 AÑA DI SERVICIO PUBLICO: UN TRAYECTORIA DI DEDICACION Y COMPROMISO
Diamars mainta, Minister di Husticia mr. drs. Arthur Dowers a organisa un momento sorpresa hunto cu coleganan di Bureau di Minister di Husticia, pa celebra 35 aña di servicio publico di Liesje Khemlani. Durante e momento
special aki, Minister Dowers a felicita Liesje cu e logro importante y a expresa su aprecio pa e dedicacion y compromiso cu Liesje a demostra durante su trayectoria den servicio publico. Como reconocemento pa su 35
aña di servicio, Minister Dowers a haci entrega di un plakaat conmemorativo y su envelop di jubileo. Di su 35 añanan den servicio publico, Liesje a dedica 34 aña na Parlamento di Aruba, caminda durante añanan a brinda su servicio na diferente Miembronan di Parlamento y a tene contacto cu Minister, Gobernador, diferente instancianan di Gobierno, prensa, bufetenan di abogado y ciudadanonan cu tabatin necesidad di informacion of asistencia. Desde final di november 2025, el a continua su trayectoria profesional na Bureau di Minister di Husticia. Mirando atras riba su trayectoria, Liesje ta describi e añanan aki como un caminda cu tabatin su desafionan, pero tambe hopi momentonan gratificante. Durante tur e añanan, su fe den
Señor y su compromiso pa cumpli cu su trabao y sirbi otro a sigui forma parti importante di su manera di traha. Su 34 aña na Parlamento di Aruba a brinda un experencia amplio y e oportunidad pa observa di cerca con decisionnan y accionnan den servicio publico por tin un impacto directo riba comunidad. Cu ainda un parti di su trayectoria pa bay, su
compromiso ta pa sigui cumpli cu su trabao y defende balornan di integridad, berdad, compasion y servicio, cu su fe den Señor como guia. Minister Dowers y coleganan di Bureau di Minister di Husticia ta felicita nan colega cu su 35 aña di servicio publico y ta gradicie pa su dedicacion y compromiso den servicio di Aruba.
P 12
DIARAZON 7 DI OCTOBER 2026
Voogdijraad a celebra 120 aniversario y a presenta logo nobo
Diabierna 25 di september, Directie Voogdijraad, hunto cu partnernan den cadena social y huridico a celebra e di 120 aniversario di Directie Voogdijraad. Durante e celebracion aki, ademas a revela oficialmente e logo y identidad visual nobo di Voogdijraad, a introduci
un diseño interior recien renoba y un Kinderkamer specialmente crea pa ofrece menornan un ambiente mas trankil. Voogdijraad ta cumpli un rol importante y delicado den comunidad, particularmente den proteccion di menornan y personanan vulnerabel.
Durante un mensahe di video, Minister Dowers a expresa su gratitud pa e trabao cu Voogdijraad a desplega durante añanan largo na servicio di comunidad Arubano. Minister Dowers a enfoca cu proteccion di menornan no semper ta un tarea facil. Den diferente situacion den cual Voogdijraad mester interveni den relacionnan familiar y tuma decisionnan cu por ta dificil pa e personanan involucra. Sinembargo, Gobierno tin e obligacion di garantisa cu ora algo no ta bayendo bon, specialmente ora bienestar di un menor ta na riesgo, e institucionnan responsabel ta actua pa proteha esnan mas vulnerabel. E celebracion di 120 aña a marca tambe un paso nobo den identidad di Voogdijraad cu presentacion di su logo y imagen visual nobo. E rebranding ta simbolisa un organisacion cu ta honra su historia, mientras cu ta sigui modernisa y fortalece su servicio na comunidad.
Un otro desaroyo importante ta e recien renoba Kinderkamer. E espacio special aki ta destina pa menornan cu ta bishita Voogdijraad y ta crea un ambiente mas adapta na nan necesidadnan, cu mas trankilidad y siguridad durante un momento cu por ta dificil of emocional. Proteccion di nos menornan ta un responsabilidad comparti. Gobierno, instancianan di husticia, partnernan
den cadena y comunidad tin cada uno un rol den e proceso aki. Dentro di esaki, Voogdijraad ta un instrumento importante pa garantisa cu e interes y bienestar di e menor ta wordo proteha. Despues di 120 aña, Voogdijraad ta sigui evoluciona, profesionalisa y adapta su servicio, cu un meta cu ta keda central: proteha nos menornan cual ta esnan mas vulnerabel den nos comunidad.
P 13
DIaRAZON 7 DI OCTOBER 2026
Minister Gerlien Croes:
Den cuadro di Learning CitiesAruba, Minister di Educacion a organisa un congreso hunto cu EPI, OABA, EPB y SPO pa alinia educacion profesional cu e mercado laboral local E sesion di learning cities aki ta enfoca riba fortalece colaboracion entre e institutonan di enseñansa SPO, EPI, EPB y OABA, como tambe crea mas oportunidad di pasantia pa e studiantenan. ORANJESTAD, 5 di october 2026 – Riba dia 5 di october a tuma luga un sesion di suma importancia dedica na e aliniacion entre programanan di enseñansa profesional y e demandanan di e mercado laboral local, como tambe e expansion di oportunidadnan di pasantia pa e studiantenan di Aruba. E evento aki ta conta cu presencia y apoyo activo di Minister di Educacion, kende ta enfatisa e importancia di e iniciativa aki pa e futuro educativo y economico di e pais. E sesion aki ta un esfuerzo conhunto cu ta busca pa stimula mas colaboracion y aliniacion structural entre e institutonan cu ta ofrece formacion profesional na Aruba, entre nan: Scol Practico Educativo (SPO), Educacion Profesional Intermedio (EPI), Educacion Profesional Basico (EPB), y e Organizacion pa Avanse di Bario y Aprendisahe (OABA). Conecta enseñansa cu necesidad di nos pais E meta principal di e sesion tabata pa discuti y intercambia ideanan concreto riba con pa conecta
e contenido di e programanan educativo mas miho cu e necesidadnan di nos mercado di trabou. Atraves di e dialogo aki, kier garantisa cu e studiantenan ta ricibi e conocemento y e habilidadnan cu e sector di trabou ta demanda awe. Ademas, e sesion a pone un enfasis special riba e rol di pasantia. Pasantianan ta wordo considera como e brug fundamental entre e klas y e mundo profesional, habriendo portanan pa e studiantenan haya experiencia practico y haci e transicion pa e mercado laboral mas suave y exitoso. Compromiso pa e futuro di e hubentud Durante e sesion, Minister di Educacion, sra. mr. Gerlien Croes, a resalta e balor di e mescla aki entre e sector educativo y e sector
laboral. Nos mester sigura cu nos hubentud ta wordo prepara pa e realidad y necesidadnan di nos mercado di trabou. Ora nos alinia e programanan di formacion profesional cu e demanda di nos empresanan y promove pasantianan di calidad, nos no unicamente ta inverti den e futuro
di e studiante, sino tambe den e desaroyo sostenibel di e economia di Aruba. E iniciativa aki ta marca un paso firme na caminda pa un sistema educativo mas dinamico, inclusivo y enfoca riba e exito di e studiantenan y e progreso di Aruba.
P 14
DIARAZON 7 DI OCTOBER 2026
REFLECCION
TA HENDE TA DICIDI? OF TA DIOS TA DICIDI TOCANTE SEXUALIDAD? Esnan den organisacion, den social y docentenan, ta nan ta duna lectura y charlanan tocante medionan pa tuma control di saludsexual y di anticonceptivonan na e hobennan? Nan ta sinja y ta promove algo cu no ta un educacion Cristian y cu no ta bini di Dios. Ta ki ehempel y educacion esey ta? Esey ta pa promove libertinahe sexual den nos hubentudnan? Educacion sexual mester ta basa segun Dios Su boluntad y den un bida Cristian. Mester sinja tur e hobennan, cu relacion sexual mester sosode solamente den casamento, den e Sacramento di Matrimonio cu CristoHesus a institui, lesa den Bijbel Mateo 19: 5-6, loke Cristo-Hesus ta bisa: “P'esey un homber lo laga su tata y su mama, pe uni su mes cu su muher y e dosnan aki lo bira un curpa. Di manera cu ya nan no ta dos mas, si no un solo curpa y loke cu Dios a uni, no ta permiti hende di separa.” Esaki ta e casamento den e Sacramento di Matrimonio pa Dios den Misa y den e union aki di un solo curpa ta significa, cu Dios ta uni e pareha den nan relacion sexual, pa satisface nan curpa y pa lanta famia. E relacion sexual mester sosode solamente den e Sacramento di Matrimonio, pasobra tur
otro relacion sexualnan haci pafor di e Sacramento di Matrimonio, ta condenabel pa Dios den fierno, lesa den Bijbel 1 Corinthionan 6: 9-10, esaki ta e relacion sexualnan prohibi cu ta e pika di fornicacion y e destino final ta den fierno. Den e di 9 Mandamento di Dios ta bisa: “Lo bo no comete e pika di fornicacion y e pika di deshonesto.” Den e Ley aki Dios ta prohibi tur sorto di relacion sexual pafor di e Sacramento di Matrimonio lesa Bijbel 1 Corinthionan 6: 18 – 20. Tambe e pika di deshonesto y di inmoralidad, ta esnan cu ta deshonra nan mesun curpa den e mesun sexo lesa Bijbel Levitico 18: 22 / 20: 13. Tur sorto di anticonceptivonan, ta contra di Dios Tata Su procreacion humano. No ta pa hende dicidi esey y ni pa husga tocante di bida humano, pasobra ta Dios Tata ta E Autor di bida y no hende. Lesa den Bijbel Genesis 38: 6-10, na unda Dios Tata a condena Onan na morto, pasobra Onan tabata benta su spermanan afo pa no laga su senjora sali na estado. Asina aki tambe, Dios ta condena, na tur esnan cu ta usa tur sorto di anticonceptivonan pa no sali na estado. Dios ta condena e hombernan cu ta haci masturbacionnan y nan ta benta nan sperma
afo, hombernan cu ta usa condoom pa benta nan sperma afo. Muhernan cu ta usa pildonan pa no sali na estado, muhernan cu ta opera, cu ta konopa, cu ta usa spiral pa no haya yiu etc. Hende mester compronde bon, cu Dios Tata a traha hende muher pa planea famia hunto cu su casa den e Sacramento di Matrimonio, ta pesey hende muhernan tin nan ciclonan y nan periodonan cu ta e dianan di fertilidad, e dianan di infertilidad y dianan di menstruacion. Hende muher ta planea
Oracion Di Dia
nan famia den e ciclonan y den e periodonan y no den e anticonceptivonan cu ta bini di satanas. Na mundo esnan den organisacionnan satanico bao di un capa, ta nan ta bini cu e anticonceptivonan pa hende sera porta pa Dios Su procreacion humano y pa promove sexualidadnan prohibi den nos hobennan. P'esey tur esnan cu ta stroba Dios Su Autor di bida of ta sera porta y ta promove libertinahe sexual y sexualidadnan prohibi, nan ta comete pikanan mortal y condenabel. Compronde bon, cu ta Dios ta duna bida y alma, pa nos bini den e mundo aki y ta Dios ta yama nos, pa nos laga e mundo aki. Educacion sexual pa e hobennan mester bini for di cas, na unda cu tata y mama ta papia cu nan yiunan. Tambe educacion sexual pa hobennan, mester bini for di esnan den cooperador pastoral den Parokia, pastoornan of di hendenan Cristian
cu sa di Bijbel. Educacion sexual mester ta algo priva y personal den famia y no di esnan cu bo no sa ken nan ta, nan no sa teologia, nan no ta Cristian, nan no sa nada di Bijbel y nan no sa e 10 Mandamentonan di Dios. Anto ta nan ta bini pa sinja bo yiunan tocante, sexualidad, safesex, saludsexual y anticonceptivonan. Awor e pregunta ta: Ta hende ta dicidi of ta Dios ta dicidi tocante sexualidad? Of mihor bisa, ta na unda bo kier bay despues di morto? Den e lugar cu bo mes a crea y dicidi of den e lugar cu Dios a dicidi pa bo? Educacion na scol, nan no mester bini tocante, educacion sexual, uso di anticonceptivonan y abortus. Laga e educacion sexual pa e mayornan, pa esnan den ccoperador pastoral, pa esnan studia den teologia, pa esnan spiritual y pa e pastoornan di parokia. Scirbi pa Seferino Tromp
Un feliz dia yena di bendicion y misericordia di Dios. E ora ey Pedro a acerca Hesus y puntr’E:”Señor, cuanto biaha mi mester laga mi ruman peca contra mi y toch pordon’e? Te shete biaha?” (Mateo 18, 21) Hesus a bisa no shete biaha, pero setentishete biaha shete, mester pordona otro tur dia di nos bida. Si un hende no ta dispuesto na haci bon cu su prohimo, e no por ta un Cristian berdadero, e no ta digno pa tuma parti na e mesa na cua Hesus ta combida siguidonan. Solamente esnan cu a trata na pordona otro ta capaz na ofrece Dios un sacrificio den su bista. Dios no lo mustra misericordia ora e husga esun cu no tawatin misericordia cu otro hende, pero esun cu si tawatin misericordia lo sali victorioso na momento di huicio.(Hacobo 2, 12-13) Misericordia mi kier y no sacrificio. Mi no a bini pa yama hende husto, ma pa yama pecado.( Mateo 9,13) Oracion: Señor Hesus Abo cu ta misericordioso y cu ta cla pa pordona nos y cu ta bisa nos cu boso mentalidad mester cambia henteramente y boso mester bisti e bisti di un hende nobo, siña nos con pa pordona y pa ta misericordioso cu nos prohimo pa medio di Cristo nos Señor. Amen.
P 15
DIARAZON 7 DI OCTOBER 2026
Minister Gerlien Croes:
Conferencia y Congreso di Trastorno di Desaroyo di Idioma (TOS) organisa pa FEPOH y Learning Cities Aruba E iniciativa aki lo brinda entrenamento pa educadornan y informacion pa henter comunidad riba dia 5 y 6 di october y metodonan practico pa uza den klas. Dia 6 di October – Congreso Nacional di Trastorno di Desaroyo di Idioma (Publico): Un congreso habri pa henter comunidad, unda cu lo profundisa den e tema di TOS, brinda informacion balioso y ofrece hermentnan practico pa uza na cas y den comunidad. E ta un espacio ideal pa intercambia experiencia entre profesionalnan di enseñansa, famia y publico en general.
ORANJESTAD, 5 di october 2026 — Minister Gerlien Croes como Minister di Educacion tabata presente na e congreso importante di Entrenamento di Apoyo pa TOS (Trastorno di Desaroyo di Idioma), un iniciativa organisa
conhuntamente pa Foundation for the Hearing Impaired Aruba (FEPOH) y ministerio di educacion, bou capa di Learning Cities Aruba. Pa medio di seminario aki, Minister Gerlien Croes a subraya e compromiso cu un enseñansa inclusivo
y e apoyo continuo na e bienestar y desaroyo di tur studiante na Aruba. E evento aki ta diseña pa capacita profesionalnan di educacion y conscientisa e comunidad general tocante e e retonan y solucionnan relaciona cu trastorno di desaroyo di idioma. Dia 5 di October – Conferencia di Desaroyo Profesional pa Educadornan: Un dia dedica exclusivamente na educadornan pa asina nan por adkiri conocemento pa identifica y apoya studiantenan cu TOS den e ambiente escolar. E sesion aki a enfoca riba strategianan pedagogico
E conferencia aki ta representa un oportunidad unico pa sigui fortalece e red di apoyo pa nos muchanan y hobennan. E evento aki ta completamente gratis pa tur participante. Minister di Educacion ta gradici FEPOH conhuntamente cu Learning Cities Aruba pa organisa e congresonan aki. E topico aki ta uno sumamente importante y central pa crea un sistema di educacion mas inclusivo pa un y tur.
“The Lord is my shephard; I shall not want” It is with profound sadness and deepest sorrow that we announce the passing of our beloved:
Cynthia Elaine Gumbs *December 20, 1937 – †September 26, 2026 Service will be announced later.
P 16
SUDOKU
DIARAZON 7 DI OCTOBER 2026
Parlamentario John Hart:
“AVP A NACE PA TRAHA HISTORIA, NOS TA PARTI DI HISTORIA” ORANJESTAD (4 di oktober 2026) — Parlamentario di AVP, John Hart, a reafirma e compromiso di su partido cu construccion, union y bienestar general di Aruba durante su discurso na Congreso AVP 2026, celebra na Marriott Ballroom. Den e encuentro, caminda liderazgo di AVP a pasa na Wendrick Cicilia, Hart a destaca vision, responsabilidad y curashi como e tres caracteristicanan cu ta guia e partido. Hart a cuminsa reconociendo e legado di esnan cu a cana dilanti. El a señala cu e generacion actual ta para riba nan schoudernan y ta haya inspiracion den nan vision y concepto di liderazgo. Segun Hart, e combinacion di vision, responsabilidad y curashi a contribui na forma AVP como e partido cu e ta awe. El a recorda cu AVP ta e partido cu mas aña di existencia na Aruba y cu, den e ultimo eleccion, un biaha mas el a resulta como e partido mas grandi di e pais. Hart a presenta e trayectoria aki como un responsabilidad pa sigui traha na bienestar general di e comunidad. Den su discurso, Hart a critica loke el a describi como intentonan di oponentenan politico pa crea division y debilita e spirito Arubiano. El a expresa preocupacion cu, segun su evaluacion, mensahenan di
negativismo den radio y corantnan ta stroba debatenan importante pa bienestar di e pais. Frente na esaki, Hart a reafirma e direccion cu AVP kier sigui: “Nos kier construi, no destrui. Nos kier union, no desunion.” Pa ilustra e balor di curashi, Hart a referi na e periodo despues di ceramento di Lago. El a destaca cu na 1986, Aruba a demostra curashi door di traha duro pa supera e retonan cu e ceramento a trece cu ne. E experiencia aki a sirbi den su discurso como un recordatorio di e capacidad di e pueblo pa enfrenta dificultad y sigui dilanti. Hart a identifica s o l i d a r i d a d , responsabilidad y defensa di e pais como fuentenan di inspiracion pa e trabou di AVP. Alabes, el a pone enfasis riba husticia social, splicando cu esaki ta nifica traha pa atende e necesidadnan humano real den e comunidad. Den e contexto aki, Hart a anuncia cu pronto leynan importante lo yega na sala di Parlamento, entre nan
legislacion pa pension general pa trahadornan y pa cuido di adultonan mayor. El a relaciona e iniciativanan aki cu e compromiso di e partido pa duna respuesta na e necesidadnan di hende. E leynan anuncia pa pension general y cuido di adultonan mayor ta duna un direccion concreto na e compromiso cu Hart a reafirma durante e congreso: traha pa atende e necesidadnan real di e comunidad, guia pa solidaridad, responsabilidad y husticia social. “AVP a nace pa traha historia, nos ta parti di historia,” Hart a expresa, vinculando e legado di e partido cu e responsabilidad di sigui contribui na bienestar di Aruba.