Issuu

DIARAZON 21 OCTOBER 2026

21 OCTOBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

PARLAMENTARIO SHAILINY TROMP- LEE TA CUESTIONA E FALTA DI CLARIDAD RIBA E PROCESO DI CONSENSUSRIJKSWET

“NOS MESTER GARANTISA CU ARUBA, CORSOU Y SINT MAARTEN NO TA KEDA EXCLUI DI DECISIONNAN INTERNACIONAL CU TA AFECTA NOS HISTORIA Y NOS PAISNAN”

DIArazon 21 october 2026

Studiante di SISSTEM, Josianne Vrolijk ta contribui na investigacion di microplastics na Aruba con microplastics ta wordo transporta y redistribui na canto di nos costanan rond di Aruba.

Studiante di Universidad di Aruba a investiga sargaso y microplastics rond di nos costanan Oranjestad, Aruba, 2 Oktober 2026: Josianne Vrolijk, un studiante di Bio-Environmental Sciences den e programa SISSTEM na Universidad di Aruba, a defende su tesis di BSc (Bachelor of Science) cu exito, investigando e relacion entre contaminacion di sargaso di lama y microplastics riba nos costanan. Cu e titulo di su tesis, “Pelagic Sargassum as a Potential Vector for Microplastic Contamination in Aruban Coastal Sediments”, Josianne a analisa si sargaso cu ta caba na nos costanan ta contribui na e transporte y distribucion di microplastics. Josianne a colecta y compara microplastics for

di sargaso y sedimentonan na ocho beach panort y tres beach pazuid di nos isla. E particulonan di plastic a wordo segmenta den tamaño, forma, color y tipo di plastic. Esaki a duna informacion basico di contaminacion di microplastics na e diesun lugarnan aki na nos costanan. E estudio tambe a haya diferencianan den nivelnan di microplastics entre sedimentonan di beachnan panort y pazuid cu of sin sargaso. Tumando tur esaki hunto a mustra cu e relacion entre sargaso y microplastics ta uno complica. E resultado principal ta cu sargaso cu a yega recien ta mustra di tin microplastics distinto, mientras cu microplastics di sargaso mas bieu ta parce mas riba e microplastics di sedimentonan rond di dje. For di e resultadonan e ta evidente cu nos tin mester di mas investigacion riba

pero na Universidad di di Aruba por contribui na Groningen na Hulanda. e desaroyo di capacidad E lo sigui construi ariba cientifico local pa asina e conocemento ambiental hunto nos logra di tin y experiencia cu el a mihor herment cu ta laga “Islanan chikito ta wordo desaroya cu ayudo di nos maneha e retonan afecta directamente dor SISSTEM. ambiental cu nos isla di problemanan manera E logro di investigacion chikito Aruba pero tambe sargaso y contaminacion di di Josianne ta demostra otro comunidadnan plastic, dus e ta importante con investigacion di un insular chikito ta enfrenta. pa nos mes investiga,” studiante na Universidad Te plaatsen advertentie: Josianne a enfoca durante su presentacion. E investigacion ta destaca SISSTEM su enfasis riba ciencia cu ta localmente De Minister van Toerisme en Volksgezondheid belast met de leiding relevante y ta enfoca van het ministerie van Toerisme, Transport en Arbeid is voornemens in het openbaar aan te besteden het project: riba islanan, combina cu investigacion riba tera, “Inhuren architectenbureau voor het opstellen analisis di laboratorio van het Masterplan en de bestektekeningen voor het Aruba Carnival & Entertainment Village”. pa busca solucionnan pa problemanan ambiental Volgens bestek DOW nr. 13 dj. 2026. y atende cu retonan cu Korte omschrijving van het werk: ta afecta nos Aruba y Opstellen van een Masterplan voor de Carnival Village inclusief een projectdossier en het uitwerken van de Masterplan tot alabes yuda otro islanan bestektekeningen. cu ta enfrentando retonan Uitvoeringstermijn: 7 maanden na datum van opdrachtbrief. similar. Het bestek is vanaf 21 oktober 2026 verkrijgbaar bij DOW tegen betaling van Josianne a completa Afl. 250,00. De betaling te voldoen bij de kassier van de Dienst Openbare Werken (DOW). su tesis bou di guia y De openbare bescheiden liggen ter inzage vanaf 21 oktober 2026 te DOW bij het Secretariaat van de Directie. evaluacion di su supervisor Dr. Nigel John, e segundo Inlichtingen worden verstrekt op 4 november 2026 om 10.00 uur v.m. te DOW. De Nota van Inlichtingen wordt vastgesteld op 11 november 2026. evaluador Sra. Kryss Facun De openbare aanbesteding vindt plaats op 20 november 2026 om 11.00 uur v.m. op het kantoor van de directeur van de Dienst Openbare Werken. y examinador externo Sr. De inschrijver moet bij zijn inschrijving de volgende vereisten overleggen: Tobia De Scisciolo. 1.Bewijs van inschrijving in het register van de Kamer van Koophandel van Aruba Despues di su Bachelor, (niet ouder dan 6 maanden). 2.Overige vereisten opgenomen in het bestek. Josianne tin e plan pa Inschrijving dient te geschieden op het bij het bestek gevoegde en gewaarmerkte inschrijvingsformulier. sigui un Master cu tambe enfoca riba islanan,

DIArazon 21 october 2026

Parlamentario Shailiny TrompLee ta cuestiona e falta di claridad riba e proceso di consensusrijkswet

Experiencia durante pandemia ta pone enfasis riba e necesidad pa clarifica con consensus ta wordo forma y con e paisnan ta participa. Durante e reunion Tripartiet di Parlamento di Aruba, Corsou y Sint Maarten, teni dia 15 di october na Corsou, Parlamentario Shailiny Tromp-Lee a aborda e tema di leynan di Reino y e proceso pa yega na un consensusrijkswet (consensus-RW). Tromp-Lee a hala atencion pa e experiencia durante pandemia, ora e necesidad di yudansa financiero a wordo relaciona cu condicionnan cu e paisnan mester a acepta. E experiencia aki a trece pregunta riba e espacio real cu e paisnan tin pa delibera y determina nan posicion den circunstancianan di presion financiero. E parlamentario a enfatisa cu mester tin mas claridad riba kico ta un consensus-RW y, specialmente, con ta yega na esaki: • Cua proceso mester wordo sigui? • Con e paisnan ta participa den e deliberacionnan? • Y con ta garantisa cu e proceso pa yega na consensus ta cla y transparente pa tur e paisnan concerni? Tromp-Lee a recorda cu durante IPKO a wordo papia y acorda riba un proceso pa trata e tema aki. Sinembargo, segun el a señala durante e reunion Tripartiet, e gobiernonan ainda no ta cumpliendo cu e acuerdo aki.

Pa e parlamentario, no ta suficiente pa tin un acuerdo riba papel. Mester tin un proceso concreto, cu pasonan cla y participacion di e paisnan, pa e principio di igualdad den Reino por wordo respeta den practica. E experiencia di pandemia ta duna un motibo adicional pa trata e tema aki cu seriedad y clarifica e procedementonan, pa e paisnan compronde claramente con ta forma consensus y cua ta nan rol den e proceso. Finalmente, a keda palabra cu e islanan mes lo sigui traha hunto riba un proposicion pa hancra e proceso aki den nan propio leynan nacional.

DIArazon 21 october 2026

Empleado di luna di september bon mereci:

HOH ta reconoce colega Nella Erasmus pa su dedicacion den Botica

cla, su manager a pidie pa pasa un rato na Botica paso tin un anuncio pa haci. Na momento cu Nella a drenta, pa su gran sorpresa, el a topa cu su famia, su team di trabou y Gregory Croeze di Hunta di Directiva cla pa ricibie, gritando cu hopi entusiasmo "Surprise!".

Un sorpresa inolvidabel a tuma luga ora cu coleganan di Nella Erasmus a organisa un reunion

ficiticio pa asina e no drenta imprevistamente mientras tabata decora e espacio. Ora tur cos tabata

Nella a keda completamente sin palabra y no a spera mes cu a HOH a scoge su perosna pa bira empleado di luna di september 2026. Dentro di Botica na HOH, Nella ta hunga un rol hopi crucial como apothekersassistent den e parti di Inkoop y logistica di medicacion. Un tarea compleho y cu hopi responsabilidad, specialmente den e temponan aki cu tin hopi escasez. Nella ta destaca pa su experticio, compromiso, sentido di responsabilidad

y e gran colegialidad cu e ta demostra diariamente. Pa e motibonan aki, ela keda nomina basa riba HOH su balornan TRUSTED. Nella ta un berdadero ‘teamplayer’ cu semper ta cla pa yuda su coleganan, dunando sosten unda ta necesario y semper ta tuma iniciativa. Su accesibilidad y e forma rapido y adecua cu e ta reacciona ta haci cu su coleganan por acudi cerca dje cu cualkier pregunta. Como e punto di contacto digital, e ta pensa semper den con e por yega na un solucion. Como un ‘key user’ Nella a hunga un rol hopi importante pa e exito di HOH su proyetco di HiX. Ademas, Nella ta scucha atentamente e necesidadnan di e team, ta mira situacionnan di diferente perspectiva y ta para pa su coleganan.

Su trabou ta wordo haci cuidadosamente, enfocando semper riba calidad y e siguridad di e pashent. Pa e parti di logistica, e ta mantene un bista cla y ta percura pa reduci cualkier risico. E ta transforma ideanan den resultadonan concreto, siñando y guiando coleganan nobo cu hopi pasenshi y structura. Su dedicacion diario ta aporta grandemente na e calidad y continuidad di loke ta provee medicacion den Horacio Oduber Hospital. Nella ta un colega hopi stima pa su coleganan y tambe hopi aprecia pa Hunta di Directiva y staff complete di HOH. Merecidamente Nella a haya e bunita reconocemento aki pa luna di september 2026!

DIArazon 21 october 2026

Parlamentario Eduard Pieters:

“Den Reino, derecho mester pisa mas cu poder”

Despues di Tripartite na Corsou, PPA ta mira progreso riba e topico ‘geschillenregeling’: “Ora Aruba tin un conflicto cu Reino, no por ta, cu e pais mas grandi automaticamente tin e ultimo palabra.” Kico ta pasa ora Aruba y Reino Hulandes no ta di acuerdo? Ken tin e ultimo palabra: derecho of e parti cu tin mas poder? E pregunta aki tabata un di e temanan importante durante e reciente Tripartite na Corsou, caminda e Parlamentonan di Aruba, Corsou y Sint Maarten a reuni pa trata e asuntonan cu e tres paisnan tin en comun y busca unda nan por fortalece otro. Pa parlamentario Eduard Pieters (PPA), un di e progresonan mas importante ta riba un dossier cu ya tin mas di 15 aña pendiente: e ‘geschillenregeling’. Un mecanismo pa atende disputa dentro di Reino, ora dialogo politico no ta logra resolve nan.

Aruba tambe mester por defende su derecho Un conflicto dentro di Reino por mishi cu interpretacion di Statuto, autonomia of limite di autoridad entre Reino y un pais. Desde 2010, articulo 12a di Statuto ta contempla un ‘regeling’ mediante Rijkswet pa trata cierto

disputa. Pero durante e añanan no a logra yega na un modelo aceptabel pa e paisnan den Reino. Pa Pieters, esey ta toca e esencia di igualdad dentro di Reino. Ora Aruba, of cualkier otro pais den Reino, tin un conflicto cu Conseho di Minister di Reino, resultado no por depende simplemente di e realidad cu Hulanda ta mas grandi, door cu nan tin 18 minister den e Conseho di Minister di Reino. E pregunta mester ta: ken tin rason segun Statuto? Tres pais, un posicion mas fuerte Un proposicion anterior a wordo no a conta cu conseho positivo di e.o. Raad van State. Despues, e tres paisnan Caribeño a sigui traha hunto riba un alternativa. Pa Pieters, hustamente esey ta e lesnan politico. Aruba, Corsou y Sint Maarten ta mas fuerte, ora nan no enfrenta cada problema constitucional separadamente, sino comparti conocimento y defende e interesnan comun hunto. No solamente politico a contribui, sino e profesionalnan huridico di e tres paisnan a participa den e trabou tecnico, mientras a incorpora e observacionnan di Raad van State den e proceso. Segun Pieters, durante e Tripartite na Corsou a presenta un version final,

cu awor mester sigui su trayectoria democratico. Un ‘oordeel’ mester tin peso E propuesta actual ta contempla un rol importante pa Raad van State van het Koninkrijk, ora no por resolve un disputa politicamente. Pero pa Pieters, un ‘geschillenregeling’ solamente tin sentido, si e resultado realmente tin consecuencia. No por crea un mecanismo pa determina ken tin rason, pa despues e parti mas poderoso simplemente ignora e ‘oordeel’. Esey ta precisamente pakico e debate ta hopi mas grandi

cu un procedimento huridico. Ta trata di balans di poder dentro di Reino. Mas di 15 aña: awor Parlamento mester move Pieters ta enfatisa cu e ‘geschillenregeling’ ainda no ta un ley vigente. E proceso democratico y legislativo mester sigui y e Parlamentonan mester trata e resultado cu a alcansa. Pero despues di mas di 15 aña, segun Pieters, finalmente tin perspectiva pa avansa. Y pa PPA, e Tripartite di Corsou a mustra algo mas: cooperacion entre e tres paisnan Caribeño por

produci resultado concreto. ‘Geschillenregeling’ no ta un instrumento cu Aruba kier uza tur ora y idealmente, e paisnan ta resolve diferencia mediante dialogo, paso no mester pone autonomia na prueba, ora tur hende ta di acuerdo. E berdadero prueba ta, ora Aruba bisa “no” y Conseho di Ministro di Reino bisa “si.” Y e dia ey Aruba no mester depende di fabor politico, ni di ken tin mas poder. “Den un Reino di cuater pais, derecho mester pisa mas cu poder. Esey ta e proteccion cu Aruba, Corsou y Sint Maarten mester tin,” Eduard Pieters a finalisa bisando.

DIArazon 21 october 2026

Trabounan pa asfalta Colony ta progresando rapidamente E trabounan pa mehora e infrastructura di Aruba ta sigui avansa. Durante e ultimo dianan, Dienst Openbare Werken (DOW) a cuminsa cu e trabounan pa asfalta diferente caminda cu ta forma parti di e programa di mehoracion di nos careteranan. Un di e proyectonan ta na Colony, caminda DOW a cuminsa cu e trabounan preparatorio y a completa e proceso di frees e superficie di caminda. Actualmente, e trabounan di pone asfalt ta tumando luga y e progreso rapido ta indica cu e prome fase lo acerca su final prome cu e tempo stipula. Minister di Infrastructura, Rene Herdé y Minister di Turismo, Wendrick Cicilia ta expresa nan gradicimento na e team di DOW pa e trabou cu nan ta realisa y pa e velocidad na cual e proyectonan ta avansando. E hecho cu e trabounan ta progresa mas lihe cu e tempo inicialmente stipula, ta un desaroyo positivo pa e

ehecuccion di e programa. E mehoracion di nos careteranan ta un elemento importante pa aumenta siguridad, mehora accesibilidad y facilita e movecion di nos habitantenan y bishitantenan. Careteranan den bon condicion ta contribui na e funcionamento diario di nos comunidad y ta sostene tambe e sector turistico y e actividadnan economico local. E vision di Minister Cicilia pa sigui mehora e infrastructura di careteranan ta bira realidad mediante e trabounan cu ta wordo ehecuta. E meta ta pa sigui avansa cu e mehoracion di camindanan, beneficia tanto e sector turistico como e habitantenan cu ta uza e rutanan aki diariamente. Cu e prome fase di e trabounan na Colony cerca di finalisacion, preparacion pa e di dos fase lo cuminsa. E informacion tocante e siguiente fase

lo wordo anuncia ora cu e planificacion y preparacion yega na e etapa correspondiente.

Tuma accion pa Preveni, Proteha y Stop Dengue Con nos por stop Dengue?

Gobierno ta sigui enfoca riba e mehoracion di infrastructura publico y e ehecucion di proyectonan

cu ta contribui na un Aruba mas accesibel y cu careteranan den miho condicion.

DIArazon 21 october 2026

Parlamentario Shailiny Tromp-Lee:

“Nos mester garantisa cu Aruba, Corsou y Sint Maarten no ta keda exclui di decisionnan internacional cu ta afecta nos historia y nos paisnan” Durante e reunion Tripartiet di Parlamento di Aruba, Corsou y Sint Maarten, cu a tuma luga dia 15 di october na corsou, Parlamentario Shailiny TrompLee a pidi atencion pa e echo cu e tres paisnan caribeño ainda no a ricibi un contesta formal riba e resolucion conhunto di nan delegacionnan parlamentario tocante e posicion di Reino Hulandes riba un resolucion di Nacionnan Uni relaciona cu sclavitud.

Preocupacion consulta

falta

E resolucion conhunto aki, aproba durante e reunion Tripartiet na Den Haag na juni 2026, ta expresa e preocupacion di e tres delegacionnan pa e decision di Reino Hulandes di abstene di vota riba e resolucion di Nacionnan Uni di 25 di maart 2026, cu ta reconoce sclavitud y e trafico transatlantico di hende como un di e crimennan mas grave contra humanidad.

Segun e resolucion conhunto di e paisnan caribeño; Aruba, Corsou y Sint Maarten no a wordo consulta previamente, a pesar di e gran importancia historico, social y moral cu e tema aki tin pa e tres nacionnan.

Despues di su aprobacion na juni, a entrega e resolucion na e

presidium di IPKO cu e peticion pa e coleganan di Eerste y Tweede Kamer pasa e documento pa Gobierno di Reino. A solicita un contesta por escrito y motiva di Gobierno di Reino, hunto cu un proposicion concreto pa mehora e procedementonan di consulta dentro di un termino di tres luna.

Recordatorio formal Gobierno di Reino

Durante e reunion di october, Parlamentario Tromp-Lee a señala cu e plaso di tres luna a pasa caba sin cu e respuesta solicita a yega. Pa e motibo aki, el a propone pa manda un recordatorio formal y duna Gobierno di Reino un periodo adicional di un luna pa contesta. E proposicion di Tromp-Lee a wordo aproba, y e recordatorio lo wordo manda pa Hulanda.

Rol structural den decisionnan internacional Pa Tromp-Lee, e asunto aki ta bay mas leu cu simplemente ricibi un contesta:“Nos mester garantisa cu un situacion asina no ta ripiti. Aruba, Corsou y Sint Maarten mester wordo consulta na tempo y tin un rol real den e preparacion di decisionnan internacional cu ta afecta nos historia, nos identidad y nos sociedad.”

E resolucion ta pidi pa e tres

paisnan tin un rol structural den e preparacion di posicionnan di Reino riba temanan di derecho humano, responsabilidad historico y otro decisionnan internacional cu por tin impacto riba nan.Tromp-Lee ta spera cu awor si Rijksministerraad

lo duna e contesta solicita y cu e situacion aki lo conduci na procedementonan di consulta mas cla y efectivo, pa asina Aruba, Corsou y Sint Maarten no keda exclui di decisionnan cu ta afecta nan.

DIArazon 21 october 2026

Aruba lo ta presente na celebracion historico di 250 aña di The First Salute na Sint Eustatius

Prome Minister Mike Eman lo bishita Sint Eustatius durante e proximo luna di november, den cuadro di e conmemoracion di 250 aña di The First Salute, un acontecimento historico cu a duna e isla un luga importante den historia di Merca. E celebracion lo tuma luga dia 16 di november 2026, un dia prome cu e prome Kingdom Summit na Sint Maarten, caminda Prome Minister Eman tambe lo participa. Eman a destaca cu Sint Eustatius, a pesar di su tamaño chikito, a desempeña un papel importante den un acontecimento cu posteriormente a haya reconocimento internacional. Un acontecimento historico di 250 aña pasa Dia 16 di november 1776, poco luna despues cu Merca a proclama su independencia, e bapor Mericano Andrew Doria a yega na Sint Eustatius cu e bandera di e nacion nobo. Ora e bapor a duna un saludo di cañon, Fort Oranje a contesta cu un saludo similar. E acto aki, conoci como The First Salute, ta considera e prome saludo oficial na e bandera Mericano door di un poder stranhero. E acontecimento a representa un reconocimento simbolico di e nacion nobo y a duna

Sint Eustatius un posicion special den historia di independencia di Merca. Prome Minister Eman a destaca cu e historia aki no solamente ta conoci den e bukinan di historia di e islanan Caribense, pero tambe na Merca. Celebracion cu presencia di Rey Willem-Alexander E conmemoracion di 250 aña di The First Salute lo conta cu presencia di Rey Willem-Alexander, Prome Minister di Hulanda Rob Jetten y Secretario di Estado Eric van der Burg. Prome Minister Eman a expresa e expectativa cu representantenan di nivel halto di Merca tambe por participa den e celebracion historico. Aruba y Sint Eustatius ta comparti lasonan historico Prome Minister Eman a referi na Sint Eustatius como un isla ruman di Aruba, cu cual nos pais ta comparti diferente laso historico y cultural. Un di e similaridadnan special entre e dos islanan ta cu ambos pais nan ciudad capital ta carga e mesun nomber, Oranjestad. Eman a destaca tambe e bon relacion cu e representantenan di Sint Eustatius y e importancia di reconoce e contribucion historico cu e isla a haci. Pa e prome minister, e

celebracion di 250 aña ta un momento di orguyo, no solamente pa Sint Eustatius, pero tambe pa e islanan ruman den Reino. Di Sint Eustatius pa Kingdom Summit na Sint Maarten E celebracion historico na Sint Eustatius lo precede e Kingdom Summit, cu ta programa pa dia 17 y 18 di november 2026 na Sint Maarten. Durante e encuentro aki, e gobiernonan di Aruba, Corsou, Hulanda y Sint Maarten lo reuni pa intercambia vision tocante futuro di Reino Hulandes y e oportunidadnan pa reforsa cooperacion entre e paisnan. Cada pais lo presenta su propio State of the Nation, caminda e prome ministernan lo destaca e logronan, retonan y oportunidadnan pa cooperacion nobo. E

participacion di Prome Minister Eman na Sint Eustatius y Sint Maarten ta brinda Aruba un oportunidad pa reforsa su

lasonan cu e islanan ruman den Caribe Hulandes y participa activamente den e dialogo tocante futuro di nos Reino.

DIaRANZON 21 DI OCTOBER 2026

Parlamentario Jennifer Arends-Reyes:

“Inverti den nos hobennan ta inverti den futuro di Aruba”

ORANJESTAD (19 di october 2026) — Prevencion di criminalidad entre hobennan mester bay hunto cu educacion, deporte y oportunidadnan pa desaroyo. Esaki ta e enfoke cu parlamentario Jennifer Arends-Reyes a trece dilanti durante un intercambio di informacion cu un delegacion di Comision di Asuntonan di Reino di Tweede Kamer di Hulanda, na Parlamento di Aruba. Durante e encuentro, parlamentarionan a dialoga tocante diferente tema di importancia pa e relacionnan den Reino, entre nan e pasado di sclavitud, leynan di Reino basa riba consenso — consensusrijkswetten —, HOFA y criminalidad entre hobennan. Arends-Reyes a comparti informacion tocante proyectonan di Algemeen Investeringsen Ontwikkelingsfonds (AIOF) y e Landspakket, poniendo atencion riba e importancia di

inversionnan y reformanan cu ta contribui na desaroyo di Aruba y bienestar di su pueblo. Den e cuadro aki, el a destaca cu e perspectiva di nos hobennan mester ocupa un luga importante den e decisionnan pa futuro. Guia y oportunidad despues di scol Den e intercambio tocante criminalidad entre hobennan, Arends-Reyes a enfatisa cu atencion pa hubentud mester cuminsa tempran. Orientacion, acompañamento y oportunidad pa descubri y desaroya talento ta importante tanto den como pafor di scol. E parlamentario a destaca e necesidad di un vision pedagogico cla pa opvang y actividadnan despues di scol, tambe pa studiantenan di enseñansa secundario. E paso di scol basico pa secundario no ta nifica cu e necesidad di guia y structura ta caba. Un ambiente sigur, cu profesionalnan prepara y un programa adecua, por ofrece hobennan espacio pa ricibi sosten cu nan estudio, practica deporte y participa den actividadnan educativo y creativo. E tipo di acompañamento aki por yuda nan desaroya nan capacidadnan, fortalece nan confianza y amplia nan perspectiva pa futuro. Pa Arends-Reyes, e conexion entre educacion, deporte y prevencion mester ricibi atencion

continuo. Inverti den hubentud ta inclui facilidadnan adecua, pero tambe personal, programanan y e acompañamento necesario pa haci bon uzo di e facilidadnan ey. Dialogo cu bienestar di pueblo como guia E encuentro cu e delegacion di Tweede Kamer a ofrece oportunidad pa comparti tanto e retonan cu Aruba ta enfrenta como e iniciativanan cu ta wordo

desaroya pa atende nan. Arends-Reyes ta considera importante pa sigui cu e intercambio aki, manteniendo atencion riba e resultado cu cooperacion, reformanan y inversionnan mester trece pa comunidad. Su mensahe ta cla: inverti den nos hobennan ta inverti den futuro di Aruba. Duna nan guia, espacio y oportunidad awe ta contribui na un pais mas fuerte y cu mas perspectiva

pa e generacionnan cu ta bin.

P 10

DIARANZON 21 DI OCTOBER 2026

Comite Olimpico Arubano a reuni cu Sheikh Joaan bin Hamad Al Thani den cuadro di deporte posibel colaboracion na nivel di Comite Olimpico Nacional (NOC) entre Aruba y Qatar, unda lo por haci diferente intercambio interesante na nivel di deporte, cu sigur lo por benificia nos deportistanan.

Awe Comite Olimpico Arubano (COA) a ricibi un bishita special di Su Excelencia Sheikh Joaan bin Hamad Al Thani, cu ta presidente di Comite Olimpico di Qatar, ademas tambe presidente di Conseho Olimpico di Asia.

Sheikh Joaan bin Hamad Al Thani a bin Aruba hunto cu presidente di “World Aquatics” Sr. Husain AlMusallam cu ta maneha tur deporte acuatico na nivel mundial pa haci bishita na oficina di COA, pa asina dialoga riba e

Despues di un recorido di e cas di COA, miembronan di directiva di manera Presidente Wanda Broeksema, Secretaria Generaal Nicole Hoevertsz y Vice Presidente Randall van Trigt a hiba un combersacion hopi ameno cu Sheik Joaan bin Hamad Al Thani, compartiendo diferente di e projectonan actual di COA y kico tin planifica pa futuro. Di e otro banda, Sheik Joaan bin Hamad Al Thani a conta diferente “best practices” cu a ser implementa na Qatar den cuadro di deporte cu a hiba na un mehoracion di no solamente e nivel deportivo, si no tambe e na un miho structura general di deporte. Finalmente a combersa riba varios tema importante pa e futuro di deporte en general y kico como Comite Olimpico Nacional por haci pa asina forma parti di un desaroyo positivo. COA ta contento di a por ricibi bishita di Su Excelencia Sheikh Joaan bin Hamad Al Thani cu ta un figura prominente den e mundo di deporte na nivel

mundial, y sigur lo sigui explora e posibilidadnan di un colabarion na nivel di NOC’s pa asina sigui

eleva e nivel di deporte na Aruba. #COA #ARUBA #sports #collaboration #Qatar

P 11 Prome Minister mr. Mike Eman a reuni cu profesor dr. Mirko Noordegraaf di Universidad di Utrecht, pa dialoga tocante oportunidad pa reforsa cooperacion entre Aruba y Hulanda, specialmente riba tereno di enseñansa avansa, investigacion, maneho publico y intercambio di conocemento. Durante e encuentro, nan a dedica atencion special na e importancia di crea bienestar pa comunidad y promove un relacion di cooperacion den cual e paisnan den Reino por siña uno di otro. Na e reunion tambe tabata presente Minister Plenipotenciario di Aruba na Hulanda, Mildred Schwengle; Secretario General di Ministerio di Asunto General, Robert Candelaria; Secretaria di Conseho di Minister, Indra Hassell-Duarte; y Director di Gabinete di Minister Plenipotenciario di Aruba, Shandra John. Profesor Noordegraaf ta profesor di Public Management (Bestuurskunde) na Universidad di Utrecht, caminda e ta na cabes di Departamento di Bestuurs- en Organisatiewetenschap. Ademas, e ta profesor extraordinario di Governance and Public Services na Universidad di Aruba, cu cual e tin un relacion di cooperacion pa varios aña caba. Reforsa cooperacion y intercambio di conocemento den Reino Hulandes Despues di e reunion, profesor Noordegraaf a describi e encuentro cu Prome Minister Eman como sumamente fructifero y interesante, specialmente pa e oportunidadnan di cooperacion cu por surgi den futuro. Segun profesor Noordegraaf, un di e puntonan principal tabata e importancia di reforsa e relacionnan di conocemento den Reino, basa riba reciprocidad y un vision comun di desaroyo social. E profesor a destaca cu cooperacion entre Aruba y Hulanda no mester ta limita na intercambio di conocemento academico, sino tambe mester contribui na creacion di balor

DIARANZON 21 DI OCTOBER 2026

Prome Minister Mike Eman y profesor Mirko Noordegraaf ta dialoga tocante cooperacion y e bon comun den Reino Hulandes

social y bienestar pa comunidad. Den e contexto aki, Universidad di Aruba por cumpli un rol importante den e cooperacion, tanto riba tereno di investigacion como den intercambio di experiencia y conocemento entre e dos paisnan. Noordegraaf tambe a indica cu e combersacion a ofrece oportunidad pa explora posibel plan di accion, entre otro via Universidad di Aruba. Noordegraaf ta destaca vision di Mike Eman tocante bon comun Un otro tema importante durante e combersacion tabata e concepto di common good, of bon comun, cu tin un luga central den e vision di Prome Minister Mike Eman. Profesor Noordegraaf a expresa su aprecio pa e importancia cu Prome Minister Eman ta duna na e concepto aki, cu ta enfoca riba creacion di balor social pa tur

sector di comunidad. Segun Noordegraaf, e mundo actual ta enfrenta diferente reto, entre otro situacion geopolitico, varios preocupacion relaciona cu cambio di clima y migracion. Pa enfrenta e retonan aki, ta importante pa un sociedad ta bon organisa, prepara y tin capacidad pa adapta na diferente circunstancia. E profesor a splica cu no ta suficiente pa evalua progreso di un pais solamente a base di cifra, indicador di prestacion y instrumento administrativo. Loke realmente ta conta ta e capacidad di un sociedad pa traha hunto, crea balor social y promove bienestar pa su habitantenan. E pensamento aki ta den liña cu e enfasis cu Prome Minister Eman ta pone riba un modelo di desaroyo economico y social, den cual progreso di un pais mester traduci den un miho

calidad di bida pa su pueblo. Hulanda tambe tin hopi cu e por siña di Aruba Durante e entrevista, profesor Noordegraaf a destaca cu, a pesar cu Aruba ta un pais chikito, su presencia y contribucion den region Caribe ta significativo. El a señala cu Aruba ta cumpli un rol importante tanto via su universidad como via su gobierno, y cu e experencia di Aruba por aporta conocemento balioso na Hulanda. Segun Noordegraaf, cooperacion entre e paisnan den Reino mester ta basa riba igualdad, respet mutuo y reconocimento di e experencia cu cada pais tin pa ofrece. E profesor a remarca cu Hulanda por contribui cu conocemento y experencia na Aruba, pero tambe na Hulanda tin hopi cu e por siña di e manera cu Aruba ta enfrenta su retonan como un pais chikito den Caribe. Pa Noordegraaf, e intercambio aki ta importante pa desaroya un relacion di cooperacion den cual tur dos pais por beneficia y contribui na un Reino mas fuerte. Entrega di buki conmemorativo Durante e encuentro, Prome Minister Mike Eman a entrega profesor Noordegraaf un ehempel di e buki Volk van Veerkracht, di Rene Zwart y Luc Alofs. E publicacion ta contene un compilacion di e historianan relaciona cu e trayectoria di Aruba den cuadro di conmemoracion di 40 aña di Status Aparte. E reunion na Den Haag a brinda oportunidad pa sigui e dialogo tocante cooperacion entre Aruba y Hulanda, cu enfasis riba intercambio di conocemento, fortalecemento di nos relacionnan den Reino y creacion di bienestar pa nos comunidad.

P 12

DIARANZON 21 DI OCTOBER 2026

Ta explora aliansa entre Serlimar, Selikor, Selibon, EcoTech y HVC Prome Minister Mike Eman ta na Hulanda:

Lo busca manera pa transforma maneho di sushi na Aruba Area di refineria posibel luga pa desaroya un industria moderno

Prome Minister Mike Eman ta explora e posibilidad di uni experencia y conocemento di e empresanan di maneho di sushi na Aruba, Corsou, Boneiro y Hulanda, cu e meta di desaroya un solucion regional pa e problematica di sushi. E vision aki a sali dilanti durante su bishita na empresa HVC na Alkmaar, Hulanda. E prome minister, acompaña pa su delegacion, a ricibi un recorido den e instalacionnan di HVC, caminda el a cera conoci di cerca e sistema moderno cu e empresa ta uza pa procesa sushi, recupera material y produci energia electrico y calor. Eman a expresa su impresion positivo di e nivel di organisacion, tecnologia y eficiencia cu el a observa durante e recorido. Segun e prome minister, e tipo di instalacion aki ta representa e nivel di modernisacion cu Aruba y e otro islanan den region mester aspira na dje, asina por atende e problematica di sushi na un manera mas eficiente y responsabel cu medio ambiente.

Cooperacion entre Aruba, Corsou y Boneiro Durante e encuentro, Eman a haci referencia na su bishita reciente na Corsou y Boneiro, caminda e posibilidad di un acercamento regional den maneho di sushi a wordo discuti. Un di e aspectonan cu e prome minister ta considera importante ta e volumen di sushi cu ta necesario pa haci un instalacion industrial moderno economicamente factibel. Pa e motibo aki, Eman ta explora si Aruba, Corsou y Boneiro por uni nan esfuerso y crea suficiente capacidad regional pa un proyecto di e magnitud aki. Den e contexto aki, el a menciona e posibilidad di un asociacion entre Serlimar di Aruba, Selikor di Corsou, Selibon di Boneiro, EcoTech na Aruba y HVC. E idea ta pa combina e conocemento cu e empresanan local tin di e realidad y necesidadnan di cada isla, cu e experiencia tecnico y industrial cu HVC a acumula durante 35 aña. Eman a destaca cu e posibilidad

aki mester wordo investiga, pero cu cooperacion entre e diferente partner por habri porta pa un modelo nobo di maneho di sushi den region. Area di refineria como posibel luga pa industria nobo Un otro punto importante cu Prome Minister Eman a presenta ta e posibilidad di considera e area di refineria na Aruba pa desaroyo di un instalacion moderno di procesamento di sushi. E prome minister a haci referencia na e tecnologia sofistica cu el a observa na HVC, caminda diferente proceso industrial ta wordo organisa den un sistema integra. E tipo di instalacion aki por ofrece oportunidad pa procesa y separa diferente clase di sushi, recupera materia prima y transforma sushi cu no por recicla den energia.

Pa Aruba, un proyecto di e tipo aki lo por representa algo mas cu solamente un solucion pa e problematica di sushi. E lo por habri posibilidad pa un actividad economico nobo, basa riba tecnologia, innovacion y produccion di energia. Sin embargo, e prome minister a laga cla cu e posibilidad aki ainda mester wordo investiga, incluyendo e factibilidad di un cooperacion entre e diferente empresa. Transforma un problema den un oportunidad Durante su recorido, Eman a presta atencion special na e manera cu HVC ta procesa sushi den un ambiente industrial controla, incluyendo e medidanan

CONTINUA PAG. 13

P 13

DIaRANZON 21 DI OCTOBER 2026

Lo busca manera pa transforma maneho di sushi na Aruba

CONTINUACION PAG. 12 pa limita molestia di holo y otro efecto relaciona cu procesamento di sushi. E prome minister a considera impresionante e manera cu e diferente instalacion ta funciona den un sistema organisa, caminda sushi ta wordo trata como un material cu ainda por genera placa. E experencia na Alkmaar ta mustra e posibilidad di transforma maneho di sushi den un actividad industrial cu ta combina proteccion

di medio ambiente cu desaroyo economico. Na final di e bishita, Prome Minister Eman a expresa su agradecimento na Douwe van der Vaart y HVC pa e informacion comparti y e oportunidad di conoce e instalacionnan. El a destaca e importancia di mantene e dialogo habri pa determina si HVC eventualmente por participa den e buskeda di un solucion regional pa Aruba, Corsou y Boneiro. Cu e bishita aki, Gobierno di Aruba ta sigui explora posibilidadnan di cooperacion internacional cu por contribui na un sistema moderno

y sostenibel di maneho di sushi, mientras cu ta crea oportunidad

nobo pa futuro economico di Aruba.

P 14

DIARANZON 21 DI OCTOBER 2026

FORTALESA PA FAMIA.

Isaias 59:1-2).

pasobra hende a perde temor

nan liber.

Scirbi pa Pastor Marcel Balootje.

Duresa di curason y capricho (

di Dios.

Un di e prome cosnan cu Cristo

CONSECUENCIA DI

Romanonan 2:5).

Nos ta biba den un tempo

Hesus a bisa na su disipelnan

Falta di reconocemento di Dios.

caminda

ora nan ta haci e gran comision

( Romanonan 1:28-32).

studia den tur cos, pero e temor

Morto Spiritual ( Colosensenan

di Dios no ta wordo aplica,

nomber, cura enfermedad den

(6:23).

pasobra esey ta prome trampa

Su nomber, pasobra e senjalnan

sali na cla, y hopi biaha e tata

Den e tempo cual nos ta

cu diabel ta tira riba hende,

lo sigi esnan cu ta kere.(Marco

nos tata, Dios ta forma yiu

su cara ta keda na berguensa

bibando, caminda cada dia

pa nan bira orguyoso den nan

16:17).

den barica di nan mama, tur

ora e yiu no ta obedece.

scuridad ta wordo mas acepta ,

maldad y no respeta, tampoco

Ora nos como mayor no lanta

nacemento di hende ta bini

Awel den caso di Dios, ora

mientras cu hende kier sconde

tin temor di Dios.

un yiu den caminda di Dios,

door di Dios, pasobra Dios ta e

nos desobedece Dios , nos ta

e lus di Dios, nos ta mira cu

Si nos tene cuenta cuanto hende

e cos ey tin consecuencia pa

gran creador, y nos tur mester

duna diabel chens pa acusa y

toch ni maske cuanto cos e

ta cana cu mal pensamento,

henter su bida.Pasobra hopi ta

reconoce esey.

blasfemia nos dilanti di Dios. (

malbado haci e no por vence e

cuanto hende ta apoya maldad,

kere ta religion, pero ta relacion

Tur esnan cu ta cabes di religion

2 Samuel 12:4).y e berguensa ta

poder di Dios.

e ora ey nos ta ripara cuanto

cu Dios ta conta.

y otro creencia, a wordo crea pa

nos mes ta carge.

Laga nos para keto un rato

hende ta den scuridad.y cuanto

Y ora nos sa cu Dios ta nos

Dios, pasobra nan tur ta hende,

Esnan cu no ta reconoce Dios,

pasobra cada ken cu ta biba den

hende mester di salbacion.

Tata , nos ta obedece Dios,

ningun di nan ta Dios, pesey

ta biba den desobediencia, y

desobediencia na Dios, ta ricibi

No tin situacion cu diabel por

nos no ta haci manera nos no

nos mester respeta Dios como

rebeldia, no ta importa ken

e consecuencia si e no arepenti

hinca un hende aden cu Dios

sa, of nos ta tarda pa obedece,

Creador y como Tata.

nan ta , un dia nan tin cu duna

( Romanonan 14:11-12).

, no por trece liberacion, Dios

obedencia

Ora un yiu no ta respeta su tata,

cuenta na Dios.

Antes maldad, inmoralidad,

ta libra hende for di adiccion,

obedencia

na prome lugar e berguensa ta

Rebeldia y desobedencia ta

y malicia tabata scondi awor

aunke cuanto tempo nan tin

cumbini, tur esey ta cay bao di

lanta, e falta di educacion ta

separa hende for di Dios. (

e a bira un fiesta pa anuncia,

aden, Dios tin poder pa haci

desobediencia.

DESOBEDIENCIA NA DIOS Dios ta nos creador, Dios ta

hende

masha

saca

demonjo

den

temporal, ora

P 15

DIARANZON 21 DI OCTOBER 2026

7 alimento cu por mehora bo beis simplemente come como colacion.

E alimentonan cu bo ta come no solamente ta determina con bo ta zit eruit, sino cu tambe ta influi bo pensamento, emocion y accionnan. Hopi ta e alimentonan cu por desahusta bo sistema nervioso, treciendo como consecuencia mal beis, cansancio, ansiedad y depresion. Purba e siguiente alimentonan cu por mehora bo humor. P'esey, si bo a nota cu semper bo ta di mal humor of bo ta sinti un disgusto. Ta un opcion mas saludabel, economico y simpel na luga di usa remedi. Solamente tene na cuenta cu si bo emocionnan no ta stabilisa, ta un bon idea pa bishita un psicologo. Algun biaha e problemanan cu no tin di haber cu loke nos ta come, sino cu e hendenan cu ta rond di nos y e situacionnan cu nos ta biba aden. 1. Cacao of chuculati puro E prome di e alimentonan cu ta mehora bo humor, ta cacao. E tin un efecto stimulante di felicidad, debi na e teobromina. E kimico aki ta yuda na: ● Aumenta e nivelnan di serotonina y dopamina den e organismo

● Ta relaha e sistema nervioso ● Ta disminui e estadonan di ansiedad y depresion Cacao tambe ta contene triptofano, un kimico cu ta fomenta e liberacion di serotonina. Pa tur su beneficionan, nos ta recomendabo come un pida repi di chuculati puro of cacao pa dia, pa asina mehora e estadonan di depresion y ansiedad. Lo unico cu bo mester vigila ta cu e chuculati scogi, ta di un contenido halto di cacao. Idealmente e mester ta riba 65%. 2. Noot of nechi E di dos di e alimentonan cu ta mehora bo beis ta noot of nechi. E ta aporta na e organismo acidonan graso omega 3, cu esaki no ta produci door di su mes. Ora cu bo curpa no obtene suficiente omega 3, e por drenta den estadonan depresivo. Nootnan tambe ta contene triptofano, di cual ya nos a menciona caba. ● Nos ta recomenda consumi 5 noot pa dia pa asina mantene un beis mas stabil. ● Corda cu bo por añadi nan na bo batidonan, na bo desertnan of

nan

3. Bacoba Bacoba ta otro di e alimentonan cu ta mehora bo beis y cu bo tin cu inclui den bo dieta diario of por lo menos dos biaha pa siman. Su beneficio na bo emocionnan ta debe na e contenido halto di vitamina B6. Esaki ta interveni den e proceso di transformacion di e compuestonan proteicos di serotonina. Ademas, door cu e ta contene acido folico, vitamina C y fibra vegetal, e ta mehora bo defensanan. 4. Simiya di sesamo E simiyanan aki ta un di e alimentonan cu ta mehora bo beis pasobra e ta aporta na treonina. Esaki ta un aminoacido esencial cu e organismo no por produci y sintetisa di su mes di forma natural. Ora cu tin nivelnan abao di treonina, bo por experiment tristesa cronico. ● Pa obtene e nutriente aki, nos ta recomendabo inclui un telep di simiya di sesamo den bo saladanan of usa su azeta como parti di bo platonan. 5. Salmao y otro pisca Otro di e alimentonan cu ta mehora bo beis pasobra nan ta rico den acidonan graso omega 3, ta salmao, tuna of sardin. Esakinan ta incidi directamente den e eficiencia di e movimento di algun neurotransmisor, cual deficiencia por

provoca estadonan depresivo. ● Ta recomendabel inclui por lo menos un porcion di e piscanan aki na bo dieta semanal. ● Si ta posibel, inclui nan tres biaha pa siman compaña pa berdura. Sigura cu e pisca cu bo cumpra ta di bon calidad y liber di contaminante. Esaki ta specialmente importante cu salmao, ya cu algun specimen obteni di criaderonan ta alimenta cu kimico cu por afecta bo humor. Si bo ta opta pa consumi tuna, percura pa eligi e opcionnan den pidanan natural. Aunke e ta hopi economico come tuna di bleki, esaki ta contene nivelnan halto di salo y di BPA, tambe conoci como bisfenol. 6. Alimentonan rico den fibra Alimentonan rico den fibra soluble ta yudabo na cambia e estado di animo ora cu esaki ta debe na e alteracionnan den bo nivelnan di suco den sanger. Si bo ta diabetico, controla bo nivelnan corespondiente. Corda cu e glucose eleva no solamente ta afecta e funcionamento di bo organonan interno: tambe lo ponebo experimenta diverso emocionnan negativo den cuestion di minuut. Ora cu bo ta sinti cu esaki ta sosodiendo, realisa un revision di glucose pa determina si esey ta e problema. 7. Carni cora magro E ultiom di e alimentonan

cu ta mehora bo beis ta carni magro. Esakinan ta rico den acido linoleico, un vet natural cu ta yuda combati stress y e acumulacion di vet den curpa. E carninan aki tambe ta aporta na hero y omega 3 cu ta yuda mehora e salud celebral. ● Ademas, ta hopi recomendabel cu ora di cushina e carninan, haci'e cu e menor cantidad di salo y vet posibel. Asina, nos lo ta consumiendo e producto sin cosnan añadi y nos lo evita otro problemanan asocia. Manera por ehempel hipertension of aumento di peso. Un batido pa mehora bo beis Un opcion simpel di inclui e alimentonan cu ta mehora bo beis, ta atrabes di baticonan. Lo unico cu bo mester vigila, ta pa e no excede cu e cantidad ya cu ta hopi simpel pa experimenta cu pieknan di glucose. Purba cu e opcion aki, lo bo descubri cu e ta dushi y hopi simpel. Prueba con esta opción, descubrirás que es deliciosa y muy sencilla. Ingrediente ● 1 cup di lechi sin vet (250 ml) ● ½ bacoba ● 5 noot ● 1 telep di cacao of un pida chuculati marga (5 g) Preparacion ● Pone tur e ingredientenan aki den un blender y mesclanan te ora cu obtene un mescla homogeno y bebe di inmediato.

P 16

SUDOKU

DIARANZON 21 DI OCTOBER 2026

FORTALEZA PA FAMIA Scirbi pa Pastor Marcel Balootje.

MATRIMONIO TA DI DIOS, BIBA HUNTO SIN CASA TA PICA Tempo ta cambia, hende ta cambia, pero palabra di Dios no ta cambia.

ya nos ta den e proceso di matrimonio entre hende cu robot.

Dios a establece for di principio e matrimonio entre homber y muher, bisando den Genesis 2:24 kico lo pasa, y den Mateo 19:5 E ta bolbe confirma esey.

Pero nada di e cosnan aki no por pasa riba locual Dios a establece, pasobra e ultimo palabra den bida di cada ken ta Dios tine, y tur hende mester duna cuenta na Dios na final.

Ora dos persona ta drumi cu otro of mihor bisa nan tin relacion sexual cu otro y nan no ta casa, nan ta den fornicacion cual ta pica.

Pero e berdad mester wordo predica, sinja, scirbi, bon presenta di tur manera pa evita cu hende lo cay den decepcion.

Ora un homber of muher casa ta tene relacion cu un otro persona cu no ta su esposo of esposa, e ta comete adulterio y esey ta pica. Maske cu ley cambia of cos wordo tolera aki riba tera , tur hende mester corda kico ta sosode na cielo. No ta importa ken nos ta, ni tampoco cuanto placa nos tin, ni tampoco religion, si Dios su palabra ta bisa cu locual nos ta haciendo ta pica, ta pica e ta keda. Awendia tin hopi sorto di matrimonio cu hende a forma aki na tera, pero un pregunta ta bini, e locual hende a forma con Dios ta mire den cielo, e ta aproba of e no ta aproba? E sistema di mundo a yega asina lew cu nos tin matrimonio entre homber cu homber, muher cu muher, hende cu bestia, y

Awendia hopi hende jong ta cuminsa frei of namora y di eynan den un tempo record nan a cuminsa biba cu otro, pasobra asina relacion sexual drenta den e asunto ta bibamento tin, tin hopi tipo di show mara na e cos moderno aki, nos ta bay shop hunto, nos ta bay supermercado hunto, e ta bin keda na mi cas, ami ta bay keda na su cas, tur esey ta nifica cu nos ta bezig cu fornicacion. Y nos a yega den un tempo cu hopi hende ta manera nan tin miedo di papia, pa otro no rabia. Cristo Hesus a bisa den Mateo 11:28 : Bin serca Mi tur cu ta cansa y carga, y lo Mi duna boso sosiego. Hende a agrega un slogan tremendo banda di dje bisando “Bini manera bo ta” Tene cuenta e cu e slogan no ta para scirbi den

Bijbel, pasobra hopi hende ta bini serca, nan kier Salbacion, nan kier bida eterna, pero nan no ta desea transformacion, pasobra transformacion ta nifica, renoba bo mente manera ta para scirbi den Romanonan 12:2 pa bo sa kico ta e boluntad perfecto di Dios pa bo bida. Efesionan 5:1-7 ta duna un gran splicacion di locual ta inmoral y cu inmoralidad no tin entrada den cielo. Si bo ta respeta y balora e persona cu bo conoce y bo kier pa e ta hunto cu bo, casa cune completo no solamente na gobierno pero laga pastor bendiciona boso matrimonio, pa asina Dios tuma control y fortifica boso bida matrimonial. E wega di biba hunto, ta duna diabel e oportunidad pa manipulacion sexual,manipulacion financiero,falta di respet, y hasta violencia, jaloersheid pasobra e desconfiansa tambe tey. Matrimonio mester wordo respeta , e cama matrimonial mester wordo respeta ( Hebreonan 13:4) y no lubida riba Juan 4; 1618. Tene cuenta cu aunke mundo por cambia,Dios no ta cambia. Sinceramente, Marcel Balootje.

Pastor