Issuu

DIARAZON 11 NOVEMBER 2026

11 NOVEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

AVP A SACRIFICA MIKE DE MEZA PA SALBA E COALICION FALTA DI TRANSPARENCIA DEN LIDERAZGO DI E PAIS AKI TA CREA INCERTIDUMBRE; E FUNCION DI PROME MINISTER NO TA UN ASUNTO PRIVA DI UN PARTIDO

AFTA TA HACI UN YAMADA NA TUR NEGOSHI NA ARUBA: TUMA ACCION AWOR PA PROTECCION DI CONSUMIDOR

DIARAZON 11 november 2026

Minister Geoffrey Wever:

Prijs di gasolin y diesel ta baha entrante 11 di november Minister di Finansa, Asunto Economico y Sector Primario, mr. Geoffrey Wever ta anuncia cu entrante 11 di november 2026 prijs di gasolin y prijs pa diesel ta conoce un bahada. Prijs di gasolin lo bira Afl. 2,945 pa liter cu ta igual na un bahada di 17,9 cen pa liter y prijs di diesel lo bira Afl. 3,362 cu ta un bahada di 1,4 cen pa liter. Prijs di kerosine lo bira Afl.3, 186 pa liter, un subida di 6,7 cen.

Dos factor ta determinante den e bahada aki. Prijsnan internacional pa e luna di oktober, cu ta forma e base pa determina e prijs den november ta mustra un bahada. Pa gasolin e prijs averahe ta baha di Afl. 1,802 pa Afl. 1,647,

un bahada di 15,5 cen pa liter. Decision di Gabinete AVPFUTURO pa mantene e accijns na 58,2 cen pa liter tambe ta duna un contribucion extra na e bahada aki. Pa diesel e prijs averahe ta baha di Afl. 2,326 pa Afl. 2,315, un bahada di 1,1 cen pa liter. Decision di Gabinete AVP-FUTURO pa mantene e accijns na 30,0 cen pa liter di diesel tambe ta duna un contribucion extra na e bahada aki. Pa determina e prijsnan di gasolin y diesel, desde 1 di mei 2025 e bahada di accijns cu 10 cen pa liter ainda ta vigente y asina contribui tambe na e bahada.

Incertidumbre

riba

futuro

desaroyo di e guera entre Merca y Iran ta traduci su mes den un desaroyo di prijs volatil. Pesey Ministerio di Finansa, Asunto Economico y Sector Primario ta monitorea e situacion geopolitico. Pa mitiga e impacto aki Gabinete

AVP-FUTURO ta pone 12,5 miyon florin pa yuda mitiga e desaroyo internacional di prijs di gasolin y diesel y asina yuda absorba parcialmente e impacto negativo di guera riba nos economia segun mi minister Geoffrey Wever.

Cambio den prijs di productonan petrolero 11 di november 2026 ORANJESTAD - Minister di Finansa, Asunto Economico y Sector Primario ta anuncia e prijsnan nobo di benta di combustibel entrante 11 di november 2026:

Gasoline unleaded-premium cen p/ltr. (- 17,9 cen)

294,5

Diesel ULS cen p/ltr. (- 1,4 cen)

336,2

Kerosin cen p/ltr. (+ 6,7 cen)

318,6

E prijsnan ta inclui BBO/BAZV/BAVP.

DIARAZON 11 november 2026

Parlamentario Endy Croes:

AVP a sacrifica Mike de Meza pa salba e coalicion mester a aumenta e sueldo minimo fo’i ayera.

Minister opone

Gerlien

Croes

Segun Parlamentario Croes, durante e reunion e Presidente di Parlamento mester a schors e reunion continuamente pa AVP y Futuro purba yega na otro riba e mocion, como cu Futuro no tabata di acuerdo cu esaki.

ORANJESTAD — Den transcurso di diahuebs y diabierna ultimo, Parlamento di Aruba a trata e prome Presupuesto Supletorio di aña 2026 den un reunion publico. Croes a remarca cu normalmente e presupuesto aki mester a wordo trata desde mita di aña, alrededor di juni, mientras cu e di dos presupuesto supletorio ta keda trata na fin di november of inicio di december. Segun e parlamentario, e situacion actual ta nifica cu e gobierno a gasta gran parti di e recursonan aki caba den e prome mita di aña, y awor den luna di november ta bin pidi aprobacion di Parlamento pa fondo cu ya a wordo uza. Maske e tipo di maneho aki no ta nada straño ni nobo di parti di AVP, e postura di e partido Futuro, kende a priminti un politica nobo, si a laga nos babuca.

Kico a pasa cu Mike de Meza? E tension entre e partidonan

di coalicion a escala rond di un iniciativa di Mike de Meza. Durante e debate, e parlamentario Mike de Meza tabatin e intencion di presenta un mocion pa busca un solucion pa e discusion rond di e bestaansminimum. E propuesta tabata pa introduci un aumento di sueldo minimo per direct pa entrante 1 di januari 2027, ofreciendo e comerciantenan e opcion pa deduci e costo aki for di nan BBO.

E meta di De Meza tabata pa calma e tension di e ultimo simannan entre AVP y Futuro, mientras cu na mes momento e tabata stipula e ruta pa yega na mas aumento den un futuro cercano. E propuesta aki tabata den mesun liña cu e postura di Prome Minister Mike Eman, kende den prome tanda a critica e fraccion di Futuro fuertemente, argumentando cu tur e rapportnan necesario ta existente caba y cu

E discusion den e fractiekamer a escala te na gritamento. Den e ambiente tenso aki, Minister Gerlien Croes di Futuro a opone rotundamente, menasando cu e gobierno lo cay si e mocion di De Meza wordo poni pa votacion den e forma cu e tabata, indicando cu nan mester di mas tempo pa e proceso.

AVP a sucumbi pa mantene e gobierno Den oranan laat di anochi, AVP a informa Mike de Meza cu nan no por sostene su mocion pa evita cu

e gobierno ta cay. Croes a remarca cu e prioridad di parlamentarionan manera Bermudez, Hart y Kelly tabata simplemente e temor di perde nan salario si Gerlien ranca e plug.

Mirando e falta di apoyo di su fraccion, Mike de Meza a tuma e decision di declara su mes independiente, poniendo un fin na e situacion dificil cu el a bin ta pasando aden den e partido desde 2025. El a bay pafo y a anuncia den prensa cu e ta distancia su mes di AVP, expresando claramente cu esaki no ta e partido cu e tabata conoce.

Endy Croes a cera su declaracion criticando e falta total di respaldo di su coleganan, señalando cu ni un solo parlamentario di AVP a baha pa dun'e sosten moral durante su anuncio publico. Croes a califica e trato aki como un falta di gratitud profundo pa un politico cu a sirbi AVP y Aruba pa mas di 8 aña como Minister y 8 aña como Parlamentario, catalogando e echo aki simpelmente como "dieptriest

DIARAZON 11 november 2026

Parlamentario Shailiny Tromp-Lee:

Unda e seriedad di coalicion AVP-Futuro? Dia 21 di september 2026 nan ta pidi nan mesun gobierno pa mantene rebaho di gasolin y dia 9 di oktober 2026 nan ta vota contra pa e rebaho.

Pueblo ta paga mas na pomp, mas na supermercado, y gobierno no ta actua pa caba!

Den e reunion publico di awe riba e prome cambio di presupuesto 2026, Parlamentario Shailiny Tromp-Lee (MEP) a bisa cla: "Nan ta gasta e placa prome, despues nan ta bin pidi permiso. Y pueblo ta keda warda."

haya pa cada liter.

AVP mes a puntra AVP den su preguntanan, relaciona cu e cambio di presupuesto, dirigi na nan gobierno dia 21 di september 2026 nan a puntra: “Waarom wacht de regering met een beslissing over verlenging van de accijnsverlaging tot een nota van wijziging of tweede begrotingswijziging, terwijl zij vandaag al weet dat de geopolitieke onzekerheid voortduurt en dat deze maatregel rechtstreeks verlichting kan bieden aan de portemonnee van de bevolking en de kostenpositie van onze economie?”

ta vota contra. Anto awe bo ta bin pidi yudansa pa mama y tata di famia y pa e taxistanan y busnan chikito. Ki seriedad tin den esaki?

E cifranan ta papia cla Di januari te september 2026, gasolin a subi di Afl. 2,107 pa Afl. 3,124 pa liter (+48.3%). Diesel a subi di Afl. 1,885 pa Afl. 3,376 pa liter (+79.1%). E trucknan cu ta trece bo cuminda na supermercado ta uza diesel. E placa aki touch bo cartera directamente!

Gobierno a baha e prijs di combustibel di 8 di april te 11 di augustus 2026, y gobierno mes a bisa cu esaki tabata necesario pa proteha pueblo su poder di compra. Toch, entrante 12 di augustus 2026, gobierno a stop cun'e.

Pensa riba esaki: e impuestonan BBO, BAZV y BAVP tur ta den e prijs na pomp. Mas caro bo gasolin, mas entrada gobierno ta

Den palabra simpel: pakico boso ta warda pa extende e rebaho si boso sa caba cu e situacion den mundo no ta bay drecha y cu e rebaho lo yuda pueblo su cartera directamente? AVP mes ta bisa: e rebaho ta yuda, no warda mas.

Pueblo no ta bobo. E pregunta grandi ta: kico ta bay pasa despues di 1 di januari 2027? Ya caba ta papia cu awa, coriente y gas ta bay subi.

Laat, sin contesta E mocion cu nan a vota contra Menos cu 3 siman despues, dia 9 di october 2026 mi persona a presenta un mocion cu ta pidi exactamente esey: reintroduci e rebaho riba gasolin y diesel, cu efecto inmediato y pa resto di aña. E mayoria di AVP-Futuro a vota contra.

claridad

sin

E "voorjaarsnota" mester a bini y keda trata prome cu reces na juli. Awe nos ta na november. Parlamento ta wordo poni pa aproba riba papel gastonan cu a wordo haci caba. Ora MEP tabata den gobierno, nos a drecha e procedura y nos tabata cumpli cun'e. Otro topiconan cu mi a duna atencion:

Dicon? Dia 21 di september 2026 bo ta pidi bo gobierno pa yuda pueblo, y dia 9 di october 2026 bo

•⁠ ⁠Falta 57 dia pa MinisterPresident Mike Eman bay, y

ni Parlamento ni pueblo no sa ken lo tuma e stuur over. Transparencia no ta un fabor, e ta un responsabilidad. •⁠ ⁠Riba HOFA, nos ta haya sa via prensa of via Tweede Kamer na Hulanda. •⁠ ⁠⁠Riba hospital, e situacion ta alarmante desde februari y gobierno no a bin Parlamento y ta te fi di september a inicia cu un investigacion pa por actua y bin cu solucion. •⁠ ⁠⁠Riba salario minimo pa hoben, tur fraccion a aproba un mocion na september 2025 y Minister Cicilia a priminti 1 di januari 2026. Aña 2026 ta casi caba y nada ainda. Minister, cumpli cu e mandato di Parlamento!

Pueblo no ta pidi pa wega politico. Pueblo ta pidi un gobierno cu ta actua y cu ta salvaguardia cartera di su pueblo. MEP lo sigui para firme pa bo.

DIARAZON 11 november 2026

AFTA ta haci un yamada na tur negoshi na Aruba: tuma accion awor pa proteccion di consumidor

Desde 15 di maart 2026, negoshinan na Aruba ta bou di supervision di Aruba Fair Trade Authority (AFTA) pa loke ta trata cumplimento cu reglanan di proteccion di consumidor. Negoshinan mester sa cua regla ta conta pa nan y aplica esakinan correctamente. AFTA ta controla si negoshinan ta viola derechonan di consumidor. Si tin un violacion cu ta afecta un grupo di consumidornan, AFTA por tuma medida contra e negoshi. Pa yuda negoshinan cu esaki, AFTA ta organisa un sesion di informacion publico diaranson 25 di november 2026, di 16.00 pa 18.00 or, na Chapel di Universidad di Aruba. E sesion lo ta

na Ingles. Durante e sesion, AFTA lo splica su rol como autoridad supervisor. Tambe lo trata e seis areanan di supervision: propaganda engañoso, comunicacion comercial (digital), condicionnan general, compra di producto y garantia legal, contractnan na distancia y biahenan combina (pakketreis). No warda: percura pa bo negoshi conoce e reglanan y aplica nan correctamente. Inscribi pa e sesion aki. E invitacion ta conta pa tur empresa na Aruba, incluiendo negoshinan cu no ta registra na Camara di Comercio of cu no ta afilia na un business association.

Despues di e sesion, lo tin oportunidad pa network y haci pregunta. Inscripcion por bay via: [Link di inscripcion] AFTA ta e autoridad independiente y imparcial di Aruba cu ta supervisa e bon funcionamento di mercadonan, den interes di empresanan y consumidornan. AFTA ta investiga mercadonan na Aruba y ta interveni ora tin violacion di reglanan. E autoridad por yuda preveni comportacion incorecto di negoshinan y, unda ta necesario, aplica sancion. Pa mas informacion tocante AFTA, incluyendo un video cortico cu imagennan di un sesion di informacion anterior, bishita www.afta.aw.

Entrante 16 di november e declaracion di inkomstenbelasting 2025 lo ta disponibel via e portal ‘BO Impuesto’ (BOi) ORANJESTAD – Departamento di Impuesto (DIMP) ta recorda tur contribuyente cu nan lo no ricibi e conocido envelop oraño mas na cas. Awor tur formulario di impuesto ta completamente digital incluyendo e formulario di inkomstenbelasting. Entrante 16 di november e declaracion aki lo ta oficialmente disponibel online den e portal ‘Bo Impuesto’ (BOi). Kende mester habri un cuenta di BOi? Tur persona cu ta un contribuyente cu cualkier tipo di impuesto mester tin un cuenta activo. Esaki ta conta pa esnan cu ta paga inkomstenbelasting, esnan cu tin un propiedad (grondbelasting), esnan cu ta paga impuesto di vehiculo (motorrijtuigbelasting) of otro tipo di impuesto. Sesionnan di ayudo na MFA Durante e ultimo lunanan, DIMP a organisa varios sesion di ayudo na diferente MFA. Mas di 20 funcionario publico di DIMP tabata presente na cada MFA pa yuda comunidad habri

nan cuenta di BOi. E eventonan aki tabata hopi bon atendi, caminda a logra yuda alrededor di 1.200 persona den luna di october so. E proceso pa habri un cuenta ta facil y lihe. Pa haya ayudo, mester presenta cu: 1. un cedula/identiteitsnummer of rijbewijs valido.; 2. number personal (persoonsnummer) y 3. un e-mail personal. Mirando e demanda di comunidad y pa percura pa tur hende keda cla, DIMP ta organisando e ultimo 5 sesionnan di ayudo pa aña 2026 den luna di november y december. Diamars, 10 di november na MFA Noord; Diaranson, 11 di november na Teresita Center San Nicolas; Diamars, 24 di november na MFA Santa Cruz;

Diaranson, 25 di november na MFA Paradera; Diahuebs, 3 di december na Teresita Center San Nicolas. Orario parti mainta ta di 8:00AM pa 11:00AM y atardi/anochi ta di 5:00PM pa 8:00PM. Departamento di Impuesto ta invita tur persona cu ainda mester di ayudo pa haci uzo di e ultimo oportunidadnan aki y keda cla cu nan cuenta di BOi. Gerencia di Departamento di Impuesto 10 di november 2026

DIARAZON 11 november 2026

Sapphire Princess a yega Aruba pa prome biaha Dialuna mainta pa 9:00 am a habri siman cu un prome bishita di e crucero Sapphire Princess. Gerencia di Aruba Ports Authority a subi abordo di e barco crucero pa yama nan bonbini na Aruba y a intercambia algun regalo pa no lubida e prome bishita aki, di hopi mas cu lo bin den e temporada halto di crucero cu apenas a cuminsa. Sapphire Princess ta un barco di crucero di Princess Cruises, construi door di Mitsubishi Heavy Industries na Nagasaki, Hapon y entrega na e compania dia 27 di mei 2004. E ta barco ruman di Diamond Princess y ambos ta basa riba e diseño di clase “Grand” di Princess Cruises.

Un di e detayenan mas interesante di su historia ta cu Sapphire Princess originalmente lo a yama Diamond Princess. Durante su construccion, un candela grandi a afecta e barco na october 2002. Pa mantene e programa di introduccion di e dos barconan, e compania a intercambia nan nomber: e barco cu por a termina prome a bira Diamond Princess, mientras esun cu a sufri daño y cu mester a reconstrui a ricibi e nomber Sapphire Princess Dia 10 di juni 2004 a batisa Sapphire Princess na Seattle, Merca, cu Nancy Murkowski, e Prome Dama

di Alaska e tempo ey, como madrina. Su prome temporada tabata enfoca riba cruceronan pa Alaska saliendo for di Seattle. Despues, e barco a amplia su trayectoria cu rutanan pa Riviera Mexicano y Australia. Sapphire Princess ta midi aproximadamente 290 meter di largura y tin un tonelada bruto di 115.875 GT. E tin capacidad di 2.680 pasahero y aproximadamente 1.100 tripulante. A bordo tin restaurantnan, piscina, teatro, casino, spa, centro di fitness y e cine den aire liber “Movies Under the Stars”. Princess Cruises ta mantene un relacion comercial y di colaboracion cu Aruba Ports Authority, cu ta refleha den bishitanan di varios barco di su flota den e waf di Oranjestad. APA ta mantene contacto cu e linea di crucero pa fortalece e relacion y explora mas oportunidadnan pa nos isla. E presencia di barconan manera Sapphire Princess ta forma parti di e conexion continuo entre Princess Cruises y Aruba como destino di crucero den Caribe. Por ehempel e luna aki so APA a y o yama bonbini na cruceronan di e mesun compania aki, manera ta Sapphire Princess, Caribbean Princess, Majestic Princess y Regal Princess.

DIARAZON 11 november 2026

Parlamentario Shailiny Tromp-Lee:

Falta di transparencia den liderazgo di e Pais aki ta crea incertidumbre; e funcion di Prome Minister no ta un asunto priva di un partido Durante e debate den Parlamento riba e prome presupuesto supletorio, di dia 6 di november 2026, e miembro di Parlamento pa fraccion di MEP, Shailiny Tromp-Lee, a expresa su profundo preocupacion y cuestionamento pa e falta di seriedad, claridad y transparencia di parti di Prome Minister Mike Eman encuanto su retiro anuncia y e proceso di sucesion entrante 1 di januari 2027.

Durante e reunion publico TrompLee a duna di conoce cu falta apenas 56 dia pa yega e fecha cu e propio Minister President Mike Eman a stipula pa su salida, y toch ni Parlamento ni pueblo di Aruba no sa ken lo tuma e stuur over. Alabes Tromp-Lee a subraya cu esaki ta tumando luga den un ambiente di instabilidad y conflicto interno den Gobierno. "Nos ta enfrentando un traspaso meymey di un tension completo, caminda den e gobernacion no tin comunicacion y via media nan ta ataca y insulta otro.”

Tromp-Lee a critica e antecedentenan di e coalicion aki cu a demostra di ta mara na conflicto continuo y power play, locual ta crea mas temor pa loke ta bay pasa ora e momento di e cambio di liderazgo yega. Segun e parlamentario, Aruba no mag di keda victima di mas tardansa of discusion interno cu ta paralisa e pais. Nos tur sa con

complica tabata pa e gobierno aki forma, prome tabata Mike de Meza cu no por a bira minister, djey ta cu Desiree Croes no por a bira Minister Plenipotenciario, y asina nos por sigui menciona nan matrimonio yena di menasa y power play.

Tromp-Lee a indica cu e ta tene su curason ora e "Cuanto vale el show" ta bay cuminsa y ata Mike Eman ta bolter cos atrobe y na luga di loke caya ta papia cu ta Dowers ta bira Minister-President, e ta bin cu Cicilia. Un otro discucion cu segun Tromp-Lee lo conduci na tardansa y insiguridad.

P’esey mes Parlamentario TrompLee mester a coregi Prome Minister Eman: "no ta 'curioso' mi ta, sino hopi preocupa. E funcion di MinisterPresident no ta un asunto priva di un partido so; e ta un responsabilidad publico cu tin impacto directo riba e direccion, e gobernacion y e stabilidad di nos pais," Tromp-Lee a enfatisa.

E parlamentario a recorda cu dia 16 di juni 2026, Fraccion di MEP a solicita un reunion publico pa trata e proceso di sucesion y e garantianan pa un transicion ordena, pero te cu awe e reunion ey no a wordo yama.

Tromp-Lee a puntra MinisterPresident Mike Eman pakico e no ta brinda transparencia, pasobra Parlamento tin un deber constitucional pa exigi claridad den interes di pueblo. "Mi a pidi Minister-President Mike Eman pa brinda e claridad necesario durante e reunion publico, pero lastimamente el a actua completamente indiferente", Tromp-Lee a duna di conoce.

"Nos ta bay sigui exigi respet

pa e proceso democratico y pa e pueblo di Aruba. Un asunto di e magnitud aki no mag di keda trata cu informalidad, den secreto partidario ni a costa di e stabilidad di nos pais," Tromp-Lee a conclui.

DIARAZON 11 november 2026

Ministernan Ir. Heleen Herbert y Mr. Wendrick Cicilia a bishita Bucuti y Tara pa conoce con sostenibilidad y exito empresarial ta reforsa otro

Minister di Aruba, Mr. Wendrick Cicilia ta mira e resort como un ehempel pa otro hotelnan y empresanan, particularmente pa e cuido y apoyo cu e ta brinda su empleadonan EAGLE BEACH, Aruba, 6 di november 2026 — Bucuti & Tara Beach Resort a ricibi dia 2 di november un delegacion di seis persona di Ministerio di Asuntonan Economico y Clima di Hulanda, encabesa pa Su Excelencia ir. Heleen Herbert, Minister di Asuntonan Economico y Clima di Hulanda, hunto cu Su Excelencia mr. Wendrick Cicilia, Minister di Turismo, Transporte y Labor di Aruba. E bishita, coordina via e Representacion di Hulanda na Aruba (VNO), a enfoca riba con responsabilidad ambiental, exito empresarial y cuido pa empleadonan por reforsa otro. Como asuntonan economico y clima ta cay bou di e mesun cartera di e minister hulandes, e delegacion kier a conoce con Bucuti & Tara ta integra sostenibilidad den un empresa turistico exitoso. Directora General Crescenzia Biemans a presenta mas di tres decada di trabou di fundador Ewald Biemans y e team di e resort. E la mustra con inversionnan ambiental, iniciativanan pa comunidad y cuido pa su empleadonan a bira parti integral di su modelo di negoshi. Durante e bishita, Minister Cicilia a expresa cu e ta mira Bucuti & Tara como un ehempel pa otro hotelnan y empresanan na Aruba, particularmente pa e manera cu e resort ta cuida y apoya su colaboradornan. Su reconocemento a destaca e importancia di bienestar di personal den e manera cu e resort ta practica hospitalidad responsabel. “E amor di mi abuelo pa naturaleza

y su sentido di responsabilidad pa Aruba a guia e trabou aki desde e principio”, Crescenzia Biemans a bisa. “Hopi di e inversionnan aki a wordo haci pensando den e futuro cu nos ta comparti.” Cu certificacionnan como carbono neutral desde 2018, Bucuti & Tara a inverti den energia renobabel, uzo eficiente di energia y awa, reduccion di desperdicio y compras responsabel. E presentacion a mustra un spaarmento anual di 3,5 miyon galon di awa y cu 65 porciento di e desperdicio no ta termina na e sitio di bota sushi. Su reconocementonan ta inclui Green Globe Platinum, LEED Gold y Travelife Gold, y un United Nations Global Climate Action Award den e categoria Climate Neutral Now na 2020. Su siguiente meta ta certificacion pa emision neto cero den Scope 1 y 2, cu ta cubri emisionnan directo y esnan relaciona cu energia cumpra. Inverti den futuro di Aruba Via su Bucuti & Tara – GMC Nature Preservation Foundation, e compromiso aki awor ta cubri un reserva natural funda dor di e hotel di aproximadamente 130.000 meter cuadra. Ya a planta mas di 1.200 mata nativo como parti di e trabou pa restaura vegetacion, proteha biodiversidad y crea oportunidad pa educacion ambiental. E reserva ta un proyecto nobo cu ta forma parti di decadas di limpiesa di beach y conservacion di fauna, y ta duna forma concreto na e deseo di e resort pa contribui na regeneracion di su

destino. E mesun compromiso ta inclui colaboradornan y nan famianan. Fuera di salario cu ta surpasa e nivel di referencia pa un bida digno, bonus pa desempeño y contribucionnan pa pensioen, e resort ta ofrece subsidio pa cuido di mucha y apoyo pa esnan cu ta cuida famia di edad avansa. Beneficionan di salud ta inclui seguro, controlnan di salud preventivo, apoyo pa salud mental y programanan di ehercicio y bienestar. Financiamento di estudio universitario, cursonan di idioma y desaroyo di liderato ta crea oportunidad pa progresa. E asociacion di spaar y prestamo di personal ta facilita spaarmento y financiamento accesibel, incluyendo prestamonan berde pa vehiculo electrico, panelnan solar y mehoranan na cas pa uza energia mas eficientemente. E programanan aki ta refleha e conviccion cu un empresa exitoso mester mehora bida di e personanan cu ta haci su exito posibel. Como un empresa local y independiente, Bucuti & Tara ta bolbe inverti den e isla y su hendenan. E presentacion a splica con e spaarmento continuo den awa, energia y maneho di desperdicio ta yuda financia mas inversion den empleadonan, programanan comunitario y energia limpi, mientras nan ta reduci e impacto di cambio den prijs di combustible riba e empresa. E resort ta reporta un ocupacion promedio di aproximadamente 97 porciento durante henter aña.

Huespednan ta scoge Bucuti & Tara pa romance, tranquilidad y servicio personal, cu sostenibilidad integra den e experiencia. Su modelo di negoshi ta combina e prioridadnan aki cu lealtad di huespednan cu ta bolbe y empleadonan cu ta keda pa decadas, ofreciendo ideanan practico cu otro empresanan turistico por adapta. “Ta un honor pa comparti nos experiencia”, Crescenzia Biemans a bisa. “Nos ta spera cu otro empresanan lo haya ideanan cu nan tambe por implementa of adapta. Pa nos, e responsabilidad ta continua: cuida Aruba, apoya nos hendenan y inverti den un futuro cu ta beneficia esnan cu ta bin despues di nos.” Tocante Bucuti y Tara Beach Resort

Bucuti & Tara Beach Resort ta un resort boutique exclusivamente pa adulto na Eagle Beach, Aruba, conoci pa su enfoque riba romance, tranquilidad y sostenibilidad. E resort tin certificacion como carbono neutral desde 2018. Pa mas informacion, bishita www.bucuti. com.

DIARANZON 11 DI NOVEMBER 2026

Parlamentario Xiomara Maduro:

“Cada famia tin un parti di historia di Aruba cu merece di wordo conserva” “Pa sa ken nos ta, nos mester conoce di unda nos ta bin.”

Parlamentario Xiomara Maduro ta haci un yamada na famianan Arubano pa documenta nan historia, conserva potretnan bieu y registra recuerdonan di nan antepasadonan. Segun Maduro, cada famia tin historianan valioso cu ta forma parti di nos identidad cultural y cu no mag bay perdi.

E yamada ta sigui despues cu Maduro a presencia e documental Affiba – De Oudste Vrouw van Paramaribo, di cineasta Ida Does. E obra ta mustra con investigacion genealogico di Joan Windzak a logra reconstrui historia di su antepasado Affiba Dompig (1792–1896) y duna

identidad na e muhenan den un potret historico di cinco generacion. Segun Maduro, e documental ta un inspiracion pa Aruba, unda hopi famia tin historianan di migracion, trabou, sacrificio, tradicion, amor, perseverancia y contribucion na desaroyo di nos isla cu ainda no a wordo documenta. “Mi kier encurasha famianan pa sinta cu nan mayornan, scucha nan recuerdonan, skirbi nan historianan y conserva nan potretnan bieu cu nomber, fecha y luga. Cada potret tin un historia y cada famia tin un herencia cu merece di wordo comparti cu generacionnan futuro.”

Maduro ta enfatisa cu historia di Aruba no ta limita na loke ta registra den bukinan y archivo. E ta biba tambe den nos casnan, nos tradicionnan y e recuerdonan cu ta pasa di generacion pa generacion. Maduro ta gradici Fundacion Museo Arubano (FMA) pa e presentacion di e pelicula

Affiba na Principal Theater den cuadro di E Testigo Silencioso, y ta felicita Ida Does y Joan Windzak pa nan contribucion na preservacion di memoria historico. “Ora nos conserva historia di nos famianan, nos ta conserva historia di Aruba. Pa sa ken nos ta, nos mester conoce di unda nos ta bin.”

P 10

DIARANZON 11 DI NOVEMBER 2026

PARTIDO PUEBLO PROGRESIVO (PPP-UNI)

Cada habitante primero Nuestra visión, prioridades y plan de acción Bonaire, 10 de noviembre de 2026 desarrollo que genere oportunidades para todos los habitantes de Bonaire. Nueva directiva de PPPUNI • Marjolein Finies – Presidenta • Wilbert Pourier – Vicepresidente • Sedney Marten – Secretario • Rene Flores – Tesorero • Enzo Finies – Segundo Secretario • Tulsie Bissessar – Segundo Tesorero • Henry George – Comisario

PPP-UNI presenta su nueva directiva y sus prioridades para Bonaire El Partido Pueblo Progresivo (PPP-UNI) presentó su nueva directiva durante una conferencia de prensa. La nueva directiva asume la responsabilidad de dirigir el partido y trabajar en

favor de una visión política que sitúe a los habitantes de Bonaire en el centro de cada decisión y acción. Bajo el lema «Cada habitante primero», PPP-UNI expresa su compromiso con un liderazgo responsable, una administración transparente y un

¿Qué representa PPPUNI? PPP-UNI representa una forma de liderazgo que pone a las personas por encima de la política. El partido se guía por los principios de justicia social, igualdad, transparencia y responsabilidad pública. La visión de PPP-UNI se centra en: • Un gobierno

honesto, transparente y responsable, que rinda cuentas a la población. • La protección de los derechos humanos, la igualdad y la justicia social. • V i v i e n d a s accesibles y una reducción del costo de vida. • Atención médica moderna y digna, también para nuestros adultos mayores. • Educación de calidad, educación superior y formación técnica. • Más oportunidades para los jóvenes, los trabajadores y las empresas locales. • Incentivar el regreso de los estudiantes bonairenses y de los integrantes de nuestra diáspora. • Proteger y promover el papiamento, nuestra identidad y nuestra cultura. • D e s a r r o l l o sostenible y cooperación internacional.

• Buen gobierno y fortalecimiento de la democracia. Ocho prioridades principales para Bonaire 1. Bonaire en la Lista de Territorios No Autónomos de las Naciones Unidas La cuestión central no es la descolonización con la independencia o la separación del Reino de los Países Bajos como objetivo, sino el reconocimiento de las responsabilidades internacionales del Reino de los Países Bajos hacia el pueblo de Bonaire, en el marco de la Carta de las Naciones Unidas. La base jurídica se encuentra en el Capítulo XI de la Carta de las Naciones Unidas (ONU), en particular en el Artículo 73, apartados a), b) y e) . Estas responsabilidades incluyen: • g a r a n t i z a r el progreso político, económico, social y educativo; • respetar la cultura y la identidad del pueblo; • tener debidamente en cuenta las aspiraciones políticas de los habitantes; • promover el desarrollo del autogobierno y de instituciones políticas propias; • proteger los intereses y el bienestar del pueblo. Estas responsabilidades se fundamentan en el principio de que los intereses de los habitantes son primordiales. 2. Un hospital nuevo y moderno PPP-UNI defiende la construcción de un

CONTINUA PAG. 11

P 11

DIARANZON 11 DI NOVEMBER 2026

CONTINUACION PAG. 10 hospital nuevo, moderno y debidamente equipado, en una ubicación estratégica entre Rincon y Playa. El hospital deberá contar con una Unidad de Cuidados Intensivos (UCI) completamente equipada, especialistas médicos que residan y trabajen a tiempo completo en Bonaire, instalaciones modernas de diagnóstico y una amplia oferta de servicios médicos especializados. El objetivo es garantizar que los habitantes tengan acceso a atención médica de calidad, sin tener que viajar al extranjero por cada necesidad médica especializada. 3. Una universidad, un instituto técnico y una escuela de hotelería e industria Para ampliar las oportunidades de los jóvenes y de la población en general, PPP-UNI propone desarrollar la educación superior y la formación profesional en Bonaire. Esta prioridad incluye una universidad con programas de licenciatura (bachelor); un instituto técnico que ofrezca formación práctica y profesional; y una escuela especializada en hotelería, hospitalidad, turismo, gestión hotelera e industria. El objetivo es ofrecer a los jóvenes la oportunidad de adquirir conocimientos y desarrollar sus capacidades en Bonaire, preparándose para el mercado laboral actual y futuro. 4. Desarrollar Fontein en beneficio de los habitantes de Rincon PPP-UNI quiere dar un nuevo impulso a Fontein como centro de desarrollo agrícola, cultural y económico, prestando especial atención a los habitantes de Rincon. El plan incluye producción agrícola, preservación del patrimonio cultural,

un parque cultural, una cocina tradicional criolla y Plasa Fontein. 5. Reforma educativa y protección del papiamento PPP-UNI considera que la reforma educativa es una prioridad. El sistema local de educación secundaria debe adaptarse mejor a las necesidades de los estudiantes de Bonaire, teniendo en cuenta su lengua materna, identidad, cultura y futuras oportunidades laborales. PPP-UNI propone utilizar los mecanismos pertinentes de derechos humanos de las Naciones Unidas para ejercer presión sobre los Países Bajos, con el objetivo de abordar las deficiencias del sistema educativo y apoyar reformas que respeten los derechos lingüísticos y culturales de Bonaire. Además, PPPUNI exige que el personal de los departamentos públicos y de los servicios de atención al público en Bonaire también tenga la capacidad de comunicarse eficazmente en papiamento. 6. Traer de regreso a casa a nuestros estudiantes y a nuestra diáspora Los estudiantes y profesionales bonairenses que viven y trabajan en el extranjero representan una valiosa fuente de talento, conocimientos y experiencia para Bonaire. PPP-UNI quiere reintroducir programas

e incentivos atractivos para estimular su regreso a Bonaire. Estos pueden incluir asistencia para conseguir vivienda, oportunidades de empleo, incorporación a puestos profesionales y apoyo para quienes deseen iniciar su propio negocio. El objetivo es que Bonaire pueda beneficiarse de los conocimientos, la experiencia y las capacidades que nuestra gente ha desarrollado en el extranjero. 7. Un puerto y una terminal de contenedores para Bonaire Ante el crecimiento de la población y el aumento de la demanda de productos y servicios, PPP-UNI considera fundamental fortalecer la infraestructura portuaria de Bonaire. El partido propone mejorar las instalaciones portuarias, incluida una terminal de contenedores, para recibir más carga directamente en Bonaire. El objetivo es reducir los costos de transporte, mejorar la distribución de productos y contribuir a bajar los precios para los consumidores, aliviando así el elevado costo de vida. 8. Derechos constitucionales, derechos humanos y cooperación internacional PPP-UNI se compromete a defender los derechos constitucionales de Bonaire, incluido

su derecho a la autodeterminación. El partido hará uso de los mecanismos disponibles de las Naciones Unidas, particularmente aquellos relacionados con el Derecho al Desarrollo y el Comité de Derechos Económicos, Sociales y Culturales (CESCR). La atención se centrará en abordar las desigualdades en materia de desarrollo e infraestructura, combatir la pobreza, reducir el costo de vida, promover viviendas accesibles, garantizar condiciones laborales justas y generar oportunidades económicas. Al mismo tiempo, PPP-UNI destaca la importancia de proteger nuestra cultura, nuestra tierra y nuestro medio ambiente, con el fin de garantizar un desarrollo equitativo y sostenible que beneficie a todos los

habitantes de Bonaire. Cada habitante primero: un compromiso con el futuro de Bonaire Para PPP-UNI, estas prioridades no son simplemente una lista de aspiraciones. Constituyen la base de una agenda política orientada a lograr resultados concretos para la comunidad. Creemos que Bonaire merece un futuro con mayor justicia social, más oportunidades, mejores servicios públicos y un desarrollo que respete nuestra identidad, nuestro idioma y nuestros derechos como pueblo. PPP-UNI invita a todos los habitantes, organizaciones, empresas y actores sociales a contribuir al debate y al desarrollo de un Bonaire más justo, fuerte y sostenible. PARTIDO PUEBLO PROGRESIVO (PPP-UNI) Cada habitante primero.

P 12

DIARANZON 11 DI NOVEMBER 2026

PPA ta propone evaluacion pa haci e castigo minimo dobel pa posesion ilegal di arma

PPA ta cuestiona si e legislacion actual ta manda un mensahe suficientemente fuerte pa proteha pueblo y polis: “No sali cu arma ilegal riba bo. PPA kier p’e consecuencia bira hopi mas severo pa manda un mensahe cla y raspa.”

penal? E pregunta aki a domina un parti di conferencia di prensa di PPA, caminda parlamentario Eduard Pieters y lider di partido Otmar Oduber a presenta nan preocupacion tocante posesion ilegal di arma di candela na Aruba.

Cuanto biaha mas polis mester confisca arma ilegal, prome cu Aruba tuma un decision firme tocante e consecuencia

Pieters: “Polis ta risca su bida” Despues di reunion cu sindicato policial y diferente agente, Pieters a

señala cu desmotivacion den Cuerpo Policial ta un preocupacion hopi serio mes. Segun Pieters, e agentenan ta enfrenta riesgo, ora nan detene e personanan arma, pero ta cuestiona si e consecuencia penal ta proporcional na e peligro. PPA kier hiba e tema Parlamento y evalua haci e castigo minimo pa posesion ilegal di arma dobel, pues 10 aña.

di no tin un fin. P’e esey ta indica cu e mensahe preventivo, ainda no a logra e efecto desea. “Pensa bon prome cu bo sali cu un arma ilegal, pasobra e consecuencia por cambia bo bida.” Oduber a menciona posibilidad di pena di dies aña como un mensahe di severidad, pero e alcance exacto di e proposicion mester ta defini den legislacion.

Oduber: “Aruba no ta un pais caminda bo por carga arma libremente” Oduber a reforsa e proposicion cu un mensahe preventivo: ciudadano no mester sali cu arma ilegal. El a referi na e accionnan reciente di control policial y a señala cu, segun informacion comparti, ainda ta sigui haya arma ilegal y ta parce

“No warda te ora un bala cobra un bida” Oduber a cuestiona pakico sociedad frecuentemente ta reacciona cu mas urgencia despues di un incidente fatal. Pa PPA, e discusion mester tuma luga prome cu otro ciudadano of agente di polis perde su bida. E partido ta sostene cu e contesta mester ta uno cu ta combina

A gradua di Universidad di Aruba, John Lopez ORANJESTAD – Dia 6 di november, 2026 a gradua na e Facultad di Ley na Universidad di Aruba, John Lopez. El a gradua defendiendo su tesis titula: “Vessel Biofouling and its consequences – An analysis of Aruba’s compliance with obligations concerning vessel biofouling ” ”

Miembronan di e comision di examen tawata: Prof. dr. mr. Michiel Heldeweg (begeleider), representa dor di mr. M. Gielen mr. Mike Videler prof. dr. mr. Jos Hamers Universidad di Aruba ta felicita John Lopez cu su logro.

prevencion, control policial, investigacion y consecuencia penal efectivo. Parlamento mester evalua e ley Pieters y Oduber ta propone un debate legislativo pa determina si e castigonan vigente ta adecuado y si un aumento por contribui na seguridad publico. E proposicion mester considera proporcionalidad, efectividad y e diferencia entre posesion ilegal y uzo criminal di arma. Pa PPA, e mensahe cu nan kier manda ta cla: posesion ilegal di arma no por wordo normalisa. Pero e prueba final di un maneho exitoso lo ta menos arma ilegal riba caya y menos bida poni na peliger.

P 13

DIARANZON 11 DI NOVEMBER 2026

Aruba tin un atraccion nobo:

Balashi Beer Experience a habri su portanan durante cual Gobernador Boekhoudt a wordo acompaña pa Eduardo de Veer y Eddie de Veer. Durante e recorido, nan a conoce e diferente zonanan cu ta trece e historia di Balashi y su conexion cu Aruba, su cultura y su pueblo na bida.

ORANJESTAD, 9 di november 2026 — Balashi Beer Experience a celebra su apertura oficial riba diasabra 7 di november, na e compleho di entretenimiento Gloria Aruba. Markus Konings, CEO di Sandenburg Experiences, Gobernador di Aruba, drs. Alfonso Boekhoudt, accionista di MetaCorp, Eduardo de Veer y Eddie de Veer como CEO di MetaCorp a efectua e apertura oficial door di corta un cinta grandi na entrada di e edificio. E compania mas bieu di Aruba tabata orguyoso di anuncia cu e proyecto a dura 30 luna pa keda cla, a costa nan 30 miyon florin, a percura pa 20

compania local haya trabou den e construccion y a sigura 18 cupo di trabou nobo pa e ekipo cu awo ta encarga cu e tour moderno aki. E proyecto ta ocupa un espacio di 1.300 meter cuadra den un ampliacion di Gloria Aruba. “Inversion den nos propio economia ta un custumber di MetaCorp. Y ta for di e pensamento aki a nace e idea pa añadi un concepto nobo y moderno den e edificio di Gloria, pa por atrae mas turista den e compleho di entretenimento” asina Eddie de Veer a duna di conoce. Un di e momentonan destaca di e programa tabata e tour guia,

Despues di 30 luna di desaroyo intensivo, Balashi Beer Experience ta amplia e oferta recreativo y turistico di Aruba cu un concepto cu ta combina historia, tecnologia y hospitalidad local. E atraccion ta dirigi na habitantenan adulto di Aruba, turista cu ta hospeda na nos isla y pasaheronan di crucero. Pa medio di 12 zona di experiencia, bishitantenan ta descubri e historia tras di e marca Balashi y e ingredientenan, tradicionnan y personanan cu a contribui na su desaroyo. Proyeccionnan di video, efectonan special, ambientenan tematico y exhibicionnan interactivo ta forma parti di e recorido. E experiencia ta bay mas leu cu cerbes so. E ta celebra e identidad Arubiano y ta mustra con creatividad, perseverancia y orguyo local a contribui na forma nos isla. For di casnan tradicional di cunucu y nos lama Caribe te na e paisahe di Parke Nacional Arikok, cada escenario ta revela un parti di Aruba y e storianan cu tin tras di dje. E tour ta culmina den un ambiente inspira pa un rumshop autentico Arubiano, unda

bishitantenan por disfruta di e cultura y hospitalidad di nos isla. E facilidad ta inclui tambe Balashi Flagship Store, cu articulo y souvenir exclusivo inspira pa Balashi y Balashi Bar, unda bishitantenan por conoce e diferente sabornan di e marca. Ambos ta accesibel independientemente di e tour, sin necesidad di cumpra un entrada pa Balashi Beer Experience. Cu e inversion aki, MetaCorp ta sigui contribui na economia local y na desaroyo di e oferta turistico di Aruba. Pa e diseño di e

atraccion, e compania a conta cu e conocemento di Sandenburg Experiences, un agencia specialisa den diseño di experiencia cu sede na Amsterdam. Bale la pena menciona cu e ceremonia di apertura a contra cu presencia no solamente di Gobernador Boekhoudt, pero tambe ex- G ober nador nan Olindo Koolman y Freddis Refunjol, sin lubida exProme Minister Nelson Oduber memey di un lista largo di personalidadnan y invitadonan special. Pa mas informacion y reservacion, bishita www. balashiexperience.com

P 14

DIARANZON 11 DI NOVEMBER 2026

Entrenador di Karate Robert Silva lo haci e curso Ciencias Aplicadas al Deporte na Barcelona, Spaña

pa ofrece entrenadornan local e posibilidad di por beneficia di formacion técnico di nivel halto. Di e forma aki e coachnan por actualisa nan conocemento y alabes aumenta e experiencia profesional pa despues yuda comparti e informacion aki y eleva e calidad di nan

Despues di a aplica y haya aprobacion pa su participacion, entrenador di Karate Robert Silva

lo haci e curso “Ciencias Aplicadas Al Deporte”na Sant Cugat-Barcelona, Spaña. Esaki lo tuma

luga na e “Centro de Alto Rendimiento” (CAR). Un beca pa por a participa na e curso “Ciencias Aplicadas Al Deporte” a wordo otorga na Robert a traves di Comite Olimpico Arubano (COA) y Comite Olimpico Internacional (IOC) pa medio di e programa di “Olympic Solidarity”. E obhetivo principal di e curso aki ta

federacionnan y deporte en general na Aruba. Comite Olimpico Arubano kier a manda palabra di pabien na entrenador Robert Silva cu lo bay haci e curso ‘Ciencias Aplicadas Al Deporte’ cuminsando e aña aki, exito! #CAR #COA #TEAMARU #ARUBA #KARATE

P 15

DIARANZON 11 DI NOVEMBER 2026

Parlamentario Eduard Pieters:

Gobierno no por yama un presentacion ‘dialogo’ y despues pretende cu tin consenso Gobierno ta presenta consulta cu e gremionan comercial y sindical como parti di su proceso pa aumenta salario minimo. Pero segun parlamentario Eduard Pieters (PPA), tin un diferencia fundamental entre informa un sector y realmente dialoga cu ne. Durante conferencia di prensa, Pieters a cuestiona e manera cu Gobierno ta caracterisa su comunicacion cu e representantenan di e sectornan afecta. “Dialogo ta dos banda, no un presentacion!” Pieters a señala cu, segun informacion cu PPA a ricibi, e representantenan comercial a participa na un encuentro, caminda Gobierno a presenta informacion y posteriormente a permiti pregunta. Pero e ta cuestiona si e proceso ey por ta considera como un

dialogo genuino. “Dialogo ta ora tur dos banda por aporta, discuti y influencia e resultado. No ora un banda ta presenta y e otro solamente por haci pregunta, pero cu limitacion.” Pa Pieters, un encuentro informativo no ta automaticamente nifica cu e sector a participa den formulacion di politica. “Ken a participa den preparacion di e plan?” Pieters a cuestiona si e gremionan a wordo involucra den analisis di e alternativanan, impacto economico y forma di implementacion. Segun Pieters, e representantenan comercial a indica claramente, cu nan no a participa den niun preparacion di e plan, manera Gobierno ta sugeri of pretende. “Si e sector no a participa den formulacion di e plan, Gobierno mester

ta transparente tocante e alcance real di su consulta.” Consenso no ta algo cu Gobierno por anuncia unilateralmente Pa Pieters, e discusion ta mas grandi cu salario minimo. E ta toca credibilidad di proceso di decision publico. Un Gobierno por consulta y despues tuma un decision diferente for di e recomendacionnan ricibi. Pero e mester distingi esaki claramente entre kico el a haci, sea ta un consulta, acuerdo y/of consenso. “No por presenta participacion como si fuera ta un aprobacion.” P’esey Pieters ta pidi claridad riba e proceso y e contribucion di cada sector. Pasobra dialogo social no ta un formalidad pa Gobierno uza y bisa cu el a scucha te hasta envolvi nan peticionnan.

Sinembargo e mester ta un oportunidad real, pa

influencia e decisionnan cu ta afecta henter economia.

P 16

SUDOKU

DIARANZON 11 DI NOVEMBER 2026

FORTALEZA PA FAMIA Scirbi pa Pastor Marcel Balootje.

HACI TUR BO ESFUERSO HEBREONAN 12 VERSICULO 14

Hopi hende ta kere ta wega, tin hopi grupo anticristo cu ta lanta contra Dios y Su palabra. Tin hopi pais caminda hende ta ninga di reconoce Cristo Hesus como Senjor y Salbador. Tin hende ta tuma esnan cu ta predica e evangelio di Dios, e conocido hendenan di misa como enemigo, pasobra nan no kier arepenti y sali for di scuridad, y entrega nan bida na Cristo Hesus. Si nos kier papia di persigicion, awor esey a cuminsa hopi tempo pasa, pasobra Cristian ta wordo mata tur dia pa motibo di nan Fe y e palabra cu nan ta predica, pasobra hende no kier scucha e berdad. E situacion ta tenso pasobra manera Juan Bautista a reprende Herodes,pa motibo di su inmoralidad cual e tabata biba den dje, asina tambe awendia, nos no por sconde pica bao di protocol pa complace cu hende y mantene amistad cu mundo , y a causa di esey nos ta bira enemigo di Dios.(Santiago 4:4). Pica ta pica, no tin otro manera pa bisa, si pica ta wordo haci door di un rico of un pober, door di un mandatario of un cria di cas, door di un rey of un esclavo, e ta keda mesun pica, y si no bini arepentimento e alma ey lo bay perdi. Serca Dios no tin hende

favorito. Si un mentira wordo papia den reunion di mas alto nivel , of e wordo papia riba caya, e ta keda un mentira, y e persona cu a papia e mentira , ta un mentiroso, no ta importa ken e ta. Si falta di pordon, ta wordo practica door di mayor, nan sa cu nan yiunan tambe lo bin haci mesun cos, pasobra ta esey nan a mira y sinja serca nan mayor. Pero Hebreonan 12:14 ta bisa algo cu nos tin di tene bon cuenta cune pa nos no cay den trampa di diabel: Aspira pa tin pas cu tur hende,y santificacion, sin cual ningun hende lo mira Senjor. Haci tur bo esfuerso, pa bo biba na pas cu tur hende, sin pleito,sin rencor, sin tene hende na curason, Esey ta exigencia di Dios, un exigencia cu ta pone nos tur na prueba, pasobra hasta esnan cu no kier tende di bo, bo mester biba na pas cu nan. Manera e palabra ta bisa: Stima bo enemigonan y haci oracion pa nan.( Mateo 5:44). Caminda nan no kier tende e evangelio, no tuma nan na malo, haci oracion pa nan, ora bo topa cu hende cu no kier reconoce Dios, sigi haci oracion pa nan, ora bo topa cu hende cu kier haci cambio den nan

naturalesa, y ta resisti e Spirito di Dios, haci hopi oracion pa nan. Pasobra e plan di e diabel ta pa trece pleito y confusion, lanta grupo contra otro,pa haci tur locual ta posibel pa hende no tin pas cu otro. Y ta dificil pa bo bisa bo ta den santidad, si bo tin hende wanta na curason, of bo sa cu nan no kier mirabo, pero toch bo tin cu samina bo mes y obedece Dios. Santidad ta un evidencia di Salbacion. Pas ta un evidencia cu nos ta disipulo di Cristo Hesus. Pas ta un fruta di Spirito Santo. Senjor su Palabra no ta cambia,corda bon kico Cristo Hesus a bisa: Ami ta e caminda e berdad y e bida,ni un hende no por yega serca e Tata sino ta pa medio di Mi. Awor e palabra di Dios ta bolbe mustra cu sin pas y sin santidad ningun hende lo mira Senjor.

Tene bon cuenta. Sinceramente, Pastor Marcel Balootje.