DVG ta informa
DVG ta monitor Desaroyonan internacional relaciona cu ebola
ORANJESTAD, Aruba
– 18 mei 2026: Directie Volksgezondheid (DVG) kier informa comunidad cu nos ta monitor activamente e desaroyonan internacional relaciona cu e brote di Ebola actualmente na Republica Democratico di Congo (Africa) y Uganda, despues cu recientemente World Health Organization (WHO) a declara e situacion como un emergencia di salud publico di importancia internacional (na ingles: “Public Health Emergency of International Concern” (PHEIC)).
Un declaracion di “Emergencia di Salud Publico di importancia internacional” ta wordo haci ora un brote tin potencial pa afecta varios pais y ta requiri
coordinacion internacional pa limita propagación di e malesa y proteha salud publico mundial.
Ebola (Bundibugyo virus) ta un malesa viral hemoragico severo y hopi biaha fatal. E ta un malesa zoonótico cu ta wordo transmiti di animal pa hende. Infeccion humano ta socode ora di contacto
directo cu sanger of fluido corporal di un persona of animal infecta. Na Aruba no tin ningun caso di Ebola registra ni raporta y no tin indicacion di un amenaza directo pa comunidad local. Sin embargo, DVG ta sigui evalua cualquier posible riesgo pa Aruba y ta mantene contacto cu partnernan regional y internacional pa
permanece informa riba tur desaroyo relevante.
DVG ta recorda comunidad pa sigui solamente canalnan oficial di informacion manera Directie Volksgezondheid y World Health Organization (WHO), pa evita desinformacion y preocupacion innecesario.
Si situacion internacional cambia of si tin informacion relevante pa Aruba, DVG lo informa
KPa ta balora su emPleaDonan
comunidad debidamente. Bo Salud, Nos Prioridad Pa mas informacion, like nos Facebook page Directie Volksgezondheid DVG Aruba, follow nos riba Instagram directie_ volksgezondheid_aruba, sigui nos den WhatsApp Channel, ricibi tur informacion den Aruba Health App, bishita www. dvg.aw, yama 5224200 of manda email na servicio@ dvg.aw
cuerPo Policial aruba ta balora su Personal y ta Duna nan un Gesto Di aPrecio
DUNA NAN UN GESTO DI APRECIO
Santa Cruz, ARUBA: Un lugar di trabou mester ta agradabel y sigur. Esaki ta un di e prioridadnan di altocomisario sr Ramon Arnhem. Den cuadro di e vision di altocomisario Arnhem e bienestar di su personal ta su prioridad.
Fuera di esaki, un bon copi di koffie ta un bunita gesto adicional. Door di esey, recientemente a instala 18
mashin di koffie moderno den diferente departamento di KPA como un sorpresa pa e personal.
Cuerpo Policial Aruba ta balora su personal pa nan esfuerso incansabel, compromiso y e tarea policial cu nan ta eherce.
Altocomisario Arnhem ta contento di por aporta na su personal y ta gradicinan pa nan dedicacion pa cu e
Speed AndrAde tA den Corte
Atrobe diA 22 di Mei p’e rAdio di poliS
RANJESTAD – Nelson
“Speed” Cabral de Andrade lo presenta dia 22 den corte di apelacion den e caso penal relaciona cu scuchamento di radio di Polis y supuesto corupcion y sobrobo di un ex agente di Polis.
E caso a crea hopi conmocion den comunidad despues cu Ministerio Publico a acusa varios periodistanan, entre nan Speed Andrade di tabata haya informacion secreto di Polis via ex agente di Polis Vos.
Segun Fiscal, e periodistanan lo a duna regalo, placa y otro beneficionan na Vos pa haya acceso na informacion di Polis. Ministerio Publico tambe a sostene cu a wordo usa radio di Polis, laptopnan y programa
special pa comparti informacion secreto.
Durante tratamento di e caso na prome instancia, Speed a haci uso di su derecho di silencio y no a contesta preguntanan di Huez. Fiscal a bisa den Corte cu Speed “no kier a papia”, mientras cu ex agente Vos si a duna declaracionnan amplio tocante e supuesto sistema pa pasa informacion di Polis.
Polis Vos a splica cu nan a ofirece placa pa pa e radio di polis.
Na december 2024, Huez a declara Speed, culpable di a cumpra Vos y di participacion den violacion di secreto di Polis.
Huez a enfatisa den sentencia cu libertad di
prensa ta importante den un democracia, pero cu “un periodista no por haci delito pa haya informacion.”
E apelacion den Corte di Beroep lo enfoca riba e condena anterior di 2 aña di prison pa Speed Andrade y e argumento di
defensa tocante libertad di prensa, uso di informacion policial y e gravedad di e acusacionnan. Te ainda, no ta cla si Ministerio Publico lo pidi un castigo mas pisa durante e apelacion.
No por kita di bista cu esaki tq di dos bes cu Andrade a comete mes
ArubA tA ConoCe e terCer MiyonArio pA 2026 Cu lotto!
ORANJESTAD, Aruba – 20 di mei, 2026: Diabierna anochi 15 di mei tabata tin e sorteo miyonario di Mini Mega y Mega Plus. E numbernan ganado di Mini Mega pa diamars anochi tabata: 16-19-22-29 y e Mega Ball: 07 y manera e resultado a wordo procesa a bin haya sa cu tin 1 solo ticket ganado pa Mini Mega y cu e jackpot adicional di Mega Plus cu na total tin e bunita suma di Afl. 1.425.000,-.
Diamars, Aruba ta sera conoci cu e tercer feliz miyonario cu Lotto, e loteria di Aruba pa aña 2026. Luz ta conta cu el a cumpra su numbernan vast na Kas Ariba Lottery y manera cu a scucha e numbernan ganado tabata sa cu e tabata e ganado. Luz a bay check su ticket pa verifica si tabata berdad y ora ela check su ticket a confirma cu e tin e ticket miyonario cu e suma total di 1 miyon 425 mil florin!
Mini Mega su segundo premio tambe a conoce un total di 4 ganado cu cada uno a gana e bunita suma di Afl. 5.473,-. Ticketnan ganado a wordo gana na e siguiente lugarnan: Ritmo Lottery, Indio Stewart Lottery Santa Helena, Lucky Numbers Eagle y tambe riba Lotto Online.
Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto
delito. Na 2018 el’a laga un polis Rasmijn perde trabao y despues ta Vos. Pues e ta un recidivista. Na 2019 e mester a cunpli cu castigo di 10 x 24 Ora di trabao pa comunicad y a bay traha na Fundacion Luna pa yuda nan cu e cuido di cachonan.
5, Mini Mega y cu su Mega Plus y e diferente weganan di Raspa y Gana y Instacash. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
Fraccion di MEP a continua cu rEunionnan cu grEMionan
TA ESENCIAL PA GREMIONAN TA BON INFORMA DI LEY DI REINO HOFA
Si Gobierno no ta duna informacion, ta deber di Parlamento pa duna informacion
ORANJESTAD — Fraccion di MEP ta continua cu reunionnan cu gremionan pa duna update tocante e ley di reino HOFA.
“Pa mi ta hopi importante pa tur hende tin e informacion mas recien di e ley di reino, pa asina cada persona y gremio mes por husga pa nan mes. Den e caso aki nos ta reuniendo cu gremionan pa duna un update di e cambionan den ley y informacion cu nos a ricibi di gobierno”, segun lider di fraccion di MEP.
Cambionan den e ley
Pa loke ta e ley mes, a nota cu gobierno di Aruba a haci algun cambio menor den e ley prome cu a entrega esaki na Raad van State y Raad van Advies, sin a duna ningun clase di informacion.
Despues cu Fraccion di MEP a reclama gobierno di Hulanda cu nos gobierno no ta duna informacion, e minister di finansas a manda e textonan nobo di e ley pa Parlamento. Por a nota e cambionan menor cu a wordo haci, y cu na opinion di fraccion di MEP, ainda no ta suficiente pa kita e preocupacionnan cu ta biba den comunidad.
Cuanto ta spaar na interes Tambe e fraccion den e reunionnan informativo ta comparti e sumanan cu ta spaar si bay di acuerdo cu e rijkswet, basa riba un presentacion di e Minister di Finansas recientemente. Locual a hala atencion ta cu e Minister di Finansas a declara cu ta apenas awor e calculacionnan a wordo haci. Kiermen nan a bay di acuerdo
cu e ley desde augustus 2025, sin cu e calculacionnan tabata conoci!
Ta trata di 8 miyon florin pa aña riba e debe di Covid, pa 17 aña ainda. Y 21 miyon florin pa aña riba e debe cu tabata existi prome cu COVID, pa un periodo di 11 aña. Pues nada compara cu 800 miyon cu recientemente minister encarga cu Asuntonan di Reino Gerlien Croes a publica.
E pregunta ta cu si pa e suma aki ta bale la pena entrega nos autonomia. Pa pone den contexto real: pa 2025 gobierno anterior a laga 18 miyon florin atras pa drecha careteranan, e gobierno nobo aki a laga e placa bay perdi! Loke ta spaar na interes, compara cu esaki, sigur no ta hustifica pa entrega nos autonomia.
Conseho negativo di Raad van
Advies
Mientras tanto Raad van Advies di Aruba a duna su conseho cu e ley di reino ta contra nos Constitucion. Esey kiermen cu si di berdad gobierno kier sigui cu e ley di Reino, mester bin cu cambionan fundamental. Locual ta mas di lamenta ta cu te dia di
awe no tabata tin debate serio den Parlamento di e tema aki. Fraccion di MEP ta sostene e pensamento di sindicatonan cu Parlamento mester reuni mas pronto posibel y fiha un posicion. Fraccion di MEP ta gradici gremionan cu ta sigui mustra interes den e tema importante aki.
Parlamentario Endy Croes: Pabien cu un otro logra
Ta gradici FiFa y FeliciTa aVB, cluB
NacioNal y Nos aTleTaNaN cu e iNicio di
e 7 VeldNaN cu lo haya yerBe ar Ticial
Diahuebs ultimo, representantenan di FIFA, entre otro Jordan Victoire (Regional Office Project Coordinator), tabata na Aruba pa asina oficialmente duna inicio na e proyecto di shete (7) veld cu lo haya yerbe artificial.
FIFA ta reserva fondo pa su miembronan despues di cada mundial. Desde 2016, FIFA a lansa e 'FIFA Forward 1.0 Program', cual despues a bira 2.0, y desde aña 2023 a lansa e 'FIFA Forward 3.0 Program'. Pa medio di e programa aki, FIFA ta yuda su 211 miembronan rond mundo cu fondonan considerabel pa desaroya futbol den tur skina. Desde 2016 en adelante, FIFA a inverti 2.8 biyon dollar den, entre otro, infrastructura pa yuda su miembronan. Aruba tambe, via di AVB, ta bin na remarke pa ricibi dicho fondonan pa asina eleva infrastructura di nos clubnan y, desde eynan, desaroya nos atletanan pa un otro nivel. Pero pa Aruba por a haci uzo di e fondonan aki, mester a cumpli cu dos condicion cu FIFA a pone riba mesa.
Condicionnan di FIFA prome cu inverti den (7) veld: Na aña 2021, a reuni cu Jordan Victoire di FIFA hunto cu AVB, pa asina yuda coordina e necesidadnan pa logra yega na e fondonan di FIFA. Esaki tabata pa shete (7) veld
na Aruba por haya yerbe artificial, cubri cu e fondonan di FIFA.
Condicion number (1) di FIFA:
Ta cu e pais mester percura pa tin un stadion nacional cu yerbe y luznan acredita segun exigencianan di FIFA, pa asina FIFA por los e fondonan pa proyectonan local. Desde 2016 Aruba no tabata tin un stadion acredita, y nos seleccionnan mester a hunga 'home games' den exterior, manera na Corsou y Tampa. Gabinete Wever-Croes II a percura mesora pa renoba GPT Stadion Dakota. Durante e proceso, FIFA a manda su expertonan bin haci site inspection y, finalmente, e compania independiente Sports Labs a bin certifica e yerbe artificial, cual awor ta riba e lista di acreditacion di FIFA. Alabes, e luznan cu tabata apenas 300 Lux a wordo renoba pa LED lights cu awor ta cumpli cu e standard di 1200 Lux. A renoba e kleedkamernan, un tribuna cu tabata afgekeurd y e VIP area. Asina Aruba a cumpli cu e prome condicion desde e di dos mitar di aña 2024. Banda di esaki, Gobierno hunto cu Lotto pa Deporte a renoba e pista di atletismo tambe por completo.
Condicion number (2) di FIFA:
Tur e terenonan di e clubnan cu ta bay haya yerbe artificial mester wordo traspasa pa un minimo di
30 aña pa dicho club. Inicialmente, cinco (5) club lo a bin na remarke, pero door di insistencia di Gobierno e tempo aya, a logra aumenta esaki pa shete (7) club. Ta trata di: Nacional, Bubali, RCA, River Plate, Dakota, Estrella y La Fama. Cinco (5) di e clubnan aki tin nan tereno como huurgrond y mester a cana un proceso via di un Landsbesluit pa logra esaki, mientras cu dos (2) club tin nan tereno regla como erfpacht, cual mester a wordo canalisa via departamentonan y notario.
All by all, Gabinete Wever-Croes II a logra cumpli den e di dos mitar di 2024 cu e condicionnan pa asina FIFA continua cu e proceso hunto cu AVB. Parti di e proceso a encera cu AVB mester a sera un contrato cu cada club pa despues inicia e proceso di aanbesteding. Preparacion pa e aanbesteding a continua durante aña 2025 y finalmente awor nos ta asina leu.
Pues, tabata tin mester di hopi preparacion y coordinacion di trabou pa por logra pone un proyecto di e magnitud aki riba pia. Gabinete Wever-Croes II a cumpli cu e dos (2) condicionnan di FIFA, cual tabata di vital importancia pa e magno proyecto aki.
FIFA hunto cu AVB y Gobierno a efectua e groundbreaking: Den e overdrachtsformulier (cual awe nos lo publica), e minister di e tempo ey na maart 2025, Dangui Oduber, a traspasa e documento aki pa e minister cu a drenta, esta Gerlien Croes. A pone hopi accento riba e importancia di e desaroyo avansa aki di FIFA, pidiendo e minister tur cooperacion den e fase final.
Nos por ta contento cu diahuebs
ultimo por a tuma nota di Jordan Victoire y mas representante di FIFA na Aruba unda hunto cu AVP, Club Nacional , gobierno y invitadonan a hasi e groundbreaking di e prome di (7) veldnan cu lo hanja yerbe arificial (turf) durente anja 2026 y 2027. Pabien AVB, pabien Nacional (como e prome), pabien na tur (7) clubnan, pabien na tur nos atletanan na Aruba y danki FIFA pa kere den Aruba. Palabra di gratitud na tur instancia, departamentonan di gobierno cu a brinda nan contribucion den e proceso pa logra esaki.
Nos por ta contento cu diahuebs ultimo por a tuma nota di Jordan Victoire y mas representante di FIFA na Aruba, unda hunto cu AVB, Club Nacional, Gobierno y invitadonan, a haci e groundbreaking di e prome di e shete (7) veldnan cu lo haya yerbe artificial (turf) durante aña 2026 y 2027.
Pabien AVB, pabien Nacional (como e prome), pabien na tur shete (7) clubnan, pabien na tur nos atletanan na Aruba y danki FIFA pa kere den Aruba. Un palabra di gratitud na tur instancia y departamentonan di Gobierno cu a brinda nan contribucion den e proceso pa logra esaki.
Minister Geoffrey Wever: Menos burocracia pa fortalece un sector priMario Mas fuerte
Minister di Finansa, Asunto Economico y Sector Primario, mr. Geoffrey Wever, ta anuncia introduccion di uzo di un carnet anual pa productornan comercial di agricultura, cria di bestia, piscamento y apicultura ora di importa. E meta di e maneho nobo ta pa mehora e proceso administrativo di importacion pa productornan comercial den Sector Primario y asina baha e “red tape” of burocracia den e proceso di importacion. E carnet ta simplifica e prueba administrativo entre Santa Rosa y Departamento di Aduana sin compromete e controlnan existente.
E proceso existente di importacion ta consisti di pidi na Santa Rosa un carta oficial pa cada “order of shipment” di producto cumpra internacionalmente. Esaki ta encera cu por ehempel si den un luna tin 4 “order of shipment”, e productor comercial den sector primario mester pidi y haya confirmacion di Santa Rosa 4 biaha. Despues di ricibi e carta oficial, e productor comercial den sector primario mester entrega esaki na Departamento di Aduana pa por importa e productonan sin paga invoerrechten. Esaki ta un ripiticion administrativo cu ta tuma hopi tempo y no ta eficiente.
Pa mehora e proceso di
importacion pa produccion comercial den Sector Primario lo introduci un mecanismo di validacion anual, tipo “carnet” pa productornan comercial di Sector Primario cu ta registra na Kamer van Koophandel (KvK) y Santa Rosa. E introduccion aki ta conta pa productor comercial den agricultura, cria di bestia, piscamento y apicultura. E ta e prome fase di un strategia mas amplio.
Uzo di e carnet tin como requisito cu e director of propietario registra na Kamer van Koophandel mester aplica. E carnet lo ta mara na nomber y lo mester wordo renoba tur aña pa confirma cu e productor ta activo ainda y debidamente registra. Pa cumpli cu ley, tur importadornan mester ta registra como productor comercial na Kamer van Koophandel y DLVV “Santa Rosa”, entrega documentacion relevante na momento di importacion, y declara cu e mercancia ta destina exclusivamente pa uzo den sector primario. Departamento di Aduana ta keda e autoridad cu ta verifica si e condicionnan legal ta wordo cumpli y por haci control despues di importacion.
Productornan nocomercial no ta inclui den e prome fase door cu mester un cambio di ley pa por
inclui e productornan cu no ta activo comercialmente bou di e maneho nobo aki. Gobierno ta reconoce e importancia di e productornan nocomercial cu ta activo den Sector Primario; e comunidad amplio di cultivado y criado di bestia (incluyendo cunucero nan den scala chikito, tradicional of cu parcialmente ta biba di nan cosecha) y pa nan, un segundo fase ta den preparacion caba y lo wordo anuncia pronto. Nan tambe ta parti esencial di e cadena di suministro di cuminda y di nos identidad. Minister Wever a indica “E meta den termino largo ta pa fortalece e sector y pa
asisti tur esnan cu ta forma parti di Sector Primario, pa gradualmente nan por contribui structuralmente na nos seguridad alimentario y acceso na cuminda saludabel.”
Den e prome fase, DLVV
“Santa Rosa” lo organisa e entrega di e prome carnets pa productornan comercial via un sistema di cita. Pronto e administratie di Santa Rosa lo contacta e productornan pa informa nan e dia y orario pa (saca/trece potret, firma e voorwaarden y) ricibi nan carnet oficial. Pa registra mester trece ID, informacion di tereno y un registro valido di Kamer van Koophandel.
Sector Primario den su totalidad, ambos comercial y no-comercial, ta un pilar importante di nos pais, no solamente como parti di nos tradicion, pero tambe como un motor relevante pa nos economia y desarroyo local. Minister Wever ta enfatisa cu e iniciativa ta parti di un esfuerso mas amplio pa fortalece Sector Primario y nos economia mientras cu ta mantene transparencia y cumplimiento cu ley.
Minister Wever kier gradici
DLVV “Santa Rosa” y Departemento di Aduana, pa tur e cooperacion pa haci esaki un realidad pa e bienestar di e Sector Primario.
Na caminda pa Mundial
Na camiNda pa muNdial 2026: RegReso
iNmiNeNte di NeueR Na e seleccioN
alemaN ta geNeRa polemica
E regreso inminente di Manuel Neuer den gol di e seleccion Aleman, prome cu esaki bira oficial, a genera bastante polemica den e ambiente di futbol Germano. Algun ex-hungado internacional a mustra nan mes na fabor di e decision aki, manera ta caso di Matthias Sammer, mientras cu otronan, manera Oliver Kahn, a critica e idea fuertemente.
E miho mester hunga
Sammer a declara den un podcast cu e periodista Riccardo Basile cu e meta principal mester ta pa hiba e miho portero p'e Mundial. Segun Sammer, n'e momentonan aki e miho keeper Aleman ta sigui ta Manuel Neuer, y no mester tene ningun consideracion cu Oliver Baumann, a pesar cu esaki a hunga practicamente henter e fase di clasificacion.
"Pa nada," Sammer a responde ora a wordo cuestiona si e tin compasion cu e situacion di Baumann. "Deporte di rendimento halto no ta algo dushi so. Ta paga nan hopi bon. E miho mester hunga. Y si tin otro hungado cu ta tristo, nan por keda cas mes," el a agrega.
Pa Sammer, e decision na fabor di Neuer ta esun corecto,
reafirmando cu e meta mester ta pa bay cu e miho talentonan disponibel.
Dudanan riba condicion fisico y credibilidad
Di otro banda, Oliver Kahn a duna un opinion completamente diferente den e programa Doppelpass. El a señala cu un return di Neuer pa kita Baumann for di su puesto lo afecta henter e ekipo y lo pone den duda e credibilidad di e seleccionador
Julian Nagelsmann, kende lo anuncia e lista di hungador pa e Mundial e diahuebs aki.
Kahn a splica cu na final di su mesun careda el a duna cuenta cu e curpa tin mester di mas tempo pa recupera. Den e ultimo hungado di Bundesliga, Neuer a sufri molester na su batata di pia y mester a wordo substitui, locual a habri duda si e por ta presente diasabra den e final di e Copa di Alemania, unda Bayern lo enfrenta Stuttgart.
"Puntualmente ta posibel, pero ta dificil duna rendimento maximo dia aden dia afo. E curpa ta mas fragil y tin mester di mas tempo pa recupera. Hunga un Mundial na un nivel asina halto lo ta un reto enorme pa Manuel," Kahn a splica.
Neuer actualmente tin 40 aña di edad y den su momento a renuncia na e seleccion pa concentra unicamente riba Bayern.
Critica riba e fecha di e anuncio
Segun informacion di e canal di pago Sky y di e diario Bild, Nagelsmann a informa Baumann caba riba su decision di convoca Neuer. Baumann, di 35 aña, lo a acepta pa bay e Mundial como portero suplente.
Sinembargo, e hecho cu Nagelsmann lo anuncia e lista e diahuebs aki tambe a ricibi critica, specialmente di e ex-capitannan Lothar Matthäus y Philipp Lahm. Ambos ta considera cu no ta apropia pa publica e lista dos dia prome cu e final di e Copa di Alemania entre Stuttgart y Bayern.
Matthäus a cuestiona e decision aki den un combersacion cu Lahm publica pa e revista Sportbild:
"Con ta posibel anuncia e hungadornan dos dia prome, sabiendo cu tin dos of tres hungado cu lo ta riba campo, cu tin e ilusion di hunga un Mundial y cu por sufri un desilusion asina grandi?"
Lahm a bay di acuerdo cu ne, indicando cu si un hungado keda desapunta p'e lista, esaki por afecta su rendimento directamente den e final di diasabra. Un di e hungadonan cu por wordo afecta mas t'e portero di Stuttgart, Alexander Nübel, kende tabata e suplente habitual di Baumann. E yegada di Neuer lo por move Nübel como di tres portero of inclusive laga structuralmente pafo di e seleccion.--
Happy BrotHers ta Honra tres leyenda pa nan gran trayectoria den softBall
Den e transcurso di e siman aki, e reconocemento y aprecio p'e baluartenan di e deporte local a bolbe tuma centro di atencion. Den un ambiente sumamente ameno y comparti pa fanaticamente y miembronan di e organisacion, e ekipo di
The Happy Brothers a rindi un homenahe formal y mereci na tres gran figura cu a laga un marca indudabel den e deporte di softball na Aruba. E ceremonia special aki a tuma luga diahuebs dia 14 di mei ultimo den e instalacionnan di Balashi Beer Garden.
E reconocemento special aki tabata dirigi na Aldrin Maduro, Richard Flanegin y Edgar Flanegin. Tur
tres ta personanan ampliamente conoci den e ambito deportivo pa nan trayectoria destructivo, nan disciplina y e gran aporte cu nan ta continua na brinda n'e organisacion di Happy Brothers te cu dia di awe. For di e directiva y miembronan di e club a extende un palabra di gradicimento profundo na Balashi pa mustra e hospitalidad aki y pa haci e espacio y e anochi inolvidabel aki posibel p'e fanaticada y e
hungadonan.
Despues di e anochi exitoso di homenahe y celebracion, e atencion a traslada mesora p'e tereno di wega. E accion a continua for di trempan riba veld di Kudawecha, caminda a programa e partidonan mas cayente y spera p'e fanaticada, cuminsando for di 10:00 di mainta p'asina duna bida n'e campeonato.
Palm Beach YoYo’s Power ta marca historia como
suBcamPeon invicto te den final
E ekipo di Palm Beach
YoYo’s Power a corona un debut historico den su prome participacion na un copa internacional cu tin un trayectoria di 40 aña di existencia, hunga den e formato 3/4.
Desde e prome bueltanan di clasificacion, e ekipo a domina e competencia, kedando firmemente n'e prome luga. Cu e hecho aki, e organisacion a kibra un record pa pais Aruba door di participa pa prome biaha y mantene un racha invicto durante henter e campeonato central.
Den e gran final, Palm Beach YoYo’s Power a enfrenta e poderoso ekipo di Swif di Corsou, campeon di e aña anterior y un contrincante cu tin un historial impresionante di 15 titulo di campeon den nan nomber. A pesar di e esfuerso maximo y e gran nivel demostra, e hungadonan no por a
supera e experiencia di e team di Corsou, keda asina cu e titulo di subcampeon.
A pesar di no a hiba e Copa Maximo, e Directiva y e cuerpo tecnico a expresa un inmenso orguyo p'e logro aki. E preparacion ta cuminsa for di awo pa aña 2027, caminda e meta principal ta pa asisti y competi n'e Copa ABCS cu lo wordo teni riba e isla di St. Maarten. E logro aki ta danki n'e entrega total di e atletanan, e apoyo incansabel di nan famianan y e confiansa di e sponsornan cu a kere den e proyecto aki pa representa Aruba dignamente.
Sponsornan oficial:
Deli Caribbean N.V
Stemma Trading N.V
W8A Construction N.V
Cambronell & Asociados N.V
D’Tani Construction Services
Panaderia i Pastechi Alipan
Agensia di biahe di viajeros
Yury Consultancy
Alpina Aruba
“Un
nubia scur riba bishita di Rey” FRACCION DI MEP TA
PIDI ACLARACION, RESPONSABILIDAD Y ACCION
ORANJESTAD
—
Recientemente Fraccion di MEP a ricibi un carta anonimo cu ta contene acusacionnan serio tocante posibel irregularidadnan durante bishita di Rey Willem Alexander na Maart 2026.
Segun e informacion ricibi, un consehero den entorno directo di Minister President lo a haci mal uso di su posicion pa beneficio personal y/of financiero den contexto di actividadnan relaciona cu e bishita oficial. Ademas, e carta ta alega cu Minister President lo tabata informa di antemano, pero cu no a tuma accion pa evita esaki. Pa motibo di gravedad di e alegacionnan, y specialmente di e silencio di parti di gobierno, Fraccion di MEP a tuma accion.
Siman pasa fraccion a manda un peticion bon argumenta, pidiendo pa un reunion publico cu e Minister President. E siman aki e fraccion a manda preguntanan formal na minister president, buscando clarificacion tocante su mesun rol den e asunto, su conocemento previo, accionnan tuma, y tambe e rol di conseheronan den su entorno.
Contesta riba e
preguntanan aki ta importante pa restablece confiansa publico.
Pueblo tin derecho di sa si e Minister President a haya señalnan prome y kico Gobierno a haci cu e informacion. Tambe pueblo tin derecho di sa si procedimentonan y regla di integridad a wordo cumpli, y ken tin cu carga e responsabilidad politico y administrativo den e caso aki.
Integridad den gobernacion no ta un opcion; e ta un obligacion. Ora tin duda, mester bin transparencia. Ora tin señalnan, mester bin accion.
PETICION PA INVESTIGACION DI CAD
Ademas, e fraccion a entrega e carta anonimo na Presidente di Parlamento cu peticion formal pa pidi na Centrale Accountantsdienst (CAD)
revisa e informacion y determina si tin base pa habri un investigacion oficial. Mescos cu a wordo haci algun aña pasa den e caso di Arubahuis.
E peticion ta pa un instancia independiente evalua si tabatin irregularidadnan financiero, falta di control of posibel conflicto di interes.
Aruba merece un gobierno cu ta traha cu integridad, transparencia y responsabilidad. Confiansa di pueblo no por wordo pidi; e mester wordo gana tur dia cu accion, cu berdad y cu liderasgo. Nos no por permiti cu silencio di e Minister President lo substitui su responsabilidad, ni tampoco cu duda keda sin contesta. Y nos no por laga integridad bira opcion den gobernacion.
PREMIER DI HULANDA A URGI PARLAMENTO PA DEBATI RIBA LEY
DI REINO ‘HOFA’
ORANJESTAD — Siman pasa diaranson, e lidernan di fraccion y presidente di Parlamento a reuni cu Premier Hulandes Rob Jetten na VNO.
‘Como lider di MEP pami tabata importante pa informa e premier di Hulanda cu nos ta contra e ley di reino ‘Hofa’, pasobra e ta mina nos autonomia, e ta contra nos constitucion, e ta contra e palabracionnan cu ami a haci cu Hulanda na 2024, y principalmente, pasobra e no ta necesario. Y mi a cuminsa nos reunion cu e statement ey.
Di su banda el’a duna di conoce cu e ta na altura di nos posicion, pasobra desde Hulanda nan ta volg tur e desaroyonan riba e tema aki, y el’a urgi Parlamento pa debati riba
e tema y tuma un posicion. Parlamento no por sigui alarga e discusion aki mucho mas.
Gobierno Hulandes ta en espera di e conseho di Raad van State, cu lo ta cla mas o menos medio juni, y a base di e conseho ey nan lo dicidi SI ta continua y CON ta continua cu e ley di Reino. Esaki ta dunami speransa cu Hulanda ta habri pa considera e consehonan di Raad van State.
Mi ta contento cu mi a haya e oportunidad di expresa e preocupacion cu ta biba den miles di persona riba nos isla, y mi ta contento tambe cu e premier a duna importancia na esaki.
Mi ta considera Premier Rob Jetten un amigo di Aruba. Hunto nos
di Parlamento yama e reunion cu nos a pidi desde maart 2026 pa caba, pa asina Parlamento di Aruba por fiha un posicion” lider di MEP, Evelyn WeverCroes a duna di conoce. Evelyn Wever-Croes riba e bishita di Premier di Hulanda Rob Jetten
a organisa e prome conferencia di energia pa Caribe na 2023, y e ta esun cu a anuncia e fondo di crecemento pa yuda nos pais transiciona pa energia mas limpi, e fondo di 54 miyon euro cu ex Premier Dick Schoof tambe a referi na dj’e na november aña
pasa.
“E lucha contra HOFA ta continua, esnan cu ta desea di firma contra HOFA ainda por hasi’e. Mi ta spera cu Presidente
DIA MUNDIAL DI TELECOMUNICACION Y SOCIEDAD DI INFORMACION, 17 MEI 2026
LINEA DI BIDA DIGITAL PA UN MUNDO
CONECTA Y RESILIENTE
Dia Mundial di Telecomunicacion y di Sociedad di Informacion tin como obhetivo concientisacion riba e posibilidadnan cu e uso di Internet y otro tecnologia di informacion y comunicacion (ICTs) por ofrece sociedadnan y economia y tambe pa promove inclusion digital. Desde 1969 ta celebra Dia Mundial di Telecomunicacion riba 17 di mei pa marca e creacion di International Telecommunication Union y pa conmemora e firmamento di e promer Convenio Telegrafico Internacional na 1865. Na november 2005, e Cumbre Mundial riba Sociedad di Informacion (WSIS- World Summit on the Information Society) a pidi Asamblea General di Nacionan Uni pa declara 17 di mei como Dia Mundial di Sociedad di Informacion pa yama e atencion riba e importancia di tecnologianan di informacion y comunicacion (ICTs) y e numeroso temanan relaciona cu e sociedad di informacion plantea pa WSIS. E Asamblea General na maart di 2006 a adopta un Resolucion stipulando cu Dia Mundial di Sociedad di Informacion lo ser conmemora riba 17 mei.. Na november di 2006, den un conferencia di
ITU na Turkia a dicidi pa combina e dos celebracion den un solo Dia Mundial di Telecomunicacion y Sociedad di Informacion riba 17 di mei.
TEMA 2026: LINEA DI BIDA DIGITAL PA UN
MUNDO CONECTA Y RESILIENTE
Den un mundo cu cada bes mas ta depende di un conectividad ininterrumpi, e resiliencia di nos rednan digital ta resulta di ta esencial. E infrastructuranan digital clave, red terrestre, kabel submarino, satelite y sistema di dato, ta constitui e columna vertebral y sistema nervioso di tur comunidad y economia na mundo.
Riba Dia Mundial di Telecomunicacion y Sociedad di Informacion (WTISD) 2026 nos ta urgi tur gobierno, industria y comunidad pa fortalece e infrastructuranan vital aki cu ta mantene mundo funcionando.
Den un mundo na unda kabel submarino por ser corta, red terreste, satelite y sistema di dato ta vulnerabel pa atake cibernetico, disrupcion di coriente of destruccion fisico, esaki ta rekiri un colaboracion nacional, regional y internacional pa percura cu e lineanan di bida digital ta robusto, sigur y resiliente.
MENSAHE DI
SECRETARIO GENERAL
DI NACIONAN UNI, ANTONIO GUTERRES
Riba Dia Mundial di Telecomunicacion y Sociedad di Informacion, e International Telecommunication Union y mundo ta reconoce tecnologia digital como linea di bida, conectando ser humano cu otro, cu servicionan digital y garantizando siguridad. Ora desaster tuma lugar, rednan ta transmiti alerta adelanta, ta mobiliza equipo di respuesta inicial (first responders) y ta mantene establecimento medico, centronan educativo y servicionan publico den funcion. Pero lineanan di bida digital mester ta confiabel, sigur y accesibel pa un y tur. Demasiado comunidad no ta conecta. Sistemanan critico ta vulnerabel. Desinformacion y menaza
cibernetico ta aumentando. Y cu emergencianan climatico intensificando y e division entre esnan cu no tin acceso na AI y esnan cu si tin esaki creciendo, e costo di inaccion ta cay mas duro netamente pa esnan cu ya a keda laga atras.
Nos mester inverti den conectividad – di kabel submarino, satelite, y di e acceso local na standard habri y adkiri competencia digital. Nos mester implementa e Pacto Global Digital, avanza y promove un gobernancia pa inteligencia artificial basa riba derechonan y fortalece e cooperacion entre gobierno, sector priva y sociedad civil den tur pais. Infrastructura digital ta un bon comun esencial y ban uni pa haci esaki resiliente enfrente di tur crisis actual y den futuro, pasobra ora
e lineanan di bida digital ta universal y sigur, tur comunidad por prepara, responde y recupera.
DIA MUNDIAL DI TELECOMUNICACION Y SOCIEDAD DI INFORMACION 2026 LINEANAN DI BIDA CRUCIAL: SEMICIODUCTOR Y CENTRO DI DATA Semiconductor (tecnologia di microchip) ta actua como e fundeshi fisico pa tur linea di bida digital, permitiendo edge computing, transmision resiliente di data y un conversion eficiente di energia, y algun tipo di semiconductor ta garantiza mantene red di comunicacion global den servicio den ora di crisis. 1. Procesador di AI y logica (CPU, GPU y NPU). Ta sirbi como "cerebro" coordinando
LINEA DI BIDA DIGITAL PA UN MUNDO
CONECTA Y RESILIENTE
rednan digital global y centro di data procesando cantidad enorme di data. Permitiendo operacion autonomo y capacidad di respuesta den tempo real.
2. Edge AI Chips (accelerador pa machine learning di consumo electrico abou), Ta procesa dato directamente den equiponan local (manera sensor di e Internet of Things y telefon mobil) en bes di depende di servicio cu ta permanece riba servidor remoto di cloud computing.
3. Semiconductor compuesto (GaN and SiC). Fabrica di material manera Gallium Nitride (GaN) y Silicon Carbide (SiC), e chipsnan aki ta permiti e conversion di energia di voltahe halto cu un eficiencia y maneho termico increibel.
4. Chips di memoria (DRAM y NAND Flash). Ta responsabel pa almacena y recupera coleccion di data masivo cu ta corre den rednan moderno.
5. Optoelectronico
y fotonico. Ta converti señal electrico den lus pa transferencia ultrarapido di dato (por ehempel, diodo di laser y fotodetector).
Centro di data (datacenters), Den cuadro di e tema di 2026, diferente tipo di centro di data ta fungi como e curasonan palpitante pa e lineanan di bida digital, sigurando cu sistema di emergencia, mundo financiero, cuido medico y telecomunicacion por resisti crisis y recupera rapidamente.
1. Centro di data central y empresarial. Instalacionan centraliza utiliza pa corporacion tecnologico principal (p.e.
OpenAi, AWS. Google y Microsoft) of institucionan grandi financiero y gubernamental. Ta funciona como repositorio central pa aplicacion global critico, plataforma di servicio di cloud computing y base di dato nacional.
2. Centro di data micro of edge. Facilidadnan localiza, mas chikito cerca di e usuasio y equiponan (na e rand di e red). Pasobra nan ta local, nan ta reduci e latencia (tempo di transmision) y ta mantene servicio funcionando, incluso si tin interrupcion den servicio di largo distancia
of kabel submarino temporalmente. Nan ta fundamental pa procesa alerta di emergencia tempran, nabegacion autonomo y respuesta di telesalud den tempo real.
3. Centro di data modular y den container. Nan ta unidad escalabel y autonomo cu ta empaketa servidor, refrigeracion y equipo di energia electrico pa ser mobiliza pa uso di emergencia, zona di desaster, area di conflicto of regionan remoto pa restoracion rapido di conectividad di e red local, acceso na servicio financiero of otro servicio ora infrastructura permanente ta fayando.
4. Centro di data espacial. Esaki ta forma un Infrastructura di proximo generacion poni den orbita terrestre abou (LEO), diseña pa maneha procesamento y enrutamento di dato den espacio. Como parti di e rednan integra espacioaire-tera (SAGIN) mas amplio, e centronan di dato aki den orbita ta proporciona respaldo y retransmision esencial ora rednan electrico terrestre of sistemanan di dato a keda destrui pa desasternan natural extremo (p.e. megatemblor of inundacion).
5. Centro di data na altitud halto, berde of flotante of sumergi den laman. Esakinan ta sea localiza den zonanan di altitud of clima frieu of utilizando frecuentemente solamente energia renovabel.
PA MEDIONAN DI PRENSA EN GENERAL
Pa mas informacion, tuma contacto via telefon na 7478280 of via email press. rwicore@gmail.com.
Obranan di arte HaitianO den Sala di expOSiciOn
SUDOKU
Consulat general d’Haiti à Aruba ta presenta un exposicion na Biblioteca Nacional Aruba. Esaki ta habri pa publico, for di dia 18 di mei te cu dia 29 di mei 2026. Ta presenta e exposicion den cuadro di ‘Dia di bandera di Haiti’ cu na Haiti ta celebra riba 18 di mei.
E exposicion di pintura Haitiano ta resalta un diversidad artistico cu ta varia di ingenuo te contemporaneo. E ta describi paisahenan exuberante, bida rural, esenanan mistico, potretnan di figuranan historico, obranan abstracto, y simbolonan di Voodoo.
L'exposition de la
ambulans nan a atende e victima y a transporte pa
peinture haitienne met en lumière une diversité artistique allant du naïf au contemporain. Elle traduit les paysages luxuriants, la vie rurale, des scènes mystiques, des portraits de figures historiques, des oeuvres abstraites, des symboles vaudous.
miniS ter Wyatt-raS ta uni cu comunidad haitiano den celebracion di e 223 aniverSario di bandera di haiti
ORANJESTAD – Awe, 18 di mei, Minister drs. Melvin Wyatt-Ras a representa
Prome Minister di Aruba, mr. Mike Eman, durante e celebracion oficial di e 223 aña di Dia di Bandera Haitiano, organisa door di Consulado General di Haiti na Aruba na Biblioteca Nacional di Aruba.
Durante e celebracion, Minister Wyatt-Ras a comparti un mensahe di reconocemento y aprecio pa comunidad Haitiano na Aruba, destacando e importancia di unidad, resiliencia y orguyo cultural.
Den su discurso, e Minister a enfatisa cu e bandera Haitiano ta un simbolo poderoso di libertad, dignidad, perseverancia y orguyo nacional, y cu e historia di Haiti ta sigui inspira pueblo den Caribe y mundialmente.
E Minister tambe a
reconoce e contribucion valioso di comunidad
Haitiano na Aruba y e conexion entre Aruba y comunidad Haitiano, construi riba convivencia, solidaridad y respet mutuo.
Ademas, e Minister a reafirma e importancia di un sociedad inclusivo unda diferente comunidad y cultura ta contribui activamente na desaroyo di nos isla.
E celebracion a reuni
miembronan di comunidad Haitiano, cuerpo diplomatico, representantenan gubernamental y invitadonan special den un ambiente di cultura, union y aprecio mutuo.
Durante e mainta cultural, invitadonan a disfruta di un presentacion di baile tradicional, musica di J Ralph y musiconan invita, y tambe un exhibicion di arte cu a destaca herencia
y expresion artistico Haitiano.
E acto a culmina cu un mensahe special na honor di Dia di Bandera Haitiano:
“Cu e bandera Haitiano sigui bula halto como un simbolo di speransa, curashi, union y resiliencia.”
Cu inmenso tristeza na nos curazon, directiva, staff y personal ta participa fayecimento di:
Sra. Wilhelmina regina henriëtte mac Jannet “Wil”
Un ex colega hopi stima di Wit Gele Kruis.
Nos ta extende nos mas profundo condolencia na demas famianan y hopi forza den e momentonan dificil aki. Cu Wil drumi dushi den brasa di Señor.
Minister-President Mike eMan
den reunion na t weede kaMer
Jan Paternotte di D66 ta aplaudi ambicion di Aruba pa establece un EU Preclearance y centro di investigacion cu Wageningen University
Durante su bishita oficial na Hulanda, MinisterPresident di Aruba, Mike Eman, dialuna atardi a reuni cu miembro di Tweede Kamer y lider di fraccion D66, Jan Paternotte. E tabata un conversacion amplio tocante cooperacion den Reino Hulandes, desaroyo economico, innovacion y e siguridad regional.
Durante e encuentro, e dos lidernan a destaca e importancia di fortalece e relacion entre Aruba y Hulanda, particularmente den un tempo di cambio geopolitico y economico na mundo.
Paternotte a expresa cu semper ta un placer pa ricibi Minister-President mr. Mike Eman na Tweede Kamer y a enfatisa cu Aruba tin un balor unico den Reino Hulandes. El a bisa cu Aruba no solamente ta conoci internacionalmente como “One Happy Island”, pero cu e isla tin tambe un potencial enorme como
centro di conocemento, investigacion y innovacion. Entre e puntonan trata tabatin e reciente cooperacion entre Aruba y Wageningen University & Research (WUR), caminda a firma un memorandum of understanding (MoU) y letter of intent (LoI) pa establece un centro di investigacion na Aruba.
Segun Paternotte, e iniciativa aki por yuda desaroya un economia di conocemento na banda di nos industria di turismo. El a destaca tambe cu particularmente e trabounan di Aruba riba restauracion di coral y conservacion di naturalesa, indicando cu e conocemento cu ta desaroya na Aruba por tin impacto no solamente pa Caribe, sino tambe mundialmente. Otro tema importante durante e reunion tabata e posibilidad di un EU preclearance na Aeropuerto Internacional Reina Beatrix. Segun Paternotte, Aruba por bira e prome luga den mundo cu un facilidad asina pa entrada mas directo den Union Europeo. Esaki lo
facilita biahe entre Aruba y Europa tanto pa turista como pa local permitiendo e pasaheronan cumpli cu e controlnan europeo prome cu nan yega Aeropuerto di Schiphol na Amsterdam of hasta otro aeropuerto europeo.
Paternotte a indica cu un iniciativa asina lo fortalece posicion di Aruba den Europa y lo mustra e balor unico di Reino Hulandes como un reino cu un dimension tanto europeo como caribense.
Minister-President Mike
Eman, na su turno, a expresa su gratitud p’e apoyo y compromiso cu Reino Hulandes a demonstra recientemente den un periodo di tension internacional den region, particularmente den relacion cu Venezuela y Merca
Eman a enfatisa cu Aruba a sinti claramente e presencia y envolvimento di Reino durante e periodo aki, mencionando e contacto intensivo cu
ministerionan manera
Relacionnan Exterior y Defensa unda a haci tur esfuerso diplomatico pa mantene e islanan for di conflicto regional.
“Esey ta precisamente e momentonan caminda bo mira e balor real di Reino,” segun Minister-President Eman. “Nos ta aprecia profundamente cu Reino tabata presente y cu Aruba nunca a keda so den un momento di incertidumbre internacional.”
E reunion a toca tambe riba e futuro di e exrefineria na San Nicolas y e proceso di desmantelacion y duna un proposito nobo n’e area industrial.
Minister-President Eman a splica cu Aruba ta busca experticio hulandes pa yuda cu e proyecto compleho aki, cu lo defini e futuro economico di e area despues di mas cu shen aña di actividad industrial Segun Eman, Aruba kier tuma varios decision strategico y sostenibel tocante e terreno y su potencial
economico futuro, y pa esey cooperacion tecnico y politico cu Hulanda ta di gran importancia. Paternotte a confirma cu tambe den Parlamento Hulandes tin interes y apoyo p’e proyecto aki, reconociendo e importancia strategico y economico di San Nicolas pa futuro di Aruba. E reunion na Tweede Kamer ta forma parti di un serie di encuentro oficial durante bishita di Minister-President Mike Eman na Hulanda, enfoca riba fortalecemento di cooperacion den Reino, innovacion economico, sostenibilidad y siguridad regional.