Persona treci aruba desPues cu aPPendix a rementa riba barco
Oranjestad-Aruba
Dialuna anochi laat heli di Kustwacht staciona na Corsou a pasa Aruba brevemente, pa despues sigui un distancia di 200
miya di nos isla.
Ta asina cu un ayudo di emergencia a ser pidi riba un barco, pa un persona cu problema acuut di apendix.
Segun informacion esaki posiblemente lo a rementa, causando cu mester atencion medico urgente.
Den coordinacion cu CMO a coordina esaki, unda cu e persona a wordo busca y
translada pa Aruba.
E ta un proceso cu semper ta asina, unda cu ambulance cu su Paramediconan tawata wardando na parti zuid di airport.
Parlamentario Eduard Pieters: “ora Gobierno no Por sPlica unda
16 miyon florin ta bay, confiansa den Gobernacion ta cuminsa kibra.”
Tin momentonan den politica cu un pregunta ta bira hopi mas importante cu e contesta.
Pa lider di fraccion di PPA, Eduard Pieters, esaki ta exactamente loke ta pasando cu e 16 miyon florin cu Aruba Tourism Authority (ATA) a reserva bou di e capa di “Government Development”. Pakico Gobierno ta reserva 16 miyon florin sin cu pueblo sa exactamente na kico ta uza e placa aki? Segun Pieters, e pregunta aki no ta politico, sino constitucional.
Transparencia como slogan
Durante Pieters su disertacion
den Parlamento, Pieters a recorda cu ATA ta administra placa cu finalmente ta pertenece na pueblo di Aruba. P’esey, e ley cu ta regula ATA y e reglanan di destaho publico no ta traha pa complica gobierno. Nan ta traha pa proteha pueblo. “Cada florin cu gasta mester por ta splica.” Segun e parlamentario, ora Gobierno crea un post di 16 miyon florin sin un destinacion publico claramente identifica, Parlamento no solamente tin derecho di haci pregunta y cuestiona, sino e obligacion di haci pregunta.
No a funda ATA pa
financia Gobierno
Pieters tambe a recorda e historia di ATA. Segun Pieters, e institucion ta crea pa fortalece turismo, crea balor pa Aruba y reinverti den desaroyo di pais. Nunca tabata e intencion pa ATA bira un fondo cu Gobierno por recuri na dje sin claridad absoluto. “ATA no por bira un banco di Gobierno.” Pa Pieters, esaki ta un liña cu no mester crusa.
Confiansa ta gana cu claridad PPA a pidi minister pa contesta claramente: Kico exactamente lo financia cu e 16 miyon?
A tume over y a sali direccion Dr.Horacio Oduber Hospitaal cu ne, unda e lo mester ricibi tratamento mas avansa mesora.
Tin un relacion cu e contract pa maneho di desperdicio?
Ken ta supervisa e decisionnan? Con conflicto di interes ta wordo preveni?
Pa Eduard Pieters, pueblo no ta pidi un favor. Pueblo ta exigi cu placa publico ta maneha cu transparencia absoluto. Paso ora Gobierno no por splica con e miyonan di florin lo ta uza, e pregunta ya no ta solamente riba e aspecto financiero. E pregunta ta si ainda tin confiansa den bon gobernacion.
Parlamentario Xiomara Maduro: Pueblo merece claridad si Placa di aTa Por wordo uza Pa Procesa sushi
Den e reunion publico cu Minister Wendrick Cecilia, Parlamentario Xiomara Maduro a pone enfasis riba un pregunta fundamental: e Ley di Aruba Tourism Authority (ATA) ta permiti cu fondonan di turismo wordo uza pa paga maneho y proceso di desperdicio na Aruba?
E limite di e Ley di ATA
Segun Xiomara Maduro, e Ley di ATA ta hopi cla. ATA a wordo crea cu un meta specifico: promove turismo pa Aruba y ta encarga cu tur actividadnan di mercadeo cu ta fortalece Aruba como destinacion turistico. Den ningun parti di e ley no ta menciona cu ATA tin e tarea of e responsabilidad pa financia limpiesa, recoge of procesa desperdicio. “Promove un destinacion limpi no ta mesun cos cu paga pa procesa sushi,” Maduro a declara.
Un destinacion limpi ta importante pa turismo, pero e responsabilidad operacional pa maneha desperdicio ta pertenece na otro entidadnan cu ley ya a designa pa e tarea ey. Durante e reunion publico, Minister Cicilia a argumenta cu e proyecto ta cay bou di “destination management”. Sin embargo, Maduro a indica cu despues di scucha tur splicacion, e ta haya e impresion cu Gobierno a cuminsa cu un accion di limpiesa y despues a busca un manera pa financia esaki.
Falta di un Plan Integral
Segun e parlamentario, e campaña di limpiesa den bario “Baki den
Bario” a cuminsa haciendo uzo di presupuesto di Gobierno. Ora e presupuesto a caba, Gobierno a recuri na ATA pa por sigui financia e proyecto. “Mi no ta mira cu tabata tin un plan integral for di principio cu claramente a establece ken lo paga, ken lo ehecuta y con e proyecto lo wordo sosteni riba largo plaso,” Maduro a bisa.
E parlamentario a expresa tambe preocupacion cu e mandato di ATA ta wordo interpreta cada biaha mas amplio pa por cubri gastonan cu originalmente no ta cay bou di su responsabilidad legal. Maduro a recorda cu Aruba ya tin entidadnan cu ley a encarga cu maneho di desperdicio, manera Serlimar, y tambe tin un ministerio cu ta encarga cu medio ambiente. Ademas, pa inversionnan cu ta fortalece e producto turistico, Gobierno tin otro instrumento financiero cu ta e Tourism Product Enhancement Fund (TPEF).
E pregunta ta: pakico e responsabilidad aki no a keda unda naturalmente e ta pertenece? Si cada biaha un ministerio no tin suficiente presupuesto nos ta amplia e mandato di otro institucion, unda nos ta pone e limite?
Durante su intervencion, parlamentario Maduro tambe a dirigi varios pregunta na e Board di ATA, cu a aproba e proyecto. Entre otro, el a cuestiona:
• Ki experticio e Board tin riba maneho di desperdicio?
• Con nan a determina cu e compania priva tabata e miho opcion?
• Tin algun estudio independiente of informe tecnico cu a sostene e decision?
• Of e Board simplemente a confia riba informacion presenta?
Maduro a enfatisa cu esakinan no ta preguntanan politico, sino preguntanan di bon gobernacion.
Pa ilustra e preocupacion, e parlamentario a plantea un serie di preguntanan retorico: “Si nos acepta cu ATA por paga cualkier proyecto simplemente paso e ta beneficia turismo, e ora ATA lo por paga asfalt, polis, hospital of casnan pa trahadornan di turismo tambe? Tur e cosnan ey tin influencia riba turismo, pero ningun hende lo bisa cu ATA mester financia nan.”
Peticion pa un opinion legal di DWJZ y CAD
Segun Maduro, precisamente paso tin tanto diferencia di interpretacion riba e Ley di ATA,
ta importante pa e discusion sali for di opinionnan politico. Pa e motibo aki e parlamentario a propone e minister pa laga Directie Wetgeving en Juridische Zaken (DWJZ) y CAD emiti un opinion legal independiente riba e pregunta simpel: E Ley di ATA ta permiti pa fondonan di ATA wordo uza pa financia maneho y e proceso di desperdicio na Aruba?
“Si e contesta ta si, pueblo lo sa. Si e contesta ta no, pueblo tambe lo sa. Pero loke Aruba mester ta claridad,” Maduro a conclui.
“E ta precisamente den momentonan manera esaki cu bon gobernacion ta mustra su balor. Bon gobernacion no tin miedo di un opinion legal independiente. Bon gobernacion ta busca claridad, ta respeta e ley y ta cuida cu cada florin di pueblo wordo gasta conforme e proposito pa cual e fondo a wordo crea. Esaki no ta solamente den interes di ATA, sino den interes di bon gobernacion y di Aruba henter.”
ORANJESTAD – Awe mainta 9’or den Corte a trata e caso sumario cu Green Bike y E-Bikes a cuminsa contra Gobierno. Green Bike y EBikes su abogado a haci peticion na Hues pa ordena Gobierno no ehecuta e multa, si Green Bike y E-Bikes no cumpli cu e exigencianan cu Gobierno a manda pa nan.
SOLO DI PUEBLO por a compronde cu Hues a pospone e caso pa asina duna Green Bike y E-Bikes chens pa demostra cu documentonan, nan situacion financiero.
GOBIERNO A MANDA EXIGENCIANAN
Na Mei 2026, Hues den su sentencia di e caso di Green Bike y E-Bikes contra Gobierno, ta mustra cu dia 21 di April 2026, e Minister di Husticia a anuncia cu, di inmediato, ta prohibi pa uza e stepnan electronico riba caminda publico. Riba 29 di April 2026, un “Ultimo Aviso” di e Minister a wordo publica riba social media y riba 30 di April 2026, Gobierno a manda kita e stepnan electronico.
Hues a sigui bisa cu Corte ta dicidi cu e
Noticia di Corte Companianan di step a Cuminsa otro Caso Contra Gobierno
companianan di huur e stepnan electronico, na e momento aki no ta obliga pa kita e stepnan y e stacionnan di carga for di caminda publico.
Hues ta mustra cu aki tambe ta conta cu Gobierno mester prome manda un carta na e companianan cu e peticion pa nan kita nan propiedadnan for di tereno di Gobierno y esaki dentro di un tempo razonabel.
Hues ta mustra cu e decision aki no ta nifica cu e stepnan electronico por keda pa semper riba caminda publico.
Hues ta mustra cu naturalmente e companianan cu ta huur e stepnan electronico, mester atene nan mes na e reglanan vigente. Esey ta conta tambe pa e conductornan di e stepnan.
Ta asina cu Gobierno e biaha aki a cumpli cu e reglanan di ley y a manda exigencianan pa Green Bike y E-Bike.
PETICION PA SUSPENDE MULTA
E abogado di Green Bike y E-Bikes a pidi
Hues pa suspende e multa cu Gobierno a stipula si Green Bike y E-Bikes no cumpli cu e exigencianan. E multa ta 500 florin pa cada step te na un maximo di 250 mil florin. Segun e abogado, esaki lo pone e companianan den situacion financiero dificil.
Di parti di Gobierno a wordo mustra cu e biaha aki Gobierno a cumpli cu tur e reglanan di ley y ta haya cu e companianan mester cumpli. E abogado di Gobierno a bisa Hues cu e companianan awor mester demostra cu pruebanan loke nan ta bisa y no djis bin bisa den Corte.
POSPONE CASO
Hues a dicidi cu ta duna Green Bike y E-Bikes un chens. Hues a bisa cu dia 27 Juli 2026, e companianan mester entrega e pruebanan di nan situacion financiero, a base di loke nan a expresa den Corte.
Hues a bisa cu Gobierno ta haya un periodo pa reacciona riba e cifranan y Hues ta fiha cu na Augustus 2026 lo por spera sentencia.
Parlamentario Xiomara maduro ta cuestiona e uzo di fondo di ata Pa Paga comPania
Priva Pa Procesa sushi
ORANJESTAD – Durante e reunion publico cu Minister Wendrick Cicilia, parlamentario Xiomara Maduro a cuestiona e decision di uza fondo di Aruba Tourism Authority (ATA) pa paga un compania priva pa procesa sushi.
Transparencia den gasto di placa di pueblo
Segun Maduro, e discusion no tabata solamente riba sushi, sino riba con Gobierno ta gasta placa di pueblo. El a enfatisa cu tur ciudadano cu ta paga belasting tin derecho di sa con su placa ta wordo uza. “Nos no ta pidi milagro. Nos ta pidi pa cada florin wordo gasta cu logica, transparencia y responsabilidad,” Maduro a declara.
Maduro a aclara cu su preguntanan no tabata dirigi riba e funcionamento interno di Serlimar, ni riba cua minister ta responsabel pa recoge sushi. Pa e parlamentario, e pregunta principal tabata: dicon ATA, un entidad cu ta depende di e Ministerio di Turismo, ta paga un contrato pa haci limpiesa na Aruba.
E parlamentario a recorda cu Aruba ya caba tin un empresa di gobierno, Serlimar, cu tin como tarea pa maneha desperdicio. Ademas, Serlimar ya ta paga e mesun compania priva pa procesa parti di e sushi, y awor ATA tambe ta paga e mesun compania pa e mesun trabou.
Pa haci su punto mas cla, e parlamentario a duna un ehempel simpel: si un hende ta paga un persona pa haci su cas limpi, y despues e mester paga un di dos persona pa bin haci e mesun trabou, naturalmente e lo puntra dicon e mester paga dos biaha pa e mesun trabou.
Durante su intervencion, Maduro a haci varios pregunta na e minister:
• Confirma si e contrato aki ta wordo paga cu fondo di ATA.
• Splica dicon a scoge pa uza placa destina pa turismo en bes di a amplia e e servicionan di Serlimar.
• Clarifica si Gobierno a compara e costonan prome cu a firma e contrato.
• Detaya kico ta e diferencia entre e proyecto nobo aki y e programa “Baki den Bario”, considerando cu Gobierno ya a inverti hopi placa den e iniciativa anterior.
Falta di LIM nobo ta crea confusion
Un otro punto cu Maduro a menciona tabata cu Aruba ainda no tin un Landsverordening Instelling Ministeries (LIM) nobo. Segun Maduro, esey ta crea confusion riba cual minister ta responsabel pa cual tarea. Sinembargo, el a enfatisa cu e decision pa uza fondo di ATA ta cay bou di Ministerio di Turismo, y p’esey e minister mester duna aclaracion.
Maduro tambe a pidi mas
informacion riba e futuro di Serlimar. E kier sa si Gobierno ta fortalece e empresa di gobierno of si cada biaha ta bay depende mas di companianan priva pa procesa desperdicio na Aruba. Maduro a pidi tambe dato riba cuanto placa publico a wordo paga na companianan priva pa e trabou di procesa sushi.
Conclusion
Na final di su discurso, Maduro a bisa cu su cuestionamento no ta contra e empresa priva. Segun
Maduro, e empresa priva tin un rol importante den economia di Aruba, pero Gobierno tin e obligacion di mustra cu cada florin di pueblo ta wordo gasta cu responsabilidad.
“Pueblo no ta pidiendo un milagro. Pueblo ta pidi pa su placa wordo gasta cu respet, cu un plan cla y cu responsabilidad. Pa esey Parlamento tin e deber di haci e preguntanan aki,” Maduro a conclui.
Noticia di Corte Homber cu a estafa
12 Hende condena
ORANJESTAD – Diabierna Hues a dicta sentencia den e caso penal cu Ministerio Publico a cuminsa contra e homber A.K.M. Ta asina cu A.K.M., no a presenta den Corte. El a opta pa keda na KIA. Su abogado mr. Illes si a presenta.
SOLO DI PUEBLO por a compronde cu Hues a confirma e exigencia di Fiscal pero no a honra e demanda di daño pa dos di e victimanan.
EXIGENCIA DI FISCAL
Luna pasa tratamento di e caso a tuma lugar caminda Fiscal ta acusa A.K.M. cu den e periodo di 1 Augustus 2025 te 18 Januari 2026 a estafa varios persona door di pretende cu e ta huur apartment, ta bende auto, ta famia di notario, ta experto of ta dunador di trabao. En total 12 persona a wordo estafa door di A.K.M.
Fiscal ta haya A.K.M. culpabel. Pa cu e castigo, Fiscal a bisa cu e ta tene cuenta cu e raport di psycologo cu ta mustra cu A.K.M. tin un
problema mental y mester di tratamento. Fiscal a mustra cu den pasado A.K.M. ya a wordo condena pa caso similar pero no a siña di esaki.
Fiscal ta kere cu awor mester duna A.K.M. chens pa e cura. Fiscal a bisa cu A.K.M. tin talento pa convence hende pero ta us’e robez. Fiscal a mustra cu loke A.K.M. a haci, a causa hopi preocupacion na e victimanan. Fiscal a exigi 12 luna di prison di cual 6 luna ta condicional cu 3 aña di prueba. Durante e tempo di prueba, A.K.M. mester cay bou guia di Reclasering. A.K.M. mester sigui tur instruccion di Reclasering.
SENTENCIA
Diabierna Hues a bisa cu A.K.M. ta culpabel di estafa un cantidad di hende. Hues a bisa cu 10 hende nan demanda di daño ta keda honra y 2 no. Hues a bisa cu e homber A. y e dama A., nan demanda di daño no ta keda honra. Hues ta haya cu no a keda proba cu A.K.M. lo
neo ta sinti
Diabierna, 3 di juli 2026, Melendy Neuman a lansa su prome publicacion di e serie ‘Mundo di Neo’, titula ‘Neo ta sinti’. Esaki a tuma lugar na Biblioteca Nacional Aruba. Rondona pa Melendy su famia y conocirnan el a introduci e meta di e buki y a conta un parti di e storia na e muchanan presente. ‘Neo ta sinti’ ta trata e emocionnan: contento, tristo, miedo, rabia y stima. E contenido di cada parti di e buki ta brinda oportunidad na e mucha pa expresa su mes y pa e mayor of educado trata cada emocion mas profundo.
Biblioteca pronto tin e buki disponibel pa fia of por tuma contacto cu Melendy BisslikNeuman via di su pagina di
Facebook pa un copia.
Ken ta Melendy Neuman?
Melendy Neuman ta docente di investigacion na Instituto Pedagogico Arubano. Manera cu Melendy a yega Aruba bek despues di su estudio na Hulanda na 2012, su interes a lanta pa sigui cursonan pa siña un poco mas di nos idioma Papiamento.
Alabes, Melendy a cuminsa atende actividadnan cultural, manera, competencia di Poeta di Patria. Tambe, e sa skirbi y declama poema pa ocasionnan special, entre otro, graduacion di scol, entiero y pa celebracion di 35 aña di Status Aparte.
Melendy ta gusta skirbi poema cu
a presenta su mes como famia di un notario y un experto. Hues ta haya cu no tin prueba di sosten. Pesey Hues a declara A.K.M. liber pa e dos acusacionnan aki. Hues a bisa cu e ta tene cuenta cu raport di psycologo cu ta mustra riba e comportacion anti social di A.K.M. di estafa hende. Psycologo ta haya cu A.K.M. no ta completo responsabel pa su actonan. Hues a bisa cu anterior A.K.M. a haya condena pa caso similar.
Hues ta confirma e exigencia di Fiscal. Hues a condena A.K.M. na 12 luna di prison di cual 6 luna ta condicional cu 3 aña di prueba. Tambe Hues a ordena cu A.K.M. ta cay bou Reclasering pa e haya tratamento na Respaldo. Pa loke ta e demandanan di daño, Hues a ordena A.K.M. pa paga e victimanan daño pero no a confirma e demanda di daño inmaterial pa algun pasobra Hues ta haya cu e demanda no ta completo splica pa raport medico. Hues a impone medida di pago y si A.K.M. no paga, e lo haya castigo di prison riba e castigo cu e tin caba.
tin frasenan cortico, cu ta facil pa comprende y cu ta rima. Segun Melendy, e rima di un poema por ta un elemento cu ta mantene e atencion di e audiencia of lesado. E pasion pa skirbi a lanta aun mas despues di e nacemento di su yiu homber. Su yiu homber, cu ta gusta scucha cuenta y tambe crea storia, a inspira Melendy skirbi su prome buki ‘Mundo di Neo: Neo ta sinti’. Fantasia di su yiu homber ta inclui
den e storia aki. E ta skirbi na Papiamento p’asina contribui na un repertorio mas amplio di buki pa lesa den nos mesun idioma. Un idioma, cu segun Melendy, ta zona asina bunita den nos horea. Como docente, Melendy no por a keda sin incorpora e elemento di siñamento den e storia. Specialmente pa e storia crea momento di dialogo entre e mayor of educado y e mucha.
Parlamentario Hendrik Tevreden:
"Maneho di desperdicio tin Mester di un sisteMa structura y no di solucionnan teMporal"
ORANJESTAD – Recientemente, Gobierno a presenta e apertura di e zona di desperdicio na Barcadera como un paso firme den direccion di un Aruba mas limpi. Relaciona cu esaki, Parlamentario Hendrik Tevreden a señala cu, aunke tur ciudadano kier un isla limpi, e debate berdadero ta bay mas profundo.
Segun Tevreden, e pregunta crucial cu mester wordo contesta ta si nos ta invertiendo den un sistema moderno y sostenibel di maneho di desperdicio, of si simplemente ta improvisando cu placa di pueblo. El a aclara cu e no ta cuestiona e intencion di mantene Aruba limpi, sino e falta di transparencia y e manera con un proyecto di importancia nacional ta wordo implementa sin cu Parlamento tin conocemento di e detayenan principal.
E parlamentario a enfatisa cu, te awe, falta claridad total riba cua modelo di maneho di desperdicio Aruba lo bay aplica. El a señala cu, maske tin un sitio pa entrega desperdicio, e gran pregunta ta kico ta pasa despues cu e sushi wordo descarga. Tevreden a cuestiona si e desperdicio realmente ta wordo separa, recicla, reutilisa of exporta, of si finalmente tur cos ta termina den e mesun dump. E parlamentario a enfatisa cu, mientrastanto no tin e detayenan ey, ta dificil pa papia di sostenibilidad.
Organisacionnan internacional ta exigi un plan integral Organisacionnan internacional
manera Banco Mundial, UNEP y OECD ta yega na e mesun conclusion: un maneho moderno di desperdicio no ta cuminsa cu simplemente un container di sushi, sino cu un sistema structura. Den e cuadro aki, e parlamentario a splica cu Aruba tin mester di un maneho cu ta prioritisa reduccion di desperdicio, separacion na e fuente, reciclahe, reutilisacion, tratamento responsabel y midimento di resultado; aspectonan cu ta precisamente loke falta den e discusion publico aki.
Preocupacion pa e uzo di fondonan di ATA
Un punto di atencion serio den e debate actual ta e uzo di e fondonan di Aruba Tourism Authority (ATA). Maske ATA tin un rol crucial den promocion di turismo, Parlamento tin e derecho y e deber di cuestiona: te unda e responsabilidad di e entidad aki ta yega? Si ATA cuminsa financia proyectonan cu structuralmente ta cay bou di e responsabilidad directo di Gobierno, e capacidad di Parlamento pa eherce un control efectivo riba e gastonan ey ta keda debilita.
Tevreden a aclara cu esaki no ta un atake contra ATA, ya cu e entidad ta cumpli cu su mision den promocion di Aruba. Sinembargo, el a señala cu Parlamento mester actua cu diligencia ora entidadnan cu no ta cay bou di e mesun nivel di control parlamentario ta cuminsa financia mas y mas tareanan publico. Segun e parlamentario, transparencia no por depende unicamente di bon intencion, sino
cu e mester wordo garantisa door di un sistema di control structural.
Relaciona cu esaki, e parlamentario a cuestiona kico lo pasa si den futuro ATA cambia su prioridadnan of no tin e mesun disponibilidad financiero. Tevreden kier sa si e proyecto aki tin un fondo permanente, of si e costo lo cay por completo riba e contribuyente. El a accentua cu sostenibilidad real no ta djis inicia un proyecto awe, sino garantisa cu e proyecto por sigui funciona financieramente y institucionalmente a largo plaso.
Falta di un vision nacional pa desperdicio
E parlamentario a enfatisa cu Aruba mester di un vision nacional pa desperdicio. Maske e ta reconoce cu e minister anterior no a laga e situacion aki cla, Tevreden a splica cu Aruba mester hopi mas cu simplemente un luga pa entrega sushi. Mester stipula metanan cla
pa reduci desperdicio, aumenta reciclahe, stimula reutilisacion, maneha desperdicio peligroso, frena dumpnan ilegal y prepara e isla pa e reto cu turismo y e crecimento población ta trece cun’e.
Pa e rason aki, Parlamento lo sigui haci e preguntanan necesario. Tevreden a duna di conoce cu el a entrega caba 190 pregunta for di diferente angulo riba e tema aki y ta sperando riba e contestanan di e ministernan concerni. El a conclui cu e cuestionamento aki no ta pasobra e ta contra progreso, sino precisamente pasobra progreso mester wordo construi riba transparencia, responsabilidad y bon gobernacion.
Un isla limpi ta importante, pero un pais cu su finanzas na ordo, cu ta evita debe y malgastamento, ta crucial pa por resta fondo pa inversionnan concreto den futur
SERLIMAR Y CEDE ARUBA TA YAMA COMUNIDAD PA UNI fORSA DEN
"DIA NACIONAL PA CUIDA ARUBA"
Como parti di e lansamento oficial di "Dia Nacional pa Cuida Aruba", Serlimar y CEDE Aruba a confirma nan compromiso cu e iniciativa y a haci un apelacion na comunidad pa participa activamente den e gran accion nacional di limpiesa cu lo tuma luga riba diasabra 25 di juli. Durante e rueda di prensa na Dam di Moko, Director di Serlimar Michel Henriquez a indica cu, aunke Serlimar ta dedica gran parti di su trabou diario na mantene Aruba limpi, e reto no por wordo logra door di un solo instancia. Henriquez a explica cu Serlimar ta traha tur dia pa piki sushi y mantene e diferente area di Aruba, pero cu e resultado cu comunidad kier mira ta pidi participacion di
tur ciudadano. "E dia 25 di juli ta un oportunidad importante pa nos tur traha hunto. Si Gobierno, instancianan y comunidad uni forsa, nos por logra un gran resultado y duna un impulso nobo na cuido di nos isla." E Director di Serlimar a expresa su gratitud na Gobierno pa involucra e empresa den e iniciativa, resaltando cu solamente door di colaboracion entre tur sectornan lo ta posibel pa logra un cambio duradero.
Director di CEDE Aruba, Daniel Tecklenborg, tambe a enfatisa cu cuido di Aruba ta un responsabilidad comparti entre ciudadano, famia, organisacionnan, empresa y comunidad. Segun Tecklenborg, CEDE Aruba, como un
organisacion cu ta traha estrechamente cu diferente fundacionnan, ONG's y grupo comunitario, a ricibi cu hopi entusiasmo e invitacion pa forma parti di e movimiento nacional. "E limpiesa di nos pais ta responsabilidad di nos tur. Cada famia, cada ciudadano, cada bisiña, cada organisacion y tambe sector priva por aporta nan parti."
Pa facilita participacion, CEDE Aruba lo uza su plataforma digital ArubaVolunteers.org, unda personanan, grupo di bario, empresa, fundacionnan y voluntarionan por inscribi pa participa den e diferente accionnan di limpiesa cu lo wordo organisa rond Aruba. Den colaboracion cu Bureau City Inspector, lo identifica diferente sitio cu ta necesita mas atencion, pa e boluntarionan por
traha den e area cu tin mas necesidad di limpiesa.
CEDE Aruba ta haci un invitacion na tur comunidad pa mira con cada persona por aporta, ya sea den nan propio bario, rond di cas, den un club, empresa of organisacion.
Cu e colaboracion entre
Gobierno, Serlimar, CEDE Aruba, instancia publico y sector priva, "Dia Nacional pa Cuida Aruba" ta busca crea un movemento nacional di responsabilidad comparti, estimulando henter comunidad pa contribui na un Aruba mas limpi, mas bunita y mas agradabel pa biba y pa bishita.
Departamento Di aDuana a tene ceremonia na ocasion Di cambio Di insinia y entrega Di regalo na
hubilarionan
ORANJESTAD-
Departamento di Aduana ta felicita un grupo di persona cu recientemente a ricibi cambio di insinia en conexion cu promocion y hubilarionan cu a cumpli 40, 35 y 25 aniversario di trabou den servicio di Gobierno.
Diabierna 10 juli 2026, den presencia di Director Departamento di Aduana, sr. Roderick Croes, Management Team, Chefnan, Staf, como tambe invitadonan, a haci cambio di insinia na un total di 8 persona cu recientemente a ricibi promocion.
Ta trata un grupo di persona for di e siguiente rango nan den Aduana: • Verificateur der Invoerrechten & Accijnzen
1ste klasse
• Hoofdkommies der
Invoerrechten & Accijnzen
1ste klasse A.
Alabes a brinda regalo na 13 hubilario en conexion cu 40, 35 y 25 aniversario di trabou pa conmemora e ocasion.
Departamento di Aduana ta felicita y gradici cada persona pa nan pasenshi, empeño, amor, y servicio na comunidad di Aruba.
Lider di fraccion di PPA, Eduard Pieters, a lanta preguntanan serio tocante e manera con gobierno ta distribui recurso publico den e lucha contra adiccion. Segun e parlamentario, Aruba ya tin varios organisacion y profesional, cu durante e añanan a dedica nan trabou na tratamento, orientacion y rehabilitacion di e personanan cu dependencia. Sinembargo, hopi di nan ta sigui opera cu recurso limita, mientras gobierno ta opta pa financia un fundación cu no ta posee profesionalnan den e ramo aki. “Nos no ta contra ningun iniciativa cu por yuda e personanan cu ta lucha cu adiccion. Tur esfuerzo serio merece reconocemento. Pero loke nos ta cuestiona ta e prioridad di gobierno.”
E profesionalnan cu ya ta den frontline ta pidi apoyo
Segun Pieters, e mesun organisacionnan cu diariamente ta den frontline di e lucha contra adiccion ta sigui expresa cu nan falta recurso, personal y capacidad pa atende e demanda creciente. “Nan ta pidi mas apoyo. Nan ta pidi mas capacidad. Nan ta pidi mas colaboracion. Sinembargo, gobierno ta dicidi pa pone recurso den un otro iniciativa.” Pa fraccion di PPA, esaki ta un pregunta legitimo cu mester haya un contesta cla y transparente.
Con a tuma e decision aki?
Pieters a haci e pregunta critico relaciona riba cua ta e criterionan cu gobierno a uza pa dicidi pa financia specificamente e organisacion aki.
• A base di cua estudio?
Parlamentario Eduard Pieters (PPA):
“PAKICO GOBIERNO TA FINANCIA SELECTIVAMENTE, MIENTRAS E
PROFESIONALNAN CU YA TA
HACIENDO E TRABOU TA SIGUI
SIN APOYO NECESARIO?”
• A base di cua evaluacion?
• A consulta cu e profesionalnan cu ya ta traha den e veld di adicción, manera Stichting Hunto?
• Unda ta e plan nacional cu ta coordina tur e esfuerzonan?
“Pueblo tin derecho di sa con recurso publico ta distribui y pakico un iniciativa ta haya prioridad, mientras otro cu ya ta haci e trabou pa añanan largo ta sigui falta e apoyo necesario.”
No ta cuestion di ta contra un fundacion
Pieters a enfatisa cu PPA no ta contra e proyecto cu a haya financiamento. “Nos no ta cuestionando e bon intencion di e iniciativa. Nos ta cuestionando e decision politico tras di e asignacion di recurso.” Segun e lider di PPA, un gobierno responsabel mester fortalece e sistema cu ya ta existi, scucha e profesionalnan cu ta den e prome liña y sigura cu cada
florin di placa publico ta inverti den un manera transparente, consistente y cu e mayor impacto pa comunidad.
“Gobernansa no ta solamente cuestion di gasta placa di pueblo pa hunga politica. Gobernansa ta cuestion di scoge e prioridadnan bon y husto. Y precisamente esey nos ta pidi gobierno pa duna claridad.”
Testimonio di un hende ta locual a pasa den su bida, un hende no por haci nada na su pasado, pasobra locual a pasa , a pasa caba,y a keda den pasado. Pero pasado di un hende por sirbi como guia pa e no trompica riba mesun cos den futuro, un hende por sinja for di su pasado, pa evita e cu ta wordo ganja bek door di diabel, y hanje den mesun situacion di pasado.
Pa un hende biba un bida cu gozo, pas, y den e amor di Senjor e tin di laga su pasado bay, pero nunca e mester lubida for di unda Dios a sake, y keda agradecido na Dios,keda activo den oracion, lesamento di bijbel, aparta for di caminda di maldad y inmoralidad, pa asina e enemigo no hanja ningun porta pa drenta, pasobra e enemigo ta keda riba un loer. ( 1 Pedro 5:8).
Laga nos tene cuenta cu esaki;
No calumnia ningun hende,pa no ta pleitado,ma suave mustrando tur consideracion pa tur hende.
Pasobra nos mes tambe, un tempo tabata ignorante,desobedecido, ganja, esclavisa na varios pasion,y placer, bibando den malicia y envidia,odioso y odiando otro.
Ma ora cu e carinjo di Dios,nos Salbador y su amor pa humanidad a parece, E a salba nos no a base di obranan,cu nos a haci den husticia,ma segun su misericordia,pa medio di e labamento di regeneracion y renobacion pa medio di Spirito Santo. Kende E a basha ricamente,riba nos pa medio di Hesus Cristo nos Salbador, pa nos siendo hustifica pa medio di Su gracia, por wordo haci herederonan segun e speransa di bida eterno. Esaki ta palabra fiel, y e cosnan aki mi kier pa bo confirma constantemente, pa esnan cu kere den Dios,percura di haci bon obranan.E cosnan aki ta
FORTALEZA PA FAMIA Scirbi pa Pastor Marcel Balootje.
NO LUBIDA FOR DI UNDA DIOS A SACA BO
bon y di probecho pa hende. ( Tito 3:2-7)
Dios ta ofrece oportunidad di cambio den bida di tur hende, ta e hende mester kier cambia.
Of boso no sa cu inhustonan lo no hereda e reino di Dios,no laga nan ganja boso: ni fornicador,ni adorado di dios falso. Ni adultero,ni esnan afemina,ni homosexual,ni ladron,ni esnan golos pa placa,ni burache,ni blasfemador,ni estafado,lo no hereda e reino di Dios.
Asina algun di boso tabata,ma boso a wordo laba,ma boso a wordo santifica,ma boso a wordo hustifica den e nomber di Senjor Hesus Cristo,y den e Spirito di nos Dios. ( 1 Corintionan 6:9-11).
Pero tene cuenta cu ora hende no ta tende, of hende no kier tende of no kier reconoce, e palabra di Dios ta bisa lo siguiente:
Pa motibo di bo capricho y bo curason cu no ta repenti, bo ta montona furia pa bo mes,den e dia di furia,y revelacion die huicio husto di Dios. Kende lo paga cada un segun su obranan,( Romanonan 2:5).
Y mescos cu nan no a hanja necesario mas pa reconoce Dios, Dios a entrega nan na un mente perverso Pa haci cosnan cu no ta cumbini.(Romanonan 1:28).
Nos no tin cu lubida riba locual ta para scirbi den Juan 3:36 ; Esun cu kere den e Yiu tin bida eterno,ma esun cu no obedece e Yiu lo
no mira bida, ma e furia di Dios lo keda riba dje.
Dios tin poder pa libera esun di mas malbado , esun di mas criminal, esun cu ningun hende kier ta hunto
Oracion
Di Dia
cune, pasobra esaki ta locual Dios ta bisa den Su Palabra:
Si nos confesa nos picanan e ta fiel y husto di pordona nos, nos picanan y libra nos di tur inhusticia.(1Juan 1:9).
Nunca lubida for di unda Dios a saca bo, gradici Dios. Sinceramente, Pastor Marcel Balootje.
Un feliz dia bendiciona yena cu
gracia di Dios
”Lo Bo ta sacerdote pa semper na e mesun manera cu Melkisedec.” (Hebreunan 7, 17b)
Ruman aki nos ta mira Hesus cu e titulo Sacerdote/Rey di Husticia pa semper, bunita titulo pa Hesus aunke Hesus no mester di ningun introduccion of titulo paso E ta Dios y Dios ta Amor. Asina mes den Hesus nos por experencia Amor, E Amor Unico cu nos tur ta anhela consciente y inconscientemente nos tur ta anhela di experencia E Amor di Dios.
Ta dificil pa esey sosode? Ta bon pa nos sa cu tur cos ta depende di con habri nos curason ta pa Hesus y con nos ta permiti Spirito Santo move den nos. Diadomingo nos a scucha cu nos tin e donnan y awor ta keda nos nada mas cu resa y pidi Spirito Santo habri nos curason pa nos experiencia y pone e donnan den practica y asina acepta y cumpli cu Dios su boluntad den nos bida y nos biba!
Oracion:Hesus mare nos tur por reconoce cu Abo ta nos Rey di Husticia y acerca Bo curason misericordioso pa nos salbacion. Amen
Un pais no por sigui avansa, ora e decisionnan cu tin impacto grandi riba e economia, empleo y futuro di cuantioso di famia ta tuma unilateralmente, sin un debate publico y sin un vision integral. Esaki tabata e mensahe contundente di lider di fraccion di PPA, Eduard Pieters, durante su intervencion den Parlamento tocante e ceramento di e camindanan na costa parti noord di Aruba.
Democracia no ta traha asina. Pieters a expresa su descontento cu Presidente di Parlamento unilateralmente a dicidi pa cambia un peticion di Reunion publico pa un Encuentro Publico, unda e tempo pa presenta e argumentonan y haci pregunta tabata sumamente limita.
“Pa un tema di e magnitud aki, seis minuut no ta suficiente. Democracia no ta traha asina.”
Segun e parlamentario, e debate no ta solamente tocante un caminda cera y ta obstaculisa economia di decenas di compania di tour. Ta tocante e manera con gobierno di nochi pa mainta ta tumando e decisionnan cu ta afecta directamente e bida di nos ciudadanonan.
Naturalesa y economia no mester enfrenta otro. PPA a enfatisa cu e partido semper a defende proteccion di naturalesa. Esaki ta incluso un di e pilarnan di Plan Nos Aruba 2050, unda e balansa entre desaroyo economico y conservacion ambiental ta central.
Parlamentario Eduard Pieters (PPA):
“D
E n PA is DE mocr Atico no P or gob E rn A cu E DE cisionn A n
unil At E r A l”
Pero segun Pieters, proteha naturalesa no por converti den un argumento pa impone e decisionnan cu no tumando na cuenta e realidad economico di e hendenan cu
proyecta den parti di e mesun area.
“Pues, si realmente nos ta limitando acceso pa proteha naturalesa, con e vision ey ta cuadra cu mas desaroyo hotelero den e mesun zona?”
Segun e lider di PPA, pueblo merece un contesta hopi cla y honesto.
Sin plan, Aruba lo paga caro. Pieters a adverti cu gobierno no por simplemente paralisa e proyectonan sin contempla e consecuencia legal y financiero.
Segun Pieters, si gobierno stop e proyectonan cu tin derecho legal sin un mecanismo cla pa compensacion, Aruba por enfrenta proceso hudicial cu eventualmente lo costa pueblo miyones di florin.
P’esey PPA ta propone un otro opcion: uza parti di e ingreso cu Aruba ya ta ricibi di turismo, pa crea un fondo cu ta permiti proteha e areanan natural, minimalisa y frena mas construccion di camber di hotel pa estadia di corto duracion den areanan di Noord, sin pone e carga financiero riba e pueblo posteriormente.
Gobernansa ta exigi vision, no reaccion.
Pa Parlamentario Eduard Pieters, e cuestion principal no ta si Aruba mester conserva su naturalesa. Riba esey no tin discusion. E berdadero debate ta, con nos haci esey.
diariamente ta depende di e area pa gana nan pan. Unda e dialogo cu e companianan aki a keda?
Segun Pieters: “Tin tata y mama di famia cu ta sali tur dia pa traha honestamente. Nan tambe mester ta proteha.”
Un gobierno cu ta manda e mensahenan contradictorio. Pieters tambe a expresa tocante un contradiccion unda gobierno ainda no a splica su mes debidamente. Mientras ta cera e camindanan segun meta pa conservacion, ainda tin diferente proyecto hotelero
“Un Estado di Derecho no por ta goberna cu e decisionnan unilateral. Mester percura pa un balansa real entre desaroyo social cultural, economico y preservacion di nos naturalesa. Esaki mester bay man den man cu transparencia, dialogo y un plan serio cu ta proteha tanto nos naturalesa como e futuro di e hendenan cu depende di dje pa biba.”
Paso, segun Pieters, un gobierno responsabel no ta scoge entre pueblo y naturalesa. Un gobierno responsabel tin e obligacion di proteha tur dos.
Di 13 pa 17 D i Ju L i M ayornan por H aC i peti C ion pa
Ca M bio D i s C o L pa s C o L nan C u no ta resorta
bou D i s Koa
Oranjestad, Aruba: SKOA ta informa cu entrante 13 te cu 17 di juli ta e fecha pa mayornan haci peticion pa cambia nan yiu(nan) di scol cu no ta resorta bou di SKOA. Despues di e fecha aki, solamente situacionan extraordinario lo wordo acepta como motibo pa cambio di scol.
Documentonan necesario pa cambio di scol:
● Uittreksel bevolkingsregister (papel di Censo)
● Copia di AZV-kaart of seguro priva pa aña escolar 2026- 2027
● Ultimo rapport di alumno / studiante
Despues cu a cumpli cu e rekesitonan mayornan lo ricibi un respuesta pa cu e peticion di cambio di scol despues di 10 dia di trabou. Despues di esaki lo ricibi un carta di ubicacion y por continua na inscribi e yiu(nan) na e scol nobo.
Dicon scoge pa SKOA? SKOA ta e organisacion di educacion mas grandi na
SEÑOR ta mi Wardador, mi n' tin falta di nada; den kunuku di yerba bèrdè E ta pone mi sosegá. E ta hiba mi na awa trankil, pa mi bolbe haña forsa. E ta guia mi den kaminda drechi fiel na su nòmber.
Cu profundo tristesa den nos curason pero conforme cu boluntad di Dios nos ta anuncia fayecimento cristianamente di:
Maria Louisa Curiel – Henriquez
*13-09-1937 - †06-07-2026
Ridder in de Orde van Oranje-Nassau Ex Cooperador Pastoral Misa Inmaculada Concepcion
Na nomber di su casa: Juan Curiel
Yuinan: †Johnny Curiel
Rimberth Curiel
Aruba cu ta ofrece educacion di calidad halto. SKOA tin un curiculo completo cu ta enfoca ariba e desaroyo y crecemento general di cada alumno y studiante. SKOA ta enfatisa su balornan Catolico, comunicacion na nivel multilingual, inclusion, innovacion y tambe actividadnan extracuricular. Como mayor bo por ta sigura cu bo yiu(nan) lo ricibi un educacion completo na SKOA. Si bo kier pa bo yiu experiencia un forma diferente pa siña y discubri su potencial aplica na SKOA.
Pa haya mas informacion di tur e scolnan cu ta resorta bou di SKOA por bishita nos website www.skoa.aw.
Pa contact nos directo por yama nos na (+297) 523 1800
Nietonan: Gianluca Curiel y Jaylee Gutierrez
Ashton Curiel y Nahed Abdul
Aiden Curiel
Raven Curiel
Nieta: Annabella Maria Curiel
Bisanietonan: Thiago Curiel
Zayn Curiel
Mama di su nietonan: Carmen Claro
Ayudante: Sonia Montoya
Rumannan: Candida (Ida) Henriquez
Francisca Elizabeth (Betty) Tromp-Henriquez y famia
Julianita y Ricardo Werleman-Henriquez
Swa y cuñanan: Julio Curiel y famia
Emerita Curiel- Koolman y famia
Lucila Koolman-Curiel y famia
Theodulio Curiel y famia
Reginaldo y Catarina Curiel- Arends y famia
Eulogia Koolman- Curiel y famia
Filomena y Michel Daniel- Curiel y famia
Jacinto y Luisa Curiel- Julio y famia
Antonio y Beatrix Kock- Martinez y famia
Tur sobrinonan, sobrinanan, ihanan, primo(a)nan, comer y compernan, madrina y padrino, bisiñanan, amigo y amiganan.
Grupo di oracion San Hudas Thadeo Santa Cruz. Ex-coleganan di SKOA.
Demas famia: Curiel, Henriquez, Croes, Tromp, Werleman ,Claro, Geerman, Hernandez, Hernandis, Ras, Danjo.
Disculpa nos si den nos tristesa nos a lubida nomber di un of otro famia.
Ta invita demas famia, bisiña, amistad y conocirnan pa e acto di condolencia cu lo tuma lugar dialuna 13 juli 2026 di 7:00pm pa 9:00pm na Aurora Funeral Home.
Acto di entiero lo tuma lugar diamars 14 di Juli 2026 pa 4’or di atardi cu un Santo Sacrificio di Misa na Misa Inmaculada Concepcion na Santa Cruz y despues lo Sali pa Santana Catolico Santa Maria na Santa Cruz. E resto mortal lo ta reposa for di 2’or di atardi den Misa Inmaculada Concepcion na Santa Cruz.
Nos disculpa , si den nos momento di tristesa nos por a lubida di menciona un of otro famia.
Nos ta lamenta cu despues di entiero nos no lo por ricibi bishita di condolencia na cas.
Den un competencia cu mas di 31 pais y mas cu 550 atleta, Leandro Santiesteban a pone Aruba riba mapa di landamento den e PanAm Aquatics Championships na Ibagué, Colombia.
Despues di habri e campionato cu un medaya di brons den e evento di 100 meter breaststroke, caminda e tabata e unico atleta di 14 aña den final y a logra un Personal Best nobo, Leandro a sigui impresiona riba di tres dia di competencia.
Den e evento di 50 meter breaststroke Leandro, un biaha mas e unico atleta di 14 aña den final, a enfrenta e mihor landadornan di America. Cu un prestacion extraordinario, y e touch decisivo na muraya prome, Leandro a logra conkista e tan desea medaya di oro pa Aruba.
E triunfo aki ta hopi mas cu un medaya. Ta fruto di lunanan y hasta algun aña di disciplina, sacrificio, perseverancia y pasion pa su deporte. Leandro a demostra cu edad no ta un barera ora bo preparacion, caracter y determinacion ta sincronisa y forma un union.
Stingray Swimming Team ta sumamente orguyoso di e logro historico aki. Leandro no solamente a
gana oro, sino tambe a inspira un generacion henter cu e mensahe cu ningun soño ta
Medaya di ORO pa aR uba! Leandro Santiesteban ta skirbi historia na Ibagué
demasiado grandi pa un mucha di Aruba. Masha masha pabien, Leandro! Bo a haci
Aruba bria cu brons pa honr’e cu oro y bo o historia apenas ta cuminsa.
Lagrima y Flornan por seca, su recuerdonan y tur loke ela hasi y significa pa nos, lo keda graba pa semper den nos mente y curason.
Serca Dios mi alma ta na paz, ta di dje mi salvacion ta bin.
Nos ta anuncia fayecimento
Andres Rodrigues Croes
Cariñosamente yama “Rodrigo of Dupa” *10 november 1944 - †8 Juli 2026
Na nomber di su:
Esposa: Thomasa Croes-Croes
Yuinan Stima:
Roderick ”Rudy” y Emely Croes-Maduro
Juraine Croes
Sulaika Croes
Nieta y Nietonan: Carl Geerman y Shayna Werleman, Ruthlyn Croes (na Hulanda), Dylan Croes
Bisanieto cu ela stima: Xaïre Geerman
Mayornan: † Alberto y †Lica Croes-Ras
Rumannan:
†Etty y †Bubuchi Harms-Croes
†Lucia y † Mathias Chirino-Croes
†Virgilio y Pearl Croes-Swaine (na Hulanda)
Irma y †Cees Bossers-Croes
Dismas y Hortencia Croes-Semeleer
Ursulo y Lucia Croes-Rafaela
†Johanna “Elly” y Steven Pourrier-Croes
Viano “Toy” Croes
Albertico “Tico” y Gerda Croes- v/d Heuvel (na Hulanda)
Swa y Cuñanan:
†Iris Croes y famia
†Mirna y †Luis Kock-Croes y famia
†Tiofilo Croes y famia
Fransisca “Dica” y Luciano Henriquez-Croes y famia
†Miguel y Lucia Croes-Croes
Willy Croes y famia
Manera yui di cas: Dina Thiel
Tur su subrinonan, sobrinanan, ihanan, primo(a)nan, comer y compernan, bisiñanan su ex coleganan di L.V.V. (Santa Rosa).
Demas famia: Croes, Ras, Maduro, Geerman, Werleman, Harms, Chirino, Swaine, Bossers, Semeleer, Rafaela, v/d Heuvel, Pourrier, Kock, Henriquez, Laurance, Leo.
Ta invita demas famia, bisiña, Amistad y conocirnan pa e acto di condolencia cu lo tuma lugar diaranson 15 Juli 2026 di 7:00pm pa 9:00pm na Aurora Funeral Home.
Acto di entiero lo tuma lugar diahuebs 16 Juli 2026 pa 4’or di atardi cu un Santo Sacrificio di Misa na Santa Filomena na Paradera y despues lo sali pa Santana Catolico Pastor Kraanwinkel na Paradera. E resto mortal lo reposa for di 2’or di atardi den Misa Santa Filomena na Paradera.
Nos disculpa, si den nos momento di tristeza nos por a lubisa di menciona un of otro famia.
ORANJESTAD (13 di juli 2026)
– Pa Parlamentario di AVP
Otami Thomasia, e futuro di reciclahe na Aruba no ta depende solamente di infrastructura of ley, sino principalmente di educacion y cambio di mentalidad. E ta convenci cu, si Aruba kier logra un sistema di reciclahe cu ta realmente sostenibel, e fundeshi mester wordo pone den scolnan y den formacion di nos hubentud. Thomasia a comparti cu e conviccion aki ta nace for di su propio experiencia como futuro maestro na Instituto Pedagogico Arubano (IPA), caminda mas cu dies aña pasa hopi di su proyectonan di estudio tabata enfoca riba reciclahe, sostenibilidad y proteccion di medio ambiente.
“Mas cu un decada pasa nos caba tabata papia di reciclahe y sostenibilidad den enseñansa. Desafortunadamente, durante mi dies aña como maestro mi no a mira e vision ey converti den un plan nacional permanente. Awor ta tempo pa cambia esey,” Thomasia a expresa.
Segun e parlamentario, Aruba mester desaroya un Plan Nacional di Educacion Ambiental y Reciclahe den colaboracion cu Ministerio di Enseñansa, Directie Onderwijs, IPA, scolnan y otro institucionnan educativo.
Parlamentario Otami Thomasia:
“Reciclahe meste R cuminsa den scol y bi R a pa R ti di nos
E plan, segun Thomasia, mester integra sostenibilidad den curriculum escolar, implementa programa di reciclahe na tur scol y ofrece oportunidadnan pa muchanan siña door di experiencia practico.
“Reciclahe no mester keda solamente un les den klas. E mester bira un manera di pensa, di actua y di biba. Ora un mucha siña for di hoben con pa reduci desperdicio, reutiliza material y recicla, e conocemento ey lo compañ'e pa resto di su bida,” el
a indica.
Thomasia tambe ta propone instalacion di stacionnan di reciclahe na scolnan, parkenan, centro deportivo, edificio publico y comunidadnan, pa laga reciclahe bira un parti natural di bida diario. Ademas, e ta enfatisa cu sostenibilidad ta bay mas leu cu sushi. Segun e partalmentario, Aruba mester sigui inverti den reutilizacion di awa trata pa muha parkenan, canchanan deportivo y espacionan publico,
uzando recursonan di un forma mas inteligente.
Thomasia a indica cu e vision aki ta alinea cu varios Sustainable Development Goals (SDGs), incluyendo educacion di calidad, consumo responsabel, accion pa clima, proteccion di bida marino y conservacion di naturaleza.
“Esakinan no ta solamente metanan internacional. Esakinan ta inversionnan den un Aruba mas fuerte, mas limpi y mas resiliente,” el a declara. Na conclusion, Thomasia a haci un yamada pa gobierno, sector educativo, comunidad y sector priva traha hunto pa crea un cultura ambiental cu lo perdura pa generacionnan futuro.
“Cambio berdadero no ta cuminsa den landfill. E ta cuminsa den klas, na cas y den comunidad. Si nos educa awe, nos ta proteha e Aruba di mañan.”