PAG. 1
DIARAZON 7 JANUARI 2026
Parlamentario Evelyn Wever-Croes Afl.
1.25
DIARAZON 7 JANUARI 2026
DI RECUPERACION PA SURPLUS, PA PROGRESO Y BIENESTAR MEP TA HAÑANDO RASON
CHAUFFEUR HOBEN FERNANDEZ TA DETENI PA ACCIDENTE HIT & RUN CU DOS MORTO E hoben Fernandez den e foto aki ta e chauffeur cu a envolvi den e accidente diadomingo anochi. Ayera a pidi pa pone su identificacion y prensa ta cumpli cu e trabao pa informa. E ta deteni y Ministerio Publico lo pidi su prolongacion. El’a sali for di unda tabatin boat fest diadomingo. Segun a compronde a pone supla y el’a surpasa e nivel acceptabel.
NOS MES POR MANEHA NOS FINANSAS, NO MESTER DI HOFA. DANKI NA E FUNDESHI FINANCIERO CU GOBIERNO DI MEP A TRAHA MINISTER HULANDES VAN WEEL: ‘SITUACION NA CARACAS TA TRANKIL, NO TIN MENASA URGENTE’
INDICTMENT CONTRA NICOLAS MADURO: KICO E TA Y CUAL TA E ACUSACIONNAN
Pag. 2
DIarazon 7 JANUARI 2026
Parlamentario Evelyn Wever-Croes
DI RECUPERACION PA SURPLUS, PA PROGRESO Y BIENESTAR MEP TA HAÑANDO RASON ORANJESTAD - Apenas 9 luna despues cu Partido MEP a entrega gobernacion, comunidad di Aruba awor por confirma e berdad. MEP ta hayando rason, e base financiero cu gobierno di MEP a establece, ta cual a conduci na surplus pa nos pais, a cuminsa brinda bienestar y progreso den forma consistente y sostenibel. Di recuperacion, pa surplus, pa progreso y bienestar. “No tabata facil, pasobra nos a encontra e pais, na 2017, den un crisis financiero sin precedente, na momento cu e gobierno prome cu nos, gabinete Mike Eman 1 y 2, a redobla e debe di nos pais, hibando Aruba na borde di bancarota. Confiansa financiero den Aruba a bai perdi, instancianan internacional a down grade Aruba, y Hulanda a impone un sistema di supervision financiero, un curatela financiero den forma di un KB, un Koninklijk Besluit”, lider di MEP a bisa durante conferencia di prensa. Desde november 2017, Gabinete Wever-Croes 1, mester a pone enfasis riba recuperacion
financiero. Sinembargo, e pandemia mundial Covid-19 na 2020 a bolbe causa un crisis financiero y economico. A sigui e siguiente periodo di Gabinete Wever-Croes 2, den cual mester a pone prioridad na crea un fundeshi financiero fuerte y solido pa Aruba, cu por resisti cualkier crisis, sea ta crea pa hende, manera e crisis financiero cu Mike Eman y su gabinete a ocasiona na añanan 2009-2017, of pandemianan mundial, manera Covid-19. Mester a crea espacio financiero tambe pa gobierno di MEP por haci inversionnan atrobe, sin causa debenan gigantesco manera e gobierno anterior, y cu e espacio financiero a cumisa duna alivio bek na comunidad. “Awe ta bolbe resalta cu e fundeshi financiero solido cu ex-minister Xiomara Maduro y su ekipo financiero a construi, ta sigui produci surplus, apesar di un gobernacion actual cu no ta parce cu tin un rumbo cla. Tin biaha
e ta parce mas bien un barco sin capitan. Nos trabou desde oposicion ta pa vigila nan di serca, pa evita cu nan ta trece cambio y afecta structura y fundeshi financiero cu nos a logra cu hopi esfuerso, sacrificio y dedicacion. Nos a tuma pasonan concreto pa recupera rapido e capacidad financiero y economico di Aruba, pasobra nos tabata confia den e capacidad y resiliencia di pueblo
Cambia perspectiva tocante obesidad: Sa bo number y midi bo peso
Arubiano. Y ta esey a brinda e espacio financiero pa duna entre otro, e aumento di pensioen na nos grandinan, e aumento di onderstand, e aumento di salario na docentenan. Mi ta sinti un orguyo grandi di mira tur esaki posibel, danki na e vision y determinacion di mi gobiernonan, Gabinete WeverCroes 1 y 2”, tabata e declaracion di lider di MEP Evelyn Wever-Croes den e prome conferencia di prensa.
Pag. 3
DIArazon 7 JANUARI 2026
Indictment contra Nicolas Maduro: kico e ta y cual ta e acusacionnan
Un indictment federal emiti pa e Departamento di Husticia di Estados Unidos ta contene acusacionnan penal contra e presidente di Venezuela, Nicolas Maduro Moros, hunto cu varios otro alto funcionario y ex-funcionario venezolano. E documento, presenta den un tribunal federal na New York, ta detaya acusacionnan serio, pero ta importante pa subraya cu un indictment no ta un condena, sino un acusacion formal cu mester ser probá den un tribunal.
Kico ta e acusacionnan principal Segun e indictment, e fiscalía di Estados Unidos ta acusa Nicolás Maduro di: Conspiracion pa trafica droga: E acusacion ta bisa cu Maduro y otro acusado a conspira pa produci y manda gran cantidad di cocaína for di Suramérica cu destino final Estados Unidos. Narco-terrorismo: Segun e documento, e fiscalía ta afirma cu e red di trafico tabata colabora cu grupo armá manera FARC, cu Estados Unidos ta considera como organisacion terrorista, pa facilita e trafico di droga. Uso di arma y material militar: E indictment ta menciona acusacion di uso y posesion di arma di guerra, incluyendo fusil automatico y otro arma pesado, como parti di e supuesta conspiracion. Uso di recurso di estado: Segun e acusacion, e red a usa aeropuerto,
avion y proteccion di estado pa facilita operacionnan di narcotrafico.
Kico ta e hechonan concreto cu ta wordo menciona
consciente cu:
Conclusion
Un indictment no ta prueba di culpabilidad.
E indictment contra Nicolás Maduro ta presenta acusacionnan serio di narcotrafico y conspiracion, basa riba testimonio y evidencia cu e fiscalía ta considera suficiente pa un proceso penal. Sin embargo, legalmente e ta un acusacion pendiente, y no un condena. E desaroyo futuro di e caso lo depende di posibilidad di extradicion, juicio y decision judicial.
Nicolás Maduro no a wordo juzga ni condena den ningun tribunal pa e acusacionnan aki.
E indictment ta basa riba: Testimonio di ex-oficial y cooperante, incluyendo personas cu posteriormente a declara culpabel den caso separá. Incautacion di cargamento grandj di droga, incluyendo avionnan y barco cu tabata carga cocaína. Grabacion di reunion y comunicacion, segun e fiscalía, entre miembro di e supuesta red. Evidencia financiero, manera pago, soborno y uso di documento oficial. Kico e indictment no ta Ta importante pa pueblo y lector ta
Tur acusado tin derecho di defensa y ta inocente te ora un tribunal dicta un condena.
Contexto y controversia E caso ta controversial pasobra: E acusacion ta contra un jefe di estado activo. Tur e hechonan supuestamente a pasa for di territorio di Estados Unidos. Venezuela no a extradita e acusado. Pa esaki, e indictment ta wordo mira tanto como un asunto legal, como tambe un asunto politico internacional.
Pag. 4
DIArazon 7 JANUARI 2026
Biblioteca Nacional Aruba cu e prome actividad cultural ‘Pa Un Bon Comienso di Aña Nobo 2026’
Diahuebs, 8 di januari 2026, di 6.30 pa 9.00 di anochi lo tin e prome actividad cultural di aña 2026 na Biblioteca Nacional Aruba, George Madurostraat 13, Oranjestad. Ban causa Furor. Lo celebra ‘Pa Un Bon Comienso di e Aña Nobo 2026’. Tambe lo dedica parti di e progama na 40 Aña Status Aparte Aruba, 1986-2026. Den cooperacion cu Astrid Britten, Biblioteca Nacional Aruba, Departamento di Cultura Aruba y Mirto Laclé lo presenta un programa multidisciplinario cu enfoke riba Triologia Musical: Musica, Canto y Baile y ‘Man como metafora’.
Aña 2026, un aña pa celebra 40 Aña Status Aparte 1986-2026: unda abo tabata ora Aruba a drenta Status Aparte na 1986. Como invitado especial lo tin presentacion di Grupo musical ‘Notas di Amor’ bou guia di Shurby Maria, cu e integrantenan Juan Tromp, Remi Flanegin, Shurby Maria y Fio Wester. Maritza Erasmus, escultor profesional di Aruba lo presenta trabounan enfoca riba escultura di man. Maritza lo expone algun muestra di mannan di personanan individual y di pareha. Marilis Becker lo recita poema den cuadro di celebracion di Status Aparte Aruba.
Francis Jacobs lo entretene cu musica di steelpan. Mirto Laclé lo duna introduccion di Triologia Musical: Musica, Canto y Baile.Grupo di Dande lo t’ey pa desea publico presente un Bon Aña 2026.
Bin celebra hunto cu Biblioteca Nacional Aruba. Entrada ta gratis. Pa mas informacion por tuma contacto cu Mirto Laclé na 7426274
Minister di Labor mr. Wendrick Cicilia
Departamento di Labor y Investigacion (DAO) Dicon ta importante pa introduci un salario minimo pa ora? ORANJESTAD- Minister di Labor mr. Wendrick Cicilia conhuntamente cu Departamento di Labor y Investigacion (DAO) ta anuncia cu a introduci salario minimo pa ora entrante 1 di januari 2026 pa asina kita e discrepancia entre e empleadonan cu ta traha 40 ora pa siman y e empleadonan cu ta traha mas cu 40 ora pa siman. Entrante 1 di januari 2026 ta obligatorio cu tur empleado di 18 aña of mas, cu ta gana e salario minimo, gana por lo menos e salario minimo pa ora sin importa e cantidad di ora cu e ta traha pa dia, pa siman of pa luna. Entrante 1 di januari 2026 e salario minimo pa ora ta AWG. 11,58. E cambionan entrante 1 januari 2026 ta: introduccion di un salario minimo pa ora di AWG. 11, 58 pa tur empleado desde18 aña independiente di cuanto ora e ta traha y e funcion cu e ta eherce. Tambe, a ahusta e factor cu ta uza pa e calculacion di un salario pa luna. E factor a bira awo, 4,333. Esaki ta nifica cu un empleado cu ta traha 40 ora pa
siman y ricibi un salario minimo di AWG. 1986,20 pa luna, entrante 1 di januari 2026 lo mester ricibi un salario di AWG. 2007,50. Ken tur mester duna atencion na e cambio di ley aki entrante 1 di januari 2026? Pa controla si un empleado ta cay bou di e ley, e salario pa ora mester ta conoci. Si e salario ta mas abou cu e suma legalmente estableci di AWG. 11,58, mester ahusta e salario pa ora entrante 1 di januari 2026. Empleadonan cu ta gana un salario pa ora mas halto cu e salario minimo pa ora di AWG. 11,58 no ta cay bou di e ley aki. Tur empleado cu tin actualmente un salario mensual di AWG. 2257,93 of mas abou, mester haci uzo di e formulanan aki bou pa asina por determina si e cambio di ley aki ta aplicabel p’e. Con ta calcula e salario minimo pa siman of pa luna? Pa calcula e salario minimo pa siman lo uza e siguiente formula: Salario pa siman = cantidad di oranan di trabou pa siman x salario minimo pa ora.
Pa calcula e salario minimo pa luna lo uza e siguiente formula: Salario pa luna = cantidad di oranan di trabou pa siman x salario minimo pa ora x factor 4,333 Pa ricibi mas informacion riba e salario minimo pa ora cu a drenta na vigor 1 januari 2026, por haci uzo di e siguiente instrumentonan: • E link pa SUELDO app (DAO calculator salario minimo pa ora): https://daoaruba.com/ index.php/sueldo/ • Documento Frequently Asked Questions (FAQ) riba e salario minimo pa ora disponibel den diferente idioma riba e website di DAO: www. daoaruba.com. • Documento Frequently Asked Questions (FAQ) pa e grupo specifico di personal domestico riba e salario minimo pa ora disponibel den diferente idioma riba e website di DAO: www. daoaruba.com. • Por email na : dao.uurloon@gmail.com of por manda un WhatsApp:5936934 (solamente pa pregunta riba salario minimo pa ora).
Pag. 5
DIArazon 7 JANUARI 2026
Parlamentario Evelyn Wever-Croes
NOS MES POR MANEHA NOS FINANSAS, NO MESTER DI HOFA. DANKI NA E FUNDESHI FINANCIERO CU GOBIERNO DI MEP A TRAHA ORANJESTAD Durante conferencia di prensa, lider di fraccion di MEP Evelyn WeverCroes, a trece padilanti cu e Team Financiero cu Gabinete WeverCroes a institui te awe a sigui traha cu gran efectividad. “Na varios ocasion Hulanda a purba tuma nos autonomia financiero over, pero nos a logra baha tur for di mesa. CHE, COHO, RAFT, tur tabata ideanan di Hulanda pa a traves di un ley di reino, kibra nos autonomia financiero y pasa esaki mas pa Hulanda. A traves di negociacionnan intenso, strategianan di nivel halto, y demostrando cu hechos y maneho responsabel cu nos mes por, nos a sigui cu Hulanda na mesa. Aruba no mester entrega su autonomia financiero pa por maneha nos finansas. Aruba mester di un ley cu criteria moderno y condicionnan, pero tambe cu respet pa nos Status Aparte” tabata palabranan di lider di MEP. Aruba a demostra na Reino y henter mundo cu nos a recupera y ta sigui recupera y fortalece danki na un bon base financiero estableci y e oportunidadnan cu nos Status Aparte, cu su instrumentonan estatal autónomo, ta ofrece. P’esey, ningun hende ta compronde e decision di e gobierno actual AVPFuturo di acepta e ley di reino HOFA, sin negocia. Un ley cu ta contra nos constitucion, y cu ta frena nos
desaroyo economico.
“Despues cu nos, desde oposicion, a rechasa e ley aki, y a demostra cu prueba cuanto daño e ley aki lo haci Aruba, awor e gobierno a indica cu lo bay negocia bek cu Hulanda, despues cu nan mes a aproba esaki caba dia 28 di augustus 2025. Parse manera mi a bisa anteriomente; un barco sin capitan, sin plan di navegacion, sin bela y sin anker”. Nan a purba bende autonomia di Aruba pa haya un fondo cu Hulanda ya a nenga nos caba. Hulanda a bisa cu e debe mester sigui wordo paga bek y punto. “Y lagami ta cla den esaki. Nos no tin problema pa paga Hulanda e debe bek pasobra e fundeshi cu nos gobernacion, bou maneho financiero di Minister Xiomara Maduro y su team a laga atras, lo sigui brinda Aruba stabilidad y surplus, pa nos por paga debenan di gobiernonan di Mike Eman y di Covid na Hulanda, sin tin mester di mishi cu derechonan estatal valioso di nos Status Aparte. P’esey, awe mi kier felicita nos pueblo di Aruba cu e resultado financiero di e aña 2025 y di e projeccionnan di 2026 y mas padilanti. E fundeshi stabiel estableci di nos gobernacion lo sigui produci, pa hunto nos por sigui comparti e bienestar. Pabien maestronan, pabien nos grandinan, pabien Aruba!”, Evelyn Wever-Croes a termina bisando.
Pag. 6
DIArazon 7 JANUARI 2026
Candela di cas na Vigia Paradera a laga un persona herida atras
Vigia Paradera Diamars den oranan di mainta unidadnan policial y brandweer y tambe ambulance a sali direccion di Paradera. Den e area residencial Vigia, un cas lo a tawata na candela.
Na yegada polisnan a nota cu candela tawata saliendo di e dak y cu tawata trata di salon di haci huña pega na un cas. Segun nos a compronde y por a mira un dama herida y tawata hopi emocional yorando. Tambe parse algo a rementa durante e
candela.
negoshi a sufri hopi daño.
Polis a pone lint geel, pa cuminsa investigacion aparentemente.
Pa locual ta e señora herida, Paramediconan mester a maniobra cu e ambulance grandi den e caya small di Vigia pa por a
Mester a bisa cu e cas y e
yega unda e señora herida tawata. No tin informacion di kiko por a start e candela.
Pag. 7
DIArazon 7 JANUARI 2026
Dama hoben involucra den hit & run ta deteni; OM lo solicita prolongacion di su detencion
Durante e dia di dialuna a cuminza circula riba social media varios informacion relacioná cu e hit & run cruel cu a sosodé dilanti di Wind Creek Casino. Manera a wordo conoci, diadomingo anochi prome cu medianochi, un SUV di color preto a dal dos peatón mortalmente y a bandoná e lugar di e accidente. E dos victima tabata un pareha cu tabata disfrutando nan anochi y tabata rumbando pa nan vehiculo na momento di e impacto. Riba social media a circula e informacion cu, den menos cu un ora despues di e incidente, e dama hoben chauffeur a wordo
haya na Bushiri, a wordo deteni y cu e auto — un Jeep — a wordo confisca. Sin embargo, durante dialuna tabata circula rumor cu e dama a wordo laga na libertad debido na varios factor. Confirmacion Ministerio Publico
di
Nos a tuma contacto cu Ministerio Publico pa clarifica e informacion aki. Ministerio Publico a confirma oficialmente cu e dama chauffeur involucrá den e caso ta actualmento deteni. Segun e informacio oficial, despues cu dos dia a pasa — e dama lo mester presenta dilanti di un
Huez Comisario, unda cu Ministerio Publico lo solicita prolongacion di su detencion preventiva, probabelmente te ora cu e caso por bin dilanti di tribunal. Esey ta e informacion oficial pa aclara tur especulacionnan cu ta circula riba social media. Nos ta consiente di tur e detallanan cu ta wordo comparti online y nos ta sigur cu practicamente henter Aruba a lesa y a mira kiko a wordo publica riba social media. Pa e momento aki, nos ta compartiendo solamente e informacion confirma di e instancianan oficial.
Minister hulandes Van Weel: ‘Situacion na Caracas ta trankil, no tin menasa urgente’ Oranjestad.- Segun minister di relashonnan exterior di Hulanda David van Weel ‘situacion na Caracas na e momento aki ta trankil’. Den un carta pa parlamento hulandes Van Weel ta skirbi awe cu ‘no tin hopi hende riba kaya na Caracas. Mayoria di pomp di gasolin i supermerkado ta habri. Tin hopi polis i militar presente riba kaya’. Segun Van Weel ‘na e momento aki no tin menasa urgente pa parti Karibense di Reino Hulandes’. “Pero nos ta prepará. Nos a identifiká diferente senario. Tin diferente unidat militar disponibel
den e region Karibense ku Defensa por usa si ta nesesario.” Den su karta Van Weel ta enfatisá ku Reino Hulandes no tabata enbolbí ku operashonnan militar di Merka. Gabinete hulandes ta hasi yamada na tur partido enbolbí pa evita mas eskalashon i pa sigui regla di leinan internashonal. Van Weel ayera a papia na telefòn ku minister de Relashonnan Eksterior di Merka, Marco Rubio. “Nos a papia den ekstenso tokante situashon na Venezuela i tambe e nesesidat di transishon pasífiko.” El a enfatisá ku Nashonnan Uní
ta hasi petishon pa solushonnan pasífiko.’ Van Weel: “Pa Reino
Hulandes stabilidat i seguridat di Reino ta nos promé interes.”
Pag. 8
DIarazon 7 JANUARI 2026
Schedule Oficial & Schedule Promo // Copa Betico Croes 2026
Pag. 9
DIArazon 7 JANUARI 2026
Segun minister: Hulanda ta stop operascionnan contra droga cu Merca
ORANJESTAD – Hulanda a stòp temporalmente cu e colaboracion operashonal cu Merca den lucha contra droga pafor di e awanan teritorial. Minister di Defensa Hulandes Ruben Brekelmans a splika esaki durante su bishita na Aruba. Hulanda lo limitá su lucha contra droga na su propio awanan teritorial i no lo partisipa den operacionnan Merikano riba laman habri.
E delimitacion aki ta sigui e desishon di Merka pa un enfoke unilateral i militar den region. Hulanda no ta kooperá cu e operashon Merikano Southern Spear i no ta pone fasilidadnan ni medio disponibel pa esaki. Den su propio awanan, Hulanda lo sigui combati kontrabanda di droga dor di investigacion, detencion i husticia i no dor di elimina botonan.
Curso exitoso di Papiamento pa cursista Colombiano FLP a contribui na proyecto “Casa de Colombia” di Consulado Colombiano
Na juni 2025 Consulado Colombiano a acerca Señor Carlos Croes, vicepresidente di Fundacion Lanta Papiamento (FLP) cu e peticion pa organisa un curso basico di Papiamento pa inmigrante di Colombia den cuadro di e proceso di integracion. E curso aki lo forma parti di e proyecto “Casa de Colombia” cu a planea diferente actividad cultural pa e inmigrantenan Colombiano. Ta mas cu claro cu Fundacion Lanta Papiamento a acepta e oferta aki y dos di e miembronan cu ta docente certifica di Papiamento,
esta Señora Melina van der Linden (Bach.Ed.) y Señor Cesar Kelly (MEd.) a prepara y duna e curso. E curso a cuminsa dia 1ͤ di september 2025 y a termina dia 8 di december 2025. Un total di 29 cursista a gradua. Nan tur a laga sa cu nan kier sigui pa un nivel mas halto di dominio di Papiamento. Segun e docentenan Van der Linden y Kelly e cursistanan tabata masha motiva y a cumpli cabalmente cu e tareanan. Nan a drenta e curso cu casi nada di conocemento di Papiamento y na final nan tabata tribi di papia
y hiba un combersacion comprensibel na Papiamento. Directiva di FLP ta felicita e cursistanan cu nan
perseverancia y logro. E chens ta grandi cu FLP ta organisa un di dos curso pa e grupo aki. FLP ta gradici Consulado Colombiano pa e confiansa.
Fundacion Lanta Papiamento ta sigui traha pa logra su meta: Aceptacion y Bon Uzo di Papiamento tur caminda!
Pagina Pag. 10 18
Diasabra 18 November 2024 DIarazon 7 JANUARI 2026
Trump/merca a secuesTra maduro
Kico awor Den oranan di marduga dia 3 januari 2025, Ehercito Mericano a lanta Presidente Nicolas Maduro y su casa Cilia Flores for di soño, hibanan den un helicopter pa después subi avión y hibanan New York. Un acción relámpago cual a ricibi hopi atención como algo “sublime” di e ehercito Mericano. Pero mesora tur hende cu ta analisa e sucedido mester yega na e conclusión cu aki ta trata di traición y cumpramento di militarnan. Durante e oranan después di e acción relámpago a sali na cla cu como 8 guardaespaldanan tambe a hui den e helicopternan mericano y un grupo grandi (+30)di Guardaespaldo Cubano a ser asesina. Pues enberdad sublime mester ta entre comiyas. Pakico? Pasobra ta Trump a duna CIA un proyecto di un aña pa “menasa y cumpra” e guarda-espaldanan di Maduro, Generalnan, oficialnan y mas militar pa facilita e kipnapping di Maduro y su señora. Informacion a Sali cu e servicio di Inteligencia di Israel Mossad tanbe tabat envolví. Casonan di cumpramento igualmente a ser haci na Iran na Juni ultimo y na Syria na december 2024. Nada di accion sublime y sofestica di ehercito Mericano. Un táctica conocí, menasa y cumpra cual Trump semper a uza ora e tabata den probema pa scapa for di justicia, ora e a comete su fechorianan. Mira e declaracion anexo cual ta bay hunto cu e comunicado aki. Maduro a comporta su mes mes manera un líder grandi, sin miedo y cara den halto. Su prome palabranan ora e a baha e avion na New York na tur e funcionarionan kendenan a bin buske tabata, “Happy New Year”. Cual sigur a keda graba cerca hopi hende. Gobierno Venezolano tabatin un Plan B pa sorto di situacionnan asina. Prome nan mester a sanea e ehercito di e elementonan traidor,
kendenan a coopera cu CIA y ehercito Mericano. Esnan cu a hui y bay, por lo pronto a scapa, pero hopi a keda atrás y gobierno mester a tuma medida contra nan, pa e actonan di traición no tuma lugar mas. Berdad e situación financiero di hopi hende na Venezuela, tambe pa e militarnan ta dura dor di e accionnan di sancionnan y boycot ya pa mas di 12 aña, pero pa bo traiciona bo país na fabor di otro país ta hopi repudiabel y un castigo severo ta spera nan. Den ora di atardi di 3 januari 2026, después di reorganisacion den ehercito y saca hopi traidornan, e gobierno nobo di Venezuela a keda instala di acuerdo cu e constitución di Venezuela. E constelación a keda igual, solamente e vice-presidente Delcy Rodriguez keda encarga temporalmente cu e trabaonan di Presidente di Venezuela, esta e presidente encarga. Nicolas Maduro ta keda Presidente di Venezuela. E mesun plan di ehecucion di gobierno Venezolano a keda den función, awor cu Delcy Rodriguez na Cabes. Su prome declaración ta cu gobierno di Venezuela ta exigi di inmediato e liberación di Presidente Maduro y cu nan
ta sigui nan política acorda na defensa di e pueblo di Venezuela. Tambe Delcy Rodriguez a pidi pueblo Venezolano pa sigui cu nan apoyo na gobierno y ehercito. Y berdad, diadomingo 4 januari, miyonnan di Venezolano na tur ciudadnan y pueblonan di Venezuela a subi caya, dunando gobierno tur nan apoyo y exigiendo e libertad di nan presidente Nicolas Maduro. Declaracionnan yena cu locura di Gobierno Trump. Analisando e situación nos tin di destingui dos asunto. 1. E acción militar cu no tabata algo spectacular, ya cu e táctica Semper uza dor di Trump pa menasa y después cumpra hende, a wordo poni den practica akinan. Cosecuencia di esaki ta cual ta e grado di fortalesa cu e ehercito Venezolano a keda cune? Hopi di e traidornan a hui, hopi a wordo identifica y a tuma medidanan, pero sigur tin hopi cu a traiciona, ainda a keda den e ehercito Venezolano. Sigur Trump ta bini cu mas acción militar di Merca, ya cu e gobierno di Venezuela no ta bay cumpli cu e exigencianan di
Trump y Venezuela mester di un ehercito fuerte. 2. E declaracionnan di Trump cu su ministronan tambe a tene un conferencia di Prensa mainta 3 januari 2026. E declaración mas importante ta: Gobierno di Trump/Merca ta bay “RUN” Venezuela despues di loke nan ta yama e secuestro di Presidente Nicolas Maduro y su esposa, un Regime-Change Operation. Run, Kier meen goberna e país, esta traha y pone leynan nobo den función, maneha e economía, duna servicio publico y hinca e pueblo den nan sistema político. E ta tur cos cu un gobernación mester haci. Pero según Trump e ta un gobernación unda Merca ta haci di Venezuela un protectorado, esta un sorto di colonia di Merca, cu 3 lidernan di gobierno Mericano cu nan posicionnan di directornan colonial ta bay dicidi con e gobernación di e colonia ta bay bira. Pur tur hende cu dos placa di sinti, esaki ta mustra un locura, un plan di fracaso, cu solamente Trump y Marco Rubio por construi. Secuestro di e presidente di Venezuela no ta Regime Change. CONTINUA PAG 11
Pag. 11
DIarazon 7 JANUARI 2026 Pagina 19
Diasabra 18 November 2024
Trump/merca a secuesTra maduro
Kico awor
CONTINUACION PAG 10 E acción militar ta absolutamente ilegal y contra tur derechonan internacional, contra e charter di ONU (organisacion di Nacionnan Uni), cual ta prohibi gueranan di agresion. Ningun hende di bon boluntad, cu un tiki inteligencia, cu ta respeta derechonan internacional, soberanía di cada pueblo, respet pa derechonan humano, respet pa democracia, cu no por invadi militarmente un pais soberano y haci loke ta bo gana y hopi mas, por para tras di e política agresivo di Trump y su hendenan . Venezuela a reorganisa su gobierno y aparentemente den pura su ehercito. Venezuela a adapta su gobierno cu un conseho di Ministro nobo. Nan ta run e país. Nan ta e gobierno legitimo. Trump cu su Blizkrieg di 3 januari, yama Regime Change, awor mas liher kier pa haci Venezuela un colonia di Merca, esta bay bek 200 aña den historia. Esaki ta sosode cu aprobación di un ley den Congreso y Senado Mericano. Gobierno Venezolano cu Delcy Rodriguez na cabes mester keda trankilo. Duna tempo, tempo y warda kico ta reaccionnan di político na Mundo arriba tur e locuranan di Trump y su hendenan. Mas locura di Trump y Marco Rubio. Trump a sigui papia mas locura,
cu for di Merca nan lo RUN Venezuela. Nan no ta bay ocupa Venezuela militarmente, ta orden nan ta duna for di Merca, via Remote Control y Delcy Rodriguez mester cumpli. Si Delcy Rodriguez no cumpli cu deseo di Merca algo lo pasa cu ne y pio cu loke a pasa cu Maduro. Delcy Rodriguez a bisa cu hamas Venezuela lo bira un colonia o protectorado di Merca o di otro país. Su persona no ta bay sigui ningún orden di Trump y ta ripiti cu Gobieno Mericano mester libera e presidente di Venezuela Nicolas Maduro. Kico e menasa di Trump ta, e no a bisa. Kico ta e motibo cu nan no ta ataca Venezuela y ocupa e país. Miedo cu un guera asina lo bay dura demasiado tempo? O nan no tin bastante militar pa cumpli cu e acción aki. Na 2019 tambe tabatin e declaracionnan di dirigentenan di gobierno Trymp ‘All options are on the table”, incluyendo e opción militar. Toch nan no a cumpli. E ministro di defensa di Merca na 2019, a bisa después den e añanan 2021 o 2022, cu no tabatin suficiente militar pa invadi y ocupa Venezuela. Algo cu ta sigur awor ta, cu e posición original di Trump cu e problema di Venezuela ta trafico di droga, ya no t’ey mas. Tur loke Trump y su gobierno awor ta tras di dje ta petroli y tur loke tin den suelo di Venezuela y di tur país Latino-Americano. E pregunta grandi ta awor, cuanto Venezolano
ta apoya e postura di Trump pa haci Venezuela un Colonia di Merca. Un hende drechi sigur cu no. Pero bo ta bay haya hende cu e bandera di Venezuela, apoyando Merca. Traicion ta keda na Mundo, pero pa traidornan. Trump a sigui bisa cu nan lo trece nan companianan petrolero mas grandi, e mas grandinan di mundo, nan lo inverti biyonnan di dollar, fix e infrastructura di Petroli y cuminsa traha placa na bienestar di Merca. Si e gobierno di Venezuela no cumpli cu e demandanan di Trump, Merca lo bombardea di nobo y si mester hacie di nobo e lo ta mas pio. E pregunta grandi cu pueblonan ansiosamente kier tende. No a tende un pronunciamento di Congreso y Senado Mericano. Tur dos cu ta bisa cu nan ta respeta derechonan internacional, derechonan humano, derecho di autodeterminacion di pueblonan y otronan. Varios congresista y senadornan ya a duna nan opinión personal, sea pro o contra
Trump, pero e instancianan aki, Congreso y Senado Americano no a vocifera nan opinión ainda. Kico ta opinion di ONU (Organización di Nacionnan UNi). Cu ansioso tur hende ta warda e discusión den Asambleya General y den Conseho di Seguridad di ONU. E discusionnan lo ta interesante, ya cu cualquier proposición den Conseho di Seguridad respalda pa Venezuela, maske Venezuela no ta miembro, sigur lo ricibi un Veto di Merca. Tambe e posición di e dos podernan na Mundo, Rusia y China, cual paisnan Semper ultimo añanan a apoya e gobierno Chavista, cual paisnan tin inversionnan grandi na Venezuela y Tin acuerdo militar cu Venezuela manera Rusia. Nan lo keda solamente cu nan solidaridad pa cu Venezuela o nan lo duna Venezuela e apoyo militar suficiente pa e país para duro. Gregorio Wolff. jan 2026
5
Pagina 21 DIarazon 7 JANUARI 2026
Diasabra Pag. 12 18 November 2024
Minister di Defensa Hulandes:
Situacion na Venezuela ta Stabiel
su parti a gradici Prome Minister pa e reunion den cual e por a comparti cu tabatin contacto estrecho entre Hulanda y Aruba pa cu e situacion cu a surgi dia 3 di januari y ta subraya cu e situacion a stabilisa y cu a reanuda buelonan comercial den area y cu tur cos ta mas trankil. Defensa Hulandes tin bista riba e situacion y ta indica cu no tin menasa pa cu e islanan y a sigura
Dialuna merdia, Minister di Defensa di Hulanda Ruben Brekelmans, hunto cu un delegacion di Defensa Hulandes, a haci un bishita di trabao cerca Prome Minister Mike Eman. Durante e reunion, a dialoga riba e rol importante di Reino Hulandes, particularmente riba e proteccion di e integridad teritorial di nos islanan
cu ta garantisa bao Reino pero tambe riba e responsabilidad di Ministerio di Defensa Hulandes. Prome Minister a subraya e rol di e Minister di Defensa Brekelmans cu semper ta presente activamente pa medio di contacto directo of a traves di otro personanan crucial den defensa. Durante e ultimo dianan, tabatin momentonan dificil cu e situacion na Venezuela,
y e capa di proteccion cu Reino Hulandes ta brinda, ta duna un sentido di trankilidad y siguridad riba e islanan den Caribe. Prome Minister a expresa su gratitud na Minister Brekelmans pa e contacto habri y continuo relaciona cu e situacion na Venezuela y kico lo por a spera. Pa awo, e situacion ta mas trankil den region y no tin motibo pa preocupacion. Minister Brekelmans di
cu si esaki cambia, lo informa Aruba y percura pa duna sosten si mester. Na final, Prome Minister Eman a expresa su gratitud na Premier Schoof, cu desde momentonan di marduga di e accion militar na Venezuela, a tuma contacto cu Prome Minister Eman pa expresa su solidaridad, cual ta duna un sentido di trankilidad aun mas.
Pagina 227 JANUARI 2026 DIARAZON
SOPI DI LETRANAN
Un feliz dia yena di hopi fe y speransa den nos bon Dios
”…sino conta e generacion venidero: esta gloria di Señor, su poder, ye cosnan milagroso c’El a haci.” ( Salmo 78, 4bc) E Evangelio di awe ta cuadra, manera semper, tempo cu ami tabatamucha. Mi mayornan semper tabata educa mi tocante di Dios, CristoHesus y Spirito Santo. Y un Bijbel no tabata haci falta. Haci oracionta cos di tur dia. Y sin falta bishita e cas di Dios. Awendia nos ta ripara e generacion di awo, no tin mucho balor pa cuDios. Pero anos a sigui conta nos yiunan tocante di Dios manera nosgrandinan a haci? Anos a siña e hubentud tocante e milagronan ysacrificio cu Cristo Hesus a haci? Of di e donnan cu Spirito Santo tinpa nos? Y anos a tene man di nos yiunan, hibando nan, tur siman, pacas di Dios pa scucha su Palabra? Ban sigui cu e bunita custumber cunos grandinan a haci. Ban sigui hiba e futuro generacion ariba ecaminda cu Cristo Hesus a traha pa nos. ”…pa nan tambe confia denSEÑOR, no lubida Dios su obranan grandi…”(Sal 78, 7) Oracion: Señor mi Dios motiva mi y guia mi, cu yudansa di SpiritoSanto, ariba mi responsabilidad pa conta y educa e generacion nobo di Bo Maraviya. Y inspira nan pa nan sigui conta na e siguiente generacion. Amen.
Diasabra 18 NovemberPAG. 202413
SUDOKU
Pag. 14
DIarazon 7 JANUARI 2026 Pagina 17
Diasabra 18 November 2024
FORTALEZA PA FAMIA Scirbi pa Pastor Marcel Balootje.
BON TESTIMONIO TA CUMINSA NA CAS Un bon desaroyo familiar ta masha importante, un bon relacion den cas entre mayor y mayor y mayor yiu, ta algo cu debidamente tur atencion mester wordo poni na dje. (Efesionan 6:1-4). Hende grandi a yega di bisa: No sende lus na caya laga cas den scuridad.. Decencia y integridad ta cuminsa na cas, pasobra educacion ta cuminsa na cas. Tur hende sa y esun cu no sa ainda mester sinja, y reconoce,considera y comprende cu Dios ta na cabes di Famia, y Dios a pone e homber como cabes di e cas , como esun responsabel pa guia e famia den caminda di Dios. Ora Adam y Eva a desobedece Dios den hoffi di Eden, Dios no a yama Eva pa duna cuenta, pero e a yama Adam pasobra ta Adam E a duna e responsabilidad, como esun cu Dios a crea prome. Esey ta nifica cu segun structura di Dios ta e homber ta cabes di cas,cu ta somete na Dios. e muher ta su ayudante y e yiunan ta obedece nan mama y tata. Ta un structura fuerte pero tambe hopi delicado,pasobra asina cu un trata di overrule otro, desobedencia ta drenta , discucion ta drenta, e barco ta bira sin rumbo, te ora nan arepenti, y bini bek den e structura di Dios. Y nos ta mira cu hopi biaha hende ta yega te na mesa di divorcio, pasobra nan no ta comprende e structura di Dios, of nan no kier somete na e structura di Dios.( Lesa Efesionan 5:21). Adam a kere cu e por a tira
falta riba Dios y e muher cu Dios a dune, pero Dios a mustre cu ta e mes mester carga su responsabilidad.
hende,di tal manera cu nan por mira boso bon obranan,y glorifica boso Tata cu ta den cielo.( Mateo 5:16).
Un homber casa mester tene cuenta cu esaki( Genesis 2:24) Dios na prome lugar,despues bo esposa y bo yuinan, bo iglesia, bo trabao of negoshi, no lubida riba bo grandi nan etc.
Stimanan, si Dios a stima nos asina tanto,nos tambe mester stima otro. Ningun hende no a mira Dios nunca, si nos stima otro Dios ta
Nunca pone placa y material prome cu bo hogar, pasobra bo famia ta bo herencia, y regalo di Dios.. Por favor, pa no desvia di e sistema aki pasobra e tin consecuencia hopi duro. Un hende no por ta bon Hefe na trabao y mal mayor na cas. Un hende no por ta integro na trabao , den su posicion, cu titulo, y na cas e ta un adultero y abusador. Un hende no por ta santo den iglesia of misa y na cas , su boca y su comportacion ta laga hopi di desea. Un hende no por ta man los cu placa, happy hour, den fiesta cu amigo, y mientras utilidad ta cay atras na cas. Un hende no por ta casa y e tin otro muher of otro homber y su yuinan na pasa malo pa e motibo ey. A yega e momento, cu nos tur mester,realisa e balor di bon testimonio, y etica y moral mester bolbe den famia. Bay bo cas,serca bo hendenan, y conta nan ki cosnan grandi,Senjor a haci pa bo, y con E a tene misericordia di bo. ( Marco 5:19). Laga boso lus briya dilanti di
permanece den nos y su amor ta wordo haci perfecto den nos.( 1 Juan 4:11-12). E muher sabi ta traha su cas, ma esun bobo ta bashe abao cu su mes man
(Proverbionan 14:19. Laga tur dia nos papia, palabra di bendicion den nos cas. Sinceramente, Pastor Marcel Balootje.
Pag. 15 Pagina 20 “Señor ta mi wardador, mi’n tin falta di nada. Den cunucu di yerba berde e ta ponemi sosega. E ta hibami na awa tranquil, Pa mi bolbe haña forsa.” Salmo 23 Cu inmenso dolor na nos curason pero agradecido pa tur e añanan cu e tawata cu nos y conforme cu Dios su boluntad, nos ta participa fayecemento inesperadamente di nos casa, ruman, omo y swa.
Paulito “Pauw” Pablo Dirksz
*13-08-1950 - †30-12-2025 Na nomber di su: Mayornan: † Jose Dirksz y † Maria Maduro Casa: “su Amor” Imelda Dirksz-Geerman Manera su Yiunan: Casimiro “Milo” Werleman y Hilda Cataño y famia Robert y Jeannise Helder-Boekhouwer y famia Gabriëlla y Roderick Kock-Helder y famia Nicole Helder Rumannan: Vera Dirksz y famia Henky y Miriam Dirksz y famia Petra “Ina” Dirksz y famia na Hulanda † Silvia y Dino Angel y famia Mariola Dirksz y famia † Eddie Dirksz y famia Marcelino Maduro Lily y Chimbo Kock y famia Antonia “Tona” v/d Biezen y famia Marlon “Ruru” v/d Biezen y famia Rosalva Dirksz y famia Joseline Maduro y famia Dalila Rombley y famia Cuñanan, swanan: † Mario Geerman y Nora Ras y Famia †Juan Geerman y †Margo Bremo †Anna Geerman y †Veronico “Joon” Werleman y famia Rosa Geerman y Candy Croes y famia †Mena Geerman y †Ino Vrolijk y famia † Eddy Geerman y Calista La Rosa y famia Demas famia: Sita Geerman y Carlos Thode y famia Dirksz, Maduro, Geerman, van der Berg, Bloemond, Virgilio “Bio” Geerman y famia van de Biezen, Croes, Kock, Chin-A-Loy, Medoré, Maxima Geerman y Victor Helder y famia Monart, Briceño, Schwengle, Paulina, Hernandez, Theo Geerman y famia Bislip, Bisslik, Feliciana, Wever, Ortega, Quandt, Mando Geerman y Jacky Tromp y famia Wernet, Boekhoudt, Wathey, Briesen, Ros, Janga, Ihanan: Martez, Teodora, Emerenciana, Rasmijn, Paulino, Anthony Dirksz Winterdal, Werleman, Cataño, Vrolijk, Ras, Mando Geerman Bremo, Croes, La Rosa, Thode, Dirksz, Helder, Reginald Reggy Wever Tromp, Cardenas, Zavala, Martinus, Otten, Robert Helder Navarro, Schwengle, Bonilla, Brete, Trimon, Lacle, Omonan: Dorothal, Boekhouwer, Kock, Lesandrina, Arends, Jako Croes y famia Hernandez, Oduber, Bremo, Varis, Briesen, Bennet, Paulino Croes y famia Sofia, Diaz. Amigonan: Su tanta y omonan, primo y prima nan, comper y Famia Emerenciana di Boneiro comernan, su amigonan, bisiñanan, tur conocirnan Famia Teodora di Boneiro y famia na Aruba, Boneiro, Curacao, Merca, Famia Paulino di Boneiro Colombia, St. Domingo y Hulanda. Famia Evertz di Boneiro Ex coleganan di Arubaanse Wegenbouw Amigonan di cas: Maatschappij, amigonan di Softball y amigonan di Marcel Cecilia Umpire, amigonan den deporte, Sr. Eric Bisslik y Clifford Leito amigonan di Zeerovers, amigonan di sindicalismo Wendel Bennet FTA, amigonan cunukero especialmente su Juan “Yuyu” Rasmijn amigonan cu semper a bishite na cas y a celebra su Candy Croes bida cune. Leonardo “Nady” Rasmijn
Oportunidad pa condolencia lo tuma lugar na Aurora Funeral Home diahuebs 8 januari 2026 di 7pm pa 9pm.
DIarazon 7 JANUARI 2026 Diasabra 18 November 2024
SEÑOR ta mi baranka, mi fòrti; mi salbador, esei ta mi Dios, mi baranka pa mi skonde, mi eskudo, mi defensa i salbashon, mi baluarte! Salmo 18:2 Despues di un lucha cortico cu su salud a bai Sosega
Olivia Justina Kock-Maduro
*26-09-1968 - †02-01-2026 Mayornan den feliz memoria: Alejo y Luisa Maduro- Koolman Casa Stima Louis Junior Kock Tata di su yiunan: Alvaro Camara Yiunan stima: Indira Isha Rodrigues Camara y Carlos Bergrok Zaliane y Edward Boekhoudt Alvaro Jordan Rodrigues Camara Neito/anan stima: Zylon Rafiné, Jailyzienne Keyli Leañez, Zion Rafiné, Zayron Rafiné, Zaqion Rafiné, Ed-Xienne Boekhoudt, Zyrick Rafiné, Rumannan: Betico Maduro Teobaldo Walty Maduro Judith Maduro Boy y Martha Maduro Inanda Maduro John y Marjan Maduro Benito Juni y Trixie Maduro Sobrino/anan: Joshua Loefstop y Romayra Vrolijk, Brigitte Loefstop y Jourvin Maduro, Gildward Maduro y Lou-ann van Trigt, Sowfi y Joshua Maduro, Giorgio Maduro y Naomi Chayadi, Tiara Maduro, Chantilly Maduro, Nataly Maduro, Michael-John Maduro, Julian Maduro, Juliette Maduro Tanta y omonan den felis memoria, primo y primanan, ihanan stima, swa y cuñanan Bon amiganan: Betty y Gregory Nicolaas, Ariete Camara y Jaime Mata Danki special na Dr S. Vis, tambe Fundacion Edmond Harms, Danki Soraida Demas famia: Maduro,Koolman, Kock, Rodrigues-Camara, Boekhoudt, Rafiné, Leañez, Bergrok, Loefstop, Vrolijk,van Trigt,Nicolaas, Mata, Geerman, Valdez, Jacobs, Flemming, Orozco, Dabian, Bikker, Oduber, Wester, Everon, Lopez, Peña, Rasmijn
Nos disculpa si den nos tristesa nos por a lubida un of otro famia. Famia ta pidi disculpa cu despues di entiero nos no por ricibi bishita di condolencia na cas.
Acto di despedida lo tuma lugar diasabra 10 di januari 2026 na Aurora Funeral Home di 9:00 pa 11:00 am. Cremacion ta tuma lugar den seno di famia. Lugar di Flor o krans un donation pa Fundacion Edmond Harms
Paulito su deseo ta pa bisti na color alegre manera e Semper ta.
Deseo di nos difunto stima pa bisti alegre.
Ta invita pa acto di entiero cual lo tuma lugar na Misa Inmaculada Concepcion na Santa Cruz diabierna 9 Januari 2026 di 9am pa 11am y despues lo sali pa Santana Catolico Sta. Maria na Santa Cruz.
Pag. 16
DIarazon 7 JANUARI 2026 Pagina 23
Diasabra 18 November 2024
Partido MEP:
SUBIDA DI PRIJS DI PAN TA OTRO CASTIGO PA PUEBLO DI GABINETE AVP FUTURO ORANJESTAD - For di 1 di Januari 2026, pueblo Arubiano a topa cu un realidad duro: prijs di pan a subi hopi, sin advertencia y sin ningun splicacion pa hendenan. E lista di prijs nobo, cu ta circula bou di pueblo, ta mustra aumentonan significativo tanto na prijs por mayor como na retail. E noticia aki ta un bofta grandi pa pensionadonan y famianan cu poco entrada, cu ya tabata luchando pa yega fin di luna. Hopi pensionadonan a keda babuca ora nan a mira cu pan – un producto basico den cada cas – a bira mas caro di un dia pa otro. Hopi di nan ta bisa cu nan no a wordo informa di nada, ni via gobierno ni via instancianan oficial. Transparencia? Comunicacion? Tur esaki a keda falta. Claro cu esaki ta hustamente loke AVP FUTURO no kier pa pueblo mira. Pero aunke bo no ta mira e noticia, bo ta sinti si e golpi den bo cartera. Cada subida di prijs ta un castigo directo contra e hende comun, cu ta traha honesto y cu ta conta cada florin pa sobrebibi. Mientrastanto, ni un representante di gobierno AVP FUTURO kier splica dicon e prijs di pan a subi asina. Ningun explicacion,
ningun responsabilidad, ningun empatia cu pueblo. E silencio ta mas duro cu e subida mes. Esaki ta e “regalo di Aña Nobo” cu AVP FUTURO a duna Aruba: mas presion financiero, mas inseguridad, y mas desconfianza den un gobierno cu mester
ta para na banda di su pueblo. Pueblo Arubiano no ta pidi milagro, pero respet, claridad y accion si ta e minimo cu pueblo merece. Pan no ta un luho. Pan ta un necesidad. Y gobierno AVP FUTURO a lubida esaki. Nan a lubida pa ken nan mester ta gobernando.