PAG. 1
DIARAZON 24 DECEMBER 2025
Afl.
1.25
DIARAZON 24 DECEMBER 2025
NEGOSHI DI PALO Y MUEBLES A KIMA COMPLETAMENTE DIAMARS MARDUGA DI RECUPERACION PA SURPLUS, PA PROGRESO Y BIENESTAR, MEP TA HAYANDO RASON! MINISTER CICILIA A REUNI CU E PISCADONAN TOCANTE SIGURIDAD, PROYECTO PILOTO FAD Y E DESAROYONAN MARTIMO
Pag. 2
DIarazon 24 december 2025
Parlamentario Evelyn Wever-Croes
DI RECUPERACION PA SURPLUS, PA PROGRESO Y BIENESTAR, MEP TA HAYANDO RASON! Oranjestad — Siman pasa Parlamento a aproba e presupuesto 2026, y a repasa e resultado financiero di 2025 den e presupuesto supletorio. Un biaha mas MEP ta haya rason. Un biaha mas a keda prueba cu e fundeshi financiero solido cu e maneho di Gabinete Wever-Croes a hiba, awe ta permiti e gobierno di turno pa duna bek na comunidad. Y esey tabata e meta di crea un fundeshi financiero solido: pa duna bek. Ta e fundeshi financiero aki a crea e surplus, cu awe ta permiti pensionadonan haya un aumento di pensioen, cu maestronan por haya e restructuracion parcial, y cu ta sigui brinda bienestar y progreso den forma consistente y sostenibel. Nos gobierno di Gabinete Wever-Croes a tuma desicionnan dificil y necesario pa domina dos crisis: na 2017 e crisis financiero causa pa AVP, e mega debe, y despues, e crisis causa pa e pandemia mundial Covid-19. Nos a tuma pasonan concreto pa recupera rapido e capacidad financiero y economico di Aruba, pasobra nos tabata confia den e capacidad y resiliensia di e pueblo
Arubiano.
sacrificio y dedicacion.
E team financiero cu nos a establece te awe ta sigui traha cu gran efectividad. Pues e fundeshi solido cu ex Minister Xiomara Maduro y su team financiero a construi ta sigui produci surplus, apesar di un gobierno actual cu ta parce mas bien un barco sin capitan. Nos ta vigilando nan di serca, pa evita cu nan ta trece cambio y afecta structura y fundeshi financiero cu nos a logra cu hopi esfuerso,
INTEGRIDAD Un area di preocupacion si ta e kiebronan di integridad den gobierno. Tur minister y tur parlamentario cu ta sostene gobierno sa cu minister Gerlien Croes a viola e codigo di conducta di ministernan, door di bula den e jet priva. Lamentablemente e coalicion AVP Futuro, enbes di sigui tambe cu e trayecto di integridad cu Gabinete Wever-Croes a cuminsa, ta scohe pa
sconde e kiebronan di integridad bou di tapijt. Bo no por tin bon gobernacion si bo ta sconde pa un minister. Sin integridad, bo maneho financiero tambe ta wordo mancha.
Eynan desde Parlamento nos lo sigui vigila, investiga y denuncia pasobra Pueblo di Aruba merece bon gobernacion y integridad. Aruba merece mihor.
Pag. 3
DIArazon 24 december 2025
Negoshi di palo y muebles a kima completamente diamars marduga
Bonita Upholstery And Matrass Hotel Used Furniture Store a kima por completo - Diamars marduga rond di 4'or a start un candela den un warehouse cerca di Rooi Manonchi. Un candela cu a expande rapidamente, mirando e contenido cu ta palo, muebles etc etc.
Varios unidad di Brandweer mester a yega pa asina combati e candela cu a dura te den oranan di mainta. Elmar a hunga su rol tambe di kita e coriente cu ta importante pa e bomberonan. Importante
tawata
pa
contente e candela y evita esaki expande na e otro negoshinan eynan mes. Den ora di mainta, por a mira departamento tecnico di polis y tambe DTI y otro departamentonan na e sitio. Investigacion lo mester por saca afo kiko a start e candela.
Pag. 4
DIArazon 24 december 2025
Aunke no ta haya e Manta den nos awa teritorial, e ta proteha pa nos leynan local
ORANJESTAD – Directie Natuur en Milieu DNM) ta informa tocante e especie protegi Manta. E manta yama na Ingles Giant Manta Ray (Mobufa birostris) ta haya su nomber gigante como cu e ta esun di mas grandi di e mantanan di mundo. E por midi te cu 8 meter cu su halanan habri y por pisa rond di 2000 kilo. E embranan ta poco mas grandi cu e machonan. E manta aki por biaha te na un maximo velocidad di 40 kilometer pa ora. E manta gigantesco aki ta animalnan migrante cu ta
crece poco poco. E manta su repoduccion ta sosode cada 2 pa 3 aña y e ta haya un yiu bibo. E yiu ta nace despues di 12 luna y ta midi 1 meter y mey. Nan por biba mas of menos 45 aña. Por reconoce e manta pa nan curpa grandi den forma di diamante cu halanan largo cada banda. Tin dos variacion di color di curpa, preto cu bariga blanco of completamente preto. Nan wowonan ta cada banda di e cabes cu un boca grandi. Dilanti di nan boca nan tin dos structura
yama ‘cephalic lobes’ na Ingles, cu ta extende y ta yuda crea un canal pa awa pasa. Despues e ta filtra e cuminda prome cu e guli esaki. Nan ta alimenta nan mes door di filtracion via nan caicay (gills), nan ta come cantidad grandi di ‘zooplankton’ y tambe cabaron y otro piscanan chikito. Rond mundo ta haya e manta gigante den ocean, awa tropical, subtropical y awa cu temperatura entre 19 pa 22°celsius, pero den otro parti tambe ta haya nan den awa cu
temperatura entre 25 y 30°celsius. Nan menasa ta orcanan, especie di tribon y tambe hende cu ta gara nan cu meta comercio internacional. E demanda ta halto pa e caicaynan (gills) di e especie. E sorto
ta clasifica na peliger pa Union Internacional pa Conservacion di Naturalesa (International Union for Conservation of Nature - IUCN) y ta protegi den nos leynan local.
DIArazon 24 december 2025
Centro di Bario y Deporte Dakota
Danki na un 2025 super exitoso, y Bon Bini 2026
ORANJESTAD - Despues di un aña 2025 super exitoso, Centro di Bario y Deporte Dakota ta organisando un evento dia 30 december 2025. Pa asina agradece nos bario y pa mustra aprecio pa tur hende di bario Dakota y tur esnan cu a contribui na nos club den un of otro manera. Centro di Bario y Deporte Dakota kier invita ful bario di Dakota y vecindario dia 30 di december 2025. For di 9:30 am ambiente ta cuminsa den club y pa 10or am ATA y Zjeto lo bishita club y pone bon ambiente manera semper. Yiu nan saca boso mayor nan di cas y trece nan club laga nan pasa un mainta diferente. Lo tin algun pasa boca y bebida di e manera aki Centro di Bario y Deporte kier duna danki na nos bario y usuario di club.
Ambiente ta sigui pa 5or di parti atardi, pero biaha aki parti pafo di club cu ambiente di Gaita Autentico Gordon disco Nos partner Brouwerij
Balashi hunto cu Centro di Bario y Deporte Dakota lo regala e prome 100 bishitante nan un Balashi bon frio. Nos ta celebra y dispidi un 2025 hopi exitoso cu nos Up & Downs, nos a logra hopi. Entre otro, un club hopi mas activo y culminacion di fase 1 unda a logra construi un rampla.
Nos ta cla pa bisa 2026 y tur su reto nan “Bon Bini.” Hunto nos lo warda Parada Nacional di Dande, cu un biaha mas lo bishita Centro di Bario y Deporte Dakota pa celebra hunto e tradicion. Y cu pagara y vuurwerk bisa ayo y danki na 2025 y Bon Bini na 2026, asina aki tambe Centro di Bario y Deporte Dakota lo habri porta pa su celebracion di su 50 aniversario. Tuma esaki manera un invitacion personal, nos ta warda boso tur. Dakota tur dia—CBDD, Bo Cas!
Pag. 5
Pag. 6
DIArazon 24 december 2025
Parlamentario Eduard Pieters (PPA) cu un mensahe di paz y speransa:
“Pasco ta un momento pa uni y pa crece hunto” “Bon Pasco, Aruba. Den e temporada aki di reflexion y calidez, nos ta para un momento pa reconecta cu loke ta esencial: amor, humanidad y responsabilidad pa otro. Pasco ta invita nos pa baha speed, pa mira mas leu cu nos mes y pa recorda cu paz ta un balor cu mester practica, no solamente desea,” ta expresion di Eduard Pieters. “Pasco ta mas cu un celebracion; e ta un yamada pa empatia y union. Den un aña cu a trece desafio, tension y incertidumbre, ta importante pa nos reconoce e fortalesa cu ta biba den nos comunidad. Nos ta wak e famianan cu no ta rindi, e muchanan cu
ta sigui soña y e mayornan cu ta sigui guia nos muchanan cu sabiduria y amor. Esaki ta e Aruba cu mi ta kere den dje”. Segun Eduard Pieters, Pasco ta recorda nos cu speransa no ta ingenuo; e ta un acto di curashi. Amor no ta debilidad; e ta liderazgo. Y paz no ta ausencia di conflicto; sino e boluntad pa trata otro cu respet, mas ainda ora opinion ta diferente. Como sociedad, nos por scoge pa construi brug, en bes di muraya, pa tende en bes di husga y pa sirbi en bes di domina. “Mi sincero deseo pa tur Arubiano ta, pa e berdadero nificacion di
Pasco yega den boso hogar cu paz, cu e renoba boso fe y speransa pa un mihor futuro y cu e fortalece nos
compromiso cu otro. Laga nos sigui cu humildad, determinacion y amor pa nos isla. Bon Pasco y cu
bendicion nunca falta den cada hogar na nos dushi isla Aruba”.
DIArazon 24 december 2025
Pag. 7
Comite Olimpico Arubano a formalisa renobacion di statutonan
Den cuadro di bon gobernansa y cumplimento di tur rekisito legal como asociacion na Aruba, Comite Olimpico Arubano (COA) a formalisa e proceso di renobacion di e statutonan di e asociacion di “Comite Olimpico Arubano” manera cu e Asamblea General a aproba durante aña. Esaki a logra sosode despues di un proceso largo unda a percura pa actualisa tur lo necesario pa cumpli cu tur rikisito local e internacional. Na oficina di Notaris
Helmeyer, Presidente di COA Wanda Broeksema y Secretaria-General Nicole Hoevertz a firma e acta notarial, haciendo cu COA ta conta awo cu un constitucion moderno cu ya a wordo aproba pa Comite Olimpico Internacional y cu awor ta cumpli tambe cu ley y reglamentonan vigente di Aruba. COA ta gracidi tur cu a forma parti di e proceso aki, y ta permiti COA pa por sigui traha na bienestar di deporte na Aruba. #TEAMARU
Pag. 8
DIarazon 24 december 2025
Minister Cicilia a reuni cu e piscadonan tocante siguridad, proyecto piloto FAD y e desaroyonan martimo Oranjestad – Minister di Turismo, Transporte y Labor mr. Wendrick Cicilia, a reuni dia 20 di december c’un total di 14 piscado cu ta representa e demas piscadonan na Aruba, acompaña pa tres consehero di su ministerio, pa asina combersa riba siguridad maritimo, e desaroyonan regional y e iniciativanan specifico pa e sector. Durante e reunion, a informa e piscadonan tocante actividad di siguridad aumenta den e region debi na e presencia di forsanan militar cu ta den e awanan den cercania. A pone enfasis riba e vigilancia riba lama y e importancia di mantene e canalnan di comunicacion adecua, incluyendo coordinacion pa medio di Aruba Ports Authority (APA). Autoridadnan a confirma tambe cu lo ofrece un
sesion nobo di siguridad duna pa Kustwacht y la Directie Scheepvaart, na tur e piscadonan, cu lo atende cu e siguridad general riba lama y comunicacion basico di radio. Durante e reunion a atende tambe riba e posibel introduccion di un proyecto piloto di Fish Aggregating Devices (FAD), resaltando e uzo, mantencion y entrenamento responsabel. Mester pone e FADnan na profundidad di 600 pia of mas profundo y lo implementa un sistema di registracion anonimo pa asina registra e informacion capta pa e FAD. E datonan aki ta esencial pa garantisa e financiamento continuo y garantisa e sostenibilidad di e proyecto. Ademas a trata tambe e posibel introduccion di un “assistentietarief” (tarifa di asistencia). Lo sigui revisa e detayenan tocante terminologia
y e tarifanan. Minister Wendrick Cicilia a confirma tambe cu a aproba un “decompression chamber”, opera pa un specialista certifica y ta programa pa bira operacional na Horacio Oduber Hospital pa juli di aña 2026. “Nos piscadonan ta opera den un ambiente cu ta exigi atencion constante pa siguridad, comunicacion, y preparacion. Pa medio di cooperacion, entrenamento, y practicanan responsabel, nos ta fortalece e sector mientras ta sigura cu esnan cu ta subi lama tur dia por haci esaki cu mas confiansa y sosten”, segun Minister Cicilia. Gobierno a reafirma su compromiso pa dialogo continuo cu e comunidad piscado y pa keda mehora e leynan pa asina garantisa nan siguridad, sostenibilidad y resiliencia den e sector.
DIArazon 24 december 2025
Pag. 9
Prepara bo Pasco den bo curason Locual hende ta papia ta revela locual tin den nan curason, pasobra locual bo curason ta yen di dje, esey ta sali for di bo boca, sea ta bon of ta malo. Ora nos tende un hende ta papia negativo constantemente, ta papia ofensa, ta saca mentira, ta biba den pasado di otro, esey ta nifica cu su curason, ta yen di cosnan morto, un curason herida, un curason amarga, y E unico cu por cura e curason ey ta e palabra y presencia di Dios. Pasco ta un fiesta di amor, berdad, obediencia y mas cu tur cos pas. Pa nos prepara pa nos Pasco caminda nos ta recorda nacemento di nos Rey Cristo, aunke tin discucion tocante fecha , pero e evidencia di Su Nacemento ta hopi grandi pa tur esnan cu ta kere den dj’E.
Tambe pa nos tur tene cuenta cune cu Beibel no ta papia di e fecha di nacemento ni tampoco e fecha di morto di Cristo Hesus, pero nos tin evidencia cu ta keda pa semper, aunke cuanto hende a purba bira e historia, pa haci manera ta nan sa mihor, Su Nacemento, Su Bida , Su Morto y Su Resureccion tey keto bay den nos curason y tur e pruebanan ta existi. Y di ningun otro ta existi solamente di Cristo Hesus, pasobra ta E so a resucita y su graf ta bashi. Nos mester samina nos curason y pone na ordo cu e palabra di Dios. Nos mester biba cu e berdad. Nos mester pordona otro di curason. Nos mester stop di insulta otro.
Pag. 10
Diasabra 18 November 2024
DIarazon 24 december 2025 Pagina 17
Pag. 11 Pagina 18
Informacion di extincion di bushi di lama di spina largo (Diadema) den varios isla di Caribe, incluyendo St. Eustatius, St. Maarten, Saba y Corsou. Autoridad di Area Protegi Marino di Caribe Hulandes ta preocupa cu e eventonan aki por refleha morto masivo di bushi di lama cu a tuma luga den e decada di 1980 y cu a caba casi por completo cu e poblacionnan di bushi di lama di spina largo di Caribe. Un edicion nobo di Dutch Caribbean Nature Alliance (DCNA) boletin digital gratis Bionews a hala atencion na e estado actual di extincion, loke ta haciendo pa restaura e poblacionnan aki y loke abo por haci pa yuda. Importancia pa rif di coral Bushi di lama di spina largo ta hunga un papel fundamental den mantene rif di coral saludabel, loke ta esencial pa proteccion di costa y un fuente di ingreso crucial pa e hendenan den Caribe Hulandes, ya cu nan ta un magnet pa turismo. Bushi di lama di spina largo ta yuda mantene e ekilibrio delicado dentro di rif door di come e alganan, di cua su sobreabundancia por daña
DIarazon 24 december 2025 Diasabra 18 November 2024
Bushi di lama spina largo
e coralnan. Enfermedad den henter Caribe Memey di decada di 1980 un enfermedad a extende su mes pa Caribe y a caba cu casi henter e poblacion di bushi di lama. Memey di febrero di 2022, a cuminsa core informacion tocante evento nobo di extincion masivo den region Caribe. E informenan desde Caribe Hulandes a yega pa prome biaha dia 14 di maart desde e isla di Sint Eustatius. Lihe a sigui e informacionnan di sobra islanan Hulandes di bou di biento di Saba y St. Maarten. Na Corsou e prome casonan di bushi di lama malo a keda raporta den cuminsamento di luna di juni. Dos siman despues mas di 90% di e populacion contempla a disparce. Tayer di diadema Den luna di abril, DCNA, hunto cu University of Applied Sciences Van Hall Larenstein (VHL) a organisa un tayer di restauracion di Diadema. E tayer aki a brinda e investigadonan y manager di autoridad di parke un vision integral di
e situacion general di bushi di lama Diadema den Caribe, incluyendo e eventonan actual di extincion y tecnica di restauracion. Bo por yuda Ciudadanonan y turistanan tambe por yuda rastrea salud di bushi di lama den Caribe agregando su observacionnan di bushi di lama sano, malo of morto. E informenan ta yuda e managernan di autoridad di parke determinar e causanan y traha riba acercamento di restauracion. Por informa loke bo mira bishitando e sitio web di AGRRA (https://w w w.agrra.org/ sea-urchin-die-off/) of door di tuma contacto cu bo Organisacion di Maneho di Parke local. Otro conseho pa evita plama e enfermedad: - Laba e ekipo di buceo den hopi awa dushi y lag’e seca den solo. - Sambuya na luga limpi no infecta prome cu na sitio infecta (conoci) - No trapa riba nan ni (re) move nan: Bibo of morto Haya sa mas
Pa obtene mas informacion tocante e estado actual, loke ta haciendo pa restaura e poblacionnan aki y loke por haci pa yuda, lesa e ultima edicion di DCNA di su boletin digital grats Bionews disponibel den https://
dcnanature.org/news/. E boletin BioNews di DCNA ta amablemente financia pa Ministerio di Agricultura, Naturalesa y Calidad Alimentario (LNV) y e actividadnan di DCNA pa Loteria
Pagina 19 DIarazon 24 december 2025
Pag. 1218 November 2024 Diasabra
Auto A AlcAnsA dAmA peAton nA solito
Solito - Dialuna anochi rond di 8'or y mey polis y ambulance a bay riba e caminda di Solito, unda cu auto a alcansa un peaton. Na yegada di unidadnan, ta topa cu un dama herida ariba caminda. No tawata por a comunica cu ne, debi
cu segun polis e lo por ta bou influencia. Esaki ta bira dificil tambe pa e Paramediconan saca afo con serio e incidente ta. Na e sitio e chauffeur a conta cu e tawata bayendo
zuid, na momento cu e dama a cana subi caminda. E impacto tawata na banda di e Hyundai unda cu e spiel y un parti dilanti links di e auto a dal e. Polis di trafico a presenta pa cuminsa cu nan investigacion.
DIARAZON Pagina 2024 DECEMBER 2025 E BON NOTICIA.
NO TIN SALBACION PAFOR DI IGLESIA DI CRISTO-HESUS Tin sectanan ta bisa, cu salbacion no ta bini di Iglesia. Bijbel ta bisa den Efesionan 1: 22-23; “Dios a pone tur cos bao di pianan di Cristo y E’l a pone Cristo como cabes di Iglesia, na cual ta Su Curpa. Plenitud di Esun cu ta realisa tur cos den tur.” Bijbel Colonsensenan 1: 18: “Cristo ta cabes di E curpa, esta di Iglesia. E ta origen di tur cos, Esun prome cu a lanta for di morto, pa asina E ta Esun prome den tur cos.” Iglesia ta E curpa di Cristo, pa sigi cu e mision di salbacion di Cristo. Den Bijbel Mateo 28: 19-20, akinan Hesus a manda Su apostelnan, pa haci henter e nacion discipelnan di Hesus y e mision aki ta universal, pa henter mundo. Pesey Iglesia di Hesus, mester ta universal y universal ta
nifica Catolico (mira den woordenboek). Hesus a institui Su doctrinanan, pa Su Iglesia cumpli cu nan. Bautismo Mateo 28: 19-20, Eucaristia Lucas 22: 19-29, Confirmacion Echonan di Apostelnan 2: 1-4, Reconciliacion Huan 20: 23, Matrimonio Mateo 19: 4-6, Sacerdotal Marco 3: 13-19, Enfermonan Hacobo 5: 14-15. Den Bijbel Mateo 16: 15-19: “Hesus ta puntra Su apostelnan: Anto boso mes, ta ken boso ta bisa Mi ta? Simon a contesta: Bo ta E Mesias, E Yiu di Dios bibo! Hesus a bis’e: Felis bo ta Simon yiu di Huan, pasobra no ta hende a revela bo esaki, ma Mi Tata cu ta den Cielo. Mi ta bisa bo: Abo ta Pedro (o sea baranca) y riba es baranca aki, lo Mi lanta Mi
Iglesia y forsanan di fierno lo no podera di dj’e. Lo Mi duna bo e yabinan di Reino di Cielo y loke bo prohibi na tera, ta prohibi den Cielo tambe y loke bo permiti na tera, lo ta permiti den Cielo tambe.” Akinan Hesus ta bisa bon cla, Mi Iglesia, o sea un solo Iglesia. Forsanan di fierno, ta e demonionan den fierno cu lo bin cu diferente institutonan di sectanan, pa podera y pa kibra e Iglesia di Hesus, pero nan lo no logra. Hesus a duna Simon e nomber Pedro, cu ta significa baranca, o sea cabes visibel di Cristo Su Iglesia. Hesus a duna Pedro e yabinan di Reino di Cielo, esaki ta e yabinan pa e porta di Reino, o sea cu e Iglesia Universal di Cristo ta e unico caminda pa e Reino di Cielo. Tocante e yabinan di Reino di Cielo, por lesa den Bijbel Revelacion 21: 10-14, cu ta bisa di e ciudad Santo di Herusalem cu ta bahando for di Cielo briyando di Dios Su Gloria. E muraya di e ciudad tabatin
12 piedra di fundeshi grandi y ribanan e 12 nombernan di e 12 apostelnan di E Lamchi tabata scirbi. Esaki ta e 12 yabinan di e 12 portanan di Reino di Cielo, na unda e 12 nombernan di e apostelnan ta scirbi. Hesus a duna autoridad na Pedro, pa dirigi Su Iglesia, loke ta permiti y di loke ta prohibi. Den Bijbel Marco 16: 15-16, Hesus ta bisa Su apostelnan: “Pasa rond mundo y predica e bon noticia na henter humanidad. Esun cu kere y bautisa, lo ta salba, ma esun cu no ta kere, lo ta condena.” Compronde bon, cu tur e humanidad di mundo y hasta e Hudiunan mes, nan mester kere den Cristo Hesus y nan mester drenta den Iglesia Universal di Hesus y ser bautisa, pa nan por ta salba y pa nan por drenta den Reino di Cielo. Awor, den Bijbel Efesionan 1: 22-23 y Colosensenan 1: 18, ta bisa, cu Iglesia ta Curpa di Cristo y Cristo ta cabes di Iglesia, cu ta Su Curpa. Y den Bijbel Mateo 16: 15-19,
PAG. 13 Diasabra 18 November 2024
Hesus ta bisa Simon: “Abo ta Pedro y riba es baranca aki, lo Mi lanta Mi Iglesia.” Akinan ta un Iglesia tin. Den Bijbel Mateo 28: 19-20, akinan Hesus ta bisa, cu Su Iglesia mester ta Universal, pa henter mundo. Lesa Bijbel Echonan di Apostelnan 20: 28-30, na unda San Pablo ta bisa, cu lo bini lobonan feros, o sea sectanan, iglesianan y religionnan falso cu lo bini cu doctrinanan robes, pa kibra e unico Iglesia cu Hesus a gana cu Su propio Sanger. Compronde bon, cu na anja 1521, un tal Martin Lutero un teologo protestant aleman, a bin cu doctrinanan robes y enterpretacionnan liber y falso di Bijbel. Y asina aki a bin hopi divisionnan y a lanta diferente sectanan y religionnan falso na mundo, ganjando hopi hende y buscando hendenan debil den fe, pa cai den nan trampanan di condenacion. Pesey, no tin salbacion pafor di Iglesia Universal.
Pag. 14 Pagina 22
DIarazon 24 december 2025 Diasabra 18 November 2024
SOPI DI LETRANAN
Un dia fructifero y cu e luz di Cristo por briya den cada un di nos " ... Pasobra tur hende cu halsa nan mes, lo keda humilia, ma esun cu humilia su mes, lo keda halsa". Lucas 18,14 Awe nos ta lesa e importancia di humildad y reconoce nos faltanan. Nos por ta manera e fariseo husgando otro y halsando su mes of manera e cobrado di belasting ta reconoce su falta y su necesidad di compasion. Cu humildad nos ta sirbi otro sin busca recompensa; scucha mas y papia menos, na balora e otronan pa loke nan ta y no pa loke nan tin of ta aparenta di ta. Reflexionando continuamente ta yuda evita na cay den orguyo y na mantene nos mirada fiho den e mision cu Señor a confia nos. Biba cu berdadero humildad ta nifica rechasa e mascaradanan cu hopi biaha nos ta pone pa impresiona of pa competi cu otro. No biba un bida superficial of di falsedad, sea un luz pa mundo unda e luz di Cristo ta briya den bo. Loke ta importa no ta con otronan ta mira nos, sino con Dios ta mira nos. Ser bo mes y cu humildad ta acerca nos na e berdadero esencia di nos fe y esey ta haci nos un instrumento den e man di Dios. Oracion : Señor Hesus, haci mi curason pareu na bo curason. Manso y humilde y obedecido na bo Santa boluntad. Amen.
SUDOKU
Pag. 1518 November 2024 Diasabra
Pagina 21 DIarazon 24 december 2025
Fundacion Kapel di Bethania ta cera aña 2025 cu Gratitud, perseverancia y speransa pa Futuro tur a contribui na fortalece comunidad y fe. Un momento hopi especial tabata e misa di celebracion di e 5 aniversario di Fundacion Kapel di Bethania, un parti importante den nos historia, cu a uni parokiano, voluntarionan y amigo di kapel den agradecimento y celebracion. Pa sera e aña, nos tambe a celebra cu gratitud e inicio
Un reflexcion riba aña 2025 como un aña cu tabata yen di retonan, pero tambe di hopi bendicion y logro. Durante e aña, nos a enfrenta diferente dificultadnan, entre nan problema cu e edificio, unda cu awacero a causa danjo significativo. A pesar di esaki, cu fe, perseverancia y apoyo di hopi parti, nos a sigui
dilanti. FKB ta gradici di curason na henter comunidad pa e sosten continuo cu a hasi posible pa nos por realisa varios actividadnan exitoso. Entre nan, nos kier destaca e celebracion di Dia Nacional riba 18 di Maart, weganan pa mucha den Feria di Dia di Rey, y e organizacion di un campamento hubenil, cu
di e proseso di renovacion di e kapel, un proyecto importante pa conserva e edificio monumental aki, cu ta spera cu lo ta cla pa otro aña. Fundacion Kapel di Bethania ta gradici tur hende cu, di un forma of otro, a sostene, yuda y apoya nos fundacion. Danki na boso compromiso, nos por sigui cu nos meta di conserva y proteha e kapel pa
generacionnan futuro. Nos ta desea tur nos voluntarionan, parokiano di Noord y henter pueblo di Aruba un bon Pasco y un felis Aña Nobo. Nos ta spera y confia cu nos lo por sigui conta cu boso sosten tambe den 2026. Fundacion Kapel di Bethania “Preservando nos fe, nos historia y nos cultura.”
Pag. 16
DIarazon 24 december 2025 Pagina 23
Diasabra 18 November 2024
FORTALEZA PA FAMIA Scirbi pa Pastor Marcel Balootje.
E MAN DI DIOS Y PALABRA DI DIOS TIN MAS PODER CU PALABRA DI HENDE E palabra di Dios ta bisa nos cu cielo y tera lo pasa, mas Dios su palabra lo no pasa. ( Lucas 22:33) Den Job 42:2 Job ta bisa Senjor: Mi sa cu bo por haci tur cos, y cu ningun di bo propositonan no por wordo stroba. Hopi biaha nos ta laga palabra di hende influencia nos bida, y nos ta tuma palabra di hende haci nos base di confiansa, anto nos ta lubida ken ta Dios den nos bida. Wak bon e muher cu fluho di sanger pa 12 anja den Marco 5 a tuma un decision cu a cambia henter su bida, ora e a tende di Hesus, kico Hesus ta haci e no a duda ningun momento e a bisa; Si mi mishi cu su mantel lo mi ta sana, e a mishi cu e mantel di Hesus, y a sinti inmediatamente sanacion den su curpa y e a wordo libra di su afliccion. Y pa confirma tur cos Hesus mes a bise: Mi yiu bo fe a salbabo, bay na pas y sea libra di bo afliccion.( Marco 5:34). Awendia hopi hende ta laga palabra negativo, trece decepcion den nan bida, pasobra e enemigo sa cu palabra negativo, y actitud negativo ta tranca crecemento spiritual, pasobra semper e persona ta keda manera un baby, pasobra e no tin curashi pa dal un paso di fe.
Tin hopi hende cu kier bira comerciante, negociante, y tin nan propio negoshi, pero esey no ta nifica solamente cu banco a aproba bo fiansa, pero awor abo mester tin curashi pa tuma e paso di fe y drenta den e negoshi, pasobra technologia moderno no por negocia pa bo, ta bo fe y bo curashi ta hibabo na victoria. Miedo no ta hiba hende ningun caminda pasobra miedo no ta di Dios, Dios no a duna nos un Spirito di miedo.pero un Spirito di poder y un mente sano. Unabes cu Dios ta bisa cu nos curpa ta tempel di Dios y cu e Spirito di Dios ta biba den nos, tur cobardia tin cu sali na careda, tur bobedad y duda mester baha na awa, pasobra caminda e Spirito di Dios ta eynan tin libertad. Ta e bendicion di Senjor ta haci rico, y E no ta agrega tristesa na dj’e,(Proverbionan 10:19). E enemigo a bin solamente pa horta, pa mata y pa destrui, y nos tin cu tene bon cuenta cu esey pa nos no habri porta pa e enemigo, y sembra duda den nos curason, pasobra e enemigo conoce e palabra di Dios, y e sa cu esun cu duda no por ricibi nada, pasa e no ta reconoce e capacidad di Dios. Ta hopi distraicion tin
den mundu actualmente, especialmente cu imitacion, y cosnan artificial. pero laga nos corda un cos cu nos Dios no ta artificial, ni tampoco filosofico, tampoco enganoso, Su palabra ta fiel y berdadero pa siglo y siglonan y pa eternidad. Pesey e plan di e enemigo ta pa fria hende, troce
e palabra di Dios, saca hende for di e naturalesa cu Dios a crea nan den dje y asina hinca nan den un mundo di fabula y hipocrecia. Ora e man di Dios ta riba nos bida y e palabra di Dios ta goberna nos curason, e radar di diabel no por
capta nos movecionnan, pasobra nos ta move completamenta for di e zona di di duda. Dios danki pa bo man y bo palabra cu ta guia nos bida, na un exito grandi y completo. Sinceramente, Pastor Marcel Balootje.