Issuu

DIARAZON 26 AUGUSTUS 2026

26 AUGUSTUS 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

FISCAL A EXIGI 24 LUNA DI PRISON PA HOBEN CU CANTIDAD DI POTRET DI ARMANAN DEN SU CELLULAR

A.T.A. TA COMPARTI RESULTADO DI JULI 2026

DIArazon 26 augustus 2026

Aruba Bank ta continua su colaboracion cu FADA pa fortalece salud mental y bienestar den nos comunidad Oranjestad, Aruba – Aruba Bank ta orguyoso di continua su sosten na Fundacion Anti Droga Aruba (FADA) pa di tres aña consecutivo, reafirmando un compromiso comparti cu salud mental, bienestar y famianan mas fuerte den comunidad Arubano. E aña aki, Aruba Bank lo sostene FADA su “Interactive Family Conference”, bou di e tema “ONE FAMILY.” E evento enfoca riba comunidad tin como meta pa fortalece conscientisacion tocante salud mental, comunicacion y bienestar emocional den famia, pa medio di

informacion profesional, experencianan real di bida, workshopnan interactivo y hermentnan practico pa mehora comunicacion. E colaboracion aki ta alinea directamente cu dos di Aruba Bank su pilarnan strategico: WeCare y We Build. Cu WeCare, Aruba Bank ta reconoce e importancia di contribui na bienestar di e hendenan y comunidadnan cu nos ta sirbi. Cu We Build, banco ta comprometi pa contribui na un Aruba mas fuerte y resiliente, door di inverti den iniciativanan cu ta crea un impacto positivo y duradero den nos comunidad.

“Salud mental y bienestar ta necesidadnan importante den nos comunidad. Door di continua nos colaboracion cu FADA, nos kier yuda crea mas conscientisacion, stimula conversacionnan habri y ofrece famianan oportunidad pa conecta y crece mas fuerte hunto,” segun Edseline Leer – Semeleer, Head of Retail Banking di Aruba Bank. E evento lo enfoca riba conexion, comunicacion, prevencion, seguridad emocional, resiliencia y sanacion hunto, den un ambiente special y di sosten unda famianan por siña y participa hunto.

Aruba Bank y FADA ta invita famianan y henter comunidad pa participa na e evento di e aña aki y forma parti di e conversacion importante tocante salud mental y bienestar emocional.

nos ta construi famianan mas fuerte, mentenan mas fuerte y un Aruba mas fuerte. Pa mas informacion por bishita pagina di Facebook di Fada Aruba.

Hunto nos ta cuida. Hunto

Conocido di polis tabata molestiando habitantenan di Tanki Flip, Matadera y Tanki Leendert pa un sigaria Diadomingo mainta tempran a drenta informe di cu e conocido di justicia tabata molestiando habitantenan di Tanki Flip, Matadera y Tanki Leendert pa un sigaria, mesora a dirigi un patruya na e sitio. Na yegada di e patruya a rondia den e area y a bin hay’e na un trailer na Tanki Leendert basta trankil ta humando un sigaria. Polis a papia cun’e pa e comporta y no molestia mas asina nan no haya nan mes ta detene.

DIArazon 26 augustus 2026

Despues di un dia sin wak e mainta a bin hay’e sin bida!

Diadomingo mainta a drenta informe di cu a bin haya un persona sin bida na un cas bandona na Aureolastraat, mesora a dirigi tanto polis como ambulans na e sitio. Na yegada di e patruya a bin compronde for di bisiña cu despues di un dia sin wak e awe a bin hay’e sin bida den e cas bandona. Na yegada di e ambulans a bin descubri cu e persona

no ta duna señal di bida. Ta trata aki di e adicto ambulante di 67 aña J.G.. Polis a cuminsa cu investigacion si lo por tin un caso di crimen mientras a pidi pa e patholoog anatoom pa wak e caso aki. A bin resulta cu aki ta trata di un morto natural. E Fayecido ta omo di Mark Denz Benzon. Na famia di e defunto ta bay nos mas

DIArazon 26 augustus 2026

Noticia di Corte

Fiscal a exigi 24 luna di prison pa hoben cu cantidad di potret di armanan den su cellular ORANJESTAD – Awe mainta den Corte di Husticia a trata e caso penal cu Ministerio Publico a cuminsa contra e hoben Q.P. (19). E ta wordo acusa di posecion di arma di candela entre 27 April 2026 y 3 Juni 2026 SOLODIPUEBLO por a compronde cu Polis a haya 17 potret di armanan di candela y tambe video. Fiscal a exigi 24 luna di prison pa Q.P., kende ta para riba cu e potretnan ta sea di AI computer of bibi gun. ACCION DI POLIS Fiscal ta acusa Q.P. cu entre 27 April 2026 y 3 Juni 2026 e tabatin cantidad di pistoolnan y revolvernan. Hues a bisa cu dia 28 Mei 2026, Fiscal di Ministerio Publico a cuminsa un investigacion riba Q.P. a base di informacion anonimo cu Polis a haya cu Q.P. tin arma y ta core un auto blanco. Ta asina cu Polis tabata observa Q.P. y dia 5 Juni 2026, miembronan di Team di Aresto a detene Q.P. y confisca e auto. Hues Comisario a duna permiso pa Polis haci investigacion na e cas unda Q.P. ta biba. Hues a bisa cu den e auto, Polis no a haya arma. Na cas tampoco a haya arma. Q.P. a bisa Polis cu e no tin arma. El a admiti di tabatin marihuana den auto y cu e no ta bende. El a admiti cu e tres tasnan den auto ta di dje y cu e tabata hinca e marihuana den saconan pa su mesun uso.

CANTIDAD CELLULAR

POTRET

ARMA

DEN

Door cu no a haya mucho cos, Polis a laga Q.P. bay y a bay investiga den e cellularnan di Q.P. Den e cellular color biña, Polis a haya 17 potret di arma di candela y tambe tin videonan. E potretnan ta saca entre 27 April 2026 y 3 Juni 2026. Segun Polis, e potretnan ta mustra arma di berdad. Hues a bisa cu expertonan di arma a investiga e potretnan y a

bisa cu nan ta parce pistool y revolver di berdad. Tabatin un potret cu Q.P. sinta den auto cu un arma. Segun Q.P. ta un revolver fake. Tambe cu tin di e armanan ta air soft, bibi gun. Tambe Q.P. a bisa cu tin potretnan AI o sea artificial haci via computer. Polis a mira potret di un arma automatico cu ta parce berdad pero Q.P. ta bisa cu e ta AI. Tin potretnan di peña cu balanan aden. Segun Q.P. ta AI. Tambe tin potret di Q.P. sinta cu un revolver y pistool. Segun Q.P. el a cumpra nan na un lugar na Santa Cruz y cu nan ta bibi gun.

serio asina. El a mustra cu Ministerio Publico tin maneho stipula. Fiscal a mustra cu tabatin casonan lamentable recien a sosode caminda hoben a wordo tira mata. Ministerio Publico no ta tolera cu tin arma ta circula ariba Aruba. Fiscal a mustra riba e actitud di Q.P., di no kier bisa nada. Segun Fiscal, normal e castigo mester ta 48 luna di prison pero den e caso aki Fiscal ta tene cuenta cu circumstancianan y a exigi 24 luna di prison di cual 6 luna ta condicional y un tempo di prueba di 2 aña.

Hues a bisa cu tin video cu saco yen di bala. Segun Q.P. ta AI di computer. Tambe tin un video di Q.P. cu arma den man. Segun Q.P. ta AI.

ABOGADO TA CUESTIONA INVESTIGACION

Fiscal a remarca cu Q.P. a bisa Hues cu dos di e armanan ta fake y a sconde nan pero no kier bisa na unda. Fiscal a sigui bisa cu Q.P. a bisa Polis cu si nan lage bay, e lo busca e armanan. Fiscal a puntra Q.P. pakico e no a usa e oportunidad pa demostra cu e armanan ta fake. Segun Q.P., si e bisa, Team di Aresto lo bay haci investigacion y e no kier haya problema cu hende. Hues a remarca cu e manera di papia di Q.P. ta mustra cu e armanan ta scondi serca un hende. Q.P. a confirma cu e armanan ta serca un hende.

FISCAL A EXIGI 24 LUNA DI PRISON Fiscal a bisa Hues cu e caso aki ta relaciona cu cantidad di armanan. Fiscal a bisa cu e no ta kere declaracion di Q.P. El a mustra cu expertonan ta mustra cu e armanan ta real y Q.P. ta bisa cu el a haci e armanan via computer AI. Fiscal a sigui bisa cu Q.P. no tabata duna Polis mas informacion tocante con el a haci esakinan. Na opinion di Fiscal, esaki ta duna e impresion cu ta armanan real nan ta. Fiscal a enfatisa cu e no ta kere Q.P. El a bisa cu minimo Q.P. tabatin un pistool y revolver, un arma automatico AK 15 y balanan. Fiscal a bisa cu e no tin motibo di duda den Polis. Pa cu e castigo, Fiscal a bisa cu Q.P.(19), ta promer biaha cu e ta cay den man di husticia pa un caso

Abogado MR. Soekandar a bisa Hues cu Polis a laga Q.P. liber pasobra no tabatin nada di arma. E abogado a señala cu un hende anonimo a bisa Polis cu Q.P. ta bende droga for di un cas y tabatin arma. A base di esaki a haci investigacion y no a haya droga y tampoco arma. Polis mes a bisa cu no por bisa si ta confia riba e informacion anonimo. E abogado a remarca, con Polis ta bay haci investigacion asina grandi si ta solamente un informacion anonimo tin. El a mustra cu Team di Aresto a detene Q.P. coriendo den auto y despues Polis a haci investigacion na e cas. E unico cos cu ta cuadra di e informacion anonimo ta, cu Q.P. tabata core un auto blanco. E abogado a sigui bisa cu Polis no tabatin sospecho cu Q.P. tabatin arma. E abogado ta haya cu e investigacion ta inhusto pasobra no ta bisa si e informacion anonimo ta confiabel. Ademas e abogado ta haya cu Polis a viola normanan. El a bisa Hues cu Polis a haci investigacion inhusto pa haya cosnan pa detene Q.P. E abogado ta haya cu door cu Polis a viola normanan, el a pidi Hues pa kita e pruebanan o sea potretnan di armanan y declara Q.P. liber. E abogado a bisa cu a a base di ley, 1 testigo no ta suficiente. A base di 1 yamada a bay haci investigacion asina grandi. Fiscal a bisa Hues cu tin hurisprudencia caminda por haci uso di informacion pa haci investigacion. A bay haci observacion cu ta mustra cu tin motibo pa a haci investigacion. Hues a bisa cu e ta bay evalua e caso y dia 3 September 2026 lo tin sentencia.

DIArazon 26 augustus 2026

A.T.A. ta comparti resultado di juli 2026

Alabes ta comparti cifra di patronchi di gasto di carchi VISA durante e di dos kwartaal 2026 Durante e di dos kwartaal di 2026, esta di januari pa juni, 304.308 cardholder di Visa, for di 136 diferente pais, a gasta na Aruba un total di USD 184,9 miyon. E dato ta mustra cu bishitantenan internacional ta sigui contribui significativamente na economia local mediante nan gastonan den diferente sector di servicio y comercio. E estudio aki ta analisa e gastonan haci na Aruba door di huespednan cu ta uza Visa card emiti den exterior, a base di transaccionnan verifica registra den e red di Visa.

E resultadonan ta indica cu restaurantnan y establecimentonan di cuminda a registra e mayor parti di e gastonan, cu un total di USD 56,7 miyon. E sector di alohamento a sigui cu USD 44 miyon, mientras cu Retail a registra USD 39,3 miyon. Ademas, huespednan tambe a contribui na sectornan manera supermercado, transporte y entretenimento. E datonan aki ta confirma cu e gastonan di huespednan no ta concentra den un solo sector, sino cu ta genera actividad economico pa diferente tipo di negoshi y servicio na Aruba. ESTADISTICANAN CONFORME ACTUALISACION DEN E INDUSTRIA DI TURISMO

STAYOVER, ESTADIA Y PARTICIPACION DI MERCADO Den luna di juli 2026, Aruba a ricibi un total di 160.858 bishitante stayover y a registra un total di 1.073.422 nochinan di estadia, cu un promedio di estadia (Average Length of Stay – ALOS) di 6,7 anochi. E resultado aki ta confirma un desempeño positivo pa e industria di turismo durante luna di juli. E distribucion di mercado durante juli a mustra cu Norte America a sigui ta e mercado principal, representando 72,1% di tur yegadanan. Sur America a contribui cu 21,6%, Europa cu 4,2%, mientras cu otro regionnan a representa 2,1% di total di bishitantenan. Estados Unidos ta e mercado individual mas grandi pa e luna di juli cu 111.236 bishitante, mientras cu Argentina a registra 16.905 bishitante pa juli. Hulanda ta lidera e mercado Europeo cu 3.626 bishitante. SHORT-TERM RENTALS (STVR)

VACATION

A.T.A. ta continua monitorea e sector di Short-Term Vacation Rentals (STVR) pa medio di e plataforma Lighthouse. Pa juli 2026, e nivel promedio di ocupacion a registra 62%, reflehando demanda continuo pa e tipo di acomodacion aki entre huespednan. E Average Daily Rate (ADR) pa e luna tabata USD 384. Ademas, e sector a genera un entrada total di aproximadamente

USD 36,7 miyon durante juli 2026. Bishita www.ata.aw tur luna pa e Statistical Monthly Report.

DIArazon 26 augustus 2026

Auto a dal 2 peaton den parkinglot di Mc Donald’s Santa Cruz

Diasabra mainta a drenta informe di un accidente cu hende herida dilanti Mc Donald’s Santa Cruz, mesora a dirigi tanto polis como ambulans na e sitio.

Na yegada di e patruya a bin compronde cu aki ta trata di un accidente entre un auto drentando e parkinglot y dos peaton crusando. Debi na e impacto dos persona a

resulta herida un cu sla na cabes y un otro cu auto a pasa riba su pia.

Na yegada di e ambulans nan a atende e victimanan. Esun cu sla na cabes a

ser atendi na e sitio mes mientras e otro cu su pia hincha a ser hiba hospital.

Chauffeur di un Mazda Demio no a regula su velocidad ni a mantene distancia a bay dal tras di un Kia Cerato

Diadomingo mainta a drenta informe di un accidente cu hende herida na Morgenster, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Mazda

Demio no a regula su velocidad ni a mantene distancia a bay dal tras di un Kia Cerato. Debi ma e impacto e dama chauffeur di e Kia Cerato a resulta herida. Na yegada di e ambulans nan a atende e dama y a transporte pa hospital.

DIArazon 26 augustus 2026

Minister Dowers informa riba e desaroyonan nobo na DIMAS

e metanan, trabounan programa, planificacion y costonan relaciona cu su ehecucion. E presentacion tambe a brinda espacio pa Minister Dowers haci pregunta y profundisa den e siguiente pasonan pa implementacion di e proyecto. Den e segunda parti di e encuentro, DIMAS y Organisacion Internacional pa Migracion (IOM) a presenta hunto un aplicacion nobo desaroya den cuadro di Hunta pa Progreso – Spoor 4.

Enfoca riba mehora servicio y conecta buscado di trabou cu empresa

tocante diferente desaroyo cu ta andando dentro di e organisacion.

Minister di Husticia Arthur Dowers a reuni na Bestuurskantoor cu DIMAS, representa pa directora Kathleen Paskel y consehero strategico Gregory Hoogenbergen, pa ricibi informacion

Durante e prome parti di e reunion, DIMAS a presenta su Customer Care Project, un proyecto enfoca riba mehoracion di servicio. Directiva a duna un splicacion di e plan strategico, incluyendo

E aplicacion ta crea e posibilidad pa conecta participantenan di e programa cu empresanan cu ta buscando personal. Ora tin un combinacion adecuado entre un participante y un empresa, por cambia e garante di e participante pa e empresa concerni. Durante e reunion a demonstra cu un ehempel practico con e sistema ta funciona y con e ta diseña pa ta simpel y accesibel den su uzo. Minister reacciona

Dowers a positivamente

riba e posibilidadnan cu e aplicacion nobo ta ofrece y a expresa su aprecio pa e iniciativa y e cooperacion cu a haci su desaroyo posibel. Despues cu e actual trayecto di Hunta pa Progreso – Spoor 4 finalisa, lo evalua si e aplicacion por haya un uzo mas amplio. Entre e posibilidadnan menciona ta personanan cu ja caba tin un permiso y ta buscando otro trabou, como tambe buscadonan di trabou local. Den

futuro,

esaki

por

permiti cu e aplicacion desaroya den un plataforma mas amplio pa conecta buscadonan di trabou cu empleadornan na Aruba, facilitando e proceso pa ambas parti. E reunion a brinda Minister Dowers un bista mas amplio riba e proyectonan cu DIMAS ta desaroyando actualmente, tanto pa fortalece servicio na cliente como pa haci uzo di solucionnan moderno cu por contribui na un servicio mas accesibel y eficiente.

DIArazon 26 augustus 2026

Minister Gerlien Croes:

A inaugura e prome structura multi-deportivo pa scolnan na Colegio Santa Filomena

escolar. E inauguracion ta marca inicio di un proyecto mas amplio, ya cu Colegio Santa Filomena ta e prome entre un serie di scolnan rond Aruba cu pronto tambe lo ricibi e structura multideportivo aki. E proyecto ta wordo realisa den cooperacion cu Lotto pa Deporte y otro partnernan, cu e meta comun di sigui crea mas oportunidad pa actividad fisico y deportivo den nos scolnan.

ORANJESTAD, 25 di augustus 2026 – Minister di Educacion y Deporte, Minister sra. mr. Gerlien Croes, a anuncia y oficialisa cu Colegio Santa Filomena a bira e prome

scol na Aruba pa ricibi e structura multi-deportivo nobo, diseña pa brinda alumnonan oportunidad pa practica tanto basketball como futbol den nan propio ambiente

Segun Minister Gerlien Croes, e iniciativa ta conecta dos area importante: educacion y deporte. Creando facilidadnan deportivo accesibel na scol, alumnonan ta haya mas oportunidad pa move, recrea y practica diferente disciplina durante nan trayectoria escolar.

“Nos kier crea espacionan sano, recreacional y deportivo den nos scolnan, caminda nos muchanan por descubri y sigui desaroya nan talento. Deporte na scol por ta e prome paso pa identifica e alumnoatletanan cu mañan por destaca tanto local como i n t e r n a c i o n a l m e n t e ,” Minister Gerlien Croes a expresa. E structura multideportivo ta brinda e posibilidad pa alumnonan practica basketball y futbol na scol y, na mes momento, ta contribui na promove un estilo di bida activo. E intencion ta pa deporte bira un parti cada bes mas presente den ambiente escolar y asina completaG e desaroyo academico, social y fisico di e alumno. Minister Gerlien Croes ta enfatisa cu Aruba tin hopi talento deportivo entre

su mucha- y hobennan y cu ta importante pa crea e condicionnan necesario pa e talento ey por wordo descubri y desaroya desde edad hoben. Cu Colegio Santa Filomena como prome scol, e proyecto ta oficialmente na marcha. Den e proximo periodo, mas scol rond Aruba lo ricibi nan propio structura multi-deportivo. Ministerio di Educacion y Deporte ta gradici Lotto pa Deporte, Colegio Santa Filomena y tur partnernan cu ta contribui na realisacion di e iniciativa. “Nos ta sigui inverti den espacionan cu ta invita, inspira y motiva nos muchanan pa move, practica deporte y descubri nan potencial. Cada cancha nobo na un scol ta un oportunidad mas pa un talento por nace y crece”.

DIARANZON 26 DI AUGUSTUS 2026

Heart-Centered Leadership Foundation ta presenta tayer pa hoben: “Mindset Matters”

Cu comienso di aña escolar nobo, hobennan ta nabega responsabilidad academico, expectativa, distraicion, decisionnan y retonan di tur dia. Cu e tayer “Mindset Matters”, Heart-Centered Leadership Foundation (HCLF) ta crea un espacio unda hobennan por explora con e manera di pensa ta influencia con hobennan ta responde na diferente situacion y con pa sigui padilanti ora plannan desvia di e ruta original. Durante e tayer, hobennan lo experiencia actividadnan interactivo, discusion, momentonan di reflexion y diferente ehercicio unda lo practica resolve problema, tuma decision, y pensamento resiliente. E workshop ta bay mas leu cu simplemente bisa

hobennan pa “pensa positivo”, e ta encurasha nan y duna nan herment pa reconoce diferente manera pa aserca retonan y descubri strategianan cu ta realitisco y util. Cu e tayer aki, HCLF ta ofrece hobennan e oportunidad pa cuminsa e aña escolar cu un conocemento mas grandi riba e poder cu nan tin riba escogencia, reaccion y mindset. E tayer “Mindset Matters” ta tuma luga Diasabra, 5 di september di 2:30 PM 4:30 PM na Teresita Center, San Nicolas y ta specialmente pa hobennan di 13 pa 16 aña di edad. Contribuccion ta Afl. 25,-. Luga ta limita y registracion ta obligatorio. Pa registra of pa mas informacion, por

tuma contacto cu HCLF via Whatsapp na 5841211. Tocante HCLF: HCLF ta un fundacion cu a keda estableci na 2008 cu e meta pa inspira y empodera hobennan di

Aruba. Desde 2012, HCLF ta traha di serca cu schoolnan, centro di bario, y otro organisacionnan pa ofrece diferente tayer, actividad y programanan impactante unda hobennan ta sera conoce nan mes

miho y traha riba nan desaroyo personal y profesional.

P 10

Kadena di bida

Sra. Richeline C. Joe ta presenta su obra ‘Kadena di bida’ na Biblioteca Nacional Aruba, diaranson dia 26 di augustus, presentacion ta cuminsa 6or y mey di atardi. ‘Kadena di bida’ ta un coleccion di poema y cuenta cortico, basa riba suceso real den bida diario. Tin tanto cos cu a pasa, ta pasando y lo pasa ainda den nos bida. E tantisimo sucesonan aki ta conopa na otro y ta forma un cadena. E cadena di nos bida! Cada cadena di bida ta unico. Labor y tur locual ta relata cu esey, ta forma un parti real di nos ‘cadena di bida’. Nos tin di haber cu famia, amistad, conocir y persona cu ta djis pasahero den nos bida. Tur tin nan nificacion den nos bida. Cosnan cu ta pasa den mundo rond di nos y nos encuentro cu naturalesa, tambe ta un

parti indispensabel den nos cadena di bida. E cadena di nos bida ta sigui forma su mes. Cada dia atrobe nos tin e oportunidad pa haci nos cadena di bida ainda mas bunita. Richeline C. Joe (’57) ta sicologo y alabes hurista. El a skirbi diferente cuenta cortico y tambe varios poema. Den ‘Kadena di Bida’ sra. Richeline ta dibuta ofreciendo sucesonan di bida diario cu nos tur por reconoce. Sra. Richeline ta di Corsou y ta bishita Aruba pa un presentacion special na Biblioteca Nacional Aruba. Gedichten en korte verhalen, gebaseerd op ware gebeurtenissen in het dagelijks leven. Drie centrale thema’s: werk, relaties en de wereld. 164 pagina. 2025 ISBN 9789066650572

DIARANZON 26 DI AUGUSTUS 2026

P 11

DIARANZON 26 DI AUGUSTUS 2026

Jan Helmond ta stòp komo Representante di Reino interino Jan Helmond a pidi Rei pa entrante promé di yanüari 2027 dun’e su retiru komo Representante di Reino interino. Ounke ku su nombramentu segun lei ta sigui te na momentu ku e kumpli su setenta (70) aña di bida, el a skohe pa stòp mas promé. Te e momentu ei e lo sigui komprometé su mes inkansablemente pa interesnan di siudadano- i gobièrnunan na Hulanda Karibense i di Reino.

Despues di e periodo aki e lo bai apliká su konosementu i eksperensia ampliamente for di un posishon liber komo ‘netwerker’/konsehero den Reino, hasiendo esaki for di su propio kompania. Jan Helmond: “Despues di a fungi nuebe (9) aña den e funshon aki a yega tempu pa un otro tuma esaki ofer. E ta un momentu natural tambe pa motibu ku e diskushon tokante renobashon di WolBES i

FinBES ku tur probabilidat ta deseá un otro tipo di mandatario. Último añanan mi a eksperensiá momentunan intenso manera rekonstrukshon despues di orkan, COVID, e hopi kambionan di gobièrnu i e intervenshon atministrativo na Sint Eustatius. Pero tambe mi a mira inisiativanan bunita ku a kontribuí na bienestar di siudadanonan riba e islanan. Hopi kos a drecha pero ainda tin hopi kos mas pa hasi.”

“Tur Mucha di Aruba Merece un Educacion di Musica di Calidad” Nos ta na comienso di un otro aña escolar nobo y mi kier comparti cu boso un articulo riba e futuro di educacion di musica na Aruba: “Tur Mucha na Aruba Merece un Educacion di Musica di Calidad”Den e articulo mi ta haci un apelacion pa

mas calidad, continuidad y vision den educacion di musica, enfocando riba acceso cu calidad. Mi intencion ta pa habri un debate positivo y constructivo riba con nos por fortalece educacion di musica pa e beneficio di tur mucha di Aruba.

P 12

DIARANZON 26 DI AUGUSTUS 2026

Parlamentario Dennerich Kelly:

“Trece talento bek ta un paso; percura pa nan keda ta e berdadero reto” Parlamentario ta boga pa un vision nacional di largo plaso cu ta conecta enseñansa, mercado laboral, oportunidad, regreso y retencion di talento Arubiano ORANJESTAD (24 di augustus 2026) – Parlamentario di AVP, Dennerich Kelly ta aprecia cu despues di e prome publicacion, otro voz y medio tambe a sigui profundisa riba e tema. Esaki ta positivo, pasobra e reto aki no ta pertenece na un persona, partido of institucion. Ta un combersacion cu Aruba mester tin. Den e di dos parti di su reflexion tocante educacion, salario y regreso di profesionalnan Arubiano, ta enfatisa cu trece talento bek Aruba ta solamente un paso. E reto principal ta crea un pais caminda profesionalnan por progresa, sinti nan aprecia y haya motibo pa keda. E reaccionnan riba e prome publicacion a mustra cu salario ta importante, pero no ta e unico factor. Vivienda, costo di bida, oportunidad pa crece profesionalmente, reconocemento di estudio y experiencia, y e sentimento cu conocemento no semper ta wordo scucha of aprecia, tur ta influencia e decision pa bolbe. Manera Kelly a indica anteriormente: un profesional no ta compara simplemente dos salario; e ta compara dos bida.

Aruba mester conoce su necesidadnan Pa formula un maneho efectivo, Aruba mester determina cua profesionnan lo enfrenta escasez den cinco, dies of diescinco aña; cua estudio nos hobennan ta sigui; cuanto ta gradua y bolbe; den cua sector nan ta traha; y kico ta motiva otro pa keda afo. E informacion necesario no ta concentra den un solo instancia. CBS, Enseñansa, Finansa, sector laboral, dunadornan di trabou y organisacionnan cu ta guia studiantenan tur tin un parti di e realidad. Segun Kelly, Aruba no necesariamente mester cuminsa cu otro estudio grandi. E pais por cuminsa cu conecta mihor e informacion cu ya ta existi, identifica unda ainda tin falta di dato y fortalece colaboracion entre e instancianan concerni. “Si nos kier planea pa futuro, nos mester conoce mihor e realidad di awe,” e ta expresa.

ta positivo, pero e relacion cu talento no por cuminsa solamente ora un studiante ta cerca di gradua of ora Aruba urgentemente tin mester di un profesional. Durante estudio, Aruba por mantene contacto, crea oportunidad pa stage, conecta studiantenan cu profesionalnan y dunadornan di trabou local, y informa nan tocante desaroyonan y oportunidadnan riba nan isla. E pregunta no mester ta solamente: “Ki ora bo ta bolbe?” E meta mester ta cu, durante nan estudio, Aruba sigui forma parti di e futuro cu nan ta visualisa pa nan mes. Bolbe Aruba no ta e meta final

Contacto cu talento mester cuminsa mas trempan

Un ticket di avion pa Aruba no ta determina exito di un politica di regreso. E pregunta esencial ta kico ta pasa despues. Si profesionalnan tin e sentimento cu nan conocemento, experiencia y merito no ta wordo suficientemente reconoci, Aruba mester scucha e señal ey.

Aruba ta haci esfuerzo pa mantene contacto cu studiantenan den exterior y participa na feria di empleo na Hulanda. Esaki

Kelly ta subraya cu esaki no mester bira un acusacion politico, sino un reto di mentalidad cu sociedad mester enfrenta.

Merito, capacidad y profesionalismo mester conta. Dunadornan di trabou, tanto publico como priva, tin responsabilidad pa crea un ambiente caminda talento por aporta, wordo desafia y sigui crece. Atrae talento sin crea condicion pa talento keda ta laga e trabou mitar. Di actividad pa resultado Un job fair, programa of campaña por ta un bon iniciativa, pero despues mester evalua su resultado: cuanto hende a wordo alcanza; cuanto a aplica; cuanto a bolbe; cuanto a haya trabou relaciona cu nan preparacion; y cuanto ainda ta Aruba despues di algun aña. “Evaluacion no ta critica; evaluacion ta necesario pa siña,” Kelly ta remarca. Un programa cu funciona mester wordo fortifica. Uno cu mester adaptacion, mester cambia. Y loke no ta produci resultado no mester sigui solamente pasobra semper a hacie asina. Esaki ta e diferencia entre bon intencion y resultado cu por wordo midi. Tres paso concreto for di Parlamento Kelly ta reconoce cu un Parlamentario no ta ehecuta maneho di Gobierno, determina salario den sector priva ni por resolve e asunto su so. Parlamento, sinembargo, por haci pregunta, controla maneho, solicita informacion, pone tema riba agenda y stimula colaboracion. P’esey Kelly lo concentra su contribucion riba tres paso concreto.

Promove cu informacion existente tocante estudio, mercado laboral, escasez y regreso di profesionalnan wordo conecta mihor; solicita mas claridad tocante resultado y seguimiento di feria di empleo y otro iniciativa pa conecta cu talento Arubiano den exterior; y sigui impulsa un dialogo estructural entre Gobierno, Enseñansa, sector laboral, dunadornan di trabou, profesionalnan y esnan cu ta acompaña nos studiantenan afo. E meta ta un vision di varios aña: no un plan di un solo departamento ni un proyecto temporal pa momento cu tin escasez, sino un cadena cu ta conecta enseñansa, estudio, experiencia, oportunidad, regreso y retencion. Salario, vivienda y costo di bida ta asuntonan complejo cu ta pidi decisionnan responsable y sostenible, pero complexidad no por ta un motibo pa no cuminsa. Aruba por sigui scucha, conecta loke ya sa, midi loke ta haci, traha hunto y adapta unda ta necesario. “Nos meta no por ta solamente convence un profesional pa bolbe Aruba. Nos mester crea un Aruba caminda e profesional ey, cinco of dies aña despues di a bolbe cas, por bisa: ‘Mi a haci e decision corecto pa bolbe,’” Kelly ta conclui.

P 13

DIARANZON 26 DI AUGUSTUS 2026

ACF ta Anuncia Nacemento di Cuater Lora Nobo den Programa di Conservacion pa Fortalece e Poblacion na Aruba den Colaboracion cu Avifauna como plaga den agricultura y perdida di habitat a contribui na extincion local di e especie.

E nacemento cerca Vogelpark Avifauna ta marca un resultado positivo despues di formalisacion di e colaboracion di 10 aña pa contribui na un poblacion di Lora saludabel, geneticamente diverso y autosostenibel na Aruba. Oranjestad, Aruba — 24 augustus 2026 – Cuater baby Lora a nace recientemente cerca Vogelpark Avifauna na Hulanda, partner internacional di Aruba Conservation Foundation (ACF), marcando un otro paso importante den e Programa di Reintroduccion y Conservacion di Lora y den e colaboracion a largo plaso entre ambos organisacion. E noticia ta resultado di un Memorandum of Understanding (MOU) di 10 aña entre ACF y Vogelpark Avifauna cu a firma na maart di e aña aki. E cuater baby Loranan aki ta forma parti di e programa internacional di cria pa conservacion coordina door di Avifauna,

como coordinador apunta pa e European Association of Zoos and Aquaria (EAZA) Ex-Situ Programme (EEP) pa Lora cu 14 diferente zoo Europeo participando den e programa. E programa ta enfoca riba mantencion di un poblacion saludabel y geneticamente diverso cu eventualmente por contribui na fortalecemento di e poblacion den naturalesa na Aruba. Si tur cos sigui segun plan, e Loranan nobo lo haci e biahe pa Aruba den aña 2027 pa forma parti di e siguiente fase di e programa. ACF lo percura pa un condicion y cuido optimal prome cu liberacion den naturalesa di Aruba. Di extincion local pa un poblacion creciente. E ultimo Amazona barbadensis, conoci localmente como Lora, a wordo mira den naturalesa na Aruba na aña 1947. Captura ilegal pa comercio di mascota, persecucion

Despues di mas cu 70 aña di ausencia y añanan di preparacion hunto cu partnernan local, regional y internacional, ACF a reintroduci e prome 25 Lora den naturalesa di Aruba na 2024. E Loranan, cu anteriormente a wordo confisca for di comercio ilegal, awor ta bula liber y a cuminsa reproduci mas prome cu inicialmente a spera unda cu sigur un Lora sigur ya a nace den naturalesa. E progreso aki ta uno di speransa, pero pa e poblacion bira berdaderamente autosostenibel, diversidad genetico ta esencial. Añadi Loranan cu un salud genetico fuerte ta yuda fortalece e poblacion, aumenta su resistencia y duna e especie un miho oportunidad pa prospera a largo plaso. E nacemento di e cuater baby Lora na Avifauna ta representa un paso concreto den e direccion ey. Loke ta cuminsa miles di kilometer for di Aruba por crea un efecto cu eventualmente ta yega nos tera. Conocemento comparti por bira accion. Un colaboracion por crea posibilidad. Y añanan di trabou colectivo por eventualmente traduci den bida nobo cu por

contribui na restauracion di un especie na e luga cu un tempo e tabata yama cas.

reproduci y eventualmente sostene su mes den naturalesa.

E trabou no ta termina ora Lora bolbe cas

ACF ta gradici Vogelpark Avifauna y tur partnernan local, regional y internacional cu ta contribui nan conocemento, experiencia, dedicacion y cuido na e Programa di Reintroduccion y Conservacion di Lora.

Mientras partnernan internacional ta contribui na crea un poblacion saludabel y geneticamente diverso, futuro di Lora finalmente tambe ta depende di e condicionnan cu nos crea pa nan aki na Aruba. E historia di e especie mes ta un recordatorio di esey. Comercio ilegal y perdida di habitat tabata entre e factornan cu a contribui na su desaparicion for di Aruba. Awe, nos decisionnan por contribui na un resultado diferente. No cumpra, tene of sostene comercio ilegal di Lora, duna nan espacio den naturalesa, proteha nan habitat y reporta actividadnan cu por pone e especie na peliger ta manera cu comunidad por yuda proteha e progreso cu ta wordo logra. Restauracion di e populacion di un especie no ta termina cu su regreso. E berdadero exito ta cu e especie por keda,

Naturalesa no conoce frontera, y cada esfuerso por crea un efecto cu ta yega mucho mas leu cu e luga unda e a cuminsa. Awe, cuater baby Lora na Hulanda ta duna nos un otro motibo pa mira futuro di Lora na Aruba cu speransa. Tocante Aruba Conservation Foundation Aruba Conservation Foundation (ACF) ta un organisacion independiente dedica na conservacion y maneho sostenibel di naturalesa di Aruba. ACF ta traha pa proteha y restaura biodiversidad di Aruba mediante maneho di areanan protegi, conservacion di especie, investigacion, educacion, involucracion di comunidad y colaboracion.

P 14

DIARANZON 26 DI AUGUSTUS 2026

Manehando Herencia Cultural Bou Awa cu Conocemento 2001. E ratificacion ta planea pa tuma luga den e proximo añanan. Pesey, e proyecto cu Inkfish ta representa e siguiente paso den investigacion di Herencia Cultural Bou Awa pa Aruba despues di un trayectorio di 20 aña. Pa un isla rondona y forma pa lama, pa compronde Aruba su identidad y herencia, nos tambe mester compronde kiko tin bou di awa. Awo a surgi un oportunidad importante. Investigadornan como hende local por mira bou awa na un escala cu antes no tabata posibel. E parti central di e expedicion di Herencia Cultural Bou Awa ta RV Hydra, un boto di investigacion di 56 meter opera pa Inkfish, un organisacion filantropico cu ta dedica na expande conocemento cientifico di lama y ta beneficia publico cu su investigacionnan. E expedicion aki ta totalmente subsidia pa Inkfish, creando un oportunidad significativo pa Aruba por haya acceso na infrastructura specialisa pa investigacion, tecnologia y expertisio. E trabou ta sigui e pricipionan di e Convenio di UNESCO 2001 pa Proteccion di Herencia Cultural Bou Awa, cual ta encurasha

paisnan pa proteha su herencia bou awa, pa evita di saca obhetonan inecesariamente y pa traha hunto den investigacionnan, capacitacionnan y intercambia conocemento. Pa mas cu dos decada ta desaroyando investigacionnan den Aruba su Herencia Cultural Bou Awa. Na 1999 arkeologo Raymundo Dijkhoff di Museo Arqueologico Nacional Aruba (MANA) a cuminsa traha rednan cientifico, colecta informacion y explora acercamentonan pa proteha sitionan bou awa. Na 2011, un inventario inicial di Aruba su herencia cultural bou awa a cuminsa, sigui pa mas investigacionnan, actividadnan pa crea concientisacion y colaboracion internacional. Na 2019, a entrega un peticion formal di Aruba, Corsou y St. Maarten na Hulanda pa ratifica e Convenio di UNESCO

E strea di e expedicion aki ta un ‘multi-beam sonar’ cu por traha mapa di e fondo di lama te cu 2500 meters profundo, door di manda ‘soundwaves’ pa e fondo y door di uza e signal cu ta bin bek pa crea mapanan tres-dimencional. E meta ta pa traha mapa di mas cu ta posibel y mehora e conocemente di tanto sitionan conoci y no conoci di herencia cultural bou awa rond di Aruba. RV Hydra tambe ta carga dos submarino chikito pa investigacion cu ta capabel di opera te cu 1,000 meter. E boto di apoyo, Skye, lo yuda traha mapa di fondo di lama y sostene operacionnan di sambuyamento, mientras cu Hydra mes ta contene dos laboratorio pa procesa muestranan y informacion cientifico durante e expedicion. E investigacion no ta limita pa arkeologia. Cientificonan tambe lo investiga Aruba su medio ambiente marino. Un tecnica cu lo uza ta di

‘enviromental DNA’, of eDNA, cual ta detecta rastronan di material genetico cu organismonan ta laga atras den awa di lama, manera celula di cuero of fragmentonan di foyo. Esaki ta yuda pa haya un bista mas amplio di e cantidad di especienan presente sin cu tin mester pa captura nan. E combinacion di traha mapa arkeologico y investigacion ecologico ta provee un oportunidad unico pa Aruba compronde su herencia natural y

cultural bou awa. Den e mision aki, profesionalnan Arubiano lo traha directamente cu e team di Inkfish durante e expedicion. Arkeologo di MANA Harold Kelly y ecologo Oriana Wouters di Imagination for Development and the Nature of Values Aruba (IDNOVA) lo participa riba RV Hydra, hayando experiencia practico cu metodo y tecnologianan mientras contribuyendo conocemento local di Aruba y su lama.

P 15

DIARANZON 26 DI AUGUSTUS 2026

FORTALEZA PA FAMIA Scirbi pa Pastor Marcel Balootje.

HACI ORACION, KERE Y LAGA BO FE TRAHA PA BO Palabra di Dios ta bisa; ken cu bisa e seru aki: Sea kita for di eynan,y tira den laman y no duda den sy curason, ma kere cu e ta bay sosode, esey lo wordo haci pe. Sin Fe ta imposibel agrada Dios, tur locual cu nos pidi cu fe, y kere cu nos ta ricibi nos lo ricibi. Nos Fe ta traha pa nos hasta ora nos ta na sonjo, pasobra anochi nos ta pidi cu Fe y mainta nos ta mira con nos Fe den Cristo Hesus a move pa nos. Fe ta sinja nos kere sin mira, pasobra hopi biaha nos ta haci oracion cu Fe, pa un persona of un situacion cu nos no ta mira,of un operacion dificil, y pa motibo cu nos ta kere y nos tin Fe den Dios cu Dios hacie e ta sosode. Tur cos ta posibel si bo tin fe, fe ta poderoso, fe ta move mannan di Dios, fe ta alcansa caminda hende no por alcansa. Riba tur cos un hende mester realisa cu den su amistadnan mester tin homber y muhernan di Fe. Ta basta di rondona nos mes cu hendenan emocional, cu curason

amarga, hende nan cu no ta pordona tampoco lubida. Ta hopi bunita si nos por uni den un grupo di amigonan di Fe, no hende cu ta kere den idolatria, pero hende cu a kere den nan curason y confesa cu nan boca cu Hesus Cristo ta Senjor, y cu ta biba segun boluntad, y ta perservera den oracion, pa bienestar di comunidad. Pasobra door di e gracia duna na mi,mi ta bisa cada un di boso,pa no pensa mas halto di su mes, cu e mester pensa, ma pa mas bien, pensa di su mes cu sano huicio, di acuerdo cu e midi di Fe cu Dios a duna bo.( Romanonan 12:3). Dios a duna nos tur un midi di fe, cual ora nos kere den Dios, Dios ta mira e confiansa y dependencia cu nos tin den dj’E, y pa medio di Su compasion y misericordia E ta haci milager den nos bida. Fe semper ta move den boluntad di Dios, pasobra Fe ta move man di Dios. Fe cu maldad no ta uni, pasobra hende no por haci malo, y tin fe cu locual cu nan a haci nunca lo sali na

cla. Nos Fe ta aumenta dia pa dia ora cu mas nos realisa, cu tur locual Dios a priminti e ta capas di cumpli cune. Y ora e Fe ey ta activo den nos, egoismo. jaloers, envidia, lo no tin lugar den nos curason, pasobra nos no ta desea cos di otro hende, pasobra nos sa ken nos Dios ta. Laga nos tene firme na e

Oracion Di Dia

confesion di nos speransa, pasobra Esun cu a primiti ta fiel. ( Hebreonan 10:23). Pasobra e palabra di Dios ta bibo y activo, y mas scherpi cu spada di dos filo, y ta penetra te na division di alma y spirito, y di scharnier di tuti,y ta capas pa husga pensamentonan,y intencion di curason. Ora nos pone nos asunto den man di Dios, ta nifica seguridad, beneficio, y bondad, pasobra no tin

ningun man, mas Poderoso cu e man di Dios. E man di Dios ta activo tur caminda, e ta move den silencio. E ta move den publico y tambe den priva, e ta habri caminda, y mas cu tur cos e ta trece pas y trankidad den nos curason. Awe ta un bon dia pa bo kere y realisa, con grandi Dios ta.Sinceramente, Pastor Marcel Balootje.

Un feliz dia fructifero cu hopi bendicion y gracia di Dios. Hesus ta bisa pa tene cuidou cu e doctornan di ley y e Fariseonan! Mateo 23, 23-26 Dios ta spera di nos pa nos tin un curason di amor y compasion pa nos prohimo, autentico no di apariencia. Loke ta conta pa Dios ta un curason limpi. Den e Evangelio di awe Hesus ta adverti nos firmemente contra hipocresia. E ta pidi nos pa nos no ta manera e fariseonan, kendenan tabata preocupa hopi cu e normanan externo, y ta laga un banda loke si ta mas importante di Ley: husticia, misericordia y fe. Hesus ta exigi pa nos ”limpia prome e parti paden di e copa”, pasobra e berdadero conversion ta cuminsa den curason. E limpiesa interior aki ta locual ta duna nos paz y firmesa cu San Pablo ta pidi nos den e prome lectura p’asina nos no laga ningun temor di mundo tambalia nos fe. Ora nos curason ta sano, nos por canta cu alegria mescos cu e Salmo 96: "Ban canta pa Señor, E ta rey di universo!” Oracion: Señor nos Dios, haci nos interior limpi di hipocresia. No laga nos biba djis di aparencia, ma laga nos practica amor y compasion cu nos prohimo. Concede nos un spirito firme pa mantene nos uni na Bo enseñansanan y haci di nos bida un canto di alabansa na Bo grandesa. Amen.

P 16

DIARANZON 26 DI AUGUSTUS 2026

SUDOKU