Issuu

DIARANZON 12 AUGUSTUS 2026

12 AUGUSTUS 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

PRIJS DI GASOLINA TA BOLBE SUBI DESDE AWE

Parlamentario Endy Croes:Augustus Scur: 11 Augustus 1977

49 AÑA DESPUES: E ANOCHI CU ARUBA A DEMOSTRA CU LIBERTAD NO TA WORDO REGALA

Cambio den prijs di productonan petrolero 12 di augustus 2026 ORANJESTAD - Minister di Finansa, Asunto Economico y Sector Primario ta anuncia e prijsnan nobo di benta di combustibel entrante 12 di augustus 2026: Gasoline unleaded-premium : 290,9 cen p/ltr. (+ 25,1 cen) Diesel ULS : 286,3 cen p/ltr. (+ 29,7 cen) Kerosin : 256,6 cen p/ltr. (+ 19,4 cen) E prijsnan ta inclui BBO/BAZV/BAVP.

Shadows in Paradise Dominique Lopez a entrega su tesis na bibliotecaria sra. Yosmar Sneek awemainta. Esaki ta titula ‘Shadows in Paradise: a qualitative study investigating social factors contributing to juvenile delinquency in Aruba’ y e ta resultado di un investigacion. Dominique a publica su tesis den cuadro di su estudio di ‘Bachelor of Arts degree’ (Bachelor 2023) na universidad di Maastricht y e topico ta e factornan cu ta contribui na delincuencia hubenil na Aruba. E tesis ta bira parti di Coleccion nacional di Biblioteca Nacional Aruba. Tanto como documento fisico como digital. Dominique a dedica e tesis na su mayornan sra. Marisol Tromp y sr. Edsel

Lopez. Pa e investigacion aki Dominique a consulta y a traha hunto cu 5 organisacion na Aruba cu ta trata cu mucha y hoben manera Orthopedagogisch Centrum Aruba, Korps Politie Aruba, Stichting Reclassering en Jeugdbescherming Aruba, Jeugd en Zeden Politie y Korrektie Instituut Aruba (KIA). Dominique a gradua como ‘Master of Science in Strategic Corporate Finance’ na Maastricht University, School of Business and Economics. Tema di su tesis tabata ‘Supervisory level commercial bank portfolio optimization. Actualmente Dominique ta studiando pa su PhD den Finance.

DIARANZON 12 augustus 2026

Minister Dowers a ricibi rapport di investigacion relaciona cu situacion na edificio di DIMAS indicacion cu ta existi un situacion cu ta representa un riesgo pa e empleadonan cu ta traha den e edificio ni pa e clientenan cu ta bishita DIMAS. Minister Dowers a indica cu e resultado ta importante pa por duna tanto

Recientemente, Minister di Husticia, mr. drs. Arthur Dowers, responsabel pa e maneho di admision di stranhero, a ricibi e rapport cu resultado di e investigacion haci den edificio di DIMAS, despues di e situacion cu a presenta algun siman pasa relaciona cu holo y posibel presencia di schimmel. E investigacion a inicia despues cu varios empleado a bira malo riba mesun dia durante oranan di trabao despues cu a haya un holor fuerte di gas. Mirando e seriedad di e situacion y pa garantisa bienestar y siguridad tanto di empleadonan como clientenan di DIMAS, autoridad a dicidi pa evacua e edificio inmediatamente, pendiente un investigacion mas amplio.

Durante e dianan cu a sigui, Departamento di Salud Publico y e compania PURE Indoor Air Quality Solutions, a realisa diferente test y inspeccion den tur piso di e edificio. Entre otro, a tuma muestra pa determina posibel presencia di schimmel, a midi calidad di aire y a haci inspeccion tecnico di e sistema central di airco. E rapport entrega na Minister Dowers ta indica cu e resultadonan di e investigacion ta cay denter di normanan normal. Esaki ta significa cu, basa riba e resultadonan, no tin

personal como publico e trankilidad necesario. Na mes momento, e mandatario a enfatisa cu e recomendacionnan inclui den e rapport lo haya e atencion necesario. E rapport ta inclui algun recomendacion pa mehora ventilacion y circulacion di

aire den e edificio. Minister Dowers a indica cu esakinan mester atencion, specialmente mirando cu varios edificio di Gobierno tin sistemanan cu ya tin varios aña den uzo y cu gradualmente mester modernisa pa sistemanan mas moderno y eficiente.

DIARANZON 12 augustus 2026

Tres siman yena di actividadnan rond Aruba

Hospital orguyoso di su Hospi Bondi Camp 2026

Ya ta di 34 edicion di Horacio Oduber Hospital su tan gusta Hospi Bondi Camp (HBC). Un camp cu no tin pa compara y ya pa di cuater aña consecutivo cu un duracion di tres siman largo. E famoso camp di HOH ta yena cu actividad pe yiu y nieto di

colega. Siman pasa, Hospi Bondi camp a culmina cu un clausura mescos tur aña unda cu e muchanan a demostra nan talento cu un show p’e mayornan por disfruta. Rachelle Roos, Presidente di comision di HBC, a

duna di conoce cu e ta keda un reto pa yena un camp di 3 siman largo cu actividadnan interesante, specialmente pa un grupo di 140 mucha cu 45 lider. Pero manera semper e comision di HBC ta creativo y ta busca hasta actividadnan nobo pe muchanan por experiencia cosnan diferente. E aña aki entre otro nan a bay lama, parke arawa, wak cine, hunga bowling, pero tambe actividadnan deportivo y educativo manera un scavenger hunt, ‘spel zonder grenzen’ y Adventure Park cu Fly High cu muchanan a gosa masha hopi mes. Tambe a sorprende durante e

di dos siman tur mucha cu un lunch yena cu actividadnan special danki na na Señor Frogs cu a regala e muchanan di HBC un atardi inolvidabel. E muchanan a pasa super great, disfruta di dushi cuminda y baila sin fin hunto cu e team di Señor Frogs y Xfm. Na nomber di Hunta di Directiva y team completo di HOH ta bay un danki di curason na Rachelle Roos, Josephine Williams y Chianti Colina di e comision cu ta e motor tras di HBC y ta traha dianan y anochinan largo pa haci e camp un realidad. No por laga afo e grupo grandi

di lider cu ta yuda cu tur mucha durante e camp. Mester tin amor grandi pa mucha y pasenshi pa e camp aña tras aña ta asina exitoso. Comision di HBC ta gradici tambe Hunta di Directiva di HOH y e diferente departamentonan di Hospital pa nan aporte y tur otro colega cu a yuda di un of otro manera. Cada sosten sea chikito of grandi ta haci cu muchanan por gosa. Y claro, danki ne mayornan cu tur aña ta kere den Hospi Bondi Camp y ta confia pa manda nan yiunan pasobra sin nan, no tin Hospi Bondi Camp.

DIARANZON 12 augustus 2026

Minister Geoffrey Wever:

Gobierno a mitiga subida di gasolin y diesel durante 4 luna, awo prijsnan ta bolbe na nivel di mercado internacional Oranjestad, 11 augustus 2026 Ministerio di Finansa, Asunto Economico y Sector Primario ta informa cu prijs di gasolin y diesel lo conoce un cambio entrante 12 di augustus 2026. Prijs pa liter di gasolin lo bira Afl. 2,909 florin pa liter. Esaki ta igual cu un subida di 25,1 cen pa liter of 9,5 porciento. Prijs pa liter di diesel lo bira Afl. 2,863 pa liter. Esaki ta igual cu un subida di 29,7 cent pa liter of 11,6 porciento. Ambos prijs ta inclui e bahada di 10 cen pa liter cu ta vigente desde 1 di mei 2025. Instabilidad y inseguridad continuo riba e mercado internacional pa productonan petrolero ta keda un factor determinante. Cu sin bista riba un posibel acuerdo concreto y duradero entre Merca y Iran, e Estrecho di Hormuz, despues di un periodo cortico atrobe ta hermicamente cera. Esaki ta un desaroyo cu Aruba como pais chikito no tin influencia riba dje. E incertidumbre internacional a conduci cu e prijs averahe internacional “postings” cu ta forma e base den calculacionnan di prijsnan pa Departamento di Asunto Economico ta mustra cu den caso di gasolin, e postings a subi di 148 cen pa 158 cen pa liter di gasolin, y den diesel, e postings ta mustra un subida di 162 cent pa 185 cen pa liter. Desde inicio di e guera entre Merca y Iran, Gabinete AVP-FUTURO a tuma e decision pa un periodo di 4 luna absorba parcialmente e impacto internacional riba prijs di

gasolin y diesel. Desde 8 di april pa 11 di augustus Gobierno a pone un suma di Afl. 10 miyon disponibel pa absorba parti di e subida di prijs di gasolin y diesel. Ehecucion di e maneho economico tin como meta pa yuda proteha y y evita cu e impacto completo di mercado internacional cay directamente riba e consumidor. Esaki ta nifica cu e bahada di 10 cen pa liter desde 1 di mei 2025 ta keda vigente. Banda di pone un suma di Afl. 10 miyon disponibel, Gabinete AVP- FUTURO ta pone Afl. 4,5 miyon na reparatietoeslag pa trahadornan cu ta gana un salario entre minimumloon y bestaansminimum pa cual e base legal ta den preparacion. Tambe Gabinete AVP-FUTURO ta duna un aumento di AWG 150 den e bijstand basico, cu ta subi di AWG 450 pa AWG 600 pa luna. Tambe lo tin un aumento di AWG 300 den e maandelijkse schooltoeslag, cu lo subi te AWG 1.100 pa luna pa famianan cu yiu di 3 te 24 aña cu ta sigui enseñansa fulltime. Ademas, e contribucion pa schoolgeld lo aumenta di AWG 120 pa AWG 250 pa cada mucha, mientras cu e aporte pa compra di articulonan escolar lo subi di AWG 250 pa AWG 300 pa mucha, cu un maximo di AWG 1.000 pa famia. Recientemente Gabinete AVP-FUTURO tambe a aumenta e gehandicaptenuitkering cu AWG 100 pa luna y cu actualmente ta trahando riba diferente reforma legal pa modernisa e sistema di sosten social. Entre esakinan tin

revision di e Ley di Bijstand, e Ley di Gehandicaptenuitkering y un marco legal nobo pa brinda sosten structural na famianan cu yiu cu limitacion, cu ta actualmente den e fase di revision na Raad van Advies. Minister Geoffrey Wever a remarca cu e prioridad di Gobierno ta keda proteccion di poder di compra y duna e beneficio di crecemento economico bek na comunidad, pero semper den un cuadro di responsabilidad financiero. Aunke como isla gobierno no tin influencia directo riba e prijs internacional di petroleo si nos a tuma desde comienso e decision pa mitiga e subida drastico den prijsnan di gasolin y diesel pa un periode di 4 luna. Manera anuncia oficialmente desde 12 di augustus accijns riba gasolin lo bai bek na

61,4 cen pa liter y accijns riba diesel ta bai bek na 33,2 cen pa liter. E bahada di 10 cen desde 1 di mei 2025 ta keda vigente. Gabinete AVP-FUTURO ta sigui mitiga di e manera aki e impacto internacional riba prijs di gasolin y diesel. Un maneho responsabel ta exigi cu nos por yuda unda y ora ta posibel, pero sin compromete stabilidad financiero di Pais,” Minister Wever a declara. Gabinete AVP-FUTURO lo continua monitor e desaroyo na Medio Oriente cu cierre di e Estrecho di Hormuz y su impacto riba prijsnan internacion di productonan petrolero y ta mantene su compromiso pa comunica di forma transparente y pa tuma decisionnan cu ta balansa proteccion di consumidor, stabilidad economico y finansas publico duradero.

DIARANZON 12 augustus 2026

Aruba Bank ta anuncia ganadornan di su Student Campaign 2026 - Just Like That! Oranjestad – 11 di augustus 2026 – Aruba Bank ta anuncia e ganadornan di e Just Like That - Student Campaign 2026. Pabien na e siguiente studiantenan cu a gana AWG 1,000 cada uno riba nan cuenta di studiante nobo:Zadie Geerman Narishma Kock

Randelaine N. Tromp Masha danki na tur studiantenan cu a participa door di aplica pa un Cuenta di Studiante cu a haci e campaña aki un exito. Pa e studiantenan cu ainda kier habri un Cuenta di Studiante, por bishita nos website: https://www. arubabank.com/Personal/ A c c o u n t s/c u r r e n t-

ac c ou nt s/per sona lstudent-account pa mas informacion. Pa asistencia pa aplica online, por bishita nos Digital Lounge na un di nos sucursalnan na HATO, Camacuri of San Nicolas, y un di nos Digital Ambassadors lo asistibo. Pa mas informacion por yama 527-7777.

Banco Central di Aruba a mantene e reserva obligatorio pa banconan comercial na 12,5% entrante 1 di juli 2026 Banco Central di Aruba (BCA) a dicidi durante e reunion di e Comite di Maneho Monetario riba 15 di juni 2026 pa mantene e tasa di reserva obligatorio pa banconan comercial na 12,5% entrante 1 di juli 2026.

Puntonan principal: 1.

Reservanan adecua

Te cu 22 di mei 2026, reservanan di divisa a surpasa substancialmente e normanan cu BCA ta monitoria. Ademas, BCA ta anticipa cu e reservanan di divisa lo keda adecua durante 2026. 2.

Un inflacion abou

Ambos indicador di inflacion midi na final di luna contra e mesun luna di e aña anterior y e

promedio anual di inflacion a permanece na nivelnan relativamente abou di 0,8% y 0,2% respectivamente na april 2026. 3.

Incertidumbre mundial economico

E incertidumbre mundial, incluyendo e tensionnan geopolitico persistente, por impacta e reservanan di divisa y inflacion, cu por causa desviacionnan for di e proyeccionnan cu ta fungi como punto di salida (“baseline”).

BCA ta monitor indicadornan monetario y economico di cerca y lo ahusta su posicion di maneho monetario ora ta necesario pa mantene e tasa fiho di e florin na e dollar Mericano. Pa mas informacion por comunica cu nos via email na: communications@cbaruba.org.

Banco Central di Aruba 10 di augustus 2026

DIARANZON 12 augustus 2026

Parlamentario Endy Croes Augustus Scur: 11 Augustus 1977

49 aña despues: e anochi cu Aruba a demostra cu libertad no ta wordo regala Tin fechanan cu nos no por lubida. 11 di Augustus 1977 ta un di nan. Esaki ta e nochi cu Aruba a bay plat, literalmente den scuridad, y a demostra na mundo henter cu e pueblo aki no ta bende su libertad! E caminda pa e nochi aki a cuminsa un aña prome. Dia 25 di maart 1977, Aruba a papia cla: 83% di pueblo a vota pro Status Aparte den un referendum. Dia 17 di juni 1977, MEP bou liderazgo di Gilberto François "Betico" Croes a gana eleccion cu 5 di e 8 asientonan. Esaki ta un total di 63% di e mandato electoral. Un mandato cla di parti di e pueblo. Pero formador Antiano, Boy Rozendal, a maniobra pa laga MEP completamente afo di gobierno central. PPA, den minoria, a traiciona e deseo di pueblo y a join Corsou. E bos di un pueblo a keda asina ignora. Sinembargo, pueblo no a keda keto. Sindicatonan Uni, comercio y pueblo a uni forsa: e decision aki ta uno inaceptabel. Telegram a bay Hulanda, Nacionnan Uni, y otro instancianan internacional. Ningun di esakinan a genera un reaccion. Silencio. Betico a avisa su pueblo bon cla: si husticia no bin, accionnan lo escala. Esaki ta exactamente locual a sosode tambe. Dia 10 di augustus 1977, sindicatonan a proclama welga general. WEB a informa cu lo kita coriente. Pero e dia aki tambe,

riba aeropuerto di Aruba. E avion aki tawata yena cu Riot Comando di Corsou bou guia di Castillejo Cova. Nan a marcha den cayanan di Oranjestad contra nos pueblo. dos lider sindical esta sr. Chinto Geerman di IOWUA y sr. Juan Yarzagaray a wordo deteni pa polis pa a reparti un pamfleta cu tabata avisa cu paz y trankilidad lo wordo suspendi. Pueblo a subi caya. Mesun anochi, bou liderazgo di Betico, un multitud furioso a marcha bay warda di polis na Playa pa exigi nan libertad. Piedra a cay. Betico a keda den control, strategicamente, moviendo e masa despues bay dilanti cas di Hoofd Officier van Justitie Arps pa un reunion maratonico. Tur esaki sin resultado. 11 di augustus 1977. WEB a cay. Aruba a bay plat den un scuridad total. Sin comunicacion via telex. Avionnan di ALM no por a baha. Den e scuridad aki Gobierno Central, coordinando cu PPA, a laga un buelo di ALM baha sin luz

Riot Comando a basha bala cayente cu carabina riba pueblo. A tira riba e jeep cora di Betico unda un bala a perfora pia di Gos Oduber. A basha bala riba e Volkswagen di Domi Tromp cu dos amigo mas aden, nan tur a scapa milagrosamente. A drenta cas di Panchico y Mimita na Santa Cruz, cas di mayornan di Betico, buscando algo cu nan no a haya. Si, nan a traiciona nos pueblo humilde y desarma. Pero pueblo no a core, nan a keda para duro pa defende nan libertad. E sucesonan aki a habri oido di Hulanda. Nel Oduber y Roland Lacle a biaha mesora pa Den Haag. Dia 19 di augustus, Prome Minister Joop den Uyl a manda un telegram oficial: Hulanda ta dispuesto pa ricibi delegacion di Aruba pa papia riba su futuro estatal. Betico a encabesa un delegacion amplio di

sindicatonan, comercio, pueblo uni na Den Haag 3 y 4 di september 1977. E caminda pa Status Aparte tabata habri. Cuatro aña y mey despues, 12 di maart 1983, den e gran conferencia di Mesa Rondo, Aruba a logra su Status Aparte. Betico mes a nombra e lucha como uno di sanger, sodo y lagrima, pero semper salvaguardiando bida di nos conciudadanonan. 49 aña despues, Parlamentario Endy Croes ta gradici na nomber di MEP cada un persona balente cu a para firme den Augustus Scur 1977, pueblo, sindicatonan, militancia, danki. Danki na boso lucha, curashi y balentia nos por papia di un solo berdad di e pueblo aki: autonomia di Aruba no ta un regalo y e no ta na benta. Nos autonomia ta un derecho cu a keda conkista cu sacrificio real. Mester tene historia bibo y mester traspas’e, di generacion na generacion, pa nos yiunan compronde loke nan tin y pakico mester proteh’e.

DIARANZON 12 augustus 2026

Restauracion di toren di Willem III na Fort Zoutman ta avansa segun plan

E trabounan di restauracion di e toren historico di Willem III na Fort Zoutman ta avansa segun plan. Esaki confirma pa Raul Gei di Monumentenbureau, kende a indica cu e proyecto ta progresando satisfactoriamente y cu e diferente fase nan ta wordo ehecuta conforme cu e planificacion estableci. Segun Gei, e equipo ta sigui monitoria cuidadosamente e trabounan pa garantisa cu e restauracion ta cumpli cu e criterio tecnico y historico cu un monumento di e importancia aki ta exigi. "E proceso ta cana

bon y nos ta satisfecho cu e progreso. Tur cos ta sigui e trayecto corecto," el a splica. Durante e restauracion, tambe a sali algun elemento adicional cu ta merece atencion. Un di nan ta e ringbak exterior di e toren, cu despues di inspeccion, a resulta ta den un estado di deterioro mas serio cu tabata anticipa. Monumentenbureau ta den proceso di solicita oferta pa e restauracion y reemplaso di e componente aki, y posteriormente integra den e proyecto. Maske

elemento

adicional aki por rekeri algun trabou extra, Gei a enfatisa cu e no ta afecta significativamente e planificacion general. E expectativa ta cu e restauracion principal di e toren por ta completa entre fin di oktober y fin di november, adelantando e proyeccion inicial cu tabata apunta na final di aña of principio di 2027. E restauracion di Willem III Toren na Fort Zoutman ta forma parti di e vision mas amplio di Gobierno di Aruba pa preserva y fortalece e patrimonio historico di nos isla. E proyecto no solamente ta conserva un di e monumentonan mas emblematico di Aruba, sino tambe ta contribui na mantencion di nos identidad cultural y herencia nacional pa generacionnan futuro.

Den su rol como Prome Minister Mike Eman a pone e preservacion di patrimonio historico y cultural como un di e prioridadnan di su gabinete. Durante e ultimo periodo, Gobierno di Aruba a impulsa diferente iniciativa pa proteha y pone den balor nos monumentonan nacional, incluyendo preservacion di edificio na San Nicolas manera Kapel Emanuel y Misa na Bernhardstraat como tambe casnan di antaño na Alto Vista y pronto na Brasil cu instalacion di Seyo di Monumento Protegi, cu ta identifica y reconoce oficialmente e

monumentonan cu tin un balor historico y cultural unico pa Aruba. E trabounan aki ta confirma e compromiso di Gobierno pa cuida y preserva e patrimonio historico di Aruba. Door di colaboracion cu propietario, fundacionnan, experto y otro partnernan, Gobierno ta continua inverti den monumentonan cu ta conta e historia di nos pueblo y fortalece nos identidad como pais. E meta ta cu futuro generacionnan por conoce, aprecia y sigui construyi riba e herencia unico cu Aruba a recibi.

DIARANZON 12 augustus 2026

Aruba ta lansa un capitulo nobo den hayazgo y proteccion di su Herencia Cultural Bou Awa di un collaboracion unico entre Museo Arqueologico Nacional Aruba (MANA), Imagination for Development and the Nature of Values Aruba (IDNOVA), Aruba Conservation Foundation (ACF) y e organisacion internacional di investigacion maritimo Inkfish LLC. Harold Kelly (MANA) y Oriana Wouters (IDNOVA) lo drenta den cuarentena na Corsow dia 20 di augustus prome cu subi e barco di investigacion RV Hydra di Inkfish LLC. Esaki ta un organisacion internacional marino cu ta apoya ciencia oceano cu botonan di investigacion superior, tecnologianan inovativo pa cartografia y expedicionnan cientifico multidisciplinario. E expedicion lo tuma luga di dia 25 di augustus te 15 di september 2026, durante cual periodo lo haci investigacionnan rond di costa di Aruba. Esaki ta marca e comienso di un trayecto emocionante.

Colaboracion internacional combina experticio local tecnologia riba nivel mundial

ta cu

Botonan cu a sink y otro herencianan cultural bou awa ta conta e storia di Aruba su pasado maritimo, di intercambio internacional y migracion te na eventonan di guera. E luna aki, Aruba ta tuma un paso importante pa proteha e historia aki door

Na november 2025 e Agencia Cultural di Herencia di Hulanda (RCE) a train profesionalnan di Herencia di Caribe Hulandes na Aruba, usando metodonan internacional reconoci di UNESCO pa documentacion y proteccion di herencia cultural bou awa. Arkeologonan di MANA Harold Kelly y Raymundo Dijkhoff, hunto cu Shane Thielman di ACF y Oriana Wouters di IDNOVA a representa Aruba. MANA, ACF y IDNOVA a pone e entrenamento aki den accion door di documenta e herencia cultural aquatico di San Nicolas Bay, un di e paisahenan maritimo historico mas importante di Aruba, y door

di haci un evaluacion nobo di SS Pedernales. Sambuyadonan local y cargadonan di herencia den comunidad, bou guia di Anthony Hagedoorn y Lui Samanez a uni pa diferente di e sitionan di investigacion. Asina ta combina conocemento local cu investigacion cientifico, mientras a crea oportunidad pa transferencia di conocemento entre generacionnan, como tambe arkeologia comunitario responsabel. E siguiente capitulo ta cuminsa mas laat den e luna aki cu e expedition di Inkfish LLC. Trahando hunto cu MANA, nan lo yuda identifica, traha mapa di y documenta Aruba su herencia cultural bou awa usando tecnologia ‘state-of-theart’, incluyendo ‘high-resolution seabed mapping’, ‘3D imaging’ y sistemanan di investigacion den awa hundo. Mes un importante ta cu e expedicion lo provee training practico pa investigadornan local, asina enforsando Aruba su mes un capacidad pa maneha y proteha e herencia cultural bou awa pa hopi tempo despues cu e expedicion termina. Harold Kelly y Oriana

Wouters lo traha hunto cu e team internacional di investigacion, sigurando asina cu e conocemento y experiencia ta keda na Aruba pa e investigacion y maneho di herencia den futuro. Cu un ‘Memorandum of Understanding’ (MoU), firma pa Minister di Cultura, Mike Eman, ta sigura cu tur data cientifico colecta durante e expedicion ta permanece accesibel pa Aruba. E fuente nacional aki por contribui pa investigacionnan futuro, pa educacion y e maneho sostenibel di Aruba su herencia cultural bou awa. Fuera di descubrimentonan cientifico, e proyecto ta representa un invercion den Aruba su futuro. E colaboracion lo enforsa e capacidad pa investigacionnan nacional, lo inspira e siguiente generacion di profesionalnan di herencia y yuda preserva Aruba su herencia cultural bou awa unico pa generacionnan. Durante e expedicion, MANA, IDNOVA y Inkfish LLC lo comparti regularmente e ultimo noticianan, pa asina publico haya e oportunidad pa sigui e biahe excitante aki bou lama di Aruba.

PPagina 10 18

DIARANZONDiahuebs 12 augustus 2026 30 April 2026

ANOCHI DI PELICULA NA CBN!

Centro di Bario Noord invita comunidad pa un nochi special cu

“E Bruha Bruhá 1 & 2”

NOORD — Centro di Bario Noord (CBN) ta invita tur hende di Noord y comunidad di Aruba pa un anochi special di entretenimiento, conbibencia y orguyo local durante e presentacion di pelicula “E Bruha Bruhá 1 & 2”, cu lo tuma luga dia 15 di augustus, pa 7:00 PM, na Centro di Bario Noord. E evento ta forma parti di un iniciativa pa reuni famia, amigonan y miembro di comunidad hunto den un ambiente alegre y acogedor, mientras disfruta di produccion cinematografica local. E anochi ta ofrece un oportunidad pa disfruta di dos pelicula popular y, al mismo tempo, demonstra apoyo pa talento, creatividad y produccion local. “E Bruha Bruhá 1 & 2” ta invita publico di diferente edad pa bin disfruta di un experiencia di pelicula den comunidad. CBN ta spera pa mira famianan hunto, grupo di

amigonan y residente di Noord compartiendo un anochi agradabel, yena di entretenimento y compañerismo. Durante e evento, lo tin pan hotdog y refresco na benta, ofreciendo un opcion simpel y dushi pa publico disfruta mientras ta participa na e anochi. E benta tambe tin un proposito special: recauda fondo pa contribui na e produccion di “E Bruha Bruhá 3.” Duna apoyo cumprando un hotdog of refresco ta un manera directo pa publico contribui na e continuacion di un proyecto di produccion local. CBN ta destaca cu e anochi no ta solamente un oportunidad pa wak pelicula, sino tambe un manera pa fortalece e conexion entre comunidad y produccion local. Eventonan manera esaki ta crea espacio pa hende encontra otro, disfruta hunto y celebra iniciativa cultural y artistico cu ta nace den nos propio

comunidad. Tur hende ta bon bini, y entrada na e actividad ta un invitacion pa comparti un momento special cu famia y amigonan. Organisadonan ta anima publico pa “Save the Date”

y bin trempan pa disfruta plenamente di e actividad. Detaye di evento: Fecha: 15 di augustus Orario: 7:00 PM Luga: Centro di Bario Noord (CBN)

Pelicula: “E Bruha Bruhá 1 & 2” Na benta: Pan hotdog y refresco Proposito: Apoyo pa produccion di “E Bruha Bruhá 3” Entrada: GRATIS!!!

PDiahuebs 11 30 April 2026

Pagina 19 DIARANZON 12 augustus 2026

Control efeCtivo na Kia a resulta den deteCCion di intento pa pasa droga den prizon Danki na vigilancia y control di personal di KIA, autoridadnan a logra detecta y stroba un intento pa pasa droga den KIA. Minister di Husticia, mr. drs. Arthur Dowers, ta califica cualkier intento pa introduci droga of otro articulo prohibi den KIA como inaceptabel y a enfatisa cu no lo tolera accionnan cu ta pone siguridad den prizon na peliger. Minister di Husticia, mr. drs. Arthur Dowers, a indica cu e caso specifico aki ta bao di investigacion. Durante entrega rutinario di ijs na KIA, autoridad den prizon a tuma nota di comportacion sospechoso di e personal di e compania encarga cu e entrega di ijs. Minister Dowers a elogia e vigilancia di e empleadonan di KIA cu a detecta e movecion sospechoso y a actua sin duda. Sigun e mandatario, e caso ta

mustra precisamente pakico control estricto y vigilancia constante ta necesario dentro di un institucion manera KIA. Introduccion di droga den prizon ta completamente inaceptabel. No ta importa si e intento ta bin di pafo of si tin hende di paden envolvi. Tur persona cu ta drenta KIA mester compronde cu tin regla y control cu mester respeta. E investigacion ta sigui pa determina si tin mas persona envolvi den e caso y si e intento pa pasa droga ta parti di un actividad mas amplio. Si investigacion mustra cu tin otro persona envolvi, e instancia concerni lo actua di acuerdo cu ley y reglanan aplicabel. Ademas di droga, autoridadnan tin atencion pa contrabanda den prizon, incluyendo telefon celular y otro obhetonan no permiti.

Cualkier intento pa pasa contrabanda den KIA ta afecta directamente orden y siguridad dentro di e institucion y lo haya e atencion necesario di autoridad. Minister Dowers a indica cu no por acepta cu personanan cu tin acceso na KIA, sea pa motibo di trabou, entrega of cualkier otro servicio, uza e acceso ey pa purba pasa articulonan prohibi. E caso aki ta demostra cu control y vigilancia

ta duna resultado, pero tambe cu autoridadnan mester keda alerta pa

evita cu droga, telefon celular y otro contrabanda logra drenta e prizon.

PPagina 12 20

DIARANZONDiahuebs 12 augustus 2026 30 April 2026

Departamento Di asuntonan economico, comercio y inDustria (Deaci), hunto cu su uniDaD exproDesk, e export promotion Desk Di aruba ta invita empresanan, importadornan, distribuidornan y representantenan comercial di Aruba pa participa na HUB Cámara Santo Domingo 2026.

e evento aki lo tuma luga dia 9 y 10 di september 2026, na santo Domingo, republica Dominicana HUB Cámara Santo Domingo 2026 ta un evento multisectorial importante den e region, enfoca riba negoshi, networking, feria comercial y intercambio di conocemento. E evento ta wordo organisa door di ‘Cámara de Comercio y Producción de Santo Domingo’ y ‘ProDominicana’. E evento ta reuni cumpradonan internacional, importadornan, distribuidornan, y representantenan di companianan cu tin interes pa explora oportunidadnan comercial nobo cu companianan Dominicano. E evento ta ofrece un ambiente bon structura y conveniente pa hasi negoshi, establece contactonan nobo, fortalece relacionnan comercial y participa na reunionnan B2B cu empresanan local cu a wordo pre-cualifica. Durante e evento, participantenan lo por tuma parti na roundtables di negoshi, na e feria comercial, na e conferencia internacional, na actividadnan di networking, y un exhibicion amplio di productonan y servicionan Dominicano. Como parti di e Hosted Buyer Program, cumpradornan internacional cu wordo selecciona lo tin acceso na e siguiente beneficionan: • Estadia di tres (3) dia y dos (2) anochi na hotel • Transportacion di y pa aeropuerto y hotel • Agenda personalisa di reunionnan cu companianan local cu a wordo pre-cualifica • Reunionnan B2B pa inicia of amplia oportunidadnan di negoshi • Acceso na e conferencia y sesionnan di conocemento empresarial

• Acceso na e exhibicion comercial di productonan y servicionan local • Invitacion na e welcome cocktail • Apoyo di ProDominicana durante y despues di e evento HUB Cámara Santo Domingo 2026 lo conta cu companianan di diferente sectornan, entre otro: • Agro • Agro-industria • Construccion • Tecnologia • Energia E programa preliminar ta inclui: Dia 9 di september 2026 • Exhibicion Comercial • Opening Lunch y Keynote Speech Dia 10 di september 2026

• Reunionnan B2B • Exhibicion Comercial • Conferencia Internacional • Closing Reception Pa participa, empresanan interesa mester yena e formulario di registracion cu e informacion solicita. E organisadornan lo revisa e aplicacionnan y e cumpradornan cu cumpli cu e requisitonan di e evento lo wordo informa tocante nan status di participacion. Pa registra haci uzo di e linknan aki abou: Español: https://wkf. ms/4dLvRku English: https://wkf. ms/4lW08PG DEACI y Exprodesk ta mira HUB Cámara Santo Domingo 2026

como un oportunidad valioso pa empresanan Arubano por explora proveedornan nobo, identifica colaboracionnan comercial, fortalece relacionnan regional y conecta directamente cu companianan Dominicano den un ambiente bon structura. Pa mas informacion, participantenan por tuma contacto cu e Embahada di Republica Dominicana na Aruba via e-mail: mosanchez@mirex. gob.do DEACI y Exprodesk ta invita empresanan interesa pa considera e oportunidad aki como un paso practico pa amplia nan conexionnan comercial den e region y explora oportunidadnan nobo pa crecementointernacional.

DIARANZON 12 AUGUSTUS 2026 Diahuebs 30 April 2026

P 13 Pagina 21

MOTOCICLISTA A BAY DAL TRAS DI UN SUZUKI SWIFT STACIONA BANDA ROBES (LINKS) DI CAMINDA MITAR RIBA ACERA

Motociclista a bay dal tras di un Suzuki Swift staciona banda robes (links) di caminda mitar riba acera Diabierna anochi a drenta informe di un accidente cu hende herida na Aliviostraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un motociclista a bay banda robes si caminda dal tras di un Suzuki Swift staciona banda robes di caminda. Debi na e impacto cu caida e motociclista a resulta

herida. Na yegada dine ambulans nan a atende e victima y a transporte pa hospital.

22 PPagina 14

30 April 2026 2026 DIARANZONDiahuebs 12 augustus

FORTALEZA PA FAMIA Scirbi pa Pastor Marcel Balootje.

CIELO Y TERA LO PASA, MA MI PALABRA LO NO PASA Cristo Hesus ta e unico cu por a bisa esey, den pasado y su palabra ta sigi bibo pa eternidad, pasobra Su palabra ta berdad, Su promesa nunca a faya, tur locual E a bisa a sosode, ta sosodiendo, pa tur hende por sa cu di berdad ta e Tata den cielo a manda Cristo Hesus.

For di tempran e a bisa esey pasobra E tabata sa e tempo cu ta biniendo pa henter mundo, pasobra awor aki mundo a cay den un precupacion hopi grandi, pasobra hopi hende lo no kier biba de complehonan di vivienda di dies of binti piso pa motibo di miedo.

Tur locual nos ta mira ta sosode, cual awor aki hopi hende ta profetisa, no ta nada nobo, ta djis un confirmacion di locual Hesus a bisa tempo E tabata canando riba e mundo aki. Pasobra ningun hende por pone un fundeshi di locual ta poni caba.

Mientras cu e miedo ta drenta curason di hende, Hesus ta bolbe spierta tur hende den Juan 14:1-4.

Mateo 24:34 ta para scirbi pasobra ta Hesus papiando: Di berdad Mi ta bisa boso,cu e generacion aki lo no pasa prome cu tur e cosnan aki tuma lugar. Si bo kier sa kico ta cos cu ta bay pasa? Awel lesa pa bo mes Mateo 24;1-51. Y kere locual ta scirbi.No laga ningun hende ganja bo pasobra e ta interesante pa abo como mayor ta na altura y pone tur bo yuinan na altura. Marco 13;30 ta bisa mesun cos, Lucas 21:32 ta bisa mesun cos y no ta cos cu ningun hende por cambia. Hende ta duna tur cos awendia nomber cientifico. Manera Global Warming, El ninjo y La ninja, pero tue cosnan aki ta senjal di binida di nos Senjor Cristo Hesus. Ningun cientifico no por bisa e momento cu un temblor lo tuma lugar. Pesey Hesus a bisa un palabra cu ta duna seguridad na henter mundo e ta para scirbi den Mateo 11;28 bisando; Bin serca Mi , tur cu ta cansa y carga, y lo Mi duna boso sosiego.

Actualmente tin hopi ta aparta for di caminda di Dios, tin grupo nan religioso grandi mundialmente conoci cu No tin Hesus como Senjor y Salvador, nan ta kere den hende cu a muri y keto bay ta den su graf. Nan ta uni cu otro, nan tin placa, nan tin arma,nan ta domina parti di e economia mundial. Pero tin un palabra cu ta para scirbi den 1 Corintionan 15:50. Awor mi ta bisa esaki, rumannan, cu carni y sanger no por hereda e reino di Dios, ni corupcion no por hereda incorupcion. E palabra aki ta bolbe corda tur hende cu nada cu bo tin aki na tera no por bay cu bo , ora bo muri, den cielo no tin lugar pa cosnan carnal, manera envidia, rabia, falta di pordon etc. Y tur locual ta basa riba odio, no ta di Dios, cada hende cu tin otro hende riba su curason, ta un stap mas atras for di Dios. Laga nos tene bon cuenta locual tin para scirbi den 1 Corintionan 6:9-10-11 y Galationan 5:1921. Awor con nos tin cu biba den e tempo trabahoso aki,pasobra nos tin di biba

prepara pa e binida di Senjor, pa no sosode manera e dies birgen nan cual cinco tabata sabi y cinco tabata bobo, y no a prepara pa e binida di

Oracion Di Dia

Cristo. Awel un contesta nos tin cual ta Hebreonan 12:14 : Aspira pa tin pas cu tur hende,y

santificacion, sin cual ningun hende lo mira Senjor. Sinceramente, Pastor Marcel Balootje.

Un feliz dia y cu Dios bendiciona boso ricamente ”P’esey obedece y sigui tur cos cu nan bisa, ma no haci manera nan ta haci si! Pasobra nan mes no ta haci loke nan ta bisa. Mateo 23,1 Rumannan e Palabra di Dios ta siña nos cu nos mester ta atento, hopi hende ta papia bunita pero nan bida ta mustra e contrario.Nos mester purba sigui e bida di Hesus. E no ta facil pero e recompensa ta Bida Eterno. Awo cu ta tempo di Cuaresma ban pidi Hesus laga nos cana hunto cu nE. Si nos conoce su Palabra ban bibe. Ban cana cu Hesus, ora nos trompeca pidi’E lanta nos bek. Bunita ta cay y lanta bek y reconoce cu nos a comete un eror y pidi pordon. Sea humilde. Oracion: Dushi Hesus nos kier ta humilde, cana den Bo pasonan. Guia nos y mustra nos cua ta e obra cu Bo kier nos haci den e Cuaresma aki. Laga nos papia y ta un ehempel di Bo den obra y nos bida diario. Amen.

P 15 Diahuebs 30 April 2026

Pagina 23 DIARANZON 12 augustus 2026

Descubri alimentonan imprescinDibel cu no por falta Den bo Dieta Nos lo mustrabao algun alimento imprescindibel di cual propiedadnan nutricional ta haci nan necesario pa un dieta sano y balansa. Pa suerte, nan ta alimentonan habitualmente facil pa haya y pa inclui den cualkier plato. Tomati Un dieta balansa mester contene un poco di tur cos, pero nunca mester falta tomati. E tin antioxidante, cu ta yuda na e rehubenecimento celular, y vitaminanan A, C y E. E tomati aprecia antes tabata wordo como un mata decorativo, te cu den siglo XVIII, a cuminsa consumi'e como alimento. Ademas, tomati ta di puro awa, loke e ta bira ideal pa mantene e peso. E ta posee tambe un substancia fantastico pa e organismo, Licopeno, cu ta preveni e aparicion di cierto cancernan, manera di pulmon y di prostaat.

sumo ta yuda mehora e problemanan chikito di memoria vincula cu edad. Selder tambe ta posee un porcentahe halto di hero, pesey e ta un aliimento imprescindible contra anemia. Por ultimo, como curiosidad, e juice di selder ta yuda supera e trastornonan di soño. Chuculati Aunke ta acus'e di faborece e ganamento di peso, chuculati tin mas virtud cu defecto. E ta energetico, ya cu consumiendo un cntidad chikito ta gana hopi den energia. nan grandi di Omega-3, un substancia cu ta preveni malestarnan cardiaco. Lo mas recomendabel ta incorpora e pisca aki den e dieta infantil pa su fantastico aporte nutricional. Yoghurt Un yoghurt pa dia ta yuda cualkier adulto pa fortalece e calcium den e organismo y na mucha pa preveni infeccion. Ademas, e ta un producto hopi recomendabel pa dietanan abao den caloria. Vol of sin vet, yoghurt ta un producto perfecto pa bo alimentacion.

Awacati E dushi awacati tin un espectro di beneficio cu ta yuda for di un muhe na estado, pa un homber adulto. E ta posee acido folico, necesario pa preveni malformacion den e fetus y su vetnan ta impedi e desaroyo di colesterol. Knoflok E alimento imprescindible, aromatico y fresco aki, ta un protector natural di e organismo. Ta miho consumi'e fresco, ya cu ta e forma cu e ta mantene tur su propiedadnan. Ademas, e ta un excelente regulador di presion arterial y ta yuda e digestion. Di un otro banda, hopi chef ta recomenda saca su parti interior berde, pasobra e por resulta pisa pa e digestion. E resto di e djente di knoflok por wordo consumi completo. Ademas, como curiosidad, knoflok por tin cierto efectonan afrodisiaco. Selder Selder ta famoso pa stimula e potencia sexual. Ademas, su con-

Ademas, solamente 100 gram di chuculati scur, ta posee 375 miligram di fosforus. Di un otro banda, e polifenolnan cu e chuculati ta posee, ta convirti'e den un protector cardiaco y un agente preventivo di cancer. Spinazie Spinazie no solamente ta duna forza, sino cu ta yuda na mantene un bon bista. Ademas di ta un fuente basico di hero, spinazie ta asina bon of miho pa e bista cu un wortel, ya cu e ta concentra un bon cantidad di luteina, un substancia cu ta fortalece e retina. Appel Appel ta e fruta pa excelencia. E alimentonan imprescindibel aki

ta reduci e cantidad di proteina y lipido y ta posee un porcentahe halto di vitamina, awa y salo. Ademas, tambe ta actua contra e daño di celnan celebral. Rasenchi Ta berdad, rasenchi tin bastante concentracion di sucu, pero net esey ta hustamente loke ta convirti'e den un maraviyoso motor di energia pa mucha, adultonan mayor y deportista. Ademas, den su espacio reduci, e ta posee un balans casi perfecto di cinco importante mineral: calcium, magnesium, fosforus, hero y potasium. Alimentonan imprescindibel: Salmao Salmao, specialmente esun silvestre of salvahe, ta posee cantidad-

Brocoli Brocoli ta un bon fuente di vitamina A (principalmente den forma di beta-karonteen), di vitamina C y di acido folico. Esaki ta asina te na e punto cu un racion di 200 gram, ta aporta mas di tres biaha mas di e recomendacionnan diario di vitamina C y e mita di e ingesta recomenda di acido folico. Berries Nan ta wordo considera un fuente di vitamina C y K, ademas di su rikesa den manganeso. Berries ta alimentonan imprescindibel perfecto pa come nan so of como parti di un receta, por ehempel, cu yoghurt. Ya sea di color cora, preto, no lage di purbe como acompañamento pa smoothies, tert of otro dessert.

P 16

Diahuebs 30 April 2026

NO DRENTA DEN NINGUN ORGANISACIONNAN SATANICO

No drenta y no bira miembro di nan asambleanan satanico. No haci huramentonan na satanas. Bijbel ta bisa, Mateo 5: 33 – 37; “Mescos tambe boso a tende cu ta bisa na boso antepasadonan: Lo bo no hura falso, ma lo bo tene bo huramento den Cara di Senjor. Ma AMI ta bisa boso, pa no hura pa ningun motibo, ni pa Cielo, pasobra Cielo ta trono di Dios. No hura ni pa tera, pasobra esaki ta banki di Su pianan, ni pa Herusalem, pasobra esaki ta e ciudad di e gran Rey. Tampoco pa bo cabes, pasobra bo no por haci ningun draachi di bo cabei preto ni blanco. Laga bo si ta si y bo no ta no. Tur loke bo pone acerca ta bini di satanas.” Esnan den organisacion, nan ta nenga cu Cristo-Hesus ta Senjor y Salbador y nan ta bay na nan mes destino riba nan mes manera. Bijbel ta bisa, Huan 14: 6 ; “Hesus ta contesta: AMI ta caminda, berdad y bida. Ningun hende no ta yega cerca Tata, sino pa medio di Mi.” Esnan den organisacionnan, nan ta ignora e Bijbel di Dios. Bijbel ta bisa, 2Timotheo 3: 16 y 17; “Tur loke ta para scirbi den Scritura, a keda inspira pa Dios y ta util pa instrui, refuta, coregi y pa educa hende pa husticia, pa un homber di Dios sea perfecto, completamente prepara pa tur bon obra.” Esnan den organisacion,

nan ta adora diferente diosnan pagano. Bijbel ta bisa den Exodo 34: 14; “No adora ningun otro dios, pasobra Senjor ta un Dios celoso y E no ta tolera ningun otro dios. P’esey no cera ningun combenio cu e habitantenan di e paise y.” Den e di Prome Mandamento di Dios ta bisa: “Di stima y adora bo Senjor y bo Dios di henter bo curason, di henter bo alma, di henter bo sintir, di henter bo ser y mas cu tur cos den mundo.” Esnan den organisacion, nan ta nenga di menciona e nomber di Hesus den nan asamblea. Bijbel ta bisa den Phillipensenan 2: 10 y 11; “Pa cu den Nomber di Hesus tur rudia lo dobla, di habitantenan Celestial, habitantenan terenal y spiritonan infernal y tur lenga lo profesa na honor di Dios Tata; Hesu-Cristo ta Senjor.” Na esnan den organisacion cu ta haci pactonan satanico y nan ta wordo marca riba curpa cu e number 666. Den Bijbel ta bisa den Apocalipsis 14: 9 – 11; “E di tres Angel a sclama na boz halto:

Kende cu adora e bestia y su imagen y laga pone e marca riba su frenta of su man, esun ey lo bebe di e binja di Dios Su rabia, cu ta prepara puro den copa di Su ira y lo e keda tormenta cu candela y zwavel dilanti di Angelnan, Santonan y di E Lamchi. Y huma di nan tormento ta subi bay halto den siglo di siglonan. Ni di dia, ni anochi nan no tin sosiego na esnan cu ta adora e bestia y su imagen y kende cu ta acepta e marca di su nomber.” Bijbel ta bisa den 1 Corinthionan 10: 21 y 22; “Boso no por bebe for di copa di Senjor y tambe for di copa di demonionan, boso no por participa na mesa di Senjor y tambe na mesa di demonionan. Acaso boso kier provoca Senjor? Bosonan ta mas fuerte cun’E? Un mensahero di Dios. Seferino Tromp Koyari 13-D Tel. 5931157 / 5870048 ID. 57.11.22.40 E-mail: etajuni@yahoo. com

DIARANZON 12 AUGUSTUS 2026 Pagina 17