Covid Aruba
caso activo 480 caso nobo 52 Diarazon 8 September 2021
Solo di Pueblo
Aña 16 - edicion 484
E-mail: solodipueblo@gmail.
Prijs: Afl. 1.75
Container a cay riba trahado di takelwagen na Noord Cura Cabay y a fayece Director di Lotto, Sr. Tuitt a mustra su incapacidad pa maneha Lotto
E kier kita 1.5 miyon for di Deporte pa paga Gobierno, pero no for di Canada cu ta gana 11 miyon E mes ta bisa cu Canada ta gana "minimo 6 miyon".. Ta ora pa kibra contract cu Canada..
Mas prueba con Patrick Paskel a cobra mas di 300 mil florin den Lotto na 2017 cu recibonan falso, pa fiesta y paranda
2
Diarazon 8 September 2021
VACUNATHON #4:
Pa bo mes, bo famia y bo pais. No duda mas! E weekend aki, diasabra dia 11 y diadomingo dia 12 di september, atrobe Ritz-Carlton ta habri su portanan pa yuda organisa un otro VacunaTHON. Riba e dos dianan aki, diasabra 11 y diadomingo 12 di september, DVG lo ta dunando e di 2 dosis na tur esnan cu 3 siman pasa durante e VacunaTHON anterior a ricibi nan prome dosis; y tambe DVG lo ta ofreciendo e prome dosis na tur persona cu ainda no a vacuna. Durante e VacunaTHON lo tin e posibilidad pa scoge entre e vacuna di Johnson & Johnson of Pfizer. E vacuna di Johnson & Johnson por wordo aplica unicamente na
ciudadano di 18 aña of mas, no ta recomenda pa duna hoben bou 18 aña Johnson & Johnson. Pa e motibo aki, hobennan ta ricibi Pfizer. Hende muher na estado of cu ta dunando lech'i pecho tambe ta wordo recomenda pa vacuna pa evita complicacion y pa brinda proteccion na e baby cu no a nace ainda of cu ta bebe lech'i pecho. Participa den nos VacunaTHON, corda cu vacuna no ta solamente un acto di solidaridad y responsabilidad conhunto caminda niun hende por keda atras; pero mas tanto, vacuna ta un acto di amor pa bo mes, bo famia y bo pais! Por fabor, no duda mas: VACUNA!
Cambio den prijs di productonan petrolero 8 di september 2021 Minister di Finansas, Asuntonan Economico y Cultura ta anuncia e prijsnan nobo di benta di combustibel entrante 8 di september 2021: Gasoline unleaded-premium : 233,6 cen p/ltr. (2,2 cen) Diesel LS : 185,6 cen p/ltr. (- 3,7 cen) Kerosin : 163,0 cen p/ltr. (- 4,1 cen) E prijsnan ta inclui BBO/BAZV/BAVP
Diarazon 8 September 2021
Mas prueba con Patrick Paskel a cobra mas di 300 mil florin den Lotto na 2017 cu recibonan falso, pa fiesta y paranda
3
4
Diarazon 8 September 2021
Polis a bay Cashero pa un persona cu problema di salud mental cu tabata fuera di control
Anochi a drenta informe di cu tin un persona fuera di control na un cas na Cashero, mesora a dirigi un patruya na e sitio. Na yegada di e patruya nan a haya nan
mes cu un persona hopi agressivo y a solicita yudansa di un otro patruya pa por control’e. Na yegada di e otro patruya nan a logra domine y a pidi presencia di e vehiculo di
transporte pa asina hib’e hospital pa e haya su medicamento pa e calma. Slachtofferhulp a ser poni na altura.
Homber agresivo y cu machete den man a cera famia den cas na Shabururi
Diamars pasa di 11’or di mainta famia na Shabururi a hayanan den un situacion un biaha mas cu un ser keri cu e cabe a flip y cu machete den man a cera full e famia paden. E famia a cera nan mes den un kamber debi cu e homber tabata loco cu machete ta zwaai den e cas. Polisnan a presenta basta lihe na e sitio, aki a usa un forma tactico pa
saca e famia scondi for di bentana. K9 unit tambe tabata prepara pa drenta accion cu nan cacho entrena pa casonan serio si e homber no tabata razona. Polis a logra di papia cu e persona y asina bay over na detencion di e homber agresivo. E famia spanta a keda saca sano y salvo pa polisnan y e homber a keda transporta pa warda di Polis.
5
Diarazon 8 September 2021
Caso Poentje Castro:
Rastro di sanger haya na muraya di cura, un flanel Nike y un jeans cu sanger a wordo investiga na 2012 y compara cu DNA di un preso den KIA
Polis tabatin varios pista den caso di Poentje Castro. For di documentonan cu a bira publico despues di un caso di LOB na Hulanda, (landsverordering openbaarheid van bestuur), a bin sali na cla varios detayes di e investigacion di e caso Apollo. Telefon Blackberry: E telefon celular di Poentje a wordo haya banda di su curpa, riba e mainta di 23 di december 2010. Tabatin rastro di sanger na muraya di cura y a encontra tambe un par di jeans, y un camisa color blauw cu ta contene sanger, parti pafor, riba caminda. E materialnan aki a wordo tuma den beslag pa wordo investiga mas profundo di cual segun proceso normal lo wordo manda pa Hulanda na NFI pa investigacion mas profundo. A manda pe departamento forensico na Hulanda e telefon Blackberry, cu peticion pa habri e telefon y lesa e data. E proceso ey tabatin contratiempo. Na
e momento ey no tabata tecnicamente posibel pa investiga for di e telefon celular. Departamento Forensico a recomenda pa pidi SETAR un lista di mensajenan cu a drenta y Sali for di e telefon. SETAR no tabata por a entrega mucho material util pa e investigacion. Durante anja 2011, Departamento Forensico di Hulnada NFI a investiga e telefon na varios ocacion na aña 2011, pero no a produci ningun prueba of pista solido cu por a indentifica e posibel asesino. Cada peticion di investigacion cu wordo haci na NFI, tabata tuma hopi tempo, debi na e costonan envovli y cual mester a cana full un procedura pa wordo aproba. DECEMBER 2011 – Prome sospechoso ta aparece. Esaki a sosode na final di December 2011, autoridadnan a haya un ‘doorbraak’, pero cu falta investigacion. A ENCONTRA RASTRO DI SANGER NA MURAYA DI CURA Y PAÑA DEN VICINDARIO NA
SANGER: Na e esena di e crimen, a encontra rastro di sanger, cu por ta pertence na e asesino. Esaki den forma di un imprint di un man cu sanger, cu a keda marca na muraya di cura. Tambe a encontra poco mas leu pafor di cura, algun paña, manera jeans sin marca y un flanel blau di marca Nike, cual ambos tabatin sanger riba nan. Esey por tabata e paña di e sospechoso. INVESTIGA SANGER RIBA PAÑA: E articulonan cu a wordo haya a wordo manda pa NFI pa investigacion, particularmente pa indentifica e DNA di e sanger riba e dos pañanan.
COMPARA DNA DI SOSPECHOSO CU TABATA CERA DEN KIA NA 2012: For di 28 di Mei 2012, rechter commisaris a duna aprobacion pa samina e DNA di e sanger haya riba e pañanan, cu e DNA di e sospechoso cu e momento ey tabata cera den KIA. Despues di hopi luna, a bin descubri cu a comete un fout den e peticion di e solicitud haci na NFI. Un di e numbernan di codificacion no tabata completo, pa cual no por a haci e investigacion di comparacion di DNA. Como tal e investigacion a tarda aun mucho mas tempo, pero finalmente el’a wordo haci.
SOLO DI PUEBLO a aserca Ministerio Publico cu e pregunta cu si ta e mes un sospechoso di December 2011 ta esun cu awor a wordo deteni. Ministerio Publico a nenga esey y a bisa cu e pista aki, no a produci nada y cu e detencion nobo cu nan tin awor, no tin nada di haci cu e pista ariba menciona. E team di recherche ta kere cu nan a detene un persona cu tabata envolvi den e asesinato ayera dia 6 di september 2021. E investigacion awor ta continua cu tur velocidad unda nan a bisa cu no ta descarta cu mas detencion por cay.
6
Diarazon 8 September 2021
Dama turista accidenta cu waverunner a ser resusita y hib’a bao condicion critico pa hospital A drenta informe di un incidente riba lama y nan a trese e victima canto y ta dunando e CPR ya cu e no ta reacciona dilanti di Hilton na Palm Beach, mesora a dirigi tanto polis como ambulans na e sitio. Na yegada di e patruya a bin haya un turista paramedico suministrando un dama turista CPR, polis a pidi pa e ambulans bini cu mas urgencia. Ta trata aki di un dama turista cu lo a cay for di un waverunner y e dama a keda alrededor di 2 minuut bao di awa y a ser rescata pa un personal di e watersports cu a yuda trese canto y un turista paramedico cu tabata pa casualidad den cercania a cuminsa dun’e CPR pero no tabata haya pulso. Na yegada di e ambulans cu a bini cu equipo special a inicia usa e equipo special y na cierto momento a haya pulso y a prepara e victima pa hib’e cu urgencia pa hospital. Den condicion critico e dama victima a ser transporta pa hospital.
7
Diarazon 8 September 2021
Director di Lotto, Sr. Tuitt a mustra su incapacidad pa maneha Lotto
E kier kita 1.5 miyon for di Deporte pa paga Gobierno, pero no for di Canada cu ta gana 11 miyon E mes ta bisa cu Canada ta gana "minimo 6 miyon".. Ta ora pa kibra contract cu Canada..
haciendo ganashi?
E director di Lotto Sr. Roland Tuitt a briya cu su incapacidad ora e kier a hiba un defensa pa Lotto pa Deporte. Un defensa cu nos ta considera fofo, swak y sin base. No por ta asina cu Tuitt kier pidi Gobierno pa duna moratorio riba un debe di 1.5 miyon pa aña,
pa asina e por manda e placa ey pa Deporte, pero den mes rosea e ta menciona cu Lotto ta haci ganashi y cu Canada tin minimo 6 miyon pa aña. E pregunta cardinal ta: Dicon ta for di Deporte bo kier kita 1.5 miyon pa paga Gobierno, y dicon no for di Canada cu ta
Cu e actitud aki, Tuitt a reslata cu e no tin nigun amor pa deporte y solamente a wordo poni pa maneha Lotto y awor ta busca pa tira culpa riba Gobierno, pero no riba Canada. Ta realmente increibel con Tuitt por a contradici su mes dje forma aki. Ademas ta bon pa corigi tambe su mentria, esta cu Gobierno a pone exigencia. Gobierno no a pone ningun exigencia. Ta un acuerdo firma na
2009, unda Tuitt por tabata sa di atenamento cu dia 27 di JUuli 2020 lo mester a cuminza paga Gobierno bek. Hecho ta keda cu Tuitt keto bay ta usando servicio costoso di Patrick Pasekl, pasobra informacion cu nos tin, ta mustra cu ta Patrick Paskel awor kier haci yen trabao pa Lotto atrobe, pe manda recibonan gordo gordo. Henter e raportahe cu Tuitt a manda, ta traha pa Patrick Paskel cu na
manera scondi scondi kier manda comunicado, scondi tras di e-mail di Lotto. Hecho ta keda cu Tuitt mes ta menciona cu Canada ta gana 6 miyon. Segun informacion cu SOLO tin, Canada ta cobrando 11 miyon pa aña for di Lotto. Pues dicon ta kita e 1.5 miyon for di Deporte? Ta for di Canada mester kite. Ta hora pa kibra e contract miserabel cu Canada y pa duna Aruba su fair share.
8
Diarazon 8 September 2021
Prome Minister Evelyn Wever-Croes:
PROME MINISTER TA RICIBI BISHITA DI KIWANIS CLUB
E desaroyo di nos pais ta depende riba con famianan fuerte, resiliente, flexibel y stabiel Diamars mainta, Prome Minister Evelyn Wever-Croes a ricibi bishita di Dr. Dolores Lewis di Kiwanis Division 26. Kiwanis ta un organisacion internacional cu ta yuda comunidadnan den diferente area. Pa mas di un siglo, Kiwanis ta brindando muchanan e oportunidad pa siña, experimenta, soña, crece, triunfa y prospera. E mision di Kiwanis ta pa empodera comunidadnan pa haci di mundo un miho luga marcando un diferencia duradero den e bida di muchanan. E vision di Kiwanis ta pa haci un impacto positivo den comunidadnan di henter mucho pa asina un dia tur mucha lanta den comunidadnan cu ta kere den nan, ta cuida
nan y ta brinda nan e apoyo cu nan mester den nan caminda pa un futuro briyante. E mision y vision di Kiwanis ta cuadra totalmente den e mision y vision di Gobierno di Aruba. Pa Gabinete Wever-Croes I y II, nos muchanan ta central. E desaroyo di nos pais ta depende riba famianan fuerte, resiliente, flexibel y stabiel. E muchanan cu ta guia door di norma y balornan sano na cas y den comunidad lo crece y florece den adultonan ekilibra y responsabel. Maneho Social den un pais ta di suma importancia y ta stimula cu cada ciudadano y cada famia aki na Aruba por sinti nan mes bon. Gobierno tin como tarea pa yuda e famianan
vulnerabel, cu no por crea tur condicion optimal pa asina lanta e muchanan y proteha e miembronan vulnerabel
den famia y comunidad. Prome Minister Evelyn Wever-Croes a gradici Kiwanis pa nan bishita na unda nan a comparti nan
mision y nan vision y a intercambia puntonan di bista hopi importante na fabor di nos muchanan y famianan.
9
Diarazon 8 September 2021
Minister Dangui Oduber
Awor cu Lotto pa Deporte a caba cu deporte “nan” kier culpa gobierno pa esaki!
Pa 4 anja largo Canadian Bank note y dirigentenan di fundacion lotto pa deporte a boycotea e maneho di minister Dangui Oduber. Pa 4 anja largo no kier a duna deporte ni 1 florin extra pa yuda deporte. Minister Oduber hiba un lucha fuerte contra dirigentenan di Fundacion Lotto pa deporte y a purba di tur manera pa haya mas fondo pa deporte. No solamente a purba cu fundacion lotto pa deporte sino a purba tambe na varios ocasion cu Canadian Bank Note. A sinta na mesa cu nan, a splica nan y purba renogosha e contracto entre Fundacion Lotto pa
deporte y Canadian Bank Note cu ta uno cu NO ta na beneficio di deporte. Di anja 2012 pa anja 2019 Canadian Bank Note a gana 87 miyon florin di ganashi. E share cu deporte a ricibi den e 7 anjanan aki tawata 28 miyon. Awor para keto un rato y puntra bo mes si e reparticion aki ta uno husto?? E causa pa haya mas placa pa deporte a trata na bringa y lucha pe. Tur manera a ser busca pa deporte por haya su fair share y mas placa pa por mehora facilidadnan y infrastructura. Ora a
aserca Canadian Bank Note pa busca espacio pa renogosha e contrato pa haya un reparticion mas husto pa deporte, E contesta di e grupo canades tawata cu nan ta willing pa contribui mas pero gobierno mester autoriza sportsbetting pa nan. Cu otro palabra, percura pa garantiza mas entrada pa nan, pa nan por contribui mas na deporte. Pa awe mi lesa cu e actual director Tuitt cu a wordo nombra contra tur regla di bon gobernacion ta culpa gobierno y kier insinua cu si tin cambio di maneho deporte lo haya mas placa. Awor cu nan a caba di manda e fundacion bancarota, perhudica deportistanan, perhudica deporte ainda e tin e curashi di culpa gobierno pa su mal maneho y negligencia pa cu deporte. E director di Lotto no kier cumpli cu obligacion di e fundacion y kier keda forza pa kita aun mas placa di deporte. Tawata 27 juli 2009 pasa cu gobierno a
presta e fundacion lotto pa deporte 17 miyon florin pa construccion di 3 facilidad deportivo cu e acuerdo cu e fundacion lo mester cuminsa paga e debe aki bek den anja 2020. Mi ta cita kiko e acuerdo ta bisa: For di anja 2009 tawata conoci cu e promer pago di e prestamo di gobierno haci na Fundacion Lotto pa deporte lo mester tuma lugar 27 juli 2020. Esaki no ta ningun sorpresa pa ningun partido. Gobierno di Aruba a duna Lotto 11 aña largo e tempo pa pensa con e ta bai paga e prestamo aki bek. No hunga wega awe y haci cu ta pa via cu gobierno ta cobra e fundacion lotto deporte loke esaki debe gobierno, cu tin menos placa pa deporte. E director di Lotto ta bisa cu Lotto no ta bancorota pero na mes momento e NO kier cumpli cu e acuerdo di paga gobierno bek! Nos ta lamenta
profundamente cu Lotto ta keda insisti pa abusa di deporte y keda sin cumpli cu nan debernan y obligacionan y kier busca tur otro culpabel sin wak nan mesun maneho e ultimo anjanan aki. Fundacion Lotto pa deporte (FLPD) y Stichting Sportsubsidie Aruba (SSA) tin un acuerdo cu tur anja FLPD tin cu traspasa 4 miyon florin pa SSA. Den anja 2020 FLPD NO a cumpli cu esaki y a traspasa solamente 2.5 miyon florin di e forma aki kitando 1.5 miyon florin for di deporte cu e excusa cu nan mester paga gobierno (cual ta un acuerdo y condicion cu mester cumpli cune). E signatura di e gobierno nobo lo mester percura pa Lotto y Canada cumpli cu gobierno, cumpli cu SSA y paga loke nan debe na deporte pa tur e anjanan cu nan a goza di bon entrada. Un gobierno cu ta traha pa Aruba y deporte lo mester cumpli cu esaki.
E motibonan pa VI di preso L. Corte Comun di Husticia a recientemente trata e keho di e preso E.G.C.L. contra pospone su VI (voorwaardelijke invrijheidsstelling, libertad condicional) te 3 di november 2021. Corte Comun di Husticia a declara e keho sin base, loke kier meen cu L. lo mester keda den prison te e dia ey. L. ta den prison desde 2009. El a wordo condena na december 2009 pa asesinato triple riba 4 di april 2008.
den libertad condicionalmente. Colegio Central di Reclassering a dicidi riba 20 di juli 2021 cu no tin contra-indicacionnan pa e VI di L. y a conseha pa pon’e den libertad bao condicionnan especial. Riba 29 di juli 2021 e Colegio a conseha Minister di Husticia pa pospone e fecha pa duna e team cu ta trata L. y Reclassering mas tempo pa por cumpli cu e condicionnan especial. A keda dicidi e ora pa pospone e VI di L. te 3 di november 2021.
Un preso cu a sinta dos tercer parti di su castigo incondicional, por bin na remarke pa wordo poni
Minister di Husticia ta legalmente autoriza pa pospone of kita un VI si en caso hasta dor di pone
condicionnan, e seguridad di otronan of e seguridad general di personanan no por wordo garantiza. Minister a pasa e autoridad aki pa Ministerio Publico. Corte Comun di Husticia a huzga recientemente cu e uso di e autoridad ey pa pospone e VI (pa motibo cu no acumpli ainda cu e condicionnan especial pa garantiza seguridad di L. y di comunidad), ta razonable. Den e decision tuma den nomber di Minister, a keda poni cu KIA, e team cu ta trata L. y Reclassering lo sigui traha riba e plan di tratamento di L. y lo presente pa mas laat 15 di oktober 2021 na e
Colegio. E Colegio lo bolbe saca un conseho na Minister tocante e fecha di VI di L.
10
Diarazon 8 September 2021
Gobierno di aruba ta dispidi di Sr. Arsenio (chenco) Yarzagaray
Diamars mainta Gobierno di Aruba a dispidi di Ex-Minister di Economia. Chenco a nace dia 29 di maart 1938 y den su trayectoria profesional a ocupa varios funcion importante den comunidad, entre otro e tabata e prome director di WEB Aruba N.V., Ministro di Economia pa Antias bao di Gabinete Don Martina, Parlamentario di Antias y miembro di Raad van Advies. Cu Chenco sosega na paz.
11
Diarazon 8 September 2021
Container a cay riba trahado di takelwagen na Noord Cura Cabay y a fayece
Diamars mainta un personal di takelwagen a bay baha container na un cas na Noord Cura Cabay pero algo a bay robes unda e container primi e homber contra un muraya di cas di golpi. Polis, ambulance y brandweer cu urgencia a presenta pa mira e situacion.
Bomberonan a logra di hala e container y asina constata cu no por a haci mucho mas. Ambulance a solicita dokter presenta pa constata morto di e persona. Personal di DTI tambe a keda poni na altura pa presenta pa nan haci nan investigacion.
Resumen pa awe di casonan di COVID-19 na Aruba 7 september 2021. Segun resumen di awe 16 persona a recupera y un total di 52 caso nobo di COVID-19 a keda registra cual 4 ta no-residente y 48 ta residente. E cifranan aki ta representa un 'Positivity rate' bou di nos residentenan di 20%. E cantidad di casonan activo di COVID-19 pa awe ta 480 y cantidad di fayecidonan relaciona cu COVID-19 ta 151. Datos ta ilustra casonan nobo di COVID cu un average semanal di 46 caso pa dia y un averahe di 'positivity rate' semanal di 21% pa dia. Actualmente na Aruba tin 38 persona interna debi na COVID di cual 14 ta den ICU y 24 riba piso general y na Colombia tin actualmente 20 persona den Cuido Intensivo.
12
Diarazon 8 September 2021
Chauffeur patapata burachi drumi den auto memey di caminda den direccion prohibi
A drenta informe di un accidente na e rotonde Pos Chikito, mesora a dirigi un patruya na e sitio. Na yegada di e patruya a bin topa net pariba di e rotonde cu un Toyota Prado para cara pabao riba e parti caminda pa bay pariba anto e chauffeur na soño tur cansa drumi. Nan a purba lant’e for
di soño pero no tabata logra y a bay purba saca e chauffeur y eynan a confirma cu e chauffeur ta pata pata bebi y casi no por para riba su pia. Cu basta trabao polis a logra detene e chauffeur y hink’e den e vehiculo di transporte pa hib’e warda di Sanicolas. Polis a hala e auto kit’e for di e caminda pa asina trafico por a sigui.
13
Diarazon 8 September 2021
Rocco Tjon:
Inverti den "cyber security" no ta un luho, pero si un necesidad consecuencianan financiero grandi. Importancia di un ICT sigur y “safe” ta mas bisto cu nunca mirando e vision di Gabinete Wever-Croes pa loke ta E-government, desaroyo economico y e dependencia di departamentonan vital riba ICT.
N A T I O N A L CYBER SECURITY TASKFORCE
Mirando e experticio necesario pa por combati y preveni e tipo di criminalidad aki a instala un "task force". E "task force" aki ta consisti di sector publico y priva. E meta principal ta pa crea seguridad digital na Aruba y yega na un plan nacional pa “cyber security”. Esaki ta ensera tambe un structura defini con ta actua na momento cu tin un “cyber attack”. Esaki a conduci cu ya caba tin un “letter of intent” firma riba e tereno aki entre Gobierno y stakeholders den sector semi-publico.
Recien nos por a tuma nota den medionan di comunicacion cu banco central di Corsow y Sint Maarten a wordo afecta pa un “cyber attack”. Na Aruba tambe nos a wordo confronta cu algo similar na
Hospital. E consecuencia di e fenomeno aki ta sumamente gandi pa un pais. Un “cyber attack” riba un departamento vital por desbalansa un pais y cu
PLAN NACIONAL CYBER SECURITY
Un plan nacional lo stimula colaboracion entre sector priva y sector publico pa asina haci Aruba mas resiliente contra e fenomeno aki. Ambos partido tin interes pa cu esaki caminda
seguridad nacional y interesnan economico por wordo atacha si nos no ta resiliente. E temporada nos dilanti ta importante pa duna prioridad na formula e plan nacional y percura pa su ehecucion. Asina por sigui fortifica “cyber security” na Aruba, concientisa empleadonan di e sector vital riba “safe use” di ICT, y crea un base huridico pa colaboracion entre e dos sectornan.
PA CONCLUI
Pa garantisa atencion continuo pa e fenomeno aki, un fenomeno cu por cierto ta keda desaroya su mes continuamente, mester cuminsa pensa den direcion di un conseho nacional pa "cyber security”. Tin organisacionnan internacional cu por facilita esaki. Manera entre otro e “Global Forum on Cyber Expertise” cu por asisti den curso y educacion pa haya e experticio necesario y yuda crea structuranan resiliente contra e fenomeno aki. Pero tambe por percura pa colaboracion cu e “National Cyber Security Centrum” di Hulanda cu ta resorta bou di e Ministerio di Husticia Hulandes, kende tin entre otro e tarea pa duna consehonan den Reino riba e tereno aki.
14
Diarazon 8 September 2021
Diarazon 8 September 2021
Ban sigui proteha Siguiendo e flexibilisacion di medidanan pa cu Covid-19, Directie Voogdijraad ta informa pueblo di Aruba lo siguiente: •
lo mantene protocol di hygiena na entrada y den e spreekkamernan;
•
uso di tapaboca na momento cu bo persona tin un cita ta obligatorio.
Si tin cualkier pregunta, por tuma contact cu nos na 582-1262 of por manda un e-mail na directie.voogdijraad@ aruba.gov.aw y nos lo tuma contacto cu bo persona mas pronto cu ta posibel. Nos lo keda monitor e situacion y lo informa debidamente segun e desaroyonan.
Por ultimo nos ta enfatisa e responsabilidad individual di un y tur pa preveni e contagio di Covid-19.
15
16
Diarazon 8 September 2021
Aruba Bank a contribui na e bunita causa di “Kayak for Nature” Pa proteccion y concervacion di Commandeurs Baai
08 di september 2021 – Diasabra, 4 di September 2021, a tuma lugar un challenge caminda un grupo di “kayakers” a rema for di Playa Kalki na Westpunt di Curacao te cu Commandeurs Baai na Savaneta. E meta di e challenge ta pa trece conscientisacion di e necesidad cu tin pa protehe nos sistema ecologico cu ta hopi delicado, especialmente e mangrove nan y e bida marino den area di Commandeurs Baai na Aruba. Aruba Bank ta felicita y gradici cada un di e “kayakers” nan pa nan esfuerzo. Pa nos e ta un honor di por a presencia y tambe contribui na e bunita causa. Por haci donacion na
“Fundacion Proteccion y Conservacion di Commandeurs Baai”, Aruba Bank #
6018540190. Pa mas informacion di e Fundacion y e causa aki
por bishita e siguiente pagina di Facebook: https:// www.facebook.
com/unda comman d e u r s b a a i -1 0 1 6 7 8 6 0 8250014
Pagina 17
Diarazon 8 September 2021
TENE NA CUENTA E USO DI TAPABOCAS
Chauffeur coriendo auto sin rijbewijs envolvi den accidente di cadena Atardi riba e caminda di Paradera poco mas pabou di e mall a sosode un accidente unda tres auto tabata envolvi. Daño material tabata considerabel. Debi
cu un di e chauffeurnan tabata falta documento a pone cu roadservice a solicita polis di trafico presenta pa tuma dato di e accidente.
Elmar a confronta problema den transformatorhuis lagando parti di Santa Cruz sin coriente Pa abona na SOLO DI PUEBLO
Yama 585 9500
Dialuna den careda di 7’or anochi area di Santa Cruz, Macuarima y bisindario a keda sin coriente, e area tabata grandi. Personal di Elmar a subi caya di biaha pa busca e problema, a bushita algun transformatorhuis pa wak unda e fayo ta.
Un team di Elmar y e hefenan a presenta na e transformaterhuis pabou di 88 food un biaha mas cu eynan tabatin un fayo. A logra di traha basta lihe pa saca e problema y suministra coriente bek pasa di 9’or pa e area afecta.
of manda nos un e-mail na solodipueblo@gmail.com
en d e t a r di u t a g Entre t’i cas r o p bo
Pagina 18
Diarazon 8 September 2021
Awe, 8 September 2021, nos ta felicita tur nos Fysiotherapistanan Mundialmente y en particular nos Fysiotherapistanan
na Aruba,
cu ta brinda nos Communidad su servicio professional diariamente, cu nan dia Special di Fysiotherapia
E meta ta pa juda cada pashent minimalisa su dolornan y por ta activo bek fysicamente. Esaki ta e parti primordial den nos tratementonan. Ta conoci cu no aki na Aruba so pero mundialmente e peticionnan pa ricibi un trato di Fysiotherapie a aumenta drasticamente, den e ultimo anja y mei. E ser humano a bira mas conciente cu un dieta bon balansa ta bai acompaña cu ehercicionan pa keda saludabel y stimula e systema immunico; e ultimo ta algo hopi importante den e Pandemia aki.
Banda cu e Fysiotherapista ta trata y guia su pashentnan cu ehercicionan, nan por asisiti alavez cu problemanan respiritorio, neurologico y problemanan cu vocht. E Fysiotherapista tin un educacion amplio cu por hasi tratamentonan diversifica. Cu e dia di celebracion aki nos ta tuma e oportunidad di vocifera, cu nos lo keda contribui na nos sociedad por medio di nos profession!
PABIEN COLEGANAN ARIBA NOS DIA!
Pagina 19
Diarazon 8 September 2021
Weganan di US Open Tennis a continua y poco poco yegando su final
Dialuna merdia weganan di US Open Tennis a continua cu weganan tanto den damas como caballeros. Torneo aki a inicia dia 24 di augustus y e final ta tuma lugar dia 12 di september proximo. Den categoria damas e weganan tabata asina aki, prome wega tabata entre Belinda Bencic y Iga Swiatek cual wega a wordo gana pa Belinda Bencic
den dos set di 7-6 y 6-3. Di dos wega tabata entre Shelby Rogers y Emma Raducanu cual wega a wordo gana pa Emma Raducanu den dos set di 6-2 y 6-1. Karolina Pliskova y Anastasia Pavlyuchenkova a enfrenta otro den di tres wega y aki Karolina Pliskova a gana e wega aki den dos set di 7-5 y 6-4. Den ultimo wega den
damas, Maria Sakkari a enfrenta Bianca Andreescu y a gana den tres set, a perde prome set den tie break 7-6, a gana di dos set den tie break 7-6 y ultimo set 6-3. Den caballeros prome wega tabata entre Alexander Zverev y Jannik Sinner cual wega a wordo gana pa Alexander Zverev den tres set di 6-4, 6-4 y den di tres set den tie break 7-6. Lloyd Harris a enfrenta Reilly Opelka den di dos wega y ta gana esaki den cuater set, ta perde prome set 7-6, ta gana di dos, di tres y cuater set 6-4, 6-1 y 6-3. Di tres wega Oscar Otte a enfrenta Matteo Berrettini cual wega a wordo gana pa Matteo Berrettini den cuater set, Matteo a gana
Ta bende - Ta bende - Ta bende 4 riem y tire size 14 (Chevy Spark) Prijs fl.250,Pa mas informacion
jama 5608383
prome set 6-4, ta perde di dos set 6-3, pero ta gana di tres y cuater set 6-3 y 6-2. Ultimo wega tabata entre Novak Djokovic y Jen-
son Brooksby y aki Novak Djokovic ta gana e wega aki den cuater set, ta perde prome set 6-1, ta gana di dos, di tres y cuater set 6-3, 6-2 y 6-2.
Pagina 20
Diarazon 8 September 2021
Aliimentonan cu ta reduci ansiedad di come Nos tur a pasa den algun momento di nos bida cu nos ta sinti gananan incontrolabel di consumi algun alimento: esey ta yama ansiedad di come. E problema aki ta debi na factornan di origen fisico of psicologico. Den e mundo asina estresante den cual nos ta biba aden, no ta nada straño cu hopi persona ta sufri di ansiedad. Especialmente si bo ta realisando algun dieta of preparacion fisico, ta posibel cu si cambia algun habito mas saludabel, bo nota e ansiedad aki pa come na comienso. P'esey, nos ta presenta 7 alimento cu lo yuda nos controla e ansiedad di come di forma natural y sano. Alimentonan pa reduci ansiedad di come 1. Fruta Consumi tur e frutanan cu bo kier. Nan ta aporta na sucu y nan ta hopi saludabel. E frutanan ta hopi saludabel debi na su contenido eleva di mineral y vitamina. Tambe ta conta cu hopi poco caloria, pa cual bo por come hopi sin miedo na gorda. Di un otro banda, nos ta ofrece un extensisimo gama di sabornan agradabel. Loke ta nifica cu no solamente nos ta come nan pa nan beneficio, sino pasobra realmente nos ta gusta. Esey nos ta debe na e glucosa natural cu e ta contene. Fruta ta un excelente aliado contra ansiedad di come, debi cu, hunto na micronutrientenan cu nan tin, tambe ta aporta na fibra y awa, loke ta genera sensacion di saciedad. 2. Berdura Mescos cu fruta, e berduranan ta conta cu contenidonan eleva di mineral, vitamina, awa y fibra. Pa tal rason, e ta yuda nos frenta e apetit y ta mantene e sensacion di saciedad durante bastante tempo. 3. Productonan integral Productonan integral ta contene fibra, loke ta yuda nos reduci ansiedad di come pasobra nos ta sinti nos mes sacia mas rapido y
pa mas tempo. Di igual manera, ta contene vitamina y mineral cu ta contribui na mantene den estado optimo e sistema inmunitario, pa loke e ta mantene nos sano. 4. Alga Agar-agar cu e alganan ta contene, ta funciona como gelatina, pues e tin e cualidad di cuaha alimento. Alganan ta hopi beneficioso den nos intento di frenta e ansiedad di come, ya cu e ta mescla cu e Ante e necesidad pa e sabor dushi, miho cos ta pa usa honing.
juicenan gastrico. Esey ta produci un funcion cu ta bira diki cu ta permiti pa nos sinti sacia. Di un otro banda, tambe ta permiti nos saca e toxinanan di manera natural, pa cual e ta excelente pa evita barica cera y mehora e funcion intestinal. 5. Boonchi Entre e alimentonan cu mas ta sacia nos ta haya e boonchinan. Nan tin un alto contenido di proteina cu, al contrario di e proteinanan di fuente animal, ta contene fibra. Boonchi tin e capacidad di sacia nos cu rapides y pa bastante tempo. Esey ta converti nan den aliadonan excelente pa ataca e ansha di come. 6. Avena Aventa ta un excelente alimento pa por chase riba dje. E ta aporta
hopi nutriente y fibra pa reduci e ansha di come. Ora cu nos ta ansioso, hopi biaha nos kier come algo dushi of un pasaboca. Miho bisa, no un cuminda fuerte, sino simplemente algo "pa por munch." Lo mas adecuado den e casonan aki ta opta pa un fruta of avena. Avena ta un cereal hopi rico den fibra y ta aporta un sinfin di beneficio pa e salud. Ademas, ora cu nos prepara avena cushina, nos no ta mir'e como un plato fuerte, sino como un aperitivo pa mengua e hamber of pa satisface nos ansiedad. Apesar di esaki, e ta haci nos sinti yen y ta yuda pa nos pasa hopi rato sin tin mester di bolbe come. Sin embargo, nos mester pone atencion na con nos ta endulsa e avena. Si nos agrega sucu refina, nos lo ocasiona pa e perde parti di su beneficionan.
7. Awa E por parce hopi straño cu awa por para e ansha di come, pero ta asina. E ta sosode cu hopi biaha e curpa ta confundi hamber cu sed, pa cual nos lo caba den come ora cu en realidad loke nos curpa tabata pidiendo ta pa nos ta hidrata. Bisando esaki, no ta dimas pa tuma un of dos glas di awa ora cu parce cu bo tin gana di come. Es mas, nos por bebe awa prome cu cada cuminda; asina nos stoma no lo ta full bashi y p'esey, nos no lo alimenta en exceso. Tin cu kauw e cuminda bon Mas leu di e alimentonan cu ta yuda na para e ansha di come, mester tuma na cuenta otro factornan manera kauwmento. Ora cu nos cuminsa come, nos por bisa cu "nos ta lanta e stoma" y e ta keda manteni asina durante mas of menos 20 minuut. Esey kiermen cu, si solamente nos dedica na traga, sin practicamente a kauw, nos stoma lo ricibi tur e cuminda aki sin sinti su mes sacia. En cambio, si nos kauw bon, nos toma igual lo "drumi" den 20 minuut, cu cual nos lo a come menos. Den cualkier caso, ante e tipo di trastornonan aki, lo ideal ta consulta un specialista cu por diagnostica e origen di e problema. E lo ta encarga pa receta nos loke mas ta conveni na e organismo.
Pagina 21
Diarazon 8 September 2021
“September a habri Aruba sin presupuesto y sin gobierno” Un otro September ta habri Aruba sin un presupuesto. Ya ta mas cu 2 luna cu Aruba a sali for di cas pa bai urna electoral. Un proceso y un resultado di eleccion cu a conose hopi discrepancia y cu a trece hopi descordia y a hasta laga un imagen robes atras di e forma cu nos ta biba democracia na nos pais. Mientras cu pais bisiña Curacao no a duda ningun momento pa duna su pueblo e oportunidad di controla e stembiljetnan den momentonan di duda, aki na Aruba un etiket di AVP a wordo colga na cada yamada pa transparencia y derecho di cuidadano y finalmente un resultado di eleccion
cu ta duna pa promer biaha den historia oposicion e sosten mayoritario. Mientrastanto e deseo di partidonan nobo pa goberna Aruba ta refleha grandemente den e proceso encamina ultimo simannan pa cu formacion di gobierno y reparticion di carteranan. Cumprando tempo pa por paga tur candela interno y mantene tur hende contento mientras cu Aruba ta keda carece di plan, vision y un presupuesto cu ta crucial den momentonan aki di crisis y COHO. Un presupuesto 2021 recien aproba pa e mesun gobierno cu a prepare, conosi como esun di mas integro den historia di
TENE NA CUENTA E USO DI TAPA BOCAS
Aruba, basa ariba cifranan y calculacionnan di aña 2020, den otro palabra “absoluut achterhaald”. Awor ya caba nos ta drentando fase final di 2021 y manera prescribi den nos Staatsregeling, dia 1 di September tawata e fecha di entrega di un presupuesto nobo pa Aruba, esta presupuesto 2022. SIgur un di e presupuestonan di mas importante pa historia di Aruba, unda cu pa promer vez Aruba ta presupuesta un maneho fiha door di Hulanda cu Aruba mes lo mester paga pa ehecuta. E ausencia di plannan y ehecucion di un maneho fijo pa Aruba actualmente ta haci e sentimento di incertitumbre cu pueblo ta bibando aden dia pa dia mas peor. No tin perspectiva, combina cu un falta di conocemento y ignorancia cu tin nos economia den un situacion dia pa dia mas precario. Entretanto, no por kita for di bista tampoco e yamadanan continuo internacional di Na-
cionnan Uni ariba e forma di procede di Hulanda pa cu e ayudo financiero y acuerdonan pa cu COHO y Landspakket y alavez e declaracionan di Secretario di Estado Hulandes ariba Aruba su cooperacion continuo pa cu tur acuerdo poni ariba mesa. Preocupante ta e situacion na nos pais. Sin presupuesto, sin gobierno,
den Crisis cu COHO. Ta di lamenta cu Parlamento no a ricibi ni un Ahustacion pa locual tawata e presupuesto 2021 despues di a mira recuperacion mas rapido di turismo cu a premira, y na e momento aki atrobe no ta inicia un ciclo presupuestario nobo na tempo pa por tin mihor hustificacion di e gastonan di pais Aruba.
Pagina 22
Diarazon 8 September 2021
PRONOSTICO DI TEMPO VALIDO TE DIARANSON 08 DI SEPTEMBER 2021, 18:00 ORA. ELABORA DIAMARS 07 DI SEPTEMBER 2021 17:00 (21:00 UTC) TEMPO: AWE ANOCHI: PARCIALMENTE NUBLA Y GENERALMENTE SECO DEN MARDUGA I MAYAN: PARCIALMENTE NUBLA CU UN AWACERO PASAJERO TE BREVE TEMPERATURA MAXIMO 32 GRADO CELSIUS TEMPERATURA MINIMO 26 GRADO CELSIUS BAHADA DI SOLO : 6:46 PM SUBIDA DI SOLO : 6:29 AM BIENTO: MODERA TE BASTA FUERTE FOR DI DIRECCION GENERALMENTE OOST; FORSA 4 TE 5 (20 TE 39 KM/ORA, 11 TE 21 NUDO). DEN DIA POSIBLEMENTE FUERTE DEN RAFAGA; FORSA 6 (40 TE 50 KM/ORA, 22 TE 27 NUDO). SITUACION GENERAL DI TEMPO PA PROXIMO 24 ORA: DEBI NA HUMEDAD LIMITA DEN REGION NO TA PREMIRA AWACERO SIGNIFICANTE DURANTE PROXIMO 24 ORA. PA E MOTIBO AKI WEER GENERALMENTE SECO LO PREVALESE. CONDICIONAN MARITIMO/ ESTADO DI LAMA: TA SPERA UN ESTADO DI LAMA LEVE NA PARTINAN PROTEJE, Y MODERA NA PARTINAN ZUID. NA PARTINAN OOST TE NOORDWEST LAMA LO TA MODERA TE BASTANTE BRUTO NA COSTA CU OLANAN ENTRE 4 PA 7, LOCALMENTE 8 PIA. AVISO/ ALERTA: LABADERA NA COSTANAN OOST TE NOORDWEST PRODUCI PA HORCAN LARRY LO SIGUI HACI E PARTINAN DI COSTA AKI POCO BRUTO. UN AVISO PA BOTO CHIKITO PA E PARTINAN AKI TA NA VIGOR. TAMBE UN AVISO PA OLEAJE HALTO NA COSTA TA NA VIGOR. FENOMENONAN SPECIAL: NINGUN TEMPO TROPICAL SIGNIFICANTE: HORCAN LARRY TABATA SITUA RIBA ATLANTICO CENTRAL, NA DISTANCIA GRANDI, ZUIDOOST DI BERMUDA Y TA MOVE NOORDWEST. LARRY TA SOLAMENTE UN MOLESTER PA NAVEGACION MARITIMO. POTENCIAL DI AWACERO PA PROXIMO 24 ORA: 1 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 32 / MIN 24 / 3.0 MM WESTPUNT: MAX 32 / MIN 26 / 2.7 MM STA ROSA: MAX 32 / MIN 26 / 2.6 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO PASAJERO TE BREVE. BIENTO LO TA FOR DI DIRECCION OOST I MODERA TE BASTA FUERTE; FUERTE TE POSIBLEMENTE DURO DEN RAFAGA; TEMPERATURA (GRADO CELSIUS) MAX / MIN LO TA: 33 / 28
Pagina 23
Diarazon 8 September 2021
Ta buska cas pa huur
Call 5645064
OBITUARIO
Ta buska cas pa cumpra
Publica serka nos anuncio di fayecimento di bo ser keri. Nos tin 2 pakete pa ofrece Pakete 1: Anuncio di fayecimento te dia cu e defunto ser dera Gradicimento y invitashon pa misa pa 3 dia AFl 250,00 Pakete 2: Anuncio di fayecimento te dia cu e defunto ser dera Gradicimento y invitashon pa misa pa 3 dia Na Canal 22 1x prome cu Noticiero 22 Afl 400,00
Construction
Pa mas informashon por tuma contacto cu oficina na 585-9500 of na 741-4554 puntra pa Jamila Henriquez
Drecha dak, coriente, verf, Welder, plumming, metsla, Carpinte y hasi cura limpi
TA HUUR
Apartamento Muebla na Bakval Alf 775.00 Yama: 740-5370
FOR SALE - FOR SALE - FOR SALE Chevrolet Equinox 2017
Yama 560-8568 PUEBLO A H HAÑA SU PEN BEK
Pa kualkier informacion solodipueblo@gmail.com of
☎ 585-9500
CLASIFICADO
50km top condishon mesco nobo na mitad di prijs 40 mil fls
e-mial: solodipueblo@gmail.com
call 5694343
Cel.585 9500
for test drive
Pagina 24
Diarazon 8 September 2021
Inteligencia di un mucha no ta depende di su notanan
Aunke cu nos sa cu e inteligencia di un mucha no ta depende di su notanan, manera con nos ta laga nos mes como mayor, impresiona cu e cualificacionnan! Un excelente ta yena nos di orguyo, un onvoldoende of suspension, ta decepciona nos, manera cu e nota aki lo defini kende nos yiu ta y cualnan ta su capacidadnan. E cualificacionnan escolar ta un forma di midi un conocimento. Sin embargo,
no ta duna cuenta di e esfuerso y e dedicacion cu e mucha a inverti den e proceso di aprendisahe. Tampoco ta demostra si efectivamente e mucha a siña algo di forma consistente. Un mucha cu un bon memoria, kisas ta obtene bon punto. Un mucha cu un inteligencia distinto den e materia den cual e ta wordo evalua, por haya onvoldoende. Sin embargo, den e materia vincula cu su
tipo di inteligencia, seguramente e lo ta exitoso. Inteligencia di e mucha Si. Segun e psicologo y investigador Howard Gardner, den cda persona tin ocho tipo di inteligencia of habilidadnan cognoscitivo. E teroaia di inteligencianan mulitple aki, ta reconoci den hopi ambito educativo. Di acuerdo cu e planteamento di e profesor Mericano aki, no ta existi
un unico inteligencia unico humano. Tin un diversidad di inteligencia, cu ta marca e potencialidad, fortalesa y debilidadnan cu cada individuo tin y cu lo marca su actuacion den distinto scenario. E teoria di inteligencianan multiple aki, ta permiti balora, compronde y stimula e potencialidadnan di cda mucha, mas leu di loke por midi un indice di conciente intelectual. Bo yiu tin tur e tipo di inteligencianan aki, solamente cu uno ta mas preponderante cu otro. E inteligencia di e mucha pa matematica, por yud'e tin bon resultado. Sin embargo, no lo ta igual si e inteligencia pa linguistica of pa deporte ta mas debil. Tur esaki ta pone den evidencia e berdda cu e notanan no ta representa e inteligencia di e mucha. E tiponan di inteligencia Inteligencia linguistico E muchanan cu e tipo di inteligencia aki ta siña skirbi, lesa, conta cuenta of haci crucigrama cu suma facilidad. Su lenguahe orral ta
asina bon como esun skirbi. E tin facilidad pa siña idioma. Inteligencia logicomatematica Muchanan cu ta resolve cu facilidad problemanan aritmetico, problemanan di logica-matematica, weganan di strategia y experimento. Na esunnan cu e tipo di inteligencia aki ta resulta nan hopi facil resolve pruebanan di conciente intelectual. Inteligencia visual y espacial Muchanan cu gusta dedica nan tempo liber pa pinta, gusta resolve puzzel of ta prefera weganan di construccion, tin e tipo di inteligencia aki. Nan ta pensa den imagen y dibuho. Inteligencia musical Ta muchanan cu ta disfruta, siña y aprecia e cancionnan y musica. Nan ta identifica cu facilidad sonidonan. Nan tin e facilidad pa siña toca un instrumento musical. Inteligencia corporal cinestesico
Pagina 25
Diarazon 8 September 2021
Lotto Merdia
SEPTEMBER 7
Lotto ANOCHI SEPTEMBER 6
Lotto Merdia
SEPTEMBER 6
Pagina 26
Diarazon 8 September 2021
Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn Ambulance San Nicolas Ambulance Sasaki Ambulance Wayaca Horacio Oduber Hospital Centro Medico San Nic. SVB AO Ziekmelding
Servicio nan
911 100 102 104 105 107 11141 584-5050 582-5573 582-1234 527-4000 524-8833 527-2782
Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa
523-7147 525-4600 117 145 524-2424 584-5080 585-1198 913
Aurora Funeral Home Royal Funeral Home Ad Patres Funeral Home The Olive trees Funeral Home
588-6699 586-4444 584-2299 582-0000
Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Kiningin Wilhelmina Fonds Fundacion pa nos mucha nan
582-2219 583-2999 582-4433 587-1677 583-5400 131 588-3131 587-0002 588-9999 582-0412 583-4247
SEPTEMBER 8
P’abou di brug: Botica St. Anna P’ariba di brug: Botica 4 Centro Medico
Un feliz dia bendiciona y cu nos bon Dios yena nos cu hopi fe y speransa ”…Te ki dia, Señor, Bo ta sigui lubida mi?” (Sal 13, 1) Un pregunta cu casi sigur hopi di nos a puntra Señor. Especialmente ora nos ta sinti nos so y desampara. Ora cu nos no ta wak un fin na nos preocupacion. Ora nos laga panico controla nos. Perdiendo nos fe den Señor. Momentonan asina nos mester para keto. Kisas hasta dal un stap patras. Y wak tur e bendicionnan cu nos a ricibi. Y nos lo ripara cu Dios nunca no a lubida nos. Semper E ta warda pa duna nos loke nos merece, pero na Su tempo. Y hopi biaha E ta duna nos mas cu nos mes a desea. No lubida ariba e bendicion mas grandi ora Birgen Maria a sali na estado. Pero loke nos mester haci semper ta mantene nos fe. Y especialmente ora cu nos ta sinti nos so, ta ora pa hisa nos fe mas na halto. Busca semper refugio den Palabra di Dios. Semper lo nos haya un palabra cu ta fortifica nos relacion cu Dios. Y pa despues nos bisa… Señor ta bon!….”Mi ke canta gloria di Señor: El a trata mi bon!”(Sal 13, 6) Oracion: Señor mi Dios tin dia mi ta sinti mi bandona. Manda Spirito Santo yena mi, pa nunca mas mi sinti cu Abo no ta stima mi. Mama Maria brasa mi Amen
Pagina 27
Diarazon 8 September 2021
Nos ta dilanti cambionan grandi na Venezuela
Pa cuminsa ta bon den corto analisa loke a pasa na Venezuela e ultimo 5 anjanan. Prome e Sancionnan contra Venezuela, pa motibo di un gobierno cu no ta bay na amen di Merca, sancionnan y boicot a ser imponi, cualnan ta causando problemanan grandi na e momento aki. Hopi Venezolano ta sobrevivi den formanan difícil, e boycot a trece scarcedad grandi di hopi articulonan di primera necesidad y tambe di remedinan. E sancionnan ta pone hopi pa busca moda di bandona e país sin tene cuenta cu e riesgonan. E sancionnan ta ilegal di acuerdo convenionan y leynan internacional.Banconan internacional cu haci comercio cu Venezuela ta wordo penalisa severamente pa USA y e otro paisnan di Nato. Entrada di Venezuela a baha drasticamente. Pakico e problema na Venezuela. John Bolton e ministro di seguridad di gobierno di US, dia 29 januari 2019 na Fox Channel a expresa esaki bon cla y e rason pakico tambe nan ta bringando e gobierno di Venezuela. E a bisa cu nan ta papiando cu e principal companianan Estadounidense pa nan bay produci e petroli Venezolano. Bolton ta ripiti cu derocamento di e gobierno di Maduro lo trece un oportunidad pa empresanan Mericano. Bolton a bisa tambe cu e petroli den suelo di Venezuela, tur ta pertenece na “Merca” y Maduro mester ser hala un banda. E declaración aki di Bolton ta bisa tur cos den e problema di Venezuela vs Merca. Pues e sancionnan ta un arma di guera pa purba logra un cambio di gobierno dor di pone e pueblo sufri, laga pueblo pasa den miseria cu e meta pa baha e gobierno. Hunto cu esaki ta traha un Guaido of otro marioneta kende lo cumpli cu tur deseonan di Merca. Maduro ta legalmente eligi presidente di Venezuela. Na 2016 tabatin un acuerdo pa busca un salida pa e problema na Venezuela. Entre Gobierno di Venezuela y Oposición, na Rep Dominicano, bao auspicio di Zapatero, exprome ministro di Spaña. A yega na un acuerdo pa elec-
ción adelanta. Dia 7 februari 2018 tabata e dia grandi pa firma e acuerdo, pero oposicion no a presenta pa firma e acuerdo. Ta ser bisa cu gobierno di USA a forsa nan pa no firma. Gobierno di Venezuela a dal bay cu e acuerdo di elección adelanta, parti di oposición a bay elección (Henri Falcon) y Maduro a keda eligi como presidente. USA, ni EU a reconoce e eleccion. Pues ta mantene e sancionnan. Partidonan di oposicion derechista y radical no a reconoce e reeleccion di Maduro. Ariba un plasa na Caracas den presencia di algun cien hende Guaido na januari 2019, a autoproclama su mes como presidente di Venezuela, maske 81% di Venezolanonan nunca a tende di dje. Merca mesora a reconoce Guaido, igualmente Europa Uni y algun paisnan mas, total + 55 pais a sigui e politica Mericano. Guaido a pidi Militarnan Venzolano pa boltea y bini na su banda. A reparti miles di pamfleta na militarnan pa nan boltea y laga Maduro un banda, pero nada. Guaido a manda un peticion na UN pa accionnan di ayudo humanitario na Venezuela. E a ricibi un contesta di Secretario General cu UN ta coopera solamente cu e gobierno reconoci di Venezuela y dirigi pa Presidente Maduro. Importante pa menciona cu e lidernan di e bloki di 4G, Guaido dilanti, tur a pidi pa boycotea y sanciona Venezuela di 2018 pa 2020. E sancionnan ta severo. Citgo, un compañía Venezolano na USA no por manda su ganashi (normalmente + 7.000 miyon pa anja) pa Venezuela. Venezuela no por bende su petroli. Consecuencia di tur esaki ta miseria, hamber, falta di remedi, desesperacion y hopi cosnan malo, hasta morto. Venezuela ta reclama su oro 31 ton (Balor banda di $ 2. biyon) deposita na BoE (Bank of England), pa cumpra remedi pa combati covid, Inglatera ta rechasa e demanda aki. Diferente ciudadnan brazileiro fronterizo cu Venezuela tabata cumpra coriente for di Venezuela,
pero Banconan cu miedo pa sancionnan no ta cumpli cu e pagonan. E sancionnan y boicot mericano y di EU ta pushando Venezuela den scochi di Russia y China. Despues di e elección unda Maduro a ser eligi como Presidente di Venezuela, hopi ta e dealnan di Venezuela cu China y Russia. Dealnan cu gobierno Maduro a firma cu Russia e mayor productor di petroli na mundo, acuerdonan pa produci oro y otro mineral presioso, cualnan ta na gran cantidad den suelo Venezolano y Russia ta experto ariba e tereno aki. E perdidanan dor di e sancionnan mericano ta ser calcula na 136.000 miyon di dólar. Gobierno di Venezuela ta calcula cu 136.000 miyon di dólar, e sancionnan di merca a causa Venezuela. Esaki ta basa ariba activanan y depositonan den banconan stranhero di companianan venezolano. Merca cu un movecion stranjo a coy Citgo y pase pa e gruponan rond di Guaido na Merca. Citgo ta un filial di PDVSA, e companía estatal Venezolano, na USA, na cual país PDVSA/Citgo tin 3 refinaderia y ta sumistra como 8.000 gasstations. Cu e suma di 136 biyon dólar, Venezuela por cumpra cuminda, remedi, simiya y otro productonan pa agricultura, tecnología, articulonan di consumo y otro articulonan necesario pa pueblo, durante hopi aña. Sancionnan di Merca tin repercussion pa hopi pais, Aruba a haya skop. E sancionnan a percura cu e deal di Citgo a yega su fin y na Corsow a sera e refinaderia di PDVSA. Merca den un forma unico por bisa a nacionalisa Citgo y pasa Citgo den man di hendenan rond di Guaido. Nos prome Ministro a bisa na 2019, tocante e refinaderia na Aruba, cu Citgo su plan awor ta di “wind down”= baha actividadnan completo y bay di Aruba, cual mester ser mira como cu Guaido y Trump cada un a dal Aruba un skop. Oil Terminal di SABA tambe a sera, igual Bopec na Bonaire.
Tambe varios otro Refinaderianan y otro negoshinan den Caribe cu tin di haber cu petroli Venezolano a cera. Tambe ariba orden di USA y Hulanda (EU), Aruba mester a cera frontera cu Venezuela. Pues lasonan di famia, di hermandad, di amistad tur a ser kibra, hunto cu tur esakinan tur negoshi cu Venezuela a para. Berduranan y frutanan fresco y barata ya no ta yega mas. Hunto cu e sancionnan, Venezuela a conoce actonan terorista y invasionnan apoya pa oposicion Venezolano for di Colombia, cual pais ta un aliado fuerte di USA. Anno 2021 hopi cos a cambia. Prome ta e cambio di president di USA, Trump su hendenan rond di dje ta hendenan di e sector petrolero, mas dilanti mi a splica e motibo y pesey Trump a trece e sancionnan pisa contra Venezuela. Biden ta aparenta pa caba cu e politica di Trump. Pero laga nos wak. Di dos parce cu politica na Venezuela ta den un proceso di cambio. E normal bieuw unda e partidonan manera Primera Justicia di Enrique Capriles, Ad (Accion Democratico) di Ramos Allup, Nuevo Tiempo di Stalin Gonzales y Voluntad Popular di Leopoldo Lopes y Guaido, awor yama 4G, e unidad di oposicion, tabata critica Maduro pa tur cos malo, awor cu e normal nobo tur a bisa di kier bay a eleccion di 21N (november 2021) y a bay negocia cu gobierno di Maduro na Mexico. Pues nos tin un normal nobo, tur e lidernan di 4G, den pasado den e epoca di Trump nan tur a pidi pa sancionnan contra Venezuela. Tambe nan tabata envolvi den e diferente plannan terrorista y desestabilizador manera, las guarimbas, el intento de magnicidio del 4 de agosto del 2019, Operación Gedeon, el plan de la Cota 905. Segun nan Maduro ta un autoritario, un dictador, un usurpador cu kende bo no por deal. Tambe cu e CNE, e instituto cu ta dirigi e eleccionnan na VenCONTINUA PAG 28
Pagina 28
Diarazon 8 September 2021
Nos ta dilanti cambionan grandi na Venezuela CONTINUACION PAG 27 ezuela ta corrupto y hopi mas acusacionnan. Nan a grita eleccion bao Maduro “nunca”, nan no kier reconoce Maduro, pero awe ata nan ey. Manera e proverbio Venezolano ta bisa “Tanto nadar para morir en la orilla” E eleccion di 21N ta pa 23 gobernador y 335 Alcalde. Otro partidonan di oposicion ya na december 2020 a participa na eleccionnan di Asamblea General (parlamento). E dirigente di e partido AD, Ramos Allup, vocero di G4 ta bisa awor: Oposicion sa cu tin un salida for di situacion actual ta e eleccion di 21N y negocia cu Gobierno Maduro. Tambe e a bisa cu tin hendenanan ta pintando situacionnan ficticio pa Sali for de situacion. Nos mester biba cu e realidad y no kere den fantasia. Un critica dirigi na Guaido, kende apesar cu su partido ta den G4, no ta comparti e opinion di G4, pa negocia na Mexico y bay eleccion 22N. Dia 31 di augustus ultimo e partidonan di 4G pa medio di nan vocero Ramos Allup a declara oficialmente cu nan ta bay eleccion di N21 bao di e nomber Plataforma Unitaria, hunto cu otro partidonan di oposicion cu ya a bay eleccion na 2020. Nan contricante sigur lo ta el Gran Polo Patriótico Simón Bolívar, consisiendo di PSUV y algun otro partido di Izquierda. Negociamento na Mexico Na Mexico dia 13 aug a inicia e negociacionnan durante 3 dia entre Gobierno Maduro y Oposicion den G4. Gobierno su team ta consisiti di 9 persona, di cual presidente di Asamblea general Jorge Rodrigues ta vocero. Pa G4 tambe 9 persona, vocero ta Bleide. Na final di prome encuentro a firma un memorandum cu go-
bierno y G4 ta reconoce tur e institutonan Venezolano y varios asuntonan mas. Reunionnan a sigui e weekend cu a pasa y a termina ayera cu dos acuerdo di Gobierno y representantenan di G4. Prome tur a bay di acuerdo pa respalda e derecho Venezolano ariba e teritorio Essequibo cu actualmnte ta forma parti di Guyana y cu tur ta para tras di e acuerdo di Ginebra di 1966 ariba e disputa cu Guyana. Di dos tur a acoorda cu Venezuela mester recupera cu prioridad e placanan di estado Venezolano ariba cuentanan stranhero, pa uza e recursonan aki den e bataya contra Covid, pa adkeri mas vacuna y pa hinca placa den hospitalnan, fortalece e programanan di alimentacion y di atencion na e pueblo di Venezuela. Un Hulandes a firma e acuerdonan, den representacion di EU. Pues por spera cu pronto banconan y institutonan financiero di EU lo pasa tur placa di Venezuela blokia, pa e pais Venezuela. Ta di spera cu USA y otro paisnan lo bay haci mescos. Esaki sigur lo trece un boom economico na Venezuela. Habrimento di frontera Aruba cu Venezuela. E acuerdo aki sigur mester ta motibo pa Hulanda y Merca duna OK pa habri frontera cu Venezuela. Aruba conoce lasonan fuerte cu Venezuela, e ta e pais mas serca di Aruba, cuanto Arubiana(o) no tin sangernan Venezolano. E lasonan di amistad ta fuertisimo. Nos desaroyo economico y social cu nos conoce awe y a cuminsa mas o menos cien anja pasa, ta gracias na e Petroli Venezolano y inversionnan di Exon, cu e apertura di Lago. Hulanda tabata ausente. Pues negoshinan cu Venezuela mester briya atrobe, igualmente e turismo Venezolano cu ta bonbini. Berduranan, frutanan
fresco y barata ta un necesidad na Aruba. Cu Venezuela mester yega na acuerdo con pa deal y caba cu e negoshi y trafico
di ilegalnan, cual ta danjando nos mercado laboral. Colombia ya a cuminsa negocia cu Venezuela con
pa habri frontera atrobe. Gregorio Wolff sept 2021
Gradicimento y Invitacion Pa medio di esaki famia kier a gradici tur esnan cu na un manera of otro a duna nos sosten, consuelo y forsa durante e tempo dificil cu e fayecimento y entiero di nos defunto stima:
MayraCariñosamente Francisca Jacobs yama Nana. * 21-04-1957 - †26-08-2021
Boso muestra di atencion ta di hopi aprecio y un gran sosten pa nos. Un danki na un y tur cu a manda carchi, krans, whatsapp, email y a hasi yamada nan telefonico. Un danki special ta bay na tur miembro di famia, specialmente na Mary-Lisa, Wilmer, Giovanni, Yeksenia, Cado, Youseff, Ryan, Jonathan, Otmar, Marco. Tambe na Lea, Mabel, Leny, Lalo, Glenn, Harry. Na su dokter stima Mercedes Rivera, Dokter di cas Winterdaal. Amiganan di cas; Isabel, Agnes, Veronica, Lalita. Na Trinity Care; Kimberly, Guido y Chantal, na Edmund Harms Foundation; Francis, Nanuishka y Angelo Kock. Na Lite Life; Alex Kock y personal. Na Aurora Funeral Home; Zulaika Hodge pa cu su bon servicio y atencion. Y na tur cu a stima nos ruman Mayra. Boso muestra di atenshon tabata un gran Consuelo pa nos. Na mes momento nos ta invita famia, bisiña-, amigo- y conocirnan pa compaña nos na 1 Santo Sacrificio di Misa na misa Birgen di Fatima na Dakota, 11 di september pa 7’or di anochi. Boso presencia ta altamente aprecia.
7
Pagina 29
Diarazon 8 September 2021
“Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”. Salmo: 23 Nos ta anuncia fayecimento di:
José Maria Fabus “Jo” *04-10-1953 - †03-09-2021
Na nomber di su: Yiu:
†Juritza Trimon
Mayornan:
†Vicente y Malva Fabus-Hous
Rumannan:
Maurine Anita-Fabus Nelida Boerleider-Fabus Marie Vivian (Vivian) Fabus Sunnira (Suzy) Rog-Fabus Vda. Denisia Giel-Tromp y famia
Yiunan di criansa:
Junior Trimon y Anamaria Gwendoline Alvarado y esposo Milton Trimon y Dees Angeline Trimon y Adonay
Manera nieto: Eugene, Arquibes, Jeremy, Shondrick, Lyon, Eugeline, Junaila, Ashli. Brayan, Shadee, Angely, Nigel, Janeline Mama di su yiu:
Irena Trimon
Swa y cuñanan: Robby Boerleider Roy Rog Norma Maria
David Anita
Tur su tanta- y tionan, prima- y primonan, sobrino- y sobrinanan, tur comader y compader, ihanan, ex trahadornan di DOW y tur su bisiñanan na Corsow, Aruba y Hulanda Persona cu a ciude: Araceli Cobo Rodriguez y Morelia Hidalgo Demas famia: Fabus, Tromp, Giel, Farro, Martis, Cijntje, Albert, Jacobs, Maria, Munzenhoffer, Danies, Hous, Boerleider, Rog, Anita, Trimon, Alvarado, Santamaria Ta invita pa e acto di condolencia y entiero cu lo tuma lugar diahuebs 9 di september 2021 na misa Santa Filomena di 9’or pa 11’or di mainta, despues saliendo pa Santana Pastoor Kraanwinkel na Paradera. Entiero lo ta bay estilo walk thru. Nos ta pidi tur hende pa mantene nan mes na protocolnan di DVG pa cu e situacion di COVID 19 No ta ricibi bishita di condolencia ni prome, ni depues di entiero na cas.
Pagina 30
Diarazon 8 September 2021
“Cerca Dios mi alma ta na paz, ta di DJ’E mi salbacion ta bin” Salmo 62:1 Cu profundo tristesa nos ta anuncia fayecimento inesperadamente di nos tata, padu, ruman y un bon amigo:
Willem Hendrik Willems Mihor conoci como “Willy, Daichi, Hos” *19 januari 1961 †22 augustus 2021
Na nomber di su: Yiunan:
Rose-Ann Willems y Ernie Jacobs y yiunan Giannira Willems y Neeson Maduro Tahira Willems y Dairon Everon
Nietonan:
Jacob y Jeremiah Jacobs
Compañera:
Alvaria Croes y yiu Ariana
Ayudante di cas:
Marisa y Iris
Mama di su yiunan:
Mildred Croes - Theijsen
Ex-suegro y suegra:
†Juan y Aura Theijsen-Croes
Mayornan:
†Victor y †Dina Willems
Rumannan:
†Fortunata “Alicia” y Benny Vollebeek y famia †Antonia Willems y famia †Thomas Willems y famia †Imelda y +Robert Ter Beek y famia Diana y Carlos Maduro y famia Simon y Julna Willems y famia †Pablo “Ricki” Willems Veronica “Vera” Willems y famia
Ruman di criansa:
Elsa y Buchi Croes y famia
Omo di respet:
Francisco y Olga Geerman
Subrino(a)nan:
Nardo, Randy, Lisa, Leila, Robert, Joaquin, Natacia, Lando, Angelo, Darlane, Jonathan, Evans, Yannick, Abi-Jane, Thalina, Cristina, Michael, Gino
Amigo y amiganan di cas: Dennis Kock, Pedro y Claudia, Tico y Liliana, Loaiza y Katerin, Omar Winterdaal, Lucky Winterdaal, Benito, Ifraim, Maroushka, Omaira, Naty, Aireen, Isabella, Bongo, Jeffrey, Raymond y demas amistad nan di Santa Cruz Bar, Peking Santa Cruz, Rudsen, Young Fellow, Jumbo, Jo-ann Bar Primo Ruben Willems na Hulanda cu kende e ta tin hopi combersashon Su iha:
Willy Sheikson Willems
Mayornan di su iha:
Magaly Theijsen y Willy Willems y Wesley Willems
Swa y cuñanan, primo y primanan, comper y comernan, bisiñanan, conocirnan, sobre sobrino y sobre sobrinanan, coleganan di WEB, ex-coleganan di Bopel, ex-coleganan di Unicon, ex-coleganan di Sabana Grandi Softball team, ex-coleganan di Marine Kazerne. Demas famia: Vollebeek, Ter Beek, Croes, Arends, Willems, Maduro, Kock, Geerman, Theijsen, Jacobs, Everon, Penja, Haseth, Figueiria, Macintosh, Rivero, van der Biezen, Werleman Nos disculpa si den nos tristeza nos a lubida di menshona un of otro nomber di famia y of amistad.
Acto di despedida lo tuma lugar diaranson 8 di september, 2021 na Aurora Funeral Homedi 2’or pa 4’or di atardi, cremacion lo tuma lugar den seno familiar.
Pagina 31
Diarazon 8 September 2021
FORTALEZA PA FAMIA “Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”. Salmo: 23 Nos ta anuncia fayecimento di:
Thelma Natividad Giel-Martinus *25-12-1939 - †02-09-2021
Acto di entiero lo wordo anuncia despues.
Pa abona na SOLO DI PUEBLO
Yama 585 9500
of manda nos un e-mail na solodipueblo@gmail.com
en d e t a ur di s t a g e Entr rt’i ca o p o b
Scirbi pa Pastor Marcel Balootje.
MATRIMONIO E PILAR SOCIAL Matrimonio ta un pilar social estableci pa Dios. Matrimonio ta nos pilar social cu mester wordo cuida, pasobra mas homber y muher uni den matrimonio, ta duna e famia stabilidad, y responsabilidad. Y ta haci nos isla socialmente fuerte,y respeta. Nos tin hopi divorcio, nos pilar social a wordo sacudi fuertemente, y door di esaki, nos Crisis Social a aumenta, no ta coronavirus a causa Crisis Social, ni tampoco ningun gobierno, ta nos mes como pueblo a laga e pilar social cu Dios a estableci pa nos cay door di falta di respet pa matrimonio y hende a perde temor di Dios. Placa no por resolve Crisis social , ta hende mester bolbe bek na Dios.(2 Cronicas 7 vers 14+15) Hopi hende ta duda pa casa y hopi ta cla pa divorcia, hopi ta haña yiu soltero y hopi tata cu no ta cria nan yiu. Eleccion ta bini, y eleccion ta bay , pero bo no ta mira ningun politico cu un campaña anti divorcio, y pro bienestar familiar, pa nos por tin un estado social solido, halsando e standard di matrimonio. Den Genesis Capitulo 1 vers 27 ta bisa; Dios a crea hende segun Su mes imagen,segun e imagen di Dios E a crea hende ,homber y muher E a crea nan. Homber y Muher ta igual den balor y dignidad dilanti di Dios, pesey Dios ta odia maltrato y violencia domestico, pasobra Dios a estableci matrimonio den un vincula di bendicion. No pa ningun hende domina otro pero pa nan por biba den amor cu otro.(Mateo 19 vers 4 -6) Pesey un homber lo bandona su tata y su mama y lo uni cu su esposa , y nan dos lo bira un carni. E muher ta coresponde na e homber y e homber ta coresponde na e muher. E muher ta fuerte caminda e homber ta zwak y e homber ta fuerte caminda e muher ta zwak, no tin competencia den matrimonio, tur dos tin mester di otro y tur dos mester cuida otro. Sin machismo y sin envidia. Hopi biaha bo ta tende e palabra e muher mester ta sumiso na e homber of e muher mester somete na e homber. Kico esaki ta nifica?
Awel esaki ta nifica: Cu e muher mester Acepta y Coopera cu su esposo su liderazgo den Señor, pasobra ta Dios ta pone homber como cabes di cas , esaki ta un puesto establece den Señor, pa asina e matrimonio por funciona y tin un bon relacion den tur cos. Pa por tin sumicion tanto e esposa como e esposo mester tin Señor na prome lugar den nan curazon. (Efesios 5 vers 21). Respet ta prome yabi pa un bon matrimonio, si no tin respet no tin nada, hopi ta kere cu ta placa, relacion sexual, cas grandi, bon trabao, muher cu bon curpa, of homber tipo artista , ta esey ta matrimonio, si un persona no ta respeta, sea e ta homber of e ta muher , su matrimonio lo pasa den hopi scual, y por termina malo. Laga nos haci hopi oracion pa tur matrimonio tanto na Aruba y den reino Hulandes y henter mundo. (Hebreos 13 vers 4-5 ).
Pagina 32
Sopi di Letranan
Diarazon 8 September 2021