DIARAZON 30 JUNI 2021

Diarazon 30 Juni 2021

Solo di Pueblo

Ladronicia den Lotto; Patrick Paskel cobrando 175 mil florin den 3 luna Vuelo humanitario number 10 pa hiba Venezolanonan regresa cas Wega U-17 entre R.C.A. y Santa Fe a termina cu pelea unda fanaticonan a subi veld y tira sla, varios polis mester a presenta pa reestablece ordo

Aña 16 - edicion 432

E-mail: solodipueblo@gmail.

Prijs: Afl. 1.75

2

Diarazon 30 Juni 2021

Esaki lo ta e casonan cu lo ser trata den Sala di Corte di Prome Instancia dia 1 y 2 di Juli 2021 Corte di Prome Instancia 1 juli 2021 Horario Sospechoso Acto Castigabel 14.00 R . E . E . A . R .v. P. Pro forma. E. ta wordo acusa di venta y posesion di cocaine den e periodo di prome di januari 2020 te 26 di maart 2021. V.P. ta wordo acusa di venta y posesion di cocaine den e periodo di 26 di maart 2018 te 21 di maart 2021.

Corte di Prome Instancia 2 juli 2021 Horario Sospechoso Acto Castigabel 08.15 E.N.W. Uitspraak 08.30 R.R.A.K.J.O.E.C.A.L.C. K. y C. y C. ta wordo acusa di a viola ley di droga riba 21 di januari 2021. A.C. ta wordo acusa di maltrato su casa cu un cuchio na su braza riba 13 di november 2020.

10.00 W.R.K.X.C.E.P. K . ta wordo acusa di a kibra lock di

un porta na KIA riba 25 di april 2021. K. ta wordo acusa ademas di destruccion den e periodo di 25 y 26 di april 2021. P. ta wordo acusa di ladronicia y kiebro di algun pertenencia riba 12 di

november 2020. E ta wordo alavez acusa di destruccion riba 2 di december 2020.

11.00 E.F.P. P. ta wordo acusa di a viola ley di droga riba 30 di januari 2021.

11.30 J.J.C.H. H. ta wordo acusa di kiebro y ladronicia di propiedadnan di un café y/of un persona riba 20 di april 2021.

TA HUUR DIMAS ta cera pa publico dia 1 juli venidero Departamento di Integracion Maneho y Admision di Stranhero ta participa cu su oficina lo ta cera pa publico diahuebs 1 di juli 2021 en conexion cu un dia di teambuilding y reflexion pa su empleadonan.

Tur servicio pa clientenan y publico en general lo reanuda riba diabierna 2 di juli for di 7.30 or di mainta. Clientenan cu tin afspraak programa pa diahuebs 1 di juli a ricibi un email cu nan afspraak a wordo realoca pa diabierna 2 di juli na e mesun ora.

Gerencia y personal di DIMAS ta gradici tur su clientenan pa e comprencion.

truck pa tur trabao Pa sushi, pa santo Yama Dominico Tromp na cel # 566-6848

Diarazon 30 Juni 2021

Ladronicia den Lotto; Patrick Paskel cobrando 175 mil florin den 3 luna Documentonan nobo cu a sali na superfici’e ta mustra cosnan masha mahos atrobe di Patrick Paskel, cu atrobe ta envolve den mas cobransanan for di fundacionnan di Gobierno. Den e mas reciente documento cu a yega ayera cerca Solo di Pueblo, por mira con Patrick Paskel cu su socio Nelson Andrade, ta cobrando sumanan gigantesco for di placa di deporte, den e caso aki for di Lotto pa Deporte.

Tabata dos siman pasa, cu nos a trece dilanti, con Patrick Paskel ta rancando placa di Arubaanse Voetbol Bond AVB, unda e ta cobrando mas di 6 mil florin pa luna, sin haci net nada! Pues ta enrikese su mes cu placa cu ta concerni Clubnan di Futbol di Aruba.

Den e prueba cu nos tin awe, por mira atrobe, con na un manera sin ningun gevoel, e dos personanan aki, conoci como e doñonnan nobo di AVP, ta sigui ranca placa na un manera sin ningun tipo di berguenza.

Kico nan a haci cu por a costa 175 mil den tres luna? Aki nos por mira cu placa di deporte ta wordo ranca y hinca den saco di Patrick Paskel atrobe sin gevoel, sin berouw.

Patrick Paskel a susha su mannan cu placa di pueblo, unda el’a cobra miles y miles di florin for di tur minister di AVP, for di Elmar, WEB, Utilities, cobra masha hopi placa den RDA y awor ta bin resulta tambe cu e ta cobra den Lotto pa Deporte.

E mes un Patrick Paskel aki, tur merdia ta lastra Endy Croes y Edmond Croes relaciona cu Lotto sin nigun base, pero riba su propio placanan cu e ta cobrando na forma ilegal, y sin traha pe, su boca ta cera, ‘keto keto’.

Ta bira ora cu e gobierno nobo mester bay cuminza un investigacion den Lotto pa Deporte, for di 2010 pa 2021 pa asina scrutina ta cuanto miyon Patrick Paskel a cobra of compinchinan di e Partido AVP.

3

4

Diarazon 30 Juni 2021

Dama ciclista herida den un accidente ariba Watty Vos Boulevard

Watty Vos Boulevard - Diamars mainta pa mas o menos 11:30 polis a bay altura di e rotonde di Ponton cu ta conecta cu Watty Vos Boulevard, unda auto a dal un ciclista.

Pa un of otro motibo e vehiculo a dal un 1 dama ariba bicicleta, lagando e herida.

Segun nos a compronde e dama lo tawata ariba e zebrapad y e chauffeur no a mire.

mesora a bay atende cu e dama y despues a lante pa hibe Hospital.

E caminda mester a wordo cera pa asina polis y paramediconan por atende cu e ciclista.

Na yegada di ambulance e Paramediconan

Por a mira cu e dama danki Dios no tawata seriamente herida.

5

Diarazon 30 Juni 2021

Vuelo humanitario number 10 pa hiba Venezolanonan regresa cas

Guarda nos Costa (GnC) a logra facilita un otro vuelo humanitario pa Venezuela. Awe merdia a sali e di 10 vuelo humanitario for di Aruba pa Venezuela.

Richard Kramers, Director di Guarda nos Costa a confirma cu 87 Venezolano cu tabata deteni of tabatin meldplicht na Guarda nos Costa a sali riba e vuelo ey. Entre nan tin cu djis a keda Aruba

ilegalmente mas largo di locual ta permiti pa ley y tabatin algun cu a expulsa, despues di a sinta castigo pa un crimen cometi riba nos isla. E demas stoelnan den e avion a bay cu 43 Venezolanonan cu boluntariamente kier a regresa nan pais natal bek.

E vuelo aki lo no tabata posibel sin cooperacion di Ministerio di Husticia di Aruba, Consul general

di Venezuela na Aruba, Departamento di Aviacion Civil, DIMAS, Departamento di Relacionnan Exterior,

IASA, Cuerpo Policial Aruba, Departamento di Finansas y Guarda nos Costa. No por keda sin resalta e bon

cooperacion ricibi di LabHOH cu a facilita e testnan di Covid pa tur cu mester a subi e avion pa regresa cas.

6

Diarazon 30 Juni 2021

Chauffeur di Nissan Cube a lepia y no a ripara ambulans pidiendo caminda y nan a accidenta

Diamars mainta a drenta informe di un accidente cu ambulans envolvi banda di Cayena Mall riba Caya G.F. “Betico” Croes, mesora a dirigi un patruya na e sitio.

Na yegada di e patruya a bin compronde cu aki ta trata di un accidente unda ambulans bayendo pabao pa un emergencia tabata pidi caminda y un Nossan Tiida di direccion contrario a hala na e entrada di e parkinlot di Cayena Mall pero su tras tabata tini un Nissan

Cube cu no a ripara esaki ye ambulans a purba kita p’e pero e impacto tabata inevitable.

Tanto e ambulans como e Cube a ricibi basta daño afortunadamente ningun hende a resulta herida.

Na un dado momento e chauffeur di e Cube kier a cana bay supuestamente pa avisa un amigo pero polis a yega net na momento pa gar’e poco mas pariba.

7

Diarazon 30 Juni 2021

Jovencita turista cu a bay cu famia na un UTV tour unda esaki a bolter y esaki a cay riba su man unda te hasta su weso tabata sali afo!

Dialuna mainta a drenta informe di un accidente cu hende herida patras di Kapel Alto Vista poco mas pabao di Boca Cora, mesora a dirigi tanto polis como ambulans na e Kapel ya cu eynan lo a keda di trece e victima.

Sperando riba e victima a drenta informe di cu nan a pasa e caminda bay pariba y lo ta yegando Bushiribana.

E momentonan ey a desvia patruyanan y ambulans pa bay na

e sitio. Na yegada di e patruya a bin haya un jovencita turista di apenas 16 aña cu su man kibra y herida habri cu hasta su weso exponi.

Na yegada di e ambulans nan a tuma e victima over y a atende djey a

transporte pa hospital.

Mientras na yegada di e polis di trafico nan a bay na Kapel atrobe pa wak e UTV y despues a bay na e sitio di suseso pa e investigacion. Locual a sosode ta cu e wiel dilanti

banda drechi a dal na un piedra y a pone cu e UTV a bolter y e rollbar a cay net riba e man di e mucha y a causa e daño. E famia tabata hopi emociona pa locual cu a pasa y tabata blo arepenti di a tuma e trip ey.

8

Diarazon 30 Juni 2021

Graduacion di Christle Nieuw pa Bachelor of Arts den Organization, Governance and Management na Universidad di Aruba

Diamars 29 di juni 2021, Christle Nieuw a bira e di 47 graduado di e programa ‘Organization, Governance and Management’ (OGM) na Universidad di Aruba.

Christle a defende su tesis dilanti di e comision di graduacion cu tabata consisti di sra. Caroline Daal-Hart di Fundacion pa Nos Comunidad, sr.

Luciano Milliard y sra.

Birgit Kreykenbohm di Universidad di Aruba. E presentacion y defensa di e tesis a tuma lugar dilanti di famia, studiante, interesadonan, profesional den e area aki y docente di Universidad den e Aula di Universidad di Aruba.

Christle a haci un investigacion explorativo den un topico hopi relevante pero no mucho studia na Aruba. E titulo

di su tesis ta ‘Two Birds, One Stone: reducing Food Waste while Feeding Aruba’. Christle a explora den e sector turistico y ‘Food and Beverage’ (F&B), si un ‘food sharing app’ ta algo cu por beneficia Aruba y cua rekisito ta necesario pa por introduci un aplicacion asina. El’a compara diferente ‘food sharing app’ cu ta ser uza exitosamente na diferente pais rond di mundo. Tambe el’a studia teoria relevante pa e topico aki y investiga ki idea nobo diferente experto for di e sector di ‘F&B’ na Aruba tin.

Christle a entrevista diferente experto y siña di nan experiencia, reto, factor pa exito den nan tereno y kico nan deseonan ta riba e tereno aki pa Aruba. Christle a scohe e topico aki pa su

tesis pasobra manera e crisis di COVID-19 a demostra, tin falta di cuminda y falta di acceso na cuminda pa hopi hende na Aruba.

Christle su tesis ta hopi relevante y valido pa Aruba, pasobra Aruba su sector turistico y specialmente ‘F&B’ ta grandi den economia y den e mesun sector aki desperdicio di cuminda ta tuma lugar. COVID-19 tambe a pone enfasis riba e importancia di un bon infrastructura y colaboracion entre fundacion manera Fundacion pa Nos Comunidad hunto cu hotel, restaurant y supermercado. Un inovacion manera un ‘food sharing app’ por yuda den e reduccion di desperdicio y contribui na seguridad di cuminda pa pueblo di Aruba.

Universidad di Aruba, particularmente

e departamento di ‘Organization, Governance and Management’, ta felicita Christle cu e logro aki y ta desea tur clase di exito cu e Master na Wageningen Universiteit (Hulanda).

Pa

mas

informacion

tocante e programa OGM, bishita e website di Universidad di Aruba na http://www.ua.aw/OGM, e pagina di Facebook di OGM cual ta @ UniversityofArubaOGM y pagina di Instagram di OGM cual ta @ogm_ua.

Diarazon 30 Juni 2021

9

10

Diarazon 30 Juni 2021

11

Diarazon 30 Juni 2021

Reconteo di voto invalido pidi pa partido AVP, pa motibo cu segun nan falta 53 voto so pa haya un asiento mas : For di Diadomingo anochi por a mira un cantidad di persona presente na Cas di Partido, posiblemente aki ta caminda a cuminsa planea pa bay pidi un reconteo, mirando cu AVP den e ultimo elecion a bay drasticamente atras den voto.

Tur cos ta mustra cu e representantenan di e partido berde no ta satisfecho cu e resultado di elecion y cueste loke cueste kier ta parti di e Gobierno nobo. AVP, un partido di 13 asiento, na 2017 a baha na 9 asiento y awo a baha te na 7 asiento.

Varios calculacionnan a wordo haci y segun e representantenan di partido berde nan falta

solamente 53 voto pa yega na un asiento, cu lo wordo kita for di un di e otro partidonan. Esaki nos no sa for di cua partido e lo por wordo kita. Si esaki yega na sosode sigur no lo cay den

bon tera cerca e partido cu lo perde su asiento y cu tur consecuencianan cu e acto aki lo por trece cu ne. Diaranson Electorale Raad lo bay tuma un desicion encuanto si ta

haci reconteo of No. Di otro banda nos a compronde, pero no por a confirma cu tabata tin acercamento caba entre AVP, Accion21 y MAS,

pero mirando e resultado di e elecion aki e tres partidonan aki nan so no por forma un gobierno nobo, nan lo tin mester di e asientonan di Raiz pa por forma un gobierno.

Ban sigui proteha Siguiendo e flexibilisacion di medidanan pa cu Covid-19, Directie Voogdijraad ta informa pueblo di Aruba lo siguiente: •

lo mantene protocol di hygiena na entrada y den e spreekkamernan;

•

uso di tapaboca na momento cu bo persona tin un cita ta obligatorio.

Si tin cualkier pregunta, por tuma contact cu nos na 582-1262 of por manda un e-mail na directie.voogdijraad@ aruba.gov.aw y nos lo tuma contacto cu bo persona mas pronto cu ta posibel.

Nos lo keda monitor e situacion y lo informa debidamente segun e desaroyonan.

Por ultimo nos ta enfatisa e responsabilidad individual di un y tur pa preveni e contagio di Covid-19.

12

Diarazon 30 Juni 2021

Wega di futbol U17 a caba na bringamento formal den Stadion Guillermo Prospero Trinidad

Dialuna anochi pasa di 9'or polis a cuminsa ricibi un cantidad di yamadanan di un pelea formal den Stadion Guillermo Prospero Trinidad situa na Dakota.

Yamadanan tawata keda un tras di otro, pidiendo pa polis cu urgencia pa e stadion.

Patruyanan tawata yega stadion di tur direccion.

e

Na yegada por a constata cu tawata trata di un wega di futbol entre RCA y Santa Fe. Hobennan den careda di 17 aña.

Ariba un video cu a circula rond algun minuut despues di e pelea por a mira e free for all ariba tereno.

Polis mester a intermedia, y mester a pidi ambulance pa un persona cu a cay fractura su pols.

Pafo cos a bay keto, pero toch por a sinti un poco tension entre e hobennan.

Mayoria di e publico tawata hobennan cu a sali pa bay pasa un rato ameno cu amigo/a nan y ta pasa den un rato menos agradabel.

Segun nos a compronde cu diahuebs proximo ta bay tin un otro wega y esnan cu sa ta premira mesun scenario. Polis mester a warda te ora e multitud a bandona e sitio.

13

Diarazon 30 Juni 2021

Electorado a scohe pa cambio y reformacion © Quito Nicolaas E eleccion 2021 a duna un bista riba e rumbo cu Aruba ke sigui desaroya su mes. Si na 1971 MEP a lanta pa trece un reformacion den e constelacion Antiyano, 50 aña despues den historia un cambio no a ripiti su mes. A pesar cu a base di e demografia di e pais ta tin tur ingrediente pa e partidonan cu ta boga pa un cambio y reformacion, obtene mas asiento den parlamento.

Esaki ta trece cu ne cu e cultura di pueblo ta asina ancra den e cultura politica, cu un intervencion parlamentario no ta resulta den un cambio di un proyecto of maneho di gobierno.

Na 1983 tabata e ultimo eleccion cu nos a conoce e fenomeno di un partido mayoritario, pa despues entrante 1986 drenta den e era di un gobierno di coalicion.

E resultado di 25 juni ta indica cu mester bin un gobierno di coalicion di tres partido. Di e 12 partidonan cu a participa na eleccion 2021, solamente 5 a cualifica pa drenta parlamento y ta nifica cu nos sistema politico no tin espacio pa 12 organisacion politico. Apesar cu durante e campaña Accion 21 tabata haci referencia na p.e. e modelo fiscal-economico di Singapore, aki aya no a scucha e otro partidonan inclui nan vision pa cu Union Europeo/ Hulanda den nan argumento.

Y di e manera aki poniendo nan ponencia den un contexto mas amplio. Si despues di binimento di e ‘Acuerdo di Schengen’ na 1995 por a ripara cu den parlamento di Aruba brevemente tabata señala e desaroyonan na Hulanda; parlamentarionan mester sigui inclui un contexto regional of di Reino como angulo den nan debate.

Debatenan E debatenan riba e diferente plataformanan tabata hopi informativo y profundo. Asina

e maneho di cultura a figura pa prome biaha riba e agenda politico, den cual a combersa cu diferente candidatonan politico.

Lamentablemente cu ora ta referi na e ‘industria creativo’ ta uza un definicion limitativo di cultura y ta exclui literatura y papiamento cualnan ta fundeshi di e identidad di un pueblo. Un pregunta cu a haci falta durante e talk-shows den cuadra di modernizacion di gobernacion ta: con por aumenta e nivel di debatenan den parlamento? Te ainda e debatenan conoce un miro pa paden y ta mescos cu un pleito entre bisiña den cual esun ta zundra e otro. Cu otro palabra falta cierto profundidad, contexto y alternativanan coherente na un vision pa futuro.

Un parlamentario su tarea ta pa analisa su documento, conduci propio investigacion, verifica si tin leynan aplicabel of ta haci falta y haci preguntanan al caso. Ademas e mester por entrega cu asistencia di WJZ - durante e 4 añanan - por lo menos cuater concepto di ley pa keda aproba den parlamento pa coregi, amplia of reforma e

maneho di un ministro.

Reformacion Cu binimento di Status Aparte a spera cu den e periodo di preparacion lo a bin un reformacion of adaptacion di e.o. nos enseñanza cu enfoke riba cultura, literatura y papiamento.

E tempo ei a opta pa e.o. bin cu un Plan Nacional di Desaroyo, omitiendo pa adapta nos codigo civil cu añanan despues a keda implementa. Pues a drenta den un relacion nobo den Reino cu leynan anticua, un modelo di enseñanza no-productivo y un economia y mercado laboral no-regula. Ta di admira cu den e partidonan grandi tin voznan interno ta resona cu cada decada mester bin cambio y reformacion di e.o. enseñanza.

Ta bay cu ta maneha Pais Aruba na un forma mas eficiente y eficaz. Mester por crea un economia cu ta cubri parti di e gastonan, sin cu ta cay den un deficit riba presupuesto.

Conclusion Cu

e

proximo

gobierno

mester bin cu reformacion riba tereno economico, fiscal, administracion publico y enseñanza ta inevitabel. Pa esaki ta rekeri un agenda di ehecucion, den cual a base di un calendario defini ta realisa e proyectonan.

E tempo di traha rapport pa actualisa e conocemento di un hefe of contribui na deliberacionan sin por tuma decision, mester pertenece na pasado. Si tuma na consideracion cu 33.4% di e votadornan no a vota pa un di e partidonan grandi, por deduci cu tin un movimento di reformacion ta lantando cabes.

Ta di spera cu den nos democracia e partidonan cu no a saca un asiento, sigui profila y vigila e trabounan di gobierno y parlamento. Sino Hulanda lo impone reformacionnan irealistico y despues cu CoHo keda efectua, por spera mas sorpresa cual solamente atraves di un posicion fuerte di gobierno y un dialogo por yega na un consenso.

14

Diarazon 30 Juni 2021

Na Boegoeroei polis a detene un chauffeur burachi cu a dal riba transhi perde control dal un mata di kwihi y bolter. E tabata mas bebi cu herida!

Dialuna anochi a drenta informe di cu un auto lo a bolter na Boegoeroei, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Nissan Sentra a baha e caminda smal dal contra transhi perde control dal

riba un mata di kwihi y bolter. E chauffeur mes tabata pafor di e auto polis a bis’e keda trankil en espera di ambulans.

Na yegada di e ambulans nan a nota cu e ta mas bebi cu herida. No a keda nada otro cu polis detene pa core auto burachi y ocasiona accidente.

15

Diarazon 30 Juni 2021

Wega U-17 entre R.C.A. y Santa Fe a termina cu pelea unda fanaticonan a subi veld y tira sla, varios polis mester a presenta pa re-establece ordo

Dialuna anochi a tuma lugar e partido di U-17 entre R.C.A. cu Santa Fe te cu halftime e partido a cana masha bunita unda ainda e score tabata 0-0. Despues na e di 2 mitar na 65 minuut R.C.A. ta anota e prome gol. Despues na e di 70 minuut R.C.A. ta anota otro gol y aki e bomboshi a start ora cu e hungadornan di R.C.A. a cuminza core rond mientras un hungador di defensa di Santa Fe y un volante di R.C.A. a cuminsa tira palabra pa otro net dilanti e gol.

E volante di R.C.A. aña pasa tabata hunga pa Santa Fe y ela bin bek pa R.C.A. E tiramento di palabra a sigui te na tiramento di golpi tambe y aki a start un free for all unda

fanaticonan den tribuna a subi veld y tambe a start tira konopi. Durante e wega mes no tabata tin presencia policial pero e momentonan ey a manda diferente patruya pa bay na e stadion G.P. Trinidad pa asina reestablece ordo.

Awor faltando apenas algun minuut e wega a keda posponi y lo mester bay warda e rapport di e match comisioner y rapport di e referee pa dicidi si ta duna R.C.A. e trofeo of cu lo mester hunga e wega full di nobo sin presencia di fanaticada. Durante e bomboshi aki un persona a fractura su pols y a solicita presencia di ambulans na e sitio. Na yegada di e ambulans nan a atende e victima y a transporte pa hospital

16

Diarazon 30 Juni 2021

RESPET PA NOS BANDERA

RESPETABLE PARLAMENTONAN di ARUBA, CURAÇAO y SINT MAARTEN , POR FABOR , BOSO ATENCION y/o ACCION URGENTE pa e ASUNTO IMPORTANTE AKI .

Ki un MENOS PRECIO TOTAL y HUMIYACION PROFUNDO pa nos bandera NACIONAL cu NO por haya un lugar den Sala di Parlamento HULANDES !!! !!! Ban wak awor ; KICO NOS PARLAMENTO NOBO TA BAY HACI ???

Bandera di HULANDA TAMPOCO POR tin un lugar den PARLAMENTO di ARUBA !!! Of BANDERA di ARUBA segun SECUENCIA Alfabetico ; lo colga como promer BANDERA , di DOS ta di HULANDA , di TRES ta di CORSOU y di cuatro SINT MAARTEN !!! Nos como MEP ARUBA a demonstra esey semper desde FUNDACION di MEP !!! NOS TA “IGUAL” den REINO y ta na nos ARUBA pa demonstra esaki !!!

REINO TA CONSISTÍ di 4 PAIS y IGUAL !!! PUNTO .

Ohala promer cu nos bay di e MUNDO aki ; “PARTI GRANDI DI NOS REALIDAD” , KEDA ehecuta !!! BASTA CU DESIGUALDAD DEN REINO .

NOS NO KIER TENDE DI RIDICULEZNAN di ‘GESCHILLENREGELING’ , SI ESAKI NO KEDA COREGI PROMER C.c. Territorio insular di Boneiro , Saba y Statia . VICE PRESIDENTE COPPPAL , RUDY CROES .

Pagina 17

Diarazon 30 Juni 2021

Examen Landamento Escolar

Landamento Escolar ta un programa di Departamento di Enseñansa Aruba (DEA) den cual muchanan di scol ta haya instruccion di landamento durante orario di scol. E programa, cu ta financia door di Gobierno di Aruba, ta existi ya pa 28 aña.

Actualmente ta duna e lesnan di landamento escolar na alumnonan di klas 3 di Scol Basico y Special na Aruba.

Desde 28 di juni te cu 2 di juli 2021 e muchanan cu ta cla pa esaki ta haciendo nan examen di Landamento Escolar.

Un di e exigencia di examen pa diploma A y B di Arubaanse Zwem Bond ta: landa cu paña. Esaki kiermen cu riba nan ‘zwempak/ broek’ mester bisti: T-shirt, short y keds. Nos ta pidi cooperacion pa usa paña cu no ta hopi pisa, por ehempel no bisti jeans. E sapato cu ta usa mester ta cera. No ta permiti sandalia ni tampoco ‘sapato di lama’.

E examen ta tuma luga na Piscina Olimpico Roly Bisslik na Savaneta y ta bou auspicio di Consul y Examinator di Arubaanse Zwem Bond.

Mayornan ta bonbini Mayornan ta bonbini pa presencia examen. Pa medio di esaki nos ta invita tur mayor pa bin apoya nan yiu riba dia di nan examen.

Check cu scol pa e dia y ora cu bo yiu tin examen. Por haya e infor-

macion aki tambe riba website www.ea.aw.

Exito na tur mucha cu ta bay pasa nan examen.

Mas informacion Pa mas informacion relaciona cu

Landamento Escolar por acudi na nos website www.ea.aw, y busca Landamento Escolar den e alfabet menu riba nos pagina principal.

Tambe por sigui Departamento

di Enseñansa Aruba via su social media pages Facebook y Instagram @educationaruba pa keda up to date cu tur informacion oficial.

LA PODEROSA Salma Chisoy Es hora de cambiar su vida y lograr lo que siempre a deseado, Amor, Salud y éxito.

No espere más y llama ya o escríbeme por whatsapp 7411517 para una consulta personalizada completamente GRATIS por teléfono, le dire su pasado su presente y su futuro, aleje las malas energías y termine con tanto sufrimiento.

Llámame 7411517

Pagina 18

Diarazon 30 Juni 2021

Minister Xiomara Maduro ta informa cu prijs di Pan Plus NO ta wordo regula door di Gobierno

Oranjestad – Recientemente Minister di Finansa, Asuntonan Economico

y Cultura a tuma nota di un comunicado tocante subida di prijs di Pan Plus

di un panaderia door cu nan gastonan a subi. E mandatario ta clarifica cu prijs di Pan Plus NO ta wordo regula pa Gobierno.

Na aña 2011 na momento cu e Gobierno di e tempo ey kier a regula prijs di pan, e panaderonan a dicidi di produci Pan Plus.

Esaki ta Pan Blanco cu un extra ingrediente pa asina evita di cay den e parti di regulacion, ya cu ta unicamente e prijs di pan blanco ta wordo regula. Pa regula prijs di Pan Plus y tambe pan bruin lo mester revisa e ‘Warenwet’ cu ta stipula, entre otro, e ingredientenan pa produccion di Pan Blanco. Pa e cambio aki bira posibel Gobierno

mester haya cooperacion di e panaderianan.

‘Free market’ E mandatario ta sigui informa cu Departamento di Asuntonan Economico (DEZHI) ta regula prijsnan di e productonan cu ta den e Canasta Basico, pan, webo y e productonan di higiena pa cu COVID19. Minister Xiomara Maduro ta sigui splica cu nos sistema di economia ta basa riba ‘free market’, esey ta nifica cu mercado ta liber pa competencia y e comerciante tin libertad pa stipula prijs pa su productonan. E consumidor na su banda tin e poder di compra, ya cu e por dicidi

unda e ta bai cumpra, si e ta scoge pa e prijs di mas barata, miho calidad.. etc.

Informacion disponibel Pa mas informacion tocante e prijs di e productonan cu ta wordo regula pa Gobierno y productonan den Canasta Basico, por download e APP ‘Control di Prijs’. Riba e app aki e consumidor tambe por manda un keho, si ripara cu e supermercado ta cobra un prijs mas halto pa un producto cu Gobierno ta regula prijs. Por haya informacion tambe riba e pagina di Facebook di Departamento di Asuntonan Economico y riba website www.deaci.aw.

12 NOMBERNAN ZODIAC DI DIABEL DEN HOROSCOPO Pakiko tin hendenan ta lesa horoscoponan?

Pasobra tin hendenan incredulo y inconciente kier sa nan deseo, di sa riba nan futuro, suerte, kiko ta bay pasa y destino etc..

Astrologia ta un creencia bieuw, cu hende nan destino y suerte ta wordo determina pa medio di streanan y planetanan etc.. Horoscopo ta trata di entrepreta destino y a wordo introduci den mundo pa medio di diferente pueblonan pagano y creencianan satanico. Profeta Isaias ta papia cu e Rey di Babilonia, den Bijbel Isaias 47: 13 – 14: “Bo ta cansa bo curpa consultando astrologonan. Wel, laganan presenta awor y bin salba bo, na esnan cu ta describi cielonan y ta observa e streanan y ta predici cada luna loke ta bay sosode. Nan tur lo ta manera yerba seko cu lo kima den candela y ningun di nan lo no salba di e poder di e candelanan.”

Den e palabra aki, Dios Tata ta condena den fierno tur e astrologonan cu ta predici futuro den horoscoponan y na tur esnan cu ta lesa horoscoponan. Pasobra tur esakinan ta un ofensa den Dios Su ensenjansanan. Den Bijbel ta bisa, cu ta Dios so tin e poder pa crea bo bida y e plan pa revela bo futuro y destino. Den Bijbel ta bisa, pa nos pone nos bista riba Cristo-Hesus y kere den Dios so. Ta Dios so tin e caminda di nos bida. Consulta den horoscoponan, ta un violacion contra Dios Su comunicacion cu Su yiunan. Astrologia ta bini di practicanan supersticion, mistica y tambe horoscopo ta bini di raisnan di ocultismo. Den Bijbel Samuel 15 : 23 : “Rebeldia contra Dios, ta mes malo cu mira destino. Terkedad ta mes malo cu adoracion di Diosnan falso.” E raisnan di astrologia ta bini di e antiguo paganismo di

Babylonia, na unda nan ta adora e planetanan manera diosnan. Astrologia ta un berdad, cu ta bini di origennan di esnan cu ta traha pa e ocultismo satanico.

Den Bijbel Efesionan 5 : 11 : “No participa na e actonan inutil di hendenan cu ta biba den scuridad, pero expone nan actonan.”

Mayoria di e astrologonan, nan tambe ta involvi den e practicanan di New Age Ocult.

Consulta cu un astrologo riba horoscopo, ta algo cu bo ta ricibi spiritual di e diabel. Hopi siglonan pasa den tempo di Babylonia, nan tabata adora diferente diosnan falso. Nan tabata tin 12 astrology zodiac symbol, cu ta nombernan di 12 diabelnan den fierno. E sumerian astrology tablet ta data di 2300 B.C. Nombernan di antes: Nombernan cambia: Gu.an.na Taurus Mash.tab.ba Gemini Dub Cancer Ur.gula Leo Ab.sin Virgo Zi.ba.an.na Libra Gir.tab Scorpio Pa.bill Sagittarius Suhur.mash Capricorn Gu Aquarius Sim.mah Pisces Ku.mal Aries

Horoscopo por ser mira algo inofensivo, pero den actualidad e ta un triki di satanas, cu ta pone tur cos den un manera, cu actualmente poco poco e ta kita bo di Dios y di Dios Su ensenjansanan.

Den Bijbel Deuteronomio 18 : 10 – 12 : “Cu no tin meimei di bo cu ta ofrece su yiu homber of su yiu muher pa sacrificio di candela, cu no tin adivinonan, ningun hende cu ta consulta na e astronan, ni bruheria, cu no haya ningun hende cu ta practica medium of cu ta consulta na e spiritonan, cu no haya ningun hende cu ta consulta na e mortonan. Pasobra Dios Yahve ta condena na esnan cu ta haci e abominacionnan aki y pa medio di esaki, Dios ta expulsa nan for di dj'E.” Den Bijbel Levitico 20 : 27: “Si un homber of un muher ta un medium of un adivino, nan mester muri. Nan lo wordo piedra y nan sanger lo cay riba nan.” Awor, “Who like to play devils advocate?” Ken kier hunga pa abogado di diabelnan?

Pagina 19

Diarazon 30 Juni 2021

MAYORNAN POR INSCRIBI NAN YIUNAN DIARANSON AWO NA FILOMENA COLLEGE MAVO

Abona na

A BO NO MESTER SALI DI CAS Yama 585-9500 of e-mail nos na solodipueblo@gmail.com Tur marduga nos ta entrege den bo porta di cas!

Noticia cayente, ta aki bo ta haye!

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Tur mayor cu no a logra inscribi nan yiunan na Filomena College MAVO, por haci esaki diaranson awo 30 di juni 2021 na scol.

E orario ta entre 8’or di mainta y 12’or di merdia. Ta corda mayornan pa trece

e formulario di 5 florin, un pasfoto, e documento cu e firma den e envelop ricibi y prueba di pago of areglo di pago di schoolgeld. Pa mas informacion por tuma contacto cu Filomena College MAVO na 5845156.

Pagina 20

Diarazon 30 Juni 2021

Diarazon 30 Juni 2021

Pagina 21

Pagina 22

Diarazon 30 Juni 2021

Diarazon 30 Juni 2021

Pagina 23

Pagina 24

Diarazon 30 Juni 2021

Pagina 25

Diarazon 30 Juni 2021 PRONOSTICO DI TEMPO VALIDO TE DIARANSON 30 DI JUNI 2021, 18:00 ORA. ELABORA DIAMARS 29 DI JUNI 2021 17:00 (21:00 UTC) TEMPO: AWE ANOCHI: PARCIALMENTE NUBLA Y GENERALMENTE SECO DEN MARDUGA I MAYAN: PARCIALMENTE NUBLA CU UN AWACERO PASAJERO TEMPERATURA MAXIMO 33 GRADO CELSIUS TEMPERATURA MINIMO 27 GRADO CELSIUS BAHADA DI SOLO : 7:09 PM SUBIDA DI SOLO : 6:18 AM. BIENTO: MODERA TE BASTA FUERTE FOR DI DIRECCION GENERALMENTE OOST; FORSA 4 TE 5 (20 TE 39 KM/ORA, 11 TE 21 NUDO).

DEN DIA FUERTE TE DURO DEN RAFAGA; FORSA 6 TE 7 (40 TE 61 KM/ORA, 22 TE 33 NUDO) SITUACION GENERAL DI TEMPO PA PROXIMO 24 ORA: DURANTE PROXIMO 24 ORA LO NO BAI TIN CAMBIANAN GRANDI DEN E TIPO DI WEER CU TIN ACTUALMENTE. DEN ORANAN DI MARDUGA I MAINTA TEMPORALMENTE MAS NUBIA LO PASA RIBA REGION LOCAL CU UN AWACERO BREVE. MAS ALEU, STOF FINI DI SAHARA LO STROBA VISIBILIDAD UN POCO DURANTE PROXIMO DIANAN. UN PROXIMO OLA TROPICAL LO JEGA PARTI OOST DI CARIBE, LAAT MAYAN DIARANSON. CONDICIONAN MARITIMO/ ESTADO DI LAMA: UN ESTADO DI LAMA LEVE TE MODERA NA PARTINAN PROTEJE, Y MODERA NA PARTINAN ZUID TA WORDO SPERA DEN PROXIMO 24 ORA. RIBA SECTORNAN OOST TE NOORDWEST LAMA LO TA GENERALMENTE MODERA; OLANAN LO TA FOR DI OOST ENTRE 5 PA 7 PIA. AVISO/ ALERTA: TA SUGERI OCUPANTENAN DI BOTO CHIKITO PA BAI CU CAUTELA NA PARTINAN OOST TE NOORDWEST Y RIBA LAMA HABRI. FENOMENONAN SPECIAL: NINGUN TEMPO TROPICAL SIGNIFICANTE: NINGUN POTENCIAL DI AWACERO PA PROXIMO 24 ORA: 1 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 32 / MIN 27 / 0.0 MM WESTPUNT: MAX 33 / MIN 27 / 0.1 MM STA ROSA: MAX 33 / MIN 27 / 0.2 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO BREVE. BIENTO LO TA FOR DI DIRECCION OOST I MODERA TE BASTA FUERTE; FUERTE TE POSIBLEMENTE DURO DEN RAFAGA; TEMPERATURA (GRADO CELSIUS) MAX / MIN LO TA: 33 / 28

obituario Publica serka nos anuncio di fayecimento di bo ser keri.

Nos tin 2 pakete pa ofrece Pakete 1: Anuncio di fayecimento te dia cu e defunto

ser dera Gradicimento y invitashon pa misa pa 3 dia AFl 250,00 Pakete 2: Anuncio di fayecimento te dia cu e defunto ser dera Gradicimento y invitashon pa misa pa 3 dia Na Canal 22 1x prome cu Noticiero 22 Afl 400,00 Pa mas informashon por tuma contacto cu oficina na 585-9500 of na 741-4554 puntra pa Jamila Henriquez

Pagina 26

Lotto Merdia JUNI 29

Diarazon 30 Juni 2021

Lotto Anochi Lotto Anochi

JUNI 28

JUNI 28

Ta Huur

Un appartament na Paradera 1 camber pa 1 pareja of 1 persona so.

Yama 562-3517 yama despues di 10or

Diarazon 30 Juni 2021

Pagina 27

Pagina 28

Diarazon 30 Juni 2021

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn

Ambulance San Nicolas Ambulance Sasaki Ambulance Wayaca

584-5050 582-5573 582-1234

Horacio Oduber Hospital Centro Medico San Nic. SVB AO Ziekmelding

527-4000 524-8833 527-2782

Servicio nan

911 100 102 104 105 107 11141

Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Kiningin Wilhelmina Fonds Fundacion pa nos mucha nan

582-2219 583-2999 582-4433 587-1677 583-5400 131 588-3131 587-0002 588-9999 582-0412 583-4247

Oracion di dia Un dia fructifero carga cu gracia y paz di Señor. …..” ken e hendenan ta bisa e Yiu di hende ta?…..” (Mt 16, 13)

Botica na Warda

Juni 30, 2021 P’abou di brug: Botica Eagle P’ariba di brug: Botica 4 Centro Medico

Un pregunta cu pa Cristo Hesus ta hopi importante. Si un hende no sa precies ken ta e Yiu di Dios, con anto e por sigui Su pasonan? Con e por obedece Su leynan? Of con e por siña di Su palabranan si e no sa ken E ta? Por ilustre cu un ehempel simpel. Como un maestro di school, bo tey pa educa mucha. Pero si mayor of e mucha mes no reconoce ken bo ta y pakico bo tey, lo ta dificil pa cumpli cu bo tarea. Tin un poster cu a hala mi antencion, cu tin mas cu 50 diferente nomber pa Cristo Hesus. Na final e ta keda Cristo Hesus. Hesus kier yuda nos, pero prome E mester sa si anos ta comprende cu E ta esun cu a bin pa salba nos. Sabiendo ken E ta, kiermen tambe cu nos tin confiansa y fe den dj’E. Y haciendo esey, nos lo ricibi loke E tin pa nos. ….esnan cu respet’E nan no tin falta di nada…(Sal 34, 9) Oracion: Cristo Hesus, yuda mi pa nunca mi lubida ken Bo ta. Pa semper mi por yama Bo na Bo nomber. Y pa semper ricibi Bo proteccion.

Amen.

Pagina 29

Diarazon 30 Juni 2021

Pagina 30

Diarazon 30 Juni 2021

RECONOCE UN YIU NO TA NIFICA CU E TATA TA HAYA OUDERLIJK GEZAG Den un scenario cu no tin un deseo mutuo pa comparti gezag di yiu of yiunan di parti e mama, ta existi e posibilidad ainda cu e tata por entama un caso pa exigi autoridad paternal. Basa riba art. 1:253c BWA tata cu nunca tawatin ouderlijk gezag di su yiu of yiunan por hasi un peticion na hues pa por haya esaki. Mayoria di biaha e gezag aki lo por wordo otorga na e tata. Pero logicamente tin un excepcion. E gezag lo por wordo nenga den caso cu e no ta na bienestar di e mucha pa ambos mayor tin e autoridad riba dje. Un ehempel por ta si tin friccion pisa of comunicacion ta hopi deteriora entre e mayornan di e mucha.

Tienda di Ley kier enfatisa cu a trata mas tanto posibel na splica

Oranjestad, ARUBA. Reconoce un yiu y tin e autoridad como mayor (ouderlijk gezag) di e yiu ta dos aspecto huridico diferente. Den e comunicado aki nos lo splica comunidad cu ora un tata reconoce un yiu , esaki no ta nifica cu automaticamente e lo tin autoridad paternal (ouderlijk gezag) como tata. Na prome lugar ta importante pa subraya cu un tata por reconoce su yiu si e mama permiti e y si cumpli cu e condicionnan prescribi den art 1:204 BWA. Segun art 1:203 inciso 1 BWA, e mucha ta wordo reconoci door di un acta di nacimento compila door di e ambtenaar di burgerlijke stand. Na Aruba e reconocimento tin validez desde e momento cu e akta wordo traha. Na otro paisnan rond di mundo esaki por diferencia. Por ehempel e validez di reconocemento lo por tin efecto retroactivo desde e nacimento di e mucha. Loke nos kier pone enfasis riba dje ta cu reconocimento di un yiu no ta nifica cu automaticamente bo lo tin autoridad como mayor.

Den e scenario cu e tata ta casa cu e mama na momento di nacimento di e yiu, esaki lo nifica cu ambos tin ouderlijk gezag.

Den caso di un divorcio, segun nos leynan actual ambos mayor lo mester ta di acuerdo cu continuacion di e gezag. Esaki den principio ta wordo considera conflictivo cu art. 6 jo. 8 di Trat-

ado Europeo di Derechonan Humano. Segun corte di casacion e tata tin derecho di haya gezag sin cu e ta depende di e consentimento di e mama y sin cu e peticion lo mester sosode hunto.

Loke ta esencial akinan ta, cu e ta na bienestar di e mucha pa e gezag continua despues di divorcio. Solamente den casonan di excepcion, por ehempel si acaso e comunicacion entre e mayornan ta deficiente cu efecto negativo pa e mucha, e ‘gezamenlijk gezag’ lo por wordo nenga. Den e version nobo di nos Codigo Civil si ta tene cuenta cu esaki y e gezag lo continua automaticamente despues di divorcio.

Awor e pregunta ta, con e ta posibel pa tatanan cu no ta casa cu e mama di nan yiu logra haya autoridad paternal? Den principio e ta posibel via dos manera.

E prome manera ta segun art.

1:252 inciso 1 di nos Codigo Civil.

Via corte bo por pidi e formulario pa gezamenlijk gezag. E esencia di e procedura aki ta cu ambos mayor basa riba un punto di bista mutuo ta dicidi pa comparti e gezag di nan yiu of yiunan.

Ambos mayor lo mester yena e formulario y colecta tur e documentonan cu ta wordo pidi door di corte. Unabes cu tur cos ta den ordo e verklaring di gezamenlijk gezag lo wordo otorga y esaki na su turno lo wordo inscribi den registro publico conforme art. 1: 244 BWA.

e terminologianan aki den Papiamento pero no tur biaha tin palabranan huridico exacto cu por wordo uza. Ta spera cu por a informa e lector un poco tocante e topico aki. Si bo persona tin pregunta of ta desea asistencia huridico por tuma contacto cu nos via nos facebook page of nos email: plataformahobennanprofesional@gmail.com.

Scirbi pa studiantenan di ley: Gerick Croes LL.B. , BEc Minorca Martis LL.B.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 31

Diarazon 30 Juni 2021

FORTALEZA PA FAMIA. Scirbi pa Pastor Marcel Balootje.

PORNOGRAFIA, PELIGER GRANDI PA MATRIMONIO Y FAMIA Relacion sexual ta algo cu a wordo institui pa Dios mes, kiermen e deseo sexual den bida di hende ta Dios a pone, pa asina homber y muher lo uni den Matrimonio y por multiplica y asina mundo por wordo yena cu hende, esey a wordu estableci den Genesis Capitulo 1 vers 28. Ta solamente un pareha di homber y muher por multiplica, esey ta existi tanto den mundo humano, como mundo animal.

Pero segun tempo a pasa, nos ta mira cu for di den Genesis Capitulo 6 maldad a aumenta na gran manera, y segun mundo ta sigi bay dilanti nos a yega ma e Famoso Sex y awor mundo a wordo contamina for di basta tempo caba cu pornografia.

Antes buki di pornografico tabata wordo pone halto riba reki den libreria for di alcance di mucha, pero awor e a bira un free for all.

Y ta bon pa tur mayor tene cuenta cu esaki, pasobra awor pornografia ta na alcanse di tur mucha via di telefon of internet y television.

E nivel a baha asina abao te nos

a yega na pornografia di mucha (child pornography) cual ta algo hopi bergonsoso y ta baha nivel di nos moralidad den Famia.

Pornografia a destrui hopi matrimonio, pasobra hopi hende a bira adicto sin nan sa y ora na cas no ta suficiente nan ta sali busca ayudo pafo di matrimonio, esaki ta conta tanto pa homber y muher.

E momento cu pornografia drenta bo matrimonio , e enemigo tambe a drenta, claro ora ta algo cu abo y bo casa ta bay di acuerdo, bo por bisa cu ningun hende mester entremete, pero tin uno scondi cu ta haci esaki pa kibra boso matrimonio.

Tin hopi hende cu placa ta victima di adiccion na pornografia,y ta keda te laat anochi dilanti di computer pa asina por satisface nan adiccion cu yamada pornografico cual ta costa hopi placa pa minuut, y ta caba cu nan financieramente.

Pasobra asina pornografia drenta bo matimonio adulterio tambe a drenta, pasobra ya bo relacion no

ta entre abo y bo esposo(a) solamente pero tin mas hende meti den dje.

Y aki nan tentacion ta cuminsa crece, y pica ta wordo cometi, y boso ta bin perde berguensa y cuminsa expresa deseo na tercera persona.

Esaki no ta un yoke pero e ta un gran berdad di cual hopi hende no kier papia di dje, pa nan no reconoce cu e kiebro di nan matrimonio ta pa motibo di pornografia, y su consequencia.

Como mayor bo mester lanta bo yiu den e amor y disiplina di Señor pero tambe bo mester papia cune tocante esaki, pasobra si abo no papia , amigo of amiga y internet lo siñe pasobra e libertinahe cu tin riba internet ta na alcance di tur hoben, cu kier mete nan mes cu pornografia.

Ta solamente bo guia como mayor por Evita cu bo yiu por cay den e trampa ey. Hoben tene cuenta cu e pose riba facebook y con bo ta bisti, y tambe bo bodylanguage.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 32

Sopi di Letranan

Diarazon 30 Juni 2021