Issuu

covid-19

50 caso nobo / 8 recupera Diarazon 30 December 2020

Solo di Pueblo

Aña 16 - edicion 290

MEDIDANAN NOBO ENTRANTE DIARANSON 30 DI DECEMBER TE CU DIADOMINGO 3 DI JANUARI

Minister Andin Bikker: ta evaluando un proyecto piloto pa introduci ‘Tasers’ pa Cuerpo Policial di Aruba

E-mail: solodipueblo@gmail.com

Prijs: Afl. 1.75

Prome Minister Evelyn Wever-Croes:

MEDIDANAN NOBO TA PA EVITA CU MESTER TUMA MEDIDANAN MAS DRASTICO DESPUES

Nos mester cuida nos capacidad di cuido, salud publico y economia di nos Pais

Minister Andin Bikker hunto cu Procurador General y Alto Comisario a reuni cu Asociacion Arubiano di Prensa (ASAP) Lo duna reporteronan acceso na comunicacion di polis

Resumen di casonan di covid-19 na Aruba pa diamars.

50 caso nobo / 8 recupera

Segun resumen di diamars, 8 persona a recupera, a registra un total di 50 caso nobo di Covid-19, di cual 46 ta residente y 4 no-residente, cantidad total di testnan ehecuta ayera ta 810 'positivity rate' local riba dia di ayera ta 31%). Activo tin awe 206 caso, cantidad di fayecido relaciona cu Covid-19 ta keda igual, 49. Hospital ta informa cu tin un total di 6 persona interna di cual 2 ta den Cuido Intensivo y 4 isola riba piso general. Cu aumento di casonan pa dia, awe Crisis Team a anuncia e medidanan cu lo ta na vigor pa e proximo dianan. E medidanan aki ta nesesario pa yuda reduci contagio y baha e cantidad di casonan. Crisis Team ta monitor continuamente desaroyo di e virus y comportacion di nos comunidad y pa cual motibo ta premira cu si no actua awo pa frena e posibilidad di contagio, Aruba lo habri aĂąa 2021 cu un '3th wave' loke lo costa nos no solamente nos economia pero lo mas doloroso cu ta bida di mas cuidadano.

Diarazon 30 December 2020

Toque de Queda ta un di nan:

Gobierno a bin cu cuater medida nobo pa proteccion di nos pais Rond mundo, e dianan di fiesta ta wordo considera como dianan di alto riesgo. Pa motibo cu nan ta aumenta e riesgo dimas pa plamamento di e virus. Mirando cu nos ta casi drentando e mesun situacion cu tabata na augustus, esaki tin gobierno preocupa y no kier p esaki bolbe pasa. Esaki por bira un menasa pa nos capacidad di cuido, pasobra por ta si haya hopi caso, no por atende tur hende cu e mesun atencion. E ta bira un menasa pa salud publico di nos pais y e ta bira un menasa pa economia di nos pais. Expertonan a conseha gobierno cu pa evita e scenario dramatico aki di bira realidad, tin cu tuma medidanan awo y no despues. E cuater medidanan tuma, lo drenta na vigor awe, diaranson, 30 di december y lo ta valido te cu diadomingo, dia 3 di januari. Pa loke ta trata comercio, e orario di ciere lo cambia. E lo bira 10'or di anochi pa tur establecimento, cu excepcion di hotel. Pa loke ta animacion musical, mester bisa cu esaki ta solamente posibel den establecimentonan. Por ehempel restaurant y esaki naturalmente conforme reglanan di protocol y sin bailamento. Kier a enfatisa cu den e caso aki, e musiconan, e restaurant, nan ta responsabel cu tur hende ta atene na e reglanan. Musica p'afo of otro cu den establecimentonan aki, no ta wordo permiti. E di tres tin di haber cu comercio tin e tradicion di tira pagara. Ta permiti pa tira pagara tambe door di comercio. Pero esaki por te maximo 3'or di atardi di dia 31 di december. Despues di 3'or di atardi, riba e utimo dia di aña no ta posibel pa comercio tira pagara mas y esaki ta pa evita aglomeracion. E problema not a e pagara. E problema ta e paranda cu ta nos

tradicion rond di un pagara. Esey no por permiti tuma luga e aña aki. Na cas si lo por tira pagara te despues di tiro, pasobra e no ta mesun riesgo di aglomeracion. E di cuater talbes esun principal y esaki ta conta pa Aruba en general, ta cu a introduci un Toque de Queda. Entrante diaranson, 30 di december, te cu diadomingo 3 di januari, un Toque de Queda di 11'or di anochi te cu 5'or di mainta. E unico excepcion ta dia di tiro, pues e anochi di 31 di december pa 1 di januari, e dia aki e Toque de Queda ta cuminsa 2'or di marduga, asina permitiendo un y tur pa toch por pasa tiro sea na famia, sea tirando e pagara riba caya y despues di 2'or di marduga, e Toque de Queda ta drenta na vigor e ora. Kier e remarca cu e orario di ciere dia 31 di december ta keda e orario di 10'or di anochi. Esaki ta e cuater medidanan cu gobierno a haya ta tuma awor aki pa frena e desaroyo cu Aruba ta aden. Ta un cos cu hunto a dicidi, ta cu no kier mira un otro ola aki na Aruba, sin cu a tuma pasonan na tempo. A puntra pa e cantidad di personanan permiti na cas ora di bishita. Si, por ricibi bishita den e dianan aki. Pero ta urgi pa limita e cantidad di persona cu ta ricibi di bishita. E cantidad ta baha pa e dianan aki, na maximo 10 hende paden si tin e espacio pa 10 hende ta sinta 1 meter y mey di otro y pa pafo, den cura maximo 25 hende. Polis por actua si esaki mester sali fo'i man y si no tin distancia. Un otro recomendacion ta Dande, cual ta nos tradicion. Hopi di nos a lanta den e tradicion aki, pero Dande lamentablemente ta un riesgo. Ora hende ta pasa di cas pa cas pa cas pa cas, por piki e virus na un di e casnan hib'e na e

siguiente, hib'e na e otro y asina ta sigui. Esaki por bira hasta un superspreader. No por bay permiti despues di tanto luna di hopi sacrificio cu nos mes ta bay plama esaki rond. Ta urgi pa no tin e paranda di Dande. Claro por scucha e musica. Ohala cu nos radio y televisionnan por coopera, pa sigur rond di tiro por scucha e musica, esnan cu ta desea. Pero e paranda di Dande ta urgi pa no tuma luga e aña aki, pa enbes di trece bendicion cu e Dande, ta trece e maldicion di e virus. Kier a recorda tambe algun punto. Doñonan di establecimento cu ta responsabel pa loke ta pasa paden di e establecimento y tambe pafo. No por laba man cu no sa kico ta pasa pafo. Pa loke ta restaurantnan, kier a recorda cu tin un maximo di persona cu por sinta na mesa. Esaki ta 8 paden y 10 pafo. Por fabor atene na esakinan. Corda tambe cu clientenan mester ta sinta na tur momento. Pafo di e establecimento a mira aglomeracion y ora puntra, ta bisa cu e hendenan ta wardando riba nan turno. Pero esaki tampoco no ta conforme regla. Doño di establecimento sa, ta maximo 5 persona por warda riba su turno y nan mester ta para leu di otro. Mescos cu tiendanan a atene nan mes di esaki durante di e dianan di compras, e cliente ta para pafo y e mester para leu di otro. Esey ta conta tambe pa

restaurantnan. Kier a recorda cada establecimento cu nan mester tin tambe nan compliance officer. Ta un persona den e establecimento cu ta encarga su mes pa controla cu tur hende ta observa e reglanan di COVID den e establecimento. Taskforce lo acerca e establecimentonan aki y cu e compliance officer nan lo papia. Taskforce y polis lo eherce mas control y si mester constata cu e establecimento no cumpli, lo cera esaki y no lo cera esaki pa un dia, pero lo cera esaki pa mas dia. Alabes, como sancion, por impone multa. Sa cu e noticianan aki nan no ta agradabel, sigur no cerando un aña. Prome minsiter ta sigur cu lo haya critica. Pero tin un cos cu a siña ta nunca por complace un hende, pero tin responsabilidad ta carga. Ta pa Aruba su bon.Tambe tin hopi hende cu a cansa di e virus. Pero e virus no a cansa di nos ainda. E tey. Tin un averahe di 20 caso nobo pa dia. Awo ta rond di 40 caso nobo pa dia. E virus tey den full su forsa. Tur caminda, wardando pa nos pasa piki'e y hib'e cerca nos sernan stima. No haci esaki cu bo famia, ni cu bo sernan stima. E fin di aña aki mester haci sacrificionan hunto un biaha mas, pa asina por proteha nos comunidad, proteha nos famia y proteha nos mes. Pero pa principalmente pa habri aña 2021 cu optimismo, cu oportunidad di recuperacion y di progreso.

Diarazon 30 December 2020

Parlamentario Endy Croes: Candelaria mester stop di hunga fini

Paga Bo debe esta e 4 ticketnan cu Mike Eman a paga cu plaka di pagador di belasting

Parlamentario Endy Croes a tuma nota con Robert Candelaria un x Polis kier hunga politica fini manera cos cu nunka el a kibra un copi. Robert Candelaria acusando MEP cu campaña ta un cos y Gobernacion ta un otro cos. Candelaria awor na final di aña 2020 kier ilustra cu MEP lo a priminti amnestia y asilo durante campaña y awor no ta cumpli. Endy Croes na Candelaria ta “SUF” Bo ta of ta “BOBO” bo ta?

Candelaria mester por sa mihor:

Como un x Polis Candelaria mester por sa mihor. Lastimamente Robert Candelaria tampoko ta yega trabou como debe ser pero ta cobra si ful su salaris di Parlamentario fin di luna. Esaki ta tipifica AVP. Na varios ocasion Minister di Husticia Andin Bikker tabata na Parlamento pa splika alrespecto e tematica di Asilo. Tur tin di haber cu tratadonan internacional cu Aruba mester atene su mes na dije. Aruba a ahusta alaves na Juli 2019 un Ley esta AB 2019#40 alrespecto. Tambe mester tene cuenta cu art 3 di EVRM

alrespecto protecion. Tin regla mara na esakinan y no sin mas por otorga asilo na un persona cu a solicita pa asilo. Expertonan di Hulanda a bin Aruba pa juda entrena un team special pa esaki. Asina a lanta 2 asiel unit. Te hasta a saca miembronan di AVP den overtolligsheidpool “stofianan” y pone nan traha pa nan plaka. Entreotro miembronan manera Carl Giel y candidato di AVP Edu Salamon Vos kendenan tabata den overtolligheidspool y a pone nan labora den asiel unit. Pues si Candelaria no ta compronde e proceso e por a puntra su coleganan di AVP cu ta manehando e asiel unitnan aki. Minister Bikker a splika cu a a bin te hasta cu un Schiphol Model unda den 28 dia Bo lo mester tin un desicion final. Pues ta hopi a wordo hasi pa awe Candelaria bin hunga politica barata cu un tema delicado asina.

Candelaria mester paga Land Aruba bek 4 ticket diu Corsow-Aruba: Sa tin hende sinberguensa

na e mundo aki. Entre Juni y Juli 2017 Robert Candelaria a biaha 4 vez pa Aruba pa bin negosha su number riba lista di AVP. Mike Eman na un manera coruptivo a pasa tur e desicionnan aki den un Ministerraadbesluit unda Aruba a paga e 4 pasashi nan aki. Alaves Aruba a paga pa Candelaria su mudamento y regreso di Corsow cu henter su famia. Manera Candelaria a yega Aruba el a subi e “bobbolist” di 470 coordinadornan di AVP y a cuminsa cobra

na Augustus 2017 mesora 7835 florin na salaris. Un otro Ministerraadbesluit cu nos a topa tabata ta cu Candelaria lo a bira Directeur di D i re c t ie sche eps va a r t desde 1 di October 2017 cu un salaris barbaro di Afl. 20 mil pa luna. E ultimo aki e gobierno nobo a logra para. Pues Robert Candelaria a perde tur integridad y dignidad aceptando e hechosnan akiriba menciona. Promer cu Robert Candelaria sigui papia den futuro Parlamentario Endy

Croes ta hasi un solicitud na tur prensa. Puntra Candelaria den su proximo conferencia ki dia e ta pensa di paga Land Aruba e 4 ticketnan retour di Cursow pa Aruba? Como x Polis e ta haña esaki husto y of corecto? E ta haña cu e por a biaha cu placa di pagador di belasting di Aruba sin cu e ta ambtenaar? E no ta kere cu ta su mes of AVP mester a paga pa esakinan? Pues stop di hunga politica fini manera cu nunka Bo a kibra un glas.

Diarazon 30 December 2020

Minister Andin Bikker hunto cu Procurador General y Alto Comisario a reuni cu Asociacion Arubiano di Prensa (ASAP) Lo emiti carnet pa reporteronan y lo duna reporteronan acceso na comunicacion di polis Minister di Husticia mr. Andin Bikker, hunto cu Procurador General mr. Bote Verstege y Alto Comisario sra. Vanessa Kock a reuni cu representantenan di Asociacion Arubiano di Prensa (ASAP), sr. Mark-Benson Denz, sr. Richard Lacle y sr. Ross Tromp. E reunion tabata pa sigui avansa riba e tema di introduccion di un ‘perskaart’ pa miembronan di Prensa manera ta e caso na Hulanda (‘politieperskaart’). Den e cuadro aki a elabora riba un concepto cu anteriormente vocero di Cuerpo Policial, sr. Lito Lacle, a presenta na miembronan di Prensa, di cual concepto ASAP por identifica su mes cu ne y a duna algun sugerencia riba e concepto. Tambe a discuti riba un ‘persrichtlijn’ di cual Ministerio Publico ta trahando riba un concepto. Di banda di ASAP a presenta un proposicion pa considera un programa piloto pa un sistema di comunicacion via un canal di radio special pa media cu ta bin na remarca pa e

perskaart. ASAP ta representa entre otro online media Awe24.com, 24ora.com, SolodiPueblo.com,

Masnoticia.com, boletinextra. com, Arubanative.com y algun media imprimi y radial. E intencion ta pa den 2021

introduci e perskaart, cual Ministerio di Husticia actualmente ta trahando riba dje, hunto cu Ministerio Publico, KPA y ASAP.

ELMAR TA URGI TUR CLIENTE PREPAGO PA PONE ATENCION DURANTE DIANAN DI FIESTA DI FIN DI ANJA CUMPRA TOKEN PREPAGO NA TEMPO Y EVITA DESCONEXION DURANTE DIANAN DI FIESTA DI FIN DI ANJA Observando e festividadnan rond di ceramento di aña, ELMAR kier a recorda su clientenan riba “sistema prepago” pa tene cuenta cu benta di “ELMAR Prepaid Tokens” lo ta suheto na orarionan di operacion di puntonan di benta di tur CITGO na Aruba. Teniendo cuenta cu esaki ta urgi pa tur cliente evita desconexion durante dianan di fiesta y cumpra nan “ELMAR Prepaid Tokens” disponibel na cualkier di e 14 puntonan di benta di CITGO rond di Aruba. E uso di meter prepago ta ofrece varios beneficio compara cu e sistema “Postpaid”. Un di e beneficionan principal ta cu e

usuario tin control riba e cantidad di coriente cu por uza atravez di un miho monitoreo di saldo disponibel riba e meter “Prepaid”. Esaki por conduci na un consumo consciente y miho maneho di e usuario su presupuesto. N.V. ELMAR kier desea henter pueblo di Aruba un feliz ceramento di aña y alabes ta agradeci tur pa pone atencion pa cumpra su “Prepaid Token” na tempo. Prospero aña 2021!

Diarazon 30 December 2020

Di Prome Minister pa Grinch:

Si pueblo a cumpli cu reglanan stipula no a tuma medidanan asina severo Manera cu por a mira riba varios red social, hopi ta e criticanan cu a bin den direccion di gobierno pa loke ta e implementacion di e toque de queda cu lo drenta na vigor dia 30 di december marduga y cu lo dura te cu dia 3 di januari, cu excepcion di dia 31 di december pa dia 1 di januari, cual lo ta for di 2'or di marduga, te cu 5'or di mainta. Hasta tin memenan traha di e cara di prome minsiter Evelyn WeverCroes, na momento cu a anuncia e medidanan aki. Un cos tin cu tene cuenta cu no ta pa pret ta bin cu e medidanan aki, sino e ta un manera di prevencion pa asina por mitiga e plamamento di coronavirus. Tin cu tene na cuenta cu na momento cu bin aglomeracion, e chens ta hopi grandi cu e virus por propaga mas ainda. Nos tur sa cu tin e tradicion di cas pa cas, of manera cu e bieunan ta yam'e, ta core Dande. Pero nos mester pensa riba nos bienestar general, di nos yiunan, nos grandinan cu por ta "un" solo persona, por plama e virus peligroso aki.

Cinco motibo pa preocupacion

Durante un conferencia di prensa yama pa Gobierno, prome minister Evelyn WeverCroes a splica cu durante e ultimo lunanan desde maart cu a cuminsa cu e maneho di e crisis aki, tabata tin momentonan dificil, momentonan menos dificil, y diamars tabata un di e momentonan dificil, pero sigur necesario. Si mira e cantidad di casonan activo cu tin te

cu dialuna, tin 164 caso activo y tin un total di 49 hende cu a fayece, cu tabata tin e virus. E mandatario a cuminsa na analisa e situacion cu ta aden y despues anuncia e medidanan nobo, splicando dicon a bin cu medidanan nobo. Tin motibonan pa preocupacion y ta partinan den cinco categoria. E cantidad di casonan nobo pa dia ta aumentando. Tabata tin un averahe te cu dialuna di 20 caso nobo pa dia. Esaki ta e mesun nivel cu tabata rond di 19 di october. E ta preocupante, segun e prome mandatario. Si mira e averahenan e luna aki, a habri luna cu un averahe di 18, a tuma cierto medidanan. El a baha pa 12 e siman siguiente. E di tres siman di december e tabata na 16 y awo na di cuater siman di december e ta na 20. Pero mas alarmante ta, cu diamars, te asina leu e indicacion ta cu e cantidad di casonan nobo ta rond di 40. Banda di esaki, ora ta papia di e casonan nobo, tin cu para keto tambe na loke ta yama na e Positivity Rate. E porcentahe di e cantidad di testnan positivo den relacion cu e total di testnan riba un dia. E positivity Risk dialuna tabata 40%. Y esaki ta e mesun nivel cu e tabata na augustus, net prome cu e piek na september, cual ta haci'e hopi preocupante tambe. E di dos motibo pakico ta hopi preocupa pa e desaroyonan, ta e motibo di testmento. A ripara cu hendenan no ta test mas manera antes. Tin menos test ta wordo haci y locual ta mas preocupante ta cu esnan

cu si ta test ta warda 4 pa 5 dia cu nan tin sintoma, pa e ora nan bay test. E consecuencia di esaki naturalmente ta cu den e cuater pa cinco dia ey, ta plama e virus rond sin cu hende sa di esaki. Di e personanan cu si ta haci e test, 80% ta resulta cu nan ta haya esaki den cas, esta cerca miembronan di famia. 40% sa unda nan ta haya e contagio aki. E fuente di contagio tambe ta un motibo di preocupacion, ademas cu ta riparando cu nos residentenan ta biahando mas y den varios ocasion ta boble bek cu e virus. Riba un dia tabata tin 9 residente cu a bolbe di vakantie y a bin cu e virus, di cual 8 for di Merca y 1 for di Hulanda. E siguiente motibo pakico ta preocupa cu e desaroyo, ta c omp or t a c ion . Lamentablemente durante di full e pandemia, semper tabata tin un grupo cu no tabata atene nan mes na e reglanan. Nan tabata laga di desea

pa loke ta comportacion. Pero a mira cu e grupo aki den e ultimo simannan, a bira mas grandi. Specialmente den e ultimo fin di siman caminda cu por a mira varios aglomeracion y fiesta clandestino y a mira con popular e fiestanan clandestino ta birando den e dianan nos dilanti.

E comportacion aki ta preocupante. Tambe a ripara lamentablemente cu nos musiconan, djnan a bira hopi creativo y cu nan comportacion of actuacion, nan ta causando hopi aglomeracion, cual ta hustamente locual a palabra cu nan, cu no por pasa.

Diarazon 30 December 2020

Minister Andin Bikker: ta evaluando un proyecto piloto pa introduci ‘Tasers’ pa Cuerpo Policial di Aruba Na 2019 Ministerio di Husiticia, conhuntamente cu Ministerio Publico, a organisa un congreso cu como tema ‘Verwarde personen’, esta referente personanan cu un trastorno medico, a base di cual nan por bira agresivo, stop di rasona y forma un peliger pa nan mes of esnan rond di nan. E tema ta keda uno actual ya cu varios biaha miembronan di Cuerpo Policial tin pa asisti den casonan cu personanan agresivo y den un estado severo, den cual e persona concerni ta forma un peliger pa su mes of esnan rond di dje. Den e cuadro ey a haya peticion y recomendacion pa explora si por introduci “Tasers” pa KPA. Taser ta un arma cu ta emiti un shock di coriente cu ta paralisa e agresor temporalmente. Durante e congreso minister mr. Andin Bikker a anuncia cu lo traha riba un ley pa introduci e concepto di ‘voorwaardelijke machtiging’, cual ta crea e posibilidad pa pidi un orden di Corte condicional pa si un persona cu un trastorno medico bow tratamento ambulante cuminsa duna simptoma di agrecion, e por wordo interna inmediatamente. Ademas minister Bikker a anuncia di tin e intencion di explora e introduccion di un proyecto piloto pa ‘Tasers’ pa KPA. E pandemia di COVID-19 a trece

restraso cune pero entretanto Ministerio di Husticia a logra traha un concepto di ley pa por bay introduci e concepto di ‘voorwaardelijke machtiging’. Mirando cu miembronan di Cuerpo Policial varios bes tin pa duna asistencia den casonan di personanan agresivo caminda e persona concerni no ta rasona y ta forma un peliger pa su mes of esnan rond di nan, Minister Bikker ta di opinion cu a bira tempo pa conhuntamente cu KPA explora e posibilidad pa start un proyecto piloto di ‘Tasers’ pa KPA. Pa medio di un proyecto piloto durante un periodo di prueba por haci un evaluacion y wak con e proyecto ta bay. Na Hulanda e Taser (‘stroomstootwapen’) entretanto ta parti standard di e ekipo di agentenan policial. Prome cu esaki a tuma luga a introduci un proyecto piloto pa monitoria e uso di e Tasers. Ademas por wak a base di un proyecto piloto y evalua si ta necesario pa amplia e proyecto di prueba pa otro orde diensten cu tamba ta wordo confronta cu casonan similar. Ministerio di Husticia ademas ta trahando riba e peticion di Parlamento di Aruba pa reemplasa cierto otro materiaal di trabow pendiente pa entre otro KPA y Guarda nos Costa.

Diarazon 30 December 2020

Prome minister Evelyn Wever-Croes:

Por ricibi bishita pero e cantidad mester ta limita pa evita contagio A puntra pa e cantidad di personanan permiti na cas ora di bishita. Si, por ricibi bishita den e dianan aki.

di establecimento cu ta responsabel pa loke ta pasa paden di e establecimento y tambe pafo.

Pero ta urgi pa limita e cantidad di persona cu ta ricibi di bishita, segun prome minister Evelyn Wever-Croes durante un cofnerencia di prensa di gobierno diamars mainta.

No por laba man cu no sa kico ta pasa pafo. Pa loke ta restaurantnan, kier a recorda cu tin un maximo di persona cu por sinta na mesa. Esaki ta 8 paden y 10 pafo. Por fabor atene na esakinan. Corda tambe cu clientenan mester ta sinta na tur momento. Pafo di e establecimento a mira aglomeracion y ora puntra, ta bisa cu e hendenan ta wardando riba nan turno.

E cantidad ta baha pa e dianan aki, na maximo 10 hende paden si tin e espacio pa 10 hende ta sinta 1 meter y mey di otro y pa pafo, den cura maximo 25 hende. Polis por actua si esaki mester sali fo'i man y si no tin distancia. Un otro recomendacion ta Dande, cual ta nos tradicion. Hopi di nos a lanta den e tradicion aki, pero Dande lamentablemente ta un riesgo. Ora hende ta pasa di cas pa cas pa cas pa cas, por piki e virus na un di e casnan hib'e na e siguiente, hib'e na e otro y asina ta sigui. Esaki por bira hasta un superspreader. No por bay permiti despues di tanto luna di hopi sacrificio cu nos mes ta bay plama esaki rond. Evita Dande Ta urgi pa no tin e paranda di Dande. Claro por scucha e musica. Ohala cu nos radio y televisionnan por coopera, pa sigur rond di tiro por scucha e musica, esnan cu ta desea. Pero e paranda di Dande ta urgi pa no tuma luga e aña aki, pa enbes di trece bendicion cu e Dande, ta trece e maldicion di e virus. E responsabilidad di un establecimento Kier a recorda tambe algun punto. Doñonan

Pero esaki tampoco no ta conforme regla. Doño di establecimento sa, ta maximo 5 persona por warda riba su turno y nan mester ta para leu di otro. Mescos cu tiendanan a atene nan mes di esaki durante di e dianan di compras, e cliente ta para pafo y e mester para leu di otro. Esey ta conta tambe pa restaurantnan. Kier a recorda cada establecimento cu nan mester tin tambe nan compliance officer. Ta un persona den e establecimento cu ta encarga su mes pa controla cu tur hende ta observa e reglanan di COVID den e establecimento. Taskforce lo acerca e establecimentonan aki y cu e compliance officer nan lo papia. Taskforce y polis lo eherce mas control y si mester constata cu e establecimento no cumpli, lo cera esaki y no lo cera esaki pa un dia, pero lo cera esaki pa mas dia. Alabes, como sancion,

por impone multa. Sa cu e noticianan aki nan no ta agradabel, sigur no cerando un aña. Prome minsiter ta sigur cu lo haya critica. Pero tin un cos cu a siña ta nunca por complace un hende, pero tin responsabilidad ta carga. Ta pa Aruba su bon. Tambe tin hopi hende cu a cansa di e virus. Pero e virus no a cansa di nos ainda. E tey. Tin un averahe di 20 caso nobo pa dia. Awo ta rond di 40 caso nobo pa dia. E virus tey den full su forsa. Tur caminda, wardando pa nos pasa piki'e y hib'e cerca nos sernan stima. No haci esaki cu bo famia, ni cu bo sernan stima. E fin di aña aki mester haci sacrificionan hunto un biaha mas, pa asina por proteha nos comunidad, proteha nos famia y proteha nos mes. Pero pa principalmente pa habri aña 2021 cu optimismo, cu oportunidad di recuperacion y di progreso.

Diarazon 30 December 2020

Prome Minister Evelyn Wever-Croes:

MEDIDANAN NOBO ENTRANTE DIARANSON 30 DI DECEMBER TE CU DIADOMINGO 3 DI JANUARI Durante rueda di prensa di Gobierno di Aruba y Crisis Team, Prome Minister Evelyn Wever-Croes a anuncia e medidanan nobo pa frena contagio di Covid cu ta drenta na vigor diaranson 30 di december. Comercio Orario di ciere ta bira 10or pm pa tur establecimento, excepcion di hotelnan. Pa loke ta animacion musical esaki ta posiblel solamente den establecimentonan. Por ehempel restaurant, conforme reglanan y protocol y sin bailamento. Ta enfatisa cu e musiconan y restaurant ta responsabel pa tur hende atene nan mes na reglanan. Musica pafo no ta wordo permiti. Pa locual ta e tradicion di tira pagara, ta permiti esaki te cu maximo 3or di atardi dia 31 di december. Pues despues di 3or di atardi riba e ultimo dia di aña, no ta permiti pa comercio tira pagara mas y esaki ta pa evita mas aglomeracion. “E problema no ta e pagara, e problema ta e paranda cu ta nos tradicion rond di e pagara, cual no por permiti pa tuma luga e aña aki pa evita mas aglomeracion. Na cas si por, te despues di tiro, pasobra no tin mesun riesgo di aglomeracion”, Premier Wever-Croes a splica. General Ta introduci tambe toque de queda entrante 30 di december te 3 di januari cuminsanda for di 11.00 pm te cu 5.00 am, cu excepcion di dia di tiro 31 december pa 1 di januari. E dia aki e toque de queda ta

cuminsa 2or di marduga permitiendo un y tur pa toch por pasa tiro sea na famia of tirando pagara riba caya. Orario di ciere ta keda 10or pa dia 31 di december tambe. Apart di esaki tin algun recomendacion Pa loke ta cantidad di persona na cas, nos ta sugeri pa limita e cantidad cu ta ricibi di bishita. Si ta paden ta maximo 10 hende si tin espacio pa sinta cu un distancia di 1.5 meter for di otro y si ta pafo den cura maximo 25 hende. Polis por actua contra incumplimento di esaki, ora ta necesario. Nos tradicion di Dande ta un riesgo considerando cu hende ta pasa di cas pa cas y di e forma aki ta piki e virus y hib’e pa e siguiente cas, cu talves tin lunanan ta cuida. “Nos ta recomenda pa no haci esaki e aña aki pasobra e ta un riesgo mas halto pa contagio y enbes di trece e bendicion e por trece e maldicion di e virus. Nos por pidi nos radionan pa toca Dande ora di tiro y asina toch nos tur por gosa di un Dande”. Recordatorio riba e siguiente reglanan: Doño di establecimento ta responsabel pa loke ta pasa paden y pafo. Restaurant: Paden mester atene na e cantidad maximo, 8 mesa paden y 10 mesa si ta den aire liber y clientenan mester ta sinta. Pafo: no por permiti mas di 5 hende ta warda riba nan turno y nan mester tene distancia. Cada establecimento mester tin su propio Compliance Officer cu ta controla y observa cu e reglanan ta wordo

cumpli. Taskforce y Polis lo eherce mas control y si constata cu un establecimento no ta cumpli, por tuma e medida di cera e establecimento pa algun dia te ora Taskforce determina cu e establecimento ta cumpli cabalmente. Esaki lo NO ta e mesun dia. Tambe lo

impone e multanan como sanccion. Esakinan ta publica riba website di Gobierno, y ta conoci caba. Pa conclui Prome Minister a bisa: “Ta institui e medidanan aki pa frena e desaroyo di contagio di e virus. Pasobra no kier mira un otro ola di contagio sin

cu a tuma paso na tempo. E fin di aña aki nos mester haci sarificionan hunto un biaha mas pa asina nos por proteha nos comunidad, famia y nos mes. Principalmente pa habri aña 2021 cu optimismo, oportunidad di recuperacion y progreso”.

Diarazon 30 December 2020

Na 2021 lo por tin mester di pasaporte di salud pa drenta Aruba Ora biaha otro aña (2021) bo lo mester tin dos pasaporte, di cual un di nan ta e pasport di salud. Aruba ta e prome pais na mundo cu a asocia cu e grupo di compania cu a desaroya e paspoort digital aki. E pasport ta prueba cu bo ta ok pa biaha y liber di e COVID19. Segun minister di Salud Dangui Oduber, Aruba ta e prome pais na mundo cu a bay di acuerdo pa participa den e proyecto aki. E ta algo innovativo y Aruba ta frontrunner den esaki.

CON E FUNCIONA

E pasport di salud ta contene bo informacion di salud (no sensitivo) cu ta bisa si bo a tuma e vacuna, y resultado di testnan haci. E verificacion por wordo usa pa biaha riba avion of atende eventonan grandi

manera p.e. concierto, segun CNN. Varios compania a desaroya un pasaporte asina, y un di e companianan ta Common Trust Network. Hunto cu JetBlue, United, Virgin Atlantic, Swiss Air Lines, Cathay Pacific and Lufthansa, y centenares di sistema di salud na Merca y Aruba, e ta yama 'CommonPass app' unda cu e usuario por upload su resultado di COVID19 test, of un prueba di un medico cu ta certifica cu e persona a ricibi tur dosis di e vacuna. Envez di revela informacion personal, e app lo genera un certificado den forma di un QR code, cu or wordo gescanned pa e personal di cabina di avion of seguridad. E app lo contene tambe e rekisitonan di salud di e biahero su punto di salida y destino. "

Aruba

pionero

den e mundo den crea oportunidadnan pa permiti cu biaheronan por travel bek. Nos a traha riba e proyecto aki e ultimo lunanan y Aruba ta e promer pais na mundo cu a partner cu e common trust network" e mandatario a bisa. Segun e mandatario, esaki lo mester ta cla pa maart di otro aña. Aruba ta demostrando cu ta haciendo uso di innovacion y technologia pa ta un stap dilanti pa di e forma aki traha riba recuperacion di nos turismo y economia. Minister Oduber kier a gradici ministerio di turismo, salu publico y deporte, ATA, DVG, ministerio di asuntonan general y futura pa cu esaki. E importacia den crea posibilidadnan nobo pa nos pais ta essencial minister Oduber a termina bisando.

Comision Promove Cultura ta gradici tur participante y alavez manda palabra di pabien na tur e ganadornan di Festival di Dande Infantil - Hubenil 2020 Categoria 4-6 aña:

Reina di Dande 4-6 Lie-Sjenly Flanegin Rey di Dande 4-6 Jaymerson Kelly

Categoria 7-9 aña:

3er luga - Akyrah Margarita 2do luga - John-Maynard Wever Reina di Dande 7-9 Lizienne Webb

Categoria 10-12 aña: Finalista - Ashwin Maduro Finalista - Caylee Pietersz

Finalista - Jaylon Machado 3er luga - Nyella Thijsen 2do luga - Stephanie Quant Rey di Dande 10-12 Georvin Angela

Categoria 13-17 aña:

3er luga - Noslenne Tromp 2do luga - Xenon Daal Reina di Dande 13-17 Jorienne Angela PABIEN na tur nos mucha nan y hoben nan! Biba nos Cultura, Ay Nobe! #CPC #HisaNosCultura

Diarazon 30 December 2020

Prome Minister Evelyn Wever-Croes:

MEDIDANAN NOBO TA PA EVITA CU MESTER TUMA MEDIDANAN MAS DRASTICO DESPUES

Nos mester cuida nos capacidad di cuido, salud publico y economia di nos Pais Durante di e ultimo lunanan, desde maart cu a cuminsa cu e maneho di e crisis di Covid, tabatin momentonan dificil y momentonan menos dificil. Awe 29 di december ta un di e momentonan dificil pero sigur necesario, Prome Minister Evelyn Wever-Croes a expresa durante Conferencia di Prensa di Gobierno y di Crisis Team diamars mainta. Si mira e cantidad di casonan activo diamars 29 di december, tabatin 206 caso activo y nos ta para na un total di 49 hende cu a fayece cu tabatin e virus. Analisis di e situacion y motibo pa medidanan nobo Prome Minister a inicia e rueda di prensa dunando splicacion amplio di e motibonan di preocupacion pa cual ta introduci medidanan nobo y a reparti esakinan den cinco categoria:

Cantidad di nobo pa dia

casonan

E prome motibo ta cu e cantidad di casonan nobo pa dia ta aumentando. Tin un averahe di 20 caso nobo pa dia, cu ta pone nos ta bek na e nivel di 19 di october cual ta preocupante. A habri e luna cu un averahe di 18, a tuma cierto medidanan y el a baha pa 12 e siman

siguiente. E tercer siman di december e tabata na 16 y awor e di cuatro siman di december e averahe ta na 20. Locual ta mas alarmante ta cu te cu 29 di december e casonan nobo ta rond di 40. E “positivity rate” cu ta e porcentahe di casonan positivo den relacion cu e total di testnan riba un dia, ta riba 30% cual ta mesun nivel cu e tabata na augustus net prome cu e piek na september cual tambe ta preocupante. Testing E di dos motibo dicon ta preocupa pa e desaroyonan ta pa e motibo di testmento. A ripara cu ya personanan no ta test mas manera antes, tin menos test ta wordo haci y esnan cu si ta test ta warda cuatro pa cinco dia cu nan tin sintoma, pa despues nan bay test. E consecuencia di esaki ta cu durante e 4 pa 5 dianan ey por a plama e virus rond pa mas hende, sin cu nan sa. Fuente di contagio Fuente di contagio ta e tercer motibo di preocupacion. Di esnan cu si ta haci e test, 60% ta haya esaki via contagio na cas y 40% di persona no sa unda nan a haye, cual ta alarmante. Pasobra nan a pega otro hende sin cu nan sa y sin cu por avisa e otro hendenan. Ademas, varios residente di Aruba ta biahando y ta bolbiendo bek cu e virus,

e siman aki 8 di merca y 1 di hulanda

Comportacion

E di cuatro motibo ta comportacion: Lamentablemente durante henter e pandemia, semper tabatin un grupo cu no tabata atene su mes na e reglanan y tabata laga di desea pa loke ta comportacion. A mira cu e grupo cu no ta atene nan mes na regla di precaucion ta birando mas grandi, especialmente den ultimo fin di siman cu fiestanan clandestino cu a cuminsa bira

hopi popular. Lamentablemente nos musiconan y DJ’s a bira masha creativo y ta causando hopi aglomeracion, cual ta hustamente locual cu nos a palabra cu nan cu lo NO por pasa. Dianan di fiesta Por ultimo, e di cinco motibo ta cu dianan di fiesta rond mundo ta wordo considera como dianan di alto riesgo, pa motibo cu nan ta aumenta e riesgo di mas plamamento di e virus. “Pues mirando cu ta casi drentando e mesun situacion cu tabata aden na augustus esaki tin nos preocupa y no kier pa esaki pasa y por bira un menasa pa nos capacidad di cuido, salud publico y economia di nos Pais. P’esey nos mester tuma pasonan awor, pa evita un situacion penoso otro luna cual por conduci na cu hospital ta yena y consecuentemente camanan den Cuido Intensivo ta bira full ocupa cu pashentnan di Covid. Na e momento ey nos lo mester stop di duna cuido na otro pashentnan critico. Nos expertonan ta conseha nos cu pa evita e scenario dramatico aki di bira realidad, nos mester actua awor y no después”, Prome Minister Evelyn Wever - Croes a termina splicando.

Diarazon 30 December 2020

A base di e Covid Business Survey:

KVK TA DUNA UN BISTA DI E IMPACTO DI COVID-19 RIBA NOS SECTOR COMERCIAL – Pa explora e impacto di e coronavirus (COVID-19) riba nos comercio local, Camara di Comercio y Industria Aruba (KvK) a conduci un encuesta bao di companianan na Aruba. Basa riba e informacion ricibi di 303 encuestado, KvK ta duna un indicacion di e impacto di e coronavirus riba nos comunidad empresarial, unda cu a surgi varios puntonan interesante y alarmante. Un parti grandi di e encuestadonan (37.3%) ta kere cu nan ta core riesgo di mester cera nan negoshi permanentemente debi na e crisis actual. Un poco mas cu 5% a indica cu e riesgo ta real y cu hasta dentro di un luna nan mester cera nan porta caba. Den totalidad 13.2% di e comerciantenan ta pensa cu probablemente nan tin cu cera nan negoshi dentro di 3 luna, y casi 1 den 5 comerciante a indica cu probablemente nan mester cera nan negoshi dentro di 6 luna. E otro companianan ta opina cu probablemente nan negoshi lo sobrevivi e crisis di Covid. Na momento cu un negoshi no ta wordo permiti pa reduci e cantidad di empleadonan, e situacion ta ainda un poco mas alarmante y ta wordo premira cu casi mita di e cantidad di negoshi lo cera dentro di 6 luna. Hasta 10% di e encuestadonan a indica cu nan lo mester cera nan negoshi ya caba dentro di un luna.

Camera di Comercio a puntra tambe si e companianan a adopta cierto strategia pa minimalisa e impacto negativo di Covid pa nan compania. Diferente strategia por wordo aplica na mesun momento, pesey a duna e oportunidad pa marca tur strategia cu ta aplicabel. Por mira cu 106 compania for di e grupo di 303 encuestado a aplica pa loonsubsidie. Kiermen cu 1 den 3 compania a haci uzo

di e ayudo ey. Un grupo grandi a reduci e oranan di trabao di nan empleadonan (78 negoshi). Casi 1 den 4 compania tabata exitoso pa bende producto nobo y mes tanto compania a opta pa intensifica nan marketing. 20% di e companianan a opta pa bende nan producto online. Ta mustra cu Covid a stimula tambe pa flexibilisa e manera di traha, ya cu 14% di companianan ta practica “teleworking“. Solamente 19 encuestado a indica cu nan mester a manda hende cas. Riba e pregunta con severo e compania a a wordo impacta door di Covid, casi mita di e cantidad di encuestadonan (47%) a indica cu nan a experiencia un benta mas abou. Un tercio di e companianan a indica cu nan a limita nan gastonan y ahusta e orario di operacion. Un grupo limita a indica cu nan mester a cera nan negoshi completamente (17%). Solamente 12% di empresario a indica cu e cadena di mercancia a wordo interumpi, y 11% mester a haci uzo di nan credit line. 6% di compania a bay over na traha den shift. Un nota positivo ta cu 10% di e companianan a indica un aumento significante den e demanda.

E datos obteni tambe ta indica cu casi tur e companianan, sin importa e sector economico, di un manera of otro ta sufriendo debi na e COVID-19 crisis. Ta importante pa remarca cu, sin importa e grandura di e compania, hopi di e 303 encuestadonan ta considera cu COVID-19 a tin gran impacto riba nan negoshi.

Na e mesun momento, por observa tambe cu companianan den cierto sector economico ta indica cu e impacto di Covid riba

nan negoshi ta halto. Ta trata di companianan den e sector di Transporte y Deposito (67%), Arte (60%), “Accommodation and Food Service activities” (56%) y e sector di Construccion (39%).

A pesar cu e aña aki tabata uno cu hopi contratiempo, nos comunidad empresarial a mustra di ta resiliente y a adapta nan negoshi lihe na e circunstancia excepcional, pa limita e efectonan negativo di e pandemia.

Diarazon 30 December 2020

DESDE COMIENSO DI E PANDEMIA E MINISTERIO DI BOLUNTARIO DI FREEWINDS A TRAHA DURO CU UN SOLO META DEN CABES: PA HASI ARUBA E LUGAR MAS SIGUR NA MUNDO E Ministerio di Boluntario di Freewinds a traha desde comienzo di e pandemia di Covid-19 pa ayuda Aruba keda liber di Covid. Cuminsando cu e distribucion di mas di 96.000 pamfleta di Stay Well riba nos isla y desinfectando mas di 3.000.000.pia cuadra di localidadnan clave. Pero un persona di e Ministerio di Boluntario a comenta cu nan trabou lo sigi te ora e virus baha na zero. Negoshinan tawata contento di ricibi e pamfletanan di Stay Well y pasa nan pa nan clientenan. Un doño di negoshi a bisa:” Hopi bunita cu bosos ta hasi esaki. Nos tin cu Sali di e situación aki. Manera boso sa, Aruba su economía ta basa riba turismo. YU cu esaki nos por traha hunto pa saca nos for di e situación aki y haya nos turistanan bek. Nos kier pa nan bolbe.” Banda di e distribucion di e materialnan educacional riba con pa keda liber di Covid-19 Freewinds ta envolví den un esfuerzo hopi grandi pa desinfecta mas tanto lugar cu por. Esaki ta wordo hasi den asociación cu negoshinan y organisacionanpa ta envolví den e desinfección riba nos isla. Cu aprobación di DVG t Aruba Crisis team na April, e Ministerio di Boluntario a ranca Sali riba nos isla desinfectando lugarnan clave cu un producto yama Decon 7 of D7,c uta e desinfectante mas poderoso cu tin pa mata batería y virus.E lugarnan desinfectata inclui scolnan, misa,oficina di gobierno, warda di polis,lugarnan di ambulans, rewstaurants,bars, hotels y mas. E Capitan Portuario di

Freewinds, Sr. Ken Weber a comenta, E esfuersonan ta wordo hasi na beneficio di tur hende na Aruba. Nos a mira e efecto di e cierre di nos fronteranan treciendo turismo casi na zero. Turismo ta vida di Aruba y como nos base portuario di Freewinds nos kier pa Aruba ta e lugar mas sigur cu tin pa turista. Den prome instancia nos a yuda hiba e casonan na zeroy ora e segundo tanda a cuminsa na final di september e Ministerio di Boluntario atrobe tawata riba caya ta yuda desinfecta cu e solo propositopa hiba e casonan activo bek na zero y pa Semper. Nos no ta baha velocidad. De facto, ta nos intención pa no solamente sigi cu nos accionan di prevención y desinfección, pero nos lo expande esakinan cu asociación cu mas y mas organisacionan y negoshinan local cu tin e propósito di desinfecta mas lugarnan diariamente. E meta ta di hasi Aruba e lugar mas sigur na mundo caminda hende ta contento di bin pasobra nan s acu Aruba ta sigur.” Manera un negociante local a bisa ora ela mira e boluntarionan di Freewinds ta spray un mall local:”Boso ta di Freewinds. Mi ta reconoce boso. Boso ta e Ministerio di Boluntario cu ta yuda Aruba ta liber di Covid-19 atrobe! Danki pa tur loke boso ta hasi pa Aruba y nos hendenan, specialmente nos muchanan. Nos ta waak boso tur ora den corant. Tur hende ta papia di boso! Por favor sigi hasi loke bos tah asiendo, no solamente desinfectando nos isla, pero educando hende riba e importancia di sigi e protocolnan pa keda sigur. Dios bendishona boso y Dios bendishona Freewinds!

Sr. Jean Paul Gibbs, manager di e facilidadnan di e edificionan di MFA a sigura cu su edificio ta sigur pa e comunidad y ela traha cu e boluntarionan pa desinfecta tur e edificionan di MFA riba nos isla.E tawata hopi contento cu e esfuersonan di e Ministeripo di Boluntario. Ela expresa su apreciación dor di bisa:” Loke boso a hasi ta sumamente importante, masa positivo. Di verdad boso t ayuda e comunidad.” E punto mas importante den e batalla contra Covid-19 ta prevención. Ta pone hopi énfasis riba un ons di prevención ta bal un ton di cura. Tur hende mester sigi e protocolnan. Pesey e Ministerio di Boluntario ta provee materialnan educativo den forma di Stay Well Videos y copia di The daily Cleaning & Sanitizing , Checklist na ingles y spaño, unda cu

nan bishita. Pa haya sa con pa protega bo mes y otronan, con bo por mantene bo cas y bo lugar di trtabouliber di Covid-19,bishita How to Stay Well Prevention Resource Centeronline na www.scientology.org/ staywell na unda por mira tur e videonan y pamfletanan di Stay Well y por download copia di esakinan gratuitamente. Tur e materialnan aki ta obtenibel na spaño, ingles

y hulandes y 18 idioma mas. Pa siña mas di Freewinds mira Inside Scientology: TRhe Freewinds na The Scientology Network. w w w. s c i e n t o l o g y. t v/ series/inside-scientology/ freewinds,html CONTACT: Freewinds Port Captain Ken.weber@freew inds. org Phone/Whatapp +1-727-666-0645

Diarazon 30 December 2020

Entrante 1 di januari 2021 ta reduci e tarifa di inkomstenbelasting y loonbelasting Contribuyentenan lo bay paga menos impuesto Entrante 1 di januari 2021 lo tin cambio den e tarifa di inkomstenbelasting y loonbelasting. Manera conoci e mesun tarifa cu ta valido pa inkomstenbelasting ta valido tambe pa loonbelasting. E tarifa aki ta hopi importante tanto pa e personanan priva como e doñonan di trabou. E cambio ta encera un reduccion di e actual tarifa, cual ta nifica cu e contribuyentenan lo bay paga menos inkomstenbelasting y loonbelasting den 2021. Specialmente e clase trahador lo bay ripara cu su doño di trabou lo bay retene menos loonbelasting durante 2021 y asina e empleado lo ricibi mas salario den su man. Consideracionnan Reduccion di e tarifa di impuesto ta parti di e proceso di Reforma Fiscal cu Minister di Finansas, Economia y Cultura hunto cu e comision encarga ta realisando desde aña 2019 ora cu a simplifica e sistema di tarifa y a aumenta e suma liber di impuesto te na Afl. 27.751. Pa aña 2020 a continua cu e cambionan stipula y a aumenta e suma liber di impuesto te na Afl. 28.861. Durante aña 2020, e pandemia causa pa Covid-19 a percura pa un situacion di emergencia socialeconomico serio cu ta tuma tempo pa sali for di dje. Entre otro hopi hogar a sufri perdidanan di entrada considerablemente. Entretanto gobierno di Aruba a start e proceso di recuperacion di economia y ta haya necesario pa reduci e tarifa di inkomstenbelasting y loonbelasting pa asina brinda mas espacio financiero na e contribuyentenan. E decision aki lo yuda trece alivio tambe den e poder di compra y stabilisa e economía. E tabel nobo di inkomstenbelasting/loonbelasting 2021 E tabel nobo di inkomstenbelasting/loonbelasting 2021 ta como lo siguiente:

Pagina 17

Diarazon 30 December 2020

E “asesino di Twitter” a renuncia e apelacion di su sentencia di morto Akahiro Shiraishi, conoci como e “asesino di Twitter”, di 30 aña, kende a wordo declara culpabel di asesina, desmembra y almacena e curpa di nuebe victima den su apartamento cerca di Tokyo na 2017, a renuncia na e apelacion di su sentencia di morto y a retira dialuna den solicitud di reconsidera e veredicto cu su abogadonan a presenta, un vocero di corte a confirma na AFP diaranson. Shiraishi a wordo declara culpabel di a mata y desmembra entre augustus y october 2017 e muhenan cu el a contacta via Twitter, unda cu nan lo a expresa pensamentonan suicida. E homber tabata invita nan na su cas ofreciendo asistencia pa caba cu nan bida, despues tabata viola y mata nan. Un di e victimanan tabata pareha di un di e muhenan asesina cu a acudi na su

cas en busca di su pareha despues di su desaparicion, pero den e caso aki e asesinato a wordo cometi pa silenci’e. E asesinatonan den serie a sali na luz pa prome biaha na october di 2017, ora cu polis a bishita cas di Shiraishi durante e buskeda di un hoben di 23 aña desapareci na Tokyo, cu a resulta di ta un di e victimanan. Den e apartamento nan a haya varios frigidaire cu tabata contene parti di curpanan humano, pa cual Shiraishi a wordo deteni. Fiscalnan a señala cu no tabata tin forma pa e victimanan acepta pa wordo asesina basando riba e testimonio di Shiraishi, kende a bisa cu nan a resisti ora cu nan tabata wordo strangula, e defensa a argumenta cu si nan a ofrece resistencia tabata pa nan “refleho coordina” y cu e cargonan contra

su cliente mester a figura como homicidio cu consentimento. Defensa tambe a afirma cu Shiraishi posiblemente ta-

bata mentalmente incompetente of tabata den un estado di capacidad disminui na momento di e asesinatonan.

No obstante, autoridadnan a ehecuta cinco prueba psikiatrico y na 2018 fiscalnan a conclui cu si e por a wordo huzga.

Corda tira bo coupon y abona! Solo di Pueblo ta terminando su campaña unda cu den luna di December a regala Afl. 5000 na premio. Nos prome ganador tabata un fiel lector di Hooiberg. Nos segundo ganadora tabata otro fiel lectora di Savaneta. Awe nos ta conoce nos di 3cer ganadora, cu ta di Dakota, Sra. Irma Vrolijk. Dia 31 di December nos lo saca nos ultimo ganadornan y asina ta finalisa nos campaña di duna bek na nos lectornan. Solo di Pueblo a start dia 12 di September 2005 y ta cumpli 15 aña riba mercado. Masha danki na tur nos lectornan pe sosten. Corda cu por abona riba nos corant, yamando na 858-9500 of manda un e-mail na solodipueblo@gmail. com, indicando bo nomber, faam y adres. Pa tur nos abonadonan cu ta desea di facilita e pago di abonement, esaki por bay online. Nos number di cuenta ta: Nomber di compania: Sunmax, Adres: Sta. Cruz 110, Banco: RBC, Number di cuenta: 7700000100152447.

SOLO DI PUEBLO ta desea henter pueblo di Aruba, bon aña 2020.

Pagina 18

Diarazon 30 December 2020

Pagina 19

Diarazon 30 December 2020

SABIDURIA DEN NOS ALEGRIA Skirbi pa Ruthy”Lady Ruth” Vrieswijk-Bergen

UN RELATO CORTICO DI DANKI Lieve mensen, un dushi dia yen di sabiduria den nos alegria ! Purbando di logra toch un ultimo relato cortico pa ﬁn di 2020. Y si tin espacio, sigur nan lo publike di curazon. Cu un danki diki gordo na tur den prensa cu a coopera cu Lady Ruth den publicacion di su relatonan semanal cu tin bes a hera un of dos siman, pa moti-

bonan fuera di nos alcanse. Nos ta spera cu nos lectornan y pueblo henter, y bosonan tur di Prensa a pasa un Bon Pascu 2020 y ta cla pa ricibi 2021 cu bon salud y un curazon yen di gradicimento pa tur cos cu a bay nos bon den 2021 y tambe pa e cosnan menos bon cu a sinja nos lesnan importante, cu tambe recuerdonan bunita inolvid-

abel. Den luna di Januari 2020 nos lo elabora riba nos bunita actividad di e presentacion y bautizo di e buki nobo di Poema “Alegria di Ruthy Poema 2 “ cu a tuma lugar recientemente den e sala di UNOCA, cual buki tawata possibel danki na UNOCA y Prins Bernhard Cultuurfonds Caribisch Gebied. DANKI, DANKI y

SKINA CRIOYO CATERING Y DELIVERY SERVICE

TA PRESENTA SU SERVICIO SPECIAL PA PASCO Y AÑA NOBO * HAM DI PASCO HORNA. ( mas o menos 4-5 kg ) ( jamon Horneado ) Afl. 60,00 - 75,00 * GALIÑA JENA HORNA ( 2000 gr) (pollo relleno horneado) Afl. 40,00 * CALACUNA HORNA ( mas o menos 5 - 6kg ) ( pavo horneado ) Afl. 75,00 - 90,00 ** CALACUNA JENA y Horna 5-6kg ( pavo relleno y horeando ) Afl. 90,00 - Afl. 110,00 * PIA DI PORCO HORNA ( mas o menos 4 - 5kg ) ( pernil horneado 4-5kg ) Afl. 75,00 AJACA di GALIÑA of PORCO OF MIX Afl. 7,00 pa un ( 10 of mas Afl. 6.50 pa un) HACI BO PEDIDO PROMER CU DECEMBER 23, 2020 LO ENTREGA DIA 23 y 24 DECEMBER 4PM - 7PM 25 DECEMBER - 10.00 AM - 4.00 PM HACI BO PEDIDO PROMER CU DECEMBER 30, 2020 LO ENTREGA DIA 30 Y 31 DECEMBER 4PM - 7PM

Sra. Ana.Tel. 5948921.

Mas DANKI na tur cu ta gusta lesa nos relato cu hopi atencion y sinti boso mes inspira cu cosnan bunita. DANKI, DANKI y Mas DANKI un biaha mas na tur miembronan den prensa y nos medionan di comunicacion pa un bon trabao den 2020 ! Cu Dios

sigui duna boso forza, energia y luz pa sigui cu boso bon trabao tur dia yen di bon energia y dushi alegria den 2021 tambe ! Nos ta topa, Dios mediante, den 2021 atravez di e pagina di “Sabiduria den nos alegria”. Love you too !!!

Pagina 20

Diarazon 30 December 2020

Putin y Xi Jinping ta felicita otro pa e Aña Nobo y ta celebra e “maximo historido di e relacionnan” alcansa entre nan dos paisnan E relacionnan entre Rusia y China a alcansa su maximo nivel den historia, coincidiendo e presidentenan di ambos pais, Vladimir Putin y Xi Jinping, durante un combersacion telefonico cu motibo di e fiestanan di fin di aña, segun e servicio di prensa di Kremlin a comunica dialuna. “E hefenan di Estado a felicita otro cordialmente pa e proximo fiestanan di Aña Nobo y a repasa e desaroyo di e relacionnan bilateral di asociacion universal y cooperacion strategico den e aña saliente,” e comunicado ta bisa. E texto ta señala cu e mandatarionan ta bisa otro

pabien pa e evolucion di e

relacionnan aki, cu “a al-

SOLO DI PUEBLO HORARIO Y PUBLICACION: Solo di Pueblo lo no ta riba mercado: Dianan 25-26-27 di December, 1-2-3 Januari 2021 Nos ultimo 4 edicionnan pa aña 2020 ta: 28-29-30 y 31 di December. Nos prome edicion pa aña 2021 ta: 4 Janauri 2021 Nos oficina ta traha: Dia 23 December te cu 12.or di merdia Dia 31 December te cu 12.or di merdia

Nos ta desea tur nos abonadonan y nos fiel lectornan y Aruba en general pa pasa Felis dianan di fiesta

cansa e nivel maximo den historia y ta di un indole autenticamente mutuamente beneficioso.” E mandatarionan “a expresa su satisfaccion pa e esfuersonan eficas conhunto” di e departamentonan specialisa di ambos pais “den e lucha contra

coronavirus” y a subraya e importancia di “cooperaden e desaroyo y e produccion di vacuna.” E partinan tambe “a confirma e enfokenan comun di Rusia y China den e defensa di e berdad historico y di e resultadonan di Segunda Guera Mundial.”

Pagina 21

Diarazon 30 December 2020

Lotto Anochi

Lotto Merdia

DECEMBER 29

Lotto Anochi

DECEMBER 28 2020

n ruo i

Pagina 22

Diarazon 30 December 2020

TRES REMEDI CU TURMERIC PA PREVENI DIABETES ● Ta mehora e aprobechamento di glucose. ● Ta proteha e celnan pancreatico. ● Ta promove e oxidacion di e acidonan graso. ● Ta incrementa e sensibilidad na insulina. ● Ta disminui e riesgo di padecimento di diabetes tipo 2 den pashentnan prediabetico. ● Ta reduci e resistencia na insulina.

Mantene e nivel y balor di e hormoonnan den nos organismo, ta vital pa gosa di un bon salud. Glucose den sanger ta un di nan. Pa preveni diabetes, nos mester mantene un alimentacion adecua. Ademas, nos por complement'e cu remedinan natural. Esunnan a base di turmeric ta hopi beneficioso pa e fin aki. Si bo ta den e grupo cu factornan di reisgo di padece diabetes, bo por tin cuidado special cu tur loke bo ta come of bebe. E consumo di sucu mester ta modera, mescos cu hariña y vet. Diabetes ta un enfermedad cronico cu por wordo preveni pa cual mester tuma medidanan pa no sufri di dje. Aki nos ta bisabo con. Kico ta diabetes y cualnan ta su causanan? Diabetes ta un enfermedad cronico cu ta sosode ora cu e Pancreas tin deficit di produccion di insulina of no ta uza di manera eficas esun ya existente. Esaki ta provoca un cuadro yama hiperglucemia, cu ta e aumento di e nivelnan di sucu den sanger. Ta existi tres tipo di diabetes: Tip 1, 2 y gestacional. E dos promenan ta cronico, mientras cu e ultimo solamente ta aparece den e gestacion of embaraso. No tur hende muhe na estado ta sufri di dje, ta presenta den casonan puntual. E Organisacion Mundial di Salud (WHO), ta calcula cu den e aña 2014, por lo

Remedinan di turmeric pa preveni diabetes Ta existi diverso forma di consumi turmeric pa preveni diabetes. Un di esunnan mas simpel ta uz'e como specerij cu ta complementa nos plato, mescos cu ta uza curry of cualkier otro. Sin embargo, ta recomenda haci preparacionnan a base di turmeric pa probecha lo maximo di su beneficionan. 1. Turmeric cu lechi Ingrediente ● 1 cup di lechi (250ml) ● Un telep di turmeric na polvo (4g) menos 422 miyon di adulto den henter mundo ta sufri di diabetes. Cu e estadisticanan asina alarmante e prevencion ta converti den un prioridad. Beneficionan di turmeric pa trata of preveni diabetes Turmeric tin multiple propiedad y beneficio pa salud en general. Ta un specerij hopi uza na China y India cu finnan terapeutico. Si ainda bo no conoce, den e caso aki nos lo bisabo con e ta yudabo na preveni diabetes. E mayor parti di e beneficionan aki ta danki na curcumina, compuesto principal di turmeric. Turmeric ta destaca pa ta un poderoso antiinflamatorio y antioxidante. Frente e diabetes of e riesgo di padece, e tin e siguiente beneficionan: ● Ta recudi sucu den sanger. ● Ta mehora e funcionamento di pancreas, principal responsabel di e produccion di insulina. ● Ta disminui e agentenan inflamatorio den sanger.

● ½ telep di honing (3,75g) Preparacion ● E preparacion di e remedi aki conoci como lechi di oro, ta bastante simpel. Solamente bo mester dilui un cuchara di turmeric na polvo den un glas di lechi. Mescla bon pa no keda klompi. ● Hacie dushi cu un tiki honing y bebe e preparacion 1 of 2 biaha pa dia. ● Tambe bo por sustitui e honing pa edulcorante, pero corda semper cuida e cantidadnan. E

bebida no mester keda demasiado dushi. 2. Thee di turmeric Ingrediente ● 1 telep di turmeric na polvo (4g) ● 1 cup di awa (250ml) ● ½ telep di honing (3,75g) ● 1 envelop di thee berde Preparacion ● Coy un wea cu awa y pone riba candela, ekivalente na e cup di awa. ● Ora cu e herbe, agrega e envelop di thee berde pa e infusion. Kit'e for di riba e candela y agrega e telep di turmeric. ● Haci e preparacio tiki dushi cu un tiki honing. Si bo ta diabetico bo por substitui e honing pa un poco di edulcorante of si bo ta prefera, no haci e bebida dushi. ● Tambe por substitui e thee berde pa manzanilla of thee di lamunchi. 3. Turmeric den awa Ingrediente ● 1 cuchara di turmeric (15g) ● 1 Glas di awa (200 ml) Preparacion ● Den un wea keinta e ekivalente na un glas di awa. Ora esaki ta lauw, kit'e di e candela y agrega un cuchara di turmeric. ● Meskl'e bon te ora cu e polvo dilui. ● E remedi aki ta di facil preparacion y solamente lo tumabo algun minuut. Ta recomenda pa bebe e preparacion aki diariamente, cinco minuut prome cu cada cuminda. Preveni diabetes ta posibel y e remedinan anteriormente recomenta lo ta di gran ayudo. No solamente lo bo por preveni e enfermedad si bo ta den un grupo di riesgo, sino cu bo por control'e si ya bo ta sufri di dje. Di igual forma, corda e importancia di tin un adecuado control medico.

Pagina 23

Diarazon 30 December 2020

CON LUZ DI E CELULAR TA AFECTA E CUERO bil riba cuero E impacto di e luz blauw di e mobil y di e otro dispositivonan riba e cuero ta varia di acuerdo na e condicionnan cu cual e exposicion aki ta produci. Por ehempel, e periodicidad, e intensidad y e duracion. En general, ta kere cu e efectonan di e luz visibel di energia halto (HEV) ta semehante na loke ta wordo ocasiona pa e rayonan ultravioileta A y B. E manifestacionnan cu ta genera riba e cuero ta yama Screen Face. Cualnan ta esunnan mas frecuente? E sobreexposicion di luz di e dispositivonan mobil, sea computer of smartphones, por causa efectonan negativo riba e salud cutaneo. Aunke na un principio e ta pasa sin cu bo sa, e luz di e celular ta causa un impacto dañino riba e cuero cu por incidi den embehecimento. Ta berdad cu e aparatonan aki a bira parti di nos cotidianidad y ta casi imprescindibel, su mal uzo tin consecuencianan pa salud. Kico nan ta causa na nivel cutaneo? Con pa proteha di e dañonan aki? Ki tipo di luz un celular ta emiti? Pa cuminsa laga nos corda cu e luz di e celular ta di tipo artiﬁcial, cu energia eleva cu ta encontra den e mesun banda ultravioleta di e luz solar, cu su efectonan caracteristiconan dañino pa e cuero. Den e ultimo añanan, cu e facilidad pa accede na computer, tablets, smartphones, entre otro aparatonan, a aumenta e exposicion di e tipo di luz aki. Awo, el a cuminsa cobra relevancia e concepto di "embehecimento digital." Esaki no solamente ta haci referencia na e efectonan cu ta causa e luznan aki riba cuero, sino tambe a impacta riba e wowonan, e ritmo circadiano y e ciclo di soño. Den estudionan a asocia e exposicion aki na problemanan manera insominio. E luz cu e mobil ta

emiti, ta asocia cu un mayor riesgo di embehecimento cutaneo. Ademas, e tin otro efectonan negativo pa e salud. Efectonan di e luz blauw di e mo-

Hiperpigmentacion Un articulo publica den The Journal of Invesitgative Dermatology na 2018, ta detaya cu e luz blauw di e dispositivonan electronico

ta genera e activacion di e melanocitonan, encarga pa aumenta e melanina di e cuero. E substancia aki ta ascende pa e capanan mas superﬁcial y ta provoca maculanan pigmenta. Expone e cuero tur dia na e efectonan di e luz blauw artiﬁcial ta desorganisa e proceso di melanogenesis y ta faborece e presencia di mancha, cu mayor prevalencia den e region rond di e wowonan y di e frenta. E personanan cu por padece mas riesgo di hiperpigmentacion lo ta esnan cu ta posee un fototipo halto, debi cu su celnan ta produci mas melanina. Tambe e personanan cu ta realisa peelings na cara of muhenan na estado, ya cu su cuero ta mas sensibel na momento di radiacion luminoso. Stress oxidativo

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 24

Diarazon 30 December 2020

TA FURA Oranje Matrassen Fabriek

Set di sala, colchon,stoel di auto, boto etc. Buska mainta y haye atardi, 30% y 50% di descuento riba cashi panja y multi TV.

TEl 588-7468 / 593-4387

Special riba santo y piedra te december 2020

Tip Line 585 9500

solodipueblo@gmailo.com

FOR SALE Hyundai Elantra 2012 - 1.6 L Eco 4 cyl - 94km

5694343

for test drive 1

solo doĂąo mester bende jama y duna oferta.

CLASIFICADO e-mial: solodipueblo@gmail.com

Cel.585 9500

Diarazon 30 December 2020 PRONOSTICO DI TEMPO VALIDO TE DIARANSON 30 DI DECEMBER 2020, 18:00 ORA. ELABORA DIAMARS 29 DI DECEMBER 2020 17:00 (21:00 UTC)

Pagina 25

Importancia del uso de la mascarilla

TEMPO: AWE ANOCHI: LEVEMENTE TE PARCIALMENTE NUBLA I GENERALMENTE SECO DEN MARDUGA I MAYAN: PARCIALMENTE NUBLA CU LOCALMENTE UN AWACERO BREVE

cuentra contaminadas ingresen a nuestro organismo o en su defecto evita que contagiemos a otras personas por medio de los fluidos si estamos con un proceso respiratorio, por dicha razón su importancia en la actualidad está más que evidente.

TEMPERATURA MAXIMO 30 GRADO CELSIUS TEMPERATURA MINIMO 25 GRADO CELSIUS BAHADA DI SOLO : 6:24 PM SUBIDA DI SOLO : 7:00 AM. BIENTO: MODERA FOR DI DIRECCION OOST TE OOST-NOORDOOST; FORSA 3 TE 4 (12 TE 30 KM/ORA, 7 TE 16 NUDO). DEN DIA BASTA FUERTE TE POSIBLEMENTE FUERTE DEN RAFAGA; FORSA 5 TE 6 (31 TE 39 KM/ORA, 17 TE 27 NUDO) SITUACION GENERAL DI TEMPO PA PROXIMO 24 ORA: AIRE RELATIVAMENTE SECO LO STROBA DESAROYO DI MAYORIA NUBIA CU POR PRODUCI AWACERO DEN PROXIMO 24 ORA. SINEMBARGO, LO BAI TIN UN AUMENTO DI HUMEDAD DEN E PROXIMO DIANAN Y CU ESAKI E CHENSNAN PA AWACERO TAMBE LO BAI AUMENTA. CONDICIONAN MARITIMO/ ESTADO DI LAMA: UN ESTADO DI LAMA LEVE NA PARTI ZUID Y MODERA NA SECTORNAN OOST TE NOORDWEST TA WORDU SPERA DEN PROXIMO 24 ORA. OLANAN LO TA FOR DI NOORDOOST ENTRE 3 PA 5 PIA. E OLANAN DI MAS HALTO TA NA PARTINAN OOST TE NOORDWEST.

Para nadie es un secreto que justamente desde que inicio la emergencia sanitaria en todo el mundo, ocasionada por la pandemia del Covid-19 (Coronavirus), se han tenido que tomar ciertas medidas para hacer frente a dicha situación, con el claro objetivo de lograr proteger cuanto antes la salud de la ciudadanía y por tal motivo contener la propagación de esta terrible enfermedad, entre estas medidas está el uso adecuado de las mascarillas, también conocidas en muchos países como tapabocas, en el momento de estar en público. En este caso deben recordar que la mascarilla es muy importante, ya que ella es la que nos permite evitar de cierta forma el contagio de este virus, ya que esta evita que las partículas en el aire que se en-

Dentro de lo que cabe esta es una acción muy importante que deben tomar todos los países, ofrecerles a los ciudadanos la opción de adquirir mascarillas gratis, ya que esta es una medida de seguridad sumamente importante en la actualidad, por tal motivo se debe tomar cartas en el asunto cuanto antes con respecto a esto, así que nosotros les recomendamos que utilicen su mascarilla todo el tiempo, en especial si salen a la calle, pero además de la mascarilla es importante que al estar en espacios públicos utilicen guantes desechables, al llegar a su casa báñense, laven y desinfecten la ropa que traían puesta, como además limpiar y/o desinfectar a diario sus hogares, ya que de esta manera podemos hacerse de frente a esta enfermedad.

AVISO/ ALERTA: NINGUN. FENOMENONAN SPECIAL: NINGUN POTENCIAL DI AWACERO PA PROXIMO 24 ORA: 1 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 30 / MIN 25 / 0.2 MM WESTPUNT: MAX 30 / MIN 27 / 0.1 MM STA ROSA: MAX 31 / MIN 26 / 0.0 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO PASAJERO. BIENTO LO TA FOR DI DIRECCION GENERALMENTE OOST I MODERA; BASTA FUERTE TE FUERTE DEN RAFAGA; TEMPERATURA ( GRADO CELSIUS) MAX / MIN LO TA: 30 / 25

Por jama pa pedido of whatsapp na

749-7071 Desde 1 di Dec te cu 31 di December

Ham. 70,35,Galinja. 70,35,Galinja jena. 80,50,Calacuna. 140,75,Calacuna Jena. 175.100,Cuminda pa 10 persona Lomito. 100,Roastbeef. 80,Pisca. 90,Aros. 30,Salada batata 25,Sopi carni. 75,Ayaca. 6,-

Mi ta desea pueblo di Aruba un

Feliz Pasco y Prospero aña 2021

y papa Dios drama bendishon riba e mundo completo

Pagina 26

Diarazon 30 December 2020

FORTALEZA PA FAMIA Scirbi pa Pastor - Marcel Baloootje

UN FAMIA RECONCILIA CU DIOS, TA UN FAMIA BENDICIONA 2 Corintios 5 vers 19 ta bisa nos lo siguiente : Esta cu Dios den Cristo tabata reconciliando e mundo cu Su mes , sin tuma nan pica nan na cuenta y e a encarga nos cu e palabra di Reconciliacion. Cada mayor tin e encargo di reconcilia nan cas cu Dios, pa asina paz y trankilidad y bendicion por reina den tur Hogar. Ta algo cu ta sumamente necesario den un hogar, pasobra asina nos ta demostra cu nos ta yiu di Dios, y cu Dios ta na prome lugar den nos bida. E palabra ta bisa nos cu Dios den Cristo tabata reconciliando e mundu cu su mes, y Juan 3 vers 16 ta recorda nos cu Dios a stima e mundo asina tanto cu e a manda cu unico yiu pa ken cu kere den dje no bay perdi, ma ricibi bida eterno, aki nan nos por mira e interes di Dios den nos ,pasobra nos tur ta creacion di Dios, pesey Dios ta interesa pa reconcilia cu nos, pa asina nos por tin Amistad cune pa nos por ta yiunan di Dios. Den nos curazon como mayor mester tin e amor pa reconcilia cu nos yiunan, pero na prome lugar nos mes mester ta reconcilia cu Dios pa asina nos por sinti e amor di Dios pa nos bida, y nos bida lo duna testimonio na nos yiunan con bon Dios ta pa nos. y esey ta esencial pa tur Famia e reconciliacion. Den lucas Capitulo 15 vers 11 en adelante nos ta mira e parabola di e yiu perdi, y con e tata , tabatin un curazon cu ta reconcilia , y nos tur conoce e historia kico a pasa ora e yiu a bin cas bek. E relacion entre mayor y yiu , ta unico, e amor di mayor ta bini despues di e amor di Dios, pasobra ningun hende por stima bo yiu mas cu bo mes como mayor , ningun

creche , ningun fundacion, no por reemplaza e amor di mayor. Nos mester compronde cu nos no por negocia cu nos yiunan, no por laga e mucha haci locual cu e kier, Sali manera e kier, bisti desformal sin respet, Sali riba caya y regresa ora e kier, laga amigo y amiganan keda drumi lanta manera e yiu kier, huma , bebe of droga manera e kier, no esey no ta educacion esey ta principio di destruccion. Ta tristo ora cu nos mira con mayornan ta habri man laga bay y bisa cu mi no por mas cu e mucha ey, e ta cansami, mi ta fada, e ta haci mi bida dificil, pero nos tin di corda e mandato cu Dios a duna cada mayor den Efesios 6 vers 4. Hopi biaha como mayor no por reconcilia cu nos yiu , pasobra nos mes nunca a duna importancia di reconcilia nos bida cu Dios, y nos a kere cu ta algo di religion sin busca drechi cu ta algo cu nos tur tin derechi riba dje cual ta nos reconciliacion cu nos Dios. Reconciliacion cu Dios ta nifica cu Dios kier drecha cuenta cu nos, como nos tata Todopoderoso e kier nos bon, e no kier nos bay perdi,den 2 Pedro 3 vers 9 ta mustra cu Dios tin pasenshi cu nos y e kier pa nos tur yega na arepentimiento. Den Romanos 2 vers 4 e Palabra ta bisa: Of bo ta menosprecia rikesa di Su cariĂąo , tolerancia ,pasenshi , sin sa cu e cariĂąo di Dios ta hiba bo a arepentimiento? Mas cu cas grandi, auto , placa, negoshi y tur placer e reconciliacion cu Dios ta mas importante cu tur cos. E ta trece paz den nos bida, famia, hogar, nos lo mira su fruta pasobra reconciliacion ta bini di-

rectamente for di e trono di Dios. Nos tur mester realisa cu Dios kier nos bon, y Dios kier bendiciona tur Famia, y Dios su deseo ta pa nos reconcilia cu E , acepta su yiu Cristo Hesus den nos bida como nos SeĂąor y Salbador y asina tin e segurida di hereda bida eterna. Awor cu nos ta drenta e delaster siman di 2020 un anja cu hopi complicacion, cual a laga un marca hopi fuerte atras , y hopi di nos a perde sernan keri. Ban para keto un rato, y reconoce cu nos mester reconcilia nos bida cu Dios, laga nos reconcilia cu Dios y tambe pordona nos prohimo, mescos cu Dios a pordona nos, cor-

da bon cu nos aricibi pordon gratis di Dios,Laga nos pordona otro sin impone ningun condicion. Dios a duna nos e palabra

di reconciliacion pa cada bida y cada Hogar. Pesey nos ta roga cada Famia riba nos isla sea reconcilia cu Dios.

Pagina 27

Diarazon 30 December 2020

Ta evalua medidanan nobo Maduro ta alerta di “un subida leve pero significativo” di e casonan di coronavirus na Venezuela Presidente di Venezuela, Nicolas Maduro, a anuncia diamars cu durante e ultimo 24 oranan a registra cuater morto door di coronavirus y otro 315 contagio, di cual 302 ta di transmision comunitario, pa un total di 110.824 caso desde e inicio di e pandemia. “Nos tabata tin un subida leve pero significativo (di contagio),” Maduro a precisa, kende a agrega cu expertonan den e materia sanitario ta evalua e tendencia aki pasobra por ta “e prefiguracion di un di dos ola.” Segun Maduro, e rebrote aki por yega na principio di 2021, pa cual e no ta descarta e aplicacion di medidanan nobo di contencion di e virus. “Tur nos estadistista, cientifico y dokternan ta studiando e tendencia y den e proximo dianan, una bes cu culmina e estudio obhetivo, cientifico y veraz, mi lo anuncia na

e pais kico nos lo bay haci entrante januari,” el a delanta. E mandatario Venezolano a reitera cu na principio di e aña cu ta bin e pais por bolbe na e metodo di 7+7, cu ta consisti den shete dia di flexibilisacion y shete di cuarentena of hasta un strategia cu ta “mas radical.” Tambe, Maduro a sigura cu su gobierno ta prepara pa afronta un ola nobo di COVID-19, despues di e mutacion detecta den Reino Uni. “E virus aki no a yega Venezuela. Nos ta bay haci tur posibel pa e no drenta, pero bosonan sa cu tin un frontera cu Colombia y eynan e virus no ta bao di control,” el a insisti. “Tin un caso na Colombia cu e virus,” e mandatario Venezolano a reitera, kende a expresa su preocupacion pa e posibilidad cu e variante nobo por drenta atrabes di e frontera cu e pais bisiña.

“E ta un pueblo huerfano di poder, di atencion social, di salud y di bida,” el a bisa referencia na e teritorio Colombiano. Colombia, pais cu a suspende dia 21 di december e vuelonan cu Reino Uni pa e variante nobo di COVID-19, a reporta te cu awo 40.680 morto pa coronavirus y 1.518.067 caso positivo.

Oracion di dia

Un dia yena di bendicion carga cu hopi fe y legria di Señor ” Canta pa Señor un canto nobo, canta pa Señor, mundo henter! ” (Sal.96:1) No ta falta mucho cu nos ta bay bisa 2020 ayo. Y manera tur aña nobo, yen di expectativa pa 2021. Y kisas mas cu normal, mirando con 2020 a bay. Pero prome cu nos bira lomba pa 2020, laga nos wak kico 2020 a siña nos. Nos a perde sernan keri. Nos a perde entrada. Hopi famia tin dificultad pa pone pan ariba mesa. Pero di otro banda, e ta siña nos stima nos prohimo mas. Hopi yudansa nos a duna nos rumannan den necesidad, sin pensa dos biaha. Tambe a siña nos con pa trata e mundo cu nos Señor a regala nos, mas miho. Pero e les mas principal cu 2020 a siña nos ta, con hopi nos mester di Dios. Tur dia den nos bida. No solamente den bon tempo, pero tambe den mal tempo. Y no solamente den palabra, pero semper den nos curason. Laga nos canta un cantica nobo yena cu animo y speransa den nos Señor! Oracion: Señor nos Dios, danki pa e lesnan cu nos a siña. Ilumina nos, pa nos ta bon prepara pa e aña nobo. Laga Spirito Santo lusa nos caminda cu nos mester cana. Y kico cu nos topa ariba caminda, pa nunca laga Bo man bay. Amen.

Prome Diasabra di Aña 2 januari 2021, Santa Misa na Kapel di Alto Vista y na San Nicolas den Kapel Cas Curason di Maria (Blue Army) Pa 6.15 am Ta cuminsa cu Santo Rosario. Pa 7 or Pastoor Juancho ta celebra Santa Misa, na kapel di Alto Vista. Comision hunto cu pastoor ta invita tur hende pa celebra Santa Eucaristia pa cuminsa un aña nobo cu speransa y mehoracion pa den e pandemia cu nos ta enfrentando pa 9 luna caba. Resa tur dia, pidi Dios pa drecha e situacion na mundo henter. Resa y gana Indulgencia plenaria si haci un bon confecion y asisti 5 prome diasabranan di luna na Santa Misa . Riba diasabra ta resa Misterio Gososo, pa finalisa e santa rosario ta resa Salve Regina. Nos ta resa pa necesidad di Iglesia Universal, pa Papa Francisco, Obispo Luis Secco, tur sacerdotenan y diacononan. Pa nos Gobernantenan y tur cu ta carga responsabilidad pa nos pais Aruba. Laga nos resa pa tur enfermo di e pandemia cu ta reina riba nos islanan, pacientnna den hospital y den cas di nos grandinan. Den hogarnan cu mayornan ta tristo pa un yiu stima cu a coy mal caminda. Otro ta bishita un trahador social profecional pa ayudo, pa tur esnan den necesidad spiritual. Pa tur enfermo den exterior cu poder di Dios nan haya pronto recuperacion.

Pagina 28

Diarazon 30 December 2020

MENSAHE DI LA BIRGEN DI GRACIA DI ARUBA Oktober 18, 2020 â€“ 4.20 am KOYARI, ARUBA

Un bendicion cu ta bin di profundo di Mi curason. Mi yiunan, dolor y mas dolor tin den mundo. Hopi di boso no por celebra e fin di anja manera antes mas. Pakiko Mi ta bisa asina? Pasobra tin hopi sufrimento di enfermedad y tin hopi famianan, cu a perde un ser keri. Hopi curasonnan ta kibra. Bida no ta facil mas. Tin dia boso ta lanta bon y tin dia boso ta lanta malo y cu quebrante di salud. Hopi di boso no ta resando manera cu mester ta. Boso fe ta tambaliando, pesey boso ta haya hopi atakenan di maldad. Aleha for di e scuridad y drenta den e claridad di bida. Sinti den boso curason kiko Mi Yiu Hesus kier papia cu boso. Mas hende boso comberti, mas felis Mi ta keda. E no ta facil pa comberti un hende. Pero e persona den pika mester ta dispuesto pa cambia su bida. Ora cu

boso ta yiunan spiritual, hopi hendenan cu ta rond di boso, nan mester di boso yudansa.

desvia for di e caminda di Dios, busca hendenan spiritual pa trece boso den e bon caminda di salbacion. Ora cu boso tuma e Santo Comunion, boso ta haya mas forsa pa sigi den bida Cristian. Resa boso Santo Rosario tur dia y no cansa.

Hala mas cerca di e berdad di Mi Yiu Hesus, pasobra E ta boso dokter, boso abogado, boso amigo y E ta cla pa yuda boso semper den tur locual cu boso ta pidi.

Den e ultimo temponan aki, e diabel ta hopi activo pa kibra hopi casnan di famia den mundo.

Mi Yiunan, resa tur dia pa e almanan den purgatorio, pasobra nan tur mester di yudansa pa drenta den e Gloria Celestial.

Cende un bela den boso cas pa Spirito Santo keda cu boso. Sigi yuda e pobernan y esnan cu ta riba caya y tambe tur esnan cu ta desvia.

Na tur esnan cu semper ta resa, tin un lugar special den cielo pa nan. Pidi pordon tur dia y cuminsa un bida nobo. Haci un bon confesion na un Pastoor, pa boso keda liber y sin pika. Awor Mi ta bay papia di e mundo. Mundo ta jena cu problema, cu dolor y mas dolor. Cuanto di boso ta prepara pa tur loke cu Mi Yiu He-

sus a pidi boso? Mundo ta temblando tur dia di tristesa. Tin mas enfermedadnan, cu ta sigi bin den mundo. Tene duro pa boso no cay den tentacion y no kibra curasonnan di otro, pero

yuda otro. E bida di antes tabata tin mas yudansa cu awor. Eynan boso ta mira cu bida a cambia. Resa y sigi resa, si un di boso perde den pika of

Recohenan y resa cu nan, pa nan tambe por haya un bida nobo. Maske cu e no ta facil pa haci. Stima otro, manera Ami cu Mi Yiu Hesus ta stima boso nan tur. Di boso Mama, La Birgen di Gracia di Aruba, cu ta stima boso pa semper.

Pagina 29

Diarazon 30 December 2020

“Señor ta mi wardador, mi no tin falta di nada Den cunucu di yerba berde e ta ponemi sosega E ta hibami na awa trankil, Pa mi bolbe haya forsa” Salmo: 23 Cu inmenso tristeza na nos curazon, pero conforme cu boluntad di Dios, nos ta participa fayecimento di:

Sr. Alejandro Faustino Boekhoudt Mihor conoci como: “Jaño” *26-02-1935 - †27-12-2020

Na nomber di su: Señora: Yiunan:

Ruperta (Betty)Boekhoudt- Boekhoudt Raymond y Jaide Boekhoudt-Alfaro Mariska y Michael Lin-Boekhoudt Alvin y Jessica Boekhoudt-Kelly

Nieto/Nieta nan:

Alejandra Boekhoudt Daniela Boekhoudt Michelle Lin Jonathan Lin y Aleksandra Gęsior Dylan Boekhoudt Jeslenne Boekhoudt

Rumannan:

†Francisca Boekhoudt †Juanita Boekhoudt Vda. Veronica (Janda) Dirksz-Boekhoudt y †Marco Dirksz Hendrika Boekhoudt Vicente (Kees) y Solange Boekhoudt-Salomons

Cuñanan:

Irma Boekhoudt Vda. Chimina Thijzen y †Nicolaas (Jaty) Thijzen y famia Lucia y Ronny Arends-Boekhoudt y famia †Elka Boekhoudt Erna y Herbert Croes-Boekhoudt

Sobrino/Sobrina nan:

Gretha y Esteban Thiel- Dirksz Yvonne y Anthony Laclé-Dirksz y famia Astrid Dirksz Wini Dirksz Vdo. Renny y †Choy Dirksz-Wong y famia Vda. Gwennen y †Jerry Lisapaly-Boekhoudt y famia Meredith y Richard Gibson-Boekhoudt y famia Tamara Boekhoudt

Consuegro(a)nan:

Erica Arendsz Winceslao y Esperanza Alfaro Luna Feli y Editha Kelly

Su ayudantenan di cas: Broeder Gregory Maduro, Zuster Getruida Thiel y su enfermeranan di Wit Gele Kruis Primo y primanan, ihanan, comer y compernan, bisiñanan, conocirnan y demas famia: Boekhoudt, Alfaro, Lin, Kelly, Dirksz, Thiel, Laclé, Brouwer, Tromp, Wong, Salomons, Gibson, Lisapaly, Thijzen, Arends, Arendsz, Croes, Jansen, Alzate, Reyes, Hernandez, de Mey, de Freitas, Lampe, Luidens, Coronel, van Ierland, Yarzagaray, Ruiz, Damsma, Wallé, Huilca Nos ta pidi disculpa si den nos tristeza nos por a lubida algun famia. Ta invita pa acto di entiero cual lo tuma lugar Diamars 5 di Januari 2021 di 2’or pa 4’or di atardi na Aurora Funeral Home & Crematory despues saliendo pa Santana catolico Pastor Kranwinkel na Paradera. Despues di entiero no ta ricibi bishita di condolencia na cas.

Pagina 30

Diarazon 30 December 2020

EL VERDADERO PODER DE LOS AMULETOS: ¿POR QUÉ NOS AFERRAMOS A ELLOS? Cuando era niña mi madre coleccionaba elefantes de adorno. Para atraer a la buena suerte bastaba con tener tres ﬁguritas: una comprada, una regalada y otra robada, todos con la trompa en alto y en sentido contrario a la puerta principal. Nunca escuché de sus labios por qué los elefantes atraían prosperidad pero mi madre compraba elefantitos donde quiera que iba hasta que acumuló decenas por todos los rincones de la sala. La colección nunca fue completada. El espacio destinado para el elefante robado de otra casa quedó vacío. Quizá en la mente de mi madre el deseo de una vida de abundancia nunca fue más fuerte que el respeto por el bien ajeno. No creo que la pieza faltante hizo alguna diferencia en nuestro destino porque nunca nos faltó nada. Hoy leo que para algunos el elefante simboliza a Buda y a la deidad Ganesha, quienes traen a las casa fortaleza, suerte y armonía a los lazos familiares. Otros supersticioso cercano es mi esposo. El guarda en su cartera un billete de 10 bolívares que no tiene ningún valor de cambio ni en España ni en ningún lugar del mundo. El mismo no puede explicar por qué lo ha conservado durante años como amuleto. Y es que precisamente de eso se tratan las supersticiones. Son creencias que no tienen ninguna explicación lógica. Y aunque la ciencia ha comprobado una y otra vez su ineﬁcacia, personas de todos los países siguen estas prácticas irracionales para atraer la fortuna y alejar a las desgracias. Píldora espiritual El antropólogo polaco Bronislaw Malinowski,

explicó a principios del siglo 20, que las supersticiones nacen del miedo a lo desconocido y son una manera de enfrentar el estrés que nos genera la incertidumbre. En sus investigaciones etnográﬁcas en las Islas Kiriwina, en Papúa Nueva Guinea, encontró que los pescadores que se aventuraban en peligrosas expediciones a mar abierto eran más supersticiosos que los que pescaban en las lagunas tranquilas del archipiélago. Otros investigadores contemporáneos, como el psicólogo británico Richard Wiseman, consideran que la superstición forma parte de nuestro ADN porque los amuletos y las ﬁguras totémicas se encuentren en todas las culturas y todas las eras de la historia humana. La función del amuleto es protectora. Las personas se aferran a los amuletos en los momentos difíciles. “Las personas se vuelven supersticiosas cuando sienten incertidumbre en su desempeño, como los atletas y actores”, aseguró Wiseman a National Geographic. Es una necesidad de apuntar hacia el optimismo cuando todo señala que vienen tiempos de tormenta. Dinosaurios en el espacio Los astronautas no han sido la excepción a la regla y todos han llevado amuletos y talismanes durante sus viajes espaciales. The Guardian contó que cuando el módulo lunar Águila, del Apolo 11, alunizó el 20 de julio de 1969, el devoto Christian Buzz Aldrin llevó un cáliz en miniatura, pan y vino y el primer líquido que se derramó sobre la luna fue en realidad un acto de comunión. Un par de años después, Alan Shepard logró llevar en el Apolo 14 unos

palos y pelotas de golf a la Luna. Mientras que los dos tripulantes del SpaceX Falcon que llegaron en junio de 2020 a la Estación Espacial Internacional en el primer cohete espacial llevaron como amuleto un dinosaurio de juguete a petición de sus hijos. Wiseman, quien ha estudiado el fenómeno de la suerte como jefe del departamento de psicología experimental de la Universidad de Hertfordshire,

en Inglaterra, recordó que durante la Gran Depresión de 1930 se popularizó el uso de las patas de conejo, y durante la Segunda

Guerra Mundial, los pilotos de combate adornaban sus aviones con dados de peluche.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 31

Diarazon 30 December 2020

“Señor ta mi wardador, mi’n tin falta di nada, den cunucu di yerba e ta ponemi sosega. E ta hibami na awa trankil, pa mi bolbe haña forsa” SALMO: 23 Cu inmenso tristesa na nos curason y agradecido pa tur loke ela signiﬁca pa nos, nos ta anuncia fayecimiento di:

Sr. Benedict Jocelyn Montgomery Nisbet Mihor conoci como “Benny” *21 juli 1953 - +19 december 2020

Na nomber di su Esposa: Natalia Susana Nisbet Brete “Sita” Tata: †Pieter Jocelyn Nisbet Mama: † Hilda Nisbet Sparing Ruman nan: Don Pedro Nisbet y Alsacia Dolores Antonio Nisbet “Alie” Rose Marie Tromp Nisbet y Hose Tromp †Micheal Nisbet Juan Enrique R Nisbet “Ricky” Alexandrina C.J. “Sandra” Nisbet Glorina M “Gloria” Gumbs Su unico sobrino: Donathan Nisbet y Esther Su suegro y suegra: Antonio y Annie Brete Su cuña y swa nan: Teoﬁlo Brete y Rober Maria Brete y yui nan Silo Brete y Flora y yui nan Erica y James Orman y yui nan Roy y Reina Brete y yui nan Linda Brete y yui nan Jose Brete Su tanta nan: Anna Vasquez Dean, Clara Dean, Mildred Sparing Scharbaai Su iha nan y amigo nan di cas cu ta mucho hopi pa menciona. Su primo y prima nan, comer y comper nan, bisiña nan, conocir nan.

SU PARTIDO DI P.P.A. Y DIRECTIVE CU TANTO ELA STIMA Y demas famia nan: Nisbet, Brete, Tromp, Carrera, Sparing, Arends, Vasquez, Toppenberg, Orman, Dean, Boekhoudt, Wanga, Semeleer, Smith, Restrepo, de Freitas, Hudson, van der Linde, Henriquez, Robles, Peterson, Rosel, Lampe, Solognier, Nicolaas, Panthoﬂet, Kock, Gibbs, Henrich Falcon, Croes, Vrolijk, Briezen, Leo, Colorado, Ahlip, Lejuez, Thode, Hughes, Martineau, Richardson, Gumbs, Bryson, Van den Bosh, Habat, John, Gomez. Despensa nos si pa un motibo of otro den nos tristesa y dolor nos por a lubida un persona. Dia pa por condoleer lo ta 29 december 2020 di 6 or di atardi pa 9 or di anochi na Aurora Funeral, Cumana. Ta invita pa asisti na acto di entiero cual lo tuma lugar diaranzon 30 di December 2020 na misa Sagrado Curason na Savaneta pa 1’or pa 4’or di atardi y despues pa Santana Central San Basora. Pa motibo di e situacion actual di COVID-19, ta pidi pa mantene estrictamente regla nan di DVG, usando tapaboca y practica distancia social. Nos ta lamenta cu despues di entiero nos no por ricibi bishita di condolencia na cas.

Pagina 32

Sopi di Letranan

Diarazon 30 December 2020