Issuu

23039 Caso nobo caso nobo 20 y 183 na Hulanda, ayera caso activo 23066 Covid Aruba

Diarazon 24 November 2021

Solo di Pueblo

Aña 16 - edicion 546

E-mail: solodipueblo@gmail.

Prijs: Afl. 1.75

OOH AAH UUH

Sindicatonan ta hungando cu salario di empleadonan manera casino Conocido John di Hooiberg haya morto na su cas A cera caso; No ta persigui Robby Dos Santos den caso di asesinato di Helmin Wiels

SR. ADY THIJSEN TA RETIRA DI PARLAMENTO Y SR. RICKY HOEK TA DRENTA

Famia ta pidi buskeda

Yiu di Corsou perdi na Medellin Colombia

Diarazon 24 November 2021

Conocido John di Hooiberg haya morto na su cas; Ta investigando si ta un crimen of caida Dialuna mainta e noticia a drenta cu e conocido persona aki den Hooiberg / Serobiento a wordo haya morto na su cas. Informacion no confirma ta bisa cu a haye na sanger, cual probablemente por ta un golpi. E golpi por ta di un caida of dor cu otro persona a drenta y golpi’e. Investigacion ta tumando lugar. Polis a emiti e siguiente informe: Awe madruga pa mas o menos 1:40am central di polis ta wordo notifica cu na un cas na Hooiberg un persona masculino no ta duna señal di bida. Na yegada di patruya ta bin encontra un hende homber benta abao banda di su auto. Personal di ambulance a yega na e sitio di e sucedido pero no por a haci nada mas. Pa 2:30am Dr.Texier ta constata morto di J.R. Croes di 57 aña. Polis technico, departamento di recherche y slachtofferhulp a yega na e sitio di e sucedido. Di parti di Cuerpo Policial ta manda palabra di condolencia na e famia di e fayecido. Condolencia na famianan.

Resumen di casonan di COVID-19 na Aruba.

23 november 2021. Segun resumen di awe 6 persona a recupera y un total di 20 caso nobo di COVID-19 a keda registra di cual 1 ta no-residente. E cifranan aki ta representa un 'Positivity rate' bou di nos residentenan di 11%. E cantidad di casonan activo di COVID-19 pa awe ta 183 y cantidad di fayecidonan relaciona cu COVID-19 ta 173. Datos ta ilustra casonan nobo di COVID cu un average semanal di 17 caso pa dia y un averahe di 'positivity rate' semanal di 11% pa dia. Actualmente na Aruba tin 9 persona interna debi na COVID di cual den ICU tin 4 persona y riba piso general tin 5. Na Colombia tin actualmente 8 persona den ICU y 3 riba piso general.

23039 caso nobo na Hulanda, ayera 23066

Hulanda ta keda registra tur dia un cantidad hopi halto di casonan di Corona. Diamars e cifra a indica 23.039. Esaki

ta trece cune cu tur hospital lo ta yenando cu mas y mas persona. Pa esaki tin papia cu lo bay duna code color preto, pa

asina por escala e cuido medico y di hospital, unda ta ponele den e categoria di emergencia.

Diarazon 24 November 2021

Kit pa auto-contagia bo mes cu coronavirus tabata wordo bendi na Hulanda Increibel pero berdad. Un Website na Hulanda tabata bende e kitnan aki, cu ta bini cu un ampoya, unda bo ta injecta bo mes cu e virus. Ademas e tabatin bin cu un test di Antigen, pa bo por test bo mes, cu ba logra. Motibo di esaki ta e hecho cu esnan cu no kier a vacuna of cu no a haya coronavirus no por a haya un qr-code pa nan por a drenta lugarnan publico. E pagina web tabata promove: “si mi kier covid”. E kit tabata wordo bendi pa $38 y informacion ta mustra cu e grupo di hoben cu tabata bende esaki, a bende hopi kit. Dor di auto-contagia, nan tabata bypass e vacuna y tabata haya un code. E test ta duna como instruccion cu unaves bo contagia, sigui tur reglanan di gobierno.

Luz cu botternan de vaccine covid

A cera caso; No ta persigui Robby Dos Santos den caso di asesinato di Helmin Wiels OM na Curacao a informa cu nan a cera e caso contra Sr Robby Dos Santos, den caso Maximus, cu ta e asesinato di Helmin Wiels.

Schleswig-Holstein, Stockelsdorf: Jens Lepczynski, un internista, para dilanti un cabuya di lus cu e mes a traha. Por mira cu el'a usa e botternan chikito bashi, di vacuna, pa asina hinca lus den dje.

Motibo cu a keda duna ta bisa cu no tin prueba ni legal ni convincente. E investigacion a wordo haci te den profundidad. Dos Santos tabata sospechoso y a keda varios dia cera pa e caso aki. Ruman “halfbroer” di Dos Santos ta George Jamaloodin, pa George Jamaloodin si a worso sentencia na 30 aña di prison, como e autor intelectual.

Diarazon 24 November 2021

Minister Rocco Tjon a bishita oficina di Inmigracion situa na Barcadera Recientemente Minister di Husticia y Asuntonan Social Sr. Rocco Tjon a bishita e oficina di Immigracion na Barcadera pa asina duna oido y atencion na e trahadonan cu ta situa na e post aki. Ta asina cu durante gobernacion di Gabinete Wever-Croes I a logra traha planes pa desaroya e oficina aki pa haci’e uno mas amplio, pero pa motibo di e crisis no a logra cu esaki. E meta di Ministerio di Husticia y Asuntonan Social ta pa percura cu pa 2022 por continua y finalisa e trabou aki, pa asina brinda e trahadonan di Immigracion na Barcadera un miho ambiente di trabao, pa asina nan tambe por brinda un miho servicio.

Diarazon 24 November 2021

Prome Minister Evelyn Wever-Croes:

PROME MINISTER A REUNI CU PARLAMENTO HUBENIL organo di consulta di nos hobennan. Esaki ta nos compromiso. Nos ta kere ta importante no solamente pa scucha nos hobennan pero pa duna nan tambe participacion den e decisionnan importante pa nos pais pasobra na fin di dia mayan ta nan tin cu carga e consecuencia di nos decisionnan. Un bunita reunion y tin hopi potencial den e hobennan cu tabata presente awe”,

“Ta importante pa scucha nos hobennan y duna nan participacion den e decisionnan importante pa nos pais pasobra ta nan tin cu carga e consecuencia di nos decisionnan” Diabierna 19 di november, Prome Minister Evelyn Wever-Croes y Minister Rocco Tjon y señora Stephanie Croes tawata tin un encuentro ameno cu Directiva y e hobennan cu ta miembro di Parlamento Hubenil. Presente tawata Presidente: señor Devaney Martines, Penningmeester: Christopher Lake, Jeugdcoordinator: Glendeline ArendsMaldonado y miembronan di Parlamento Hubenil: Joshua Tromp, Jean Eduardo Croes, Jeanrick Zimmerman, Jisela Solognier,, Jordan Peterson, Allan

Ridderstap, Genevieve Marchena, Lipika Motwani, Ayden Arends, Christopher Leysner, Vicente Lyspali, Ronan van Putten y Derson Lampe. En conexion cu ta Dia di Derecho di Mucha, Parlamento Hubenil a pidi un reunion cu Gobierno y Parlamento. Prome Minister a duna di conoce cu e tabata un reunion hopi ameno hunto cu colega Minister Rocco Tjon y Stephanie Croes. Varios tema cu ta di importancia pa nos hobennan a wordo trata. “Nos a yega tambe na palabracion cu ta hopi importante pa reuni 1 biaha pa cada kwartaal riba varios topico cu e hobennan kier trece dilanti y pa duna Gobierno conseho con pa tuma decisionnan cu ta den interes di nos hobennan, asina haciendo nan un tipo di

Prome Minister a duna di conoce. E siguiente reunion cu Parlamento Hubenil lo ta

dia 18 di Februari 2022 y ya caba e hobennan ta preparando e puntonan di agenda.

Diarazon 24 November 2021

DOW a cuminza trabaonan pa drecha caminda di Ponton

Recientemente DOW a informa cu nan a inicia cu trabaonan pa drecha caminda di Ponton. Manera a menciona lo drecha e caminda di Ponton #96 88Mte cu

90H. Trabounan di kibra e asfalt a cuminsa ayera y lo sigui pa coba fundeshi. E camindanan rond Aruba ta sigui wordo renoba, poco poco, pero sigur

Diarazon 24 November 2021

OOH AAH UUH

Sindicatonan ta hungando cu salario di empleadonan manera casino Manyan ora perde 50%, ta ken nan kier culpa?

Den e ultimo dianan sindicato ta poniendo precion pa asina nan haya bek e 12.6% cu nan a entrega pa ta solidario. Riba su mes, nada contra! Sinembargo nan kier cuminza un guera contra Gobierno di Aruba. Esey no ta corecto. Gobierno a haci lo maximo esfuerto pa paga tur empleado 95% di nan salario desde Mei 2020 y 7.6% for di toelages. Nan mester compronde cu si no tabata pa prestamo di Hulanda, lo nan no por a cobra salario. Pues e protesta ta contra Hulanda, pa asina reclama Knops pa e por elimina e condicion. Esey ta comprendibel.

Si toch nan kier sigui bringa contra Gobierno di Aruba, anto, kico lo pasa si Gobierno bay di acuerdo pa dunanan 12.6 y si Hulanda nenga e prestamo? Kico e ora? Sindicato lo bay eens pa cobra na Januari 50% di salario? Pues, tin biaha tin hendenan cu mester pensa bon, ta cu kico nan ta bezig. Dje forma aki nos ta opina cu sindicato ta hungando casino cu salario di empleadonan. Nan ta preciona pa 12.6, pero lubida cu mayan nan mes lo carga consequencia ora nan cobra 50% y perde 50%.

Diarazon 24 November 2021

Minister Dangui Oduber

35 AÑA STATUS APARTE DANKI NA TUR ESNAN CU A LUCHA PA LOGRA ESAKI Y NA TUR ESNAN CU A LUCHA PA CONSERVA NOS STATUS APARTE Minister di Turismo y Salud Publico sr. Dangui Oduber tabata presente na e acto ceremonial di e conmemoracion di 35 aña di nos status aparte cu a tuma lugar diamars mainta na e ballroom di Marriott. Dia 1 di januari 2021 Aruba a cumpli 35 aña cu nos tin un status aparte pero debi na e situacion di COVID-19 nos no tabata por e conmemora esaki na es momento. E anhelo pa ta e baas den nos mes cas a nace ya caba den aña 1933 na momento raad di polis di Aruba e tempo ey a entrega un peticion na reina Wilhelmina pa duna Aruba un status mas relaha y independiente. Na aña 1948 a cuminsa un movimento cu tabata kier un separacion, esaki tabata bou liderazco di Shon A. Eman caminda 2147 Arubiano a firma pa bira los di Antiyas Hulandes.

E deseo pa bira un pais autonomo den reino a wordo frena na e reunion di mesa rondo cu a tuma lugar aña 1954. Den e reunion aki a dicidi cu Antiyas lo haya un total di 22 asiento di cual Corsou lo haya e mayoria di 12 asiento y Aruba lo haya 8 asiento, Boneiro ta haya 1 asiento y 1 asiento ta keda parti entre e islanan ariba. Sinembargo den añanan 70 e anhelo pa ta baas den nos mes cas a bolbe lanta cabes ora cu e lucha cu a cuminsa den decada 30 a continua. E biaha aki pa Nos Libertador Betico Croes kende finalmente a logra cu Aruba a haya su status aparte den e reunion di mesa ronde di aña 1983 cu a tuma lugar na Den Haag. Aki a dicidi cu Aruba lo haya su status aparte na 1 di januari aña 1986, acera a condiciona Aruba tambe

cu despues di 10 aña na januari di aña 1996 Aruba lo mester bira independiente. Dia 13 di juli di aña 1990 ex Prome Minister Sr. Nelson O. Oduber a firma pa kita e fecha di independencia di 1 januari 1996. Esaki sigur ta wordo considera historico pasobra sin esaki, awe nos no por bisa cu nos tin status

aparte. Danki na Nelson Oduber su esfuerzo na aña 1994 e fecha di independiente (articulo 62) a wordo kita for di den e statuto di Reino Hulandes. E logro aki tabata hopi importante paso danki na esaki awe Aruba tin su status aparte sino nos lo ta independiente.

Diarazon 24 November 2021

Partido MEP:

SR. ADY THIJSEN TA RETIRA DI PARLAMENTO PA BAY HULANDA Y SR. RICKY HOEK TA DRENTA PARLAMENTO PA PARTIDO MEP PA 1 DECEMBER encarga entre otro na ofrece e organisacionnan miembro di ATHA cursonan di desaroyo, fondo pa plan vacacional, proyecto encuanto Derecho di Mucha, jeugdmonitor, curso di Licht Verstandelijke Beperking na profesionalnan, dirigi plataforma pa persona cu limitacion y dirigi e proyecto Poder di Hubentud. Banda di e area profesional cu señor Hoek ta traha aden, e ta haci diferente trabou boluntario den

Parlamentario señor Ady Thijsen ta retira di Parlamento dia 1 di december 2021, pa bay Hulanda, den e funcion di representacion di Aruba na Union Europeo y Brussel. Señor Thijsen a pasa e screeningnan necesario pa asumi e funccion. E decision dificil pero importante aki, señor Thijsen a tuma, riba peticion di partido MEP, y despues di consulta cu su famia, en bista di e papel importante cu Union Europeo lo hunga den e fase di recuperacion di Aruba, despues di Covid. Asina señor Ady Thijsen lo reemplasa e Representante pa Aruba actual, señor Eddie Paris, cu a haci un bon papel na Brussel. Señor Paris lo keda un tempo Hulanda pa asisti den e fase transitorio. Señor Ricky Hoek, number 18 riba e lista di MEP, ta e candidato pa drenta den Parlamento. Señor Ricky Hoek a studia Culturele en Maatschappelijke Vorming (CMV) na Fontys Hogeschool voor Sociaal Werk na Eindhoven, Hulanda y tambe a finalisa su Master in Arts in Social Work & Development na Universidad di Aruba. Señor Hoek actualmente ta e ‘Professional and Society Practice Coordinator’ (coordinador di practica) y

docente na Universidad di Aruba pa e estudio di Bachelor in Arts in Social Work & Development. Esaki ta haci cu Sr. Hoek ta un profesional prepara riba e area social y di enseñansa. For di aña 2004 pa 2007 señor Hoek a traha den e funccion di trahado comunitario na Departamento di Asunto Social. Den e funccion aki señor Hoek tabata encarga di dirigi un plataforma profesional consistiendo di cabesantenan di scol basico, Wit-gele-kruis, Polis di Bario, docter di cas y clero den districtonan di Santa Cruz, Paradera y Noord. E meta di e plataforma tabata pa den un forma di colaboracion mutuo y estrecho atende e problematicanan social cu ta surgi den cada districto. For di aña 2007 te cu 2017 señor Hoek a ocupa e puesto di Director na Asociacion Trabao di Hubentud na Aruba, ATHA. Den e funccion aki señor Hoek tabata

comunidad. Ta ser spera cu sr. Hoek lo por drenta den Parlamento dia 1 di december proximo, y e tramite nan ta wordo ehecuta awor. Partido MEP ta desea señor Ady Thijsen y señor Ricky Hoek hopi exito den e carera nobo, nos tin tur confiansa cu ambos ta e personanan corecto riba e luga corecto.

Diarazon 24 November 2021

IBISA Dodgeball competition Dia 3 di december 2021 IBiSA ta organisa un competencia di “Dodgeball / Trefbal”. E competencia ta wordo organisa den 3 districto cu ta Noord, Santa Cruz y San Nicolas pa hobennan di 13 pa 17 aña. E campeon di cada districto lo participa na e final dia 10 di december. E competencianan ta tuma luga na Compleho Deportivo Frans Figaroa na Noord, Centro Deportivo Libertador Betico Croes na Santa Cruz y na Sportcentrum IBiSA San Nicolas dia 3 di december cuminsando for di 3:30 pa 5:30 di atardi. Registracion: Pa cada districto ta bay registra un cantidad di 40 mucha muhe y 40 mucha homber. Participantenan por forma nan mesun team y si un participante no por forma un team, por avisa IBiSA pa yuda cu formacion di un team den nan districto. Ta bay tin un total di 8 team, 4 team di mucha muher y 4 team di mucha homber. Cada grupo mester consisti di 10 mucha maximo y minimo 6 mucha.

Famia ta pidi buskeda

Yiu di Corsou perdi na Medellin Colombia Noticia for di Curacao: Riba red social por lesa cu famianan ta pidi buskeda di nan ser keri cu ta perdi na Colombia. E nomber ta Evertson Jose Martina, kende ta perdi na Colombia for di 13 di November 2021. Evertson Jose Martina a keda na hotel H&M Cra 33 N° 30-41 Palmira, Valle, Colombia

Diarazon 24 November 2021

Prome Minister Evelyn Wever- Croes

CONFERENCIA 35 AÑA STATUS APARTE, ARUBA TA DI NOS TUR “Pa sigui hiba e Pais dilanti Aruba mester di e mesun union, determinacon y vision cu a conduci na Status Aparte”

y despues a sa di desaroya nos pais den e Aruba cu awe nos ta biba aden.

Diamars 23 di november a tuma luga e Conferencia 35 aña Status Aparte, Aruba ta di nos tur. E conferencia a conta cu presencia di Gobernador y ex Gobernador, Ministernan, Parlamentarionan, Presidente di Parlamento y diferente ex politico y personanan cu tabatin un rol importante den e 35 aña cu Aruba tin Status Aparte. Durante apertura di e conferencia, Prome Minister Evelyn WeverCroes a enfoca riba e lucha cu a conduci na e logro di Status Aparte, riba loke cu no a logra ainda y e futuro

di Aruba. Un palabra pa tipifica e lucha cu a Aruba a hiba 35 aña pasa pa por a drenta den e fase nobo como pais autonomo ta: union. Union den amor pa nos pais, y union den amor pa su simbolonan di identidad, nos himno, nos bandera, nos moneda y nos escudo, Premier Wever – Croes a splica. E lucha a wordo tipifica tambe pa determinacion y vision. Vision pa sa unda kier bay cu Aruba y determinacion pa logra esaki. Aruba a conoce lidernan grandi y visionario cu a hiba e lucha

Den e dianan prome cu e conferencia di diamars, Prome Minister a reuni cu varios personahe cu a hunga un papel importante durante e lucha pa e Status Aparte y despues durante e desaroyo di Aruba como pais autonomo. Premier a reuni cu sindicalistanan di e tempo aya, miembronan di prensa di e tempo aya, politicinan, y esnan cu tabata conseha e politiconan di e tempo aya te cu e tempo aki y tambe a reuni cu e secretarionan di Conseho di Minister. “Mi kier a scucha di na, con nan a experiencia e epoca importante aki den nos historia y nan a comparti anecdotanan. Tambe nos a reflexiona riba e periodo nos dilanti, y kico nan ta conseha gobierno”. Puntonan importante cu a bin dilanti for di e combersacionnan aki segun Prome Minister a splica, ta cu despues di e lucha duro pa Status Aparte, a pone tur esfuerso den desaroya Aruba su economia hopi lihe, haciendo Aruba un

pionero den e region, especialmente riba turismo. Preguntanan importante cu ta bin dilanti ta, si a enfoca suficiente riba e formacion di nos hendenan pa defende e autonomia y democracia di nos pais. Nos a forma nos ciudanonan pa pensa y actua autonomo suficiente? Nos a enfoca riba formacion pa cada ciudadano di nos pais conoce e contenido real di e autonomia, y consecuente con nos mester lucha pa mantene? Prome Minister: ‘Tin ta pensa cu si y tin ta pensa cu no. Ami no tin e contesta. Loke si ami sa, ta cu e Status Aparte a yuda nos pais y nos hendenan hopi. Y si tin aspectonan cu nos mester traha mas duro riba dje, e tempo ta awor pa nos hacie’. Aruba a desaroya den un pais pionero den nos region y den mundo pa nos turismo, nos cordialidad y e stabilidad di nos pais ta atrae bishitante di henter mundo. Aruba a logra hopi den 35 aña, pero tin cos cu nos no a logra ainda. E periodo nos dilanti lo ta dirigi riba e areanan aki,

por ehempel: (1) Formacion di nos hendenan, pa e ciudadano di nos pais ta mas autonomo, (2) Prepara miho pa futuro, pa un Aruba fuerte y resiliente y pa duna un dimension nobo na nos democracia, (3) Den e desaroyo den e periodo di recuperacion nos dilanti, proteccion di naturalesa ta hopi importante (4) Y nos mester documenta e historia di nos lucha y inclui esaki den curriculum na scol, sino e historia ta bira un storia. Prome Minister a sigui bisa: “35 aña despues di nos Status Aparte, saliendo di e pandemia mundial Covid 19, mi ta compara Aruba cu un barco nabegando den lama bruto den olanan grandi. Ainda e lama ta bruto. Pero inspira pa e lucha pa nos Status Aparte, mescos cu e tempo ey nos forsa tabata nos union, determinacon y vision. Awor ta e mesun union, determinacon y vision lo ta nos forsa pa pasa den e lama bruto, drenta lama calmo y yega nos destino, Premier Wever – Croes a termina bisando.

Diarazon 24 November 2021

Booshi Wever:

“CONTROL THE WORDS, CONTROL THE CULTURE AND CONTROL THE MINDS"! Den diferente articulo den pasado mi a urgi pa “lees tussen de regels door” ora ta trata di discursonan di gobernante- y politiconan. Ultimo tempo mi a bin ripara cu e intencion di e politico ta pa NO papia e berdad. Alcontrario e intencion ta pa ta convincente den troce e berdad lo maximo posibel y si e intencion aki faya anto mester tin semper “a way out” ora e politico wordo gara ta gaña. Ta p’esey ta den nos man pa trata na averigua kico exactamente ta e diferencia entre realidad y loke e gobernante kier “bende” nos como realidad. Esaki ta simpelmente "manipulacion"! E ehercisio pa lesa “tussen de regels door” den mundo linguistico ta wordo categorisa como un ehercisio den “SEMANTICS ”, loke ta nifica un estudio den significado di palabranan. Nos no mester enfoca solamente riba e palabra cu ta wordo expresa, pero principalmente riba e significado di e palabranan. Un ehempel bibo ta loke nos Prome-Minister entre otro ta trata na haci cu e medidanan cu ya caba a cuminsa wak luz di dia. Den e debate encuanto e revocacion di 12.6% di salario nos Prome-Minister den pasado a expresa cu pa Aruba bin na remarca pa ayudo financiero, Hulanda a exigi pa reduci gasto di personal. Reduci gasto di personal NO tabata tin nada di haber cu e pandemia. Pero ta algo cu desde 2014 Aruba a cumbini cu Hulanda!! Y esaki mester ta

algo cu nos como pais mester kier. Ta prohibi pa lubida cu na januari 2020 nos Prome-Minister a bay cu urgencia Hulanda pa evita un “aanwijzing” pa motibo di MAL GOBERNACION. Durante e pandemia a haci un apelacion na trahador publico pa ta solidario cu esnan cu ta traha den sector priva y pa nan entrega un parti di nan salario. NUNCA esaki tabata e intencion pa “tapa” buraco financiero di pais Aruba, pero pa yuda esnan cu a perde gran parti di nan entrada.

cumbini den Protocol 2018 y den

Esaki ta un peliger eminente pa

Landspakket cu esaki lo mester ta definitivo pero awor cu e rosea di e empleadonan publico ta den su nek, e kier hasi maniobranan y ta bin hunga atrobe e rol di Pontius Pilatus esta di “yo no fui”.

nos democracia! Enbez di acepta cu un biaha mas ela gaña, Prome Ministro Croes ta prefera di tira culpa riba otro y trata di silencia tur esnan cu NO ta apoya e gobierno mediocre aki.

Su problema ta cu e berdad ATROBE a sali na cla y cu ta su gobierno a acepta pa entrega nos autonomia di tal forma cu ni su gobierno ni Parlamento tin algo mas di bisa. Ta Hulanda ta manda. Tambe ta asina cu nos PromeMinister ta sigui insisti pa bende nos un 6 pa un 9 cu palabranan cu cada bes ta cambia di significado: "control the words, control the culture and the mind"!

Cu tipo di actitud asina masha liher nos lo yega na dictadura particularmente ora cu Pueblo por ta testigo cu ta nan tin un Parlamento actual di puro marioneta. Nos no por acepta manipulacion cu palabra, pasobra te net esey ta loke a hiba nos den e situacion actual y e gobierno nobo no ta nada diferente. Ta pesey e conclusion ta: NAN TA MESCOS CU E OTRONAN!

Awor cu FASE no ta wordo continua, no ta necesario mas pa solidarismo di parti di e trahadornan publico!! Sinembargo gobierno a haya ta necesario pa sigui cu e 12.6%. Aki por tin dos splicacion. Na prome lugar Aruba ainda NO a sali for di awanan bruto y e entrada extra aki ta necesario y de facto NO a baha gastonan den e aparato publico structuralmente. Otro splicacion ta esun berdadero, esta cu e exigencia di Hulanda. Esta di baha e gastonan die aparato publico structuralmente y duradero. Un exigencia cu NO tin nada di haber cu e pandemia, sino cu ya tabata e conoci desde 2014. Y e gobierno actual mes a duna di conoce cu e manera cu nan kier baha gasto ta pa entrega 12.6%!! E motibo ta obvio! Ta pa nan sigui yena e aparato publico cu mas hende. Y awor kier bin hunga e wega di palabra. E Prome-Minister sa for di un principio cu ela

Diarazon 24 November 2021

Aruba Bank ta Celebra Customer Appreciation Week 2021

Appreciation Week” caminda tin diferente “surprise moments” na diferente localidad di e banco. Aruba Bank lo ta repartiendo regalonan na nos clientenan cu a ser

– 24 November 2021: Tur aña Aruba Bank ta gradici su clientenan pa nan lealtad, cu celebracionnan na nan sucursalnan. E aña aki Aruba Bank lo celebra cu nan clientela un biaha mas, durante nan ‘Customer Appreciation Week 2021’. Aruba Bank ta conciente di e importancia di un bon

relacion entre e banco y su clientenan y ta pa esey anualmente ta gradici su clientenan y ta promove un ambiente servicial y amabel na tur sucursal di banco rond di Aruba, pa expresa e gratitud. Desde dialuna 22 di November Aruba Bank ta celebra “Customer

cumpra na companianan local pa aporta na nos economia. Tambe lo tin premio riba nan pagina di Facebook. Aruba Bank ta aprecia tur su clientenan y nan ta

sincero ora ta bisa DANKI. Nos comunidad tin opcion ora di scohe unda pa maneha nan asuntonan bancario, y Aruba Bank ta gradici esunnan cu ta sigui scohe pa nan.

Diarazon 24 November 2021

Tremendo colaboracion medico den region Di 12 simposio cu enfoke riba reumatologia y medicina interno

Recientemente Dr. Horacio E. Oduber Hospital tabata anfrition di e di diesdos DutchAntillean-South American (DAS) Clinic of Rheumatology and Internal Medicine na Aruba. E simposio aki a cuminsa na Surnam y despues ela wordo organisa na Aruba y tambe na Corsow. Pa motibo di pandemia a salta aña 2020 y e aña aki a opta pa organisa e di diesdos DAS clinic aki na Aruba cu a resulta fantastico cu bon acogida. Dokternan di cas y specialista por a haya acreditacion pa nan participacion na e simposio. Dr. Sandro Waterloo, internista y organisador di e simposio, a splica cu e topiconan cu a toca e biaha aki a elabora riba remedi, reumatologia, enfermedad infeccioso, geriatrico, enfermedad di tripa, HIV y hopi mas. A conta cu un total di 21 orador, di cual cuater a bin fo’i Corsou, un di Hulanda, mientras e demas tabata di Aruba. Dr. Ken Berend, internista di Corsou, a enfatisa cu nan ta traha intensamente cu Aruba. Algun luna atras el a traha pa tres siman aki na Aruba y no tabata prome biaha. E tin un bon cooperacion

cu Hospital y colega dokternan na medicina interno y reumatologia. Dr. Ashley Duits, medisch immunoloog y director di bloedbank na Corsou y alabes consehero di bloedbank di Aruba, ta contento cu e simposio a concentra riba diferente topico. Un di nan tabata reumatologia, pero su contribucion como orador tabata referente enfermedadnan infeccioso. Specialmente a discuti uzo di vacuna y e pandemia di Covid-19. E tabata un di e oradornan cu a enfoca completamente riba e vacuna, di cual awendia tin vacunanan exitoso fabrica y disponibel den un tempo cortico cual ta algo bunita y remarcabel. Colaboracion entre e islanan ta algo cu mester sigui traha riba dje. Un di e storianan di exito ta un colaboracion di mas di dies aña entre banconan di sanger entre Corsou y Aruba. E uzo di programa ta similar, e uzo di IT ta similar y nan ta sostene otro. Un di e topiconan cu constantemente nan ta trata ta e demanda nobo pa calidad ora di trata enfermedadnan infeccioso y con pa haci uzo mas eficiente di sanger. No tin solamente Covid-19 pero ta atende hunto tur enfermedad

infeccioso manera zika, dengue y chikungunya. Miho e banconan di sanger ta prepara den islanan chikito, mas opcion nan tin pa enfrenta y trata e enfermedadnan. Dr. Duits a splica tambe cu tin un tecnologia nobo di cual Aruba y Corsou ta e prome nan den henter Reino Hulandes pa haci uzo di esaki. Ela conta di e resultado exitoso di esaki door di e test ‘reduccion di patologia’. Esaki ta un tremendo avance pa siguridad y aplicabel den un escala chikito manera tin na Aruba y Corsou. E colaboracion tremendo a haci esaki posibel na nos islanan. E evento “12th DutchAntillean-South American (DAS) Clinic of Rheumatology and Internal Medicine” un bes mas tabata exitoso. Ta gradici tur orador y organisador na e diferente isla pa haci esaki posibel. Sin un colaboracion extensivo e simposio lo no tabata uno asina fructifero.

Diarazon 24 November 2021

Prome Minister Evelyn Wever-Croes:

Prome Minister a participa na e marcha riba Dia Internacional di Derechonan di Mucha: ‘MARCHA PA NOS DERECHO’

Diasabra 20 di november, Dia Internacional di Derecho di Mucha, Prome Minister señora Evelyn Wever-Croes hunto cu coleganan Minister di Enseñansa y Deporte señor Endy Croes y Minister di Husticia y Asuntonan Social señor Rocco Tjon, a participa na e marcha, ‘Marcha pa nos Derecho’ organisa pa Ministerio di Husticia y Asuntonan Social y sosteni pa Ministerionan di Enseñansa y Asuntonan General. Na e marcha, Prome Minsiter a gradici tur esnan cu a yuda den e bunita evento aki pa trece conscientisacion na e importancia di e derechonan fundamental di tur mucha y hoben riba nos pais y mundo henter. A enfatisa cu ta importante pa para keto na e derechonan di tur mucha, e derechonan special di muchanan. “Muchanan tin derecho di haya cuido, amor, di wordo respeta, di no wordo abusa ni agredi, di enseñansa y mucho mas. Nos ta siñando e muchanan pa para pa nan derecho pasobra

den e comunidad di awendia, nos muchanan mester conoce kico ta nan derecho y exigi pa wordo respeta di chikito caba. Nos como adulto mester percura pa duna nan amor, cariño, sostene nan y empodera nan pa nan bira muchanan, hobennan y despues adultonan exitoso. Awe nos ta para keto na derechonan fundamental y e prome ta cu un mucha ta un persona bou 18 aña. E di dos ta cu tur derecho ta aplicabel riba tur mucha igual. Si bo a nace na Aruba of no, si bo ta mucha homber of mucha muhe, e derechonan ta igual. Tur mucha tin derecho di haya amor y proteccion. Mi mensahe di e dia di

awe pa e muchanan ta: Gosa di bo dia como mucha. Stima y respeta bo mayornan. Keda percura pa mayornan y adultonan keda respeta e derechonan. Pero mi mensahe mas pa nos adultonan ta: Nos muchanan ta wak na nos pa stima y protehe nan. Ban asumi e rol y cu tur responsabilidad. Ban stima y cuida nan di tur cos malo cu por pasa nan. Ora mayornan no tin e tempo of bou otro circumstancia no por tey den bida di e muchanan, e omonan, tanchinan, welo y welanan, nos tur como comunidad mester lanta y para pa e derecho di nos muchanan. Nan merece!”, Prome Minister Evelyn Wever-Croes a enfatisa.

Pagina 17

Diarazon 24 November 2021

TENE NA CUENTA E USO DI TAPA BOCAS

Di Cuater Diabetes Run & Walk Tabata Un Exito Rotundo ticipante compara cu 750 participante den 2019.

Oranjestad - Diadomingo, dia 14 di november, dia internacional di conscientisacion tocante diabetes, Botica di Servicio y Medcare Clinic a tene nan di cuater Diabetes Run & Walk. Un evento unda participantenan por a scohe diferente opcion di careda of caminata, pasa un rato ameno, y esnan cu a completa esaki den menos tempo tabata participa pa gana premio. E evento aki a kibra record door di conta cu casi 1000 par-

Nan ta contento di anuncia cu nan a logra recauda Afl 10,000 durante e evento aki. E fondonan di e evento aki lo wordo dona na Fundacion Diabetes Aruba (FDA) pa funda e programa di prevencion di diabetes, unda cu 30 participante lo ricibi counseling semanal, training for di un personal trainer, y balornan fisico lo wordo midi durante e programa pa percura cu resultadonan ta wordo mira. Botica di Servicio, hunto cu Medcare Clinic kier a manda palabra di gradicimento na tur e participantenan cu a aporta na e bon causa aki y a tuma parti na un evento agradabel y alabes beneficial pa nan salud. Tambe nan kier a gradici e sponsornan cu a haci e evento aki posibel: Sub-

way, Cavalier, CMB, y Aruba Vision Center. Otro aña Botica di Ser-

vicio ta ansioso pa tin un di 5 edicion di e Diabetes Run & Walk mas grandi ainda pa sigi con-

scientisa e comunidad di A ruba tocante prevencion di diabetes.

Pagina 18

Diarazon 24 November 2021

Heintje Ras a celabra su 52 aña hunto cu famia y mariachi den mina

NOS TA CLA PA TUMA PEDIDO PA CUMINDA DI.FIN DI ANJA

E hazaña di Heintje Ras ta sigui su curso. Pronto e lo cumpli 70 dia bao di tera. E ta haciendo un sacrificio pa asina e recauda fondo pe por logra su propio museo.

El'a wordo sorpesa pa famianan, bao di tera, unda nan a celebra e su birthday. Solo di Pueblo ta desea Heintje Ras exito and be strong pa kibra e record.

*HAM HORNA *GALINJA HORNA CU REJENO OF SIN REJENO *LOMITO Y ROASTBEEF DEN MUSHROOM SAUS *SOPI CARNI OF CABRITO *AYACA *AROOS CON POLLO *SALADA DI BATATA OF GALINJA PA PEDIDO POR JAMA OF WHATSAPP NA

7497071

Pagina 19

Diarazon 24 November 2021

Cleher Albus Balcazar a gradua como docente di Wiskunde!

Siman pasa, Cleher Albus Balcazar a completa e estudio di docente Wiskunde bachelor na University of Aruba. Durante su assessment final Cleher a demostra cu e ta dispone di e competencia pa ta un bon docente di Wiskunde. Cle-

her a completa AFY (Academic Foundation Year) na University of Aruba prome cu el a cuminsa cu e estudio pa docente. Den e aula, e famia orguyoso famia di Cleher a felicit'e pa su gran logro.

Nos ta considera Cleher un adicion grandi na Ense-

ñansa avansa Arubano y nos ta desee hopi exito cu

su carera.

Mericanoan ta viahando atrobe pa 'thanksgiving' y ta casi ta alcansa e mes nivel prome cu pandemia ARLINGTON, VA: Movecion rond di airport Ronald Reagan na Washington National Airport, na Arlington Viginia. Awor Mericanonan ta biahando cu mas trankilidad, awor cu hopi ta vacuna. E cantidad ta casi yega e cantidad prome cu pandemia. Pues por mira cu poco poco Merca ta saliendo di corona, pero awor Europa ta pasando den problema.

Pagina 20

Diarazon 24 November 2021

Siña prepara un crema contra lachi nocturno cu azeta di simia di druif E azeta di simia di druif ta un producto natural, absolutamente fabuloso pa e cuido di cuero. Un di su propiedadnan mas atractivo ta pa atenua y preveni lachi. Lo mas yamativo ta cu e efectonan di e substancia aki sa ta evidente a corto plazo. Otro di e bentahanan grandi di e ingrediente natural aki ta su adaptabilidad na multiple formanan di uzo. Por adkiri'e hopi facil den tienda y bo por combin'e cu un gran variedad di substanciananpa obtene diferente resultado. Bo no por imagina con facil ta pa prepara un crema contra lachi cu azeta di simia di druif. E ta nocturno pasobra ora cu lag'e henter anochi riba e cara, e tin efectonan hopi mas visibel. Solamente cu aplica e azeta directamente ya bo por disfruta di su beneficionan. Laga nos wak e tema cu mayor detaye. Pakico e cuero ta bira bieu? E embehecimento di cuero ta un proceso normal, cu a bin cu edad. A medida cu e añanan ta pasa, e cuero ta sufri un serie di modificacion cu ta hiba na perdida di fimesa, hidratacion, luminosidad y tersura. Ta e ora cu e lachinan ta aparece. Den esaki ta influi factornan genetico, metabolico y hormonal, for di e punto di bista organico. Tambe ta incidi e factornan externo, manera solo, e polucion, un higiena inadecua, falta di soño y e consumo di algun substancia manera alcohol of tabaco. Ta resulta inevitabel, tambe por retarda of atenua

si bo tuma algun medida. Lo mas importante di dje ta proporciona un cuidado diario na e cuero. Tambe, un crema contra lachi nocturno cu azeta di simia di druif por yudabo ralentisa e embehecimento cutaneo. E proceso natural di embehecimanto di cuero ta duna luga na e aparicion di lachi riba e cara. Esakinan, di su parti, ta refleha perdida di e firmesa y elasticidad. E beneficionan di azeta di simia di druif E azeta di simia di druif ta un di e productonan cu ta ofrece resultadonan rapido y contundente pa retarda e embehecimento di e cuero. Principalmente ta yuda hidrata y otorga firmesa y lozania. Esaki ta debe cu e ta conta cu un contenido halto di antioxidante, ademas di vitaminanan C, D, E y betacaroteno. Ta hopi producto di e industria cosmeico cu ta emplea azeta di simia di druif como componente esencial. Un di su bentahanan gran-

Con pa uz'e? Na comienso, lo unico cu bo mester haci ta añadi 5 pa 10 druppel di azeta di simia di druif na bo crema hidratante habitual. Esaki ta bay potencia su efecto di un manera sorprendente. Aplik'e tur anochi haciendo massagenan suave riba e cara. Lag'e te cu e dia siguiente. E principal efecto di e crema contra lachi nocturno cu azeta di siia di druif, ta un hidratacion significativo. Esaki por mira refleha den e lozania y e firmesa riba bo cara. E cuero lo mustra tambe mas bright y limpi.

di ta cu e ta resulta apto pa cualkier tipo di cutis, ya cu e ta eherce un funcion tonificante sin tapa e porionan. Ademas, e ta absorbe hopi facilmente, danki cu e tin emolientenan light. Di un otro banda, tambe ta contene un alto volumen di acido linoleico. Esaki ta haci cu no solamente e ta excelente pa combati lachi, sino tambe pa trata cicatriz. E ta resulta maraviyoso ora cu bo ta uz'e contra estria, y hasta como locion pa aplica despues di bay den solo. Prepara un crema contra lachi nocturno cu azeta di simia di druif Productonan casero a demostra ta un alternativa

estupendo pa e tratamentonan di salud y beyesa Pa esey, bo no mester cumpra cosmeticonan costoso: pa esey bo por accede na e productonan natural. Traha un crema contra lachi cu azeta di simia di druif ta hopi facil y barata. Prome cos cu bo mester sa ta cu no ta facil pa saca e azeta for di e simia di druif den forma casero. Tampcoo ta imposibel, pa e resultadonan por ta no ta e mihonan. Asina ta cu lo mas consehabel ta pa cumpra azeta di simia di druif ya procesa. Pa su concentracion halto di antioxidante, azeta di simia di druif ta restaura e cuero y ta contribui na disminui e señalnan di embehecimento.

Otro forma di uza e azeta di simia di druif E azeta di simia di druif ta den e fruta mes, asina ta cu bo no mester adkiri e elemento aki caba pa beneficiabo di su efectonan. Simplemente bo por uza e frutanan y haci cu nan varios mask pa diferente efecto. Pa logra un excelente mask contra lachi, sigui e pasonan aki: ● Selecciona 10 druif berde di bon tamaño y blendnan cu e contenido di un capsula di vitamina E y un cuchara di azeta di oleifi. ● S ig u ie nteme nte , coy e mescla' y aplik'e riba e cara, haciendo massagenan suave Lag'e actua pa mas of menos 20 minuut. ● Pa caba, kita e mask cu awa lauw, te ora cu e cuero keda bon limpi. ● Tambe, bo por haci algo mas simpel. Parti e druifnan den dos y freg'e suavemente riba bo cara y nek. Lag'e actua pa 20 minuut y laba e cara cu awa lauw y abundante.

Pagina 21

Diarazon 24 November 2021

BAN PREPARA UN DUSHI PAN CASINO 1 Kipashi corta den largo 1 paki OSCAR MAYER Bologna 1 paki LOUIS RICH Turkey 1 paki OSCAR MAYER Ham 1 paki American Singles 8 slice Worst Cora 4 paki PHILADELPHIA CREAM CHEESE Order pan casino na e bakery favorite. Corta full e rand di e pan na tur banda y slice e pan den 6 slices. Cuminsa hunta e lag cu e Philadelphia cream cheese cu ta wordo bati prome den un mixer pa haci’e mas moli. Den e prome laag cu e cream cheese ta sigui cu e worst cora. Ripiti cu un laag di pan riba dje, cu Philadelphia cream cheese y bologna. Ripiti e stap nan cu ham, turkey y American singles y e ultimo laag por haci un combinacion di tur beleg. Finaliza cu e top di e pan y cuminsa hunta e philadephia cream cheese full rond. Top e pa finaliza como adorno cu green olives. Bon Apetit!

Pagina 22

Diarazon 24 November 2021

PRONOSTICO DI TEMPO VALIDO TE DIARANSON 24 DI NOVEMBER 2021, 18:00 ORA. ELABORA: DIAMARS 23 DI NOVEMBER 2021 17:00 (21:00 UTC) TEMPO: AWE ANOCHI: PARCIALMENTE NUBLA Y GENERALMENTE SECO DEN MARDUGA I MAYAN: PARCIALMENTE NUBLA CU UN AWACERO PASAJERO TEMPERATURA MAXIMO 31 GRADO CELSIUS TEMPERATURA MINIMO 26 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 33 PA 35 GRADO CELSIUS BAHADA DI SOLO : 6:11 PM SUBIDA DI SOLO : 6:42 AM BIENTO: MODERA ENTRE OOST-NOORDOOST Y OOST-ZUIDOOST; FORSA 3 TE 4 (12 TE 30 KM/ORA, 7 TE 16 NUDO). DEN DIA BASTA FUERTE DEN RAFAGA; FORSA 5 (31 TE 39 KM/ORA, 17 TE 21 NUDO). SITUACION GENERAL DI TEMPO PA PROXIMO 24 ORA: ATMOSFERA REGIONAL TA RELATIVAMENTE SECO Y PA E MOTIBO AKI NO TA SPERA AWACERO DI IMPORTANCIA. DEN E SIGUIENTE DIANAN LO BAI TIN UN AUMENTO DI HUMEDAD Y ESAKI LO PONE E CHANCENAN PA AWACERO BIRA MAS GRANDI. CONDICIONAN MARITIMO/ ESTADO DI LAMA: TA SPERA UN ESTADO DI LAMA LEVE NA PARTINAN PROTEJE, Y LEVE TE MODERA NA PARTINAN ZUID. NA PARTINAN OOST TE NOORDWEST LAMA LO TA MODERA CU OLANAN ENTRE 2 PA 3, LOCALMENTE 4 PIA. AVISO/ ALERTA: NINGUN FENOMENONAN SPECIAL NINGUN TEMPO TROPICAL SIGNIFICANTE: NINGUN POTENCIAL DI AWACERO PA PROXIMO 24 ORA: 1 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8'AM PA 8'AM): AIRPORT : MAX 32 / MIN 25 / 0.0 MM WESTPUNT: MAX 32 / MIN 25 / 0.0 MM STA ROSA: MAX 32 / MIN 26 / 0.0 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO PASAJERO TE BREVE. BIENTO LO TA FOR DI GENERALMENTE DIRECCION OOST I MODERA; BASTA FUERTE DEN RAFAGA; TEMPERATURA (GRADO CELSIUS) MAX / MIN LO TA: 31 / 26

Pagina 23

Diarazon 24 November 2021

Ta huur - Ta huur - Ta huur obituario Publica serka nos anuncio di fayecimento di bo ser keri. Nos tin 2 pakete pa ofrece Pakete 1: Anuncio di fayecimento te dia cu e defunto ser dera Gradicimento y invitashon pa misa pa 3 dia AFl 250,00 Pakete 2: Anuncio di fayecimento te dia cu e defunto ser dera Gradicimento y invitashon pa misa pa 3 dia Na Canal 22 1x prome cu Noticiero 22 Afl 400,00 Pa mas informashon por tuma contacto cu oficina na 585-9500 of na 741-4554 puntra pa Jamila Henriquez

URGENTE - URGENTE - URGENTE Ta busak un apartament o un studio tambe pordi 1 kamber. Preferible Sta Cruz o playa pa un persona jama 5657693 puntra pa Evy

Apartamento di un camber Serca di caminda grandi Calla Betico Croes den area di seroebiento.

Pa mas info. 5659595

Pagina 24

Diarazon 24 November 2021

Lotto Merdia

NOVEMBER 22

Lotto ANOCHI NOVEMBER 22

Lotto MERDIA NOVEMBER 23

Pa abona na SOLO DI PUEBLO

Yama 585 9500

of manda nos un e-mail na solodipueblo@gmail.com

n e d e at i d r u at g e as r t c i ’ t En r bo po

Diasabra 6 November 2021

TTT/HHG ta anuncia fayecimento di nan fundador y lider Rudy Croes I nos kier a invita tur club di motorcycle pa asisti na acto di entiero cu lo tuma lugar Diaranson na misa Inmaculada Concesion na Sta Cruz. Oportunidad pa condoleer lo ta di 1or pa 4or.

Cu Rudy, nos amigo, sosega na paz

The Champs Tennis Club ta tristo cu e fayecemento di su fundador Rudy Croes Champs a lantana januari 1975 y ta activo riba canchanan di Pova. Ta invita su miembro y exmiembronan pa asisti na acto di entiero cu lo tuma lugar diaranson a misa Imaculata Concesion na Santa Cruz.Oportunidad pa condoleer di 1 or pa 4 or. Nos ta expresa nos mas sincero palabranan di condolencia na su esposa Damia y jiunan Dione, Reü, Betto Ofo, su nieta Keana y nieto RJ.

Cu nos amigo Rudy sosega na paz!

Pagina 25

Pagina 26

Diarazon 24 November 2021

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn Ambulance San Nicolas Ambulance Sasaki Ambulance Wayaca Horacio Oduber Hospital Centro Medico San Nic. SVB AO Ziekmelding

Servicio nan

911 100 102 104 105 107 11141 584-5050 582-5573 582-1234 527-4000 524-8833 527-2782

Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Kiningin Wilhelmina Fonds Fundacion pa nos mucha nan

582-2219 583-2999 582-4433 587-1677 583-5400 131 588-3131 587-0002 588-9999 582-0412 583-4247

NOVEMBER 24 P’abou di brug: Botica Paradera P’ariba di brug: Botica San Nicolas

Diarazon 24 November 2021

Pagina 27

Pagina 28

Diarazon 24 November 2021

Pagina 29

Diarazon 24 November 2021

"Dios ta amor........ y amor ta Dios, Maske mi no ta na e mundo aki, tur dia mi lo ta den boso curazon, mi por stens di loke Señor ta hasi" Salmo: 33 Conforme cu boluntad di Dios y agradecido na tur loke e la hasi pa nos y nifica pa nos, nos ta participa fayecimento di

Angelique Marie Antoinette Leo Mihor conoci como: “Angie” *01-01-1969 - †19 -11-2021

Tata: Mama:

†Daniel Ignacio Leo Maria Leo-Croes

Su unico yiu stima: Loraine Perdomo y Agillo su nieto cu ela stima asina hopi: Romar Martinus Rumannan: Daniel y Ellen Leo-Tromp †John Leo Miangela Croes y Jeanpierre sobrina/sobrinonan: Aimee Leo John D. Leo y Shedaissy Daniel Jr Leo y Jessika Omo y Tantanan; † Damian y Irene Leo-De Los Santos y famia †Adolf y Hyacinth Leo-Lejuez y famia Alfredo y Lenny Leo-BruinsSlot, y famia Antonio y Lilian Leo- Maduro y famia †Olga y †Edwin Arends-Leo y famia Emma y Harold Henriquez -Leo y famia †Edwina Leo Obildo y †Genoveva Croes-Fingal y famia †Mario y Olivia Croes-Figaroa y famia Deonicio y Theresita Croes-Tromp y famia Ricardo y Jenny Croes-Marquez y famia Francisco y †Filomena Croes-Lacle Marco Croes y Denny Sijs Antonio y Dorothy Croes-Croes y famia Su Padrino y Madrinanan Prima y primonan Achter Prima: Irma Bosser y demas achter prima y primonan Demas famia: Leo, Croes, Perdomo, Gomez Moreno, Vrolijk, Ras, De los Santos, Lejuez, BruinsSlot, Maduro, Arends, Henriquez, Fingal, Figaroa, Tromp, Marquez, Lacle, Cruzado Rodriguez, Fernandez. Su bon amiganan: Marietje Maduro, Martha Banda y Nelly Prieto, amigo/ amiganan y bisiñanan y Amiga/coleganan di Departamento di Impuesto (SIAD), ex coleganan di Turisten bureau, su amiganan di Sra. Carnaval y demas Conocirnan. Su ayudante: Xenia y Nika Nos disculpa si nos por a lubida algun famia of conocir den nos tristeza. Ta invita tur Famia, Amigo- y conocirnan y colega nan di SIAD pa anochi di condolecia diaranson 24 november 2021 7or - 9or pm na Aurora Funeral Home y entiero ta tuma lugar diahuebs 25 november 2021, 9or - 11or am na Aurora Funeral Home y despues lo compañe pa su ultimo lugar di sosiego na Santana Pastor Kraanwinkel na Paradera.

Diarazon 24 November 2021

Cu Rudy, nos amigo, sosega na paz

Cu nos amigo Rudy sosega na paz!

Pagina 30

Pagina 31

Diarazon 24 November 2021

Agradecido pa tur e amor cu semper el a duna nos y cu un dolor inmenso na nos curason, nos ta anuncia fayecimento di mi casa, nos tata, abuelo y ruman:

Sr. Hyacintho Rudolfo “Rudy” Croes *5 september 1946 - †20 november 2021 Yiu di Mimita y Francisco Croes-Lopez Ruman di nos Libertador Gilberto F. “Betico” Croes

Na nomber di su: Esposa:

Damia Eliana Croes-Arends

Yiunan:

Daphne Dione Croes y Brian N. Ferreira Immanuel Reü Croes y Arantxa Sanchez Francisco “Betto” Croes Rodolfo “Ofo” Croes

Nietonan:

Keanna Labonte-Croes Reu Rudy-Eduard Croes

Rumannan:

†Didi Lopez-Croes y famia †Chichia Werleman-Croes y famia †Addison y Josefa Croes-Webb y famia †Armando y Betty Croes-Dubero y famia Ada y Maiky Croes-Croes y famia †Betico y Glenda Croes-Croes y famia Fein y Chida Croes-Werleman y famia †Aiky y Elsa Croes-Tromp y famia Dick y Meechy Croes-Garrido y famia Mary Henriquez-Croes y famia †Tommy y Frida Croes-Luidens y famia

Suegra:

Sarah Arends-Mansur

Swanan:

Eric Arends y Reynaldo Sanchez Elias y Viviana Arends-Alegria y famia

Tanta:

Rica Wever-Croes y famia

Sobrinonan:

Viveca Visser Rudney Lopez Ruben Werleman Wina Croes Lily Thode Ricardo Werleman Suzette Croes Angelique Croes Erin Croes Addonsito Croes Paul Croes Gladiola Kock Maikito Croes

†Hildward Croes Franklin Croes Aldrick Croes Gisette Croes Glenbert Croes Junior Croes Glendeline Croes Louise Marie Rafael Gregory Croes Adeline Croes Shahaira Croes Edward Croes Evelyn Wever

†Eduard Croes Irene Croes Norman Henriquez MaryAnn Henriquez Gilbert Croes T.J. Croes Pancho Croes Armando Croes Ricky Croes Marian Tujeehut Ludwina Croes Jeanine Croes

Como Yiu: Sigfried Koolman Ayudantenan personal: Luvina Monsalve Ana Serrano Patricia Canales Dokternan:

Dr. Gerrit Croes Dr. Chris Franca Dr. Selene Kock Dr. Ike Posner Dr. Edress Othman

Enfermeronan:

Kim Hoo Guido Thielman Jose Baena Aimee Gagliardi

Primo- y primanan, y demas famia ta invita tur amigo-, bisiña- y conocirnan pa asisti na acto di entiero cual lo tuma lugar Diaranson 24 November 2021 pa 4’or di atardi saliendo di Misa Inmaculada Concepcion pa Santana Católico na Santa Cruz. E restonan mortal lo ta reposa for di 12’or di merdia na Misa Inmaculada Concepcion. Un donashon na Wilhelmina Kankerfonds y Edmund E. Harms Foundation lo ta altamente aprecia. Lo tin un box disponibel.

Pagina 32

Sopi di Letranan

Diarazon 24 November 2021