DIARAZON 22 JUNI 2022

Diarazon 22 Juni 2022

Solo di Pueblo

Secretario di Estado Alexandra van Huffelen:

ARUBA NO TA DEN PELIGER DI HAYA AANWIJZING

Aña 16 - edicion 704

Prijs: Afl. 1.75

Gobierno ta den proceso pa cumpli: Na Juli ta paga 5% di salario

Minister Dangui Oduber

Southwest Airlines a cuminsa bula e ruta directo Orlando-Aruba

COLEGIO SAN HOSE TA TITULA CAMPEON DI BASKETBALL DEN WEGANAN ESCOLAR 2022

E-mail: solodipueblo@gmail.

2

Diarazon 22 Juni 2022

Prome Minister Evelyn Wever-Croes: Despues di reunionnan intenso cu Secretario di Estado van Huffelen:

A TUMA LUGA E DI DOS TRIPARTIET ENTRE ARUBA, SINT MAARTEN Y CORSOU

y ta mas facil pa hunto busca solucionnan. Prome Minister Evelyn Wever-Croes a indica cu anteriormente den Gabinete Wever-Croes I ya caba a organisa un tripartiet entre e islanan ruman cu a resulta di ta un experiencia hopi positivo. Durante e reunionnan di diamars mainta a toca e tema di e palabracionnan haci cu Secretario di Estado di Reino Alexandra van Huffelen encuanto COHO. Akinan e tres paisnan, Aruba, Sint Maarten y Corsou a scoge pa bin cu un alternativa enbes di COHO na unda a palabra ken ta traha riba cierto cosnan pa asina reuni den un otro encuentro na fin di Augustus pa presenta na Hulanda e proyecto final. Diamars mainta 21 di juni, a tuma luga e di dos tripartiet overleg entre Aruba, Corsou y Sint Maarten. Presente tabata Premier Silveria Jacobs di Sint Maarten, Premier Gilmar ‘Pik’ Pisas di Corsou hunto cu nan

ekipo di conseheronan. Durante e reunion a toca diferente tema cu ta den interes comun di e islanan ya cu apesar di e diferencianan, e retonan grandi ta afecta cada isla na e mesun manera,

Tambe a toca varios tema financiero incluyendo e recorte di 12.6%. Aruba na e momentonan aki ta riba agenda pa Rijksministerraad diabierna awor caminda e condicionnan lo wordo aproba. Gobierno awo ta warda pa Parlamento

aproba y pasa e ley di Landverordening N o r m e r i n g Topinkomens, LNT, e asina yama Wever-Croes Norm, pa asina Gobierno cumpli cu e condicion aki y ta wardando tambe riba conseho di CFT. Pero, Prome Minister a remarca, tur cos ta poni pa paga e 5% di salario na tur empleado publico entrante juli 2022. Premiernan di Corsou tambe na final di e reunion tripartite, a duna nan comentario di e reunionnan intenso cu a tuma luga den poco tempo na Aruba. Prome Minister di Corsou Gilmar “Pik” Pisas Premier Pisas a expresa di ta sumamente satisfecho cu e reunnionnan cu a tuma luga entre Aruba, Corsou, Sint Maarten y Hulanda. A raiz di esaki, a haya importante cu tres islanan a reuni un bes mas y sigui delibera riba e palabracionnan haci. ‘Mi ta contento cu e Prome Minister di Aruba cu a bira e ‘trekker’ di e trayecto aki. Asina di biaha nos a sigui dialoga

y a haci palabracion pa traha na bienestar di e pueblonan di cada pais y pa garantisa futuro di e futuro generacionnan.’ Prome Minister di Sint Maarten Silveria Jacobs: Prome Minister di Sint Maarten tambe a expresa cu e reunionnan a bay hopi bon y cu ta sumamente satisfecho cu como tres isla den Reino, ta moviendo hunto dilanti, pa realisa e reformanan cu cada un pais mester. “Nos kier percura pa e reforma tuma luga den forma efectivo y eficiente, sigurando cu nos paisnan ta sostenibel y resiliente. Prome Minister Evelyn Wever-Croes ta gradici e premiernan di Sint Maarten y Corsou y nan ekiponan pa e reunionnan fructifero cu a tuma luga. “Durante reunionnan asina bo ta realisa con hopi en comun e islanan tin cu otro, especialmente Aruba y Corsou. Uni lo logra hopi mas”, Prome Minister a enfatisa.

3

Diarazon 22 Juni 2022

Mente cortico! Arthur Dowers ta come, bebe y lubida

Arthur Dowers a sali e siman aki y lansa critica riba Minister Xiomara Maduro, cu e lo ta come bebe y fiesta. E expresionnan di Dowers a cay den mal tera, pasobra su gobierno ta e autornan di desaster financiero di pais Aruba, y parce nan a come bebe y lubida. Mesora el’a haya un avalancha di reaccion cu a recorde riba su 8 añanan di mal gobernacion, unda e no a haci nada nada drechi, cu solamente enrikese Patrick Paskel cu tur sorto di contract miyonario. Bao di su maneho, nan a kita radarnan di vigilancia, regala na Sint Maarten. Bao su maneho nan a kita helicopter, lagando Aruba sin vigilancia. Asina por sigui e desaster di gobernacion cu na 2014 a haya un KB pa nan presupuesto alternativo, cu a wordo afgekeurd.

Secretario di Estado Alexandra van Huffelen:

ARUBA NO TA DEN PELIGER DI HAYA AANWIJZING

Dialuna 20 di juni atardi, durante e conferencia di prensa en conhunto cu Premiernan di Aruba, Corsou y Sint Maarten y Secretario di Estado Alexandra van Huffelen, prensa di Aruba a dirigi varios pregunta tocante e posibilidad pa Aruba haya un aanwijzing pasobra no ta cumpli cu recomendacionnan di CAFT. Secretario di Estado, contestando e preguntanan aki, a indica cu esaki no ta e caso y cu no ta papiando di un aanwijzing. Secretario di Estado a indica cu simplemente tanto CAFT y Gobierno di Aruba ta canando e proceduranan cu tin hancra den ley. Van Huffelen a menciona cu e ta sigur cu den dialogo Gobierno di Aruba y CAFT por sali afo di esaki.

4

Diarazon 22 Juni 2022

Minister Dangui Oduber

Minister Dangui Oduber a bishita Job Fair di Aruba’s Food & Beverage Association

Dialuna dia 20 di Mei, conhuntamente cu colega Minister Glenbert Croes, Minister Dangui Oduber a bishita e Job Fair di Aruba’s Food & Beverage Association. E sector aki ta hopi importante pa nos turismo. E fair tabata un exito rotundo caminda cu tabata tin diferente organisacion presente cu mas di 50 vacatura habri den sector di Hospitalidad y Turismo. Minister Oduber a menciona e hecho cu e di dos caminda cu e turistanan ta gasta mas placa despues di hotel ta den food & beverage. E ta un industria hopi importante den e sector turistico cu e ultimo tempo tin su retonan cune pa e cantidad di vacatura cu tin pa yena, asina e mandatario ta expresa. Minister Oduber ta pone enfasis riba e hecho cu tin hopi oportunidad pa trabou pa tur hende, hopi ta esnan cu a acudi pa aplica pa un trabou. Danki na nos clase trahador nos ta logra nos meta di bay dilanti y recupera nos turismo. Minister ta indica cu e ta satisfecho pa wak asina hopi hoben presente na e job fair aki, buscando oportunidad pa sigui bay dilanti y hiba Aruba dilanti. Un danki special na Aruba Food & Beverage

Association pa tuma e iniciativa aki y semper nan lo tin nos apoyo y hopi orguyoso di DPL cu tambe tawata presente. Minister Oduber a subraya riba e hecho cu Aruba ta e di 2 pais na mundo cu a recupera mas lihe for di e pandemia. Ya caba Aruba a yega y asta surpasa e nivelnan di turismo di aña 2019 cu tabata un aña record den turismo na Aruba. E mandatario ta mira e perspectiva pa nos turismo hopi positivo y pa e motibonan aki un Job Fair ta wordo organisa, dor cu tin un demanda hopi halto pa cu personal. Segun e mandatario encarga cu turismo esaki ta yena su persona cu un satisfaccion enorme mirando cu su tarea como gobernante ta pa percura pa turismo crese, percura pa stimula e economia di Aruba. Pa asina crea e cuponan di trabounan necesario pa e pueblo di Aruba. E hecho cu a organisa un Job Fair ta paso e cuponan di trabou ta disponibel, ta cuestion di pasa e proceso di solicitud pa asina wak ken ta bin na remarke pa haya un trabou. Minister Dangui Oduber ta sumamente positivo pa e ultimo desaroyonan cu tin pa cu Aruba su turismo den e lunanan nos dilanti.

5

Diarazon 22 Juni 2022

Gobierno ta den proceso pa cumpli: Na Juli ta paga 5% di salario Aruba ta e unico pais, cu ta asina leuw, pa cumpli cu condicionnan di Hulanda, pa asina na luna di Juli por paga bek 5% di salario na ambtenaarnan. Contrario na tur profeta di maldad, y na esnan cu solamente ta boga pa maldad, E proceso ta canando. Dialuna venidero parlamento lo trata e ley di salario maximo, conoci como Croes Wever Norm. Esaki lo baha salario di directornan di tur compania liga na Gobierno. Ora e ley aki wordo aproba, y cu e aprobacion

di parlamento pa wanta nan recorte na 25%, e condicionnan ta cla. Gobierno desde aña pasa a begroot esaki pa cual e suma tey. Cft mester duna su aprobacion, pero lo no por ta otro cu nan mester duna un blessing pa esaki, mirando cu Hulanda y Van Huffelen ya a autorisa. No ta depende ni ta mara na Curacao cu Sint Maarten; Secretario di Estado a bisa ademas, cu e aprobacion di Conseho di Minister di Reino no mester ta pa tur 3 isla hunto, pero por

duna permiso na Aruba, los di Curacao y Sint Maarten. Ainda tin sindicatonan y algun prensa cu ta traha nan propio storia,

indicando cu ta trata di ganjamento. Ta di compronde nan postura negativo, ya cu nan ta drumi tur anochi y lanta tur mainta

pensando con pa frega Gobierno, ya cu nan tin hopi gana di yega bek na poder pa nan sigui chica placa di pueblo.

6

Diarazon 22 Juni 2022

“Passenger Flow Control” na checkin pa pasaheronan pa Merca Entrante 24 di Juni 2022: Adaptacion di horario pa introduccion di un color di grupo nobo

check-in

y

ORANJESTAD –Aruba Airport Authority N.V. (AAA), e compania cu ta maneha y opera Aeropuerto Internacioal Reina Beatrix (AUA Airport), ta informa cu desde 24 di Juni 2022, tur pasahero biahando pa Merca lo wordo duna acceso na e terminal di check-in basa riba e 4 gruponan mara na cierto codigonan di color como parti di “Passenger Flow Control”. E codigonan di color pa check-in pa cada grupo awor ta: • E grupo geel (YELLOW) por checkin awo entre 08:00 AM – 10:30 AM. • E grupo color blauw (BLUE) por check-in awo entre 10:30 AM - 11:30 AM. • E grupo nobo berde (GREEN) por check-in entre 11:30 AM – 1:00 PM. • E grupo oranje (ORANGE) por keda check-in entre 1:00 PM - 3:00 PM. E concepto di Passenger Flow Control ta ensera cu pasaheronan lo wordo permiti pa drenta e check-in terminal basa riba gruponan separa cu nan codigo di color (Geel, Blauw, Berde y Oranje) cu a wordo determina a base di e orario di salida di e buelonan. Pasaheronan lo hanja un tempo pre-determina pa drenta e check-in terminal manera indica den e tabel aki bou. E tempo pre-determina aki lo wordo determina pa bishitantenan basa riba e informashon cu nan indica den e ED (Electronic Disembarkation) Card na yegada unda e orario di buelo di salida mester wordo indica. Residentenan biahando for di Aruba pa Merca lo mester wak e orario di e salida di nan buelo pa determina ki ora nan lo ta permiti pa cuminsa e proceso di check-in (no mas prome cu 3 ora prome cu e buelo sali). Tur pasahero mester tin su boarding pass na man pa por drenta e area di check-in, mirando cu AUA Airport tin embahadornan trahando na e entrada pa controla cada pasahero. Pasaheronan cu yega mucho trempan lo mester warda pafo pa por drenta ora nan orario yega. AUA Airport ta gradici tur pasahero pa e comprenshon mientras cu AUA Airport ta purba brinda un mihor servicio pa tur pasahero cu ta sali for di Aruba pa Merca y cu tin cu pasa na tur e puntonan di checkeo na aeropuerto.

7

Diarazon 22 Juni 2022

Prome Minister Evelyn Wever-Croes:

Secretario di Estado Alexandra van Huffelen a indica cu,

ARUBA TA E UNICO PAIS CU POR CUMINSA STOP RECORTE DI 12.6%

Durante e conferencia di prensa cu a tuma luga dialuna 20 di juni, despues cu e reunionnan tocante COHO y RAFT, Secretario di Estado Alexandra van Huffelen a duna di conoce cu Aruba ta e unico pais den Reino cu a acepta e condicionnan pa por cuminsa stop e recorte di salario di 12.6%. Corsou y Sint Maarten no a acepta e condicionnan aki. Anuncio publicamente di Secretario di Estado: Manera ta conoci, dia 20 di mei, 2022, Secretario di Estado van Huffelen a anuncia publicamente cu e paisnan den Reino lo wordo permiti pa cuminsa stop cu e recorta mientras cu nan ta cumpli tres condicion pa cu esaki. C o n f i r m a c i o n publicamente di Prome Minister: Prome Minsiter di Aruba, señora Evelyn WeverCroes, den conferencia di prensa a confirma e noticia aki y a informa tambe kico e 3 condicionnan aki tawata na e momento ey. E prome condicion tawata cu e recorte di 25% di e politiconan lo continua. Gobierno semper a indica cu lo sigui haci esaki. E di dos condicion ta cu e suma pa paga bek mester ta den presupuesto. Cu esaki tambe Aruba ta cumpli cu

ne. Y e di tres condicion ta cu mester pasa e ley di Landsverordening Normering Topinkomens (LNT), e asina yama Wever-Croes Norm. Prome Minister na varios ocacion publicamente a duna di conoce cua ta y a splica tocante e tres condicionnan aki. Tambe el a bay Parlamento pa informa di e condicionnan aki. Mayoria den Parlamento a confirma cu ta bay di acuerdo pa cumpli cu e condicionnan aki. Transparencia: Prome Minister a indica cu tur esaki a bay den tur transparencia y dialuna 20 di juni, Secretario di Estado van Huffelen a confirma cu Aruba ta e unico pais den Reino cu ta canando e caminda aki di cumpli cu condicionnan pa asina por cuminsa stop e recorte di salario. Corsou y Sint Maarten no ta cana e caminda aki. Sindicato: Sindicatonan tambe a reuni cu e premiernan di Aruba, Corsou y Sint Maarten y cu Secretario di Estado van Huffelen. Den e reunion aki, tanto e Secretario di Estado como Prome Minister di Aruba a splica nan con e procedura ta bay pa Aruba por yega pa stop e recorte.

“Plan y intencion ta te ainda, y tur trabou ta wordo haci pa logra esaki,

pa paga empleadonan nan salario completo bek na juli proximo”, Prome

Minister Evelyn WeverCroes a enfatisa.

8

Diarazon 22 Juni 2022

WE ARUBA: COLEGIO SAN HOSE TA TITULA CAMPEON DI BASKETBALL DEN WEGANAN ESCOLAR 2022

Durante e siman di 17 pa 25 di juni ta tumando luga diferente final di competencianan di Weganan Escolar. Dialuna atardi a tuma luga final di basketball na cancha di Aruba Juniors unda cu Colegio San Hose a titula campeon. Na segundo luga a keda Colegio Sagrado Curason y na tercer luga Maria Goretti College.

WEWE, e mascota di Weganan Escolar a pasa saluda e alumnonan y deseanan hopi exito. Minister Endy Croes ta felicita e scolnan cu a participa den e competencia y haci Weganan Escolar uno exitoso. Masha pabien na ekipo ganado. Deporte ta ON!

9

Diarazon 22 Juni 2022

DISCURSO DI MINISTER ENDY CROES DURANTE CEREMONIA DI APERTURA DI WEGANAN ESCOLAR 2022

tin su balornan esencial manera: amistad, excelencia, respet, curashi, inspiracion, igualdad y determinacion. Esakinan ta balornan importante cu deporte ta brinda nos y ta balornan cu ta mara hasta den balornan Olimpico. Diabierna ultimo a tuma luga den Stadion Guillermo Prospero Trinidad, e grandioso apertura di Weganan Escolar (WE) Aruba 2022. Durante e ceremonia di apertura Minister Endy Croes a dirigi palabra. Discurso di mandatario:

e

Aan Denzel Dumfries, een wereldster, een topsporter, een prof voetballer bij Inter Milan en ook het Nederlandse elftal of ook Oranje Team van harte welkom. In de naam van de regering van Aruba wil ik jou bedanken dat je de tijd hebt vrijgemaakt om vandaag hier aanwezig te zijn. Dit is een belangrijk en historisch moment voor de sport en voor de kinderen van Aruba.Veel kinderen kijken naar jou op, en zien jou als hun ‘rolemodel’. En daarom is jouw aanwezigheid vandaag zeer belangrijk en ik weet zeker dat het onze kinderen motiveert

en inspireert. Hartelijk dank Denzel voor je bijdrage aan dit mooie evenement voor onze schoolkinderen. Masha Danki, Ik zal verder gaan in mijn dushi papiamento. Ki alegria pa por ta para memey di bosonan tur awenochi Ki alegria pa mira caranan alegre di nos muchanan Ki alegria pa mira e antorcha cende e vlam Olimpico aki rato Ki alegria pa por organisa Weganan Escolar pa nos muchanan . Unda 42 scol y mas di 800 mucha formando parti di e desfile Ora mi mira atras mi ta corda temponan bunita di Olimpiada Escolar Betico Croes cual a inicia bou di sr. Ramon Lee y su ruman sr. Dochi Lee como 15 aña pasa. Danki pa esey. Deporte ta crea e sentimento y balornan fundamental den formacion di un hoben. Deporte y competencia

Pesey pa nos ta un honor di no solamente organisa Weganan Escolar esta (WE) Aruba pero sigur ta un honor pa brinda cada mucha e oportunidad pa practica un of otro deporte cual a desemboca awe den e siman di e competencia nan final di WE Aruba. Laga nos brasa e oportunidad aki awe y hunto cu Gobierno, directivanan di scol cabesantenan, d o c e n t e n a n , alumnonan, mayornan y ‘stakeholders’. Y laga nos haci un promesa cu nos lo percura pa desde awe pone nos schoudernan bou di e proyecto aki y percura pa engrandece esaki mas y pa e perdura pa hopi aña nos dilanti. E simia cu nos ta planta awe lo florece, e flor y frutanan cu e lo produci lo refleha hustamente den nos hobennan kendenan lo briya den futuro. Ban duna nan e oportunidad

Deporte ta e vehiculo cu ta trece nacionnan hunto sin importa rasa, color of religion. Laga nos uza e forsa di deporte esta di e vehiculo deporte pa nos brinda speransa na nos hobenan. Deporte ta e brug cu ta percura pa nos construi un miho sociedad y un miho Aruba. Mi no por bay sin papia di 4D cu semper mi ta propaganda; DeseoDisciplina- Dedicaciony Determinacion. Laga e 4 D nan aki ta e motornan den bo bida como deportista Terminando mi kier bisa mi ta gradici IBISA DCA- Gobierno, scolnan,

docentenan, alumnonan y tur ‘stakeholder’s pa e celebracion di WE Aruba cu ta inicia awe. Dream big and aim high. Exito na tur scol y tur nos hobennan. Manera tin un dicho ta bisa; hacer deporte es hacer patria Masha masha danki

10

Diarazon 22 Juni 2022

Acuerdonan anti-sindical durante gobernacion di 2014 pa 2107 220620 Awe ta Sali na cla por ehempel for di e ultimo veredicto ariba e Gelijkbedrag pa pensioenadonan entrante 2015, cu lidernan sindical mes tabata envolvi. Tambe tin e acuerdo firma cu Gobierno conoci como e “Protocolo riba Penshun”. Prome cu sindicatonan a firma, no tabatin reunionnan cu nan miembronan, pues a core firma e protocolo, sin respaldo di e Trahadornan concerni. Pues un falta grandi di información di tanto e lidernan sindical, como di nan dunador di trabao, esta Gobierno, nv-nan estatal y fundacionnan den sector publico. Pa dirigentenan di SEPPA, Sra Brito, esaki ta cuadra cu un política anti-sindical dor di no duna información na miembrecia ariba un asunto asina importante. Loke a wordo firma ta desastroso den futuro pa ambtenaarnan y otro Trahadornan den sector publico.

E tempo ey como miembro di SEPPA den comunicadonan mi a pidi informacion di dirigentenan di SEPPA pa duna informacion kico a firma y kendenan a firma pa sindicatonan. Cada biaha cu mi a puntra kendenan a firma, kico a wordo firma y pakico a firma, tur cos a keda scondi. Contesta nada! Malo so hende por pensa kico tin ey tras, cu no por a duna información. E tabata un exigencia di Gobierno?

Puntonan negativo di e acuerdo. E puntonan negativo pa e empleado publico ta lo siguiente: 1. E areglo nobo ta drenta retro-activo entrante 1 januari 2014; 2. E opbouwpercentahe cu tabata 2,15 ta ser baha te na 1,75, pa cada aña di servicio; 3. E franchise ta subi di F 14.059,= pa F 17.616,= ; 4. Esnan cu tabatin derecho for di acuerdo di 2011 pa bay cu penshun prome cu 60 aña tambe a ser kita; E punto 2 e percentahe di bo ultimo salario cu bo ta perde ora di bay cu pensioen ta 0,4% pa aña, pues si bo tin cu bay 30 aña e ta 30x0,4=12%. Pa punto 3 bo ta bay paga (17.616 - 14.059)= F 3.557 menos pa aña, pero sigur bo ta bay ricibi esaki menos ora di bay cu pension. Mas pio, ta cu lidernan no a duna información ni splicacion ariba e acuerdo aki. Cada un di e puntonan ariba menciona ta malo pa e Trahador. E Trahador a bay demasiado atrás cu e puntonan. Tur derechonan di pasado a wordo corta negativamente pa e Trahador.

Lidernan cu a firma pa entrega derechonan adkeri, awe no kier duna splicacion. Pa e lidernan sindical, kendenan a firma pa kita derecho adkeri Gelijkbedrag y Bashi Premie, haci e areglo di pensioen di e empleadonan publico mas malo, pa perhudica tur Trahador di Gobierno. Pesey pa SEPPA, Sra Brito, e otro presidentenan di sindicatonan cu representacion den sector publico kendenan a firma, ta keda hopi interrogatorio, esta preguntanan y aclaracionnan manera lo siguiente: Mi ta spera cu esnan cu a firma ta muhernan y/of hombernan para den nan sapato y e mesun balentia cu nan a demonstra pa firma, nan bin dilanti y contesta e 4 preguntanan aki. Loke a pasa ta cu derechonan adkeri a wordo benta afor y esnan responsabel no kier papia. Prome, pa e lidernan cu a firma bin dilanti y splica e Trahadornan via prensa e motibonan y argumentonan cu a uza na 2014 pa firma y kita derechonan adkeri for di tur Trahadornan . Di dos e motibonan of argumentonan pakico no a yama reunionnan cu Trahadornan, esta corre firma sin pone Trahadornan ta na altura. Di tres pa splica Trahadornan kende(nan) a pone presión pa no yama reunión pa splica Trahadornan cu ta bay firma un acuerdo pa perhudica Trahadornan di Gobierno. Di cuater ta, si sinceramente nan ta pensa awe, cu nan a ser mal-uza.

Pakico a firma sin consulta cu e miembronan. E Trahador a wordo traiciona malamente. Hasta hopi hende ta papia cu lidernan sindical a bende su miembronan pa cual tin hopi caracteristicanan. Na 2011 tabatin un acuerdo cu lo bay evalua e cambionan di entrante 2011. E resultadonan lo trece un plan di accion. Awe nos sa cu e acuerdo malisimo aki ta otro obra di eo, e Secretario General di SEPPA. A corta pisa den e derechonan di Trahador, no a informa Trahadornan, después a nenga di duna información y esun mas duro ta cu e acuerdo ta pa yuda e gobierno cu a hiba un maneho financiero catastrofal.

Nos a pasa un época malísimo cu derechonan adkeri di Trahador ta ser Benta afor. Tin un sentimento cerca hopi cu awe tin un desaroyo malo pa elimina derechonan adkeri. E ta parti di e modelo económico y social, Neo-liberalismo, cual modelo ta come y bebe cu e ideologianan Social Cristianao, Liberalismo y tambe na varios ocacion cerca e Social-Democratanan. Semper bo ta haya lidernan sindical, kendenan tambe gusta come y bebe cerca e Neo-liberalnan. Pesey awe nos ta wak con derechonan adkeri ta wordo benta afor. Den mi carera como presidente di SEPPA di

1985 pa 1998, nos den directiva di SEPPA tabatin un visión claro. Semper mi a wordo acompaña den directiva di SEPPA dor di muhernan y hombernan balente, prepara cu bon estudio pa yuda Trahadornan bay dilanti y adkeri mas derecho. Hopi formacion y hopi informacion. Tur diadomingo mi tabatin un programa radial cu informacionnan alcaso di nos lucha. Derecho adkeri ta wordo camufla y Trahador ta den servicio di otro compania sin derechonan Awe nos ta wak con funcionnan cu arbeidernan tabata haci, ta bay pa otro companianan.. Den hopi caso nos ta wak cu ta Trahador di Tempo of di otro uitzendburo of di un compania ta haci e trabao aki. Trahadornan cu no tin derechonan manera e ambtenaar. Pues gobierno y sigur e companianan estatal manera Setar ta campion den e tercerisacion aki, no ta laga su Trahadornan haci e trabao, pero ta pasa e tareanan pa tercera instancia, cual nos ta yama tercerisacion. Según informacion Setar tin varios companianan cu ta haci trabaonan di Trahadornan di Setar. Poco tempo pasa un Trahador cu ta haci trabao di mantencion na mi lineanan di comunicacion di Setar, a bisami cu e ta trahando 17 aña na Setar, pero ainda e ta den servicio di un compania priva. Cu e tercerisacion nos por bisa cu gobierno y companianan estatal ta haci un derecho adkeri bira nulo. Subsidiale Regeling pa Trahadornan di fundacionnan den sector publico Despues di discucionnan na 1994 Promeministro Nel Oduber y ministro Fredis Refunjol a firma e acuerdo pa Trahadornan di fundaciónnan den sector publico, concerniendo nan posicion huridico cual via e acuerdo aki, yama Susidiale Regeling pa fundacionnan den sector Publico. E Trahador ta ricibi un status igual na e ambtenaar cu excepción di pensioen y derecho pa bay ambtenarenrechter. Un adelanto grandi pa hopi Trahadornan, kendenan den varios di e fundacionnan aki ta eherce tareanan cu ta parti di e derechonan social cu nos constitución ta siñala y cu gobernó mester percura pa nan wordo haci. Esaki tabata nos argumento pa nan wordo trata igual na e ambtenaar. Cu entrada di Status Aparte nos a ricibi un Constitucion moderno, cual ta trece hopi obligación, tareanan pa gobierno, cualnan no ta ser eherce pa gobierno pero dor di fundacionnan, manera Wit-GeleKruis, Casa Cuna, Imeldahof, SVGG y mas fundacionnan . Continuacion pag .11

11

Diarazon 22 Juni 2022

Aruba Bank ta haci donacion na YMCA Oranjestad – 22 di juni 2022 – Aruba Bank a sostene YMCA Aruba pa yuda nan cu nan vision cu ta pa fomenta e potencial di cada mucha y adolescente y pa yuda hobennan desaroya confianza den nan mes, respet pa nan mes y pa crece como miembro responsable di nan famia y di sociedad. Pa yuda YMCA sigui cu nan programa diario, Aruba Bank a haci donacion di material, cu ta consisti, entre otro, di un (1) projector y dos (2) projector screens. Pa haci donacion na YMCA of pa informacion por klik aki: https://www.arubaymca.com/. Pa haci pregunta tocante di e organizacion por tuma contacto cu Sherwin Wester, Sport Program & Activity Coordinator na 5823072 of por manda un email na ymcaofaruba@gmail. com.

Acuerdonan anti-sindical durante gobernacion di 2014 pa 2107 220620 Continuacion di pag 10 SEPPA su posición semper tabata cla. Mi por bisa cu ministronan Oduber y Refunjol tambe tabatin mesun opinion y asina nos a convence gobierno pa trece e subsidiale regeling y drecha e posición huridico di hopi Trahador kendenan tabata y ta laborando cerca e fundacionnan. Un parti grandi di e Trahadornan tabata cobra salario minimo. A cambia Subsidiale Regeling pa un suma fijo y nos ta wak e consecuencianan Gobiernacion den e añanan 2014/2015 cu un maneho desastroso, gastando placa pa loco, dor di esaki e gobernación di Mike Eman a crea un bashi=falta di placa, pa su maneho social. Consecuentemente mester a tuma e decisión pa elimina e Subsidiale Regeling y na su lugar, awor e fundaciónnan ta ricibi un suma fijo y djey e mester cubri tur su gastonan, sigur e gasto di personal. Esnan nobo den servicio, no ta bini na remarca pa ricibi gelijkbedrag Bashi premie, dianan di ATV y varios otro areglo. Creando un discriminacion bao di Trahadornan. E decisión mahos den e caso aki tabata creacion di Gobierno Eman na 2014/2015, pero lidernan sindical manera di SEPPA a tolera e decisión di gobierno y a accepta esaki. Awor Trahadornan nobo ta ricibi su

contrato y hopi areglo cu tabata cay bao di e subsidiale regeling no tey mas. Democracia ta e fundeshi den nos estado di derecho. Den un estado di derecho manera nos conoce na Aruba, e fundeshi ta nos democracia. Si no tin democracia sea ta den Gobernacion, sea ta den un organisacion, sea ta den un sindicato, e ta un fayo grandi cu ta wordo comete contra e ser humano. Sigur ta bisto con dirigentenan di Topa (15 aña) y Seppa (9 aña) a faya barbaramente contra aplicación di democracia. Pa e fayo grandi aki, no ripiti den futuro mester aplica, como contra-medida, reglanan di etica. Esnan cu a comete y ta responsabel pa e fayo grandi contra democracia no por sigui como dirigente. Den extremo por pensa ariba rayamento, pero un mihor medida ta pa prohibi e lider sindical, kende a faya contra democracia, pa e no por eherce su funcion pa algun tempo. Esnan cu a faya mester ricibi e oportunidad y tempo pa mehora su funcionamento. Nos mester tuma medida pa e fayo contra democracia no ripiti mas. Sindicalismo ta e prome organisacion pa Trahador lucha pa mihor condicionnan di trabao y di bida. Si nos sigui cu e mesun lidernan:

1. Kendenan a comete mal-practica contra nos democracia; 2. Tambe e lidernan kendenan a acepta ponencianan di Gobierno pa kita Gelijkbedrag, Bashi Premie, mengua derechonan di Trahadornan pa loke ta pensioen. E fayonan contra e lucha di Trahadornan lo ripiti. Nos mester wak den futuro. Fayonan di pasado mester bira un les pa futuro con e NO mester ta. Lidernan sindical mester ta hendenan respeta, kendenan no por traiciona Trahadornan, ni viola reglanan di democracia. Awe Sindicalismo na Aruba ta pasando momentonan dificil, hopi lidernan ta decepciona su Trahadornan, lidernan no ta preocupa cu democracia, lidernan no ta prepara y falta grandi di formacion. Mi mester bisa cu no ta tur lider sindical ta cumpli cu e observacionnan ariba haci. Den e periodo, añanan 90 di siglo pasa, cu mi tabata presidente di SEPPA, 30% di nos presupuesto tabata bay na formacion. Mashar hopi formacion y informacion nos a duna. Lidernan y delegadonan=shopstewardnan di SEPPA tabata bon informa y forma Gregorio Wolff 220620

12

Diarazon 22 Juni 2022

13

Diarazon 22 Juni 2022

Parlamentario Marco Berlis (MEP):

MAS ta un partido cu un lider sin vision, sin un plan y sin credibilidad Marisol no tin un plan ni solucionan pa e crisis actual di nos pais!

Mi por a tuma nota di expresionnan haci di lider di MAS sra. Marisol Lopez Tromp durante su entrevista na enfoke Juni 7, 2022, den cual mi por a scucha su politica fracasa cu cual e ta luchando cu ne. Sigur mi lo elabora detayadamente riba esakinan pronto. Sinembargo loke mas a resalta pa mi tabata tres pregunta cu sr. Patrick Paskel a puntre, pero cu nunca e la contesta. Preguntanan cu ta tuma un lider visionario cu curashi, cu amplio experencia y bon organisa pa por contesta directamente. Naturalmente e no por a contesta e preguntanan aki di sr. Paskel, pasobra simplemente e ta un lider sin vision y sin contesta. Despues di hunga politica pa mas di 20 aña sra. Lopez Tromp ta demostra un bes mas cu e no tin solucionnan concreto pa nos pais. Ta pa e motibo aki ta tempo pa pueblo conoce y compronde un poco mas e berdad di Marisol. E prome pregunta haci na Marisol pa sr.Paskel: Abo lo baha

LNT manera Minister President Evelyn Wever Croes ta haciendo? -E NO A CONTESTA, y a desvia e pregunta papiando mil y un cos menos contestando e pregunta crucial aki. E di dos pregunta haci na Marisol: Kico e lo haci pa loke ta e aumento di gasoline? -E NO A CONTESTA. Un biaha mas Marisol a duik bay otro direccion pero no a tribi pa contesta e pregunta. Pero si e kier acusa gobierno di e aumento aki, mustrando cu e no ta biba den e realidad, pasobra aumento di gasolin ta global y ta wordo influencia door di prijs di e bari di petroleo. E di tres pregunta haci na Marisol pa sr.Paskel: Si awe abo lo tabata Minister President Marisol, cual decision bo lo tuma awe pa si cumpli cu CFT? - E NO A CONTESTA. Manera custumber caba den casi tur reunion publico, el a cuminsa resumi kico e la haci of no haci ora e tabata minister pa 8 luna largo. Papia bay off menos contesta e pregunta cu a wordo haci

na su persona. Tres biaha el a wordo confronta directamente cu problemanan real di nos pais, y tur tres biaha el a desvia strategicamente pa evita pa contesta un pregunta riba cual e no tin respuesta. Den otro palabra Marisol no tin vision, no tin respuesta y no sa kico pa haci cu e problemanan di Pais Aruba. Ta tristo pa wak con un persona cu tin mas di binti aña den politica ainda no por brinda pais Aruba solucionnan.

Patrick Paskel na Marisol: Con a para cu e spiritonan? Unda nan a bai? Marisol porta a wak un spirito ora sr. Paskel a confronte cu preguntanan alcaso. El a spanta tanto di su preguntanan cu e no a contesta niun. Marisol awor ta trata come lubida cu e ministerio aki di Infrastructura a cay bao di POR di 20172021. Awor ta pretende di tira esaki riba MEP mientras cu nada di esakinan a sucede bao di e bandera geel pero bao

cartera di Marisol. El a cuminsa grita solamente ora el a haya mocion di desconfiansa di su propio partido. E realidad crudo ta cu bo partido a core cu bo legalmente. Marisol, no lubida cu tambe tin un investigacion grandi contra bo persona y e nomber ta Kukwisa! Si pueblo desea mas informacion di e articulo aki, contact mi na tel: 528-4639 of email mi na: marco.berlis@ parlamento.aw / Bo parlamentario y sirbidor di pueblo na bo ordo semper!

14

Diarazon 22 Juni 2022

Minister Dangui Oduber

Southwest Airlines a cuminsa bula e ruta directo Orlando-Aruba Minister Dangui Oduber ta contento di por anuncia cu Southwest Airlines a reanuda su ruta for di Orlando pa Aruba despues cu esaki a keda cancela durante e pandemia. Southwest Airlines ya caba ta operando cu vuelonan directo desde e cuidadnan di Baltimore y Washinton DC 1 biaha pa siman riba diasabra. Awor Southwest Airlines lo ta operando 1 vuelo directo diariamente for di Orlando. Segun Minister Oduber e lansamento bek di e ruta di Orlando ta nifica un adelanto grandi pa Aruba su turismo. E ta bay crea un aumento drastico den e capasidad di stul maximo cu tin, esaki ta haci cu proyeccionan pa

cu e resto di aña 2022 lo ta aun mas alentador. E recuperacion di Aruba su turismo ta bay sigui surpasa nivelnan di 2019 durante e lunanan nos dilanti, e mandatario ta sigura. E mandatario a splica cu e decision di Southwest

Airlines pa reanuda e ruta di Orlando ta basa riba e raportahe haci caminda ta mustra cu Aruba ta e destinacion den Caribe cu mihor prestacion den medio di e pandemia. Tambe ta bisa cu Aruba ta entre e destinacionnan mas resiliente den

henter Caribe basa riba e cantidad di bishitantenan confirma durante e temporada di zomer, tur esaki segun raportahe di Caribbean Hotel and Tourism Association. Minister Dangui Oduber ta felicita tur stakeholder cu e noticia positivo aki cu

ta ofrece posiblidadnan mas amplio pa yega Aruba y ta sumamento contento cu e logro aki pa cu turismo di Aruba. Un biaha mas ta keda demostra e exito di e maneho di turismo.

15

Diarazon 22 Juni 2022

Minister di Finansa den reunion cu Secretario di Estado Van Huffelen riba RAFT:

Keda tene riba norma financiero prepandemia ta haci daño na gobernacion y na economia di Aruba Ta bon pa haya un opinion di un tercer riba e factibilidad di e normanan cu tin awo riba mesa

ORANJESTAD - Hunto cu Minister President, Minister Maduro a reuni diasabra cu Secretario di Estado Van Huffelen riba locual mester bira e Ley di Reino pa supervision financiero RAFT. Pa e mandatario di Finansa ta importante pa Aruba por tin normanan adapta na e situacion post-pandemia, ya cu e situacion financiero despues di e pandemia ta uno hopi diferente cu esun di aña 2018 ora a cera Protocol cu Hulanda. Keda tene na normanan pre-pandemia lo duna resultado irealistico y ta haci daño na gobernacion y economia di Aruba. Pesey ta bon pa haya e opinion di un tercer riba e factibilidad di e normanan cu awo tin riba mesa. Di LAFT pa RAFT Desde aña 2015 Aruba conoce supervision financiero basa riba e Ley di LAFT. Den e relacion nobo cu Aruba tin cu Hulanda na unda cu Aruba ta haya fianza di Hulanda pa surpasa e pandemia, Hulanda a pone como condicion pa e supervision financiero existente wordo etala na nivel di Reino den forma di un Ley di Reino, Rijkswet Aruba Financieel Toezicht (RAFT). Di e manera aki Aruba lo conoce e mesun sistematica di supervision financiero manera esun di Corsou y Sint Maarten. Motibo

pa e cambio di LAFT pa RAFT, ta e deseo pa Hulanda tin mas di bisa den e situacion di supervision, awor cu a haci fianza grandi na Aruba. Norma financiero E supervision financiero ta basa riba algun norma pa locual ta e nivel di deficit, debe y gasto di personal. Den e Ley di LAFT tabata tin norma financiero pa aña 2015 pa 2018. Ora esakinan a caduca, a acorda normanan nobo den e Protocol di aña 2018 cu mester conta di aña 2018 pa 2021. Na december 2021 a alarga e Protocol di 2018 cu dos aña mas te cu aña 2023. Debi na e hecho cu Hulanda ta presta Aruba placa, nan kier a mira e supervision den forma di un Ley di Reino y pa cu esaki ta negosha awor riba e normanan nobo pa e tempo nos dilanti. Te cu awor a logra pa negosha e norma pa gasto di personal y esun pa e debe, pero esun pa e deficit ainda Hulanda ta boga pa e norma ta un surplus pa aña 2023 bay dilanti. Teniendo na cuenta e efecto financiero di e pandemia y e hecho cu Aruba ta den pleno recuperacion, e norma pa un surplus di 1% equivalente na 60 miyon florin pa aña 2023 en adelante, ta uno hopi dificil pa por bay cumpli cun'e. Esaki lo significa den practica, por ehempel, un recorte

den presupuesto di Pais Aruba di 287 miyon florin. Un suma cu lo paralisa gobernacion y hunto cun'e lo tin efecto negativo pa economia di Aruba. Pa e motibo aki keda wanta na e norma pa deficit lo produci resultado irealistico. Un tercer pa duna un

opinion riba e norma Pa por yega na un norma mas adecuado pa Aruba, ta pidi e opinion di un tercer persona. Hulanda kier pa CAFT duna su opinion riba e normanan. Di banda di Aruba ta pidi IMF pa indica si e norma cu tin te awor riba mesa lo ta uno factibel pa Aruba.

16

Diarazon 22 Juni 2022

Exprodesk ta invita nos comerciantenan pa participa na ‘Export Week 2022: Conquering New Horizons’ Departamento di Asuntonan Economico, Comercio y Industria y su unidad Exprodesk, ta organisa ‘Export Week 2022: Conquering New Horizons’. E Export Week aki lo tuma luga dialuna 27 di juni y lo termina diabierna 1 di juli na Departamento di Asuntonan Eocnomico, Comercio y Industria (L.G. Smith Boulevard #160 Sun Plaza Building 2nd Floor), ful e siman di 9’or di mainta pa 12’or di merdia. Participacion ta gratis y e idioma lo ta Papiamento y Ingles. Pa por participa mester registra na: https://cutt. ly/ExportWeek2022 Export Week 2022: ‘Conquering New Horizons’ Export Week 2022 ta organisa pa tur entrepreneur y comerciante local. Durante e Export Week, participantenan lo ricibi informacion tocante ‘E-commerce latest trends’, pagonan digital, logistica, ‘blockchain’, ‘ c r y p t o c u r r e n c i e s ’, ‘crypto wallets’ y ‘nonfungible token (NFT)’. E siman lo inicia cu informacion tocante di e parti mas tradicional cu ta E-commerce, ‘digital marketing’, ‘content creation’ y ‘public relations’. Despues lo trata topiconan tambe manera ‘ePaymentsMulti-Channel Payment Processing’, ‘circular economy’, ‘doing business with the USA, Asia and the Caribbean’, ‘the future of digital payments’, ‘loyalty programs with crypto based possibility’, ‘digital goods/NFTs’. Finalmente e siman lo termina cu un tayer na unda tur participante ta haya e

oportunidad unico di por bin cu nan laptop y crea nan propio ‘wallet’, bay cas cu ‘cryptocurrency’ y crea ademas nan mesun ‘non-fungible token (NFT)’. Oradornan local y internacional Lo tin dos export coach local, Sra. Lay Hing de Kort di Cornerstone Economics y Sr. Frits Isreal di Doc Opleidingen y varios oradornan local kende ta Sra. Susana Maduro di Suzy Maduro Consultancy, Sra. Vanessa Hollander di Press Play, Sr. Jorge Zarraga di JZ Marketing & Communications, Sr. Rendell de Kort di Cornerstone Economics y Sr. Bruce Harms di Full Stack Vision Foundation. Oradornan internacional lo ta Sr. Luis Santine y Sr. David B. Levy Maduro di CX Pay, Sra. Michelle Low Chew Tung di INVENI Business & Technology LTD, Sr. Nicolas PerezCubas di City of Doral y Sr. Vincent van Rutten di Sentoo. Pa mas informacion over di Export Week

2022: ‘Conquering New Horizons’, por tuma

contacto cu Sra. Sharon Meijer via: s.meijer@

deaci.aw