DIARAZON 17 APRIL 2024

MALESA DI PARKINSON

TA ALIVIA CU UN

ANTICURPA NOBO

POLIS A GARA BENDEDOR DI

DROGA Y SU LABORATORIO

MOBIL NA SAN NICOLAS CU

ARMA, PLACA Y DROGA

POLIS JOSELITO DIRKS A BANDONA AVP

PA CAPRICHO POLITICO Y SIN MOTIBO

MARISOL A ENTREGA MOCION PA

BAHA MINISTER GLENBERT CROES

3 AUTO ENVOLVI DEN UN

ACCIDENTE CU UN HOBENCITA

LEVEMENTE HERIDA PA E

AIRBAG CU A DAL DEN SU CARA

DOW MESTER

DI MAS

TEMPO: TUR

SEPTICS

TRUCKS

MESTER

SIGUI BAY

ZEEWIJK PA

SIMAN MAS

Minister Dangui Oduber

MINISTER DANGUI ODUBER TA CONTESTA PREGUNTANAN INFUNDA Y INCORECTO DI MIKE EMAN Y MERVIN WYATT-RAS TOCANTE CANTIDAD

DI PERSONANAN CU A FAYECE DEN E ULTIMO AÑANAN

Diamars mainta Minister di Turismo y Salud Publico sr. Dangui Oduber ta contesta preguntanan y presenta datos di CBS di e cantidad di personan cu a fayece na Aruba e ultimo añanan. Recientemente Minister Oduber a ricibi algun pregunta di miembronan di fraccion di AVP sr. Mike Eman y Sra. Merwin Wyatt-Ras, y awe Minister Dangui ta contradeci tur e ponencianan infunda y incorecto haci pa e miembronan di fraccion di AVP.

Si nos tuma nota di estadisticanan di e cantidad di personan cu a fayece e ultimo añanan nos por conclui cu hustamente tin un bahada di e cantidad di personan cu a fayece. Minister Dangui ta lamenta cu sr. Eman y sra. WyattRas ta mal informa comunidad y crea panico innecesario siendo cu e cifranan mes ta contradeci nan ponencianan.

Estadisticanan di CBS ta demostra cu e Cantidad di personan cu a fayece e ultimo añanan ta como lo siguiente:

• Aña 2021: 964

• Aña 2022: 879

• Aña 2023: ta proyecta 800 (te cu di 3 kwartaal di 2023 - 611 persona a fayece)

Un otro ponencia cu Minister Dangui a contradeci ta cu segun fraccion di AVP, e gobierno aki lo ta cortando den cuido medico. Hustamente e aña aki, esta aña 2024, ta invertiendo 13.5 miyon florin extra den mehoracion di calidad di cuido y servicio. E 13.5 miyon florin cu a inverti den cuido medico a wordo reparti como lo siguente:

• 5.1 miyon florin extra pa Hospital

• 4.1 miyon extra pa ImSan

• 1.8 miyon pa Stichting BOB haci bevolkingsonderzoeken pa early detection di cancer di pecho

• 1 miyon pa respaldo pa asina tuma mas profesionalnan

• 1.5 miyon pa reenforsa e prome liña di cuido y tambe pa digitalisacion di cuido medico

Minister Dangui Oduber a contesta tur e preguntanan cual e lo bay entrega na e miembronan di fraccion di AVP. Minister Dangui Oduber ta pone e preguntanan y e contestanan aki pa comunidad por lesa, pa asina na un forma habri y transparente informa communidad di Aruba debidamente.

Horacio Oduber Hospital ta recorda dr. John Leo: Ex- DIRECTOR CU A PONE hOPI ENFASIS RIBA

CALIDAD DI CUIDO

Dr. John Leo a nace na Aruba y a establece na Hulanda na aña 1952 despues di a cuminsa HBS. Na Hulanda ela sigui scol secundario na Nijmegen y despues a dicidi di sigui su carera den medicina. Na aña 1963 dr. Leo a regresa Aruba como un dokter di cas. Algo cu nunca ela lubida ta cu den corto tempo ela atende mas di 150 parto na cas. Hasta na casnan caminda no tabatin coriente y pues mester a haci uzo di flashlight.

Despues dr. Leo a dicidi di bay specialisa su mes na Merca y a scoge specialisacion di transplante. Despues di a logra su specialisacion ela bay traha bek na Hulanda.

Na aña 1988 dr. Leo a asumi e gran responsabilidad di director di nos hospital. Durante su trayecto como director nos hospital a conoce hopi cambio, entre otro mas specialista nobo. Specialismonan a expande masha hopi mes y mas di admira ta cu a trece un CT-scan Aruba, di cual prome cu esey pashentnan mester a bula bay Corsow of Venezuela pa haci e test aki. Tambe loke ta echografia a conoce un desaroyo enorme.

Un cambio hopi bunita cu dr. Leo tambe a haci ta riba e parti di facilidad y calidad den informacion y tambe comodidad

di e pashentnan. Ela zorg pa tin un bali di informacion, murayanan bashi y tambe un interior mas ameno pa pashentanan.

Horacio Oduber Hospital ta sumamente gradici na dr. Leo pa su gran trabou den loke ta cuido medico na Aruba durante su period como director. Pa su tremendo vision cu e tabatin den cambionan pa nos pashentanan y mas ainda pa e pensamento fuerte cu dr. Leo tabatin y tabata expresa di e forma aki: “Nos ta trata di no duna pashent motibo di desconfiansa. Paso si bo no tin confiansa di pashent bo no ta logra nada.”

Hunta di Directiva, management y staff di Horacio Oduber Hospital ta desea famia completo, excoleganan, amistad y conoci hopi forsa cu e perdida di e gran dokter y gran persona cu dr. Leo tabata.

Dow mester Di mas tempo: tur septics trucks

mester sigui bay Zeewijk pa 8 siman mas

DOW a

informa di su trabaonan na Parkietrnbos unda nan ta dirigi e septic trucksnan pa 8 siman mas pa Zeewijk.

DOW a bisa "Update RWZI Parkietenbos Dia 14 di maart nosa menciona cu un tubo na RWZI Parkietenbos a kibra y pa es motibo

mester a cera RWZI Parkietenbos y desvia tur septic trucks pa nan deshaci di e awa na RWZI Zeewijk. Na e momento ey a menciona cu e

reparacion di e tubo lo tuma mas o menos 6 siman.

Den e 5 siman nan ki, nos a haci

differente trabou di mantencion riba e planta entre otro;... - Haci tur e tankinan limpi cu excepcion di dos tanki cu tin lodo den nan (Primairy Clarifier y Sequence Batch Reactor), a drecha e blower;

- A cuminsa cu e trabounan preparatorio pa arma e sleevenan pa por ponenan den e SBR; - A haci mantencion riba e discfilternan;Drecha e Beltpress pa pone paraat pa momento nos cu por cuminsa cu e operacion.

Pa motibonan technico no por deshaci di slib/lodo ainda y esey kiermen cu nos mester extende e cierre di RWZI Parkietnbos cu 8 siman mas. Nos disculpa pa e inconviniencia."

polis a gara benDeDor Di Droga y su laboratorio mobil na san nicolas cu arma, placa y Droga

Dialuna, 14 di april 2024, durante patruya, polis a topa un Toyota Mark-X blanco para banda di caminda na Parish Hillweg, cu un homber di nomber H. na stuur y un muher di nomber M. na e asiento di pasahero. Ora nan tabata pasa dilanti di e auto, nan a sinti un holor fuerte di marihuana y nan a nota cu e personanan a bira nervioso, entrenan e ocupante.

Durante un confrontacion, e homber a admiti di tin marihuana riba dje, di cual a entrega polis un

pito mita huma. Durante un inspeccion mas profundo, polis a wak con e homber tabata schuif un tas bao stoel, pa purba sconde. Den control di e schoudertas color preto polis a topa un pistool pisa cu municion loke a causa e aresto di e sospechosonan riba sospecho di violacion di e ordenansa riba armamento di Aruba y e Ley di subtancianan di droga.

Un buskeda den e auto a revela mas articulonan prohibi, incluso marihuana,

hashish, un weegschaal, mas aparatonan pa procesa droga y den un saco di plastic a haya un substiancia roos cu ta parecido na e droga mda/tusie, como tambe

placa den Florin di Aruba y Dollar Mericano. Polisnan di Bureau

Forensisch Technisch y Unit Narcotica a confisca e articulonan haya pa analisis adicional. E Toyota

Mark-X a keda tuma den beslag investigacion. E personanan a keda deteni y transporta pa warda di polis. ( foto referencia Mark X)

pA cApricho politico y sin motibo mArisol A entregA mocion pA bAhA minister glenbert croes

Diamars mainta Minister

Glenbert Croes a acudi na parlamento pa duna informacion riba su maneho na DIMAS. Promer cu Glenbert a haya chens pa splica su maneho, Marisol a entrega un mocion pa baha Glenbert como minister, sosteni pa AVP.

E mocion aki a wordo entrega sin ningun motibo valido. Un cantidad di puntonan sin base. Ta usa palabranan di integridad, siendo esnan cu no tin integridad ta Marisol y AVP.

Hustamente Glenbert

Croes a mehora e maneho di DIMAS, a haci varios coreccion di cosnan cu tabata bay robes.

Hustamente Glenbert

Croes a mehora tur proceso pa laga tur cos cana mihor.

Marisol a puntra riba e capasidad di carga. Acaso Marisol a puntra su mes riba capacidad di carga ora el'a parti tereno den su tempo como minister di MEP y despues sostene corupcion di AVP y despues hasta den POR el'a

sigui parti tereno?

Tur cifra di DIMAS ta mustra cu e maneho ta bayendo bon. Tur peticionnan ta wordo trata y tur peticionario ta haya contesta. Tur carta di protesta ta wordo atendi.

Pues, ta solamente un capricho politico personal di Marisol. Dor cu el'a haya un mocion di desconfiansa, awor cada rato e kier pidi mocion di desconfiansa pa tur otro minister.

3 Auto envolvi den un Accidente cu un hobencitA levemente heridA pA e AirbAg cu A dAl den su cArA

Dialuna atardi a drenta informe di un accidente cu hende levemente herida banda di Wema Ponton, mesora a dirigi tanto polis como ambulans na e sitio. na yegada di e patruya a bin compronde cu aki ta

trata di un accidente entre 3 auto unda un Hyundai Getz biniendo di pabao a haya chens di un auto di nort y a sali pasa e crusada sin a wak cu tabata bini un MG di zuid y e MG a dal e Getz mande bay dal

un Mitsubishi Lancer cu tabata para na e crusada pariba.

Debi na e impacto e MG su airbag a deploy y esaki adal e hobencita sinta dilanti.

Polis Joselito Dirks a banDona aVP

E polis Joselito Dirksz, cu recientemente a uni na e lista di partido AVP, a dicidi di bandona e partido repentinamente of bandona su intencion pa subi lista.

Fuentenan confiabel a indica cu Dirks, conocido sindicalista y ex-presidente di sindicato di polis, kende a participa den un gran lanzamiento na comienzo di maart, awor parce cu a renuncia su candidatura pa motibonan desconoci ainda.

Ta specula cu e decision di Dirks por ta relaciona cu e ola di critica cu el’a ricibi, ora cu a spera cu un polis lo mantene un integridad impecable y a bay asocia cu un partido político mancha na corupcion, cual por afecta su reputacion.

Joselo a cuminza campaña y den cualke cafeteria cu e drenta e ta aserca cualke grupo y pidi nan vota pe, pero loke e no a spera ta cu na tur su asercamientonan cu publico, e tabata haya hopi zundra, cu e no tabata sa unda pa pone su cara. Aunque un informacion oficial no a sali ainda ni di partido ni di Joselo, rumornan ta sugeri cu Dirks apenas a permanece 30 dia (un luna) den e partido.

E noticia aki ta yega na un momento dificil pa e partido AVP, cu ta confrontando problema pa haya candidato dispuesto pa uni cu nan organisacion cu ta teriblemente mancha pa escandalo di corrupcion.

Mei mei di tur esaki, e caso di corupcion di Benny ta

bolbe corte den luna di Mei.

E falta di apoyo publico y e criticanan general por complica aun mas e situacion di e partido den e proximo dianan y pe proximo eleccion.

Den Haag – Un grupo di alumni di FEF – e facultad Financiero Economico di Universidad di Aruba a bin recientemente hunto. Aki ta trata ta ex studianten di FEF cu sea ta studiando of ta traha na Hulanda. Pa e ocacion aki Minister Plenipotenciario mr. Ady Thijsen a keda invita pa tene un discurso cortico na e grupo.

Minister Thijsen a bisa cu ta bunita pa mira con hopi alumni di FEF a scohe pa topa cu otro. Esaki ta mustra cu tin un unidad hopi grandi. Tambe ta bunita pa tende cu hopi studiante di FEF ta ocupa posicionnan importante na Hulanda y tambe na otro paisnan. ‘Esaki ta reflexiona e exito di FEF, cu ta e facultad mas grandi di Universidad di Aruba.

Minister thijsen invitado special na encuentro aluMni FeF caMbia perspectiva

Pa chikito cu nos pais ta, nos por tin logronan grandi,’ asina sr. Thijsen a bisa.

Despues e mandatario a sigi den su discurso cu un introduccion di su mes. Esaki a sigi cu un splicacion di su funcion como Minister Plenipotenciario y Representante di Aruba na Union Europeo. ‘Dos funcion importante pa loke ta e relacion cu Hulanda y busca oportunidad pa Aruba na Union Europeo. Alabes nos a bin cu maneho pa haci Aruba mas visibel na Hulanda, den Reino Hulandes y Union Europeo. Den esaki nos no ta concentra unicamente riba Den Haag, pero nos ta papia cu diferente municipio, provincia, hogescholen, Universidad y sector commercial.

Tambe nos ta buscando cooperacion cu diferente embahada, pa mira unda esaki por conduci na beneficionan pa Aruba.’

‘Gabinete di Aruba tambe ta pa nos hendenan; nos studiantenan, Arubianonan cu a bin pa tratamento medico, of a bin traha y biba na Hulanda. Un aspecto importante di esaki ta pa logra cu mas Arubiano bai bek Aruba. Awor cu economia di Aruba a pick up hopi bon despues di e pandemia, tin un necesidad grandi na personal. Como gobierno nos kier stimula esaki. Pa e motibo aki durante di Arubadag 21 di April proximo lo tin un job fair, unda entre otro departamento di Labor (DPL) y di Recurso Humano (DRH) lo tey pa representa e sector publico y asina duna informacion na esnan cu tin interes pa regresa nan pais. Esaki ta nifica si cu tanto sector publico como priva lo mester bin cu mas incentivo pa interesadonan. Pensa den banda di salarionan atractivo, tambe bon condicionnan secundario. Un forma con pa hinca esaki den otro ta un asina yama “sociaal akkoord”,’ tabata palabra di Minister Plenipotenciario di Aruba mr. Ady Thijsen.

Riba e ultimo punto aki tabata tin hopi reaccion positivo di esnan presente, indicando cu den caso di un “sociaal akkoord” tin persona cu lo considera pa regresa Aruba. Nota pa redaccion: E potretnan ta cortesia di Arubahuis

Prome Minister Evelyn Wever-Croes: Relaciona cu e añanan di castigo pa abuso sexual

di mucha DESDE 2020, GOBIERNO A HISA E CASTIGO PA ABUSO

SEXUAL DI MENOR NA E MAXIMO DEN REINO

- Manera ta conoci, Gobierno di Aruba a decreta luna di April como Luna Nacional di Conscientisacion Contra Abuso di Mucha, cu e meta pa comparti informacionnan relevante, y crea conscientisacion riba e topico importante aki.

Prome Minister Evelyn Wever-Croes a expresa, cu ta importante pa remarca cu ainda tin hopi hende ta cuestiona e maneho di gobierno pa loke ta castigo, en conexion cu abuso sexual di menor. E mandatario a splica cu

na inicio di gobernacion di Gabinete Wever-Croes, Gobierno a bin ta traha constantemente riba diferente ley y procedura pa percura cu e castigo p'e abusado ta bira mas severo.

Na aña 2020, Gobierno a logra na hisa e castigo pa esnan cu ta comete a acto aki, te na e maximo cu e por wordo hisa den Reino. Ta asina leu cu si tin un morto pa motibo di un abuso, e castigo lo ta di 24 aña. Pero mirando e severidad di e problema aki, Gobierno ta trahando

pa huesnan por hisa e castigo aki aun mas.

Pa Prome Minister e topico aki, ta y lo keda uno

importante, y pa e motibo aki a compromete su mes pa sigui traha hunto cu e profesionalnan den e veld,

Parlamentario Ricky Hoek (MEP):

pa logra combati abuso contra nos muchanan.

MEP TA CUMPLI CU LEy DI fINANCIAMENTO DI PARTIDO POLITICO

Relato financiero 2023 a keda entrega na Electorale Raad

ORANJESTAD, Aruba 16 april 2024: Na fin di luna di maart ultimo, partido Movimiento Electoral di Pueblo (MEP) a haci entrega oficial di su relato financiero di aña 2023 na Electorale Raad.

Parlamentario Ricky Hoek a laga sa cu desde aña 2020 e ley di financiamento di partidonan politico a keda aproba (banda di otro dos ley mas) pa Parlamento di Aruba y ta conta pa tur partido politico cu (t) a participa na un eleccion politico.

E ley aki den su esencia ta pa regula con un partido politico ta yega na su fondonan (tanto prome, durante y despues di un campaña). Dicho ley a haya su aprobacion debi cu esaki ta un ley hopi importante pa di un forma legal y transparente combati corupcion den e sistema gubernamental.

MEP ta cumpli cu deadline Hoek a sigui bisa cu e deadline cu un partido politico tin pa entrega su relato financiero di e aña anterior ta 1 di april, manera e ley ta stipula.

Den cuadro di esaki MEP a cumpli cu e deadline stipula pa ley. Den un forma profesional y transparente MEP ta duna un bista di su finasas na e organo di Electorale Raad cu lo controla esaki. Si pone atencion na e acto importante aki cu cada partido politico mester responsabilisa nan finansas, por a tuma nota cu ningun otro partido politico a vocifera di a cumpli cu e ley aki. Tampoco nos sa si nan a cumpli cu e deadline manera ta stipula den

ley. Den todo caso, MEP a cumpli cu e ley di financiamento di partido politico 'al pie de la letra' y ta gradici tur candidato, directiva (principalmente

e tesorera) y pueblo henter pa nan sosten y aporte durante aña 2023, Parlamentario Ricky Hoek a expresa.

Prome Minister Evelyn Wever-Croes:

Prome Minister ta invita scolnan pa participa na e proyecto di inovacion; EduTech

DEADLINE PA SCOLNAN INSCRIBI PA CICLO 7 DI EDUTECH TA 18 DI APRIL 2024

Recientemente, Gobierno di Aruba hunto cu Futura a anuncia di a habri e inscripcion pa ciclo 7 di Edutech, dunando asina oportunidad na scolnan pa uni na e revolucion educativo. Gobierno di Aruba ta haci un yamado na tur scolnan pa tuma e oportunidad aki y inscribi bo scol entregando un plan di proyecto y bira parti di e iniciativa inovativo di EduTech.

Manera ta conoci, EduTech ta un proyecto di Gobierno di Aruba hunto cu Futura den cual ta pone Awg. 400.000 disponible pa proyectonan di innovacion na scolnan. E proyecto

di Edutech ta duna oportunidad na tur scol pa bin cu nan mesun proyecto y tin e oportunidad di gana recursonan financiero of material pa ehecuta e proyecto.

Mirando e oportunidad grandi aki, Prome Minister Evelyn WeverCroes ta invita tur scol pa inscribi y haci nan soño bira realidad, adkiriendo materialnan inovativo pa engrandece nan sistema di educacion.

Scolnan por inscribi na: https://www. edutecharuba.org/submitapplication. Deadline pa inscripcion ta April 18, 2024

MINISTER ENDY CROES TA HACI UN RECAPITULACION DI SU EXITOSO BIAHE DI TRABOU

D: Diabierna mainta, Minister di Enseñansa y Deporte Endy Croes a haci un recapitulacion di su biahe di trabou na Curaçao, unda a trata diferente aspecto di enseñansa y a atende apertura y clausura di Weganan Interinsular 2024.

Primeramente, Minister

Endy Croes hunto cu Minister President di Curaçao Gilmar Simon (Pik) Pisas, Minister di Enseñansa, Ciencia, Cultura y Deporte di Curaçao Sithree van Heydoorn, diferente instancia di Hulanda y delegacion di Aruba y Curaçao a acudi na Universidad di Curaçao. Durante e encuentro aki na Universidad di Curaçao, a debati riba diferente tema pa crea plataforma pa e studiantenan por ta mas exitoso. Tanto studiante di Hulanda y Curaçao a participa den e debate aki, unda a comparti nan experencia di estudio. Cu esaki, por evalua miho e forma pa keda brinda e studiantenan oportunidad pa ta exitoso.

Siguiente, Minister

Endy Croes hunto cu Minister Dijkgraaf y e mandatarionan di Curaçao a habri e prome scol cu a wordo renoba na Curaçao cu e 30 miyon euro cu Hulanda a duna pa renobacion di e scolnan. E mandatarionan a haci entrega oficial di e yabi di e scol den un bachi completamente nobo. Despues di e esaki, a regresa Universidad di Curaçao unda a conclui e

conferencia di trabou den su totalidad. Minister di Enseñansa di Hulanda Robbert Dijkgraaf a haci entrega di BSN nummer na e prome studiante di Caribe na Curaçao. Esaki sigur ta otro logro grandi. Desde e aña aki e studiantenan por ricibi nan BSN nummer prome cu nan biaha na Hulanda. Esaki lo facilita e proceso di e studiantenan na nan yegada na Hulanda. Cu BSN nummer e studiante por entre otro, inscribi pa un camber, por habri un cuenta di banco y aplica pa seguro.

Banda di esaki, diabierna tabatin e grandioso apertura di Weganan Interinsular 2024, unda cu Minister Endy Croes hunto cu e mandatarionan di Curaçao tabata presente. Despues di un dia di diferente wega deportivo, Weganan Interinsular 2024 a conclui diasabra anochi na cas di Gobernador di Curaçao cu un cena pa tur e participantenan. Despues di esaki, a acudi na e ceremonia oficial cu a tuma luga na Plaza Luis Brion pa entregamento di premio, unda cu Aruba a gana e premio di oro den

tur nuebe (9) deporte.

Diadomingo, Minister Endy Croes a compaña Minister Sithree van Heydoorn na Parada di SEÜ. Un bunita parada, unda alrededor di 40 grupo a participa. Minister Endy Croes hunto cu Minister President di Curaçao Gilmar Simon Pisas a haci e conteo pa duna inicio na e parada. Pastor Curtis tabata presente pa haci un bunita oracion pa e Parada di SEÜ.

Finalmente, Minister Endy Croes a gradici e mandatarionan di Curaçao cu a ricibie cu un caloroso bonbini. Un fin di siman fructifero cu varios logro grandi riba tereno di enseñansa y deporte. Cu deseo, disciplina, dedicacion y determinacion ta logra.

3 Persona deteni pa a bringa mey anochi na un Bar Restaurant na Kamay

Lo E seca tur lagrima for di nan wowo y morto lo no existi mas. Lo no tin nada di rouw, nada di yoramento, nada di dolor mas, pasobra tur cos di antes a bai. Rev 21:4

Dialuna madruga a drenta informe di un pelea formal cu homber y muhe envolvi dilanti un bar restaurant na Kamay, mesora a dirigi patruyanan na e sitio.

Na yegada di e patruya a bin compronde cu aki ta trata di un pelea entre 2 homber y un muher.

Polis a detene tur 3 y a hiba nan na warda di polis.

A bay sosega den brasa di Señor nos ser stima:

Candido Jacobo Angela

Mihor conoci como “Coby of Cobito” *11-10-1940 - †13-04-2024

Drumi dushi den brasa di Señor

Acto di entiero lo wordo anncia despues.

Parlamentario alvin Molina (MEP):

Deporte ta siguridad

Premio Excelencia den Deporte ta reconoce e atletanan cu a destaca den aña 2023. Ta bunita

pa mira cuanto hoben ta practica y destaca den nan deporte. Mi ta bin di e mundo di husticia y mi sa

con importante deporte ta pa yuda eleva siguridad den bario. Unabes cu un mucha ta practica deporte, e tin disciplina y ta for di caya, e no tin e tempo tampoco e animo pa haci cosnan malo.

Durante e luna nacional di conscientisacion contra abuso di mucha ta bon tambe pa reconoce esfuersonan cu ta ser haci pa yuda nos muchanan desaroya na un manera positivo. E ta importante pa nos apoya nos hobennan y pa Gobierno di Aruba keda inverti den deporte. E coach- y mayornan ta dedica hopi di nan tempo liber pa guia e mucha- y hobennan pa nan desaroya den nan deporte y indirecto pa nos isla por keda sigur. Muchanan ta hopi fragil y ta depende di kico nan “omgeving” ta haci pa nan.

Algun siman pasa, a inaugura e cancha di basketball ful renoba na Sint Maartenstreet, Village. Pa basta aña e cancha a bay

131 Ta buSCa bOLun Ta RIO

Ya ta pa 24 aña caba 131 ta ofreciendo su servicionan di scucha, sostene y guia nos mucha y hobennan tur dia entre 2:00 y 6:00 di atardi via telefon, email, chat, website, lectura y proyecto.

E trabao di 131 ta wordo realisa den gran parti door di mentornan cu boluntariamente ta inverti tempo y energia den 131. Tur aña 131 ta busca mentornan nobo pa yuda nos duna servicio na nos muchanan y hobenan.

Cuminsando e siman aki 131 ta habri espacio pa esnan interesa pa haci un trabou boluntario por join nos team.

Nos ta buscando personanan desde 16 aña cu por domina tur cuater idioma esta: Papiamento, Spaño, Ingles y Hulandes. Mester ta un persona disponibel y cu entusiasmo.

131 ta ofrece training den diferente topico, minimo dos biaha pa aña ampliacion di experticio y un ambiente placentero di aprendizahe.

Pa mas informacion tocante e trabao boluntario por tuma contacto tambe cu 131 via nos facebook: https://www.facebook. com/aruba.131, email: 131aruba@gmail. com of telefon 5886138/ 5884011.

hopi atras, mientras bo ta wak e mucha- hobeny adultonan di e bario y bisindario ta haci hopi uzo di dje.

Pesey, mi a haci e peticion na nos Minister di Deporte pa drecha e cancha y mi ta agradecido cu el a logra crea e fondonan necesario pa logre. Un suplica si ta pa hunto nos mantene e cancha, esaki ta un tarea di Gobierno di Aruba y esnan cu ta haci uzo di dje.

Mi a entrega un otro peticion na Minister di Deporte pa drecha e cancha di basketball na Esso Ville y for di comunidad mi a haya e peticion pa wak e cancha deportivo na Weg Seroe Preto.

Deporte ta eleva siguridad di nos pais. Mi ta felicita e 150 nominadonan di Premio Excelencia den Deporte y alabes ta deseanan hopi exito den nan carera deportivo.

HOLO DI MARIHUANA A CONDUCI NA DETENCION DI 2 PERSONA, 2 ARMA DI CANDELA, MUNICION Y AUTO CONFISCA!

Dialuna madruga e oficialnan policial encarga cu e vigilancia di costa bayendo pariba di brug

pasando banda di un auto na Palisiaweg a haya e holor di marihuana mesora nan a para pa

controla e auto.

Den e auto a bin haya 2 arma di candela fuera municion y tambe droga.

PROGRAMA PILOTO KIES PA MUCHANAN ENTRE 6-12 AÑA

Atencion na tur mayornan divorcia of separa!!!!! Plan di Mayor kier introduci e programa piloto di KIES pa muchanan entre 6-12 aña di edad.

Plan di Mayor Aruba ta ofrece e servicio di KIES (Kinderen in een Scheiding). KIES ta un programa cu ta existi na Hulanda desde 2002.

Actualmente, tin 38 KIES coaches na Aruba. Esaki ta un programa di intervencion unda guia y yudansa di profesionalnan ta wordo brinda na mucha y hoben cu tin necesidad di wordo scucha y kier papia tocante e tema di divorcio of separacion di nan mayornan. E programa aki ta duna e mucha cu a yega di pasa

of cu ta pasando den divorcio/separacion di e mayornan, e oportunidad y e espacio pa ta den un ambiente sigur cu otro muchanan pa asina por procesa e experiencianan di pasado of esunan actual.

E trayecto ta consisti di 10 sesion, unda cu 8 di e sesionan ta wordo dirigi pa 2 KIES coach cu un grupo di 10 mucha.

E programa piloto di KIES ta pa muchanan entre 6-12 aña di edad. E lo cuminsa na luna di Mei 2024, lo tuma lugar na MFA St. Cruz y lo ta completamente gratis.

Pa por registra pa e programa, e mayor of mayornan di e mucha por

yena e formulario aki:

https://forms.gle/CiHMXmQw9jBKsiny9

Edad pa Participa: 6 - 12 aña

Localidad: MFA St.Cruz

Fecha:* Lo cuminsa den luna di Mei (fecha concreto lo wordo anuncia despues)

Mesora a detene ambos sospechoso y a bay cu nan warda di polis y a confisca e armanan cu

municionnan ademas di e auto Toyota Mark X blanco A33748.

E WEGA DI PUEBLO, “MENS ERGER JE NIET LIVE” TA CUMINSA E SIMAN AKI

Mens Erger Je Niet LIVE den Centro di Bario Brazil t’e wega mas popular aki na Aruba.

E Sesenticuater(64) grupo

di famia, bisiña y coleganan cu a inscribi ta bay desfila Diasabra awo 20 di April pa 7:30pm Exacto. E temporada di gaña rabia

Incidente na pia di

y bira contento, nervio, emocion, tension, decepcion y suerte a yega.

CORDA BIN CU ALGO

trabao

CU TA IDENTIFICA BO GRUPO.

E prome cuater grupo, Pasa Raspa Get Fit, PV 2 Good 4, Jolly Jokers y The Beef People. mester bin na e color cu nan ta hunga dia 20 di April. E otro 60 grupo por bisti cualquier uniform of costum cu boso ta desea.

Ta bay tin un premio pa e grupo cu mas buya y e grupo mas grandi. E desfile ta cuminsa parti panort di Centro di Bario Brazil (veld di Brazil Blue Hawks) y ta bin paden ta Jump Up na bo smaak. Bishitantenan por para nan auto riba e veld di Brazil Hawks Baseball

Org., cu luz full rond pa controla. danki na Booshi.

E prome 4 grupo cu lo hunga despues di e desfile ta: Pasa Raspa Get Fit, PV 2 Good 4, Jolly Jokers y The Beef People. Wak pa bo ta na tempo pa bo NO keda AFUERAAA.!!!! LOL. Y manera semper. Bo mag di yega CBB cu hamber y sed, pasobra eynan tin tur cos pa tene tur bishitante yen y contento. Weganan lo ta tur diabierna y diasabra durante 3 luna di e campeonato. Pa mas informacion por tuma contacto cu Eddie na: 5662208.

truck a pasa riba trahado y a bay dal heki di hero

Dialuna merdia a drenta informe di un incidente na trabao unda un truck a pres riba un trahado na e

deposito di Crown na Sabana Blanco, mesora a dirigi tanto polis ambulans y tambe e equipo di rescate

di bombero. Na yegada di e patruya a compronde cu tin un homber bao di e truck pega na un heki. Na yegada di e ambulans nan a nota cu e homber ta na tino y tabata comunica cu nan asina mes cu dolor pero nan mester a warda pa e victima ser saca di abao for di e truck. Cu un forklift di e compania mes a hisa parti di e truck pa asina saca e victima for di eybao pa asina atende. Unabes afo ambulans a tume over y a transporte pa hospital. D.T.I. a bini na e sitio pa asina investiga e accidente na trabao aki.

Malesa di Parkinson ta alivia cu un anticurpa nobo

E anticurpa Prasinezumab por reduci e deterioro motor den hende cu e malesa di Parkinson, di progreso rapido, un ekipo di cientifico di Alemania, Merca, Francia, Spaña, Austria, Suisa y Irlanda, a conclui, cual estudio a wordo publica dialuna den e revista Nature Medicine.

Parkinson ta afecta e sistema nervioso central y ta caracterisa p'e lentitud di e movementonan y e presencia di temblamento den reposo, como tambe e alteracion di e reflehonan. Di acuerdo cu e investigacionnan clinico previo, un factor importante den e patologia aki ta e acumulacion excesivo di proteina alfa-sinucleina den e neuronanan, ya cu e ta provoca su morto.

Den un principio, e investigadonan a pensa cu e tratamento cu e anticurpa aki no lo influencia den e curso di e malesa, pero un aña despues di a cuminsa cu e experimento, a conclui lo contrario.

"Nos ta na rand di un revolucion di e malesanan neurodegenerativo," Gennaro Pagano, lider di e ekipo di e empresa farmaceutico Suiso Roche, a afirma.

E experimento

E investigadonan a dividi e 316 participantenan di e estudio, tur cu Parkinson diagnostica, den tres grupo: 105 persona a ricibi placebo, otro 105 a wordo administra 1500 miligram di prasinezumab y n'e otro 106 restante 4500 miligram di prasinezumab. Esunnan cual male -

sa a considera cu tabata progresa rapidamente y cu a ricibi medicamento, a presenta un reduccion significativo den e deterioro di e sintomanan motor, compara cu esunnan cu a ricibi un placebo.

E investigadonan a obtene resultado estadisticamente relevante recien n'e 52 simannan di e comienso di e experimento.

Prasinezumab tabata e prome anticurpa monoclonal (miho bisa, cu ta uni na un antigen specifico) uza como terapeutico experimental y ta descompone e alfa-sinucleina acumula.

E experimento, cu a prolonga pa un aña, ta sugeri cu e medicamento aki por reduci e progresion di e deterioro motor den mayor medida cu otro.

Sinembargo, e cientificonan tin planea pa atende e dolencia aki for di diferente angulo. "Nos ta kere cu no lo tin un "bala di plata" p'e malesa aki," Patrik Brundin, lider

na Roche di e area terapeutico pa trastorno di movemento, a señala.

"Ta probabel cu cada pashent rekeri un combinacion diferente di medicamento den e diferente fasenan di su malesa. Y cu mas opcion disponibel, e remedi aki di precision ta hacie posibel," el a agrega.

Varios patruya a bay V eld di futbol na p iedra p lat pa eV ita batimento di boca despues di wega bira pelea

Diadomingo anochi manera awor a para bira un mal costumber cu despues di cada wega di futbol ta bin

batimento di boca cu ta escala y tin

auto a subi caminda bay dal auto net banda di e porta unda e dama chauffeur ta y a sigi core bay

Diadomingo anochi a drenta informe di un accidente hit & run banda di ex-edificio di Wema Santa Cruz, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un auto a bay subi caminda y a bay dal un auto cu tabata riba caminda.

E impacto tabata net na e

porta unda e dama chauffeur tabata sinta pero

afortunadamente ningun hende a resulta herida.

biaha ta start un pelea pero aki tambe a start uno

pero polis a yega prome cu e lo por a bira un pelea.

FORTALEZA PA FAMIA

Scirbi pa Pastor Marcel Balootje.

FAMIA TA E PILAR DI UN SOCIEDAD SOLIDO

Famia ta un retrato di Cristo y su Iglesia, matrimonio a wordo institui door di Dios. Tur hende ta bini for di un famia. Tur hende na mundo a nace for di un homber y un muher.

For di den paraiso e diabel a bini ta bringa matrimonio y famia, y te cu dia di awe su atake riba famia y matrimonio no a termina pasobra diabel ta odia matrimonio , cual ta e institucion precioso di Dios,

Awendia nos tur por nota con hende ta wordo usa pa kibra famia di otro, den tur forma, usando tur tipo di strategia diabolico, faltando respet y temor di Dios.

Si bo wak bon rond cuanto motibo tin awendia pa

hende divorcia, bo ta keda asombra di nos sociedad. Pa sabi cu hende por bira, cuanto cu ciencia y technologia por aumenta, tur famia mester bolbe bek na caminda di Dios, pasobra awor mas cu nunca e tempo trabahoso ta manifesta su mes.

E aumento di inmoralidad, y malicia.

E aumento di violencia relacional y domestico.

E aumento di uso di droga y alcohol.

E aumento di orguyo y arogancia.

E crecemento formal di amor pa placa.

E aumento di perversion.

E aumento di ingratitut.

Tur esaki ta para scirbi

Un dia fructifero colma cu e bendicion y forsa di ariba y yena cu Spirito Santo

"Pasobra esun cu Dios a manda ta papia palabra di Dios; pasobra Dios ta dun’E Spirito Santo na abundancia." Huan 3, 34 Dios a manda Hesus pa siña cada un di nos con nos mester biba.Cu nos mester kere y obedece Dios. Kere den Esun cu Dios a manda, acept’E y respet’E.Ta berdad cu nos ta biba riba e mundo aki pero nos no ta pertenece na e mundo aki. Nada di e mundo aki por duna nos e felicidad berdadero. Solo Dios por haci e hende feliz. P’esey laga nos haci nos maximo esfuerso pa agrada Dios y biba di acuerdo cu Su santo boluntad. Ban pidi Dios pa prepara nos pa ricibi Esun cu E lo manda for di shelo pa nos mescos cu E la baha riba Hesus riba dia di Su bautismo cu ta e Spirito Santo di Dios. E ta Esun cu ta yuda nos y siña nos loke ta e berdad pa nos keda pertenece na Su reino y nos por ta e testimonio cu ta confirma cu Dios semper ta e berdad. Door di esey nos ta haya un bida nobo hunto cu Hesus cu a resucita canando riba e caminda di bida eterno. E unico caminda, berdad y bida cu ta hiba nos na salbacion. Oracion: Tata Celestial duna nos e gracia pa acepta, kere y respeta Bo Palabra.Laga Bo Spirito Santo por baha riba nos y duna nos e uncion cu semper Bo tin warda pa nos. Amen.

den 2 Timoteo 3 :1-9 den cual Apostol Pablo kier habri nos wowo pa nos ta lanta y pa asina nos no haña sorpresa di e malbado, pero pa nos ta firme den oracion.

Tur hende cu scohe pa decensia, puresa, santidad, humildad y mas cu tur cos dominio propio, ta wordo poni un banda pasobra nan no ta pas den e ambiente di “Biba y laga Biba”.

Tur esnan cu ta biba den e boluntad di Dios, teniendo respet y dignidad pa nan mes y nan famia y matrimonio , ta wordo mira como hende anticua.

Ta parce manera hende a lubida locual e Palabra di Dios ta bisa;

Esposanan sea sumiso na boso mes esposo,manera na Señor.Pasobra e esposo ta e cabes di e esposa, mescos cu Cristo tambe ta cabes di e iglesia.( Efesionan 5:22).

Esposonan, stima boso esposanan , y no se amarga contra nan,( Colosensenan 3:19).

Den tur matrimonio mester tin un cabes cu Dios a estableci, corda bon cu ta Dios a establece e homber como cabes di e muher den matrimonio.

Pesey den tur tipo di matrimonio caminda hende ta pone nan mes,como cabes, ta ilegal dilanti di Dios. ( Dios tene misericordia pa tur locual hende kier establece for di boluntad di Dios).

Pasobra ta masha importante, pa un matrimonio ta den e boluntad di Dios, pasobra matrimonio ta entre un homber un muher y Dios.

Laga nos tur corda bon cu henter bijbel ta papia di matrimonio entre homber

y muher y Dios no ta ekiboca su mes. For di Genesis te cu Apocalipsis ta esey so ta wordo presenta na henter mundo.

Awor awendia pa hende bay contra palabra di Dios ta masha facil, pasobra si bo no ta reconoce Dios, como bo Redentor y Salbador ta masha facil pa bo bay contra Su Palabra usando tur tipo di fabula .

Mescos boso esposonan , biba cu boso esposanan cu comprencion, manera un vaso delicado,como cu e ta hende muher y dune honor como coheredero di e gracia di bida,pa boso oracion no wordo stroba.( 1 Pedro 3:7)

Lesa aki e claridad di e pa-

labra di Dios, hende por wordo informa cu matrimonio a wordo estableci pa Dios entre homber y muher.

Ta un mandato di Dios pa un homber casa cu un muher esey ta Matrimonio.

Sinceramente, Pastor Marcel Balootje.

VALIDO TE DIARANZON 17 DI APRIL 2024, 18:00 ORA

TEMPO: AWE TARDI Y AWE NOCHI: PARCIALMENTE

NUBLA

Y GENERALMENTE SECO DEN MARDUGA Y MAYAN: PARCIAMENTE NUBLA CU UN AWACERO PASAJERO

TEMPERATURA MAXIMO 33 GRADO CELSIUS

TEMPERATURA MINIMO 27 GRADO CELSIUS

INDICE DI CALOR (HEAT INDEX) DEN Y ROND

DI ORANAN DI MERDIA: 34 PA 39 GRADO CELSIUS

UV INDEX: 12

AVISO/ ALERTA:

TA SUGERI OCUPANTENAN DI BOTO CHIKITO PA BAI

CU CAUTELA NA PARTINAN OOST TE NOORDWEST DI COSTA.

PRONOSTICO DI TEMPO PA PROXIMO 3 DI-

ANAN:

PARCIALMENTE NUBLA SIN AWACERO DI IMPORTANCIA.

BIENTO LO TA MODERA TE BASTA FUERTE FOR DI

DIRECCION OOST; FUERTE TE DURO DEN RAFAGA.

TEMPERATURA (GRADO CELSIUS) MAX /

MIN LO TA: 33 / 27