Diaranzon 23 mei 2018

Diarazon Mei 23

Awe Diarazon 23 di Mei SIMAR lo tene su Reunion General Anual

URATACA CENTER

1

Awe 23 Mei

Pastelon (Carni Mula), Yuca, Aroz & Salada Diarazon 23 Mei 2018

585 5212

CASO IBIS AWE DIARAZON 23 DI MEI 2018 DEN CORTE PA 9:00 AM Na Noord:

Caso di hincamento na Noord

Kiara Arends na El Salvador pa representa Aruba den Miss Teen Americas 2018

Minister Otmar Oduber:

Mi a spera un Politica diferente ‘nobo’ di Partido Raiz Minister Otmar Oduber:

Bidding riba trucknan di Serlimar ta bay segun regla Parlamentaria di POR, drs. Marisol Lopez-Tromp

Crisisheffing ta bin danki na e mal maneho di esun cu a bisa cu “e ta orguyoso cu e debe tey pa nos tur pague pa futuro”

2

Diarazon Mei 23

Diarazon venidero SIMAR lo tene su Reunion General Anual

Decisionnan importante lo ser tuma, irespecto e cantidad di miembro presente

Diarazon venidero, esta awe 23 di Mei pa 7’or di anochi, directiva di SIMAR lo tene su Reunion General Anual. Esaki ta e di dos

yama y lo sigui irespecto e cantidad di miembronan presente. Durante e reunion aki directiva lo duna un relato di e aña sindical 2017. Lo elabora riba finanzas, e aspecto huridico y e trabaonan haci durante e temporada aki. Tambe lo repasa e presupuesto di 2018 y e directiva lo haci apelacion na miembronan pa aprobacion di esaki. Segun statutonan ta ora tambe pa eligi miembronan di un directiva nobo pa guia SIMAR te cu aña 2020. Durante e ultimo encuentro no tabata tin quorum y directiva no a

haya prudente pa tuma decision riba un presupuesto di e embergadura di esun di SIMAR cu un cantidad minimo di miembro. Banda di esaki no tabata tin miembro cu a pone nan mes disponibel pa forma parti di directiva. Pa loke ta eleccion di un directiva nobo, esnan presente a propone na directiva pa aplasa esaki pa despues di vakantie grandi. Tambe miembronan presente a propone pa organiza un eleccion manera ta stipula den e Reglamento di cas, pues

riba un base mas amplio caminda miembronan tin e oportunidad di vota den bario, kizas “online” y durante mas dia. Esaki contrario na loke ta custumber, esta durante di un solo reunion. Tur esaki lo ser trata durante e reunion di awe diarazon, ya cu lo mester di sosten di miembronan pa cu e organizacion di un eleccion y tambe pa yuda busca candidato interesa den forma parti di e directiva y e trabao sindical. No por keda sin menciona cu den caso cu no forma un directiva nobo, SIMAR

Na Noord:

Caso di hincamento na Noord Diamars pa mas o menos 12’or di merdia a tuma lugar un caso di hincamento den Frankenstraat. Mesora a manda varios unidad di polis na e sitio. Na yegada nan a bin topa cu e victima, kende a wordo hinca den su pecho cu un sker. E victima tabata na tino y por a bisa polis kende ta e agresor. Na e sitio e polisnan a bin topa cu e sker cu a wordo usa pa hinca e victima. Mesora a pidi pa presencia di ambulance, despues cu personal di ambulance a trata e víctima na e sitio, nan a transporte cu urgencia pa hospital. Despues di algun minuut a drenta e informe cu e agresor ta na un apartamento na Turibana. Varios unidad di polis a bay mesora na e apartamento y a detene e sospechoso. E sospechoso a wordo transporta cu transportwagen di polis pa Warda di Polis na Shaba.

lo keda bao supervision di e directiva diario, pero sin autoridad pa tuma decision na nomber di miembronan. Esaki ta significa tambe cu lo no por asisti miembronan den ningun caso y lo no por haci gasto extra fuera di esnan structural. Decision pa cu e presupuesto y eleccion ta di suma importancia. Pues directiva ta urgi miembronan pa ta presente na e reunion aki. Invita bo colega miembro y stimula esun cu ainda no ta miembro pa afilia. Por afilia e anochi aki prome cu reunion.

Diarazon Mei 23

Caso IBIS awe diarazon 23 di Mei 2018 den Corte pa 9:00 am

E sospechoso P.F.T.C. ta wordo acusa di: • Corupcion pasivo conhuntamente cu otro of otronan, en contra di su deber den e periodo di prome di Januari 2014 te 28 di Maart 2017. • Ambtsmisbruik conhuntamente cu otro of otronan den e periodo di 20 di April 2015 te 30 di Januari 2017. • Malversacion conhuntamente cu otro of otronan di placa di e fundacion S.L.& E. den e periodo di 18 di December 2014 pa 28 di Maart 2017. • Labamento di placa (gewoonte witwassen) conhuntamente cu otro of otronan den e periodo di prome di Januari 2014 pa 28 di Maart 2017. • Empleo di un persona indocumenta conhuntamente cu otro of otronan den e periodo di 20 di December 2016 te 28 di Maart 2017. Pone un persona den ocasion pa e viola LTU den e period aki. Mas subsidiario, laga un persona indocumenta traha. • Participacion na un organizacion criminal den e periodo di prome di Januari 2014 te 28 di Maart 2017. E sospechoso R.A.A. ta wordo acusa di: • Corupcionp asivo conhuntamente cu otro of otronan en contra di su deber den e periodo di prome di Januari 2014 te 28 di Maart 2017. • Malversacion conhuntamente cu otro of otronan di placa di e fundacion S.L.& E. den e periodo di 18 di December 2014 pa 28 di Maart 2017. • Participacion na un organizacion criminal consistiendo di e sospechosonan C., C., F. y A. y mas den e periodo di prome di januari 2014 te 28 di Maart 2017. E sospechoso E.G.C. ta wordo acusa di: • Malversacion conhuntamente cu otro of otronan di placa di e fundacion S.L.& E. den e periodo di 18 di December 2014 pa 28 di Maart 2017. • Participacion na un organizacion criminal consistiendo di e sospechosonan C., C., F. y A. y mas den e periodo di prome di Januari 2014 te 28 di Maart 2017. E sospechoso S.A.A. ta wordo acusa di: • Corupcion pasivo conhuntamente cu otro of otronan en contra di su deber den e periodo di prome di Januari 2014 te 28 di Maart 2017. • Ambtsmisbruik conhuntamente cu otro of otronan den e periodo di 20 di April 2015 te 30 di Januari 2017. • Falsificacion conhuntamente cu otro of otronan den e periodo di prome di Maart 2016 te 14 di November 2016. • Participacion na un organizacion criminal consistiendo di e sospechosonan C., C., F. y A. y mas den e periodo di prome di Januari 2014 te 28 di Maart 2017.

3

E sospechoso M.P. ta wordo acusa di: • Empleo di un persona indocumenta conhuntamente cu otro of otronan den e periodo di 20 di December 2016 te 28 di Maart 2017. Pone un persona den ocasion pa e viola LTU den e period aki. Mas subsidiario, laga un persona indocumenta traha. • Labamento di placa (gewoonte witwassen) conhuntamentecuotroof otronanden e periodo di prome di januari 2014 pa 28 di maart 2017. E sospechoso J.F.F. ta wordo acusa di: • Corupcion activo conhuntamentecu un otro of otronan, di minister di Asuntonan Social, Labor y Hubentud (pa hibe na actua en contra di su deber) den e periodo di prome di Januari 2014 te 28 di Maart 2017. • Falsificacion conhuntamente cu un of mas otro den e periodo di prome di September 2014 te prome di April 2016. • Participacion na un organizacion criminal consistiendo di C., C., F. y A. y/of mas persona den e periodo di prome di Januari 2014 te 28 di Maart 2017. • Participacion na un organizacion criminal consistiendo di F., V. y/ of mas persona den e periodo di prome di September 2014 te prome di April 2016. • E sospechoso A.F.V. ta wordo acusa di: • Falsificacion conhuntamente cu un of mas otro den e periodo di prome di September 2014 te prome di April 2016. • Participacion na un organizacion criminal consistiendo di S., V. y/ of mas persona den e periodo di prome di September 2014 te prome di April 2016. E sospechoso T.Y.C. ta wordo acusa di: • Corupcion active conhuntamente cu un otro of otronan, di minister di Asuntonan Social, Labor y Hubentud (pa hibe na actua en contra di su deber) den e periodo di prome di Januari 2014 te 28 di Maart 2017. E sospechoso J.W. ta wordo acusa di: • Corupcion activo conhuntamente cu un otro of otronan, di minister di Asuntonan Social, Labor y Hubentud (pa hibe na actua en contra di su deber) den e periodo di prome di Januari 2014 te 28 di Maart 2017.

4

Diarazon Mei 23

Parlamentario di POR, Alan Howell

Nos tur mester sali na vanguardia di nos pais Parlamentario Alan Howell a indica den reunion publico di Parlamento pa atende e ley di crisisheffing cu “awe ta un dia hopi tristo, ta tratando algo serio cu ta bay haci pueblo dolor. Nos ta aki den pasobra tin un gobierno nobo cu a tuma e reto pa goberna e pais aki na un manera drechi. Nan a topa un deficit di 275 miyon florin cu mester a atende na corto tempo”. Pa colmo, tabata tin un promesa di e gobierno anterior cu lo mester tabata tin un surplus di 25 miyon florin. Gobierno a traha un plan y a baha e defict te na 191 miyon florin; esaki no tabata suficiente pa Hulanda y

CAFT. A traha riba diferente adaptacion y a logra bahe te na 149 miyon Florin. Parlamentario di POR ta expresa cu ningun gobierno lo kier castiga su pueblo por nada, pero pueblo ta bon consciente cu no tin scapatorio pa e crisisheffing. Esaki no ta solamente pa sanea nos finanzas publico, pero tambe pa nos pais por sigui draai y e gobierno aki a mustra e plannan cu tin pa haci esaki. Igualmente Howell a manda un mensahe na e comerciantenan cu kier abusa di e situacion, pa nan watch out, pasobra Parlamento lo ta pendiente. El’a pidi Minister

pa por tin un bon bista riba e comerciantenan pa evita cu nan haci e abuso aki contra nos pueblo. Finalizando el’ a bisa cu e ta un situacion fastioso, pero no tin un otro manera. Esaki ta e realidad y ta desea pa oposicion ta sincero, pa no haci politica y pa tur hende na Aruba comprende e sistema di crisisheffing. Nos tur ta stima nos pais, nos tur kier Aruba bon y esaki ta na bienestar di nos pais completo. Alan Howell ta spera cu tur hende vota pro na bienestar di Aruba pasobra nos tur mester sali na vanguardia di nos pais.

Parlamentaria di POR, drs. Marisol Lopez-Tromp

Crisisheffing ta bin danki na e mal maneho di esun cu a bisa cu “e ta orguyoso cu e debe tey pa nos tur pague pa futuro” Parlamentaria Marisol Lopez-Tromp durante su disertacion den reunion publico di Parlamento pa trata e ley di crisisheffing a bisa claramente cu Fraccion di POR lo sostene e ley aki pasobra ta necesario pa sanea e situacion financiero awo y no hala e problema pa futuro. El’a mustra cu durante e 8 aña di gobernacion di AVP a conoce 3 diferente minister di Finanzas. Desde 30 di Oktober 2009 te cu 31 di December 2013 tabata tin minister Mike de Meza. E tempo ey caba tabata surpasa presupuesto y fin di aña tabata bin cu presupuesto supletorio. Ya caba e tempo ey tabata tin preocupacionnan pa cu e situacion financiero na Aruba. Despues di eleccion a conoce Minister Juan David Yrausquin cu a ocupa e posicion di 1 di Januari 2014 te cu 4 Juli 2014. E ex minister aki tabata basta idealista y a pensa di bay corta den e presupuesto y a pidi cooperacion pa economiza. Loke por a ripara e tempo ey y cu a conduci na su retiro ta cu e no a haya sosten bao di su mesun coleganan minister. Si el’a haya e sosten, kizas e debe lo tabata menos y no lo a conduci na un retiro hopi comenta. Despues a bin Minister Bermudez cu tabata for di 28 di Juli 2014 te cu 17 di November 2017. Hopi a pensa cu e minister aki lo a hiba un maneho profesional pa loke ta finanzas y cu lo a tuma e decisionnnan cu mester a tuma, pero no a dura mucho y den tempo corto el’a haya un klem riba su boca for di e propio Prome Minister. E cambionan cu el’a menciona den reunion publico den Parlamento cu e lo bay haci, no mucho tempo despues el’a keda sin haci nan of no a haya e sosten di su coleganan pa haci nan.

Sra. Lopez-Tromp ta continua bisando cu ta tratando un ley di crisisheffing pa diferente motibo manera ta acumulacion di debe den transcurso di añanan, falta di disciplina, falta di transparencia, falta di documentacion pa cu Parlamento y e forma di traha di Gobierno anterior cu a goberna for di dos diferente forma. Uno for di Cocolishi cu nan hendenan sin cu departamentonan sa ki decisionnan ta wordo tuma y e otro ta door di pretende cu departamentonan ta duna consehonan y informacion, siendo cu nan no tabata envolvi. Consecuentemente a bin cu e situacion unda nos pais a conoce un KB y nos Prome Minister a bay den un huelga di hamber cu a haya atencion hasta na nivelnan internacional y no na un manera positivo. Envez cu e tempo ey a bay over na tene disciplina pa gobernacion y tin curashi pa tuma e decisionnan cu mester a tuma, a sigui malgasta placa cu no tabata tin y a yega na e situacion unda a bin cu e ley di CAFT. “Como un di e personanan cu e tempo ey a vota pa e ley aki den Parlamento, mi por bisa cu esaki tabata simplemente pa e motibo cu como miembro di Parlamento y e tempo ey como Presidente di Parlamento, a experiencia cu nos no tabata ricibi datonan, cifranan, rapportnan for di gobierno, particularmente esunnan financiero. E tempo ey tabata keda na relatonan den prensa, pero e cifranan real no tabata wordo ricibi, consecuentemente bo trabao pa haci e control no por tabata full efectivo manera cu e lo mester ta. Tambe por a constata discrepancianan entre loke tabata wordo treci pa un minister y loke ta wordo treci pa un instituto of instancia financiero, inclusive

diferente departamento, Parlamentaria di POR a trece dilanti. Continuando el’ a bisa cu awor cu e ex - prome minister, esun responsabel pa e situacion actual, a bisa literalmente ora el’a wordo reclama riba e deficit y e debenan grandi: ‘Mi ta para cu orguyo pa bisa cu e debe tey pa nos tur pague pa futuro”. “Awel shonnan e dia a yega pa paga y hopi mas lihre cu nos a pensa pasobra awor nos tin un gobierno responsabel, un gobierno cu sa cu no por laga nos yiunan wordo endeuda di e forma aki. No a tene nada secreto, desde un inicio diferente minister a bin Parlamento y splica kico a wordo encontra pa loke ta e situacion financiero, pero tambe kico no a wordo encontra pasobra no tabata tin un traspaso debido di carteranan di diferente minister.

Diarazon Mei 23

5

Minister Otmar Oduber:

Mi a spera un Politica diferente ‘nobo’ di Partido Raiz Minister Otmar Oduber a tene un rueda di prensa unda cu a reacciona y adresa ponencianan di partido Raiz pa loke ta informacion cu nan a pidi y ricibi relaciona cu e proyecto Isla di Oro. E mandatario a cumpli cabalmente cu e peticion di RAIZ y a entrega nan tur documento cu nan a pidi y cu ta existi den administracion di Gobierno. ‘ Ta lamenta profundamente cu partido Raiz cu na cierto momento a mustra di ta trece un politica diferente/ nobo caminda cu kier a haci uso di instrumentonan cu tin legal pa pidi informacion di entre otro proyecto di Isla di Oro, ta mal informa comunidad di Aruba.’ A duna oido na e peticion di partido Raiz y na un forma transparente a cumpli cu tur

e peticionnan cu a wordo haci di parti partido Raiz. Lamentablemente a tuma nota di nan declaracion na Prensa cu nan ta referi na e hecho cu lo a pidi documentonan di departamentonan di Gobierno cu nunca nan a ricibi y cu a pidi specificamente cierto momento pa consehonan cu por tabata tin den e caso aki. Minister OtmarOduber a enfatiza cu na ningun momento den e carta cu Raiz a manda inicialmente ta menciona of pidi pa dicho documentonan cu nan ta indica di no a ricibi. Ta enfatiza cu a duna nan un USB cu tur documento/ file nan cu ta encera corespondencianan cu Gobierno riba tur e presentacion di e proyectonan y locual cu a wordo treci dilanti, e MER

rapport y tambe diferente corespondencia cu Gobierno a haya di Banco pa e proyecto aki y tur otro documento cu a haya relaciona cu e proyecto aki a entrega na Raiz. Pues ta lamenta e forma di proceder di e grupo aki cual a spera otro como un grupo politico nobo. Den e reunion a splica Raiz tambe pa loke ta consehonan di departamentonan di Gobierno y di e traspaso di gobernacion cu nunca a tuma lugar. Consecuentemente tin falta di varios ‘stukken’ y ta te cu na April ultimo a ricibi ‘stukken’ cu consecuentemente a bay na e departamentonan entre otro DNM, DIP y DOW pa haya conseho. Y finalmente a informa Raiz den e reunion ey cu no ta existi ningun conseho na e momentonan aki.

6

Diarazon Mei 23

Parlamentario di MEP, Sue-Ann Ras:

CAFT ta medio complice di desaster financiero di gobierno anterior

E colegio di supervision financiero CAFT tabata medio complice di e desaster financiero di e gobierno anterior. Asina parlamentario pa partido MEP, sra. SueAnn Ras, a bisa durante su disertación diamars den Parlamento. Segun Ras, tabata decepcionante cu un institucion manera Caft, tabata medio complice di tur e situacion financiero, permitiendo gobierno anterior bin cu cifra ficticio, tocante entrada incidental di entre otro, CITGO, impuesto y kier blo extrapola e impuesto, siendo cu nan sa bon bon, con e sistema di impuesto na Aruba ta hinca den otro.

REFRESCA MEMORIA Ras a sigui pa refresca e memoria di loke cu e gobierno actual a haya. Entre nan tin, cu: 1.Gobierno anterior a keda sin entrega e presupuesto na tempo violando ley y CAFT a acepta. 2. Gobierno anterior a sconde tur clase di cifra, pa asina scapa un KB. 3. Gobierno anterior a manipula cu finanzas, simplemente pa nan yega te eleccion. 4.E cifranan irealistico y ficticio tabata nan punto fuerte pa

sigui endeuda nos pais, mientras tras di cortina, nan tabata bira miyonario. 5. Tabata fácil pa como friends &family, bo inicia un negoshi y asina saca probecho di varios trabao y cobra suma grandi y esey tabata aceptabel.

“Naturalmente e pregunta cu cualkier persona lo haci ta, ta Pakico? E unico contesta cu mi por haya ta, door di manipula, nan por a logra di hinca miyones den campaña electoral”, Ras a sigui bisa. Segun e parlamentario, e gobierno anterior a regala contract pa haya voto. “Imagina bo, cu placa cu mester tabata destina pa atende cu nos problemanan social, cu nos enseñanza, a haya destinación pa manipula y beneficia hende, pa haya voto of complace amigo y famia, pa tin un bida di luho. Y awor oposición hunto cu CAft, ta para critica riba e cantidad di personal, mientras cu e gobierno aki a baha e personal cu 183 hende caba, cu ta ekivalente na 7 miyon florin. Si esey ta zona poco, manera cu a tilda nos gobierno, sikiera ta un comienzo,” segun sra. Ras.

PLAN Segun parlamentario Ras, tin biaha e ta puntra su mes: “Kico lo tabata e situacion y plan, si nan mes a drenta bek gobierno y mester a deal cu e herencia financiero caótico aki? Con nan lo a resolve e problemanan financiero, social, educacional y laboral, mientras ta manipula cu cifra y expone nos hendenan na peliger y abismo di pobreza. Pobreza den tur sentido di palabra; financiero, emocional, spiritual y intelectual”. CIFRA Sra. Ras a sigui bisa cu cifra no ta gaña. “Y kizas pesey mes e gobierno anterior tabata percura pa no bin cu cifra, ya cu tur departamento cu nos a sinta cune den e periodo aki, tabata bisa nos: Falta cifra, falta dato, of gobierno no tabata kier pa nan saca e datonan. Y ehempel tin di sobra!”, e parlamentario a sigui bisa. SIGUI CU CAOS? Y ta netamente e gobierno y parlamento nobo ta para dilanti un pregunta crucial: “Nos tambe ta bay sigui cu e caos aki, sigui manipula, sigui

haci e cosnan populista pa cumpra simpatia di pueblo? Of nos si ta bay atende cu e responsabilidad di goberna nos pais? Nos ta core pa nos responsabilidad manera e gobierno y e parlamentarionan

di AVP a haci? Of nos ta bay carga nos responsabilidad, pa mesora después inverti den nos comunidad? Ta e preguntanan ey nos mester contesta awe,” Ras a finaliza bisando.

President di Hoge Raad di bishita na Ministerio Publico President di Hoge Raad di Reino Hulandes Maarten Feteris a hiba recientemente un bishita na ProcuradorGeneral di Aruba, Alexander van Dam. Hoge Raad ta Corte di mas halto di Hulanda, Aruba, Curaçao y Islanan BES. Despues di un encuentro ameno entre eProcuradorGeneral y e President, señor Feteris a haya un rondleiding door di e edificio nobo di Ministerio Publico. El’ a keda hopi impresiona.

Durante su bishita na Aruba e President a duna un college na Universidad di Aruba. Esey tabata tin como tema Hoge Raad di Reino Hulandes.

Diarazon Mei 23

7

Minister Otmar Oduber:

No tin ningun denuncia haci contra di su persona na Ministerio Publico Minister Otmar Oduber a tuma nota di e declaracionnan di Michael Williams, kende tabata para dilanti di Ministerio Publico, pa bay check con a para cu e denuncianan cu a wordo haci contra di su persona. E mandatario a splica cu Williams tin cu papia di e razon pakico e ta rabia. E ora ta laga esaki habri pa Williams mes, pa purba di splica pakico e ta rabia cu e gobierno aki. E partido cu el’a sostene y cu awe e ta un di e satelitenan di partido AVP. Minister Oduber a sigui splica cu a resulta cu no tin denuncia entrega na Ministerio Publico. Manera cu a splica na diferente ocasion, e ta e politico cu mas a wordo investiga pa tur partido aki na Aruba. Hasta pa partido AVP mes den un aña

cu el’a bandona partido. Nan a haci investigacion na ATA, na Arubus y diferente otro departamento cu tabata bao di su responsabilidad. Y ora di bira minister, un screening a tuma lugar, entre otro di Ministerio Publico y VDA, caminda cu na un forma hopi cla a bin dilanti cu no tin ningun denuncia contra di su persona habri na Ministerio Publico y esaki ta cuadra tambe. Casualmente, Minister Dangui Oduber a bis’e cu e tempo ey, no ta un denuncia a wordo entrega, pero a hiba ter inzage documentonan pa mira si lo mester a lanta un investigacion si of no. Tabata trata den e caso di e logo di Aruba, cu despues di esey a hiba e debate den parlamento y cu nunca tabata tin un necesidad pa un investigacion tuma lugar.

Minister Oduber ta lamenta e tipo di acusacionnan aki cada biaha cu ta sin base. Ta como si fuera cu cada biaha kier purba desvia e atencion riba e realidad cu nos ta biba den dje na e momentonan aki. Pa tur claridad tabata tin un periodista na Aruba, cu tabata bisa tur dia cu investigacion ta bay cuminsa, cu a entrega keho na OM contra di su persona prome cu entrega lista. Djey a bisa prome cu eleccion, djey a bisa prome cu formacion di gobierno y a resulta despues den e screening cu tabata tin un keho entrega, simplemente hiba algun documento na nan atencion, mescos cu Leoncita Arends, etc. Tur den e cayente di campaña pa pinta y hunga of purba pinta partido POR, pinta Oduber na un forma negativo.

Dia cu tabata tin e formacion di gobierno, un di e rekisito hopi strak di gobernador tabata e screening. Y den e screening aki a resulta cu ningun di e kehonan aki tabata real. Al contrario, nunca nan a wordo entrega. Tur hende a bishita Ministerio Publico, pero no tabata tin ningun keho entrega. E unico keho entrega pa partido MEP, ta tempo cu Booshi Wever tabata forma parti di MEP y a bay Ministerio Publico y e tempo ey nan a haya un contesta di Ministerio Publico cu no tin y no ta mira necesidad pa haci un investigacion. Partido MEP e tempo ey a bay hof, caminda cu tres huez a ratifica e posicion di Ministerio Publico cu no ta mira ningun motibo pa investigacion tuma lugar e tempo ey. Esey ta e

unico realidad cu tin y awor ora cu scucha cu ta wordo papia riba biddingnan cu ta gefixed of si trucknan di Serlimar ya caba ta wordo gefixed. E minister ta garantiza comunidad cu mescos cu a traha durante e ultimo 21 aña, e ta trahando den politica, na un forma transparente y habri,

8

Diarazon Mei 23

Kiara Arends na El Salvador pa representa Aruba den Miss Teen Americas 2018

Dia 26 di Mei proximo, e simpatica Kiara Arends ta representando Aruba den e certamen di Miss Teen Americas 2018. Diasabra awor e lo participa den e gran final y manera cu ta custumber di tur nos missnan, e lo haci un tremendo papel representando nos pais. Palabra di exito ta bay na Kiara y nos ta sigur cu e lo sa di trece e corona cas.

Diarazon Mei 23

Banco di Caribe (Aruba) N.V. ta haci entrega di un check na Stichting Koningin Wilhelmina Fonds

9

danki. E aña aki Banco di Caribe (Aruba) N.V. a haci entrega di un check na balor di Awg. 5,000 na KWF. Sperando cu e suma aki por yuda nan sigui haci e bon trabao!

aña 1998 ta duna nan tempo liber pa asina yuda cu e bon

Banco di Caribe (Aruba) N.V. un biaha mas ta duna sosten na Stichting Koningin Wilhelmina Fonds (KWF). KWF ta un fundacion cu tin como meta pa yuda hendenan cu ta sufri di cancer y tambe trece concientizacion di e enfermedad aki. KWF ta recauda fondo pa medio di colecta. Esaki ta

tuma lugar mayoria parti den luna di April y Mei, pa asina por sigui cu e bon trabao di concientiza y yuda personanan cu ta sufri di enfermedad aki. Banco di Caribe (Aruba) N.V. ta sumamente orguyoso di por sigui contribui cu e fundacion aki. Nos tin un grupo di empleado cu desde

Decadencia di un país Aruba semper tabata conocí pa su unión y integridad di su pueblo. Lamentablemente nos país a bay asina atrás ariba tur tereno cu nos por papia di un decadencia. No 5 star! Nos sistema medico ta na werki, schoolnan na werki, político mediocre, banconan mediocre, compañía di seguro mediocre. Hasta compañía di accountant ta perde licencia pasobra nan calidad ta mediocre etc. Nos no por bati más ariba nos pecho cu nos ta orguyoso di nos pais. Den tur ramo nos a bay atrás. Hopi tristo pa wak. Nos por cambi’e ainda? Únicamente cu un man duro. Sino nos no ta lanta cabez más. E cos aki ta haci no pueblo hopi dolor. Dios bendiciona e pais aki.

causa aki y di parti di Banco nos kier yama nan hopi

Riba e potret por mira voluntarionan di Banco di Caribe (Aruba ) N.V. hunto cu sra. Lilian Prince, Presidente di KWF, sra. Natascha Davelaar y sr. Elvin Maduro, Gerencia di Banco di Caribe (Aruba) N.V.

10

Diarazon Mei 23

Parlamentario Daphne Lejuez:

‘E Crisisheffing lo ta uno di indole temporario’ Den cuadro di e reunion publico den Parlamento di Aruba e siman aki pa locual ta tratamento di Crisisheffing, parlamentario di fraccion MEP Daphne Lejuez ta enfatiza cu e introduccion di e asina yama Crisisheffing ta di indole temporario y cu na e momento aki no tin otro opcion cu djis sigui busca un mihor solucion. “Nos ta tratando un ley hopi serio. E ta un ley cu ta afecta nos comunidad y un ley cu di berdad mi lo desea no tabata necesario. Pero nos mester corigi e rumbo financiero di nos pais, pasobra si nos no haci esaki, nos no por pone e hende central y yuda esnan mas vulnerabel den nos comunidad”, parlamentario Lejuez ta expresa. Pero alavez e parlamentario ta bisa cu e lo desea di reitera cu e crisisheffing aki lo ta uno di indole temporario. “Nos lo sigui traha y busca solucion pa por reduci of elimina esaki mas pronto posibel”, e ta bisa. “E ley cu nos ta pasa ta e resultado di un maneho iresponsabel di e ultimo ocho aña. Unda cu a opta pa inverti den tur sorto di proyecto di cual awe ainda nos ta liga cu e consecuencia manera un Green Corridor cu problema y un Horacio Oduber Hospital cu retraso”, e parlamentario ta sigui bisa. Sin lubida esnan

mas cercano di e gobierno anterior cu a gana placa bruto cu contractnan miyonario, segun parlamentario Lejuez. “Envez di a enfoca riba e situacion doloroso cu nos hendenan tabata pasando aden.” 500 mil florin pa mehoracion di SABA E parlamentario ta sigui bisa cu pa e motibo aki ta tristo cu esnan cu a contribui na e situacion actual, unda cu nos hendenan ta den un situacion social deplorabel, cu no a ricibi of haya atencion significante durante e presupuestonan di e ultimo ocho aña, awe ta para na banda ta duna critica envez di lora manga pa yuda bin cu solucion. Parlamentario Lejuez: “Di parti di coalicion ta trahando door di inverti 35 miyon den e proximo dos aña exclusivamente pa e sector social pa por brinda ayudo na nos hendenan. Cuido pa nos grandinan tabata den un estado deplorabel, unda cu na SABA nan cushina tabata den cay den otro. Awor a aloca 500 mil florin pa por mehora e situacion”. E parlamentario ta sigui splica cu: “A crea espacio financiero pa nos hendenan por haya vivienda of un pida tereno pa por construi nan cas y por hiba un bida digno, y nos a percura cu tin fondo pa por inverti den seguridad, asina aki teniendo

e hende central.” Studia di ley

segmento mas cerca

Parlamentario Lejuez a trece dilanti den e reunion publico na parlamento tocante Crisisheffing, cu fraccion MEP a tuma nota cu a inclui un ‘verleggingsregeling’como parti di e ley. E parlamentario a puntra si por a haya mas splicacion riba e parti aki mirando cu ainda no a pasa un ley pa locual ta trata electronisch verkeer/ e-commerce.Tambe e parlamentario a puntra si gobierno lo por considera inclui esaki na un momento mas avanza ora di introduci e reforma fiscal pa asina por studia e entrada cu e lo por genera y su posibel efectonan economico. “Mirando cu e lo por trece confusion innecesario y lo aumenta e costo di haci negoshi, cu na su turno lo crea menos espacio pa inversion y creacion di cupo di trabao”, parlamentario Lejuez ta splica. Tambe e parlamentario kier sa con lo controla esaki of lo bay ehecuta esaki, mirando cu RvA tambe ta haci e pregunta aki den nan conseho y ta referi specificamente na artikel I, onderdeel E, Y artikel II, onderdeel F. Esaki ta bisa cu ta e afnemer (empresario local) lo mester ta esun responsabel pa e pago di BBO/BAZV

pa e leverancier di exterior ora nan cumpra servicionan di exterior. Incluyendo servicionan electronico cumpra of downloaded via internet. Parlamentario Lejuez: “Pues lo desea di por studia e segmento di ley aki mas di cerca prome cu pasa esaki sin mas.” Begrotingskamer, solucion structural

un

Fracciondi MEP a tuma nota cu durante e ultimo añanan e presencia di CAFT no a duna e resultado desea, es mas e situacion financiero di nos pais a keda empeora. Esaki mas bien pa motibo di a ricibi informacion irrealistico di gobernacion anterior, aña tras di aña, pa por cumpli cu norma, pues

de facto mustrando cu den e forma cu CAFT a wordo introduci no tabata esun mas eficiente ni a duna e resultado premira.”Cual ta pa mehora e situacion financiero di nos pais”, segun parlamentario Lejuez. Mirando cu e aña aki e acuerdo cu CAFT lo termina, como tambe den presupuesto a traha espacio financiero pa por introduce nos propio begrotingskamer, e parlamentario a puntra e minister encuestion kico ta e status di e begrotingskamer. “Mirando cu nos ta un pais autonomo y un begrotingskamer lo ta un solucion structural cu lo hiba na mas transparencia, bon gobernacion y ultimamente na un fondo publico saludabel”, e parlamentario ta conclui.

EXPRODESK TA PRESENTA E PROGRAMA ‘STARTERS INTERNATIONAL BUSINESS Exprodesk hunto cu Gobierno di Hulanda ta organiza un evento informative tocante programanan financier cu tin pa desaroya exportacion. Durante e evento lo elabora riba un elemento financiero cu ta parti di e programa di “Starters International Business” cu yama ‘Voucher Individuele Coaching’. Empresarionan cu ta na inicio di nan trayecto di exportacion y sa kico nan kier, pero no sa con pa cuminsa, por aplica pa asina haya guia di un export coach na Aruba. E coach lo guia e empresario riba su trayectoria pa yega na un plan di accion, descubri

e mercadonan, e potencial di e mercadonan, e condicionnan mas perfecto cu mester ta presente , pa asina drenta e mercado cu exito. Tin mas método pa drenta e mercadonan cu exito. Pa haya sa mas, Exprodesk ta extende un invitacion na tur interesado pa bin atende e sesion informativo diahuebs 24 di Mei na Aruba Surfside Marina, di 05:45 ‘or di atardi pa 09:00 ‘ora nochi. Haya sa mas di RVO y e posibilidadnan amplio cu e programa ta ofrece riba tereno di exportacion. Lo

tin oportunidad pa haci pregunta. Durante e evento aki tambe lo ta presente representantenan di Camara di Comercio y Industria di Aruba, Free Zone Aruba NV, Aruba Trade and Industry Association (ATIA) y ARINA. Sigura bo lugar no mas tarda cu diarazon 23 di Mei. Haci bo reservacion via info@exprodesk.com Pa haci pregunta por tuma contacto cu Exprodesk via tel: 521-2417 of via nan Facebook page, Exprodesk

Diarazon Mei 23

11

Parlamentario di MEP, Setty Christiaans-Yarzagaray:

PAKICO UN CRISISHEFFING AWE?

Corda bek na un tempo atras, pueblo a trece diferente keho riba e area social, sin menciona e acontecimentonan recien di e 2 muchanan cu a perde nan bida, na unda instancianan cu ta haya subsidio a bay den comunidad pa pidi ayudo pasobra nan subsidio a wordo reduci of elimina. Instancianan manera cas di ancianonan y cuido di muchanan cu limitacion y special. Parlamentario Setty Christiaans-Yarzagay a duna

di conoce cu esaki a causa desde e tempo ey caba, cu instancianan aki y mas tanto e clase social, a sufri e tempo ey drasticamente. Nos por corda cu por ehempel esnan cu tin famianan den cas di anciano mester a contribui di nan mes pa mantene nan ancianonan den e casnan aki. Te hasta nan a wordo bisa cu ni sikiera nan paña di cama por a wordo laba tur dia sin cu nan haya e cooperacion di famianan pa nan mes haci esaki. Esnan cu

tabata kier a keda cu airco den nan kamber familiar mester a pag’e nan mes. Parlamentario Christiaans-Yarzagaray ta bisa cu esaki ta e grupo di mas vulnerabel den nos comunidad na unda, segun e Parlamentario cu tedia di awe ainda ta famianan ta sigui coopera cu e instancianan aki. Esaki ta e grupo cu a sufri mas desde e tempo ey. “Mi ta trece esaki dilanti pasobra nos mester a tuma

un decision den tratamento di “Crisisheffing” unda ta hisa tarifa di BBO. Oposicion, segun e Parlamentario, ta grita cu lo bay introduci un aumento di riba BBO, sinembargo oposicion no ta duna cuenta di e motibo pakico mester a introduci e cambio aki. Na e momentonan aki, economia di Aruba ta den cayendo. E problemanan social y envehicimento (vergrijzing) di nos comunidad ta haci cu si nos no tuma precaucion y inverti bek den e grupo vulnerabel aki, e carga social pa tur famia lo bay bira mas drastico. Esaki ta un decision cu a wordo tuma. Parlamentario ChristiaansYarzagaray ta contradeci loke cu oposicion ta trece dilanti cu e subida di e 2.5% ta bay relata na 9% di crecemento den prijs. Esaki ta otro mentira mas di oposicion cu no a tuma tempo pa busca informacion corecto. Desde tratamento di presupuesto, Parlamentario a pidi Minister di Asuntonan Economico pa laga instancianan haci un investigacion kico ta e efecto inflatorio y kico ta e efecto riba

e poder di compra momento cu introduci e Crisisheffing. E hecho cu e ta wordo introduce na mitar di aña, e poder di compra lo wordo afecta cu 1.7%. Segun e Parlamentario, ta logico cu ora ta trata un crecemento den un tipo di belasting asina, e poder di compra di un persona tambe ta bay poco atras pasobra e lo bay scoge na kico e lo bay gasta su placa. Logicamente tin diferente tipo di producto cu e cambionan aki ta bay afecta diferente, pero riba un nivel averahe por bisa cu e nota ilustrando e calculacion ta indica un efecto di -1.7%. E Parlamentario ta conseha cualkier politico pa nan busca informacion bon funda di instancianan prome cu nan papia. Si nan haci nan huiswerk bon, nan tambe por pidi e Minister concerni e informacion corecto por medio di instancianan. Di awor bay atencion lo bay wordo duna bek na e grupo vulnerabel, hendenan grandi y nos hoben y muchanan cu limitacion asina poniendo e ser humano bek central.

Ivy Ann Bryson ta gradici Hendry Tromp y Federico Martis

Mayornan di e cantante Ivy Ann Bryson ta manda pa medio e articulo aki palabranan di gradicimento na e musiconan Hendry Tromp y Federico Martis. Esaki ta pa esosten enorme cu Ivy Ann a ricibi

semper for di nan dos y ultimo tabata e festival na Papiamento bailabel “Voz di Kiniki 2018”. Cu su cancion “mucho gusto, mi amigo” (Danilo Vrolijk), Ivy Ann a duna tremendo presentacion conkistando e tercer lugar di premionan 2018.

Cu bon Dios sigui ilumina e artistanan musical aki pa nan por sigui engrandece Aruba su cultura musical. Pa e musiconan aki, e mucha ta keda central y esaki ta importante pa e desaroyo di Aruba su futuro artistanan..

12

Diarazon Mei 23

Minister Plenipotenciario, Guillfred Besaril:

Arubahuis hunto cu partners ta lanza campaña special pa studiantenan di Aruba na Hulanda

Den Haag –Diahuebs dia 17 di Mei ultimo Gabinete di minister Plenipotenciario na Hulanda (Arubahuis) conhuntamentecu ATA Europe, Phryme Magazine y Stichting Kompas forStudents a lanza un campaña special pa studiantenan di Aruba na Hulanda. E campaña ta titula “Advice future students and help promote Aruba – film, send and win!”. E concepto di e campaña a bin for di e vision pa Arubahuis conhuntamente cu partners y nos propio studiantenan na Hulandahunga un rol mas grandi y activo pa cu e preparacion y sosten na futuro studiantenan di Aruba. Hunto cu esey e tin como obhetivo pa nos studiantenan como embahadornan di Aruba na Hulanda yuda cu e promocion di nos isla. E metanan principal tras di e campaña ta pa eleva e envolvimento di nos studiantenan di Aruba na Hulanda, genera contenido relevante cu por usa durante encuentronan informativo pa studiante, crea un plataforma digital di informacion y genera un grupo potencial di studiantenan cu lo por fungi como “student-ambassadors” y “Aruba-ambassadors”. Minister Besaril ta convenci

cu nos mester optimaliza e preparacion y sosten na nos future studiantenan. Segun e mandatario “Nos mester inverti mas den preparacion pasobra un mihor preparacion ta traduci den un mihor entendimento”. Cu e iniciativa aki Arubahuis y e partners kier reconoce e potencial grandi cu tin entre nos studiantenan di Aruba na madre patria. Nos tin actualmente casi 2000 studiante di Aruba na Hulanda riba diferente nivel MBO, HBO y WO sea cu Arubalening of sin Arubalening. Cada un cu nan mesun storia, nan mesun experencia, nan mesun creatividad y nan mesun network. “E ta un potencial grandi cu lo por contribui na un manera positivo na e preparacion di nos futuro studiantenan y na promocion di nos pais” asina Minister Besaril ta enfatiza. Pa porparticipana e campaña,e studiante mester contesta dos pregunta via di un mensahe di video: Kico ta bomihoconseho pa futuro studiantenan y kico ta bo experencia unico cu bo lo usa pa promove Aruba? E concepto ta uno di studiante pa studiante mirando cu ta

reconoce e importancia di peer-to-peer ora di comparti informacion relevante y cu ta captive atencion di hobennan. Pa e campaña a identifica dos organizaciondi hoben studiante como partners cu actualmente ta activo cu iniciativanan sumamente positivo. Ta trata aki di Phryme Magazine cu desde aña pasa a lanza un plataforma digital den forma di un revista cu ta ilustra nos hobennan studiante di Aruba den exterior y e otro partner ta Kompas for Students cu desde aña pasa a inicia cu nan proyecto unda cu ta ofrece workshops di preparacion na Aruba pa nos hobennan prome cu nan bin studia Hulanda. Hunto cu ATA Europe e hobennan di

Phryme Magazine y Kompas for Students a resulta di ta e partners perfecto pa e proyecto aki y Arubahuis ta contento di por colabora cu nan na beneficio di nos studiantenan di Aruba.

Pa e ocasion special di e lanzamento di e campaña, e partners a organiza un launch event na Arubahuis unda cu tabata tin diferente organizacion di studiante presente. Entre nan ROCAS Rotterdam, POC Den Haag, Delft y Leiden, ABC Compas y HAN Huntu. Durante di e launch event cada partner a elabora riba nan vision y contribucion na e campaña y na final di e evento a

formaliza e cooperacion unda cu e partners a firma un MOU. Tambe a comparti e poster y e video promocional di e campaña cu tur esnan presente. Minister Besaril y e demas partners ta invita tur studiante di Aruba na Hulanda pa participa na e campaña aki cu por cierto tin premionan atractivo pa e ganadornan. E studiante cu e mihor video ta gana un pasashi ida y vuelta di Amsterdam pa Aruba. Pa mas informacion di e campaña por bishita www.arubahuis.nl/ students2018 Potretnanta cortesia di Cas di Aruba

Diarazon Mei 23

13

Parlamentario di MEP, ShailinyTromp-Lee:

“Pa nos reconstrui un Aruba fuerte para riba su pianan atrobe, nos tin di cuminsa fortifica e fundeshi di nos pais” Den su discurso den reunion di Parlamento di diamars ultimo, parlamentario ShailinyTromp-Lee a trece padilanti cu e dia ta hopi importante, pero tambe hopi dificil mirando e ley cu mester a ser trata. Dificil pasobra bo ta realiza e importancia y urgencia di introduccion di e crisisheffing y cu no por pospone esaki mas. Na mes momento e ley aki ta yena su persona cu hopi rabia y disgusto. Rabia y disgusto pa e solo hecho cu e único motivo pakico mester bin cu un crisisheffing ta pa motibo di e mal maneho di Gabinete Mike Eman 1 y 2. Awor ta na Gabinete WeverCroes pa percura pa e pago di e debe cu nos ex – Minister President na voz halto a bisa cu e ta orguyoso di dje y cu ta pueblo mester bay paga pe! A malgasta placa di pueblo na tur sorto di fiesta, conferencia, viahe, gastonan di personal y sin laga afor promocion. Pa no papia mes di tur e proyectonan PPP, algun di calidad inferior y cu yen di problema cu nos mester bay paga den e proximo 25 añanan. Un pais den crisis Segun contrincantenan politico e crisisheffing ta significa inicio di un deterioro social-economico. Sin embargo ora bo ta biba den luho bo ta perde bista riba e realidad. Y e realidad ta cu ta nan‘bon trabao’ a conduci na un pais den crisis. Un crisis cu ta keda refleha no solamente den un debe astronomico di mas cu 4 biyon florin cu nos yiu y nan yiunan tin cu bay paga pe pero tambe den desempleo bao di nos propio hendenan, un país caminda norma y balornan a bay perdi, un país caminda abuso y maltrato di mucha ta tuma lugar na un cantidad alarmante, un país caminda violencia domestico, abuso y maltrato contra nos hende muhernan ta demasiado halto, un pueblo cu ta biba cu miedo y cu no ta sinti nan mes safe

mas den nan mesun cas y mas tristo ainda hopi famia kibra. Atencion pa e crisis social Pa nos reconstrui un Aruba fuerte para riba su piananatrobe, nos tin di cuminsa fortifica e fundeshi di nos pais. Mester cuminsa inicia cu stapnan concreto pa sanea nos finanzas publico y stimula nos economia. P’esey mes, Pueblo mester ta consciente cu no mester tin lugar mas pa weganan politico, drama y politikeria. Pueblo mester exigi un paro na e bay bin constante di polarizacion, compaña pa manipulacion den medionan di comunicacion. P’esey mes sra.Tromp - Lee ta haya cue gobierno actual si ta demostra corahe y determinacion y ta carga nan responsabilidad caminda ta introduci un crisisheffing y na mes momento ta percura debidamente mediante e crisisplan social pa duna atencion real na e crisis enorme cu nos tin riba tereno social y alabes ta percura pa e seguridad cu tanto pueblota anhela, cumpliendo tambe cu e necesidad di construccion di vivienda social y cu ta percura pa tur e famianan cu tin añanan ta warda pa haya un tereno pa nan por construi nan cas. Pakete di compensacion Hecho ta cu no por djis crea impresión bunita manera tabata e caso bao Gabinete Mike Eman 1 y 2. Mester tuma mas na serio e parti practico y pone e prioridad hustamente unda nos como pueblo di Aruba tin mester. Contrario na loke opositornan ta insinua e introduccion di e crisisheffing no ta bay sin un pakete di compensacion: Gobierno lo rebaha e prima di AZV pa pensionado cu pensioen di max Awg. 30.000,- pa aña di 10.5% pa 6.5%. Lo aumenta e reparatietoeslag te na Awg.125,- pa luna pa esnan cu entrada menos cu Awg. 2500,- pa luna

Entrante 1 di Januari 2019 pa esnan cu tin un entrada entre 2500 y 3100 lo baha e tarifa di loonbelasting y inkomstenbelasting. Opositornan ta bruhando tera bisando cu prijsnan ta bay subi, esta prijsnan den

supermarket y tambe di awa y coriente. Esaki sigur no ta e caso. Un punto esencial y cu su persona mes a presenta un mocion durante tratamento di presupuesto ta e ampliacion di canasta basico y un control mas estricto door di Gobierno. Pa loketa trata e control mas

estricto esaki a cuminsa caba y sra.Tromp-Lee ta spera cu dentro di poco Gobierno lo anuncia ampliacion di e canasta básico cu sigur lo aporta na e poder di compra di cada ciudadano, sigur esnan mas vulnerabel.

Ta bende un Ford Bus E-450 di aña 2006 Bus ta den top condition! Airco, automatico y cu wheel chair lift pa subi rolstoel. Asking Price afl. 38.000.00. Awor di account afl 3000. Afl 35.000.00. YAMA:739 -0101

14

Diarazon Mei 23

RESERVA DI DIVISA NETTO A SUBI Resumen di e Relato Mensual di Januari 2018

Desaroyo monetario Den e luna di Januari 2018, e cantidad di placa den circulacion a subi cu Afl. 43,6 miyon te na Afl. 4.283,5 miyon, compara cu December2017. Esaki a resulta for di crecemento den ereserva di divisa netto di Afl. 63,3 miyon, cual a wordo parcialmente mitiga pa un caida den e activo domestico netto di Afl. 19,7 miyon. E subida den e reserva di divisa netto di e sector bancario a resulta for di compra netto di divisa for di publico (+Afl. 254,0 miyon), primordialmente relaciona cu entrada for di turismo, servicio di transportación y inversion directo. Esaki a wordo parcialmente mitiga pa venta netto di divisa na publico (-Afl. 190,7 miyon), principalmente relaciona cu importacion di mercancia, otro servicionan, transferencia netto pa cuentanan den exterior di companianan local, transferencia coriente y e asina yama “income accounts”. E bahada den e activo domestico netto ta debi na un caida den transaccionnan no relata na credito (-Afl. 23,3 miyon). Di otro banda, credito domestico a registra un aumento di Afl. 3,6 miyon. E bahada den transaccionnan no relata na credito ta mas tanto relaciona cu caida den e asina yama “allocated provisions for loan losses”, e asina yama “acounts receivable and prepayments”, otro debenan, un subida den e asina yama “shareholders’ equity” y transaccionnan di clearing. Credito domestico a aumenta door di mas credito bancario netto na e sector publico (+Afl. 10,0 miyon), cual a wordo mitiga pa un bahada den credito bancario na e sector priva (-Afl. 6,4 miyon). E bahada den credito bancario na e sector priva

ta debi na menos credito na consumidor (-Afl. 7,2 miyon) y credito na empresa (-Afl. 1,9 miyon). Di otro banda, hipoteca pa vivienda a nota un subida di Afl. 2,6 miyon. Di otro banda, credito bancario netto na e sector publico a nota un aumento, principalmente door di un vahada den depositonan di gobierno (-Afl. 9,9 miyon). Inflacion E nivel general di prijs, cu ta wordo midi door di e indice di prijs di consumo, a registra un subida di 1,1 porciento den e luna di Januari 2018, compara cu Januari 2017. E contribuyente principal na e aumento aki ta e componente “Transporte”. Otro componentenan cu tambe a registra aumento ta e componentenan“ Cuminda y Bebida No-Alcoholico”, “Vivienda”,“ Recreacion y Cultura” y “Restaurant y Hotel”. Di otro banda, e componentenan “Paña y Zapato” y “Mobilario”a

registra un caida. Si exclui e componentenan di cuminda y energia for di e indice di prijs di consumo, inflacion a mustra un aumento di 0,7 porciento compara cu Januari 2017.Pa loke ta trata e promedio anual di e tasa di inflacion, esaki a regsistra un bahada di 0,4 porciento na Januari 2018, compara cu un caida di 0,5 porciento na December2017. Turismo Na Januari 2018, e cantidad di turista a registra 757.183 bishitante, cual ta 2.202 bishitante (+2,5porciento) mas cu na Januari2017. E crecemento aki a resulta principalmente door di un expansion den e mercado Norte Americano di 5.104 bishitante (+8,3 porciento), cual a wordo pa un gran parti mitiga pa un reduccion den e mercado Latino Americano di 3.290 bishitante (-18,1 porciento).

E subida den e mercado Norte Americano a resulta principalmente door di mas bishitante for di Merca (+4.097 bishitante of +7,4 porciento). E caida den e mercado Latino Americano a wordo causa primordialmente pa menos bishitante for di Venezuela (-4.333 bishitante of -48,9 porciento). E cantidad di turista crucero a registra unaumento di 18.564 bishitante of 20,7 porciento te na 108.298 bishitante na Januari 2018, compara cu Januari 2017. E cantidad di barconan a expande for di 44 na Januari 2017 pa 53 na Januari 2018. Entrada di Gobierno Na Januari 2018, entrada di gobierno a suma Afl. 100,4 miyon, cual ta Afl. 3,2 miyon mas compara cu e mesun luna di e aña anterior. Esaki a resulta for di un aumento den entrada di impuesto (+Afl. 7,8 miyon), cual a wordo parcialmente mitiga pa un

Pa mas informacion of un analysis mas detaya, bishita nos website (www.cbaruba.org) of tuma contacto cu e Departamento di Estadistica di Banco Central di Aruba, tel. +297 5252100, e-mail statistics.department@cbaruba.org.

caida den entrada no relata na impuesto (-Afl. 4,6miyon). E subida den entrada di impuesto ta relata principalmente na mas impuesto riba importacion (+Afl. 2,8 miyon), impuesto riba entrada (+Afl. 2,3 miyon), venta di negoshi (B.B.O.) (+Afl. 1,9 miyon), impuesto riba propiedad (+Afl. 1,0 miyon) ye asina yama “overdrachtsbelasting” (+Afl. 1,0 miyon). E subidanan aki a wordo parcialmente mitiga pa menos impuesto riba ganashi (-Afl. 1,4 miyon) y impuesto riba divisa (-Afl. 1,0 miyon)

Diarazon Mei 23

15

Ministerio di Asunto Social y Bidding riba trucknan Labor ta invita Pueblo di Aruba pa e prome edicion di Bario Fest di Serlimar ta bay Diasabra awor na Centro di Bario Tanki Leendert segun regla

Minister Otmar Oduber:

Pa loke ta trata e bidding pa e trucknan di Serlimar, ta bay segun regla cerca e departamentonan concerni y ta wordo habri dilanti notario y tur hende cu ta participa den e bidding, pa tur hende wak cu nan envelop entrega ta intacto y ta esey ta wordo habri, segun minister Otmar Oduber. Tambe ta nota cantidad di rumor cu lo ta un compania tin di truck na Aruba, etc. Tur sa cu ta varios representante di truck tin na Aruba cu ta participa na e bidding aki. Mescos cu ta trata e bidding di e proceso cu ta canando di RFA y RFP, pa loke ta e procesamento di sushi y saneamento di Parkietenbos, cu tambe ta cana na un forma transparente y habri, via notario, via un grupo di profesional cu tin tur e directornan di e diferente departamentonan concerni. Ta papia di DBZ, DNM, Directie Volksgezondheid, DOW, Serlimar, DIP, como tambe sindicato envolvi esta SEPPA y STA, cu ta forma parti di e stuurgroep, como tambe representante di ATIA, comercio y tambe representante di e bisiñanan di dump. Ora cu bin acusacionnan manera cu Booshi Wever a haci y tambe Michael Williams, satelitenan di AVP cu ta haci trabao di oposicion pa nan, esaki ta un insulto den direccion di tur e personanan cu e minister a menciona cu ta forma parti di e stuurgroep y cu na un forma transparente y habri, ta hibando un proceso cu no a yega ni na e destaho publico mes ainda. Pasobra e destaho publico ta yega rond di Augustus y September, na momento cu bay cu Request for Proposal y cu naturalmente tur hende bin den cu nan prijsnan y naturalmente tecnologia cu lo wordo aplica, e mandatario a splica por ultimo.

Homber ta menaza dama cu cuchiu pa motibo di saus Dialuna, pa mas of menos 9'or y 33 di mainta, comandante a manda patruya na Tia Rosa na Pos chikito pa un caso di menaza. Ey a papia cu e dama B. kende a declara cu un cliente a bin cumpra un pastechi. El’ a puntra pa saus. Segun B., mirando cu e lugra tin cierto reglanan, un cliente mester cumpra por lo menos dos pastechi pa haya un saus gratis. B. a duna e cliente un saus gratis, pero a bisa e cliente cu normalmente mester paga 50 cent pa e saus. E cliente a cuminsa insulta e trahador. Pareha di e dama clie nte, kende tabata sinta den e auto, a scucha ora cu su pareha tabata discuti cu e trahador. El’ a coy un cuchiu for di den e auto y a mustra B, unda cu el ‘a menaz'e. E sospechoso mes no tabata na e sitio mas ora cu polis a yega. E trahador a wordo mustra riba su derechonan. Central a wordo poni na altura.

Den cuadro di e proyecto recientemente anuncia cu yama Ban Cultiva, un proyecto cu tin como meta cultiva y incentiva participacion, comunitarismo, convivencia y respet di y pa otro, cual proyecto tin tambe como meta asisti e Centronan di Bario den nan re-activacion cu ta forma parti di e vision total di Minister Glenbert

Croes, Special Projects Team ta organiza e prome Bario Fest cu ta tuma lugar diasabra awor na Centro di Bario Tanki Leendert cu diverso actividad di salud, di cushinamento, deporte y entretenimento cu e meta pa tur hende bin hunto y comparti cu otro.

Lo tin entre otro DPL presente cu su booth di

informacion di trabao. Enseñanza pa Empleo tambe lo ta presente cu informacion di tur e cursonan cu ta brinda. Bus di salud lo t’ey pa un checkeo gratis y hopi mas. Pueblo di Aruba, specialmente e comunidad di Tanki Leendert y vecindario ta cordialmente invita pa hunto nos pasa un rato ameno dia 26 proximo.

16

Diarazon Mei 23

Cumpliendo cu transparencia:

PARTIDO MEP CU REUNION INFORMATIVO NA SEDE DI MEP Nos lo sigui informa pueblo cu e berdad y realidad

Partido MEP, dialuna anochi a tene un reunion informativo den bario di Santa Cruz. Sede di MEP tabata yen na unda a nota cu tin hopi interes den pueblo pa e informacion cu MEP ta trece padilanti. Pa e motibo aki tambe MEP lo sigui informa pueblo cu e berdad y realidad. Di e manera aki, Partido MEP ta cumpli cu transparencia. E reunion na Sede di MEP tabata impactante na unda e interes a surpasa tur expectativa. Un publico grandi a presencia e reunion aki.Y a haya e oportunidad pa haci pregunta y trece nan preocupacion padilanti. Un di e preocupacionnan di mas grandi ta e debe cu Aruba ta den. Integrantenan di MEP a contesta tur pregunta y a comparti informacion importante di e desaroyonan den nos comunidad como tambe den gobierno. Ta importante pa pueblo comprende cu e crisis financiero cu Aruba ta aden awor aki ta un crisis traha pa Mike Eman y partido AVP. Cu MEP awor den Gobierno, e prioridad ta pa sanea e situacion financiero di nos pais pa asina laga un Aruba na unda por tin un desaroyo economico structural pa e

siguiente generacionnan. Lamentablemente no ta tur persona por a haya oportunidad pa haci pregunta of trece nan preocupacion dilanti publicamente. Sinembargo despues di a cera e reunion, e publico a acerca e candidatonan di MEP pa

asina personalmente haci nan pregunta y papia di nan inquietudnan cu nan tin pa cu e pais. E reunionnan informativo lo continua den diferente bario di Aruba. Keda pendiente pa mas informacion tocante e proximo fecha y lugar.

Pagina 17

Diarazon 23 Mei 2018 Parlamentario Endy Croes na Marlon Sneek den ansha di morto:

Partido AVP “halando” su ultimo rosea pa laga bay

Parlamentario Endy Croes durante reunion publico tratando Crisis Heffing a baha fuertemente riba Marlon Sneek y AVP. Aunke mester bisa cu den e tratamento di e topico mes, AVP a mustra hopi debil den nan presentacion primordialmente “one to one.” AVP no por a saca su curpa afor y mester a admiti cu nan a faya barbaramente den nan maneho y a causa e desaster financiero cual Coalicion a hereda. Diferente orador a recorda pueblo y AVP riba e gritonan di nan propio lider Mike Eman den Parlamento unda el a vocifera textualmente ”Mi ta orguyoso di e debe. E debe t’ey pa nos tur bay pag’e den futuro”. Mike Eman a maniobra pa redobla e debe nacional cual tabata 41.7% di GDP na 2008 y na final di 2017 esaki a alcansa 93% di GDP. Esta 93 cen di cada florin cu drenta caha di gobierno a wordo comprometi pa paga debe. Politica bieu y anticua Marlon Sneek sinembargo a entrega tempran mainta

un amienda den nomber di AVP. Den nan amienda AVP a haci peticion sin ningun validez, ya cu e gruponan cu AVP a referi na dje cu ta gana bou di Afl. 2500 florin pa luna lo no wordo afecta y net e grupo ey di pensionadonan lo haya 4% reduccion riba prima di AZV. Separa di esaki AVP ta sigui cu su politica bieu y anticua di trece desbalance den pueblo door di manipula manera nan a haci 8 aña. AVP ta keda insisti cu e introduccion di e Crisis Heffing di 2.5% lo causa un inflacion di 10%, esta cu e poder di compra “koopkracht” lo bay atras cu 10%. Adhunto copia di e amienda di AVP di 22 Mei 2018 manipulando pueblo (lesa esaki cu cautela y compar’e despues cu rapport di CBS). Adhunto nos ta pone tambe un rapport di CBS haciendo calculacionnan cu tur informacion cu nan tin desde introduccion di BBO y BAZV y claramente e rapport aki ta papia ful un otro idioma, esta di un inflacion di 1.7% pa cu aña 2018. Textualmente “Tevens

is rekening gehouden met een matiging van de koopkracht als gevolg van de verhoging van het BBO/BAZV tarief, welke wordt geschat op 1.7% in 2018.” AVP a tira serbete den ring Pues aki claramente nos ta prueba atrobe y comproba cu Marlon Sneek y AVP kier sigui hunga e politica

di manipulacion y engaña pueblo. Marlon Sneek mester por siña usa su “TELRAAM” mihor. Pues usando rapportnan di profesionalnan nos ta desbarata e engaño di AVP. Politiconan di AVP durante reunion a tira serbete den ring. Despues cu Coalicion a trece tur e berdadnan dilanti den un forma solido, politiconan di oposicion di AVP a

scoge pa bay sconde den nan camber y a bandona sala di Parlamento. Si AVP no a regala amigonan di partido 89 MIYON florin na marketing y tampoco a malgasta 112 MIYON florin den deskundig advies sigur lo no tabata tin necesidad pa introduci 2.5% di crisis heffing. Marlon Sneek y AVP halando nan ultimo rosea cla pa laga bay.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 18

Diarazon 23 Mei 2018

Campeonato Liga Especial HEINEKEN di Aruba Softball Bond a continua

Balashi Premuim ta gana Selecion di Aruba 6-5 den 9 inning den un tanganaso

Campeonato Liga Especial Heineken a continua dialuna anochi na veld di Pos Chiquito. Selecion di Aruba den preparacion pa camepoanto di CONSURSA na Monteria Colombia 1 pa 10 di Juni 2018 a topa Balashi Premuim cu 2 pitcher internacional como refuerso den un tremendo partido. Balashi Premuim ta gana Selecion di Aruba den 9 inning 6-5. Balashi

Premuim 6 careda, 6 hit, 2 error y a laga 10 coredor na base. Selecion di Aruba 5 careda, 11 hit, 2 error y ta laga 9 coredor den circulacion. Jesus leala Becerra ta gana e partido lansando 4 inning tirando 61 lansamento di cual 18 bola y 43 strike permitiendo 1 base por bola y 2 ponche. Andres Gonzalez ta drenta releva y ta bay 5 inning tirando 87 lansamento 33 bola

y 54 strike, 8 strike out. Pa Selecion di Aruba Giancarlo Gomez ta bay cas cu e derota tirando 3 inning, 80 lansamento, 42 bola y 33 strike regalando 6 base por bola y 4 strike outs. Eudomar Toyo ta tira 3 inning 39 pitch, 13 bola, 26 strike 1 base por bola y 5 strike out. Jomark Flanegin ta lansa 2 inning 25 lansamento, 8 bola y 17 strike, 2 ponche y 0 base por bola. Jair Thompson

ta tira 1 inning tirando 33 pitch, 16 bola y 17 strike, 3 strike outs y dos base por bola. Pues nos a redacta poko amplio riba e pitcheo. Mihor bateadornan pa Balashi Premuim ta Nathan Berkel 5-1, Jerwin Penja 4-1, Gerwin Maduro y Jowald de Cuba 3-1, Jerwin Kelly 2-1. Pa Selecion di Aruba a destaca na bate Jayson Orman y Filbert Thiel ambos di 4-2, Deyon Peterson

5-1, Djurwin Croes y Egimar Lampe ambos di 4-1, Ray Bernabela y Giandrick Lacle di 1-1 y Sando Geerman di 5-2. Diahuebs awor Selecion di Aruba lo enfrenta Spuiters cuminsando pa 715pm na veld di Flatstone den nan double header cu pitchernan internacional. Softball den pleno desaroyo!!

SETAR N.V. presente na FRED Expo juni 2018 WTC Rotterdam 2 di juni 2018, representantenan di SETAR N.V. ta presente na World Trade Center Rotterdam pa e evento di FRED Expo 2018. Un evento cu ta brinda nos arubianonan estableci na Hulanda, sea studiando of cu a gradua y ta traha na Hulanda/Europa, e oportunidad pa sera conoci cu nos compania Nacional di Telecommunicacion como potencial doĂąo di trabao den futuro. Di e manera aki SETAR N.V., cu miras pa futuro, ta stimula e regreso di nos arubianonan estableci na Hulanda y cu por aporta na crecemento di nos

compania. Si acaso tin persona cu por tin algun familiar studiando of recien gradua na Hulanda, ta invita nan pa atende e evento aki. Hunto cu SETAR N.V., tin mas cu 35 otro compania den Caribe cu lo ta presente pa conecta y brinda posiblemente un siguiente etapa profesional na studiantenan y profesionalnan estableci na Hulanda. Ademas di esaki, SETAR N.V. ta introduci entrante 1 di juni 2018 su portal digital pa aplica pa trabao. SETAR N.V. a digitalisa e proceso aki pa facilita e proceso pa

aplica mas eficiente pa interesadonan. Ta pidi tur

interesado pa haci uso di e portal via nan website

www.setar.aw.

Pagina 19

Diarazon 23 Mei 2018

Mas ganado di Zodiac su sorteo di merdia

ORANJESTAD, Aruba – 23 di mei, 2018: E hungado Hector M. a hunga numbernan 2829 cu signo Aries, a inverti just 50 cent, y a gana 12.500 florin. E la cumpra su numbernan na Djucu Mega Lottery. Mas cu claro e tawata hopi contento ora el a pasa cobra su check na oficina principal di Lotto, na Paardenbaaistraat 10. Zodiac ta un wega cu ta multiplica bo inversion. Cu 1 florin bo por gana 25.000 florin ora tin 4 cifra y signo corecto. Cu 5 florin bo por gana 125.000 florin cu Pick 4 y signo. Y invertiendo e suma di 25 florin cu Pick 4 y Signo bo por gana e suma di 625.000 florin cu Zodiac! Sorteo ta hunga tur merdia pa 2:30PM y anochi pa 9:00PM, di dialuna pa diasabra. Riba diadomingo sorteo ta start pa 2:00PM. Lotto, e loteria di Aruba tin diferente wega;

Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su

Homber burachi ta haci fastioso na hotel Diadomingo, pa mas of menos 5'or y 25 di atardi, Central a manda patruya na un high rise hotel pa un persona burachi. Na e sitio a bin topa un homber kende tabata sinta den un Toyota Aristo color preto. Polis a wordo indica pa e securitynan cu e homber den e auto tabata haci fastioso y kier a bringa cu e trahadornan di e hotel, como tambe e security manager. E dama R., security manager a declara cu el’ a wordo pusha pa e homber y cu

Mega Plus y e weganan di Raspa y Gana. Cumprando Lotto bo ta contribui na deporte riba

nos isla. E meta ta pa organisa loteria, cambia bida di su hungadonan y na mes momento inverti

den deporte local pa medio di donacionnan na e comision di subsidio.

Engravings Elegance

e homber tabata hopi agresivo. A papia cu e homber D.J.K., kende a declara cu no ta pasando nada. E homber D.J.K. tabata tin lenga pisa y tambe wowonan cora. Banda di e auto polis a nota un botter di cerbez kibra, cu kende segun security ta pertenece na e homber. D.J.K. a wordo aresta pa buracheria publico. Transportwagen a presenta na e sitio y hiba e sospechoso na warda di Shaba. Central a wordo poni na altura.

All types of Cemetery works, Tumbstones, Awards, Glass, Mirrors, Champagne flutes, Marble & Granites and much more….

Hooiberg 81B, Tel: 586-1908/593-4757…Fb

Pagina 20

Diarazon 23 Mei 2018

Despues di a hiba un grupo riba un tour den bus ora a baha nan e chofer a pasa raspa auto di un di e hendenan

Diadomingo madruga a drenta informe di un accidente hit and run dilanti La Quinta na Bubali, mesora a dirigi un patruya na e sitio. Na yegada di e patruya a bin compronde cu un bus di tour cu a hiba nan trip un rato prome y despues ora

a bolbe e tourbus a sali bay e bus a raspa e bumper di patras di e auto y a sali bay. Nan a purba yama e chofer di e tourbus pero e chofer no a contesta pero cu un otro celular a logra haya contacto cun'e.

Motociclista seriamente herida den un accidente na San Miguel unda un auto a dal basta duro su tras

Diasabra madruga a drenta informe di un accidente na San Miguel, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un

Ladronnan a bolbe kibra drenta horta cosnan pa e wega di awe na Veld di Monserat

accidente basta serio unda e Toyota Celica A18738 bayendo direccion zuid cu un velocidad basta halto a bay dal tras di e scooter‎ benta e motociclista un distancia considerable,

e scooter a keda pega na e auto y e chofer a sigui bay mas pazuid y ora cu e scooter a kita e chofer a bira bin bek nort banda di unda e motociclista a keda benta. Na yegada di e ambulans nan a atende cu e victima cu tabata seriamente herida y a transporte cu urgencia pa hospital. Mirando cu e victima a keda seriamente herida a pidi pa e specialista di trafico bini na e sitio pa investiga exactamente con e accidente aki a sosode. Segun e chofer di e auto e scooter a simplemente a brake su dilanti y ela dal su tras. Pa colmo e auto no tin ningun papel na ordo.

Diadomingo mainta a drenta informe di un caso di kiebro y ladronicia for di e container na e Veld di Monserat, mesora a dirigi un patruya na e sitio. Na yegada di e patruya a bin compronde cu aki ta trata di un caso unda e cruel ladronnan a kibra candal drenta horta e cosnan cu a ser prepara pa e weganan di awe riba e veld. Un perdida grandi pa e organizadornan cu ta pasa trabao pa purba haci algo positivo pa e desaroyo deportivo y e antisocialnan aki ta kibra e animo di nos deportistanan.

Ladronnan a kibra porta drenta y horta varios producto pa laba auto for di Kuzeta na Tanki Leendert Diasabra mainta a drenta informe di un caso di kiebro cu ladronicia na Kuzeta na Tanki Leendert, mesora a dirigi un patruya na e sitio. Na yegada di e patruya a bin compronde cu aki ta trata di cu desconocidonan a kibra porta drenta den un di e warehousenan di Kuzeta y a horta hopi producto pa laba auto. Polis a tuma e keho y a pasa e investigacion pa

recherche.

Pagina 21

Diarazon 23 Mei 2018

Homber posiblemente atraca, y tambe gekap na su brasa

Sibeliusstraat - Diamars mainta den careda di 6:30 polis a bay den Sibeliusstraat, pa un un homber herida. Na yegada di polis den Sibeliusstraat, nan a topa cu un homber sinta y e tawata herida. Pero tambe

a constata cu e ta bou influencia. E cabayero tawata tin corta na su man drechi cu tawata sangra. Ela conta polis cu, un persona lo a atrake, e persona segun version di e homber lo tawata tin un

machete. E atracador lo a kita e placa cu e tawata tin ariba dje. Polis a pidi pa ambulance, na yegada personal di ambulanca a opta pa hibe Hospitaal.

Aruba Bank y Tele Aruba a firma acuerdo di transmision di weganan di futbol mundial

Dialuna mainta Aruba Bank y Tele Aruba a firma e acuerdo di FIFA World Cup 2018. E aña aki Aruba Bank lo ta e patrocinador principal di Tele Aruba durante e copa mundial di futbol, organiza pa FIFA. Aruba Bank ta kere den deporte y ta demostra esaki door di sostene e

tipo di iniciativanan aki. Pa esaki Aruba Bank a firma e acuerdo cu Tele Aruba, contribuyendo na haci e transmisionnan di e weganan di FIFA World Cup 2018 posibel. Di e forma aki mucha- y hobennan ta haya mas interes den e deporte rey, ta siña di hugadanan y ta inspira riba e hungadornan

profesional di mundo. Aruba Bank, e banco di deporte, ta invita tur hende pa keda pendiente pa mas actividad rond di World Cup 2018, pero tambe keda pendiente p’e apertura y prome wega cu lo ta dia 14 di Juni entre Rusia y Saudi Arabia pa 11’or di mainta.

Pagina 22

Diarazon 23 Mei 2018

Arte di Palabra 60 Plus

poesia original, cuenta existente y cuenta original. Entrada lo ta Afls 2.00 y e kaarchinan

Dia 19 di juni proximo pa 6:00 ora di atardi lo bai tuma lugar e di dos edicion di “Arte di Palabra 60 Plus” den Cas di Cultura. Nos grandinan lo declama y conta storia cortico di inspiracion propio y di otro autor. E participantenan ta

forma parti di varios di e 32 gruponan organisa di y pa grandinan na Aruba afilia na Grupo Nucelo 60+. E anochi ta un producto di e cooperacion entre Grupo Nucleo , Fundacion Lanta Papiamento, Cede Aruba, Departamento di Cultura y Departamento

di Asunto Social. Den cuadra di celebracion di aña di Papiamento y 15 aña cu e ta un idioma oficial di Aruba, pa medio di e evento aki nos grandinan ta sigui promove nos dushi Papiamento. Un hurado lo selecta e mihor poesia existente,

ta disponibel ariba e dia función na Cas di Cultura y por reserva via cel.(nan):

Pagina 23

Diarazon 23 Mei 2018

Parlamentario di Fraccion di AVP, Arthur Dower

Raad van Advies ta devastador riba ley di “coalitie heffing” Loke cu nan no a haci ta baha e edad di pension y e cantidad di minister manera nan a priminti. Tambe nan no a cumpli cu e promesa di no bin cu medida, pasobra nan ta bisa di no tabata e situacion financiero pero esey ta un mentira. Pa prome biaha den historia partido AVP a percura pa tur jaarrekening di e pais aki ta na ordo. A entrega e jaarrekening di 2014-2016 y tur ta aproba y tambe a cumpli cu tur rekisito financiero.

ORANJESTAD, Aruba – 22 di Mei 2018: Parlamento a tene reunion publico unda a trata e coalitie heffing y Fraccion di AVP a mustra gobierno riba e echo cu di biaha ta bay riba e “stem motivering” y laga e stempel parlament stempel di biaha e ley aki. E Gobierno a haci algo nunca bisto, unda a presenta riba diahuebs e ley y exigi Parlamento pa haci pregunta e siguiente dia y tambe sin contesta e preguntanan ta trata e ley. Esaki ta unico posibel ora cu tin grupo di Parlamentario cu ta dicidi cu nan ta dispuesto na laga falta respet na Parlamento, segun Parlamentario di Fraccion di AVP, Arthur Dowers. Si a duna e dianan necesario

pa studia e ley aki, pa por a contesta preguntanan y lo a mustra un tiki mas respet pa Parlamento. P’esey pa Fraccion di AVP e importancia ta e reunion aki y no ta pa discuti cu nan pero e importancia ta pa ta presente na momento cu nan ta bay pasa un ley. Nan ta bay coba duro den saco di pueblo y pa pueblo ta informa kico ta e idea di e ley aki. E gobierno actual ta pretende y ta keda ripiti cu nan mester pasa e ley aki pasobra tin debe. E parti mas tristo ta cu e gobierno aki a aumenta e presupuesto cu 125 miyon florin extra. Raad van Advies a manda un conseho devastador pa nan, di cual e ley akinan ta bruha mes. Tambe nan tin

duda cu gobierno lo bay saca e placa cu nan ta bisa cu ta bay saca. “E placa cu nan ta bay saca di e ley aki, ta hustamente pa bay paga un aumento di 125 miyon florin cu nan a pone den e presupuesto”. CFT a bisa gobierno cu nan ta bin cu puro “ nieuw beleid” y pakico a bin cu aumento di gasto na e pais aki.

Despues cu partido MEP a bin cu e formacion, nan a cana tur caminda y a yuda aumenta gasto di pais Aruba. Aña pasa nan a bisa cu nan no lo bin cu medida, pero despues cu a forsa nan door di un scorpion pa bini cu mas gasto, pasobra e mester cumpli cu su sponsornan y tambe cu esunnan cu ta doño di partido. Aworaki nan ta dal e pueblo cu 150 miyon extra y lo bay ta devastador pa pueblo. Pueblo mester corda cu no ta prome biaha nan a haci esey di cual esaki ta nan sistema di traha, unda ta

bisa un cos y ta haci otro. Nan lider den pasado a bisa cu campaña ta un y gobernacion ta otro, partido MEP a confirma un bes mas cu campaña ta un y gobernacion ta otro. E 150 miyon calcula aworaki di medida extra pa cubri e mal maneho. Aworaki nan mes no ta papiando di un maneho drechi, pasobra ta hinca placa un biaha den saco di un grupo chikito cu ta yega na nan. Tambe di nan amigo y famia cu ta bin traha cu nan den oficinanan y grita den Parlamento, unda ta insulta hende. Ta un berguensa cu pueblo tin cu paga pa tipo di cosnan aki, pero pueblo ta informa y Fraccion di AVP ta sigui mustra e pasonan cu nan ta tuma y e consecuencianan. Na momento cu nan cuminsa malgasta placa, Fraccion di AVP lo informa pueblo. Tin mas cos na caminda y sostenedonan mes a cuminsa divulga unda nan ta mira e corupcion cu ta tumando luga y ta malgasta e placa di pueblo.

Pagina 24

Diarazon 23 Mei 2018

Parlamentario di AVP, Robert Candelaria:

Gobierno kier pasa ley “crisis heffing” na un mal forma AVP a denuncia forma con a presenta ley na Parlamento cerca Gobernador kico ta den e ley aki, unda cu prome cu haci pregunta y pa ta critico, ya nan kier pas’e.

ORANJESTAD, Aruba – 22 di Mei 2018: Fraccion di AVP a bishita Gobernador di Aruba pa denuncia e

ley di “crisis heffing” cu a yega Parlamento diahuebs y den dos dia di trabou Gobierno kier trata e ley

aki. Esaki ta algo imposibel y e unico conclusion cu a yega na esaki ta cu nan no kier pa otro compronde

No ta scucha gremio ni a presenta na Parlamento tur detaye kico nan kier haci, asina Parlamentario di Fraccion di AVP, Robert Candelaria ta bisa. Prome cu pueblo kier realisa ta pasa e ley aki. Esey a pone cu e fraccion a dicidi di papia cu e “achterban” di e partido y p’esey kier denuncia esaki. E fraccion a bay den reunion hunto cu esunnan cu tambe tin cu haci pregunta, pero no ta haci niun. Esaki ta mustra cu nan ta pro e ley aki. Di e forma aki si no kier bay bek den pasado y keda ripiti, lo bisa no paso ta pro y pas’e.

Den e documentonan ricibi no por mira un caminda e detayenan cu e crisis heffing lo ta pa 3 aña. Pa por compronde e ley aki bon, mester studi’e bon. Esaki ta bin pa motibo cu hopi di e cambionan ta bin, ta cosnan cu no ta hinca duidelijk den e ley. E partinan esencial pa haya nan, mester coba y busca pa asina saca nan, segun Parlamentario Candelaria. Fraccion di AVP ta haya esaki algo lamentabel, pasobra ta bay mishi cu cartera di hopi hende. Awo kier pasa esaki na un forma rapido y e detayenan importante y crucial Gobierno no ta bisa nan.

EXPRODESK TA PRESENTA E PROGRAMA ‘STARTERS INTERNATIONAL BUSINESS ORNAJJESTAD – Exprodesk hunto cu Gobierno di Hulanda ta organisa un evento informatio tocante programanan financiero cu tin pa desaroya exportacion. Durante e evento lo elabora riba un elemento financiero cu ta parti di e programa di “Starters International Business” cu yama ‘Voucher Individuele Coaching’. Empresarionan cu ta na inicio di nan trayecto di

exportacion, y sa kico nan kier, pero no sa con pa cuminsa, por aplica pa asina haya guia di un export coach na Aruba. E coach lo guia e empresario riba su trayectoria pa yega na un plan di accion, descubri e mercadonan, e potencial di e mercadonan, e condicionan mas perfecto cu mester ta presente , pa asina drenta e mercado cu exito. Tin mas metodo pa

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

drenta e mercadonan cu exito. Pa haya sa mas, Exprodesk ta extende un invitacion na tur interesado pa bin atende e sesion informativo diahuebs 24 di mei na Aruba Surfside Marina, di 05:45 ‘or di atardi pa 09:00 ‘or anochi. Haya sa mas di RVO y e posibilidadnan amplio cu e programa ta ofrece riba tereno di exportacion. Lo tin oportunidad pa haci pregunta. Durante e evento aki tambe lo ta presente respresentantenan di Camara di Comercio y Industria di Aruba, Free Zone Aruba NV, Aruba Trade and Industry Association (ATIA) y ARINA.

Sigura bo lugar no mas tarda cu diaranson 23 di mei. Haci bo reservacion via info@ exprodesk.com Pa haci pregunta

por tuma contacto cu Exprodesk via tel: 521-2417 of via nan Facebook page, Exprodesk

Diarazon 23 Mei 2018

TA BUSCA

un bon auto di mas o menos 7 mil 8 mil fls Ta busca Toyota Yaris pa cumpra 2010 of 2012 Yama na 5694343 Ta busca tereno unda cu ta pa cumpra , Yama na

5694343

Pagina 25

Pagina 26

Diarazon 23 Mei 2018

Parlamentario di POR, Alan Howell

Un pabien grandi pa SV Brazil Juniors cu nan 60 aña di existencia

Parlamentario Alan Howell ta indica cu diadomingo SV Brazil Juniors a celebra 60 aña di existencia. E ta bisa cu e no ta orguyoso di Brazil Juniors solamente pasobra el’a lanta den bario di Brazil pero mas pa e dedicacion cu tanto e dirigentenan como e deportistanan semper a demostra. Den e trayectoria di 60 aña di SV Brazil Juniors a sa di forma varios deportista fenomenal.

Tambe e dirigentenan semper a percura pa e desaroyo di e muchanan pa cu e deporte di futbol y muy en especial pa tene e mucha fo’i riba caya. Alan tabata contento di a wordo invita como parlamentario y homber di bario. Alan semper a sa di coopera di un manera of otro cu SV Brazil Juniors y e kier pa nan sa cu nan por sigui conta cu su sosten na tur momento.

Anochi di informacion Hardin di Rosa pa Mama Maria Durante nuebe aña largo Birgen Peregrino a peregrina rond di Aruba bishitando mas di 1600 cas di famia. Su peregrinacion a termina na luna di october 2017. Dia 13 di october, fecha cu a celebra e centenario di Birgen Maria su aparicion na Fatima, Rev. Pastoor Daniel Szpila di Parokia Birgen di Fatima na Dakota, a inicia cu e proyecto Hardin di Rosa pa Mama Maria.

E meta di e proyecto ta pa mas tanto persona resa un misterio di e Santo Rosario tur dia pa triunfo di e Inmaculado Curason di Maria y pa combersion di pecadonan. Cada rosa di e Hardin di ta consisti di 20 persona, cu ta manera 20 petalo di un rosa.

Si abo tambe kier forma parti di e Hardin di Rosa pa Mama Maria, bo ta keda cordialmente invita pa un anochi di informacion cu lo tuma luga diaranson 30 di mei 2018 pa 7’or y mey di anochi den Cas Parokial di Misa Birgen di Fatima.

E Hardin di Rosa ya ta consisti di mas cu 1029 petalo y 56 rosa den mas di 28 bario na Aruba.

Cu solamente 5 minuut pa dia bo tambe por yuda cultiva e Hardin di Rosa pa Mama Maria!

Pagina 27

Diarazon 23 Mei 2018

TA HUUR

TA BENDE

HOME SWEET HOME REAL ESTATE VBA

Tereno eigendom na Rooi Bosal. Tuma contacto cu sra. Geerman na

TA HUUR: UN APARTAMENTO DI 1 KAMBER PA 1 PERSONA COMPANASHI, ALF 750,= MAS 1 LUNA DI DEPOSITO , NO MUEBLA EXCLUSIVO, JAMA: ASHNA,

592.9966

Sudoku

5858529

pa mas informacion.

Boso ta desea di huur of bende boso cas. Yama na 5946797 y

nos lo yuda boso nan. Nos ta situa na Sta Cruz , Aruba

Pa bo matanan

ta berde i bunita gordura di bon calidad alf 8- pa saco grandi cu compra di 10 saco nos ta

delever gratis •Tel 5926209

TA BENDE Nissan Platina 2005 std pa 2000,- f l gekuur te 2020

tel: 5847065

TA BUSCA

LABERINTO

Cas pa huur den Sta Cruz , Paradera , Hooiberg Boso ta desea di huur boso cas. Yamami na

5946797

AIRCO “Special”

pa service di airco pa solamente Alf.85,= yama nos awe mes, servicio liher y garantiza cu techniconan certifica.

Yama:

740-7158 5653232

CONSTRUCTION Ta hasi trabow di coriente, Verf , Welder , Metsla , Carpinte Drecha dak , Plumming, haci cura limpi y corta mata Yama: 5608568

7423717

TA BENDE Edificio comercial situa na Sta Cruz, conoci como Rowigini’s y su complex di apartment.

Pagina 28

Diarazon 23 Mei 2018

Resultado di Number LOTTO MERDIA 22 DI MEI

LOTTO ANOCHI 22 DI MEI

May 22 06 11 18 20 26

22 DI MEI

1. 0566 2. 5533 3. 7556

May 19 03 07 20 29 34 22 J May 22 11 15 27 29 12

2750

May 22 11 15 27 29 12

22 DI MEI

SERVICIO SEPTIC

1. 5424 2. 2375 3. 8029

TA BUSCA Pa cumpra cas, e por ta den mal estado. yama na 5946797

TA BENDE UN AUTO 1990 Toyota Corola blanco Standard full overhaul bateria nobo Afl 800,00

Cell:741-0123

(Ta core pone bo number y bai cune)

TA BENDE

TA HUUR

Pa mata nan fuerte y berde Gordura di bon calidad Afl 8,00 pa saco randi.

Cas na Pos Chiquito 4 kamber/baño cura sera cu hopi lugar pa parkeer. Bon pa

Nos ta deliver riba 10 saco

Pa mas info yama 592-6209

oficina of residencia. Serka di caminda Afl 2500,00 pa luna

Pa mas info yama 733-1201

Servicio di Septic Tank – Chica Pos

Yos Septic Tank

TA HUUR

Tel: 566-6144 / 748-2689 Yos ta yega mesora y sigur!

Apartamento na Seroe Colorado. 2 kamber cu airco / banjo / cushina sala comedor. Interesadonan por jama

5698007

VERF DAK Painting Welder Roofing Carpentry All in one bon prijs pa mas info yama

6309246

TA BUSCA Security guard

musculino, edad entre 25-45 aña. Mester tin Mavo diploma o enseñansa equivalente. Mester por papia y scirbi papiamento, hulandes, ingles y spaño. Mester por tin propio transporte. Interesadonan por yama oficina entre 08.00-16.00 pa un cita.

Tel. 5883677

JAZZ JAZZ Piano School 21 Buki tur informashon pa bira Jazz Piano Player pa afl 460,00. Tin cupo pa piano les. Pa INFO yama 5608629

Pagina 29

Diarazon 23 Mei 2018

Taco Bell Sasaki a hera pega na candela Actuacion rapido a scapa e establecimento

PRONOSTICO DI TEMPO VALIDO TE DIARANZON 23 DI MEI 2018 COMPILA: DIAMARS 22 DI MEI 2018 17:00 (21:00 UTC) TEMPO: AWE ANOCHI: LEVEMENTE TE PARCIALMENTE NUBLA I GENERALMENTE SECO DEN MARDUGA I DIARANSON: PARCIALMENTE NUBLA CU CHENS PA UN AWACERO PASAJERO. TEMPERATURA MAXIMO 32 GRADO CELSIUS Y TEMPERATURA MINIMO 26 GRADO CELSIUS. SOLO LO BAHA AWE NOCHI 06:59 PM Y LO SALI MAYAN MAINTA 06:14 AM. BIENTO: MODERA TE BASTA FUERTE FOR DI DIRECCION OOST; FORSA 4 TE 5 (20 TE 39 KM/ORA, 11 TE 21 NUDO) DEN DIA FUERTE TE DURO DEN RAFAGA; FORSA 6 TE 7 (40 TE 61 KM/ORA, 22 TE 33 NUDO) SITUACION GENERAL DI TEMPO: DEN PROXIMO 24 ORA EXTENCION DI UN AREA DI PRECION HALTO RIBA ATLANTICO LO SIGUI DOMINA TEMPO MANTENIENDO ESAKI GENERALMENTE SECO. SINEMBARGO, HUMEDAD LAGA ATRAS PA UN OLA TROPICAL LO TRESE TEMPORALMENTE MAS NUBIA CUALNAN POR SORU PA DESAROYO DI UN AWACERO PASAJERO. CONDICION DI LAMA: OLANAN DI LAMA LO TA FOR DI DIRECCION OOST CU HALTURA DI 4 TE LOCALMENTE

Dialuna madruga a drenta informe di cu tin huma ta sali for di Taco Bell Sasaki. Mesora a dirigi tanto polis como bombero pa e sitio. Na yegada di e patruya a bin encontra bomberonan cu esnan cu tin yabi di e lugar caba na e sitio. A bin resulta cu net

un rato despues di cu nan a cera, e patruya di seguridad a pasa y a nota cu tin acumulacion di huma den e lugar y a avisa esnan encarga cu e lugar cu mesora a bay na e sitio. Hunto cu bombero nan a drenta e lugar

y a wak cu e conexion di e boiler tabata poco los y a cuminza keinta te smelt e plastic rond. Mesora a bay na e kashi coriente pafor y a kita e coriente di e boiler. A habri e porta di e lugar pa ventilacion y asina a scapa e lugar for di un incendio.

7 PIA; E OLANAN DI MAS HALTO LO TA NA COSTANAN OOST, NOORDOOST TE NOORDWEST DI E ISLA CAMINDA NAN POR JEGA TE 8 PIA. TA SUPLICA OPERADORNAN DI BOTO CHIKITO PA TENE ESAKI NA CUENTA. TEMPERATURA DI SUPERFICIE DI LAMA: 26 GRADO CELSIUS. FENOMENONAN SPECIAL: NINGUN POTENCIAL DI AWACERO PA PROXIMO 24 ORA: 1 TE 3 MM; REGISTRACION DI TEMPERATURA (CELSIUS) Y AWACERO (MM) DEN ULTIMO 24 ORA: AIRPORT MAX 32 / MIN 27 / 0.0 PRONOSTICO DI TEMPO PA PROXIMO DIANAN DI SIMAN: PARCIALMENTE NUBLA CU CHENS PA UN AWACERO PASAJERO. BIENTO LO TA FOR DI DIRECCION OOST I MODERA TE BASTA FUERTE; DEN DIA FUERTE TE DURO DEN RAFAGA; TEMPERATURA MAX / MIN LO TA: 32/27

Tipline: 585-9500

E PROXIMO BULLETIN LO WORDO PUBLICA DIARANSON 23 DI MEI 2018 17:00 (21:00 UTC)

Pagina 30

Diarazon 23 Mei 2018

Oracion di Dia

Dr. Kenneth Croes:

Siña reconoce e sintomanan di un strokje Tempo ta hunga un papel importante a scapa bida di un pashent

Stroke ta algo cu ta desaroya den un rato di ora. E ta rapido. Di un momento pa otro e persona ta cambia, e ta diferente y e ta haya sintomanan cu bo por duna un acronimo pa corda nan. E yama FAST. Face Arm Speech y Time, segun dr. Kenneth Croes, durante un conferencia yama pa Departamento di Salud Publico. Esaki ta relaciona cu e tema di siman.. Face: e cara di e persona por cambia. E boca por hala pa un banda. Arms: e brasa di e pashent pa un banda di curpa ta perde forsa, ta bira lam of no tin falta di coordinacion.

Speech: E manera cu e persona ta papia por cambia. Diripente e lenga ta pisa of no ta papia bon of loke e papia no tin sentido, papia bruha of e por perde habla completo. Time: Ta importante pa sa y skirbi of corda e ora cu e sintomanan a cuminsa. Esaki tin di haber despues con ta trata e pashent. E T di tempo ta pa yama emergencia. Ta algo di emergencia. No ta algo pa warda cun'e. Lamentablemente ta algo cu ta mira cu ta bin un tardansa den e momento critico aki. Pashentnan ta duda of warda y no ta tuma accion. Nan ta pensa pa yama mañan mainta of tin miedo cu e ta loke nan ta pensa y ta ignor'e, na luga di tuma accion. Esey ta algo cu mester cambia segun dr. Croes. Tuma accion y yama doter Importante ta pa tuma accion y yama dokter na oficina. Y si tin un momento of otro no por haya bo dokter, yama 911, yama ambulance. Ambulance ta un servicio di 24 ora pa dia y no mester tin miedo di yama nan. Bisa cu tin stroke y asina ey por tuma e accion corecto.

Kerido rumannan den Cristo, cu e dia di awe ta un bendicion pa boso tur. Den e prome Lectura di Hacobo 4, 13 - 17 ta siña nos cu nos no mester broma. Pero nos mester haci tur cos segun Dios su bolontad. Cu Dios su poder nos ta logra tur nos plan y proyectonan. Hopi biaha nos ta broma cu nos mesun ideanan di grandeza y esey ta robez. Esun cu sa e berdad y no ta pone den practica ta comete picá. Den salmo 49 nos por a compronde cu dichoso ta esnan cu ta pober di spirito pasobra di nan e reino di shelo ta. E Evangelio di San Marco 9, 38 - 40 ta envita nos pa nos ta na fabor di

Hesus y laga nos futuro y tur otro cos den su man y somete nos na su disposicion y interes. Si nos ta na fabor di Hesus nos ta stim'E, acept'E, cumpli cu su Palabra y anucia e Bon Noticia. Oracion:Tata den shelu nos ta hendenan cu desea pa cumpli cu Bo mandamentonan. Fortalece nos cu conoce e berdad pa pone den practica. Nos kier testigua semper na Bo fabor pesey yuda nos pa nos ta hendenan obedecido pa stima Bo y agrada Bo pa medio di Cristo nos Señor. Amen.

Aniversario

Pa medio di esaki, famia ta invita tur amigo, bisiñ y conocirnan pa asisti na un santo sacrificio di misa pa recorda fayecimento di nos difuntonan stima:

Franklin R. Dijkhoff +07-05-2017

Antonio B. Dijkhoff

Imelda Dijkhoff-Trimon

+29-04-1992

Cual lo tuma lua na Misa Santa Filomena na Paradera Diadomingo, 6 di Mei, 2018, pa 10'or di mainta Diadomingo, 13 di Mei, 2018. pa 10'or di mainta Diadomingo, 20 di Mei, 2018, pa 10'or di mainta Diadomingo, 27 di Mei, 2018, pa 10'or di mainta.

Boso presencia lo ta altamente aprecia.

+15-03-1993

Pagina 31

Diarazon 23 Mei 2018

MISIONEROS DI JESUS ARUBA ta presenta: BIOGRAFIA Reverendo Pastor Jairo Maduro

Reverendo Pastor Jairo Maduro, a nace 31 di juli 1971 na clinica Dr. Volmer unda actualmente ta Dr. Luchmun situa na Trompstraat 18, San Nicolas Aruba. Y ta yiu di Pascual Maduro q.e.p.d. y Bertha Willems. Pastor Jairo ta bini di e bario di Dakota y ta di un famia di 8 ruman. For di mucha, Pastor Jairo tabata balente y, a sa di logra hopi durante su bida y te cu awe ainda. Y semper a sirbi e comunidad cu amor y pasion, danki na su Fe, curashi y perseverancia den Señor. Siguientemente por mira e cantidad di logro y metanan cu Pastor a realisa y ta realisando ainda y tur danki na Señor Dios. Pastor Jairo a bay e siguiente centronan academico: Sint Dominicus College y John F. Kennedy, L.T.S. Aruba y Goslinga MAVO na Corsou. Educacionnan Universitario: ‘Filosofia’, na Instituto Universitario Fray Agustin de Quevedo, na Coro Venezuela. Educacionnan Universitario: ‘Bachelor den Technologia’ na Universidad Pontificia Salesiana de Roma nucleo en Caracas Venezuela. Otro formacion: Musico, Trompetista na Arubaanse Muziekschool Autodidactico: Canto Lirico (Tenor). Su Ordenacion Diaconal a tuma lugar riba 26 di juni 2000 na edad di 28 aña, pa Monseigneur Willem Michael Ellis q.e.p.d. Siendo Diacono el’a traha na Parokia San Francisco na Aruba, na Parokia di Santa Maria na Corsou y na Caracas Venezuela na Parokia Nuestra Señora de la Caridad del Cobre, na Santa Paula. Su Ordenacion Sacerdotal a tuma lugar riba dia 31 di juli 2004, mesun dia cu Pastor Jairo a haci aña y na Parokia La Birgen di Fatima na Dakota, na edad di

33 aña, pa Monseigneur Luis Antonio Secco. Y su Padrino Sacerdotal Pastor Jan Bouwman, kende tabata su gran promotor vocacional. Despues di su ordenacion Pastor Jairo a keda presta na Caracas cu cargonan pastoral desde 1 di augustus 2004 pa drenta sirbishi di Ordinatario Militar di Venezuela, Almoezenier pa Guardia Nacional de Venezuela, Destacamento 1 y 2, Museo Militar y Director de Formacion Humana na: Escuela de Formacion de Capellanas de la Republica Bolivariana de Venezuela. (Esaki ta un seminario castrense na unda hobennan ta studia pa Sacerdote). Otro cargonan: Kapelaan Docente di Colegio San Jose de Tarbes (Un scol Catolico); Y Kapelaan de Bomberos del Este. Pastor Jairo a haya su mesun Parokia como Pastor di Parokia Cristo Rey na Brasil desde 6 di september 2008 te cu 14 di mei 2017. Pastor di Parokia Inmaculada Concepcion na Santa Cruz desde 20 di Mei 2017 te actualmente na mei 2018. Kapelaan di turno pa Hospitaal Dr. Horacio Oduber (piket pa Santo Oleo). Pastor Jairo tambe ta Coordinador di “Mass Media”, misanan na TV y cu su propio ekiponan (News Truck) y, desde april 2018 Misa online riba, Facebook di Parokia Inmaculada Concepcion Aruba. https://www.facebook. com/pastor ieinmaculada. concepciondiaruba.5?ref=br_rs Alabes por haya mas informacion, invitacion y eventonan via su facebook: https://www.facebook.com/jairo. maduro1?ref=br_rs Y ta Director Spiritual di grupo Señor de los Milagros.

Cargonan di Obispado: Miembro di RVT di SKOA Y tambe cargonan cu no tabata di Iglesia manera Voorzitter di Stichting Reclassering en Jeugdbescherming Aruba; Docente di Integridad pa Cuerpo di Aduana Aruba, Servicio di Impuesto Aruba. Fundador di Grupo di Scout “Monseñor Oscar Romero Groep” Brasil. Juli 2013 Kapelaan nacional di Scouting Aruba. Tambe otro actividadnan manera: miembro di e gruponan musical: Ann’s Choir (Church Choir); Vivons en Chantant (Rufo Odor); Academy Brass Band; Koor Lus y Caminda; Koor Lus y Amor (Corsou); Koor Nos Alabansa (Corsou); Korps Politie Harmonie Nederlandse Antillen (Corsou); Korps Politie Harmonie Aruba. Ex-miembro di organisacionnan: Katholieke Verkenners (Monseñor Oscar Romero Groep); Scouting Aruba (San Martin de Porres Groep); Scouting Antillano (Pastor Paul Breneker Groep) Corsou. Y durante su hubentud y na adulto Pastor Jairo a traha fiho of temporal na diferente lugarnan manera EMCO Aruba; Paleis Hindu; Monterey; Unicon (Oficial cu werkboek); Funeraria Zepp Wever; Funeraria El Señorial (Corsou). Reconocimentonan: (Ricibi na Venezuela): Boton Honor al Merito “Unica Clase” Museo Militar Villa Zoila. Guardia Nacional de Venezuela; Boton Honor al Merito “Unica Clase” Destacamento de Apoyo II. Guardia Nacional de Velezuela; Placa de reconocimiento

Colegio San Jose De Tarbes; Placa de reconocimiento Cuerpos de Bomberos del Este; Placa de reconocimiento Destacamento de Apoyo II. Guardia Nacional de Venezuela. Reconocimentonan (Ricibi na Aruba): Placa di reconocimento Comicion Aña di La Reina, Dakota; Placa di reconocimento New Leadership Award “Spiritual Guidance” (Partido AVP). Desde 8 di Maart 2018 Pastor Jairo ta Director Spiritual di Misioneros di Jesus Aruba. Y ta Fundador Neil Velez mes a profetisa dia 20 di Februari 2018 cu den e comunidad MDJ Aruba cosnan nobo ta bay pasa y cu Dios ta bay trece hendenan nobo yena cu Spirito Santo y cu, ta bay motiva otronan. Alabes ta prueba cu hopi caba cu a confesa cerca Pastor Jairo a haya nan sanacion y liberacion. INVITACION: Dianan: 25 – 26 – 27 di Mei 2018 ta bay tin un Congreso di sanacion y liberacion cu Predicador di Colombia Pastor Marcelino Hudgson y Pastor Jairo Maduro di Aruba. Lugar: na Centro San Martin, Santa Cruz. Diabierna ta di: 07:00 p.m. – 10:00 p.m. Diasabra y diadomingo ta di: 10:00 a.m. – 04:00 p.m. Riba e tres dianan aki e entrada ta unicamente 10,= florin pa dia. Carchinan ta obtenibel cerca Nayo Schoop na: 730-2055 of bishita e pagina di Facebook di Misioneros de Jesus Aruba. Cupo ta limita! Busca bo sanacion y liberacion. Hesus ta warda bo!

Pagina 32

Diarazon 23 Mei 2018

BENNY NISBET DI PPA:

‘ARUBA A CUMINSA SINTI E ‘AVENTURA’ ROND DI CITGO/ PDVSA DEN CUAL NOS A HINCA NOS MES!’

PPA ta e unico organizacion politico cu a cuestiona un acuerdo entre Aruba cu CITGO/PDVSA severamente !! Na prome lugar ora nos a splica cu locual ta bay wordo habri lo NO ta un refineria pero un Upgrader…… hopi tabata e gritonan encontra di nos ponencia…. cu PPA/Benny Nisbet simplemente NO sa unda su cara ta para. Cu tempo silenciosamente hopi pa no bisa tur a acepta cu PPA/Benny Nisbet tabata tin razon !! Pero PPA a bay mas leu splicando cu un Upgrader ta hopi otro cu un refineria !! Un refineria ta produci producto for di crudo … un Upgrader ta upgrade p.e. lodo pisa cu no ta ‘vloeibaar’ y haci’e ‘vloeibaar’. Un refineria ta laga 5% di waste un Upgrader ta laga 30% di waste y consecuentemente hopi mas maleza !! PPA tambe a mustra riba e crisis financiero cu PDVSA, doño di Citgo Petroleum lo ta den ….. pero NI gabinete Mike Eman (AVP) Ni e oposicion oficial di Aruba e tempo ey esta MEP NO a preocupa 19 for di 21 miembro di parlamento di Aruba a vota pa Aruba firma e acuerdo cu e tempo ey masha poco di su contenido tabata conoci. Diripiente Gobierno di Aruba a viaha pa Venezuela unda dilanti di Presidente N. Maduro y representacion di PDVSA Gobierno di Aruba a firma E ACUERDO oficial cu CITGO

Aruba NV, CITGO ARUBA Holding y REFINERIA DI ARUBA tur esaki na 2016. Hincando Aruba oficialmente den locual lo bira e ‘aventura’ di mas cruel cu Aruba lo pasa den pa e proximo 15 pa 25 aña. Tambe ta vale la pena pa recorda cu dia cu PDVSA/CITGO HOLDING, CITGO ARUBA Y REFINERIA DI ARUBA a firma na Venezuela, CITGO PETROLEUM na Houston Merca a pone un declaracion riba su webpage splicando cu nan NO ta inversionista den e acuerdo aki…… nan ta solamente un consultant operacional/technico. Mientras tanto nos ta 2 aña mas leu, Aruba tin un gobierno nobo cu ta forma grandemente pa e oposicion official di MEP cu tambe a vota PRO y hasta a pretende cu ta nan a logra cu Venezuela/PDVSA tabata dispuesto di firma cu Aruba. 1. CITGO ta un 15 luna atrasa den ehecucion di e contrato pa e.o. inverti un 750 miyon dollar den e x - refineria cu lo mester worde ‘transforma’ den un UPGRADER. ( 9 luna durante aña 2017 y casi 6 luna durante 2018) e asina yama ‘slowdown’ etc. Gobierno di Aruba ta tratando cu CITGO PETROLEUM como sifuera cu nan ta doño/inversionista lubidando cu ta solamente consultant operacional/Technico nan ta. 1. Mientras tanto Aruba ta pasando awor door di e proceso di CONOCOPHILLIPS cu ta

buscando pa pone embargo/beslag riba tur cos cu ta juridicamente di PDVSA cu lo ta debe nan bastante billion dollar. 2. Mester anota cu tin varios otro compania cu a worde perjudica door di e nacionalisacion cu a tuma lugar bao x president Chavez q.e.p.d. y cu awor e companianan aki a gana nan caso y tin derecho pa cobra locual PDVSA debenan. Cu otro palabra tin varios otro compania cu lo purba pone embargo riba posibel propiedad di PDVSA na Aruba den futuro cual lo crea hopi mas problema pa nos Isla. 3. Awor derrepiente tin sabionan ta hasi e pregunta si realmente PDVSA lo ta parti di e acuerdo firma na Venezuela !! Pakiko a biaha bai Venezuela firma dilanti Presidente Maduro y PDVSA anto ?? Manera PPA a bisa e firmamento di un contract cu e companianan cu ta cay directamente of indirectamente bow di PDVSA/ Venezuela tabata un eror sumamente grandi. Na prome lugar e contenido di e contract ta uno masha pober pa pais Aruba. Esnan cu sa e situacion na Venezuela y e necesidad cu Venezuela tin pa Upgraders lo comprende ora nan lesa e contract cu Aruba a worde ‘geschroefd’ seriamente den esaki. Si realmente tanto nos x gobierno como nos x parlamento tabata consciente di e situacion aki Aruba mester a saca hopi pero hopi beneficio for di un contract asina pero en vez di esaki Aruba a salo hopi pober mes pa tur e sacrificio

cu Aruba lo hanja su mes ta hasi durante e proximo 15 pa 25 anja si acaso e ejecucion continua Aruba lo bai carga un Upgrader cu lo laga masha hopi ‘waste’ mes alrededor di 30% di locual worde treci Aruba y e contract bay door. Unda e waste aki esta 30% di e lodo lo bai ….?? Parti lo ta ‘petcoke- y un otro parti lo ta ‘ swafel’. Firmando e contract aki pa un UPGRADER, Aruba cu a pretende di ta un Isla ‘green’ y tabata vocero di e paisnan/islanan chikito den mundo na negosiamento di e acuerdo conoci como e acuerdo di Paris cu a worde firma na New York. Aruba lo manda masha hopi ‘CO2’ den aere den e periodo di 15/25 anja nos dilanti…..esaki lo bira un parti di e ‘aventura’ nos dilanti si acaso e acuerdo lo mester worde ejecuta. PPA ta hanjele notable cu durante e tratamento di presupuesto masha poco pregunta a worde hasi y e tempo dedica na e problematica grandi aki tabata relativamente poco. PPA ta di opinion cu mas informacion mester worde duna na pueblo di e contenido di locual a worde firma y a keda scondi te na e momento aki. PPA lo bin bek riba e topico aki den futuro cercano.

Aruba, 19 Benny Nisbet

di

mei

2018

Secretario General di PPA

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500