Diamars september 8 2026

P1

DIAMARS 8 SEPTEMBER 2026

8 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

EXPLOSION A SPANTA TUR HABITANTE DEN VECINDARIO DI ARUGAS, POLIS Y BOMBERO A MOBILISA RAPIDAMENTE

"E AÑA PARLAMENTARIO 20252026 A SER MARCA PA UN DEFICIENCIA DEMOCRATICO Y FALTA DI TRANSPARENCIA”

CURPA SIN BIDA HAYA NA COSTA DI BACHELOR BEACH NA SAN NICOLAS

P2

A topa cu dama turista sin bida den su camber di hotel J.E.Irausquin Blvd - Diadomingo anochi algo pasa di 9’or polis y ambulance a bay Riu Antillas, unda lo a topa cu un dama turista sin bida.

Tawata diadomingo anochi cu varios polis y dos ambulance a presenta na dicho hotel.

Segun informacion oficial, den un camber a bin topa cu un dama[57] Mericano

sin bida. Eynan pa descarta cualkier crimen a start investigacion.

Na final dokter forensico ta constata cu e dama turista lo a muri di un ataca di curason.

Accidente cu hende herida dilanti Parke Curason na Jaburibari

compronde cu aki ta trata di un accidente unda cu e chauffeur di un Hyundai Accent pa un of otro motibo di distraccion a bay poco na man robes y a dal den banda riba un Mitsubishi Lancer di direccion contrario.

Debi na e impacto algun persona a resulta herida.

Diadomingo atardi a drenta informe di un accidente cu hende herida dilanti Parke Curason

na Jaburibari, mesora a dirigi tanto polis como ambulans na e sitio. Na yegada di e patruya a bin

Na yegada di e ambulans e heridonan no tabata desea atencion cu excepcion di un so cu a ricibi un corta pero ela ser atendi na e sitio me

DIAMARS 8 september 2026

P3

DIAMARS 8 september 2026

CUERPO POLICIAL ARUBA TA INFORMA

A HAYA CURPA SIN BIDA DEN MONDI NA PRIMAVERA Dialuna pa mas o menos 10:49 di mainta central di polis ta wordo notifica cu un persona canando banda di caminda a wak un curpa sin bida den mondi na Primavera.

Polis ta bay na e sitio menciona y ta topa cu un curpa sin bida di un hende homber den estado avansa di descomposicion. Na e sitio di e sucedido ta presenta polis forensico y Docter forensico, Recherche di Oranjestad y slachtofferhulp a presenta.

E persona masculino haya sin bida ta trata di Glen Obispa naci na Aruba cu tin un par di dia perdi y na unda su famia tabata buscando e. Cuerpo Policial Aruba ta manda palabra di condolencia na famia di e fayecido.

Cuerpo Policial Ta Informa

CURPA SIN BIDA HAYA NA COSTA DI BACHELOR BEACH NA SAN NICOLAS

Dialuna pa mas o menos 6:14 di mainta central di polis ta wordo notifica cu na costa di Bachelor Beach pariba di Anker lo a haya un curpa sin bida. Central di polis ta despacha patruya di San Nicolas na e sitio di e sucedido y

demas autoridadnan. Na yegada di e patruya enberdad ta bin topa cu un curpa sin bida band’i costa y den un estado avansa di descomposicion.

Ta trata di un hende homber y su

identidad no ta conoci. Na e sitio a presenta departamento forensico, dokter forensico, departamento di recherche, UMM (Unit Mensenhandel Mensensmokkel) y departemanto di slachtofferhulp.

Caso ta bao investigacion.

Departamento di Brandweer tambe a presenta pa asina duna un man na polis. Cuerpo Policial Aruba ta pidi pa esun cu sa algo of a wak algo pa yama e tiplijn di polis cu ta 11141. Bo ta keda anonimo. ‎<This message was edited>

P4

DIAMARS 8 september 2026

Hoben chauffeur pa no dal tras di auto a desvia y a bay dal fuertemente riba un troncon y resulta herida!

Dialuna mainta a drenta informe di un accidente cu hende herida riba L.G. Smith Blvd, mesora a dcigi tanto polis como ambulans

na e sitio.

Na yegada di TRS a bin compronde cu un hoben chauffeur pa no bay dal

den otro auto lo a baha caminda, dal na acera y na final dal riba troncon di un mata unda despues di esaki esaki a sigui core pero den area di boulevard banda di ex-Bushiri hotel

esaki a para avisa su famia Esaki na su turno a avisa TRS. TRS a avisa polis, na yegada di polis mester a pidi ambulans mirando un rato e hoben tras stuur tabata perde conocemento

y papia poco bruha> Na yegada di e ambulans a controla y a haya cu ta miho pa hiba e victima hospital pa control mas extenso debi na e impacto fuerte.

Reserva di divisa netto a baha Resumen di e relato mensual di juli 2026 Desaroyo monetario Den luna di juli 2026, e cantidad di placa den circulacion a baha cu Afl. 201,9 miyon te na Afl. 7.520,9 miyon, compara cu juni 2026.

Esaki a resulta for di un bahada den e reserva di divisa netto (-Afl. 224,7 miyon) y un subida den e activo domestico netto (+Afl 22,8 miyon).

E desaroyo den e activo domestico netto a wordo causa pa un subida den credito domestico (+Afl. 49,6 miyon) y un bahada den transaccionnan no relata na credito (-Afl. 26,8 miyon). E subida den credito domestico a resulta for di mas credito bancario na e sector priva (+Afl. 56,6 miyon) y menos credito bancario netto na e sector publico (-Afl. 7,0 miyon).

E expansion den credito bancario na e sector priva a resulta for di mas credito na empresa (+Afl. 30,8 miyon), hipoteca pa vivienda (+Afl. 14,9 miyon), y credito na consumidor (+Afl. 10,8 miyon). E bahada den credito bancario netto na e sector publico ta wordo atribui na mas deposito di gobierno (+Afl. 7,1 miyon).

Inflation E nivel general di prijs, cu ta wordo midi door di e indice di prijs di consumo, a registra un subida di 2,2% den e luna di juli 2026 compara cu juli 2025.

E contribuyente principal na e aumento aki tabata e categoria “Transporte”. Pa loke ta trata e promedio anual di e tasa di inflacion, esaki a registra 0,7%

na juli 2026, compara cu 0,5% na maart 2023.

Entrada di Gobierno Entrada total di gobierno a suma Afl. 139,5 miyon na juli 2026, cual ta Afl. 5,5 miyon mas cu e mesun luna di e aña anterior. Esaki a resulta for di un subida den entrada di impuesto (+Afl. 10,2 miyon) y un bahada den entrada no relata na impuesto (-Afl. 4,7 miyon).

E aumento den entrada di impuesto a wordo causa principalmente pa mas entrada for di impuesto riba e asina yama “transfer tax” (+Afl. 4,4 miyon), e asina yama “turnover tax” (B.B.O./B.A.V.P.) (+Afl. 3,1 miyon), y impuesto riba propiedad (+Afl. 2,2 miyon). Di otro banda, entrada for di accijns riba gasolin (-Afl. 2,3 miyon) a baha.

Turismo Na juli 2026, e cantidad di turista a registra 160.858 turista, cual ta 18.954 mas bishitante (+13,4%) compara cu na juli 2025. E mercadonan Latino Americano, Norte Americano, y mercado Europeo a crece cu 10.614 bishitante (+44,1%), 7.783 bishitante (+7,2%), y 495 bishitante (+7,9%), espectivamente.

E relato mensual completo ta disponibel ariba website di BCA www.cbaruba.org Banco Central september 2026

di

Aruba3

P5

DIAMARS 8 september 2026

Shailiny Tromp-Lee:

"E aña parlamentario 2025-2026 a ser marca pa un deficiencia democratico y falta di transparencia” ORANJESTAD — Na momento cu e aña parlamentario 2025-2026 ta yega na su fin, Parlamentario di Fraccion di MEP y Presidente di e Comision di Finansas, Organisacion Gubernamental, Cultura y Deporte (CFOCS), drs.

Shailiny Tromp-Lee, ta expresa su profundo decepcion cu e manera cu e control parlamentario y e trabou di e comision cu e ta lidera a keda seriamente obstaculisa e aña aki.

Segun Tromp-Lee, e overzicht di e trabou parlamentario di e aña cu a pasa no ta un simpel documento di estadistica, sino un refleho preocupa di e funcionamento di nos sistema constitucional.

Maske cu e Comision di Finansas (CFOCS) cu e ta presidi tabata e comision mas activo y a organisa 15 reunion. Tromp-Lee ta indica cu e por a haci hopi mas pero den su trabou a keda topa cu muraya di desinteres y falta di cooperacion di parti di e mandatarionan.

Ministernan ta ignora Cas di Pueblo “E ta inacceptabel pa mira cu ministernan ta scoge pa no presenta ora nan wordo yama pa comision, of ta uza excusa cu departamentonan nos por bin pasobra nan ta 'too busy' pa bin rindi cuenta na Parlamento,” Tromp-Lee a duna di conoce.

“Nos no por acepta cu ta trata e reunionnan di Parlamento como si fuera nan no tin prioridad. E falta di respet aki pa parlamento door di e ministernan aki tin cu

stop.”

Si nos añadi e cifranan oficial di Parlamento pa e aña parlamentario aki, ta mustra un patronchi di silencio y boycot contra e derecho di control di e oposicion: • Reunionnan Publico den lachi: Di e 29 reunion publico cu a wordo pidi formalmente pa debati temanan crucial pa e pais aki, solamente 11 reunion a keda yama.

Mas di e mitar di e peticionnan a keda hinca den lachi.

• Vragenuur rechasa: Di e 8 Vragenuur cu a wordo solicita pa exigi cuenta di e ministernan, 2 so a wordo honra.

• Preguntanan por escrito ignora: Di e mas cu 4,500 pregunta cu Parlamento a manda pa Gobierno, e ministernan a scoge pa ignora mas cu 2,600 di nan (mas cu 56%). Solamente despues

di un carta di recordatorio di e Presidente di Parlamento , algun minister a core manda contesta cu nan tabatin di aña pasa.

Un apelacion radical

pa

cambio

Tromp-Lee ta enfatisa cu e actitud aki ta debilita e legitimidad di e Cas di Pueblo. “Democracia no ta e simpel hecho cu 12 voto ta mas cu 9. Democracia ta nifica tene debate, ta transparente y respeta e derecho di e pueblo pa via di nan representantenan.

Un Parlamento cu no ta debati topiconan crucial, manera HOFA y e mocion unanime riba e desaroyo energetico y petrolero cu Gobierno ta simplemente ignora, ta un Parlamento cu ta perde su funcion primordial”.

Na final, e Parlamentario di MEP a haci un apelacion urgente pa e aña parlamentario cu ta drenta: 1.

Mester cuminsa respeta e peticionnan y e rol di e fraccionnan di oposicion.

2.

Ministernan mester respeta nos Staatsregeling, nan mester contesta preguntanan na tempo y cumpli estricto cu e codigo di conducta y e ley di integridad.

3.

Mester duna balor na e trabou di e comisionnan y premia e debate democratico, en bes di paralisa esaki.

“Aruba merece un democracia bibo, transparente y husto. Como fraccion di MEP nos lo no keda keto y nos lo sigui vocifera y exigi e cambio cu e pais aki merece,” Tromp-Lee a conclui.

P6

DIAMARS 8 september 2026

Fraccion di MEP:

Un parlamento cu no ta haci su trabou y un oposicion cu nunca a stop di purba Awe e zittingsjaar 2025-2026 di Parlamento di Aruba a cera oficialmente. E cifranan oficial ta conta un historia cu pueblo di Aruba tambe a biba: un parlamento cu a faya’bo.

Un parlamento cu su comisionnan no ta reuni no ta controla gastonan di gobierno. No ta proteha pueblo.

No ta investiga y cuestiona decisionnan gubernamental. No ta haci su trabou.

62% di e reunionnan publico cu a keda pidi oficalmente no a wordo yama. 75% di e vragenuurnan, e herment mas basico cu un parlementario tin pa puntra gobierno, no a wordo yama. Di cada 10 pregunta por escrito haci na gobierno, 6 a keda sin contesta.

Ta con un parlamento por controla

y percura pa transparencia asina aki?

Presidente di Parlamento tin e autoridad pa yama reunion. E tin e responsabilidad pa percura cu e organo constitucional cu e ta dirigi ta funciona. Na lugar di esey, el a scoge sistematicamente pa no yama reunion, pa laga e hermentnan di control parlamentario keda bashi. Esaki no ta un fayo tecnico.

Esaki ta un escogencia politico consciente pa proteha un gobierno cu no kier wordo controla.

a uza cada herment parlamentario disponibel pa obliga Gobierno brinda abo e transparencia cu bo merece. MEP a exigi accountability for di Gobierno. No pa pret, pero paso esaki ta e trabou di un parlamento den su totalidad.

Prijs cu pueblo ta paga

E resultado ta visibel. E comision bao liderazgo di colega Shailiny Tromp-Lee — esta comision di Financiën— tabata e mas activo di tur Staten den e aña completo cu 15 reunion total. Pasobra ora e mayoria ta scoge pa keda keto y no haci nan trabou, oposicion ta scoge pa sigui traha.

Awe e pueblo ta sinti tur e consecuencianan.

Decisionnan tuma sin consulta. Trahadornan sin proteccion. Ministernan cu ta ignora e ley. Un gobierno cu ta opera sin e control cu democracia ta exigi. E estado di derecho ta na peliger ora e institucionnan cu mester controla e poder ta scoge deliberadamente pa no funciona.

Esaki ta loke e cifranan oficial di e zittingsjaar 2025-2026 ta confirma.

Pero MEP no por haci e trabou di Parlamento su so. Un parlamento ta un organo colectivo. Si e Presidente ta blokia e funcionamento di e institucion, si e mayoria ta vota sistematicamente pa proteha gobierno enbes di control’e, e

MEP lo sigui cana tur caminda necesario, den parlamento, den corte, y si mester, na nivel di Reino.

Pasobra pueblo di Aruba merece mas cu un parlamento plat.

Mientras esey tabata pasando, MEP no a para.

MEP a haci miles di pregunta por escrito. MEP pidi reunion tras di reunion. MEP a manda carta tras di carta, tanto na ministernan, na e Presidente di Parlamento, como tambe na Gobernador. Nos

resultado ta un democracia cu ta faya su pueblo.

SETAR: Orguyoso di contribui na e Student Development Fund di Universidad di Aruba pa di 5 aña consecutivo SETAR tabata presente na Universidad di Aruba durante e ceremonia di Student Ambassador Award pa haci entrega di un check simbolico. E aña aki ta un ocasion special, unda cu SETAR ta contribui pa di cinco aña consecutivo cu AWG 10.000 na e Student Development Fund di Universidad di Aruba.

Un fondo cu durante e añanan a wordo uza pa yuda studiantenan di Universidad di Aruba cu

sosten financiero pa, entre otro, cubri costonan relata na estudio, vivienda of stage den exterior como tambe fondo pa bishita congreso of pa desaroyo di entrepreneurship.

Pa SETAR, inverti den educacion ta un parti esencial di contribui na un Aruba mas fuerte y prepara pa futuro. Nos ta orguyoso di por apoya nos studiantenan den nan desaroyo academico y profesional, y di continua fortalece

e partnership entre SETAR y Universidad di Aruba.

P7

DIAMARS 8 september 2026

HPV awor pa mucha muher y mucha homber

Vacuna contra HPV ta proteha contra cancer den futuro ORANJESTAD-07 september 2026- Durante e Campaña Nacional di Vacunacion Escolar 2026-2027, seccion Jeugdgezondheidszorg (JGZ) di Directie Volksgezondheid (DVG) ta ofrece vacuna contra HPV na mucha muher y, cuminsando e aña aki, tambe na mucha homber den klas 6.

penis y mas.

HPV, papiloma virus humano, ta un virus hopi comun cu por causa diferente tipo di cancer mas laat den bida. Tanto hende muher como hende homber por haya e virus y por desaroya cancer relaciona cu HPV.

Vacuna contra HPV ta un oportunidad pa proteha nos muchanan awe contra cancer den futuro.

E vacuna ta wordo ofreci na un edad tempran pasobra e ta brinda e miho proteccion prome cu un persona wordo exponi na e virus.

Vacunando tanto mucha muher como mucha homber, Aruba ta amplia e proteccion contra HPV y ta contribui na prevencion di diferente tipo di cancer den nos poblacion manera entre otro cancer na boca di matris, cancer den boca y garganta, cancer na

Promer cu vacunacion, mayor of representante legal ta ricibi informacion y un formulario di permiso. Sin permiso, JGZ no ta administra e vacuna.

Pa pregunta of mas informacion, tuma contacto cu seccion JGZ na 522-4200.

Bo Salud, Nos Prioridad

Pa mas informacion, like nos Facebook page Directie Volksgezondheid DVG Aruba, follow nos riba Instagram directie_volksgezondheid_aruba, sigui nos den WhatsApp Channel, ricibi tur informacion den Aruba Health App, bishita www.dvg.aw, yama 5224200 of manda email na servicio@dvg.aw

Explosion a spanta tur habitante den vecindario di Arugas, polis y bombero a mobilisa rapidamente Diadomingo atardi laat a drenta informe di un explosion na Arugas na Barcadera, mesora a dirigi tanto polis como bomberonan na e sitio. Na yegada di e patruyanan y bombero pa mas seguridad den e area a sera e area y no tabata laga hendenan yega cerca. Loke a pasa ta cu Arugus ta haciendo mantencion

y e aire cu tabata sali di e tanki grandi nan ey tabata asina duro cu a kere cu ta fluho di gas. Por a compronde cu tabata trata di mantencion segun Arugas .

Caminda ta habri caba y tur cos ta sigi normal. Dus habitantenan a yama central di polis pensando ta explocion.

P8

DIAMARS 8 september 2026

Aruba Bank a yuda clientenan “Tuma e Prome Paso”

Oranjestad, Aruba – 7 di september 2026 - Aruba Bank a conclui oficialmente su Campaña di Hipoteca 2026, “Bo Cas, Tuma e Prome Paso Awe!”, dia 31 di juli 2026, cerando un periodo dedica na inspira, informa y guia comunidad di Aruba rumbo na e meta di tin nan propio cas.

Durante e campaña, Aruba Bank a pone enfasis riba guia personalisa y informacion, cu Mortgage Advisors dedica disponible na su sucursalnan pa acompaña cliente paso pa paso durante e proceso di hipoteca. E campaña a inclui termino di prestamo te cu 30 aña*, y interes competitivo*.

Un di e iniciativanan special di e campaña tabata “Bo Cas - Info Session”, crea pa futuro propietario cu kier orienta nan mes prome cu tuma e prome of siguiente paso.

Durante e sesion, participantenan a

ricibi informacion practico tocante e proceso di hipoteca, rekistonan y diferente opcionnan disponibel, cu aporte di experto nan den e ramo di hipoteca, seguro, y notario.

Pa clausura e campaña, Aruba Bank a eligi ganadornan entre cliente nan cu a firma nan hipoteca durante e periodo di campaña. E siguiente personanan ta e e feliz ganadornan: Nina van Romondt, ganadora di AWG 15,000.-, y Jozemar Tromp, ganador di AWG 10,000.-. Aruba Bank ta felicita e ganadornan, no solamente cu nan premio, pero especialmente cu e logro importante di bira propietario di nan propio cas.

Nos ta desea nan hopi felicidad y recuerdo bunita den nan hogar.

Cu e conclusion di “Bo Cas 2026”, Aruba Bank ta gradici tur cliente cu a pone nan confianza den e banco durante un di e decisionnan

financiero di mas importante den nan bida. Un danki special ta bai tambe na tur Mortgage Advisors, colega nan y partnernan cu a contribui na e campaña y na guia di futuro propietario nan.

E campaña a termina, pero e

caminda pa bo propio cas por cuminsa cualkier momento. Aruba Bank su Mortgage Advisors ta sigui disponibel na Camacuri, Hato y San Nicolas pa informa, guia y yuda cliente nan tuma e prome paso rumbo na nan propio cas. Bo Cas, Tuma e Prome Paso Awe!

P9

DIAMARS 8 DI SEPTEMBER 2026

Fundacion Educar pa Transformar ta hiba formacion y bienestar na CasMarie

Savaneta, Aruba | 7 di September 2026 — Cu e proposito pa transforma conocemento den un herment pa sirbi comunidad, Fundacion Educar pa Transformar a realisa diasabra 8 di augustus un actividad social na CasMarie, caminda un grupo di participantenan y voluntarionan a ofrece facial gratis pa e clientenan di e centro.

E actividad tabata un oportunidad pa e voluntarionan pone na practica e conocementonan y habilidadnan cu nan a ricibi durante nan proceso di formacion, mientras cu nan tabata brinda e clientenan un momento di cuido, relaxacion y bienestar.

Mas cu solamente e tratamentonan facial, e momento tabata yena di sonrisa, conversacion y momento di cercania.

Pa e voluntarionan, e actividad tabata tambe un experiencia importante, pasobra nan por a mira di cerca con un habilidad cu nan a siña por bira un manera concreto pa aporta na bienestar di otro hende.

Pa Fundacion Educar pa Transformar, actividadnan manera esaki ta forma parti di un vision di educacion cu ta bai mas leu cu solamente siña conocementonan tecnico. E fundacion kier cu hende por desaroya habilidadnan cu ta permiti nan crea oportunidadnan, prepara nan mes pa genera entrada y na mes momento, contribui

positivamente comunidad.

na

nan

“Nos ta kere cu educacion tin un impacto mucho mas grandi ora loke nos siña tambe nos ta pone na servicio di otro hende.

E actividad aki a duna nos voluntarionan e oportunidad pa comparti nan conocemento, gana experiencia y principalmente sinti e balor di sirbi comunidad,” a expresa un miembro di directiva di Fundacion Educar pa Transformar.

Fundacion Educar pa Transformar ta expresa su danki special na CasMarie pa habri nan porta y haci e actividad aki posibel y tambe na tur e participantenan y voluntarionan cu a dedica nan tempo, conocemento y energia pa haci e

momento aki un realidad.

E iniciativa aki ta un refleho di e compromiso di Fundacion Educar pa Transformar pa sigui crea espacio caminda formacion, servicio na comunidad y desaroyo personal y profesional por bai man den man.Como parti di su compromiso pa sigui ofreciendo oportunidadnan di desaroyo y formacion, Fundacion Educar pa Transformar ta anuncia cu e proximo cursonan gratis ta cuminsa dia 9 di september 2026. Entre e cursonan cu ta ofrece tin Masahe Relahante, Facial

Basico y Emprendemento, entre otro.

Esnan interesa pa participa y amplia nan conocementonan por registra via e website di Fundacion Educar pa Transformar: www. fundacionfet.org, of contact e fundacion via WhatsApp na +297 6412966. E cursonan ta gratis y ta forma parti di e esfuerso di e fundacion pa crea mas oportunidadnan pa hende den comunidad por siña, desaroya nan habilidadnan y transforma nan conocemento den oportunidadnan pa nan futuro.

P 10

DIAMARS 8 DI SEPTEMBER 2026

Tire a rementa den careda y chauffeur a perde control bay dal vangrails resultando herida

Diadomingo mainta a drenta informe di un accidente cu hende herida riba e Green Corridor banda di Hyatt Place, mesora a dirigi tanto polis como ambulans na e sitio.

Na yegada di e patruya a bin compronde cu e tire di un Honda Fit a rementa riba caminda pone e

chauffeur perde control bay dal e vangrails banda panort di caminda lanta esaki schuif bay pabao mas o menos 30 meter bao di esaki.

Debi na e impacto e chauffeur a resulta herida.

Na yegada di e ambulans nan a atende e victima y a

Aruba Bank a sostene Arubaanse Padvindsters Gilde (APG) cu un set nobo di drum Oranjestad – 07 di september 2026 - Aruba Bank ta orguyoso di a haci un contribucion na Arubaanse Padvindsters Gilde (APG), cu un set di drum completo y nobo.

Cu e apoyo aki, Aruba Bank ta contribui na e desaroyo y crecimiento di e grupo, y na nan

capacidad pa sigui trece alegria, energia y orguyo na nan presentacionnan den comunidad.

Nan ta kere den e importancia di apoya nos hobenan y iniciativa nan cu ta promove disciplina, teamwork, talento y participacion den comunidad. Nos ta

contento cu e contribucion aki por haci un diferencia den e experiencia di e miembronan di Arubaanse Padvindsters Gilde.

Aruba Bank ta expresa su sincero gratitud na Arubaanse Padvindsters Gilde pa e oportunidad pa forma parti di e momento special aki y ta desea e

grupo hopi exito cu nan

drumnan nobo.

P 11

DIAMARS 8 DI SEPTEMBER 2026

MEP:

MENTIRANAN DI BABA HERDÉ

Siman pasa, despues di hopi insistencia, e tour operatornan a logra reuni cu dos minister, Herdé y Cicilia.

Algo cu e tour operatornan a purba pa casi 3 luna, pero sin resultado. Den e reunion cu esun minister, nan ta punta dede riba e otro minister. Ningun minister sa kico pa haci. Y esun na cabes mes, e minister president a keda scondi pa nan.

Loke e dos ministernan Herdé y Cicilia a declara despues di e reunion, tabata puro mentira.

Esun cu a resalta tabata minister Herdé di Infrastructura. Ora un minister ta recuri na mentira ora e ta bou di presion, e no ta un persona di confia. Aki algun di e mentiranan “for the record”.

•gobierno anterior a cera e caminda: ningun dia e gobierno anterior a cera un caminda. Al contrario a bay mesa pa dialoga pa yega na un sistema cu ta tene cuenta cu tur interes, te dia gobierno a cay. E gobierno cu a bin despues nunca no a haci nada •no ta gobierno a cera e caminda, ta abogado a cera e caminda: ningun abogado por cera un caminda na Aruba. Ta gobierno a duna instruccion na DOW pa cera e caminda.

•mester a cera e caminda riba orden di hues: no ta existi orden di hues •nos ta trahando riba solucion: no ta berdad, a warda 50 dia despues cu e caso a cuminsa, y cu tour operators a core tras di gobierno sin resultado, pa papia cu tour operators un biaha, despues di hopi presion •ley di ROPV ta obliga pa cera e caminda: no ta berdad, riba e mapa di ROPV e camindanan ta pinta

•gobierno anterior a dicidi cu e sector aki mester stop di existi na 2030: no ta berdad, al contrario tur decision di gobierno anterior ta pa e sector aki por funciona duradero y structural E posicion di partido MEP ta cu mester

bin un balans den dialogo. Esey ta locual e gobiernonan di MEP a entama. E gobierno nobo mester a finalisa e proceso, pero a scohe pa no haci nada, te awor cu e situacion a escala.

Aruba mester di un gobierno cu curashi, vision y determinacion

P 12 Awe, Banco Central di Aruba (BCA) a publica su “Economic Outlook” di mas recien. E publicacion aki ta contene proyeccionnan economico riba termino corto (2026-2027) y termino medio (2028-2030).

Economia di Aruba a crece cu 6,3% den 2025, y ta proyecta di modera na 3,7% den 2026 y 2,3% den 2027. Den 2026, consumo di hogar, sosteni pa stimulo fiscal y crecemento den empleo, probablemente lo sostene crecemento economico.

Sinembargo, e mercado di trabou preta ta sugeri cu empresanan por depende mas y mas riba labor importa. Turismo tambe lo contribui na crecemento economico, empuha pa un aumento premira den bishitante. Den 2027, un crecemento mas lento premira den consumo di hogar y turismo lo pisa mas cu un aumento den inversion, resultando den un desaceleracion di crecemento economico.

DIAMARS 8 DI SEPTEMBER 2026

CRECEMENTO ECONOMICO MODERA PA ARUBA DEN E AÑANAN BINIDERO Inflacion probablemente lo acelera for di 0,1% den 2025 pa 2,4% den 2026. E aceleracion aki ta resulta di e tensionnan geopolitico den Medio Oriente, cu lo hisa prijs internacional di petroleo.

Consecuentemente, costo di combustible y transporte ta subi, contribuyendo na prijs di gasolin mas halto. Ademas, importacion ta bira mas caro, agregando mas presion inflacionario.

Segun

BIOGRAFIA DI RACHELLE LUE-GOEDGEDRAG y conecta cu e personahenan.

Den su storianan, e ta combina su interes pa psicologia cu su amor pa nos idioma Papiamento, creando suspenso cu ta tene e lesado curioso pa sa kico lo pasa despues.

Su pasion pa skirbi a cuminsa door di hunga cu palabra y crea poesia, cu pocopoco a crece bira storia y despues novela. Den su storianan, e ta duna bida na emocion, relacion y situacionnan cu hende por reconoce. Su manera di skirbi ta facil y natural, cu dialogonan cu ta zona manera nos ta papia cu otro na Aruba.

Rachelle Lue-Goedgedrag ta un autor Arubiano cu ta encanta skirbi storia cu ta laga e lesado drenta den un mundo yena di aventura, sinti diferente emocion

Cu su prome buki, Louella, Rachelle a haci su prome paso den mundo literario na 2024. E novela a capta hopi atencion y a laga hopi lesado curioso pa mas.

cu prijs di petroleo lo baha bek gradualmente, inflacion lo reduci y yega 1,4% den 2027, aunke prijs di cuminda y productonan no relata na energia lo sigui empuha inflacion.

Mirando e incertidumbre den mercado di energia, e “Economic Outlook” aki tambe ta considera un scenario desfaborabel di prijs halto di petroleo te fin di 2027.

Despues a sigui Y ami awo?, su prome buki pa mucha, na 2026.

Cu e buki aki, Rachelle kier pone enfasis riba importancia di cuida nos naturalesa y bestianan, y concientisa grandi y chikito di e rol cu nos tin den esaki.

Banda di ta autor, Rachelle ta docente di psicologia, Decano Central, PR y ta forma parti di International Affairs di Colegio EPI na Aruba. Tambe e ta fundador di Fundacion Conecta y Briya, cu ta crea oportunidad pa trece hende hunto pa medio di buki, proyectonan e d u c a t i v o , actividadnan social y competencia di puzzel.

Rachelle ta casa cu Naviel y ta mama orguyoso di tres yiu

Den e scenario aki, e impacto economico ta limita den 2026, pero ta bira mas pronuncia den 2027, cu crecemento di Producto Domestico Bruto (GDP) real bahando pa 0,4% y inflacion subiendo pa 4,9%. Prijsnan mas halto ta reduci e poder di compra di hogarnan y ta mengua actividad economico.

Pa e termino medio, BCA ta proyecta cu crecemento lo modera gradualmente, yegando 2,1% den 2028, 1,7% den 2029, y 1,0% den 2030. Sinembargo, e proyeccion ta keda suheto na riesgonan importante, incluyendo desaroyo den demanda turistico, prijs di energia, disponibilidad di labor, implementacion di inversion, politica fiscal, y condicionnan economico y geopolitico global.

E publicacion completo ta disponibel riba e website di BCA: https://www.cbaruba.org/ document/economic-outlook.

homber, Jaythro, Xavier y Gian, kende cu nan curiosidad, fantasia y manera di mira mundo ta sigui inspira su creatividad tur dia.

P 13

DIAMARS 8 DI SEPTEMBER 2026

Bida un tempo na Boegoeroei BIDA UN TEMPO NA BOEGOEROEI”: E MEMORIANAN DI SEÑOR VIVIENNO FRANK Sr.

Tanki Flip – E conocido autor di e ya famoso buki ‘Aruba en een keuze uit haar toponiemen’, e guia cu splicacion dje origen di nomber di casi 300 luga aki na Aruba, esta señor Vivienno Frank Sr., tin un otro interesante publicacion nobo riba mercado cu titulo “Bida un tempo na Boegoeroei’, y sub-titulo ‘Recuerdonan di un Era Perdi’.Ta trata di memorianan di sr. Vivienno Frank Sr., ex-director di Departamento di Dienst Landmeetkunde en Vastgoedregistratie (DLV), desde su era di infancia den cuminsamento di añanan 30 na Boegoeroei te cu e aña cu e famia a muda bay biba na Playa na 1945, despues cu Segunda Guera Mundial a termina.

Un impresionante coleccion di hopi factor diario di bida cotidiano na Boegoeroei tempo cu e bario tabata existi di gran cantidad di cunucu cu plantacion, y algun cas di famia aki aya. Manera e sub-titulo dje buki ta

indica, un epoca cu en berdad no lo bin bek.

Ta manera e proverbio Africano ta bisa: “e fayecimento di un anciano ta manera kimamento di un libreria”; e meta principal dje obra aki p’esey ta pa por lo menos un eco keda resona di con bida na Boegoeroei, y Aruba en general, tabata casi 100 aña pasa.

Con e bario di Boegoeroei tabata hinca den otro den antaño? Si bo bira malo den un epoca sin dokter of antibiotica, ta ken y con ta scapa bo? Con e bida religioso en general tabata e tempo ey? Pasco di Nacemento, con e tabata wordo celebra? Den un comunidad Catolico, con relacion cu iglesia y pastoor tabata si bo ta miembro di iglesia Protestant? Ora un hende fayece, con su entiero ta ser ehecuta? Kico bay scol kiermen e tempo ey? E añanan di Segunda Guera Mundial, con nan tabata?

Con ta abastece cuminda?

Con tabata casa cu otro?

Bo sa kico ta Kalmeki?

Bo sa con tabata jaag pa haya cos di come? Kico tin tras di e sucesonan siniestro n’e cunucu di Mata Cuater? Con bida di un padvinder tabata e tempo ey? Kico ta consisti e trabou duro cu aloe; con piscamento tabata hinca den otro; kico celebracion di aña di La Reina tabata

nifica na Boegoeroei?

Esakinan y hopi mas ta ser describi den recuerdonan personal di sr. Vivienno Frank Sr. “Bida un Tempo Na Boegoeroei” ta un berdadero ‘eye opener’ pa hopi mucha jong con bida tabata den un epoca sin WIFI, internet, whatsapp, y caminda “social media” tabata e “noticianan” cu bisiñanan ta fluister otro prome cu bay drumi. Un epoca di drumi atardi cu galiña, lanta mainta cu gay. Un epoca cu no lo bolbe bek.

P 14

DIAMARS 8 DI SEPTEMBER 2026

Grupo di Betico wordt ambassadeur van Fundashon Ultimo Deseo Aruba (FUDA) Fundashon Ultimo Deseo Aruba (FUDA) heeft bijzonder nieuws te delen: Grupo di Betico, een van de bekende en geliefde Arubaanse folkloristische muziekgroepen, heeft zich als groep verbonden aan FUDA en wordt daarmee ambassadeur van FUDA. Het gaat om een bijzondere samenwerking, want FUDA mag niet één nieuwe ambassadeur verwelkomen, maar een complete groep met 16 ambassadeurs.

De nieuwe ambassadeurs zijn: Gos Oduber, Jouel Croes, Maikito Croes, Miguel Genser, Dennis Rasmijn, Rudney Lopez, Hemmy Croes, Michael Croes, Papa Maiky Croes, Dennis Oduber, Dino Luidens, Angelo Kock, Ofo Croes, Jaderick Croes, Jeremy Bonarriba en Rendell Silva.

Zij zijn een stukje van het hart van Aruba.

Grupo di Betico werd maar liefst 57 jaar geleden opgericht door Betico Croes en is ontstaan vanuit de prachtige Arubaanse eindejaarstraditie van de Dande.

De groep speelt en zingt traditionele Arubaanse muziek, maar staat ook bekend om het schrijven en brengen van nieuwe,

hedendaagse Arubaanse muziek. Zowel op Aruba als tijdens optredens in het buitenland weet Grupo di Betico mensen samen te brengen en er één groot feest van te maken.

Juist die sterke verbondenheid met de Arubaanse cultuur en gemeenschap maakt deze samenwerking met FUDA zo bijzonder.

FUDA zet zich in voor mensen op Aruba die terminaal ziek en/ of bedlegerig zijn en afhankelijk zijn van ambulancevervoer.

De stichting maakt het mogelijk om hun laatste wensen kosteloos te vervullen.

Om zoveel mogelijk mensen te kunnen helpen, is het belangrijk dat iedere

inwoner van Aruba weet wat FUDA doet en weet dat de stichting er voor hen is.

FUDA verder te vergroten en nog meer mensen op Aruba te bereiken.

“Wij zijn ongelooflijk trots en voelen ons enorm vereerd dat Grupo di Betico zich als groep aan FUDA heeft verbonden,” zegt Renate Raven, Voorzitter van Fundashon Ultimo Deseo Aruba (FUDA) “Dit is voor ons zoveel meer dan alleen een ambassadeurschap. Grupo di Betico vertegenwoordigt een prachtig stuk van Aruba.

Hun muziek, hun geschiedenis en hun verbondenheid met de mensen op ons eiland helpen ons om FUDA bij nog veel meer mensen bekend te maken.”

Want hoe meer mensen weten dat FUDA bestaat, hoe meer wensen er vervuld kunnen worden.

Door de samenwerking hopen FUDA en Grupo di Betico samen de naamsbekendheid van

FUDA heet Grupo di Betico van harte welkom als nieuwe ambassadeurs.

“Wij zijn ontzettend dankbaar voor het vertrouwen dat Grupo di Betico in FUDA heeft en voor hun bereidheid om zich gezamenlijk voor onze stichting en onze doelgroep in te zetten. Wij kijken er enorm naar uit om samen mooie dingen te bereiken voor de mensen hier op Aruba.”Met deze bijzondere samenwerking wil FUDA laten zien dat we samen iets moois kunnen betekenen: niemand zou

zijn of haar (laatste) wens hoeven op te geven omdat ambulancevervoer nodig is.

Fundashon Ultimo Deseo Aruba (FUDA) is een stichting die zich inzet voor terminale en/ of bedlegerige personen die afhankelijk zijn van ambulancevervoer en nog een wens willen vervullen.

FUDA maakt deze wensen kosteloos mogelijk en is volledig afhankelijk van donaties, sponsors, vrijwilligers en de steun van de Arubaanse gemeenschap.

Voor meer informatie en ontwikkelingen kun je FUDA volgen via Facebook: Fundashon Ultimo Deseo Aruba en ook Grupo di Betico is via Facebook te volgen.

P 15

DIAMARS 8 DI SEPTEMBER 2026

FORTALEZA PA FAMIA Scirbi pa Pastor Marcel Balootje.

DESCONFIANSA Y DESHONESTIDAD TA ENEMIGO DI MATRIMONIO No tin nada mas ferfelu y mahos ora cu dos hende ta casa y nan no ta confia otro.

Ningun relacion,no por wordo construi riba desconfiansa, pasobra no tin trankilidad, no tin pas, y bo no sa kico bo por spera.

E enemigo ta contento ora e por sembra desconfiansa den un matrimonio, of ora e pareha mes a habri porta pa desconfiansa drenta.

E ta un situacion hopi laf, pero cu semper tin alternativa cu por yuda drecha e relacion y pone tur cos bek na normalidad.

Pasobra ora desconfiansa drenta e momento ey bo tin cu realisa, si bo ta riba un berdad, of bo ta bao di atake di enemigo cu a bini solamente pa horta , pa mata y pa destrui.

Si bo ta riba un berdad, bo tin cu atende cu sabiduria, pa solucion, y no pa division, pasobra bo tin cu sinja lucha pa locual cu bo tin, y e mihor manera ta pa pone tur cos den man di Dios.

No cuminsa bringa carnal pasobra e asunto ta bira pio, pero cuminsa dobla bo rudia, y pone tur cos den man di Dios y laga Dios bringa pa bo, esaki ta conta pa tanto homber of muher.

Pa cuminsa Proverbionan 6:16-19 ta papia cu Dios ta odia mentira y orguyo, aki nan nos tin di comprende cu prome cu cos cu bo tin cu haci saca mentira for di bo boca, y cuminsa anda cu berdad, pone orguyo un banda y cuminsa cana den humildad asina bo por vence e flecha di e enemigo.

Efesionan 4:25 ta bisa : Pesey poniendo mentira un banda, cada un di boso, papia berdad cu otro, pasobra nos ta miembro di otro.

Genesis 2;24 ta corda nos cu e homber lo bandona cas di su mama y su tata,y lo uni cu su muher y cu nan lo ta un solo carni.

Un solo carni ta ehempel di respet, amor , disiplina, dedicacion, pordon y tolerancia.

Pasobra e base di matrimonio,ta tur locual,nos a menciona.

Colosensenan 3:9 ta bisa no ganja otro, como cu boso a pone un banda e homber bieu y su practica malbado.

Asina den un matrimonio, yega den un estado di desconfiansa, cu un homber tin cu coba den telefon di su muher of e muher tin cu coba den telefon di su homber, e

desconfainsa a avansa y diabel a drenta, y nos tur sa cu diabel no ta cana su so, asina cu un drenta hopi mas ta drenta hunto cune.

Corda bon cu confiansa ta fundeshi di Matrimonio, y mentira y deshonestidad ta kibra e fundeshi.

Berdad ta trece union, mentira ta lanta muraya di division.

Di berdad cu tin hopi tentacion, pero nos mester keda cu wowo fiha riba Cristo Hesus, pa asina nos mente wordo renoba y nos no wordo influencia pa e

Oracion Di Dia

sistema di mundo cu cada dia ta bira mas liberal y ta perdiendo temor di Dios, laga nos keda para riba e boluntad perfecto di Dios, y asina nos ta agradabel den bista di Dios.

Matrimonio ta e cuna di educacion pa famia, ta riba nos matrimonio nos yuinan ta wak, si nos matrimonio ta kibra, nos yiunan lo lanta desanima, cu falta di curashi pa enfrenta bida,

pero ora nos ta percura pa somete nos mes na Dios, nos matrimonio lo ta stabiel, y nos yiunan ta wordo bon alimenta, den desencia, amor, disiplina y berdad, pasobra locual un mucha mira su mayornan ta practica e tambe lo haci mesun cos.

Laga berdad y e amor prevalece, tur momento.

Sinceramente, Marcel Balootje.

Pastor

Un feliz dia y cu Dios bendiciona boso na abundancia.

Stima boso enemigonan, haci bon y fia sin spera nada bek.”Lucas 6,35Un amor cu no ta spera nada bek.Kisas e deseo di mas natural di humanidad ta pa biba un fabor pa un fabor, stima esnan cu ta stima nos, y yuda esnan cu ta yuda nos. Pero Hesus ta reta nos pa kibra e custumber ey. E ta pidi nos pa responde na odio cu amor, na maldicion cu bendicion, y na egoismo cu generosidad.

E ley general cu Hesus ta duna den versiculo 31 ta e clave: "Trata otro hende manera boso kier pa nan trata boso."

Esaki no ta depende di con otro hende ta comporta cu bo, sino di e escogencia cu abo ta haci pa biba den paz y amor. Ora nos stima sin condicion y ta fia sin spera nada bek, nos ta mustra e caracter di Altisimo, kende ta bondadoso hasta cu esnan malagradecido. Na final, e yamada di mas grandi ta un den versiculo 36: "Sea misericordioso, mescos cu boso Tata ta misericordioso.

Oracion: Señor Hesus duna mi e gracia pa por imita Bo y agrada Bo p’asina mi por biba mi bida di acuerdo cu bo boluntad pa medio di Cristo nos Señor.

Amen.

P 16

DIAMARS 8 DI SEPTEMBER 2026

Y AMI AWO? SUDOKU

Publico ta bon bini na e presentacion di un buki nobo pa mucha titula ‘Y ami awo?’ di escritora Rachelle Goedgedrag.

Esaki ta tuma lugar na Biblioteca Nacional Aruba, diabierna dia 11 di september 2026 pa 5or.Rachelle LueGoedgedrag ta un autor Arubiano cu ta encanta skirbi storia cu ta laga e lesado drenta den un mundo yena di aventura, sinti diferente emocion y conecta cu e personahenan. Den su storianan, e ta combina su interes pa psicologia cu su amor pa nos idioma Papiamento, creando suspenso cu ta tene e lesado curioso pa sa kico lo pasa despues.

Su pasion pa skirbi a cuminsa door di hunga cu palabra y crea poesia, cu pocopoco a crece bira storia y despues novela.

Den su storianan, e ta duna bida na emocion, relacion y situacionnan cu hende por reconoce. Su manera di skirbi ta facil y natural, cu dialogonan cu ta zona manera nos ta papia cu otro na Aruba.

Cu su prome buki, ‘Louella’, Rachelle a haci su prome paso den mundo literario na 2024. E novela a capta hopi atencion y a laga hopi lesado curioso pa mas. Despues a sigui Y ami awo?, su prome buki pa mucha, na 2026. Cu e buki aki, Rachelle kier pone enfasis riba importancia di cuida nos naturalesa y bestianan, y concientisa grandi y chikito di e rol cu

Central, PR y ta forma parti di International Affairs di Colegio EPI na Aruba. Tambe e ta fundador di ‘Fundacion Conecta y Briya’, cu ta crea oportunidad pa trece hende hunto pa medio di buki, proyectonan educativo, actividadnan social y competencia di puzzel.

nos tin den esaki.

Banda di ta autor, Rachelle ta docente di psicologia, Decano

Rachelle ta casa cu Naviel y ta mama orguyoso di tres yiu homber, Jaythro, Xavier y Gian, kende cu nan curiosidad, fantasia y manera di mira mundo ta sigui inspira su creatividad tur dia.