Issuu

DIAMARS 29 SEPTEMBER 2026

29 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

CINCO CRISIS, UN GOBIERNO: E ESTADO REAL DI NOS PAIS

Costo di bida, turismo, salubridad, transporte publico y siguridad — tur ta den crisis. E surplus ta 700 miyon. E accion ta cero

FISCAL TA EXIGI 30 LUNA DI PRISON PA HOMBER DI 63 AÑA CU A ABUSA DI SU MESUN FAMIA MENOR DI EDAD

DIAmars 29 september 2026

Chauffeur burachi ta ocasiona boksmento

Santa Cruz - Diadomingo anochi rond di 8'or ta sosode un boksmento den e bocht conoci na Santa Cruz. Den careda di 8'or polis a wordo manda pa e bocht panort di panaderia Huchada, pa un boksmento cu hende herida. Polisnan cu a yega ta constata cu un di e personanan ta "pega" den e auto, o sea e porta unda e mester sali lo tawata pega. Mesora a pidi pa asistencia di materiaalwagen. Pa r a m e d i c o n a n mientrastanto cu ayudo di bomberonan a saca un hoben for di e Nissan, e lo a ricibi golpi y mester a ricibi atencion medico. Dos ambulance a presenta, pero un so tawata necesario debi cu e otro chauffeur tawata bou influencia y a wordo deteni y transporta pa warda despues cu polis di trafico a tuma su declaracion.

DIAmars 29 september 2026

Parlamentario Dangui Oduber

Cinco crisis, un gobierno: E estado real di nos pais

Costo di bida, turismo, salubridad, transporte publico y siguridad — tur ta den crisis. E surplus ta 700 miyon. E accion ta cero ORANJESTAD – Como parlamentario, mi tin e obligacion di papia cla. Nos tin 5 crisis asotando nos pais y un gobierno completamente den silencio ta corta sinta tur caminda. E realidad cu pueblo di Aruba ta bibando awendia no ta un exageracion politico. Ta un hecho diario — n’e pomp di gasolin, na e caha di supermercado, den wachtkamer na hospital, nos abo ta sinti’e. Gobierno tin e recursonan, loke nan falta ta boluntad y compromiso cu bo. Costo di Bida y Poder di Compra E crisis di mas agudo cu e pueblo ta enfrentando ta e subida constante den e costo di bida y e perdida di poder di compra. Tur dia e ciudadano ta sinti e sla di prijs: gas, gasolin y diesel a subi, mientras cu e prijsnan di comestibel den supermercado ta inalcansabel. Banco Central di Aruba (CBA) a bolbe bati alarma riba e inflacion creciente, mientras Minister Wever ta keda sin presenta solucionnan concreto pa trece alivio pa e famianan. Incertidumbre den Sector di Turismo Riba e tema di e operadornan di UTV y ATV, Oduber a critica e falta di atencion di parti di gobierno, cual a opta pa pone e pan di mas di 1000 mama y tata di famia na peliger. E decision di cera e ruta principal 50 dia prome cu e bataya legal di Aruba Birdlife Consevartion mester a cuminsa

den corte a causa un impacto economico serio pa e sector. Oduber a remarca cu te cu awe no tin un solucion definitivo, pasobra solamente un protocol di intencion a wordo firma. Esaki ta totalmente incomprendibel. Parlamento a expresa nan posicion tocante e problematica cu touroperators unda cu unanimamente nos a bay di acuerdo y a urgi gobierno pa mientras cu ta keda den margen di ley nan presenta un solucion concreto y a corto plaso. Crisis Financiero y Operacional na Horacio Oduber Hospital E situacion na Horacio Oduber Hospital (HOH) ta sumamente grave debi na un deficit mensual di 1.6 miyon florin, un crisis financiero cu ta afectando directamente e cuido di e aseguradonan. Como consecuencia di e situacion aki, a cuminsa cera salanan di operacion, e entrega di medicamentonan esencial y materialnan di cuido a stop, y tin problemanan serio den departamentonan vital manera Endoscopie y Dialyse. A pesar cu Minister Wyatt Ras a wordo poni na altura di e situacion aki desde februari 2026, e la opta pa keda den silencio y ignora e urgencia. Despues cu e direccion di hospital, sindicato ABV y e specialistanan a bati alarma, e minister a limita su mes na un mensahe graba anunciando un investigacion, sin presenta ningun plan di accion ni solucion concreto pa e crisis di salubridad aki.

Crisis den Arubus y Prioridadnan Incorecto di Gobierno Arubus ta den crisis y a pidi fondo adicional pa su empleadonan, pero Minister Dowers a bisa cu NO tin placa. Esaki ta incomprendibel considerando cu gobierno ta gaba di tin un surplus financiero di 700 miyon florin. Mientras ta nenga fondo pa e compania nacional di transporte publico, si tin presupuesto pa paga un consehero 14,000 florin pa luna pa solamente 4 ora di trabou y un otro consehero 17,500 florin pa luna. E prioridadnan di e gobierno aki ta totalmente robes. Insiguridad ta aumenta, mientras Gobierno ta corta den Husticia Comosifuera poco, Aruba ta enfrentando un ola di insiguridad alarmante. Casonan di asesinato, atraco, ladronicia y joyriding a bolbe lanta cabes rond di nos isla. Mientras criminalidad ta

aumenta, Minister Dowers ta keda ausente y den un silencio total. A pesar cu gobierno ta gaba di tin un surplus di 700 miyon florin, a informa e cuerpo policial cu no tin recurso pa bodycams y te hasta a corta 10% den e presupuesto di Husticia. Aruba ta bibando den un gran incertidumbre, unda e ciudadano no ta sinti su mes sigur mas y unda ta evidente cu e gobierno aki no tin ningun plan di accion, ni direccion ni liderazgo pa combati criminalidad. Cinco crisis diferente, un solo raiz: un gobierno cu tin placa pero no tin plan, cu tin surplus pero no tin solucion, cu a haya e honor di defende bos di pueblo pero ta scoge tur dia pa keda keto y bira cara ora pueblo ta pidi oido. Pueblo di Aruba no ta pidiendo milager. Nan ta pidi loke e gobierno aki a priminti: honestidad, transparencia, placa den nan cartera y accion!

DIAmars 29 september 2026

Noticia di Corte

Fiscal ta exigi 30 luna di prison pa homber di 63 aña cu a abusa di su mesun famia menor di edad -1ORANJESTAD – Awe mainta Hues di Corte di Husticia a trata e caso penal cu Ministerio Publico a cuminsa contra e homber C. (63), acusa di a abusa di su famia mucha muher menor di edad. SOLO DI PUEBLO por a compronde cu apesar cu C. ta para riba cu e no a haci nada, Fiscal ta hay’e culpabel y a exigi 30 luna di prison. Abogado mr. Zaandam ta haya cu no tin prueba. ACUSACION DI A MISHI CU E MUCHA Fiscal a bisa cu C. ta wordo acusa cu den e periodo di 21 October 2022 y 5 September 2024, el a purba tene relacion cu mucha muher T. menor di edad. Fiscal a sigui bisa cu C. a bay cu e mucha na cierto lugar y a bis’e cu e kier tin relacion sexual y kita su paña. Fiscal ta acusa C. di a haci actonan inmoral cu e mucha T. door di mishi na su parti intimo. Den sala di Corte tabata presente famia di C. SOSPECHOSO TA NENGA C. a bisa Hues cu henter e periodo menciona, ningun momento e mucha T. tabata den auto cun’e. Hues a bolbe puntra C. si e mucha T. tabata den auto cun’e. C. a bisa Hues cu nunca e mucha tabata den auto cun’e. Hues a mustra C. cu e mucha T. a bisa cu e tabata den auto di C. Segun C. entre fin di Mei 2024 y comienso di Juli 2024 el a hiba T. school ariba peticion di e mayornan di T. Hues a remarca cu C. ta admiti cu e mucha T. tabata den auto cun’e. C. a splica Hues cu tin biaha T. tabata bay cu su amiga den bus. Segun C., na Juni 2024 durante 3 siman e tabata baha T. na school y sigui bay pa su trabao na San Nicolas. Hues a puntra cu por bisa cu 10 biaha T. a bay cu C. y C. a bisa cu si. Ta asina cu C. ta ruman di e mama di T. Hues a puntra C., con por describi su relacion cu T. Segun C., T. tabata confi’e hopi cos cu tabata pasa na school. Tambe di relacion sexual

cu T. tabatin na school. E combersacionnan aki tabata sosode ora cu C. tabata hiba T. school mainta. Segun C., e tabata duna T. consehonan positivo. El a bisa T. cu e no mester bay tin relacion cu tur amigonan pasobra asina e ta haya mal nomber. HIBA MUCHA RELACION

APARTMENT

TENE

Na dado momento a surgi discusion entre nan caminda C. a bis’e cu e no por sigui buske asina pasobra T. su mayornan ta bay pensa cu C. lo ta haci cosnan cu T. C. a bisa Hues cu un dia T. a mand’e chat 10’or mainta pa bay buske. C. a bis’e cu e por mas laat banda di 2’or merdia. E dia ey C. a bay busca T. banda di 2’or pero T. a bay cu su tata y a bisa e tata cu C. lo tabata kier abusa di dje. C. a admiti di a hiba T. na un apartament di tene relacion. El a bisa Hues cu el a paga pa bay paden y a mustra T. e lugar. Segun C., el a haci esaki, pasobra el a conseha T. pa no tin relacion cu homber den lugarnan publico of den mondi sino den apartament asina. Segun C., el a bisa e tata di T. di esaki. C. a para riba cu nada no a sosode den e apartament y tampoco den su auto. MUCHA TA BISA CU OMO TABATA MISHI CUN’E Hues a bisa cu 5 September 2024 e tata di T. a bay haci denuncia contra C. na Polis. E tata a bisa Polis cu banda di un misa na Rooi Afo, C. lo a purba di tin relacion sexual cu su yiu. Esaki lo a sosode 3 biaha. Hues a sigui bisa cu T.(15) a wordo scucha pa Polis. E mucha a bisa cu ora C. tabata hib’e school, C. tabata mishi cun’e y tabata bis’e cosnan manera e kier tin relacion sexual cun’e. C. a bisa Hues cu ora T. tabata bay cun’e, T. tabata hopi sera, molestia. El a nenga di tabata mishi cu e mucha den auto. REGALA I PHONE PA TIN RELACION

Hues a sigui bisa cu T. a declara na Polis cu C. a dun’e un I Phone y cu T. lo mester paga cu su curpa. C. a bisa Hues cu esey no ta berdad. El a bisa cu el a regala T. e cellular. Hues a sigui mustra cu e mucha T. a declara cu C., a hib’e na un lugar pa tin relacion cun’e. C. a bisa Hues cu nunca algo a sosode. Hues a sigui bisa cu T. a bisa cu door di tur e cosnan aki, e tin hopi rabia den su cabez. Esey tabata strob’e na school. Na dado momento el a conta un maestra di school tur cos y cu su cabez tabata bruha. Hues a mustra C. diferente potret di lugarnan caminda cu segun T. el a wordo hiba. C. a bisa Hues cu e no conoce e lugarnan aki. Hues a mustra cu Polis tin chat entre C. y e mucha T., caminda C. lo ta bisa T. cu si e tin relacion cu hende homber jong, C. lo kier tin relacion cun’e pa e mira si hende homber grandi ta mihor compara cu mucha jong. Hues a mustra C. riba un chat cu un potret di un pareha den relacion caminda C. ta bisa e mucha T. ”Just Friends”. C. a bisa Hues cu e kiermen cu e lo kier tin un amiga asina pero no T. Hues a mustra riba un chat caminda C. lo a bisa T. cu e por tin un amigo pero cu T. lo mester tin tempo pa C. Hues a remarca cu esaki ta mustra otro cu C. ta laga mustra. Hues ta haya cu e chat ta mustra mas cu ta C. lo kier tin un relacion habri cu T. C. a para riba cu e lo kier tin un relacion habri cu un muher pero no T. cu ta un famia di dje. Hues a keda haci preguntanan na C. y na dado momento C. a admiti cu si T. tabata mayor di edad, e lo kier tin un relacion cun’e. El a bisa Hues cu e no kier a perhudica T. y pa T. tin su bida. Hues a bisa cu for di cellular di C. a haya chat entre C. y e mucha T. caminda ta papia di tene relacion. Segun C., T. a pidi’e pero e dia ey nunca a yega. Segun C., T. tin problema y ta haci tur cos pa e haya su kier. Hues a papia riba circumstancia personal di C. y por a mira cu C. a cuminsa yora pasobra su señora ta sufri di Alzheimer y ta bayendo atras Continuacion pag.

DIAmars 29 september 2026

Wendrick Cicilia ta invita comunidad na Congreso di AVP dia 4 di october

Oranjestad — Wendrick Cicilia ta invita miembronan, simpatisantenan y comunidad na Congreso di AVP, cu lo tuma luga diadomingo 4 di october 2026 na Aruba Marriott Resort Grand Ballroom, cuminsando pa 9:00 di mainta. Durante e Congreso, AVP lo formalisa e transferencia di liderazgo anuncia door di Mike Eman como parti di e proceso “Era di Relevo”. Pa Wendrick Cicilia, esaki ta un momento importante pa reuni como partido, reflexiona riba e caminda cu AVP a cana y mira hunto pa futuro. “Mi ta invita tur hende pa ta presente dia 4 di october. Congreso ta un oportunidad pa nos reuni, scucha otro y sigui construi hunto. AVP ta un partido cu historia y trayectoria y cada persona cu a dedica su tempo y energia na e partido ta parti di e historia ey,” Cicilia a expresa. Segun

Cicilia,

compromiso di AVP pa inverti den progreso y bienestar di Aruba ta continua. E traspaso di liderazgo ta bay man den man cu un compromiso ainda mas fuerte pa scucha y traha pa tur esnan cu ta forma parti di nos comunidad. “Liderazgo ta rekeri pasion, responsabilidad y amor pa bo hendenan. P’esey mi ta spera mira nos miembronan, simpatisantenan y tur esnan cu kier forma parti di e combersacion dia 4 di october. Laga nos tuma e siguiente paso aki hunto,” Cicilia a conclui.

DIAmars 29 september 2026

Fiscal ta exigi 30 luna di prison pa homber di 63 aña cu a abusa di su mesun famia menor di edad -2FISCAL TA EXIGI 30 LUNA DI PRISON Fiscal a bisa Hues cu e ta haya e declaracionnan di e mucha T. no ta mucho cla y consistente. Pero por conclui cu e tabata wordo hiba pa su omo C. school y a haya I Phone for di C. y cu e mester a paga door di tin relacion sexual. Fiscal a mustra cu nan tabata bay apartamento di tene relacion cu intension di tene relacion pero T. tabata nenga. Fiscal a sigui bisa cu e mucha T. a conta otro situacion caminda atrobe a bay na un apartamento di tene relacion, caminda C. lo a hinca dede na su parti intimo. E tempo ey e mucha tabatin 15 aña. Fiscal ta haya cu tin prueba di sosten. Tin

chatnan entre C. y T. caminda por compronde cu C. kier tin relacion sexual cu T. Fiscal ta haya C. culpabel di a haci actonan inmoral cu T. Pa cu e castigo, Fiscal a bisa cu e ta tene cuenta cu e situacion di C. y tambe seriedad di e caso. El a exigi 30 luna di prison di cual 10 luna ta condicional cu 3 aña di prueba. DEFENSA ABOGADO Abogado mr. Zaandam ta haya cu no tin prueba legal cu C. lo a haci actonan inmoral cu T. El a bisa cu ta solamente declaracion di e menor di edad T. tin y no tin pruebanan di sosten. E abogado a bisa cu ta e mayornan di T. mes

tabata pidi C. pa hiba T. school. E abogado ta haya cu no tin suficiente prueba. Pa cu e castigo, e abogado a pidi Hues pa tene cuenta cu e señora di C. ta sufri Alzheimer avansa. El a sigui bisa cu C. tin un yiu na e cas cu a bolbe cay den adiccion. Door cu C. no ta pagando, ta core riesgo cu por perde e cas pasobra no tin hende pa paga gastonan di cas y mantene famia. E abogado a propone na Hues pa duna un castigo condicional, prohibicion di contacto di mayornan cu C. Tambe trabao pa comunidad. Na final di tratamento di e caso, C. na yoramento a bisa Hues cu e no a haci nada. Hues a sera e caso y a bisa cu 19 October 2026 tin sentencia.

Lider di fraccion AVP, Jennifer Arends-Reyes:

“Den e era di relevo, AVP ta sigui traha cu curason y alma pa Aruba” ORANJESTAD (28 di september 2026) — Lider di Fraccion di AVP, Jennifer Arends-Reyes, ta invita miembronan di partido pa participa na Congreso di AVP diasabra 4 di october, di 9:00 pa 11:30 di mainta na Marriott Ballroom. Segun dje, e relevo di liderazgo ta un oportunidad pa uni experiencia cu talento nobo y sigui traha pa e progreso di Aruba. “AVP tin un historia largo cu un nificacion grandi pa nos pais. Den momentonan determinante, nos partido a asumi reto y responsabilidad. Awe, den 2026, nos ta enfrenta reto nobo, pero nos meta

ta keda mescos: traha pa progreso di Aruba y pa bienestar di su pueblo,” Arends-Reyes a expresa. El a destaca cu e trabou ey ta toca tur parti di bida diario. For di enseñansa y salud te na infrastructura, husticia y oportunidadnan pa comerciante y tur ciudadano por igual, tin asunto cu ta pidi atencion y solucion. Segun Arends-Reyes, den diferente area cu a keda atras durante añanan, awor ta tomando paso pa atende e necesidadnan di comunidad. “Pueblo na prome lugar semper ta den e conviccion y e trabou di AVP. Nos kier pa cada persona sinti cu ta scucha nan, pero tambe pa

nan mira resultado,” el a bisa. “Sea bo ta buscando miho enseñansa pa bo yiu, miho acceso na cuido of oportunidad pa bo negoshi, nos ta traha riba e puntonan cu ta importante pa bo.” Arends-Reyes a bisa cu e Congreso ta marca un paso den e era di relevo: sigui cu e experiencia cu partido a acumula y, na mes momento, habri espacio pa talento nobo contribui. E ta haci un yamada na miembronan pa bin participa den e momento importante aki pa futuro di AVP. “Un cos ta sigur: nos ta sigui traha cu curason y alma pa tur hende cu ta biba na nos dushi Aruba.”

DIAmars 29 september 2026

deaci workshop time for taxes 2026

ORANJESTAD Departamento di Asuntonan Economico, Comercio y Industria mediante su unidad di Iniciativa pa Desaroyo pa Empresa Arubano (IDEA) y cu colaboracion di Departamento di Impuesto (DIMP), kier invita tur persona cu ta den proceso pa habri un negoshi of cu ya tin un negoshi existente, pa asisti na e workshop di “Time for Taxes”. E workshop aki lo ta completamente GRATIS y lo tuma lugar diamars, 6 october 2026, di 9:00 am te cu 11:00 am na Departamento di Asuntonan Economico, Comercio y Industria, situa den Cas Veneranda

na Wilhelminastraat #7, riba e di dos piso. Algun topiconan cu e representantenan di Departamento di Impuesto (DIMP), lo trece dilanti durante e workshop aki ta lo siguiente: • I m p u e s t o riba Entrada y Ganashi (Inkomsten y Winstbelasting); • BBO, BAVP en BAZV • BO Impuesto portal (Boi) • Y mucho mas Registracion ta obligatorio via e siguiente formanan aki bao: via e siguiente link: https://www. s u r v e y m o n k e y. c o m /r/

Time4Tax via nos Facebook page: Idea-Aruba of via e QR-code aki: Mirando cu tur aña e interes pa e workshop aki ta hopi grandi y nos cupo ta limita, nos kier a pidi bo cooperacion, pa si acaso bo registra y no por atende e workshop aki mas, sea asina bon pa cancela bo cupo prome cu fecha menciona via nos telefon: 521-2440 of 521-2439 of via email j.trim@idea.aw.

Esun cu registra prome ta aden! Danki y Nos ta warda bo!

DIAmars 29 september 2026

ACF ta pone enfasis riba restauracion ecologico y e capacidad di naturalesa pa recupera ACF ta aplica ciencia y experiencia den conservacion pa restaura

ORANJESTAD, ARUBA – 28 september 2026 – Aruba Conservation Foundation (ACF) a dedica e edicion mas reciente di su programa Naturalesa ta Papia: Encuentro di Conocemento na restauracion di habitat terrestre. Durante e dos ultimo Encuentro di Conocemento cu a tuma lugar na MFA Paradera y Teresita Center San Nicolas, ACF a presenta participantenan na e ciencia y practica tras di restauracion ecologico y e diferente maneranan cu nos por asisti naturalesa den su recuperacion. Naturalesa ta Papia ta un programa di ACF diseña pa conecta comunidad di Aruba, grandi y chikito, cu nos naturalesa diverso. Den su rol como educador, ACF ta facilita experiencianan educacional cu ta inspira, informa y stimula un comprondemento mas profundo di e balor di naturalesa y e trabou di conservacion necesario pa proteh'e. Durante e edicion aki, participantenan a explora con Aruba su paisahe terrestre a cambia a traves di tempo y door di diferente presionnan introduci pa e ser humano. Esakinan ta entre otro bestianan domestico herbivoro introduci manera cabrito, burico y cabay cu ta cana liber y come vegetacion, matanan invasivo, disturbio di suela, erosion, secura y perdida di fuentenan di simia, cu por limita e capacidad di un habitat pa recupera naturalmente. Un di e mensahenan principal tabata cu restauracion no semper ta nifica planta mas mata. Restauracion ecologico ta e proceso intencional di asisti recuperacion di un ecosistema nativo cu a wordo degrada, daña of destrui. E proceso ta cuminsa cu

compronde e ecosistema: su condicion actual, kico ta stroba su recuperacion y cua nivel di intervencion realmente ta necesario. Restauracion Natural Asisti Aunke planta matanan nativo por forma parti di un proceso di restauracion, restauracion y reforestacion no ta exactamente mescos. Restauracion ecologico tin un enfoke mas amplio: recuperacion di e ecosistema y su funcion, incluyendo composicion di e suela, vegetacion y fauna nativo, regeneracion natural y resiliencia contra secura. P'esey, dependiendo di condicion di e area, e miho intervencion no necesariamente ta planta mas. Tin biaha e trabou ta consisti di kita of reduci e presionnan cu ta stroba recuperacion, proteha loke ya ta creciendo y duna naturalesa e espacio y tempo pa regenera naturalmente. E acercamento aki ta conoci como Assisted Natural Regeneration (ANR). E ta basa riba un principio relativamente simpel y integra: compronde e condicion ecologico, identifica y reduci e presionnan cu ta limita recuperacion, permiti regeneracion natural y asisti solamente unda cu ta necesario. Monitoreo continuo ta yuda determina si e ecosistema ta recuperando y si tin necesidad pa adapta e maneho. Como organisacion certifica y miembro di Society for Ecological Restoration (SER), ACF ta aplica ciencia y bon practicanan internacional den restauracion ecologico, adapta na e condicionnan y necesidadnan unico di Aruba su ecosistemanan.

Di conocemento na practica: Restauracion na Aima Coa Durante e dos encuentronan, ACF tambe a comparti con e conocemento aki ta wordo aplica den practica na 'Aima Coa’ (‘abudancia’ na Caquetio) den Parke Nacional Arikok, unda un area di aproximadamente 3.6 hectare di sabana seco ta forma parti di e prome proyecto di Assisted Natural Regeneration. E prome aña di e proyecto ta consisti di diferente fase: proteha y comprende e area, kita obstaculonan pa recuperacion, sostene recuperacion natural, y finalmente reforsa y comparti loke a wordo siña. Prome cu intervencion, monitoreo ta establece un punto di referencia di condicion actual di e habitat, pa despues por determina cu tempo si e ecosistema realmente ta recuperando. E proyecto piloto di Aima Coa ta demostra cu restauracion no tin un formula so pa aplica. Cada sitio tin su propio condicion, presionnan y capacidad pa recupera. E meta ta pa identifica kico e ecosistema tin mester y aplica e nivel di asistencia apropia. Ta premira cu lo dura un minimo di 5 aña prome cu por cuminsa wak recuperacion tuma lugar. Bishitantenan na Parke Nacional Arikok tin e oportunidad di wak con e proyecto aki ta andando. Comunidad tambe tin un rol den restauracion di Naturalesa. ACF a enfatisa cu restauracion di naturalesa no ta limita na e trabou den areanan protegi, comunidad tambe por contribui. Algun accion cu por haci e diferencia ta pa scoge matanan nativo, evita propagacion di especienan invasivo, proteha matanan cu ta regenera naturalmente

of matanan y palonan bieu cu tin decadas caba ta sobrevivi, no stroba areanan cu ta recuperando, mantene grazers manera cabrito cera y siña conoce cua matanan naturalmente ta pertenece na Aruba. A traves di Naturalesa ta Papia: Encuentro di Conocemento, ACF ta sigui crea espacio pa comunidad conoce mas di Aruba su naturalesa y tambe compronde e ciencia, decisionnan y trabou cu ta tras di su conservacion. Pasobra restauracion no semper ta cuminsa cu planta mas mata. Tin biaha e ta cuminsa cu observa, comprende y kita e presionnan cu ta stroba recuperacion natural. Pero prome cu restaura, nos mester proteha, y cada habitat cu nos proteha awe ta uno cu mañan no mester wordo restaura. ACF ta invita e comunidad di Aruba pa e proximo sesion di Naturalesa ta Papia: Encuentro di Conocemento cu lo tuma lugar den november cu enfoke riba e topico di Sternchi y Bubi. Pa mas informaciom por bishita www.acf.aw/learning of sigui ACF riba Facebook, Instagram of TikTok.

DIAMARS 29 DI SEPTEMBER 2026

PRESENTACION DI E 2DO CICLO “LET’S ACT” NA FUNDACION CENTRO FAMIA PIEDRA PLAT

Diasabra dia 26 di september 2026 tawata un

esencia ta mas cu un curso di arte e ta un movimiento

programa Let’s Act ta continua na FCFPP cu lesnan di musica, pintura (schilder) y baile, y lo sigui tambe pa e periodo 2027-2028. Cu apoyo di CEDE Aruba dunando asina oportunidad pa nos comunidad desaroya talento, creatividad y expresion cultural. Pa mas informacion por tuma contacto via cellular / whatsapp 6995545 / Tel: 585-5544. Of pasa personalmente na ofesina

momento masha bunita pa mira e trabou, dedicacion y creatividad realisa den e di 2do Ciclo di Let’s Act na FCFPP. A duna lesnan di arte, musica, actuacion, canto, baile, pintura, y cosemento cu un averha di 40 participante. “Let’s Act”. Ta un iniciativa cu a nace pa stimula expresion creativo, desaroyo personal y integracion cultural den nos comunidad Arubano. E

pa empodera y conecta nos comunidad cu otro. Un danki special ta bay na CEDE Aruba cu a ricibi Subsidie for di Hulanda (Cultuureducatie voor het Caribisch deel van het Koninkrijk). Pa medio di e apoyo aki e proyecto Let’s Act na Aruba a keda realisa. Tambe nos ta gradici tur nos instructornan / docentenan cu a duna les. E

bon

noticia

entre 9:00 am. pa 5:00 pm. Di dialuna pa diabierna na

Centro. Piedra Plat # 50

P 10

DIAMARS 29 DI SEPTEMBER 2026

Inscripcion di kleuter ta bay habri! Mayornan por inscribi nan yiu(nan) na SKOA Oranjestad, Aruba: Entrante 1 di october 2026, SKOA ta bay habri inscripcion pa mayornan cu tin yiunan cu ta bay cuminsa kleuter e proximo aña escolar. Si bo yiu ta bay haci cuater aña den e proximo lunanan, esaki ta un bon momento pa cuminsa pensa ariba cua scol bo kier pa e bay. SKOA ta brinda un variedad grandi di scolnan kleuter den tur districto riba nos isla cu bo por scoge for di dje. E curiculo di kleuter ta multilingual, esaki ta beneficia e mucha cu un bon base di lenguahe cuminsando for di kleuterklas. Ademas, e curiculo di kleuter ta cubri mas cu 10 area di desaroyo. SKOA su meta ta pa enfoca ariba e bon desaroyo y crecemento di cada mucha y ta pone como prioridad pa mantene e calidad halto di educacion den tur su scolnan. Con pa inscribi? ➔ Pa mayornan cu no tin yiu inscribi na SKOA, por inscribi pa kleuter via nos website www. skoa.aw completamente online. Ora di haci inscripcion mester pone bon atencion ariba e documentonan cu ta necesario pa asina por cumpli cu e proceso di inscripcion di bo yiu. Mayornan cu inscribi nan yiu ta haya un periodo di 6 siman pa asina por cumpli cu e pago completo di schoolgeld pa e aña escolar venidero. Despues di 6 siman, si e pago no ta completo, e cupo di inscripcion ta wordo cancela cu consecuencia cu no lo bay tin un luga sigura na un scol pa e yiu por cuminsa kleuter e proximo aña escolar.

Pa pregunta of informacion tocante inscripcion na SKOA por manda un email na aplicacion@ skoa.aw of manda un WhatsApp na +297 7485995. Mayornan cu ta desea por pasa libremente na nos oficina pa inscripcion. Pa cualkier otro pregunta of informacion tocante inscripcion en general na SKOA por bishita nos website www.skoa.aw of por yama na liña directo 5231800.

P 11

DIAMARS 29 DI SEPTEMBER 2026

Persona di contacto: Miguel Gonzalez Perret-Gentil Wardacosta di Caribe Hulandes a ricibi un yamada diasabra marduga (26 di september) cu informacion di cierto movecion straño den bisindario di refineria. Na e mes un momento, tawata tin un unidad di Metal Shark patruyando riba lama. Personal di Centro Maritimo Operacional di Wardacosta a pidi e Metal Shark pa dirigi nan mes den direccion di refineria. Simultaneamente a pidi personal di un di e avionnan di Wardacosta

pa asistencia. E avion tipo Dash-8 a logra di localisa dos persona y a informa miembro nan di Wardacosta riba boto pa asina nan por bai investiga. Na momento cu nan a yega cerca, a logra di detene un di nan i otro a huy. E personanan tawata hortando diferente pipa di koper. A entrega e persona cu a logra detene na personal di KPA cu lo continua cu e caso. Di parti di Wardacosta nos ke bisa danki na

comunidad pa informa nos. Na momento cu tin

un emergencia riba lama of algun tipo di movecion

straño, djis tuma contacto cu nos via di 913.

Heyliger a compara e organisacion di AVP cu un monumento cu tin historia y balor. “Bo no ta cambia un structura bon traha. Bo ta cuid’e, manten’e y sigui construi riba dje.” E relevo, el a bisa, ta pa preserva e historia di partido y sigui traha pa un Aruba caminda progreso y bienestar di berdad ta yega

na tur hende. Cu un analogia di baseball, presidente di AVP a invita miembronan pa bin forma parti di e siguiente etapa: “Nos kier pa pueblo sa cu e wega aki nos ta bay gan’e.” Pa logra esey, nos mester un team fuerte, prepara y uni. Dia 4 di october, cada miembro tin un luga den e team ey. Nos ta warda bo.

“E wega aki nos ta bay gan’e”: Heyliger ta invita miembronan pa participa na Congreso ORANJESTAD (28 di september 2026) — “Esaki ta e tempo di relevo.” Cu e palabranan aki, presidente di Partido AVP, Clifford Heyliger, a haci un yamada na tur miembro pa participa na Congreso di Partido diasabra 4 di october, di 9:00 pa 11:30 di mainta na Marriott Ballroom. Durante e congreso lo trata cambionan den Statuut y e relevo di liderazgo cu lo marca e siguiente capitulo

di AVP. Papiando dialuna mainta na Cas di Partido, Heyliger a subraya cu e congreso ta mas cu un momento organisatorio. “Ora nos ta papia di cambio di liderazgo, no ta pa show. Nos ta prepara un team di relevo cu tin e capacidad pa sigui e trabou, mantene e avance y yega na final cu exito.” Segun Heyliger, e fundeshi Cristian democrata di AVP ta keda e guia di partido.

Durante mas di 80 aña, AVP a pone atencion special riba hende vulnerabel y famianan cu tin necesidad. El a menciona con AVP tabata esun pa redobla pension den pasado y e esfuersonan actual pa alivia presion di inflacion riba pensionadonan. Tambe el a destaca e meta pa acerca salario minimo na bestaansminimum, pa hende por biba dignamente sin mester di tin dos of tres trabou.

P 12

DIAMARS 29 DI SEPTEMBER 2026

Era di Relevo: Mike Eman despues di 25 aña na cabes ta anuncia transferencia di liderazgo di AVP na Wendrick Cicilia dia 4 di october

Durante encuentro na Cas di Partido, actual lider di partido Mike Eman a presenta e siguiente paso den “Era di Relevo” y a confirma cu su compromiso cu comunidad lo continua despues di su liderazgo politico. Durante un encuentro na Cas di Partido na Rancho,

lider di Partido AVP Mike Eman a anuncia cu durante Congreso di partido dia 4 di october 2026, e ta prepara pa transferi liderazgo na Wendrick Cicilia, marcando asina un siguiente paso concreto den e proceso cu AVP a denomina “Era di Relevo.” E anuncio a tuma luga

den presencia di diferente dirigente y candidato di partido, mientras Eman a reflexiona riba su propio trayectoria, e importancia di renovacion y e necesidad pa un partido sigui conecta cu realidad y necesidadnan di comunidad. Congreso AVP 2026 ta programa pa diadomingo

4 di october na Aruba Marriott Resort Grand Ballroom, cuminsando 9:00 AM. E agenda anuncia anteriormente lo inclui, entre otro, e transicion oficial di liderazgo, cambionan den statuto y presentacion di un directiva nobo pa partido AVP. Cada generacion tin su propio momento Den su mensahe, Eman a compara AVP cu un mata cu su raiznan ta profundamente planta den comunidad. Segun Eman, e fortalesa di un organisacion politico no ta solamente den su historia, sino tambe den su capacidad pa sigui agrega ingrediente nobo y adapta na e realidad di cada generacion. Eman a indica cu durante diferente etapa, AVP a busca scucha e señalnan cu comunidad ta duna y responde na e necesidadnan di su tempo. Segun e lider saliente, e persona cu ta carga responsabilidad politico

mester por representa y comprende e generacion cu e ta sirbi. Despues di 25 aña como lider di AVP, Eman a expresa cu e momento a yega pa otro generacion asumi e responsabilidad di liderazgo. Confiansa den Wendrick Cicilia Un punto central den e encuentro tabata e anuncio di Eman tocante Cicilia. Eman a relata cu durante añanan cu e conoce y CONTINUA PAG. 13

DIAMARS 29 DI SEPTEMBER 2026

Era di Relevo

CONTINUACION PAG. 12 a traha cu Cicilia, e ta considera cu el a observa den dje compromiso cu comunidad y disposicion pa asumi responsabilidad. Eman a expresa igualmente cu e ta mira compromiso den e grupo mas amplio di dirigentenan di AVP, incluyendo representantenan den Parlamento, candidatonan y coleganan den Gobierno. Riba e base di esaki, Eman a declara cu e ta prepara pa dia 4 di october pasa e responsabilidad di liderazgo na Cicilia.

E anuncio ta amplia riba e proceso presenta anteriormente door di partido, caminda Congreso 2026, señala como e momento formal pa e transferencia di liderazgo na un generacion nobo. Eman: mi servicio na comunidad no ta termina Eman a dedica parti importante di su mensahe na loke e kier haci despues di su etapa como lider politico activo. El a laga cla cu e no ta mira su siguiente etapa como retiro completo for di bida comunitario. Al contrario,

e ta proyecta sigui dedica tempo na hobennan y particularmente na trabou boluntario den comunidad. Segun Eman, su compromiso cu Aruba no ta limita na un posicion politico. E ta mira servicio na comunidad como algo cu por continua den otro forma, incluso despues cu e no ta carga e responsabilidad di lider di partido. Eman a recorda tambe su relacion di largo trayectoria cu AVP, desde actividadnan basico di partido y trabou den

bario, te su añanan den liderazgo. E relato, segun e, ta parti di un historia personal y familiar cu ta conecta estrechamente cu e organisacion. Dia 4 di october: momento formal di relevo Cu e declaracion na Cas di Partido, e proceso di “Era di Relevo” ta drenta un siguiente fase. Congreso di 4 di october ta e fecha anuncia pa formalisa e transicion di liderazgo y otro cambionan interno di partido.

P 13

Den su mensahe, Eman a presenta e cambio como un transferencia di responsabilidad entre generacionnan, mientras e ta indica cu su propio participacion den comunidad lo continua den otra capacidad. E encuentro na Cas di Partido a reuni diferente cara di AVP alrededor di e proceso di relevo, cu e Congreso awo como e siguiente momento formal den e transicion.

P 14

DIAMARS 29 DI SEPTEMBER 2026

FORTALEZA PA FAMIA Scirbi pa Pastor Marcel Balootje.

SEA AGRADECIDO NA DIOS Duna gradicimento na Senjor invoca Su nomber, haci Su hechonan conoci den e pueblonan.( Salmo 105:1)Oranos duna testimonio di locual Dios a haci, no ta pa nos halsa nos mes, pero ta pa nos halsa e nomber di Dios, Su poder, Su misericordia y Su compasion cu e tin cu nos , y tur locual nos papia ta pa Dios ricibi tur honor y gloria, pasobra nos no por a logra si Dios no a interveni.Hende no por biba independiente di Dios, pasobra Dios tin control y Dios ta riba tur cos, pesey tur dia 24/7 nos mester ta agradecido na Dios pa tur locual cu E a haci den nos bida y tur locual E ta bay haci den nos bida. Nos confiansa den Dios, ta haci Dios contento, pasobra esey ta demostra cu no solamente nos ta papia di Dios, pero cu nos ta kere den Dios cu E ta capas y E tin tur poder. Pa Dios no tin nada imposibel, ta hende mester kere, tur cos ta posibel pa esun cu ta kere, no lubida locual ta para scirbi den Lucas 1:37.Gratitud ta boluntad di Dios, hende mester keda gradici Dios tur momento, e palabra di Dios ta bisa den Filipensenan 4:6-7: No preocupa pa nada,ma den tur cos,pa medio di oracion y suplica cu gradicimento,

Dios tur momento, pasobra Dios ta donjo di nos bida, y nos rosea. E tin poder pa halsa hende y E tin poder pa baha hende, pesey hende nunca mester lubida locual Dios a haci pa nan. Cuanto biaha un hende ta riba cama di malesa, y e ta grita Senjor, Senjor, yudami por fabor, pero ora e lanta for di e cama, segun tempo ta pasa e ta lubida riba e Dios cu a sane, y e no ta bishita cas di Dios ni sikiera pa gradici. laga boso peticionnan ta conoci dilanti di Dios. Y e pas di Dios, cu ta surpasa tur comprondemento, lo warda boso curason y boso mente den Cristo Hesus No preocupa ora bo haci algo pa un hende, y e hende lubida, no tira nada na cara di ningun hende, kico bo a haci pa nan. Pasobra den cielo Dios mes ta nota tur locual nos haci bon of malo. Pasobra na final E mes lo regla cuenta cu nos di tur locual nos a haci sea bon of malo.Si un hende mester paga bo cu malo y abo a haci bon cune, no preocupa, sigi pusha pa bo bay dilanti, laga esey ta un piedra pa bo trapa riba dje pa bo alcansa bo meta, nunca stop di haci bon pa motibo di hende malagradeci. Sigi perservera, y riba tur cos no paga malo cu malo. Pesey nos tin cu gradici

Tin biaha hende ta comporta nan mes cu Dios, manera un mucha cu a wordo bon cria den cas, y cu semper su mayornan a para na su banda y dune tur cos, y awor cu e bira grandi, su mayornan ta yame pa un bishita, e no ta worry cu telefon, tur momento e ta ganja cu e lo pasa, pero e no ta pasa. Nos tin cu corda cu ta Dios tin nos man tene, wak kico su palabra ta bisa den Salmo 119:105.Wak kico su palabra ta bisa den Juan 15:5 y para keto un rato y sea agradecido na Dios, Kende hasta den bo sonjo E ta cuida bo. Duna gradicimento na Senjor, pasobra E ta bon, pasobra Su misericordia ta pa semper.(Salmo 136:1). Sea agradecido na Dios den tur cos.Sinceramente, Pastor Marcel Balootje.

CAS DI CULTURA Ta bay of no ta bay renoba ? Ta bay of no ta bay construi ? Kico tin e proyecto aki tranca ? Placa no ta yega pa locual nan kier hasi ? Aruba no mester di nada complica Ta un lugar pa artistanan presenta E proyecto a cabisha ? E ta un jarenplan di 10, 20 of 30 anya ? E placa cu ya a drenta ta gana interes ? Dicon usa Paseo Herencia si ta keda usa e sala di exposicion na Cas di Cultura? Capricho of bon decision ? Aruba, lanta riba Artistanan kier biba Pakico un silencio total Falta di creatividad special ? Arte ta drumi, na sonyo Pa via di falta di kico ? Pa via di falta di ken ? Un par di pregunta poetico Pa pueblo comprende ta kico ta e tardanza den e proyecto Cas di Cultura. Ruthy Lady Ruth

P 15

DIAMARS 29 DI SEPTEMBER 2026

FORTALEZA PA FAMIA. Scirbi pa Pastor Marcel Balootje.

SEA RESPONSABEL, NO USA ADICCION COMO EXCUUS Adiccion, no ta un wega, adiccion ta un dolor, ora un hende ta adicto di berdad e ta perde tur cos. Na prome lugar esnan cu ta bende droga no tin curason, ta solamente placa nan ta wak, y nan no tin consenshi di esnan cu ta wordo destrui fisico, mental y spiritualmente. Ora un hende ta adicto na droga of alcohol y tambe wega di placa e ta esclavo of catibo di hende y di diabel, e ta perde dominio propio, conscientemente e ta cumpra malesa y problema pa su curpa. Pa un hende wordo libra di droga e mester di yudansa di Dios, y dominio propio, sino e no ta sali di e cos ey. Hopi biaha nos ta tende hende bisa cu ta e ambiente di e bario. E cas cu e ta biba aden, Ta algo cu ta den famia, Ta e muher cu e tin ta pone droga. Ta e homber cu e tin ta pone droga. Ta e amigonan cu e ta cana cune. Tur e cosnan ey ta haci

influencia riba un persona ora e no tin dominio propio, cual ta locual hende ta perde ora e ta usa cualkier tipo di droga. Pero tambe nos tin hopi abusador den comunidad kende sa masha bon, con hambra un adicto por bira pa placa ora e kier usa droga, y ta pone e adicto laba auto, chapi cura,of haci trabao cu dos hende of mas mester haci y ta page cu cinco, dies of binticinco florin, of hasta cu droga mes , pa nan hanja nan trabao haci. Esey no ta yudansa, esey ta abuso. Ora un hende ta den un Centro di Rehabilitacion , despues di un paar di luna e ta clean fisicamente pasobra e no ta usando ningun substancia, esey ta keda nota door di e curpa cu tabata kibra ta wordo restaura door di sosiego y come na tempo. Despuen cu ayudo di e Palabra di Dios, y bon conseho e mente ta bini bek na comprondemento, pasobra e displina di bida mester wordo aplica

bek, pasobra adiccion ta enemigo di displina, y coreccion. Un hende mes no ta nota tur locual cu e ta perde poco, poco segun e permiti adiccion tuma dominio di su bida.Y e dominio propio ta necesario pa sali for di adiccion, y no laga hende lubida cu Dominio Propio ta bini di Dios, y no di ningun remedi, pasobra droga of alcohol ta kibra un hende su dominio propio. Pero Dios ta restaura e dominio propio bek. E palabra di Dios ta mas

Oracion Di Dia

fuerte cu cualkier therapia, pasobra e ta penetra den curason , den mente y espirito di e persona, y e persona ta lanta bek como ser humano, y na prome lugar ta hanja respet pa su mes, pa asina e por enfrenta bida bek. Pero tin hende cu conscientemente no kier bay un Rehab, pasobra nan no kier bira responsabel y tuma bida na serio. Nan sa masha bon cu nan tin yiu pa cria, cas pa atende, famia pa mantene, responsabilidad pa cumpli cune, y asina bo toca e

parti ey, nan ta bay bek na e droga of alcohol, pa nan no ta capas pa haci, nada. Wak bon con diabel por ganja hende pa nan rechasa locual ta digno y precioso, y tira nan bida afo den locual ta hiba na tur clase di destruccion. Adiccion no ta cos di haci wega cune. No sconde tras di adiccion. No permanece como catibo di hende y di diabel. No cumpra malesa pa bo curpa. Bira responsabel. Sinceramente, Pastor Marcel Balootje.

Un feliz dia yena di bendicion y misericordia di Dios. E ora ey Pedro a acerca Hesus y puntr’E:”Señor, cuanto biaha mi mester laga mi ruman peca contra mi y toch pordon’e? Te shete biaha?” (Mateo 18, 21) Hesus a bisa no shete biaha, pero setentishete biaha shete, mester pordona otro tur dia di nos bida. Si un hende no ta dispuesto na haci bon cu su prohimo, e no por ta un Cristian berdadero, e no ta digno pa tuma parti na e mesa na cua Hesus ta combida siguidonan. Solamente esnan cu a trata na pordona otro ta capaz na ofrece Dios un sacrificio den su bista. Dios no lo mustra misericordia ora e husga esun cu no tawatin misericordia cu otro hende, pero esun cu si tawatin misericordia lo sali victorioso na momento di huicio.(Hacobo 2, 12-13) Misericordia mi kier y no sacrificio. Mi no a bini pa yama hende husto, ma pa yama pecado.( Mateo 9,13) Oracion: Señor Hesus Abo cu ta misericordioso y cu ta cla pa pordona nos y cu ta bisa nos cu boso mentalidad mester cambia henteramente y boso mester bisti e bisti di un hende nobo, siña nos con pa pordona y pa ta misericordioso cu nos prohimo pa medio di Cristo nos Señor. Amen.

P 16

DIAMARS 29 SEPTEMBER 2026

flornan por seca, recuerdonan tur lokepa el a haci Lagrima y flornan porLagrima seca, suyrecuerdonan y tur su loke el a haci y y significa nos, lo y significa pa nos, lo keda graba pa semper den nos mente y curason. keda graba pa semper den nos mente y curason. “Cerca Dios mi alma ta na paz, ta ta di bin” DJ’E mi salbacion ta bin” “Cerca Dios mi alma ta na paz, ta di DJ’E mi salbacion Salmo 62:1 Salmo 62:1 Agradecido papa turnos, locual nifica pafayecimiento nos, nos ta anuncia fayecimiento di nos casa, Agradecido pa tur locual ela nifica nosela ta anuncia di nos casa, tata, Opa, suegro, ruman, omo stima tata, Opa, suegro, ruman, omo stima Na nomber di: Su estimada esposa: Irena “Ina” Figaroa-Kock Su yui stima: Sharitsa y Alexis Luna-Figaroa Su querida nietanan: Ailix y Shaily Luna Su rumannan: Anna “Annie” Figaroa Casimiro “Miro” y Emiliana Figaroa-Donata Victorino “Vito” Figaroa Thomas “Chenco” y Sonia Figaroa-Ridderstaat Yolanda y Gerardo Leest-Figaroa Hubert “Betto” y Fermina Figaroa-Tromp Ingrid “Gichi” y Carlos Gomez-Figaroa Ronald “Ronny” y Diana Figaroa-Figaroa Robert “Robby” y Francisca Figaroa-Irausquin

Jose Mariano Figaroa, Jose Mariano Figaroa, Mihor conoci como “Jossy” Mihor conoci como “Jossy” 04-12-1944 - 21-09-2026 04-12-1944 - 21-09-2026

Su sobrino/a-nan: Emirto y Jessica Figaroa-Farro y yiunan, Mirlenne Figaroadi: y yiunan, Na nomber Na nomber di: Elton Figaroa y Nagela Buckley y yiunan, Su estimada esposa: Su estimada esposa: Jasmine y George de Nobrega-Figaroa y yiunan, Irena “Ina” Figaroa-Kock Irena “Ina” Figaroa-Kock Minoushka Figaroa y Mauritz Werleman y yiu, Rachelle Figaroa y Raymond Jansen y yiunan, Marushka Leest, Shahaira Leest y yiunan, Su yui stima: Su yui stima: Shereldine Leest y Elton Webb y yiunan, Gerard y Josefa Leest-Franca y yiunan, Sharitsa y Alexis Luna-Figaroa Sharitsa y Alexis Luna-Figaroa Gilbert Figaroa, Francine Figaroa y Derrick Marten y yiunan, Rodrig Willems y Natasha Thijsen y yiunan (na Hulanda), Su querida nietanan: Su querida Imely Willems y Jermaine Gomeznietanan: y yiu, Roshendra Figaroa y Mitchnanok Marcano (na Hulanda)

Ailix y Shaily Luna

Mescos cu sobrino/a: Jose Kock y yiunan,Su rumannan: Su rumannan: Mariela y Cesar Kelly-Maduro y yiunan, Anna “Annie” Figaroa Anna “Annie” Figaroa Vivian y Junior Betances-Maduro y yiu Casimiro “Miro” y Emiliana Figaroa-Donata Casimiro “Miro” y Emiliana Figaroa-Donata Iha stima: Victorino “Vito” Figaroa Victorino “Vito” Figaroa Ally Jay Kelly

Thomas “Chenco” y Sonia Figaroa-Ridderstaat Thomas “Chenco” y Sonia Figaroa-Ridderstaat Yolanda y Gerardo Leest-Figaroa Yolanda y Gerardo Leest-Figaroa Suegra: Hubert “Betto” y Fermina Figaroa-Tromp Hubert “Betto” Figaroa-Tromp Angela y Orlando Pacheco-de la Cruz y Fermina Ingrid “Gichi” y Carlos Gomez-Figaroa Ingrid “Gichi” y Carlos Gomez-Figaroa Ronald “Ronny” y Diana Figaroa-Figaroa Demas famia na Aruba, Ronald Corsou “Ronny”y yHulanda: Diana Figaroa-Figaroa Figaroa, Tromp, Leest, de Nobrega, Werleman, Jansen, Carasquilla, Wever,Figaroa-Irausquin Martijn, Webb, Pieters, Paesch, Jacobs, Yearwood, Robert “Robby” y Francisca Robert “Robby” y Francisca Figaroa-Irausquin Gomez, Ruiz, Ramos, Wolf, Petrocchi, Putto,Croes, Kock, Kelly, Stegenga, Kerkstra Demas primo y primanan, ihanan, commer/compernan, amistad- y conocirnan, ex-coleganan di Directie Arbeid y famia di S.V. Su sobrino/a-nan: Su sobrino/a-nan: Bubali Sport Club. Emirto y Jessica Figaroa-Farro y yiunan,

Emirto y Jessica Figaroa-Farro y yiunan, Mirlenne Figaroa y yiunan, Mirlenne Figaroa y yiunan, Nos disculpa si den tristeza nos por a lubida algun miembro di famia. Elton Figaroa y Nagela Buckley y yiunan, Elton Figaroa y Nagela Buckley y yiunan, Jasmine y George Nobrega-Figaroa y yiunan, Jasmine y yiunan, Un gradicimiento special na: y George de Nobrega-Figaroa de Figaroa Mauritz Werlemandiy Roots yiu, Therapy Group, Lineth Barrios, Minoushka Figaroa y Minoushka Mauritz Werleman yy yiu, Broeder Gregory Maduro, verpleegkundigen di W.G.K., dokter Yvette Thuis, terapistanan Daisy Rojas, Patricia Patinho (na Colombia) y tur famia cu a yuda di un forma of otro durante e ultimo 3 anjanan di su situacion.

Nos ta invita tur demas famia, amigo, bisinja y conocirnan pa companja nos na e acto di Condolencia y Entierro cu lo tuma lugar Diabierna, 2 di oktober 2026, na Misa Birgen di Fatima na Dakota di 1’or pa 4’or di atardi. Despues lo companja Jossy pa su ultimo lugar di sosiego na Santana na Santa Cruz. Nos ta lamenta cu despues di entierro nos no ta ricibi bishita di condolencia na cas.