Skip to main content

Diamars september 22 2026

Page 1

P1

DIAMARS 22 SEPTEMBER 2026

22 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

HOMBER CU A HINCA OTRO CU STANLEY MES DEN BARIGA CONDENA NA 18 LUNA DI PRISON


P2

DIAmars 22 september 2026

Minister Geaoffrey Wever:

Gobierno ta inicia siguiente fase di revitalisacion di Wilhelminastraat cu firmamento di contract cu BK Consultant Civiel-Bouwkundig Advies Bureau N.V. Oranjestad, 18 september 2026 - Gobierno di Aruba ta inicia un siguiente fase den revitalisacion di centro di Oranjestad cu firma oficial di contract cu BK Consult pa desaroya e diseño integral di Wilhelminastraat y su vecindario. E proyecto ta wordo realisa den cooperacion entre Ministerio di Finansa, Asunto Economico y Sector Primario, Ministerio di Infrastructura y Oficina di Prome Minister. Cu e firma aki y presentacion di e prome renderings, Gobierno ta move e proyecto di e fase di vision y seleccion pa e fase di diseño final y preparacion tecnico necesario pa posteriormente por pasa na ehecucion di e trabounan. E proyecto ta parti di un vision mas amplio pa trece mas bida, actividad economico y inversion bek den curason di Oranjestad. Revitalisacion di centro no ta trata solamente di embeyecemento di cayanan. E ta trata di crea un ambiente urbano na unda hende kier y por biba, traha, inverti, cumpra, come, bishita y pasa tempo, y na unda empresarionan por identifica oportunidad pa sigui inverti y crece. Wilhelminastraat tin un posicion importante den e vision aki. Historicamente e area a combina vivienda, comercio, gastronomia y actividad social. Meta di e proyecto ta pa fortalece e caracter propio di e area y, na mes momento, crea un espacio publico mas funcional, accesibel y atractivo pa residente, comerciante y bishitante, tanto durante dia como anochi. E firma di contract cu BK Consult ta resultado di un proceso di destaho publico structura. Siete compania di arkitectura a registra pa participa na e destaho, di cual cuater a presenta nan concepto visual. E propuestanan a wordo evalua basa riba criterionan tecnico, funcional y estetico prepara pa DOW, y a wordo presenta dilanti di un comision di evaluacion forma, entre otro, pa Prome Minister Mike Eman, Minister di Finansa, Asunto Economico y Sector Primario Geoffrey Wever, Minister di Infrastructura Rene Herde, comerciantenan di Wilhelminastraat y otro stakeholdernan relaciona cu desaroyo di Oranjestad. BK Consult a wordo selecciona pa sigui desaroya su propuesta y transforma e concepto den e diseño final, bestek y documentacion tecnico necesario pa ehecucion di e proyecto. E diseño

ta enfoca, entre otro, riba calidad di espacio publico, mobilidad, funcionalidad, sostenibilidad y conservacion di identidad historico di Wilhelminastraat. E siguiente fase di Wilhelminastraat no ta un proyecto aisla. E ta continua riba pasonan cu Gobierno a tuma durante e ultimo añanan den centro di Oranjestad. Desde e prome fase di Wilhelminastraat na 2022, apertura di Plaza Comercio na 2024 y apertura di Cas Veneranda na 2026, inversion den espacio publico a combina cu otro proyectonan cu tin como meta pa trece mas hende y actividad bek den ciudad. Un ehempel di e liña di vision cu ainda tambe ta andando, ta e transformacion di e anterior edificio di Ministerio Publico den vivienda pa studiante. Na mes momento, revitalisacion ta conecta directamente cu maneho economico. For di 1 di januari 2026, Gobierno a introduci incentivonan fiscal pa stimula inversion y renobacion di propiedadnan den centro di Oranjestad y San Nicolas. E incentivonan, bou di condicionnan specifico, ta inclui entre otro exoneracion di winstbelasting y dividendbelasting pa un periodo di dies aña y otro beneficio fiscal relaciona cu renobacion y benta di propiedadnan. E combinacion di inversion publico y condicionnan pa facilita inversion priva ta forma un parti importante di e strategia. Ora espacio publico y infrastructura mehora, y na mes momento tin condicionnan cu facilita inversion, Gobierno ta crea un base pa comerciante, doño di propiedad y inversionista por participa den desaroyo di centro di ciudad. Minister di Finansa, Asunto Economico y Sector Primario, mr. Geoffrey Wever, a indica cu e meta ta pa transforma vision y maneho den resultado cu comunidad por mira y sinti. “Pa hopi tempo nos a papia di e vision pa centro di Oranjestad, nos a traha plan, desaroya maneho y tuma diferente paso concreto. Pero un vision ta haya su balor ora nos pueblo por cuminsa mira y sinti su resultado. Cu firmamento di e contract pa diseño di Wilhelminastraat, nos ta trece un otro parti di e vision aki, un paso mas cerca di realidad.” Segun Minister Wever, Gobierno su rol no ta

limita na renoba un caya. E responsabilidad ta tambe pa crea e condicionnan necesario pa actividad economico por desaroya. Esaki ta inclui infrastructura y espacio publico, facilitacion di inversion, incentivonan fiscal y colaboracion cu empresarionan, comerciantenan, doñonan di propiedad y otro stakeholdernan. “Un ciudad dinamico no ta wordo crea door di Gobierno so. Sector publico y sector priva mester traha hunto pa por logra esaki. Wilhelminastraat mester bira un area cu ta duna hende un motibo pa bin den centro di Oranjestad y keda den centro di Oranjestad, mientras cu ta crea oportunidad pa negoshinan existente y inversion nobo.” E cooperacion entre e diferente ministerionan ta esencial den e siguiente fasenan di e proyecto. Ministerio di Infrastructura tin un rol importante den e parti tecnico y infrastructural, mientras cu Ministerio di Finansa, Asunto Economico y Sector Primario ta conecta e inversion den espacio publico cu e vision economico mas amplio pa stimula actividad, inversion y desaroyo den centro di Oranjestad. Oficina di Prome Minister ta forma parti di e coordinacion general den cuadro di e vision di Gobierno pa revitalisacion di capital. Cu BK Consult awor encarga cu desaroyo di e diseño final, Gobierno ta continua cu e siguiente fase tecnico di e proyecto. E renderings presenta ta representa e direccion inicial pa e area, mientras cu e trabou di diseño y documentacion tecnico lo prepara e base pa futuro implementacion. Revitalisacion di Wilhelminastraat ta asina forma parti di un proceso mas amplio pa gradualmente fortalece centro di Oranjestad como un area pa vivienda, comercio, gastronomia, inversion y actividad social, cu espacio publico cu ta sostene e funcion economico y urbano di nos capital.


DIAmars 22 september 2026

Un bista riba “E Monster Bounce”:

P3

e circuito di 200 meter cu ta forma e curazon di Flippy’s Fun Park Cuater pista, decenanan di obstaculo y un diseño cu ta pone amigo competi contra amigo — Flippy’s Fun Park ta habri e cortina riba su atraccion mas grandi.

“E Monster.” Monster Bounce ta un circuito di obstaculo inflabel enorme di 200 meter di largura, dividi den 4 pista paralelo cu ta permiti te cu 4 persona — of 4 grupo — competi contra otro na mesun tempo. E circuito ta inclui muraya pa subi, tunel pa pasa aden, obstaculo pa balansa, y area yen di bala pa hunga, tur uni den un solo caminda di aventura continuo for di principio te final.

ORANJESTAD, Aruba — Siguiendo riba e prome anuncio di Flippy’s Fun Park, e organisacion ta duna mas detaye tocante e atraction principal cu ta forma e curazon di henter e parke: The Monster Bounce, conoci localmente como

E organisadornan a splica cu nan kier a trece algo nobo pa Aruba, algo nunca antes visto. Despues di hopi sondeo, a dicidi cu e momento ta oportuno pa e parke inflabel aki. E sistema di 4 pista aki ta trece tambe un elemento social y competitivo cu no ta comun na

Aruba: famia y amigonan por concursa banda di otro, hasiendo e Monster Bounce e centro natural pa desafio y competencia amigabel durante henter e evento na Harbour Arena. Flippys Fun Park ta programa pa habri su porta den vakantie di scol di October. Un fecha exacto ainda mester wordo anuncia. Mas detaye tocante e otro atraccionnan di Flippy’s Fun Park — incluyendo Island Bounce, Sky Drop, y Little Mermaid Bounce — lo wordo publica den e siguiente dianan, huntu cu informacion completo tocante ticket. Kico ta Flippy’s Fun Park Flippy’s Fun Park ta un parke di

entretenimento inflabel nobo y inovador na Aruba, pa mucha y adulto, cual su atraccion principal ta e Monster Bounce — e circuito di obstaculo inflabel mas grandi cu Aruba a yega di mira y mas grandi di Caribe. E parke lo wordo instala na Harbour Arena, Oranjestad. Flippys Fun Park ta un presentacion di Nice Events, Coca Cola y All to Car.


P4

DIAmars 22 september 2026

Noticia di Corte

Homber cu a hinca otro cu Stanley Mes den bariga condena na 18 luna di prison ORANJESTAD – E homber Dominicano G.C. (43) a presenta den Corte recien pa e caso penal cu Ministerio Publico a cuminsa contra dje. E ta wordo acusa di intento di mata door di a hinca un homber cu un Stanley Mes den bariga. SOLO DI PUEBLO por a compronde cu Fiscal a exigi 4 aña di prison pa G.C. pasobra Fiscal ta hay’e culpabel di intento di mata. Hues a baha e castigo pasobra Hues ta haya cu ta e victima a cuminsa promer. Hues a condena G.C. na 18 luna di prison. E acusacionnan cu Fiscal a presenta den Corte contra G.C. ta cu riba 7 Maart 2026 el a purba mata e homber L.W. Fiscal a bisa cu G.C. a hinca L.W. cu cuchiu den bariga. Fiscal a sigui bisa cu subsidiario, e ta acusa G.C. di maltrato severo y mas subsidiario, di intento di maltrato severo. HINCA CU STANLEY MES Hues a bisa cu G.C. a admiti cu el a hinca L.W. cu un Stanley Mes. Hues a puntra G.A.S.C. kico a pasa. Segun G.C., e cu L.W. ta amigo. Un dia nan a top ana un lugar caminda nan a pusta placa, kende lo bay mihor. A resulta cu L.W. a gana y segun G.C. el a paga L.W. 100 florin di e pustamento di placa cu el a perde. G.C. a sigui bisa cu despues L.W. lo a sigui papia cu G.C. lo debe placa. Despues di 1 siman e tabata na un lugar nocturno cu su amiga y el a mira L.W. yega cu otro dos amigo. Segun G.C., e dos hombernan cu L.W., ta hendenan peligroso. Na dado momento el a bay baño y promer cu e yega baño, L.W. a dal’e mokete na cara. E momento ey G.C. a pasa man pa e Stanley Mes di trabao cu e tabatin den su carson y a hinca L.W. den bariga y core bay. E dos hombernan a sigui su tras. G.C. a bisa Hues cu el a core te ora el a topa un Polis y a bisa e Polis. El a bay sconde y despues a entrega su mes. Hues a puntra, pakico G.C. a coy e Stanley Mes y no a dal bek cu mokete. Segun G.C., e momento ey el a reacciona asina mirando cu nan tabata tres. El a bisa cu e Stanley Mes tabata den su carson di trabao.

Hues a bisa cu segun Polis, a mira un homber para banda di un auto y a kere cu lo tin un accidente. E homber a bisa Polis cu su amigo L.W. a wordo hinca door di G.C., kende a core bay den un auto. Despues Polis a detene G.C. Polis a bay hospital y a papia cu L.W., kende a bisa cu ta G.C. a hinke. VICTIMA OPERA DI INMEDIATO Hues a mustra cu L.W. tabatin un hinca di 7 cm hundo y e hinca a afecta su tripa. Na hospital mester a opera di biaha caminda specialista mester a kita un pida di e tripa. L.W. a keda 5 dia interna den hospital. G.C. cu wowo na awa a bisa Hues cu e ta arepenti di loke el a haci. FISCAL A EXIGI 4 AÑA DI PRISON Fiscal a bisa Hues cu e ta haya legalmente proba intento di mata. Fiscal a bisa cu e no ta mira cu aki por papia cu G.C. a actua den defensa propio. Tabatin un problema entre G.C. y L.W. Fiscal a bisa cu L.W. a declara cu diferente biaha G.C. tabata provoca L.W. na diferente lugar. Fiscal a bisa cu un Stanley Mes ta sumamente peligroso ya cu e ta hopi skerpi. Fiscal a bisa cu e ta kere cu G.C. tabatin e Stanley Mes teni den su carson y tabata prepara pa L.W. E pregunta cu ta surgi ta, esaki tabata defensa propio of un ataque. Fiscal ta haya cu tur e asunto aki tabata por nada. Un discusion riba 100 florin ta escala bira un hincamento caminda na hospital mester a opera di emergencia L.W. y scapa L.W. Fiscal a mustra cu G.C. a hinca cu forza y penetra 7 cm den bariga di L.W. Na opinion di Fiscal, G.C. a tuma e riesgo cu e por a mata L.W. Fiscal a exigi 4 aña di prison di cual 1 aña ta condicional cu 3 aña di prueba. ABOGADO TA PAPIA DI DEFENSA PROPIO Abogado mr. Carlo a bisa Hues cu e ta haya cu G.C. a actua den defensa propio y ta haya cu mester lag’e liber. E abogado a sigui bisa cu si Hues no ta di

acuerdo, e ta haya cu mester declara G. C. liber. El a splica cu G. C. y L.W. tabata bon amigo. Despues di e pustamento di placa den un club pa bailamento caminda L.W. a gana, tur cos a cambia. E abogado a bisa cu G.C. a bay un club noctorno pa un fiesta cu su pareha. Paden el a cana bay baño y L.W. a dal’e na cara. L.W. tabata cu dos otro homber. E momento ey G.C. tabata sinti su mesa menaza y a saca e Stanley Mes y hinca L.W. y a bay. E abogado ta haya cu G.C. a actua asina door di e situacion cu el a hay’e confronta cun’e. E abogado a bisa cu for di documentonan no por saca afor si ta un herida severo. Ta un biaha so G.C. a hinca y no tabata su intension di causa herida severo. Na opinion di mr. Carlo, aki por papia di maltrato cu arma y no maltrato cu arma cu consecuencia severo. El a bisa Hues cu G.C. ta arepenti di loke el a haci. E abogado ta conclui cu mester declara G.C. liber di intento di mata y castiga G.C. pa maltrato cu arma y un castigo igual na loke G.C. ta sera caba. HUES A BAHA CASTIGO EXIGI PA FISCAL Hues a sera tratamento di e caso y a bay evalua un rato. Ora el a bolbe, Hues a bisa cu e ta dicta sentencia di biaha. Hues ta haya cu G.C. a hinca L.W. den bariga. E forma di hinca ta causa risico cu L.W. por a muri. Hues ta haya G.C. culpabel di intento di mata. Hues a mustra cu tin discusion di defensa propio of no. Hues ta haya cu G.C. a defende su mes pero a bay di mas. Hues a rechaza e defensa cu G.C. a actua den defensa propio. Hues a bisa cu no a sali na cla cu G.C. tabata teme pa su bida door cu tabatin dos otro persona hunto cu L.W. Pa cu e castigo, Hues a bisa cu tin punto di orientacion pero no por us’e den e caso aki. Den e caso aki e victima a cuminsa promer y G.C. a actua. Hues a tene cuenta cu G.C. ta promer biaha e ta cay den man di husticia y e ta arepenti. Hues ta haya cu mester manda señal den comunidad pa no ta tolera hincamento. Hues a condena G.C. na 18 luna di prison di cual 6 luna ta condicional cu 2 aña di prueba. E tempo di prueba, G.C. mester cay bou guia Reclasering.


P5

DIAmars 22 september 2026

Mision comercial na República Dominicana ta crea base pa cooperacion concreto entre Aruba y República Dominicana

ORANJESTAD - Durante e reciente mision comercial di Aruba na Santo Domingo den cuadro di HUB Cámara Santo Domingo 2026, un delegacion Arubano encabeza pa Minister di Finansa, Asuntonan Economico y Sector Primario, Sr. Geoffrey Wever, a tene diferente reunionnan institucional y empresarial cu e meta di fortalece relacion comercial entre Aruba y República Dominicana y identifica oportunidadnan concreto pa cooperacion, comercio y conectividad. Durante e mision, Minister Wever a tene reunionnan cu ProDominicana, Junta Agroempresarial Dominicana (JAD), Junta de Aviación Civil (JAC), Embahada di Reino Hulandes na República Dominicana, Autoridad Portuaria Dominicana (APORDOM) y Ministerio de Relaciones Exteriores (MIREX). E delegacion a haci tambe bishita empresarial na Mercarne S.R.L. y Suplidora de Carnes A&B, unda a papia directamente tocante capacidad di produccion, calidad, logística, y oportunidadnan pa comercio cu Aruba. E reunionnan institucional encabeza pa Minister Wever a confirma cu tin interes fuerte di ambos banda pa sigui habri y fortalece e canal comercial entre Aruba y República Dominicana. República Dominicana tin un capacidad importante den produccion, agroindustria, logistica y otro sectornan cu por ofrece alternativa interesante pa empresanan Arubano, mientras cu Aruba por funciona como un mercado y socio regional pa companianan Dominicano cu tin interes den expande nan actividad comercial. Un

tema

central

den

e

conversacionnan di Minister Wever cu e diferente autoridadnan Dominicano tabata e importancia pa pasa di dialogo institucional pa accion y resultado concreto. E intencion ta pa e relacion entre e dos paisnan no keda solamente na reunionnan y intercambio formal, pero pa e contacto sigui cu proyectonan, conexionnan empresarial y mecanismonan di seguimiento cu por produci resultado tangibel pa ambos economia. Den e contexto aki, durante e reunionnan a discuti tambe e posibilidad di desaroya un Memorandum of Understanding (MOU) of otro marco di cooperacion, pa pone algun prioridad y accion concreto riba papel. E cooperacion por enfoca, entre otro, riba facilitacion di comercio, conexion entre empresa, logistica y transporte, agricultura y agroindustria, conectividad aereo y maritimo, y cooperacion institucional. Durante e reunionnan cu JAC y APORDOM, Minister Wever a trata e importancia di conectividad aereo y maritimo y di un sistema logistico eficiente pa facilita mas comercio entre Aruba y República Dominicana. Den e reunionnan cu JAD, Mercarne y Suplidora de Carnes A&B, atencion a bay principalmente na agricultura, agroindustria, seguridad alimentario, calidad di producto y posibilidadnan pa conecta productor y proveedor Dominicano directamente cu importador y empresa Arubano. Ademas di e agenda institucional di Minister Wever, Aruba a participa na HUB Cámara Santo Domingo 2026 cu un delegacion di 19 compania Arubano. E empresanan a participa na reunionnan B2B cu companianan

Dominicano, cu e meta di identifica proveedor, socio comercial y oportunidadnan concreto pa importacion, distribucion y cooperacion. E formato B2B a duna e participantenan oportunidad pa papia directamente cu empresanan relevante, compara producto y condicionnan comercial, y establece contacto cu potencial socio pa seguimiento despues di e mision. E delegacion Arubano na HUB Camara Santo Domingo 2026 a inclui importadornan, distribuidornan, operadornan den sector di servicio di cuminda y companianan di construccion cu tawata explora oportunidadnan nobo di negoshi na Republica Dominicana. Nan interesnan tawata enfoca principalmente riba carni, fruta y berdura fresco, aros, grano, productonan di conserva, juice, koffie, cacao, snacks y otro productonan alimenticio, y tambe riba productonan di limpieza, materialnan di construccion, productonan di tabaco y oportunidadnan pa private label. E participacion di e 19 empresanan, combina cu e reunionnan institucional di Minister Wever, a permiti cu e mision tin tanto un

nivel politico-institucional como un nivel comercial directo. Esaki ta importante pa crea condicionnan na nivel di gobierno, mientras cu simultaneamente empresanan ta forma e conexionnan necesario pa comercio real por tuma luga. ProDominicana y MIREX a expresa nan disposicion pa sigui facilita contacto y seguimiento entre e dos paisnan, mientras cu Embahada di Reino Hulandes na República Dominicana tambe ta un socio importante pa sostene cooperacion economico y comercial den region. Minister Wever y DEACI lo sigui coordina seguimiento cu e diferente institucionnan y companianan pa transforma e contacto nan estableci durante e mision den oportunidadnan comercial, proyectonan concreto y cooperacion duradero. Minister Wever a considera e mision un paso positivo den fortalecemento di relacion economico entre Aruba y República Dominicana, cu e proximo fase mester concentra riba seguimiento, implementacion y resultado concreto pa empresanan y economia di Aruba.


P6

DIAmars 22 september 2026

Honrando un Leyenda di Jidokwan Taekwondo na Aruba: Grand Master Len Johnson

Dia 16 di september 2026, Chaco Taekwondo Academy (CTA) tabata e centro di encuentro unda nos a reuni cu gran honor y emocion pa celebra un icono di nos arte marcial. Den presencia di su esposa, amigonan y exalumnonan, nos a entrega e certificadonan oficial di 'The World Taekwondo Jidokwan Federation' na Grand Master Len Johnson.

Karate na Aruba.

Un resumen breve di e trayectoria historico di GM Len Johnson:

Expansion internacional (1971): A bai studia na Enschede, Hulanda, unda el a habri e prome scol di A.K.I. Jidokwan na Hulanda.

Fecha di nacemento: 2 di september 1947. Inicio den Taekwondo: A cuminsa train na februari 1968 bao guia di Master Adolf Lichtenstein (alumno directo di GM Sihak Henry Cho di New York) den e prome dojang di Korean

Prome Generacion: E ta wordo reconoci como parte di e First Generation di faha preto di Aruba Karate Institute (A.K.I.). Promocion nan historico: A ricibi su 1st Dan na 1970 bao di Mr. Robert G. Zychski (manda pa GM Sihak Henry Cho), 2nd Dan na 1977, 3rd Dan na 1985, 4th Dan na 1997, y su 5th Dan na 2004 bao di A.K.I.

Impacto na Boneiro (1986): A muda pa biba na Boneiro unda tambe el a habri su scol pa sigui expande e arte marcial. Supervision:

Awendia,

A.K.I. ta keda bao di su supervision directo como Chief Instructor.

E anochi aki na CTA tabata un momento unico unda e 'Old Timers' di Aruba Karate Institute a bin hunto pa reconoce un caballero di 79 aña cu a dedica su bida completo cu fidelidad na Jidokwan. Cu sosten di GM Sir Jose Cornelio y nos scol, nos a haci e peticion humilde na World Taekwondo

Jidokwan Federation na Korea pa duna GM Len Johnson e reconocemento di 9th Dan cu e merece profundamente.

Danki na tur cu a haci e anochi historico aki posibel y cu tabata presente pa comparti e momento inolvidabel aki!

Riba potret: Backrow: Sam Dumfries,

Kevin Hodge, Master Yoshmar Wever, Mireille Dirksz, John Dijkhof, Master Richard Vrolijk. Secondrow: Master Eric Barry, Antony Geerman, Emilio Geerman, Sensei Felix Tromp, Master Miguel Genser, GM Melvin Rasmijn. Frontrow: Master Eric Dania, GM Chaco Cornelio, GM Len Johnson y Esposa, Mario Genser, Ricardo Perez.


P7

DIAmars 22 september 2026

Minister Rene Herdé:

Revitalisacion di Wilhelminastraat ta continuidad di un proceso pa renoba centro di Oranjestad Gobierno di Aruba a inicia un siguiente fase den revitalisacion di Wilhelminastraat, cu firma di contract cu BK Consultant CivielBouwkundig Advies Bureau N.V. pa desaroya e diseño integral di e area y su vecindario. E momento oficial a tuma luga diabierna 18 di september, den presencia di entre otro Prome Minister Mike Eman, Minister di Finansa, Asunto Economico y Sector Primario Geoffrey Wever y Minister di Infrastructura, Energia y Telecomunicacion Rene Herdé. Cu e paso aki, e proyecto ta move for di fase di vision y seleccion pa diseño final y preparacion tecnico, creando e base necesario pa despues pasa pa ehecucion di e trabounan. Pa Minister Herdé, un aspecto importante ta cu e proyecto no ta para su so. E ta continuidad di un proceso di renobacion di centro di Oranjestad cu a cuminsa varios aña pasa y cu gradualmente ta sigui tuma forma. “E bunita di e proyecto aki ta cu e ta un continuacion di algo cu a cuminsa añanan pasa, renobacion di centro di ciudad,” Herdé a indica. Infrastructura como parti esencial di revitalisacion Asumiendo su responsabilidad como Minister di Infrastructura, Herdé a enfatisa cu e cartera tin un rol esencial den e tipo di proyectonan aki. Revitalisa un parti di ciudad no ta solamente cuestion di aparencia, e ta exigi planificacion y preparacion tecnico pa crea un espacio cu ta

funcional y cu por sostene su uzo pa futuro. Departamentonan tecnico relaciona cu infrastructura ta participa den diferente fase di proyectonan, por ehempel brindando conseho tecnico, supervision y caminda ta aplica, apoyo den ehecucion. Segun Herdé, esaki ta e manera cu Ministerio di Infrastructura tambe ta contribui na Wilhelminastraat: traha hunto cu e otro carteranan pa transforma e vision den un proyecto cu ta tecnicamente bon prepara. E diseño cu BK Consult lo sigui desaroya awo ta enfoca, entre otro, riba calidad di espacio publico, mobilidad, funcionalidad, sostenibilidad y conservacion di e identidad historico di Wilhelminastraat. E imagennan presenta durante e ceremonia ta mustra e direccion inicial, mientras cu awo lo sigui e trabou riba diseño final, bestek/plan di construccion y documentacion tecnico.

Un proyecto comparti Revitalisacion di Wilhelminastraat ta realisa den cooperacion entre Ministerio di Infrastructura, Energia y Telecomunicacion, Ministerio di Finansa, Asunto Economico y Sector Primario y Oficina di Prome Minister. Herdé a destaca e importancia di e colaboracion aki, caminda cada cartera ta aporta for di

su propio responsabilidad. Mientras cu infrastructura ta atende e dimension tecnico y infrastructural, e proyecto ta conecta cu e vision economico mas amplio pa trece actividad, inversion y bida bek den nos centro di ciudad. Minister Herdé a reconoce e importancia di traha hunto cu su coleganan, Prome Minister Mike Eman y Minister Geoffrey Wever, como parti di e esfuerso comparti pa sigui duna forma na revitalisacion di Aruba su capital. Wilhelminastraat historicamente ta un area caminda vivienda, comercio, gastronomia y actividad social ta topa otro. E intencion ta pa fortalece e caracter propio aki

y crea un espacio publico mas funcional, accesibel y atractivo pa residente, comerciante y bishitante. Pa Herdé, e siguiente fase ta representa principalmente continuidad: sigui construi riba e trabou cu a cuminsa, prepara e siguiente pasonan debidamente y percura pa infrastructura acompaña e desaroyo cu Gobierno ta proyecta pa centro di ciudad. Paso pa paso, vision ta traduci den planificacion y preparacion concreto, cu e meta pa sigui transforma centro di Oranjestad den un espacio cu ta sirbi comunidad y sostene su desaroyo pa futuro.


P8

DIAmars 22 september 2026

Gobierno di Aruba a anuncia oficialmente e di tres edicion di Cuida Aruba, cu lo tuma luga diabierna 25 y diasabra 26 di september, reenforsando e yamado na comunidad pa sigui traha hunto pa mantene nos isla limpi y bon cuida. di Obra Publico (DOW), y Maikel Gomes, vocero di Bureau City Inspector (BCI). Ahustenan pa facilita participacion Director di CMO, Rino Hermans, a splica cu e experiencia di e dos prome edicionnan di Cuida Aruba a permit e organisadonan haci varios ahuste pa mehora e operacion. Entre e cambionan tin e decision pa mantene cinco categoria di separacion di desperdicio, loke ta facilita e proceso di descarga, reduci e tempo di sinta warda y permiti transporta mas cantidad di material di sushi. Ademas, e horario di entrega ta cambia. E puntonan unda lo tin baki pa tira sushi lo ta habri di 7:00 di mainta te 11:00 di mainta, pa asina por transporta tur e desperdicio na tempo. Hermans a enfatisa cu Cuida Aruba no por limita su mes na un dia di limpiesa. Segun Hermans, e meta ta crea un cambio permanente den comportacion di comunidad, evitando cu ta bolbe tira sushi na e mesun luganan despues cu a haci nan limpi. Mas organisacion ta suma nan mes

Durante un rueda di prensa, Prome Minister Mike Eman a presenta e siguiente edicion di e iniciativa nacional hunto cu Rino Hermans, director di Crisis Management Office (CMO), Silvhyanne Vrolijk, coordinador di CEDE Aruba, Chieh Chen Lake, vocero di Departamento

Coordinador di CEDE Aruba, Silvhyanne Vrolijk, a informa cu cada edicion ta atrae mas organisacion dispuesto pa participa. Entre e gruponan cu ya a confirma nan participacion tin AVB, RIU Hotels, Scouting Casibari, Scouting Ora Ubao, Scouting Aruba, Centro Famia Piedra Plat y otro grupo di boluntario. Vrolijk a haci un yamado na grupo di famia, amigo, scol y otro

organisacion pa registra y participa como grupo, indicando cu e iniciativa ta busca crea un cultura di responsabilidad comparti den comunidad. Cuida Aruba ta cuminsa cu cada ciudadano, señalando cu ora un hende mira un situacion cu no ta corecto, e mester tuma iniciativa y yuda cambia esaki. DOW prepara pa e operacion Na nomber di DOW, Chieh Chen Lake a indica cu nan ta plenamente prepara pa e di tres edicion. DOW lo mobilisa aproximadamente 50 hende pa e operacion y lo sigui traha hunto cu CEDE Aruba pa coordina e diferente puntonan unda por tira sushi. Lake tambe a urgi e comunidad pa haci uzo di e oportunidad pa haci rond di cas y bario, limpi specialmente durante temporada di horcan, ora cu desperdicio acumula por crea situacionnan di riesgo. Bureau City Inspector: "Nos tur tin un rol" Vocero di Bureau City Inspector,

Maikel Gomes tambe ta cla pa mustra nan presencia na e diferente punto pa guia e operacion. Gomes a haci un yamada pa bisiña y famia yuda otro durante e dia di accion, resaltando cu e esfuerso cu a wordo haci durante e ultimo lunanan no por bay perdi. Segun BCI, mantene Aruba limpi ta un responsabilidad cu mester continua despues di cada accion di Cuida Aruba. Amplio respaldo di e partnernan Ademas di Gobierno di Aruba, Serlimar, Bureau City Inspector, DOW, CEDE Aruba y CMO, diferente empresa y organisacion boluntario lo ta presente den campo pa asisti cu coordinacion y guia, ta urgi tur ciudadano pa participa den Cuida Aruba riba diasabra 26 di september, resaltando cu cada saco di sushi cu ta wordo piki ta representa un paso mas cerca di un Aruba mas limpi, mas saludabel y cu un sentido di comunidad mas fuerte. Pa mas informacion subi www.cuidaaruba. com


P9

DIAMARS 22 DI SEPTEMBER 2026

Motociclista ta yega dilanti Well Well cu posibel tiro den lomba

Sero Biento - Diadomingo den careda di 9'or pasa algun brommer a yega dilanti Well Well Bar Restaurant, pero uno tawata herida. Segun informacion di e amistadnan, nan ta algun persona cu lo a sali di Hamaka y direccion rotonde Mahuma a dicidi di bay nort direccion Well Well. Den e birada skerpi di Santa Marta pa Sero Biento e motociclista lo a scucha un tiro y mas cu claro e dolor. Su amigo tambe a scuche haci mane e tin dolor. Nan a sigui core y yega Well Well, unda e la pidi nan pa wak su lomba. Asina na mira un herida, cu tawata sangra y keda sangra. E la pidi pa awa y nan a dune awa. Asina a avisa 911 y polis. Segun por a compronde

na e sitio, cu e herida no tawata mustra grandi, pues si ta trata di un proyectil lo ta un caliber chikito. Paramediconan na yegada mesora a baha atende y a lante, stabilise un rato den e ambulance y despues sali mesora direccion Hospitaal. Polisnan na e sitio a haya informacion di e amistadnan y tambe lo bay mira e security camaranan. Departamentonan concerni si ta bon lo a wordo notifica.


P 10

DIAMARS 22 DI SEPTEMBER 2026

Traspaso di proyecto Monumental Kibaima: “Conserva nos historia ta conecta nos cu ken nos ta” testimonio di e periodo ey, pero tambe di e manera cu Aruba a busca solucion. Segun Premier Eman, precisamente e historia ey ta algo cu mester conserva. “E ta conecta nos cu e historia di ken nos ta, di unda nos a bin y unda ciudadanonan cu a biba den e pais aki a desaroya e habilidad pa supera e tipo di retonan aki,” Eman a expresa. For di conserva awa pa conserva Un lugar cu casi un siglo pasa tabata esencial pa garantisa suministro di awa na Aruba, awor ta preparando pa haya un funcion nobo: conserva e historia, memoria y conocemento di nos pais pa generacionnan cu ta bin. Diaranson atardi, Prome Minister Mike Eman a presencia na Kibaima e ceremonia oficial relaciona cu e siguiente fase pa restauracion y reutilisacion di e tankinan historico di awa, cu e vision pa acomoda Archivo Nacional Aruba y crea un centro moderno di conocemento y patrimonio. Durante e ceremonia a firma tanto un Erfpachtovereenkomst como un Samenwerkingsovereenkomst entre Pais Aruba y Stichting Monumentenfonds Aruba, formalisando asina un paso importante den desaroyo di e proyecto. Pa Premier Eman, kende tambe ta carga responsabilidad pa Cultura, e significado di e momento ta bay

comunidad cu naturalmente ta mira hopi dilanti y ta concentra riba futuro. Pero precisamente den e proceso ey, tin e riesgo pa lubida di unda nos a bin. P’esey el a destaca e trabou cu institutonan manera Archivo Nacional Aruba, Biblioteca Nacional Aruba y Stichting Monumentenfonds Aruba ta haci pa conserva e memoria colectivo di pais. Un documento, un edificio, un obheto of otro material historico por conta algo di e Aruba di ayera y yuda siguiente generacion comprende miho e sociedad cu nan a hereda. Premier a expresa aprecio special pa e trabou di Archivo Nacional y Biblioteca Nacional pa haci material historico mas accesibel, via Coleccion Aruba. Un hogar pa Archivo Nacional

mucho mas leu cu restauracion di un monumento. El a invita esnan presente pa imagina un Aruba di antes, ora habri un cranchi y haya awa limpi no tabata algo automatico. Den un isla seco manera Aruba, generacionnan anterior a conoce periodonan di scarsedad severo, cosecha cu a fracasa y dificultad pa haya suficiente awa. E

tankinan

di

Kibaima

ta

conocemento Pa Premier, tin un simbolismo special den e funcion nobo cu e tankinan lo haya. Unda cu antes e reservoirnan tabata forma parti di un infraestructura cu tabata conserva awa pa comunidad, awo e mesun structuranan historico lo contribui na conservacion di conocemento y patrimonio. Eman a enfatisa cu Aruba ta un

Director di Archivo Nacional Aruba, drs. Raymond Hernandez, a describi e momento como uno particularmente emotivo. Despues di alrededor di 30 aña buscando un localidad adecuado pa conserva patrimonio nacional, e proyecto na Kibaima ta acerca Archivo Nacional na posibilidad di finalmente dispone di un facilidad cu ta cuadra cu su responsabilidad. Hernandez a enfatisa cu un archivo moderno no ta solamente un luga pa warda papel. E ta conserva CONTINUA PAG 11


P 11

DIAMARS 22 DI SEPTEMBER 2026

CONTINUACION PAG 10 documento, potret, video, audio, mapa, buki y otro material cu ta conta historia di Aruba. Su vision ta pa Kibaima eventualmente bira un centro di conocemento y patrimonio, habri pa comunidad, scolnan, studiante, docente y investigador. Den palabranan di Hernandez, e sitio cu un tempo tabata carga awa pa sostene poblacion, awor por bira un fuente di conocemento pa grandi y chikito. Un segundo bida pa patrimonio Minister Rene Herdé a enfoca riba e oportunidad pa duna e monumento un segundo bida. Segun Herdé, conserva patrimonio no ta simplemente drecha beton of warda material antiguo; ta conserva e rikesa di conocemento, cultura, recuerdo y experiencia cu otro generacionnan a laga atras. E proyecto, ta permiti Aruba sigui construi riba trabou y vision di esnan cu a bin prome. For di Stichting Monumentenfonds Aruba, Directora Petra Davis a splica cu restauracion y adaptacion di e tankinan lo tuma luga den diferente fase, cu atencion tanto pa nan balor monumental como pa e rekisitonan specifico di un facilidad moderno pa archivo. Conocemento como oportunidad pa futuro

un

Premier Eman a mira tambe posibilidad pa e desaroyo na Kibaima conecta cu otro iniciativa di conocemento den e area, incluyendo Smart Community. Su aspiracion ta cu Aruba por sigui desaroya centronan di conocemento cu no solamente sirbi nos propio comunidad, sino cu eventualmente por permiti nos isla comparti y exporta conocemento. Na final, Premier Eman a expresa gradicimento na tur e

institucionnan y personanan cu a contribui na e proyecto y particularmente na Gobierno Hulandes pa e sosten financiero brinda. Cu e acuerdonan firma, e tankinan di Kibaima ta drenta un siguiente capitulo. Un monumento cu ta conta con Aruba a lucha pa garantisa algo tan esencial manera awa, awo ta prepara pa conserva algo igualmente esencial: e memoria di ken nos ta, unda nos a bin for di dje y e conocemento cu nos kier pasa pa siguiente generacionnan.


P 12

DIAMARS 22 DI SEPTEMBER 2026

KPA TA RICIBI 16 VEHICULO POLICIAL NOBO

Cada un vehiculo ta moderno y capaz pa por yega tur caminda na Aruba. Tambe e conocido transporte policial

Oranjestad, ARUBA: Cuerpo Policial Aruba recientemente a haya e prome lote di yabinan di vehiculo policial nan nobo. KPA lo haya mas adkisicion di vehiculo policialnan nobo pero tambe ta renoba e flota di nos

transporte policial. Un total di 16 vehiculo policial bou di e marca Toyota, KPA lo ricibi. Entrenan e modelonan di Landcruiser, Hilux, Hiace y Fortuner. E departamentonan cu lo

ricibi cambio di flota ta; e pick-upnan pa Polisnan di Bario, Van pa Scol di Polis E.J. Watty Vos, Fortuner pa Departamento di Forensico y e transportenan policial (Landcruiser) pa tur Districto.

ta haya un facelift nobo, mas moderno y mas visibilidad pa asina cada Districto tin nan mesun transporte operacional bek. Di e forma aki, Aruba por cuminsa mira e prome lote di e patruyanan nobo riba caya. Danki na CEA pa e yudansa brinda pa por a sostene KPA pa cu e transporte di

detenido. Sin CEA esaki no por ta posibel. Danki tambe na Toyota Aruba pa brinda nos cu e adkisicion nobo aki pa asina nos di KPA por brinda mihor seguridad y servicio tanto pa nos agentenan tambe na nos comunidad.


P 13

DIAMARS 22 DI SEPTEMBER 2026

ACF: E COMPLEHIDAD DI MANEHA IMPACTO DI BISHITANTE NA MANGEL HALTO Como e organisacion di maneho di Aruba su areanan protegi terestre y marino, Aruba Conservation Foundation (ACF) kier elabora riba e proyecto di renobacion cu a wordo conduci riba e palapanan existente na Mangel Halto. Un di e desafionan crecente y compleho di nos tempo ta maneha e balansa entre turismo y conservacion di naturalesa, specialmente ora cu ta bin na e impactonan social y di medio ambiente di infrastructura di bishitante, manera e renobacionnan na Mangel Halto. Mangel Halto mas y mas ta birando un area hopi bishita pa local y bishitantenan di afo y e subida den bishitante ta representa menasanan mas grandi ainda ariba e medio ambiente y e comunidad den e area. Den e ultimo lunanan, ACF tawata den contacto di cerca cu varios di e representantenan di e comunidad di Mangel Halto kende a trece dilanti nan preocupacionnan, cu ta inclui e situacion di deterioracion di e palapanan, pero no limita na esey so. E renobacion di e palapanan y gazebonan na Mangel Halto ta parti di un colaboracion mas amplio entre Aruba Tourism Authority (A.T.A.), primordialmente dirigi na reduci e impacto humano riba e sitio ecologicamente sensitivo akinan, y asina maneha bishitantenan activamente y crea espacio pa naturalesa. E renobacion na Mangel Halto a cuminsa na november 2022 como parti di un proyecto multi annual bou di e gabinete anterior na areanan di Boca Catalina, Mangel Halto y Rodgers Beach, financia pa A.T.A., maneha pa un empresa ingeniera contrata, den colaboracion cu ACF pa recomendacionan medio ambiental. E obhetivo di e proyecto di Mangel Halto ta pa responde na e necesidadnan di naturalesa, e comunidad di Mangel Halto, y bishitantenan di e area, pa renoba e palapanan deteriora riba lama y riba e costa, e brug, e trapi, y ultimamente e dek, den un manera cu ta mas alinea na metanan di conservacion y sostenibilidad a termino largo. Fase I a encera e reemplaso di palapanan existente riba beach cu gazebo pa asina miho maneha e fluho di bishitante asina respondiendo na e cantidad di bishitantenan na Mangel Halto. E aumento grandi di bishitante local y internacional na e area akinan a causa

hopi daño na e mangelnan pasobra personanan tawata bay den e mangelnan pa asina busca sombra di solo, asina destrosando habitat di por ehempel e soldachi (Fiddler Crab), ta colga tasnan y serbete na e ramanan di e mangel, y ta laga atras mas sushi ainda den e raiznan di e mangelnan. Fase II, cu a cuminsa na januari 2025, cu e reemplaso di palapanan existente riba e costa cu a wordo completa luna pasa. Pa fase I y fase II, e proyecto a tuma lo siguiente den consideracion prome cu ehecusion: • A reduci e number total di palapa, y no a bin cu mas palapa. • A kita e structura reduntante. • A realoca e palapanan pa areanan menos ecologicamente sensitivo: a kita palapa di area unda cu tin mata ta crece pa asina mester stop di corta e mata y laga vegetacion natural pa regenera, trahando mas especio pa naturalesa. • A realoca e palapnan riba costa mas leu di e liña di costa pa reduci e chens cu sushi ta cai dibiaha den lama. • A restaura habitat costal door di crea mas espacio na e costa pa especienan costal manera e Sternchi of Bubi por unabes mas cuminsa usa e costa pa broei den futuro. Por observa caba Sternchinan den e area. • A diseña e palapnan cu un fundeshi fuerte y solido pa por wanta e biento costal fuerte y asina garantisa e siguridad di bishitantenan, mientras a incorpora cu e parti ariba di e palapa por facilmente wordo mateni sin mester atrobe stroba e fundeshi of e naturalesa cu ta rond di e palapa. Mescos cu tur otro proyecto cu ACF ta envolvi aden, esfuersonan activo ta wordo haci pa por involucra stakeholders, y pa e proyecto akinan, ACF a sigura di involcra e comunidad di Mangel Halto. Localidadnan di e palapanan a wordo escoge cu sugerencia y den presencia di representantenan di e comunidad. Tumando den consideracion e complehidadnan akinan, ta un momento curcial pa nos para keto y refleha con, hunto cu e gobierno nobo ta bay maneha e infrastructura y actividadnan turistico, y nan impacto riba naturalesa. Bayendo dilanti, ACF como un organisacion di maneho di conservacion ta keda comprometi na tuma e pasonan necesario pa fortalece protocolnan y sigura cu un sorto di Evaluacion di Impacto Ambiental (EIA) ta central na tur

proyecto, carga pa ACF of haci den colaboracion cu ACF. Como parti di e compromiso aki, tur palapa y gazebo lo tin regla, regulacion, y mensahenan cu ta enfatisa e balor di naturalesa integra como parti di nan structura locual cu ta hacie mas facil pa usuarionan por compronde y adopta comportacion responsabel den e area akinan. Mientras cu tur esfuerso a wordo haci pa cumpli cu e consideracionan medio ambiental, tambe a haci esfuerso pa integra e necesidad di ambos naturalesa y e ser humano. E momento aki ta pone enfasis riba e complehidad di un realidad mas amplio y urgente. Aruba mester defini con e lo maneha turismo y su impacto riba naturalesa awo y den futuro. Di palapa, pier, y actividadnan di recreacion, persigui balansa ya no ta un opcion mas, e ta esencial den e contexto di cambio climatico, un populacion cu ta sigui crece, perdidad di biodiversidad, y e number di bishitante pa nos isla cu tambe ta sigui crece. Conservacion di naturalesa no por wordo haci door di ACF so. Nos ta conta riba e comunidad di Aruba pa ta e wowo y e oreanan di naturalesa hunto cu nos y avisa di cualkier problema na momento cu e ta pasando. E naturalesa aki ta di nos tur y ACF semper ta habri pa cualkier persona trece su preocupacionan of preguntanana dilanti, of duna feedback critico pa asina accion por wordo tuma den e momento y no despues.


P 14

DIAMARS 22 DI SEPTEMBER 2026

Nando Chirino Nando Chirino ta duna bida bek un exito di aña nan 80 di e popular banda "Midi", hinkando esaki den un bachi completamente diferente. Esaki ta parti di un serie di tema nan popular den e lista personal di Nando

cu a escohe pa rebiba nan den un version nobo y agregando asina Nando su propio sazon den dje. E tema aki sin duda tabata uno di e grandi nan den su tempo, aki nos ta laga e link di e video clip tambe.

“The Lord is my shepherd; I shall not want. He makes me lie down in green pastures; He leads me beside the still waters. He restores my soul; He leads me in the paths of righteousness For His name’s sake. Psalm 23 It is with hearts full of gratitude and peace that we announce the passing of:

Humphrey Eugenio Simmons *2 October 1958 - †17 September 2026 Details regarding the funeral service will be announced at a later date.


P 15

DIAMARS 22 DI SEPTEMBER 2026

FORTALEZA PA FAMIA Scirbi pa Pastor Marcel Balootje.

IGNORA OF RECHASA E PALABRA DI DIOS TIN CONSECUENCIA SERIO Ora un hende no tin conocemento e ta biba bao di ignorancia, un ehempel di esey tabata Saulo di Tarso kende tabata persigi esnan cu tabata sigi Cristo y sera nan y hasta e a consenti cu morto di Esteban ( Hechonan 8:1). Pero despues di encuentro cu Hesus riba caminda pa Damasco, e a bira un sirbidor fiel di Cristo Hesus, y hasta cu awe mundo henter por sinja for di locual e a ricibi for di Cristo Hesus. Y ta e mesun Pablo ta scirbi den Romanonan 1:18-32 cu hende no tin excuus pa bisa cu nan no sa, pasobra for di principio di mundo Dios a pone tur cos na conocemento di hende, pero tambe e ta splica den Romanonan 1: 28-32 kico lo pasa cu hende cu no ta hanja ta necesario pa reconoce Dios, y cual ta e consecuencia cu Dios ta pone riba nan. Den Proverbionan 13:13 ta para scirbi: Esun cu despresia instruccion lo paga pe , ma esun cu teme e mandamento lo wordo recompensa. Nos ta bibando den un tempo caminda bofonado lo tin delicia den hacimento di bofon, y bobonan lo odia

sabiduria? Pasobra asina e palabra di Dios ta bisa den Proverbionan 1:2327 : Bolbe na mi reprendemento, Mira lo mi drama mi spirito riba boso. Lo mi haci mi palabranan conoci na boso. Pasobra mi a yama y boso a nenga, mi a saca mi man y ningun hende no a haci caso, boso a neglisha tur mi conseho, y no tabata kier mi reprendemento. Tambe lo mi hari boso calamidad, y lo mi haci bofon ora miedo bin riba boso. Ora boso miedo bin manera un tempestad y boso calamidad bin manera warwaru.Ora cu e ansha y angustia bin riba boso. Den Job 22: 21y 23 e palabra di Dios ta bisa: Entrega awor y keda na pas cun’E ,door di esey bondad lo bini pa bo. Si bo bolbe serca e Todopoderoso,lo bo wordo edifica. Laga nos duna un ehempel hopi cla : Tin pais cu si un hende wordo hanja varios biaha ta corre un vehiculo Burachi e ta perde su rijbewijs pa semper.

Tambe si un hnde ocaciona accidente estando bao di influencia di alcohol of droga y morto a cay como consecuencia e ta perde su rijbewijs pa semper. Tambe tin para scirbi den papelnan di aseguro di e vehiculo cu asina bo ta maneha e vehiculo bao di influencia di alcohol of droga,considera cu bo no tin seguro, pasobra e compania lo no responde cu bo na momento di accidente.

Oracion Di Dia

Rancamento di palo di lus canto di caminda, of borchi di trafico bao di influencia di alcohol of droga, ta cay pa bo propio cuenta. Esey ta pa demostra kico ta pasa cu un hende cu ta ignora, y rechasa ley. Y con lo ta ora hende no ta respeta y no tin temor pa Dios? Hebreonan 2:1-2 ta bisa hopi cla pa tur hende tene cuenta; Pa e motibo aki.nos mester paga mucho mas atencion na loke nos a tende, pa nos no aparta nos for di

e caminda. Pasobra si e palabra papia pa medio di angelnan a keda proba di ta firme, y tur transgreshon y desobedencia a ricibi pago husto. Con nos lo scapa si nos neglisha un Salbacion asina grandi, cu na prome lugar a wordo papia door di Senjor, y a wordo confima na nos door di esnan cu a tende. No ta tempo pa hende haci nan curason duro, y haci manera, cu ta hende ta molestia.Ta tempo pa arepenti. Sinceramente Marcel Balootje.

Pastor

"E simia cu a cay den bon tera, ta e hendenan cu ta scucha e palabra y ta ricibi’e cu un curason noble y bon." (Lucas 8, 14) Den e Evangelio di awe Hesus ta splica tocante e parabola di e sembrado.Hesus ta e sembrado cu ta sembra e simia cu ta e palabra di Dios den nos curason. Awo e simia a cay den diferente tereno. E pregunta ta: ki tereno nos curason ta ? Nos curason ta duro manera baranca y ta stek e palabra di Dios of nos curason ta yena di cosnan di mundo y ta stroba e palabra di Dios di tira rais of nos ta scucha e palabra di Dios cu nos horeanan y no ta lag’e drenta nos curason y despues di un rato nos ta lubida tur cos. Pa nos por duna fruta nos curason mester ta tera fertil, un curason noble y humilde cu ta obediente y dispuesto pa cumpli cu e palabra di Dios. Asina aunke nos por haya nos den tur sorto di pruebanan nos ta keda tene duro na e palabra y ta persevera y ta duna fruta y fruta na abundancia. Oracion: Tata amoroso y bondadoso, duna mi e gracia pa mi por tin un curason semper habri pa bo palabra por penetra te den tutu di mi wesonan y duna fruta na abundancia pa medio di Cristo nos Señor.

Amen.


P 16

DIAMARS 22 DI SEPTEMBER 2026

FORTALEZA PA FAMIA Scirbi pa Pastor Marcel Balootje.

UN DIA CRISTO HESUS LO BINI E dia y e ora ningun hende no sa, pero mescos cu e cunukero ta ripara ta tempo di cosecha , asina tur esnan cu ta kere den Cristo ta nota den e senjalnan, den acontesimento mundial, den movecion di naturalesa y den tur locual cu Cristo Hesus a bisa y ta para scirbi den Mateo 24, cu e tempo ta asercando.

Kico ta nifica e furia di Dios lo keda riba hende?

Tin hopi hende tin miedo di tur locual ta pasando, pasobra ningun caminda ta safe di locual Dios su palabra ta bisa , pasobra locual ta para scirbi lo bini riba mundo completo manera ta para scirbi den Lucas 21:34-36.

Den Romanonan 2:5 e palabra ta bolbe splica con hende pa motibo di nan capricho y nan curason cu no kier arepenti, ta montona furia di Dios pa nan mes, den e dia di furia y huicio di Dios.

Te ainda e harido no kier stop di hari, ni e cherchado no kier stop di chercha, tampoco esnan cu ta rechasa Cristo Hesus , nan curason no kier cambia, y nan curason y pensamento cada dia ta aleha mas for di su palabra, buscando y sirbiendo diosnan falso cu no ta existi ni tampoco por duna salbacion. Manera ta para scirbi cu esnan cu ta kere den Cristo Hesus lo wordo persigi, pasobra nan kier biba un bida cu ta agrada Dios, den santidad, y den pas, y asina cumpli cu e propostito di Dios den nan bida. Laga nos habri nos wowo bon cla, y sigi perservera, pasobra ta cosnan grandi ta na caminda, laga nos pidi Dios pa habri porta, pa e evangelio di Dios por alcansa tur caminda, manera e gran comision ta manda nos. Laga tur hende samina nan mes, ya cu nos no por husga otro, pero nos mester anuncia na tur hende , aunke pa hopi e zona duro e palabranan cu ta para scirbi den Juan 3:36 bisando: Esun cu ta kere den e Yiu tin bida eterno, ma esun cu no obedece e Yiu lo no mira bida, ma e furia di Dios lo keda riba dje.

Awel den Juan 3:16-18 e ta splica nos cu esun cu no kere lo ta condena, pasobra e no a kere den e Yiu unigenito di Dios. Caminda tin condenacion eynan e furia di Dios lo ta.

Y splicando mas cla ainda , nos tur por comprende , cu Dios a stima mundo asina tanto cu e kier duna tur hende un chens pa drenta cielo, cu ta solamento door di kere y biba pa su Yiu Cristo Hesus. E tempo ta birando cortico , nos no sa cuanto tempo mas nos tin, e mundo ta birando cayente, esey ta un di e senjalnan cu ta demostra mas cla locual ta para scirbi den 2 Pedro 3:7. E promesa den Juan 14:1-4 ta pa nos no tin miedo, pa nos kere den Dios, y kere den Cristo Hesus manera ta para scirbi, cu E lo bay , y drecha lugar pa nos y despues bin bek bin busca nos pa caminda E ta nos tambe por ta. Tene bon cuenta cu locual ta para scirbi de 1 Thesalonisensenan 4:16-18. Tempo trabahoso, caminda ciencia y technologia ta aumentando, y mas y mas hende ta desvia , poniendo nan atencion y dedicacion na loke ta terenal y keda sin su busca locual ta eterno, cual ta e salbacion cu Cristo Hesus so por ofrece. E ladron ta bini solamente pa horta, pa mata y pa destrui. Cristo Hesus ta duna bida eterna.Sinceramente , Pastor Marcel Balootje.

SUDOKU


Turn static files into dynamic content formats.

Create a flipbook
Diamars september 22 2026 by Solo DI Pueblo - Issuu