Diamars september 15 2026

P1

DIAMARS 15 SEPTEMBER 2026

15 SEPTEMBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.

1.25

MINISTER GEOFFREY WEVER TA CUMPRA CARNE, CABRITO Y PORCO NOBO PA DIVERSIFICA E SELECCION DI CRIA

DI BESTIA DI SECTOR PRIMARIO

ARUBA BANK TA CELEBRA CULTURA HUNTO CU ENKURA En conexion cu celebracion di Dia di Brazil

P2

DIAmars 15 september 2026

Minister Geoffrey Wever ta cumpra carne, cabrito y porco nobo pa diversifica e seleccion di cria di bestia di Sector Primario

ORANJESTAD, Aruba – Pa di prome biaha den diescuater aña, Aruba ta importa carne, cabrito y porco nobo pa diversifica e seleccion di bestia pa e programa di cria di bestia di Dienst Landbouw, Veeteelt en Visserij (DLVV) na Santa Rosa.

Den colaboracion cu Comision Pro Cunucero Arubiano (CPCA), Minister Geoffrey Wever, encarga cu Sector Primario, a tuma e iniciativa pa trece 64 bestia di cria di rasa puro Aruba, y lo pone 18 carne y cabrito disponibel na prijs di cumpra pa criadornan local. Ta spera cu e bestianan yega Aruba den e di dos siman di september.

cu un aña despues, a haci un stap importante realidad, cu e yegada di 64 bestia nobo pa sector di cria na Aruba.

Cu e importacion nobo aki, ta trece un cambio concreto den esaki. E pedido ta consisti di 28 cabrito, 21 carne y 18 porco: • 18 cabrito Boer: 5 macho y 13 hembra; • 10 cabrito Nubian: 3 macho y 7 hembra; • 14 carne Dorper: 4 macho y 10 hembra;

Den preparacion pa e yegada di e bestianan nobo, Santa Rosa a pone varios di nan bestianan actual na benta, esaki a inclui varios cabrito, carne y porco pa criador local.

• 7 carne White Dorper: 3 macho y 4 hembra;

Pa basta tempo caba, sector local di cria di bestia tin necesidad di bestia nobo. Pa motibo di e entrada limita di carne, cabrito y porco nobo pa cria, diversidad genetico den e poblacion di bestia a baha. Esaki ta aumenta, entre otro, e riesgo di cruza entre bestia cu ta famia y por tin consecuencia pa productividad, fertilidad y salud di e bestianan.

Tambe, despues di diescuater aña, e programa di cria di DLVV tin necesidad di un impulso di carne, cabrito y porco nobo.

E bestianan nobo ta duna DLVV e oportunidad pa bolbe construi su programa di cria cu un base mas amplio y di mihor calidad. Despues, e descendientenan por contribui na un mehoracion continuo di e poblacion local di bestia.

Ariba 8 di December, 2025, Minister Wever a firma un MOU cu un stakeholder importante den Sector Primario, Comision Pro Cunukeronan Arubiano (CPCA),cu e indica e gravedad di un problema andando den nos Sector Primario pa cu e genetica di e bestianan di cria na Aruba y problema pa rasa. Y Diadomingo, September 13, menos

• 18 porco di raza puro: 8 macho y 10 hembra di e razanan Landras, Yorkshire y Duroc.

“Despues di diescuater aña, ta importante pa nos inverti den e base y diversifica nos cria di bestia.

Nos no kier solamente fortifica e programa di cria di DLVV, pero tambe percura pa e inversion aki finalmente beneficia nos criadornan local y e desaroyo continuo di Sector Primario, cual ta un sector di hopi importancia pa Aruba. Un cria di bestia local mas fuerte ta contribui tambe na nos ambicion pa produci mas localmente y fortifica nos seguridad alimentario,” segun Minister Geoffrey Wever.

Di e carnenan y cabritonan importa,

18 bestia lo wordo pone disponibel na prijs di cumpra pa criadornan local. E porconan importa lo keda na DLVV y lo wordo usa den su propio programa di cria.

Di e forma aki, criadornan local ta haya acceso directo na bestia nobo di rasa puro, sin cu nan mes mester organisa un proceso internacional di importacion cu ta complica y costoso.

Criadornan local cu ta registra cerca DLVV (Santa Rosa) ta bin na remarca pa esaki y por cuminsa comunica nan interes cerca Santa Rosa for di awor, via telefon na 5858102 of via email, info@santarosa.aw DLVV lo coordina e condicionnan adicional y asignacion di e bestianan disponibel.

E renobacion di cria di bestia ta bay mas leu cu solamente importacion di genetica nobo. E stalnan existente di DLVV na Santa Rosa lo ricibi un renovacion profundo. Den esaki lo wak, entre otro, reparacionnan necesario y mehoracionnan riba tereno di acomodacion, higiene, bioseguridad y cuido practico di e bestianan. Ademas, actualmente, den colaboracion cu Wageningen Universiteit, ta investiga e posibilidadnan pa diseño y construccion di un stal nobo y prepara pa futuro pa DLVV. E combinacion di carne, cabrito y porco nobo, mihor alohamento y

fortalecemento di e programa di cria mester percura pa DLVV por bolbe cumpli un rol mas fuerte den desaroyo di cria di bestia local.

“P’esey, esaki ta mas cu solamente cumpra di algun bestia. Nos ta inverti den e base cu ta necesario pa sigui desaroya cria di bestia na Aruba di forma structural. DLVV mester por sostene criadornan local cu material di cria di calidad, conocemento y bon facilidadnan, pa asina hunto nos por construi un sector mas profesional y prepara pa futuro,” segun Minister Geoffrey Wever.

Cu e programa di renobacion genetico, Gobierno, hunto cu DLVV, CPCA y criadornan local, kier traha pa un poblacion di bestia mas saludabel y productivo. E inversion aki ta contribui na menos cruza entre bestia cu ta famia, mihor calidad di bestia, mihor salud di bestia y un fortalecemento structural di cria local.Minister Wever ta indica una bes mas cu criadornan local cu ta registra cerca DLVV (Santa Rosa) y cu tin interes den e carnenan y cabritonan disponibel por comunica nan interes directamente cerca Santa Rosa, via telefon na 5858102 of via email, info@santarosa.aw Conhuntamente, tur e accionnan aki ta contribui na un meta mas amplio: mas produccion local di alimento. mas seguridad alimentario pa Aruba y un Sector Primario mas Fuerte.

P3

DIAmars 15 september 2026

SVB ta acerca servicio na pensionadonan cu apertura di kiosco na MFA Paradera

Banco di Seguro Social (SVB) a amplia su servicio den bario cu apertura di un kiosk/portal di servicio na MFA Paradera, cu atencion special pa pensionadonan, futuro pensionadonan y adultonan mayor cu tin pregunta of mester asistencia cu servicio di SVB. E apertura a tuma luga den presencia di Prome Minister Mike Eman, Minister di Salubridad Publico, Asunto Social,

Cuido di Adulto Mayor y Maneho di Adiccion Mervin Wyatt-Ras y Director di SVB Edwin Jacobs.

E kiosk na Paradera ta sigui riba e experiencia di MFA Noord, caminda recientemente un servicio similar a habri. E iniciativa ta forma parti di e vision pa acerca servicio di SVB mas cerca di comunidad, combinando digitalisacion cu asistencia personal.

Durante e apertura, Prome Minister Eman a destaca cu digitalisacion ta trece hopi oportunidad y progreso, pero na mes momento ta importante pa tene cuenta cu ciudadanonan cu no ta igualmente familiarisa cu e mundo digital, particularmente algun adulto mayor.

prepara nan retiro.

Segun Premier, e solucion ta precisamente pa acerca e servicio na bario y mantene posibilidad pa ciudadano papia personalmente cu un hende cu por guia y asisti nan. E kiosk na Paradera ta un siguiente paso den e direccion aki.

Director di SVB Edwin Jacobs a indica cu e apertura na Paradera ta special, entre otro pasobra SVB ta hibando actividadnan relaciona cu pensioen mas cerca di comunidad. E interes tabata grandi: den corto tempo alrededor di 65 persona ya a registra, mientras SVB tabata spera alrededor di 250 pensionado y futuro pensionado durante e actividad.

Minister Mervin WyattRas a destaca e importancia di un servicio accesibel pa adulto mayor. El a señala cu na MFA Paradera pensionadonan por haya informacion y asistencia, mientras personanan cu ta acercando edad di pension por orienta nan mes na tempo tocante nan derecho, nan pensioen y e pasonan necesario pa

E ubicacion den MFA ta contribui tambe na un otro aspecto importante: acerca servicio publico na un luga familiar y accesibel den bario, caminda ciudadano por ricibi asistencia y, na mes momento, mantene contacto social cu otro.

Jacobs a enfatisa cu servicio digital ta un parti importante di modernisacion di SVB, pero cu contacto personal ta sigui ta necesario pa mantene siguridad social

inclusivo y accesibel pa tur ciudadano.

Na MFA Paradera, ademas di e portal digital, un empleado di SVB lo ta presente un biaha pa siman pa atende publico, brinda informacion y yuda ciudadano cu uzo di e servicionan disponibel.

Despues di MFA Noord y awor Paradera, e intencion ta pa e concepto sigui amplia den otro distritonan. Segun Jacobs, Santa Cruz ta siguiente riba lista, sigui pa Savaneta, y na su momento MFA San Nicolas, ampliando gradualmente e presencia di SVB den comunidad.

Cu e apertura na MFA Paradera, Gobierno y SVB ta sigui duna contenido na e meta pa trece servicio publico mas cerca di pueblo, mientras digitalisacion ta bay man den man cu atencion personal pa esnan cu mas tin mester di dje.

DIAmars 15 september 2026

Polis y ambulans a bay pa problema familiar na Nuñe

Diasabra madruga a drenta informe di un problema familiar cu un persona herida na Nuñe, mesora a dirigi tanto polis como ambulans na e sitio.

Na yegada di e patruya a

interveni den e problema y como tabata tin un persona herida a solicita presencia di ambulans na e sitio. Na yegada di e ambulans nan a atende e victima.

Oficialnan di e brigada motorisa para scondi ta controla autonan mainta tempran na Shaba Diasabra mainta tempran polisnan di e brigada motorisa a subi caminda pa controla autonan cu nan papelnan no ta na ordo of pa cualkier infraccion ta para nan pa asina duna nan un boet.

Pesey nos ta informa nos bishitantenan pa asina nan drecha nan papelnan y core responsablemente pa asina scapa di e boet.

Tuma accion pa Preveni, Proteha y Stop Dengue Con nos por stop Dengue?

P4

P5

DIAmars 15 september 2026

Aruba Bank ta celebra cultura hunto cu Enkura En conexion cu celebracion di Dia di Brazil

compromiso pa preserva, promove y celebra e legado cultural di Aruba.

Oranjestad – 14 di september 2026 – Aruba Bank ta orguyoso di a celebra nos cultura hunto cu Enkura, un banda dedica na revitalisa e herencia musical dushi

y vibrante di nos isla y mantene esaki bibo pa nos futuro generacionan.

Aruba Bank a reafirma su

Enkura a duna un tremendo presentacion durante e Parada di Lanterna dia 4 di september y e Parada Cultural dia 6 di september, tur dos organisa pa Fundacion Chico Harms. E banda a

logra captiva e publico cu su zonido unico y ritmo contagioso di musica tradicional di Aruba.

E patrocinio di Aruba Bank a hunga un rol importante pa haci posibel e participacion di Enkura den e paradanan cultural aki.

Aruba Bank ta contento di por a contribui na e iniciativa aki y asina continua demonstra nan compromiso pa fomenta y apoya iniciativanan cultural den nos comunidad, cu ta enrikese e bida di tur Arubiano y ta contribui na preservacion di nos identidad cultural.

P6

DIAmars 15 september 2026

Y ami awo?

Biblioteca a haya 4 ehemplar di e buki nobo pa mucha titula ‘Y ami awo?’ di escritora Rachelle Goedgedrag. Rachelle a entrega esakinan na hefe suplente sra.

Lilian Semeleer.

E storia aki ta trata con un parha manera Rita, un buladuifi, tin cu busca un cas nobo despues cu nan a rosa un pida mondi cu e tabata yama cas. Rita ta bin conoce diferente bestia cu ta proteha pa ley na Aruba y e ta puntra su mes: ‘Y ami awo?” Lesa y haya sa ken tur Rita a conoce cu ta proteha y tambe con ela haya un luga cu e por yama cas.

Meta di e buki ta pa introduci e bestianan proteha, crea concientisacion riba nos naturalesa y amplia conocmento di nos areanan local.

Rachelle Lue-Goedgedrag ta un autor Arubiano cu ta encanta skirbi storia cu ta laga e lesado

drenta den un mundo yena di aventura, sinti diferente emocion y conecta cu e personahenan.

Den su storianan, e ta combina su interes pa psicologia cu su amor pa nos idioma Papiamento, creando suspenso cu ta tene e lesado curioso pa sa kico lo pasa despues.

Su pasion pa skirbi a cuminsa door di hunga cu palabra y crea poesia, cu pocopoco a crece bira storia y despues novela. Den su storianan, e ta duna bida na emocion, relacion y situacionnan cu hende por reconoce. Su manera di skirbi ta facil y natural, cu dialogonan cu ta zona manera nos ta papia cu otro na Aruba.

Cu su prome buki, ‘Louella’, Rachelle a haci su prome paso den mundo literario na 2024. E novela a capta hopi atencion y a laga hopi lesado curioso pa mas.

Despues a sigui Y ami awo?, su

prome buki pa mucha, na 2026.

Cu e buki aki, Rachelle kier pone enfasis riba importancia di cuida nos naturalesa y bestianan, y concientisa grandi y chikito di e rol cu nos tin den esaki.

Banda di ta autor, Rachelle ta

docente di psicologia, Decano Central, PR y ta forma parti di International Affairs di Colegio EPI na Aruba. Tambe e ta fundador di ‘Fundacion Conecta y Briya’, cu ta crea oportunidad pa trece hende hunto pa medio di buki, proyectonan educativo, actividadnan social y competencia di puzzel.

P7

DIAmars 15 september 2026

Parlamentario di AVP, Sr. John Hart:

“Mientras oposicion ta promove polarizacion, mi ta traha riba solucion pa trahadonan di Aruba” papel; e sistema mester funciona debidamente den practica tambe.

E evaluacion cu Sociaal Economische Raad (SER) a presenta na 2017 a señala e necesidad urgente pa un instancia supervisor controla cumplimento cu e ley. Hart ta indica cu señalnan cu a yega cerca dje durante e ultimo tempo ta mustra posibel deficiencianan den ehecucion y supervision di LAP. ORANJESTAD (13 di september 2026) — Parlamentario di AVP John Hart ta solicita pa Parlamento di Aruba habri un debate cu gobierno tocante Landsverordening Algemeen Pensioen (LAP), cu desde 2011 ta regula pensioen pa empleadonan den sector priva. Segun Hart, despues di 15 aña ta necesario pa evalua funcionamento di e ley, fortalece supervision y garantisa cu derecho di trahadonan ta wordo proteha den practica.

“Bienestar di nos trahadonan mester ta un prioridad. Desde 2011 tin un ley pa regula pensioen den sector priva. Durante e 7,5 aña cu MEP tabata na mando, e ley aki no a haya e atencion necesario y nada concreto a wordo logra.

E prome mocion cu mi a presenta ora mi a drenta

politica tabata hustamente pa proteha trahadonan di Aruba,” Hart a enfatisa.

LAP a wordo introduci durante Gabinete Mike Eman I, debi cu hopi empleado den sector priva no tabatin un pensioen adicional banda di Algemene Ouderdomsverzeker ing (AOV). E ley a crea e obligacion pa dunado di trabou y empleado participa den un sistema di pensioen, pa asina brinda trahadonan mas siguridad financiero na momento cu nan yega edad di retiro.

Pension ta un derecho pa cual trahadonan ta paga prima durante hopi aña, cu e expectativa cu na un edad mas avansa nan por conta riba siguridad financiero y un bida digno. P’esey, segun Hart, no ta suficiente pa e derechonan aki ta bon regula solamente riba

“Nos a mira caso den corte caminda dunadonan di trabou ta retene contribucion di pensioen for di salario di trahadonan, pero no ta deposita e placa den un fondo di pensioen. Trahadonan no semper sa si nan prima ta wordo paga, mientras dunadonan di trabou tambe ta experimenta falta di claridad. Ta tempo pa pone ordo,” Hart a declara.

Dia 25 di augustus 2025, Hart a presenta un mocion cu a urgi Gobierno pa pone ordo den e situacion existente y nombra, sin mas tardanza, un supervisor pa LAP. E mocion, segun e parlamentario, tabata un expresion cla di e deseo di Parlamento pa yega na un sistema di supervision efectivo.

“Awor cu a pasa un tempo considerabel, ta momento

pa haci un evaluacion y pidi gobierno splicacion. For di Parlamento, e asunto aki tin mi atencion completo.

Supervision ta importante, pero mester tin tambe mas comunicacion y conscientisacion, pa informa tanto trahado como dunado di trabou tocante nan derechonan y obligacionnan bou di e ley,” Hart a afirma.

Gobierno a inicia dialogo cu instancia manera SVb, APFA, companianan di seguro, sindicatonan y organisacionnan comercial pa evalua e ley. Sinembargo, Hart ta considera necesario pa parlamento ricibi claridad tocante resultado di e dialogo, e

pasonan cu gobierno lo tuma y e periodo dentro di cual e supervision efectivo lo wordo realisa.

“Mientras oposicion ta ocupa su mes cu polarizacion y division, ami ta concentra riba solucionnan concreto pa trahadonan di Aruba. Como representante di pueblo, mi tin e responsabilidad pa controla maneho di gobierno. P’esey mi a entrega diferente pregunta na Minister Presidente, solicitando pa habri e debate tocante e sistema general di pensioen pa sector priva y e legislacion cu mester proteha derecho di nos trahadonan,” John Hart a conclui.

P8

DIAmars 15 september 2026

Accion di Bario:

Club Flor di Aloe ta crea un espacio di encuentro pa adultonan mayor

Durante su bishita na Centro di Bario y Deporte Dakota como parti di Accion di Bario, Prome Minister Mike Eman a comparti un momento cu miembronan di Club Flor di Aloe, un grupo cu ya pa alrededor di 10 aña ta reuni adultonan mayor di comunidad.

Stella Toppenberg, un di e personanan envolvi cu Flor di Aloe, a splica cu e grupo a nace cu un meta senciyo pero importante: saca adultonan mayor for di cas y crea un espacio caminda nan por reuni, socialisa y sinti nan mes parti di un famia.

Actualmente Flor di Aloe tin alrededor di 50 miembro. Durante nan encuentronan, e miembronan ta comparti cu otro, papia, hari, baila y participa den diferente actividad.

Segun Toppenberg, e balor

di e grupo ta precisamente den e contacto humano cu e ta crea. Pa hopi adulto mayor, un grupo manera Flor di Aloe ta brinda oportunidad pa sali for di rutina diario, topa cu otro y keda activo socialmente.

Durante e encuentro, Premier Eman a dirigi palabra na e miembronan y a intercambia idea cu nan tocante importancia di e actividadnan y e funcion cu gruponan di adulto mayor tin den comunidad.

Toppenberg a expresa tambe satisfaccion cu e apoyo cu gruponan di 60+ ta ricibi pa yuda cu algun di nan gastonan, y a destaca importancia pa sigui sostene iniciativa cu ta mantene adultonan mayor activo y conecta.E encuentro cu Flor di Aloe a agrega un aspecto humano na Accion di Bario: un bario no ta solamente infrastructura y espacio fisico, sino tambe e relacion y actividadnan cu ta trece hende hunto.

P9

DIAMARS 15 DI SEPTEMBER 2026

Aruba Lions Club a ricibi bishita di Lion Ty’East Alleyne-Bobb FVDG di Lions Club di Brooklyn y Queens N.Y. Aruba Lions Club ultimo lunanan ta hayando hopi atencion internacionalmente y ta pa es motibo aki cu e club ta ricibiendo diferente bishita di exterior. Durante e ultimo reunion di club Aruba Lions Club tawata honra di por a ricibi Lion Ty’East Alleyne-Bobb kende ta miembro di Central Brooklyn Lions Club Inc. y ta First Vice Governor di Lions di Brooklyn y Queens New York, Districto 20-K. Cu ta districto tambe di e Past Presidente Internacional Lion Douglas Alexander di Districto Multiple 20 New York State y Bermuda.

Su estadia riba nos isla tawata cortico pero ela keda masha hopi impresiona di e forma con ela ser ricibi y mas ainda e gentileza, cordialidad y amabilidad di su hendenan. Ela elogia e trabaonan cu Aruba Lions Club ta haciendo pa e

comunidad di Aruba y na mes un momento ela ofrece pa yuda e club cu su

80 aña caba ta trahando pa e comunidad di Aruba y ta

experiencia, conseho y coneccionan cu e tin.

Despues di intercambio di regalonan ela despedi y a sigui pa

bao di auspicio di Lions Club Internacional cu ta consisti di mas cu 46 mil club den mas di 200 pais y ta

su bustrip cu su amistadesnan cu a bin di Merca specialmente pa celebra e cumpleaños di un di su amistad

conta cu mas di 1.4 miyon miembro rond mundo y a cumpli 109 aña di existencia cu ta hacie e organisacion

aki na Aruba.

di servicio mas bieuw y mas grandi mundialmente.

Den e transcurso di añanan ta hopi bishita di exterior Aruba Lions Club a yega di ricibi y esaki lo sigui tambe ta e caso den e temponan nos dilanti.

Aruba Lions Club ta un club di servicio cu pa casi

Por ultimo Aruba Lions Club ta compromete su mes pa sigui traha hunto cu su partnernan pa yuda mehora e calidad di bida di e pueblo pa medio di su diferente programa di servicio manera esun di Hospital

Bed y Wheel Chair, Smile Mobile, Feria di Salud, Back to School Food Bags, X-mas food baskets etc.

Ta pidi pa pueblo keda

pendiente pa Aruba Lions Club su siguiente actividad.

“WE SERVE”

P 10

DIAMARS 15 DI SEPTEMBER 2026

ORANJESTAD (13 di september 2026) - Tin un tempo pa tur cos, y awor ta tempo pa claridad.” Cu e palabranan aki, parlamentario di AVP John Hart a anuncia cu el a manda un carta oficial na Minister di Energia, solicitando informacion tocante implementacion di e mocion pa un investigacion independiente riba tur acontecimento relaciona cu Refineria di Aruba (RDA) durante e periodo 2018–2025.

pa hospeda cerca di 1.000 trahado.

Despues cu RDA a bira doño di e facilidad, e ManCamp a wordo canibalisa casi completamente y actualmente ta den un estado deplorabel.

E mocion, presenta durante un reunion publico di Parlamento na augustus 2025, a expresa preocupacion serio tocante situacion financiero y operacional di RDA, maneho di e refineria y falta di informacion completo na parlamento.

Durante 2024, RDA a informa parlamento cu e compania y su entidadnan afilia tabata proyecta perdida di aproximadamente 14 miyon florin pa aña, situacion cu, segun e informacion presenta, ya tabata prolongando pa varios aña.

E mocion a menciona tambe cu gobierno a termina contrato cu Citgo, e anterior operador di refineria, na 2020. Sinembargo, Gabinete Eman-Wever-Croes I y II nunca a entrega na parlamento e acuerdo di terminacion ni e condicionnan cu RDA y Citgo a acorda.

Ademas, durante e añanan cu a sigui, gobierno a declara cu tabatin un lista largo di inversionistanan interesa pa opera e refineria.

Tambe a anuncia plan pa construccion di un refineria modular y firma di un acuerdo pa un planta di LNG cu un balor considerabel. Segun e mocion, Parlamento no a ricibi e acuerdonan ni e condicionnan relaciona cu suministro di LNG, y tampoco a haya oportunidad pa revisa e documentonan pertinente.

Otro punto menciona den e mocion ta e ManCamp cu Citgo a construi riba tereno di RDA, originalmente

Parlamentario di AVP, John Hart:

Ta tempo pa claridad di parti gobierno riba investigacion

E mocion a señala cu na 2025 e refineria mes tabata den un condicion preocupante y deteriorando progresivamente.

Pa varios aña, ekiponan di RDA tampoco lo no a wordo preserva adecuadamente conforme normanan internacional.

Parlamento a aproba e mocion, instruyendo Gobierno di Aruba pa laga realisa un investigacion completo e independiente — un full-fledged investigation— tocante tur e acontecimentonan cu a tuma lugar den RDA entre 2018 y 2025. E instruccion tabata pa inicia e investigacion dentro di tres luna y presenta e resultadonan na Parlamento.

Den su carta, Hart ta solicita Minister di Energia pa informa parlamento cua pasonan concreto gobierno a tuma pa ehecuta e mocion y si e investigacion a inicia oficialmente.

Tambe e ta pidi claridad tocante cua instancia of expertonan independiente ta envolvi, e motibo pa cualkier eventual atraso y ki ora parlamento por spera e documentonan y resultado final.

“Parlamento a aproba un instruccion cla.

Awor ta responsabilidad di Gobierno pa informa con e mocion ta wordo ehecuta. Pueblo tin derecho di sa kico a pasa cu e refineria, con recursonan publico a wordo maneha y cua decisionnan a wordo tuma durante e periodo aki,” Hart a expresa.

“Tin un tempo pa tur cos. Despues di tur e anuncionan, promesanan y preguntanan sin contesta, awor ta tempo pa gobierno duna claridad completo na Parlamento y na pueblo di Aruba,” parlamentario John Hart a conclui.

P 11

DIAMARS 15 DI SEPTEMBER 2026

MINISTER DOWERS A INSTALA TASK FORCE PA ATENDE CU PROBLEMATICA DI DESPERDICIO NA ARUBA tocante nan rol actual den maneho di desperdicio, e puntonan critico cu nan ta identifica y nan posibel contribucion.

Un di e puntonan principal di e Task Force ta prevencion y mantencion di ley relaciona cu tiramento ilegal di desperdicio.

Banda di esaki, e Task Force lo enfoca riba un plan integral pa limpiesa y procesamento duradero di desperdicio, coleccion di data y estadistica relevante, reciclahe y procesamento di desperdicio organico y busca un solucion duradero pa financia maneho di desperdicio.

Pa Minister Dowers, Aruba no por sigui atende e problematica di desperdicio solamente ora e problema ta visibel.

Un solucion duradero ta exigi prevencion, responsabilidad, control y cooperacion entre tur e instancianan envolvi.

Minister di Husticia, Integridad, Transporte Publico y Energia, mr. drs.

Arthur Dowers, a instala oficialmente e Task Force Aanpak Afvalproblematiek, cu e encargo pa prepara proposicionnan concreto pa un maneho di desperdicio duradero, integral y responsabel pa Aruba, y sostene ehecucion

di e maneho integral.

Aruba ta enfrenta problema di desperdicio pa hopi aña. Pa logra un solucion structural, Gobierno ta considera necesario pa atende e tema den un forma integral, cu participacion di e diferente departamentonan y organisacionnan cu tin responsabilidad of experencia riba tereno

di medio ambiente, inf rastr uct ura, mantencion, supervision y procesamento di desperdicio. A institui e Task Force oficialmente entrante 1 di september 2026.

Dia 8 di september a tene e prome reunion di e Task Force, durante cual e diferente organisacionnan a comparti informacion

E Task Force tin tambe como tarea pa evalua si mester adapta leynan existente of si tin necesidad pa leynan nobo. Ademas, e mester crea e apoyo necesario pa implementa e proposicionnan cu lo presenta.

E Task Force ta consisti di representantenan di e Ministernan encarga cu maneho di desperdicio y energia (Minister Dowers), medio ambiente (Minister Eman) y infrastructura

(Minister Herdé).

Ademas e Task Force ta consisti di expertonan di diferente departamento y organisacion, manera Directie Natuur en Milieu, DOW, Bureau City Inspector, Serlimar, Utilities, AWSS y WEB Aruba N.V. Ademas e Task Force ta conta cu participacion di DEHZI y representante di Ministerio encarga cu Turismo (Minister Cicilia).

E meta final ta pa presenta proposicionnan concreto na Minister Dowers pa un maneho di desperdicio structura, duradero y responsabel, pa por sostene y promove implementacion di e maneho y proyectonan aproba.

Cu instalacion di e Task Force, Gobierno ta pone un paso pa pasa di un maneho fragmenta na un solucion mas coordina y structural pa e problematica di desperdicio na Aruba.

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500

P 12

DIAMARS 15 DI SEPTEMBER 2026

Parlamentario John Hart ta solicita debate parlamentario tocante estado, capacidad y plan di Cuerpo Policial Aruba hombernan y muhernan policial ta sali caya pa mantene ordo, combati criminalidad y proteha nos comunidad. Pero tras di e trabou cu nos ta mira diariamente, tin varios reto structural, entre otro falta di personal y recursonan.

Na mes momento, tin diferente asunto cu ta exigi direccion y decision politico,” Hart a enfatisa.

ORANJESTAD (13 di februari 2026) — Un estado di derecho fuerte ta depende di e confiansa cu ciudadano tin den gobierno y den e institucionnan encarga cu proteha su derechonan. Cu siguridad como un responsabilidad fundamental di gobierno y un derecho di cada ciudadano, parlamentario di AVP John Hart ta considera cu a yega e momento pa un debate amplio den parlamento tocante e estado actual y futuro di Cuerpo Policial Aruba (KPA).

Partiendo for di e principio aki, Hart a solicita un vragenuur cu Minister di Husticia, drs.

Arthur Dowers pa obtene

claridad y habri e debate parlamentario tocante e maneho, capacidad operacional y desafionan cu KPA ta enfrenta actualmente.

E parlamentario di AVP ta pidi claridad tocante e accionnan concreto cu gobierno ta tumando pa fortalece capacidad operacional di KPA y garantisa cu e cuerpo tin suficiente recurso humano, financiero y tecnico pa atende debidamente cu e demanda existente.

Segun Hart, e vragenuur por forma e base pa un debate mas amplio y fundamental tocante e rol di Cuerpo Policial Aruba den combate contra criminalidad, delincuencia hubenil y cybercrime, como tambe riba uzo di tecnologia, disponibilidad di personal, recursonan operacional y situacion financiero di e cuerpo.

Durante aña parlamentario 2025– 2026, Parlamento a reuni cu Minister di Husticia pa trata, entre otro, capacidad di personal den recherche, denuncianan cu posiblemente no ta wordo trata of cu ta enfrenta atraso significativo, e motibonan tras di e retraso den casonan y e impacto cu esaki por tin riba victima y otro ciudadanonan cu ta busca asistencia di autoridad.

“Nos Cuerpo Policial ta un di e pilarnan mas importante di nos Estado di Derecho. Tur dia,

“Como parlamentario, mi ta considera importante pa haya claridad tocante e situacion actual y e

direccion cu gobierno ta tumando pa garantisa cu ciudadanonan ta ricibi e proteccion y atencion cu nan merece,” Hart a declara.

Cu e vragenuur solicita, Hart ta busca un evaluacion transparente di e situacion actual y un splicacion cla di con gobierno ta atendiendo cu e retonan cu por afecta investigacion y maneho di denuncianan na Aruba.

Ademas, e ta desea sa cua

medida lo implementa pa evita atraso, mehora capacidad investigativo y fortalece servicio na ciudadano. “ Tr a n spa renc ia y dunamento di cuenta ta esencial pa mantene confiansa den nos institucionnan democratico.

Siguridad di pueblo merece un debate serio, informacion completo y accion concreto,” John Hart a conclui.

P 13

DIAMARS 15 DI SEPTEMBER 2026

Accion di limpiesa y preparacion na Centro Patriotico di PPA ta marca inicio di un era di revitalisacion y progreso pa Aruba y San Nicolas

Den transcurso di fin di siman, e prome pasonan pa e revitalisacion di Centro Patriotico di PPA a cuminsa formalmente. Miembronan y simpatisantenan di e partido a bin hunto pa ehecuta un accion di limpiesa intensivo, poniendo man na obra pa prepara e centro pa e proximo etapanan di trabou.

E centro di e partido, ubica strategicamente na San Nicolas, tin como meta pa bira un centro di y pa e pueblo pa henter pueblo di Aruba, specialmente pa.San Nicolas. Cu e prome movecionnan aki, e organisacion ta busca pa reenforsa su presencia y su

compromiso cu e districto di pariba di brug y cu e pais completo.

Un legado historico di progreso y inclusion E accion aki no ta simplemente un limpieza y preparacion di un edificio cu tin mas di 20 aña den mal estado, sino e renacemento di un partido cu un historia profundo den e desaroyo di Aruba.

Lanta na 1949 y funda na aña 1950 pa lidernan visionario manera Juancho Irausquin, PPA ta e di dos partido politico activo mas bieu di nos pais.

Durante e decadanan di 1950 te 1970, PPA tabata e forsa politico

dominante cu a impulsa proyectonan di gran impacto socioeconomico, specialmente fortaleciendo e comunidad di San Nicolas y duna vos na e forsa laboral y tur sector di e sociedad Arubano.

Den su trayectorio historico, e partido tabata un pionero den inclusion social, marcando “milestone” historico manera e nombramento di Ernesto Petronia como e prome Arubano pa bira Prome Minister di Antias Hulandes, e creacion di e fondo di desaroyo economico (FND), y e apertura di oportunidadnan politico y ministerial pa muhenan den un tempo unda esaki tabata un excepcion.

Kico e revitalisacion di PPA ta nifica pa Aruba awendia?

E activacion y revitalisacion di e centro patriotico na San Nicolas ta bin den un momento crucial pa e pais: Re-activacion Economico y Social pa San Nicolas: San Nicolas a sirbi historicamente como e motor industrial y cultural di Aruba. E reactivacion di e centro aki ta simbolisa un compromiso directo pa trece bek atencion, inversion y proyeccion pa pariba di brug y conberti San Nicolas como nos “Cultural and Heritage City”.

Un Alternativa di Politica Balansa: Den un panorama politico unda e ciudadano ta busca solucionnan concreto, e regreso di un PPA fuerte y reorganisa ta nifica un alternativa basa riba experiencia, vision social-democrata y un enfoke den bienestar colectivo.

Union y Participacion Comunitario: na momento cu habri e portanan pa tur esnan cu kier contribui, e partido ta enfatisa cu e futuro di Aruba ta keda

construi cu e participacion activo di e pueblo, creando espacio pa hobennan, profesionalnan y ciudadanonan cu kier mira un cambio positivo.

E inicio di trabou, e centro di San Nicolas ta solo e prome paso di un movecion mas amplio cu ta busca pa honra e historia di PPA mientras simultaneamente ta traha reconstrui Aruba pa e proximo decadanan basa riba pa e progreso y prosperidad cu Aruba mester awendia.

P 14 Den transcurso di fin di siman, e prome pasonan pa e revitalisacion di Centro Patriotico Arubano (PPA) a cuminsa formalmente.

Miembronan y simpatisantenan di e partido a bin hunto pa cuminza cu trabaonan intensivo, poniendo man na obra pa prepara e centro pa e proximo etapanan nos dilanti.

E centro di e partido, ubica strategicamente na San Nicolas, tin como meta pa bira no solamente un punto di encuentro di y pa e pueblo di San Nicolas, pero sino tambe pa trece henter pueblo di Aruba hunto na un punto importante di desaroyo riba nos Isla. Cu e prome movecionnan aki, e organisacion ta busca pa reenforsa su presencia y su compromiso cu e districto di pariba di brug y cu e pais completo.

Un legado historico di progreso y inclusion.

E accion aki no ta simplemente inicio di un reconsteuccion di e edificio, sino e renacemento di un partido cu un historia profundo den e desaroyo di Aruba. Funda na aña 1949 pa lidernan visionario manera Juancho Irausquin, PPA ta e di dos partido politico activo mas bieu di nos pais.

Durante e decadanan di 1950 te cu 1970, PPA tabata e forsa politico dominante cu a impulsa proyectonan di gran impacto socioeconomico, specialmente fortaleciendo e comunidad di San Nicolas y dunando un vos na e forsa laboral y tur sector di e sociedad Arubano. Den su trayectorio historico, e partido tabata un pionero den inclusion social, marcando milestone historico manera e nombramento di Ernesto Petronia como e prome Arubano pa bira Prome Minister di Antias Hulandes, e creacion di e fondo di desaroyo economico (FND), y e apertura di oportunidadnan politico y ministerial pa muhenan den un tempo unda esaki tabata un excepcion.

Kico e revitalisacion di PPA ta nifica pa Aruba awendia?

DIAMARS 15 DI SEPTEMBER 2026

Reconstruccion na Centro Patriotico Arubano (PPA) ta marca inicio di un era di revitalisacion y progreso pa San Nicolas y Aruba

E activacion y revitalisacion di e centro patriotico na San Nicolas ta bin den un momento crucial pa e pais: Re-activacion Economico y Social pa San Nicolas: San Nicolas a sirbi historicamente como e motor industrial di Aruba. E reactivacion di e centro aki ta simbolisa un compromiso directo pa trece bek atencion, inversion y proyeccion pa pariba di brug, enfocando e creaccion di un ciudad di Cultara y Historia pa Aruba.

Un Alternativa Politica Balansa: Den un panorama politico unda e ciudadano ta busca solucionnan concreto, e regreso di un PPA fuerte y reorganisa ta nifica un alternativa basa riba experiencia, e idealnan y vision social-democrata adapata na e necesidadnan moderno y un enfoke den bienestar colectivo.

Union y Participacion Comunitario: na momento cu habri e portanan pa tur esnan cu kier contribui, e partido ta enfatisa cu e futuro di Aruba ta keda construi cu e participacion activo di e pueblo, creando espacio pa hobennan, profesionalnan y ciudadanonan cu kier mira un cambio positivo.

Un cambio basa riba e fundeshi solido di toma di decicionan y determinacion politico.

E inicio di trabou na e sede di San Nicolas ta solo e prome paso di un movecion mas amplio cu ta busca pa honra e historia di PPA mientras ta traha pa e progreso y prosperidad cu Aruba mester awendia

P 15

DIAMARS 15 DI SEPTEMBER 2026

FORTALEZA PA FAMIA Scirbi pa Pastor Marcel Balootje.

RESPET PA DIOS, BO PROHIMO Y PA BO MES Ta para scirbi den Genesis 1:27 Dios a crea hende segun Su mes imagen, segun e imagen di Dios E a crea hende ,homber y muher E a crea nan

hende,kende a wordo traha den semehansa di Dios.For di mesun boca ta sali tanto bendicion como maldicion.

Mi rumannan e cosnan aki no mester ta asina.

Ora hende ta papia malo di otro, calumnia, chercha, haci bofon,redo,rebaha otro, nan ta deshonrando Dios kende a crea hende segun Su mes imagen .

Hopi biaha orguyo y favoritismo ta pone nos papia malo di hende, door cu nos ta aprecia un mas cu otro, hopi biaha nos no ta comprende, cu esun cu ta trece redo pa nos no kier nos bon, pasobra e ta pone nos rabia,peca, y desea malo pa nos prohimo.

Den 1 Juan 4:20-21 ta para scirbi: Si un hende bisa mi ta stima Dios,y ta odia su ruman,e ta un ganjado,pasobra esun cu no ta stima su ruman cu e a mira, no por stima Dios Kende e no a mira.

E mandamento aki nos tin di dj’E. Cu esun cu ta stima Dios mester stima su ruman tambe.

Pesey tambe e palabra di Dios ta hala nos atencion hopi fuerte den Santiago 3:8-12 pa nos tene cuenta kico nos ta papia di nos prohimo: Ma lenga ningun hende por mansa. E ta yen di maldad sin sosiego,y ten di veneno mortal.

Cune nos ta bendiciona nos Senjor,y Tata , y cune nos ta maldiciona

Pesey Scritura ta bisa den Santiago 4:6: Dios ta resisti e orguyosonan, ma ta duna gracia na e humildenan.

No papia malo un di otro rumannan.( Santiago 4:11).

Efesionan 4:29 ta para scirbi: No laga ningun palabra danino sali for di boso boca,sino solamente palabra cu ta bon pa edificacion, comforme e necesidad di e momento .

Pa esaki por duna gracia na esnan cu ta tende.

Ora nos ta falta respet, na nos prohimo, of ora nos ta persigi nos prohimo, nos ta den caminda di error .

Pasobra Dios no ta agrada den esey.

Ta bon pa nos tene cuenta cu locual ta para scirbi den 2 Timoteo 3:1-9 y sabi cu nos ta bibando den tempo trabahoso, y esey nos ta mire den cambio di karakter y conducta di hende, tur esaki a wordo scirbi pa preveni cu nos ta wordo lastra bay cune den e sistema di mundo.

Pasobra moral y respet ta den un decadencia profundo, pasobra hopi hende a lubida e palabra nan cual nos a lanta cune, cual ta bon dia, bon tardi, bonochi, despensa, y esun mas principal te mayan cu

Oracion Di Dia

Dios kier. Hende su bista ta riba placa, riba material, sin respet pa mayor,mas bien stimado di placer cu stimado di Dios.

Hende ta neglisha nan yiu, pa supuestamente nan gosa bida , den alcohol, droga y paranda, bao di un capa diabolico cu yama “Gosa Bida” y asina ta cay den adulterio y tur clase di bagamunderia, cu nan ta wak tur cos bunita, sin ripara e destruccion cu poco, poco ta drenta den nan cas.

Pero corda kico e palabra

di Dios ta bisa den 1 Juan 1:9 pasobra nos tur tin oportunidad di arepenti y drecha cos serca Dios.

Dios su palabra ta bisa den Romanonan 2:11. Pasobra no tin disticion di persona serca Dios.Pesey no laga diabel ganja bo y keda den scuridad.

Corda cu e palabra di Dios ta bisa den Hebreonan 12:14 .Aspira pa tin pas cu tur hende, y santificacion , sin cual ningun hende lo mira Senjor.

Sinceramente, Marcel Balootje.

Pastor

Un feliz dia y cu Dios bendiciona boso na abundancia.

Stima boso enemigonan, haci bon y fia sin spera nada bek.”Lucas 6,35Un amor cu no ta spera nada bek.Kisas e deseo di mas natural di humanidad ta pa biba un fabor pa un fabor, stima esnan cu ta stima nos, y yuda esnan cu ta yuda nos. Pero Hesus ta reta nos pa kibra e custumber ey. E ta pidi nos pa responde na odio cu amor, na maldicion cu bendicion, y na egoismo cu generosidad.

E ley general cu Hesus ta duna den versiculo 31 ta e clave: "Trata otro hende manera boso kier pa nan trata boso."

Esaki no ta depende di con otro hende ta comporta cu bo, sino di e escogencia cu abo ta haci pa biba den paz y amor. Ora nos stima sin condicion y ta fia sin spera nada bek, nos ta mustra e caracter di Altisimo, kende ta bondadoso hasta cu esnan malagradecido. Na final, e yamada di mas grandi ta un den versiculo 36: "Sea misericordioso, mescos cu boso Tata ta misericordioso.

Oracion: Señor Hesus duna mi e gracia pa por imita Bo y agrada Bo p’asina mi por biba mi bida di acuerdo cu bo boluntad pa medio di Cristo nos Señor.

Amen.

P 16

DIAMARS 15 DI SEPTEMBER 2026

NOS A SINTA UN RATO BANDI OTRO DILANTI CAS DI MAMA DI CULTURA BERNADINA GROWELL. Combersa un crenchi, mientras ritmo di tambu cayente y expresivo tawata resona.

Hiba cu e biento friuew di anochi plama melodia den e sabananan bandona E fin di siman grandi di e celebracionnan cultural di Brazil.

Un anochi cu hopi biento, Pueblo di Brazil y vecindario presente y super contento Cu hopi alegria a admira gruponan di bayle di Corsou cu nan bayle elegante di sinta.

Lady Ruth a tene man di Shon Vicente, gradicie pa su amor y pasion pa nos cultura, y tambe pa su talento riba tambu Y a tende cu dia 27 di September awor e lo cumpli 96 anya di edad den bon estado di salud Cu pa Shon Vicente ta musica di tambu ta completa su felicidad Awor cu Lady Ruth y esposo ta recuperando di un kebrante di salud E ta inspirando e poema aki pa Shon Vicente Un dushi hende Un cabayero grandi di edad Un shon di hende cu su zjeito y specialidad Cu amor pa musica folklore, tambu y pa su cultura Su inspiracionnan yen di dulzura Pabien Shon Vicente Ras Cu cumpleanos number 96 Pabien y danki pa crea pa Aruba semper dushi beis Pa nos por sigi bayla tambe riba e dushi ritmo di tambu Pa nos tur Vicente ta tambe un dushi Padu Un gran artista, Unico den su estilo E gran lider riba tambu Cu amor , Ruthy Lady Ruth

SUDOKU