P1
DIAMARS 6 OCTOBER 2026
6 OCTOBER 2026 - AFL. 1.50 - WWW.SOLODIPUEBLO.COM - E-MAIL: SOLODIPUEBLO@GMAIL.COM Afl.
1.25
MEP: PA STABILISA E CRISIS DEN TURISMO TA EXIGI LIDERASGO ACTIVO DI GOBIERNO For di oposicion MEP lo duna su aporte
UN AUTO A BAY PASA OTRO NET ORA E TA BIRANDO DEN CAYA TARATATA DAL E MANDE FOR DI CAMINDA Y CORE BAY
P2
DIAmars 6 october 2026
President di Comision di Husticia, Parlamentario John Hart:
“Nos no por hunga politica cu salud mental; nos mester uni pa busca solucion” ORANJESTAD (5 di october 2026) — Parlamentario di AVP y presidente di Comision di Husticia, John Hart, ta enfatisa cu salud mental y adiccion ta exigi un acercamento serio y un esfuerso comparti. E bienestar di personanan afecta, nan famianan y comunidad mester ta central, sin laga diferencia politico stroba e buskeda di solucionnan. Hart a inicia e aña parlamentario nobo invitando sindicato Sindicato di Polis Aruba (SPA) na Parlamento di Aruba pa un reunion cu Comision di Husticia. Durante e encuentro, e comision a scucha e preocupacionnan y retonan cu Cuerpo Policial Aruba (KPA) ta enfrenta den su trabou diario. Un di e temanan importante cu a surgi durante e dialogo constructivo ta e problematica di salud mental y adiccion. E comision lo duna e tema aki atencion inmediato, teniendo cuenta cu su impacto riba e personanan afecta, e comunidad y e instancianan cu ta atende e situacionnan aki. Entre e retonan principal tin e crisis di personanan cu problema di adiccion cu ta biba of cana riba caya, e limitacionnan legal pa impone rehabilitacion
y e necesidad di un cooperacion integral entre ministerionan y instancianan involucra. Pa Hart, e situacion ta demostra cu polis no por carga e responsabilidad su so. Husticia, Salud Publico y Asuntonan Social mester traha hunto cu e instancianan specialisa pa conecta prevencion, tratamento, rehabilitacion y acompañamento cu e necesidadnan real di e personanan afecta. Como resultado di e reunion cu SPA, Comision di Husticia a acorda pasonan concreto pa invita Fundacion Respaldo na Parlamento di Aruba. E reunion lo ofrece oportunidad pa scucha su perspectiva profesional, profundisa den e retonan y haya claridad tocante e obstaculonan y posibilidadnan pa mehora e atencion. E limitacionnan legal relaciona cu rehabilitacion obliga tambe mester haya atencion den e dialogo. E buskeda di solucionnan mester tene cuenta cu e marco legal, derechonan di e persona y e necesidad di cuido, alabes cu e preocupacionnan di famia y comunidad. Hart ta enfatisa cu e trabou di e comision cu e ta dirigi mester conduci
na pasonan concreto. Salud mental no por bira un tema di confrontacion politico mientras hende ta sigui sufri y e servicionan involucra ta enfrenta e consecuencianan. “E responsabilidad ta pa uni esfuerso, scucha e profesionalnan y traha hunto riba solucionnan cu por duna e personanan afecta e cuido y sosten cu nan tin mester,” asina Parlamentario Hart a indica.
P3
DIAmars 6 october 2026
MEP: PA STABILISA E CRISIS DEN TURISMO TA EXIGI LIDERASGO ACTIVO DI GOBIERNO For di oposicion MEP lo duna su aporte
ORANJESTAD – Nos turismo ta den crisis na momento cu e sentimentonan den nos comunidad ta negativo. Pesey Fraccion di MEP a tuma e iniciativa pa inicia e dialogo pa stabilisa e crisis aki. Siman pasa a tuma luga e prome reunion, riba peticion di fraccion di MEP, den e Comision Permanente di Turismo tocante e estado di turismo na Aruba. Parlamento a reuni cu Aruba Tourism Authority (ATA) pa papia tocante e crecemento continuo di cantidad di bishitante, e preocupacionnan rond di overtourism y e transicion necesario pa un modelo di “High Value, Low Impact”. Durante e reunion, ATA a expresa su preocupacion tocante e volumen di turista cu ta sigui crece. ATA ta boga pa stabilisa e cantidad di bishitante, cu un espacio limita pa crecemento. Na mes momento, a wordo treci dilanti cu no ta tur stakeholder den e sector turistico ta comparti e mesun vision. Tin stakeholder cu ainda ta dirigi riba un crecemento mas grandi di e cantidad di turista. “Un isla dushi pa biba ta un isla dushi pa bishita” E vision di ATA ta basa riba e principio cu “un isla dushi pa biba ta un isla dushi pa bishita.” Esaki ta nifica cu Aruba mester busca un turismo cu ta atrae un bishitante di “high value”, cu ta agrega mas balor na nos economia,
mientras cu e impacto riba nos comunidad, naturalesa y calidad di bida ta keda mas abou. ATA ta busca, entre otro, bishitante cu tin un entrada halto, y cu ta aprecia y respeta nos naturalesa y cultura. Pa MEP, e reunion a confirma un punto importante: ATA no por haci esaki su so. Gobierno mester tuma e liderasgo “Si diferente stakeholder tin diferente vision y tin stakeholder cu ta sigui busca mas y mas crecemento, e ora Gobierno mester tuma e rol di liderasgo,” segun lider di fraccion Evelyn Wever-Croes. “Sin un direccion cla di Gobierno, e cantidad di turista por sigui crece, mientras cu nos comunidad ta sinti e presion y impacto cada bes mas. Esey no ta e direccion cu nos comunidad ta pidi.”
MEP ta señala cu e modelo di “High Value, Low Impact” no ta un idea nobo. E decision pa e cambio di modelo turistico a wordo tuma durante e periodo di Gobierno Wever-Croes, hustamente pa haci e sector mas sostenibel y pa busca un mihor balansa entre crecemento economico y calidad di bida. Dialogo mester wordo amplia Pa MEP, e dialogo den Parlamento mester continua y meter wordo amplia. Aparte di reuni cu ATA, AHATA Y ATSA, manera MEP a pidi originalmente, awor ta pidi pa den e siguiente fase, involucra tambe stakeholdernan di aviacion y transporte maritimo, hunto cu AAA N.V. y APA N.V. Tur e partinan aki ta conecta cu otro y tin influencia directo riba e cantidad di bishitante cu por yega Aruba y e presion cu esaki ta pone
riba nos isla. “Como Parlamento nos mester ta mas activo den busca di solucion,” Wever-Croes ta declara. “Nos no kier solamente constata cu tin un problema. Nos kier, hunto cu e stakeholders, determina unda nos limite ta, cua decisionnan nos mester tuma y cua medida ta necesario pa mantene Aruba un dushi lugar pa biba y na mesun momento fuerte economicamente.” MEP lo sigui traha pa amplia e dialogo y pa busca un solucion pa e desafio di turismo, cu “High Value, Low Impact” como punto di salida. “Nos kier un Aruba cu ta dushi pa biba, y hustamente p’esey, un Aruba cu ta dushi pa bishita. Pero esaki ta pidi decision, liderasgo y cooperacion” lider di MEP Evelyn Wever-Croes a duna di conoce.
P4
DIAmars 6 october 2026
Un prik, gran proteccion Vacunacion contra influenza disponible den bario
OR ANJESTAD-05 oktober 2026- Directie Volksgezondheid (DVG) ta informa cu manera tur aña den colaboracion cu CMO e bus lo bay ta den diferente bario pa brinda e vacuna contra influenza y facilitando asina e acceso pa busca e vacuna especialmente na personanan cu ta pertenece na un grupo di risico. E bus di vacunacion lo ta presente di 8:30 pa 11:30 di mainta na e siguiente fechanan y localidadnan: • Diamars 20 di october 2026: IMSAN • Diaranson 21 di october 2026: Centro di Bario Playa Pabao • Diahuebs 22 di october 2026: Centro Deportivo Santa Cruz • Diabierna 23 di october 2026: Stadion Frans Figaroa Pa ken vacunacion contra influenza ta recomenda? Vacunacion contra influenza ta especialmente importante pa personanan cu tin mas risico di haya complicacion serio si nan haya influenza. Esaki ta inclui: • Personanan di 60 aña of mas; • Adultonan entre 18 y 59 aña cu ta pertenece na un grupo di risico medico; • Adultonan y muchanan cu un risico medico halto, por ehempel personanan cu un trastorno serio di defensa;
• Personanan cu, debi na nan condicion medico of tratamento, a haya indicacion di nan dokter di cas, specialista of pediatra pa vacuna; • Hende mujer na estado cu ta cumpli cu e criterianan medico pa vacunacion; • Trahadornan den cuido cu tin contacto directo cu paciente, especialmente paciente vulnerabel; • Ciudadanonan cu ta inmobil na cama y cu no por acudi personalmente pa vacunacion. Ciudadano inmobil na cama Ciudadanonan cu ta inmobil na cama y cu debi na nan condicion, no por acudi na un localidad di vacunacion, por yama DVG na 522-4200 pa haci un cita pa vacunacion. Ken por haya e vacuna gratis? Personanan di 60 aña of mas por haya e vacuna gratis y mester trece nan carchi di AZV. Personanan bou di 60 aña cu ta pertenece na un grupo di risico medico mester trece nan carchi di AZV y un recept di dokter pa haya e vacuna Bo kier cumpra e vacuna? Personanan cu no ta bin na remarca pa vacunacion gratis, pero cu desea di vacuna contra influenza, por cumpra e vacuna pa Afl. 20,- na Seccion di Malesanan Infeccioso di
DVG, entre 1:30 pa 3:30 di atardi. No por cumpra vacuna na e bus den bario. DVG ta invita tur persona cu ta pertenece na un grupo di risico pa haci uso di e oportunidad y pasa vacuna na e localidad mas cerca di nan. Influenza ta mas cu un simpel griep. E por causa complicacion serio, specialmente cerca personanan vulnerabel. Vacunacion ta yuda reduci e risico di enfermedad grave y complicacion. Bo Salud, Nos Prioridad Pa mas informacion, like nos Facebook page Directie Volksgezondheid DVG Aruba, follow nos riba Instagram directie_ volksgezondheid_aruba, sigui nos den WhatsApp
Channel, ricibi tur informacion den Aruba Health App, bishita www.
dvg.aw, yama 5224200 of manda email na servicio@ dvg.aw
P5
DIAmars 6 october 2026
Parlamentario Otami Thomasia:
“E Era di Relevo mester wordo sinti den bida di pueblo” ORANJESTAD (4 di oktober 2026) — Parlamentario di AVP, Otami Thomasia, a destaca cu e Era di Relevo mester traduci den oportunidad pa muchanan, progreso pa famianan, cuido pa adultonan mayor y cambio den barionan. Durante su discurso na Congreso AVP 2026, celebra na Marriott Ballroom, Thomasia a conecta e transicion di liderazgo cu e responsabilidad di atende e necesidadnan di pueblo y haci bon uzo di su confianza. Su mensahe tabatin un base profundamente personal. Thomasia a expresa cu, ora e ta scucha su tanta Carmelita papia di liderazgo y inclusion, e ta reconoce e balornan cu awe e ta carga como parti di un generacion mas hoben, cu su propio voz, ideanan y responsabilidad.
El a describi como un honor e oportunidad di sigui den pasonan di su tanta. Alabes, el a reconoce e influencia di su oma, Nola Browne, kende a traha duro pa AVP y a laga un ehempel di disposicion pa yuda y ta presente pa otro. “Pa mi, servicio a cuminsa den cas,” Thomasia a expresa. “Mi a crece cu e ehempel cu ora bo por yuda, bo ta yuda. Ora hende tin mester di bo, bo ta presente.” Den e contexto di e transicion di liderazgo di Mike Eman pa Wendrick Cicilia, Thomasia a gradici Eman pa su servicio y dedicacion na Aruba y na e partido. Dirigiendo na Cicilia, el a destaca cu e responsabilidad grandi cu e ta asumi mester wordo sosteni door di un compromiso
comparti cu pueblo. Thomasia a pone enfasis riba un liderazgo cu ta inclui e hendenan rond di dje, scucha diferente opinion y balora experiencia. Pa e generacion nobo, el a pidi tanto espacio pa contribui como responsabilidad pa entrega. E significado di relevo, segun su mensahe, mester ta visibel den e realidad diario di e comunidad. “Den e mucha cu haya oportunidad. Den e famia cu por sali dilanti. Den e adulto mayor cu ricibi cuido. Den e bario cu finalmente mira e cambio cu a spera,” el a señala. Thomasia a destaca cu e trabou di su oma Nola y di tanto otro hende cu a duna nan tempo y curason na AVP ta pone un responsabilidad riba
e generacion actual. E confianza ricibi mester wordo utiliza pa sigui sirbi y contribui na un Aruba cu mas oportunidad pa tur. El a expresa gratitud na esnan cu a sirbi pueblo prome, reconociendo cu nan a habri e caminda cu e siguiente generacion por sigui awe. “Mi ta cla pa haci mi parti. Pa scucha, pa haci e preguntanan necesario y pa traha te ora nos mira resultado,” Thomasia a afirma. Cu e compromiso aki, Thomasia a vincula e legado familiar di servicio cu su tarea como parlamentario: honra e generacionnan anterior door di ta presente pa hende y traha pa e cambionan cu comunidad ta spera.
Salem Auguste a gradua como Bachelor den Organization, Governance and Management (OGM) ORANJESTAD - Dia 30 di September 2026, Salem Auguste a defende su tesis exitosamente y a obtene e titulo di ‘Bachelor of Arts’ for di e programa Organization, Governance and Management, Facultad di Arte y Ciencia. Salem Auguste a defende su tesis titula:
por evalua, prome cu promocion, e preparacion pa liderazgo di su empleadonan (Ladies and Gentlemen) pa un posicion di manager, di un forma consistente cu su Gold Standards y cu e contexto local di hospitalidad?
Assessing Leadership Readiness for Managerial Promotion at The Ritz Carlton Aruba.
E comision di graduacion tawata consisti di: • Zunaica Phillips MBA • Luciano Milliard LLM • Isabelle Meelis MSc
Salem Auguste a investiga den ki manera The Ritz-Carlton Aruba
Ta gradici e docentenan di e departamento di OGM y profesional cu a yuda of guia Salem
Auguste como studiante. Tambe ta gradici tur esnan na y pafo di Universidad di Aruba cu a contribui na un manera of otro na e acontecimento aki. Pa mas informacion tocante e estudio OGM, bishita e website di Universidad di Aruba na http://w w w.ua.aw/ogm, e pagina di Facebook @ UniversityofArubaOGM. MGL y e pagina di Instagram @ua_ogm.mgl.
P6
DIAmars 6 october 2026
Security di hotel a impedi chauffeur burachi stuur, polis kier a dun'e lift pa su cas pero chauffeur a resisti y nan a detene!
Diadomingo anochi a drenta informe di cu un chauffeur burachi kier a bay stuur p'e yega su cas pero un security atento a pensa cu pa e chauffeur su mesun bon polis hib'e su cas,
mesora a dirigi un patruya na e sitio. Polis a papia cu e chauffeur caprichoso pa nan hib'e su cas y despues den dia e bin busca su auto, pero ela nenga y resisti cu polis. No a keda nada otro
di cu polis detene ya cu e chauffeur burachi a dicidi pa drumi riba cama di beton na lugar di su dushi corchon na su cas.
Un auto a bay pasa otro net ora e ta birando den Caya Taratata dal e mande for di caminda y core bay
Diadomingo atardi a drenta informe di un accidente cu hende herida na Caya Taratata, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente hit & run unda un auto birando na man robes pa drenta Italiëstraat un otro ta bay pas'e dal e mand'e for di caminda
y a sigui core bay. Un testigo a bay tras di e auto y a tuma su number y datonan. Pa asina polis bay atende cun'e despues. E dama chauffeur di e auto a resulta herida pero despues di un control medico e dama no kier a bay hospital. Polis a keda di lo
P7
DIAmars 6 october 2026
Crea un comienso nobo den enseñansa: Inscripcion pa 21+ Toets na IPA ta habri
Nunca ta laat pa un comienso nobo! Si pa un of otro motibo bo mester a interumpi bo estudio of bo ta considerando cambio di carera, Instituto Pedagogico Arubano (IPA) ta duna bo e oportunidad pa cuminsa di nobo den ramo di enseñansa. Tur persona cu desde 1 di september 2027 tin minimo 21 aña y cu kier haci un estudio na IPA, pero no tin diploma di sea havo, vwo of mbo nivel 4, por inscribi pa haci e asina yama 21+ Toets. E 21+ Toets ta midi si bo tin nivel di havo cu ta necesario pa por studia na IPA. Si bo logra pasa e 21+ Toets cu exito, bo por inscribi pa un estudio inicial cu IPA lo ofrece durante aña academico 2027-2028. Asina cu bo inscribi bo ta bin na remarke pa participa na e test di admision (beroepstest) y e programa preparatorio (voorprogramma) cu lo tuma luga durante aña academico 2026-2027. Si bo logra pasa e test
di admision cu exito y completa e programa preparatorio bo por cuminsa cu bo estudio na augustus 2027.
Informacion Toets
di
21+
21+ Toets ta consisti di tres materia entre otro: Hulandes, Matematica y Hende y Comunidad. 21+ Toets ta tuma luga diasabra 20 di februari, diamars 23 di februari y diasabra 27 di februari 2027.
Tur informacion di 21+ Toets ta riba IPA su website. Bay na www. ipaaruba.com y click riba 21+Toets. Akinan lo bo haya informacion tocante contenido di 21+Toets, e preguntanan mas frecuente haci (Pag. 13 y 14 di e Toelichtingsdocument IPA 21+ toetsen voor het studiejaar 2027-2028) y procedura di inscripcion.
Anochi di informacion Banda di esaki lo tin anochi di informacion dialuna dia 26 di october 2026 di 7 pm - 8:30 pm na IPA (Sala Madonna). Bo lo haya splicacion di kico 21+ Toets ta encera. Alabes lo elabora riba contenido y trata ehempel di tarea di diferente materia cu ta forma parti di 21+ Toets. Inscripcion Tur persona cu ta interesa
Tuma accion pa Preveni, Proteha y Stop Dengue Con nos por stop Dengue?
pa haci 21+ Toets por inscribi via e website www.ipaaruba.com. Pa por inscribi mester cumpli cu e pago di AWG 100,- y pone como anexo copia di comprobante di pago den formulario digital di inscripcion. Tene na cuenta cu e comprobante mester tin bo nomber riba dje, p’asina nos sa na ken e pago ta pertenece. Na final bo lo ricibi confirmacion di bo inscripcion. E ultimo dia pa inscribi pa 21+
Toets ta 18 di januari 2027. Despues di e fecha aki no tin posibilidad mas pa inscribi. Esaki ta e oportunidad pa pone meta nobo y tuma bo futuro den bo man. Bay p’e! Pa keda altanto di e ultimo desaroyonan di IPA bishita www.ipaaruba.com y sigui nos riba pagina di facebook Instituto Pedagogico Arubano.
P8
DIAmars 6 october 2026
Women’s Club of Aruba ta organisa “Steps of Gratitude” – 5KM Fun Walk & Run pa sostene Dress A Child
Oranjestad, Aruba – Women’s Club of Aruba ta invita henter comunidad pa participa na “Steps of Gratitude – 5KM Fun Walk & Run”, cu lo tuma luga diasabra 28 di november 2026 na Eagle Beach. E actividad ta habri pa tur edad y tur nivel di condicion fisico y tin como meta trece famia, amigonan y comunidad hunto pa un atardi di movimento,
conexion y solidarismo. No ta necesario pa bo ta un corredor; cada participante por cana of core na su propio ritmo. Registracion ta cuminsa pa 4:00pm y e 5KM Fun Walk & Run ta sali pa 5:30pm, for di parking lot banda di Coco Loco na Eagle Beach. Costo di participacion ta AWG 10,pa persona. Cu “Steps of Gratitude”, Women’s Club of Aruba
kier anima comunidad pa move, disfruta di un actividad saludabel y, na mes momento, contribui na un bon causa. E fondo recauda cu e actividad lo bai pa sostene Dress A Child, un di e iniciativanan social di Women’s Club of Aruba dedica na yuda muchanan den nos comunidad. Durante su largo historia na Aruba, Women’s Club of Aruba a contribui na diferente proyecto social y comunitario. E organisacion ta gradici
di curason tur persona, compania y organisacion cu durante añanan a sostene su iniciativanan y a contribui na su trabou den comunidad. E sosten aki ta haci posibel pa WCA sigui realisa proyectonan cu ta beneficia nos comunidad. Women’s Club of Aruba ta extende un invitacion caluroso na henter comunidad pa uni cu nos pa “Steps of Gratitude”. Bin cana, core, disfruta di un atardi cu famia y amigonan y, mas importante ainda, sostene un bon causa.
Hunto nos por haci cada paso conta pa Dress A Child. Pa mas informacion y pa cumpra ticket, por tuma contacto cu miembronan di Women’s Club of Aruba na: 592-8400 | 733-3317 | 592-2873 STEPS OF GRATITUDE – 5KM FUN WALK & RUN Diasabra, 28 di november 2026 Registracion 4:00 PM Salida 5:30 PM Parking lot banda di Coco Loco, Eagle Beach AWG 10,- pa persona Walk. Breathe. Recharge.
P9
DIaMARS 6 DI OCTOBER 2026
Polis a detene chauffeur di edad burachi cu a sali raspa auto for di parkeerplaats
Polis a detene chauffeur di edad burachi cu a sali raspa auto for di parkeerplaats Diadomingo madruga a a drenta informe di un accidente chikito na Palm Beach, mesora a dirigi
un patruya na sitio. Na yegada di e patruya a bin haya un chauffeur di edad bebi cu na momento di sali a pasa raspa autonan. Mirando cu e tabata bebi polis a detene.
Problema di pareha den discucion homber a pusha dama ela cay kap cabes
Problema di pareha den discucion homber a pusha dama ela cay kap cabes. Homber deteni muher
hospitalisa! Diadomingo mainta a drenta informe di un discucion cu a bay fey control unda e homber
a pusha e dama y esaki a cay kap su cabes na San Barbola, mesora a dirigi tanto polis como ambulans
na e sitio. Na yegada di e patruya a bin compronde cu e homber lo a maltrata e dama y polis a detene. Na yegada di ambulans nan a atende e dama y a transporte pa hospital. Polis a detene e homber y a pidi un vehiculo di transporte pa hib’e warda di polis.
P 10
DIAMARS 6 DI OCTOBER 2026
Parlamentario Carlos Bermudez:
“Tempo ta cambia, pero preparacion, dialogo y unidad mester keda firme”
ORANJESTAD (4 di oktober 2026) — Durante Congreso AVP 2026, celebra na Marriott Ballroom, parlamentario ir. Carlos Bermudez a destaca cu e cambio di generacion y liderazgo mester cana hunto cu continuidad den preparacion, dialogo y unidad. Den e congreso, caminda liderazgo di AVP a pasa na Wendrick Cicilia, Bermudez a enfatisa cu e meta ta sigui ta bienestar di Aruba y su pueblo. Den su discurso, Bermudez a señala cu AVP a haci un contribucion enorme na desaroyo di Aruba, basa
riba compromiso, vision y amor pa e pais. El a expresa cu cada biaha cu e partido a asumi e responsabilidad pa goberna, e compromiso aki a guia su trabou pa duna pueblo loke e merece. Bermudez a reconoce cu tempo y generacionnan ta cambia. Cada generacion ta trece pensamento y ideanan nobo, hunto cu otro manera di mira e retonan di e pais. Den e proceso aki, el a destaca importancia di duna hende nobo espacio, scucha nan y permiti nan contribui. Alabes, el a subraya cu tin practicanan di trabou cu
mester
wordo
manteni.
Haciendo referencia na e recordatorio di ex presidente di Parlamento, Marco Christiaans, Bermudez a menciona importancia di sinta hunto prome cu reunionnan di Parlamento, evalua loke a pasa y prepara strategianan pa enfrenta e retonan cu ta bin. “Por tin cambio den pensamento y liderazgo, pero preparacion, dialogo y unidad mester keda firme,” Bermudez a afirma, agregando cu e practica aki mester ta presente tanto den parlamento como den sala di conseho di minister. Pa Bermudez, representa pueblo y goberna e pais ta un responsabilidad grandi cu ta exigi dedicacion y liderazgo cu un bista hancho. El a describi AVP como un partido di vision y a señala cu, bou di e liderazgo nobo, e trabou mester sigui cu e mesun meta: bienestar di Aruba y
su hendenan. Un otro punto central di su intervencion tabata union. Bermudez a destaca cu Aruba ta di nos tur y cu diferencia di opinion mester wordo trata cu respeto y amor pa e pais. “Ta NOS ta Aruba!” el a expresa, enfatizando cu no tin espacio pa desunion riba nos isla. Durante su discurso, Bermudez a gradici Marco pa su palabranan di motivacion, describiendo ne como un di e baluartennan di Noord y reconociendo su compromiso y aporte na Aruba. Bermudez a cerra cu un yamada na coleganan y simpatisantenan pa sigui hunto, combina experiencia cu energia nobo y vision, y mantene confianza den otro cu un solo meta: “Un Aruba miho pa nos tur!”
P 11
DIAMARS 6 DI OCTOBER 2026
ARUBA BANK TA APOYA BIENESTAR DI ADULTO MAYORNAN NA GOLDEN AGE EXPO 2026 planeamento di biahe y ofertanan, opcionnan di entretenimento y conseho financiero. E programa a inclui un bingo gratis, dunando bishitantenan un otro oportunidad pa disfruta e dia hunto. Patrocinio di Aruba Bank ta refleha su compromiso cu bienestar di nos comunidad na tur etapa di bida. Acceso na informacion financiero cla por ta especialmente balioso ora di planea pa retiro, maneha gastonan diario of considera oportunidadnan nobo. Eventonan manera Golden Age Expo ta haci esaki mas
PUEBLO A HHAÑA SU PEN BEK
Pa kualkier informacion solodipueblo@gmail.com of
☎ 585-9500
Oranjestad – 05 di oktober 2026 - Aruba Bank tabata contento di patrocina Golden Age Expo 2026, cu a tuma lugar diasabra 3 di oktober na Club Kibrahacha. E evento, dedica na bienestar, estilo di bida di nos adulto mayornan,
a reuni informacion y servicionan cu por yuda nan tuma decisionnan pa añanan venidero. Durante e expo, bishitantenan tabatin oportunidad di haya informacion tocante evaluacion di salud y bienestar, conseho medico,
facil pa adulto mayornan y nan famianan, caminda diferente opcionnan ta disponibel na un solo lugar. Aruba Bank ta contento cu por a patrocina un evento cu ta pone adulto mayornan di Aruba na prome lugar. Golden Age Expo a brinda un oportunidad pa encontra otro, siña y descubri maneranan pa keda saludabel, contento y activo. Aruba Bank ta gradici e organisadornan, organisacionnan participante y tur esnan cu a contribui na Golden Age Expo 2026.
P 12
DIAMARS 6 DI OCTOBER 2026
Mike Eman: “Relevo ta responsabilidad entrega na un siguiente generacion”
Den un discurso carga cu historia, recuerdo y emocion, Mike Eman a despedi awe como lider di Partido AVP, poniendo su propio trayectoria den un historia cu, manera el a enfatisa, no a cuminsa cu su 25 aña di liderazgo. El a bay bek na e raisnan di un pensamento di servicio na pueblo, recordando su welo Cornelis Hendrik “Cornes” Eman, despues e generacionnan cu a sigui y e lucha di AVP pa un Aruba caminda progreso y oportunidad mester beneficia pueblo. Un hilo cu, segun Eman, a pasa di generacion pa generacion y cu tin Bon Comun, husticia y servicio na prohimo como su fundeshi. Eman a recorda tambe Henny Eman, su liderazgo y e mensahe di speransa di Un Aruba Nobo. Cu emocion, el a reconoce e rol di su propio famia, particularmente su mama, kende a acompaña
diferente generacion durante nan trayectoria politico. Mirando bek riba su propio
periodo como lider, Eman a expresa profundo gratitud pa e confiansa y cariño cu el a ricibi di pueblo durante
añanan. El a recorda momentonan dificil, eleccionnan, lucha y causa social cu a marca su trayectoria, incluyendo e compromiso pa un pensioen mas husto pa adultonan mayor. Pero su despedida a mira principalmente dilanti. Eman a expresa cu e ta profundamente contento cu e por haci un transicion organisa, mientras e ainda tin salud, energia, idea y compromiso pa sigui sirbi. P’e, relevo no mester nifica cu experiencia ta desaparece, sino cu responsabilidad por pasa conscientemente na un siguiente generacion. Cu esey, el a expresa su confiansa den Wendrick
Cicilia, na kende e ta traspasa liderazgo di Partido AVP. “Mi ta sinti den su curason, mi ta sinti den su conciencia, mi ta sinti den su compromiso, cu e ta sinti tambe e mesun yamada aki.” Un yamada pa sirbi, proteha y lucha pa comunidad. Awe, despues di 25 aña na cabes di AVP, Mike Eman ta entrega liderazgo den e mesun spiritu cu el a describi durante su discurso: cada generacion ta ricibi un responsabilidad, carga esaki durante su turno y despues entrega esaki na esnan cu ta bin. Un capitulo ta cera. Era di Relevo ta sigui.
P 13
DIAMARS 6 DI OCTOBER 2026
ATIA TA NOMBRA DERCHLIEN G. DIJKHOFF COMO SU DIRECTORA NOBO
Oranjestad, 5 di october 2026 – Aruba Trade & Industry Association (ATIA) tin e placer di anuncia e nombramento di Sra. Derchlien G. Dijkhoff como Directora di e asociacion, efectivo 1 di november 2026. “Nos ta hopi contento di yama Sra. Dijkhoff bon bini como Directora di ATIA,” Sr. Danilo Werleman, Presidente di e Hunta di Comisario di ATIA, a bisa. “Su experiencia
den maneho strategico, relacion cu stakeholders y colaboracion entre sector publico y priva ta exactamente loke ATIA mester den e siguiente fase di su desaroyo. Nos tin tur confiansa cu bou di su liderazgo, ATIA lo sigui crece como un bos fuerte y representativo pa e comunidad empresarial di Aruba.” Sra. Dijkhoff ta trece mas cu 15 aña di experiencia den maneho strategico di programa y proyecto, relacion cu stakeholders, marketing, comunicacion, evento y desaroyo organisacional den e region Caribe. Durante su carera, e la dirigi team multidisciplinario, maneha presupuesto, desaroya iniciativanan strategico y construi colaboracion entre e sector
publico y priva. Desde 2023, Sra. Dijkhoff ta ocupa e posicion di Senior Product Specialist na Aruba Tourism Authority (A.T.A.), unda e ta contribui na programanan strategico enfoca riba fortalecemento di e ecosistema turistico y social di Aruba. Su responsabilidadnan ta inclui planificacion strategico, maneho di proyecto y presupuesto, relacion cu stakeholders y prensa. Prome cu e la drenta A.T.A., Sra. Dijkhoff a ocupa posicionnan di liderazgo como Marketing Manager na Tourism Corporation Bonaire y Director Project & Events Management na UNICUS. E posicionnan aki a dun’e un base solido den marketing, comunicacion, evento internacional, desaroyo di sponsorship y project management. Ademas di su trayectoria profesional, Sra. Dijkhoff tin un fuerte compromiso cu desaroyo di comunidad y empresario. E la ocupa diferente posicion di liderazgo den Kiwanis International, tanto na Bonaire como na Aruba, incluyendo dos termino consecutivo como Presidenta. E tambe a contribui como Leadership Coach na Qredits Bonaire, guiando startups y emprendedornan den desaroyo di nan negoshi y nan capacidad di liderazgo. Su involvimiento ta enfoca riba desaroyo di hubentud, participacion comunitario, liderazgo organisacional y apoyo na emprendedornan. Como Directora, Sra.
Dijkhoff lo traha hunto cu e Hunta di Comisario di ATIA, miembronan, partnernan empresarial, gobierno y otro stakeholdernan pa sigui fortalece e rol di ATIA como bos representativo di e comunidad empresarial, y pa avansa iniciativanan cu ta contribui na un economia fuerte, competitivo y sostenible. Prome prioridadnan como Directora “Mi ta sumamente honra di asumi e rol aki y mi ta agradecido na e Hunta di Comisario di ATIA pa e confiansa cu nan a pone den mi,” Sra. Dijkhoff a bisa. “Durante mi prome lunanan, mi enfoke lo ta riba scucha, conoce e organisacion y su miembronan, y pone un base solido pa e añanan cu ta bin.” Den e prome fase aki, Sra. Dijkhoff lo concentra riba e siguiente areanan. Durante e proceso di ‘onboarding’ lo tin un periodo di orientacion cu
reunionnan cu e Hunta di Comisario, e personal, miembronan y partnernan, pa haya un bista completo di e operacion, e retonan y e oportunidadnan actual di ATIA. Desaroyo di un plan strategico den colaboracion cu e Hunta di Comisario, cu metanan clave, prioridadnan defini y resultadonan midibel pa e aña venidero. Alaves fortalece e comunicacion y e relacion cu e miembronan existente, scucha nan necesidadnan y agrega mas balor na e membresia. “E forsa di ATIA ta den su miembronan,” Sra. Dijkhoff a agrega. “Mi ta wak dilanti pa traha man den man cu nan, cu e Hunta di Comisario y cu nos partnernan, pa hunto nos por construi un organisacion mas fuerte, mas visibel y mas relevante pa e comunidad empresarial di Aruba.” ATIA ta duna Sra. Dijkhoff un cordial bonbini y ta dese’e tur exito den su funcion nobo.
P 14
FORTALEZA PA FAMIA
DIAMARS 6 DI OCTOBER 2026
Scirbi pa Pastor Marcel Balootje.
E LUS DI DIOS TA TRECE CLARIDAD TUR CAMINDA No tin ningun hende cu por tapa locual Dios kier saca na cla, no tin ningun hende cu por stroba man di Dios move, e unico cos cu Dios ta pidi di nos ta Humildad Y Obediencia. Ora e dos cosnan ey ta presente den nos bida, nos no tin mester di pleita ni discuti pasobra Dios mes lo bringa pa nos. No tin nada cu por danja un curason puro y recto, no tin nada pa stroba bendicion di esnan cu ta cana den lus di Dios. Cueba di Leon no por a wanta Daniel, candela no por a kima Sadrac, Mesac y Abednego, Goliat no por a cana David, y awe si bo ta pasa den cualquier situacion incomodo, e lus di Dios, e berdad di Dios, e pas di Dios lo guia bo caminda, y kita tur baranca y haci bo caminda liso. No tin motibo pa preocupa, ora bo sa ken bo ta, y cu ken bo ta cana, pasobra si bo ta cana cu Dios , semper por bini atake di e enemigo, pero Dios lo librabo di tur cos, pasobra bo ta den e luz di Dios. Aunke con scur e nubia di maldad por ta , e lus di Dios ta penetra, no ta importa cuanto contrincante bo tin, e bataya ta di Senjor, para keto y wak riba Senjor, spera riba dje y e lo bringa
pa bo.
bon.) Proverbionan 15:3).
Tur cos nos por den Cristo , Kende ta duna nos fortaleza, Dios nunca ta yega laat, y Dios no ta laga nada na mitar, tur promesa di Dios ta cumpli y tur ta Si y Amen.
Ami Senjor ta scrudinja curason y Mi ta samina mente,pa duna cada un segun su conducta, segun e fruta di su hechonan.( Jeremias 17:10).
Ta Dios ta esun cu ta lanta hende cu a cay, ora tur hende por bandonabo,Dios tey cu bo pa demostra cu e ta Dios, semper Dios tin recurso, y semper Dios tin salida. Lanta riba y cohe e rapport di dokter y pone dilanti di Dios, bay na bo rudia y presenta bo caso dilanti di Dios, pasobra Dios tey pa nos tur hamas lo e laga e husto desampara. Dilanti di Dios, berdad lo topa cu berdad, pasobra nada no ta bay keda scondi, pasobra e presencia di Dios den bo bida, ta mas grandi cu tur esnan cu ta contra bo, y hasta diabel sa esey. Na unda mi por bay for di Bo Spirito? Ma unda mi por huy bay for di bo presencia? Si mi tuma hala di marduga, si mi bay biba den partinan mas aleha di laman. Ayanan tambe bo man lo guiami, y bo man drechi lo cohe mi tene. ( Salmo 139:7-10). E wowo di Senjor ta caminda vigilando malo y
Tur momento cu nos mester di yudansa di Dios, nos mester hinca tur cos den su man, y no sigi lucha riba nos propio forsa, no sigi den nos propio entendimento, pero confia Dios, pasobra manera e solo ta sali mainta cu su rayonan di claridad, asina berdad lo sali na cla, y ningun hende por sconde.
Oracion Di Dia
Hesus a bisa Ami ta e caminda di berdad y e bida, ni un hende por yega cerca e tata, si no ta pa medio di Mi. Hesus a bisa Ami ta e lus di mundo, esun cu cana cu Mi lo no ta den scuridad.
Pesey nos mester cana cu Cristo Hesus, laga E tene nos man, laga E ta nos guia. E por , E tin poder. Sinceramente, Marcel Balootje.
Pastor
Un feliz dia yena di bendicion y misericordia di Dios. E ora ey Pedro a acerca Hesus y puntr’E:”Señor, cuanto biaha mi mester laga mi ruman peca contra mi y toch pordon’e? Te shete biaha?” (Mateo 18, 21) Hesus a bisa no shete biaha, pero setentishete biaha shete, mester pordona otro tur dia di nos bida. Si un hende no ta dispuesto na haci bon cu su prohimo, e no por ta un Cristian berdadero, e no ta digno pa tuma parti na e mesa na cua Hesus ta combida siguidonan. Solamente esnan cu a trata na pordona otro ta capaz na ofrece Dios un sacrificio den su bista. Dios no lo mustra misericordia ora e husga esun cu no tawatin misericordia cu otro hende, pero esun cu si tawatin misericordia lo sali victorioso na momento di huicio.(Hacobo 2, 12-13) Misericordia mi kier y no sacrificio. Mi no a bini pa yama hende husto, ma pa yama pecado.( Mateo 9,13) Oracion: Señor Hesus Abo cu ta misericordioso y cu ta cla pa pordona nos y cu ta bisa nos cu boso mentalidad mester cambia henteramente y boso mester bisti e bisti di un hende nobo, siña nos con pa pordona y pa ta misericordioso cu nos prohimo pa medio di Cristo nos Señor. Amen.
P 15
DIAMARS 6 DI OCTOBER 2026
Parlamentario Otami Thomasia:
“E Era di Relevo mester wordo sinti den bida di
ORANJESTAD (4 di oktober 2026) — Parlamentario di AVP, Otami Thomasia, a destaca cu e Era di Relevo mester traduci den oportunidad pa muchanan, progreso pa famianan, cuido pa adultonan mayor y cambio den barionan. Durante su discurso na Congreso AVP 2026, celebra na Marriott Ballroom, Thomasia a conecta e transicion di liderazgo cu e responsabilidad di atende e necesidadnan di pueblo y haci bon uzo di su confianza. Su mensahe tabatin un base profundamente personal. Thomasia a expresa cu, ora e ta scucha
su tanta Carmelita papia di liderazgo y inclusion, e ta reconoce e balornan cu awe e ta carga como parti di un generacion mas hoben, cu su propio voz, ideanan y responsabilidad. El a describi como un honor e oportunidad di sigui den pasonan di su tanta. Alabes, el a reconoce e influencia di su oma, Nola Browne, kende a traha duro pa AVP y a laga un ehempel di disposicion pa yuda y ta presente pa otro. “Pa mi, servicio a cuminsa den cas,” Thomasia a expresa. “Mi a crece cu e ehempel cu ora bo por yuda, bo ta yuda. Ora hende tin mester di bo, bo
ta presente.” Den e contexto di e transicion di liderazgo di Mike Eman pa Wendrick Cicilia, Thomasia a gradici Eman pa su servicio y dedicacion na Aruba y na e partido. Dirigiendo na Cicilia, el a destaca cu e responsabilidad grandi cu e ta asumi mester wordo sosteni door di un compromiso comparti cu pueblo. Thomasia a pone enfasis riba un liderazgo cu ta inclui e hendenan rond di dje, scucha diferente opinion y balora experiencia. Pa e generacion nobo, el a pidi tanto espacio pa contribui como responsabilidad pa entrega. E significado di relevo, segun su mensahe, mester ta visibel den e realidad diario di e comunidad. “Den e mucha cu haya oportunidad. Den e famia cu por sali dilanti. Den e adulto mayor cu ricibi cuido. Den e bario cu finalmente mira e cambio cu a spera,” el a señala. Thomasia a destaca cu e trabou di su oma Nola y di tanto otro hende cu a duna nan tempo y curason na AVP ta pone un responsabilidad riba e generacion actual. E confianza ricibi mester wordo utiliza pa sigui sirbi y contribui na un Aruba cu mas oportunidad pa tur. El a expresa gratitud na esnan cu a sirbi pueblo prome, reconociendo cu nan a habri e caminda cu e siguiente generacion por sigui awe.
“Mi ta cla pa haci mi parti. Pa scucha, pa haci e preguntanan necesario y pa traha te ora nos mira resultado,” Thomasia a afirma. Cu e compromiso aki, Thomasia a vincula e legado
familiar di servicio cu su tarea como parlamentario: honra e generacionnan anterior door di ta presente pa hende y traha pa e cambionan cu comunidad ta spera.
28 ANJA DEN SIRBISHI Cada anja ta trese mas conosemento Hasi nos alma mas contento Awe Vidente Valerie ta cumpli 28 anja sirbiendo Dios scuchando Mama Maria su bos Festehando cu angelnan Meymey di fielnan Pabien na cada un di boso pa asisti fielmente Na tur sirbishi na tur celebracion Cu ta duna hopi bendicion Alegria y fortalece nos fe Awe nos ta celebre Un hende muhe fuerte dynamico energetico y hopi inspira Bunita den alma cu awe den mas amor eleva Pabien y danki lieve Valerie Pa a bisa si 28 anja pasa Nos a sigi reza y gradici Nos a sigi canta y ricibi Nos a sigi reuni Nos a sigi alaba nos Christo Rey Cu meymey di nos semper tey Pasobra unda 2 of mas reuni den Su nomber E ta cu nos E ta stima nos Na Su nomber Gloria Grupo di oracion Modanza ta sigi marca historia Hiep hiep hiep Hoerraaaaaaaa Awe cu 28 anya di amor y sirbishi logra Ruthy Lady Ruth
P 16
SUDOKU
DIAMARS 6 DI OCTOBER 2026
Parlamentario John Hart:
“AVP A NACE PA TRAHA HISTORIA, NOS TA PARTI DI HISTORIA” ORANJESTAD (4 di oktober 2026) — Parlamentario di AVP, John Hart, a reafirma e compromiso di su partido cu construccion, union y bienestar general di Aruba durante su discurso na Congreso AVP 2026, celebra na Marriott Ballroom. Den e encuentro, caminda liderazgo di AVP a pasa na Wendrick Cicilia, Hart a destaca vision, responsabilidad y curashi como e tres caracteristicanan cu ta guia e partido. Hart a cuminsa reconociendo e legado di esnan cu a cana dilanti. El a señala cu e generacion actual ta para riba nan schoudernan y ta haya inspiracion den nan vision y concepto di liderazgo. Segun Hart, e combinacion di vision, responsabilidad y curashi a contribui na forma AVP como e partido cu e ta awe. El a recorda cu AVP ta e partido cu mas aña di existencia na Aruba y cu, den e ultimo eleccion, un biaha mas el a resulta como e partido mas grandi di e pais. Hart a presenta e trayectoria aki como un responsabilidad pa sigui traha na bienestar general di e comunidad. Den su discurso, Hart a critica loke el a describi como intentonan di oponentenan politico pa crea division y debilita e spirito Arubiano. El a expresa preocupacion cu, segun su evaluacion, mensahenan di
negativismo den radio y corantnan ta stroba debatenan importante pa bienestar di e pais. Frente na esaki, Hart a reafirma e direccion cu AVP kier sigui: “Nos kier construi, no destrui. Nos kier union, no desunion.” Pa ilustra e balor di curashi, Hart a referi na e periodo despues di ceramento di Lago. El a destaca cu na 1986, Aruba a demostra curashi door di traha duro pa supera e retonan cu e ceramento a trece cu ne. E experiencia aki a sirbi den su discurso como un recordatorio di e capacidad di e pueblo pa enfrenta dificultad y sigui dilanti. Hart a identifica s o l i d a r i d a d , responsabilidad y defensa di e pais como fuentenan di inspiracion pa e trabou di AVP. Alabes, el a pone enfasis riba husticia social, splicando cu esaki ta nifica traha pa atende e necesidadnan humano real den e comunidad. Den e contexto aki, Hart a anuncia cu pronto leynan importante lo yega na sala di Parlamento, entre nan
legislacion pa pension general pa trahadornan y pa cuido di adultonan mayor. El a relaciona e iniciativanan aki cu e compromiso di e partido pa duna respuesta na e necesidadnan di hende. E leynan anuncia pa pension general y cuido di adultonan mayor ta duna un direccion concreto na e compromiso cu Hart a reafirma durante e congreso: traha pa atende e necesidadnan real di e comunidad, guia pa solidaridad, responsabilidad y husticia social. “AVP a nace pa traha historia, nos ta parti di historia,” Hart a expresa, vinculando e legado di e partido cu e responsabilidad di sigui contribui na bienestar di Aruba.